Post: #1
Title: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: ahmed haneen
Date: 06-27-2006, 01:35 AM
Parent: #0
شحرفان
بن الأطرش
البهمي
ابت نفسه الأ يشارك في تكريم الملتقي السوداني ورابطة الصالحية
للخال ود قاسم
وجادت نفسه بهذة القصيدة البهيمية
نواصل بعد الفاصل
|
Post: #2
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: ahmed haneen
Date: 06-27-2006, 03:03 AM
Parent: #1
نواصل مع الشاعر شحرفان
يا ودقاسم يابوم
دا زمن تمشي فيهو الخرطوم .
الأنسان في السودان مهزوم..
والزول الصاحي والنايم مهموم
من الملاريا نص البيت محموم
وباقي البيت حر وسموم ..
بعد ما كنت في المكيفات بتنوم
راجع للكتاحة والحر والسموم
وبعد اكل التفاح والعنب بالكوم
اكلك حيبقي دكوة وتوم
راكب عربة اخر موديل
حتركب كارو وركشه ام قدوم
يا خسارة اقتصاد جامعة الخرطوم
البتبقي في النهاية تجارة دوم ..
وتفلق وتشرط في الهدوم ..
ونلقاك في صواني الحركة بتحوم
وشاييك ببقي مع ناس كلتوم
وبعد راتبك بالريال معلوم
حيبقي الدين فوق كتفك مردوم ..
وكان فوزية دايرة توب ..
نلقاك مصرصر مادي القدوم..
اصلو المتعافي زولا شوم ..
ما تحلم بي ارض . ولو في ام دوم .
ولو عاوز تعيش مبسوط ..
اصل علي عثمان او باقان اموم
وقول . الله اكبر .. جزاك الله خير . ياحي ياقيوم
واكيد حتأكل حلاوة لكوم ..اخوكم
شحرفان بن الأطرش البهمي ..
شاعر جاهلي مخضرم ..
تخريمة ..
لقد اتصل عددا مقدرا من الفنانين والملحنين
وكلهم يتنافسون للفوز بهذة القصيدة الفلتة.
|
Post: #4
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: إسماعيل وراق
Date: 06-27-2006, 03:10 AM
Parent: #2
شحرفان من القلائل الذين يشحرفون الحرف شحرفة، فهو شاعر مجيد، له العديد من القصائد العصماء.
.
.
تخريمة:
حاولت رفع صورة شاعرنا إبن الأطرش ولكن أسباب فنية حالت دون ذلك.
.
.
شكراً حنين
|
Post: #3
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: معتصم دفع الله
Date: 06-27-2006, 03:08 AM
Parent: #1
صباح الخير يا شفيف ..
ننتظر القصيدة العصماء ..
للشاعر شحرفان بن الأطرش البهمي ..
|
Post: #5
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: ahmed haneen
Date: 06-27-2006, 03:28 AM
Parent: #1
وراق
ومعتصم
وين الصور يا شباب
شحرفان في الأنتظار
|
Post: #6
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: إسماعيل وراق
Date: 06-27-2006, 03:34 AM
Parent: #5
سلام يا مكاتل
سيتولى تمبس أمر الصورة وهو لها..
.
.
فقط أنتظر معنا.
|
Post: #7
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: إسماعيل وراق
Date: 06-27-2006, 04:15 AM
Parent: #6
الشاعر شحرفان يراقص ود قاسم
|
Post: #8
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: إسماعيل وراق
Date: 06-27-2006, 04:25 AM
Parent: #7
الشاعر شحرفان البهيمي يلقى قصيدته العصماء
|
Post: #9
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: إدريس محمد إبراهيم
Date: 06-27-2006, 05:43 AM
Parent: #8
Quote: يا ودقاسم يابوم
دا زمن تمشي فيهو الخرطوم .
الأنسان في السودان مهزوم..
والزول الصاحي والنايم مهموم
من الملاريا نص البيت محموم
وباقي البيت حر وسموم ..
بعد ما كنت في المكيفات بتنوم
راجع للكتاحة والحر والسموم
وبعد اكل التفاح والعنب بالكوم
اكلك حيبقي دكوة وتوم
راكب عربة اخر موديل
حتركب كارو وركشه ام قدوم
يا خسارة اقتصاد جامعة الخرطوم
البتبقي في النهاية تجارة دوم ..
وتفلق وتشرط في الهدوم ..
ونلقاك في صواني الحركة بتحوم
وشاييك ببقي مع ناس كلتوم
وبعد راتبك بالريال معلوم
حيبقي الدين فوق كتفك مردوم ..
وكان فوزية دايرة توب ..
نلقاك مصرصر مادي القدوم..
اصلو المتعافي زولا شوم ..
ما تحلم بي ارض . ولو في ام دوم .
ولو عاوز تعيش مبسوط ..
اصل علي عثمان او باقان اموم
وقول . الله اكبر .. جزاك الله خير . ياحي ياقيوم
واكيد حتأكل حلاوة لكوم ..اخوكم
شحرفان بن الأطرش البهمي ..
شاعر جاهلي مخضرم .. |
يا شحرفان يازول وهم..
لمتين تعافر في بلاد الناس تصارع في الغيوم ..
لمتين تعيش في الاغتراب ..
تنضح أسى وتجتر هموم ...
لمتين تساسك في الريال ..
تغطس وراهو ويوم تعوم ..
ومتين تشيل همّ البلد ..
تدفع ديون وطناً سقاك كل العلوم ..
لو أنت بس تحسب صحيح ....
حان الوقت تركب تقوم ...
الفرصه ما راجياك زمان ..
تسدر زمن ساكت تحوم ...
ياهو الزمن أشرف صحيح ..
إنك تعود وطن النجوم ...
الغربه ما دامت لزول ...
والصحه ما ممكن تدوم ...
قولي متين ترجع تعود ...
بعد الخرف يصبح لزوم ...
والايد ترجرج ترتجف ....
وامراض تعربد فيك كوم ...
ديك الإبر والأنسولين ...
كم حبه بس عند اللزوم ...
تصبح مجرد زول هزيل ...
رجافه بس وسط الهدوم ...
أثبت إنك زول عقيم ...
ناقص فهم أطرش وبوم ...
إدريس الإدريسي ...
شاعر جاهلي معاصر ...
|
Post: #10
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: أحمد الشايقي
Date: 06-27-2006, 05:47 AM
Parent: #1
احمد حنين
لك التحية
شعـر جميل بس ودقاســم ماهو زولا بوم,
دا شقيق وقراراته مبينة على تحليل علمي
يلا سلام
أحمـد الشايقي
|
Post: #11
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: ahmed haneen
Date: 06-28-2006, 04:35 AM
Parent: #1
شكرا
يا شباب للصور
واخيرا ظهر الشاعر الجاهلي
شحرفان
اهداء للخال صديق الموج
انا خالي صديق الموج
مش همزاوي
قالوا همزاوي فيهو إنه
|
Post: #12
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: يازولyazoalيازول
Date: 06-28-2006, 06:30 AM
Parent: #11
أحمد حنين ، خليك حنين
الراجل إتغرب سنين
راجع البلد
سايق الولد
عشمان يعيش باقى السنين
فى بلدو شال سيفو السنين
والغربة ما بتنفع يمين
أخد القرار
كايس الفرار
من نارو كاويهاو السنين
مليان أمل
عايز العمل
فى أغلى وطن ومواطنين
أصلو السودان
الإمتحان
للداير العز المتين
أصلو الوطن
من غير فتن
ما ببقى أبدا يوم ضنين
خليهو يسعد بى الأهل
أصلو السعد داير محل
وبكان ملان سودانيين
|
Post: #13
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: إسماعيل وراق
Date: 06-28-2006, 07:08 AM
Parent: #12
أتصلت بي قبل قليل سكرتيرة الفنان المشهور كاظم الساهر وذكرت بالحرف الواحد أن كاظم على إستعداد لدفع مبلغ مائة ألف دولار شريطة أن يتنازل شحرفان الجاهلي عن القصيدة.
.
.
قلت لها بكل برود... والله يا خيتي العروض كتيره.. والأمر متروك لشاعرنا البهيمي
|
Post: #14
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: ahmed haneen
Date: 06-28-2006, 08:06 AM
Parent: #1
علق الخال صديق الموج
علي قصيدة شاعرنا البهيمي
قائلا ( يا اخوي انت قصيدتك دي عملتها في ياتو زريبة؟؟)
|
Post: #15
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: إدريس محمد إبراهيم
Date: 06-29-2006, 02:02 AM
Quote: أتصلت بي قبل قليل سكرتيرة الفنان المشهور كاظم الساهر وذكرت بالحرف الواحد أن كاظم على إستعداد لدفع مبلغ مائة ألف دولار شريطة أن يتنازل شحرفان الجاهلي عن القصيدة.
. |
.
صديقي / إسماعيل وراق ...
يا راااااجل .. لكن باقي ليك المبلغ ده ما شويه على القصيده العصماء دي ...
| Quote: قلت لها بكل برود... والله يا خيتي العروض كتيره.. والأمر متروك لشاعرنا البهيمي |
زول يسمي اسمو البهيمي .. ود الموج ليهو حق عندما يقول ليهو قصيدتك دي عملتها في ياتو زريبه ... يا ود الموج الزول ده لو ما كان فردتك كان قلت ليهو شنو .. الله يجازي محنك ياخ ...
إسماعيل ... عندي ليك اقتراح .. من مده وأنا أبحث عن مدير أعمال .. إيه رأيك تعمل معي وبالنسبه .. يا زول بلا اغتراب بلا همّ .. قلت شنو يلا يا يا صاحبي إيدي على إيدك .. واللي تعرفوا أحسن من الما بتعرفوش ...
|
Post: #16
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: إسماعيل وراق
Date: 06-29-2006, 02:22 AM
Parent: #15
شاعرناالشفيف إدريس
تحياتي.،
| Quote: يا راااااجل .. لكن باقي ليك المبلغ ده ما شويه على القصيده العصماء دي ... |
هذا ما ذكرته بالضبط لتلك السكرتيرة الدلوعة وقلت لها أنا زعلان عليكم يا عرب من قبل أن أرى النور.. قالت لي في أيش كفى الله الشر... قلت لها الست أم كلتوم أكلت حبيبنا الهادي آدم أوانطه ساكت... بالله في زول أو زلمى قال كلام زي كلام أغداً ألقاك..
| Quote: إسماعيل ... عندي ليك اقتراح .. من مده وأنا أبحث عن مدير أعمال .. إيه رأيك تعمل معي وبالنسبه .. يا زول بلا اغتراب بلا همّ .. قلت شنو يلا يا يا صاحبي إيدي على إيدك .. واللي تعرفوا أحسن من الما بتعرفوش ... |
من حيث المبدأ ما فيش مشكلة يا حبيب... بس خليني أنهي موضوعي مع شاعرنا البهيمي دا... المسألة مسألة عروض والدنيامصالح.
|
Post: #17
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: ahmed haneen
Date: 07-25-2006, 06:42 AM
Parent: #1
عوافي يا خال
حجزت العودة ولا لسع
|
Post: #18
Title: Re: يا ود قاسم يابوم .. ده زمن تمشي فيهو الخرطوم / للشاعر شحرفان بن الأطرش البهمي
Author: حمزاوي
Date: 07-25-2006, 07:46 AM
Parent: #1
الشاعر الجاهلي المعاصر شرحفان البهمي وزميله صديق الموج
اخذو سيك امبارح بالليل
وقال له الاخ عبدالجليل اهو لعبك كمان ذي شعرك سجم في سجم
قريباً توقعوا قصيدة شرحفان
في الجكيس في الشارع العام عبيد ختف
مطلعها
يا راكبة الركشا
يا لون الركشا
نزلت تج تج
واللبان في خشمك طق طق
نخليه هو شخصياً يكمل ليكم القصيدة
خال بورداب الرياض / حمزاوي
|
|
