Post: #1
Title: اشمعنا يا عم التنقو.. .. ده لحن الجمعة يا جماعة...
Author: مريم بنت الحسين
Date: 10-08-2004, 07:53 AM
Parent: #0
انا غنيت ليك أغاني...
انت الليك الشعرا غنّو...!
|
Post: #2
Title: Re: اشمعنا يا عم التنقو.. .. ده لحن الجمعة يا جماعة...
Author: راشد يحى مدلل
Date: 10-08-2004, 01:29 PM
Parent: #1
تشكَرات يابت الحسين
|
Post: #3
Title: Re: اشمعنا يا عم التنقو.. .. ده لحن الجمعة يا جماعة...
Author: Soumeta
Date: 10-08-2004, 11:09 PM
Parent: #1
الغنية دي بتذكرني بي حبيب قديمم
مريوم لو سمحتي دسو لي البوست ده جوة جوة سريع أسع أُمي تجي خاشة تلقاني مكبوبة كده،،
يا سالام يا عسل،،،سمحة الغنية و الكان بغنيها،،
ما قت حاجة أنا،،
|
Post: #4
Title: Re: اشمعنا يا عم التنقو.. .. ده لحن الجمعة يا جماعة...
Author: الجيلي التجاني جمعه
Date: 10-08-2004, 11:46 PM
Parent: #3
بنت الحسين يا رائعة ،،،
تسلمي على اللحن والاهداء الجميل
شكرا كثيفا .........
الجيلي ،،،
|
Post: #5
Title: Re: اشمعنا يا عم التنقو.. .. ده لحن الجمعة يا جماعة...
Author: نادر
Date: 10-09-2004, 01:18 AM
Parent: #1
محمود عبد العزيز بوعي أو بلا وعي استطاع أن يكون رقما في خارطة الغناء السوداني ... ظهر بقوة ... ألتف حوله الشباب ... دار جدل ونقد كثيف حيال تجربته ... في الغالب انصب جل النقد في جانب التقليد وعدم التركيز على أعماله الخاصة وترديد أغاني الغير ... استمر محمود عبد العزيز بنفس قوة البداية ... تقليد أعمال خاصة ديوتوهات ... أغاني مصورة ... أغاني مسلسلات ... إثارة في الصحف ... قصص واقعية ومن نسج الخيال حول شخصيته ... السؤال هل كان محمود على إدراك بما يحدث حوله وتعامل مع كل ذلك بوعي؟ أم أنه فقط (طنش) لأنه لا يملك أدوات الرد؟ أم أنه أصلاً لم يطلع على كم النقد الهائل الذي دار حول أداءه وأعماله واختياراته؟ ليصبح بعد بعد كل ذلك فنان كل الأوساط نخبة القوم وعامتهم... فتجد شريط محمود في الكافتيريات العامة في السوق العربي والسوق الشعبي وسوق أم دفسو ... وتجد نفس الشريط في كاسيت سيارة بروفسير بجامعة الخرطوم قسم اللغة الفرنسية يعيد به الشجن الهارب جراء يوم أكاديمي جامد وجاف وخالي من الرومانسية والعذوبة ...
عمك تنقو شكلو لحن الخميس تأمينو إضرب مع البداية القوية للحن الجمعة ...
مريم بنت الحسين ... شكراً على هذا الامتاع الراقي ...
|
Post: #6
Title: Re: اشمعنا يا عم التنقو.. .. ده لحن الجمعة يا جماعة...
Author: مريم بنت الحسين
Date: 10-09-2004, 01:30 AM
Parent: #1
راشد يحي... والله جبرته بي خاطري..  ... الأغنية عجبتي.. قلت أضارب على عمك تنقو، ما لفت معاي.. رصيده قوي عمك تنقو.. لكن برررررررررضه، ما بخليها..
Soumeta... صاحبتي العسل.. ياخ ما ممكن.. في أغاني كده يا زوز.. بتدخل جووووووه.. حتى لو ما غناها حبيب قديم.. بجي حبيب جديد يغنيها  .. ولا شنو يا فرده؟ ما كلمتيني بيهو، ده منو الأمه داعيه عليهو وبقى قديم؟
الجيلي.. العفو يا أخوي.. أنا برضه استمتعته بي اللحن الراقي.. وصوت محمود عبد العزيز.. في طلعه كده في اللحن، ما عارفاها وين.. بس بتجبر النفس يطلع معاها..
نادر .. صديقي القديم .. الجديد.. والمتجدد دوماً.. بتعرف محبتي لغناء كاظم الساهر.. وحاليا بحب غناء محمود عبد العزيز.. الاثنين.. وقبل سنتين.. كانوا أكثر اثنين بكره غناءهم في الدنيا.. وما بطيقهم.. وبتخذ منهم مواقف .. بس ما محبه إلا بعد عداوة.. .. سمعته ليهو أغنية ظريفه رسلها أساسي قبل يومين كده.. طوالي أضفتها للfavorites..
طمنيني عليك اكتبي لي
| Quote: عمك تنقو شكلو لحن الخميس تأمينو إضرب مع البداية القوية للحن الجمعة ... |
بنت الحسين
|
Post: #7
Title: Re: اشمعنا يا عم التنقو.. .. ده لحن الجمعة يا جماعة...
Author: keiga2000
Date: 10-09-2004, 02:10 AM
مريم بنت الحسين يارائعة بس طلب خاص وفي بوست خاص اغنية سلمي للخالدي مع احترامي وتقديري لشخصك
|
Post: #8
Title: Re: اشمعنا يا عم التنقو.. .. ده لحن الجمعة يا جماعة...
Author: مريم بنت الحسين
Date: 10-29-2004, 07:18 AM
Parent: #1
كيجا العريس.. مرحب بيك..
معليش الرد طوّل شويه.. أعفي لي.. لكن (اختك ميح) لا عرفته الأغنيه لا البغنيها... نحن بنتشعبط بباقي ثقافه عندنا.. ...
بنت الحسين
|
Post: #9
Title: Re: اشمعنا يا عم التنقو.. .. ده لحن الجمعة يا جماعة...
Author: keiga2000
Date: 10-30-2004, 11:50 PM
Parent: #8
اغنية سلمي للفنان عبدالمنعم الخالدي بتقول
اقول الكلمة ماتاهت خلاص ياسلمي و
واعاتب الليل دا مالينا طويل ياسلمي
|
Post: #10
Title: Re: اشمعنا يا عم التنقو.. .. ده لحن الجمعة يا جماعة...
Author: ناجى الزبير الملك
Date: 10-31-2004, 05:48 AM
Parent: #9
والله انا عندى الأغنية ....
بس خايف ....من السيدة الاولى للبورد ....
....
تجى ترفدنا واللا حاجة ...النستأذن .....
|
Post: #11
Title: Re: اشمعنا يا عم التنقو.. .. ده لحن الجمعة يا جماعة...
Author: مريم بنت الحسين
Date: 10-31-2004, 03:06 PM
Parent: #10
عاد يا ناجي ده كلام.. طوالي نزلها
بس اعمل ليها بوست براها .. شكلها حلوه الأغنية
بنت الحسين
|
Post: #12
Title: Re: اشمعنا يا عم التنقو.. .. ده لحن الجمعة يا جماعة...
Author: keiga2000
Date: 10-31-2004, 11:07 PM
Parent: #11
الاخوان ناجي والاخت مريم شاكرين ليكم الاهتمام
اخي ناجي اشكرك والاذن جاك ودي من طبائع اختنا الحنينة وانا في انتظار بس مايكون يوم خميس ولا سبت لاني في اجازة ويكون بالصباح من 8 لى 2 لاني بكون اون لاين وممكن تعطيني اميل على كيقة 2000 هوت ميل ومشكورين
|
|