بيان مركبة مكنة تمبس

Post: #1
Title: بيان مركبة مكنة تمبس
Author: bayan
Date: 05-29-2007, 04:39 AM
Parent: #0

" />">

Post: #2
Title: Re: بيان مركبة مكنة تمبس
Author: saadeldin abdelrahman
Date: 05-29-2007, 05:30 AM
Parent: #1

امونة كاملة خلاص
من القدم للراس
--

هسة يا مستنيرة مالك على البنيات ?
يقوموا يختوهن في القائمة
خصوصا انهن متحجبات و جايباهن انتي

Post: #3
Title: Re: بيان مركبة مكنة تمبس
Author: محمد نور أحمد
Date: 05-29-2007, 05:51 AM
Parent: #2

مساك الله بالخير يا دكتوره.
شكرا على الإمتاع.
هسع البنية دي يا دكتوره ما عافية حسن تانية عدييييييييييييييل.
الله يديهن العافية الإتنين.

إلا يا الدكتوره الجماعة بيقولوا عليك ضلامية مالهم؟ هسع في استناره اكتر من كده، كان أضانك موسيقية للدرجة دي معناها استنارتك تضوي شارع الخرطوم - مدني عديل.

فتك بعافية.

Post: #5
Title: Re: بيان مركبة مكنة تمبس
Author: ABU QUSAI
Date: 05-29-2007, 06:02 AM
Parent: #3

بيان الليلة ضلاميتك أريتها ضلامية البنات لا حدهن ...

أبو قصي

Post: #10
Title: Re: بيان مركبة مكنة تمبس
Author: bayan
Date: 05-29-2007, 06:33 AM
Parent: #5

Quote: بيان الليلة ضلاميتك أريتها ضلامية البنات لا حدهن

اها يا ود عمي شن اسو؟
دا
كلو من جماعتكم ديل..
لكن ما همانا ما دام ود عمي معانا..
محبتي ليك ولبت عمي..

Post: #9
Title: Re: بيان مركبة مكنة تمبس
Author: bayan
Date: 05-29-2007, 06:31 AM
Parent: #3

Quote: هسع البنية دي يا دكتوره ما عافية حسن تانية عدييييييييييييييل.
الله يديهن العافية الإتنين.

حيلك حيلك يا محمد
انتو عافية حسن بقت وحدة قياسكم؟

Quote: إلا يا الدكتوره الجماعة بيقولوا عليك ضلامية مالهم؟

تصدق اني خريجة معهد المزيكا كمان...
بس هنا البتقع من السماء تحملها ا..
صبرنا شن نسوي لكن املي في الناس
الناقشة زيك...
بس قرط على كدا

Post: #15
Title: Re: بيان مركبة مكنة تمبس
Author: محمد نور أحمد
Date: 05-29-2007, 07:06 AM
Parent: #9

سلامامات يا دكتوره

Quote: حيلك حيلك يا محمد
انتو عافية حسن بقت وحدة قياسكم؟

عاد كمان يا الدكتوره عافية حسن دي فيها كلام؟ أمانة ما اتلومتي.
إنت ما شفت الكبكبة والجرسة ودرديق البلاط في بوست تمبس بغادي؟
مالك دايرا تشككينا في معاييرنا واستاندرنا يا دكتوره؟ والله بالغت بوليغة شديدة خلاص.

بالمناسبة عبارتك الفوق دي ذكرتني نكتة قديمة بتكوني سمعتيه، أهل العوض الجابوهو الخرتوم يعرسوا ليه بت عمه يقوم يشبهها بسخلة جارهم في الحلة، إن بقيتي سامعاها تم ضحكتك وقرضي على كده، وإن لا بحكيها ليك لمن أجي عابر سكة فايت ولا جيت قاصد أزورك المرة الجاية.

Quote: تصدق اني خريجة معهد المزيكا كمان...

كمان ... دي جديدة لنج ...هسع الجماعة يجوا يبقوا ليك في رقبتك، تبقي عليك حكاية الدكتوراه ديك (أنا ما خشيت الفلم ده كله لكن شايف الإشاره ليه في بعض البوستات)، غايتو أنا كلمتك أبقي قريبة لي جاي بشهادات المزيكادي ساكت، الجماعة جاينك جاينك، بس المتأكد منه كمان إنك قدر البتقوليه، الله يعينك على البحصل ليك في المنبر ده.

فتك بعافية..

Post: #7
Title: Re: بيان مركبة مكنة تمبس
Author: bayan
Date: 05-29-2007, 06:28 AM
Parent: #2

Quote: خصوصا انهن متحجبات و جايباهن انتي

قرقرقر يا سعد

الله معاهن... ساكت..
بالله موش حاااجة كدا

Post: #4
Title: Re: بيان مركبة مكنة تمبس
Author: الأمين عثمان صديق محمد
Date: 05-29-2007, 06:02 AM
Parent: #1

Quote: بيان مركبة مكنة تمبس

شايفك اليومين ديل بقيت بتاعة ميديا وكدا
اها النوريك مكنة اللمين

Post: #6
Title: Re: بيان مركبة مكنة تمبس
Author: معتز القريش
Date: 05-29-2007, 06:14 AM
Parent: #4

روعة يا ظلاميـة
كدا الظلام ولا بلاش
تمبس بعد كدا مفروض يفرغ لقضايا الهامش

Post: #8
Title: Re: بيان مركبة مكنة تمبس
Author: هاشم أحمد خلف الله
Date: 05-29-2007, 06:29 AM
Parent: #6

جميل جداً دكتورة بيان وشكراً جزيلاً علي الطرب الجميل .

Post: #11
Title: Re: بيان مركبة مكنة تمبس
Author: bayan
Date: 05-29-2007, 06:37 AM
Parent: #8

Quote: شايفك اليومين ديل بقيت بتاعة ميديا وكدا

وين اخي دا من طرف الشنطة ساكت اصبر لي كان
تمبس دا ما الحقو امات طه واطلعو من البزنزس
تشوف براك.. خلينا ليه الشكل

Quote: اها النوريك مكنة اللمين

بس ياللمين بالله بالدس كدا( عشان تمبس ما يضحك فوقي)
في الماسنجر وريني كيف ما يجن دبول..
غيرت نضارتي مرتين برضو يجن دبول..

Post: #12
Title: Re: بيان مركبة مكنة تمبس
Author: bayan
Date: 05-29-2007, 06:42 AM
Parent: #11

Quote: تمبس بعد كدا مفروض يفرغ لقضايا الهامش

سلام يا معتز
تمبس اسع حيكون زعلان
لكن طبعا هو
اخوي الصغير بالتواتر.. حيث لديه اخ زاملني في معهد المزيكا..
ما بزعل شديد
والله اسع الحكسنيت الهامشي الدخل نفسو فيه
يكفيه سنتين لما خلاص انا ابقى تمبس ذاتو
ايش حال لو اتعلمت انقل الصوت تاني وين تمبس
الا ياخد المعاش..

Post: #13
Title: Re: بيان مركبة مكنة تمبس
Author: bayan
Date: 05-29-2007, 06:45 AM
Parent: #8

الرجل اللطيف هاشم
بالله كان عارفة البوست دا بيجبك كنا عملناه زمان

شرفت وآنست.. اتمنى انه الاغنية تكون عجبتك..

Post: #14
Title: Re: بيان مركبة مكنة تمبس
Author: الأمين عثمان صديق محمد
Date: 05-29-2007, 06:53 AM
Parent: #1

Quote: بس ياللمين بالله بالدس كدا( عشان تمبس ما يضحك فوقي)
في الماسنجر وريني كيف ما يجن دبول..
غيرت نضارتي مرتين برضو يجن دبول

انا ذاتي محتار فيهن يا دكتورة
حتى امشي على الفيديو التاني اقول يمكن منزلها اغنية تانية
واقول بيان دي بقت خترية خلاس
شغلها نضيف
جوز جوز

تمبس هسه بجيك
وكان ما جاء
بوريك بالمسنجر

Post: #16
Title: Re: بيان مركبة مكنة تمبس
Author: bayan
Date: 05-29-2007, 07:16 AM
Parent: #14

Quote: بالمناسبة عبارتك الفوق دي ذكرتني نكتة قديمة بتكوني سمعتيه، أهل العوض الجابوهو الخرتوم يعرسوا ليه بت عمه يقوم يشبهها بسخلة جارهم في الحلة، إن بقيتي سامعاها تم ضحكتك وقرضي على كده، وإن لا بحكيها ليك لمن أجي عابر سكة فايت ولا جيت قاصد أزورك المرة الجاية

اي نكتة من قبل 1993 انا بعرفها البعد كدا ما سمعت بيها
يلا اها قولها..

اما الجماعة بتاعين هنا ديل الله يبارك فيهم يرموا نفسهم قدامي
اتسلى بيهم براااااهم...ذي نكتة القرد القال
هو مبسوط بجيبو ليه ناس يتفرج فيهم..
منتظرين النكتة..

Post: #17
Title: Re: بيان مركبة مكنة تمبس
Author: عماد محمود علي
Date: 05-29-2007, 07:48 AM
Parent: #16

الاخت الفاضلة الدكتورة بيان

Quote: يكفيه سنتين لما خلاص انا ابقى تمبس ذاتو
ايش حال لو اتعلمت انقل الصوت تاني وين تمبس
الا ياخد المعاش..

غايتو يا دكتورة أخوي تمبس ده خلاص ح نفرغو للجماعة ديك هنا دي خلاص راحت عليه ... بس بيني وبينك كده يا دكتورة حكاية الدبل كيك دي مضحكة شوية !!!! غايتو تامبا ما بسويها

Post: #20
Title: Re: بيان مركبة مكنة تمبس
Author: bayan
Date: 05-29-2007, 08:03 AM
Parent: #17

Quote: غايتو يا دكتورة أخوي تمبس ده خلاص ح نفرغو للجماعة ديك هنا دي خلاص راحت عليه

موش بالله؟
خلاص كلمو صاحبكم قولو ليه تاني حست عينو ينزل اغنية.
طوالي دواس معاه..
ناس الحسكنيت خليناهم ليه..

Post: #18
Title: Re: بيان مركبة مكنة تمبس
Author: Ahmed Alrayah
Date: 05-29-2007, 07:57 AM
Parent: #1

Quote: بيان مركبة مكنة تمبس

أنا جيت وقايلك يا دكتورة زرزرتي واحد من الجماعة الكضابين!

Post: #21
Title: Re: بيان مركبة مكنة تمبس
Author: حيدر حسن ميرغني
Date: 05-29-2007, 08:03 AM
Parent: #18

ود الريح

سلامات

بيان مركَبة مكنة DVD

ما مكنة حلاقة

مشكورة على الطرب يابيان

وراجين تمبس

Post: #29
Title: Re: بيان مركبة مكنة تمبس
Author: bayan
Date: 05-29-2007, 09:35 AM
Parent: #21

Quote: بيان مركَبة مكنة DVD

ما مكنة حلاقة

عاد ما تعبتو معاي يا حيدر..
كل يوم بوست غنا للسماء,,
وتمبس دا بس نخليه للحسكنيت

Post: #23
Title: Re: بيان مركبة مكنة تمبس
Author: bayan
Date: 05-29-2007, 08:06 AM
Parent: #18

Quote: أنا جيت وقايلك يا دكتورة زرزرتي واحد من الجماعة الكضابين!

تعرف يا احمد يا ولدي قبل كم يوم جاتني فكرة تمام
انه نعمل بوست نجمع فيه الكضب هنا..
من سرقة جثمان الخاتم وتداعياتها
الى حرقك لمعرض الكتاب..
رأيك شنو؟

Post: #19
Title: Re: بيان مركبة مكنة تمبس
Author: Abdelmuhsin Said
Date: 05-29-2007, 08:03 AM
Parent: #1

تحياتي لك

Post: #30
Title: Re: بيان مركبة مكنة تمبس
Author: bayan
Date: 05-29-2007, 09:40 AM
Parent: #19

Quote: تحياتي لك

وانت ليك التحايا وفيها كوم مودة..

Post: #22
Title: Re: بيان مركبة مكنة تمبس
Author: د.محمد حسن
Date: 05-29-2007, 08:04 AM
Parent: #1

لكن يا دوك الما كينة ما عندك

طبعا تمبس ما كينة تشليح

ومودتي للجميع

Post: #24
Title: Re: بيان مركبة مكنة تمبس
Author: SILVER MOON
Date: 05-29-2007, 08:08 AM
Parent: #22

ياسلام عليك يادكتورة
مبروك النيو لوك

لك عميق مودتي

Post: #33
Title: Re: بيان مركبة مكنة تمبس
Author: bayan
Date: 05-29-2007, 09:50 AM
Parent: #24

Quote: مبروك النيو لوك

لقتيني كيف؟

ولك المعزة

Post: #26
Title: Re: بيان مركبة مكنة تمبس
Author: Emad Abdulla
Date: 05-29-2007, 08:13 AM
Parent: #22

شغلك نضيف يا نجاة ياخ ..
و البنية الظلامية شبهك دي غناية سعيلي الله .

لاكين قصة سويتيهن إتنين دي ..
و مطيتي الصفحة لهنووووك لامن بقت كلوش دي جد خطيرة و الله ..

غايتو الحيكومي شديدي شدي !!

Post: #32
Title: Re: بيان مركبة مكنة تمبس
Author: bayan
Date: 05-29-2007, 09:48 AM
Parent: #26

Quote: لاكين قصة سويتيهن إتنين دي ..
و مطيتي الصفحة لهنووووك لامن بقت كلوش دي جد خطيرة و الله ..

عماد تعال النخاليك..
جيب اضانك الحركة دا قالو لغلط ما يعني ما مقصودة..
بقت على قصة الولد المن عطبرة جا يتفنن بالعجلة جنب بنات
قام وقع طوالي قام برشاقة ورفع العجلة فوق راسو وقال
شوفتو الحركة دي؟
اسع اقوم اتبوبر واتفوجج في تمبس اب فرد شوت
نحنا ناس الدبول..البنمد الصفحي هنووووووووووك
(الولد المن عطبرة دا ما حيدر ميرغني وهذا لاخلاء الطرف من اي حسكنيت )

Post: #31
Title: Re: بيان مركبة مكنة تمبس
Author: bayan
Date: 05-29-2007, 09:43 AM
Parent: #22

Quote: طبعا تمبس ما كينة تشليح

غياتو تمبس تعب جد جد

وانا اقول مالو اتلحس بسرعة كدا
وانا بوستي عمل اكثر من 400 نقرة

خلاص يا تمبس تاني في الحلة دي ما تجي
بيان ملكة الميديا...
ولك المودة

Post: #25
Title: Re: بيان مركبة مكنة تمبس
Author: Ahmed Alrayah
Date: 05-29-2007, 08:12 AM
Parent: #1

Quote: تعرف يا احمد يا ولدي قبل كم يوم جاتني فكرة تمام
انه نعمل بوست نجمع فيه الكضب هنا

ناخد إذن من بكري عشان الBandwidth وكده!

Post: #28
Title: Re: بيان مركبة مكنة تمبس
Author: tmbis
Date: 05-29-2007, 09:16 AM
Parent: #25

غايتو يا دكتورة عندي شكوى جاهزة ح ارفعه فيك .. والفوره الف..
منزله لي الاغنيه اتنين اتنين .. والله دي بيل قيتس ما سبقك عليها ..
انا من الصباح دخلته من البيت وقلبت البوست ده فوق وتحت عايز اعرف كيف عملتي الحركة دي .. والله غلبني .. اتصلت على الامين عثمان قلت ليهو عندك فكرة انو الواحد ينزل الملفين ديل كيف مع بعض كدا .. قال لي دي الا بيان بس ..
معليش انا عندي مشكلة في الشبكة . ح ادخل بعد شوية
عندك فرصة تعدلي الااتين اتنين ديل ..

يا بجوط ليك البوست ده ..

وين الحــاجة دومـه .. خليها تجي تتم لينا الناقصة وتنزل لينا تلاتة ... تلاتة

Post: #35
Title: Re: بيان مركبة مكنة تمبس
Author: bayan
Date: 05-29-2007, 09:55 AM
Parent: #28

Quote: منزله لي الاغنيه اتنين اتنين

شوفتا يا كيشة كيف
دبول دبول؟

لو رسلت لي ايملك بعلمك تعملها بدل الفرد شوت..

بعدين تاني تنزل اي اغنية
كيبوردي بياباك..
سامع
البوست قرب لي 500 نفر
في ساعات بسيطة..
باختصار كدا
سوقك خرب...

Post: #34
Title: Re: بيان مركبة مكنة تمبس
Author: bayan
Date: 05-29-2007, 09:52 AM
Parent: #25

Quote: ناخد إذن من بكري عشان الBandwidth وكده!

Post: #27
Title: Re: بيان مركبة مكنة تمبس
Author: أبو ساندرا
Date: 05-29-2007, 09:08 AM
Parent: #1

أول مرة سمعتها ، قارنتها بعافية حسن
إكتشفت أن خامة صوتها أفضل
وتفوقها عافية في الحليات والتكنيك

البت دي لو لقت رعاية ، وما أظن إسماعيل عبدالجبار حايقصر
حايكون لها شأن قوي في خارطة الغناء السوداني

Post: #36
Title: Re: بيان مركبة مكنة تمبس
Author: bayan
Date: 05-29-2007, 09:59 AM
Parent: #27

Quote: أول مرة سمعتها ، قارنتها بعافية حسن
إكتشفت أن خامة صوتها أفضل
وتفوقها عافية في الحليات والتكنيك

الغريبة امبارح ابراهيم برضو قال صوتها فريد..

والله كلهم بنات فنانا ت بمعنى الكلمة..
بارك الله في تبمسكو...

Post: #37
Title: Re: بيان مركبة مكنة تمبس
Author: tmbis
Date: 05-29-2007, 10:11 AM
Parent: #36

Quote: بعدين تاني تنزل اي اغنية
كيبوردي بياباك..
سامع
والله يا دكتورة النصيحة لي الله .. أنا بفتح البوست ده بيكون عندي ( نــص ) ازح الماوس شوية على اليمين .. يجيني ( النص ) التاني .. يعني الواحد يبقى يلقط فيها ( انصاص ) .. ( انصاص ) وعامله لي مستنيرة وبتاعت ملفات موسيقية كمان
..
يلا لا شان نوريك اللياقة .. والزرزرة
نزلي لينــا لنك الحفظ ..
بس اوعه تنزليها اتنين اتنين برضـــــــــو ..

Post: #38
Title: Re: بيان مركبة مكنة تمبس
Author: bayan
Date: 05-29-2007, 01:03 PM
Parent: #37

Quote: نزلي لينــا لنك الحفظ

التجاهل
التجاهل
التجاهل
انهم لم يأتوا ليناقشوا بل اتوا لاجندات اخرى...

Post: #39
Title: Re: بيان مركبة مكنة تمبس
Author: Gaafar Ismail
Date: 05-29-2007, 02:29 PM
Parent: #1

يا ســــلام با بيـــان .. عليكِ نــور....طرب تمــام .. لكن تمبس وراكوبة حقهم راح.

تحياتي ومــودتي

Post: #40
Title: Re: بيان مركبة مكنة تمبس
Author: bayan
Date: 05-29-2007, 03:34 PM
Parent: #39

" />">

Post: #41
Title: Re: بيان مركبة مكنة تمبس
Author: tmbis
Date: 05-29-2007, 03:49 PM
Parent: #40

Quote: التجاهل
التجاهل
التجاهل
انهم لم يأتوا ليناقشوا بل اتوا لاجندات اخرى...
..
يــا بيان خلينا نتفق .. لانو بالطريقة دي ح تضيعي لي مستقبلي الفني ..
مستقبلي الفني الآن مرهــون بي ملفاتك الاتنين .. اتنين ديل .. وبيناتهم ( كروس ) باللون الأحمـــر ..

Post: #42
Title: Re: بيان مركبة مكنة تمبس
Author: tmbis
Date: 05-29-2007, 04:36 PM
Parent: #41

يلالا انا ح اديك ســر اللعبة .. بس على شرط الكلام ده بيني وبينك ..
علشان تكوني خطيرة وتنجضي ناس ( اليوتيوب ) تعملي الآتي:
عايني الصورة دي واتبعي الخطوات:

- أول ما تنقري على الملف العايزه تنزليهو .. بيظهر ليك الملف بالشكل الكبير بتاعو.
- تمشي علي ايدك اليمين بتلقي الصورة الخاتيها ليك فوق دي ..
- تنسخي الكود الفي المربع الأحمــر .. ومكتوب عليهو Embed تنسخيهو هنا في بطن البوست ..
- بيجيك كود عامل كدا:

- بعداك في أرقــام جــوه داخل الدائرة باللون الأزرق هي ســر اللعبة تقومي تغيريهــا وتنقصي من درجاته تكون عامله كــدا:
widith="425' .. تحوليها لي 325
height="350' .. تحوليها لي 250
وبعداك تشوتيهو بيظهــر معاك الملف بي شكلو النهائي كدا:

انــا ماشي انوم .. ما اللقاك جطي الدنيا تاني

Post: #43
Title: Re: بيان مركبة مكنة تمبس
Author: القلب النابض
Date: 05-29-2007, 04:45 PM
Parent: #42

بيان خطييييييييييرة خطارة

Post: #49
Title: Re: بيان مركبة مكنة تمبس
Author: bayan
Date: 05-30-2007, 02:42 AM
Parent: #43

Quote: بيان خطييييييييييرة خطارة

موش يا قلبنا بالله؟

الايام دي جايني احساس هكر هكر البنتاجون
من التيه والاعجاب بالنفس...

Post: #48
Title: Re: بيان مركبة مكنة تمبس
Author: bayan
Date: 05-30-2007, 02:40 AM
Parent: #39

بزيارتك بيتنا نور زهور وزينة يا جعفر...

ان شاء الله يوم الخميس نركب مكنة تنقو ننزل ليك لحن الخميس
هدية مني..

Post: #44
Title: Re: بيان مركبة مكنة تمبس
Author: صديق الموج
Date: 05-29-2007, 05:09 PM
Parent: #1

Quote: بيان مركبة مكنة تمبس

تصدقوا خمسة مرات اقرأ فيها بيان مركبة مكنة( تيمس)
قلت ياربى بيان ماقت ليها مكنة مرسدس والا همر والا عربية
شوية نضيفة....وما صحح شوفى الا لما الود تمبس جاء ادانا
حصة فى اخلاق تنزيل الاغانى...
واصلهم ناس تمبس ديل ضل دوم...برموا بعيد وحاتك فى الرياض
لى معاهم خمسة سنة والى الان انا غير اكتب واقرأ يضرو لى
ما بعرف التكتح لكن حالف الاجازة دى الا ادخل كورس تنزيل
لما انزل ليكم القروش زاتا سنه يا انا...
مبروك المكنة الدايرة عمرة دى يا دكتورة ...هوى بهظر وبتعولق
ساكت،،،،

Post: #45
Title: Re: بيان مركبة مكنة تمبس
Author: Ali Alhalawi
Date: 05-29-2007, 06:03 PM
Parent: #44

أتنين ألف سلام يا بيان

و مبروك مكنة الـ"تيمس" .. أقصد مكنة تمبس .. و مادام كل حاجاتك بقت اتنين اتنين .. ركبى فى الجناح التانى مكنة عمك تنقو .. و تيرى يا تيارة

البت دى غنّاية شديد ..

قالوا فى واحد أحوص بشوف تلاتة تلاتة .. جات واحدة حلوة مارة جنبو .. قال ليها سنة يا البلابل .. البت طلعت أحوص منّو .. ردت: خلاص يا أولاد الحلة إتلميتوا و قعتدوا تشاغلوا فى البنات .. يعود تاريخ هذة النكتة لقبل 1993

Post: #46
Title: Re: بيان مركبة مكنة تمبس
Author: ست البنات
Date: 05-29-2007, 06:42 PM
Parent: #1

بيان العزيزة - سلام - وعشرة على عشرة الليلة !

وانا وحات ربى الليلى مبسوطى منك حد الأنبساط ما يكون !

ويكملك بيعقلك يا الدكتورة الشاطرى وفالحى !

انا ما تقولى عليى منفلهمى وطولت ما اتكلمنا مع بعض أنا كت مشغولى شيوييى عيللى اسع فيضيت.

وبوست راقى .برافو عليك -

ست البنات .

Post: #51
Title: Re: بيان مركبة مكنة تمبس
Author: bayan
Date: 05-30-2007, 02:48 AM
Parent: #46

آبت عمي كيفنك يا حبيبتي
امانة ما فاقداك..
بالحيل عجبني الخبر السمعتو
وسر بالي..

مندلي متين بجاي؟

Post: #47
Title: Re: بيان مركبة مكنة تمبس
Author: الأمين عثمان صديق محمد
Date: 05-29-2007, 07:07 PM
Parent: #1

Quote: والله غلبني .. اتصلت على الامين عثمان قلت ليهو عندك فكرة انو الواحد ينزل الملفين ديل كيف مع بعض كدا .. قال لي دي الا بيان بس ..

تامبا
انا ما نقشت ليك اللعبة
هي ما بتنزل اتنين اتنين
هي بتنزلهم تلاتة تلاتة
اي والله
والتاني في الزحمة كودو بتلحس منو حبة
فيظهر مكانه فاضي
شفت كيف مهندس بيان
مع اني قبل كدا شرحت ليها هنا Re: ضبان ضكر

Post: #50
Title: Re: بيان مركبة مكنة تمبس
Author: bayan
Date: 05-30-2007, 02:46 AM
Parent: #47

Quote: ركبى فى الجناح التانى مكنة عمك تنقو

الحلاوي ياخي بقيت اخاف منك...
انت من اولاد افكاري ولا شنو؟

مفكرة اركب مكنة تنقو وانزل لحن الخميس...

بكرة يجي يقولو على الحلاوي احد اسماء بيان...
اما تلك النكتة ففي السلك..

خلاص يا اولاد الخنفشارية ججيتو تبوظو لي بوستي؟

Post: #52
Title: Re: بيان مركبة مكنة تمبس
Author: bayan
Date: 05-30-2007, 02:51 AM
Parent: #50

اما المدعو تمبس والمدعو اللمين
لا اتحدث مع ناس دون المستوى الملتميدي
لامن اشوف جوز جوز حيكون سياستي معاكم
التجاهل
التجاهل
التجاهل
التجاهل
التجاهل
التجاهل

لكل وحد فيكم مبلغ 3 تجاهل,,,

Post: #53
Title: Re: بيان مركبة مكنة تمبس
Author: نصار
Date: 05-30-2007, 03:53 AM
Parent: #1

العزيزة بيان

شغلط خطير يلا نزلي الطنابير الما خمج
شايفك شابكة الغربا يا ود اعمي و يا بت عمي
وحات ود الحسين لو عندك ود عم هنا دا اياني انا دا رايك شنو؟

تسلمي يا زوق

Post: #54
Title: Re: بيان مركبة مكنة تمبس
Author: bayan
Date: 05-30-2007, 04:14 AM
Parent: #53

" />">

ود العم العزيز نصار
سلامات
اها دي كيف؟

Post: #55
Title: Re: بيان مركبة مكنة تمبس
Author: نصار
Date: 05-30-2007, 04:27 AM
Parent: #1

سلك في السلك من شيخنا ود كرم الله الشرابو لبن
و الاغنية تحكي حالنا في الغربة اللعينة

Post: #56
Title: Re: بيان مركبة مكنة تمبس
Author: bayan
Date: 05-30-2007, 04:37 AM
Parent: #55

Quote: ما بعرف التكتح

قرط على كدا. ورب صدفة خير من ميعاد..

اسع تمبس واللمين الكيش ديل مالهم متجرسين كدا
من الصور الدبول..وقيل تروكواز بس واحد ما ظاهر..
نسيت اقوليك بيتنا نور زهور زينا بزيارتك الغالية دي

انقوم نكوس لي اغنية مناسبة للانغمار الموجي دا..

اما عمرة المكنة فلقد عمرناها
وبقينا نبالغ وفتنا سيدها ذاتو..

Post: #57
Title: Re: بيان مركبة مكنة تمبس
Author: bayan
Date: 05-30-2007, 04:55 AM
Parent: #56

" />">

للموج.... اغنيتي المفضلة..

Post: #58
Title: Re: بيان مركبة مكنة تمبس
Author: أبو ساندرا
Date: 05-30-2007, 05:25 AM
Parent: #1

تمبس
و
خالتو

ينوبكم خير ، في بت فنانة صوتها داااااااافي من بنات نجوم الغد
غنت { صوت السماء } لسيد خليفة
نزلوها هنا

وواحدة تانية غنت : { راجياك يافرحي }

وولد أظنو حفيد محمد أحمد عوض غنى { بعد ده كلو كمان بتشكي ؟ ماكفاية الشفتو منك والله أكتر من ببكي }
وهذه بالتحديد بهديها لخالتك الكتاحة ياتمبس

Post: #59
Title: Re: بيان مركبة مكنة تمبس
Author: bayan
Date: 05-30-2007, 05:51 AM
Parent: #58

المستنيرين يا ابو ساندرا
لازم يدفعو بياض..
عشان نجيب ليهم طلباتهم
ونصار دا طلع من آل البيت
ولذلك تجاوزنا له البياض...

Post: #60
Title: Re: بيان مركبة مكنة تمبس
Author: هاشم أحمد خلف الله
Date: 05-30-2007, 06:17 AM
Parent: #59

Quote: الرجل اللطيف هاشم
بالله كان عارفة البوست دا بيجبك كنا عملناه زمان

شرفت وآنست.. اتمنى انه الاغنية تكون عجبتك..

دكتورة بيان .. اينما وجد الجمال في إي مكان ستجديني هناك دوام , مع عاطر تحياتي .

Post: #61
Title: Re: بيان مركبة مكنة تمبس
Author: bayan
Date: 05-30-2007, 01:44 PM
Parent: #60

شكرا ليك

Post: #62
Title: Re: بيان مركبة مكنة تمبس
Author: bayan
Date: 05-30-2007, 02:22 PM
Parent: #61

" />">

الاهداء لابي ساندرا

Post: #63
Title: Re: بيان مركبة مكنة تمبس
Author: bayan
Date: 05-30-2007, 04:39 PM
Parent: #62

" />">

لتمبس.. يا عايش في دنيا من اوهام خيالك..يا تاعب ضميرك وما رتيان لحالك..

Post: #64
Title: Re: بيان مركبة مكنة تمبس
Author: محمد حسن العمدة
Date: 05-31-2007, 00:36 AM
Parent: #63

Quote: منزله لي الاغنيه اتنين اتنين

ومركبة مكنتين يا ضلامية ؟؟

تاني البلحقك منو انتي

Post: #65
Title: Re: بيان مركبة مكنة تمبس
Author: tmbis
Date: 05-31-2007, 07:47 AM
Parent: #64

Quote: لتمبس.. يا عايش في دنيا من اوهام خيالك..يا تاعب ضميرك وما رتيان لحالك..

..
والله يا بيان المكنــة دي ( طافية ) بلكــات عديل كدا ..
أقول ليك حاجة ...
غيري ليهــا ( الجركس ) وركبي ليهــا ( فرول ) بالنسبة لي النكته بتاعت العجلة الفوق دي .. عجبتني شديد طبعا .. ( تنم عن عبقرية عالية جدا ) للزول بتاع الاكروبات ده ..
..
البخــرة الفوق دي ما نفعت معاك .. والا عاجباكي الملفات البتنزلي فيها اتنين اتنين دي ..

Post: #66
Title: Re: بيان مركبة مكنة تمبس
Author: ABU QUSAI
Date: 06-01-2007, 11:03 PM
Parent: #65

؟؟؟؟؟؟؟

Post: #67
Title: Re: بيان مركبة مكنة تمبس
Author: Sobajo
Date: 06-02-2007, 00:02 AM
Parent: #66

طبعا يا داب فهمت الجوز جوز هو شنو ...