Post: #1
Title: محمد حامد و الطيب بشير ....
Author: bayan
Date: 04-19-2007, 04:45 PM
Parent: #0
كتب الاخ العزيز الطيب بشير
بوست بعنوان لم يرق لي
اولا لانني ارفض الحط من البشر بتسميتهم
باسماء الحيوانات..
طالبت الاخ الطيب ان يطالب بسحب البوست
وشرح لي الطيب ان الاخ محمد حامد قد تعدى على حقوقه
بأن علق اعلان للمركز الذي يرفضه الطيب بشير..
وبمراجعتي للبوست المعني..
وجدت فعلا ان الاخ محمد حامد قد فعل ذلك..
ونسبة لانه لا توجد لائحة لمثل هذه الافعال
التي برع في فعلها الاخوة الجمهورين
الا ان الجو العدائي للمركز
جعلت الاخ الطيب يرى انه البوست
الذي فتحه قد مست حرمته( حرم)
بما ان الطيب بشير يرفض اللنك
في بوسته فهذا حقه..
ولذلك اتمنى لو الاخ محمد جمعة الذي
علق اللنك في بوست رافض المركز
كنوع من رفضه لرفض المركز
ان يحذف اللنك...
واتمنى ان يحترم الجميع رغبات بعض
ويحفظوا حدود بعض
حتى لا يتم انتهاك للحقوق
يفضي الى شتائم واستخدام الفاظ
تحط بالبشر..
واسجل ادانة لكل من
طالب بفصل محمد جمعة
لانه لم يخالف اي لائحة هنا...
وهذه مجرد بلطجة وقوة عين لا غير
خاصة الذين
يتشدقون بالديمقراطية...
كما اسجل ادانة لكل من استخدم كلمة كلب
واصفا محمد حامد..
واتمنى ان تحذف كل البوستات
التى بها مثل هذه الاقوال..
اخي العزيز الطيب اخي العزيز محمد جمعة
هلا فعلتما ما طلبته منكما..
ولكم كل مودة..
|
Post: #2
Title: Re: محمد حامد و الطيب بشير ....
Author: الطيب بشير
Date: 04-19-2007, 04:51 PM
Parent: #1
على العين قبل الراس يا دكتورة
مع ملاحظة صغيرة
أحبابنا الجمهوريون يضعون لنكاتهم تسبقها محبة و تحيّـة و يعقبها استئذان و سلام
هذا يختلف عن جمعه الذي دخل بلا سلام..و وضع لنكه بلا استئذان..و خرج بلا مراعاة لأهل الدار
برغم ذا
يبقى كلامك عين العقل
و تحية ليك على موقفك
أنا على استعداد للرجوع للحق
و هو أحق
ننتظر إزالة اللنكات
|
Post: #4
Title: Re: محمد حامد و الطيب بشير ....
Author: bayan
Date: 04-19-2007, 05:02 PM
Parent: #2
العزيز الطيب
اتمنى ان تراسل الاخ بكري لحذف بوستك...
لان شرط حذفك ان اكتب هذا البوست..
وتسلم ويسلم راسك يا ابو بشير..
واتمنى من اخي الاصغر محمد حامد
ان يحذف اللنك..
وليكم كل المحبة والاحترام الذي تستحقونه
|
Post: #5
Title: Re: محمد حامد و الطيب بشير ....
Author: الطيب بشير
Date: 04-19-2007, 05:12 PM
Parent: #4
يا دكتورة ..برغم أنّ الشـرط تمّ التحايل عليه بلغتك المهذّبة
و لم تصدر إدانة واضحة للباديء
لكـــن أنا ما بنـط
و يا بكري شيل البوســت بتاعي (الخنزير..الخ)
و بكتب ليهو برضو يا بيان
شكرآ لك
|
Post: #3
Title: Re: محمد حامد و الطيب بشير ....
Author: Alfarwq
Date: 04-19-2007, 04:52 PM
Parent: #1
الاخوة محمد جمعة و الطيب الرجاء الاستجابة لطلب بيان.
|
Post: #6
Title: Re: محمد حامد و الطيب بشير ....
Author: ASAAD IBRAHIM
Date: 04-19-2007, 05:13 PM
Parent: #3
سلام يا دكتورة ....ذات الشخص "مدير تحرير المركز المشبوه" وضع اللنك القذر اياه في اثنين من بوستاتي
ارجو ان يسحبهما عاجلا
|
Post: #7
Title: Re: محمد حامد و الطيب بشير ....
Author: الطيب بشير
Date: 04-19-2007, 05:15 PM
Parent: #6
اللنكات يا أسعد في كل بوستات المقاطعة التي صادفها "العضو" جمعة
معاك بنكرر رجاء حذفها
ع شان بيان
|
Post: #8
Title: Re: محمد حامد و الطيب بشير ....
Author: bayan
Date: 04-19-2007, 05:23 PM
Parent: #7
| Quote: ....ذات الشخص "مدير تحرير المركز المشبوه" وضع اللنك القذر اياه في اثنين من بوستاتي |
اسعد اولا
محمد حامد لا يعمل مديرا للمركز....
لقد زرت المركز في عطلتي الصيفية وقابلت
مديره رجل مهذب ومحترم...
وشخصيا لا اصدق هيلمة الامن وشنو..
لانه قد تكون كذبة مثل الكذبات اللافة دي
ذي سرقة جثمان الخاتم مثلا..
ولذلك تجدني لا اصدق اي معلومة هنا
وهذا المكان فاقد المصداقية بالنسبة لي
واتمنى ان يسحب اللنكات...
فقط لانكم ترون انها تعدي على حقوقكم...
وحرمات بوستاتكم..
ولك التحية والاحترام الذي تستحقه
....
|
Post: #9
Title: Re: محمد حامد و الطيب بشير ....
Author: ASAAD IBRAHIM
Date: 04-19-2007, 05:31 PM
Parent: #8
يا دكتورة انا قلت مدير تحرير المركز ولم اقل مدير المركز
والصفة الادارية "مدير تحرير" موجودة علي صفحات موقعهم
طيب رأيك شنو في الكلام دة:
Quote: Quote: شوف يا (مولانا ) ... وافت ليك القصة
تعرف من قولة تيت انا كنت عارف انو الاعلان فى المنبر ما يقعد اكثر من ساعة ساعتين بالكتير ، وكنت واثق مليون بعد المليون فى المية انو جماعة (الضغط النضالى ) حيلقوها فرصة العميان يجى شايل المكسر ببيانات الشجب والاستنكار وانو بكرى حتقوم قيامتو واكلمك زيادة كنت عارف انو قروشنا الجهزناها قبال ما نسلمها الحكاية بتطرشق عشان كدا لمن قالو لى قروش الجماعة ديل جاهزة يا سعادتك قلت ليهم خلوها (اربعة وعشرين ساعة ) وبتجيكم راجعة ويمكن ما تنصرف .
كلو يا مولانا كان مرسوم عندى بالسنت والملى ، وببساطة الجوطة والعياط دا كلو انا مستمع بيهو جدا جدا جدا (خالص ) وبقول ليك كدا عشان اؤكد ليك تلاتة حاجات
اولا : انا ونحن فى SMC ما زعلانيين ولا حاجة وبالعكس مبسوطين
ثانيا : عملت ليكم كمين دخلتوه مغمضين كلكم
ثالثا : وضح لى تمام انكم قاعدين ساى وكلمة تشيلكم وكلمة تختكم
|
|
Post: #10
Title: Re: محمد حامد و الطيب بشير ....
Author: bayan
Date: 04-19-2007, 05:40 PM
Parent: #9
ما فهمتا يا اسعد
انا قريت كلام جمعة دا وشايفاه بشرح لخدر
في الحصل...
بما انه هو الوسيط الاتصل ببكري
ونسق يبقى هو الحيدفع القروش
ويسلمها ولا كيف؟
المهم ذي ما قلت ليك
اي معلومة من البورد دا عن اي زول
ما باخدها نهائي...
دي قناعاتي
لانه زول غاتس في الواق واق
يجيب ليك كلام
عن زول في القطب الجنوبي
وينشرها ويكررها لما تبقى حقيقة...
ذي انه زول عمرو 29 عميد قي الامن
وانه بيانو بعلها يعيشون على اموال الكيزان في ماليزيا
المنبر دا كضب وخزعبلات.. وابخرة واوهام..
|
Post: #12
Title: Re: محمد حامد و الطيب بشير ....
Author: ASAAD IBRAHIM
Date: 04-19-2007, 05:53 PM
Parent: #10
يا دكتورة اولا احترامي ليك
يا دكتورة رأيك شنو نأسس مع مجموعة من الاعضاء
مجموعة تكون مبدئية في ادانة الغلط
ونقعد ونعرف الغلط في حق بعضنا بعض
وخصوصا الكذب واشانة السمعة والقذف
نتكلم عن الحاجات دي ونتفق علي ادانتها
بغض النظر عن توجهاتنا السياسية
عشان علي الاقل نحترم انسانيتنا وانسانية بقية الاعضاء
رأيك شنو؟؟؟
بعد اسمع رأيك نواصل النقاش حول اقوال "مدير تحرير المركز المشبوه"
|
Post: #13
Title: Re: محمد حامد و الطيب بشير ....
Author: bayan
Date: 04-19-2007, 06:04 PM
Parent: #12
Quote: يا دكتورة اولا احترامي ليك
يا دكتورة رأيك شنو نأسس مع مجموعة من الاعضاء
مجموعة تكون مبدئية في ادانة الغلط
ونقعد ونعرف الغلط في حق بعضنا بعض
وخصوصا الكذب واشانة السمعة والقذف
نتكلم عن الحاجات دي ونتفق علي ادانتها
بغض النظر عن توجهاتنا السياسية
عشان علي الاقل نحترم انسانيتنا وانسانية بقية الاعضاء
رأيك شنو؟؟؟ |
على العين والراس
معا لشجب اي سلوك مشين من اي شخص
خاصة اشانة السمعة وقذف الاعراض..
ربنا امرنا بقول الحق على انفسنا ومن نحبهم
كما ان نقول الحق حتى على الاعداء
وما عندي مانع,,
|
Post: #11
Title: Re: محمد حامد و الطيب بشير ....
Author: محمود الدقم
Date: 04-19-2007, 05:51 PM
Parent: #1
والله يا الاستاذ الطيب بشير كبرت في راسي، وانت نموذج للمعارض المهذب الخلوق، فاذا النظام فعل ما لم يفعله ابليس وسلكت المعارضة ذات الاسلوب، اذن ما الفرف بين المعارضة والنظام؟؟؟
الاستاذ الطيب ود البشير القومة ليك يا زول وارجو من الاخ محمد حامد جمعة حذف لنكاته الخاصة الموجودة ببوستات الاخرين طالما انهم لا يرغبون فيها..
*الدكتورة بيان:
جانا الخبر شايل النسيم انك بقيت مصلحة للخير وبارك الله فيما وفق بين الاخوان بالخير.
|
Post: #15
Title: Re: محمد حامد و الطيب بشير ....
Author: الطيب بشير
Date: 04-19-2007, 07:40 PM
Parent: #11
أهـلين الأخ محمود الدقم
Quote: فاذا النظام فعل ما لم يفعله ابليس وسلكت المعارضة ذات الاسلوب، اذن ما الفرق بين المعارضة والنظام؟؟؟
|
الفرق، بالأساس، ليس كبيرآ!!
و أنا معارض (على كــيــفــي)
و لم أبايع بعد الكتيابي رجلآ!!
أنا لسـت من المعارضـة يا أخي
أنا ضـد الحكومة..و ضــد المعارضــة
تعرف تغني؟؟
قول معاي:
واقف برااااااك...و الهــم عصــف
شكرآ ليك يا عزيز
|
Post: #49
Title: Re: محمد حامد و الطيب بشير ....
Author: bayan
Date: 04-20-2007, 03:08 AM
Parent: #11
| Quote: جانا الخبر شايل النسيم انك بقيت مصلحة للخير وبارك الله فيما وفق بين الاخوان بالخير. |
العشم فيهم الاثنين فقط يا محمود
نتمنى دعم هذه المبادرة
ولك الشكر على مرورك
|
Post: #14
Title: Re: محمد حامد و الطيب بشير ....
Author: Bashasha
Date: 04-19-2007, 06:48 PM
Parent: #1
| Quote: الاستاذ الطيب ود البشير القومة ليك |
الطيب بشير،احترامي.
اها تاني عندك قول، اهم بقو يسوو ليك زي عادل عبدالعاطي، القومة ليك! هم لو الكيزان حيسو القومة ليك، شن من قويم النفس، من اصلو يالمعارضة الشمالية؟
قال يادكتورة قال!
غالبك تقول ليها ياكوزة؟ طيب العجاجة فوق كم؟
تعلمنا الدرس من زمن!
الواحد فيهم وش القباحة تب مابشيلا الا مع الجماعة، او وسط الجوغة!
ماموت الجماعة، عرس، مش؟
عاشت الانقاذ!
|
Post: #16
Title: Re: محمد حامد و الطيب بشير ....
Author: الطيب بشير
Date: 04-19-2007, 07:45 PM
Parent: #14
Quote: الطيب بشير،احترامي.
اها تاني عندك قول، اهم بقو يسوو ليك زي عادل عبدالعاطي، القومة ليك! هم لو الكيزان حيسو القومة ليك، شن من قويم النفس، من اصلو ياالمعارضة الشمالية؟ |
مرحبتين يا بشاشـة
إحترام فوق إحترامك ..و معاهو محـبّـة لكل آل النوبـة"عيلا وردي" ..
الإقتباس دة ما وقع لي..ما فهمت قصدك
أنا معارض، بالحــيل، لكن ما فهمت الشمالية دي شنو؟؟..أنحن أهل العوض، أهل الوســط
ما عندي كـوم حتى الآن..ما فهمت عليك و الله يا بشاشة
تعال بالمهلة
|
Post: #17
Title: Re: محمد حامد و الطيب بشير ....
Author: Bashasha
Date: 04-19-2007, 07:54 PM
Parent: #1
Quote: أنا لسـت من المعارضـة يا أخي
أنا ضـد الحكومة..و ضــد المعارضــة |
الطيب بشير،
مافاهم، يعني شنو ضد "الحكومة" او ضد المعاردة؟
للاسف مافي منطقة وسطي هنا، يالطيب!
هناك اكثر من خيمة للمعارضة مثلا، واكثر من جناح للسلطة، ولكن مابين خندقي السلطة، مش الحكومة، والمعارضة، لاتوجد منطقة محايدة؟
انت شايت علي وين مقوم العجاجة دي كلها؟
وقع ليكم كلامنا، عن المعاردة الجلابية، لي نظاما؟
عاشت الانقاذ!
|
Post: #19
Title: Re: محمد حامد و الطيب بشير ....
Author: الطيب بشير
Date: 04-19-2007, 08:23 PM
Parent: #17
| Quote: للاسف مافي منطقة وسطي هنا، يالطيب! |
كضبآ كاااااضـب يا بشاشا
المنطقة الوسـطى يا أخي هي التي تضم أغلبية صامتة، و محترمة، بيقولوا للأعور يااااأيها الأعور في عينو
لأنهم غير منتمين لأي كيان سياسي
يجمعهم الخير و الحق و الجمال مع كثيرين "بعضهم مع معاوية و بعضهم مع علي"
تقسيم إما معنا أو مع الإرهاب تقسيم كاوبوي لا يخيل علينا
أنا لا أثق في أي جماعة سياسية سودانية
حاولت أن أنشيء حزب قبل واحد و عشرين سنة و فشل..و فلّس بـي
لأنّـه قام على نقاء الطلاب..و لأن الأحزاب حاربته بضراوة..وحّـدناهم يا رجـل
لكن العجاجة دي كلها سببها أنني أقول الحق كل الحق و لا شيء غير الحق
و العجاجة دي ما قايمة هسع ..
من بدرييييييي
من سنة 1991 في كليّـة الشرطة كنت مسؤول النشاط الثقافي..أجيب عبدالجبار المبارك..الكيزان ينبسطوا يقولوا دة كومنا طب..الأسبوع البعدو عماد أحمد الطيب و نادي الطنبور..يقوموا ناس المعارضة يقولوا لااااا دة "تبعنا"..الأسبوع البعدو الزنداني..البعدو سينما من المركز الفرنسي..و التخرج عبدالقادر سالم..
يا بشاشة أولاد دفعتي بيسألوني نفس السؤال دة؟
كيف أقوم بتدريس التجويد..و أنقـز في الحفلة أول واحد
يا هنا.....يا هناك
يا معانا....يا مع الخيانة
فهم الدنيا بطريقة هلال ...مريخ
لا يليق
إنت عندك رأي صاح ..بقول ليك صاح..لو جيت بكرة قلت واحد أعوج؟؟..أسكت ع شان انت من كومي؟؟ أو أحاول تصليحو (يمكن الراجل ما قاصد)؟
دي تعاسة يا بشاشا
أنا واقف في النص "تمامآ"..و الحكومة و المعارضة هم اللي مفروض يسترضوني..و يسعوا لحدي عندي، حافيين بالمناسبة، و أسألهم سؤال منكر و نكير..أنا المواطن يا حبّــوب..لا يشترطوا علي..أنا الناخــب..أصوّت لبرامجهم و مواقفهم لا أحزابهم..
بعد الهرجي دة كلو did I make sense
|
Post: #18
Title: Re: محمد حامد و الطيب بشير ....
Author: TahaElham
Date: 04-19-2007, 07:56 PM
Parent: #1
سؤال عام ومهم
هل يجوز للبعض اعابة الاخرين بانهم من آكلي الولفيرbenefiting from the welfare
وشاربي الخمر...و انهم يريدون فقط الاستفادة من حق اللجوؤ السياسي
و هل وضعية اللجوء اصلا سعيدة
و لكن كما قيل الليل و النهار واحد علي الغبيان
هل يجوز????????
ما بجوز و الغربة حاصلة)
تسجن التناقضات الكذابين ..و طبعا التنقاضات لا تسجن الذباب
لانه حر في التضبنin being flies
طه جعفر الخليفة
|
Post: #20
Title: Re: محمد حامد و الطيب بشير ....
Author: Bashasha
Date: 04-19-2007, 08:59 PM
Parent: #1
Quote: المنطقة الوسـطى يا أخي هي التي تضم أغلبية صامتة، و محترمة، بيقولوا للأعور يااااأيها الأعور في عينو
لأنهم غير منتمين لأي كيان سياسي |
الطيب بشير،
مافي زول جاب سيرة انتماء للكيانات السياسية، او رفضك للنظام لايتطلب بطاقة عضوية لاي كيان.
قناعتي الراسخة الشعب السوداني كقاعدة {50+1} رافض للنظام وليس هناك في اي منطقة وسطي.
واذا لابد، فهؤلاء يحسبون لصالح النظام.
كل من يتحدث عن وجود منطقة وسطي فهو مع النظام، شاء ام ابي، واعي ولا لا!
|
Post: #21
Title: Re: محمد حامد و الطيب بشير ....
Author: الطيب بشير
Date: 04-19-2007, 10:00 PM
Parent: #20
Quote: واذا لابد، فهؤلاء يحسبون لصالح النظام.
كل من يتحدث عن وجود منطقة وسطي فهو مع النظام، شاء ام ابي، واعي ولا لا! |
يا بشاشا..
لا أدري لماذا يأتي قولك قطعيّـآ؟!!
الأفضل للنقاش،برأيي، أن يسبق كلامك إشارات قبولك بأن يكون رأي غيرك صحيحآ..مثل (أرى، أعتقد، أحسـب..الخ)
ما هو حوار موش؟
و بعدين.. تخويفي بأني مع النظام من غير أن أعي ذلك .. لا يليق
.
|
Post: #23
Title: Re: محمد حامد و الطيب بشير ....
Author: Hussein Mallasi
Date: 04-19-2007, 10:08 PM
Parent: #21
اسه يا الطيب بشير لو جا جمعة و قال ليك:
"انت الخنزير و لو ما مصدقني عاين لصورتك"
حتقول ليهو شنو .. يا خوي حقو قلة الأدب دي تخليها!!
|
Post: #24
Title: Re: محمد حامد و الطيب بشير ....
Author: الطيب بشير
Date: 04-19-2007, 10:13 PM
Parent: #23
لم يغضبني وصفك لي بقلة الأدب ..ما انتو صحفيي اليومين ديل
لكن شـقّ علي أن ينادني "حسين ملاسي" ب(أخوي)
|
Post: #22
Title: Re: محمد حامد و الطيب بشير ....
Author: الطيب بشير
Date: 04-19-2007, 10:02 PM
Parent: #20
| Quote: مافي زول جاب سيرة انتماء للكيانات السياسية، او رفضك للنظام لايتطلب بطاقة عضوية لاي كيان. |
طيب ما أنا قلت إني معارض للحكومة و المعارضة يا بشاشا..نطيت في حلقي ليه؟؟
الإتنين،برأيي، غلط..دون طموحاتي في القائد..و الحزب..
الخلّا الكلام دة يصب في كوم الحكومة شنو؟
|
Post: #25
Title: Re: محمد حامد و الطيب بشير ....
Author: Hussein Mallasi
Date: 04-19-2007, 10:16 PM
Parent: #22
| Quote: لم يغضبني وصفك لي بقلة الأدب .. |
لا أحسن يغضبك كمان!
|
Post: #26
Title: Re: محمد حامد و الطيب بشير ....
Author: الطيب بشير
Date: 04-19-2007, 10:19 PM
Parent: #25
Quote: لم يغضبني وصفك لي بقلة الأدب ..ما انتو صحفيي اليومين ديل
لكن شـقّ علي أن ينادني "حسين ملاسي" ب(أخوي) |
|
Post: #27
Title: Re: محمد حامد و الطيب بشير ....
Author: Hussein Mallasi
Date: 04-19-2007, 10:35 PM
Parent: #26
تعرف يا الطيب .. هنا مافي زول حيعمل ليك حماية زي ما تعودت في سودانيات؛
هنا تغلط و تقل أدبك تاخد على راسك زي الترتيب!!
|
Post: #28
Title: Re: محمد حامد و الطيب بشير ....
Author: الطيب بشير
Date: 04-19-2007, 10:38 PM
Parent: #27
تلميذ نجيب..اتعلمت الدرس و برّأتني من أخوّتك؟..كدة عرفت مقامك تمام..
ما تنسى إني بديت هناقبل سودانيات..و مسألة "قلّة أدبي" لن أردّ عليك مساءة بمثلها
لئلا يأتي إسمي و إسمك في بوست واحد..تبقى مصيبة بعد إدّعائك لأخوّتي!
|
Post: #29
Title: Re: محمد حامد و الطيب بشير ....
Author: Hussein Mallasi
Date: 04-19-2007, 10:41 PM
Parent: #28
عارفك بديت هنا .. و عارفك قمت جاري من هنا لحيث الحماية المطلقة!
|
Post: #30
Title: Re: محمد حامد و الطيب بشير ....
Author: الطيب بشير
Date: 04-19-2007, 10:45 PM
Parent: #29
انت طبعآ درسـت في مصر و واضـح إنك "سيد جيرانك" مثل "ست قيرانها"
أردح..قلة أدب..و جريت..و تاني؟؟
بقدر علي أسياد جيرانهم أنا؟
|
Post: #31
Title: Re: محمد حامد و الطيب بشير ....
Author: Hussein Mallasi
Date: 04-19-2007, 10:55 PM
Parent: #30
سيد جيراني .. سيد جيرانك .. ما مهم
المهم يا سيد انك ما تقل أدبك تاني و توصف الناس بأنها خنازير.
|
Post: #32
Title: Re: محمد حامد و الطيب بشير ....
Author: الطيب بشير
Date: 04-19-2007, 10:59 PM
Parent: #31
أيّـهما كان قاسيآ عليك:
أن تتسوّل الأخوّة و تطرد بوضوح زي دة
| Quote: شـقّ علي أن ينادني "حسين ملاسي" ب(أخوي) |
أم تبتدر الناس بالمساءة و يوضحوا ليك مكانتك زي دة
|
Post: #33
Title: Re: محمد حامد و الطيب بشير ....
Author: Hussein Mallasi
Date: 04-19-2007, 11:11 PM
Parent: #32
أما لو داير تقل أدبك على الناس و تأمن الرد؛
فعليك بالعودة و الاختباء خلف سودانيات.
|
Post: #34
Title: Re: محمد حامد و الطيب بشير ....
Author: wesamm
Date: 04-19-2007, 11:13 PM
Parent: #33
Quote: واتمنى من اخي الاصغر محمد حامد
ان يحذف اللنك.. |
اخوك في الله ولااخوك في الجهاز قال شقاهو عرقي قال
|
Post: #35
Title: Re: محمد حامد و الطيب بشير ....
Author: الطيب بشير
Date: 04-19-2007, 11:16 PM
Parent: #33
ملاسي لن أرد عليك مساءة..
سبقك بهذا المنبر من أساء لكل عائلتي ..
فواصل ..هي سكّـة العاجز..
لكن لا تكتب أبدآ أنك (أخوي) ..
دي ما يتسكتش عليها يا سيد جيرانك
|
Post: #36
Title: Re: محمد حامد و الطيب بشير ....
Author: Hussein Mallasi
Date: 04-19-2007, 11:22 PM
Parent: #35
و وصفك للناس بأنهم خنازير سكة شنو يا الفالح!!
|
Post: #37
Title: Re: محمد حامد و الطيب بشير ....
Author: الطيب بشير
Date: 04-19-2007, 11:28 PM
Parent: #36
سكة الغاضب يا سيد جيرانك
لكن إنت (أخي المرفوض) جئت بعد انتهاء المشكلة و رفع البوست المعني لتوقظ الفتنة
و بلا خلاف "مباشر"..أسأتني..بادّعاء أخوتك أولآ و بقلة الأدب ثانيآ
و لن أرد عليك ..واصل ما تجيده يا صحفي الغفلة
|
Post: #38
Title: Re: محمد حامد و الطيب بشير ....
Author: Hussein Mallasi
Date: 04-19-2007, 11:34 PM
Parent: #37
| Quote: سكة الغاضب يا سيد جيرانك |
تاني من فضلك ما تغضب .. و لو غضبت ما توصف الناس بانهم خنازير؛
لان في ذلك سوء – و قلة – أدب متناهية .. فهمت!!
_____
و اللنكات التي أغضبتك
عملوا ليك فيها شنو!!
|
Post: #39
Title: Re: محمد حامد و الطيب بشير ....
Author: الطيب بشير
Date: 04-19-2007, 11:38 PM
Parent: #38
Quote: ملاسي لن أرد عليك مساءة..
سبقك بهذا المنبر من أساء لكل عائلتي ..
فواصل ..هي سكّـة العاجز..
لكن لا تكتب أبدآ أنك (أخوي) ..
دي ما يتسكتش عليها يا سيد جيرانك |
|
Post: #40
Title: Re: محمد حامد و الطيب بشير ....
Author: Hussein Mallasi
Date: 04-19-2007, 11:47 PM
Parent: #39
شفت الفرق بين هنا و بين سودانيات؛
دا لو كان هناك كان عملت فيها أبو عرام ؛
بس هنا ما كان حيحلك غير انك تلحس كلامك .. يا بتاع سكة الغضب!!
|
Post: #41
Title: Re: محمد حامد و الطيب بشير ....
Author: الطيب بشير
Date: 04-19-2007, 11:55 PM
Parent: #40
لكن إنت هنا و هناك معروف و مرفوض (أترك وصفك للقاريء و الأعضاء)
و إنت (أخوّتك) مرفوضة..معاك حق تزعل..شينة بالجد زول يقول يا اخوي و يقولو ليهو لأ لأ
ع شان ما حصلت كمان..بالجد كان مفروض أجاملك شوية
و سكة الغضب أفضل من سكة سيد جيرانو
|
Post: #42
Title: Re: محمد حامد و الطيب بشير ....
Author: Hussein Mallasi
Date: 04-20-2007, 00:00 AM
Parent: #41
افتكر انو دا حيكون ليك درس كويس عشان تاني ما توصف الناس بالخنازير؛
لانو منظرك و انت متحجج بسكة الغضب؛ و مجرد من حماية سودانيات .. يحنن!!
|
Post: #43
Title: Re: محمد حامد و الطيب بشير ....
Author: الطيب بشير
Date: 04-20-2007, 00:02 AM
Parent: #42
الدرس الأبلغ هو رفضي، جهرة، لأخوّتك
شكلك بائر كالعادة
|
Post: #44
Title: Re: محمد حامد و الطيب بشير ....
Author: Bashasha
Date: 04-20-2007, 02:46 AM
Parent: #1
| Quote: و بعدين.. تخويفي بأني مع النظام من غير أن أعي ذلك .. لا يليق |
الطيب بشير،احترامي.
لك المعذرة لو فهمت كده.
ماعندي دليل بيهو اقول الطيب مؤيد للانقاذ، ولكن تكلمت عما اعتبرتو قاعدة، ولكل قاعدة شواذها.
معزتي.
|
Post: #45
Title: Re: محمد حامد و الطيب بشير ....
Author: bayan
Date: 04-20-2007, 02:54 AM
Parent: #44
قصصصصصة ودايرة ليها حصة...
وسام اللطخة ياخي ما تغير شوية.. بقيت ممل ياخي..
|
Post: #47
Title: Re: محمد حامد و الطيب بشير ....
Author: bayan
Date: 04-20-2007, 02:57 AM
Parent: #45
طه الوسخان الشيوعي الذي يظن ان صوت المرأة عورة
يا حليلك حنفتقد كتاباتك الوسخة والله..
بعد حملة احمد الريح تنجح..
Drink & drive
بالله
|
Post: #48
Title: Re: محمد حامد و الطيب بشير ....
Author: bayan
Date: 04-20-2007, 03:06 AM
Parent: #47
الطيب
طبعا الناس الدايشة وما ناقشة وعاملة تفتيحة
عندهم الدنيا دي مقسمة لقسمين
الحكومة و المعارضة..
اي حاجة ما تصب في هرجلتهم وعوارتهم تكون مع الحكومة...
ويكون الزول كوز وماكل قروش السودان الخ الخ ترهات
مناضلي الوهم ,
يصطادوا الضحية ويحاولوا يشيطونها وينشروا الاكاذيب حولها
وتتكرر لما الرأي العام يكون ضدها..
بعداك يستباح عرضها ودمها..
فتهون على الناس...
قبل ايام سال احدهم احمد الريح عن دوره في حرق معرض الكتاب
بعداك تكرر السؤال من عدة متعاور اوبس اقصد مناضل..
اسع بكرة حتكون حقيقة... يعني شغل اعلام بالجد..
فاليعرفوا ان الانسان الصادق مع نفسه والاخرين
دا الغلبة ليه دائما..
ولما تكون ليه
يرجعوا للشوراع الخلفية
وبرضوا ينهزموا
ما تشتغل بيهم ولا يهمك كلام بشاشا
لانه قبل كدا قال انا ما كوزة
اسع بقيت كوزة وانغازية كمان
وفي النهاية بشاشة اند فريند
لا يثيرون الا ضحكي...
|
Post: #50
Title: Re: محمد حامد و الطيب بشير ....
Author: الطيب بشير
Date: 04-20-2007, 03:10 AM
Parent: #48
و رايك شنو يا دكتورة في دخلة حسين ملاسي بفكرة اني قليل أدب و محاولة إثارة المشكلة حتى بعد بوستك هذا؟
|
Post: #51
Title: Re: محمد حامد و الطيب بشير ....
Author: bayan
Date: 04-20-2007, 03:36 AM
Parent: #50
يا الطيب ما كتبه حسين وجه نظره يحاسب عليها هو...
راي قد كتبته في هذا البوست بخصوصك و جمعة
|
Post: #52
Title: Re: محمد حامد و الطيب بشير ....
Author: الطيب بشير
Date: 04-20-2007, 03:47 AM
Parent: #51
يا بيان هذا لا ينفصل عن تقييم الخطأ بدون أكوام ..و قد أتفقتم أنت و أسعد، في هذا البوست، على مشروع زي دة..بتوقع برضو رأيك (مباشرة) في دخلة ملاسي بتاعة جر الشكل دي..زي ما علقت على كلام الجماعة الباقيين ديل كلهم..ولا كيف؟
|
Post: #53
Title: Re: محمد حامد و الطيب بشير ....
Author: الطيب بشير
Date: 04-20-2007, 03:59 AM
Parent: #52
كلامك مع أسعد للذكرى يا بيان
Quote: على العين والراس
معا لشجب اي سلوك مشين من اي شخص
خاصة اشانة السمعة وقذف الاعراض..
ربنا امرنا بقول الحق على انفسنا ومن نحبهم
كما ان نقول الحق حتى على الاعداء
وما عندي مانع,, |
|
Post: #54
Title: Re: محمد حامد و الطيب بشير ....
Author: bayan
Date: 04-20-2007, 04:04 AM
Parent: #53
اولا يا الطيب لا كوم لي ولا اتعامل بهذه الصورة..
ملاسي حر في الدخول لابداء الرأي ويتحمل مسؤوليته
فهو لم يقذف عرضك ولم يشين سمعتك...
بل كتب ما يراه في استخدام خنزير..
اتمنى الا تخلط الامور..
وشكرا ليك على حسن تفهمك
|
Post: #46
Title: Re: محمد حامد و الطيب بشير ....
Author: الطيب بشير
Date: 04-20-2007, 02:56 AM
Parent: #44
بشاشا يا حبّـوب
معـزّتي..
لا عــلـيـك يا أمـير
لي قـدّام
|
Post: #55
Title: Re: محمد حامد و الطيب بشير ....
Author: Hussein Mallasi
Date: 04-20-2007, 08:31 AM
Parent: #46
حسن موسى يرسم الناس خنازير .. و انت توصف الناس بأنهم خنازير؛
أظنكم قايلين الدنيا فوضى!!
|
Post: #56
Title: Re: محمد حامد و الطيب بشير ....
Author: خضر الطيب
Date: 04-20-2007, 10:14 AM
Parent: #1
الاخت بيان
لك التحية والتقدير
ونثمن عاليا جهودك للاصلاح ولكن لايصلح العطار ما افسد الدهر
بمعنى ان مايقوم به هذا الجمعة والملاسي شئ لايمكن اصلاحه في
بوست ودونك الإساءة التي وجهها ملاسي للاستاذ الطيب بشير
لم يراعي هذا الملاسي بان هذا البوست تم فتحه للاصلاح وقد استجاب
الحبيب الطيب لجهودك استجابة ابانت معدنه الذي نعرفه ويعرفه الكثيرون
الطيب لايحتاج لا احد ان يدافع عنه فهو سليل اسرة معروفة
وله مكانته المرموقه ,, ولكن من هو هذا الملاسي
ومن هو محمد جمعة ؟؟
كت اووووت :-
الطيب اخوي اطلع من البوست دا , ولايهمك السفيه نبذ الباشا
|
Post: #57
Title: Re: محمد حامد و الطيب بشير ....
Author: bayan
Date: 04-20-2007, 10:44 AM
Parent: #56
Quote: الطيب لايحتاج لا احد ان يدافع عنه فهو سليل اسرة معروفة
وله مكانته المرموقه ,, ولكن من هو هذا الملاسي
ومن هو محمد جمعة ؟؟ |
اخي خضر
سلامات
ما كتبته عاليه حديث غير جميل
تكتب الناس هنا بشخوصها
ولكل من هؤلاء عائلة ايضا معروفة ومرموقة...
ولكل مكانته المرموقة..
وقد تعشمت الخير في الكرام
الطيب وجمعة
والطيب استجاب وله كل الشكر..
ومنتظرة جمعة وكلي عشم..
|
Post: #58
Title: Re: محمد حامد و الطيب بشير ....
Author: Ahmed Yousif Abu Harira
Date: 04-20-2007, 11:38 AM
Parent: #57
بيان
Quote: لانني ارفض الحط من البشر بتسميتهم
باسماء الحيوانات.. |
الطيب
| Quote: على العين قبل الراس يا دكتورة |
ملاسي
| Quote: انت الخنزير و لو ما مصدقني عاين لصورتك |
بيان
Quote: ربنا امرنا بقول الحق على انفسنا ومن نحبهم
كما ان نقول الحق حتى على الاعداء |
الطيب
| Quote: يا بيان هذا لا ينفصل عن تقييم الخطأ بدون أكوام ..و قد أتفقتم أنت و أسعد، في هذا البوست، على مشروع زي دة..بتوقع برضو رأيك (مباشرة) في دخلة ملاسي بتاعة جر الشكل دي..زي ما علقت على كلام الجماعة الباقيين ديل كلهم..ولا كيف؟ |
بيان
| Quote: بل كتب ما يراه في استخدام خنزير.. |
بيان
| Quote: اولا يا الطيب لا كوم لي ولا اتعامل بهذه الصورة.. |
قول الحق سمح
|
Post: #59
Title: Re: محمد حامد و الطيب بشير ....
Author: bayan
Date: 04-20-2007, 12:53 PM
Parent: #58
الاخ ابو حريرة
عايز تصل لشنو
هذا البوست محدد لاخوين الحمدلله
الاخ الطيب قد لبى الدعوة مشكورا..
وننتظر السبت روجع جمعة..
انت عايز تصل لشنو
اني ما بقول الحق؟
افضل لو هذا ما تريد ان تقوله ان تكتبه بصورة واضحة
لان اللف والدوران حاجة قبيحة...
والفتنة اقيح..
|
Post: #60
Title: Re: محمد حامد و الطيب بشير ....
Author: الطيب بشير
Date: 04-20-2007, 12:57 PM
Parent: #58
مرحبتين الأحباب خضر الطيب و أحمد يوسف أبو حريرة
تحياتي لكما
هي الأسافير السودانية..تجمع غرائب "الأشياء"
حسين ملاسي، بعد تعيينه الأخير، ظنّ أنّـه صار صحافيآ، فكتب يستعدي الأستاذ كمال الجزولي مرة..و يستجدي إخائي في هذه المرّة! و لفرط إنتفاخه، كفقاعة، لم يتصـوّر أن أرفض قربه بهذه المباشرة فطفق يعوي.
سأتركه فنحن لا نحارب الظـــل
شكرآ لكما
|
Post: #61
Title: Re: محمد حامد و الطيب بشير ....
Author: Ahmed Yousif Abu Harira
Date: 04-20-2007, 01:42 PM
Parent: #57
مكرر
|
Post: #62
Title: Re: محمد حامد و الطيب بشير ....
Author: bayan
Date: 04-20-2007, 01:49 PM
Parent: #61
IGNORED
|
Post: #63
Title: Re: محمد حامد و الطيب بشير ....
Author: Ahmed Yousif Abu Harira
Date: 04-20-2007, 01:54 PM
Parent: #61
Quote: انت عايز تصل لشنو
اني ما بقول الحق؟ |
لعن الله الفتنة ومن يجري بها بين الناس..
والحمد لله الذي وفقك للصلح بينهما...
لكن كان الأوجب أن تقرعي ملاسي على دخوله بالفتنة في مجمع رسم خصيصا للصلح...بدون لف ولا دوران
|
Post: #64
Title: Re: محمد حامد و الطيب بشير ....
Author: Hussein Mallasi
Date: 04-20-2007, 02:02 PM
Parent: #63
بل لعن الله من لا يجرؤن على قول الحق!
|
Post: #65
Title: Re: محمد حامد و الطيب بشير ....
Author: الطيب بشير
Date: 04-20-2007, 02:05 PM
Parent: #63
| Quote: لكن كان الأوجب أن تقرعي ملاسي على دخوله بالفتنة في مجمع رسم خصيصا للصلح...بدون لف ولا دوران |
تعرف يا أحمد يا أخوي ..أنا كنت عارف انو الأعضاء و القرّاء سيلحظون، و بيسر متناهي، أنّ ملاسي أركس في الفتنة، لذلك لم أنجـر وراء سبابه. و إلا فما أسـهل أن أردّ مساءة بمساءة لو أنّني أرضى ببرق خـلّـب!
أشكر لك قولك الحـق في دخول ملاسي بالفتنة، بعد صلح بيان و سحب البوسـت بخمس ساعات!
|
Post: #66
Title: Re: محمد حامد و الطيب بشير ....
Author: Ahmed Yousif Abu Harira
Date: 04-20-2007, 02:30 PM
Parent: #65
أيها الطيب الطيب
لن تهزم أبدا في معركة طالما أن إرثك مترع بمكارم الأخلاق...
ولم أدخل لنصرتك ، لأنك إنتصرت منذ أن قلت (على العين والراس) لأن علمك بميراث أهلك يدفعك للتنازل عن الروح والعفو عن الدم... هذا هو إرثك وقدرك وما نشأت عليه...
ولو أن الأمر كان مجرد (قلة أدب اسفيرية) لتركتك معه وكنت (خفست بي غادي) منتصرا سيفك يقطر ورايتك بيضاء..
ولن ينال منك من هم دونك علما وتواضعا ولسان زرب...
----
أختنا بيان لا تستعجلي وتقعي في خطأ التصنيف الذي طالما عانيته...
وأذكرك في هذا المقام أن (الحجاز يدو عكاز) في مأثور أهلك
ودمتما
|
Post: #67
Title: Re: محمد حامد و الطيب بشير ....
Author: Hussein Mallasi
Date: 04-20-2007, 02:33 PM
Parent: #66
و انت ذاتك يا أحمد يوسف أبو حريرة؛
لو وصفت ليك زول بانو خنزير تكون راجل قليل الأدب و ما محترم!
____
حتى و لو أضررت للحس
كلامك و سحب البوست!!
|
Post: #68
Title: Re: محمد حامد و الطيب بشير ....
Author: Hussein Mallasi
Date: 04-20-2007, 02:55 PM
Parent: #67
اما لو وصفتهم بأنهم خنازير ثم تحججت بسكة الغضب؛
فحتكون راجل قليل الأدب و ما محترم .. و أحمق!!
|
Post: #71
Title: Re: محمد حامد و الطيب بشير ....
Author: bayan
Date: 04-20-2007, 03:04 PM
Parent: #66
| Quote: أختنا بيان لا تستعجلي وتقعي في خطأ التصنيف الذي طالما عانيته |
شكرا ليك اخي احمد ومتأسفة لعدم فهم ما قصدت..
واشكر اخي الطيب على تقبله هذا البوست
وربنايكرمه كما اكرمني بقبول وساطتي..
|
Post: #69
Title: Re: محمد حامد و الطيب بشير ....
Author: الطيب بشير
Date: 04-20-2007, 02:59 PM
Parent: #1
تحيّـتي و تقديري أخي الكريم ابن الكرام أحمد ود القبايل
قل ســلامآ
نحن لا نحارب الظل، و لن نهبط معه
صـح لسانك، دعـه يهذي و لا تنزلق
سيذهب ملاسي جفاء..و يبقى ما ينفع الناس
|
Post: #70
Title: Re: محمد حامد و الطيب بشير ....
Author: Hussein Mallasi
Date: 04-20-2007, 03:02 PM
Parent: #69
عملتوا لينا شنو يا جماعة في اللنكات التي كانت
شرط للتازل و الموافقة على سحب البوست
|
Post: #72
Title: Re: محمد حامد و الطيب بشير ....
Author: Hussein Mallasi
Date: 04-20-2007, 04:07 PM
Parent: #70
و بعدين يا أحمد يوسف أبو حريرة؛ ما تفتكر انو الحكاية دي مقتصرة على جمعة؛
يعني لو الطيب بشير وصفك - في يوم من الأيام - بانك خنزير؛ برضو حياخد على راسو!
|
Post: #73
Title: Re: محمد حامد و الطيب بشير ....
Author: الطيب بشير
Date: 04-20-2007, 04:11 PM
Parent: #72
لا يا حسين..كذبت..أنت تدافع عن رئيسك المباشر جمعه
لأنني وصفت قادتكم بما هم أهل له قبل عامين و أنت كنت أسكت من سمكة
|
Post: #74
Title: Re: محمد حامد و الطيب بشير ....
Author: Hussein Mallasi
Date: 04-20-2007, 04:18 PM
Parent: #73
سيبك من الفصاحة .. أوصف أحمد يوسف ابو حريرة بانو خنزير و شوف اعمل فيك شنو!
|
Post: #76
Title: Re: محمد حامد و الطيب بشير ....
Author: Alfarwq
Date: 04-20-2007, 04:32 PM
Parent: #1
| Quote: بل لعن الله من لا يجرؤن على قول الحق! ] |
و الساكت عن الحق شيطان اخرس. ملاسي دخولك لهذا البوست اما لايغاظ الفتنة النائمة ام لغرض فبي نفسك. ياخي الراجل اعترف ان كتب شئ في لحظة غضب و كان ليه الشجاعة ان يطلب بسحب البوست هل في داعي لمداخلتك الماليها معنى او لزمة. احترمنا للطيب نابع من منهجز المنضبط بالرغم من اختلاف المرجعية و الفكر.
ياراجل خاف الله و بكرة الموت يجي و تسال من منكر و نكير اتفي ربك و لا توقظ الفتنة النائمة.
بيان لابد الحق ان يقال ملاسي اخطاء و زي ماكلبنا من الطيب ان يحسب البويت نطلب من ملاسي ان يكف عن المهاترات و المداخلات الماليها لزمة و ان ندين تصرفه هذا.
كلنا عشم في الاخ جمعة للاستجابة لطلب الدكتورة.
|
Post: #77
Title: Re: محمد حامد و الطيب بشير ....
Author: bayan
Date: 04-20-2007, 04:39 PM
Parent: #76
يا حسين اتمنى انك تتوقف عن الكتابة في البوست دا
احتراما لي وارى انك ارتكبت غلط كبير في دخلوك ليه
ثم استمرارك واصرارك على عمل مشكلة في بوست بتاع صلح..
واكرر شكري للطيب
ومازال العشم كبير في جمعة يستجيب للعشم..
|
Post: #80
Title: Re: محمد حامد و الطيب بشير ....
Author: الطيب بشير
Date: 04-20-2007, 04:47 PM
Parent: #77
Quote: حسين اتمنى انك تتوقف عن الكتابة في البوست دا
احتراما لي وارى انك ارتكبت غلط كبير في دخلوك ليه
ثم استمرارك واصرارك على عمل مشكلة في بوست بتاع صلح.. |
تسلمي يا بيان
لم نطلب غيرها
رأي واضح..و جميل
و القاريء يتابع
تحياتي
|
Post: #81
Title: Re: محمد حامد و الطيب بشير ....
Author: Hussein Mallasi
Date: 04-20-2007, 04:48 PM
Parent: #77
اسف يا بيان .. لانو قصة انو الطيب يكتب بوست و يشتم الناس
بانهم خنازير عندما يضعون لنكات لا تروقه؛ و قصة انك تفتحي بوست
و تطلبي من الناس انهم يتوقفوا عن الكتابة فيهو دي قصة ما بتنفع معاي.
_____
ما ترينه خطأ أراه غير ذلك؛
... و الاحترام محفوظ.
|
Post: #78
Title: Re: محمد حامد و الطيب بشير ....
Author: الطيب بشير
Date: 04-20-2007, 04:45 PM
Parent: #76
تحياتي الأخ الفاروق
و الأهـم رأيكم ..يسعدني أنك كنت واضحآ و جميلآ في موضوع حسين
تسلم
|
Post: #79
Title: Re: محمد حامد و الطيب بشير ....
Author: kamalabas
Date: 04-20-2007, 04:46 PM
Parent: #1
كتب صديقي أحمد يوسف أبوحريرة
| Quote: لكن كان الأوجب أن تقرعي ملاسي على دخوله بالفتنة |
بس وريني تقرعي دي نكتها وجبتها من وين...??
لك ودي
|
Post: #82
Title: Re: محمد حامد و الطيب بشير ....
Author: Hussein Mallasi
Date: 04-20-2007, 05:10 PM
Parent: #79
| Quote: الذي دخل بلا سلام..و وضع لنكه بلا استئذان..و خرج بلا مراعاة لأهل الدار |
| Quote: يا حسين اتمنى انك تتوقف عن الكتابة في البوست دا |
انتو قايلين البوستات البتفتحوها دي بيوت و للا شنو!!
|
Post: #83
Title: Re: محمد حامد و الطيب بشير ....
Author: Marouf Sanad
Date: 04-20-2007, 05:44 PM
Parent: #82
الطيب بشير سلامات
its bad enough to call somebody a pig ,but please dont go too far and call him a security agent
|
Post: #85
Title: Re: محمد حامد و الطيب بشير ....
Author: الطيب بشير
Date: 04-20-2007, 06:49 PM
Parent: #83
| Quote: its bad enough to call somebody a pig ,but please dont go too far and call him a security agent |
مرحبتين معروف سـند
و الله أضحكتني..أضحك الله سـنّـك يا رجـل
لكنّهم لا يعون
هذا هو مستوى صحافيي الغفلة..عميل برأسين!
|
Post: #84
Title: Re: محمد حامد و الطيب بشير ....
Author: Moawia Mohammed
Date: 04-20-2007, 06:00 PM
Parent: #82
|
Post: #86
Title: Re: محمد حامد و الطيب بشير ....
Author: الطيب بشير
Date: 04-20-2007, 08:00 PM
Parent: #79
| Quote: بس وريني تقرعي دي نكتها وجبتها من وين...?? |
ناس ود أب حريرة ديل ما فرسان..
أصحاب خيول و مرحات..
الرزق عندهم يحمدو سيدهم..ع شان كدة بيعرفوا يقرعوا الشاردة و الواردة..
عندهم لمخلوقات الله صبر و دربة..
|
Post: #87
Title: Re: محمد حامد و الطيب بشير ....
Author: الجيلى أحمد
Date: 04-20-2007, 09:45 PM
Parent: #86
ملاسى
جابت ليها قلة أدب وفى وضح النهار,
إنت زمان موش قصقصناك ووهطناك فى علبك,
جابت ليها فرفره ياصحفى الغفله,
والنعمنك مابتستحى
يلا أركز وابقى رهيف ,
|
Post: #88
Title: Re: محمد حامد و الطيب بشير ....
Author: الطيب بشير
Date: 04-20-2007, 10:00 PM
Parent: #87
الجيلي أحـمـد يا حـبّـوب
دع عنك لوم صحفيي الأنابيب، بحسب خضر الطيب، لعمرك إنّهم في سكرتهم يعمهون
متين ملاسي كان في العير ولا النفير، ينعق بما لا يسمع إلا دعاء ونداء. صم بكم عمي فهم لا يعقلون!
أعرض عنهم و قل سـلامآ.
|
Post: #89
Title: Re: محمد حامد و الطيب بشير ....
Author: الجيلى أحمد
Date: 04-20-2007, 10:02 PM
Parent: #1
لشدة ماتعود شعبنا على البؤس, أصبحت الفكرة رتيبه ومكرره,
ينعق بوم الفقر والجهل والكذب المتأسلم كل يوم على خارطة
الطلاب والعمال والصناع وعلى صباحهم,
يذداد التخلص من معاناتهم إلتصاقآ بالمستحيل وهم يطالعون
كلماتك المتسكعة عاطلة الموهبه,
لم يتبقى إلا أنت ياعاطل الموهبه
كى تلحق بإسمك لقبآ لن تناله ماحييت فى ظل منافسة شريفه..
|
Post: #90
Title: Re: محمد حامد و الطيب بشير ....
Author: الجيلى أحمد
Date: 04-20-2007, 10:26 PM
Parent: #89
مداخلاتك اللزجه غير مدخرة المعنى أو مبطنتها
لن تعينك كثيرآ , بعد أن ذابت وتلاشت عنها طلاسم هشه..
أنت الآن عاريآ فى السهله
لم تعد لزجآ بل وقحآ,
وستلقم الحجر تلو الآخر دون عطف, فلطالما نعقت واستمت
مدافعآ عن نظام شذاذ الآفاق والإنتهازيين القتلة..
|
Post: #92
Title: Re: محمد حامد و الطيب بشير ....
Author: الجيلى أحمد
Date: 04-21-2007, 00:22 AM
Parent: #91
| Quote: لن تجد له إسهامآ يذكــر، |
إسهام..??
فى ماذا سيسهم بسطريه...??
لم يكتب ملاسى أكثر من سطرين, وإن فعل فالكلمات تشفق عليه قبل المعنى..
النابح ملاسى , يعرف حدوده ..!
سطرين
فقط سطرين
فهم يدركون أيضآ المآزق الحتميه حال توالد سطريه,
حدك سطرين ياملاسى
وقلة أدب ماعايزين..
|
Post: #93
Title: Re: محمد حامد و الطيب بشير ....
Author: الطيب بشير
Date: 04-21-2007, 01:59 PM
Parent: #1
نقتبس بعض آراء القرّاء عن الدعـيّ ملاسي
Quote: الأستاذ ومربي الأجيال حسين ملاسي،
تحية وإعجاب لا حدود لهما
هذه أوّل مرة أتداخل فيها معك، وما كان يمنعني في السابق هو دهشتي بما تكتب من مفاكرات وما تقوم به من تحليل لأمور شائكة في شأننا الثقافي، والاجتماعي، والسياسي، ولكن موضوعك الحاضر أمامنا هذا، الذي مكثتُ الليل بطوله أفكك دقائقه ومكنوناته، خباياه وكنوزه، حكمته، فلسفته الزاهدة والمرسومة باقتدار نبي أُوتي مجامع الكلم، وصوفيته الموغلة في الرمزية، والأسدة في صيد معانيها، فقد حوى كل شيء مما يرف بأكوان البشري الخارجة عن نفسه أو تلك التي من مبتناها، وهو ما أرغمني على الدخول والتعبير عن سعادتي بوجود كُتّاب مثلك بيننا، في هذا البورد، لأجل ترقية أطوار شعبنا، وإنماء وجداننا، وتطوير ذهنيتنا، وإلهام روحنا تقطير الحياة من كل شجن وحزن وتقديسها، باختصار... لولاكم لهلكت هذه الأمّة، أعترف لك أستاذي الكبير بأنني كنتُ مقصّراً بعدم تداخلي معك من قبل، وإن لم أحرم نفسي ذات يوم الاستفادة من علمكم، وشساعة معرفتكم وتعدد ميادينكم، فلولا قلمك "الذهبي" كما يقول بكري صاحب هذا النُّزل المضياف لدرجة إيواء الذئاب وأصحاب السفه الذهني والدّبَر النفسي، لكنا اعتشنا على الفارغة والمقدودة التي يكتبها أشباح من خلال نيك نيمز كـ بشرى الفاضل، أسامة الخواض، صدقي كبّلو، عجب الفيا، فضيلي جَمّاع، عبد الحميد البرنس، عبد الغني كرم الله، ميسون نجومي.... إلخ من النيك نيمز المُهرجلة والمونساتية السخيفين، والانصرافيين، فأنت وييين يا أستاذي العظيم وتلك الأشباح وين؟
فأرجوك أستاذي أن تتفرّغ لمهمة الكتابة وحدها، أرجوك أرجوك.. لأنّ أمتنا كلّها أصبحت أدمغتها تستطيب التعيّش على رؤاكم ونهجكم، ولا أمل لها أبداً في غد منير من دون قلمكم "الذهبي"، فكما كان لمصر حسنين هيكلها، كن لهذه الأمّة ألف حسين ملاسيها، وما حدّش أحسن من حد، وتنقد الرهيفة. لم لا؟ فأنتم سُرَاة هذه الأمّة ومحددو مصيرها ومآلاتها، وهذه الكلمة "سُراة" أنا شفتها في "إم بي سي"، فقد عرضوها في فيديو كليب "مسلّي" خالص وجميل و"دا سم"، تقافزت فيه الحروف المُبهجة كحروفكم ورقصت وغنّت، كان الحرف "سين" يلاحق الأنثى "تاء" في الوقت الذي كانت فيه هي مشغولة بتصفيف شعرها، بينما يغني لها: ملا.. ـت قلبي. وترد عليه التاء: "س" يا أمل حياتي، حتى اجتمع قلب الحروف المصوّر كرتونياً في مشهد بديع، مع موسيقى ناعمة ومهدهدة، وهما يرددان: ملا..س، ملا.. س، فقفزت أنت لذهني فجأة، في معجزة وكرامة نادرة، وهذه الكرامة التلفزيونية لا ينكرها إلا شخص قليل الإيمان، فقد يكون سبق لك وشاهدت برنامج ساحات الفداء وما فيه من كرامات، وهي ما أملى عليّ الدخول ومشاركتك نار هذه التقابة المعرفية المتوهّجة، إذ إنّ خلاصة الفيديو كليب أنّ "السُّراة" تعني أولئك النفر الرشيدين من قومهم، الجادّين في كل شِعْبٍ ينهض بأهلهم، الذين يتصدّرون بلادهم ذوداً عن بأس يلم بها، أو تحلّقاً حول ناديها العامل على تطوير ذهنيتها والمعارف والتكنولوجيا فيها، فك إسارها ومواساة محزونيها حتى لو في أساطيرها الشعبية مثل أسطورة دارفور، التي لكم تشبه يا أستاذي الكريم أسطورة الإليازة الإغريقية في ملحميتها وبناء توابيت موتاها، ولها أيضاً حصان أم كدادة في تناظر بديع مع حصان طروادة، وبما أنّك أستاذي ومن مثلك حقاً "سُراة" قومي إلى كل هذا الحال العظيم والنعيم الذي تتقلّب فيه أمتنا، بجديتكم وحزمكم وسهركم ومدافعتكم وعدم حيدتكم عن هذا الخط منذ رأيناكم هنا، لدرجة نهضة مسارح الأسطورة وتطورها لهذا الحد، فقد رأيتُ أن يكون دعمي لمجهودك التنويري والتثقيفي هنا، رفع هذا البوست، كأضعف الإيمان، فدمت، وعشت، وعاش قلمك "الذهبي". |
|
Post: #94
Title: Re: محمد حامد و الطيب بشير ....
Author: الطيب بشير
Date: 04-21-2007, 02:02 PM
Parent: #93
و هذه قراءة د/ حيدر بدوي لأسوأ جهاز أمن في العالم
Quote: عزيزي حسين،
يرحمني، من يرحمك، الرحمن، الرحيم، الملك، القدوس، السلام، المؤمن، المهيمن، العزيز، الخبار، المتكبر، القاهر، القادر، المصور، الوهاب، الفتاح، العليم، الحق، الغفور، الصبور!!!
فهل أنت مسترحم معي؟
إن لم تكن فلتفعل، لأن رؤوس الظلم في بلادي قد أينعت، وحان قطافها، وإني لصاحبها!!!
فلتفلت بجلدك عن أكل السحت، من أسوأ جهاز أمن في العالم، لأنه استغل دين أهلنا الطيبين لقمعهم وتقتيلهم وإرهاب من بقي منهم على قيد، فكان ماكان من أكل للمال الحرام باسم الدين، والتخابث والتخابر على الناس باسم الدين، والتآمر على حياة رؤساء الدول المجاورة باسم الدين، وتربية أسامة بن لادن وتحويله من مهووس إقليمي إلى مهووس دولي من خلال المؤتمر الشعبي العربي الإسلامي، وليد السحت والتدليس، وسرقة حرية أهل السودان وكرامتهم وحقهم في الحياة والعيش الكريم، والتعبير الحر.
هل أنت مرعوٍ أم أنت هالك مثلك من سيهلك، بفعل القانون، مثلما هلك كل عاتٍ، متجبر، أثيم، عتل بعد ذلك زنيم!!!!!!!
العتل الزنيم هو علي عثمان محمد طه، الذي يتخابث الآن مع الأمريكان للإطاحة بالرئيس البشير، بواسطة رسوله لجهاز المخابرات الأمريكي!!!
هل أنت مرعوٍ، أم ستهلك بسبب خدمة جهاز لا يألو جهداً في التخابث حتى على الضابط الذي أتى بهم للسلطة، بعد أن تخابثوا على أبيهم الشيخ الدكتور حسن الترابي، الذي لم يتب ولم ينب بعد وهو الراس المدبرة لكل هذا التخابث، ومربي ربيبه العتل، الزنيم، الذي يطيح بأبيه لكي يغنم بالثروة والسلطة!!!!!!!
لقد حنت لحظة العتل، الزنيم، ومن سار سيرته الخبيثة، وقد آذن الصبح بشروق!!!!!!!
هل أنت مرعوٍ، لكي تتداركك رحمة الله، الرحيم، ذو الجلال والإكرام!!! أم ستصبح زنيماً، عتلاً، كالعتل الزنيم!!!!!!
أسالك لأني أعرف معدنك الأصيل، وأعر بأنه هؤلاء القوم لا يستحقونك!!!!!!!
فهل أنت مرعوٍ؟
إن كنت كذلك، فأنت مني وأنا منك، وستؤجر على من تكون. وإن لم ترعو، فسوف تكون من ستكون، وستؤثم على ما تكون، ثم لا يكون إلا مايد، ولا يكونوا إلا ما أريد!!!
فهل أنت مرعو، يا حسين، يا صاحب الإسم المقدس، إسم حفيد النبي الذي ذبحه يزيد، ومثل بجثته، وغرس في وجهه الكريم السيف وهو يضحك. وما يزيدنا، على عثمان محمد طه عنك ببعيد.
هل أنت مرعوٍ، أم تريد أن تحشر في ثلة يزيدنا الزنيم، العتل، اللئيم!!
هل أنت مرعوٍ، يا عزيزي، يا حسين!!
إن لم تكن فمن الخير لك أنت تفعل فقد حانت لحظة حساب العتل الزنيم، وكل عتل زنيم!!!!
فهل أنت مرعوٍ؟؟؟؟؟؟؟؟؟؟؟؟؟؟؟ |
|
Post: #95
Title: Re: محمد حامد و الطيب بشير ....
Author: الطيب بشير
Date: 04-21-2007, 02:13 PM
Parent: #1
و السـؤال:
عن أيّ نفسـيّـة يصـدر ملاسي و هو يبادر بالمساءة للكثيرين؟
هل هي نفسـيّـة "أخيه" د/ تجاني المشرّف و جماعته؟
أم أنّ هناك شـرخ آخـر؟
|
Post: #96
Title: Re: محمد حامد و الطيب بشير ....
Author: الطيب بشير
Date: 04-21-2007, 02:17 PM
Parent: #1
فـكّـرت أن أصـف ملاسي بأنّـه مثل "الصّـؤابة" تكبر فتصبح قـمـلآ..لكنّي آثرت ألا أفعل!
|
|