Post: #1
Title: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-16-2005, 06:41 AM
Parent: #0
الايامات الفاتت دى بعد رفت الضلامين...انا عاد بليت شعرى تب و اتحضرت..
اها قاموا رفدوا ملكة المستنيرين روضا ذات روحها... قمت لاحظت انه كل ما اجى الصباح بلقى زول برة تلاتة يوم وراء بعدض اها رابع يوم الرعب كتلنى تب وما نمت طول الليل..صحيت الدغش وكابست الداهى جربت الباسورد حقتى لقيتها شغالة.. بقيت شغالة منلوج
يا رب دورى متين. متين .. متين .. وبكرى يدو خلاص مشت على الرفت كات فطا يوم بيرميه الرفت ويدومس من كافيين الرفت.. اها الليلة جيت لاقيت الجماعة رجعوهم.. شديت سلك لابو وليداتى لقيتو فى اجتماع قلت لسكرتيرة قولى ليه امر عأجل وهام.. اها جا رد قلت ليه يا حاج روضة ود الشيخ وعلاء العنصرى رجعوهم... اها قال والله حمدالله على السلامة..
اها قعدت عاينت لحياتى فى بلاد برة دى...لا جيران لا حبان..مافى زول تب جنبى..
والعيال كلهم يطلعوا الفجر و يجو المغارب.. مافى شئ غير البورد.. فجأة اكتشفت انه انا بقيت عايشة فى الشاشة الغشاشة دى.. واتحولت لجزء منها...وانه كان ما البورد دا
الاحداثوا اكثر من اى حاجة تانية كان قررضنا من الزهج...
نصيحة لبكرى عصير الطماطم احسن حاجة لفكة الدوميس بتاع الرفت عشان ما تترمى..
وشكرا ليك عشان عملت لينا الحلة المليانة شمار دى..بالله اى زول ترفدوه بتكون ذى الكتلت واحد من افراد الاسرة.... ما بنغفر ليك
  
|
Post: #2
Title: Re: والله وما طالبنى حليفة.... كان ما البورد دا كان قرضنا بالزهج
Author: Fadel Alhillo
Date: 02-16-2005, 06:50 AM
Parent: #1
انشاء الله دايما تامين ولامين
|
Post: #7
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-16-2005, 09:27 AM
Parent: #2
الفاضل الحلو
انت اسمك الفاضل الحلو عشان حلو ولا عشان من عايلة الحلو؟
اللهم آمين دايمان تامين ولامين
|
Post: #19
Title: Re: والله وما طالبنى حليفة.... كان ما البورد دا كان قرضنا بالزهج
Author: Fadel Alhillo
Date: 02-16-2005, 11:13 AM
Parent: #7
Quote: الفاضل الحلو
انت اسمك الفاضل الحلو عشان حلو ولا عشان من عايلة الحلو؟ |
والله يادكتوره الثانيه دي متاكد منها100%
لكن الاولي دي الله اعلم
|
Post: #3
Title: Re: والله وما طالبنى حليفة.... كان ما البورد دا كان قرضنا بالزهج
Author: ست البنات
Date: 02-16-2005, 06:59 AM
Parent: #1
الدكتورة المنورة ،
سلام ،
والله يا اخيتى صدقتى تب !
أنا من شدة ارتباطى بالبورد ، وحب الناس الفيهو ، مرات بتأخر على الشغل فى البلد الفيها الضبط والربط دى !
وخلاص باقى لى أدمنت البورد ، ولو مر يوم من غير لقياكم ما ينحسبش من عمرى !!!
والولف كتال !
الله لا بعدنا من المنبر !
وغايتو يا جماعة ان مرقونى من المنبر دا ، بس طوالى اكتبوا النعى !
لأنى والله أكتر زول مغرود ليكم ولى لماتكون فى البلد الطيرها عجمى دى !
والله يصرف الغربة الجايرة !
ست البنات .
|
Post: #8
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-16-2005, 09:28 AM
Parent: #3
ست البنات يا حبيبتى
والله صدقتى.. فى كل كلمة... بس لو بكرى خلا الهيجات دى..
نكون تمام تمام... الله يرجعنا بلدنا
|
Post: #4
Title: Re: والله وما طالبنى حليفة.... كان ما البورد دا كان قرضنا بالزهج
Author: Fadel Alhillo
Date: 02-16-2005, 07:01 AM
Parent: #1
مكرر
|
Post: #5
Title: Re: والله وما طالبنى حليفة.... كان ما البورد دا كان قرضنا بالزهج
Author: نادية عثمان
Date: 02-16-2005, 08:54 AM
Parent: #4
الحبيبة الرائعة دكتورتنا وتاج رأسنا بيان
والله العظيم انتى زولة جميلة وطيبة وحلوة برة وجوة ..واهم حاجة سماحة الجوة دى !
عشان كدى هاك منى الهدية دى :
بى طيبة النفوس ببقى القلب عمران
نحنا العز ابونا والجنس سودان
منبرنا العزيز من أكبر الحيشان
فيهو جمال مدفّق ويكفى فيهو بيان !!
وتسلمى ياحبيبة ..
|
Post: #6
Title: Re: والله وما طالبنى حليفة.... كان ما البورد دا كان قرضنا بالزهج
Author: سجيمان
Date: 02-16-2005, 09:05 AM
Parent: #5
والله يا بيان صدقتي..... البورد بقى لينا زي القهوة
عن اذنك لحظة:-
نادية صورتك دي طلعت زيتنا زاتو
|
Post: #10
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-16-2005, 09:40 AM
Parent: #6
| Quote: نادية صورتك دي طلعت زيتنا زاتو |
سجيمان ما كلمتك انا مشيت سودانيات هناك...
اها جنس كلامك دا طوالى يجوك يقولو ليك
يا ا يها السيجمان قل هذا ولا تقل هذا ..
عندهم رغيب لغوى ذى بتاع مدينة القواعد.. بس واقف للناس فى حلقهم
يا ريت لو بكرى دا شغلنى شغلانية ذى دى كنت بس باريتك كدى
من بوست لبوست.. يا ايها السجيمان يا ايها السجيمان.. طبعا كلامك كلو عوج
وكان كل مرة طلعت ليك الكرت... لمان تمسك الدرب العديل...
انا هناك يا سيجمان مؤدبة جنس ادب....وخايفة جنس خوف
لكن الحقيقة ليك يا الله ناس ظراف وطيبين بالحيل...وعجبونى شديد
وندمت على كلامى فيهم داك...
يا ناس سودانيات دى ونسة ساكت مع اخوى سجيمان دا ما تاخدو فى خاتركم بالله
|
Post: #20
Title: Re: والله وما طالبنى حليفة.... كان ما البورد دا كان قرضنا بالزهج
Author: سجيمان
Date: 02-16-2005, 11:54 AM
| Quote: يا ا يها السيجمان قل هذا ولا تقل هذا |
بيان
يا زولة زمااااااان قالو لي كدي.....وقت لقو مافوقي فايدة... خلوني.....انتي عارفاني في الطناش مافي زول بيلحقني.....طناش وتقالة دم ولصقة جنس لصقة.....لصقة عدوك
|
Post: #14
Title: Re: والله وما طالبنى حليفة.... كان ما البورد دا كان قرضنا بالزهج
Author: Mohamed A. Salih
Date: 02-16-2005, 10:14 AM
Parent: #6
د. شكرا علي البوست الظريف وكلامك في محلو...
تخريمه: سجيمان حسي انادي ليك هشام هباني??
|
Post: #25
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-16-2005, 08:23 PM
Parent: #14
| Quote: تخريمه: سجيمان حسي انادي ليك هشام هباني |
محمد كدى برواقة كدا ورينا الحاصل شنو؟
قلت لي سجيمان طلع ليهو سيد؟.. دا وين جيب الوصلة حالا حالا
لكن الله لا جعل بحرا بلا تمساح
|
Post: #15
Title: Re: والله وما طالبنى حليفة.... كان ما البورد دا كان قرضنا بالزهج
Author: نادية عثمان
Date: 02-16-2005, 10:24 AM
Parent: #6
سجيمان الغالى
بمناسبة صورتى
قمت الصباح من النوم مالقيتها فى البورد
والله هسة الاستغراب لما جاب لى لوز!!!
بتكون مشت وين الصورة دى يادكتورة بيان فى رايك كخبيرة مختبرات وكده ؟!!!!
|
Post: #9
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-16-2005, 09:30 AM
Parent: #5
الشاعرة ست الرقة والحلا
شكرا ليك .. والله فرحتينى شديد ربنا يفرح قلبك
وجد الله يخلى المنبر دا
|
Post: #16
Title: Re: والله وما طالبنى حليفة.... كان ما البورد دا كان قرضنا بالزهج
Author: نادية عثمان
Date: 02-16-2005, 10:26 AM
Parent: #9
الحبيبة بيان
انتى تستاهلى خير الدنيا كلو والله
ربنا يحفظك ويحفظ زوجك واولادك وكل الناس البتحبيهم
قولى امييييييييين
|
Post: #11
Title: Re: والله وما طالبنى حليفة.... كان ما البورد دا كان قرضنا بالزهج
Author: luai
Date: 02-16-2005, 09:44 AM
Parent: #1
دكتوره بيان تحياتي ،،
والله ما عارف يادكتوره كيف ...
لكن انا حسيت خلال الازمة في الايام السابقة
انو الناس الديمقراطيين حقيقية
هم الظلامييين ...............انفسهم
لانهم رفضوا اقصاء الاخر تحت اي ذريعة ..
عموما هو بكري رجعهم ..لكن اداهم رسالة انو اخراجكم سهل جدا اعملو حسابكم
يعني ياعلاء الدين وياود الشيخ خليكم مدجنين شويه لوعايزين تستمروا..
اما ان الارتباط بالبورد بقى كبير ...
طبعا يادكتوره ...
انحنا الكتاحه دي بنلقاها وين غير في البورد دا وفي امدرمان ..
تحياتي
|
Post: #12
Title: Re: والله وما طالبنى حليفة.... كان ما البورد دا كان قرضنا بالزهج
Author: محمد حسن العمدة
Date: 02-16-2005, 09:55 AM
Parent: #11
Quote:
عن اذنك لحظة:-
نادية صورتك دي طلعت زيتنا زاتو |
يا زول وكمان عندها حدرة ؟؟؟؟؟؟؟؟ حدارة حدير شديد خلاص انا بقرا وبتخيلا بتعاين لي
غايتو يا نادية سجيمان دا رباطابي على السكين تقومي تفتشي ليك بخور كااااااااارب وكان ما عندك نرسل ليك من حق اهلنا ناس كدباس
اها يا سي جي بركت الله الشحموطه تقرصك
|
Post: #13
Title: Re: والله وما طالبنى حليفة.... كان ما البورد دا كان قرضنا بالزهج
Author: سجيمان
Date: 02-16-2005, 10:07 AM
Parent: #12
| Quote: يا زول وكمان عندها حدرة ؟؟؟؟؟؟؟؟ حدارة حدير شديد خلاص انا بقرا وبتخيلا بتعاين لي |
دي ما حدرة...... الله يفضحك هادي انت..... دي نظرة
نظرة من نظراتك يا بمبو
تقرض فلان وتقرض الجنبو
|
Post: #17
Title: Re: والله وما طالبنى حليفة.... كان ما البورد دا كان قرضنا بالزهج
Author: نادية عثمان
Date: 02-16-2005, 10:31 AM
Parent: #12
الغالى محمد حسن العمدة
قلت :
يا زول وكمان عندها حدرة ؟؟؟؟؟؟؟؟ حدارة حدير شديد خلاص انا بقرا وبتخيلا بتعاين لي
ايوووووووة بعاين ليك ..عشان اشوفك بتقرأ كويس بوستاتى ولابتكلفتنى ساى !!
اها وانت وين تانى ماجيت فى بيت الدوبيت داك بعد الفليعة بالحجارة بتاعتك ديك؟!!
دكتورتنا الغالية معليش استلمت البوست بتاعك ..ماتقومى تزهجى منى سمح؟!!
|
Post: #18
Title: Re: والله وما طالبنى حليفة.... كان ما البورد دا كان قرضنا بالزهج
Author: A.Razek Althalib
Date: 02-16-2005, 10:57 AM
Parent: #17
د. بيان.
| Quote: بالله اى زول ترفدوه بتكون ذى الكتلت واحد من افراد الاسرة.... ما بنغفر ليك |
بالله اى زول ترفدوه بتكون ذى الكتلت واحد من افراد الاسرة.... ما بنغفر ليك
والله يا دكتورة قالوا شر البلية ما يضحك...
صحي الكلام ده...
إن شاء الله دايماً تامين...
خالص الأمنيات بالعودة لثلاثي البورد...
|
Post: #21
Title: Re: والله وما طالبنى حليفة.... كان ما البورد دا كان قرضنا بالزهج
Author: osly2
Date: 02-16-2005, 12:16 PM
Parent: #18
الاحظ ان ثوابت الظلاميين بدأت تقترب من الديمقرطيه
لو كان فضل البورد هذا فقط .. يكفى
ان تطالب بيان وهوبفل واساسى بعدم اقصاء روضه هذا هو الحلم
بيان
كل سنه وانت وتيمك اكثر حركه نحو الحقوق الاساسيه للانسان
|
Post: #36
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-17-2005, 04:58 PM
Parent: #21
| Quote: الاحظ ان ثوابت الظلاميين بدأت تقترب من الديمقرطيه |
كمال داير تقول من جاور قوم.......
غايتو سجلنا فيكم قون
|
Post: #26
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-16-2005, 08:26 PM
Parent: #18
العزيز عبدالرازق
ايوة والله حمدالله على السلامة
والله حزنا منجوة قلبنا وفرحنا من جوة قلوبنا
جد نحن اهل بيت واحد
شكرا ليك
بس اقنعو علاء
|
Post: #23
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-16-2005, 08:17 PM
Parent: #17
| Quote: بتكون مشت وين الصورة دى يادكتورة بيان فى رايك كخبيرة مختبرات وكده ؟!!!! |
الحبيبة ست الكل نادية
فى خضم دراستنا لاختفاء صورتك و اسباب هذا الاختفاء و صلنا الى عدة اسباب
انه الناس القلوبهم هبابة قعدو يبحلقو فى الصورة.. و فى واحدة من الزوجات اتصلت
ببكرى...
ثانيا احتمال عندما كثر الزيت طالب عدد بسحبها...من باب حنو على
ثالثا النسوان هنا ما عجبتهم صورتك.. قامو برضو استخدمو مهاراهم فى الهاكر
رابعا: الضلامين الاصولين قالو شعرك كاشف برضو قعدو هاكر ادوه بياض وقف صورتك
خامسا: سجيمان روباطابى عينو حااااااارة جاب خبرها وهذا المرجح
تصدقى انا على غباى قايلاها صورة فتاة غلاف و صورة من الصور بتاعة وزارة السياحة
ما شاء الله تبارك الله عينى باردة وسماحة البنيات.. يا حافض| Quote: معليش استلمت البوست بتاعك ..ماتقومى تزهجى منى سمح؟ |
انا وين يا حبيبتى لقيتك لامن اباك.. طوالى تعالى والله حليتيهو لينا ذاتو..
يفرق كثر لما الحلو علينا يمر...
|
Post: #24
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-16-2005, 08:20 PM
Parent: #12
قررقرقرقرقرقرقررقر
يا العمدة
غايتو بكرى لازم يضيف لائحة
عدم اجتماع سجيمان وود العمدة فى اى بوست غير سياسى.. العقوبة الفصل
دون انزار..
شكرا ليك على الطلة
|
Post: #22
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-16-2005, 08:01 PM
Parent: #11
Quote: انو الناس الديمقراطيين حقيقية
هم الظلامييين ...............انفسهم |
مش كدا بالله يا لؤى
دائما تحصل هزات تمرق المدسوس
ذى ما لما ركع البورجين وامريكا جن جنونها
وظهرت الديمقراطية فى ابهى صورها...
اها اسع فصل علاء العنصرى و د لشيخ الضلامى و روضا المستنيرة
اظهر جد منو العندو وعى انسانى ..
كلامك فى محلو تب...
وتسلم
|
Post: #28
Title: Re: والله وما طالبنى حليفة.... كان ما البورد دا كان قرضنا بالزهج
Author: محمد ابراهيم قرض
Date: 02-16-2005, 09:33 PM
Parent: #1
البيان ...
أوقاتك سعيدة ..
ركزي على السودانيات و هبشة هبشة في الأونلاين ..
خالد الحاج بنقدر عليهو .. لكن البكري ده طعمه
صعب خلاص و أسألي المجربين ..
نادية: التسريحة دي صحي إسمها شتات يا فردة ..
ما شتتي عيونا خلاص !!
|
Post: #32
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-17-2005, 05:18 AM
Parent: #28
ود عمى قرض
والله نصيحتكم غالية...عارف هناك فى سودانيات ذى لما امشى الجامعة
اتكلم لغة عربية "فصيحية" "واقلب حسى" خايفة كان طولت هناك ابقى مسقفة استخدم كلام
كبار كبار... هنا بحوم بتوب الجيران.. والسفنجة وو اتف سفتى محل اكون...
ومرات مرات افور دم المستنيرين.. ومرات مرات امرق سير المحفضة اادب لى زويلا قليل ادب..يعنى بيذكرنى الداخلة.. وسودانيات دا ذى حى السودنة ظريف وراقى واى كلمة محسوبة
اكثر حاجة مروعة بى بهناك الرغيب اللغوى مولانا اسماعين ان شاء الله يوم زعلو معاى ما يجى.. ان فى حواك يا مولانا كان خرمجت تمسكنى الدرب بالماسنجر غموتى ..ببينى وبينك
عشان ما تزعلنى..لانى خشمى ما بقدر عليه وكيلى الله.. يعنى شوفتا كيف يا مولانا خائفة عليك انت مش انا ....(دا تهديد خفى واخد بالك يا مولانا )
يا زول اطمن انا ود عمى خالد ما بخزلوا تب.. بس الملم عفيشى و وامرق واتاقى الباب..
|
Post: #29
Title: Re: والله وما طالبنى حليفة.... كان ما البورد دا كان قرضنا بالزهج
Author: ودقاسم
Date: 02-16-2005, 11:03 PM
Parent: #1
الصديقة التي لم تعد لدودة بيان
تصوري أنا كنت منتظر إقصائك من المنبر ، عشان لي فترة ما لاقي مواضيع أكتب فيها ،، قلت أهو تجيني فرصة أكتب في موضوع ساخن ، بعدين الناس تقوم تقول والله الزول ده زول رائع جدا ، رغما عن كل خلافاته مع بيان إلا أنه وقف ينادي بعودتها ،،،
يعني البورد يصنع الأحداث ، ويصنع الكتّاب ، ويمنحهم شهادات التميّز ..
يديك العافية ، وإن شاء الله يوم رفتك ما يجي .. وإن شاء زي ما قالوا الاخوان قبلي :
دايما تامين ولامّين ...
|
Post: #30
Title: Re: والله وما طالبنى حليفة.... كان ما البورد دا كان قرضنا بالزهج
Author: abuguta
Date: 02-16-2005, 11:57 PM
Parent: #29
بيان الخالة
الصادقة المقالة
يامصدر الفالة
طولنا منك ياخالة لزوم المشاقل
طبعا انا اول زول طلعت من المعركة خوفا من التوقيف
كتبت بوست للضامن مع ود الشيخ وهو زول عمدة وعندهم مييرى
قلت اقل شىء بطلع لى بفدان منهم
والله انك صادقة فما ذهبت اليه..بس انا مش زيك لو شطبونى بقعد
فى بيت العذابة كلهم قفشات وكشتينة مدورة وبنسى انى كنت على بورد
عشان كدا البورد مهم والله مهم
ولقدام
|
Post: #31
Title: Re: والله وما طالبنى حليفة.... كان ما البورد دا كان قرضنا بالزهج
Author: ابو جهينة
Date: 02-17-2005, 00:09 AM
Parent: #30
الأخت العزيزة بيان
سلام كبير
( الشاشة الغشاشة ) ..
ذكرتيني أيام السينما في عطبرة .....
|
Post: #35
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-17-2005, 05:43 AM
Parent: #31
| Quote: ذكرتيني أيام السينما في عطبرة |
ابو جهينة يا حليل عطبرة ياخى
الاجازة الجاية ان شاء الله نمشى نشوفها..
|
Post: #34
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-17-2005, 05:38 AM
Parent: #30
| Quote: طبعا انا اول زول طلعت من المعركة خوفا من التوقيف |
ابو قوتة والله زوغة دبلوماسية لاكين...
اسمع وين الغويشات عندنا عرس..؟
|
Post: #33
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-17-2005, 05:34 AM
Parent: #29
| Quote: تصوري أنا كنت منتظر إقصائك من المنبر ، عشان لي فترة ما لاقي مواضيع أكتب فيها ،، قلت أهو تجيني فرصة أكتب في موضوع ساخن ، بعدين الناس تقوم تقول والله الزول ده زول رائع جدا ، رغما عن كل خلافاته مع بيان إلا أنه وقف ينادي بعودتها ،،، |
قرقرقرقرقرقرقرقرقررقر
يا ود قاسم امانة ما فاتك مولد.. وانا كنت جيت شكرتك رفعتك فى السما..
تعرف ما انت الاتخزلت براك.. اها من الرفت دا اشتغل وانا بقيت قادة اضان ابو العيال
اها مرة مرة فى عيونو كدا بشوف دعاء خفى يا رب بكرى يرفتها,, وتانى المواضيع حقت البورد تخلص...لانه لينا كم سنة مواضعى كلها عن البورد..اها وكتين مرقتو من الاجتماع
بيكون ظن طردونى ويكون ليه كم يوم بيدرب فى مراية الحمام .. كيف يعمل وش حزنان
وعشان ما اقول انه ما بيتعاطف معاى..
not leveling
انت عارف تهم ذى دى للازواج بتودى وين ؟.. المهم قال حمدالله على سلامة ود الشيخ وعلاء
العنصرى وروضاوحاول تكون من الاعماق
عللى على مين والله خيبة الامل نطت وفضحته
اسع انت وهو يلا عاد شوفو حاجة تانية ...
بكرى كان اشطر
|
Post: #37
Title: Re: والله وما طالبنى حليفة.... كان ما البورد دا كان قرضنا بالزهج
Author: smilewomen
Date: 02-18-2005, 05:27 PM
Parent: #1
| Quote: شديت سلك لابو وليداتى لقيتو فى اجتماع قلت لسكرتيرة قولى ليه امر عأجل وهام.. اها جا رد قلت ليه يا حاج روضة ود الشيخ وعلاء العنصرى رجعوهم... |
سلام دكتوره بيان
خبر عاجل وهام
يعنى ولا محتاج يوجع عيونو الاخبار براها بتجيهو
|
Post: #38
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-18-2005, 05:52 PM
Parent: #37
| Quote: لكن الاولي دي الله اعلم |
الحلو دى خيلها لينا نحنا بنعرفها تب....
اها ناس الحلو الفى الرهد بيبقو ليكم؟
|
Post: #39
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-18-2005, 05:58 PM
Parent: #37
| Quote: يعنى ولا محتاج يوجع عيونو الاخبار براها بتجيهو |
سمايلى اذيك
لو وجع عيونوو قرى انا ما بفقد اهميتى تب.. وتانى خلاص بتكون مافى مواضيع
انا بقرأ واحكى ليه ...الحقيقة ابراه ليك..اها مافى شمار برة ولا جوة
هو ما ملم بيه..مسقف تماما...
اسع انا شمتانة عليه...ذى شماتى فى ود قاسم الحيكون
غاتس كدا يكتب كان فى الخطب
الرنانة...اسمع يا ود قاسم النبى كان ما نزلتها...عشان اقتطع من شكيرك لى جزء اخته
فى الامضاء..
|
Post: #40
Title: Re: والله وما طالبنى حليفة.... كان ما البورد دا كان قرضنا بالزهج
Author: برير اسماعيل يوسف
Date: 02-18-2005, 06:42 PM
Parent: #39
العزيزة /بيان
اسعد الله ايامك في الدنيا و في الاخرة قل آمين.
و الله يا بيان يا اختي كلامك فيه بعض من صح ... و لكن عليك الله يا بيان اذا الواحد بيخاف انه يحولوه( للصالح العام)!! و في منبر حوار عام... فما بال الذين تم تحويلهم الي الدار الاخرة و (للصالح العام)!! في السودان ... و في عهد بني اموية الانقاذي ... و في عهود كثيرة خلت... عليك الله يا بيان ... الشغلانية دي حارة و لا ما حارة... و العجب لو الوحد او الواحدة عند او عندها اطفال عاوزين يأكلوا كسرة و ملاح ساي و ليس المحمر و المجمر!! يا زولة هووي الله لا شال ليك حبيب/ة للصالح العام ... لا هنا في المنبر و لا في السودان... و لك الود المقيم ... يا زولة... و ان شاء الله دولة قرنوف و بشيروف تكون كويسة ... اللهم آمين.
|
Post: #41
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-18-2005, 07:22 PM
Parent: #40
ايوة شديد الصالح العام دا حار بالحيل... يا برير
انا من عائلة طال الصالح العام عدد منها لا يستهان به...وعدد كبير من الاصدقاء
والصديقات ناس المسرح.. وغيرهم.. فلذلك اعرف ماذا يعنى فى السودان
ولعلمك من 1989 الى 1993 ابحث عن وظيفة ومسجلة من 1985 فى لجنة الاختيار
ولم اظفر باى وظيفة...
وشكرا للطلة
|
Post: #42
Title: Re: والله وما طالبنى حليفة.... كان ما البورد دا كان قرضنا بالزهج
Author: nour tawir
Date: 02-19-2005, 11:36 PM
Parent: #41
بيان
ازيك
اتشغلت الايام الفاتت بمعاركى فى البورد وخارج البورد.
ودا سبب عدم دخولى فى اى بوست كتبتيه.
هسع الساعة عندنا واحدة صباحا
قلت اراجع عدد القراء فى البوستين الاخيرين
وخاصة بقى ما عندى بوست يعدى بالسلامة
لازم تكون فى اصابات
من اثر المدفعيات
الموجهة مباشرة
او باللفة
بعد كدا قلت اشوف بيان عاملة شنو.
لقيت البوست دا دمه خفيف
وبيخفف وجع القلب
و البورد انا نظرتى ليه انه اداة بيوصل رسالتى
يعنى كان ما كدى
والله ما اجى جنبه
ولا افتحه حتى
حبيت اسلم
سلام...
|
Post: #43
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-20-2005, 04:31 AM
Parent: #42
الحبيبة نور
طلتك بالدنيا.. شايفة المدفعية.. عالى واطى.. لكن كل ما لا يقتلك يقويك
واصلو اى زول يحمل راية تنوير دا مصيرو.. العزاء الوحيد انك بقيتى
مقاتلة معترف بهاهنا.. اهم حاجة ما تقرى بقلبك.. بس بعقلك لانه
جد الناس هنا مرات بيوجعو القلب..
لكن انت دائما فوق.ز يا ست الكل
|
Post: #44
Title: Re: والله وما طالبنى حليفة.... كان ما البورد دا كان قرضنا بالزهج
Author: Fadel Alhillo
Date: 02-20-2005, 05:31 AM
Parent: #1
مكرر
|
Post: #45
Title: Re: والله وما طالبنى حليفة.... كان ما البورد دا كان قرضنا بالزهج
Author: Fadel Alhillo
Date: 02-20-2005, 05:34 AM
Parent: #1
| Quote: اها ناس الحلو الفى الرهد بيبقو ليكم؟ |
اكان اصليين ياهم تب اهلنا بس هم كتار وملخبتين
شي بي ناس المهدي وشي بي ناس بدري وشي ناس الخليفه عبد الله
وشي ناس مخير وشي ناس الخليفه شريف.
وانا زاتي ما قصرتا في لخبتتم وهسي جايب ليهم فرع هولندي
|
Post: #47
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-20-2005, 07:55 PM
Parent: #45
| Quote: وانا زاتي ما قصرتا في لخبتتم وهسي جايب ليهم فرع هولندي |
حلوة فرع هولندى.. يعنى نفذت رغبة اجدادك بعد 120 سنة
جبت ليك فرع اوربى
غايتو هم من المحمية سقادى و ساكنين فى الرهد..
|
Post: #46
Title: Re: والله وما طالبنى حليفة.... كان ما البورد دا كان قرضنا بالزهج
Author: Elmosley
Date: 02-20-2005, 05:36 AM
Parent: #1
عين العقل والله
|
Post: #50
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-22-2005, 10:06 AM
Parent: #46
استاذنا العظيم
شكرا للمرور البهى..
|
Post: #48
Title: Re: والله وما طالبنى حليفة.... كان ما البورد دا كان قرضنا بالزهج
Author: ود الشيخ
Date: 02-21-2005, 00:07 AM
Parent: #1
والله بقيت زي استيف ماكنلي وجاري كوبر ما ادخل بوست
والا القى ود الشيخ هسع بقت شغلتي ادخل اي بوست لله في الله
بعدين يا دكتورة بيان انا ولا بكضب ولا حاجة صورتين
بمخمخوني وبكيفوني شديد وبقعد ابحلق فيهم وفي واحدة
ما بقدر اقولا لكن كان دايرة ام غمتي بكلمك لكن والله جد
صورة نور تاور ونادية عثمان يا ربي تغفر لي
وطبعا في حاجة الناس ما عارفاها
إني خطاط ورسام راسمهم بس الرسمه هنا في المكتب عشان
ما يدفعوني في البيت رسوم اخلاص كفاية علي الجباية
|
Post: #49
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-21-2005, 08:07 PM
Parent: #48
Quote: بعدين يا دكتورة بيان انا ولا بكضب ولا حاجة صورتين
بمخمخوني وبكيفوني شديد وبقعد ابحلق فيهم وفي واحدة
ما بقدر اقولا لكن كان دايرة ام غمتي بكلمك لكن والله جد |
قرقرقرقرقرقررقرر يا ود الشيخ...
تذكر قصة سليمة بائعة اللبن ديك؟
بتكيفنى كيف صورة سليمة والبقرة ما علينا...
انت والله مواهب متعددة..
اعمل الدرج فى المكتب يتحرق بالحرق الذاتى.. عشان العمر ما معروف
بعد خرف ان شاء الله..
وشكرا ليك يا ابو الصحب على زيارتك دى.. وانت بتنور اى بوست تدخلو
|
Post: #51
Title: Re: والله وما طالبنى حليفة.... كان ما البورد دا كان قرضنا بالزهج
Author: bayan
Date: 02-27-2005, 05:36 AM
Parent: #49
اها انا قلت كدى مشيت سودانيات.. قول كدى يا الهاكر اهكر البورد جيبو واطة
اها ناس بجاى جو يتكلمو عن الهاكر وانا منططة عيونى وخايفة يقولو دى انا
اذا ما هكرتها كراعى حارة...برضو هكرتها..
غايتو يا رب يلقو الهاكر البجد بالجد
|
Post: #52
Title: Re: والله وما طالبنى حليفة.... كان ما البورد دا كان قرضنا بالزهج
Author: ود الشيخ
Date: 02-27-2005, 10:43 PM
Parent: #1
إنتي يا دكتورة شنو هو الهاكر التكاثرو ده
ما تعلمونا ولو معناً الناس كلها تهكرنا
( تحقرنا يعني)
|
Post: #53
Title: Re: والله وما طالبنى حليفة.... كان ما البورد دا كان قرضنا بالزهج
Author: عثمان فضل الله
Date: 03-17-2005, 05:46 AM
Parent: #1
up
|
|