Post: #1
Title: شرح العنقريب اند ذا ارمد جاير ثوت
Author: bayan
Date: 04-08-2007, 10:15 AM
Parent: #0
Quote: الأعزاء
شكرا لكم على شرح العنقريب
فلولاه لما فهمنا شيئا من "ألم" الكتابة.
لو تسنى لي براح سأعود لشرح "ألم" القراءة.
و الزعل مرفوع. |
مرة شوفتا بوست عن معنى شرح العنقريب
اها بما انو انا بحب شديد الامثال الشعبية والجيرقنات
اللازوردية اوبس المسقفاتية و الراندوك..
اهتم جدا بلغة الخطاب وتسرني جدا..
انا ومن اكلت الكسرة ما قريب ومن شعرى مرق الهبوب
ما قريب..
ما لقيت في الادب الشفاهي لكلام العامة اي وجود لهذا المثل..
ولكن بعد تفكير في قصة الانثربولوجيا والمصطلحات
طاااااخ اتذكرت مصطلح
"ذا ارم جاير ثوت"
armchair thoughts
يا ربي ياهو؟
|
Post: #2
Title: Re: شرح العنقريب اند ذا ارمد جاير ثوت
Author: bayan
Date: 04-08-2007, 10:22 AM
Parent: #1
الدكتور حسن موسى في حالة تجسير وتوطين للمصطلحات اجترح ( سنة يا اسقافة)
ونحت هذا المصطلح من فكرة الارم جاير ثوت ؟
وسواها العنقريب لغياب الارم جاير من لغتنا
لانه لو ترجمناها حرفيا حتكون الكرسي ابو ساعدين
العلاقة بين العتقريب والكرسي ابو ساعدين
الراحة والاسترخاء ايش حال لو العنقريب هبابي..
اذا اغفلنا التهديد والسخرية الخفية التى يمارسها
دكتور حسن مع الاجيال الجديدة.
فهل يمكن ان نسجل هذا المصطلح لحسن موسى
" شرح العنقريب"
|
Post: #3
Title: Re: شرح العنقريب اند ذا ارمد جاير ثوت
Author: bayan
Date: 04-08-2007, 10:30 AM
Parent: #2
|
Post: #4
Title: Re: شرح العنقريب اند ذا ارمد جاير ثوت
Author: bayan
Date: 04-08-2007, 10:35 AM
Parent: #3
الكرسي الاحمر دا ممكن يكون كرسي للافكار الشيوعية او الافكار الحمراء
طبعا دا لو حاولنا ايجاد معاني اخرى للمصطلح الذي كان يطلق على جماعة التنظير من منازلهم بدون دراسات اجرائية.
الواحد قاعد في بطن بيتو يتكلم عن مجاهل افريقيا و المتوحشين
الهناك..
ما علينا
هل وصف دكتور حسن موسى لافكار الشباب ديل بشرح العنقريب
بيقصد انها نظرية وغير قائمة على معرفة عملية؟
يعني من سمع ليس كمن رأى وسمع؟
|
Post: #5
Title: Re: شرح العنقريب اند ذا ارمد جاير ثوت
Author: bayan
Date: 04-08-2007, 10:39 AM
Parent: #4
ولا حسن موسى بس شغال لعب بيهم
نظام تجهيل وارهاب خفي
طبعا الكلام
بدون زعل
الله لا جاب زعل حسن موسى
ولا زعل الشباب
اوكن انا
ضايعة بين جيلين..
خلونا مع شرح "العنقريب" دا اسع
|
Post: #6
Title: Re: شرح العنقريب اند ذا ارمد جاير ثوت
Author: bayan
Date: 04-08-2007, 10:46 AM
Parent: #5
ابو الصحب النجاشي صلاح الدين
مرة قال انه في الدنيا كجنتو جداول الضرب والنحو..
عشان كدا لله بيكره سبويه
وقال دائما بيتخيلو
لابس ليه عراقي وسخان وعنده كرش كبيرة
ومتكي في عنقريب وجنب راسو زير كنقال مليان مريسة
الغلام يغرف ويديه بالعبار وهو يشرب
وينظر في النحو
وقال نجي نحنا بعد دشليون سنة يطالبونا بمعرفة
كلام سكر وعبابير..
عشان كدا كلو ما يجبو سيرة العنقريب بذكر سبويه
والعكس بالعكس...
والولد نجاشي ولد مشوطن من ولدوه
لكن ما قدر ينجر قصة شرح العنقريب دي كما ينبغي ان يكون
والا كان حيكون سبق دكتور حسن موسى في نحت مصطلح
جديد..
الا وهو شرح العنقريب..
|
Post: #7
Title: Re: شرح العنقريب اند ذا ارمد جاير ثوت
Author: bayan
Date: 04-08-2007, 11:15 AM
Parent: #6
|
Post: #8
Title: Re: شرح العنقريب اند ذا ارمد جاير ثوت
Author: bayan
Date: 04-08-2007, 12:03 PM
Parent: #7
تنويه هناك خطأ في العنوان
المفروض يكون ارمجاير armchair thought
الله يمرقنا من الارمد جاير دا حيكون مسلح شديد..
|
Post: #10
Title: Re: شرح العنقريب اند ذا ارمد جاير ثوت
Author: almulaomar
Date: 04-08-2007, 04:22 PM
Parent: #1
العنقريب يا سلام ده مش البنبر أو البمبر الكبير صحيح أن البمبر مربع والثاني هندسياً مستطيل بس في الشكل والشبه أعتقد جازماً أن كلامها من أصل واحد ، سواء إتمسخ البمبر فأصبح صغيراً أو تمدد فأصبح عنقريباً.
سألت ذات مرة والممرات كثيرة أخونا سيف الدين عن الشئ الذي ينوم فيه الناس وله أربعة أرجل ومصنوع غالباً من حطب وربما تكون رجل أو أكثر من أرجله الأربعة مكلوجة ومنسوج بحبل وقد يتجاوز إرتفاعه قامة شافع في السادسة من عمره وقد يكون في طول جداده سواء بسواء فقال لي "عندليب " وكانت إجابة صحيحة لأن صاحبنا يعاني مشكلة في نطق بعض الحروف يعني أل جن أو أخنف مش مشكلة.
كانت أغتاظ وأنا أسمع في يام قد خلت صاحب صوت أجش ينادي رائحاً وغادي "صلاح عناقريب ، بالحبال" العناقريب " فهل يا تري لا يتم تصليح العنقريب إلا من خلال الحبال ولماذا لم يقل نسج العناقريب بالحبال ، وهل في ذلك وضع للحبل على الغارب وهل هو سنام البعير أم قارب نفاث ، ومادمنا في شأن النفث فلماذا ينفس أولئك السحرة الأشرار سحرهم وكيدهم في العقد أهو حب لللولوة وكيد ومكر أم أن الحبر طويل. وما دمنا في شأن الحبال فقد وقع نحوي في بئر فجاءه من ينقذه فناداه النحوي وهو في قعر البئر "يا هذا أربطني ربطاً وثيقاً وشدني شداً دقيقاً" فرد عليه المنقذ إمرأتي طالق لو أخرجيتك منها ، وشتت تاركاً النحوي لحروف النصب والجر.
هذه الرواية لا علاقة لها بالعنقريب ولا بكراب العنقريب وهو الجزء الذي يمثل حوالي الواحد على الخمسة من طول العنقريب والذي تشد فيه الحبال بصورة طويلة من السداة إلى الخشبه البي العرض ديك ياخ ، العتب ، ياي الغتب على النظر ديك إسمها خليني أسأل سيف الطين تاني ، المهم حبال الكراب بتكون في خطوط موازية لمرق العنقريب الأيسر والأيمن سواء بسواء.
|
Post: #24
Title: Re: شرح العنقريب اند ذا ارمد جاير ثوت
Author: bayan
Date: 04-09-2007, 09:07 AM
Parent: #10
| Quote: هذه الرواية لا علاقة لها بالعنقريب ولا بكراب العنقريب وهو الجزء الذي يمثل حوالي الواحد على الخمسة من طول العنقريب والذي تشد فيه الحبال بصورة طويلة من السداة إلى الخشبه البي العرض ديك ياخ ، العتب ، ياي الغتب على النظر ديك إسمها خليني أسأل سيف الطين تاني ، المهم حبال الكراب بتكون في خطوط موازية لمرق العنقريب الأيسر والأيمن سواء بسواء |
الملة عمر ياخي الشوق بحر رجعت تاني للحاجات اللذيذة
بالله ما تنقطع استمتعت للغاية بالقراءة خلف وقدام السطور
يديك العافية يا ملك
|
Post: #11
Title: Re: شرح العنقريب اند ذا ارمد جاير ثوت
Author: سلمى الشيخ سلامة
Date: 04-08-2007, 04:39 PM
Parent: #1
بيان العزيزة الموضوع دا جادى بالمناسبة وهناك بحث كتبه صديقنا دكتور يوسف حسن مدنى عن تاريخ العنقريب فى السودان وتطوره ، لكين عندى سؤال فى السينما الهندية دايما فى عنقريب مجدوع هل جانا العنقريب من الهند بشكلو الحديث ولا كان منذ الفونج وهناك ملامح كتيرة لوجوده فى بعض المقولات فى كتاب ود ضيف الله ولا شنو الحصل ، بعدين قصة النجاشى دى لذيذة لانو نجاشى احسن زول عندو قصص فى الدنيا وحقتو براهو ، المهم العنقريب، لكى ودى
|
Post: #23
Title: Re: شرح العنقريب اند ذا ارمد جاير ثوت
Author: bayan
Date: 04-09-2007, 09:05 AM
Parent: #11
ست الحبايب يا سلمى
موش؟
العنقريب دا اهم حاجة اتمنى شراح العنقريب ينتبهو لذلك..
اخير من يسموه شرح الكرسيى ابو ساعدين
لي زمن من دكتور يوسف ولكن وصلني ديوانه مازال يعافر الشعر..
نجاشي مجنون رسمي ..وخيالو ابن كلب انا طوالي بفكر
لو الزول دا سطل حيفكر كيف؟
ولك التحية والمودة
|
Post: #12
Title: Re: شرح العنقريب اند ذا ارمد جاير ثوت
Author: abubakr
Date: 04-08-2007, 05:03 PM
Parent: #1
واصلن ...العنقريب موجود في المتحف وفي الهند وفي الملايو يانجاة -مرة شفت فيلم قديم لممثل ملاي كوميدي مشهور في زمانو (الستينات) وشفت عنقريب ...الهنود عندهم عناقريب دوريين كمان ... عندنا الرطان عناقريب "امبراطور سايز" يعني اكبر من الكويين والكنغ بس ما منسوج من الحبال من لكن من جريد النخل .. ماكن وكبير وينفع ستيج بتاع مسرح ياسلمي بينومو فوقو زمان اطفال البيت كلهم ولو في ضيوف معاهم ...الساقية كمان فيها عنقريب بس ما عندو ارجل ...العنقريب الفي المتحف بتاع واحد من جدودنا زمان المخدة خشبة ....
اها منو "العنقريب" في الادب والتراث الشعبي واين يقع في الاعراب وهل سيبويه كان عندو عنقريب ...
|
Post: #13
Title: Re: شرح العنقريب اند ذا ارمد جاير ثوت
Author: تبارك شيخ الدين جبريل
Date: 04-08-2007, 06:30 PM
Parent: #12
والله تأثرت مقدرتى على الإطلاع جدا منذ انقطاع علاقتى بالعنقريب بسبب الغربة!
|
Post: #25
Title: Re: شرح العنقريب اند ذا ارمد جاير ثوت
Author: bayan
Date: 04-09-2007, 09:09 AM
Parent: #13
| Quote: والله تأثرت مقدرتى على الإطلاع جدا منذ انقطاع علاقتى بالعنقريب بسبب الغربة |
يعني يا زميلي في الكوزنة والظلامية نرسل ليك كتب ولا عنقريب؟
|
Post: #14
Title: Re: شرح العنقريب اند ذا ارمد جاير ثوت
Author: abubakr
Date: 04-08-2007, 06:58 PM
Parent: #1
| Quote: والله تأثرت مقدرتى على الإطلاع جدا منذ انقطاع علاقتى بالعنقريب بسبب الغربة! |
يا قريبي ما كان تغترب في الهند عندهم عناقريب كتار ...بس انت اول واحد كان بيطالع من سطح العنقريب ..العنقريب للتامل وعد النجوم ...
|
Post: #15
Title: Re: شرح العنقريب اند ذا ارمد جاير ثوت
Author: bayan
Date: 04-09-2007, 03:07 AM
Parent: #14
سلام يا شباب يا حلوين خليكم معانا لما اجيكم صادة..
|
Post: #16
Title: Re: شرح العنقريب اند ذا ارمد جاير ثوت
Author: bayan
Date: 04-09-2007, 03:24 AM
Parent: #15
باطلاق دكتور حسن موسى مصطلح شرح العنقريب
على هذا الجيل..
يكون جيل شراح العنقريب الذين وصلو الى البوست مودرنتي
واتحكر فيها,و هم الجيل الذي اتي بعد الجيل حق الوليدات "ابان خرتايات"
بقليل من الخبث يمكن نفسر وصفة دكتور بولا هذه ايضا بمصطلح بابعاد
خفية..
قد اغرم ذلك الجيل الذي كان لغاية سنة 1980 يظن ان المدارس
الادبية من الفنية الى العبثية لاجل ان هناك كتاب مكتوب في الاربعينات
احسب ان كاتبه لويس عوض لو لم تخونني ذاكرتي فظن ذلك الجيل ان آخر مدرسة هي العبثية والدليل "الولو"
عندما وصلت مجلات فصول انفتح للوليدات ابان خرتايات عالم ساحري وعجائبي
يقراون حديثا عربيا ولكنه مستعصي على الفهم.
فصار ظنهم ان كلما قلت قولا مستعصيا فانت عالم لا يشق لك غبار
وظهرت صناعة الاغراب حيث صار غاية وهدف..
صار الكلام باللفة هو الكلام العديل..
وغرقنا في متاهات ابخرة الاغراب وصناعته..
فهل كان يقصد دكتور بولا انهم يحملون هذه الخرتايات وبها كتب
ولكن من قبيل الحمار الذي يحمل اسفارا ام انه يصفهم صفة بريئة..
فقط الولاد ابان خرتايات؟
اتي الجيل التالي وهو جيل شراح العنقريب.. اتابع حديثهم رغم ان لا جديد تحت الشمس
الان انه تعجبني جدا طريقة كتابتهم حيث انهم افضل فرصا بتوفر الانترنت فصارت السجالات مكتوبة..
يناقشون مواضيع قديمة وحديثة بلغة مفهومة غير متنطعة ولا يحفل حديثهم
كثيرا بالمصطلحات.. عدا قلة واقعة تحت تاثير "الولاد ابان خرتايات"
وكتابتهم ممراحة موشية بسخرية..ما عدا قلة..
والغريب ان افكرهم متسقة جدا ولا يوجد صراع واضح بين ابان خرتايات وشراح العنقريب
ولكن هناك سوء فهم واضح بين هؤلائ وحسن موسى.
فهو المفروض يكون معلما ياخذهم بحكمة ويلفت نظرهم الى سقطاتهم بلطف
ولكن دكتور حسن موسي جيل الافرو والدبابة
ينهزرهم ويسخر منهم ويضحك عليهم ويضحك عليهم..
وهذا ذات ما مارسه على الاجيال التي سبقته.
من خلال جهنمه حيث قدم نفسه كخازن جهنم..لا يحاسب فقط يخزن..
فدكتور حسن موسى لا يعجبه العجب ولا الصيام في رجب..
|
Post: #17
Title: Re: شرح العنقريب اند ذا ارمد جاير ثوت
Author: abdalla elshaikh
Date: 04-09-2007, 07:10 AM
لكن في مثل بيقول(ياحليل الرجال اللي كانوا بيكسروا العنقريب!!!)
|
Post: #26
Title: Re: شرح العنقريب اند ذا ارمد جاير ثوت
Author: bayan
Date: 04-09-2007, 09:11 AM
Parent: #17
| Quote: لكن في مثل بيقول(ياحليل الرجال اللي كانوا بيكسروا العنقريب!!!) |
وبرضو ودابن آدم مهما طالت سلامته يوما على "عنقربيا" محمولا
والنفوس كان اطايبت العنقريب بشيل مية..
حرف الجر لا يجر العنقريب
|
Post: #18
Title: Re: شرح العنقريب اند ذا ارمد جاير ثوت
Author: abubakr
Date: 04-09-2007, 07:27 AM
Parent: #1
| Quote: لكن في مثل بيقول(ياحليل الرجال اللي كانوا بيكسروا العنقريب!!!) |
ودالشيخ ..سلام ... بيكسروا "وزنا" ام "اعرابا"....
|
Post: #19
Title: Re: شرح العنقريب اند ذا ارمد جاير ثوت
Author: abubakr
Date: 04-09-2007, 07:38 AM
Parent: #1
نجاة .. في بيوتنا بناتنا واولادنا يقرؤون لكافكا(مطلع القرن الماضي) ولكويهلو (مطلع الالفية الجديدة ) ... لا ينطبق علي هؤلاء تصنيفات خرتاية او خلافها كما لم ينطبق علي رغم اني من جيل في الخمسينات من عمري التقط ما يروق لي من كتابات وادب ونثر وشعر وغناء وذلك منذ صغري ..
|
Post: #20
Title: Re: شرح العنقريب اند ذا ارمد جاير ثوت
Author: bayan
Date: 04-09-2007, 07:51 AM
Parent: #19
| Quote: نجاة .. في بيوتنا بناتنا واولادنا يقرؤون لكافكا(مطلع القرن الماضي) ولكويهلو (مطلع الالفية الجديدة ) ... لا ينطبق علي هؤلاء تصنيفات خرتاية او خلافها كما لم ينطبق علي رغم اني من جيل في الخمسينات من عمري التقط ما يروق لي من كتابات وادب ونثر وشعر وغناء وذلك منذ صغري |
تعرف يا باشمهندس
السيرورة( سنة يا انا) بتاعة المعرفة بدأت من بدري تصنع تراكما كميا وكيفيا
(سنتين) و و نحن نتلقى ونهضم.. ولكن هناك اجيال تتلقى ولا تهضمم حتى تعثر عليها الفهم
من الابخرة المتصاعدة من التخمة فصاروا كمن قال عنهم دكتور المسدي يمارسون الاستمناء الفكري لذة بدون منتوج.
مثلا عندما تصل سن متقدمة تكتشف لا في فلسفة حديثة ولا قديمة ولا غربية ولا شرقية
وكل الكلامات دي طلعت من ارسطو وسقراط وافلاطون و المحدثون ديل كل مرة يشيلو جزء يلحنو ويدفسو بالمصطلحات المفسخة ويدوها اسم..بعداك تجي الفلسفة الحديثة
والحداثة و ما بعد الحداثة وهلم جرا..
جيل شراح العنقريب جزء منهم بدل يبدا من حيث انتهى الناس رجعنا تاني 15 قرن..
ولكن برضو ما بطال فانا مستمتعة جدا بالقراءة لهم..
واتمنى حسن موسى يدي الضراب حريتو..
وانا سعيدة انه في جيل بعد شراح العنقريب في طور الاعداد
قد فشلت تماما في تحبيب فكرة القراءة الموسعة لاودي..
هنيئا لك يا اخي ولهن التحية..
|
Post: #21
Title: Re: شرح العنقريب اند ذا ارمد جاير ثوت
Author: abubakr
Date: 04-09-2007, 08:21 AM
Parent: #1
Quote: مثلا عندما تصل سن متقدمة تكتشف لا في فلسفة حديثة ولا قديمة ولا غربية ولا شرقية
وكل الكلامات دي طلعت من ارسطو وسقراط وافلاطون و المحدثون ديل كل مرة يشيلو جزء يلحنو ويدفسو بالمصطلحات المفسخة ويدوها اسم..بعداك تجي الفلسفة الحديثة
والحداثة و ما بعد الحداثة وهلم جرا.. |
لا احب تصنيفات وافضل ان اخذ ما يناسبني من الكم الموجود
التصنيفات اضرت كثيرا بتوسع قاعدة التقاط اجيال كثيرة لمجمل المنتوج واختيار ما يناسبهم .. التصنيفات تضع حاجزا نفسيا احيانا او تجعل القارئ متاثرا بما سمع من استقراءات شخصية لاخرين فيحجم ...
ليس هناك ما يزعج في احجام بعض ابنائنا الان من القراءة الموسعة فهناك وسائل التقاط للمعرفة غير القراءة كثيرة ومتنوعة
|
Post: #22
Title: Re: شرح العنقريب اند ذا ارمد جاير ثوت
Author: Adrob abubakr
Date: 04-09-2007, 08:23 AM
Parent: #1
Quote: السيرورة( سنة يا انا) بتاعة المعرفة بدأت من بدري تصنع تراكما كميا وكيفيا
(سنتين) و و نحن نتلقى ونهضم.. ولكن هناك اجيال تتلقى ولا تهضمم حتى تعثر عليها الفهم
من الابخرة المتصاعدة من التخمة فصاروا كمن قال عنهم دكتور المسدي يمارسون الاستمناء الفكري لذة بدون منتوج.
مثلا عندما تصل سن متقدمة تكتشف لا في فلسفة حديثة ولا قديمة ولا غربية ولا شرقية
وكل الكلامات دي طلعت من ارسطو وسقراط وافلاطون و المحدثون ديل كل مرة يشيلو جزء يلحنو ويدفسو بالمصطلحات المفسخة ويدوها اسم..بعداك تجي الفلسفة الحديثة
والحداثة و ما بعد الحداثة وهلم جرا..
جيل شراح العنقريب جزء منهم بدل يبدا من حيث انتهى الناس رجعنا تاني 15 قرن.. |
والله أضحكتيني يا بيان
لكن ما بالغتي!!!
|
Post: #27
Title: Re: شرح العنقريب اند ذا ارمد جاير ثوت
Author: bayan
Date: 04-09-2007, 09:14 AM
Parent: #22
Quote: والله أضحكتيني يا بيان
لكن ما بالغتي!!! |
ربنا يضحكك على طول
ما هو سمتك السقافي؟
ولا مثل الباشمهندس لا سمت له ولا يعترف بالاخلافات هذه؟
|
Post: #28
Title: Re: شرح العنقريب اند ذا ارمد جاير ثوت
Author: abubakr
Date: 04-09-2007, 09:36 AM
Parent: #1
«النفوس لو اطايبت العنقريب يشيل الميه»«مثل سوداني»
هذا مثل سوداني يعطي للعنقريب اتساعا وليس تحجيما يصنفه في حيز صغير محدد فان قصد به سمة من سمات الثقافة فيجب ان يسع الكثير ... يظلم العنقريب من يحجمه ...
|
Post: #29
Title: Re: شرح العنقريب اند ذا ارمد جاير ثوت
Author: bayan
Date: 04-10-2007, 02:59 AM
Parent: #28
اليوم اكتشفت المعني الحسن موسوي لشرح العنقريب
طلع المصطلح لا دخل له بالارمجاير ثوت
شوفتا كيف يا حسن مشيتنا بعيد..
|
Post: #30
Title: Re: شرح العنقريب اند ذا ارمد جاير ثوت
Author: abubakr
Date: 04-10-2007, 03:33 AM
Parent: #1
| Quote: والحداثة و ما بعد الحداثة وهلم جرا.. |
بالجد "الحداثة" يعني شنو ؟ بتبدء وين وتقيف وين .؟ يعني بكرة ما "حداثة" لناس بكرة زي ما كانت "حداثة" لناس امبارح ..واللا هي محطة اسمها كدة . يا جماعة اكثر من نص السودان زينارطانة شغاليين بقاموس عربي مختصر abridged وبالضروريات من اللغة فبالله راعو حالنا ..وبعدين "سمت" دي شنو يانجاة .. انتو قرووكم عربي غير القرونا ليهو بتاع "ظلع الجمل وهذا هو العصفور ودجاجي يلقط الحبة" ؟
|
Post: #31
Title: Re: شرح العنقريب اند ذا ارمد جاير ثوت
Author: bayan
Date: 04-10-2007, 03:43 AM
Parent: #30
سلام يا ابو بكر
كيفك صحتك
زمان كتبت لي بحث عن تطور مصطلح الحداثة
اها اسع نحنا في البوست مودرنتي
الجاية حتكون دا بوست بوست مودرنتي وهكذا دواليك..
| Quote: انتو قرووكم عربي غير القرونا ليهو بتاع "ظلع الجمل وهذا هو العصفور ودجاجي يلقط الحبة" ؟ |
والله يو ميد ماي دي.. 
ما تنسى بالله الدود فوق العود..
|
Post: #32
Title: Re: شرح العنقريب اند ذا ارمد جاير ثوت
Author: abubakr
Date: 04-10-2007, 03:58 AM
Parent: #1
| Quote: ما تنسى بالله الدود فوق العود.. |
دة خلينا لانو الدنيا صباح .. بعدين الزمن دة الديدان كتار ...
|
Post: #33
Title: Re: شرح العنقريب اند ذا ارمد جاير ثوت
Author: aydaroos
Date: 04-10-2007, 08:31 AM
Parent: #1
ازيكم.....
علي حد علمي المثل دا بيقولوه للزول البيشرح الحاجه الواضحه و البديهيه.
يعني زول يشرح العنقريب يقول: حطبتين افقيات معاهم اربعة حطبات راسيات 
ان شاء الله ما اكون شرحت العنقريب
|
Post: #34
Title: Re: شرح العنقريب اند ذا ارمد جاير ثوت
Author: Marouf Sanad
Date: 04-10-2007, 04:39 PM
Parent: #33
ارمد جابر سوت شنو?
يا دكتورة سلام:
القصة دي ما سألنا منها زمان وقالوا عندها علاقة بموضوع أبكر!
|
Post: #35
Title: Re: شرح العنقريب اند ذا ارمد جاير ثوت
Author: Marouf Sanad
Date: 04-10-2007, 04:52 PM
Parent: #34
الفرق انو في حالة "امجد جابر سوت "انك بتفكر في مخلوقاته
اما في حالة "انقرايب سوت" فأنت بتفكر في ذاته!
|
Post: #36
Title: Re: شرح العنقريب اند ذا ارمد جاير ثوت
Author: bayan
Date: 04-10-2007, 05:52 PM
Parent: #35
| Quote: القصة دي ما سألنا منها زمان وقالوا عندها علاقة بموضوع أبكر! |
اولا ازيك وين ما ظاهر ايها العدو
بعداك
تصور اليوم عرفت الموضوع..انه منحوت من ابكر..
اختك
عقلها شطح وفكرت بعيد واذكر ليفي شتراوس ساكت..
الارمد بيكون المسلح موش
اها شرح ابو الشمقمق جد مسلح..
|
Post: #37
Title: Re: شرح العنقريب اند ذا ارمد جاير ثوت
Author: bayan
Date: 04-10-2007, 05:55 PM
Parent: #36
| Quote: ان شاء الله ما اكون شرحت العنقريب |
تب عدلت لي قفاي
مرات الحاجات لا تبدو بسيطة كما هي في عالم معقد(سنة يا الفلسفة)
لقيتني كيف
|
|