الفة.. وداعية..وغربال.. ندفع اجور لا تنافس

الالفة: عشان لزوم تسجيل المهرجلين.. من الصبيان والكبار
والنساء والرجال .. عشان يتعرفو والناس تتجبنهم..

وداعية: لسبر غور(حلوة دى) المعانى الخفية.. وتوقع اتجاهات الرياح.. حتى لا ندخل فيما لا يليق..مثلا فى بوست بدأ برئ
بعد شوية تلقى العجاجة لوت فيهو والمشاكل والنبذ.. اها الوداعية بتجنبك وعثاء السفر و البشتنة اسع الوداعية بتاعتى قالت لى البوست دا حيحتل ومافى زول بيرد لانه الناس مشغولة بالحروب الغير خنفشارية
وبرضو خايفة يقولو من الكوم..



غربال: لغربلة الشمارات ومعرفة الصح من الكذب.. بعدها تستخدم
طرائق تحقيق النصوص فى دراسات الادب المقارن..
مثلا اذا جاك زول قاليك انا بعرف فلان دا معرفة لصيقة
ومرة حليت ليه مشكلة شخصية(طلاق.. زواج ..الخ).. تقوم انت تشوف امكانية حدوث هذه المعرفة..
تشوف المعاصرة.. وامكانية علان دا يكون صاحب فلان لزم وبيحل ليه المشاكل العائلية وين عرفو ولاقاه وين وكيف وليه(اوعى تقول لى النت).. بعدها تقوم ما تجده وتشوف نسبة صحة الشمار وتحققه..بناء على المعومات المجموعةاذا مثلا لقيت انه مافى اى حاجة تلم علان فى فلان دا كلو كلو
لا المكان ولا الزمان ولا من الاهل يكون دا شمار كاذب واشر.. والجابو ليك كذاب أشر.. ومسكين كمان

اها فى زول عايز يشتغل؟

اسع الوداعية بتاعتى قالت لى البوست دا حيحتل ومافى زول بيرد لانه الناس مشغولة بالحروب الغير خنفشارية

كذب المنجمون ولو صدقوا
UP

Quote: كذب المنجمون ولو صدقوا

اها يا احمد هم اسع كذبوا ولو صدقوا ولا لع؟


نوف ما سمعتى اصلوا الزول ما يشتغل فى مكان امه ستو لانه اكيد بيكون فولنتير.. معقول الام تدفع لبتها قروش؟ ايهى ديى تجى


لكن ما وريتنى عايزة تبقى شنو
الفة ولا وداعية ولا غربال؟

الدفع كيف ياماما بيان ولا فولنتير ساااااااااااااااااي







نوف

الدكتورة بيان
البارحة في سهرة دكتور عوض عالجة معلومة
أردت أن أنعتك بها هنا في هذا البوست
أن أقولك قلبك كبير.
المائدة في المنبر كثرة فيها التوابل والمكسرات
ويا ويلنا من الفلفل التكروني
ونادرة ما تخرجة مائدة يتبعها البطيخ والشمام
بحجة عسر الهضم
وناس زمان والله يرحم أيام زمان
كان الواحد فينا إذا سخن أعطوه جنزبيل وإذا عطس
أعطوه جنزبيل حتى أرتفعت حرارتنا وكانت العافية مرتبطة بالنية

وآسف على الهترشة

Quote: ويا ويلنا من الفلفل التكروني

سلام يا ايمو وين الحى بيك

انت قاصد فلفل الكترونى ؟ و بقيت ما بتعرف تكتب ذى؟

وناس زمان الزول بيقوليهو راسو واجعو بيربطو ليهو كراعو
شكرا ليك على الهترشة .. عوض قال شنو؟

مرحبا بعودتك يا د. بيان

اختى الصغيرة سنا والكبيرة مقاما دكتورة ندى
شكرا ليك يا اصيلة

الدكتورة بيان

افتقدناك طويلا ...وفى ترقب لظهورك

معفول يا دكتورة ما فى زول يرد على

بوستاتك .

دا الكوم كبير جدا

لك منى كل الامنيات الطيبة .

احمد داود NZ

ماما بيان جاءت
من الحواشات
وجابت معاها سبعة
قناديلات

الطيارة يام قدوم
الخالة بتجى متين
تجى فى الدغش بعدالظلام
فى طيارة السلام

والله مرحب بيك
افتقدناك

ولدى الشاعر ابو قوتة

ما تفقد عزيز يا
والله انت برضو واحشنا
خليت الشعر الحداسى خلاص؟

احمد ود حلتنا ومدينتنا وينك انت
والله مشتاقين بقيت ذى مذنب هالى
مرة كل كم سنة كدا
معزتى ليك وخلينا نشوفك

مرحب بالدكتورة بيان
وفى انتظارالحروف
تحياتى

بلدى الحبوب
يا اجمل زول
شكرا ليك على الدعم المعنوى
انا عايزاك تساعدنى فى بحث
ايميلى فى البروفايل
بالله رسل لى

الأخت الفاضلة الدكتورة زينب محمود
تحيةوبعد ٍ
إنه حصاني اللعـين "لايسـبق حوافره "
إلا في حالة ٍ وحـيدة :
عندما أهـبط به في إتجاه نهر ٍ أو حفـيرْ!
معدرةً لمجيئ المتأخر عن ركب المحتفـين بعودتك
الميمونة للبورد.

هل تبقى في طبق" الـودّة " شيئ؟( الودة :
" لغة نوبية " مايُـقـَدم للضيوف .

وفـرةٌ في " الأسـنـّة ِ"، فـيضٌ في " المحابر ِ"،
طفحٌ في " الحروف ِ" وشحٌ في " المعاني"!،
ولهذا يأتيك ترحيبي "مُـتـلّـتاً"( المفردة
العامية مقـصودة).

قـسوت عـليك ِ ـ يا أختي العزيزة ـ في رد ٍ
ما ، لكن الدواخل ـ صدقـيني ـ مسكونةٌ
بالإحـترامْ.

أبغضُ الوصاية وقـمع الحريات و سحـل
الأفكار و"مرمطة" حملة الأفكار في بلد ٍ
ينحدر نحو الهاوية.

(الحرية لنا ولسوانا) ـ هذا الشعار ما
برح الإمتحان الأعسر للمشتغلين بالعمل
العام: لايجتاز" صراطه المستقيم" إلا" قـلةٌ"
آمنت حقاً ـ بما تبشر به الناس !

ـ ـ ـ ـ ـ ـ ـ

أما " الإله العظيم " فهو هـناك في عرشه
المجيد يتأمل عـبثنا الطفـولي في حيرة ٍ
وإندهاش ! ما في وسع " رماح ٍ بشرية ٍ "
مهما تطاولت النيل من عظمته وعلياء
مقامه المبجل !

ولهذا لم أستوعب سر الحساسية المفـرطة تجاه
من يكتب في شئون تتعالق والدين الحنيف.

لك ِ ودي وإحترامي

نورتي المكان

أخوك ِ عثمان محمد صالح

مهمد ساله
يا سلام على لغتك الجميلة الرائعة
لقد جللتنى بالفخر
ان تكتب في ما كتبت
الاختلاف لا يفسد للود قضية
وانا قلبى عامر بالمحبة لك
و احب جدا الحوارات الانتلكشوال
وانت رجل تثير في الرغبة للمعرفة والقراءة
واتمنى ان نلتقى كثيرا فى حوارت فى الادب
وانا ايضا لم اقصر فى الاساءة اليك
فالسماح منك مرجو
وشكرا ليك مليون

العزيزة بيان..
العزيز عثمان محمد صالح..

بالجد.. بالجد.. اعجبتي تصافيكما
وثمنت غاليااعتذاركما الرقيق الراقي
سلمتما..


اها نرجع لي موضوعنا ونهترش شوية..

اثمعي يا بيان يا اختي الشغلانة دي..

ببدفعو فبها بالضينار ولا بالضورار..؟؟
نانو ثنو..؟؟

اخوك مفللللللللللث
وحاري خشم البقرة

حلاوة العودة غنيناها في موّال
بيحكي عن الولف
و أصلو الولف كتـال

كيفنك يا دكتورة
والله فرحنا شديد بي جيتك
بركة الجيتي ياخ
اها سوّيتي لي شنو في موضوعي؟
أكلم ناس البيت ؟