من الاعماق ......... كل القراء والبورداب

Post: #1
Title: من الاعماق ......... كل القراء والبورداب
Author: bayan
Date: 06-03-2007, 03:30 PM

" />">

Post: #2
Title: Re: من الاعماق ......... كل القراء والبورداب
Author: bayan
Date: 06-03-2007, 03:33 PM
Parent: #1

" />">

Post: #3
Title: Re: من الاعماق ......... كل القراء والبورداب
Author: عماد محمود علي
Date: 06-03-2007, 03:45 PM
Parent: #2

يا دكتورة بقيتي خطييييرة ، غايتو يا تمبس تعال أقعد حداي بي جاي ...

Post: #6
Title: Re: من الاعماق ......... كل القراء والبورداب
Author: bayan
Date: 06-03-2007, 04:06 PM
Parent: #3

Quote: غايتو يا تمبس تعال أقعد حداي بي جاي

وين حداك انت ناوي تمشي تسيب البورد؟
تمبس يكوس ليه بلد تانية..(وش مادي لسان لحدي الغاليغ)

تمبس شايف الجوز دا .. ولا عيونك كعبات؟

مع مودتي ليك يا عماد

Post: #4
Title: Re: من الاعماق ......... كل القراء والبورداب
Author: Deng
Date: 06-03-2007, 03:55 PM
Parent: #1

الخالة الظلامية.

المزاج الظريف ده من وين؟

الليلة مالك ضاربة عبار ولا شنوا؟

دينق.

Post: #5
Title: Re: من الاعماق ......... كل القراء والبورداب
Author: هاشم أحمد خلف الله
Date: 06-03-2007, 04:00 PM
Parent: #4

دكتورة بيان رجعنالك وزي ما قلت ليك إينما وجد الجمال والحب والوئام تلقيني معاك دوام

تسلمي يا لطيفة علي حسن الإختيار .

Post: #7
Title: Re: من الاعماق ......... كل القراء والبورداب
Author: Dr.Saeed Zakarya Saeed
Date: 06-03-2007, 04:18 PM
Parent: #5

من الاعماق د بيان
اقف مشبعا بالحزن
وامواج الغربة
تتقاذفني فالتحية
لك علي هذا الجمال

Post: #9
Title: Re: من الاعماق ......... كل القراء والبورداب
Author: bayan
Date: 06-03-2007, 04:25 PM
Parent: #7

Quote: من الاعماق د بيان
اقف مشبعا بالحزن
وامواج الغربة
تتقاذفني فالتحية
لك علي هذا الجمال

من الاعماق نحيك يا رافع الراس يارجل يا عظيم
الف مبروك..
الحفلة متين؟

Post: #13
Title: Re: من الاعماق ......... كل القراء والبورداب
Author: bayan
Date: 06-03-2007, 04:42 PM
Parent: #5

Quote: إينما وجد الجمال والحب والوئام تلقيني معاك دوام

تسلمي يا لطيفة علي حسن الإختيار .

شكرا ليك يا ملك...

نتمنى نكون عند حسن الظن دائما وابدا..

Post: #8
Title: Re: من الاعماق ......... كل القراء والبورداب
Author: bayan
Date: 06-03-2007, 04:18 PM
Parent: #4

Quote: المزاج الظريف ده من وين؟

شوفتا يا دينق الحب المالي قلبي للقراء والبورداب
لا يمكن ان يكمل لانهم اعظم ناس,,,ولانهم اثبتوا
ان الشعب السوداني شعب عملاق ,,,

بعد ايام سيذهب محمد الصغير للعلاج في افضل مستشفى
تحت اعظم جراح بفضل الله اولا وهؤلاء القراء والبورداب
الذين شمروا عن الساعد وحفروا في جيوبهم..
عشان كدا حبيت اوريهم من الاعماق اني بحبهم..
احنوا عليهم يحنوا علي ونملا الدنيا دوام حنية..

Quote: الليلة مالك ضاربة عبار ولا شنوا؟

نعم عبار من المحبة لدرجة تصدق يا دينق حتى انت
حاسة عندك مساحة في قلبي..( دا ما كلام عبابير)
مقربة اقول هيللو دينق هيللو علان هيللو فلان..
ا لوف يو ..

Post: #10
Title: Re: من الاعماق ......... كل القراء والبورداب
Author: Deng
Date: 06-03-2007, 04:28 PM
Parent: #1

Quote: شوفتا يا دينق الحب المالي قلبي للقراء والبورداب
لا يمكن ان يكمل لانهم اعظم ناس,,,ولانهم اثبتوا
ان الشعب السوداني شعب عملاق ,,,

بعد ايام سيذهب محمد الصغير للعلاج في افضل مستشفى
تحت اعظم جراح بفضل الله اولا وهؤلاء القراء والبورداب
الذين شمروا عن الساعد وحفروا في جيوبهم..
عشان كدا حبيت اوريهم من الاعماق اني بحبهم..
احنوا عليهم يحنوا علي ونملا الدنيا دوام حنية..

الله يكتبللطفل محمد السلامة ونجاح العملية كمان.
وشكرا لجميع الذين ساهموا في هذا العمل النبيل.

Quote: نعم عبار من المحبة لدرجة تصدق يا دينق حتى انت
حاسة عندك مساحة في قلبي..( دا ما كلام عبابير)
مقربة اقول هيللو دينق هيللو علان هيللو فلان..
ا لوف يو ..

ما أنحنا من زمان بنقول ليكم عبابيرنا عبابير محبة لكنكم ما بتسمعوا كلامنا.
إنشالله مزاجك يكون طوالي رايق. وعبارك مارق.

دينق.

Post: #36
Title: Re: من الاعماق ......... كل القراء والبورداب
Author: hamid brgo
Date: 06-04-2007, 07:40 AM
Parent: #10

بيان:

Quote: نعم عبار من المحبة لدرجة تصدق يا دينق حتى انت
حاسة عندك مساحة في قلبي..( دا ما كلام عبابير)
مقربة اقول هيللو دينق هيللو علان هيللو فلان..
ا لوف يو

دينق:
Quote: ما أنحنا من زمان بنقول ليكم عبابيرنا عبابير محبة لكنكم ما بتسمعوا كلامنا.
إنشالله مزاجك يكون طوالي رايق. وعبارك مارق.

حامد برقو: حيييي... نحنا الغباش كاتلنا ما تدونا نتمسح.. بدل يدفق في الارض

Post: #11
Title: Re: من الاعماق ......... كل القراء والبورداب
Author: سلمى الشيخ سلامة
Date: 06-03-2007, 04:32 PM
Parent: #1

نجاة الحبيبة بقيت اخاف منك لانى بتخيلك طوالى عاملة (شكلة)
انتى عارفانى من زمان ما بحب المشاكل ولا ناسا ، خليك فى الفن دربو ما بنقطع وسيرتو اجمل من كل سيرة ما وعظ لكن السياسة يا خيتى فى السودان ما حقتنا نحنا ناس فنانين وكفانا فننا الممكن نصلح بيهو السياسيين كان بتصلحو
لكن شايفاك الايام دى بقيتى تانى زولتنا حقت النقد الزمان
ذكرتنى الاغنية دى ايام كنا شفع بنبارى ناس خالتى فاطمة احمد ابراهيم
كان الاتحاد النسائى بعمل احتفالات بشنو ولى شنو ما بتذكر لكن الاغنية دى حفظناها
وكنا بنغنيها فى احتفالات الاتحاد النسائى
بعد داك بقت حلاوتنا
لمن اشتغلت مدرسة حفظتها للبنات فى المدرسة وبقت نشيد مدرسى كامل الدسم
شكرا ليك على الرغم من ان الصوت بجى وبروح
زى العندو ابو الشهيق
وياشباب الغد اسمعنى الجوابا

Post: #17
Title: Re: من الاعماق ......... كل القراء والبورداب
Author: bayan
Date: 06-04-2007, 02:08 AM
Parent: #11

العزيزة سالومي

دائما اسعد بما تكتبينه واحس بالفخر كوننا من نفس الكار...
المسألة احيانا ما سياسة بل ما ينبغي اي يكون
الفنان يخلق من الفوضى نظام....
فقط احاول أستعدال الامور...
ولكن اتمنى ان اكون عند حسن ظنك..
وجديرة بمحبتك..

انه صوتي انا....
ليت تلك الايام عادات..

Post: #18
Title: Re: من الاعماق ......... كل القراء والبورداب
Author: bayan
Date: 06-04-2007, 02:13 AM
Parent: #17

Quote: بيان ياهميمة وحقانية
ياربى المن الاعماق ده
ضرس قديم

سلامات يا بدر

ضرس قديم هو محبة هذا الشعب الانساني الذي شرفني
يتلبية نداء طفل صغير من خلالي...
فقط اود ان اقول شكرا...
وخيرهم مازال يترى وقريبا يسافر الصغير محمد..
اعاده الله الى بلاده وشعبها العظيم معافى..

Post: #12
Title: Re: من الاعماق ......... كل القراء والبورداب
Author: بلدى يا حبوب
Date: 06-03-2007, 04:34 PM
Parent: #1

مرحب بالكتورة بيان
قبل ان اقول ابداع بقل كيف حال
تحياتى

Post: #14
Title: Re: من الاعماق ......... كل القراء والبورداب
Author: بدر الدين الأمير
Date: 06-03-2007, 05:05 PM
Parent: #12

بيان ياهميمة وحقانية
ياربى المن الاعماق ده
ضرس قديم

Post: #15
Title: Re: من الاعماق ......... كل القراء والبورداب
Author: حواء سليمان ابراهيم
Date: 06-03-2007, 05:14 PM
Parent: #14

ايه العظمة دى كلها

يا بيان يا ابهة؟؟

بمناسبة رواقان المزاج دا عملتى

لى شنو بخصوص البت الراسها والف

سيف الإ تمشى تقرأ فى ماليزيا ؟؟

حواء

Post: #16
Title: Re: من الاعماق ......... كل القراء والبورداب
Author: يسرى معتصم
Date: 06-03-2007, 05:27 PM
Parent: #15

دكتورة نجاة
أهى دى نجاة محمود البتحدث عنها أستاذى كارلوس بتقدير وإحترام
بس خليك على كده
تسلمى
ياراقى إحســاســـك
^^^^^^^^^^^^^^^^^^^^^^^^^^

Post: #27
Title: Re: من الاعماق ......... كل القراء والبورداب
Author: bayan
Date: 06-04-2007, 06:09 AM
Parent: #16

شبال للعزيز يسري
شكرا ليك..
ودي المحرية فيك..

Post: #19
Title: Re: من الاعماق ......... كل القراء والبورداب
Author: bayan
Date: 06-04-2007, 02:14 AM
Parent: #15

العزيزة حواء
شكرا ليك على زيارتك الخلت بيتنا زهور وزينة

كدي شوفي ماسنجرك...

Post: #20
Title: Re: من الاعماق ......... كل القراء والبورداب
Author: bayan
Date: 06-04-2007, 02:19 AM
Parent: #12

اووووووووووووو بلدي الحبوب وين يا غالي؟

نحنا كلنا بخير الحمدلله.. انت كيف..
وشكرا ليك وسعيدة بالشوفة

Post: #21
Title: Re: من الاعماق ......... كل القراء والبورداب
Author: ودرملية
Date: 06-04-2007, 02:32 AM
Parent: #20

سلامات
وعوافي
د.بيان
نسال الله ان يشفي محمد وان يلبسه ثوب الصحة القشيب ..
لكن والله بعد دا كلو مبسوط شديد ومافي شي عاجبني غير "مشاغباتكم" انتي ودينق ..
جميل انو الناس "تشرب عبابير انسانية" لانها بتنظف القلب والروح وبتغسل الخلافات والشرور ..
فتعالوا جميعا نقضي ايامنا في حب .. حب لكل شي ومن اجل اي شي .. فقط لتكن قلوبنا طاهرة وعلي فطرتها..نقية وصافية ..
ولكما شديد المحبة والسلام ..

Post: #22
Title: Re: من الاعماق ......... كل القراء والبورداب
Author: bayan
Date: 06-04-2007, 02:51 AM
Parent: #21

Quote: تشرب عبابير انسانية

ود رملية العزيز

الشاربها دينق اسع دي عبابير حقيقية
دينق لما يشرب بتختفي شخصيتو الشرانية المستلفة ويطلع
الانسان الطيب الجواه,,اها اسع الويكند يخلص
ويبقى سوبر يجي يطاردني يا ضلامية يا ضلامية خرمتي الابرة..
وشنقلتي الريكة....

ربنا وحده يعلم مافي القلب وانا لا اكره احد
والمشاغبات مع دينق من الطقطوق ليفوق
ولا ارضى ان تمس شعرة من رأسه لانه من بلادي..

وليك انت يا اجمل زول كل المعزات والتحيات..
موضوع خليل دا تابخنو انت وكيكي؟
الكلام دا بيني وبينك ؤبث...

Post: #23
Title: Re: من الاعماق ......... كل القراء والبورداب
Author: هجو الأقرع
Date: 06-04-2007, 03:35 AM
Parent: #22

د. بيان شكرا على الوصلات الجميلة ، اعجبتنى كلماتك الطيبه فى اخونا دينق ، وانك لا تتمنى له الا كل خير ، هذا عهدنا بك كريمة من نسل كرام ، لم اتشرف بمقابلته لكننى تحدثت معه ، والتقيت من التقاه وهو قمه فى الادب ولبق وود بلد كمان ، اخونا دنيق حساس شويه تجاه بعض القضايا ومعاه بعض الحق ، اتمنى ان تكون هذه بداية لنا كلنا ان نحب ونناقش بمحبة ، لك الود والسلام للاسرة .

Post: #32
Title: Re: من الاعماق ......... كل القراء والبورداب
Author: bayan
Date: 06-04-2007, 06:59 AM
Parent: #23

Quote: اتمنى ان تكون هذه بداية لنا كلنا ان نحب ونناقش بمحبة

دي اقصى واقسى الامنيات... كدي النشوف
عبابير محبة دينق دي بتمشي لقدام ولا لع
شكرا ليك واتمنى اكون عند حسن الظن..

Post: #24
Title: Re: من الاعماق ......... كل القراء والبورداب
Author: ALGARADABI
Date: 06-04-2007, 04:50 AM
Parent: #1

العزيزة بيان
نظرتي فيك أصلو ماخابت
كلو موصلا حدو
علم وثقافة ونقد وقصة وفن وجمال وطيب...( الظلام عندك لكن)
حتي الشماشة بتخرتيهم في البلي والواحد يجي ماسك في طرف توب أمو عايز يرجعو ليهو حقو(لكن هيهات)
تحياتي ليك بالعبار الكبير

Post: #38
Title: Re: من الاعماق ......... كل القراء والبورداب
Author: bayan
Date: 06-04-2007, 09:27 AM
Parent: #24

Quote: نظرتي فيك أصلو ماخابت
كلو موصلا حدو
علم وثقافة ونقد وقصة وفن وجمال وطيب...( الظلام عندك لكن)
حتي الشماشة بتخرتيهم في البلي والواحد يجي ماسك في طرف توب أمو عايز يرجعو ليهو حقو(لكن هيهات)
تحياتي ليك بالعبار الكبير

اها يا قرضاوي شكير ذي دا يطول رقبتي شديد
يخلني ارجع تاني "ازفتن" دينق دا
وعبار المحبة يطير..
شكرا يا ملك وربنا يخلينا عند حسن الظن,,
وليك انت كل المودة وللاسرة..

Post: #25
Title: Re: من الاعماق ......... كل القراء والبورداب
Author: Dr. Ahmed Amin
Date: 06-04-2007, 05:35 AM
Parent: #1

تحياتي دكتورة
الف شكر وربنا يرجع لينا حمودي بالسلامة ...
_________________________________________
تلقى مرادك والفي نيتك
عمق احساسك بحريتك
يبقى ملامح في ذريتك

Post: #33
Title: Re: من الاعماق ......... كل القراء والبورداب
Author: bayan
Date: 06-04-2007, 07:00 AM
Parent: #25

زغرودة و شبال وبشيرة
للدكتور الانسان احمد امين..

واللهم آمين للدعوة الكريمة من اجل الطفل محمد..

Post: #26
Title: Re: من الاعماق ......... كل القراء والبورداب
Author: شادية الطيب
Date: 06-04-2007, 05:53 AM
Parent: #1

من الاعماق ...... نشكرك يا غالية على الاختيار الجميل ده
ربنا يجعل كل ايامك سعادة وهناء

Post: #30
Title: Re: من الاعماق ......... كل القراء والبورداب
Author: محمد الطيب حسن
Date: 06-04-2007, 06:29 AM
Parent: #26

Quote: حتي الشماشة بتخرتيهم في البلي والواحد يجي ماسك في طرف توب أمو عايز يرجعو ليهو حقو(لكن هيهات)

والله يابيان الهلالابي ده عايز يسحرك

اصلو الهلالاب كلهم حاقدين

ادردقي عافيه

Post: #40
Title: Re: من الاعماق ......... كل القراء والبورداب
Author: bayan
Date: 06-04-2007, 09:41 AM
Parent: #30

Quote: اصلو الهلالاب كلهم حاقدين

سلام يا محمد
في اشاعة بتقول انه اي زول هلالابي بيكون مريخابي زعلان..
شكرا ليك على الطلة اللطيفة..
ما تخاف علي من السحر لابسة حجاب..

Post: #39
Title: Re: من الاعماق ......... كل القراء والبورداب
Author: bayan
Date: 06-04-2007, 09:34 AM
Parent: #26

Quote: ربنا يجعل كل ايامك سعادة وهناء

وانت كمال يا الطف انسانة...
ربنا يحفظك ويحفظ اسرتك..

معزتي

Post: #28
Title: Re: من الاعماق ......... كل القراء والبورداب
Author: essam&amal
Date: 06-04-2007, 06:21 AM
Parent: #1

علم وثقافة ونقد وقصة وفن وجمال وطيب...

راااااااااااااااائعة ,,
وبس ,,

محبتى
ام وضاح

Post: #41
Title: Re: من الاعماق ......... كل القراء والبورداب
Author: bayan
Date: 06-04-2007, 10:07 AM
Parent: #28

ام وضاح اختي الحبيبة
شكرا ليك وطلتك بالدنيا يا جبارة الخواطر...

Post: #29
Title: Re: من الاعماق ......... كل القراء والبورداب
Author: أبو ساندرا
Date: 06-04-2007, 06:22 AM
Parent: #1

كتبت سلمى الشيخ سلامة :
Quote: نجاة الحبيبة بقيت اخاف منك لانى بتخيلك طوالى عاملة (شكلة)

والله انا برضو يا سلمى ، مع إختلاف أساسي
أنا دخلت البوست مفتكر إنو بيان عاد لها وعيها
و إنتصرت لحقيقتها ولشهادتها العالية
وقررت أن تكتب إعتذار ل { كل القراء والبورداب }
أي لكل الأعضاء والزوار
لإنخراطها في معارك شخصية لاتفيد جمهور القراء { أعضاء و زوار } في شييء

إلا بس خذلتني يا سلمى
بس خذلان جميل
وياريت تنهمك في الفرح والأغاني
كخطوة أولى سابقة لإنخراطها في مجال تخصصها { النقد الأدبي }
لتعم الفائدة
وماعندنا مانع أن تركز على صلاح أحمد إبراهيم
مش هو برضو خالك يا سلمى ؟

Post: #42
Title: Re: من الاعماق ......... كل القراء والبورداب
Author: bayan
Date: 06-05-2007, 04:03 AM
Parent: #29

Quote: أنا دخلت البوست مفتكر إنو بيان عاد لها وعيها

اها النقوليك يا صديقي اللدود اسع انا خارج الوعي
في غيبوبة فرحة ومحبة غامرة للناس الطيبة دي..

وشوف انا قاعدة في محلتي جا زول خرفان منحني
نوط "المونوبوس" وشغلني في الامن كمان ..
اها جنس دا شنو؟

ما نبوظ البوست المليان محبة دا. حتى دينق بقى
مسيحي بالجد..ظريف ولطيف..
الوعي يا عزيزي ان تكون عادل وامين(ما اخوي)
وشكرا ليك لانك دائما تخلي الزول يحترم
خياراتك لانك بتحترم خياراتو..

Post: #31
Title: Re: من الاعماق ......... كل القراء والبورداب
Author: Dr. Ahmed Amin
Date: 06-04-2007, 06:31 AM
Parent: #1

هدية مخصوصة ليك يا بيان ...

وللجميلة إنعام حيمورة
زينة وعاجباني

Post: #34
Title: Re: من الاعماق ......... كل القراء والبورداب
Author: الطيب شيقوق
Date: 06-04-2007, 07:04 AM
Parent: #31

الحبيب دينق

Quote: الليلة مالك ضاربة عبار ولا شنوا؟

اللييييييييييييلة ده شنو ؟؟؟؟؟؟؟؟ الحق الحق عدل عدل

Post: #35
Title: Re: من الاعماق ......... كل القراء والبورداب
Author: hamid brgo
Date: 06-04-2007, 07:19 AM
Parent: #34

ولله العظيم مبسوط من الغناء و الحوار الاخوي الجميييييل دا

ما قلت ليكم بحبكم كلكم يا قرفانين

Post: #49
Title: Re: من الاعماق ......... كل القراء والبورداب
Author: bayan
Date: 06-05-2007, 04:39 PM
Parent: #35

Quote: ما قلت ليكم بحبكم كلكم يا قرفانين

عثل ؤبث يا برقو..

Post: #43
Title: Re: من الاعماق ......... كل القراء والبورداب
Author: bayan
Date: 06-05-2007, 04:12 AM
Parent: #34

Quote: اللييييييييييييلة ده شنو ؟؟؟؟؟؟؟؟ الحق الحق عدل عدل

الاخ العزيز شيقوق
سلامات كيف انت والاهل

النصائح مثل هذه جدير بها صاحبكم الخرفان الضهبان

اما دينق فأنا كفيلة به واشهد له في معاركنا منذ عام 2002
لم يفعل ما فعله الضهبان الخرفان ...

واني مبحرة تجاه عمان قريبا..

Post: #54
Title: Re: من الاعماق ......... كل القراء والبورداب
Author: Tagelsir Elmelik
Date: 06-06-2007, 02:47 AM
Parent: #34

فى انتظار المزيد من مختاراتك المبدعة

Post: #37
Title: Re: من الاعماق ......... كل القراء والبورداب
Author: انعام حيمورة
Date: 06-04-2007, 09:11 AM
Parent: #1

د. بيان

وانا من اعماقي سعيدة بالعمل معك لكن كدي اديني فرصة النوري الناس ديل شعوري تمرحل كيف ...

عندما فتحت بيان بوست الطفل محمد ... طوالي بدون اي تفكير دخلت وقررت اني امد يد العون معاها واني اساهم واكون على الاقل حلقة وصل بينها وبين سمر ووالد الطفل ...

وعارفين اول مسنجر داخلي جاني منها قلبي قعد يدق دق دق ..

لكن كنت مقررة بيني وبين نفسي باني اعمل معها وما لي اي علاقة بي شكلها ولا بي كلمها البتسوي فيه في البورد دا ...

المهم مدورة معاي الطفل محمد .. الطفل محمد .. الطفل محمد ... وبيني وبينكم اصلا ما قصرت معاي اي مسنجر داخلي يجيها بي خصوص الطفل محمد تقوم ترسلوا لي (لزوم المتابعة وكدة) ...

وبرضو كمان كنت خاتة ليها صورة في ذهني (( ضلامية وحالتها صعبة وعاملة كيف كيف)) الى انه في يوم ما بعيد شفت صورتها عن طريق الصدفة ....

وطوالي جيت حكيت ليها ياخي انا خاتة عنك كدة وكدة والمهم بقى في بينا نوع من التفاهم ... وانا والله سعيدة بي التفاهم دا .. عارفين ..

حقيقة من الاعماق ..........

شكرا لك د. احمد امين على الاهداء

وسنكون معا الى ان يعود الطفل محمد بالسلامة وبعد داك النشوف البحصل شنو تاني ...

لك ودي بيان ... لكم ودي البورداب ... لكم ودي القراء ..

انعام حيمورة

Post: #44
Title: Re: من الاعماق ......... كل القراء والبورداب
Author: bayan
Date: 06-05-2007, 04:34 AM
Parent: #37

Quote: وطوالي جيت حكيت ليها ياخي انا خاتة عنك كدة وكدة والمهم بقى في بينا نوع من التفاهم

هاهاهاهاها ياا نعام.. تعرفي يانعام
وقعتي ضحية الكيبوردات المسمومة "والديمنازينق للاخر" لكن لانك زولة تمام
وحرة التفكير والارادة طلعتي من الفلم دا وانا كسبت صديقة..

قبل فترة جاني تلفون من صديق عزيز بعد كثير من التشهدات
واللهالات والتعويذات. قالي انت يا نجاة جنيتي؟
قلت ليه مالك؟
قالي انا طوالي بقرا بيان الظلامية الكوزة.. بس قالي
في زول قالي تعرف بيان دي منو؟
قال قلت ليه لا.. قاليه دي نجاة محمود
وقال الي الضحك شرطنا...
قالي خارجي نفسك من البورد دا بسرعة لانه خرب روحك.
هذا الصديق لم يراني منذ مرحلة الطلب..
ولذلك تجدي يا انعام الناس الذين يعرفونني من زمان
باقين على العهد وعارفين انه العجلة الاعلامية الشيطانية
عايزة تظهرني باني شيطان..
وفاهمين انا بكتب شنو وليه..
والناس القلبها صافية وبتشوف الحق عارفة الحقيقة
والحمدلله ربنا دائما بيساقط الما نافعين ويبقوا الناس النافعة الخيرة ذيك..
وانا سعيدة بانه من مآساة محمد طلعت بصاحبة تغطي عين الشمس..
انسانة انسانية..ذيك تسند الضهر..
وما همانا ما دام انعام معانا..
ومعا لحين علاج محمد ونلتقي في الخرطوم الشتاء القادم باذن الله..

Post: #45
Title: Re: من الاعماق ......... كل القراء والبورداب
Author: bayan
Date: 06-05-2007, 04:45 AM
Parent: #44

Quote: هدية مخصوصة ليك يا بيان ...

وللجميلة إنعام حيمورة
زينة وعاجباني

يا سلام عليك يا دكتور يا انسان
تعرف الناس الذيك هي البتخلي المحل دا محتمل...
مقبولة

Post: #46
Title: Re: من الاعماق ......... كل القراء والبورداب
Author: salma subhi
Date: 06-05-2007, 05:58 AM
Parent: #45

بيان ....تحياتي

ومن أعماقنا نصبح ونمسّي عليك بالكلام الجميل.وفعلاً هذا الصوت الطفولي الرنّان الساحر منذ أن سمعته هو في الأعماق.

الطفلة مي من ألطف ما رأت عيناي وتستحق أن تكون نجمة من نجوم الغد....غايتوا عسل عسل عسل ربنا يحفظها.

مودتي

Post: #47
Title: Re: من الاعماق ......... كل القراء والبورداب
Author: عبدالغني كرم الله بشير
Date: 06-05-2007, 08:51 AM
Parent: #46

ومن اعماقنا،
بنتمى لك المحبة، والجمال والبهاء دوما، فخلق الغبار سهل، في عيون القراء، ولكن جلب الصفاء هو المحك، فضرب أي برميل بحجر صغير، يزعج الجميع، وخلق العزف بأوتار المغني، يحتاج لتمارين، وموهبة، وعبقرية، حتى يلطف ويحلق بالجميع في السماوات الإنسانية.. ولاشك سمعتي بمزامير دواد، فحين يغضب الملك، كان يجئ بداوؤد ويحوله إلى حمل وديع، وهكذا الفن، بكل ضروبه، عبر القرون، هو شد البشر نحو الإنسانية، وليس استدراجهم نحو مساقط الغرائز الأولى في الغضب والغرور المفتعل...

ولك أعظم الامنيات..

Post: #50
Title: Re: من الاعماق ......... كل القراء والبورداب
Author: bayan
Date: 06-06-2007, 01:49 AM
Parent: #46

سلمي يا ست البنات

والله الشافعة ما شافعة تصاح ربنا يخليها ويحفظها
بالجد مبهرة...

ومودتي

Post: #48
Title: Re: من الاعماق ......... كل القراء والبورداب
Author: محمد راسخ
Date: 06-05-2007, 01:11 PM
Parent: #1

العزيزة
الدكتورة بيبو

والله ماعارفتك .. روقة مزاج .. وحسن إختيار .. بعيداً عن الشمار، وكل حروف الشين والشعر والشعيرية والشيو..

حضور .. وزهور .. وأنبهار .. وحبور

لك الود

Post: #51
Title: Re: من الاعماق ......... كل القراء والبورداب
Author: bayan
Date: 06-06-2007, 01:55 AM
Parent: #48

الاديب الاريب كرم
شكرا لك بزيارتك بوستنا نور زهور وزينة
الفن يخلق الجمال الذي بدوره يصنع الوعي
ويخلق من الفوضى نظام...

ما يحدث في المنبر محاولة استعدال لاشياء
خطأ.. والسكوت عنها خطأ كبير..

لك التحية والمودة

Post: #52
Title: Re: من الاعماق ......... كل القراء والبورداب
Author: bayan
Date: 06-06-2007, 01:58 AM
Parent: #48

Quote: والله ماعارفتك

لكن انا عرفتك وطرت لافوق..
كم سعيدة بك.. واسع انا اسبيتشليس

اي حاجة سمحة ولكمة سمحة ليك
لامن اجيب ليك اغنية..
خليك معانا..

Post: #53
Title: Re: من الاعماق ......... كل القراء والبورداب
Author: bayan
Date: 06-06-2007, 02:39 AM
Parent: #52

" />">

Post: #55
Title: Re: من الاعماق ......... كل القراء والبورداب
Author: Tagelsir Elmelik
Date: 06-06-2007, 02:53 AM
Parent: #53

يا نجاة
ما عندك حبة عافية تانى؟؟
دى حاجة ما تخلص

Post: #58
Title: Re: من الاعماق ......... كل القراء والبورداب
Author: bayan
Date: 06-06-2007, 08:04 AM
Parent: #55

" />">

من ارى الملك في في بيتنا؟

هذه الاغنية لك ايها الرجل اللطيف...
شكرا للزيارة

Post: #68
Title: Re: من الاعماق ......... كل القراء والبورداب
Author: Tagelsir Elmelik
Date: 06-06-2007, 02:38 PM
Parent: #58

Do I feel special ..or what??
Thanx ya Najat

Post: #56
Title: Re: من الاعماق ......... كل القراء والبورداب
Author: غباشي
Date: 06-06-2007, 03:01 AM
Parent: #1

دكتورة بيان
إن شاء في ميزان الحسنات ليك و لكل المتبرعين ...
حقيقة أشعر بالخجل لعدم المشاركة لكن النية واصلة

العزيز دينق
Quote: ما أنحنا من زمان بنقول ليكم عبابيرنا عبابير محبة لكنكم ما بتسمعوا كلامنا.
إنشالله مزاجك يكون طوالي رايق. وعبارك مارق.

صدقني كل يوم بتزيد معزتي ليك وبتكبر في نظري لأنك سوداني أصيل ودي المحرية فيك
بارك الله فيك ياخوي و دي شوية عليك لأنك شخص جدير بالإحترام
ربنا يديم المحبة الموجودة أصلا

Post: #57
Title: Re: من الاعماق ......... كل القراء والبورداب
Author: نجوان
Date: 06-06-2007, 06:05 AM
Parent: #56

والنيّة واصلة هنا برضو يا بيان..

ألف شكر لمجهودك.. أختي الكريمة..
وللنغم الجميل..
يا ســـــلام على بنيّاتنا!

Post: #60
Title: Re: من الاعماق ......... كل القراء والبورداب
Author: bayan
Date: 06-06-2007, 08:12 AM
Parent: #57

" />">

Quote: والنيّة واصلة هنا برضو يا بيان..

اكثري لمحمد من الدعاء.. وشكرا لك للاحساس الجميل

الذي لا يضاهيه شيئ
وهاكي البنية دي يا حبيبة..

Post: #59
Title: Re: من الاعماق ......... كل القراء والبورداب
Author: bayan
Date: 06-06-2007, 08:08 AM
Parent: #56

Quote: إن شاء في ميزان الحسنات ليك و لكل المتبرعين ...
حقيقة أشعر بالخجل لعدم المشاركة لكن النية واصلة

غباشي شكرا للشعور الجميل
نيتك واصلة ربنا يقدرك على عمل الخير وما بتقصر...

Quote: ربنا يديم المحبة الموجودة أصلا

اها كمان ما تبالغ كدي.. اوعى تكون شغال بمدرسة
كترت الريد دعي وقميد..
بعدين دينق دا لما يشكروا بيقلب.. ما تكبر راوس
اتخيل دينق دا بلا كبرة راس مكرهنا شوف لا كبرت ليه راسو..
طوالي يجي يا ضلامية يا ضلامية..

Post: #61
Title: Re: من الاعماق ......... كل القراء والبورداب
Author: خالد عبد الله محمود
Date: 06-06-2007, 08:17 AM
Parent: #59

يا دكتورة

Quote: في اشاعة بتقول انه اي زول هلالابي بيكون مريخابي زعلان..

بس أوعك تكوني مريخابية!!!!!
نحن لسه ما فقنا من صدمة رجاء العباسي ؟؟
ضربتين في الرأس بتوجع

و ربنا يكتب سلامة حمودي

Post: #62
Title: Re: من الاعماق ......... كل القراء والبورداب
Author: bent-elassied
Date: 06-06-2007, 08:29 AM
Parent: #61

يا سلام بيان

داومي علي المزاج الابداعي

Quote:

و ربنا يكتب سلامة حمودي

ودمتي

Post: #78
Title: Re: من الاعماق ......... كل القراء والبورداب
Author: bayan
Date: 06-07-2007, 03:13 AM
Parent: #62

بت الاسيد بت عطبرة الماجدة

لك التحية...والمودة

يا ربي جيتك دي بلقى ما يناسبها
في اليوتيوب؟
كدي النخفس...
ونجيك بالبيشبه سماحتك ولطفك..

Post: #63
Title: Re: من الاعماق ......... كل القراء والبورداب
Author: Deng
Date: 06-06-2007, 09:35 AM
Parent: #1

Quote: حامد برقو: حيييي... نحنا الغباش كاتلنا ما تدونا نتمسح.. بدل يدفق في الارض

حبيبنا حامد برقو.

أنا عباري ياهو العبار سيد الاسم.
بيان قالت عبارا عبار محبة.
بريمة قال عبارو عبار لبن.

أنت داير من ياتو عبار؟
وأعمل حسابك من بين العبابير التلاتة ديل في عبابير مضروبة.

دينق.

Post: #65
Title: Re: من الاعماق ......... كل القراء والبورداب
Author: hamid brgo
Date: 06-06-2007, 09:54 AM
Parent: #63

Quote: حبيبنا حامد برقو.

أنا عباري ياهو العبار سيد الاسم.
بيان قالت عبارا عبار محبة.
بريمة قال عبارو عبار لبن.

أنت داير من ياتو عبار؟
وأعمل حسابك من بين العبابير التلاتة ديل في عبابير مضروبة.

طيب انتو وكت سمحين زي دا ما تتكلموا..... الحسادة ليكم شنو
والله كلكم حلوين

بعدين انا الفلس بسبب لي القرف..و الرغبة في صناعةالمشكلة. انتو مالكم

Post: #64
Title: Re: من الاعماق ......... كل القراء والبورداب
Author: Deng
Date: 06-06-2007, 09:50 AM
Parent: #1

Quote: سلامات
وعوافي
د.بيان
نسال الله ان يشفي محمد وان يلبسه ثوب الصحة القشيب ..
لكن والله بعد دا كلو مبسوط شديد ومافي شي عاجبني غير "مشاغباتكم" انتي ودينق ..
جميل انو الناس "تشرب عبابير انسانية" لانها بتنظف القلب والروح وبتغسل الخلافات والشرور ..
فتعالوا جميعا نقضي ايامنا في حب .. حب لكل شي ومن اجل اي شي .. فقط لتكن قلوبنا طاهرة وعلي فطرتها..نقية وصافية ..
ولكما شديد المحبة والسلام ..

الاخ ود رملية.

شكرا لأعترافكم التام بعبابيرنا وبي مفعولها الساحر.

دينق.

Post: #66
Title: Re: من الاعماق ......... كل القراء والبورداب
Author: Deng
Date: 06-06-2007, 09:56 AM
Parent: #1

Quote: ود رملية العزيز

الشاربها دينق اسع دي عبابير حقيقية
دينق لما يشرب بتختفي شخصيتو الشرانية المستلفة ويطلع
الانسان الطيب الجواه,,اها اسع الويكند يخلص
ويبقى سوبر يجي يطاردني يا ضلامية يا ضلامية خرمتي الابرة..
وشنقلتي الريكة....

بيان.

أول حاجة لازم تعرفيها أنوا مفعول عبابيرنا ما بقيف, وقلوبنا دائما مليئة محبة للجميع, أوا كما قال شاعر العبيابير.
القلوب الملونة الملولوة المعلقة في شجر المنقة. ياها دي قلوبنا زاتا. ويحيا شاعرنا الكبير.

دينق.

Quote: ربنا وحده يعلم مافي القلب وانا لا اكره احد
والمشاغبات مع دينق من الطقطوق ليفوق
ولا ارضى ان تمس شعرة من رأسه لانه من بلادي..

أعملي حسابك بجوك الجماعة هسع يكفروك.

دينق.

Post: #67
Title: Re: من الاعماق ......... كل القراء والبورداب
Author: hamid brgo
Date: 06-06-2007, 10:04 AM
Parent: #66

Quote: أعملي حسابك بجوك الجماعة هسع يكفروك.

دينق

عبدالحي يوسف أخد عضوية المنبر....؟
يا بكري ابوبكر دا باس وورد بتاعك

Post: #69
Title: Re: من الاعماق ......... كل القراء والبورداب
Author: Deng
Date: 06-06-2007, 04:56 PM
Parent: #1

Quote: د. بيان شكرا على الوصلات الجميلة ، اعجبتنى كلماتك الطيبه فى اخونا دينق ، وانك لا تتمنى له الا كل خير ، هذا عهدنا بك كريمة من نسل كرام ، لم اتشرف بمقابلته لكننى تحدثت معه ، والتقيت من التقاه وهو قمه فى الادب ولبق وود بلد كمان ، اخونا دنيق حساس شويه تجاه بعض القضايا ومعاه بعض الحق ، اتمنى ان تكون هذه بداية لنا كلنا ان نحب ونناقش بمحبة ، لك الود والسلام للاسرة .

الاخ العزيز هجو.

شكرا لك كتير وعلى مدحك الزائد لشخصي الضعيف.

دينق.

Post: #70
Title: Re: من الاعماق ......... كل القراء والبورداب
Author: Deng
Date: 06-06-2007, 05:01 PM
Parent: #1

Quote: اها يا قرضاوي شكير ذي دا يطول رقبتي شديد
يخلني ارجع تاني "ازفتن" دينق دا
وعبار المحبة يطير..
شكرا يا ملك وربنا يخلينا عند حسن الظن,,
وليك انت كل المودة وللاسرة..

بيان.

وأنا جاهز في أي زمان وأي مكان. بالذات في ما يختص بالقضايا الرئيسية.

دينق.

Post: #71
Title: Re: من الاعماق ......... كل القراء والبورداب
Author: Deng
Date: 06-06-2007, 05:05 PM
Parent: #1

Quote: اللييييييييييييلة ده شنو ؟؟؟؟؟؟؟؟ الحق الحق عدل عدل

الاخ الطيب شيقوق.

عادي جدا وما فيها اي حاجة. بيان ليست السودانية أو المرأة الاولى التي تضرب عبابير.
وزي ما شايف هي نفسها قالت عبابيرها عبابير محبة. لك كل الود يا عزيزي.

دينق.

Post: #72
Title: Re: من الاعماق ......... كل القراء والبورداب
Author: Deng
Date: 06-06-2007, 06:14 PM
Parent: #1

Quote: صدقني كل يوم بتزيد معزتي ليك وبتكبر في نظري لأنك سوداني أصيل ودي المحرية فيك
بارك الله فيك ياخوي و دي شوية عليك لأنك شخص جدير بالإحترام
ربنا يديم المحبة الموجودة أصلا

العزيز غباشي.

تسلم تسلم كتير يا أمير.
شكرا لك يا عزيزي.

دينق.

Post: #73
Title: Re: من الاعماق ......... كل القراء والبورداب
Author: Deng
Date: 06-06-2007, 06:17 PM
Parent: #1

Quote: اها كمان ما تبالغ كدي.. اوعى تكون شغال بمدرسة
كترت الريد دعي وقميد..
بعدين دينق دا لما يشكروا بيقلب.. ما تكبر راوس
اتخيل دينق دا بلا كبرة راس مكرهنا شوف لا كبرت ليه راسو..
طوالي يجي يا ضلامية يا ضلامية..

بيان أحسن لك تتمتعي بالبوست العسل ده.
لأنوا زي ما عارفة العسل ده لن يدوم كثيرا.

دينق.

Post: #74
Title: Re: من الاعماق ......... كل القراء والبورداب
Author: Kostawi
Date: 06-06-2007, 06:41 PM
Parent: #73

الظلامي الكوز دينق

يا زول أنت أعتزلت عبابير الجن و الأوزو?
و أصبحت تتعاطى الريد واين المعتق

كرمبا
______________________________
يا كافي البلا لا سمع و لا شوف-- في بوست الظلامية بيان. يا دينق الظلامية دي خاتا شنو في البوست ده? جاوبني بعد العبار التاني.
الكفار حطب النار

Post: #75
Title: Re: من الاعماق ......... كل القراء والبورداب
Author: Deng
Date: 06-06-2007, 09:34 PM
Parent: #1

Quote: الظلامي الكوز دينق

يا زول أنت أعتزلت عبابير الجن و الأوزو?
و أصبحت تتعاطى الريد واين المعتق

كرمبا
______________________________
يا كافي البلا لا سمع و لا شوف-- في بوست الظلامية بيان. يا دينق الظلامية دي خاتا شنو في البوست ده? جاوبني بعد العبار التاني.
الكفار حطب النار

يا كوستاوي.

بيان ضربت ليها عبار من عبابيري الكاربة وصارت زولة بتاعت عمل خير, وظلاميتا اليومين ديل في إجازة مفتوحة.

دينق.

Post: #76
Title: Re: من الاعماق ......... كل القراء والبورداب
Author: Kostawi
Date: 06-06-2007, 10:21 PM
Parent: #75

يا دينق

الناس دي بتمدح في الظلامية دي ليه?

أنا لا سامع صوت ولا شايف صورة.

ورونا ما تجننونا

كرمبا
_____________________________________
عبار دينق شبك في عبار بيان يقدر عبار بيان يشبك في عبار دينق زي ما......الخ

Post: #77
Title: Re: من الاعماق ......... كل القراء والبورداب
Author: bayan
Date: 06-07-2007, 03:09 AM
Parent: #76

Quote: بس أوعك تكوني مريخابية!!!!!

سلامات يا خالد

تعرف ما عندي شغلة خالص بالكورة وما بعرفها...
يوم جايين في السوق العربي الكلام دا اول التمانينات
اها لقينا امة محمد كلها هناك وناس ماشة بلا قمصان
سالنا ديل شنو؟
قالو كان في لعبة بين الهلال والمريخ والناس الماشة بلا قمصان دي حرقو
قمصانهم..
بس قلت يا الله كان كاتب لي راجل من الرجال ديل ان شاء تطسني عربية اسع..

بعداك مواصفات احلامي بعد كانت

ان يكون وسيما مثقفا متعلما متدينا من غير تنطع كريم ما بتاع بنات
بقت بس ما بحب الكورة..
اها الحمدلله اليوم داك ما طستني عربية والزول الازوجتو ما كان في "الهيلمة" ديك
ما بحضر حتى كأس العالم مع المواصفات اعلاه..
اها اطمن انا لا مع ديل ولا دلاك..

ودمت يا اخي

Post: #79
Title: Re: من الاعماق ......... كل القراء والبورداب
Author: Khalid S Yosif
Date: 06-07-2007, 04:05 AM
Parent: #1

العزيزه بيان
تحيه عطره وفى ميزان حسناتك ان شاء المولى
ويجب الا ننسى الاخ بكرى ابوبكر من صالح الدعوات

عندى اقتراحين:
- ان يفرد الاخ بكرى ابو بكر منبر خاص لبوستات مساعدة المحتاجين لان بعض هذه البوسات قد تغطس وما تقب تانى
_ ان يقوم الاخ بكرى بتحصيل رسوم عضويه من اعضاء المنبر على ان يستخدم العائد او جزء منه للتبرع للمحتاجين وما اكثرهم

ودمتى دخرا

Post: #80
Title: Re: من الاعماق ......... كل القراء والبورداب
Author: bayan
Date: 06-08-2007, 08:05 AM
Parent: #79

Quote: الناس دي بتمدح في الظلامية دي ليه?

كدي النتقنع بتوبي حتى اجيك يا الكرمبا
اووووووووووه نسيت انا من القواعد بقيت
النجيك كاشفة..

اها يا الكرمبا اسع في عقلي الجزء دا

شهوة ان تكون الخصومة فى عزها
واضحة
غير مخدوشه بالعناق الجبان
فقبلات من لااود حراشف سردينة
وابتسامته
شعرة فى الحساء*

يلا ورينا انت واقف وين؟

___________
من قصيدة الشهوات للبرغوثي

Post: #81
Title: Re: من الاعماق ......... كل القراء والبورداب
Author: Ishraga Mustafa
Date: 06-08-2007, 08:40 AM
Parent: #80

سلامات يابيان

غايتو لو ماسمعت بعض الغنا الجميل المن اعماقك دى ماكنت حا اقدر ابتسم من صباح الجمعة دى
جمعة يابت امى غير جمعنا الهناك..

شكرا يابيان

____________________________

تمبس تانى مابياكل معاك عيش يانجاة مادام عرفتى جنس المصائب دى انا ليوم الليلة صورة مابعرف انزلها شفتى الجهل ده كيف

Post: #82
Title: Re: من الاعماق ......... كل القراء والبورداب
Author: عواطف ادريس اسماعيل
Date: 06-08-2007, 09:09 AM
Parent: #81

د. بيان !!!

جمعة مباركة ,,,

إختيار موفق جدا البت لذيذة وأمورة وبتأدي بصورة رائعة شكرا على هذا الحب اللي من الأعماق ,, ربنا

يسعدك .

Post: #83
Title: Re: من الاعماق ......... كل القراء والبورداب
Author: bayan
Date: 06-08-2007, 11:47 AM
Parent: #82

" />">

دي لدينق بحثت عن اغنية البلاك اوت حقت الليلة
جمعة وبكرة الاثنين لتناسب
العبارات.. ما لقيتها..

Post: #84
Title: Re: من الاعماق ......... كل القراء والبورداب
Author: nile1
Date: 06-08-2007, 12:35 PM
Parent: #83

الأخت العزيزه د. نجاة
ومن الأعماق أشكرك على إيصال صوت الصغير محمد وأسرته إلى هؤلاء الأحبة..جعلها الله في ميزان حسناتكم وردها عليك وعلى أسرتك عافية ورضا وتوفيقا في الدنيا والآخرة

الزاكي

Post: #85
Title: Re: من الاعماق ......... كل القراء والبورداب
Author: bayan
Date: 06-08-2007, 03:03 PM
Parent: #84

" />">

ودي ليك يا الزاكي... شكرا ليك كثيرا على دعمك الكبير المعنوي والمادي
في هذه اللحظات الحرجة من حياة هذه الاسرة المنكوبة..
ربنا يخليك لينا ولاسرتك ويتقبل منك.

Post: #87
Title: Re: من الاعماق ......... كل القراء والبورداب
Author: bayan
Date: 06-08-2007, 03:12 PM
Parent: #82

Quote: إختيار موفق جدا البت لذيذة وأمورة وبتأدي بصورة رائعة شكرا على هذا الحب اللي من الأعماق ,, ربنا

سلام يا عطوفة
بالله موش حاجة مفرحة.. شوفتي الجيل البقولينا يا خالتو شديد كيف؟
محبتي

Post: #86
Title: Re: من الاعماق ......... كل القراء والبورداب
Author: bayan
Date: 06-08-2007, 03:10 PM
Parent: #81

Quote:
غايتو لو ماسمعت بعض الغنا الجميل المن اعماقك دى ماكنت حا اقدر ابتسم من صباح الجمعة دى
جمعة يابت امى غير جمعنا الهناك
..

صديقتي العزيزة
كيفك انت يا حبيبتي ...
سعيدة باني فرحتك.. ربنا يفرحك دائما ويحفظك,,,

Post: #88
Title: Re: من الاعماق ......... كل القراء والبورداب
Author: Kostawi
Date: 06-08-2007, 05:46 PM
Parent: #86

أنا قلت ليك ما شايف أي حاجة في البوست. هل ممكن وضع اللنك في البوست عشان نكون في الصورة.

و بعدين ما تقطعي كلامي و تعملي البت مستنيرة و كاني ماني.

يلا هاتي اللنكات

Post: #90
Title: Re: من الاعماق ......... كل القراء والبورداب
Author: bayan
Date: 06-09-2007, 02:33 AM
Parent: #88

http://www.youtube.com/watch?v=d4u3ybU1huI

دا اللنك يا ولدي كوستا...

Post: #89
Title: Re: من الاعماق ......... كل القراء والبورداب
Author: عبد المنعم ابراهيم الحاج
Date: 06-08-2007, 06:04 PM
Parent: #86

العزيزة بيان قلنا نحصل السكرة
قبل عبابير المحبة تكمل...وان أقول
الليلة الدكتورة"يني" مازيها
بعد ليقيت محبتك فايضة..لحدي
ماشملت العزيز دينق ذاتو..
ودفقت ملت عصب البورد..
التحية لك وربنا يشفي زهرة البراءة
الطفل محمد ونسمع عنو كل خير.

Post: #91
Title: Re: من الاعماق ......... كل القراء والبورداب
Author: bayan
Date: 06-09-2007, 02:39 AM
Parent: #89

Quote: بعد ليقيت محبتك فايضة..لحدي
ماشملت العزيز دينق ذاتو..

دينق دا المابيني وقاطعها معاي ناشف بس انا بتمها ليه
لكن من سنوات علاقة توم ان جيري دي شغالة
مرات تهدأ ومرات تقوم.. الايام دي رايق كدي
قالو اشترى ليه رابوت يمد اليه العبارات
وهو حاتل جنمب الكمبويتر ما بدي فرقة عشان السكرة تفك..
مبرمج وكدا.
بس كان الرابوت دا باظ الله معاي شهر العسل حينتهي
وارجع ضلامية بت لذينا...
وليك التحية..وعايزين دعواتكم للطفل..

Post: #92
Title: Re: من الاعماق ......... كل القراء والبورداب
Author: Deng
Date: 06-09-2007, 02:49 AM
Parent: #1

Quote: دينق دا المابيني وقاطعها معاي ناشف بس انا بتمها ليه
لكن من سنوات علاقة توم ان جيري دي شغالة
مرات تهدأ ومرات تقوم.. الايام دي رايق كدي
قالو اشترى ليه رابوت يمد اليه العبارات
وهو حاتل جنمب الكمبويتر ما بدي فرقة عشان السكرة تفك..
مبرمج وكدا.
بس كان الرابوت دا باظ الله معاي شهر العسل حينتهي
وارجع ضلامية بت لذينا...
وليك التحية..وعايزين دعواتكم للطفل..

بيان.

بالله ما تخربي مزاجي.

أنا اليومين ديل مستمتع بالبحر وبي مواتر المويه(جيت سكيي)
وبالليل في عبابيري ونهائي دوري كرة السلة الامريكية بين سان أنتونيو تكساس وكليفلاند أوهايوا.
ما تخربي المزاج ده وبجيك صادي بعد تلاتة أسابيع تاني. خليك جاهزة بس. وقولي لي بقية الظلاميات خليكن جاهزات الكلام ده طبعا موجه للقلب النابض وبت الاحفاد, واليومين ديل في كوكوب جديدي أسمها شادية الطيب مصرة تقول أنها ما كوزة.

دينق المبسوط.

Post: #93
Title: Re: من الاعماق ......... كل القراء والبورداب
Author: bayan
Date: 06-09-2007, 03:08 AM
Parent: #92

Quote: دينق المبسوط.

اها يا دينق مع انك بقيت صاحبي وكدي
نديك درس تستفيد منه في العراق.. مجانا
عدادي 100$ في الساعة بس عشانك بلاش..
لزوم الراية البيضاء و التايم اوت وكدا

اوعي تقول لعراقي انك مبسوط
البسط في العراق يعني مجلود او مضروب...
فانا مبسوط معناها انا مجلود او مضروب..
وربنا يدوم الانبساطة
متخيلة الرابوت حقك مغطينو ببلاستيك عشان الموية

بعدين في شاطئ كدا في فلوريدا اوعى تمشيه
فيه الجماعة ديلاك...
دي نصيحة سياحية هوادة برضو مجانا..
بيان صديقة دينق الروح بالروح لحين اخطار آخر..

Post: #94
Title: Re: من الاعماق ......... كل القراء والبورداب
Author: Deng
Date: 06-09-2007, 03:21 AM
Parent: #1

Quote: اها يا دينق مع انك بقيت صاحبي وكدي
نديك درس تستفيد منه في العراق.. مجانا
عدادي 100$ في الساعة بس عشانك بلاش..
لزوم الراية البيضاء و التايم اوت وكدا

اوعي تقول لعراقي انك مبسوط
البسط في العراق يعني مجلود او مضروب...
فانا مبسوط معناها انا مجلود او مضروب..
وربنا يدوم الانبساطة
متخيلة الرابوت حقك مغطينو ببلاستيك عشان الموية

بعدين في شاطئ كدا في فلوريدا اوعى تمشيه
فيه الجماعة ديلاك...
دي نصيحة سياحية هوادة برضو مجانا..
بيان صديقة دينق الروح بالروح لحين اخطار آخر..

صديقيني أنا أكتر زول بعرف الخليجين ديل.
بعدين الجماعة "ديلاك أنتي قاصدة الGays؟
نحن عندنا سياسة أسمها"Don't Ask Don't tell"

Deng

Post: #95
Title: Re: من الاعماق ......... كل القراء والبورداب
Author: bayan
Date: 06-10-2007, 03:28 AM
Parent: #94

Quote: عندى اقتراحين:
- ان يفرد الاخ بكرى ابو بكر منبر خاص لبوستات مساعدة المحتاجين لان بعض هذه البوسات قد تغطس وما تقب تانى
_ ان يقوم الاخ بكرى بتحصيل رسوم عضويه من اعضاء المنبر على ان يستخدم العائد او جزء منه للتبرع للمحتاجين وما اكثرهم

الاخ العزيز
الاقتارح الاول اذا حصل لن يفيد كثيرا لانه لا احد سيفتح بورد
المحتاجين فأحسن حاجة يكون في المنبر العام
اما اقتراح رسوم للعضوية دي عمليا صعبة لانه الكتاب من جميع انحاء العالم..

يخلوها مفتوحة للناس.. عندما بدأت حملتنا لمحمد
كنا نتوقع نصف المبلغ المحدد للعملية في السودان
وصل هذا النداء الى كل الناس في جميع انحاء العالم
والناس دي لبت النداء...
والغريبة ان يشترك معنا في تلبية النداء اخ فلسطيني
ودي بتوريك ان البورد دا بيقروه ناس من جميع الجنسيات..
وعن قريب سيذهب محمد الى مستشفى تخصصي في الهند..
واليوم وصلت رسسالة من اخ كريم في امريكا
اتصل بنا منذ ان سمع نداء محمد
وهو الان يسعى ان يجد له طريقة في مستشفى تخصصي..
العفوية والتلقائية في عمل الخير هي الافضل..

اتمنى ان ينال اقتراحك مزيدا من النقاش
ولك الشكر الجزيل..

Post: #96
Title: Re: من الاعماق ......... كل القراء والبورداب
Author: bayan
Date: 06-10-2007, 03:38 AM
Parent: #95

Post: #97
Title: Re: من الاعماق ......... كل القراء والبورداب
Author: bayan
Date: 06-10-2007, 03:39 AM
Parent: #96

" />">

الاغنية للحبيبات

شادية ونجوان وعواطف واشراقة..
مع عميق المحبة..

Post: #98
Title: Re: من الاعماق ......... كل القراء والبورداب
Author: bayan
Date: 06-10-2007, 06:55 AM
Parent: #97

" />">

شكرا لكل البورداب والقراء على استجابتهم لنداء انقذوا محمد
وربنا يثبت اجرهم..
هذه الاغنية لكم جميعا ضيوف البوست و القراء..

محبة..

Post: #99
Title: Re: من الاعماق ......... كل القراء والبورداب
Author: عبد الدائم سيد أحمد
Date: 06-10-2007, 01:40 PM
Parent: #1

شكر حار من الاعماق
بس ورينا نشغل السماعة اليمين ولا الشمال
مــــى
الدفعة القدامنا فى نجوم الغد

Post: #100
Title: Re: من الاعماق ......... كل القراء والبورداب
Author: ماجدة عوض خوجلى
Date: 06-11-2007, 02:54 AM
Parent: #1

اختى الحبيبه بيان
شكرا كتير ليك على الجمال ده كله
وانشالله يارب محمد تكون اموره كلها بخير وربنا يشفيه
ويرجع وهو معافى من كل مرض وشر قادر ياكريم
تحياتى

Post: #101
Title: Re: من الاعماق ......... كل القراء والبورداب
Author: عادل جبارة
Date: 06-11-2007, 02:07 PM
Parent: #100

الدكتورة بيان
العلم والأنسانية عندما يلتقيان لابد من ثمرة وها نحن نقطفها ..
فنا وأدبا جما .. ورقي في المخاطبة ... مستمتع جدا بهذا البوست ،
ولك التحية لجهودك الأنسانية المقدرة

Post: #102
Title: Re: من الاعماق ......... كل القراء والبورداب
Author: Dr. Ahmed Amin
Date: 06-17-2007, 04:35 AM
Parent: #1

لكل من شارك من رجال ونساء المنبر {بورداب وقراء}
وياهم ديل الســــودان ....

Post: #103
Title: Re: من الاعماق ......... كل القراء والبورداب
Author: صلاح شعيب
Date: 06-17-2007, 06:53 AM
Parent: #102

تلك الايام نداولها بين الناس يا دكتورة
كان السودان الجمال وأي شئ
من أعلن النعي علي ذلك الومان
كما قال الشاعر هاشم صديق..؟

Post: #104
Title: Re: من الاعماق ......... كل القراء والبورداب
Author: bayan
Date: 06-17-2007, 07:02 AM
Parent: #103

Quote: كان السودان الجمال وأي شئ
من أعلن النعي علي ذلك الومان

ما كان بل مازال والدليل اغاثة الملهوف..
من جميع شتات الارض ارسلت الاموال والدعوات الطيبة..

يتداولنا الساسة التافهون ويبقى الشعب السوداني هو الشعب
السوداني
الاصيل العظيم...
شعب عملاق يقوده اقزام دائما وابدا..
شكرا اهل بلادي ما رجعتوا محمد خائب..

باذن الله زميلنا صلاح لن يعلن احد النعي على ذلك الزمن الجميل..
بقوتنا وتمسكنا بسودانيتنا وتقاليد اهلنا.. تستمر لعبة الكراسي
ونحنا يانا نحنا في اي مكان وزمان

وشكرا لكل من اسهم في الحملة في الغد سيسافر محمد.. باذن الله

Post: #105
Title: Re: من الاعماق ......... كل القراء والبورداب
Author: nile1
Date: 06-17-2007, 08:36 AM
Parent: #104

أختنا الغالية بيان
Quote: شعب عملاق يقوده اقزام دائما وابدا..

لا حول ولا قوة إلا بالله..والله نحن الترابله فعلا ما بنتقدر ولا بنتمسك..كان أسهبنا أطربنا..وكان لخصنا أفحمنا..دا ياهو خير الكلام ماقل ودل زاتو....لخصتي علتنا العمرها 51 سنه

نسأل الله سبحانه وتعالى أن يعيد محمد سالما معافى..وعليكم وعلينا بالدعاء له

Post: #106
Title: Re: من الاعماق ......... كل القراء والبورداب
Author: bayan
Date: 06-20-2007, 02:27 AM
Parent: #105

شكرا لكم محمد في الهند واليوم عمليته
ربنا يحفظوا ويشفيه.. لولاكم لما كان هذا ممكنا..

من الاعماق
قراء وكتاب
لكم المحبة

Post: #107
Title: Re: من الاعماق ......... كل القراء والبورداب
Author: bayan
Date: 06-20-2007, 04:35 AM
Parent: #106

" />">

لكل من ساهم في الحفلة
من قلبي كل المحبة...

Post: #108
Title: Re: من الاعماق ......... كل القراء والبورداب
Author: bayan
Date: 06-20-2007, 11:37 AM
Parent: #107

الحمدلله والشكر لله نجحت العملية

وبالجد اي زول يفتخر بانه سوداني..