Post: #1
Title: دثرونى..... زملونى......(4)
Author: bayan
Date: 01-31-2005, 06:58 AM
Parent: #0
الى الصديق العزيز على الحلاوى.. مع فائق الود والمحبة
لا أدري كيف بدأت تلك المحادثة مع جارتنا التى كانت تعمل "داية" ولكن تطرقنا إلى العجائب
التي تراها في مهنتها.. فقصت علينا كيف انه يوما أتى رجل إلى بيتها في منتصف الليل
وأخذها إلى بيته في طرف المدينة.. فوجدت امرأة شابة تعانى من المخاض.. ومعها بعض النسوة.. ففحصتها وجدتها قريب من الولادة.. فطلبت ماء ساخن أخرجت أدواتها
وشرعت في توليدها .. وكان ولادة متعثرة فخرج شئ ظنته "الداية" إنها المشيمة أتت متقدمة
ولكن أخرجت بعد قليل كيس آخر ولم يخرج طفل.. بعد أن أكملت عملية الولادة
نظرت إلى الأكياس وجدت بأحدهم حركة غريبة.. فقررت أن تفحصه ربما الطفل بداخله.. ففتحت الكيس بالمشرط وصرخت من الفزع لهول ما رأت في ذلك الكيس رأت
أشياء صغيرة مثل الديدان تتحرك فأمعنت النظر فوجدت ما ظنته ديدان تربوا على
المائة ما هي إلى أطفال صغار ..فصرخت مرة اخرى فأتى الرجل فنظر إلى الكيس… فأخبرته "الداية"
إنها يجب أن تبلغ المستشفى.. فأخرج الرجل سكينه واقسم إنها إذا فعلت ذلك سيقتلها..
ثم اخذ الكيس ودفنه بمحتوياته.. ومنذ ذلك اليوم تركت مهنتها هذه…
|
Post: #2
Title: Re: دثرونى..... زملونى......(4)
Author: ود الشيخ
Date: 01-31-2005, 08:12 AM
Parent: #1
بس يا دكتورة الليلة وقعتي لي في جرح
قصة الموية الحارة البنشوفا في الافلام
المصرية دي شنو غايتو ناس بخيته الداية
وعشة الداية في امدرمان ما عندهن بيها خبر
|
Post: #3
Title: Re: دثرونى..... زملونى......(4)
Author: bayan
Date: 01-31-2005, 10:32 PM
Parent: #2
سلام يا ود الشيخ
الموية الحارة بالله بخيتة وعشة ما بيستخدموها..
لانه بيسلخو بها الطفل ...والا جا جلدو تخين..
غايتو كلام انهم ما بيستخدموها دا بيكون اجابة
كبيرة لسؤال اصلى ما قدرت القى ليه جواب
وهو سر تخن جلد ناس ام درمان وفلهمتهم الشديدة ..
اسعتية عرفت السبب و طار العجب...
بهظر معاك ساكت الموية السخنة الداية بتعقم بيها ادواتها..
   
|
Post: #4
Title: Re: دثرونى..... زملونى......(4)
Author: ود الشيخ
Date: 02-01-2005, 01:37 AM
Parent: #1
والله يا دكتورة كان كدي داياتنا فنجريات
عدتن كانت في شنطة استان لي استيل حقت
الاستبالة وبجن من هناك معقمات وملقمات
لكن برضك حليتي لي مشكلة اولاد بمبه بي جازوم
|
Post: #5
Title: Re: دثرونى..... زملونى......(4)
Author: بلدى يا حبوب
Date: 02-01-2005, 10:10 AM
Parent: #1
د/بيان
جيت لزوم التحية والاستمتاع بالحروف
ليك كل الاحترام
تحياتى
|
Post: #6
Title: Re: دثرونى..... زملونى......(4)
Author: محمد حسن العمدة
Date: 02-01-2005, 01:31 PM
Parent: #5
اها يا دكتورة ولمن الصباح صبح ما مشت شافت بيت المراة دي وين وشافت البيت فيهو شنو ؟؟ وما سعلتن من الديدان دي الجابا لبطن المرا شنو ؟؟ والراجل ابا يودي المراة المستشفى ليه ؟؟؟ والنسوان الكانن لامات ديل فاتن وين ؟؟ وليه ما اتكلمن مع الراجل ؟؟؟ وبعدين هو الراجل زااااااااتو المحضرو الولادة ؟؟ بعدين الديدان الزرعوها دي بتقوم شنو ؟؟ ......؟؟؟
Quote: بهظر معاك ساكت الموية السخنة الداية بتعقم بيها ادواتها..
|
اهااااااااْءءء ....ياااا دووووب فهمت ... لكن بصراااحة .. شنطة الدايات الزمان دي ؟؟ تخوف عدييييل زي شنطة المفاتيح بتاعت اللواري والنيسانات ... مفاتيح ميكانيكية عديل زمان كنا لمن نشوف حليمةالداية في بابنوسة وهي جاية من حي السناقل شايله شنطتا .. بنقوم فاكين والشارع ما بفضل فيهو التكتحو .... لكن الغريبة انو ما حصل فكرنا الداية دي بشنطتا دي بتسوي شنو ؟؟؟؟؟ التقول داخلالا جزارة
اها الحاجة المحيراني ... خالتنا حليمة الداية دي من اهم شروطا انو تكون علب
السجائر مكدسة و ( الراجل ) لازم يدبر سجايروا من بدري قبل التفاصيل التانية دي كانت
السجارة قصبة بس وما كانت بتفارق خشما ابدا على طول نيرانا مولعاودخانا مدخن قيزان
وابور البخاري بس ولا صفارة السكة حديد بتاعت عطبرة البيتبارو هي وجرس الكنيسة ...
انتو صحي ناس الكنايس ديل بيجيبو جرساتهم ديل من وين ؟؟؟ الجرس التقول بيدقوهو من
السماء ... اها النرجعو لحكاية الولادات زمان دا قالو ليك زمان كان الولادة بالحبل
قالو المرة يرفعوا ليك من كرعينا.... وقصص كدا غريبة شديد بسموها ولادة الحبل غايتو
حبوباتنا زمان اتعذبن شديد قالو حبوبتنا الكبيرة لمن جدنا الكبير حكى ليها عن تعب
ولادتو ليها حنت عليهو وخصمتو الا هي تلد نيابة عنو اها لمن جات تلد قابيل ولا هابيل
ما عارف داقت المرة وقالت يا ريتني لو اقدر اقول فيك الكلام الما نكتب .
غايتو في سعال محيرني شديد
القصة دي وكت متعبة كدا ومؤلمة وفيها ادواة والا يسخنو ليها الموية ويجيبو ليها شنط
المكنيكية دي ... المتعبا والجابرا على دا كلو شنوووووووو ؟؟؟؟؟؟؟؟؟؟؟؟؟؟؟
|
Post: #7
Title: Re: دثرونى..... زملونى......(4)
Author: Rawia
Date: 02-01-2005, 05:10 PM
Parent: #6
معا لرفع الجهل ونشر الثقافة السودانية...
|
Post: #8
Title: Re: دثرونى..... زملونى......(4)
Author: Hussein Mallasi
Date: 02-02-2005, 02:35 AM
Parent: #7
معاً لاحترام صور ضحايا مجزرة بورتسودان ....
|
Post: #9
Title: Re: دثرونى..... زملونى......(4)
Author: محمد حسن العمدة
Date: 02-02-2005, 03:20 AM
| Quote: معاً لاحترام صور ضحايا مجزرة بورتسودان .... |
معاً لاحترام صور ضحايا مجزرة بورتسودان ....
معاً لاحترام صور ضحايا مجزرة بورتسودان ....
معاً لاحترام صور ضحايا مجزرة بورتسودان ....
|
Post: #10
Title: Re: دثرونى..... زملونى......(4)
Author: محمد حسن العمدة
Date: 02-02-2005, 03:21 AM
| Quote: معاً لاحترام صور ضحايا مجزرة بورتسودان .... |
معاً لاحترام صور ضحايا مجزرة بورتسودان ....
معاً لاحترام صور ضحايا مجزرة بورتسودان ....
معاً لاحترام صور ضحايا مجزرة بورتسودان ....
|
Post: #16
Title: Re: دثرونى..... زملونى......(4)
Author: bayan
Date: 02-02-2005, 06:44 AM
ملاسى:
معاً لاحترام صور ضحايا مجزرة بورتسودان
معاً لاحترام صور ضحايا مجزرة بورتسودان
معاً لاحترام صور ضحايا مجزرة بورتسودان
معاً لاحترام صور ضحايا مجزرة بورتسودان
معاً لاحترام صور ضحايا مجزرة بورتسودان
ما عارفة اهل الضحايا ديل بيكونو حاسين بشنو لو لقوا صور اولادهم دى هنا
الله يرحمهم ولعنة الله على من لم يحترم قدسيتهم.. التبلد وعدم الحساسية صارت
من صفات الشخصية السودانية..
|
Post: #11
Title: Re: دثرونى..... زملونى......(4)
Author: aosman
Date: 02-02-2005, 04:25 AM
Parent: #1
الدكتورة بيان
لا حول ولا قوة الا بالله يعني الراجل ده قتل ليهو 100 رقبة في لحظة واحدة
انا من ما قمت صغير بسمع عن ولادة الحبل بس لحدي الليلة ما لقيتي واحد يشرح لي الولادة دي بتم كيف والحبل ده ليهو نوع معين ولا اي حبل ممكن يستخدموهو وطبعا دي مناسبة عشان تشرحو لي
الاخوة ملاسي و العمدة
انتو اوع ناس الحكومة ديل يكون افتكروا ناس بورتسودان ديل ديدان ولمو فيهم كتل ودفن
معا لنرفع الظلم عن كل السودان
|
Post: #13
Title: Re: دثرونى..... زملونى......(4)
Author: waleed500
Date: 02-02-2005, 04:33 AM
Parent: #11
دكتورة بيان كيف حالك
انا ما عارف اتنين بخاف منهم عديل كده
الدايه وهى محمله بحقيبتها المعروفه واستاذ الرياضيات
لكن ما قلتى لى يكون من شنو ؟؟؟ اكيد الداية دى كانت حلمانه
|
Post: #18
Title: Re: دثرونى..... زملونى......(4)
Author: bayan
Date: 02-02-2005, 07:16 AM
Parent: #13
وليد شيخ الظلامين
استاذ الرياضيات عرفناه..
الداية مالها؟
عندنا ولد جيرانا كان بيفك الدرب لحسن الطهار....ودى مبررة..
لكن الداية؟!!! 
انا زمان كنت قايلة انها بتجيب الطفل فى شنطتها..
|
Post: #17
Title: Re: دثرونى..... زملونى......(4)
Author: bayan
Date: 02-02-2005, 06:47 AM
Parent: #11
Quote: الدكتورة بيان
لا حول ولا قوة الا بالله يعني الراجل ده قتل ليهو 100 رقبة في لحظة واحدة |
دا لو حضر الانقاذ كان شغلوه وزير الداخلية...
معا لنرفع الظلم عن كل السودان
معا لنرفع الظلم عن كل السودان
معا لنرفع الظلم عن كل السودان
|
Post: #12
Title: Re: دثرونى..... زملونى......(4)
Author: ود الشيخ
Date: 02-02-2005, 04:32 AM
Parent: #1
الله يجازيك يا العمدة
انا ميت من الضحك قلت لي ولادة الحبل كيف
يا عثمان الختاهو الله ما بترفع
|
Post: #14
Title: Re: دثرونى..... زملونى......(4)
Author: bayan
Date: 02-02-2005, 06:29 AM
Parent: #12
سلام يا بلدى الحبوب وشكرا على طلتك التى تدخل البهجة فى قلبى..
و بالله ما تنقطع..
ودى الخالص لك
|
Post: #15
Title: Re: دثرونى..... زملونى......(4)
Author: bayan
Date: 02-02-2005, 06:39 AM
Parent: #12
العزيز العمدة
شنو ياخى السؤلات الكتار ديل..
ولادة الحبل(طبعا سمعت بيها ما حضرتها )
قالو بيعلقوا حبل فى مرق الاوضة ويحفرو حفرة اها المرة تمسك الحبل
قوى وتتعلق كلما يجيهاالطلق و تلد واقفة ولما الطفل ينزل تكون الداية مستعدة احسن من "سبت دودو"
ذاتو تتلقف ليك الطفل.. تقطع الحبل السرى و تنتظر لما الولادة تخلص..
الحفرة عشان يكون فى فراغ اذا وقعت ما تقع فى الطفل.. العايز يشوف ولادة الحبل يشوف فلم عرس الزين فيه مشهد بتاع ولادة حبل...
ود الشيخ و ايه عثمان الكلام دا ليكم برضو عرفتو ولادة الحبل شنو؟
|
Post: #19
Title: Re: دثرونى..... زملونى......(4)
Author: Ali Alhalawi
Date: 02-02-2005, 07:49 AM
Parent: #15
العزيزة د. بيان
الجميلون لا يهدون إلا جمالا .. شكرا لكل هذا الجمال الذى ذكّرنى طفول ملئى بأحاجى البعاعيت و السحاحير .. أتمنى أن أجد المجال لأغوص فى الذاكرة و آتيكم بأحجية ذات حكم
شكرا لمعلومة و لادة الحبل .. لقد فاتتنا كما فاتنا فلم عرس الزين فى آخر عروضه بسينما الحصاحيصا .. بعد أن إكتملت كل إستعدادات الشلة لحضورة ذهب جدى لباريه مما زادد خنق بعضنا على "نوادر القضاء و القدر"
|
Post: #20
Title: Re: دثرونى..... زملونى......(4)
Author: ود الشيخ
Date: 02-03-2005, 10:43 PM
Parent: #1
والله يا حبوبة بيان بضحك زي الحلاوي
قلتي الداية بتكون واقفة سبت دودو
بالغتي بوليغ شديد خلاس
|
Post: #21
Title: Re: دثرونى..... زملونى......(4)
Author: bayan
Date: 02-14-2005, 07:21 AM
Parent: #1
فوق
كم انا حزينة لان ود الشيخ غير موجود
|
Post: #22
Title: Re: دثرونى..... زملونى......(4)
Author: Rawia
Date: 02-14-2005, 07:23 AM
Parent: #21
|
Post: #23
Title: Re: دثرونى..... زملونى......(4)
Author: Ali Alhalawi
Date: 02-14-2005, 08:05 AM
Parent: #22
Dear Bayan
Just to say hello. I am back from the war zone. I will stay for 2 days in Kuwait then proceed to Ottawa for 2 weeks. Stay well
|
Post: #24
Title: Re: دثرونى..... زملونى......(4)
Author: bayan
Date: 02-14-2005, 08:17 AM
Parent: #23
العزيز الحلاوى
الحمدلله و الشكرلله ربنا يحفظك ويوصلك لاسرتك بالف خير تلقاهم تامين لامين
طيبين.. وخلينا نعرف اخبارك...
وشكرا لتطميننا عليك
|
Post: #25
Title: Re: دثرونى..... زملونى......(4)
Author: محمد حسن العمدة
Date: 02-14-2005, 12:10 PM
Parent: #24
دكتورة نجاة اتمنى لو تتحفينا بروائعك لنعرف الكثير من عاداتنا وتقاليدنا ما اندثر منها وما تبقى وما يمكن تطويره بتلافي سلبياته وتدعيم ايجابياته
|
Post: #26
Title: Re: دثرونى..... زملونى......(4)
Author: Ali Alhalawi
Date: 03-21-2005, 07:33 AM
Parent: #25
لا يعقل أن يغيب كل هذا الجمال عن سماء المنبر
عزيزتى بيـان .. ألف تحية لك فى منفاك .. لقد كانت صاقعة حين عدت و لم أرى يراعك ينير طلمات المنبر .. أظن هناك جنا قد تقمصه .. المنبر و ليس بكرى
|
|