Post: #1
Title: البورد ديوان الرجال ... تاني
Author: bayan
Date: 03-20-2007, 03:31 AM
Parent: #0
كلام النسوان ممنوع فى كل المواضيع
يجب ان تكون هناك بوستات فقط للنساء
وكلام المرأة عن الادب قلة ادب
وهزة الرويس بمعنى لا
اكبر قلة ادب
والكلام فى السياسة جن احمر
والكلام عن الكورة
دا طوالى كرت احمر وطلوع من الدنيا
والانطلاقة بين البوستات
توجب الجب
والاستحقار وقالوا حوامة ودواحة
واذا فكرت يا سيدتى ساكت مجرد تفكير
تردى على سيد الرجال
يجب رميك بالرصاص للخروج عن الاداب
و الشوبير فى كلام الرجال الكبارات
واذا كمان اتشوبرت واتكلمتى عن كتاب
يبقى عندك كبت جنسى وهذيان
واسقاطات مريضة
ويحلك الحلا بلة
و اذا اتكلمتى مع الشباب
تبقى جلكينة متصابية
واذا عجبك رأى استحسنتى تبقى هتافة
خاصة لو الراي دا راي واحد من الكوم التاني
واذا كان قلتى الله فى تبقى متخلفة
لانك تؤمنى بحاجات ميتفزيقية
واذا رغبت فى مناقشة موضوع فكرى
طوالى يقولوا ليك خلاص اكلنا قومى جيبى الشاى
يا ولية
|
Post: #2
Title: Re: البورد ديوان الرجال ... تاني
Author: doma
Date: 03-20-2007, 03:48 AM
Parent: #1
والله يا بيان
لو انت لسه منتظره راي الرجال فيك
يكون اللوم ما عليهم
|
Post: #3
Title: Re: البورد ديوان الرجال ... تاني
Author: bayan
Date: 03-20-2007, 04:02 AM
Parent: #2
لا يا دومة لو كنت منتظرة راي الرجال فوقي
اسع كنت في جخنون اهز في كانون..
الحمدلله حرة من مثل هذه اراء
بس بوري انه البورد دا
بورد رجالي وانهم عايزين يمارسو
علينا وصايا ولم فرنبنا يطلعو
عصاية العرض و التلميحات..
او التتفيه
كلام نسوان ساي
|
Post: #4
Title: Re: البورد ديوان الرجال ... تاني
Author: ASAAD IBRAHIM
Date: 03-20-2007, 04:28 AM
Parent: #3
| Quote: جخنون اهز في كانون.. |
بغض النظر عن موضوع البوست
والله يا دكتورة عندك كلام لذيذ لذاذة لمن غلط
زي بتاعت " طيرة مبارية السيرة"
طبعا دي قلتها للولد الكبير زمان البيت كلو يضحك ليوم الليلة
رأيك شنو تعملي لينا بوست بكل الحاجات الحلوة دي
انا جادي والله
اما بالنسبة لموضوع البوست
بالله عليك وامانة في زمتك منو البيقدر يعمل ليك الحاجات الكاتباها فوق دي
الا واحد بس
قنعان من نفسو او امو داعية عليهو
|
Post: #10
Title: Re: البورد ديوان الرجال ... تاني
Author: سيف الدين حسن العوض
Date: 03-20-2007, 05:35 AM
Parent: #4
يادكتورة بيان انا ما عارف بيقولوا المرأة كان فاس ما بتشق الرأس ...
وانا مقتنع تماما انو المرأة مهمة جدا فهى الام اعظم زول في هذا الكون
واجمل كلمة بيقولها الانسان واكتر زول برتاح ليهو لما يجور علي الزمان
وهى الاخت الحنينة دائما والشفوقة عليك وهى الزوجة الصالحة اذا نظرت اليها
سرتك واذا غبت عنها حفظتك هى الابنة التى ترعى والديها حينمايقسو الضنا ...
وهناك من يعتقد ان المرأة ما عندها عقل ... ناقصات عقل ودين
ولكن من منا لايذكر ام المؤمنين عائشة بنت ابى بكر التى قال في شأنها
الرسول الكريم عليه افضل الصلاة والتسليم خذوا نصف دينكم من هذه الحميراء
ولكن برضو نرجع تانى ونقول انو في ناس حاقدين على المرأة وما بيحترموها
خالص فيقولون لك انها مثل السيجارة يمكنك استبدالها باخرى او
تزوج فان كانت صالحة فستكون سعيدا وان كانت غير ذلك فسوف تكون فيلسوفا
يعنى انت في الحالتين ما ضائع
وانا شخصيا احترم كتابات المرأة جدا
وآخذ برأيها دائما اماحكاية شاوروهن وخالفوهن هذه فانا والله مامعاها ...
لااخفي عليك سرا اذا قلت لك راي في المراة تغير بعد الزواج
وان رئيستى في اول عمل لى كانت امرأة
ومقتنع تماما بمقولة وراء كل رجل عظيم امرأة
ومن هنا اشيد بالمرأة السودانية وبدورها
ولكن بصراحة شديدة جدا في حتات كده اخير تبعدوا منها
لانو كل ميسر لما خلق له وحكاية المساواة دى افتكر انو المرأة مافي
داعى تخوض فيها لانها مرات بتساوى ثلاثة رجال واحيانا تساوى نصف رجل عاقل
مودتى/ سيف
|
Post: #5
Title: Re: البورد ديوان الرجال ... تاني
Author: Abdlaziz Eisa
Date: 03-20-2007, 05:03 AM
Parent: #3
سلام د.بيان
الكلام القلتي ده صحيح... لكن يا ترى.. كيف المخرج و التغيير
لمفاهيم السودانيوية..
زميل لي من دولة مجاورة لنا قال لي.. أن أكثر الرجال إضطهادا عند
نسائهم هم السودانيين.. المرأة السودانية هي الأكثر جبروتا وتسلطا
على زوجها.. وعندما بدأت أفند هذه, بأن السوداني يحترم المرأة ويكرمها
ويعطيها حقوقها شاطره آخر وقال أنا عشت في الخرطوم
6 أعوام ثم 9 أعوام بين الأسر السودانية في السعودية لم أرى قط رجلا
مسيطرا عليه من قبل زوجته مثل السوداني..
ربما تكون هذه شهادة مبالغ فيها.. لكن عندما تكون من غير سوداني
فإننا نحتاج لوقفة عندها.. علشان كلامك السمح أعلاه هو إحتمال ردة فعل
للإضطهاد الذي فرضتنه علينا كرجال..
مع تحياتي
عبدالعزيز
|
Post: #6
Title: Re: البورد ديوان الرجال ... تاني
Author: منى أحمد
Date: 03-20-2007, 05:03 AM
Parent: #1
العزيزة بيان
الحكاية كلها تكمن في نظرتك أنت و تقييمك لذاتك , أو كما تقول أوبرا وينفري "تقدير الذات" , بعض الرجال يتمادون في التلميح و الإشارة إلى وضعك كأنثى , عندما تعطينهم إحساس بذلك , و بعض النساء يفعلن ذلك دون أن يدرين , أى أنها تتحدث و تناقش من منطلق كونها أنثى , و هذا خطأ يعود لما تربت و نشأت عليه , بينما يجب أن تتحدث و تناقش باعتبارها فكراً و عقلاً مجرداً , و ثوابت إحترام الذات و الغير منطلقاتها إنسانية , لا تتكئ على أمور جندرية . بعض الرجال و إن ناقشته باعتبارك عقلاً و فكراً كما تشيرين أنت في حديثك أعلاه , يظل يلوح بحكاية الأنوثة إذا شعر بالضآلة أمام فكر الأنثى , فيتمادى و يحاول اسقاط كل شئ على واقعها الشخصي , و يتمادى في تذكيرها بمسألة الأنوثة التي يفترض أنها شئ خارج عن موضوع النقاش عادة .
تعرفي يا بيان ما هو الحل من وجهة نظري ؟
الأمر كله يكمن في "اللياقة" - من لايوق - و "العكلتة" , و لنا في أشجار "الحسكنيت " أسوة حسنة !! , أى الإصرار على موقفك و المضي قدماً بهدوء و تجاهل تام لكل تلك المحاولات , و لأن اللعبة كلها قائمة على الاستفزاز , ليس أنكى من الثقة و الثبات الهادئ ! .
|
Post: #7
Title: Re: البورد ديوان الرجال ... تاني
Author: osly2
Date: 03-20-2007, 05:06 AM
Parent: #6
بيان ودومة ومنى
يا حريم ما تتلمن لا جوة
المقعدكن فى الصالون شنو ؟
|
Post: #8
Title: Re: البورد ديوان الرجال ... تاني
Author: bayan
Date: 03-20-2007, 05:16 AM
Parent: #7
Quote: رأيك شنو تعملي لينا بوست بكل الحاجات الحلوة دي
انا جادي والله |
انت يا مستهبل عارفني بريد الشكير مرسلينك الرجال
تحرف البوست. بندورة وكشفنا دورها يا اسعد
شوف غيرها..
وتلقاها عند الغافل اي محاولة لحرف البوست دا
بشكيري عشان اكسر ركبة مااافي
تلقوها عند الغافل يا رجال
وكركدي وما عرفتو ليه..
(جمجمة وعصمتين)
|
Post: #9
Title: Re: البورد ديوان الرجال ... تاني
Author: doma
Date: 03-20-2007, 05:33 AM
Parent: #8
انا غايتو ممكن اكون رقيقه في مواقف الرقه
وفي مواقف الشده بأس يتجلي 
و البكسرني لسه ما اتولد
|
Post: #16
Title: Re: البورد ديوان الرجال ... تاني
Author: bayan
Date: 03-20-2007, 06:16 AM
Parent: #9
Quote: وفي مواقف الشده بأس يتجلي
و البكسرني لسه ما اتولد |
دومة في شخصيتها الحقيقية
دومة قرقاشة الرجال بلا موية
هلا هلا..
زمان بقول لو انك جيتي بشخصيتك الحقيقة بتمسكي الرجال الدرب..
خليك قريبة رغم انك مستنيرة وناس اعراف وكدا
|
Post: #20
Title: Re: البورد ديوان الرجال ... تاني
Author: doma
Date: 03-20-2007, 07:00 AM
Parent: #16
| Quote: خليك قريبة رغم انك مستنيرة وناس اعراف وكدا |
هههههههه
بمناسبه الاعراف دي امي الله يرحمها كان بتقول الشئ دا بيمرقك من الجنه وصقطا
اها انا قلت اخير نمرق برا من الصقط دا
|
Post: #11
Title: Re: البورد ديوان الرجال ... تاني
Author: bayan
Date: 03-20-2007, 05:36 AM
Parent: #8
Quote: علشان كلامك السمح أعلاه هو إحتمال ردة فعل
للإضطهاد الذي فرضتنه علينا كرجال.. |
صاحبك دا حاسد ساكت يا عزيز
بس لانه الرجال السودا نيين ما بدقو نسوانهم
ودي الرجالة عند العرب.. ولا بيحرجوهم جنب الضيوف
يقوليها يا حمارة فين المية..
لكن الما عارفها صاحبك دا
انكم غتيتين وبتعملوها بالضرا
وشغالين المرة شاورها وخالفها..
مرة انا وصاحبتي( في عمارة الجامعة في شمبات)
لمينا في رجالنا
قلنا ليهم انهم مهمشيننا وذي المافيشين فجاة الواحد
يجي سايق ليه عربية
يقوليك اشتريتها من فلان..
ولا يغيب اليوم كلو يجي مقلع يقوليك
لاقيت علان ساقني بيتهم.
بعداك ما حصل ورونا بيصرفو كم
عشان كدا بما انهم قالو مسلمين
لازم نرجع للكتاب والسنة
اها واحد يجبو لينا شغالات ياجرو مرضعات..
شفعهم كرهونا حياتنا..
طبعا عملو الموضوع ضحك كعادات الرجال
(اسع انتو بتعملو كدا في البوست وانا ناوية اشقكم بالضحك)
قررنا ما نخليهم اصلو
تاني قعدناهم في الكرسي الساخن
صاحب زوجي قال لينا: هو رجع للسنن
ووجد انه على المرأة ان تعلف للرجل بعيره.
ولذلك من الليلة تمشو الصباح تكشفو العربات
وتشوفو الذيت كان وسخان تغيرنو
بعداك تشوفو الموية تتموها كان ناقصة وتسخنن البطارية..
وتغسلن العربية..
ونظر بنظرة ظافرة الى زوجي لقد قطع حجتنا بالضربة القاضية..
اها يا عزيز صاحبك دا ما سكن جارنا
ولا جا البورد ديوان الرجال دا عشان يشوف الحقارة كيف..
وانتو ما محتاجين لثورة ضد الاضطهاد
انتو ماشين على منوال جدودكم وقع الحافر بالحافر( حارة الحافر دي موش؟)
اي راجل عنده "شخشيتين"
ومودتي
|
Post: #12
Title: Re: البورد ديوان الرجال ... تاني
Author: doma
Date: 03-20-2007, 05:39 AM
Quote: عشان كدا بما انهم قالو مسلمين
لازم نرجع للكتاب والسنة
اها واحد يجبو لينا شغالات ياجرو مرضعات..
شفعهم كرهونا حياتنا..
طبعا عملو الموضوع ضحك كعادات الرجال
(اسع انتو بتعملو كدا في البوست وانا ناوية اشقكم بالضحك)
قررنا ما نخليهم اصلو
تاني قعدناهم في الكرسي الساخن
صاحب زوجي قال لينا: هو رجع للسنن
ووجد انه على المرأة ان تعلف للرجل بعيره.
ولذلك من الليلة تمشو الصباح تكشفو العربات
وتشوفو الذيت كان وسخان تغيرنو
بعداك تشوفو الموية تتموها كان ناقصة وتسخنن البطارية..
وتغسلن العربية..
ونظر بنظرة ظافرة الى زوجي لقد قطع حجتنا بالضربة القاضية..
|
لووووووووول لوووول عجبني ليكن تاني امشن جيبن سيره الكتاب والسنه
|
Post: #26
Title: Re: البورد ديوان الرجال ... تاني
Author: Abdlaziz Eisa
Date: 03-20-2007, 01:38 PM
العزيزة د.بيان
سلام
Quote: صاحبك دا حاسد ساكت يا عزيز
بس لانه الرجال السودا نيين ما بدقو نسوانهم
ودي الرجالة عند العرب.. |
الحسد بيكون على النعمة..وما تكون هذه نعمة الإضطهاد الذي تمارسه المرأة السودانية على الرجل..
بإعتراف الكثير من أخواتنا السودانيات. أن البنت بتدخل تيوشن مكثف أثناء إعدادها للعرس.. دروس
خاصة من العمات والخالات في التكنيك والفنيات المتقدمة في كيفية السيطرة على الرجل..
حكت إحدى الأخوات المتعلمات عن هذه الدروس الخصوصية.. فعندما واجهت خالاتها قائلة أن هذا البرنامج
شئ متخلف لا يمكن أن تعمله مع الزوج الذي إرتبطت به عن حب.. خالتها قالت ليها: يا بنت إنت عويرة
بالله خليك من الفلقصة والكلام الفارغ.. حب شنو كمان.. دي حياة زوجية ولازم تتعلمي مننا نحن ديل علشان
تعرفي تحافظي على زوجك واسرتك.. والراجل لازم تعرفي كيف تمسكيه وتتوحطي فيه.. الرجال كلهم طينة
واحدة.. إذا بكرة رخيتي ليهو الحبل بطنشك كثير وحيفكر في التانية.. أسألينا نحن ديل.. الكلام تجارب
ما هو ورق وشهادات..
طبعا أختنا هذه وزي أي واحدة إستسلمت لأهل الخبرة والتجربة وعملت بالنصائح إياها لتكون إضافة
لهيمنة المرأة.. وتهميش الرجل..
Quote: عشان كدا بما انهم قالو مسلمين
لازم نرجع للكتاب والسنة
اها واحد يجبو لينا شغالات ياجرو مرضعات..
|
ده كلام تمام.. ويا د.بيان طولي لي بالك شوية, الله يخليك..
الكتاب والسنة ديل فيهم أيضا (وانكحوا ما طاب لكم من النساء مثنى وثلاث ورباع..)
إهجروهن... أضربوهن.. قوامون عليهن...
نساؤكم حرثا لكم..
وبعدين نأخذ بما ورد في السنن على لسان صاحب زوجك كمان.. وإذا الواحد ما عنده
سيارة.. أول ما الرجل يرجع البيت وزي ما جدودنا في ماضيهم التليد.. تقوم الزوجة بوضع
الطشت والماء وتغسل الأرجل وتعدلها في السرير..
طبعا مع هذا أكيد الرجل يكون تقليدي وغير مواكب وأشياء من هذا القبيل..
كرم الرجل السوداني جعله دوما يتنازل ويتنازل عن حقوقه للمرأة.. حتى صار مضطهدا..
Quote: اها يا عزيز صاحبك دا ما سكن جارنا
ولا جا البورد ديوان الرجال دا عشان يشوف الحقارة كيف..
وانتو ما محتاجين لثورة ضد الاضطهاد
انتو ماشين على منوال جدودكم وقع الحافر بالحافر |
هذا الرجل أدلى بشهادة معتبرة.. وهو شاهد عيان..
لكن مع شدة التهميش والإضطهاد الحاصل.. يبدو اننا في أمس الحاجة لتقفي الجدود..
أو نعيد ونستنسخ تراثهم الزاخر..
وخلينا نقول بصوت عالي: يا رجال البورد وأسوده المضطهدة إتحدوا...
لكن لا تخافن شيئا.. حتى لو إتحدوا.. فالإتحاد بيكون لمزيدا من التنازلات لحواء
السودانية..
مع تحياتي...
عبدالعزيز
|
Post: #14
Title: Re: البورد ديوان الرجال ... تاني
Author: bayan
Date: 03-20-2007, 06:10 AM
Parent: #7
Quote: بيان ودومة ومنى
يا حريم ما تتلمن لا جوة
المقعدكن فى الصالون شنو ؟ |
المستعلواتي اوسلي
ما تعمل بتهظر خابزاك وعاجناك
اسع بتكون زعلان بالجد من النسون ديل..
تاني تمد راسك هنا
نحكي قصة حبوبة مع الوفد الزائر لاوسلي
حبوبة دي مدرسة في الانتقام من الرجال..
قصتها دي حأضمنها ضمن.
باب الرد السريع وهبش الحمة بالعود
حيث عندما حكيتها في مؤتمر نسائي
اعجبن بها اعجاب شديد
وخاصة انها خبرت الدنيا وعرفت كيف تشيل حقها المضيع وتوري انها شايقية اصيلة..
نوعها دا اكان يكون عندها باسورد هنا
عشان كل جدادة على راس بيتها..
|
Post: #13
Title: Re: البورد ديوان الرجال ... تاني
Author: bayan
Date: 03-20-2007, 06:01 AM
Parent: #6
Quote: العزيزة بيان
الحكاية كلها تكمن في نظرتك أنت و تقييمك لذاتك , أو كما تقول أوبرا وينفري "تقدير الذات" , بعض الرجال يتمادون في التلميح و الإشارة إلى وضعك كأنثى , عندما تعطينهم إحساس بذلك , و بعض النساء يفعلن ذلك دون أن يدرين , أى أنها تتحدث و تناقش من منطلق كونها أنثى , و هذا خطأ يعود لما تربت و نشأت عليه , بينما يجب أن تتحدث و تناقش باعتبارها فكراً و عقلاً مجرداً , و ثوابت إحترام الذات و الغير منطلقاتها إنسانية , لا تتكئ على أمور جندرية . بعض الرجال و إن ناقشته باعتبارك عقلاً و فكراً كما تشيرين أنت في حديثك أعلاه , يظل يلوح بحكاية الأنوثة إذا شعر بالضآلة أمام فكر الأنثى , فيتمادى و يحاول اسقاط كل شئ على واقعها الشخصي , و يتمادى في تذكيرها بمسألة الأنوثة التي يفترض أنها شئ خارج عن موضوع النقاش عادة .
تعرفي يا بيان ما هو الحل من وجهة نظري ؟
الأمر كله يكمن في "اللياقة" - من لايوق - و "العكلتة" , و لنا في أشجار "الحسكنيت " أسوة حسنة !! , أى الإصرار على موقفك و المضي قدماً بهدوء و تجاهل تام لكل تلك المحاولات , و لأن اللعبة كلها قائمة على الاستفزاز , ليس أنكى من الثقة و الثبات الهادئ ! . |
العزيزة منى
سلامات
كعادتك دائما لا تضيق البعارة عندك ولا تتسع وطوالي تضرب راس المسمار
"بدون اي بيتنق للبوشس"
| Quote: الأمر كله يكمن في "اللياقة" - من لايوق - و "العكلتة" , و لنا في أشجار "الحسكنيت " أسوة حسنة |
يتهمنى "المستعلواتي" اوسلي دائما انني عود شوك.. وهو ما عرف البينا والعلينا
مرات بتمنى انه اي راجل ينقلب مرة ليوم ويعرف براهو..
سياسة العكلتة دي بتسمعك فاضي لكن ذي ما قلتي لنا في الحسكنيت اسوة حسنة..
ونضيف انه لازم نكون لبانة ضارباها شمس في السوق العربي
لا تقعدي في الخشم لا تتفكي من الاصابع..
مودتي وخليك هنا بالله الليلة يوم الحريم
|
Post: #15
Title: Re: البورد ديوان الرجال ... تاني
Author: Adrob abubakr
Date: 03-20-2007, 06:14 AM
Parent: #1
الدكتورة بيان
ملاحظ البينك والأستاذة آمنة بقت عامرة
والنقاش بقي طبيعي..نقد ومناكفة
من دون شتائم أو تنابذ بالألقاب
ونقاط التفاهم والإتفاق زادت..
علي الأقل من ناحية عدو عدوك..(الرجل الوصي!)
الصديق اللدود العاقل والواضح الصريح
أفضل ألف مرة من المجامل الكاذب المتلون!
عندي سؤال يا دكتورة:
متي يكون النقد في رأيك موضوعيا ومتي يكون شخصيا؟
وهل المعيار بالألفاظ (التعبير) أم الموضوع؟
وهل العبرة بفهم وقصد الناقد أم بفهم وإحساس من وجه له النقد؟
وهل السخط علي النموزج (العقلية) يعد في رأيك شخصي أم موضوعي؟
|
Post: #17
Title: Re: البورد ديوان الرجال ... تاني
Author: bayan
Date: 03-20-2007, 06:39 AM
Parent: #15
Quote: الدكتورة بيان
ملاحظ البينك والأستاذة آمنة بقت عامرة
والنقاش بقي طبيعي..نقد ومناكفة
من دون شتائم أو تنابذ بالألقاب |
سجمي في زول سرق باسوردي
شكر آمنة بيه؟!!الكلام دا جبتو من وين؟
يستحيل تكون في اي علاقة خليها تكون عامرة كمان
قصر الديك يا ادروب يا اخوي..
Quote: ونقاط التفاهم والإتفاق زادت..
علي الأقل من ناحية عدو عدوك..(الرجل الوصي!) |
ياتو راجل وصي دا؟
والله سجم خشمي رسمي النقوم نشوف الحاصل شنو؟
Quote: الصديق اللدود العاقل والواضح الصريح
أفضل ألف مرة من المجامل الكاذب المتلون! |
كلامك صاح لكن العدو الافاك الكذاب المتضخم الذات دي يبقى عدو الياباني..
Quote: عندي سؤال يا دكتورة:
متي يكون النقد في رأيك موضوعيا ومتي يكون شخصيا؟ |
اها النكلمك كلام النقد الموضوعي والذاتي دا سنة بحالها نقرا فوقو
عندي 3 دفاتر من الحجم الكبير مليانة كلام ذي دا
ما ممكن في هذه العجالة ( سمحة الفلهمة )
| Quote: وهل المعيار بالألفاظ (التعبير) أم الموضوع؟ |
دي ما ادونا ليها او بتكون درسوها شهر 11 حيث عادة بكون راقدة في المستشفى بالازمة..
| Quote: وهل العبرة بفهم وقصد الناقد أم بفهم وإحساس من وجه له النقد؟ |
كيف يعني العبرة ما فهمت بتعني شنو بالعبرة
العبرة دائما في النقد الموضوعي المفيد في وجهات النظر..
| Quote: وهل السخط علي النموزج (العقلية) يعد في رأيك شخصي أم موضوعي؟ |
لما زول ما عنده اي اهمية ويبني كل نقدو على اقاويل كاذبة
ويشتم ظانا ان هذا نقد يبقى ردة الفعل ما حتكون ساهلة..
المشكلة لتنتقد الاطروحات والنماذج لازم تتوفر ليك موضوعية وثقافة عالية
وذكاء وآمانة وشخصية قوية وليست شخصية قليلة ادب
الناقد السطحي غيرالدارس ياتي بانطباعات بالضرورة سطحية نابعة من اغراض شخصية
وهذا النوع يقال عنه النقد المغرض ولا يعد نقد بل من باب الشتائم
والانقاص للخصم المدعى..
كان من باب اولى الا تتحدث عن النقد بل تتحدث عن الحوار
وكيف يكون بين المختلفين في وجهة النظر..
وكيف تقوم الاطروحات المختلفة وتعرض الثغرات فيها
بكل حيدة مافيزول في الدنيا لا يكون لدينا
حد ادنى معه من التفاهم
ولا كيف..
|
Post: #18
Title: Re: البورد ديوان الرجال ... تاني
Author: bayan
Date: 03-20-2007, 06:43 AM
Parent: #17
| Quote: داعى تخوض فيها لانها مرات بتساوى ثلاثة رجال واحيانا تساوى نصف رجل عاقل |
وجهة نظر مقدرة جدا يا ود الخالة
بالجد احيانا قد تسوى الانثي دستة رجال
شكرا ليك على كلامك الجميل
وخليك معانا..
|
Post: #19
Title: Re: البورد ديوان الرجال ... تاني
Author: wesamm
Date: 03-20-2007, 06:51 AM
Parent: #17
هسع عباراتك الهابطة واسأءاتك للناس ولم يسلم منها حتي الشهداء الابرار عبارات شقاه عرقي وسكس باق وكسنق بوث وويسكي وبراندي وكل انواع الكحول والتي لم يسمع بها الرجال الشرامة خليك من بنات الناس هسع نوع عباراتك دي عبارات بنات محترمات!!!!
If you seeking respect you should earn it
|
Post: #21
Title: Re: البورد ديوان الرجال ... تاني
Author: bayan
Date: 03-20-2007, 07:17 AM
Parent: #19
Quote: هسع عباراتك الهابطة واسأءاتك للناس ولم يسلم منها حتي الشهداء الابرار عبارات شقاه عرقي وسكس باق وكسنق بوث وويسكي وبراندي وكل انواع الكحول والتي لم يسمع بها الرجال الشرامة خليك من بنات الناس هسع نوع عباراتك دي عبارات بنات محترمات!!!!
If you seeking respect you should earn it |
شكرا للمتعوس سوام على اتاحته الفرصة بترديدة هذه العوارت الكاذبة في كل مكان
ان شاء الله نجي نرد ليك رد معتبر
وانت بالذات اذا احترمتني حتكون شبهة لي
|
Post: #22
Title: Re: البورد ديوان الرجال ... تاني
Author: Adrob abubakr
Date: 03-20-2007, 07:41 AM
Parent: #1
الدكتورة بيان
Quote: ياتو راجل وصي دا؟
والله سجم خشمي رسمي النقوم نشوف الحاصل شنو؟ |
يبدو عليك ذهبت بعيد يا دكتورة
أنا قصدت بالرجل الوصي إشارة لبوستك هذا "البورد ديوان الرجال" وبوست آمنة "بيت الطاعة الإسفيري"
أحسن الظن يا دكتورة!
يبدو أني حأعمل بكلام أسعد
وده آخر مداخلة لي هنا..
وشكرا علي الإجابات
|
Post: #23
Title: Re: البورد ديوان الرجال ... تاني
Author: nile1
Date: 03-20-2007, 07:57 AM
Parent: #22
الأخوات الفضليات بيان ومني
تحياتي
| Quote: بينما يجب أن تتحدث و تناقش باعتبارها فكراً و عقلاً مجرداً |
نعم..هذا مكمن الداء
Quote: تعرفي يا بيان ما هو الحل من وجهة نظري ؟
الأمر كله يكمن في "اللياقة" - من لايوق - و "العكلتة" , و لنا في أشجار "الحسكنيت " أسوة حسنة !! , أى الإصرار على موقفك و المضي قدماً بهدوء و تجاهل تام لكل تلك المحاولات , و لأن اللعبة كلها قائمة على الاستفزاز , ليس أنكى من الثقة و الثبات الهادئ ! .
|
وهذه أخت مني الوصفة الناجعة..أضيف إليها واشدد (عدم الإستجابة للإستفزاز ومحاولة جر النقاش إلى أمور إنصرافية)..لكن ودي وتقديري
|
Post: #24
Title: Re: البورد ديوان الرجال ... تاني
Author: نجوان
Date: 03-20-2007, 08:13 AM
Parent: #23
| Quote: بندورة وكشفنا دورها |
|
Post: #25
Title: Re: البورد ديوان الرجال ... تاني
Author: الصادق صديق سلمان
Date: 03-20-2007, 08:46 AM
Parent: #1
بنت العم دكتورة بيان
Quote: اسع كنت في جخنون اهز في كانون..
|
والله لن أكذب على نفسي وأجاملك أقولها لك بصراحة شديدة
نحن اتربينا على كدا وقمنا على كدا ووجدنا أمهاتنا وحبوباتنا (الله يرحمهن جميعاً)
لا يأكلن مع أزواجهن في صينية واحدة.
الزمن حقنا دا اتغير ورغم دراستنا الجامعية واختلاطنا ارتبطت صورة المرأة
القاعدة في الجخنون تهز في المنقد في الرأس وأحبها هكذا تهز في جخنونها في منقدها
تطعمنا حباً وتسقياً حباً ونبلاً وتملآنا حناناً.
هذه هي المرأة التي أعشقها وأموت لأجل سواد عينيها يا بنت عمي بيان.
ولك ودي
أبوفتحية
|
Post: #27
Title: Re: البورد ديوان الرجال ... تاني
Author: bayan
Date: 03-20-2007, 02:05 PM
Parent: #25
| Quote: أنا قصدت بالرجل الوصي إشارة لبوستك هذا "البورد ديوان الرجال" وبوست آمنة "بيت الطاعة الإسفيري" |
ادروب
ما ممكن ياخي بوستي دا انا كتبتو سنة 3003
وعدتو اسع لحاجة بعيدة من اي حاجة بتخص آمنة لانه آمنة دي ما ممكن
تاخدها بجدية عشان تكتب حاجة صدى ليها..
والكلام دا من اركان القناس سنة 1980 بنردد فيهو
دي من ناحية
انا منتظرة حكمك بعد عذبتني يوم كامل القط ليك البوستات بدون محرك بحث
وخاصة انه آمنة اعترفت بأنها بدأت التعقب لي
منظراك تكتب حكمك بصراحة..
|
Post: #28
Title: Re: البورد ديوان الرجال ... تاني
Author: AMNA MUKHTAR
Date: 03-21-2007, 03:43 PM
Parent: #1
Quote: الدكتورة بيان
ملاحظ البينك والأستاذة آمنة بقت عامرة
والنقاش بقي طبيعي..نقد ومناكفة
من دون شتائم أو تنابذ بالألقاب |
|
|