سؤال لخبراء الكمبو يوتر تترتب عليه اشياء

سؤالى
اذا كنت اتحدث مع شخص فى برنامج محادثة ثم اغلقت الخط..
ثم بدأت فى محادثة اخرى مختلفة مع شخص مختلف.. فهل هناك امكانية ان
يتصنت الشخص الاول الى المحادثة؟
الرجاء الرد بصورة علمية ...
ولكم منى اجزل الشكر والعلام حلو

اكيد ما ح يسمعك يا استاذا بيان
طلب المكالمة الثانية يدل على اغلاق المكالمة الاولي


تحياتي

الأخت دكتورة بيان
تحياتي
وأشواقي
عندما كنت طالبا في كلية الحقوق قلت للبروف
"يتنصت" دي عربية فصيحة أم "يتصنت" كما نقول نحن
فقال لي لا يا أبني الفصيح أن تقول
"يتنصت"


زعلان منك شديد بس مزنوق في الجامعة عشان كدا ما أتصلت

طبعا أعرف أنك تعرفين بس داير أكسر حاجز الروتين

منتظر منك مهاتفة أو ماسنجر
حتي نلتقي لك ودي وصادق معزتي
في كنف الله



حول السؤال
ممكن قي حالات خاصة
ولكن يمكن أعتبار الأجابة لا بشكل عام

اكيد ما حيقدر يستمع للمكالمة بعد ان اغلقتيها
وفي الماسنجر لا يمكنك اجراء محادثة (صوتية) مع اكثر من شخص..
.
.
لكن لا يعني ذلك عدم التصنت وبالمناسبة الماسنجر اسهل طريقة
لاختراق الاجهزة..
.
.
فاذا كان المتحدث الاول مخترق جهازك فمن المحتمل يحدث ما ذكرتي..
.
.
واذا عندك شككـ ان هناك من يعبث بجهازك فيمكنك مراسلتي لتقديم ما يمكنني..
.
.
.
( انا لست خبيرا في هذا المجال غير اني احب التسكع كثيرا هنا)..

كدي جاوبوا علي سؤالي دابالمره وكت فياستفسارات من الموضوع دا

اذا كنت تتحدث بلاسكاي بي ودخل عليك متحدث اخرانت لاتعرفه الا يمكنه من سماع كلامك انت مع الشخص الاخر؟؟؟
كنت اتحدث مع اختي بالاسكاي بي وفجاءه سمعتها تقول لشخص اخرانت منو؟؟؟والدخلك شنو؟؟؟ نحن بنتكلم مع اختنا وكنت اسمع كلام اختي فقط وقامت بقفله وقالت لي داواحد جاء داخل توش وقال اسمه مصطفي

If the software you are using has a three way call or conference features, ,
then you may engage in a conference or three way call by mistake. Make sure you hang up the first call completely before you pick up the second(waiting) call>

Anwar

الاخت بيان ..
ما حددتي البرنامج الشغال بيهو شنو ..
الماسنجر بتاع الياهو والهوتميل ..
مضمونات من الناحية دي ..
اما بقية البرامج ..
ذي َICQ والبال توك ..
فاختراقها .. بمنتهي السهولة ..
لوجود منافذ كثيرة ..
بس الامر لا يحدث بالصدفة ..
يعني لازم يكون مع سبق الارصاد والترصد ..

وأغلب البرامج الاخري ..
ما بتخلو من عيوب ..

اما اذا كانت المحادثة .. عبر شات في موقع عربي ..
فحدث ولا حرج ..

Thanks Anwar that is a correct explanation . Thanks for the tip.

خالتنا الكبيرة مقاما و احتراماً دومه

تحية و الحترام

اسعد كثيرا عندما اشاهد مشاركاتك في البورد ....
هذا من ناحية ؛ من ناحية اخرى بالله لو فهمتي كلام الاخ انور الحاج عليكي الله اشرحيهو لينا
بلغة مبسطة لاني ماسح الكترونياً .....







و تحياتي للجميع

الاعزاء
بامسيكا شكرا ليك على الرد..
الحليلة
سلامات يا اخى لك العتبى حتى ترضى .. ارجو ارسال التلفون على ايميل
لانه قد اتلحس مع الماسنجر..وتحياتى للاسرة العزيزة
رانى
شكرا ليك على المساعدة حاتصل بيك ان شاء الله

أنور الحاج
لم افهم كيف اعرف ان جهازى به امكانية الاتصال بثلاثة؟
وشكرا ليك..

حميدة
شكرا ليك البرنامج اسمه سكاىhttp://www.skype.com/
يبدو انه متطور جدا لان المتصنت سمع كلام لم يقال اصلا
فهل فى امكانية ان يخلق الجهاز محادثة لم تتم؟
ويكون برنامج سواط وقلاع و بهات


التحية لدومة
لابن الخالة ملاسى

الأخت بيــان،
سـلام والحمـد لله على ســلامـة الوصــول.
أســلم طــريقـة هى إعتمـاد الحل الســوفييتى!
أقفلى المتصفـح Internet Explorer أو غيـرو، ثم أفتحيـه مـرة أخـرى.. وكان الله يحب المحسنين.

ابن الخالة بالتواتر
مابصدق خلاص جيت؟
يا سلام ليك وحشة ومكانك شاغر دائما
يا كريم
شكرا للاقتراح

د.بيان هارد لك
انا بس الشمار كاتلني
كنتي بتقولي شنو وخايفاه يتسمع كده؟

Quote: يبدو انه متطور جدا لان المتصنت سمع كلام لم يقال اصلا

دي روعة

تحياتي
زولة123

Quote: حميدة شكرا ليك البرنامج اسمه سكاىhttp://www.skype.com/ يبدو انه متطور جدا لان المتصنت سمع كلام لم يقال اصلا فهل فى امكانية ان يخلق الجهاز محادثة لم تتم؟ ويكون برنامج سواط وقلاع و بهات

ايوه .. التكلنولوجيا ماشية ..

زولة خايفة اقوليك فى اضانك يكون اضانك فيها سكايب
زمان قالوا ايام السلطان تيراب كانت الناس كلو كلو ما بتجيب سيرتو وبتخاف شديد قالو الله يكفينا شر قالو بيقولو(ضبان يودى)
اسع سكايب يودى

حميدة
تصدق جد فى تطور مبالغة
الله يمرقنا بس
فى علاقة عكسية كل ما التكنولجيا تتقدم الاخلاق تتأخر

يا حليل زمن الصائح

انتي يا بيان ..
قولي لينا الشمار شنو..
وانا بديك الانتي فايروس ..
ولا الانتي بايوتك ..
حسب الحالة .. يعني ..

حميدة
والله الشمار حرقك
الشمار ينتمى لجنون البقر
دا بيعالجو بشنو؟
الانتى فيروس ولا البنسلين يا تمرجى؟

زمان على ايامنا ايام الف الطوب فيهو الفين وجوز الحمام فيهو تلاتة
الشمار كان اسمو الخبار.. اها كان عندى صاحبتى جنها خبار قالت ما تسمع بى زول جاهو جواب الا الجن يركبها وتمشى تتحايل بكل الطرق عشان تشوف الجواب دا وكانت القارئة الاولى لرسائل كل العائلة
لانها الوحيدة البتعرف تقرأ.. المهم مرة ناس كدا جاهم جواب وما من الاهل.. خاتين الجواب فى الفضية ظاهر كدا.. هى مشت ليهم روحها اشحتفت شديد لجواب قامت لقت فرصة فتحت الفضية تشيلو انتى يا الكبايى طيرى بلا يهبشوك(بسم الله الرحمن الرحيم) واضربى الباب اكسرى القزاز.. وصاحبتى اتجرست شديد ما عرفت تعمل شنو الانقذ الموقف كانو معلقين صورة بت ولدهم فى باب الفضية.. قامت الام جات قامت طوالى هى قالت ليها: كنت عايزة اشوف صورة بت عثمان حلاتها..والكباية وقعت الحاجة بكل ظرافة قالت ليها فدايتك يا بتى بس اوعى تكونى اتجرحتى
ويوم قزازة الفضية تمة.. صاحبتى قالت لى والله ما اتجرح حاجة غير كرامتها.. من اليوم داك اكتفت بجوابات العائلة فقط.. من الشمار ما قتل