شكيتكم على الله

Post: #1
Title: شكيتكم على الله
Author: مريم بنت الحسين
Date: 06-10-2005, 08:03 AM
Parent: #0

بوست مخصص للشكيه...

Post: #2
Title: Re: شكيتكم على الله
Author: خضر عطا المنان
Date: 06-10-2005, 08:25 AM
Parent: #1

العزيزة : بت الحسين مريم

أشكي على الله زي ماعايزة .. والله يعينك ..

لكن انتي هنا عايزة تشكي منو لى منو ؟؟؟؟؟؟؟؟؟؟؟

لك التحية ..

خضرعطا المنان

Post: #13
Title: Re: شكيتكم على الله
Author: مريم بنت الحسين
Date: 06-11-2005, 03:54 AM
Parent: #2

غايته الشكيه لغير الله مذله.. لكن شيتكم على الله..

اطمئن يا استاذ خضر.. انت مافي القائمة السوداء ..

Post: #3
Title: Re: شكيتكم على الله
Author: nada ali
Date: 06-10-2005, 08:37 AM
Parent: #1

هسة يا مريم ده عنوان ده؟

هذه احدى الاغنيات المفضلة لشقيقتى الصغرى "نهلة" اهديها لها مع حبى
و معذرة للعنوان

Post: #14
Title: Re: شكيتكم على الله
Author: مريم بنت الحسين
Date: 06-11-2005, 04:02 AM
Parent: #3

تعرفي يا ندى.. الأغنية دي نزلوها قبل كم شهر كده.. الشكية لبإيداً قوية.. .. ومن يوم ما سمعتها جهجهتني شديد خلاص.. البنية دي مما فتحت خشمها في الكومبيوتر بتاعي ما خليتها قفلته... عشان كده جا العنوان ده... هو في غنيه اسمها كده عليك الله؟

Post: #4
Title: Re: شكيتكم على الله
Author: zola123
Date: 06-10-2005, 08:40 AM
Parent: #1

مريم يا ذوق
شكرا على أسرار

تخريمة: أنا جيت جارية لبوستك, قلت حتشكيني للناس عشان أكلة الجداد بالكريما باظت

Post: #15
Title: Re: شكيتكم على الله
Author: مريم بنت الحسين
Date: 06-11-2005, 04:07 AM
Parent: #4

بري يا يمه.. معقول يا زوله افضحك قدر ده؟؟؟ ده انتي حتلقي خبر الجداد حقك في الBBC.. ولا أقول ليك.. في الجزيرة عدل.. حاكم هدي قريبه مننا.. ولا بضرب لليلى صلاح صاحبتي.. واقول ليها يا (ام) مروه..

بنت الحسين

Post: #5
Title: Re: شكيتكم على الله
Author: عشة بت فاطنة
Date: 06-10-2005, 08:41 AM
Parent: #1

صراحة ما سمعت اي حاجة بس الشكية لبيدا قوية ، عندنا شكاوي ما ليها حد يا ريت تشكي لي معاك

Post: #17
Title: Re: شكيتكم على الله
Author: مريم بنت الحسين
Date: 06-11-2005, 04:10 AM
Parent: #5

عمتي.. فضفضي.. اشكي .. وقولي...

انت صحي يا عمتي احنا بلابتق؟ قالها لي المعز ابونوره في بوستي بتاع البنات العملن مشاكل...

Post: #6
Title: Re: شكيتكم على الله
Author: nada ali
Date: 06-10-2005, 08:46 AM
Parent: #1

I forgot

Quote: مريم يا ذوق
شكرا على أسرار

Post: #7
Title: Re: شكيتكم على الله
Author: 3mk-Tango
Date: 06-10-2005, 09:06 AM
Parent: #1

..

مريم انتي لي اسة معلقة في الاغنية دي ؟

عليك الله ادعي لي كل ما تسمعيها ..

..

Post: #8
Title: Re: شكيتكم على الله
Author: Tumadir
Date: 06-10-2005, 09:13 AM
Parent: #7

Quote: عشان أكلة الجداد بالكريما باظت

you made my day zoala 123

شكرا مريومة على اسرار

والشكية لبيدن قوية

والغلطة هنا غير طباعية

Post: #9
Title: Re: شكيتكم على الله
Author: معتز تروتسكى
Date: 06-10-2005, 09:22 AM
Parent: #8

النسوان ديل الله يضرهن!!!!!!!!!!!!!

بري يـا يـابـة!!

Post: #21
Title: Re: شكيتكم على الله
Author: مريم بنت الحسين
Date: 06-11-2005, 06:33 AM
Parent: #9

عليك الله عان معتز.. جايني في البوست بتاعي وتداعي في النسوان... !!

Post: #20
Title: Re: شكيتكم على الله
Author: مريم بنت الحسين
Date: 06-11-2005, 06:31 AM
Parent: #8

العفو يا طمطم.. لكن انا لسه ما شكيت...

Post: #19
Title: Re: شكيتكم على الله
Author: مريم بنت الحسين
Date: 06-11-2005, 06:30 AM
Parent: #7

عمك تنقو.. إنت بالذات، تمشي تجيب دمغه وتجي راجع حتى أكتب ليك رد...

بنت الحسين

Post: #10
Title: Re: شكيتكم على الله
Author: أحمد الشايقي
Date: 06-10-2005, 10:56 AM
Parent: #1

جينا داخلين

قلنا نلاقي قائمة فيها اسمنا

وشكوى على الطاير

شكرا على الاستمتاع

بس روقـــوا

Post: #11
Title: Re: شكيتكم على الله
Author: عمر محمد عبد القادر
Date: 06-10-2005, 01:10 PM
Parent: #10

بت الحسين .. متعك الله بالصحة والعافية .. ما يحتاج والله ...

ود الباوقة

Post: #31
Title: Re: شكيتكم على الله
Author: مريم بنت الحسين
Date: 06-11-2005, 08:37 AM
Parent: #11

ود الباوقة.. انا من زمان عايزه اسألك عن الباوقة دي وين؟ بسمع بيها كتير... اعذر العمى اللحظي والذوقي الخلاني انسى أعلق .. اشكرك على تنبيهي.. واتمنى تعذرني

Post: #22
Title: Re: شكيتكم على الله
Author: مريم بنت الحسين
Date: 06-11-2005, 06:36 AM
Parent: #10

انت يا أحمد عايز ليك جنازة تشبع فيها لطم.. انت عامل حاجه مفروض أشاكلك عليها ولا شنو؟

Post: #12
Title: Re: شكيتكم على الله
Author: zola123
Date: 06-10-2005, 02:54 PM
Parent: #1

تماضر
انشاء الله كل ايامك سعيدة
عزيزتي احتاج لايميلك
أرجو ارسال رسالة على :
zola123zola123 عند ناس hotmail.com

ندى علي
سلامات, مشتاقين

Post: #16
Title: Re: شكيتكم على الله
Author: ودقاسم
Date: 06-11-2005, 04:09 AM
Parent: #1

مريم
كله يهون ،،
بس روقي وأحلي ،،،
والله لقد أمتعتينا بأسرار وأحمد المصطفى

Post: #23
Title: Re: شكيتكم على الله
Author: مريم بنت الحسين
Date: 06-11-2005, 06:39 AM
Parent: #16

تعرف يا عمو ود قاسم.. ابوي اسمه احمد، وجدي اسمه مصطفى.. لكن لسبب ما .. الناس دايما بقولوا ليهو أحمد المصطفى... لما كتبته "احمد المصطفى" استغربت في البداية بعداك جمّعته...

انا راااااااااااايقه والله ياعمو.. حتى اسألهم

Post: #18
Title: Re: شكيتكم على الله
Author: Yasir Elsharif
Date: 06-11-2005, 04:41 AM
Parent: #1

خلاس يا مريم، ظبطتي كل الأكلات في البوست ودنكلتيها، بشربوتها، وبديتي في الحفلة؟؟ "واو".. زمان في السودان يقولوا "سكرة ينّي التخليك تغنّي" ويني إسم إغريقي، والأغاريق كانوا مشهورين ببيع الخمور المستوردة من ضمن بقية المأكولات والمشروبات، وكان جارنا في السوق في الأبيض تاجر إغريقي من جزيرة قبرص [سابروس] وهو يحمل نفس هذا الإسم [يني استفانوس] لكني لم أره سكرانا في يوم من الأيام.. المهم بعافيتك، اشكي زي ما عاوزة، حاكم أنا بحب الغنا [والإنشاد]، وسكران دائما فيهو.. لكن دا ما الموضوع.. الموضوع أني كنت مرة في حالة "سكر" ونزلت أغنية عاجباني لسامي المغربي يقول فيها "حبيبي غاب في موضع الجمال بلاقي"، وشايف فيها معاني صوفية رائعة.. جاني واحد قال لي ما معناه، خلاس خليت أي حاجة وبديت في الغنا.. أها دا الجاب الكلام..

الحاجة التانية هي كيف استطعتي أن تجعلي حجم هذا الفيديو أقل من 10 ميغابايت.. معليش لكن ما حأخليك لو ما شرحتي لي بالتفصيل..

Post: #24
Title: Re: شكيتكم على الله
Author: مريم بنت الحسين
Date: 06-11-2005, 06:45 AM
Parent: #18

عمو د.ياسر.. طبعا ما حأقول ليك اسأل الجاح عن طبيخي، لانه الجاح ما حيقصّر.. وحيبدا يفضفض .. ونبقى في البلملم المتكسّر بعداك.. ... بعده بديت الخطه الخمسيه... (بيض) ...

بخصوص الفيديو... انا بستخدم برنامج اسمه Windows Movie Maker.. ده بجي free مع Windows XP... بتلقاه في قائمة البرامج... طبعا الفيديو ده ما أنا العملته.. ده عامله عمّك تنقو... لكن .. بتقدر تستخدم البرنامج ده عشان تجزّء الفيديو بتاعك لأجزاء أصغر... واضافة text.. وممكن أصوات خاصة بيك.. يعني برنامج مونتاج مصغّر كده... برضه ممكن تستخدم البرنامج بتاع الشركة الأنا شغاله فيها... بتلقاه هنا، free.. لمدة 30 يوم... http://www.dartfish.com/en/downloads/trial.jsp ... الجميل في البرنامج انك بتقدر تحوّل الفيديو العندك لأنواع أخرى أقل شويه في الquality.. بس أصغر حجماً.. حاول تحوّل ل wmv أو mpeg.. دي format أصغر من الDV و AVI... ونحن في الخدمه، وقت ما بنعرف (لسواطه) الكنش.. ده بنعرف ليهو .... تحياتي لخالتو إلهام

بنت الحسين

Post: #25
Title: Re: شكيتكم على الله
Author: Ali Alhalawi
Date: 06-11-2005, 06:51 AM
Parent: #18

روقنا المنقة يا مريومة و إلى الآن لم تحلى

أذا جاءك سلاما طائرا يوم الجمعة القادم فأعرفى أنه أنا ترانزيت فى مطار الدوحة

و مليون سلام لدكتور أحمد و كل السودانيزأونلاينيين

Post: #26
Title: Re: شكيتكم على الله
Author: Elawad Eltayeb
Date: 06-11-2005, 07:23 AM
Parent: #25

العزيزة مريم،

نهديك منقا طازجة لعلك تخففي الشكية شوية لمن تروقي

إذاعة مانقو 96 في بث حي ومباشر وطازج من السودان. لكن ما تكلمي زول عشان الزحمة ما تفطس الباندويث.

http://wadmadani.com/vb/showthread.php?s=c5222f4a447aaf...922bcb&threadid=5913

Post: #28
Title: Re: شكيتكم على الله
Author: مريم بنت الحسين
Date: 06-11-2005, 08:13 AM
Parent: #26

العوض.. يا سلاااااااااااااااااااااااااام دي هدية الموسم والله... خلاص والله سحبته الشكوى...

Post: #27
Title: Re: شكيتكم على الله
Author: مريم بنت الحسين
Date: 06-11-2005, 08:10 AM
Parent: #25

الحلاوي صاحب القصص البتشبه ليالي الحلمية.. وييييييييين قصصك.. طولنا منّك؟ والله غايته مطار الدوحة ما بشكروا ليك.. لكن... تحياتك وصلتنا كلنا.. وببلغ ليك باقي البورداب...

بنت الحسين

Post: #29
Title: Re: شكيتكم على الله
Author: مريم بنت الحسين
Date: 06-11-2005, 08:19 AM
Parent: #1

Post: #30
Title: Re: شكيتكم على الله
Author: عمر محمد عبد القادر
Date: 06-11-2005, 08:34 AM
Parent: #29

Quote: بت الحسين .. متعك الله بالصحة والعافية .. ما يحتاج والله ...

ود الباوقة

Post: #34
Title: Re: شكيتكم على الله
Author: مريم بنت الحسين
Date: 06-11-2005, 08:55 AM
Parent: #30

Re: شكيتكم على الله

Post: #35
Title: Re: شكيتكم على الله
Author: omer almahi
Date: 06-11-2005, 09:03 AM
Parent: #30

لألو مرة تبدأ مريم موضوعاتها من غير ما تلمح الى النوم

أو تسيل لعابنا بالسندوتشات او الشاي بالحليب مما يدرج تحت لايحة تجاهل مشاعر القراء والبورداب العزابة ومقطوعي الرأس الذين تستفذهم مثل هذه الإشارات في أوقات محددة ومعينة

لا علينا ... أردت أن دلل بذلك على أن الخطب عندها جلل هذه المرة

شكراً على هذه المساحة الطيبة ...وجيت اسلم برضو ..

Post: #37
Title: Re: شكيتكم على الله
Author: مريم بنت الحسين
Date: 06-11-2005, 10:53 AM
Parent: #35

عمر الماحي... معناها فاتك البوست حقي.. آخر صيحة.. بنت الحسين والمطبخ السوداني اللايوق.. ادوني ليك دروس.. لما شرقته..

عشه مبارك، تماضر، تراجي، منى خوجلي.. النبي خسيمكن

كلام في سرّك.. بنت الحسين أختك أكيش من الكيشه في المطبخ اللايوق..

Post: #32
Title: Re: شكيتكم على الله
Author: jini
Date: 06-11-2005, 08:43 AM
Parent: #29

Quote: شكيتكم على الله

لغير الله مذلة

فوجئت شقيقة احد اصدقائي بجدتها الدونقلاوية تردد في هجيع الليل
وبايقاع متزامن (انساء الله) وعندما ارخت السمع اتضح ان الجدة ترد على الكحلاوى الذى كان يشدو برائعته:
انشاء الله أجن وأزيد في الجن وانتوا جنوني!
كانت الله يرحمها ترد على كل انشاءالله بانساءالله بلكنة حلوة
اها
نشيل معاك!!
جني

Post: #38
Title: Re: شكيتكم على الله
Author: مريم بنت الحسين
Date: 06-11-2005, 10:57 AM
Parent: #32

جنّي.. أظنها دي أول مرّه تكتب لي في بوست.. بستغرب في نكاتك البتجيبها مفصّله على البوستات.. بفتكرك بتعملها في لحظاتها... لاحظت برضه سرعة بديهتك في الردود.. انت رباطابي ولا شنو؟

شيلوا..

بنت الحسين

Post: #33
Title: Re: شكيتكم على الله
Author: بلدى يا حبوب
Date: 06-11-2005, 08:54 AM
Parent: #1

مريومة
وانا اشكيك لمنو
شكرا على هذا الابداع
تحياتى

Post: #39
Title: Re: شكيتكم على الله
Author: مريم بنت الحسين
Date: 06-11-2005, 11:20 AM
Parent: #33

بلدي يا حبوب... الكئب ده قصته شنو؟ غايته انا مسكينه.. من غير شكيه بي الكلب ده بتهرش...

Post: #36
Title: Re: شكيتكم على الله
Author: Yasir Elsharif
Date: 06-11-2005, 09:42 AM
Parent: #1

مريم الباوقة دي تقع شمال عطبرة.. ومن عطبرة شمالا الزول بيلقى بربر ثم العبيدية ثم الباوقة وكلها على الضفة الشرقية لنهر النيل..

اضغطي

http://encarta.msn.com/encnet/features/mapcenter/map.aspx

ثم واصلي التكبير بالضغط كل مرة في إسم Atbara حتى تظهر لك الأسماء..

والثمن خليهو يكون ملاح ويكاب ياكلو أحمد نيابة عني..

Post: #44
Title: Re: شكيتكم على الله
Author: مريم بنت الحسين
Date: 06-12-2005, 03:47 AM
Parent: #36

عمو د.ياسر.. شكراً على الموقع المفيد جداً جداً جداً... أول مره أعرف انه الباوقه دي لي فوق .. دي طلعت قريبه من الزيداب.. بلد ناس جدّي مصطفى... انا كل تخيلاتي إنها قريب الجزيرة وكده...

Quote: والثمن خليهو يكون ملاح ويكاب ياكلو أحمد نيابة عني..

طبعا يا عمو ... أهل أم أبوي من عد الخدر.. دي قرية قريب رفاعه.. عد الخدر دي (المصدّر) الرئيسي لملح الويكاب... لكن .. الجاح لو عايزه يبيتني في الشارع، أهديه ويكاب ... ما بياكل ملاح الرماد قال .. رغم انه ظريف والله انا بحبه شديد... بديكم وصفته بي هناك... في بوست الطبيخ....

بنت الحسين

Post: #40
Title: Re: شكيتكم على الله
Author: بلدى يا حبوب
Date: 06-11-2005, 11:26 AM
Parent: #1

مريومة
الكلب ده قلته اخوف بيه الناس الكرهوا بعض الجندريات البورد وخلوهم يصبحوا متفرجين على لوحة الاعضاء
لكن لو بخوفك حرم اشيله
تحياتى

Post: #41
Title: Re: شكيتكم على الله
Author: خدر
Date: 06-11-2005, 12:30 PM
Parent: #40

Quote: تخريمة: أنا جيت جارية لبوستك, قلت حتشكيني للناس عشان
أكلة الجداد بالكريما باظت

كلمتكـ زماااااااااان و دسيتيهو مني
اها زوله فتتو

اشكي و احزني في سودانيز دي علي كيفكـ
بوستي داكـ ذاتو اديتكـ ليهو

بكاكـ معناهو انكـ انسان
,,
ما تنسي

Post: #42
Title: Re: شكيتكم على الله
Author: عمر محمد عبد القادر
Date: 06-11-2005, 02:14 PM
Parent: #41

Quote: مريم الباوقة دي تقع شمال عطبرة.. ومن عطبرة شمالا الزول بيلقى بربر ثم العبيدية ثم الباوقة وكلها على الضفة الشرقية لنهر النيل..

الدكتور ياسر .. شكرا على المعلومات القيمة عن منطقة الباوقة لكن نسيت تذكر جناين الباوقة اللذيذ تفاحا .. لك الود ..

بت الحسين خسمتك بالرسول ما عارفة الباوقة وين ؟ ولا بتمزحي ... لك التقدير ..

Post: #47
Title: Re: شكيتكم على الله
Author: مريم بنت الحسين
Date: 06-12-2005, 03:59 AM
Parent: #42

Quote: بت الحسين خسمتك بالرسول ما عارفة الباوقة وين ؟ ولا بتمزحي ...

والله جاده... انت قايلني بهظّر... ؟؟ والله انا حدي مدني جنوب الخرطوم.. والخرطوم.. وفي الخرطوم في حتت ما سمعته بيها... لكن .. بنستكشف حبّه حبّه.. الجاح واعدنا بزيارة للزيداب.. والدامر.. وشندي.. وموعوده بزيارة لدنقلا.. ونفسي ومُنى عيني ازور سيدي الحسن في كسلا.. .. واهو عرفنا الباوقه بي وين... قلت لي فيها تفاح؟؟

بنت الحسين

Post: #46
Title: Re: شكيتكم على الله
Author: مريم بنت الحسين
Date: 06-12-2005, 03:54 AM
Parent: #41

خدر... ضميتك لقائمة "شكيتك على الله"... بسبب الأغنيه القنبله النزلتها دي... ياخ مالك علينا... أسرار ما مريحانا... جبته لينا دي كمان... وكمان انت المغنيها.. ياخ انت كده شكيتك بقن اتنين.. بعدين اعمل حسابك انا نزلت الأغنيه دي عندي... انت ما حتسكت كله كله ! بس للعلم بالشيء يعني...

بنت الحسين

Post: #45
Title: Re: شكيتكم على الله
Author: مريم بنت الحسين
Date: 06-12-2005, 03:51 AM
Parent: #40

هههههههههههههههههههههههههههههههههههه...
Quote: لكن لو بخوفك حرم اشيله

ضحكتني بي حرّم دي.. طبعا انا يا بلدي يا حبوب.. لفترة كنت شايلاها في لساني طوااالي... أكون مع الحاجه في السوبرماركت.. تقوم تشيلني ليك جعلية كده.. أقول ليها حرّم ما تدفعي انت... بس تقوم تلزني لهناك.. وتقول لي.. "كدي زحّي لي غادي... تطلقي منو كمان!" ... لكن حديثاً قررت أتخلّص منها.. اها .. شيل كلبك ده سريع قبل ما يجيك جماعة التكفير والهجرة..

بنت الحسين

Post: #43
Title: Re: شكيتكم على الله
Author: Tabaldina
Date: 06-12-2005, 00:55 AM
Parent: #1

..
.
بــس روق وأحلا ..
الدنيا ســاحرة .. صعابها ساهلها ..

مــع تحياتي ،،،
عابر طريق ،،،

Post: #48
Title: Re: شكيتكم على الله
Author: مريم بنت الحسين
Date: 06-12-2005, 04:00 AM
Parent: #43

تبلدينا.. مرحب بيك... مقيم لا عابر طريق...
بالمناسبة.. انا منزله مع فيديو أسرار، أغنيه أجنبيه تانيه.. سامعنها ولا براي انا السامعاها؟؟؟

بنت الحسين

Post: #50
Title: Re: شكيتكم على الله
Author: عمر محمد عبد القادر
Date: 06-12-2005, 04:14 AM
Parent: #43

Quote: والله انا حدي مدني جنوب الخرطوم.. والخرطوم.. وفي الخرطوم في حتت ما سمعته بيها...

كان كدا كان الله في عون ام ضريوة وام القري وام بعاشيم .. وعد حسين وعد بابكر ( بكسر العين ) يا بت الحسين . وزقلوهم وزقلونا والقماير واخيرا الحكومة دقست ( العشش الجديدة ) كفاية خلاص..

ود الباوقة

Post: #49
Title: Re: شكيتكم على الله
Author: مريم بنت الحسين
Date: 06-12-2005, 04:12 AM
Parent: #1

هي.. عاين غبش بربر كمان؟ عندنا بيهم علاقه بي ناس أبوي.. هو بالله عندهم حته اسمها غبش بربر؟ انا قايلاهم ناس اسمهم كده.. ما قايلاها حته اسمها غبش بربر... يا سلااااام.. حاجه جميله والله... الوالد يديه العافيه بقول لينا تفاصيل عن التداخل في عائلتنا كمثال .. وبحاول يعمم نظرية انه اي سوداني فيهو أكتر من قبيله واكتر من انتماء.. وانه الانتماء البغلب هو الناتج عن مكان الاستقرار لاعتبارات الإرث وامتلاك الأرض.. يعني انا مثلاً فيني جعليين زيداب فيهم من غبش بربر وعندهم حبوبه بقولوامصريه (ده بي جهة جدي ابو ابوي).. ومن جهة حبوبتي ام ابوي هم جعليين لكن ما بعرفهم بالضبط هل زيداب ولا لأ.. من جهة أمي.. ركابية .. وفيهم خوالده.. وعندهم علاقه بالشوايقة... عندي بت خالتي اخت امي.. شايقيه.. وبت خالتي تانيه محسيه.. اها .. احنا عائله واحده فيها أكتر من انتماء...

Post: #51
Title: Re: شكيتكم على الله
Author: أحمد الشايقي
Date: 06-12-2005, 04:32 AM
Parent: #1

بنت الحسين

أنا كنت متوقع الشكوى من اسم البوست , بيخــوّف, بس الشكاوى إذا ما كانت ضدنا , محبوبــة جدا , ما تنسي نحن محامين.

Quote: وعندهم علاقه بالشوايقة... عندي بت خالتي اخت امي.. شايقيه..

أهــلا مرحبا , وعشان كدا لازم تضيفي القراصة والكداد والسبروق لبوست الطبيخ , وعندك فرصة شايف فيهو الاستاذة منى خوجلي.

تحياتي

Post: #55
Title: Re: شكيتكم على الله
Author: مريم بنت الحسين
Date: 06-13-2005, 01:52 AM
Parent: #51

Quote: أنا كنت متوقع الشكوى من اسم البوست , بيخــوّف, بس الشكاوى إذا ما كانت ضدنا , محبوبــة جدا , ما تنسي نحن محامين

غايته انا من جماعة الشكيه لغير الله مذله.. وبقولوا تحت تحت، اهلي في رفاعه اسمهم (البلا)بتق، رغم انه والدي قال لي انهم ما اهلي.. على اي حال.. انا زولة مسكينه والله.. لكن البدوس لي على طرف ما بخليه (بي هينه)... غايته ضحكني توقعك انه تكون في مشكله في البوست.. انا انفجاراتي زي حداشر سبتمبر، بتجي مره واحده بس، لكن أثرها بستمر.. والله انا ما زولة مشاكل... ولا بحبها.. طيبه لما عويره... يعني ماتتوقع منّي بوست فيه شكله.. قريب ......

قلت لي محامي؟ .. شايفاك قلت حتدافع عن جنّي لو رفعت عليه قضيه... غايته انت شايل معاي الضر عديل كده... سمح.. انا عندي اتنين اعمامي محاميين.. وانا زاتي ما بقصّر... لكن انت تدافع عن جنّي؟!! هو جنّي جمله واحده وبقنع القاضي انه يعدمني...!

Quote: أهــلا مرحبا , وعشان كدا لازم تضيفي القراصة والكداد والسبروق لبوست الطبيخ , وعندك فرصة شايف فيهو الاستاذة منى خوجلي.

... هو احنا (الليلنا) عرفنا ... غايته انا امي قالت لي ما تقولي ما بتعرفي الطبيخ.. ده كله بعرفه

بنت الحسين

Post: #61
Title: Re: شكيتكم على الله
Author: Elmoiz Abunura
Date: 06-13-2005, 07:32 PM
Parent: #55

UP

Post: #52
Title: Re: شكيتكم على الله
Author: سمندلاوى
Date: 06-12-2005, 12:49 PM
Parent: #1

مريومة , ازيك
تشكرى ياعزيزتى على ادراج فرقتى الحبيبةالسمندل وهى
تغازل صوت اسرار العذب لاحدى حسان راحلنا المقيم
احمد المصطفى.التحية لهم جميعا , وبنتهز الفرصة
اوصل الشوق والسلام للفردة الفاتح حسين والعبقرى سعدالدين الطيب(موزارت زمانه)
وكل اللذين انضموا للفرقة حديثا واقول ليهم واصلوا ونحنا قربنا نجيكم باذن الله.

...... بس نحنا بى هناك بنشكى من قلّة الكمنجات

تحياتى لك ولاهلك

بكرى

Post: #56
Title: Re: شكيتكم على الله
Author: مريم بنت الحسين
Date: 06-13-2005, 05:26 AM
Parent: #52

Quote: فرقتى الحبيبةالسمندل

طبعا عزف الفرقة دي تحديداً هو الخلاني أشكي وابكي... عليك الله البعزف الفلوت ده اسمه منو يا بكري؟ صوت موسيقاه بتخش جوووووووووه... يعني التقول ناقصه أسرار...

بنت الحسين

Post: #60
Title: Re: شكيتكم على الله
Author: سمندلاوى
Date: 06-13-2005, 11:19 AM
Parent: #56

ايوة يامريومة
هو الشاب الفنان جدا عبدالحليم, تنبات له بمستقبل نيّر
قى فترة سنىّ المعهد الذهبية.عشان كدا كان طبيعى التحاقه بالسمندل
مع بقية الدهاقنة الاولين.

Post: #53
Title: Re: شكيتكم على الله
Author: Elnasri Amin
Date: 06-12-2005, 01:03 PM
Parent: #1

سلام يابت الحسين

شكرا ليك

Post: #54
Title: Re: شكيتكم على الله
Author: الملك
Date: 06-12-2005, 02:53 PM
Parent: #53

....
....

انتى بتشكى منو؟؟؟؟

عالم الله انا كنت مافيش ويادوب جيت طافش

فى شنو؟؟؟

Post: #58
Title: Re: شكيتكم على الله
Author: مريم بنت الحسين
Date: 06-13-2005, 05:32 AM
Parent: #54

الملك.. ازيك ياخوي..انا غايته لما كتبته البوست ده.. كنت دايره أشكي عمك تنقو عشان بلانا بأغنيه أسرار.. حسي الشكية بقت دبل...

سمعته دي؟

لحظة ,, ابكي وارجع

بنت الحسين

Post: #57
Title: Re: شكيتكم على الله
Author: مريم بنت الحسين
Date: 06-13-2005, 05:28 AM
Parent: #53

النصري ازيك.. والله امس كنت عايزه اعلّق ليك قبل ما اشيل الاغنيه الانجليزية.. لكن اختك الايام دي ماسكه بيت.. عشان كده يا دووووووب كان إما أشيل الاغنية الانجليزية او اكتب ليك رد.. قلت اشيل الاغنيه واجي بعدين اكتب ...

كيفنكم انتو؟

بنت الحسين

Post: #59
Title: Re: شكيتكم على الله
Author: مريم بنت الحسين
Date: 06-13-2005, 05:33 AM
Parent: #1

عليكم الله.. البتخشوا البوست حقي بتاع الشكيه ده... ارفعوا معانا البوست ده

والي ان ينتبة امين البورد ان روح انسان معلقة بعنكبوت هذا البوست...

Post: #62
Title: Re: شكيتكم على الله
Author: ودرملية
Date: 06-13-2005, 07:51 PM
Parent: #59

سلامات
وعوافي
يامريم طبعا دايما بوستاتك بحب اتلبد فيها لانها بتكون لذيذة ولامة الناس اللذاذ لكن المرة دي حلفتا طلاق ما اتلبد عشان الكلمة دي شايفك مسكتي فيها قوي شكلك لفحتيها لفحة...
Quote: الجاح

يجازي محنك يابت الحسين ..طبعا من ناحية ازمة المصطلح تقريبا ماشا كويس
بس ركزي في الجاح دي هاهاهاهاهاهاهاهاهاهاهاهاهاهاهاهاهاهاهاهاهاهاها

Post: #63
Title: Re: شكيتكم على الله
Author: مريم بنت الحسين
Date: 06-14-2005, 02:03 AM
Parent: #62

ود عمتي رملية .. هي طلعت القرابة كيف؟ ولا ما قرابة جيرة؟ والله انا طبعاً الذاكرة ادوني ليها مستعمله... second hand... ما بتذكر الحاجات بي هينة...

Quote: حلفتا طلاق ما اتلبد عشان الكلمة دي شايفك مسكتي فيها قوي شكلك لفحتيها لفحة...

لفحته شنو؟ حليفة الطلاق؟ هههههه... (الجاح) .. لما يقول علي الطلاق بكون زعلاااااااااااااااااااااااااااان.. والله بكون زعلان زعله... لكن انا لفحته (حرّم).. وكل (الكنت) عارفاه عنها انها بتلزم الزول انه يعمل الشي الانت عايزه.. وما فكّرت كتير في السبب.. اصله ما حصل فكّرته انها بتعني شنو.. بس عجبني اني بس أقول (حرّم) الشي الانا دايراه بحصل ... بس بعداك لما الحاجة قالت لي انه الموضوع طلاق وكده، قلت أحسن اتخلّص منها....

Quote: الجاح

دي مثال حي يا ود رملية على reinventing the wheel... اكتشفته ليك انه السودانيين بستخدموا الكلمة دي في السودان.. وانا من ناحيتي .. اخترعها لينا اخوي مازن (ليهو سنين من السودان) .. واخترعها كنداء محبب للوالد... طبعا عندنا في البيت ما بننادي بعض بالإسم إلا نكون زعلانين من بعض... حتى محمود بستخدم التسميات بتاعت البيت... الوحيد الما بستخدم التسميات دي (الحاجه).. إلا تكون مبسوووووووطه... وعندها تسمياتها الخاصة... الجاح عادة بقاوم تسمياتنا دي.. ودايما بستسلم ليها ... الرأس المدبّر للتسميات دي.. أبو الزوز... مازن .. وانا بسوّق ليهو...

Post: #64
Title: Re: شكيتكم على الله
Author: waleedi399
Date: 06-14-2005, 03:45 AM
Parent: #1

الأخت مريم ..

الشكية ..

اســرار ..

وكفاك يا جائر ..

شكراً كثيييييييير وجزيلاً ..
أمر دائماً عبر هذا البوست باستمرار .. اتلصص الاستماع والمشاهدة ..
لاستمتع بابداعات الفنانه الراقية اسرار في رائعة الفنان احمد المصطفى
فقد اجادت هذه الاغنية إلى حد المبالغة ..
لذلك اشكو عدم المقدرة لمنع نفسي في مقاومة الاستماع لهذا الجمال ..

خالص التحية والتقدير والاحترام ..

Post: #65
Title: Re: شكيتكم على الله
Author: المعتمد
Date: 06-14-2005, 04:06 AM
Parent: #1

الاخت مريم
سلام.
انا زيك كدة من يوم ما نزلت الاغنية فى الجهاز وانا مفتون بها.
انا اصلا من اشد المعجبين بالسمندل وتجربتهم الراقية
وانا ممن يتوهون فى خبايا صوت اسرار المتفرد
وعندما يجتمع الاثنان معا فليس لنا ان نقول الا كما قلت انت الشكية لى اب ايدا قوية.
وجع الكلام
وجع اللحن
ووجع الاداء
كله اجتمع ههنا
والشكية تانى وتالت ورابع
والله يجازى محنك يا اسرار.
ولك الود
والف باقة ورد

Post: #66
Title: Re: شكيتكم على الله
Author: keiga2000
Date: 06-14-2005, 06:07 AM
Parent: #65

الاخت مريم وينك والله مشتاقين
انا حاليا مداوم في الشيرتون في المؤتمر زي قبل كدا كنتي مداومه بجاي وفي كل لحظة بتخيل انك اقابلك سلامي ومليون سلام ليك
ابومصطفى

Post: #67
Title: Re: شكيتكم على الله
Author: Walid Safwat
Date: 06-23-2005, 06:52 AM
Parent: #1

لينا الله نحنا
ابكي ياقلبي وشرط هدومك

Post: #68
Title: Re: شكيتكم على الله
Author: مريم بنت الحسين
Date: 08-24-2005, 05:56 PM
Parent: #1

فوق للمزيد من الشكوى

Post: #69
Title: Re: شكيتكم على الله
Author: مريم بنت الحسين
Date: 10-27-2005, 02:46 PM
Parent: #1

يا تنقو.............................

Post: #70
Title: Re: شكيتكم على الله
Author: 3mk-Tango
Date: 10-27-2005, 07:32 PM
Parent: #1

الشكية في شنو تاني يا مريم

تاني الا اشكي انا دا ...

Post: #71
Title: Re: شكيتكم على الله
Author: الزوول
Date: 10-27-2005, 08:34 PM
Parent: #1

السلام عليكم
الأخت مريم
غايتو أنا ما سامع أي حاجة، لا شكوى لا غيرها
لكن الصورة الفي البروفايل حلوة

وما الناس إلا هالك وأبن هالك *** وذو نسب في الهالكين عريق