قصائد (حداسية) من شعر ما بعد الحداثة.. تجارب ابداعية

Quote: كابتشينو عندما كنت جالسة فى مقعدى الوثير الاثير اقرأ مجموعة فاليرو ماسيمو مانفردى قفزت قطتى السيامية واسقطت كوب الكابتشينو فاندلق الكوب فى كتب سمير امين وادونيس واركون فرفست القطة التى اتصلت وادعت الاضطهاد اتصلت ب911 و اعتقلنى حراس المدينة والقوا بى فى محبس يقع فى الشارع الخمسين بين فاينستريت وكولمبيا وصرخت تبا لتلك القطة اللعينة وطلبت ان امارس حقى المدنى واتصل تلفونيا واتصلت بمكتبة الكونجرس لترسل لى كتب كونديرا راعية --------------------------------------------------------------------------------

ثلوج
ندوف الثلج تسقط كالاقطان
وانا جالس فى بيرجر كنق
وتخيلت
ماذا ان لم تكن هناك جاذبية
فترتفع الندوف
وتحلق
الى اعلى
بدلا عن الهبوط
المقيد بقوانين الطبيعة
تبا لهذا الكوكاين
المغشوش الذى اشتريته
من زنجى رقيع
يقف فى تقاطع القينى مع جيرمان تاون

راعية

Quote: جونق لانى خاوى ظللت ابحث عن الامتلاء وجدت جونق آمنت به آمنت بنظرته للكون واعجبنى اكثر الاربعة ارش تايب الام واعادة الميلاد 1*والروح والتركستر بحثت عن صديقى لادعوه للعوالم جونق التقيته فى البار فى تقاطع رايزنق سن وجيرمانتاون فى مقابلة حوادث جامعة تمبل سعيد سعيد اود ان اخبره بكشفى الجديد وطلبت كاس جن لانى اكره المارتينى الذى ارى انه يتناسب مع النساء اكثر واتى صديقى وجلس ولكن لم استطع ان اخبره بشى لان ضجيج سيارات الاسعاف وطائرت الاسعاف غطى على صوتى النحيل سكرنا ذهب كل فى حال سبيله وبقيت انا وجونق تبا لهذا الضجيج

1*
Jung believed that the unconsios is not merely the hiding place of demons but the province of angels & ministers og grace which he called theARCHETTYEPS symbols of all the inner forces that work tords unity health fullness of life & puposeful consious development,

راعية

معونة


كل خميس استقل التروللى من جيرمان تاون
قرب
شقتى الصغرة
التى تساكنا فيها الجرزان
وتلعب مع ابنتى
وانزل فى القينى
ادلف الى الكلنك
ثم اقف فى صف كبير
من الفقراء
حتى ياتى
دورى آخذ شيكات الويلفير
ثم اعود من ذات الطريق
وكان هذا فى عهد ريقان والصادق
راعية

دكتورة بيان،

لا أدرى ما أذا كنت تودين أخذ النص المنشور هنا جديا أم لا،

عموما أزعجنى أستخدامك لتعبير الزنوج فى سياق التمنيط المعهود من السودانيين الشماليين المهاجرين لأمريكا تجاة الامركان من أصل أفريقى (افرو امركان) فهم تجار المخدرات!!!!!!! أعطاهم الثائر (المسلم) مالكومكس صفة الأفرو أميركان بعد أن كانو نيجروز، و ملونين، وتأتى لتعيدينهم يادكتورة بيان الى التنميط...نيجروز مرة ثانية.

فقد سمعت باذنى كيف أن الكثيرين من المهاجرين السودانين الشماليين فى أمريكا من أساتدذة الجامعات و طلبتها،
و ربات المنازل ألىسائقى التاكسى و عمال المطاعم يرددون تعابير العبيد و الخدم نحو الأفروأمريكيين... و كانهم من الجنس الآرى!!!!يريدون أن يفعلوا مايفعلونة فى السودان تجاة أهل الجنوب و جبال النوبة، ناسيين أو متناسيين أنة لولاء هؤلاء الأفروأمريكيين و نضالهم لما كان هنالك مهاجر أفريقى أو سودانى.....و لما كانوا فى مواقعهم التى فيها أى كانت... و لا يسلم العرب المسلمين من مغارب الأرض و مشارقها من من الأستمتاع بالحريالت المدنية التى
و فرها هؤلاء الفروامركان....

عموما أهديك هذة القصيدة للشاعر أسامة الخواض و التى أستخدم فيها تعبير زنجى ....
و أنت النافدة


أنا ((أرميا)) السودان،
نكاح الدروب،
فآة ياوطنى القمامة،
هل ستبقى و احدا متعددا؟؟
متأكدا متوجسا؟؟
متفردا ، متجذرا؟؟
هل ستمنح سمتك الزنجى قامات الورود الكوكبية

أم سنشرب بيرة النسيان فى بار الحزانى الساذجين؟؟

أسامة الخواض فى كتابة أنقلابات عاطفية.

الاخت رودا شكرا
جزيلا
لم اجد فى القاموس اى كلمة عربية
يعنى بها الاسود البشرة الا كلمة زنجى فهى كلمة تطلق على السحنة السوداء
وبما ان القصيدة بالعربية
لم اسطتيع ان اكتب
يقف على قارعة الطريق
افروامريكان رقيع
وهذا لضرورة شعرية
ولكن بعد ان كتبتها
وجدتها تتناسب مع شعر ما بعد الحداثة
اما عن بيع المخدرات
فى الجيتو الذى عشت فيه لا يوجد تجار مخدرات بيض
لانه فى تقاطع القينى مع جيرمان تاون
اذا كتبت يقف ذلك الابيض الرقيع
ستنتفى صدق التجربة



اما قصيدة المشاء العظيم
اعجبتنى جدا خاصة الاتجاه الى الافرقانة
التى هى سمة العصر والمودة السائدة من مثقفاتية السودان
وانا ارى ان الاعتراف
بالمكونين و الالتزام بعدم اقصاء الاخر هو الحل الوحيد

اهديك الجزء الاخير من قصيدة العودة الى سنار
لترى كيف أن السمندل وصف الحالة التى ستكون بعد ان يتم القبول
للآخر

Quote: وأقولُ: يا شمسَ القبولِ توهّجى فى القلبِ صفيِّنى ، وصفِّى من غبارٍ داكنٍ لغتى ، غنائى. سنَّارُ تسفَر فى نقاءِ الصحو ، جرحاً أزرقا، جبلاً ، إلهاً ، طائراً فهــداً ، حصاناِ ، أبيضاً ، رمحاً كتـــابْ رجعت طيور البحر فَجْرَاً من مسافات الغيابْ. البحر يحلم وحده أحلامه الخضراء فى فوضى العبابْ. البحرُ؟ إنّ البحر فينا خضرة’’ ، حلم’’ ، هيولى ، شجراً ارى ، وأرى القوارب فوق ماء النّهرِ والزرّاع فى الوادى ، وأعراساً تقامُ ، ومأتماً فى الحىِّ ، والأطفال فى الساحات ، والارواح فى ظلَّ الشجيرةِ فى الظهيرةِ حين يبتدىُْ الحديث برنّه اللغة القديمةْ. الشمس تسبح فى نقاء حضورها ، وعلى غصونِ القلب عائلةُ الطيّورِ، ولمعةُُ سحرية’’ فى الريحِ ، والأشياء تبحر فى قداستها الحميمةْ. وتموج فى دعةٍ ، فلا شىءُُ نشازُُ كلُّ شىءٍ مقطعُ ، وإشارةُُ تمتد من وترٍ إلى وترٍ ، على قيثارة الأرض العظيمةْ.

K

*

الاخت بيان

شكلو مزاجك رااااااااااااااايق

كلامك ده زكرني زمان أغنية طلعت في الكفر اسمها:حم حم يا حمام شتت ليك سكر

هاشم صديق في الايام ديك كتب علي النسق، اذا اسعفتني الذاكرة:

عر عر يا حمار شتت ليك برسيم
ضوق الخدار يانع سيب الصفق و النيم

طيب كدي ادينا شوية من تجاربك في ركوب الامتراك

و طبعا ممكن نختصر معناهو بسكك حديد امريكا

العزيز مهدى
اوكى منذ زمن طويل
وانا امارس كتابة الشعر سرا
ولذلك قررت ان اخرج به علنا
وانا احب جدا قصيدة
النثر لانها ما بتقوم النفس
وعشان خاطر انك اول قارئ مع انى
لا احب الشعراء الترزية
الا اننا قررت
ان افصل لك عن الامتراك قصيدة

Quote: امتراك و انتراكس دلفت فى داخل الامتراك كم تعجبنى الخطوط الحمراء والزرقاء جلست على المقعد الوثير خلعت عمامتى ومسحت على لحيتى وتنهدت تنهيدة الدعة والسلام فجأة وجدت نفسى معلقا بين السماء والارض شرطى الامتراك ينظر الى بعد ان أخذ بتلابيبى و الاخر يده تجوس داخل ثيابى حتى جواهرى العائلية جسها وهز راسه لزميله وقال له كلين وذهبا فى حالهما وبقيت انا فى حالى مضعضع محزون راعية

&

طيب ما هو انتي كويسة في التفصيل و شغل الترزية خايل عليك

بديك عشرة علي عشرة

مهدى
الترزى نفسه فنان ومبدع والحمدلله ان التفصيل يشبهنى خايل فوقى
شكرا على كل حال
راعية

I love it when aggressive reaction creates more creative action.
Kostawi

لوووووول يا بت انت بالجد مجنتره اها ثقفونانحن غنم الراعي واعي الامتراك داشنو ؟؟؟وبما انك دزاينر كدي دوزني لي قصيده كووووووووول

سلام يا ست الكل
لو شرحنها
بينتهى الغموض
انا قررت اشترك فى مهرجان الشعر العالمى بيها
ونجرب حظنا

Quote: كول لبست صديرى الجلدى وامتطيت دراجتى النارية وطرت فى شوارع المدينة تبا لشعرى لماذا يقف مكانه ولا يلفح وجهى ذهبت الى ذلك البار فى تقاطع كولتر وجيرمان تاون وكانت هذه زيارتى الاولى له اعجب احدهم وشم الزهرة فى ساعدى وصرخت فى النادل فووق صوت الجوكبوكس الذى تنبعث منه موسيقى الجاز ورفعت رأسى لاتبين الناس وجدتهم جلاكين لا يوجد شاب الا النادل والرجل المعجب بوشم الوردة وانا لا احب النوادل

Quote: تبا لشعرى لماذا يقف مكانه

الليله اكلتي شنو يا دكتوره بس اعملي حسابك من البوليتكلي ان كورركت فوكابيلري دا

دكتورة بيان
إني أعلن إعجابي بك
طبعا كشاعرة

بقينا نخاف الأيام دي
واصلي الحكي

ابا
ازول ها
لا تخاف طب
انا من القواعد

انت ذاتك انجر لنا قصيدة

ما أسهل الشعر

دكتورة بيان

شكرا للنقد الهادف الذى تفضلت به على قصيدتى اليتيمة. ولكن كشيم الكرماء ابت نفسى والا تفصل لك قصيدة جديدة عملا بالمثل القائل.. ما دام هناك ناقد فاقرض الشعر ولا تستحى من الركاكة وعدم الموضوع.

تقديم
الى رامبو....سيد الحبر والورق... فى ملكوته المظلم..حيث لا أحد يدك المعالم....وفقاعة الروح فى بيتها الازلى... أمنا الارض.
ملحوظة:رامبو المقصود هو رامبو الشاعر وليس رامبو بتاع الافلام او يوسف عبدالفتاح ....لهذا لزم التحزير

النص
حينما بدأت الارض دورانها الممتع
كان وجه الحيوان ممتقعا والثعابين
تقفز فى الصفق
كل شيئ يبدو على اهبة الخضرة
والبسانين تغرد أفاتها
والطير ممتقع داكن فى دكة التمساح
والورق
قلت الثعابين تقفز فى الورق
والحية الرقطاء تتمايل طربا
والسنجاب والصبرة
تصارعان الغرق
قلت الورق
يبدو هينا ومسكونا بهاجس الكجور
كنت جالسا هناك يا صديقى
مهويا بلا فطور
تحسب البنسات فى جيبك
وتلعن الكجور

حاشية
مهويا: جائعا
الكجور (الثانية) من كاجر يكاجر مكاجرة فهو مكاجر أى مخالف

?هل تعتقدى يا دكتورة من أنى سوف اصبح رقما لا تخطئه عين فى دروب الحداسة)

شكرا تماما
لنضح كل اناء بما فيه

شكرا تماما
لنضح كل اناء بما فيه

بالله فصلوا لينا معاكم قصيده علي الله
لزوم العيد وكدا

اندياحات الامكنة
........

قيثارتي المصرجة
وجه محبوبتي الدائري
زخم الامكنة المعربد
ازدحم علي بابي اليتيم
حينها كنت احتسي وجع زكرياتي
فتاخذني تارة الي وتارة في ازقة الحواري
يموت وجع الصباح الخرافي
حين تتداركه ظلمة المكان القاحلة
تعود ماريا من تلك الحانة البعيدة
فتاخز بتلابيب الفقر
وحينها انتفض
تجمعني بها رشفات النبيز الاحمر
قطراته تسيل علي شواربي
تمنحني قبلة اللقاء بعد الوداع
فانتشي حينها
واعود الي طاولتي الوحيدة
في ركن الحانة المظلم
تتارجح فوقه رتينة قديمة
فتصارعني زاتي
وانتصر دوما في الختام


شاعر الحداثة المعتق
بنيوي المفكك
راعي بي قيدو

اساسى
يعجبتى فى شعرك انتفاء الانا
و تفتيت الحدث والاهتمام بوحدة الموضع
وترك الشكل مطلوقا على عواهنه
دون رقيب او عتيد
فلتنداح حتى تكمل

ابن منتال تعد قصيدتكم النثرية
الحدسية هذه فتح فى عوالم ما بعد الحداثة اذ احلت
اللامعقول فيها بعد ان نكشته من المسرح
كما تعرف ان قصيدة النثر يسقط فيها صوت الانا ويتدشدش
ويعلو صوت اللغة
وهذا ما حدث فى قصيدتكم لقد علا صوت اللغة لدرجة
البحة وحقا انه لصرير اقلام
وانك على ما يبدو شاعرا ولد بسنونه
ولكن يا ابن منتال للمرة الاخيرة احذرك
من استخدام الحواشى والا ارسلنا لك بوليس الشعر
ليجغمسك و يتفك تف الويكة

To my dear doma Blake
i just want to tell you
i love sprite & you

Quote: I rose up at the dawn of day I rose up at the dawn of a day get thee! away get thee away pray,st thou for riches? away away this is thorne of mammon grey

1

لله درك يا بيان وأسمحي لي بهذة مداخلة من روعة الأفلام تايتنك

Every night in my dreams I see you, I feel you,
That is how I know you go on.
Far across the distance and spaces between us .
you have come to show you go on.

Near far, wherever you are,
I believe that the heart does go on,
Once more, you open the door
And you're here in my heart.
And my heart will go on and on.

Love can touch us one time and last for alifetime
And never let go till we've gone.
Love was when I loved you, one true time I hold too.
In my life we'll always go on.

Near, far , wherever you are,
I believe that the heart does go on.
Once more , you open the door.
And you're here in my heart.
And my heart will go on and on.

You're here , there's nothing I fear.
And I know that my heart will go on.
We'll stay forever this way .
You are safe in my heart.
And my heart will go on and on.


بحيراوي

البحيراوى
نرحب بك فى بوست ما بعد الحداثة
نشكرك جدا
على هذه الاغنية التى تعجيبنى لدرجة الكسير
ولكنك لم تحدد سمتك الراوعى

شكرا ليك
على هذا الانعاش

كم اسعدتني هديتك
التي هي مهري
وكم اسعدتني طقوسك الهنديه
حيث تهدي العروس
زوجها موتر باجاج
من الورقه
الله ما اروعها من لحظه
حينما اردفك ورائي
وانتي تقهقهين ملء شدقيك
سعيدة علي ظهر الباجاج
وقياده الحبيب الرصينه
التى تتحاشي صدام الأرصفه
والمطبات الطبيعيه والصناعيه
ما اجمله من موتر جميل
وما اروعه حينما يكون
ملح وعلي ظهره حبيبه
زياده في البيعه


راعي بدون رعيه

لوووووووووووووول
لكن يا هوب
وتصورك الفلمهندى للحبيبة
ووالحب
ودى نظرة حالمة وجميلة
عندما قرأت قصيدتك
انطلقت الموسيقى الهندية فى رأسى وتحول المونتر الى خضرة ممتدة وورود
ورايت جموع الراقصين
وهم يرقصون بحيوية
التقول ما فيهم عضم

سلامات
شكرا يابيان علي هذه القصات الجميلة
واتمني ان تواصلي في مدنا بهذه الاقمشة البهية والتي تجعل من الثوب غطاء عورة وسترت حال
سلمتي ياراعية
سلمتي والله
ونسبة لاني اقل شأن من الرعية فاخر امنياتي ان اكون راعي مثلكم فكم جميلة هذه الرعوية

اعزائى
لقد قررت ان اسقط مكنة الناقد واركب
مكنة الشاعر
لانى وجدت نفسى ممكن انفع
فى الشغلانة دى احسن
فوق هذا وذاك
النقد دا بيدور قراية كتيرة
وقديد عيون


ودرميلة
الكريم
شكرا ليك

هذه شهادة عظيمة
ستكون فى دعاية الديوان الذى سيكون اسمه

ليالى وصباحات فلا دلفيا

Quote: حدث ذات صباح فى ذلك الصبح الملبد بالغيوم خرجت ونسيت مظلتى ركضت فى طريقى الى المتجر لشراء طعام طفلتى كعادتى دائما لا اتفرس فى وجوه البائعين مددت يدى بالنقود سحبها البائع سحب البائع يدى وصرخ ارتعبت و جررت يدى خرج البائع من خلف الطاولة وأخذنى بين ذراعيه وبكى ازحته منى بوجل تفرست فى وجهه وصرخت فرحا ورعبا ايمن نعم انه ايمن الصغير الذى كان يدرس الطب فى بلدى وبدأت السماء ترسل زخات المطر فيلادلفيا 1989

بعد ان اصح من النوم
البس ملابسى
واركب سيارتى
فى اتجاهى للعمل
وفى مكتبى اطلب الشاى
وارشف
وابداء العمل المضنى
واخر الشهر اتقاضى راتبى
وابداء فى توزيعه
هذا حالى فى كل شهر
لا قادر اعرس
ولا قادر ابنى

ايه رايك فى المحاولة دى ياخالة
والله انا مع احترامى لشعر الحداثة وما بعدها وما قبلها ما بدخل احساسى
شعر خالى من القافية انشاءالله مرة واحدة فى بداية القصيدة ونهايتها
وتسلمى يامبدعة

ابو قوتة
يا سلام
الشعرالحديث او شعر ما بعد الحداثة
هو شعر يتحدث عن حاجات عادية
وصورة انسانية
اعجبتنى قصيدتك الجملية
التى عبرت عن كل
معاناة الشباب وانعدام توازن قيمة العمل مع الشرتيت
وانا اعتقد انك شاعر حداسى عظيم
لانا الانا لديك هى فى حد ذاتها نحن
فخرجت من انشوطة الذاتية الى العام
ربنا يعرس ليك
يا تلقى واحدة رخيصة ولا يزيدو ليك الشرتيت
قول
آمين

*

أبو قوتة...أبتاه ... أنى جالدك ....فانتبه

العزيزة الدكتورة

مرة ثانية اشكر حسن نقدكم لنا وتناولك عصيدتنا بالنقد المفيد. واعلن اسفى لادراج الحواشى والتى كنت احتفظ بها لنفسى للرجوع اليها بين الفينة والاخرى. القصيدة التالية كتبتها فى الحمام وأنا أتامل فى معجزة الدش -الدال المضغوطة-

خيوط الماء كالبقبق
تنساب من الدش
تغيم الدنيا فى عينى
ويفجعنى الضفدع
أقفز كالمجنون من الصدمة
فيدقشنى البنبر ..أسقط
تزلقنى الصابونة الى خارج هذا الحمام الملعون
يتأملنى أصحاب البيت
لا حيلة تنفع سوى أن أصرخ
وجدتها وجدتها
واقلد أرخميدس - ذاك المأفون
ويظن الناس انى أكتشفت اكسير الشباب
لن يعلم بالسر سوى المحبوبة
أنى زلقتنى صابونة
تبا للصابون
المناشف
والضفادع ونقيقها الفاقع
والبنابر والكراسى


سينتمنتال

يا سنتى ابن منتال
هزتك الشعرية
تجد الالهام فى اماكن غريبة

الله يجازى صلاح عبدالصبور
من يوم اتكلم عن
حزائه المخروق ورتقه
وشرابه الشاى
فى المقهى
الشعرالعربى تانى ما كسب عافية

من خلا عادتو قلت سعادتو
لسع عندك شروحات
يا اخى العصيدة فكها براها
عقد خلق الله بمفرداتك التعجيزية
خلى الجماعة يمشوا يفتشوا المعجم المحيط
بالطريقة دى بتخلى الرعاة ينقشو شعرك براحة
ويعاملوك بثقافتهم
يعنى انك ذيك ذيعم
يا اخى
خليك غامض حبتين

ٍسلام مربع

دكتورتنا
خالتو
بيان

كيف فتوني في البوست الجميل دا
وما كلمتوني
لقيتوني غائبة
ونزلتو شنيف
في شعر الحداثة
الذي احبه
موووووت
اوي اوي اوي

هاههها


هاكم النجره دي


فتلة الشاي
لا تقبل البته
ان تخرج
من صندوقها
صفراء
على خيطها
تمشي خجلي
كانما تخاف
ان اجغمها كلها
ومع ذلك
هذه الفقريه
تحن الى القرفه
-2-

اقصي الانتماء
يحيك ضمنا
انبلاجات الابتهال
وانا
منحازة
الى تلك
الامسيات
المطرقة
في صمتها

دا الكلام يا شيرى
الجميل فى الحداثة انها وحدت بين الراعي والرعية
والناس كلها تكون بتكتب شعر
ودى مشاعية الشاعرية
اسع كان من شاتو القافية
بعيد وبقى لا فى موسيقى لا حاجة
كنا شعر الضلفتين دا قدرنا عليه كيف
اسع كدا كلنا بقينا
نشلت القوافى
ونهدر الباندوث
اوبس اقصد الموسيقى
ونتحادث نتنشاعر
مافيش حد احسن من حد

سلام مربع

خالتو
د/بيان

قتي كده
سمح
شيلوا شيلتك
من هترشتي دي

هاكم النجره دي
__

مروحة السقف تئز
علي سمع اضاني
بحكاويها التي
نسجتها
بين منضدتين
واناء الماء
يحن الى ماء زمزم
وانا منساقة
الى ابتسامات
الفراشات
التي من توها دخلت
تهدهد
المكان الذي يفصل
مابين كتابي
واذرع مروحة الهواء
تسألني متى
تستقبلين
زنبقة الفرح
مسكينه هذه الامسيه
لا تعرف حتى الان
متى تنساب على خدها
الانسام

تمام يا بتى

Quote: مروحة السقف تئز

المروحة ترمز الى عزابات البشرية
لله درك من شاعرة رمزية
سننصبك اميرة للشعر الحداسى

*

في مراح البيان:


مجموعة من السكارى في الاعلي
يقولون ما تيسر لهم..
ويضحكون عند شط داون الجهاز
مستخدمين في خواتيمهم اقوال لحكماء
و ابيات لشاعر سوداني وجيه
وجيه حتى بحث الناس في سر شعره
علهم يكشفون سر وجاهته
ولكن الشين شين ولو قال شعرا
والخاين الله يخونوا
نهبوا باندوثات بكري
ثم اضاعو ليلي
يا ايها الباندوث المهدور
اغفر لهم
ياايها الليل المضاع
انتا مالك طويل كده؟؟

والخلا ولا الرفيق الفسل


اها كيف يا دكتورة
موش بي ذمتك..
حداثي...
الحداثي الما سواي


الرياض
تموز 1424هـ
ــــــــــــــــــــــــــ
من ترى يمنحهم
باندوثا يحملهم
لي حوش بكري
تاني..

*

.شكرانحن نتابع نضح كل اناء بما فيه،وإن مسيرة الانسانية والشعر ماضية
مع ذلك يا دكثورة بيان ولن يوقفها هذا الهذيان الرخو

لوووووووووووووووووول
الليلة
انت قبلت على ولا شنو
والله ضحكتنى
خلاص يعنى قلبك على الحركة الادبية فى العالم
وحركة الحداسة
والله كلامك صاح
كل اناء بما فيه ينضح
اعرف بكل غرور القصائد الانا كتبتها دى
اسمح من قصائد ناس كتار واتحداك المها وارسلها اسع لاى مجلة حداسة تنشرها وتعدها فتح فى عالم القصائد الحداسية
والاكلام دا اخدو
منى و شيلها بكرة حوم بها فى اى مكان فيهو مثقفاتية وريهم ليها

روائعى هذه مكتملة فيها كل شروط قصائد الحداسة
بحزافريها المملة
اسأل اى زول بتاع ادب حيقوليك الكلام
دا
يعنى لو جبت انا براحة نشرتها هنا كان اسع بقى عندى مريدين
من كم يوم كدا راودتنى فكرة نشر قصيدة امتراك
دى بمناسبة الذكرة الثالثة
لحداشر سبتمبر
فخليك يا خى
موضوعى حبة
و اقراها من الاول بدون
ما تفكر فى انى كاتبتها
متأكدة تمشى براك توديها الجرائد
وبالله ما تهدر الباندوث اوبس
مجهوداتى الادبية بجرة كى بورد
تهللوا للناس لما يجى دورى تطلعونى ما شاعرة
لازم اكون ما كوزة و استشهدتا فى يوليو

عشان تقبلوا اعمالى الحداسية والله عوجة

يديك العافية يا دكتورة
وما لي ما بقبل عليكي
انت فاعدة تفهي في اكثر حاجة انا قاشر بيها في الدنيا الفانية دي
وما دايراني اقبل عليكي
وعلى رسلك يا سيدتي
الأمر لا يجب أن يطرح بهذا التعميم المخل
وهذا الأسلوب الساخر اللاذع
نعلم ان الشعر
كما أي فضيلة في الارض
لها أهل
ولها مدعون
لكن انت كدا لميتي الصالح على الطالح
ثم ان المشكلة إذا في القاريء والناقد
(الذي من ضمنه ناشروا هذه القصائد ان نشرت)
وليست في الشعر
ولا في شعرائه الحقيقييين
موش؟؟؟؟؟

Quote: انت فاعدة تفهي في اكثر حاجة انا قاشر بيها في الدنيا الفانية دي

سجم خشمى
انا بفهم فى السياسة
يازول بدل غيركلامك دا!!

لانو دائما بيقولو انى غبية سياسيا
دى شهادة تاريخية لى انى بفهم فى اكثر حاجة انت قاشر بيها
ان شاء الله تكون ماخد بالك انى مولودة فى القرن الفات دا مش قبل 300 سنة يعنى
يعنى لما اموت
بينشرو فى تعريف الشاعر
شاعرة حداسية معاصرة
مولودة بعطبرة سنة كيت وماتت سنة كيت
يمتاز شعرها بالواقعية و الابتعاد عن المحسنات البديعية
ولها افكار ناصعة تتجلى فى قصائدها بعكس جيلهاالذى اتشح الغموض
من اشهر قصائدها امتراك و كاباتشينو وكووووووووول
وشكرا ليك يا فتحى

YOU MADE MY DAY

انا بقصد انك بتفهي في الشعر
انت ما عارفة انه انا عامل فيها شاعر حداثي حقيقي ولا شنو؟؟؟

والله يا اخوى
دى عوجة
انا قايلاك بس بتاع سياسة
عاد اعمل شنو غصبا عنى عرفة الشعر دى
المعايش جبارة
خبرة 30 سنة فى قراية الشعر
وعشرين سنة فى نجر القصائد الحديسة
ممكن انجر ليك 10 قصائد
لا يأتى الباطل
من خلفهم ولا قدامهم
فى ساعة زمن
تصيب ادونيس بالدهشة والخلعة
اعمل شنو يعنى لو
كنت موهومة اقصد موهوبة
والله عشان خاترك بس اقوليك انى
خلاس تانى نكش الشعر الحداسى دا بخليه
عايزة اقوليك حاجة ما تزعل
الشعر الحديس فى السودان ذى اجمل رجل غريق
بتاعة ماركيز
من مافى طلع ليهو اهل
يقطعو لسان كل معتدى اثيم
يلبسوه و يبكو عليه
يوموتو فيهو ومن اجلو

د.خالة نجاة
والله دالك دى مجنن ناس كتار والدال عند الهنود العدس

زمان د.زهير السراج تكلم فى ناس الصلاة الطيبة
فرد عليه المرحوم محجوب عبد الحفيظ دا د.دكتور حيوانات مش دكتور ناس

فالا يام دى على عثمان محمد طه ملا على اخونا جحر السياسة
عشان كدا بقولك اكتبى ونحن بنقراء
وكل اناء بما فيه ينطح على حسب كلام واحد صاحبنا

وتسلمى
ياحداسية
يا من اصل زنجية
واهلك من الشمالية
بالجملة سودانية
ودكتورة فى اللغة العربية
ياحداسية وياماليزية
وتركبى العربية
وقمة فى الافندية
وانشرى قصائدك الحداسية
واتركى اخوانا السياسية
والسلام لو جاء بالعكسية
عن طريق الاخوة الجبهجية
لا قتيل لا دية
لا حركة لا انقاذية
والمعارضة شقية
واسمرا الفتية
احسن تلحقونا فى السعودية
ونرسل ليك فيزا فردية
وانا بعمل ليك سيرة ذاتية
ولو ما لقيت شغل فى الرياض
تمشى الشرقية

انا هنا

ابقوتة ...عليك الله في شنو هنا؟

يا سجى
دى قصيدة حداسية
اسمها انا هنا

انا هنا
وعامل جنا
من عندنا
فوق فى السطوح
مع ابراج الدش
بناظر النجوم
وباليل بحوم
باكل لحوم
انا هنا
اذا انا موجود
قاعد بفكر
بكتب شعر
بعزف وتر
كل الدنيا
مواظب فى الدوام
بصرف راتب
برسل مصاريف لامى
انا هنا
انا هنا
ياذات المنى
بنت اختى رنا
انا هنا

والله ياسجيمان دا بفاس الجيران وجو اخدوها منى
قبل ابربح الفروع

ابو قوتة والله عسل عدييييييييييييييييييييييييييييييل
حلوة شديد قصيدتك

(انا هنا)
برسل مصاريف لي امي دي بالذات شديدة


انا ذاتي برسل
تخيل؟

الاخ دكين
تحياتى

مناسبة القصيدة هى ان انا كتبت تعليق لماما بيان وفى اللحظة التى ارسلت فيها البيانات هى كتبت تعليق بعدى ولما عملت تحديث لقيت اسم بيان ظاهر وانا اسمى غير موجود لانها هى على الخط وانا عايز اسمع تعليقها قبل ما تمشى تنوم فعشان تشوف التعليق قمت ارسلت لها مرة تانية انا هنا....بس سجيمان كان بالمرصاد قام قال لى فى شنو هنا يابوقوتة..قلت ليه انا هنا دى قصيدة الحداسة..فكان مولد القصيدة انا هنا ..تذكر جيدا هذه الحادثة لما يستضيفنى حسين خوجلى ويسالنى عن مناسبة القصيدة
وقلت لى اجمل بيت فيها برسل لى امى مصاريف
وانت ذاتك بترسل دا ممكن يكون مطلع قصيدة

دكين برسل لامه مصاريف
الرجل الشفيف
عشان تشترى الخضار والرغيف
وممكن كدا نواصل
وتسلم ياشفيف

سلام يا ابوقوتة
شكرا ليك
والله يديك العافية
والله انا جد معجبة بيك شديد
بالله الشرقية دى فيها شغل
خلاص عاد
انا جاياك
ولا دا كلام شعراء ساكت

الصحاااااااااااااااااااااااااااااااف ... ماذا تفعل هنا أيها المتشائل بحزنك السرمدى على وطن على مخلب غرااااب داقس يرميه يسقطه ويرميه يسقطه ويرميه حد الحطام?

الصحااااااااااااااااااااااااااف ....لن تستطيع صبرا على شعر الحداثة وارتهانك للقديم ينفث فى روحك السم السعاف.

الصحااااااااااااااااااااااف ...هذا وطن لا تملك فيه غير شبرك وعبرنا تاتى الزلزلة...أخرج طريدا واركن الى فرارك الابدى.

الصحااااااااااااااف.... جلدك طرئ وعودك يافع.


من ديوان
مقاطع الى الصحاف زو الرجول الخفاف

*امبكائيات منداحه*




رتل من القرف
..
طمام يخترق صمت المكان
..
ودبرسة..
ممزوجة برعشة في المفاصل
و المخاريق
..
....
.....
ضهب شديد في الزمن الخنفشاري




loOoOoOoOOLZ

كيف بالله النجر دا معاكم

والله النجر عندك
بالذات فى ضهب شديد في الزمن الخنفشاري
بس بربح الفروع ولا الجيران شالو الفاس زى

وينك انت ياراجل ما سائل فينا عشان عذابة يعنى ولا شنو
والله ليك وحشة
وتسلم

LOoOoOoOoOoOoOoLZ
العزيز ابو قوته
معقوله بس يا ملك
هو انا لي غيركم مين
والشوق كميات
انما هي جوطه الراس

ما شايف الامبكائيات دي
LOoOoOoOoOoOoOoLZ
كيف كل الاعزاء المعاك و جنبك بالله تحياتنا للجميع

كل الود والتحايا يا ملك

ايهاب العريس
عجبنى ليه
عرس فى الخريف عجبنى ليه
وعرباتو ابت تقيف عجبنى ليه
وجا الليلة يكتب الشعر الحريف
عجبنى ليه

ميروك يا ايهاب
بقيت شاعر عديل

*

شكرا يا دكتوره على العديله
بس كان تخليها حداسيه شويه وكدا
loOoOoOooOoOoOolz
اصلي انا شاعر بي حاجات كتيره من زمان بس ما لاقي لي فرقه
الله يبارك فيك مرتين
لكن ما تعبتي معاي

هاك قصيده خنفشاريه اخرى
و عفوا انا خرجت بك من الحداسيه الى الخنفشاريه
لكن ما مشينا بعيد ما هن بنات عم و كدا
loOoOoOoOoOlz
انشاء الله بس تكوني فطرتي




تعبئة استمارة تقيؤ

العولمة في غياب المضمون..
هكذا يبتدأون
يقولون ..لابد من فل سوت..
أو نظارة شمسية
أو سابق خبرة في فيديو كليب ..
ولكني ارغب في التقيؤ..
وما الذي لا يدعو الا القرف
قالوا تعلم ادب التقيؤ
خنشفارية انتي ..
ارتطمي بناطحة سحاب
أو تفخخي … داخل مطعم بيتزا
فقط
امنحيني استمارة تقيؤ حتى تكتمل مؤهلاتي

شاعر خنفشاري

تعريف الخنفشارية:
حالة هيسترية هلامية مخروطية الشكل.. يصاحبها تلاشى ذهني.. نشأت في القرن الحادي والعشرين .. نتيجة العولمة في غياب المضمون..

ايهاب
لوووووووووووووووووووووووووووووول
فى ذلكم الزمان
تخترفت الافكار
ونحلت جذورها
ثم ماتت ببطئ
ومن ثم اتت العولمة
وتغدت بذلك المضمون
ضاربة بالشكل عرض الحائط

الشكل هو المذكر
ولذلك غير قابل للتغير
اما المضون فهو الانثى
يتغير على حسبب المستجدات
وتطور الزمن
ولكن الشكل يبدو
قميئا مذكرا
يتلحف ملفحة جده
ولا يتغير الا كل
عشرات القرون
لانه غبى جدا
لا يفهم الدرس الا بعد تكرار
الذى علم الحمار

lOoOoOooOOoOoOooOoOoOoOoLZ@BAYAN
بالظبط كدا و من هنا نشاءت الخنفشارية

شنو يا ايهاب
الووووووووووووووووولات
البتشبه الحنة دى شنو؟
شايف الانصرافية دى

مقطع خنفشارى

عندما يقفز الضفدع من أذنى
وتطير النعامة
وتصهل الفرسه وتركلنى (جوزا)
أحلق فى فضاء أحلامى كطير خدارى
واطبز فى اللغة وادك معالمها
لاجل الطبيعة والزمن الخنفشارى
ويبول فى رأسى ثعلبان ويتمطى ثعبانٌ وديك*
انهض من نومى وألعق الشيكولا
فتنهرنى أمى وأصيح فى جارى

*ملحوضه
وديك يعنى سمين

هههههههههههههههه
دي لوووووووووووولات خنفشاريه ماركه مسجله يا دكتوره
مما يدل على الخستكه الانبعاجيه

يعني اخوك مختسك انبعاجي

والانبعاجيه دي هي مرتكز القصيده الخنفشاريه القادمه
لان معظم القصائد الخنفشاريه و كذلك الحداسيه ليها مدلول انبعاجي واضح
حتى على الامبكائيه منها
ولا انت رايك شنو
انت سيبك من دا كلو
ما ملاحظه انو سنتيمنتال بقى خنفشاري خلاص
loOoOooOoOoOOoOoOooOolz
الظاهر انو مدرستنا دي حا تكتسح الحداسيه بتاعتك
لانو شايف تمحور خنفشاري واضح
في قصيدتو وفي قصيدتك

lOoOoOoOOoOoOl@sentimental

خنفشاريه بي درجه 1370 والله

Quote: حالة هيسترية هلامية مخروطية الشكل.. يصاحبها تلاشى ذهني..

دا بيوضح ملابسات كتابه سنتيمنتال لهذا المقطع
و يسقط عليهو مدلوللاته الخنفشاريه
بشكل لا يدع للشك مجالا

مبروك ابن منتل الخنفشاري

مدخل
وجدت هذا الباب مفتوحا فدخلت
علٌي اجد بدايات الطريق
اني اذا من الشعراء
تمهيد
كنت اراجع اوراق هذا المنتدي الوريقه
فاستلهمتني بالقصيده
فانبري قلمي
يمتطي الكلمات ويرقص
يكتب مرات ومرات يسرح
ضؤ اخضر
عندما اختفت الشمس
اتقوحنت الظروف
فجرت تراتيل الصباح
شوقا لا بعدا
ونامت في سكون
اوهامي القدريه
لم نكن سوي ثلاثه
انا وانا وانا
والقمر حينها
ذهب في غير عادته
الي محطات الوصول
ضؤ احمر
لونه دموي
ذلك الانقلاب
طعمه بلاطعم
ولكنه وسخ
لا يفهم معني
ان تحوم بين النجوم
وان تلعب البلياردوا في ازقتنا القديمه
حاله نادره
ذهبت ذات صباح الي
الاستاربك
لاشرب القهوه
لم اجد ايمن
ولكني وجدت
البن الحبشي الاصيل
اخذت مقعدا جانبي
ورحت في رحلتي اليوميه
احلم بيوم جديد
احلم احلام جميله




للشاعر الكبير
شخصي الضعيف!!0

الاخ العظيم شخصى الضعيف

سعدنا بانضمامك بقصيدتك التى هى من عيون
الشعر الخنفشارى الحداسى
ولكن يا سيدى
لم افهم
هل اسمك شخصى الضعيف؟

ايهاب
ابن منتال دا كرهنى الشعر ذاتو
انا خلاص حاضطر ارسل ليهو بوليس الشعر
كل مرة نقوليه خلى الشروحات والكشافات دى بتكشف غموض الشعر
وهو سادر فى غيه يكشف ويهتك فى غموض شعره
خاليه عريان فى السهلة
بعدين الزول دا تدخلو فى مدرستك دى يشيل اسرارك كلها ويوديها
للاصنام يجو يمطوك ويعجنوك
اسم يا ابن منتال يا غواصة صنمية
نحنا حنرسل ليك بوليس الشعر

العزيز ايهاب الخنفشارى

الحالة الخنفشارية لها دهاليز تسوقك ببساطة نحو شعرها ونوعية كلماتها وتنجلط بك فى معانيها المتفردة فى غاية الكرم. أول عهدى بالخنفشارية حينما تلقيت لكمة شعرية من احد المثقفين ومن يومها وانا اكتب الشعر الخنفشارى. مثلا اليك هذاالبيت الخنفوشى

ست الودع ارمى الودع لى كشكشى.

بيان بوستك مجنون وانت اجن منو
ونحن اي الجمهور ، نموت في الجنون
وبالطريقة دي
فعلا الفنون جنون
واسدري في جنونك
وحتما نحن وراك ،
نقتفي اثر جنونك
وننتشي حتى الثمالة

عشة
لوووووووووووووول
كل من يدخل هذا البوست
مأفون مأفون
يا امرأة
من زمن الجنون النزق
تملائين القلب
وتقطعين البصل
الطرية*
جنى وثورى لا تقفى مثل المسمار*

*درويش
** نزار

انبعاج سايكوبيزي


اكتسي اللون الخنفشاري
ثم انبعج
ممعنا في التلاشي
فاستحيل غواصه منتليه
زرقاء الرائحه
مكعبه الطعم
والازيز

يا امراءة الوهم
يا وهم
اختلستيني
ثم انسكبتي هجاء
بعد صافره الحكم
و اعلانه انتهاء
المشهد

و تلاشى الجمهور
ثم المسرح
ثم انت
ثم انت
وبقيت انا
سايكوبيزي الطراز

خماسيه الوهم و الروبابيكيا
(1)
افترش ذاكرتي..
على زقاق فرعي
.. مطل على
خور..
تفتقت على ضفافه كوشة..خلابة
يقطنها مراح من ماركة معروفة
دحش ابيض ناصع .
.غنماية أسود وابيض
..
. وجرو بني قاني..
برجزة ..في العالم السفلي

(2)
يبتدي الوهم
.... روبابيكا..روبابكيا
ثمل يستيقظ من تحت أنقاض كنبة مهترئة..
وهو في حالة دهلزة شديده..
يسألني عن قارورة العرق الفارغة في يده
يتفوه بكلمات نابية .. ظناً منه انني لحستها

عرفت أنه يريد جرعة طشمة..
وعرفت فيما عرفت..
أنه كان مسؤولاً بارزاً
في أحد احزاب الحداسة..
تف سفة.. عمر أخرى
هكذا تعلمنا في الأدب الخنفشاري الرفيع
حيث تسود شفافية المنظر
على قوقعة الرؤية..

(3)

يتواصل الوهم
روبابكيا ..روبابيكا ..
سيدة شاي.. تكر.. عدتها
بحثاً عن جلمود صخر تتوسده..
كفاتيرا.. تفحم لونها ..
كانون ازلي متأكسد
كبابي.. منذ عهد الزعيم ماو تسي
سكر لونه اصفر فوشي مائل للحمرة..
تدعي انه
انتاج كنانة.. في عهد المشروع الحضاري..
كان اول ضحاياها...أو ربما العكس
صبي ورنيش يكشكش بعلب الصلصة
يذكرك بمهرجان ريو ...
تذهلك مهارته في الورنشه
حتى أنك تخشى زوال اللون الأصلي
ثم اصابعك

(4)
فتاة متعولمة.. شديدة للغاية..
لم اعرف حتى
ان كان شعرها فاكي .. او منكوش..
من أحد الاحياء الراقية.. التي تقطع فيها الكهرباء
وتوصل الانترنت عبر الجنريتر..
تقود عربة مجهولة الهوية..زبرجدية اللون
oooOOOPSaaAAHواااااا
لا تعرف أن وردي فنان افريقيا الأول
لذا تفضل نانسي .........عجرم..
... سألتني من أين اشتري قارورة بلاك ليبل
قلت ليها ..
: في مديدة.. بس

(5)

روبابيكا..
لا ينتهي الوهم
خنفشارية المكان
نتيجة طبيعية لتقيح الوطن
وتقرحات الثقافة وسط
مجتمعات مدعية

مره اخرى
ضهب شديد في الزمن الخنفشاري

ايهاب بعد المقطع دا)

Quote: فتاة متعولمة.. شديدة للغاية.. لم اعرف حتى ان كان شعرها فاكي .. او منكوش.. من أحد الاحياء الراقية.. التي تقطع فيها الكهرباء وتوصل الانترنت عبر الجنريتر.. تقود عربة مجهولة الهوية..زبرجدية اللون oooOOOPSaaAAHواااااا لا تعرف أن وردي فنان افريقيا الأول لذا تفضل نانسي .........عجرم.. ... سألتني من أين اشتري قارورة بلاك ليبل قلت ليها ..

ننصبك شاعر الرواعية الاعظم
وصنمها
يلا ورينا اغتربتا متين عشان نحتفل بيوم الاكسدوس
بتاعك ونعمل ليك احتفال ضخم وبكرى يعمل مانشست فى راس البيت

loOoOoOoOoOOOOOOOOOLZ
هسه دا احتفاء ولا شتيمه
يا ربي يصنف في ياتو كوم
LOoOoOOoOoOooOoOolz
غايتو البوست دا يا فلكب بي يا فلكب بي

اعود مساء انشاء الله

مكرر

غايتو اتمقلبت يا إيهاب وشوف ليك مخرج. إنت خلاص دخلت الغريق في الحداثة (الحداسة) .. وبقيت راعي كبير

البيان الخنفشارى

نسبة لسهولة الشعر الخنفشارى وقربه من قواعد الجهلوت ، نعلن بداية حقبة جديدة فى الشعر العالمى الا وهى الحقبة الخنفشارية. نسعد ايما سعادة ان تكون بدايات انطلاقها المحمومة من هذا الركن القصى وسط زوبعات السياسة وارتكسات المثقفين. بعد معاناة فظيعة وقتال شرس ضد ما يسمى بالشعر ذو الضلفتين والاخر ذو الضلفة الواحدة التى تبنته المدارس الزنكلونية فى نهاية القرن المنصرم.

سينتمنتال الخنفشارى
د/ بيان الخنفوشية
شنتير راعى الخنفشارية
ايهاب المتشائل (وارد المدرسة الزنكلونية)
ومن لف لفهم (بتعبير دوما الاسكيوزية)

ابن منتال
الشاعرة الاريبة
والاديبة الرهيبة
والكاتبة الرائعة
تمضى على هذا المانفستو
وها نحن نعلن لكم قيام هذه المدرسة الشعرية
والشكل فى هذه المدرسة ضلفة بطابلون
والمضمون من ثقافة الرواعية
نموذج

ترجرت كوراتها وتهرعبت شحطتها
وكنت انت مربوشة مدقوشة وجنتها
يا قطيتة مزنكلة مرعوشة منقتها


انت لى و لى انت


انت لى و لى انت


كمبوشة محنكة
وشكرا لكم

ناقدة المدرسة الخنشفارية

يا جماعه زيدوا الضلفتين كنبه وسرير عشان تتفرش الاوضه الشاعريه واهو الواحد يعرس مره واحده بنات افكاره الشعريه لمن يكتب.
المهم داخلني نص اخر

نعم كنت هنالك
فقد مررت بجانبي بسيارتها الفارهه
ولكني تجاهلت صدمة صعود الروح مني
لحظة بكاء القمر
فجمعت قرص شمسها المتشتت امامي
وركلت ظنوني
وتدحرجت الي نهاية الطريق
حزائي الضيق
قد ابتسم
اظنه يريد ان يستفذني
ولكني امسكت بزهرة الصنوبر
حتي سقتني ومن وردها الوردي
كاس نور ومسرجة
وفانوس
وقليلا من الشاي الاخضر
لا اذكر
ان كان هذا معطفها
ام انه للسائق
ولكني قطعا لن اعيده
لن اعيده
لن اعيده
لن..0

هذه بعض من تجلياتي
في عصريه غامضة الاقحوان

الشاعر الكبير
شخصي الضعيف

ملاحيظ
اسمي من لوني
زجاجا مكسور
رساله خاصه الي النقادالكبار كلهم
يمكنكم نشر قصائدي ان اردتم في اي موقع
ونسبة للشعور الذي يتخللني فانني ارحب بالفكره الخنفشاريه ولكني اصنف نفسي من شعراء الحداسه مع احترامي لوجهات نظركم كنقاد ومفكرين فالتسمحوا لي بهذا الاختلاف الان عسي ان نتفق فيما هو قادم من شعر ، ولكم العتبي حتي ترضوا

اراك قد نويتي علي يا دكتوره
lOoOoOooOoOooOooLZ
من الان فصاعدا
نكون خنفشاريين او لا نكون

LOoOOOOOOOOOOOOOOOLZ@SHINTEER

ابن منل الخنفشاري
اري دربك قد سلك او كما قال شنتير
LOoooooooolz

يا احمد بابكر ايشرك
بان الحداثه والحداسه
قد تلاشو بنجره خنفشاريه واحده
وتمثل الخنفشارية بداية تطور حضاري شامل .. وهي حركة إصلاحية جادة تهدف للخروج من ظلامية الكلمة وبهرجة الصناعة والتكلف. التي أدت إلى خلق التعفنات المجتمعية…. ولعل الأخيلة وسيطرة الحالة النفسية.. هي ركيزة العمل الاجتماعي في الأدب الخنفشاري..ويطرح الخنفشاريون أنفسهم.. من خلال أبنية أسلوبية خاصة.. لتحقيق انقلاب هام في الأشكال والقوالب..
للتعبير عن سخط الخنفشاريين وكراهيتهم للحضارة القائمة على الاستهلاك
و هي تقوم على ثلاث ركائز اساسيه
الانبعاجيه
خنفشاريه المركز
والكديسه

بدون كديسه الشعر الخنفشاري لا يمكن ان تصبح خنفشاريا وان انبعجت
او تعاقدت مع ثلاتين شيطان
عفوا
دعني ابحث عن كديستي قبل ان تطش
و لي عوده

ملاحيظ هامه
1

اي زول عايز يبقى خنفشاري يجيب الكديسه بتاعتو معاهو
2
اي خنفشاري جديد.. لازم نعرف نسبة الكديسة عندو كم.
. اقل من 60% يعيد السنة.. لحد ما يجيب ليهو نسبة كديسة معقولة
3
اي زول كديسنو تطش احنا ما ماسوؤلين
يمشي يكوسا ويجي
4
احترام الملكيه الفكريه
يعني ممنوع التسلبط في كدايس الغير

loOooOoOOoOoOOoOooOoOOLZ





انبراشه

او
(منجرية التلاشى )

اختراف.. على قماش مخملي مزعوم

او سمها ما شئت

نكت ذاكرتي
و استبسلت في النكتان والتفكير
بحثا عن اثنين
كديستي و اجابه لسؤالك


استنبطت العلاقه ما بين ان الاتجهات اربعه وان للنعامه ساقين فقط
و لكنىما زلت بعيدا عن الاجابه

متي اغتربت؟
متى اغتربت؟
اطنني اغتربوني في يوم كستنائي


احد الايام التي صادفت تتويج الملكة الراحلة فكتوريا
كمدا على عدم الزواج من ود دكيم


ذلك اليوم الخنفشاري
اغتربوني انا و كديستي في يوم واحد
ثم اشترو لي عجله تعويضا
ثم انتحبو على ما سياتي من تراجيديا السراب
كفلم هندي في سينما كلوزيوم

اغتربوني.. عندما تسلل رأس المال الطفيلي.. إلى خاصرتي

و منذ ذاك وانا منبرش في هذا الصقيع الاستوائي
وجدتني هنا..
متجليا.. على هيئة.. عمة.. وعراقي..
و مركوب
سألتني متى.. اختربت..
عغوا
اغتربت
عندما بدأ ينرفزني الوجود.. واصابني الخلل
في وظائف الجهاز الوجداني..
احترفت مهنة التلاشي..
وفقدت ذاكرتي.. وتربصت… ببعض اشتياقاتي
و خستكتين

عفوا اخي الخنفشاري ايهاب
مع احترامي الشديد للمدرسه الخنفشاريه الجديده الا انني اصر علي انني من المدرسه الحداسيه واحسب انها احسن من مدرستكم لثلاثه اسباب اجملها كالاتي
اولا مدرستكم بعيده جدا من بيتنا وطبعا لا يمكن اعتمد علي البصات والحافلات لاني سانجلد كل يوم في الطابور نسبتا للتاخير
السبب الثاني انني متعود علي فصول مدرستنا والبلي وام الحفره والفرد الذين يفتون البوش وما الي ذلك من تفاصيل الحياة الشاعريه التي نعيشها ونحب عكسها في اشعارنا المنتقاه
ثالثا وهذا هو الاهم الكديس عندنا في الحله مافي لانو اولاد الحله الصغار كتر خيرهم اتعلموا فيهم النيش فطشو وحتي احصل علي واحده يجب علي ان ابرم اتفاق استثنائي مع شفع الحله وتعلم صعوبة ذلك وذلك لاربعه اسباب
1\ استمساك شفع الحله بقضية النيش والمطارده فبعد ان جندت كلاب الحله في جهاز الامن علي مضض علها تستريح من عناء الاستخفاء خلف الحيط وفرغت الزقاقات منها كان لابد لهم من ايجاد البديل فاختاروا الكدايس
2/عمال النبل في الحله سيبور سوقهم وهذا سينعكس علي الحاله الاقتصاديه للاعمار المتوسطه التي غالبها ما تعمل في هذا المجال اذا لابد من ايجاد سوق بديل وصياغه ربحيه مقبوله لهم
3\عملية التوزيع العادل للغذاء فكما يعلم الجميع الحاله الاقتصاديه التي تمر بها البلاد عموما مما جعل البيوت تستغل (الكرته)كغذاء للغنم والخرفان او بيعها للزريبه ان وجدت فخلت البيوت من الاغذيه الزايده التي تذهب الي الكوشه او تعطي للكدايس في مائدة الغذاء لان العشاء والفطور عباره عن سندوتشات فول ما مصلح.
النفقطه الرابعه والاخير السيده الوالده تهاب الكدايس وبعد شوف عينها كديس الجيران الذي فتح الحنفيه ليشرب حلفت براس سيدي الحسن انو مافي كديس يخش الحله وفدمت التسهيلات لاخي بابكر تمانيه سنوات الذي تولي عمليات تطفيش الكدايس من الحله وقد انجذ المهام بنجاح فائق وملحوظ بعد ان وعد هو ومن معه ببسكويت بركه مع الشاي المخلوط بي لبن بدره من علبة فورموست الفتيه.0
بعد هذه المفارقات اعزائي انني انتقد هذا الاسلوب الشعري المكلف ولاسباب تتعلق بتمسكنا بالشعر الاصلي ابو ضلفه او ضلفتين او حتي تلاته ضلف كان لابد لنا من ان نقف موقف شديد للدفاع عن عروضنا القديمه والا تهنا في الخشنفريه بلارجعه
الشاعر الكبير
شخصي الضعيف
في محاولات نقديه للخشنفريه
ارجوا من الناقده نقد النقد ان استطاعت حتي اتلمس طريقي النقدي ان امكن0

نشكر الاخ شخصك الضعيف على نقده الحداسي
loOoOoOoOoOoOolz
يا زول احنا الكديسه دي اهم حاجه عندنا
لا خنفشاريه بلا كدائس
ممكن نسامحك في التاخير لكن الكديسه دي ما بنتفاهم فيها البته

ممكن تعمل اعلان تاجير كديسه او تشد ليك واحده من اي زولو
المهم اتصرف
قال حداسيه قال هو احنا زاتو من غير كديسه نعمل بيك شنو

و نكون خنفشاريين او لا نكون
و ان بقت حداسيتكم 4 ضلف و برنده كمان

الاخ احمد

انتو بس يا سودانيين
طوالي جارين للنقد
يا عزيزي الخنفشارية.. هي الحل
والكديسة . غير قابلة للمزايدة
عندك كان بها ما عندك
بالامكان البحث تحت انقاض كوشة
لربما تقبع كديسة مستعملة
قابلة للتصنفر
والجاهزية

ولكن أنا كأحد أنصار الخنفشارية
بقول..
فليكن

بعد ان قمت بعمليه نقديه شامله وخاصه للمدرسه الخنفشاريه وتقديم كل الادله والبراهين والاثباتات التاريخيه المسبوقه بالمراجع المحليه وبعض المفاوضين من شفع بيت المال وود ارو وود البنا ومكي ود عروسه وودنوباوي وابوروف والتي اوردنا اسباب اختلافهم مع ما ننظر اليه من الشعر الخنفشاري للمستقبل واوردنا العلل والبراهين التي تمت مناقشتها وبالتفصيل ، كان لابد من بعض الخنفشارين للتصدي ولكنهم خرجوا عن الموضوعيه في هجومهم لاسباب اوردها تباعا كالاتي
اولا لزوم امتلاك كديسه للمدرسه الجديده وبعد ان قمنا بالاجتماع والتناقش مع الشفع كما اوردنا سابقا كان من المستحيل امتلاك كديس وهذا في حد ذاته خروج عن ميثاق الشفع في تلك المناطق وهذه عدم موضوعيه واضحه وجليه في نقاش المدعويين ايهاب وودنفاش
الموضوع الثاني ايجار كديسه قد يدخلنا في ابواب المحاكم العالميه فبعد ان شكت الكدايس المحليه موضوع مطارداتها من قبل الشفع لمجلس الكدايس العالمي اصبحت هذه المناطق محور للشر وتم رصد بعض التحركات الاجنبيه الكديسيه من حول الحله الا ان الشفع كانوا لها بالمرصاد وسيعرض الامر الي مجلس الامن الكديسي الذي سينعقد بفندق خاص بالكدايس في واشنطن وفد نوهت كدايس باريس بانها لن تستخدم الفيتو هذه المره لذا ما كان من شفع الحله الا ان اخلوا الكوش حتي لاتتكون اي غازات نوويه يتهمون فيها بصناعة اسلحة نوويه واستعمالها ضد الكدايس هذا حدث ولم يسن اي قانون كديسي يوضح الايجار فعفوا ايها الساده ان كنت تهاتروننا نحن اصحاب الشعر الاصيل
الموضوع الثالث هو هو الاساءه والتجريح من ودنفاش حيث قال
فليكن
فليكنين ياودنفاش
اما الشعر الحدسي فهو باقي ان اراد البعض او لم يرد وارجوا الالتزام بالموضوعيه والشفافيه في تناول مثل هذه المواضيع الحساسه حتي لا تتشربك الامور وتتعقد اكثر من ماهي مامعقوده واختم بنص اصابني في هذه الاونه

يا بنفسج يامكعوج خطوط######## التماس قيثارة موسيقي
لحن يضج بالضجيج ولا يحنوا##### الي السماء ولا النجوم
قمرا يسطر عند التلاقي############### ##مسامات الفرح
حزننا يؤكد####الانبلاج الي العالم السفلي###روحاتصعد في ادرج النزول
غيمة تحملنا علي اكف الدائنيين##ويملاءني الانيين###ساذهب الي المقهي
ذاته المقهي الذي ذهبت اليه في القصيده السابقه
ساذهب لاحتسي ذات القهوة القويه
وساجلس في ذات الكرسي
لاسرح
وحينها ساسرح سرحه مختلفه

الخنفشارية لحن ينساب ما بين ضفاف النفس وشغاف الشوف) د/بيان - اللحن الخنفشارى، ص 201

احمد يا حاقد
يعني عشان ما عندك كديسه تقوم تشنف لينا خنفشاريتنا
قالو الما بتطلو جدعو
loOoOoOoOoOoOLZ
يا زول انت فاهم الموضوع بالعكس
الخنفشاريين لا يحثون عن الكدايس بل الكدايس هي التي تنتقيهم وتختارهم
و بي كدا ما بيكون بينهم الا كل خير يعني لا مجلس كدايس ولا محاورولا يحزنون
على فكره شوف انت هسه ساي تلصق في الخنفشاريين بقيت خنفشاري بدون ما تحس
حالتو ما عندك كديسه
lOoOoOoOoOoOoOoOLZ
انت بتكون عندك غنمايه

ود نفاش سلمت يا هذا
يا خنفشاري يا اصيل
علي بكره ودنفاش دامن جهابززه الخنفشارييين
يلا بالله ارقعنا بي مقطعين


سنتيمنتال نصبناك مورخا للخنفشاريه
لانك حافظ كويس
LOoOoOoOoOooooooOooOoOLZ

Quote: Quote: كابتشينو عندما كنت جالسة فى مقعدى الوثير الاثير اقرأ مجموعة فاليرو ماسيمو مانفردى قفزت قطتى السيامية واسقطت كوب الكابتشينو فاندلق الكوب فى كتب سمير امين وادونيس واركون فرفست القطة التى اتصلت وادعت الاضطهاد اتصلت ب911 و اعتقلنى حراس المدينة والقوا بى فى محبس يقع فى الشارع الخمسين بين فاينستريت وكولمبيا وصرخت تبا لتلك القطة اللعينة وطلبت ان امارس حقى المدنى واتصل تلفونيا واتصلت بمكتبة الكونجرس لترسل لى كتب كونديرا راعية

هى الجاب الكدايس هنا شنو
انا عندى حساسية وازمة منهم
خلاص انا بقعد فى المدرسة الحداسية
بعدين شايفين القصيدة دى
الكديسة قربت تودينى جونتوموبى
بس عللى الله ستر ساكت

الغالية د.بيان راعية مبدعى الحداسة
سلامات
بوست حديس من ابو كديس
واصلوا الابداع فى المنجرة الحديسة ومنكم نتعلم
تسلموا

ضب خنفشاري في حفلة ارستقراطية

بحركة خنشفارية خاطفة.. فكيتها في البودي غارد..
شالت فيهو.. تهنجكت في هيئة مدير تنفيذي مسؤول عن
عن الساوند سيستم...
ضجت الصالة بلعلعة ابراهيم عوض
اصطف الشفع.. لاستقبال العروسين
وبعد ذلك بقليل.. بدؤوا ممارسة نكش فستان العروس
... سكوها حتى انكبت على وشها.. وفقدت بودرتها..
العريس كان زائغ النظرات..بذل جهود دولية
لكي يبدو وجيها.. شعره متجلط كطائر ام قيرادون
تحت رزاز ليلة ماطرة
... المهم كنت اوجه منه
الناس منورين.. الا انا ابدو شاحباً..
بدت أعراض التكرفس تظهر على قميصي
رغماً عن عدم وجود مدافرة
القشرة هنا مختلفة .. قشار دموعك بس
تبكي بس ....
جاطت الحفلة.. وجاط بي الزمان
الاسكيز.. ويالهو من اسكيز
فتيات كاسيات عاريات.. رؤوسهن كأسنمة البخت
شداد .. لمن غلط..
فتشت عن دفار.. بابور.. فلم اجد
جلهن من ماركة عصعوصة..
دفعتني شدتهن.. لتقديم عرض.. يليق بي كود قبايل
تقدمت .. نحو العروسين.. وطلعت المنصة..
مبروك يا حبة.. مبروك ياعروس
أزدادت لعلعة الفنان.. وازدادت معها كواريك الشفع..
وزغردة.. النسوة.. أما الجلاكين.. فخليهم.. ساكت
المشغول بكدوسو.. والبربط ليهو حبل في رقبتو..
حسيت بعقدة.. في حلقة.. ومرارة.. في جسمي
لكن قلت يا معلم… انسى فرنسا
لحسن حظي كنت افضل من يجيد رقصة القرد..في الحلة
وهاكم.. التف حولي الاسكيز..وجاتني هيجة..
سقط كيس تمباكي.. وضاعت كل محاولتي البائسة لانقاذه
من تحت أقدام الاسكيز ..
....تحولت فجأة إلى نجم الحفلة..
الجميع يحرص على أن يستهل بي التبشير..
رقصت مع ام العروس.. وابوها.. وخالاتها..
إلا اخو العروس طبعا..
يعاين.. لي ويعاين..
خلعتني بت.. بلوراية ..
انت تبع منو.؟ العريس.. والا العروس
قلت ليها..تبع الاتنين وجاي مخصوص
من اليو اس.. عشان العرس..
... الكويس في العالم ديل ما بحكوها معاك

LOoOooOOoOOoOOoOooOOoOOoOOoOooOOoOOoO
OoOooOOoOOoOOoOooOOoOOoOOoOooOOo
OOoOOoOooOOoOOoOOoOooOOoOOoOOoOooOOo
OOoOOoOooOOoOOoOOoOooOOoOOoOOoOooOOoOOoO
OoOooOOoOOoOOoOooOOoOOoOOoOooOOoOOo
OOoOooOOoOOoOOoOooOOoOOoOOoOooOOoOOoO
OoOooOOoOOoOOoOooOOoOOoOOoOooOOoOOoOOoOo
oOOoOOoOOoOooOOoOOoOOoOooOOoOOoOOoOooOOoOOoOOoO
ooOOoOOoOOoOooOOoOOoOOoOooOOoOOoOOoOooOO
oOOoOOoOooOOoOOoOOoOooOOoOOoOLZ

ودنفاش الخنفشاري

ظبط والله يا حبه
لكن تعال هنا ما عزمتني ليه

يا ايهاب
انت الظاهر عليك
اليوم داك.. بكون كسروك
ياخ موش اتفارقنا
انا كضب وانت كدبيب خنفشاريين
كل واحد يكتل حفلة براهو

loOoOooOoOOOOOOOOOOOOOOOOOOOOOOOOOOOOOOOOOOOOOOOOOOLZ
يازو ل متين الكلام دا


نجره ما قبل النوم

ويتدفق الهجيج
رغم الجفاف

يا كجي الابدي
ايها العارض
كفاك شرشره
وانبعاجا
في السهله

البوح مسكوب
والانشكاح
بوتقه الاماني
و الضهب لا يكون مباحا
الا في الزمن الخنفشاري

انتو تمشو تتضهبو و ترموها فينا

LOoOoOoOOOOOOOLOLZ

تجربة جديرة بالتثمين ..يارب.. بيان العسل دى موديانا وين
شاك

اولا نرحب بالدكتورة الاخت مهيرة فى هذه المنجرة الحداسية
يعجبنى جدا الجدل بين المدرسة الخنفشارية التى هى تابعة لما بعد الحداسة تكسرت فيها الانا و تعالى صوت اللغة ومات المؤلف لوووووووووول
والمدرسة الحداسية التى يعلو فيها صوت الانا و تتكسر اللغة

و يا ود نفاش انت خترى جدا
والله استمتعت بحوارك مع الخنفشارى
ايهاب
واعجبتنى الملامة فى عدم توجيه الدعوة للعرس الكتبتا عنه
فتحولت هذه المدرسة الى مدرسة سودانية من نوع نأكل مما نزرع
و كذلك اعجبنى ادب الاختلاف والافتراق بتاع فراق الطريفى لى جملو

الاخ شاك
كل المدارس الادبية الحداسية
نمت تحت دخان الحشيش وشم الكوكاين
وبخار الخمور
والقعدات على الاقل مدرستنا دى ما اعلن عنها فى ماخور
والجماعة ديل الواحد بس بيخت سفتو ويجنن الكىبورد
شكرا للطلة ونتمنى لو جربتا تكتب لينا شعر حداسى

المدرسة الخنفشارية... نسيج حرفي متقن.. تفوح منه رائحة الخشب الأصيل.. المنحدر من سلالة منقرضة في القارة الأفريقية....والخنفشارية لا تتوارى عن مواجهة الذات.. شأن الحداسية

أتمنى ألا يأتي اليوم الذي تنتحر فيه كافة المدارس بما فيها الحداسية داخل شقة صغيرة يسكهنا خنفشاري واحد فقط..

التحية للدكتورة الخترية بيان

سلام ود نفاش
ابن منتال
الطفل العابث هذا
سيقوم يوم بالصراخ يا فيها يا اطفيها
ويقوم بتصفية شنتير و ايهاب ومن لف ملفهم
عشان كدا لازم نعمل اسليبنق سيلس
زى ناس القاعدة
فيدك معاى نولف شاك دا

النمل يحصى أيامه



النمل يحصى أيامه




ذات هزيع...
ركبت سنبلتى التى تحلم
الله أعلم هل تعلمت السرى
أم ان كان الوقت بدرا
تفرقت السنابل ايدى سبأ
والعصافير تختال على وجنتيها
والنهر أسلم
معللتىبالحَب والنمل دونه
أنظرى بالله كيف البين علقم
نملةٌ تمشى الهوينى
يتبعها فحل عنيد
وأخرى تختال فى حنبكها
طُراً لها ... تحصى أياديها بالحب تنعم
وبستان جزيل النبت مونق
عليه ثلاث وردات سمان وجنطلة
سبيب النبع مغرم
مشيت اليه وصحبتى
نقتات من وشى وديك الشيط
خزروف منمنم
وبعاطنا تمتاط من شفاشفه
خرٌ يمتطى شاة الصفور الغليظ
وتجر بعطيها بذيل الديلم
والشحاميط تدخل جحرها فى الليل
تحصى الانفس الولهى بيوم ويوم

من ديوان : الغريق فى بيت النمل

يا واقفه بيني وبين مداخل الضي
يامدينه
ملينه بالقوه ومتينه
يا حنينه
معبيه حنان ونظره متفدمه وشجن
تاه وطن
وانفلتت حيوط التلاقي شوق ومحن
يانص معبق بالهيام
ومدفوق وهم
يالون مفرهد بي لوحه منسيه
يارومانسيه
احبك
واموت يعفصني القمر
او يخنقني الشعاع
وارحل فوق البيوت الما اتبنت بالعتمه
ولا انتهت في ضل الصباح
اه ياضهر مركب
خشب مركب
اه يا انا
اه اه اه

شخصي الضعيف

Quote: يا واقفه بيني وبين مداخل الضي يامدينه ملينه بالقوه ومتينه يا حنينه معبيه حنان ونظره متفدمه وشجن تاه وطن وانفلتت حيوط التلاقي شوق ومحن يانص معبق بالهيام ومدفوق وهم يالون مفرهد بي لوحه منسيه يارومانسيه احبك واموت يعفصني القمر او يخنقني الشعاع وارحل فوق البيوت الما اتبنت بالعتمه ولا انتهت في ضل الصباح اه ياضهر مركب خشب مركب اه يا انا اه اه اه

شخصى الضعيف


لوووووووووووووووووووول
غايتو حبيبتك دى
الا مفلكبة
والله انت ما عادى
وخترى لما خترى

اتخيلتا حبيبتك دى مشوطنة كدا
والرقة بجنبها ما جاية تلكزك بكوعها تكسر ضلعك

بعدين دائما الشعراء حبيباتهم رقيقات وناعمات
الان عرفت ليه بعلى ترك الشعر بعد الزواج

لكن قصيدة ترادف فيها الحبيبة والوطن فى فد حمار

وين يا شباب
الطابور خلص
مافى زول جا للمدرسة

نقطة خنفشارية

تحلق بي.. سرمدي.. لونها..
افعوانية.. تقذف بي .. في غياهب النسيان
فاستحيل هاجساً .. يدقها في رأسها.. حتى
تفقد الذاكرة..
سأجئيها.. مارداً .. رغماً عن قمقمها اللعين..
كما.. كنت دائما..
سيداً صلداً.. عنيداً..
سأروي لها..أنني تملكت.. وتسيدت
قروناً وقرونا..
وانني ما هذيت بها..
وأنها لم تك يوماً شيئا مذكورا..
يا صابئة..
اختلي بنفسك…
واعلني وافتك..
فالموت.. على شرفاتي
شرف لك..

ود نفاش هاك التناص دا
ايه دا كلو
يا ولد لعل الشكوش كان قوى شديد
بقوة 8 ريختر
خلاك ترجع لشعر التفعيلة

دكتورة بيان
صباح أو مساء الخير

الخنفشارية لا تنكر التفعيلة.. ولكن تناصبها العداء فقط
بعدين بيني وبينك دكتورة.. الشاكوش .. استخدمت فيه ادوات
تخالف معاهدة جنيف الدولية

كر على يا ودنفاش
خلاص البت دى نوديها الهيج
والله ما عارفة
what she missed
تعيش وتأخد غيرها
وهى الخسرانة اسع كان كتبتا فيها شعر حداسى
شفيف وبنفسجى

صباحكم بي نكهه الخنفشار المسرسب انبعاجا

شنو يا دكتوره انتي مديره ما شايفه شغلك كويس
الناس ديل عيارم فلت الظاهر
يعني الزول ما ينشغل منكم يومين
loOooOoOoOOoOoOooooOoLZ
ود نفاش

Quote: اختلي بنفسك… واعلني وافتك.. فالموت.. على شرفاتي شرف لك..

loOoOOOOOoOOoOooOoOoOOoOLZ

افتوووو؟؟؟؟؟؟

Quote: الخنفشارية لا تنكر التفعيلة.. ولكن تناصبها العداء فقط

LoOoOOoOoOooOoOoOoOoOoOOoOoOlz
شعار خنفشاري سايكوبيز باللوز عديل

سلام يا ايهاب
دا شعر حر عايزنى ابقى زى نازك الملائكة سنة يا انا
اقول شعر حر واعمل ليهو قوانين
وكوانين لمن لم يتبعه
الحرية المطلقة
حرية اكثر من حرية
العصفور المقيد بقوانين الجازبية
هى هذه المدرسة الخنفشارية
كنت عايزة
احتج على الخليل
والعنه
لكن المؤرخ بتاعى
قاعد يجمع كل الحاجات والجلطات عسى يوم تدور شكلة
وينشرها ويقول ان خنفشارية مارقة
الولات بتاعتك دى ذكرتى
الحنة خلاص يعنى راجل معرس بتعرف النقشات الجديدة يعنى
الكلام دا مكرر يوريك خالتك عجزت
بقت تعيد وتكرر

LoOoOoOOOOOOOOOOoOoOOOooOOoOOoOoOoLZ
دي اسمها نقشه القرد كمان
هههههههههههههههههه

كلام خفنشاري يا دكتوره ما عندنا اعتراد
ونعتذر عن الخستكه
هسه لو استغليتا في مقطع منخفشر كدا موش كان احسن
ساعود مساء
يبدوانها ستكون ليله خنفشاريه التماهي
الم ليك في البوست دا ان و اخونا ود نفاش تجي الصباح
تلقيهو مشلفط و عينك ما تشوف الا النور


علا ولا مواخذه التماهي دي يعني شنو
محرقه روحي من زماااااااااااااااااااااان

التماهى
ذى بعدين لما العروسة تصل ةانت تقعد تغسل فى العدة وترسم ليها فى الحنة وتنضف البيت وتغسل الهدوم وتطبخ
يعنى تتماهى فى دور زوج حضارى
اها فهمتها ولا لع

ههههههههههههههههههههههههههه
لا لسه

طيب
اذا العروس قالت عايزة قروش
تقوم تتميه فى دور زول طرشان
اها فهمتا ولا لع

ههههههههههه
اتماها طرشا

بس خلاص الكديسه جات في وقتها
دا مطلع كويس لي النجره الجايه




صباح الخير

وين التماهى
يا ايهاب

حبيبتى
اريد ان اكون قربك
ولكن
كيف السبيل
ليتنى تماهيت فى جدار بيتكم
او فى كراسيكم
فقط اريد ان اكون قربك
اتريكنى اتماهى فيك
حتى لا يكمشنى حارسيك

النشيد الخنفشارى

نحن الخنفشاريون ...خنفشاريوووووووووووووووووون
نأكل المرقة.. ونستحمى بالصابوووووووووووووووووون
لو عندنا فرقة...اه...
لو عندنا الفَرَقه ... سنمضغ العطروووووووووووووون

خنفشاريون للاخر... نعشق الكلمه
نهجنا الساخر... الشعر ما علما
يا شعبى يا طاهر.... الموت للظلمة
والمجد للصالوووووووووووووووووووووووووووووووون

نحن الخنفشاريون... خنفشاريون للاخر

كع

ابن منتال
آزول ابشر ساكت
امشى شوف الكلام الجايبو نايل
عن قصيدة النثر
شعرنا دا منطبق عليها تماما
مثل القفاز واليد
الخنفشارية و النثرية
تب مردوفات فى فد حمار

لعناية الاخ حسين ملاسى

والله قربت اصدق !!!

شوفتا كيف يا حسين
ضايعين بالهملة ساكت