هداية الضهبان فى فرز الكيمان... للقادمين الجدد

تعميما للفائدة جلبنا هذا البوست المأرشف لاهميته القصوى
للقادمين الجدد..
مع تحياتى لكم باقامة سعيدة

كومى... وكومو.... وكومك

كدى يا دكتورة ركزى لينا راسنا نحنا الناس الجداد (لك الحق فى كسر الجيم أو ضمها)
يعنى نجى داخلين بى كومنا ام نتكوم على كوم جاهز و معبأ أم نعمل دوت كوم

الحلاوى
انت جيت بسنونك يا اخوى
وبما انك جيت بسنونك
اكيد الجداد ما بالفتح(لانه قالو الجداد بالفتح ما عندو سنون)
الجداد البضمة ديك
بعدين انت عارض نفسك ليه انت مش قلتا خنفشارى وحبوبتك شنو ما عارف
تبقى فى كوم الخنفشايرة وهو كوم موسمى الجريان
ولا يازول اتوهطا شوفتك ليك شوفة تانى
عاد اتلومتا لو عايز تدى كومك شاكوش وتفكو عكس الهوا
تنضم لبوست معادى
اقعد شوية يمكن لما يفكو التسجيلات
نبيعك لكوم آخر

دكتورة بيان سلام كبير وأجمل تحية
أنا كنت محايد جدا وما أظن إني فتشت كيمان وكان هدفي دائما المواضيع الجيدة ومرات بجامل بوستات البنات لزوم تشجيع وتخفيف دم خاصة صاحبات الاسماء الرنانة وبصراحة معجب جدا بي كتاباتك مش مجاملة يعني يا دكتورة
بس طرف سوطك لحقني المرة دي لأنه في سؤال كان محيرني مرات بنزل مواضيع جادة وتستحق النقاش بس في لحظات ألقاها وصلت أسفل السافلين بالرغم من أباتي الكتيرة وبالرغم من أختيار العناوين المشوقة والمبهرة وما كنت عارف السبب ولقيته عندك أتاريه عدم إنضمامي لأي كوم من الكيمان وقايل الحياد بيجيب نتيجة والله كنت مغفل بشكل
المهم جزاك الله خير يا دكتورة نورتينا وشوفي لي كوم كبير فيه نباحين وحراس كتار عشان أكون معاهم وأريح نفسي من تعب اللهث ورا المواضيع الجادة وأكتب أي كلام وألقاه في السطر الاول دائما ويلعلع اسبوعين ثلاثة في المنبر ويمكن لي شهور ويصل الرقم القياسي من أمات صفحتين وثلاثة صفحات
ولازم يكون كوم فيه بهرجة وأناقة يعني حديقة متنوعة الاشجار والازهار والفاكهة وإنشاء الله يبقى ليكي الاجر وتكسبي في معروف

الاخ الكريم حبيب بلدو

شكرا ليك
اها يعنى كنت داقس
اسع ابقى تفتيحة
وشوف ليك كوم صنمو تمام
تانى امك تدعى ليك يا ولدى تتعلى ما تدلى
والله يديك كوم صنمو يسوط عين الشيطان

العزيزة بنت مدينة الحديد والنار
الكتورة / بيان
التحايا والود والشوق النبيل
لقد افصحتى وابنتى سياسة الكيمان التى احسست بها من
الوهلة الاولى ...نحن اتينا هنا فى هذا السودان المصغر
لنطرح هموم الوطن وهموم الغربة ليشد بعضنا بعضا لنتحصن
لنواجه الاحباط والضيق الذى ينخر عميقا فى دواخلنا ...
اتينا الى هذا الحوش الكبير لنلقى همومنا وراء ظهورنا ..
ونفتح قلوبنا ... ويصغى كل منا للاخر..فالغربة هى نفس الغربة
..والوجع هو نفس الوجع.
لم نأتى لنتحزب ...لم نأتى لنتفرق الى اكوام متناحرة ....
تستعر بينها اوار حرب متأججة ... لكنها هى طبيعة البشر
السيطرة وحب الظهور والانانية والاثرة .
انا لم اتى الى هذا البيت الكبير لاكون احسن الناس ..او لاتفوق
على الاخرين...او لاكون انسانا سيكوباتيا امارس احقادى على
الاخرين.
اتيت لاجد دفئا... وصدقا ..ومشاعرا تفيض بالالفة والود لنعيننى فى اصقاع الغربة .
لك منى كل الود والامنيات الطيبة. ورجو ان تضيفيننى الى كومك.

احمد داود

الدكتورة بيان:
تحية طيبة
بقراءة هذا البوست تذكرت جملة ذكرتيها في احدى مداخلاتك على موضوع طرحته من قبل هذه الجملة كانت ( و يكبر كومك).
الآن فهمت معنى تلك الدعوة التي دعيتيها لي!

ما طرحتيه عن مسألة الكيمان لاحظته بعد فترة وجيزة من دخول المنبر، حيث كررت أكثر من مرة أن كثير من المتداخلين يركزون على (الكاتب) ويهملون (المكتوب). وهذه لها علاقة طبعا بحكاية الكيمان.
الشيء الثاني والمرتبط بالموضوع هي مسألة تصنيف العضو مع أول بوست وبعد التصنيف يتم تبادل المعلومة تلفونيا أو بالماسنجر، ويتم تنسيق المواقف هناك.

أنا شخصيا لا أحبذ حكاية الكيمان وأظنك لا حظت كيف تستهلك مساحات البورد في كلام أقل من فارغ فقط مجاملة للكيمان.

الكريم همام
اغتيال الشخصية دا اااااهم حاجة
لكن انت تبقى قرج
تجيهم فى قلبهم

اسمع قصة الكيمان كلنا عارفينها حاجة كعبة لكن مكره اخاك ما بطل
انا البنظر دى كومى موسمى بيختفى مباشرة بعد
قولة كع
ويجو بعد العجاجة تنجلى
عشان كدا بقيت براى ورفدتا وسرحتا كومى

سامع يا ابو جهينة

.

Quote: اتيت لاجد دفئا... وصدقا ..ومشاعرا تفيض بالالفة والود لنعيننى فى اصقاع الغربة . لك منى كل الود والامنيات الطيبة. ورجو ان تضيفيننى الى كومك.

يا ابن عطبرة وصلتا تب يا اخوى
مرحب بيك بس كومنا دا مشاكلو كتيرة شديد
لكن من دواعى السرور ان تكون مننا
تانى ما عندك بوست بيقع واطة تب


راجع ماسنجرك

انا ما عارفة حكاية الكيمان دي....
لاني يادوب بقول باسم الله
ولكن اعتقد انو في حاجة اسمها تناغم افكـــــار ...
فهي تجذب كالمغنطيس فتجبرك على متابعة موضوع هذا الشخص والرد عليه باهتمام

عليكم الله ما تخوفونا ... ننسحب يعني

العزيزة مناهل
ما تخافى
الجكس هنا حظو احسن
ما شايفة حبيب بلدو قال كابى الظرافة معاهم
بس برضو الله يديك كوم باتع

8

يا دكتورة

انا جيت جديد وقايم من نومي ادوني
ولا وروني كومي


ود الشيخ حسنه لله

بيان

عليك الله كيمان شنو؟...انا حسي من جيت ما لي شوية.... وكل مرة اقول الزول دا كومي.... يديني بومبة و يطلع ما كومي..... وتراني عايش بين الناس بايدي وضراعي........لا كيمان ولا حاجة

يا دكتور سجيمان

ما قلنا ليك
نتلمى سوى سوى
وابيت
كان خربنا البلد
وبقينا كوم يخوف الامة دى ويجهجها وتبقى قصة قبيلتين
رباطابى وشايقية

Quote: ..... وتراني عايش بين الناس بايدي وضراعي...

هذا شعار المرحلة

اهيييييييييي
يا ود الشيخ برضو ما عندك كوم؟؟

يازول انا مصاقرة الهاوان دا 24 ساعة
عارفة كل شاردة وواردة
اصلى فى المعاش
فانت عندك كوم باتع
الله يخلى ليك


هى يازول انا بهظر معاك ما تقوم تشاكلنى انا بمناسبة
يوم المرأة عايزة ابقى مرأة
مش ذى ما قال صحاب دكين انه انا وبيان ارجل ناس فى البورد دا

الأخت بيان
عندما دخلت هذا البورد لم تحظى مواضيعي بأي اقبال وندمت على انني لم افتح بوست بتقديمي للناس ليس ليعلموا من انا بل حتى يكون هنالك بوست بأسمي سجل فيه العديد من الأعضاء .
لن انضم لأي كوم ولن انزعج من عدم الإهتمام بمواضيعي فسأظل مؤمنا برأيي مدافعا عنه وليذهب ترموميتر الشعبية الى الجحيم وسأظل في البورد الى ان يفصلني صاحبه ( معناها حأقعد بدمي الثقيييل على القلوب ).
احيي فتحي البحيري ، راكوبة ، عماد بالاك ، النيل .
وذلك لصمودهم رغم الإجحاف في حقهم .

على
لوووووووووووووووووول وتانى لوووووووووووووووووووول

الجماعة الجبتا سيرتهم ديل منهم من له كوم

Quote: معناها حأقعد بدمي الثقيييل على القلوب ).

دا شعار رافعاه انا لى اربعة سنة
يلا نتكوم مع بعض

يادكتورة
أولا أحييك وأشكرك برضه فى مساعدة الغبش
وما بتقصرى يا بت عطبرة فى كل أهلك السودانيين
بعدين الكيمان ما ~أنواع
ونحن ما بنفرز لكن مفروزين
بالمناسبة راجعى المسنجر

أخوك الضهبان فى آخر عمره صديق

لوووووووووووووول
يا استاذ صديق عارف
اسع تلقى ليك كوم وتبدأ تفرز
شكرا ليك

قايتو يا بيان أنا الشايفه نفسي في البورد ده زي اليتيمة
كل الناس دي عندها زملاء دراسة أو أصحاب أو جيران أو أخوان معاهم في البورد ده و بكبروا رأسهم و كومهم كمان الا أنا مقطوعة من شجرة و لا في زول واحد رحب بي من جيت داخله البورد ده و لا في زول جايب خبري
حسه غبت قريب لشهر ما في زول عبرني و الناس لما تغيب تلاته يوم ناس كيمانهم ينزلوا في البوستات و التحنيسات و الأغنيات
بس المحيرني بعد ده كله بوستاتي بتلقى شعبية يعني ما كتيره خالص لكن أهو ممشيه حالي و أنا زي سجيمان كله بايدي و ضراعي
أها قبل ما أمشي عاوزه أقدم استقالتي من كومكم ما شايفه فيه عمار لي
أها يا ربي المره دي حألقى ناس من أعضاء الكوم يحنسوني؟

غايتو انا كمان يا ندى ونجاة حاصلة لي دوشة كبيرة اشيل والخبط في الكيمان زي ما بلخبط في سفنجات البيت اشيل فردة دا اوديها لدا ومرة متشاكل مع كوم كدي ونسيت ودخلت وصنقرة واتاري الزول ما خليت ليه صفحة وبس وشلت سفنجاتي بالقلبة وجريت ، والعجب الناس الاسماءهم بتشابه بجهجهوني ليك جنس جهجهة لوووووووووووووووووووووول من الروحة

ندى كيف ياخى انت فى الاحداق والله
وكومك كبير ومخيف شديد
ناس الجندر هينين ولا هينين

لووووووووووووووووول
يا عشة الاسماء المتشابهة
ذى حسين ملاسى وحسام هلالى
ديل كانو يكتبو الاسماء بالعربى

شكرا جدا
انا عارف انو في سياسة كيمان في البورد دة
لكن انا جيت المرة دى بي توب جديد لنج وبي
سياسة برضو من الورقة يعني كومي وكومك دي
ما شغالة معاي زول نضمي ساهي البعجبني بكتبوا
والما بعجبني بشرط ورقتوا قبل ما يمضي نصف الزمن
وما بقعد بين قوسين كلو كلو انا طوالي بخت نقطة
وبفتح عشم جديد وبجمع الكراريس وبربع أيدي في الحصة

العزيزه ندى ...

والله ما براك ... لكن مشكلتى انا دى يمكن تكون عويصة شوية ....أنا مشكلتى انى ما بعرف العب لعبة الكيمان دى من وانا فى الابتدائى... و غايتو بحب اعزى فشلى فى هذه اللعبة الى طبيعتى "الحقانية" اللتى تقول الحق حتى و لو فى نفسها( طبعا ده عشان أعزى نفسى بس و ما اعترف ليها بأنى غشيمة) ... لكن و الله ما عارفة مالى .... جيت أمريكا دى ..ولقيت نفسى برضو مخرمة برة و ما جايبة خبر الكيمان ... وشايفة غبائى الكيمانى كيف ؟؟..لدرجة انى ذاتو ما بعرف انه فى كيمان حاصلة ,, وبجى داخلة "توووش" فى أى موضوع و مع أى زول دون حساب ,, و أتارى الناس بتكون متمحنه تعاين فى الغشيمة الما عارفة الكيمان دى.. و زى ما قالت عشة بت فاطنة .. أشيل و اللخبت فى الكيمان .. أقوم من كوم ده .. واقع فى كوم داك ... و فى النهاية أطلع من المولد بدون حمص ....
المشكلة فى ناس بفتكروك انك عاملة حريفة ... وبتلعبى لعبة البيض و الحجر .. يقوموا يزعلوا منك .. وتانى كان اديتيهم السلام .. ما بردوا عليك ذاتو ... وهم ما عارفين انك ما حاسباها خالص .. وفى ناس تانيين بفتكروك "طيبه" بتاعت المصريين ديك ..يقوموا يهمشوك تهميش شديد and take you for granted بصورة تدبرسك ...أآآآه ..قصة صعبة ....

غايتو ... الشدة دى الله متين بديها لينا ما عارفين ...

يا دكتورة بيان .. كلامك أفاد وأبان ..

يا همام .. وسجيمان .. و ندى بت علي .. ويا علي ود عثمان ..

وكل الحبان .. ما دام أن بتحترم المعتقدات وبتحب علا بلدك .. فإنك من تقع ضمن أفضل الكيمان .. أنت في كوم الوطن العزيز ..

نختلف في الرؤى ووجهات النظر .. لكن يبقى الوطن هو أساس الالتقاء والقيمة التي لا مساومة عليها.

وقد أصبح فرز الكيمان ينعكس على مناقشة المواضيع المطروحة .. فمن اسمك يبدأ أفراد الكوم الخامس بالرد السلبي على كتبت حتى أنهم لا يكلفون أنفسهم قراءة الموضوع بل يكتفوا بالعنوان وقراءة آخر كتبه خامسي ثم يعزف على منواله .!!

والخامسي منهم يعتقد جازماً بصحة كتب الخامسي الآخر مهما كان مما فرغ أدب من محتواه.

خذا مثلا قضية المدعة موناليزا .. على الرغم من أن المتخصصين ابطلوا ادعائها بأن أحد تقمص شخصها وكتب باسمها .. وذلك من خلال التتبع التقني والاثبات المدعوة هي التي قالت كلمة الكفر .. مع ذلك بعضهم يصر على براءتها.. أمثال ديل عاملين بمبدأ أنصر كومك ظالماً أو مظلماً.

إني أرثى لهم .. وما يعانونه من حالة السجن الفكري الذي يعيشون فيه.

أخوكم .. جاد

الأخت العزيزة الدكتورة بيان

لك ألف تحية على هذا التنوير ، فأنت محقة فى كل ما ذكرتى عن حكاية

الكيمان دى . و يادوب عرفتة الكان قاصدو واحد أخونا القال عنى

( لسة جديد أهو الواحد ينفرد بيهو لحدى ما يلموهو على كوم) تخيلى

ده و أنا يادوب بنزل البوست التالت لى !!! على العموم ما إهتميت

للموضوع و إعتبرتة كل المنبر كوم واحد لما لقيت أخوان عزاز وأخوات

عزيزات دافعوا عنى لكن يبدو أن حكاية الكيمان دى و بكل اسف

مهمة خالص فى المنبر و أنا لحدى الآن ما عندى كوم كدى أنصحينى

أعمل شنو وإنشاالله نصيحتا تخـِّدرك و تكبر كومك كمان وكمان

الدكتوره بيان
تحياتي واحتراماتي
عشان كده اخدتها من قاصره
وقاعده اقراء في البوستات
فنصيحه ليكم يا المعاي احسن
حاجه تعملوها القراءه بصمت
صدقوني حتكون استفادتكم اكبر
ولا شنوا يا دكتوره؟

عزيزتى مها لك الود
أكتبى لنفسك وبصدق وأعتبرى لا احد يقرأ ما كتبتى ، ان نقنع أنفسنا بما كتبنا وبصدق وحده يكفى ، لم يكن الطيب صالح معروفا فى يوم من اليام ن الان يعرفه الكل ويحترمه الجميع

الاستاذ تاج السر الحسن
تحياتي واحتراماتي
شكراً لك على هذه النصيحه الغاليه
وسوف اعمل بها انشاء الله ولكن عندما
اكتب اريد الاستفاده من اراء الناس
الذين اكن لهم كل احترام وتقدير والمنبر
زاخر بامثالكم
فلك كل الاحترام

يا دكتورة نحن موقعنا شنو من الأعراب ناقص ولأ مقصور خبر ولأبيان ولأ اسم موصول ولأ احتمال يكون مجرور لكن ما معروف بالفتحة ولأبالضمة.

دكتورة بيان
شكرا يا بيان .....لتعرية الكيمان
وتعميما للفائدة جلبنا البوست فوق

فوق .....
واتمنى لو ...قدمتى وثيقة تدين التكويم المتعمد
لنرى ....عدد ....نسبة المتكومين .....
تسقط الكيمان
لكى الود

الاعزاء بدون فرز

هذه نصيحة قدمها جازلوت لى واريد ان اشرككم فيها
لانكم بيقيتو كومى..

لو اتبعتوها بحزافيرها ما بتقعوا فى مشاكل وبتقل النبيشة

خاصة الجزء التحتو خط

Quote: الشقيقة الحبيبة بيان. وكافة كتائب عزالدين القسام فى هذا البوست، والبوستات المجاورة. أدركت الآن فقط السبب الذى دفعهم/ يدفعهم الى سبك و(شتمك) والاساءة اليك بأقبح النعوت، سرا وعلانية. فلقد تجاوزت الخط الاحمر!! ذلك الخط الذى لايسمح بإبداءالاعجاب بأى شئ فى الدنيا مالم يكن مصحوبا بتأكيد الاعجاب بالكسحاء وجمهورهم. والكسحاء كلمة تشمل آكلى السحت الثقافى وأذنابهم والغاوين والعاملين عليه!! والميتة والدم ولحم الخنزير. فان لم تحتو وصيتك الاعجابية، صراحة او ضمنا، على فضل قول يشملهم/ن بالاصالة او بالوكالة، فانت هالكة فى الدنيا وملعونة فى الاخرة ويحل لهم/ن ان يهدموا/ن المعبد فوقك، وان يوجهوا/ن كل (ريموتات) العالم السفلى نحوك، وان يفتحوا/ن عليك خزائن الادب(خانة) وبوابات الجحيم، لانك وببساطة قد فارقت الملة وخالفت اجماع امة الكسحاء وانكرت ماعرف من السفه بالضرورة. فتأملى. ولذلك انصحك ياابنة امى وابى بما نصحنى به فقاء (النت) وعلماء (البردبة) - والبردبة يراد بها علم البوردات وبوستاتها- انك كلما ذكرت اعجابك بشئ فى هذه الفانية، وجب عليك، ضربة لازب، ان تممدى خطوط اعجابك لتشمل بعضا منهم/ن، كأن تقولى، يارحمة الله عليك، (أنا أحب ملاح الرجلة وجمهور الكسحاء وآكلى السحت الثقافى وأذنابهم والغاوين و...الخ) أو كمثال آخر ( انا متيمة بأغنيات "ابوعبيدة حسن" والكسحاء واكلى السحت الثقافى واذنابهم ..الخ) أو ( أنا معجبة بأداء مهاجم المريخ الشهير "جلاها الاحوص" والكسحاء واكلى السحت الثقافى..الخ) هل ادركت سر اللعبة!؟