Post: #1
Title: مريومــــة
Author: مريم بنت الحسين
Date: 12-06-2004, 08:28 AM
Parent: #0
رغم الجفا الواضح .. ورغم إنك جيتي ولا عبرتينا
لكن يبدو ان وجودك كان كثيفا ومازالت أثارك تنعش الخرطوم
وانا والله لا هاكر ولاحاجة  مع انه حاجة لذيذة شديد الواحد يقوم يهكر ليه رئيس حكومة بحاله
المهم كان مفروض ياستي اسجل خروج من إسمك بمجرد ماوجدته منشط .. لكن تقولى شنو (جايني إحساس انه لغتى زي هاكر زمان داك  ) من الصاح فعلا انه اسجل خروج كما أسلفت لكن حقيقي ما إنتبهت للمسألة إلا بعد ماخلاص عايز أشوت موضوعي( طبعاكلمة أشوت الأيام دي بتعمل قلق لناس كدا  )
بعد كدا جاتني فكرة أسلم عليك سلام خاص (من الإسم للإسم) وأقول ليك كل سنة وانت طيبة والسنة رئيس ( أد الدنيا) ..
وكمان أقول ليك المرة الجاية لمن تجي أبقي اتذكري انه في (بورداب عالم ثالث ) ونرجو ان تدرجيهم ضمن أجندة سيادتكم ..
وبرضو أوصيك ان كمبيوترات البلدي دي زي ( أبو اللصيق) لا يوقات بشكل عجيب ما يصدقو يلمو ليهم في طرف زول حلو .. أعملى حسابك المرة الجاية وأعملي تسجيل خروج عشرة مرات على الأقل وأحذري من الصاح التحت تسجيل الدخول ..
أجهزة مرض دائما تحرجنا مع الضيوف
يلا ياستي العفو والعافية وحطي في بطنك بطيخة صيفي خلاص حا نقطع ريحتك من هنا لووووووووول
تسلمي ياستي ارجو ان تكون دعابة خفيفة عليك وعلى السادة المشاهدين ..
معاكم الكاميرا الشقية
|
Post: #2
Title: Re: مريومــــة
Author: مريم بنت الحسين
Date: 12-06-2004, 09:02 AM
Parent: #1
طبعا اتخلعت خلعتين.. الأولى اني متأكده إنه من الصباح ما كتبت بوست جديد.. والتانيه إني أبداً ما بنادي نفسي "مريومه"! حسيت بمبادي شيزوفرينا في الطحال وكده... لكن اكتشفت إنه الغلط ما غلطي... غايته لكن .. برضه ما عرفته منو الكميرا الخفيه.. يعني لو كتبته لي "قشرومه".. كان قلت ده ناجي.. وناجي لاقيته كان شفته يا أخ "الكميرا الخفية".. لاقيته وقّافي.. شرب معانا عصير ليمون في كافتيريا في السوق العربي.. وما فضل ليه إلا ينبذني لجدي التسعين عشان قلت ليه لاحقه مشاوير...
كده ورينا انت منو.. يمكن تطلع ليك بوزارة ولاّ حاجه... 
بنت الحسين
|
Post: #3
Title: Re: مريومــــة
Author: عبدالماجد فرح يوسف
Date: 12-06-2004, 09:07 AM
Parent: #2
بسم لله الرحمن الرحيم
محمد معانا ماتغشانا
لكن برضو ابداع
|
Post: #4
Title: Re: مريومــــة
Author: سجيمان
Date: 12-06-2004, 09:10 AM
Parent: #3
مريم
حمد الله علي السلامة
مريم الهكر يهكرا...ويجي ابو برنيطة دا ويقول ليها ابداع
غايتو جنس محن......
|
Post: #5
Title: Re: مريومــــة
Author: عبدالماجد فرح يوسف
Date: 12-06-2004, 09:49 AM
Parent: #3
العزيزة مريم
إعتذار
ظننت أن البوست الأول هو نوع الخيال أو دعابة من أحد أصدقاءك أو أقاربك, ولم يخطر ببالي أنك تعرضت لهاكر إلا بعد قراءة تعليق الأخ المحترم سجيمان
لك المعذرة
وشكرا جزيلا سجيمان
|
Post: #6
Title: Re: مريومــــة
Author: سجيمان
Date: 12-06-2004, 10:01 AM
Parent: #5
| Quote: الأخ المحترم سجيمان |
شكرا....
دخلتني في ضفوري
|
Post: #7
Title: Re: مريومــــة
Author: ناجى الزبير الملك
Date: 12-06-2004, 11:33 AM
Parent: #6
Quote: طبعا اتخلعت خلعتين.. الأولى اني متأكده إنه من الصباح ما كتبت بوست جديد.. والتانيه إني أبداً ما بنادي نفسي "مريومه"! حسيت بمبادي شيزوفرينا في الطحال وكده... لكن اكتشفت إنه الغلط ما غلطي... غايته لكن .. برضه ما عرفته منو الكميرا الخفيه.. يعني لو كتبته لي "قشرومه".. كان قلت ده ناجي.. وناجي لاقيته كان شفته يا أخ "الكميرا الخفية".. لاقيته وقّافي.. شرب معانا عصير ليمون في كافتيريا في السوق العربي.. وما فضل ليه إلا ينبذني لجدي التسعين عشان قلت ليه لاحقه مشاوير...
كده ورينا انت منو.. يمكن تطلع ليك بوزارة ولاّ حاجه...
بنت الحسين |
هاهاهاهاهاهاهاهاهاهاهاهاهاهاهاهاهاهاهاهاهاهاهاهاها
:
والله الضحكة كتلتنى ....
وغلبنى ارد ...
مريم بت الحسين ....
والله تانى الواحد يناديك باسمك .....وبس 
والحمد لله انو طلع ود حلال ...والله ستر
مريم ...انتى قاصدة شنو بالكاميرا الخفية
تخريمة ...
سى جى مان
يا محترم ....
لووووووووووول
|
Post: #8
Title: Re: مريومــــة
Author: ودالعباسية
Date: 12-06-2004, 02:19 PM
Parent: #7
يا شباب والله اعزروا الزولة دي
لانو بالجد كدا البوست الاول كان هضربة ســــــــــاكت
لكن البوست التانى دا بعد الحالة شوية فكت ..
ولا شنو ...!!!!!
|
Post: #9
Title: Re: مريومــــة
Author: tmbis
Date: 12-06-2004, 02:58 PM
Parent: #8
يعني يا مريم بقيتي .. مريم مرتين والا شنو ؟؟؟؟؟؟؟؟؟؟
لووووووووووووووووووووووووووول
|
Post: #10
Title: Re: مريومــــة
Author: مريم بنت الحسين
Date: 12-07-2004, 10:39 AM
Parent: #1
عبد الماجد ... تشكرات... أفندم على المرتين..
سيجيمان.. كفّر الله سيئاتك.. والله يبعدك من الهكر.. لكن لو زي هكري ده.. ظريف، ما بعمل شي...
ناجي..
الكميرا الخفية ... هو الأخ الهكّر الاسم بتاعي،وقّع كده... قال "دي الكميرا الخفية يا جماعة"..
بس لسه ما عرفته.. ياخ إنت قاعد تعمل شنو في الخرطوم.. وين مصادرك الاستخباراتيه؟
ود العباسيه.. إنت عايز جنازه تشبع فيه لطم؟ هضربة عديل كده.. ياخ بس زول لقاني داخله باسمي في محل انترنت في السودان.. حب يعمل حركه ظريفه.. كان قصدك هضربة حمّى؟ الحمّة فكّت
تمبس.. استنساخ.. رئيس ورئيس بالإنابه.. كيف معاك؟
بنت الحسين
|
Post: #17
Title: Re: مريومــــة
Author: ناجى الزبير الملك
Date: 12-07-2004, 01:14 PM
Parent: #10
| Quote: ياخ إنت قاعد تعمل شنو في الخرطوم.. وين مصادرك الاستخباراتيه؟ |
مريومة ...تمرقنى من الهكر ....توقعنى فى الأستخبارات ...
....
انا حامسك وزير دفاع ....واللا وزير داخلية كدى النتفق ....
وأنا اجيبوا ليك من تحت (طقاتيت الأرض)*دى بالمصرى
....قلتى شنو
|
Post: #11
Title: Re: مريومــــة
Author: معتز تروتسكى
Date: 12-07-2004, 10:51 AM
Parent: #1
مريمومه جيت مشتاق بالجد
ام كحيل نسيم مارى بالليل 00
سالتو انا منكى00
سؤال كتير ليك وبكيت كتير انا 00
*يازوله قول ليهم وخلاص 00
اخبارك وصحتك 00
يلا ورينا ده منو000
|
Post: #12
Title: Re: مريومــــة
Author: مريم بنت الحسين
Date: 12-07-2004, 11:04 AM
Parent: #1
مراحب معتز.. والله يا معتز أنا زاتي لحدي حسي ما عارفاه منو... وزيك محتاره...
بنت الحسين
|
Post: #13
Title: Re: مريومــــة
Author: معتز تروتسكى
Date: 12-07-2004, 11:11 AM
Parent: #12
والله يا معتز أنا زاتي لحدي حسي ما عارفاه منو... وزيك محتاره... 
|
Post: #14
Title: Re: مريومــــة
Author: Ehab Eltayeb
Date: 12-07-2004, 11:11 AM
Parent: #1
مريم:
اول حاجه قلت مريم لسه هضربه البوست بتاع روضه الحاج النزله تمبس
ما مرقت منها....
لكن طلع هكر ظريف ..ودمه خفيف عشان عارفك الرئيس...
اها الجاتك في مريومه.. سامحتك,,
اعملي حسابك..
تحياتي,,
|
Post: #15
Title: Re: مريومــــة
Author: zola123
Date: 12-07-2004, 11:23 AM
Parent: #1
مريومة الحلوة
انا حاسة كد ان الكتب الكلام ده شمهروش
اصلك بتلقيه في اي نت كافيه
بالمناسبة انتي دخلتي من وين؟
انا ما من بورداب الخرطوم جغرافيا
لاكن برضو حالومك لوم شدييييييييييييييد
كيف تمشي السودان وماتقابليهم
احلام, بلقيس, المهندس, عاصم والناس الحلوة دي كلها
فاتك نص عمرك
|
Post: #16
Title: Re: مريومــــة
Author: مريم بنت الحسين
Date: 12-07-2004, 11:32 AM
Parent: #1
زولة الظريفه كيفك؟
طبعا انا دخلت من نادي الخرطوم للإنترنت... معقل البورداب.. ودخلت نص ساعة.. وجارية جري... والله عاااااااااااااارفه روحي اتلومته.. لكن انا مشيت سته يوم.. فيهم يومين في رفاعه.. ويوم في مدني.. ويوم حق التأشيرة حقت الخروج (دي حصل سمعتو بيها لزول داير يطلع من بلده!)... ويوم عمّك د.أحمد موصيني على شهادات أطلعها ليهو... والللللللللللللللله خالاتي في الخرطوم ما مشيت ليهم في بيوتهم! .. بس انا الخسرانه قطع شك.. بجيكم قريب، شايله معاي فرحه ..
قائمة المشتبه بهم... زولة قالت شمهروش... مين يرشّح؟
بنت الحسين
|
Post: #18
Title: Re: مريومــــة
Author: ناجى الزبير الملك
Date: 12-17-2004, 12:02 PM
Parent: #16
....
مريـــــومة تدفعى كم واوريييييييييك ....
....
طلع ما صاحبى شمهروش ...
....
ط
ل
ع
ت
|
Post: #19
Title: Re: مريومــــة
Author: مريم بنت الحسين
Date: 12-17-2004, 02:31 PM
Parent: #1
ناااااااااااجي.. قول..
|
Post: #20
Title: Re: مريومــــة
Author: حبيب نورة
Date: 12-17-2004, 04:25 PM
Parent: #19
مريومة
شكيتك علي الله دة!!!!
|
Post: #21
Title: Re: مريومــــة
Author: ناجى الزبير الملك
Date: 12-19-2004, 12:11 PM
Parent: #20
.....
بورييييييييك بس ما هنا ....فى الماسنجر
.....
ما دايرين نجيب للزولة دى .....
......
هواااااا ساكت
.......
يقولوا تبع الهكر ....واللا حاجة
|
Post: #22
Title: Re: مريومــــة
Author: ملكة سبأ
Date: 12-20-2004, 03:58 AM
Parent: #1
سلامات بت الحسين
وسعيدين طبعا باللقاء العابر ( داك)
ناجي !!
لو في هاكر واحد في الخرطوم (دي) تعرف يكون منو !؟؟
قال هوا قال ...
|
Post: #23
Title: Re: مريومــــة
Author: ناجى الزبير الملك
Date: 12-21-2004, 07:07 AM
Parent: #22
دى الإجااااااااااااااابة .....
....
....
|
Post: #24
Title: Re: مريومــــة
Author: ملكة سبأ
Date: 12-25-2004, 02:51 AM
Parent: #1
يالف مرحبا ( مريومــــة)
طبعا عارفة الشمار حا يكون وصلك ..
أول حاجة وانا بفتش في البوست دا متأكدة اني كتبته عشان كدا فكرة اني افتشه بإسمك ماكانت راكبة لي .. اها اتخيلي زول يفتش حاجاته في بيت زول تاني !! اكيد حا يتخيل نفسه هو الزول داك ولا قريب منو شديييييد .. عشان كدا ما حارضى منك غير بنائب رئيس ..
وتاني بقيت اى حاجة باسم ( مريم الحسين) بقول يمكن دي انا يعنى حدث بيني وبين الإسم نوع من الإلفة غريب .. ودي طبعا من محاسن انك تهكر ليك زول ( ما تفهمونا غلط .. دا ماتحريض ولا حاجة ) ..
المهم يامريومة والله آسفين على الهكرة الغير مقصودة .. وسعيدين برضو باللقاء الصدفة ونتمنى المرة الجاية نلاقيك في وقت أوسع ..
وتحت تحت انا ما جيت رديت طوالي لأنه حكاية الهاكر دي كانت عاجباني .. وبتخيل نفسي زولة حريفة في الشغلانة .. مع انه حدنا الكي بورد ( طباعة الحروف وخلاص)
يلا يا ستي الدينا آخر سنة وجرد حسابات ، أعفي لينا
وليك مننا الأماني الطيبة .. وكل سنة وانت أكثر روعة
|
Post: #25
Title: Re: مريومــــة
Author: مريم بنت الحسين
Date: 12-25-2004, 03:11 AM
Parent: #24
الملكة.. ست البنات ازيك..
والله انا طبعا راسي جاب وودا.. قلت يا ربي انا بقيت سمحه متين لما زول يشاغلني علناً كده.. في النهاية احبطيتني ياخ ...
والله انا سعيدة جداً يا ستهم بالمزحة خفيفة الدم.. ناجي طبعا اداني الشمار (ما اعدمو اخوي) طمّني شويه كده .. وبرّد لي قلبي.. انا سعيدة بارتباطك باسمي... و
| Quote: عشان كدا ما حارضى منك غير بنائب رئيس |
حنقلبها مملكة وننصبك عليها زي الملكة إليزابيث.. رأيك شنو؟
بنت الحسين
|
Post: #26
Title: Re: مريومــــة
Author: ملكة سبأ
Date: 12-25-2004, 03:23 AM
Parent: #25
لوووووووول يامريومة
انت قاعدة قدام الباب ولا شنو ؟!
| Quote: قلت يا ربي انا بقيت سمحه متين لما زول يشاغلني علناً كده |
دي طبعا الوحيدة الما حركات هاكر .. يعنى منتهى الصدق والأمانة
| Quote: ناجي طبعا اداني الشمار |
عالم فولة ما تتبلة في بقها فولة
| Quote: حنقلبها مملكة وننصبك عليها زي الملكة إليزابيث.. رأيك شنو؟ |
رائي حاتتقلب المسألة ونبقى في حر الملوك نلوك ..
ليك كل الحب مريومة
|
Post: #27
Title: Re: مريومــــة
Author: ناجى الزبير الملك
Date: 12-25-2004, 02:04 PM
Parent: #26
Quote: عالم فولة ما تتبلة في بقها فولة
|
لوووووووووووووول ...هو الفول الزمن ده ببليهو ....
| Quote: رائي حاتتقلب المسألة ونبقى في حر الملوك نلوك |
....
أنا حاجز بطووووووووووبة
|
|