Post: #1
Title: أنا قاعدة.. القاعد معاي منو؟
Author: مريم بنت الحسين
Date: 08-11-2004, 01:21 PM
Parent: #0
قضيت ثلاثة ساعات أقرأ كل ما كُتب... لن أكون عاطفية وأصف العبرة، وإلخ! .. سأقول أني باقية هنا.. ولن أتحرك إلى أي مكان إلى أن ينجلي الأمر! ماذا يحدث في هذا الكون؟ ... أنا باقية.. لأجل دارفور باقية.. لأجل الأيام الرائعة التي قضيتها هنا، باقية.. لأجل الترحيب بعبد الله بولا.. باقية.. لأجل البحث عن جسد يضمن هذا البلد الممزق، على الأقل افتراضياً ...باقية... أحترم قرارات الجميع.. وأعتقد أن لكل ظروفهم.. لكني باقية... الباقي معاي منو؟ سنجمع تواقيع لأجل أهلنا في دارفور.. وسنسعى للمساعده، ولو بالكلمة لأجلهم.. سنناقش قضايا المرأة، وحيرتها.. الدين وجدلياته.. سنحتفل بذكر الاستقلال، ورأس السنة الجديدة.. وذكرى تنفيذ حكم الإعدام على الأستاذ محمود محمد طه... وسأبلغ الخامسة وعشرين من عمري في هذا المكان.. حتى لو اضطررت إلى إطفاء الشموع وحدي... ساترشح لمنصب رئيس الجمهورية الافتراضية التي تراعي للإنسان، وتحترم المرأة، وتطبق القانون... ونعيش الجنة على الأرض.... كتبت هذا لأني أرى البنيان يتداعى.. والأعداد في تزايد لترك المنبر.. والهرج والمرج قد زاد...
إن لم ننجح هنا، لن ننجح على أرض الواقع...
الباقي معاي منو؟
|
Post: #2
Title: Re: أنا قاعدة.. القاعد معاي منو؟
Author: Roada
Date: 08-11-2004, 01:24 PM
Parent: #1
هلا هلا يامريم.
و أنا هنا.
|
Post: #10
Title: Re: أنا قاعدة.. القاعد معاي منو؟
Author: Elmosley
Date: 08-11-2004, 02:04 PM
Parent: #2
Quote: هلا هلا يامريم.
و أنا هنا. |
ده الكلام
|
Post: #39
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:33 AM
Parent: #10
أستاذ الموصلي.. الصورة دي براها كفاية
بنت الحسين
|
Post: #3
Title: Re: أنا قاعدة.. القاعد معاي منو؟
Author: مريم بنت الحسين
Date: 08-11-2004, 01:26 PM
Parent: #1
فيك الخير يا رودا... دايماً مبادرة....
أها .. منو كمان...
|
Post: #4
Title: Re: أنا قاعدة.. القاعد معاي منو؟
Author: محمد عبدالرحمن
Date: 08-11-2004, 01:32 PM
Parent: #3
مريم ...ازيك
المسهرك لي اسي شنو ، انتو بكرة اجازة ولاشنو ؟
اها النقول ليك والله قاعدين ( جنس قعاد ) ، وماعندنا حل الا البقاء .....
يلا مع كل الود ، وانا ماشي انوم تصبحي علي خير ....
|
Post: #6
Title: Re: أنا قاعدة.. القاعد معاي منو؟
Author: Muhib
Date: 08-11-2004, 01:39 PM
Parent: #3
الاخت مريم _ انا باق _لقناعتي الشخصيه بضروره البقاء _باق لاجل كل شئ جميل يمكن وضعه بيق قوسين (......) ..باق لاني اود البقاء هنا _ وهذا يكفي ..
احي فيك هذه الدعوه _ الدعوه للبقاء .. شكرا ..محب
|
Post: #5
Title: Re: أنا قاعدة.. القاعد معاي منو؟
Author: مريم بنت الحسين
Date: 08-11-2004, 01:35 PM
Parent: #1
محمد عبد الرحمن، جارنا...
صدّق.. مساهره في الحالة الصعبة الما بتسر عدو ولا حبيب.. صدق بالله، شغلي بطلع ليهو الساعة خمسة ونص صباحاً، انا شغاله في الخور! لكن قاااااااااعده..
بنت الحسين
|
Post: #7
Title: Re: أنا قاعدة.. القاعد معاي منو؟
Author: مريم بنت الحسين
Date: 08-11-2004, 01:41 PM
Parent: #1
مرحب مُحب.. أهلا بيك... فيك الخير يا أخونا... هناك خير كبير فيما يحدث الآن.. لا ندركه ربما... لكنه موجود....
الباقي معانا منو، بقينا شلّه...
بنت الحسين
|
Post: #8
Title: Re: أنا قاعدة.. القاعد معاي منو؟
Author: abdalla BABIKER
Date: 08-11-2004, 01:45 PM
Parent: #1
انا
قاعد
عشان
الناس
الطيبه
الفي
البورد
|
Post: #9
Title: Re: أنا قاعدة.. القاعد معاي منو؟
Author: مريم بنت الحسين
Date: 08-11-2004, 01:47 PM
Parent: #1
عبد الله بابكر.. أهلا بيك.. خليك معانا يا طيب...
تاني منو يا جماعة؟...
هذه دعوة للإحتجاج الحضاري السلمي... سأحمل الشموع وأقف تحت المطر إلى أن تسطع الشمس مرّة أخرى
بجيكم بكره...
|
Post: #11
Title: Re: أنا قاعدة.. القاعد معاي منو؟
Author: Ishraga Mustafa
Date: 08-11-2004, 02:10 PM
Parent: #9
مريم يابنيتى، قلت خمسة وعشرين صغيرة سن وكبيرة عقل
انا قاعدة معاكن
لو فقئوا/ن قلب الحنين باقية
لو شتمونى كما فعلوا باقية
حجرا لايستطيعون بلعه باقية
سنحتفل بانتهاء الحروب اللعينه
سنغنى لصباحاتنا الجاية
سنجعلهم/ن يتحسرون على خسرانهم/ن لذاتهم/ن
باقية
جمرة لاجل الحقبقة
وساواصل وحيواصل بعدى واصل
لحدى مانصل لمرافىء الوطن
باقية ولو فقئوا عين نشيدى باقية
ام واصل ومرافىء
|
Post: #13
Title: Re: أنا قاعدة.. القاعد معاي منو؟
Author: Outcast
Date: 08-11-2004, 03:08 PM
Parent: #11
العزيزة مريم ..
سنبقى ولكن نرفض ان يجعلنا احدهم طراطيرا ....
هناك أشياء غير مفهومة ...
من حقنا على بكرى ان يوضح لنا الحقائق .. ماذا يحدث بالضبط فى هذا المنبر ..من هم الهاكرز .. وكيف استطاعوا سرقة ايميلات الزميلات و الزملاء ؟؟.. وهل تحصلوا على معلومات من السيرفر مكنتهم من الدخول الى الايميلات الخاصة ..؟؟
أكره ان اعيش فى جو التعتيم الاعلامى الحاصل الان.....
|
Post: #29
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:13 AM
Parent: #13
outcast.. ما اختلفنا... لكن .. قاعدين قاعدين... نكون طراطير .. ونسعى للحقيقة.. لكن ما بنمشي ... ولا شنو؟
بنت الحسين
|
Post: #14
Title: Re: أنا قاعدة.. القاعد معاي منو؟
Author: ودرملية
Date: 08-11-2004, 03:10 PM
Parent: #11
سلامات
وعوافي
بت الحسين هذا هو بيت القصيد
| Quote: إن لم ننجح هنا، لن ننجح على أرض الواقع... |
والله قد اصبتي كبد الحقيقة فان كنا لانستطيع تدبر امورنا في وطن افتراضي فهل سنتدبرها في وطنا البيهو كتبنا ورطنا..
|
Post: #30
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:15 AM
Parent: #14
موش كده يا ود رملية! ...
الف شكر ليك.. جر ليك كرسي وأحكي لينا ... أي حاجة .. لحدي ما الناس ديل تروق .. ويرجع البورد لأيامه الزمان
بنت الحسين
|
Post: #28
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:09 AM
Parent: #11
أستاذتنا إشراقة.. (بنيتي دي شرف، لكن ما دايرين نكبّرك  )...
سعيدة أنا بانضمامك للركب...
وسنظل هنا...
بنت الحسين
|
Post: #12
Title: Re: أنا قاعدة.. القاعد معاي منو؟
Author: zola123
Date: 08-11-2004, 03:08 PM
Parent: #1
آنستي الرئيس
ولعيلي شمعة معاك
انا قاعدة
تحياتي
زولة123
|
Post: #16
Title: Re: أنا قاعدة.. القاعد معاي منو؟
Author: Ali Alhalawi
Date: 08-11-2004, 08:44 PM
Parent: #12
قاعدين
قاعدين
ولو بى نص عين
قاعدين
قاعدين
نضرب أخماس على أسداس
بحثا عن العلة و الأساس
قاعدين
قاعدين
لمن نرفع رايات النصر
و نزف مريومة للقصر
من داك اليوم
نقول لى بكرى سلام
وطنّا الفى الغيب راجينّو
ما عاد أحلام
و تسلمى يا بت الحسين
|
Post: #33
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:21 AM
Parent: #16
يا علي الحلاوي.. زميل الشحتفه والتشحتف ... ونصير المُشحتفين...
البمشي يسيب قصصك منو عليك الله؟!!
ألف شكر ليك
|
Post: #31
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:17 AM
Parent: #12
مرحب يا دكتوره.. الشموع علي والكيكه عليك.. رأيك شنو ؟ 
بنت الحسين
|
Post: #15
Title: Re: أنا قاعدة.. القاعد معاي منو؟
Author: essam&amal
Date: 08-11-2004, 08:39 PM
Parent: #1
بنت الحسين مريومة
انا قاااااااعدة
البكتب ليكم من الخرطوم منو الاسبوع الجاى
انت نسيتى انا من بورداب الخرطوم بقيت
قاعدة عشان امشى اقعد للحكومة فى حلقها
وترانا قاعدين وما عارفين بكرة الجايينا
ولك الحب يا بنت الحسين الظريفة
ام وضاح
|
Post: #17
Title: Re: أنا قاعدة.. القاعد معاي منو؟
Author: خضر عطا المنان
Date: 08-11-2004, 09:07 PM
Parent: #15
يا سيداتي الفضليات
كلكن تقعدن
لو ما قعدتن انتن .. البقعد منو ؟؟؟؟؟؟
خضر
|
Post: #32
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:19 AM
Parent: #15
أم وضّاح.. والله لينا الشرف... والخرطوم زاتها ليها يوم .. نجي نقعد و نفتش عن الحقائق.. وما بنسيبها.. إحنا يا أم وضّاح.. خلينا ليهم البلد بي ناسها.. وعايشين منفى اختياري.. ده كمان دايرين يشيلوهو مننا.. أبداً.. والله قاااااااااااااعده.. وآآآدي انبطاحه كمان
بنت الحسين
|
Post: #18
Title: Re: أنا قاعدة.. القاعد معاي منو؟
Author: نادر
Date: 08-11-2004, 09:27 PM
Parent: #1
| Quote: إن لم ننجح هنا، لن ننجح على أرض الواقع... |
وبس
طيب معقول عمرك أقل من 25 سنة وبتقولي كلام فيهو حكمة 50 سنة؟؟
|
Post: #34
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:23 AM
Parent: #18
نادر... ياخ ما خجلتنا عديل كده.. ... قاعد معانا؟
بنت الحسين
|
Post: #19
Title: Re: أنا قاعدة.. القاعد معاي منو؟
Author: abas
Date: 08-11-2004, 09:31 PM
Parent: #1
شوكت حوت لا تنبلع لا تفوت
معاك قاعدين
|
Post: #35
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:24 AM
Parent: #19
يا عباس.. لو في أكبر من الحوت.. إحنا شوكته... خليهم يتشاكلوا يتصالحوا يمعطوا بعض.. في النهاية لازم نلقى حل....
انا قاااااااااعده...
بنت الحسين
|
Post: #20
Title: Re: أنا قاعدة.. القاعد معاي منو؟
Author: ود عقاب
Date: 08-11-2004, 09:32 PM
Parent: #1
بت الحسين صباحك زين
بت الحسين مشتى وين
الشله كرت وبرضو قاعدين
|
Post: #21
Title: Re: أنا قاعدة.. القاعد معاي منو؟
Author: Mohamed Yousif Hamad
Date: 08-11-2004, 11:28 PM
Parent: #20
اختي مريم بنت الحسين .
انا جيت هسع دي لكن قاعد معاكم انشاءالله
|
Post: #36
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:25 AM
Parent: #20
ود عقاب.. كنت في الشغل والله.. جيت ماشاء الله لقيت الديوان مليان.. مرحب مرحب
بنت الحسين
|
Post: #22
Title: Re: أنا قاعدة.. القاعد معاي منو؟
Author: عبد الباقي الجيلي
Date: 08-11-2004, 11:48 PM
Parent: #1
أختي مريم يا سَمية البتول
معاك قاعدين ...
وكل سنة وإنت طيبة ..... مقدماً
|
Post: #23
Title: Re: أنا قاعدة.. القاعد معاي منو؟
Author: خضر عطا المنان
Date: 08-12-2004, 00:32 AM
Parent: #22
أحبتي وحبيباتي الفضليات
كلكم اقعدو .. بس خلوني أنا براي واقف !!!!
واقف ليه؟؟؟؟؟؟
واقف والله بس تشريفا بكم ولكم من دون فرز ..
ودا براه يكفيني ..
ودمتم
خضر
|
Post: #24
Title: Re: أنا قاعدة.. القاعد معاي منو؟
Author: ghurba
Date: 08-12-2004, 01:51 AM
Parent: #23
مريوم الرئيسه
هي حلاة قعده !
بكره اجمل من هتارهم
والبقيف في السكه لينا....
نمشي منو ولانبالي ...
ونبني في الوطن المثالي
قريه اروع من خيالهم
البورد الوطن الصغير ان لم يصير وطنا علي ارض الواقع نكون ضيعنا وقتنا ساكت
|
Post: #41
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:35 AM
Parent: #24
دي قوية يا غربة ..!... مرحب مرحب مرحب... رغم إنه عددنا كبير.. لكن عشان النفوس طيبة.. المكان يسعنا كلنا....
أهلا بيك معانا
بنت الحسين
|
Post: #37
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:28 AM
Parent: #23
أستاذ خضر.. أشكرك على التشريف مرتين.. تقعد والله .. وفي مركز القعدة كمان...
بنت الحسين
|
Post: #38
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:30 AM
Parent: #22
عبد الباقي... أنا فعلا سموني على السيدة مريم العذراء عديل.. ما عندي حبوبة اسمها مريم كما هو شائع... ... الله يبارك فيك.. وتسلم.. بس اتذكر لحدي شهر خمسة السنة الجاية
بنت الحسين
|
Post: #25
Title: Re: أنا قاعدة.. القاعد معاي منو؟
Author: nada ali
Date: 08-12-2004, 02:23 AM
Parent: #1
و انا معاكم/ن
شكرا مريم
|
Post: #42
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:37 AM
Parent: #25
ندى علي.. يا مرحب يا مرحب...
بنت الحسين
|
Post: #26
Title: Re: أنا قاعدة.. القاعد معاي منو؟
Author: Ana Zaty Omdur
Date: 08-12-2004, 03:01 AM
Parent: #1
بنيتى العزيزه مريوما
فى البدايه لما بداء البورد يجوط والكلام بجى ما ياهو قلت لنفسى حبوبه أمدر هوى أتخارجى ده شعرا ما عندك ليه راس
لاكن أول ما أنتبهت أن الحكايه ما هى ألا حمله منظمه للتخلص من كل الأقلام الشريفه، المخلصه للوطن و المعبره عن معانة أهلنا الطيبين
طوالى جبت بنبرى و هاك يا قعاد ومانى قايمه من محلى ده لحدى ما يرجع الحق الأتسرق بليل لأسياده
و لكى مريم و لكم جميعا محبتى
حبوبتكم أمدر 
|
Post: #27
Title: Re: أنا قاعدة.. القاعد معاي منو؟
Author: حبيب نورة
Date: 08-12-2004, 03:39 AM
Parent: #26
ياخي انا بي وشِّي حارسك يا مريومة
يعني نفوت عينيك نقبّل وين
نسيبك انتي بس لي مين!!!!
|
Post: #40
Title: Re: أنا قاعدة.. القاعد معاي منو؟
Author: Abdel Aati
Date: 08-12-2004, 04:34 AM
Parent: #27
قاعدين معاك يا مريم الشجاعة
عادل
|
Post: #45
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:45 AM
Parent: #40
أستاذ عادل.. مرحب بيك.. سعيدة بوجودك هنا...
سعيدة إنك قاعد....
بنت الحسين
|
Post: #44
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:43 AM
Parent: #27
دي المحرية فيك حبيب نوره.. حارسني أخواني وأعمامي وخالاتي وأخواتي...
عليك الله اتناول ليك كيلو سكر من الدكان.. دايرين نكرم الناس ديل
بنت الحسين
|
Post: #43
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 04:41 AM
Parent: #26
حبوبة أم در.. سعيييييييييدة إنك راجعتي نفسك زمان.. وحسي قاعدة معانا كمان... رأيك شنو.. نشرب جبنه؟
بنت الحسين
|
Post: #46
Title: Re: أنا قاعدة.. القاعد معاي منو؟
Author: ناجى الزبير الملك
Date: 08-12-2004, 05:33 AM
Parent: #43
انـــــــــــــــــــــــــــــــــــــــــــــــــــــــا
قاعد .......
وبس
|
Post: #47
Title: Re: أنا قاعدة.. القاعد معاي منو؟
Author: مريم بنت الحسين
Date: 08-12-2004, 07:29 AM
Parent: #46
نـــــــــــــــــــــــاجي... أهلين.. لكن مديت ال(الأنا) دي كتير كده ليه
يا رجاء وراوية ومارد,... ما حتقعدوا معانا؟
بنت الحسين
|
Post: #48
Title: Re: أنا قاعدة.. القاعد معاي منو؟
Author: ناجى الزبير الملك
Date: 08-12-2004, 12:34 PM
Parent: #47
مريومة جريتا لزوم القعدة وكده......
بالمناسبة انا شوية منزول الايام دى أخير اقيف عشان ما تتعادوا منى
|
Post: #49
Title: Re: أنا قاعدة.. القاعد معاي منو؟
Author: Muhib
Date: 08-12-2004, 01:23 PM
Parent: #48
تجديد العهد ... ... من غير صفه _ ارحب "بالقاعدين" وقول لهم .. شكرا ... دعونا نواصل .. ..
|
Post: #50
Title: Re: أنا قاعدة.. القاعد معاي منو؟
Author: اسامة الخاتم
Date: 08-12-2004, 02:16 PM
Parent: #1
دا الكلام
تعالو ادونا رايكم هنا راجعوا بوست " انتباه "
|
Post: #51
Title: Re: أنا قاعدة.. القاعد معاي منو؟
Author: bint_alahfad
Date: 08-12-2004, 02:29 PM
Parent: #1
يا مريومه
انا اكتشفت ان الهروب لا يفيد
واننا بدلا من ان نهرب حين احساسنا بالجدار قد اوشك على السقوط ان نقف جميعا ونسنده
البورد هذا له افضال كثيره علينا, لزلك يجب ان نرد الجميل ولو على حساب انفسنا
اعلم انه يوجد الكثير من المرارات, لكن جل من لا يخطى
علينا ان نتغلب على احزاننا ونقف يدا واحده للحفاظ على هذا الصرح الجميل الذى جمعنا جميعا من مختلف بقاع الارض تحت جناحه
فبرغم السلبيات الا انى اعتقد ان ايجابياته اكثر
فمن غيره لم اكن اعرف رجاء وراويه ومريم وتماضر واشراقه وغيرهم من اناس اعتز بمعرفتهم جدا
ومن غيره لم اكن لاشعر بمعنى الانتماء للوطن ولا طبيعه السودانيين وعاداتهم وحديثهم وخفه دمهم وحماقتهم واختلافاتهم وتصافيهم
لقد تعلمت الكثير هنا واصبح البورد جزأ لا يتجزا من نظامى اليومى
اتمنى ان ندرك قيمه هذه النعمه التى فيها قبل ان نفقدها, لأننا عاده لا نعرف قيمه الشئ الا بعد فقده
ورغم تحفظاتى على طريقه الاخ بكرى لاداره البورد الا اننى اشكره بعد الله سبحانه وتعالى لأتاحه الفرصه لنا بالألتقاء فى هذا الصرح الجميل
عشان كده يامريومه
انا برضو قاااااااااعده
قاعده احتفل معاكم كمان بعيد ميلادى الخمسه وعشرون بأذن الله
وقاعده احتفل معاكم ايضا بحصولى على الماجستير ( قولى يارب) انشاء الله
وكمان لو فى واحد امو داعيه عليهو وقرر ينتحر ويتزوجنى حأقعد عشان تباركو لى (ولا تواسونى) ما عارفه
وكمان لو الزول الامو داعيه عليهو صبر لحدى ما الله رزقنا اطفال حأقعد لحدى ما اعلم طفلى بأذن الله كيف يمسك بالكيبورد ويكتب فى بورد بكرى بأذن الله (اهم حاجه حأعلمو الحقاره عشان مافى زول يحقر بيهو)
قصرتا معاكى يا مريم؟
اتمنى ان يعم الامن والسلام البورد ويعود جميع الاخوه والاخوات للبورد ونتصافى ونبقى يد واحده
تحياتى وكل سنه وانتى طيبه مقدما
وتحياتى للقاعدين...وفى انتظار الغايبين
وفى امان الله
لا اله الا الله
|
|