Post: #1
Title: إعادات بث
Author: مريم بنت الحسين
Date: 01-25-2005, 12:28 PM
Parent: #0
والله انا شايفه انه في حاجات بتستحق تتعاد تاني... زي المسلسل... وفي حاجات ما مفروض تتوقف أبداً...
نبدا؟
|
Post: #2
Title: Re: إعادات بث
Author: 3mk-Tango
Date: 01-25-2005, 12:34 PM
Parent: #1
بت الحسين مليون تحيه
قلبي دق .. قلت ياربي اسرار دي بتغني وين ؟
بس لقيت اللحن جابني وانا مغمض ...
الف شكر علي اعادة ما لا يمل اعادته ابدا
بالله كتري من دا ... 
|
Post: #3
Title: Re: إعادات بث
Author: الملك
Date: 01-25-2005, 12:47 PM
Parent: #2
....
بت الحسين
....
عليكى الله كتر فى النوعية دى
....
دى زى شربات الليمون شوفتى زول قرفان .....يكبوا ليهو مرتين
....
ليمون
....
يابا
|
Post: #4
Title: Re: إعادات بث
Author: Rawia
Date: 01-25-2005, 12:50 PM
Parent: #3
اهديها لراويه والجندريه ورجاء
شكرا مريومه في وقتها
|
Post: #5
Title: Re: إعادات بث
Author: sympatico
Date: 01-25-2005, 02:46 PM
Parent: #4
مريووووووووووووووووووومة
كل سنة وانتي طيبة
والسنة الجاية عرووووووووووووووووووووووس
مع انك نسيتيني " عارفك حا تقولي لي ما انت مع الجماعة "
لكن برضو شكرا على اعادة البث
ذوقك رفيع دائما
والدنيا تحلى بالحاجات الحلوة دي
|
Post: #6
Title: Re: إعادات بث
Author: مريم بنت الحسين
Date: 01-26-2005, 00:05 AM
Parent: #1
| Quote: مع انك نسيتيني " عارفك حا تقولي لي ما انت مع الجماعة " |
أجي يا يابا.. ما انت ابو مروه الكل مرّه بندهه لما اكون عايزه لي أغنيه...
يا جماعة.. دي سقطت سهواً عن انشغال بال.. ولا عُذر
إهداء خاص إلى أخونا.. وابن رفاعة البار.. Sympatco... مع خالص التحايا والأماني.. والسنة الجاية زي ما تحب وترضى
بنت الحسين
|
Post: #7
Title: Re: إعادات بث
Author: مريم بنت الحسين
Date: 01-26-2005, 00:12 AM
Parent: #1
عمك تنقو
الملك
راوية...
مرحب بيكم
يا جماعة باب الإهداءات مفتوح... لما نجيب إعادة البث التانية..
بنت الحسين
|
Post: #8
Title: Re: إعادات بث
Author: Sawsan Ahmed
Date: 01-26-2005, 03:37 AM
Parent: #7
مريم جيت في بوست استاذ الموصلي طالبه شاي ما ادتيني!
اسي جيت براحه اسمع..اه مويه ما دايرها
|
Post: #9
Title: Re: إعادات بث
Author: حبيب نورة
Date: 01-26-2005, 08:00 AM
Parent: #8
مبالغة والله
|
Post: #17
Title: Re: إعادات بث
Author: مريم بنت الحسين
Date: 01-27-2005, 02:06 PM
Parent: #9
موش عليك الله يا حبيب نوره!؟
|
Post: #16
Title: Re: إعادات بث
Author: مريم بنت الحسين
Date: 01-27-2005, 02:04 PM
Parent: #8
سوسن ازيّك.. عليك الله قلت دايره شاي؟ .. تصدقي انا مرقته من الصالون بتاع عمو موصلي عشان اعمل الشاي.. انشغلته بي الونسه ونسيته كله كله... اصبري.. بجيبه تيرمس قدر الليله وباكر.. واكفي ليك الجامعه الهناك كلهم تب..
|
Post: #10
Title: Re: إعادات بث
Author: عمر الفاروق شيخ الدين
Date: 01-26-2005, 08:30 AM
Parent: #1
يامريم يابت الحسين :
الحاصل شنو ؟؟الحاجات عندنا هنا لا ظاهرة ولا شتين اللهم بس شايف الميديا بلير لكن ستين يمين ماظاهر اييي شي ؟؟اها ده يكون من شنو ؟؟
عموما شايف الناس بتقول ليك كتري من زي ده وده زي الليمون وده زي شنو وشنو وشنو عموما انا مافاهم حاجة لكن كتتتتتتتري منو ...
|
Post: #18
Title: Re: إعادات بث
Author: مريم بنت الحسين
Date: 01-27-2005, 02:07 PM
Parent: #10
عمر كيفنك؟
ده فيديو فيه أسرار بابكر بتغني "الدنيا تحلى"...
بنت الحسين
|
Post: #11
Title: Re: إعادات بث
Author: الجندرية
Date: 01-26-2005, 11:40 PM
Parent: #1
| Quote: كفاي يا غالي صدك وجورك |
بهديها لأنور... ومعتز ... وخالد الحاج... ونجاة محمد علي... ود.بولا...
شكراً مريومة
وكل سنة وانت طيبة
|
Post: #12
Title: Re: إعادات بث
Author: tmbis
Date: 01-27-2005, 03:46 AM
Parent: #11
شكــرا يا مريم لإعادة البث ..
وشكرا جميلا للإهـــداء
وأي حاجه تنزليها هنا برضو بهديها ليك تاني
ممكن اطلب اعادة روضة الحاج بالـ Slow motion mode 
|
Post: #13
Title: Re: إعادات بث
Author: عشة بت فاطنة
Date: 01-27-2005, 04:14 AM
Parent: #12
مافي اهداء لعمتك بس انا حاهديها لي رغم ان محاوتي فشلت وما عارفة لية ..أحتج !!
|
Post: #21
Title: Re: إعادات بث
Author: مريم بنت الحسين
Date: 01-27-2005, 02:16 PM
Parent: #13
وده يصح يا عمتو؟... انا اهدي ليك البوست كله .. موش اغنية أسرار بابكر بس... ده لنك الحفظ ..
Save @ PC
واستمتعي بـ "الدنيا تحلى"
بنت الحسين
|
Post: #20
Title: Re: إعادات بث
Author: مريم بنت الحسين
Date: 01-27-2005, 02:12 PM
Parent: #12
تمبس إزيك.. العفو..
تعرف لما كتبته slow montion... انا شفتها stromontion، ده الشغل طار لي في راسي... بحكي ليكم عن الstromotion في بوست.. لما بالي يروق شويه...
قلت لي روضة الحاج... ده طوالي بعد أسرارك.. "فترقبوها"
بنت الحسين
|
Post: #19
Title: Re: إعادات بث
Author: مريم بنت الحسين
Date: 01-27-2005, 02:10 PM
Parent: #11
الجندرية إزيك .. وكل عام وانت بألف خير وبالصحة والسلامة...
|
Post: #14
Title: Re: إعادات بث
Author: معتصم الطاهر
Date: 01-27-2005, 05:08 AM
Parent: #1
و انا .. انا .. اتا ...؟
ونحن ..
بعدين
دا منو
عارف ما أنا ؟
|
Post: #15
Title: Re: إعادات بث
Author: معتصم دفع الله
Date: 01-27-2005, 08:02 AM
Parent: #14
هسي عليك الله نعمل شنو يا مريم في الزحمة دي ..
والله الواحد بقى اليومين ديل ما فاهم أي حاجة ..
شكراً على الإهداء الجميل دا ..
وبالله كتري لينا منو ..
بجيك راجع تاني ..
|
Post: #23
Title: Re: إعادات بث
Author: مريم بنت الحسين
Date: 01-27-2005, 02:24 PM
Parent: #15
معتصم دفع الله.. في الانتظار.. وكل عام وانت بخير
|
Post: #22
Title: Re: إعادات بث
Author: مريم بنت الحسين
Date: 01-27-2005, 02:20 PM
Parent: #14
عمو معتصم إزيّك؟ وكيف حالك؟ كل عام وانت بألف خير.. سمعته الأسرار دي رهيبه كيف؟
بنت الحسين
|
Post: #24
Title: Re: إعادات بث
Author: Ahmed Alrayah
Date: 01-28-2005, 09:31 PM
Parent: #22
الجمال باقٍ ما بقي الجميلون !
كان الله في عون كلّ محبّ تلاعب بقلبه حبيب نافر أو أضاعت تصاريف القدر حبّه! اسمعوا جيّداً أغنية (يا الديمة نافر) ففيها علة قولي هذا،
شكراً مريم لهذا الإمعان في مدّنا بما يحلّق بنا في سماوات ملؤها الشوق والحنين للسودان وأهله، أشهد لك بسلامة الذوق مع سبق الإصرار والترصد! وما دليل هذا الإصرار والترصد إلا إعادتك بثّ هذا التسجيل الجميل،
يا الديمة نافر لمتين نفورك؟ كفاي يا جاير صدّك وجورك
الدنيا تحلى، صعابها ساهلة، بس روق وأحلى!
رحم الله فناننا العظيم أحمد المصطفى، تميّز عن غيره بسهولة مفردات أغانيه وبساطة ألحانه مما أسهم في انتشارها، الوسيم القلبي رادو، يا رائع جفيتني وأنا ضايع، سهران الليل، جفيت ما بنت، والتي بين أيدينا(الدنيا تحلى)،
قضيت سنيني صابر راجيك َ
كم طال حنيني وزاد شوقي ليك َ
سيب التجنّي وأرحم غرامي
أشجيني غنّي واسعد أيّامي!
أما أسرار فإنّها تفردت بحسن اختيار الأغنيات ذوات الوقع الخاص على المستمع السودانيّ، تغنّت من قبل ب(خلاص يا قلبي كان خاصم) لإبراهيم حسين فأجادتها، وهاهي اليوم تختار أكثر أغاني أحمد المصطفى حنيناً وشجناً فما زادتها إلا تطريباً وعمق تأثير،
حـِبك آسيه في غلبو وشجونو
أعطف نسيه همو وشجونو
لا تبقى ظالم وتزيد جراحو
يا اللي انت عالم أسباب نواحو!
نقرت صباح اليوم على أيقونة البحث في سودانيز أون لاين، كتبت في موضِع الKey Word أسرار بابكر آملاً في سماع بعض ما فاتني أيّام سفري للسودان وابتعادي عن المنبر، نقلت عيناي سريعاً بين الموضوعات التي وفرها محرك البحث، لم أكن أدري أنّ قدري يخبئ لي أسرار
والسمندل وأحمد المصطفى و(الدنيا تحلى) أجمعين! لمحت تأريخ النشر بواسطة جميل الروح عمنا تنقو فعلمت أنّ المقال انتقل للأرشيف وأحزنني عدم تمكني من التعقيب ، غير أنّ إحساس دفين تملكني بأنّ من كتب موضوع (إعادات بث) لا يمكن أن يغفل هذه اللوحة المسموعة، وقد كان، فشكراً مرة أخرى يا مريم،
أنا ما نسيتك يا اللي ناسي
يا ريت يا ريت تعطف تآسي
مانعني حبك قربك قربك مناي
حارمني حبّك حبك دوايا !
جمال صوت أسرار وحسن اختيارها لا يمنعاني من لومها على خطئها في نطق مفردة (الحب) هكذا بضمّ الحاء بدلاً عن كسرها إشارة للحبيب، إنّ الغناء إحساس لا يُحسن الفنان نقله إلا إذا أشعر مستمعيه أنّه يعي معني ما يقول، لكن خطأها هذا يقلّ كثيراً عن الخطأ الفادح للفنان محمود عبدالعزيز الذي تغنّى ذات مرة برائعة الحقيبة (أرحم يا سمير قلبي الما نساك) ، فعندما وصل ل (كيف الأمّـة تهوى وكيف تعشق بلاك) قال (كيف آلامها تهوى) !! بالغت يا محمود لكن!!
شكري الخاص لجميل الروح عمنا تنقو، أحد نجوم منبرنا هذا وأحد أسباب ارتيادنا له، أهديه تقديراً هذه الوردة الجميلة،
ختاماً فإنّ أحمد المصطفى غني فأجاد، وأسراراً اختارت فأحسنت، ثم تلقف عمنا تنقو هذا الجمال فاهداه لنا، ضاع في الأرشيف فأعادته مشكورة مريم بنت الحسين، بقاء الجمال مسئوليّة الجميلين وحدهم، ما أسعدنا أنْ كان بيننا مثل عمنا تنقو ومريم بنت الحسين.
أحمد الريّح
|
Post: #25
Title: Re: إعادات بث
Author: مريم بنت الحسين
Date: 01-29-2005, 03:41 AM
Parent: #1
بالمناسبة.. انا اسمي
مريم أحمد مصطفى الحسين
أحمد الريح.. واضح إنك قعدته لينا بمزاج... ومعاك كباية شاي قدر الضربه.. واندحته تكتب بين الكوبليهات... الأغنية رائعة رائعة رائعة... لما نزلها عمك تنقو أول أيام بشغل وما بهون علي أقفلها بالليل لما اجي انوم، بقوم اخليها شغاله.. اول ما أصحى ألقى ليك بت الناس الليل كله تغّي...
اشكرك مرّه أخرى
بنت الحسين
|
Post: #26
Title: Re: إعادات بث
Author: keiga2000
Date: 01-29-2005, 03:51 AM
Parent: #25
مريومه كل سنةوانت طيبة وربنا يخليك ويحفظك طبعا انا بعيد كل البعد عنا حاليا عن المنبر وانتي مفخرة لبورداب الدوحة
تحياتي لكل بورداب الدوحة عبر هذاالبوست
|
Post: #27
Title: Re: إعادات بث
Author: نهال كرار
Date: 01-29-2005, 03:56 AM
Parent: #25
إبداااااااااااع يا مريم بنت الحسين
شكرا ليك
|
Post: #28
Title: Re: إعادات بث
Author: بارعة
Date: 01-29-2005, 04:09 AM
Parent: #27
اهديها لى بارعة المسكينة دى
لانوالقناة دى ما قاعدة تظهر لينا
جميل جدا والله
كترى كترى
عليك الله كل ما تشوفى جمال زى دة
ما تبخلى علينا او
على انا بالذاااات
|
Post: #29
Title: Re: إعادات بث
Author: Ali Alhalawi
Date: 01-29-2005, 05:58 AM
Parent: #28
بت الحسين .. كل سنه و أنتى طيبة
يخربنا .. غير الصندوق الأسود ما شايف حاجة .. حاولتا أفتح الصندوق عشان أكتشف أسرار تفجيرك للعشق .. بدون فائدة .. رغما عن هذا ترنمت كما ترنمت من قبل فى إحدى الأنشادات ..
مازلت أبحث عن بوست الشكل .. أصلى خرمان لى شكلة
|
Post: #30
Title: MARIOMA
Author: Mutwakil Mustafa
Date: 01-29-2005, 06:17 PM
Parent: #1
Hi Marioma and family
.
I had tried earlier, unscussecefully, to reach you and your dad,via phone,and I will will try again toreach you very soon.
Salam to all.
Mutwakil Mustafa Elhussain
|
Post: #31
Title: Re: إعادات بث
Author: Agab
Date: 01-29-2005, 09:03 PM
Parent: #1
بنت الحسين
كل سنة وانت والاهل بكل خير
شكرآ لاعطائنا الامل بغد أفضل
كل الود
ودالعجب
|
Post: #32
Title: Re: إعادات بث
Author: علي محمد علي
Date: 01-30-2005, 03:49 AM
Parent: #31
مريم بنت الحسين: احييكي واحي فيكي الذوق والادب والثقافة،واحييك علي الاختيار
|
Post: #33
Title: Re: اعادة الروح الي فطرتها
Author: nazar hussien
Date: 01-30-2005, 06:26 AM
Parent: #1
تشكري يا ابنة الحسين ان اهديتينا فطرة الروح من جديد
سمو في الاداء الصوتي والموسيقي وحكمة في الكلام....
عاجز عن الشكر....
|
Post: #34
Title: Re: اعادة الروح الي فطرتها
Author: nazar hussien
Date: 01-30-2005, 06:47 AM
Parent: #1
عفوا مكرر
|
Post: #35
Title: Re: إعادات بث
Author: Soumeta
Date: 01-30-2005, 06:58 AM
Parent: #1
بهديها لي تلاته بحبهم لسة ما إتهدت ليهم،،
ألخواض و ألخواض
|
Post: #36
Title: Re: إعادات بث
Author: مريم بنت الحسين
Date: 01-30-2005, 03:17 PM
Parent: #1
كيجا.. كل عام وأنت بخير .. والصحة والسلامه.. ألف شكر ليك.. وان شا الله الامور تهدا شويه في عملك وترجع لينا سريع
نهال كرار.. ألف شكر ليك.. عليك الله الزوله دي ما غنّاية.. أشكري بالله عمك تنقو.. هو الجابها وانا اتشبّكته فيها..
بارعه.. انا اهديها ليك.. وينه بعلك.. ليه ما بشوف الحاجات دي.. ؟ عندي حاجات عملت فيني عمايل... عايزه اجيبها كلها هنا.. ما ملاحظة العنوان.. اعادات بث
يا حلاوي.. هدا لنك الحفظ.. نزلها وادعي لي عليك الله... Save @ PC
عمو متوكل.. مرحب بيك .. سعيده برؤيتك هنا... وسعيده باتصالك هذا الصباح.. وسعيده جداً لأسباب كثيرة..
ود العجب.. شكرا لك أنت أن رأيت هذا الامل عبر كلمات هذه المبدعه...
علي محمد علي... والله انا عندي ود أهلي اسمه بس اسمك كده.. في البداية قلت ده انت.. تاني لقيتك في السودان (في البروفايل بتاعك).. ... اشكرك على المجامله الظريفه
نزار حسين.. استمتع بهذا الصوت العذب مع كوب شاي .. ليتني افهم سر اكواب الشاي بالنسبة لي!!
سوميتا صاحبتي... بكره حأضرب لمامتك.. العتب على الذاكره.. واختك كبرت خلاااااااص
بنت الحسين
|
Post: #37
Title: Re: إعادات بث
Author: sympatico
Date: 01-30-2005, 04:23 PM
Parent: #36
مريومتنا العزيزة
شكرااااااااااااااااا كثيرا على الاهداء
انا برضو عندي اعادة بث
تتوقعي يكون شنو ؟
|
Post: #38
Title: Re: إعادات بث
Author: مريم بنت الحسين
Date: 02-18-2005, 05:30 AM
Parent: #1
سيبماتكو... وينه إعادة البث بتاعتك؟
لحدي ما تجي راجع... دي واحده تاني كاسره فيني ضلع... تمبس اوعك تعلّق
|
Post: #39
Title: Re: إعادات بث
Author: مريم بنت الحسين
Date: 03-15-2005, 09:32 AM
Parent: #1
عليكم/ن الله اسمعوا الابداع ده.. يا اللللللللللللللله..
بنت الحسين
|
|