Post: #1
Title: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-17-2008, 05:58 AM
اولا
حمد الله علي سلامتك يا علاء ..
واجر وعافية ..
وياشباب العملية كانت بسيطة .. عبارة عن فتاق صغير .. .. بعيدا .. عن ايحاءات الوغد دكين ..
ولأنو تمبس ممنوع من الضحك .. عشان ما يشرط وكدا
فتحنا دفتر للمعايدات والمهاتفات من جميع انحاء العالم ..
وبقينا نضحك في صمت .. واخونا مسخسخ .. ويهضرب تحت البنج .. وقال حاجات عجيبة جدا ..
برضو بنقولها ليكم ..
غايتو
انا كنت اول من افتتح التعليق .. في الدفتر ..
بالأتي ..
يا تمبس اوعا يكونوا شالوا العدة
|
Post: #2
Title: Re: تعليقات ومهاتفات من دفتر زيارة تمبس بالمستشفي
Author: تيسير عووضة
Date: 01-17-2008, 06:11 AM
Parent: #1
الآن (حصحص الحق) 
ياخ أنا من أمبارح ماقادرة أمد راسي في سودانيز
قلت الود تمبس غشاني وقال لي (فتاق) وهي تطلع زي ما قال دكين
وافضيحتاه وكمان قال فاتحة بوست ..
شكراً شديد يا أحمد حنين
أنقذتني ..
|
Post: #3
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-17-2008, 06:13 AM
Parent: #1
وألأن
نفتح التعليقات اسفيريا .. هنا
موبايل /
00966568371878 علا (تمبس)
00966507909071 معتصم دفع الله
ويا معتصم .. وين التسجيل .. والصور يا شتات
|
Post: #5
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-17-2008, 06:23 AM
Parent: #1
يا تيسير
سلامات ..
موضوع بسيط لكن دكين .. وغد ..
العملية كلها فتاق صغير تحت الصرة مباشرة ...
ما تشوف شر يا تمبس ..
كتب احدهم في دفتر الزيارة .ولم يوقع .. الأتي
والله يا تمبس الدكتور دا كان نزل تحت شوية كان اتمقلبتا
|
Post: #7
Title: Re: تعليقات ومهاتفات من دفتر زيارة تمبس بالمستشفي
Author: Khalid Kodi
Date: 01-17-2008, 06:46 AM
Parent: #1
الأخ أحمد حنين،
تحياتى،
وحمدا بالسلامه الأخ تمبس.
وإذا أصريت على تعليق، يكون كالاتى:
(ألف حمدا لله بسلامة تمبس وإنشاء الله البواسير ماترجع ليهو تانى )
.
|
Post: #8
Title: Re: تعليقات ومهاتفات من دفتر زيارة تمبس بالمستشفي
Author: nazar hussien
Date: 01-17-2008, 07:06 AM
Parent: #7
Quote: ألف حمدا لله بسلامة تمبس وإنشاء الله البواسير ماترجع ليهو تانى )
|
يا خالد كودي يا فنان: الراجل راقد علي ضهرو في الصورة
برضو تقول ليه بواسير...سمعت ليك بي بواسير برقدو ليها كدي
الا تكون بواسير في الركب..
|
Post: #9
Title: Re: تعليقات ومهاتفات من دفتر زيارة تمبس بالمستشفي
Author: NASERELDIN SALAH
Date: 01-17-2008, 07:27 AM
Parent: #8
ه تمبس تاني ما تعمل كده
بتكتل ليك زول في البرد ده
قف
سلامتك نحمد الل0 عليها
قف
ابععععععد من ناس دكين 0000بيفضحوك الشمس فووووق
قف
ههه
بيني وبينك بالجد فتاق بس --- مابنكلم زول
|
Post: #10
Title: Re: تعليقات ومهاتفات من دفتر زيارة تمبس بالمستشفي
Author: NASERELDIN SALAH
Date: 01-17-2008, 07:37 AM
Parent: #9
/IMG]
صورتك راقد كده ذكرتنئ عمك فيديل كاسترو في وعكته الاخيره
قالو عندو فتاق برضو
هههههههههههههه
سلامتك يا ملك
نصرالدين -نيويورك
|
Post: #11
Title: Re: تعليقات ومهاتفات من دفتر زيارة تمبس بالمستشفي
Author: Saifeldin Gibreel
Date: 01-17-2008, 08:29 AM
Parent: #10
سلام... يا تمبس والف حمدالله على السلامة.... ربنا يعطيك الصحة والعافية... وبعدين.. الشئ المادى قعرو... وشعرو دة... ولد ولا بت.. لانو حسب علمنا السعوديات محجبات.. افتونا يا ناس السعودية.....
|
Post: #13
Title: Re: تعليقات ومهاتفات من دفتر زيارة تمبس بالمستشفي
Author: معتصم محمد صالح
Date: 01-17-2008, 08:35 AM
Parent: #11
يا ناس السعودية الزول ده الحقوا بلابتوب في المستشفى لانو حرام ما يشوف الكلام الاتقال فيهو ده وبعدين لما يطلع بالسلامة الرد بيكون فقد طعموا ..
| Quote: لانو حسب علمنا السعوديات محجبات.. افتونا يا ناس السعودية. |
يا سيف ..
90% من الممرضات في السعودية ده شكلهن وغالبيتهن فلبينيات ..
|
Post: #14
Title: Re: تعليقات ومهاتفات من دفتر زيارة تمبس بالمستشفي
Author: Emad Abdulla
Date: 01-17-2008, 08:38 AM
Parent: #11
سلام يا أحمد ..
أبوساندرا إتصل بي و سألني :
إنت صاحبك ده صحي كان عندو أب عديلات في مكان ما ياهو ؟؟
إتصلت بتمبس و سألتو عن صحة هذه الإشاعات ..
قال لي :
لأ .. داك محل اللوز .
....
البعرفو إنو أبو ساندرا عيونو كعبات ..
عرف كيف ؟؟؟
|
Post: #40
Title: Re: تعليقات ومهاتفات من دفتر زيارة تمبس بالمستشفي
Author: منذر نقدالله
Date: 01-18-2008, 09:02 PM
Parent: #10
سلامات يامان وما تشوف شر
|
Post: #12
Title: Re: تعليقات ومهاتفات من دفتر زيارة تمبس بالمستشفي
Author: معتصم الطاهر
Date: 01-17-2008, 08:34 AM
Parent: #1
تمبس
سلامتك
ويا جماعة الزول دا عندو فتـــــــــــاق من القعاد الكثير قدام الكمبيوتر ..
|
Post: #17
Title: Re: تعليقات ومهاتفات من دفتر زيارة تمبس بالمستشفي
Author: لقمان حسن همام
Date: 01-17-2008, 09:28 AM
Parent: #15
العاشرة والنصف من صباحات الدوحة الباردة
وأنا بقايا دوام ليلي؛ كان من الثانية عشرة منتصف ليل الأربعاء ـ الخميس
وحتي العاشرة من صباح الخميس ..
هاتفتُ حبيبنا علاء الدين (تمبس) مطمئنا على صحته ..
كان كما الورود؛ متفتحا مخضرا نضرا نديا؛ من خلال الصوت
حمدتُ اللهَ كتيرا ..
رغم الموقف؛ علقتُ على أمورٍ شتى ..
وأجابَ بما يُضحك !!
حفظك الله صديقي الودود؛ وشفاك من كل سوء وسقم ..
لقمان همام
|
Post: #16
Title: Re: تعليقات ومهاتفات من دفتر زيارة تمبس بالمستشفي
Author: حمزاوي
Date: 01-17-2008, 09:07 AM
Parent: #1
| Quote: العملية كلها فتاق صغير تحت الصرة مباشرة ... |
اخوي احمد حنين انت شفتو
اتأملت فيه كويس
أنا كنت معاه من الساعة 5 حتى الساعة 9ونص مساءاً
فجأة غرفة تمبس اتحولت الي منتدى بورداب الرياض
اختنا خالدة اوضحت سبب بوستها الشهير نساء بورداب الرياض والاخت حليمة شرحت المثل عوم حمار ... ما اقدر اكمل ... الاخوين زول ساكت وسيف كلي قالوا بقينا مطلعين ساي الاخ حميدة وصل من السودان ومن المطار الي غرفة تمبس الشاب صديق الموج قال ماشي للدكتور عشان يعطيه الشئ الاستئصلو من تمبس الوغد دكين بعد خروج الاخوات خالدة وحليمة اصر عشان يشوف مكان العملية ... أها الحصل بعد دا ما بنقدر نكمل
بس تحت تحت كدا سمعت قالوا العملية والعهدة على الراوي دكين هي خراج بس مش في مكان اللوز ولا في مكان البواسير .. عند التاني داك ... تعال كمل يا دكين
|
Post: #18
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-17-2008, 09:35 AM
Parent: #1
يا شباب لكم الخبارات والشمارات ...
وللأخ نمبس عدم الضحك .. والتعليق لمدة يومين .. عشان كدا خاونا نتجدع فيهو ..
الدفتر .. بالمستشفي .. مليان ...
وبجيبو ليكم كلو ...
الشاعر شحرفان .. البهمي ,..
كتب .. قصيدة
عنوانها
يا المفتوق حلاتك !!
الريس ابو جهينة .. كتب تعليق فظيع .. ثم رجع مسحو تاني .. لكن برضو عندنا
الشاب الوجيه ابو صلعة عمر الفاروق .. برضو سجل .. بلاويه .. وبرضو بجيبو..
اها تاني فضل منو ؟؟
|
Post: #19
Title: Re: تعليقات ومهاتفات من دفتر زيارة تمبس بالمستشفي
Author: DKEEN
Date: 01-17-2008, 09:54 AM
Parent: #1
| Quote: المادى قعرو... وشعرو دة |
لووووووووووووووووووول يا سيف جبريل
دي يا سيدي ازعط ممرضة لاقتني في مستشفيات الدنيا..
متطنقعة ومتعجرفة وامس مثلت ليها فصل بايخ تقول مرسلاها تراجي لي تمبس ده..
ووحاتك لو ما الخجلة والخوفة من تراجي تجي تقول دكين بتاع مؤخرات ..
كان غزيت ليها الدرب ده في مارايته من مؤخرة..
|
Post: #21
Title: Re: تعليقات ومهاتفات من دفتر زيارة تمبس بالمستشفي
Author: DKEEN
Date: 01-17-2008, 10:23 AM
Parent: #19
هضيبي السعيد ازيك
مشتاقين ياجريفاوي..
صحبك محمد حسن الفيل قالو عرسو الايام دي..
خليك قريب من البيت وماتقصر الراجل حبيبنا وما قصر فيما سبق ..
|
Post: #20
Title: Re: تعليقات ومهاتفات من دفتر زيارة تمبس بالمستشفي
Author: هضيبي علي سعيد
Date: 01-17-2008, 10:03 AM
Parent: #1
Quote: ووحاتك لو ما الخجلة والخوفة من تراجي تجي تقول دكين بتاع مؤخرات ..
كان غزيت ليها الدرب ده في مارايته من مؤخرة.. |
دشنو يا عبد العزيز يا قليل الحياء....!
|
Post: #22
Title: Re: تعليقات ومهاتفات من دفتر زيارة تمبس بالمستشفي
Author: فيصل نوبي
Date: 01-17-2008, 10:48 AM
Parent: #1
اها طلعت شنو !!
دكينية و لا تمبسية 
__
الف سلامة يا عمكـ .. اشاعات سااااااااااي
|
Post: #23
Title: Re: تعليقات ومهاتفات من دفتر زيارة تمبس بالمستشفي
Author: الشيخ صاح محمد
Date: 01-17-2008, 11:04 AM
Parent: #1
حبيبناتمبس ألف سلامة
شكرا حنين
|
Post: #24
Title: Re: تعليقات ومهاتفات من دفتر زيارة تمبس بالمستشفي
Author: العوض المسلمي
Date: 01-17-2008, 02:20 PM
Parent: #1
تمبس اخوي
العمليه دي ويييييييييييين
في الامام
ورامي وين وراء ولا قدام ؟
ارمي قدام وراء مؤمن
اخوي سؤال مهم :؟
تلفون تمبس كم يا عزيزي
رجاء الافاده
|
Post: #25
Title: Re: تعليقات ومهاتفات من دفتر زيارة تمبس بالمستشفي
Author: ismeil abbas
Date: 01-17-2008, 08:59 PM
Parent: #1
ألأخ/حنين
سلمت وسلم تمبس إن شاء الله...
اليوم حوالى الساعة 7ونصف مساء زرت تمبس ووجدته بخير وصحة وعافية.ومعه جمع غفير من ألأخوة وألأخوات
من بورداب وعلاقات إجتماعية.طبعآ تمبس مواصل الله يديهو العافية..والدفتر كان حايم بين ألأخوان.والغرفة مزدحمة..فأعطينا فرصة للأخرين ومعليش ما علقنا فى الدفتر..
لكن قلت ليهم الدكتور نسى حاجة مهمة فى العملية ماعمله..إنو ما عمل لى تمبس شطرطون فى خشمو
عشان العملية ما تفتح تانى....
ربتا يحفظكم بورداب الرياض..
مودتى..
إسماعيل محمد احمد عباس..........
|
Post: #26
Title: Re: تعليقات ومهاتفات من دفتر زيارة تمبس بالمستشفي
Author: الأمين عثمان صديق محمد
Date: 01-17-2008, 09:49 PM
Parent: #1
احمد حنين سلامات
الصورة دي ليها ساعة تقريبا
اها يا جماعة شوفتوا ليكم زول عندو بواسير بمشي بعد يوم من العملية
وكمان ضاحك
تامبا
الف حمد لله على السلامة
|
Post: #27
Title: Re: تعليقات ومهاتفات من دفتر زيارة تمبس بالمستشفي
Author: صلاح الفكي
Date: 01-17-2008, 10:57 PM
Parent: #1
الأخ تمبس..
ألف حمدا لله علي سلامتك وان شاءالله ما تشوف شر..
|
Post: #28
Title: Re: تعليقات ومهاتفات من دفتر زيارة تمبس بالمستشفي
Author: Al-Shaygi
Date: 01-17-2008, 11:16 PM
Parent: #1
Quote: اخوي احمد حنين انت شفتو
اتأملت فيه كويس
أنا كنت معاه من الساعة 5 حتى الساعة 9ونص مساءاً
فجأة غرفة تمبس اتحولت الي منتدى بورداب الرياض
اختنا خالدة اوضحت سبب بوستها الشهير نساء بورداب الرياض والاخت حليمة شرحت المثل عوم حمار ... ما اقدر اكمل ... الاخوين زول ساكت وسيف كلي قالوا بقينا مطلعين ساي الاخ حميدة وصل من السودان ومن المطار الي غرفة تمبس الشاب صديق الموج قال ماشي للدكتور عشان يعطيه الشئ الاستئصلو من تمبس الوغد دكين بعد خروج الاخوات خالدة وحليمة اصر عشان يشوف مكان العملية ... أها الحصل بعد دا ما بنقدر نكمل
بس تحت تحت كدا سمعت قالوا العملية والعهدة على الراوي دكين هي خراج بس مش في مكان اللوز ولا في مكان البواسير .. عند التاني داك ... تعال كمل يا دكين |
الخال حمزاوي!!!!!
أتاريك كده وأنا ما عارف
الشايقي
|
Post: #30
Title: Re: تعليقات ومهاتفات من دفتر زيارة تمبس بالمستشفي
Author: Kostawi
Date: 01-17-2008, 11:40 PM
Parent: #28
Wish you well
tmbis
|
Post: #29
Title: Re: تعليقات ومهاتفات من دفتر زيارة تمبس بالمستشفي
Author: Mahmoud Mustafa Mahmoud
Date: 01-17-2008, 11:35 PM
Parent: #1
في بوست للأخ الدكتور محمد حسن...ملفات وانفتحت...
كتبنا :
Quote: وأخرى لخصوم تمبس تم رصدها من تحت البنج:
قايليني متة موش؟؟ (بلاي)...؟؟
والله أنا أطلع ليكم من الصندوق الأسود زاتو...سحل شديد..
لووووووووول...
وش مطلع لسانو ومشحط إضنينو كمان.. |
سلامات تامبا..
لكن ياخ ده برد عمليات ده؟؟
هسي يغيروا ليك كيف زاتو؟؟؟
|
Post: #31
Title: Re: تعليقات ومهاتفات من دفتر زيارة تمبس بالمستشفي
Author: Al-Shaygi
Date: 01-17-2008, 11:58 PM
Parent: #1
تقوليبيضحك؟؟؟
السلوك الممدده قدامه دي ماك شايفه؟؟؟؟
وتقول لي مواسير وفواتير!!!!
الزول قاعد معاهو من الضهر للعصر ويشيل ويوصف لي في المواسير والبوابير
وداك يا السباك الجابوه ليه بعد البنج
وتحت تحت قالوا سباك أفغاني!!!! (والله أعلم وعلى زمة الراي)
وبعد ده تجي وتقول لي لوز
هي اللوز دي بقت لغاليغ عادل أمام ونحنا ما عارفين
غايتو دكين الجن ده أنا بخارجو من تامبا وبعالجه بره بره ولا عمليه ولا نمليه وتمبسكو في الدسكو يرقص ويقول دكينكو في دقيكو ويقبض أضان مرفعينكو...............
الشايقي
|
Post: #32
Title: Re: تعليقات ومهاتفات من دفتر زيارة تمبس بالمستشفي
Author: ترهاقا
Date: 01-18-2008, 05:47 AM
Parent: #31
والله الف بعد الشر على حبيبنا تمبس وإنشاء الله الوغد دكين ما يشمت
وهاك دى على الطاير
|
Post: #42
Title: Re: تعليقات ومهاتفات من دفتر زيارة تمبس بالمستشفي
Author: الأمين عثمان صديق محمد
Date: 01-18-2008, 09:46 PM
Parent: #31
| Quote: السلوك الممدده قدامه دي ماك شايفه؟؟؟؟ |
الشايقي كيفنك
يا زول السلوك ديل سلوك الفايظ
اها هسه شوف السولك مرقن وللا ما مرقن
هنا قلع ملابس المستشفى ولبس الترنج
ركبنا العربية متوجهين على العليا
اتحكر في قلب المقعد
يطمئن الوالدة ويقول ليها خلاص انا ماشي البيت
وصل البيت بالسلامة ويا السرير جاك زول
الصور مهداه لي رجاء العباسي وليك ولي كل محبي تامبا
يا استاذة رجاء تشرفنا كثيرا بالحديث معك عبر الهاتف واللسان خلاص بقى 100%
|
Post: #33
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-18-2008, 08:13 AM
Parent: #1
جييكم يا شباب
والله الدفتر فيهو كلام.. يا عوض دكام
والأتصالات هبطرش من كل انحاء العالم
واكتر حاجة من الجنس اللطيف ..كيتا علي دكين
|
Post: #34
Title: Re: تعليقات ومهاتفات من دفتر زيارة تمبس بالمستشفي
Author: خالد العبيد
Date: 01-18-2008, 09:58 AM
Parent: #1
سلامة تمبس
| Quote: ويا جماعة الزول دا عندو فتـــــــــــاق من القعاد الكثير قدام الكمبيوتر .. |
القعاد الكتير بيهمل بواسير!
والدليل انو العملية دقة سريعة!!
تحياتي يا حنين وتمبس
|
Post: #35
Title: Re: تعليقات ومهاتفات من دفتر زيارة تمبس بالمستشفي
Author: Salah Waspa
Date: 01-18-2008, 10:11 AM
Parent: #34
يلا يافردة راجين المغنى وراجين نفرح بي طلتك
أقعدوا ضحكوه وكلكلو فيهو لما الضحك يشرطه (وش ضاحك)
ألف بعد الشر يا وجيه
صلاح
|
Post: #36
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-18-2008, 10:24 AM
Parent: #1
يا شباب والله الواحد داير يموت من الضحك .. وهو بقرأ في الدفتر ..
وايضا الواحد يزيد فخرا انه ينتمي لهذا المكان .. ولهولاء الأخوان والأخوات ..
اتصالات من جميع انحاء العالم .. وكلها مسجلة ,, وبنجيبها ليكم .. هنا... لستة لستة
نرجع للتعليقات بمناسبة الأتصالات ..
كتب الوغد دكين
وطبعا .. اقٍرأو الكلام بصوت انثوي رقيق
كيف انتي
اخبارك
انتي كويسة
ها هاها .. لا الحمد لله
شكرا يا انتي
ما تشوفي شر
اعلاه حالة تميس في السرير وهو يرد علي تلفونات جكس لا تنتهي الا لتبدأ
انتا حتخلص من الفتاك .. حتخش في حضن مرة
التوقيع / دكيييين
|
Post: #37
Title: Re: تعليقات ومهاتفات من دفتر زيارة تمبس بالمستشفي
Author: حيدر حسن ميرغني
Date: 01-18-2008, 01:19 PM
Parent: #36
سعدت بمهاتفة تمبس
__
هدد بمطارة الاوغاد
|
Post: #38
Title: Re: تعليقات ومهاتفات من دفتر زيارة تمبس بالمستشفي
Author: حيدر حسن ميرغني
Date: 01-18-2008, 01:20 PM
Parent: #36
سعدت بمهاتفة تمبس
__
هدد بمطاردة الاوغاد
|
Post: #39
Title: Re: تعليقات ومهاتفات من دفتر زيارة تمبس بالمستشفي
Author: محمد عبدالرحمن
Date: 01-18-2008, 02:07 PM
Parent: #38
ررررن رررن .,,
الو الو منو معاى ؟
معاك تمبس ...
ياتمبس معاك (هناية) كفارة والف سلامة ليك ..
معتصم دفع الله معاك ياتمبس ؟(دى المتصلة طبعا ) ..
ايوا معاى ؟
ادينى اكلمو ..
هناية : ازيك ياشفيف ..
معتصم : ازيك ياشفيفه ...
ونقنق نقنق نقنق ...نقنق ..
..وتستمر المكالمة بين معتصم والمتصلة الى اكثر من عشرة
دقائق ويكون نصيب (تمبس) أجر المناولة ...باقى معتصم
دا تمساح كبير ...
الف سلامة لحبيبنا علاء ومايشوف شر ان شاء الله ...
تحياتى ياحنين ...
|
Post: #41
Title: Re: تعليقات ومهاتفات من دفتر زيارة تمبس بالمستشفي
Author: عبدالله شمس الدين مصطفى
Date: 01-18-2008, 09:30 PM
Parent: #39
سلامتك يا تمبس ،
وزى ما قالوا الجماعة،
(الطلبة بريّة... يموت الشعب)
جعلها الله آخر "الفِتاقات" ياخ
|
Post: #43
Title: Re: تعليقات ومهاتفات من دفتر زيارة تمبس بالمستشفي
Author: Tabaldina
Date: 01-18-2008, 10:05 PM
Parent: #1
..
.
ياخى بعد الشر عليك يا تامبا
معليش اعذرنا .. قل مرورنا من هنا ..
ان شاء الله اجر وعافية ؛؛؛
وانت بس تأمر ..
____________
لك الود باق ولنا العذر
|
Post: #44
Title: Re: تعليقات ومهاتفات من دفتر زيارة تمبس بالمستشفي
Author: ثروت سوار الدهب
Date: 01-18-2008, 10:09 PM
Parent: #43
الف حمدالله على السلامة يا اخ تمبس
و شكرا للاخ احمد حنين
|
Post: #45
Title: Re: تعليقات ومهاتفات من دفتر زيارة تمبس بالمستشفي
Author: AMNA MUKHTAR
Date: 01-19-2008, 03:36 AM
Parent: #1
الف كفارة عليك يا تمبس..
والحمد لله القمت بالسلامة..
مليون باقة ورد انغليزى .
|
Post: #46
Title: Re: تعليقات ومهاتفات من دفتر زيارة تمبس بالمستشفي
Author: Tragie Mustafa
Date: 01-19-2008, 03:47 AM
Parent: #45
ثاني سلامتك يا تمبس
وشايفه دكين مصر يقحم اسمي.
الفتاق بجي من الشكل الكثير
خلي الشكل وما بتجيك عوجه.
|
Post: #47
Title: Re: تعليقات ومهاتفات من دفتر زيارة تمبس بالمستشفي
Author: Saifeldin Gibreel
Date: 01-19-2008, 03:55 AM
Parent: #46
لقد كان لي شرف... التحدث عبر الهاتف مع الاخ علاء تمبس والاخ معتصم... وأتمنى ان تتواصل العلائق والصلات بيننا.... انشاءالله والف حمدالله على السلامة يا تمبس..... ومعزرة يا معتصم الخط قطع... ما كان فى رصيد كافي...
سيف
|
Post: #48
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-19-2008, 06:51 AM
Parent: #1
وتمدد الفيل تامبا علي السرير ..
وبيده الموبايل ايضا .. والجرح يتاور ..
الو .. انتي حلوة ولا ما حلوة يا هنايا ..
وانفجر الشاعر صلاح شتات ضاحكا ...
وارسل التعليق
الأتي
تشريحا لحالة تمبس
الحب في زمن الفتاق
|
Post: #50
Title: Re: تعليقات ومهاتفات من دفتر زيارة تمبس بالمستشفي
Author: مجدي عبدالرحيم فضل
Date: 01-19-2008, 07:08 AM
Parent: #48
ياعلاء أن شاء الله التمديده الجاي في عنقريب الجرتق وتتفتق ألسنت الحسان بالزغاريد
وروائح العبق تطبق علي الأفق جملة الإيمان ياتمبس نجيك من جده .
شكرا أحمد حنين خليك بلمس شفاء وأمانه عليك ترسل التعليقات في إيميلي عشان في نااااس كده
فكوا آخرم .
،،،،أبوقصى،،،،
|
Post: #49
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-19-2008, 06:59 AM
Parent: #1
ولأن تامبا زول مواصل .. كانت الأتصالات من جيع انحاء العالم
للأطمئنان علي فتقه ..
من جدة
محمد علي يسن
الطيب برير
مجدي ابو قصي
صديق رحمة
شمسان
|
Post: #51
Title: Re: تعليقات ومهاتفات من دفتر زيارة تمبس بالمستشفي
Author: ابو جهينة
Date: 01-19-2008, 07:14 AM
Parent: #49
إتصل أخونا محمد الجيلي بالأرباب متوكل و الذي دائما مشغول بالرد على جوالين في وقت واحد :
و قال له محمد : تمبس عمل عملية؟ طهور إن شاء الله
فقال متوكل : لأ .. فتاق
|
Post: #52
Title: Re: تعليقات ومهاتفات من دفتر زيارة تمبس بالمستشفي
Author: معتصم دفع الله
Date: 01-19-2008, 07:24 AM
Parent: #1
دخلت قسم العمليات أشوف الزول دا إتأخر ماله ..
لقيته داقي جرس جوة وعامل فوضى عجيبة جداً ..
سلمت عليهو وحمدت الله على سلامته ..
قام سألني البنج في آخره ..
يا معتصم أنا وين بصوت عالي جداً ..
قلت ليهو قول بسم الله انت في حجرة الإفاقة في الوقت داك جات ممرضة داخله ..
قال ليها أمرقيني من هنا ياخ ودوني غرفتي ..
قمت قلت ليهو الليلة وين يا منقه ..
الفورة مليون بس طول بالك
حقيقي سعدت جداً بالوقفه العظيمة التي وقفها بورداب الرياض وأسرهم وأصدقائنا وسعدت بمكالمات البورداب وزوار المنبر من شتى أنحاء العالم وهم يسألون عن صحة تمبس والإطمئنان عليه ..
هذه هي روح السودانيين السمحة التي تربينا عليها مؤكدين عمق صلاتنا ومحبتنا لبعض ..
شكراً جميلاً للجميع وربنا يقدرنا على جزاكم ..
تمبس الآن بخير وهو في البيت وبيبلغكم تحياته وشكره العميق ..
ولا يهمك يا سيف جبريل وأنا كمان كنت سعيد جداً بسماع صوتك نتلاقى هناك في الشيطة ..
يا محمد عبدالرحمن ما دي فرصة ياخ نضيعه كيف 
|
Post: #53
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-19-2008, 07:31 AM
Parent: #1
كتب ابو جهينة ..
يا تامبا طهارة الكبر حارة ...
ورجع الريس مسح الكتبو ..
عمر الفاروق ..
كتب الأتي
العفش داخل البص علي مسؤلية صاحبه ..
فهل فقد تمبس عفشه ؟؟؟
|
Post: #54
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-19-2008, 08:25 AM
Parent: #1
ورجع الريس ابو جهينة ..
معلقا مرة اخري
اقيس فتاقك بمن ؟؟
|
Post: #55
Title: Re: تعليقات ومهاتفات من دفتر زيارة تمبس بالمستشفي
Author: سيد محمد احمد سيدنا
Date: 01-19-2008, 08:51 AM
Parent: #54
الف حمدا على السلامه الاخ تمبس
وبحق سعدنا وانت على السرير ان
نجد اسرة الاخ محمد حميده وتشرفنا بمعرفة
الوالد والوالده والقفشات والخطوبه والعروس
الما جات رغم شرح الاخ مصطفى عن الزواج
فى الكبر ذى النقش فى الحجر 0
اجمل ما رأيت ملازمة الاخ الشفيف معتصم وشويه
كنا عاوزين نقول ليه كيف يا ابو منصور وبحق
يستاهل ونشكر الله ان فى بلادنا ما لم تلده امك .
تحياتــــــــى
ســــــــــــيد
|
Post: #56
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-19-2008, 09:32 AM
Parent: #1
شفاك الله يا تمبس
احمد العمار
تمبس علاء عيان سلامتك
وناس فلان وفلان كرامتك..
ومتأكد انو فتاق ولا حاجة تانية
لك مودتي وصادق امنياتي وتوقم بالسلامة
اخوك اسعد الريفي
كلهم اتريقوا عليك
لكن انا بهنيك بي مرض الرجال
اغاظة لي دكين ..
الف سلامة
صلاح الغول
|
Post: #58
Title: Re: تعليقات ومهاتفات من دفتر زيارة تمبس بالمستشفي
Author: nadus2000
Date: 01-19-2008, 10:38 AM
Parent: #56
ألف حمدلله على سلامة أخونا تمبس
وسعيد بسماع صوتك وصوت معتصم
|
Post: #57
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-19-2008, 10:08 AM
Parent: #1
وتتوالي الأتصالات ...
خليجيا .. اتصل مطمئنا كل من الأتية
صلاح عووضة .. الأمارات
ابوبكر سيداحمد.. الأمارات
الشيخ ابراهيم الشيخ ..الأمارات
حامد يوسف ..ابوظبي
محمد المرتضي .. مسقط
معتصم الطاهر .. قطر
اميرة الشيخ .. قطر
عزالدين ع اللطيف .. قطر
عبدالكريم كيكي .. قطر
نزار حسين .. البحرين
عمر القرضابي .. الأمارات
معروف حمدين .. الأمارات
لقمان حسن همام .. قطر
|
Post: #59
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-19-2008, 12:17 PM
Parent: #1
نواصل
تمبس الف سلامة ليك
حالة تمبس في السرير كبانية
جكس يضحك للفاطر الأخير .. وينعم في صوته
يوسف السماني
تمبس المفتق كاالورد انت
تتفتق لتضوع رياحين
توقيع بدون اسم
فتقوه من بطني الا من قلبي ما فتقوه
مفتوق هواك يا كردفان
ود الباوقة
|
Post: #60
Title: Re: تعليقات ومهاتفات من دفتر زيارة تمبس بالمستشفي
Author: محمد علي ياسين
Date: 01-19-2008, 12:50 PM
Parent: #1
الزملاء الكرام
نحمد الله على شفاء الاخ تمبس
كتب أبو قصي :
Quote: ياعلاء أن شاء الله التمديده الجاي في عنقريب الجرتق وتتفتق ألسنت الحسان بالزغاريد وروائح العبق تطبق علي الأفق جملة الإيمان ياتمبس نجيك من جده .
شكرا أحمد حنين خليك بلمس شفاء .
،،،،أبوقصى،،،، ] |
ونكرر :Quote: وروائح العبق تطبق علي الأفق جملة الإيمان ياتمبس نجيك من جده .
،،،،أبوقصى،،،، ] |
دعنا يا أبا قصي أن نحتفل به في جده
ونوجه له الدعوة من هذا المنبر
هو وصحبه الكرام ...
حفظكم الله أجمعين
محمد علي ياسين
|
Post: #61
Title: Re: تعليقات ومهاتفات من دفتر زيارة تمبس بالمستشفي
Author: اسعد الريفى
Date: 01-19-2008, 01:05 PM
Parent: #1
احمد حنين
و انت تقلب فى دفاتر تمبس ( الفتاقية)
ارجو ان لا تفرتق الصفحات عن بعضها ..
أما و قد تأكد على رؤوس الاشهاد ان المسألة فتاق ..
و ما رأيناه بأم أعيننا .. فلا شك ان يدحض مزاعم الاخ دكين الموعود (بدفتر من نوع اخر) حتى لو ذهب الى إقاصى الاكوادور .. و ايضا مزاعم حمزاوى .. و بيدنا نسخة من التقرير الطبى الموثق ..
و نتمنى بروح الحب التى جمعتكم
و المودة
و الصداقة ان تندمل كل جراحات .. المجروحين
و يعود الكل قلبا واحدا .. فى المكان الواحد الذى جمع الجميع..
ما رأيته من مودة و حب بينكم ..
أسأل الله أن يمتد ليشمل كل من يكتب هنا ..
|
Post: #62
Title: Re: تعليقات ومهاتفات من دفتر زيارة تمبس بالمستشفي
Author: ادريس خليفة علم الهدي
Date: 01-19-2008, 01:25 PM
Parent: #61
| Quote: و بيدنا نسخة من التقرير الطبى الموثق .. |
لا حولالالالالالالالالالالالا ... حتي التقرير الطبي زورتوهو
|
Post: #63
Title: Re: تعليقات ومهاتفات من دفتر زيارة تمبس بالمستشفي
Author: عبد اللطيف بكري أحمد
Date: 01-19-2008, 02:33 PM
Parent: #1
Quote: حقيقي سعدت جداً بالوقفه العظيمة التي وقفها بورداب الرياض وأسرهم وأصدقائنا وسعدت بمكالمات البورداب وزوار المنبر من شتى أنحاء العالم وهم يسألون عن صحة تمبس والإطمئنان عليه ..
هذه هي روح السودانيين السمحة التي تربينا عليها مؤكدين عمق صلاتنا ومحبتنا لبعض ..
شكراً جميلاً للجميع وربنا يقدرنا على جزاكم ..
تمبس الآن بخير وهو في البيت وبيبلغكم تحياته وشكره العميق ..
|
هذه يامعتصم لب الحديث،،
فالمرض أمر عادي وكلنا ينتظر فيه دوراً عساه يكون ميسرا،،
أما الجمال الحقيقي فكانت هذه الروح ، وغرفة العناية تتحول
لمنتدى في غاية الروعة، الكل فرح أولا بنجاح العملية
ثم بملاقاة أحباب البورد ، والأخ علاء الدين يمثل بكل
شموخ أهل السودان قمة التسامح وهو يذكر المختلفين معه
أكثر من أصدقائه ويخصهم بالشكر،،
أنا دائم القول بأن الكيبورد فيهو شيطان يحول بين هذه
الأشياء الجميلة وبين المنتدين ، فلا أجمل من أن تجدهم
عياناً بياناً ، كل إختلافاتهم خلف هذا الكيبورد تذوب
ما عن لهم أمر جد يشغلهم كمرض العزيز علاء الدين،،
==
دكين : (والله لك في القلب محبة ) جههتنا
ولغاية الآن ماعارفين تمبس عندو شنو؟؟
|
Post: #64
Title: Re: تعليقات ومهاتفات من دفتر زيارة تمبس بالمستشفي
Author: صديق الموج
Date: 01-19-2008, 05:08 PM
Parent: #1
ياشباب الولادة خشم بيوت لكن الما بجى لى تمبس بكاء ابوه ما بنجيهو...
اولا الفتق اتسع على الراتق...
ثانيا الدكتور قال ليه لو حصل شى شوف ليك سباك.
بعد خروج تمبس شوف عينى شىء حلل وشى كوارى..وشى بخور حلو..
نشأ....ومديدة تمر ..ومديدة حلبه ..تحاميل..
مشمع احمر..قصريات..وكل ما يتعلق
بالنفاس من بعيد او قريب
اللهم ربى لا شماته..
اجر وعافية يا تمبس ولايهمك واثقين منك..
ده مرض الرجال..قبالك مسك شيخ العرب ود ابوسن
وودالموج وود قاسم وابو جهينة ..
يعنى عادى..
غايتو اهلنا الجعليين زى مرض تمبس ده لما تسالهم فلان مالو
بقولو ليك اخير موتو..
لكن باعتبار تمبس من امدرمان فاولاد امدرمان بعملوا ليها بارتى قبل وبعد
العمليه ...سنه يا الحضارة
حمزاوى الدور جاييك،،،
|
Post: #65
Title: Re: تعليقات ومهاتفات من دفتر زيارة تمبس بالمستشفي
Author: حيدر حسن ميرغني
Date: 01-19-2008, 06:06 PM
Parent: #64
العزيز صديق الموج خال تمبس
ياخي الشغلة دي ماكدة
فى اعتقادي كانت عين سمكة قديمة طلعت بأثر رجعي وادت لفتاق
الزول ده كان لاعب كورة ماترزي
|
Post: #66
Title: Re: تعليقات ومهاتفات من دفتر زيارة تمبس بالمستشفي
Author: ابو جهينة
Date: 01-20-2008, 07:30 AM
Parent: #65
ود الموج
Quote: ده مرض الرجال..قبالك مسك شيخ العرب ود ابوسن
وودالموج وود قاسم وابو جهينة .. |
بس ما شفنا لا قصرية لا بخور حلو ولا مر ... قضيناها شوربة جداد ماسخ
تفتيقة :
إتصل بي واحد متصفح و قال لي عندو قصيدة عاملا لي تمبس بمناسبة العملية و يهديها لكل عزابة الرياض و على رأسهم ( مو ) :
يقول في مطلعها :
فتقووووك و جرَّحوا صُرتك .. فتقوووك
و اللحن تماما كأغنية الحقيبة إياها و سيتغنى بها بوردابي في يوم الكرامة.
|
Post: #67
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-20-2008, 07:48 AM
Parent: #1
سلام جاكم
بناء علي مداخلة صديق الموج اعلاه ..
كتب احد الخبثاء .. ولم يوقع
كتب الأتي
اخي الحبيب تمبس الف حمد الله علي سلامتك
الحقيقية جيت ولم احظي برؤية المولود ..
ان شاء الله يكون ولد ...
|
Post: #68
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-20-2008, 11:45 AM
Parent: #1
الوو
تامبا ..
انتو الأربعين ما تمت لي حسع ولا شنو
|
Post: #69
Title: Re: تعليقات ومهاتفات من دفتر زيارة تمبس بالمستشفي
Author: haleem
Date: 01-20-2008, 01:36 PM
Parent: #1
حمدا لله على السلامة اخ تمبس
|
Post: #70
Title: Re: تعليقات ومهاتفات من دفتر زيارة تمبس بالمستشفي
Author: Siham Elmugammar
Date: 01-20-2008, 02:00 PM
Parent: #69
الاخ احمد
حمدالله على السلامه
الرجاء رقم تمبس
|
Post: #71
Title: Re: تعليقات ومهاتفات من دفتر زيارة تمبس بالمستشفي
Author: نيازي مصطفى
Date: 01-20-2008, 03:16 PM
Parent: #70
Quote: غايتو اهلنا الجعليين زى مرض تمبس ده لما تسالهم فلان مالو
بقولو ليك اخير موتو..
|
الف الف حمدا لله على سلامة الاخ تمبس وان شاء الله اجر وعافية.
|
Post: #72
Title: Re: تعليقات ومهاتفات من دفتر زيارة تمبس بالمستشفي
Author: Raja
Date: 01-20-2008, 03:37 PM
Parent: #1
حنين الحنين..
سلامات ومحبة..
كتبت لي مداخلة كااربة اول امبارح فيها تلغراف..
ما لقيتها..
ألف حمد لله على سلامة تمبس..
الأمين يا عزيز..
شكرا ليك كتير على الإهداء..
السعادة والشرف كانا لي يوم حديثي معك وتمبس..
* نلغرافي يا حنين كان: إن شا الله العملية مافي اللسان ..
ودي
|
Post: #73
Title: Re: تعليقات ومهاتفات من دفتر زيارة تمبس بالمستشفي
Author: محمد على طه الملك
Date: 01-20-2008, 06:07 PM
Parent: #72
الحمد لله الذي اولاك بنعمة الشفاء ورد اليك عافيتك..
اجر وعافية .
|
Post: #74
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-21-2008, 09:01 AM
Parent: #1
بت العباسي .. الحبيبة الغالية
وينك ...
عرفت انك في الأردن .. تحت الصقيع والبرد ..
بتسوي شنو هناك ؟؟ مع الناس الثقلاء ديل !!!
ارجو ايصال تحياتي للأخت هدي ..
اما اخونا .. تامبا .. لسع عليهو شوية ...
لمان يجي يرد علينا .. خلينا نتجدع فيهو .. شوية
|
Post: #75
Title: Re: تعليقات ومهاتفات من دفتر زيارة تمبس بالمستشفي
Author: محمود بكر
Date: 01-21-2008, 10:56 AM
Parent: #1
الفاضل حنين
تحياتي
الموضوع ليس كما ذهب اليه بعيدا دكين وصديق الموج
حسب شوف عيني
وحمد الله على السلامة ياتمبس
والعملية دي كشفت كم انت محبوب وغالي
ووقفة بورداب الرياض الرئعة
|
Post: #76
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-22-2008, 07:15 AM
Parent: #1
نواصل
يا معتصم
ما قالوا ليك بتفتقو ..
توقيع
الطيب حسن جميل
|
Post: #77
Title: Re: تعليقات ومهاتفات من دفتر زيارة تمبس بالمستشفي
Author: حمزاوي
Date: 01-22-2008, 08:23 AM
Parent: #1
اخوي محمود بكر
مسكاقمي
دا كلام شنو
سجمي
شفت شنو
يا راجل الشئ كان طهور
وتقول لي شفتو
حتى الجلد اخذو صديق الموج
احتفظ بيه يا صديق الموج اخوي عساه ينفعك
الدور جاييك يا دكين
أنفخوا
|
Post: #78
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-23-2008, 07:34 AM
Parent: #1
هية لكن يا سستر.. ما براحة ..
اي .. أخ .. ياشباب تعالوا ارفعوني شوية ...
لا لا .. لا براحة , تحت شوية بس ,, كدا مظبوط .. اح احي..
( تمبس في اضعف حالاته .. الواحد مفروض يستقل الفرصة .. و ...)
ملحوظة :
اول مرة اشوف شخص يرجف بي جضومو..
توقيع
معتصم عمر
SAMO
|
Post: #79
Title: Re: تعليقات ومهاتفات من دفتر زيارة تمبس بالمستشفي
Author: ahmed haneen
Date: 01-29-2008, 09:43 AM
Parent: #1
نواصل يا شباب
ولا خلاص بلاش فضايح
|
|