تماضر شيخ الدين ،، خبزتــــو ؟؟ وأين انت أيتها الرائعــة ؟؟

الفنانة تماضر

كل سنة وانت طيبة

يفتقدك المنبر

وخاصة اصدقائك بورداب الرياض

فهل نطمع في عيدية منك

وتعيدي مثال ذلك البوست الرائع ( خبزتو)

خبزتو؟؟؟؟؟؟

هناك
رائعين ورائعات مثلك تداخلوا في الخبيز

ونفتقدهم الأن ،، نذكر منهم

MUNA OBIED

yumna guta

Rawia

hala guta

salam

رشا بابكر

شايفاكم ... وبقراكم..... وبحبكم...... وجاية

ظروف
معقدة وقاهرة

اظنها بغداد زاتو

ابعدتنى منكم

لكن شا يفاكم وبقراكم وبحبكم وبجى

رحلت عشة زيادة ، الام الرؤوم ، المراة الضاحكة المعلمة الجميلة
وكان حزنا

شايفاكم

شايفة خالد عويس ودانى جزر هاواى ورسل معاى اب حراز
شايفة قرجة رسمنا كلنا

شايفة شيرى فارشة تبش وشطة فى قارعة البورد
شايفة الجندرية بتبدع بمداخلاتها القيمة ومعاها عجب الفيا فى مباراة الحوار الفذ
شايفة هوبليس ومحمد سيد احمد وودقاسم فقدونى

شكرا
شايفة المنازلات السياسية والحوار الهادىء

شايفة بت الخمسطاشر دقوها عشان الشرابات

شايفة جدو يجاوز فى ناس البورد وينشر فى المحبة

شايفة خدر عرس ، معقولة بس ؟؟؟ مبروك

شايفة تيمان الموصلى متخرجين ، والف مبروك

شايفة حوار حمزة سليمان فى السياسى ، جميل وضافى ومرتب

شايفة تمبس ، وعامر الجوهرى وعميرى

شايفى شيبا وعشقه الجميل لمصطفى سيد احمد والاضافات

شايفة رمانة رجعت .. يا مراحب

شايفة حنينة دخلت البورد، الف اهلا

شايفة دكين انقلب بت قضيم ، قادر الله

شايفة رقية وراق ، بتضيف جديدها وتجرتق فى صفحات البورد

بختنا
شايفة فتحى بحيرى بحرض ، قدما

شايفة السنجك والساحر زعلانين منى ، معليش
نتكلم... وبنحلها

شايفة بت القبايل بتنشر فى رسائل الروح ، يا سلام

شايفاكم ، شايفة اكتر من كدة

وشايفة موديك ما داير يرجع
وشايفة يحى فضل الله " الكثيف" اكثر همة وكثافة


وشايفة رباح مشت ، ياخسارة

شايفاكم ... وبحبكم ....وبقراكم وجاية

ظروف قاهرة ولا اظنها بغداد زاتو

لكن بجى


####

وما زلنا منتظرين جيتك

فهل نطمع في عيدية

الاخ احمد
رمضان كريم......أتسال معك اين انت يااستاذة تماضر ايتها الرائعة....ارجو ان لا تطول الغيبة...
معزتي

I'm sending personal email to Tumadir with this link. I know she is in a temporay moving situation and doesn't have frequent access to email.

Mohamed Elgadi

شكرا د محمد المشرف

وارجو ان تسمع الرائعة الفنانة تماضر هذا النداء

وتتذكر ذلك الجمال الذي نشرته هنا

اقرأ معي هذة الكلامات

Quote: لاتصيغون السمع لاستغاثاتى تخالفون من اجلى قوانبن الجاذبيه قلت لكم آيله للسقوط...قلتم لا....انك" تسقطين " الى اعلى قلت لكم امنحونى ذراعا انى اتهالك...قلتم ذراعاك اصلب فنحن نسنتد عليهما قلت امنحونى القوه والسند قلتم اودعناك كل الحب

من بوست

اصدقائى انى اكرهكم..مع جزيل الحب


وايضا هنا شارك معها عدة رائعين ولكنهم اختفوا ايضا

نذكر منهم


منعمشوف


هدهد

Raja

dabeep
الفاتح يسن
Tomader Habiballa
شريف محمد ادوم

مراويد

بت قضيم

Nada Amin

وبرضو نسأل اين هم الأن



نواصل

ويستمر النداء من اجل ان يعم الجمال هذا المكان

الأخ محمد القاضي

تشكر يا استاذ

وارجوك ناديها تاني وتاني

وقول ليها كل الأصدقاء في انتظارك




اسمعنا مرة

وحاتنا عندك اسمعنا مرة

الاخ احمد حنين..... التحيات الطيبات
الغياب صار سمة هذا المنبر الاساسية و والله ما باليد حيلة
معاك انادى على تماضر و كل الغائبين /ات

سلامات يا حنين..

والتحية للعزيزة تماضر وأسرتها..

وسلام للجميع.. وسلام كبير لك يا يمنى.. سلامنا لهالة والجميع..

وقد فرحت لظهورك في البورد..

ياسر/إلهام

الاخ ياسر سلامات و كل سنة و انت طيب
تشكر لمشاعرك النبيلة و سلامك يوصل انشاء لله
تحياتى للاخت الهام و العيال

الأخت يمني

صباحك بطعم القرنفل

ارجوك لا تتطولي الغيبة

حتي ولو دقائق فقط لإضاءة المكان

لك الأمنيات الطيبات

ومعك ننادي تماضر

وينك يا بت الشيخ

ارحب بعودة الأخت يمنى قوتة ، وأنادي تماضر بصوت عالي ،
وقد اختفى العديد من الزملاء والزميلات الذين كنا نعول عليهم كثيرا في دعم المنبر ونشر الثقافة والإسهام في تمتين أسس الحوار الوطني ...
تعالي يا تماضر ، تعالي في العيد أو قبل العيد ، لا بعده ، اجعلي عودتك عيدية لنا ..

الأستاذ ياسر الشريف

انت ايضا اناديك بألا تطول الغياب

الخال ود قاسم

انت دوما حادينا في مناداة الجمال والروعة

وانادي معك تماضر ،،

نحن في انتظار العيدية

وما زلت يا خال اذكر ذلك البوست

راح النوار وفضل العوار ،، وسوف اعمل لأيجاده هنا

نرجع تاني للرائعة تماضر
ونشوف الأرشيف وتلك البوستات الرائعة والمداخلات الأروع

كتبت في بوست
Re: اجمل عشرة الحان غنائية سودانية فى القرن الماضى

انا طبعا عندى نظرية عجيبة جدا..

انو الغنا السودانى دة...اجمل الالحان فيه "وقعت " مع كلمات متواضعة...واحسن الكلام...جاتو الحان نص نص...وهى نظرية بتجلى وتصدق...يعنى ماصالحة لكل زمان ومكان


الحان رهيبة(ذكية) + كلمات متواضفة:

بسحروك... خليل اسماعيل

انت يا غرامى...صلاح ابن البادية

زينوبة...تراث

قالينا مسافر..البلابل

مين احلى من حبيبتى مين

الموعد...محمد الامين

سهرنا الليل...عركى

عذبنى...وردى

يا عسل رايق مصفى...عبد العزيز المبارك

حبيبنا الاولانى...منو كدة ما بعرفو

البالعصر مرورو...بنت مجهولة شجية المشاعر..قليلة الاطلاع


الحان "مسيخة" + كلمات قوية

اسفاى...وردى

حبيبة عمرى... كابلى

الذكريات...عثمان الشفيع

شجن...عثمان حسين

الساقية..."حمض" الريح


الحان حنينة + كلمات حلوة

الامانى العذبة...خليل لسماعيل

بخاف...عركى

كل اعقاد الجلاد

فى ليل الشجن ...البلابل

انتى ليا...موصلى

شايلك معاى...ود الامين

فتنت بيه..كاشف

اعلى الجمال ...سيد خليفة

حبيب العمر بالدنيا..صلاح مصطفى

ما بتنشتل الزهرة...عثمان مصطفى

الليل الاهادى...شرحبيل احمد

كثير من العاقب محمد الحسن

اغلب عبد العزيز محمد داؤود



اغانى متوسطة الحال...ولكنها شجية:

سال من شعرها الذهب ـ وياجنةـ صلاح ابن البادية

الابيض ضميرك ...الطيب عبد الله

ياحليلو قال سايب البلد...حمض الريح

واغلب اغانى ما يطلبه المستمعون


قصرت؟؟؟


وبو اتذكرت حاجة تانية بجى


وما زلنا في انتظارك ان تأتي

ثم كتبت في بوست يعد من اروع ما كتب هنا
حسب تقديري
وهو بوست

...ابحث عن ابرة امل فى كوم السأم


نشرت مناديلها المرسلة للحبيب الغائب فى حبل الافق

بعد ان غسلتها فى بركة السلسبيل...الجارى فى اقدام الحارة

رفرفت المناديل واصدرت تصفيقا بفعل الريح...يشبه ايقاع ليالى العرس فى سماء الحارة


كانت المناديل تلك ملونة ومعطرة...تجتذب الفراشات وتناغم فروع النخيل

كانت قد حاكت قصائدا صغيرة ولوحات متفائلة على كل منديل


فكانت المناديل ...تقرا سطرا طويلا من قصيدة حب...اسطورى


جاءت الجموع ...لعرفة العشق...تتبرك بالكلمات واللوحات

" يانجمتى الخضراء..."

فى منديل شاحب طرزت...سماءا غائما ونجمة تخرج من قاع الافق...كحمامة

"عندما اشرقت من بين تجاعيد السحاب فى ذلك الوقت الحزين..."

نسجتها فى منديل ازرق...مشرب اطرافه بحمرة الشفق...تهطل من حوافه...اسهم...مضيئة

"تفجرت البيادر اطفالا من فأل"


لونت اطراف هذا المنديل المخضر...برسم طفولى مكرر...وفى منتصف اللوحة رسمت طفلا باياد مفتوحة.. كانها تحتضن العالم"

"وغصت الحكايات المروية سلفا، بالنهايات السعيدة"


فى منديل برتقالى شفيف...رسمت وجه فتاة عادية الملامح...تغمض عينيها فى انتظار قبلة اولى

"وانتحرت نقاط نهايات السطور...ونبتت فى مكانها حروف بلا علة"


فى هذا المنديل البنفسجى... رسمت قلما بشكل السيف... ودواة...بشكل قارورة العطر





واهالى الحى اعتلوا جبلا...لم ينتبهوا لشموخه من قبل..


"وانبثقت نوافير خرافية الالوان...والصفاء..."

منديل قرمزى...تخترق اركانه مئات الخطوط المشرئبة بالانبثاق

توالت المناديل وابيات القصائد والالوان على مد الافق...


قال رجل كان ققد ابنه فى حرب خاسرة:


رايت بين القصائد وجها يشبه وجهه ...

وقالت طفلة...آه لن تصدقوا ان هذا يشبه حلمى ليلة امس

وقال العاطل...بمكننى ايضا ان رسم على خيط الافاق

وقال المغبون...الغافل...
والمظلوم...

لم احلم من قبل بتنفس عطر قصائد حبل الافق....

تناغمت نفحات النسيم ودعاش البحر والعصافير المسافرة ...وموج النهر السعيد...


مع حبل غسيل ممتد بامتداد الافق....وحشود تترقب الكلمات بين تصفيق المناديل المتفائلة


وفى وسط الحشد...جاءت يده تتلمس يدها...

قال لها: ها انا ذا قد عدت...
شهقت بفرح غير مصدق: انت
قال: نعم

ما هذا يا عصفورة قلبى...؟؟؟ كيف تحولت الى شحنة شوق وتبعثرت كذا فى جنبات الكون...؟؟؟

ضحكت ...دمعت عيناها ...

همست:
فقط.. كدت اضيع...

وها انا ذى...ابحث عن ابرة امل فى كوم السأم

وصرخت: اااااخ

ماذا؟؟؟ قال

قالت :طعنتنى الابرة


ضحك طويلا و طبع على خدهاالايسر ... فراشة

وردد صعلوك الحى الاشيب وهو يعود الى الحانة: "الهاكم التفاؤل...حتى ذقتم التساؤل"

و
و
و
و
و
و
واقاصيص كثيرة


اخيرا

نام الحى...وعلى شفتي ضفته...بسمة

تخريمة

اين هذا الآن ؟؟؟

ويتواصل بحثنا عن ابداعات تماضر

والي حين تكملة ذلك

نادوها معنا

ويينك يا بت شيخ الدين

وما زلنا في انتظار العيدية

العيد علي الأبواب يا تماضر

وما زالت فرحتنا في انتظار

ان يطل وجهك الرائع

Quote: نادوها معنا

where are you Tumadir ..the board misses you

.. and I do miss you

__________

سلأم و شكرا .. احمد حنين

احمد حنين

محمد على المشرف

ياسر الشريف

يمنى قوتاااااااااااااااااا ....


هلولة جات الاولى والبنات صفقوله


مشتاقيييييين يا ناس

شكرا على السؤال من شخصنا المتولضع هذا..

واليوم قلنا نورى وشنا ونعزى على الميتين ونبارك للمعرسين ..

ونسلم على العجايز فى بيوتهم..

ونعمل كرامة كبيرة "اصلو نحن كرامتنا فيها قولان وكده"

وبعد الاجازه ..ننزل الشغل ..

شكرا على المودة الخالصة ...قبل وبعد..

اول مرة تسوي ليك نافع يا حنين

تاريك فيك فايدة ..




تماضر
والله ليكي وحشة ..
صحي انتي ابيتي تديني بتك للعرس لكن برضو نحنا نسابتناالكانوا مفترض يكونوا مفترضين ما بناباهم ..

البيت الجديد كيفنو .. فيهو شجرة جهنمية وعوضتين خلف خلاف ؟؟





بعدين ياخ انا طالبك تلفون .. حاولي رديهو باحسن منو ..

دكين .....

البت لمن تقول دايرة تتم تعليمها دى معناها لسه الزول سيد القسمة ما جة ...ههههه

"هو انت متين طلبت؟؟"


اما عن التلفون فها هو ذا ...


رررررررررررررررررررررررننننننننننننننننننننننننننننننننن

سامعو؟؟


ههههه

والله كترخيرو احمد حنين ...نقز فينى لمن خجلت وجيت

اقصد لمن


"حيرسنبر الكوة"

بضحك لى يومييييين من التعبير ده ...مبالغه

شكرا يا تماضر

دوما تكونين عند حسن الظن

بك عم النور المكان

وبوجودك زاد الق الأحرف

فلك التحية ونتمني التواصل

اخونا دكين

Quote: اول مرة تسوي ليك نافع يا حنين

سلامات

نافع ولا غازي صلاح الدين
،،،
ولا
حسين خوجلي