Post: #1
Title: بكري شيل كورتك واتخارج...
Author: bayan
Date: 04-23-2007, 03:40 AM
البورد دا من عملو بتجي فيهو فورات لما العزيزة الما بتسأل عن الناس شيري
قالت البورد حيطق اليه عرق...
لكن لم يحدث مثل ما يحدث الان في تأريخ المنبر.
حيث كانت الفورات دائما في تقدير امر ما بين الظلاميين
والمستنيرين..
لكن يا كافي البلا اسع شغل اكوام
ممكن يكون الكوم فيه زولين بس يوقفو المنبر على فد رجل...
بكري اخوي شيل كورتك واتخارج...
|
Post: #2
Title: Re: بكري شيل كورتك واتخارج...
Author: Tragie Mustafa
Date: 04-23-2007, 03:48 AM
Parent: #1
Quote: البورد دا من عملو بتجي فيهو فورات لما العزيزة الما بتسأل عن الناس شيري
قالت البورد حيطق اليه عرق...
لكن لم يحدث مثل ما يحدث الان في تأريخ المنبر.
حيث كانت الفورات دائما في تقدير امر ما بين الظلاميين
والمستنيرين..
لكن يا كافي البلا اسع شغل اكوام
ممكن يكون الكوم فيه زولين بس يوقفو المنبر على فد رجل...
بكري اخوي شيل كورتك واتخارج... |
يجازي محنك يا بيان
والله بكري مسكين الله يعينه
|
Post: #3
Title: Re: بكري شيل كورتك واتخارج...
Author: waleed500
Date: 04-23-2007, 04:25 AM
Parent: #2
اللهم اجعله خير الليلة تراجى مزاجها رائق
|
Post: #4
Title: Re: بكري شيل كورتك واتخارج...
Author: bayan
Date: 04-23-2007, 05:26 AM
Parent: #3
يا بكري تعرف زمان الوالد
كان عندنا نيمة بتلمو فيها ناس البيت والجيران
واولاد الخالات وعابري السبيل والنطيحة والتى اكل منها السبع...
جمهورين وكيزان وبعثين وقومين عرب وشيوعين وحزب أمة..
شكل مجابدة وكل الناس تتكلم في آن واحد
كم مرة الوالد يجي يلقى محاضرة عن ضرورة الاستماع
والحوار المتمدن.ز والحال في حالو
طوالي مشى المدرسة وجاب الجنايني قاليه اقطع النيمة دي
وكل ما يمكن الا ستظلال به..
وصار هذا ديدنه كل ما يسمع في الراديو انه الجامعة قفلت الى اجل غير مسمى
او اجازة الصيف جات...
حيث صار يحلق للاشجار في بيتنا مع توقف الدارسة...
اها انت اقطع نيمتك وامشي..
|
Post: #5
Title: Re: بكري شيل كورتك واتخارج...
Author: نجوان
Date: 04-23-2007, 05:36 AM
Parent: #4
| Quote: طوالي مشى المدرسة وجاب الجنايني قاليه اقطع النيمة دي |
معاك والله يا بيان..
نيمة بكري دي معضلة كبيرة..
|
Post: #23
Title: Re: بكري شيل كورتك واتخارج...
Author: bayan
Date: 04-23-2007, 03:43 PM
Parent: #5
| Quote: نيمة بكري دي معضلة كبيرة.. |
نجوان يا حبيبة ذي في الحتة دي نقطة نظام,,
معضلة دي بمعني مشكلة مستعصية و لا معضلة نوع عضلات تبش
حددي بالله...
معزتي..
|
Post: #6
Title: Re: بكري شيل كورتك واتخارج...
Author: bayan
Date: 04-23-2007, 06:16 AM
Parent: #4
او اعمل ما فعله ابو صاحبتا لينا
يوم من الصباح دورت شكلة في البيت
بين ولدو الشيوعي ولدو الكوز.. اتشاكلو والترابيز اطايرت
والبيت انقسم..
الابو جا باعكاز دقاهم كلهم
وقاليهم على بالطلاق تاني زول يتكلم في السياسة
الا امكم دي ترجع بيت ابوها...
|
Post: #7
Title: Re: بكري شيل كورتك واتخارج...
Author: bayan
Date: 04-23-2007, 06:42 AM
Parent: #6
او ام صاحبتنا
الاولادها كل يوم يقعدو يبدوها من الكورة وتنتهي بالسياسة
والنبذ يقع.. جابت جردل البلاعة فضتو فيهم وكشحتهم كووووووولهم
الضيوف واولادها...
قالت الخير خيرين على الاقل يتبردو
لانه في اولاد من الجامعة تقفل ما ما بتبردو
الا لما يسمعو وبهذا يعلن مدير الجامعة الفلانية
بفتح ابواب الجامعة يوم كدا قبل يوم كدا بيوم
الواحد يتبرد لاول مرة منذ حضوره الى منزلهم..
|
Post: #8
Title: Re: بكري شيل كورتك واتخارج...
Author: bayan
Date: 04-23-2007, 06:46 AM
Parent: #7
او ذي الزول الشيوعي العندو ولد كوز
ولد شيوعي..
قام هو ولدو الشيوعي دقو الولد الكوز
بعداك الابو فتح الباب وقاليه
اطلع من بيتي البيت دا ما بقعد فيه كوز
لو ولد امك ظاتو...
|
Post: #9
Title: Re: بكري شيل كورتك واتخارج...
Author: bayan
Date: 04-23-2007, 06:49 AM
Parent: #8
وفي رواية اخرى
لو ولد زوجتك ظاتو.
اهم حاجة تشيل كورتك وتمشي...
|
Post: #10
Title: Re: بكري شيل كورتك واتخارج...
Author: bayan
Date: 04-23-2007, 07:03 AM
Parent: #9
او تلم كل الشتائم الممكنة والغير ممكنة
في عضوين هنا بس لو راجعت بوستاهم بتلم اي شتيمة يمكن تتخيلها..
وتعمل انها تجي كدا
############
او بوبوبووس
ذي حقت التلفزوين ديك...
يلا بالله اتخيلو فلان الفلاني... حيكون بوستيه كدا
الحكومة########### و ###### قالت بت#########
ان الشعب########## المسكين في#############
و########### الامن######## صلاح غوش#############
و ######
و ############ و######## و#########
جمعة########## قال المركز########### لا يتبع
للجهاز########### والمعلوم ان المركز####### و #######
و######## و#########
الكيزان والمندسين ##############
اها الزول دا بالله موش بعد فترة حيتعب ويمشي؟
|
Post: #11
Title: Re: بكري شيل كورتك واتخارج...
Author: مجدي عبدالرحيم فضل
Date: 04-23-2007, 07:25 AM
Parent: #10
أختي بيان
بوست دافوري بس وجنس خرخره
وصاحب الكفر ممكن يشيلوا ويحير
الجماعه كلهم ؟ لكن خرخرت السياسة
شكل تاااااااااني وخصومه تصل ال ..القتل العمد!
وربنا يجمعنا وما يفرقنا وفي سودان واحد يسع الكل(OLL IN ONE )
فتك بعافية أحسن أتخارج بكورتي قبال ما يكشحوني باللبن الفيها.
،،،أبوقصي،،،
|
Post: #12
Title: Re: بكري شيل كورتك واتخارج...
Author: Waly Eldin Elfakey
Date: 04-23-2007, 09:32 AM
Parent: #11
| Quote: جمهورين وكيزان وبعثين وقومين عرب وشيوعين وحزب أمة.. |
بيان سلامات و كيف الوليدات
طيب حزب الامة ده كاتباه اخر واحد ليه يعني
ما ده البجيب الغلط زاتو
ودي
|
Post: #13
Title: Re: بكري شيل كورتك واتخارج...
Author: abuguta
Date: 04-23-2007, 09:54 AM
Parent: #12
الخالة
الايام دى شايف ناس معرضة مع ناس حكومة وناس حكومة مع معارضة
يعمى كيمان زرقاء واخرى حمراء,,مختلفين سياسيا ومجمهرين مع بعض
الكيمان الزرقاء
خالد الطيب, تمبس , احمد الريح, عمر الفاروق,حميدا,هشام المجمر, تاج السر ....و.....
الكيمان الحمراء
حسام يوسف, عبد الماجد, هشام هبانى,اساسى,ود المايقوما
اها ديل رايك فيهم شنو...
|
Post: #15
Title: Re: بكري شيل كورتك واتخارج...
Author: عبده عبدا لحميد جاد الله
Date: 04-23-2007, 10:16 AM
Parent: #13
العزيزة بيان
تحية طيبة
يا دكتورة البورد دا الأيام دي جايط
سودان قديم..سودان جديد..سودان ليبرالي ..فلوترز
ناس تتصارع وتتعارك في الفارغة لا حوار ولا بطيخ
|
Post: #29
Title: Re: بكري شيل كورتك واتخارج...
Author: bayan
Date: 04-25-2007, 06:04 AM
Parent: #15
Quote: سودان قديم..سودان جديد..سودان ليبرالي ..فلوترز
ناس تتصارع وتتعارك في الفارغة لا حوار ولا بطيخ |
اذيك يا عبده
لو راجعت الارشيف بتلقي الصراعات فكرية
مثلا السمتنيرين قايمين على الظلامين في موضوع محدد
او الظلامين قايمين على المستنيرين في موضوع محدد
الحاصل دا غريب وعجيب.. بقت مافيا عديل وبلطجة في فارغة
بكرة يجي زول يقول اي بوست غير حقاتي وحقات شلتي في الصفحة الاولى
سيدو كيبودرنا الا ياباه..
بلطجة وترسيم حدود لا غير...
وهيصة فارغة....
ننصحك تشوف ليك كوم صنمو بلطجي كبير,, والا تزازي
في الصفحة التالتة لانه لو لقيناك حايم في التانية
كيبوردنا بياباك..
نحنا ناس الصفحة الثانية بلطجية نص كوم
|
Post: #28
Title: Re: بكري شيل كورتك واتخارج...
Author: bayan
Date: 04-25-2007, 05:57 AM
Parent: #13
Quote: الكيمان الزرقاء
خالد الطيب, تمبس , احمد الريح, عمر الفاروق,حميدا,هشام المجمر, تاج السر ....و.....
الكيمان الحمراء
حسام يوسف, عبد الماجد, هشام هبانى,اساسى,ود المايقوما
اها ديل رايك فيهم شنو... |
شوفتا كيف يا ولدنا؟
الكرة جماعة والسياسية فرازة
عايزين قصيدة تمام لموضوع دا بالله..
يارب لو البشير طلع مريخابي هشام هباني بخلي ليه؟
|
Post: #27
Title: Re: بكري شيل كورتك واتخارج...
Author: bayan
Date: 04-25-2007, 05:54 AM
Parent: #12
Quote: طيب حزب الامة ده كاتباه اخر واحد ليه يعني
ما ده البجيب الغلط زاتو |
انت تقراها على انها بالانجليزي عينة تعاين لنصف الكاس المليان
بالمناسبة الآمر بقطع النيمة من أندكم.
تحياتي ومنتظرين الزيارة
|
Post: #24
Title: Re: بكري شيل كورتك واتخارج...
Author: bayan
Date: 04-23-2007, 03:46 PM
Parent: #11
| Quote: فتك بعافية أحسن أتخارج بكورتي قبال ما يكشحوني باللبن الفيها. |
ياخي الحركات دي شنو جايب قصى العسل ربي يحفظو وصلاتي على موحمد
ممكن يروشوك حتى لو بي لبن؟
عايز الرش تجي عامل شعار المقاطعة داك
مودتي...
|
Post: #41
Title: Re: بكري شيل كورتك واتخارج...
Author: bayan
Date: 06-19-2007, 05:33 PM
Parent: #9
فووووووووووق
|
Post: #16
Title: Re: بكري شيل كورتك واتخارج...
Author: bayan
Date: 04-23-2007, 02:10 PM
Parent: #2
| Quote: والله بكري مسكين الله يعينه |
سلامات يا تراجي
والله اسع تلقيه مقرب يشيل كورتو ويمشي
شيبتو قبل يومو...
بالجد الله يعينو
وفي الحلة دي الشمار كتير تاني ما بجي
بيكون دا لسان حاله...
سلمي على حازم وسند
|
Post: #14
Title: Re: بكري شيل كورتك واتخارج...
Author: عاطف عمر
Date: 04-23-2007, 10:13 AM
Parent: #1
Quote: او اعمل ما فعله ابو صاحبتا لينا
يوم من الصباح دورت شكلة في البيت
بين ولدو الشيوعي ولدو الكوز.. اتشاكلو والترابيز اطايرت
والبيت انقسم..
الابو جا باعكاز دقاهم كلهم
وقاليهم على بالطلاق تاني زول يتكلم في السياسة
الا امكم دي ترجع بيت ابوها... |
والله يا دكتورة أبو لينا اشترى دماغو
الشئ بالشئ يذكر .كان لصديقي ( ... ) شقيق شيوعي و شقيق جمهوري ، وشقيق آخر أنصاري على السكين . تعودت أن أبدأ برنامجي الصباحي أيام الإجازات المدرسية بالمرور عليهم حيث كانت برامجنا موحدة مع صديقي . كنت غالباً ما أجدهم في ( ديوانهم الماهل ) كل منهم ماسك كتاب و( مقبل على حيطة ) .أبدأ في مناوشتهم الواحد تلو الآخر ، وأشبك هذا بذاك وفجأة تدور المناقشة الحامية . وتعلو الأصوات . وبهدوء انسحب وصديقي ونتركهم في جدالهم ونذهب لبرامجنا . لاحظت والدتهم هذا البرنامج الذي صار مكرراً . إنتظرتني يوماً على الباب في موعدي الذي تعودت عليه. سلمت عليها ( بهزاري ) الذي تعودته معها ففاجأتني بجدية مفرطة .
"اسمع يا ود صفية متيمنة بى الله تدخل تهيج لي الأولاد ديل وتسل ضنبك وتمرق إلا سير محفضتي دا ياباك . والله أقول ليك استنى قبلك هنا بنادي ليك صاحبك امشو صيعوا برة برة ."
وكانت هذه الجملة طرفة تلك السنة بلا منازع
تحياتي يا دكتورة لك وللأسرة
|
Post: #18
Title: Re: بكري شيل كورتك واتخارج...
Author: علي محمد علي
Date: 04-23-2007, 02:27 PM
Parent: #14
| Quote: اها انت اقطع نيمتك وامشي.. |
تحياتي يا دكتورة
بكري اكان قطع نيمتو في ناس في المنبر ده حا ينتحروا ، المنبر بقى متنفسهم الوحيد ، وخاصة صاحبنا( السمح لفظو) والكورس ( ناس عبدو سيمينيح ) والجوقة ( الدكتور الفاقد الاتجاه ) اول اسمو (ميم) واخر اسمو (يا) وقاعد يتحرك بين شارع العقاد ومسجد مصطفى محمود والكمبارس ثم والاخرين .
|
Post: #19
Title: Re: بكري شيل كورتك واتخارج...
Author: علي محمد علي
Date: 04-23-2007, 02:28 PM
Parent: #14
| Quote: اها انت اقطع نيمتك وامشي.. |
تحياتي يا دكتورة
بكري اكان قطع نيمتو في ناس في المنبر ده حا ينتحروا ، المنبر بقى متنفسهم الوحيد ، وخاصة صاحبنا( السمح لفظو) والكورس ( ناس عبدو سيمينيح ) والجوقة ( الدكتور الفاقد الاتجاه ) اول اسمو (ميم) واخر اسمو (يا) وقاعد يتحرك بين شارع العقاد ومسجد مصطفى محمود والكمبارس ثم والاخرين .
|
Post: #35
Title: Re: بكري شيل كورتك واتخارج...
Author: bayan
Date: 04-25-2007, 06:30 AM
Parent: #19
| Quote: بكري اكان قطع نيمتو في ناس في المنبر ده حا ينتحروا ، المنبر بقى متنفسهم الوحيد ، وخاصة صاحبنا( السمح لفظو) والكورس ( ناس عبدو سيمينيح ) والجوقة ( الدكتور الفاقد الاتجاه ) اول اسمو (ميم) واخر اسمو (يا) وقاعد يتحرك بين شارع العقاد ومسجد مصطفى محمود والكمبارس ثم والاخرين . |
سلامات محمد كيفك يا كوز*..
تعرف النيمة كان اتقطعت الجماعة ديل بجو يقطعو نيمة القصر..
اسع شغالين بنظام البديل موش في تكنيك بتاع علاج نفسي انك تتخيل الزول
المزعلك وتتكلم معاه توريه انه مزعلك وممكن ترفسوا عشان تطلع الاقرشن.؟.
اسع جماعة الهرجلة الوطنية ديل بس بيريحو روحهم على حساب اعصابنا..
* كلمة كوز هنا لتحبب باقى محمد على دا صاحبي مافي زول يقولها ليه
ويلبس ليه الكبك اب شلخات يجي يقوليه بيان ما قالت ليك..
بيان الكوزة الامنجية على حسب راي الجماعة لها الحق في استخدامها..
لاصحابها..وهذا للمعلومية...
|
Post: #20
Title: Re: بكري شيل كورتك واتخارج...
Author: علي محمد علي
Date: 04-23-2007, 02:30 PM
Parent: #14
| Quote: اها انت اقطع نيمتك وامشي.. |
تحياتي يا دكتورة
بكري اكان قطع نيمتو في ناس في المنبر ده حا ينتحروا ، المنبر بقى متنفسهم الوحيد ، وخاصة صاحبنا( السمح لفظو) والكورس ( ناس عبدو سيمينيح ) والجوقة ( الدكتور الفاقد الاتجاه ) اول اسمو (ميم) واخر اسمو (يا) وقاعد يتحرك بين شارع العقاد ومسجد مصطفى محمود والكمبارس ثم والاخرين .
|
Post: #30
Title: Re: بكري شيل كورتك واتخارج...
Author: bayan
Date: 04-25-2007, 06:07 AM
Parent: #14
| Quote: "اسمع يا ود صفية متيمنة بى الله تدخل تهيج لي الأولاد ديل وتسل ضنبك وتمرق إلا سير محفضتي دا ياباك |
يا ود صفية لكن ما ابداع انت..
تاني نعمل ختم بالجملة دي واي زول حق مديدة حرقتني
نختم ليه بالختم دا...
تعرف المنبر دا مشكلتو ناس المديدة ديل...
شككرا ليك مليار مرة على القصة السمحة دي...
ومودتي
|
Post: #17
Title: Re: بكري شيل كورتك واتخارج...
Author: سلمى الشيخ سلامة
Date: 04-23-2007, 02:22 PM
Parent: #1
لكن يا بيان كان هو مشى نحنا بنمشى وين ؟ما بقى زى البيت ، خاسة بت الشيخ المعاك دى غايتو ما تزيدى الحريشة لانو كان حرشتيهو بمشى صحى صحى ، وبعد دا كلو شايفة من ناحيتى انها حالة صحية يكون فى تبادل اراء بس الحاجة الما سمحة (الالفاظ ) مرات تجى داخلة بوست تقولى عنوان جميل تخشى تنسى تلبسى شبشبك من الجريه واصدقك القول فى بوستات كتيرة ما بخشها من العنوان، ومن زمان حكاية سياسة دى فتحت ليها تب ولا (بشجع اى حزب الا الحزب الجمالى )لكن بتعاطف ،المهم يا بيان اختى ما تحرشيهو وكان شال الكورة ومشى ما الدافورى ببوظ خلى الحوار صاحى ولك حبى
|
Post: #21
Title: Re: بكري شيل كورتك واتخارج...
Author: omer almahi
Date: 04-23-2007, 02:51 PM
Parent: #17
Quote: مشى المدرسة وجاب الجنايني قاليه اقطع النيمة دي
وكل ما يمكن الا ستظلال به..
|
وانا اقول بيان دي طالعة لي منو......
مبروك لضحى التفوق .....بنت الوزة عوامة
|
Post: #22
Title: Re: بكري شيل كورتك واتخارج...
Author: علي محمد علي
Date: 04-23-2007, 03:08 PM
Parent: #21
Quote: الشئ بالشئ يذكر .كان لصديقي ( ... ) شقيق شيوعي و شقيق جمهوري ، وشقيق آخر أنصاري على السكين . تعودت أن أبدأ برنامجي الصباحي أيام الإجازات المدرسية بالمرور عليهم حيث كانت برامجنا موحدة مع صديقي . كنت غالباً ما أجدهم في ( ديوانهم الماهل ) كل منهم ماسك كتاب و( مقبل على حيطة ) .أبدأ في مناوشتهم الواحد تلو الآخر ، وأشبك هذا بذاك وفجأة تدور المناقشة الحامية . وتعلو الأصوات . وبهدوء انسحب وصديقي ونتركهم في جدالهم ونذهب لبرامجنا . لاحظت والدتهم هذا البرنامج الذي صار مكرراً . إنتظرتني يوماً على الباب في موعدي الذي تعودت عليه. سلمت عليها ( بهزاري ) الذي تعودته معها ففاجأتني بجدية مفرطة .
"اسمع يا ود صفية متيمنة بى الله تدخل تهيج لي الأولاد ديل وتسل ضنبك وتمرق إلا سير محفضتي دا ياباك . والله أقول ليك استنى قبلك هنا بنادي ليك صاحبك امشو صيعوا برة برة ."
وكانت هذه الجملة طرفة تلك السنة بلا منازع |
فعلا طرفة وفعلا حلوة يا باشمهندس دي جبتها من وين يا ود صفية؟ عجبني الحكي المو خمج .
|
Post: #25
Title: Re: بكري شيل كورتك واتخارج...
Author: محمد حسن العمدة
Date: 04-23-2007, 04:04 PM
Parent: #22
Quote: الحكومة########### و ###### قالت بت#########
ان الشعب########## المسكين في#############
و########### الامن######## صلاح غوش#############
و ######
و ############ و######## و#########
جمعة########## قال المركز########### لا يتبع
للجهاز########### والمعلوم ان المركز####### و #######
و######## و#########
الكيزان والمندسين ############## |
والله يا نجاة الزولين ديل بوظو الدنيا كلها
وحيرونا معاهم الا المحير فعلا الشفرة الفوق دي يفكوها كيفن
دي حصة احصاء عديييييييييل ولا انتقلت ليك العدوة الله يستر
زمان عندنا في بابنوسة جارنا عندو كاريزما عجيبة جدا
العصر تلقي لامي ناس حي بشمة قدام ضل البيت وهاك يا خطب دينية
تحلفي تقولي الامام مالك , منننننننن تمغرب ا ينفض عراقيهو ويلم نفس الشلة
ويخشو على البيت لا جوة وهاك يا قمار وعرقي وعربدة
اها كنت بعد مرات مرات بسوي زي ابوك ده كده
في حصة الليل
قبل ما ا تمغرب بنط بالحيطة الورانية لبيتو وبكسر ليك كل القزاز والفتايل الشرقانة بالمصيبة ديك علا الشي مسخوط خمسة دقائق تاني يجيبو من وين ما عارف
غايتو بكري لو اداني اشراف بنجمهم ليك نجام شديد
|
Post: #36
Title: Re: بكري شيل كورتك واتخارج...
Author: bayan
Date: 04-25-2007, 06:40 AM
Parent: #25
| Quote: قبل ما ا تمغرب بنط بالحيطة الورانية لبيتو وبكسر ليك كل القزاز والفتايل الشرقانة بالمصيبة ديك علا الشي مسخوط خمسة دقائق تاني يجيبو من وين ما عارف |
يعني متعلم الارهاب والكباب من بدري؟
نحكي ليك القصة دي بدون ذكر اسماء
في واحد كدا شيوعي اها يوم جاب ليه منشورات عشان يوزعن الصباح
دساهن ليك في حتة غميسة.. لكن لسوء حظو في واحد كدا
بتاع مقالب ومجنون حبة شاف الحركة.. بس دا نام دا جا سرقهم رماهم في الدبليوسي
(حفرة)
صاحبك صحى مع الاذان وما لقاهم.. فتش قلب اصلو لا اثر لهذه المنشورات..
بعدين الزول ذاتو جا سالو قاليه انت بتفتش في شنو؟
دا قاليه في بحث المفروض اسلمو..
صاحبنا ابتسم وفي عقل بالو قاليه بحث يا بحث..
ومشى خلاهو وهو مبسوط فيما بعد عرفت انه الزول دا اتحقق معاه ووجه له انذار
من الشعبة...
مع العلم انا من سرقهم لا يمت الا للحزب الجمالي وما عنده شغلة بالسياسة,,
وزول بتاع ضحك...
| Quote: ويخشو على البيت لا جوة وهاك يا قمار وعرقي وعربدة |
ما دا المجننا يطاردوا في الناس يا كوز يا امنجي وهم ما خفي اعظيم..
مودتي ليك...
|
Post: #26
Title: Re: بكري شيل كورتك واتخارج...
Author: شهاب الفاتح عثمان
Date: 04-23-2007, 04:42 PM
Parent: #22
| Quote: [ فعلا طرفة وفعلا حلوة يا باشمهندس دي جبتها من وين يا ود صفية؟ عجبني الحكي المو خمج] |
nice nice
سلام بيان.
|
Post: #38
Title: Re: بكري شيل كورتك واتخارج...
Author: bayan
Date: 04-27-2007, 05:08 AM
Parent: #26
الله يسلمك يا دكتور الامتحانات كيف؟
|
Post: #37
Title: Re: بكري شيل كورتك واتخارج...
Author: عاطف عمر
Date: 04-25-2007, 11:04 AM
Parent: #22
| Quote: فعلا طرفة وفعلا حلوة يا باشمهندس دي جبتها من وين يا ود صفية؟ عجبني الحكي المو خمج . |
تشكرات يا علي
لكين بالجد تأسرني جداً تلك الحكم التي تخرج عفو الخاطر من أهلنا الكبار.
و يعجبني أيضاً أنهم بيدوك الكلام كدا ( من الآخر ) دون أى فذلكة أومحسنات لغوية.
التحايا مجدداً للأخت الكريمة بيان
|
Post: #34
Title: Re: بكري شيل كورتك واتخارج...
Author: bayan
Date: 04-25-2007, 06:21 AM
Parent: #21
العزيز عمر
سلامات ومالك منقطع النظير لا حس لا خبر..
بان واظهر عليك الامان...
| Quote: مبروك لضحى التفوق .....بنت الوزة عوامة |
الله يبارك فيك وعقبال عندك...
جد البت هجمتنا شديد بالنتيجة..
ابوها اخد كل الكرتد للنتيجة دي...
النسوان حقهن ضايع تماما.. اسع تعوق ليها زول
يجي يقولي تشبهك شكلا وموضوعا..
تحياتي لك ومودتي..
|
Post: #32
Title: Re: بكري شيل كورتك واتخارج...
Author: bayan
Date: 04-25-2007, 06:17 AM
Parent: #17
| Quote: لكن يا بيان كان هو مشى نحنا بنمشى وين ؟ما بقى زى البيت ، خاسة بت الشيخ المعاك دى غايتو ما تزيدى الحريشة لانو كان حرشتيهو بمشى صحى صحى ، وبعد دا كلو شايفة من ناحيتى انها حالة صحية يكون فى تبادل اراء بس الحاجة الما سمحة (الالفاظ ) مرات تجى داخلة بوست تقولى عنوان جميل تخشى تنسى تلبسى شبشبك من الجريه واصدقك القول فى بوستات كتيرة ما بخشها من العنوان، ومن زمان حكاية سياسة دى فتحت ليها تب ولا (بشجع اى حزب الا الحزب الجمالى )لكن بتعاطف ،المهم يا بيان اختى ما تحرشيهو وكان شال الكورة ومشى ما الدافورى ببوظ خلى الحوار صاحى ولك حبى |
سلام الحبيبة
امبارح قلت لاول مرة بكري يسمع كلامي لما البورد اختفي..
لكن نطمنك بكري نهائي ما بشتغل بي ولا بكلامي..
شوفتي السياسة على كبر(حقتي اللسع دي) بطالة خلاص
لانه الزول لما يكون صغير ما بيكون عارف الحاصل شنو لما تكون كبير
بتكون عارف كل حاجة.. منو القال الوعي قاسي ؟
الحزب الجمالي دا بالجد يستحق اتباعه الى يوم الدين لانه مبهج
السر السيد لاقاني سايقة بتي... عمرها 5 سنة
وقف وصرخ: احييييييا وسجمي انا من الجيل الحيقولي يا عمو..
اها حزبكم دا حزب ديناصور تاكلو حفكم وحق غيركم
ذي كل الاحزاب التانية..
طبعا الايام دي اول ما اجي اداقش بوستاتك
وقلبي يخضر ويزغرد.. ربنا يخضر ضراعك يا حبيبة..
واحسن كدا
لانه لو لبستي كبككك ابو شلاخات الدم بيملآ المنبر...
محبتي التى تعرفينها..
|
Post: #31
Title: Re: بكري شيل كورتك واتخارج...
Author: essam&amal
Date: 04-25-2007, 06:08 AM
Parent: #1
وينو الاتحادى الديمقراطى يا بيان ما كاتباهو
لكن باين مافى زول هنا اتحادى الا كان قيامتك قامت .
يوست ظريف لكن بكرى ده الله يطول عمره ويديه العافية .
كان شال كورتو واتخارج الترابة كالتنا .
تحياتى يا ظريفة
ام وضاح
|
Post: #33
Title: Re: بكري شيل كورتك واتخارج...
Author: Mohamed E. Seliaman
Date: 04-25-2007, 06:20 AM
Parent: #31
سلام للجميع
ما دام
________________
بمناسبة النيم دي أحكي ليكم قصة -من جد حقيقية- من حلتنا:
وحصلت زمان زمن كان في شيوعية واشتراكية وتقدمية
والحصل إنو مجموعة من الشباب الذين عرف ((بعضهم))
باعتناق الشيوعية قاموا أسسوا ناديا في حلتنا
من نوع الأندية التي يكتب عليها (نادي اجتماعي ثقافي رياضي شامل))
بس النادي ارتبط في أذهان الناس بالشيوعية
طيب الحصل شنو ؟
يوم شباب النادي ديل جاتهم فكرة عمل خير يتم تنفيذه باسم النادي
وقال نقوم نشجر فناء مسجد الحلة بالنيم داير ما يدور
أصلو المسجد ما كا فيه شجر !!
وفعلا ناس النادي زرعوا النيم في حوش المسجد...
وفعلا ناس النادي زرعوا النيم في حوش المسجد...
والنيم قام ما شاء الله أخضر
والظل الوارف اتمدد في حوش الجامع داير ما يدور
والهمبريب ضارب...
وعمنا حاج أحمد المؤذن -الله يرحمه-وهو الكان المسؤول
الأول عن الجامع يتولى نظافته وحراسته
وتمامة الموية !!!
وقوم تعال يا موسم النفض
وشجر النيم يصفر صفقه زي الكركم
وكل صباح تلقى ليك
السفير (صفق النيم ) محتوت ومالي الحوش ملي بالكيمان
ويجي حاج أحمد شايل المقشاشة
ويبدأ مشقة الكنس في الحوش الكبير:
المقشاشة تسوي كش كش!! كش كش!!
وحاج أحمد يدعو متذمرا ولاعنا من كان السبب :
الله لا تكسب الشيوعيين !! الله لا تكسب الشيوعيين !!
المقشاشة تسوي كش كش!! كش كش!!
وحاج أحمد يدعو
الله لا كسب الشيوعيين !! الله لا كسب الشيوعيين !!
الخرطــوم خمــر شــديدة الإســـكار وفتيات يرتدين الـــدروع في شوارعها
|
Post: #40
Title: Re: بكري شيل كورتك واتخارج...
Author: bayan
Date: 04-27-2007, 05:16 AM
Parent: #33
Quote: بمناسبة النيم دي أحكي ليكم قصة -من جد حقيقية- من حلتنا:
وحصلت زمان زمن كان في شيوعية واشتراكية وتقدمية
والحصل إنو مجموعة من الشباب الذين عرف ((بعضهم))
باعتناق الشيوعية قاموا أسسوا ناديا في حلتنا
من نوع الأندية التي يكتب عليها (نادي اجتماعي ثقافي رياضي شامل))
بس النادي ارتبط في أذهان الناس بالشيوعية
طيب الحصل شنو ؟
يوم شباب النادي ديل جاتهم فكرة عمل خير يتم تنفيذه باسم النادي
وقال نقوم نشجر فناء مسجد الحلة بالنيم داير ما يدور
أصلو المسجد ما كا فيه شجر !!
وفعلا ناس النادي زرعوا النيم في حوش المسجد...
وفعلا ناس النادي زرعوا النيم في حوش المسجد...
والنيم قام ما شاء الله أخضر
والظل الوارف اتمدد في حوش الجامع داير ما يدور
والهمبريب ضارب...
وعمنا حاج أحمد المؤذن -الله يرحمه-وهو الكان المسؤول
الأول عن الجامع يتولى نظافته وحراسته
وتمامة الموية !!!
وقوم تعال يا موسم النفض
وشجر النيم يصفر صفقه زي الكركم
وكل صباح تلقى ليك
السفير (صفق النيم ) محتوت ومالي الحوش ملي بالكيمان
ويجي حاج أحمد شايل المقشاشة
ويبدأ مشقة الكنس في الحوش الكبير:
المقشاشة تسوي كش كش!! كش كش!!
وحاج أحمد يدعو متذمرا ولاعنا من كان السبب :
الله لا تكسب الشيوعيين !! الله لا تكسب الشيوعيين !!
المقشاشة تسوي كش كش!! كش كش!!
وحاج أحمد يدعو
الله لا كسب الشيوعيين !! الله لا كسب الشيوعيين !! |
دا ابداع يا محمد الحسن... قصة ما حصلت...
شكرا ليك قمت بترويجها.. مع حفظ الحقوق..
|
Post: #39
Title: Re: بكري شيل كورتك واتخارج...
Author: bayan
Date: 04-27-2007, 05:15 AM
Parent: #31
Quote: وينو الاتحادى الديمقراطى يا بيان ما كاتباهو
لكن باين مافى زول هنا اتحادى الا كان قيامتك قامت .
يوست ظريف لكن بكرى ده الله يطول عمره ويديه العافية .
كان شال كورتو واتخارج الترابة كالتنا .
تحياتى يا ظريفة
ام وضاح |
سلام ستنا ام وضاح
تعرفي الوطني الاتحادي الوحيد البعرفو هو الحاجة الله يديها طولة العمر
عندها قصة سمحة شديد.. لما جات انتخابات سنة 1985
اها ابوي قاليها تدي حزب الامة
قالت ليه اوكي.. جانا زول من حزب الامة جارنا ساقهم
معاه المركز,,,
بعد داك لما جات سالناها اها اديتي منو: قالت اديت ناس سيدي
اوعو تكلمو ابوكم.. طبعا ضحكنا في دقيستها للحاج..
امي بتفتكر لو ما ادت ناس سيدي يتنسخط..
بالمناسبة دي
مرة خالاتن لينا راكبات تاكسي اها سيد
التكسي استهزا بناس سيدي
قامت خالتنا قالت ليه ما خاتي عليك ان كان سخطك سواك سواق تكسي...
مودتي لك...
|
Post: #42
Title: Re: بكري شيل كورتك واتخارج...
Author: bayan
Date: 06-19-2007, 06:51 PM
Parent: #39
الايام دي الموضة
قاطعوا الكيزان والكوزات في افراحهم واتراحهم..
ايوة الكيزان بنعرفهم ما تقولو ما كيزان
نحنا في راسنا قنابير
الساعة الالقى ليك دومة صاحبتي الما تغباني
البتدي الشيوعين صوتها.. وترفض الحكومة الدينية
والشريعة
بقت كوزة ايوووووة والله كوزة آأأديل كدا
بنبذها لدرجة يا شينة...
دومة شينة وكوزة..
ما قلت ليكم المنبر دا حيطق اليه عرق؟
الجميل دعوى المقاطعات شغالين بيها نكرات..
لا قراء لا مداخلات
ودا الخليهم اقرسف تجاهل الناس ليهم.. وما شغالين بيهم.
كل ما يزيدوا شتائمهم يلقوا نفسهم في الركن مذنبين..
والناس تشيل وتدين فيهم.. كل الوان الطيف رفضتهم
حتى ناسهم يا كافينول...
قلت لي دومة كوزة؟ وكمان كوزة شينة؟
يسمعن...
العجب ختة جني ودومة والظلاميين في فد كنبة
قرقرقرقررقر
|
Post: #43
Title: Re: بكري شيل كورتك واتخارج...
Author: خالد علي محجوب المنسي
Date: 06-19-2007, 08:14 PM
Parent: #42
Quote: لكن يا كافي البلا اسع شغل اكوام
ممكن يكون الكوم فيه زولين بس يوقفو المنبر على فد رجل...
بكري اخوي شيل كورتك واتخارج... [/QUOTE
بيان كيفنك
خالد
|
Post: #44
Title: Re: بكري شيل كورتك واتخارج...
Author: bayan
Date: 06-20-2007, 03:51 AM
Parent: #43
ابن كنبة
ما تجي نعمل كوم ونوقف البورد على فد رجل...
اها انا كدا بعد وريت انك ولد كنبتي
الكوم العدو حيقوليك يا عجوز يا اشمط..
دا النبذ الجديد
ينبذوا بالعمر...
نسيت ما قلت برضوا قالو لدومة شمطاء
شينة وشمطاء التقول بتفتش ليها في عريس هنا
علما اي واحد فيهم قدرها..
يسسسسسسسسسمعن..
|
Post: #45
Title: Re: بكري شيل كورتك واتخارج...
Author: doma
Date: 06-20-2007, 05:00 AM
Parent: #44
Quote: نسيت ما قلت برضوا قالو لدومة شمطاء
شينة وشمطاء التقول بتفتش ليها في عريس هنا
|
لووووووول والله حقوا ا نزل الصوره يمكن نلقي عريس بعد بقينا حبوبات لووول
يا زوله ما كذبوا في حكايه الشنا دي ضبعه وشمطاء عجوز غابرين القدري زمان ماتوا الا واجعاني حكايه كوزه اخر عمري دي شديد
|
Post: #46
Title: Re: بكري شيل كورتك واتخارج...
Author: محمد نور أحمد
Date: 06-20-2007, 06:05 AM
Parent: #45
د. بيان
إزيك
لا قدر الله بكري سيد الكورة ده كان سمع كلامك وشال كورته البتعبوا كتار.
نحنا ناس المقصورة الجانبية في إستاد الهلال ديل مشكلتنا مقدور عليها
الكعب ناس خرخرة الدافوري أب كتاحة ديل.
كلام جادي:
أنا شخصياما قادر أتخيل يومي ده بدون ما أخش كورة بكري دي، زي اللاب توبي ده ولف الشغلة، بخشها براه بقى من غير ما أمشي جنبه ذاته. صحيح الكاشف أخوك ما بالحيل كدي على الكتابة لكن ما شاءالله قراي، بقرا السمح والكعب، ومرات كدي بيني وبينك قراية الكعب مقدمة على السمح.
كلام جادي جدادة كبيرة:
تحياتي عبرك للأستاذة دومة، والله يصبرها وإيانا على مفاكرات آخر زمن دي.
عندي عمة لي كدي في السودان الجميل ده عندها حكمة ناجراها من راسها بتقولها في المواقف الزي دي: البباري الغنم بتحكحك في الحيط . شكلها على وزن البباري الجداد بودنو الكوش - والله أعلم.
|
Post: #47
Title: Re: بكري شيل كورتك واتخارج...
Author: bayan
Date: 06-20-2007, 06:18 AM
Parent: #46
قرقرقرر يا دومة
لازم تغيري استراتيجيك
ثبت ما لا يدع مجالا للشك ان "كامفولاج" العجز ما نافع
لانه طلع الرجال المستنيرين بكرهو النسوان الكبار..
ذي غامرنا وقامرنا على انهم بني آدمين
ذي الناس البنعرفهم
كل ما كانت السن كبيرة
كلما زاد الاحترام..
اها هنا كلو ما كنتي كبيرة كلما زادت البشتنة
لانهم لا يرجون منك جكيسا..
اسع اتخيلي خشينا وعاملين فيها جكس
كان الجري كتر...
وأيش حال لو غشينا لينا موقع حبش جبنا صور قلنا ديل نحنا..
كنا بيقينا يا حلات زوزو الله فوق زوزو شخصيا...والمزلملزاني
لا تحلمي بعالم سعيد وانت شمطاء عزيزتي المرأة
يبقن عليك اتنين شمطاء وبشتنة..
|
Post: #48
Title: Re: بكري شيل كورتك واتخارج...
Author: bayan
Date: 06-20-2007, 06:45 AM
Parent: #46
| Quote: زي اللاب توبي ده ولف الشغلة، بخشها براه بقى من غير ما أمشي جنبه ذاته. |
عثل ؤبث
|
Post: #49
Title: Re: بكري شيل كورتك واتخارج...
Author: bayan
Date: 06-20-2007, 05:45 PM
Parent: #1
بكري شيل كورتك واتخارج...
|
|
|