Post: #1
Title: tmbis
Author: مريم بنت الحسين
Date: 11-06-2006, 03:11 AM
Parent: #0
ياخي كلامك بقة كتييييييييير، وغناك شوية، سيب النقة ونزل غنا حلو من بيت الكلاوي، زي زمان ..
الغربة (المجقلبة) بيك دي، داويها بالموسيقى والحروف الندية الطاعمة مش بالنقة. يلا أرح حصة موسيقى ...
|
Post: #2
Title: Re: tmbis
Author: على محمد على بشير
Date: 11-06-2006, 03:14 AM
Quote: ياخي كلامك بقة كتييييييييير، وغناك شوية، سيب النقة ونزل غنا حلو من بيت الكلاوي، زي زمان ..
الغربة (المجقلبة) بيك دي، داويها بالموسيقى والحروف الندية الطاعمة مش بالنقة. يلا أرح حصة موسيقى ... |
صدقتى وايم الحق يا بنت الحسين
ولا فض فوك
|
Post: #11
Title: Re: tmbis
Author: مريم بنت الحسين
Date: 11-06-2006, 09:03 AM
Parent: #2
يا ربي قرا الكلام ده وطنّش...؟
|
Post: #3
Title: Re: tmbis
Author: معتصم دفع الله
Date: 11-06-2006, 03:33 AM
البركة في الشوفة يا مريم ..
والطلة الحلوة دي ..
وتحية خاصة لشقيقي تمبس ..
|
Post: #4
Title: Re: tmbis
Author: علاء الدين حيموره
Date: 11-06-2006, 04:46 AM
Parent: #3
باقي تمبس مما خطب هبة الله بقى تقيل ...
اتحرك شوية .
|
Post: #9
Title: Re: tmbis
Author: مريم بنت الحسين
Date: 11-06-2006, 08:59 AM
Parent: #4
هبة مين؟
|
Post: #12
Title: Re: tmbis
Author: علاء الدين حيموره
Date: 11-06-2006, 09:27 AM
Parent: #9
هبة الله بت علاء الدين حيمورة ..
|
Post: #10
Title: Re: tmbis
Author: مريم بنت الحسين
Date: 11-06-2006, 09:01 AM
Parent: #3
معتصم إزيك.. وكل سنة وانت طيب.. والله انا قاعد اتاوق كتييير.. لكن مشاغل الحياة..
|
Post: #5
Title: Re: tmbis
Author: انعام عبد الحفيظ
Date: 11-06-2006, 04:54 AM
| Quote: ياخي كلامك بقة كتييييييييير، وغناك شوية |
مريم والله كلامك صاح
هسه انا طلبت منو اغنية
عامل لي فيها نايم
اصحى يا تمبس 
|
Post: #6
Title: Re: tmbis
Author: saif massad ali
Date: 11-06-2006, 05:18 AM
Parent: #5
سلام للجميع
كدي اقيفوا شويه هو تمبس خطب
طيب المقعدوا في الخور شنو
يالطيف
|
Post: #7
Title: Re: tmbis
Author: عمر الفاروق
Date: 11-06-2006, 05:22 AM
زمان الناس لمن تشتغل للفنانين وتقول ليهم ياخ خليكم في غناكم يقولوا ليك الفنان زيو زي باقي الناس عندو قضية وبيدافع عنها ..
عن نفسي إقتنعت بهذه المقولة وعليه اتمنى ان يواصل تمبس في خطه الذي ينتهجه هذه الايام لا لشئ إلا لأن تمبس بالإضافة إلا انه فنان فهو صاحب قضايا ومواقف ...
بي صراحة كده انا تمبس عاجبني جداً الأيام دي ومش لأنو ماشي في خط مشترك معانا أبداً ..بس لأنو قلب للناس ظهر المجن بعد ما كانوا قايلنوا زول ضانايا ساي وزول بهجة وغنا وبس ..
تمبس بتاع كلو !!!!!!!
تحياتي للجميع
|
Post: #8
Title: Re: tmbis
Author: حمزاوي
Date: 11-06-2006, 05:53 AM
أم محمود
أكو نادركو مسكاقجلو
محمود ويافينا
تمبس ما عندو اغاني من أندنا
يمكنكم الاستعانة ببوست سيد بيكاب ( اغاني نوبية )
|
Post: #13
Title: Re: tmbis
Author: عادل جبارة
Date: 11-06-2006, 07:09 PM
Parent: #8
تمبس يا فنان
أشجينا بي نغمك الرنان
طل علينا بي نظرة من بستان
يفوح بالزهر البي عطر رويان
خلي مريم بت الحسين تطرب وكمان
ناس سجيمان
خليك من خطوبة هبة العايزة ليها زمان
ما دخلوها الكتاب وعايزين يكوسوا ليها الخطبان ؟
|
Post: #14
Title: Re: tmbis
Author: tmbis
Date: 11-06-2006, 07:53 PM
Parent: #13
الاعزاء ..
مريم ( ونادر ) ..
..
والاعزاء ..
علي محمد علي بشير..
ومعتصم أبو الدفاع
وعلاء الدين حيمورة ( أبو خطيبتي ) هبوية العسل
أنعام عبد الحفيظ
سيف مساعد
عمر الفاروق
حمزاوي
عادل جبارة ...
صدقوني .. وللاسف البورد اصبح حسب وجهة نظري لا يصلح للكثير من الاشياء الجميلة بخلاف الكلام الكتير جدا مع اصحاب الكلام .. وطالما اتحول لي مساحة أخري غير العرفناها أو عشنا فيها فترة من الزمن جميلة وصلنا فيها ما دخلنا من أجله .. لكن أختلف الزمن ـ واختلف شكل البورد .. ومثل هذا البوست الجميل المحرض على لغة الموسيقى لغة الروح عجزت أن اتعامل معه ما أن لمحته ..
شكرا لكل الأخوة الذين يبحثون عن الاشياء الثمينة وسط كومة من النفايات ..
كونوا هنــا بحضوركم الجميل .. وعلى وعد أن تكون مساحة أجمل ويوم بكره برضو أجمل ..
اشكركم تاني .. وح أكون معاكم
|
Post: #15
Title: Re: tmbis
Author: Aymen Tabir
Date: 11-07-2006, 03:21 AM
Parent: #14
| Quote: وللاسف البورد اصبح حسب وجهة نظري لا يصلح للكثير من الاشياء الجميلة بخلاف الكلام الكتير جدا مع اصحاب الكلام .. وطالما اتحول لي مساحة أخري غير العرفناها أو عشنا فيها فترة من الزمن جميلة وصلنا فيها ما دخلنا من أجله .. لكن أختلف الزمن ـ واختلف شكل البورد |
Quote: ومثل هذا البوست الجميل المحرض على لغة الموسيقى لغة الروح عجزت أن اتعامل معه ما أن لمحته ..
|
تمبس يا صاحبي الرائع
الاثنين دي ودي ما بركبوا يعني صعب عشان المود العام الزول يغير موده . عارف يا تمبس انا بكن ليك تقدير ما عادي لانك قادر على خلق التميز والتفرد بجداره ولانو بفرحوا بيك ناس تانين ..زي مريم وانعام وووووو والدهب دايما بتجلوهو النار نار الضيق والخنقه - الكلام الكتير سمح قصرو وزي ما بقولوا اخره كوم تراب ..المرايات اختراعه كان خطري عشان كان الناس ابين عوجات ديل يشوفوها براهم وبعدين بامنوا .. خليك في جمال عطاءك ومنحك فرحنا ومريم وانعام وكل الناس ..يا ريت لو كان شفته قدر شنو بالزول الوسيم حد البكا ابوي الله يرحمه والعيد والنعام وانت والغربه ولعنات سنينه ..كان طقس سميته طقس الاندياح ورفعته ايدي للسما ودعيت الله يخضر ضراعك واتمنيت لو القاك واحكي ليك ..
تمبس المكان ده زي المنجم الغالي فيهو مدفون بالطمي لكن ده ما رخص عيار دهبه النقي .. بس امبارح لمن زهجته من الطهاره وموضوعات الانصراف لقيت بوست خدر عن الحقيبه يا الللللله ..فعلا كبرت كراعي من الفرح واتمنيت انو المكان ده لا يفوت لا يموت عشان فيهو الفرح.
معليش يا مريم انا زيك بشتاق للسمحين ودايرهم دايما هنا وما بتعب افتش ليهم .
تمبس
ومريم وانعام وكل الحلوين
تعالوا نهد القبح الحوالينا ..ونقد عينو بي ضوء الفرح
ود السر !
|
Post: #16
Title: Re: tmbis
Author: ابو جهينة
Date: 11-07-2006, 03:37 AM
Parent: #15
الأخت مريم
كل سنة و إنت و الأسرة بألف خير
قال تمبس
| Quote: كونوا هنــا بحضوركم الجميل .. وعلى وعد أن تكون مساحة أجمل ويوم بكره برضو أجمل .. |
و هذا ما تعنيه حروف لقبه الذي يحمله TMBIS
T = Tomorrow
M = may
B = Be
i = infinitely
S = Sweet
Tommorrow May Be Infinitely Sweet
شايفة الزول مُرَقِّد للجمال و البهجة و الفرح كيف من زماااااااااااااااااااان .؟
خليهو يروق شوية .. و حيجيكم بمزاج
دمتم
|
|