البلوك... وما ادراك ما البلوك

Post: #1
Title: البلوك... وما ادراك ما البلوك
Author: bayan
Date: 02-28-2005, 08:53 AM
Parent: #0

فى البورد العربى مرة ناقشوا مسألة الاصحاب السايبرين الفجأة بيتغيروا..
ويعملوا ليك بلوك ماسنجرى.. وهل المسألة دى ناجمة عن ملل وحب فى التغير.. واضافة
ناس جدد لغاية برضو ما تزهج.. وتانى تتضيف ناس وهكذا دواليك..
خاصة الناس البتتغير بدون سابق مشكلة.. فجاة يختفوأ من حياتك.. تتوقف الايميلات
والمحادثات الماسنجرية و التلفونية....

بصراحة ما رايك فى مسالة البلوك.. وهل تمارسه.. ؟

Post: #2
Title: Re: البلوك... وما ادراك ما البلوك
Author: عمر الفاروق شيخ الدين
Date: 02-28-2005, 08:59 AM
Parent: #1

الدكتورة بيان :

البلوك هو نتاج لعوامل نفسية ومزاجية ...
لا احبذه لقناعتي التامة بأنني طالما أضفت شخصاً لقائمتي فهذا يعني أنني فعلاً أحتاج لهذا الشخص سواء عاجلاً أم اجلاً...
لكن في بعض الأحيان يطبق البعض سياسة :
الباب البيجيك منو الريح سدو وإستريح ...

أفضل الحذف مباشرة دون عمل البلوك حتي لا أكون مزاجي التصرف يومي الفاضي اتونس معاك ويومي المليان ازوغ منك ...
تخريمة :
شكلك المسنجر بتاعك إتملا يا دكتورة ودايرة (تبلكي ) ولا شنو ؟

Post: #6
Title: Re: البلوك... وما ادراك ما البلوك
Author: bayan
Date: 02-28-2005, 06:02 PM
Parent: #2

Quote: أفضل الحذف مباشرة دون عمل البلوك حتي لا أكون مزاجي التصرف يومي الفاضي اتونس معاك ويومي المليان ازوغ منك ...

دى حاجة كويسة جدا.. لكن هل تخير الشخص المبلك انه انت ما
عايز تتعامل معاه؟
ولا بتخليه يضرب اخماس فى اسداس...

Quote: شكلك المسنجر بتاعك إتملا يا دكتورة ودايرة (تبلكي ) ولا شنو ؟

لوووووووووووول
يا عمر لا بالعكس يشكو من قلة الفئران.. تحب نضيفك..؟

نحنا تلاتة انفار نادى الجلاكين بنتلاقى لينا اكثر من 5 سنة
ثابتين فى المدى. ويجو ناس ويمشو.. تسود حضارات ثم تبيد..

Post: #3
Title: Re: البلوك... وما ادراك ما البلوك
Author: yasiko
Date: 02-28-2005, 04:04 PM
Parent: #1

دكتورة
سلام

Quote: وتانى تتضيف ناس وهكذا دواليك..

وايه رأيك في انك تاني تضيف ناس كنت عامل ليهم بلوك خارج الماسنجر
"حلوة دي مش كده"
مع تحياتي

Post: #7
Title: Re: البلوك... وما ادراك ما البلوك
Author: bayan
Date: 02-28-2005, 06:27 PM
Parent: #3

ياسكو انا وين لقيتك لامن اباك..
خت ايميلك وعلى المسنجرينا مراعاة فروق الوقت...

الايام دى انا بحشد فى الحشود.. عشان عيد ميلادى قرب..
اى زول مبلك حنفتحه ونعلنا عفوا عاما.. عشان بوستى حق عيد الميلاد
يكون فيه مليون نسمة.. طبعا ديل غير الحنضرب ليهم تلفونات ويجو يعزو
النبى فى بوست عيد ميلادى

Post: #4
Title: Re: البلوك... وما ادراك ما البلوك
Author: Osman Hamad
Date: 02-28-2005, 05:46 PM
Parent: #1

انا جاي اقول إذيك يابيان ومشتاقين وحاجات كتيرة حِلوة.

Post: #5
Title: Re: البلوك... وما ادراك ما البلوك
Author: Rawia
Date: 02-28-2005, 05:54 PM
Parent: #4

مساك خير يابيان
او صباحك خير على حسب توقيت شرق اسيا
انا البوست دا عجبنى وعاوزه اتقاسم البطوله فيهو معاك ........... طبعا بعد اذنك

اها قبل اى حاجه عاوزه اســألك سؤال
انتى لى بلكتنى ? خسمتك بالذى خلقك تجاوبى لى السؤال دا

Post: #8
Title: Re: البلوك... وما ادراك ما البلوك
Author: osly2
Date: 02-28-2005, 06:47 PM
Parent: #5

ياســـــــــيكو وبــــــيان فى بوست واحد
يا للروعــــــــــه
عارف يا قريبى كلنا كنا مبلكين فى مسنجر بيان بره وجوه النت
ويبدو انها ناويه تنزل انتخابات
حكاية اقتراب عيد الميلاد دى ما واقعه لى
لزا
ولزا دى انا عاوزه كده الراضى بيها راضى والما راضى يجى يحتج
لو رشحت للثقافه والاعلام
لزا لابد من التنقيب ما بين السطور

اما عن موضوع البوست
لا اجد حرج فى ان ابلك زيد او عبيد ولا اغضب اذا بلكنى احد

Post: #10
Title: Re: البلوك... وما ادراك ما البلوك
Author: bayan
Date: 02-28-2005, 07:11 PM
Parent: #8

قرقرقررررر
يا اوسلى
تعرف لو يعينونى وذير ثقافة
حاعمل عاصمة السقافة... فى اوسلى... وحاعتكف على صوت الذين افرزو من الزاى
ونصلح الانجليذى والفرنسى حبة تلميع كدا..

وكل الهوامش تبقى سنتر والسنتر يبقى هامش
بعدين نقفل شارع مدنى ونقعد ناس الجذيرة فى "رزرفيشن" زى الهنود الحمر(واخد بالك يا الجنين جوذ اختى*)
عشان الخرتوم تبقى عاصمة السقافة.. بعدين اعلق صورتى فى كل الخرتوم تحسينا لوجه العاصمة.. طبعا ماصورتى وانا جلكينة صورتى وانا شابة قبل 20 سنوات(هاهاهاهاهاهاها)

* الجنيد عارف دا كلام من الطقوق لى فوق.. ونحنا ما بنبقى بدون الحافلات واللوارى والبكاسى حقتكم.. شوفتا اوسلى الشايقى دا بتاع فتن.. فى داعى يجب قصة وزير سقافة دى
هنا يكون قاصدك عديل كدا...

Post: #9
Title: Re: البلوك... وما ادراك ما البلوك
Author: bayan
Date: 02-28-2005, 06:59 PM
Parent: #4

Quote: انا جاي اقول إذيك يابيان ومشتاقين وحاجات كتيرة حِلوة.

مرحب بيك وشكرا ليك على الحاجات الكثيرة الحلوة..

بالمناسبة شكرا على اعطائك ايميلى لمحمد خلف..
الذى سعدت فى ذلك اليوم عندما وصلت منه رسالة.. وكان يوما فارقا..

Post: #24
Title: Re: البلوك... وما ادراك ما البلوك
Author: Osman Hamad
Date: 03-01-2005, 04:42 AM
Parent: #9

سلام بيان

انا لم اعطى إميلك الى اى شخص.....حقيقة انا لا اعرف شخص باسم محمد خلف .... ولا يمكن ان اعطى إميلك الى اى شخص بدون إذنك.

هذا تصحيح فقط برغم سعادتك من ان وصلك إميل من محمد خلف ولكن انا لم اقم بذلك.

ولك حبى وسلامى

Post: #25
Title: Re: البلوك... وما ادراك ما البلوك
Author: bayan
Date: 03-01-2005, 07:13 AM
Parent: #24

هو قال شال ايميلى من عثمان اوكى مافى مشكلة...

يكون عثمان آخر....

وشكرا للتوضيح

ولعثمان الاخر اجزل الشكر..

Post: #26
Title: Re: البلوك... وما ادراك ما البلوك
Author: Osman Hamad
Date: 03-01-2005, 07:47 AM
Parent: #25

تسلمى يابيان .... ولك حبى.

Post: #32
Title: Re: البلوك... وما ادراك ما البلوك
Author: bayan
Date: 03-01-2005, 08:59 AM

شكرا عثمان لحسن تفهمك

ومحبتى ومعزتى

Post: #11
Title: Re: البلوك... وما ادراك ما البلوك
Author: yasiko
Date: 02-28-2005, 09:22 PM
Parent: #1

Quote: ياســـــــــيكو وبــــــيان فى بوست واحد
يا للروعــــــــــه

اوسلي
سلام
الدنيا دي سندة قطر صغيرة ، وبيني وبينك الزول بعد يحج
شن فضلو غير العلاج في مصر ويتلحس
"واستاذنك لاخرج سريع سريع من البوست دا ستو لا تغير رايها"
لكما الاحترام

Post: #12
Title: Re: البلوك... وما ادراك ما البلوك
Author: ست البنات
Date: 02-28-2005, 11:27 PM
Parent: #1

الناس الحلوة سلام !

وجاية أقول برضو ياسيكو ودكتورة بيان حتة واحدة ??

يا سعدنا !

وجاية اعترف انى ببلكن الناس اللايوقيين بس ، الما عندهم موضوع ! وهم شوية !

وعاوزة أقول ليكم يا بيان وعثمان حامد خسمتكم بالنبى تدونى ايميل خلف !

وعاوزة أطرح موضوع مشغولة بيهو من زمن ، وبفكر فيه ، لكن خائفة ما أجاب !!!

يا دبيان ويا راوية ، يا أخواتى ، الكلام دا فات الثلاثة أيام !

والدنيا دى زايلة !

ونحن أخوات ، وشوية !

ما تستجيبوا لنداء الصلح المقدم منى ليكن !

عشان النفوس تهدأ ، والبورد يحلو !

وما مودة الآ بعد عداوة !

قد تجد بيان فى راوية أحسن أخت وصديقة !

وقد تجد راوية فى بيان أحسن أخت وصديقة !

والشماريون يمتنعون !!!!

خلونا كدا الثلاثة برانا لو سمحتم عشان النيران ما تتولع تانى !

ولو كلامى دا ما أدى غرضه ، على الأقل ما تنبشوا بمناسبته القديم خسمتكم بالله !

وبرضكن الأتنين أخواتى وبحبكن !

ولكم جميعا حبى وتحياتى .

ست البنات .

Post: #13
Title: Re: البلوك... وما ادراك ما البلوك
Author: bayan
Date: 03-01-2005, 00:37 AM
Parent: #12

حتى تكون نظرية البلكنة نظرية كاملة يجب ان نكتب مصطلحاتها..

1- تغير باب الخباء...

يعنى هذا المصطلح ان يقوم المبلكن بتغير ايميله المتعارف عليه للمبلكين
فبذلك لا يظهر للمبلكين البتة البتة..لكن تغير باب الخباء يحتاج الى تغير كل اللست
حتى لا يكون يوما مع شخص آخر فيدخله ذلك فى المحادثة ويكون الحرج الاعظم..

2- الحرج الاعظم

ان تقابل من بلكك بعد اضافتك معه بواسطة شخص آخر..
اعلم ان لوووووووووووووول لن تنقذك من الحرج ولا كل الوجوه المحمرة خجلا,,

يتبع ومفتوح للاقتراحات

Post: #14
Title: Re: البلوك... وما ادراك ما البلوك
Author: SalahDirar
Date: 03-01-2005, 01:02 AM
Parent: #13

دكتورة/ بيان .. لك التحيات النواضر
فخار ما بعده فخار أن يطلب مني (زيد) أن أوافق على اعتباره صديقاً لي
أو أن يوافق ذات الـ (زيد) على أن يعتبرني صديقاً له ..
هذا يحدث في زمان انقلبت موازينه وطفح بالخسران .. يحدث في زمان
ينسلخ الكل (إلا من رحم ربي) .. ويهمل الأواصر أو يعتبر ما بها يجلب الخناق
في زمان يختار (إلا من رحم ربي) كل شيء في الآخر عدا دواخله ..
في عوالم تمتاز بالهشاشة وتعج بالضحك ..
يحتاج المرء منا إلى (كشف وجه) في أول لقاء لكي لا يختلط الحابل بالنابل
ولكي لا يفاجأ بأنك لم تكن المقصود فيضطر لعمل (بلوك) ..
ولكي لا تحلم به فيكون غير الذي عنيت والعكس بالعكس ..
ولكي لا تعكر عليه صفو حياته بأنك كنت من يتمنى (سابقاً) ..
ولكي لا يعكر صفو حياتك حينما يتراءى لك بأنه هو .. هو .. لا محال

لحظات الهناءة والبهاء تزداد أضعافاً مضاعفة حينما (نسقط النظري على العملي)
هنا وحينما تتاح فرصة للقاء الفعلي وتكتمل تفاصيل الصداقة النادرة في هذا
الزمن الصعب ..
(لحظتها يشعر المرء منا بأن الحياة يستحق أن يعاش بكل ما يحمل العالم من غضب)

Post: #16
Title: Re: البلوك... وما ادراك ما البلوك
Author: bayan
Date: 03-01-2005, 01:19 AM
Parent: #14

Quote: وجاية اعترف انى ببلكن الناس اللايوقيين بس ، الما عندهم موضوع
! وهم شوية !

ستو.. انا مرة شوفتك واختفيتى بلكنتينى يا خرابة ولا شنو؟

شوايقة ومشاقق مشوقش
العفو العام الان فقط عن الشوايقى.. وشايفى زولك ماخت ايميلو شى؟
باقيلك لى شن.. فيشان ما يبلكنى؟

Post: #17
Title: Re: البلوك... وما ادراك ما البلوك
Author: bayan
Date: 03-01-2005, 01:20 AM
Parent: #14

Quote: وجاية اعترف انى ببلكن الناس اللايوقيين بس ، الما عندهم موضوع
! وهم شوية !

ستو.. انا مرة شوفتك واختفيتى بلكنتينى يا خرابة ولا شنو؟

شوايقة ومشاقق مشوقش
العفو العام الان فقط عن الشوايقى.. وشايفى زولك ماخت ايميلو شى؟
باقيلك لى شن.. فيشان ما يبلكنى؟

Post: #23
Title: Re: البلوك... وما ادراك ما البلوك
Author: bayan
Date: 03-01-2005, 02:30 AM
Parent: #14

Quote: هنا وحينما تتاح فرصة للقاء الفعلي وتكتمل تفاصيل الصداقة النادرة في هذا
الزمن الصعب ..

العزيز الصديق الصادق صلاح.. الرجل الازرق.. ولكم انا سعيدة بزيارتك هذه..

الصداقات تسقى بدم القلب.. سفيه من يبددها.. نبدأ عامنا الخامس
اصدقاء الى الابد.. كم تضحكنى عبارة الى الابد هذه..
ولكن بالنسبة لى حقا اعنيها..

معزتك فى القلب.. يوم بلكك ما يجى

Post: #15
Title: Re: البلوك... وما ادراك ما البلوك
Author: نادية عثمان
Date: 03-01-2005, 01:08 AM
Parent: #13

انا اقايتو يادكتورة بيان الغالية النصيحة لى الله فى زول علمنى ابلكن الناس كيف

قمت بلكنتو هو اول زول !!

Post: #22
Title: Re: البلوك... وما ادراك ما البلوك
Author: bayan
Date: 03-01-2005, 02:14 AM
Parent: #15

Quote: قمت بلكنتو هو اول زول !!

قرررررر
يعنى التسوى كريت فى القرض تلقاه فى جلدها..
دا فى حال ذلك المسكين الاضرب شاكوش سايبرى كر عليه..واتحال للصالح
العام الماسنجرى ومشى خانت البلوك

وفى حالتك
علمته الرماية عندما قوي ساعده رمانى..

يلا بالله رسلى لى ايميلك
عشان اضيفك وامسنجرك وابلوكك انتقاما
لكل المبلكين
فى لستتك

Post: #18
Title: Re: البلوك... وما ادراك ما البلوك
Author: عمر الفاروق شيخ الدين
Date: 03-01-2005, 01:50 AM
Parent: #1

لي كل البولكاويين والدكتورة بيان اهدي :

يا البللكوك ..اييييييييييوة ..
ناسك خلوك ..ايييييييييييييوة ..
ناسك خلوك ..أيييييييييييييوة..
طوالي نسوك ...أيييييييييوة ..
المسنجر وين قالوا لي قافل ...

لو زول عكليت .. أيييييييوة ..
حاقد وغتييت .. أيييييييييوة ..
من قولة تييييت .. أييييييييوة ..
اعمل ليه Delete ..أييييييييوة ..
المسنجر وين قالوا لي قافل ...

لو زول شاغال ..أيييييييييوة ..
طوول ليه البال ... أييييييييوة ..
ولو زول بطال ... أييييييييييييوة ..
ما تدي مجال ... أيييييييييييوة ...
المسنجر وين قالوا لي قافل ...

لو يوم زهجان .. أيييييييوة ..
وعامل زعلان .. أييييييييوة ..
ما تبقا جبان .. أيييييييييوة ..
وبلوك لي فلان ... أيييييييوة ..
المسنجر وين قالوا لي قافل..

لو كنتو بعاد ... أييييييييييوة ..
والحبيب ما عاد ... أيييييييييييوة ..
أعمل ليه Add ... أيييييييييوة ..
وعيدوا الأمجاد ... أييييييييييييوة ..
المسنجر وين قالوا لي قافل..

يا جماعة معليش نجرتها أسة دي الخرمجات دي وما قدر المقام بس انا لمن كنت بقرا في البوست ده كنت بغني في أغنية ( الحبيب وييييييييين قالوا لي سافر) وطوالي قلبتها لي الخرمجة دي ..
ليكم التحية ..

Post: #20
Title: Re: البلوك... وما ادراك ما البلوك
Author: bayan
Date: 03-01-2005, 02:00 AM
Parent: #18

عمر الفارق وين قالو لى مبلكنك

قرقرقرقررقرر
يا عمر فى زول قاليك
انت العثل المجنن النحل فى قلع النحل

والله الليلة ضحكت ضحك لما قحيت

ونص الرئة قرب يطرشق..
اسمع رافة بينا ..هى فى ناس جلاكين نص عمر..

Quote: يا البللكوك ..اييييييييييوة ..
ناسك خلوك ..ايييييييييييييوة ..
ناسك خلوك ..أيييييييييييييوة..
طوالي نسوك ...أيييييييييوة ..
المسنجر وين قالوا لي قافل ...

دى منتهى الظرافة ياخى انت شاعر خنفشارى خترى..
كمان جابت ليها مكاوية؟:D

Post: #21
Title: Re: البلوك... وما ادراك ما البلوك
Author: Hussein Mallasi
Date: 03-01-2005, 02:03 AM
Parent: #18

Quote: انا اقايتو يادكتورة بيان الغالية النصيحة لى الله فى زول
علمنى ابلكن الناس كيف قمت بلكنتو هو اول زول !!

زمان - زمان جدا - و في اول ايام دراستي بالاسكندرية؛

نصحني صديقي محسن - و كان سينير - بالا اقوم بتسليف اياً كان؛

و بعد مرور عدة اشهر اتاني طالباً خمسة جنيه سلف .......

Post: #30
Title: Re: البلوك... وما ادراك ما البلوك
Author: bayan
Date: 03-01-2005, 08:56 AM
Parent: #21

Quote: نصحني صديقي محسن - و كان سينير - بالا اقوم بتسليف اياً كان؛

اها يا ود الخالة العزيزة....
سمعت النصائح... دى ونفذتها برمتها....
ولا كيف..
ما وريتنا رايك فى قصة البلوك..وهل تمارسه..

Post: #19
Title: Re: البلوك... وما ادراك ما البلوك
Author: ود الشيخ
Date: 03-01-2005, 01:57 AM
Parent: #1

يا دكتورة
انا قايلو كلام عساكر اصلو البلك معناها كتيبة
اجي القاهو حاجة في الماسنجر وده برضو في الديش
وبسموهو مراسل حربي ومراسل ميدان

(ولا تستوي الحسنة ولا السيئة إدفع بالتي هي أحسن
فإذا الذي بينك وبينه عداوة كأنه ولي حميم* وما
يلقاها إلا الذين صبروا وما يلقاها إلا ذوحظٍ عظيم* واما
ينزغنك من الشيطان نزغٌ فاستعذ بالله إنه هو السميع العليم))

ومن أصدق من الله قيلا

Post: #28
Title: Re: البلوك... وما ادراك ما البلوك
Author: bayan
Date: 03-01-2005, 08:46 AM
Parent: #19

Quote: وبسموهو مراسل حربي ومراسل ميدان

دا مصطلح جديد

المراسل الحربى
دا يكون ما مبلك قاعد طوالى فى القلب والماسنجر

المراسل الميدانى
دا بيتبلك ويتفتح من حين لآخر لزوم بدل فاقد

يكفينا الله شر تكون بدل فاقد..

وتسلم يا حبيب

Post: #27
Title: Re: البلوك... وما ادراك ما البلوك
Author: wadaldeem
Date: 03-01-2005, 08:09 AM
Parent: #1

رايك شنو بالله فى الزول العايز تضيفو وهو ماعايز يضيفك

ودالديم

Post: #29
Title: Re: البلوك... وما ادراك ما البلوك
Author: bayan
Date: 03-01-2005, 08:50 AM
Parent: #27

Quote: رايك شنو بالله فى الزول العايز تضيفو وهو ماعايز يضيفك

يا ود الديم دا زول كويس من الاول اباك.. مش ذى البصاحبوك

بعدين يججو يفكو التسجيلات يركبوك التونسية ويحيلوك للصالح العام ..

Post: #31
Title: Re: البلوك... وما ادراك ما البلوك
Author: بلدى يا حبوب
Date: 03-01-2005, 08:58 AM
Parent: #1

دكتورة بيان

البلوك ظاهرة ارتبطت بالانترنت وطالما انتمينا الى عالم الشبكة العنكبوتيه
فليس هنالك مفر من البلوك
مشتاقين يا دكتورة كتير
تحياتى

Post: #44
Title: Re: البلوك... وما ادراك ما البلوك
Author: bayan
Date: 03-01-2005, 04:36 PM
Parent: #31

Quote: البلوك ظاهرة ارتبطت بالانترنت وطالما انتمينا الى عالم الشبكة العنكبوتيه
فليس هنالك مفر من البلوك
مشتاقين يا دكتورة كتير

الحبيب بلدى الحبوب

ايوة تبلك واحيانا تتبلك

كدى ابعت ايميلك بس بالله ما تبلكنى ...

Post: #33
Title: Re: البلوك... وما ادراك ما البلوك
Author: عمر الفاروق شيخ الدين
Date: 03-01-2005, 09:14 AM
Parent: #1

دكتورة بيان :
العثل لاقا العثل قال للعثل إنت العثل اااااااااااااااي سمح أنت وعثل إنت ..

طريقة قديمة في المسنجر تقبض بيها أي زول مبلكك بالثابتو وتعرفو كان زايغ منك ولا لا ..
الخطوات :
1- خليك في الشاشة الرئيسية من المسنجر (msn messenger) ..
2- من الشاشة القائمة الرئيسية أضغط علي أدوات (Tools)..
3- إختر من الأدوات الخيار خيارات (Options)...
4- أضغط علي التبويب (Privacy)..
5- تظهر ليك قائمة الأسماء المسجلة هندك في المسنجر ..
6- إضغط بالزر الأيمن (Right Click) علي إسم الشخص ..
7- إذا ظهر ليك الخيار مسح (Delete) وهو نشط فعال (Active) معناها الكاشف أخونا عامل ليك بلوك وقال ليك انا ما عايزو معاك وتحترم نفسك وتشتتو ولا تحذف طوااااااااالي ..
أما إذا delete ما نشطة وفعالة معناها الزول ده لسة محتفظ بيك بس ظروف الحياة والشلهتة والجري مخلينو ما فاضي ...

Post: #40
Title: Re: البلوك... وما ادراك ما البلوك
Author: bayan
Date: 03-01-2005, 04:24 PM
Parent: #33

شكرا يا عمر .ز لكن سمعت فى طريقة ممكن تفك البلوك وتدخل على المبلكك
وتفجعو..

مرة واحد من الاصحاب الاعزاء ...كان مبلكنى ودخلنى زول عليه اها اتحرج شديد
وقال انه بيدخل الناس بالدور لانه عنده ناس كتار وكان قصة مضحكة.. كرهتو بيها حياتو
الجدير بالذكر انه دورى ما جا من 8 شهور.. ما علينا
صاحبى دا مرة قال لى يا بيان ورونى طريقة افك البلوك.. اها اقفلينى النجربها فيك
اها قفلتو وقعدت منتظرها نص ساعة ينبل .. ما ظهر قمت فتحتو تانى
لقيتو ما قدر يدخل وبقى ذى الساحر الاتقفل فى الصندوق..
اها اشرح لينا كيف تفك الحظر؟

Post: #34
Title: Re: البلوك... وما ادراك ما البلوك
Author: الساحر
Date: 03-01-2005, 09:31 AM
Parent: #1

الخالة بيان وكل المتداخلين تحياتي
اول شئ انا سعيد بالبوست الجاب صلاح درار ده واقول ليهو مشتاقين
وانا عارف مشاغل الدنيا باعدت بين الناس لكن والله انا جد سعدت بشوفتك
هنا وياريت تواصل
د.بيان
والله موضوع حيوي شديد
وبصراحة انا قاعد اعمل بلوك لانو جد كان مضاف عندي كمية من الاصدقاء
يعني في لحظة تلاقي 10 اون لاين تردي عليهو كيف في وقت واحد عشان كده تبلكي بس
وتفكي الحظر حسب المود والوضوع المفتوح وحاجات زي دي وطبعا انكشفت كتير جدا يعني اعمل بلوك لي واحد واكون بتونس مع واحد تاني ويقوم البتونس معاهو يقول للمبلك الساحر
معاي اسه لكن بوضح موقفي لانو جد ضايف كمية عندي
لكن مافي واحد يقول لي ما بعمل بلوك ختي لو عنده تلاتة دخلوا في وقت واحد بتربك
وفي شئ تاني عشان الواحد يطلع من الحته دي وما ينكشف بطريقتي التقليدية يقوم
يعمل تلاتة ايميلات واحد للاصدقاء وواحد للاهل او الشغل وواحد للواحد وبعد داك حسب المود
بيدخل في اي واحد

Post: #42
Title: Re: البلوك... وما ادراك ما البلوك
Author: bayan
Date: 03-01-2005, 04:29 PM
Parent: #34

الساحر شخشيا

البوست دا جاب ناس حلوة كثيرة خالص
دحين بلكتنى لى شنو سمعتو ولا جابو ليك؟

ولا خاتينى فى ايميل الجيران وزوجاتهم ودورنا ما جا لسع؟

Quote: يعمل تلاتة ايميلات واحد للاصدقاء وواحد للاهل او الشغل وواحد للواحد وبعد داك حسب المود
بيدخل في اي واحد

دى بتندرج تحت تغير باب الخباء...

نسيت اقوليك مبروك وربنا يتمم على خير... وحنحضر عرسك ان شاء الله
حنكون فى الامتداد فى يوليو...

Post: #35
Title: Re: البلوك... وما ادراك ما البلوك
Author: Abdalla Gaafar
Date: 03-01-2005, 11:45 AM
Parent: #1

العزيزة
دكتورة بيان
لك الود والتقدير

وحقيقي البوست دا يعجب لانو جاب اجمل الناس
لكن يادكتورة عليك الله لمن ينط ليك زول ما بتعرفيهو كل ماتكون اون لاين ويقعد يبراك كانو انت ماعندك اي شغلة غيرو ..اها تسويلو شنو ما الا البلكنة وكان في طريقة دبل بلكنة..لكن والله لي اسع ماحصل بلكنتا زول..الله يكفينا شرها البلك والببلكو..

تحياتي وتقدير

عبد الله جعفر

Post: #36
Title: Re: البلوك... وما ادراك ما البلوك
Author: osly2
Date: 03-01-2005, 12:35 PM
Parent: #35

Quote: لن يختارك إلا النور القادم من ميزان العدل
إلي أقصاك
فاخرج من خوفك يا درويش إلي أقصاك
إلي أقصاك

عبد الله جعفر
لك التحايا

بيان
ما علينا الا ان نردد مع المبلك **بفتح الميم**

ان شالله يا مبلوك يتحقق المقصود
الشله ليك تعود وتكون من الناجين

او نردد
شيخنا تب ود جابر كبير
ليك بنده كون لى نصير
المبلكنى يقــــع عـذير
ولو يطير ما يلحق الزير

او نردد
يا حليلو بلا عدل
قالوا شالو بلوك الاحد
سائل الله اللسته تتهد
ونلقى فى المسنجر خرد

Post: #45
Title: Re: البلوك... وما ادراك ما البلوك
Author: bayan
Date: 03-01-2005, 04:39 PM
Parent: #36

اوسلى حبابك ابوى

فى واحدة شايقية قالت لمبلكها شايقى

مبلكنى انا فى شينو
يا شوم مبلكنى انا فى شينو
كلامك الدراب .. مبلكنى انا فى شنو..
وانت بالخراب مبلكنى انا فى شنو....

Post: #43
Title: Re: البلوك... وما ادراك ما البلوك
Author: bayan
Date: 03-01-2005, 04:34 PM
Parent: #35

العزيز عبدالله
Quote: والله لي اسع ماحصل بلكنتا زول

يا جماعة اى زول ما شاف عبدالله جعفر دا قريب فى الماسنجر يجى يفضحو هنا

البتحرق يا عبدالله الناس البيكونو اصحابك لزم..يبلكوك يدخلوك فى نفسيات
خاصة لو عندك عقدة ذنب مستاصلة.. تمشى تضرب اخماس فى اسداس..

Post: #37
Title: Re: البلوك... وما ادراك ما البلوك
Author: Zongiya
Date: 03-01-2005, 01:52 PM
Parent: #1

..
.
بصراحه ما رايك في مساله البلوك..وهل تمارسه

الناس تتعرف ببعضها في فتره قصيره..تتوطد علاقتها اكثر في الماسينجر
مما يساعد على فهم طبيعه الشخص اكثر..
اذا تعرفت بشخص كان مختلف عني قد ابعد عنه ولكن لا احذفه على الاقل
اختلاف الراي معه لا يمحي كل المشاعر فقد احظره و من فتره لي فتره اتواصل معه
اختلاف المزاج يختلف من ساعه لاخري قد اكون في مزاج سئ فلا داعي لان اتواصل
مع هذا الشخص بهذا المزاج السئ فاكتفي ايضا بالحظر..
الانسان يحب التغيير و هذا شئ طبيعي..وتوسيع العلاقات ايضا شئ مثير للانسان
ولكن بالنسبه لي لم يصل الي انقطاع الايميلات قد يطول الوقت ولكن ايضا اتواصل..
مساله البلوك مساله صحيه بالنسبه لي..قد تسبب احراج للبعض و لكن ايضا وسيله
لتفادي الاضرارالتي تقع اذا كنت في مزاج متقلب ؟
البلوك ايضا مساله وقتيه مثلا:
هناك من الاصدقاء الذين يختفون لفتره و يرجعون ..والغياب يكون عن قصد..
الفتره الغائبين عنها فتره اعاده تاهيل..للرجوع بصوره اقوي و انشط..
واستيعاب حياه الطرف الثاني اكثر..بالتالي مساحه اوسع للتفاهم..

تحياتي ..

Post: #38
Title: Re: البلوك... وما ادراك ما البلوك
Author: نادية عثمان
Date: 03-01-2005, 03:56 PM
Parent: #37

الحبيبة بيان

عارفة البخلينى ابلك شنو ؟

انا اسمى وايميلى موجود مع مجموعة من قصائدى فى موقع اسمه

سودان تو داى ..يقوم الواحد يضيفنى طوالى وانا اقبلو واى حاجة يقوم يلاقينى فى الماسنجر ويدور الحوار التالى :

الو الشاعرة الخطيرة او الجميلة او الاخت او اى لقب المهم

كيفك؟

كويسة اخوى تسلم منو انت ؟

انا فلان ( وممكن يكون كضاب )

وقريت شعرك ووالله يااستاذة معجب جدا

تسلم اخوى ده بس من ذوقك

صورتك الفى الموقع دى ؟

ايوة صورتى

انتى متزوجة ؟

ايوة وام كمان

ممكن رقم تلفونك عشان نتعرف ونقرأ الجديد من اشعارك ؟

طيب مرة تانية بس لانى مشغولة شوية هسى سمح

دقائق وبرجع ليك سمح

براحتك يااستاذة منتظرك..

وبس من ديك وعيييييييييييييييييييك

بعمل ليهو بلوك ..

ليضيفنى اخر ويدور ذات الحوار

شفتى الملل عليك الله يادكتورة ؟

بالمناسبة راجعى ماسنجرك مرسل ليك ايميلى عشان تقبلينى ثم تبلكينى ...الرسول فيك ماتبلكينى سمح؟!!

Post: #41
Title: Re: البلوك... وما ادراك ما البلوك
Author: osly2
Date: 03-01-2005, 04:27 PM
Parent: #38

Quote: طيب مرة تانية بس لانى مشغولة شوية هسى سمح

دقائق وبرجع ليك سمح

براحتك يااستاذة منتظرك..

وبس من ديك وعيييييييييييييييييييك

بعمل ليهو بلوك ..

قايله نفسك حريفه يا ناديه
النوع دا بكون ثلاثى الاباده
يملك ثلاثه اميلات .. تبلكى واحد ينزل بالتانى وهكذا حتى يحت كل
ما يملك من اتو والمحصله النهائيه قد يكون المبلكين فى اللسته 30
وعددهم فى الحقيقه 10 اشخاص

اخشى ان تطالب منظمات حقوق الانسان بالتفتيش الدورى لمسنجرك
حتى تطمئن على احوال الضحايا

Post: #52
Title: Re: البلوك... وما ادراك ما البلوك
Author: bayan
Date: 03-01-2005, 07:13 PM
Parent: #38

Quote: بالمناسبة راجعى ماسنجرك مرسل ليك ايميلى عشان تقبلينى ثم تبلكينى ...الرسول فيك ماتبلكينى سمح؟!!

ندوبة ليه كدا؟
تبلكنى قبل نبدأ.... مشيت فتشتا ماسنجرى لبجتو لبج ما لقيت اى رسالة منك

توعدنا وتبخل بالصورة....

[email protected]

مافى عذر تانى عاد

Post: #51
Title: Re: البلوك... وما ادراك ما البلوك
Author: bayan
Date: 03-01-2005, 07:07 PM
Parent: #37

العزيزة زنجية...

مرحب بيك..
كلامك جميل ومنطقى.. وفيه احترام للذات وللاخرين...

Quote: هناك من الاصدقاء الذين يختفون لفتره و يرجعون ..والغياب يكون عن قصد..
الفتره الغائبين عنها فتره اعاده تاهيل..للرجوع بصوره اقوي و انشط..
واستيعاب حياه الطرف الثاني اكثر..بالتالي مساحه اوسع للتفاهم
..

صحيح.. والغائب عذرو معاه..
عجبنى كلامك اضيفينى.. وما بنختلف...

Post: #39
Title: Re: البلوك... وما ادراك ما البلوك
Author: ود الشيخ
Date: 03-01-2005, 04:13 PM
Parent: #1

يا دكتورة
بدل فاقد ده واحد صاحبي شديد في سودان دوت نت

Post: #46
Title: Re: البلوك... وما ادراك ما البلوك
Author: دورنقاس
Date: 03-01-2005, 04:40 PM
Parent: #39

د. بيان

من بلكونة البلكنة احييييييك
على البوست الظريف
واكيد الزارو كل حريف
كان مبلكن او متبلكن

ومحمد معانا البلكنة ماتغشنا

لك كل الود

Post: #48
Title: Re: البلوك... وما ادراك ما البلوك
Author: نادية عثمان
Date: 03-01-2005, 04:54 PM
Parent: #46

بيان العسل
Quote: اخشى ان تطالب منظمات حقوق الانسان بالتفتيش الدورى لمسنجرك
حتى تطمئن على احوال الضحايا

كان ده حصل النبى كان تجى تواسينى فى محكمة العدل الدولية بتاعة الابادة الجماعية للضحايا ديك .!!

طبعا قطع شك بتعرفيها ؟... ولااوصفها ليك يابنونة ؟!!

Post: #55
Title: Re: البلوك... وما ادراك ما البلوك
Author: bayan
Date: 03-02-2005, 01:20 AM
Parent: #46

منو؟
دور نقاس؟؟
امانة البوست دا ما مرق ناس..

وينك يا اخى
مالك عملت لى دليت من ذاكرتك.. بلوك فى ماسنجر البورد...
Quote: من بلكونة البلكنة احييييييك

وانا بدورى احييييييك من بلكونة بلكنتى

اصحابى الظهرو فجأة ديل كلهم جابتهم عقد الذنب.. ولا كيف؟
كان نسوى البوست دا بدرى..

Post: #47
Title: Re: البلوك... وما ادراك ما البلوك
Author: Rawia
Date: 03-01-2005, 04:51 PM
Parent: #39

http://www.arab7.com/up/file/1109263677710.jpg

بيان مساك خير
سمعتك يوم داااااااك قلتى للناس المتضامنين مع وليد
لو بعرف تكنلوجيا بخت صورته
اها حسه اهو اللنك بتاع صوره وليد ماعليك الا تعملى كوبى وتمشي تعملى بيست فى بروفايلك محل الصوره
وتانى ماعندك حجه

Post: #54
Title: Re: البلوك... وما ادراك ما البلوك
Author: bayan
Date: 03-02-2005, 01:17 AM
Parent: #39

Quote: بدل فاقد ده واحد صاحبي شديد في سودان دوت نت

لا حولة بالله دا انت؟

Post: #49
Title: Re: البلوك... وما ادراك ما البلوك
Author: ست البنات
Date: 03-01-2005, 05:34 PM
Parent: #1

راوية الظريفة ،

سلام ،

انا بعتبر مداخلتك الأخيرة دى رد على النداء الوجهته لك ولدكتورة بيان !

وبشكرك بشدة .

ست البنات .

Post: #50
Title: Re: البلوك... وما ادراك ما البلوك
Author: motaz
Date: 03-01-2005, 06:35 PM
Parent: #49

الاخوان المبلكين والمتبلكين
ازيكم
فعلا مسألة البلوك محيرة شديدة وقد يجد الشخص نفسه مبلك من اقرب الاصدقاء اليه

الاخ عمر الفاروق القصيدة لزيزة شديد واسمح لي اخليها معاي لليوم الاسود .. ما معروف الظروف احتمال يبلكونا وكدا يا اخوي
مرة من المرات عملت حركة كشف التبليك دي .. لقيت زول اصلو ما كنت متخيلو يعمل كدا .. قمت كتبت ليهو رساله شديدة اللهجة هههههههه جاني رد منو تاني يوم طوالي قال لي ياخي انا لي قرن ما دخلت النت وهسي يادوب لي يومين رجعت وايميلي كان مقفلول من ناس الهوتميل .. هههههه شفتو الكلام ده كيف .. عشان كدا الزول ما يخت سوء النية .. وبدل ما تقوم الزول ده مبلكني قول ناس الهوتميل سحبو منو الايميل .. وخليك عايش على كدا ههههههه
لكم كل الود
شكرا للاخت بيان على البوست اللزيز

Post: #56
Title: Re: البلوك... وما ادراك ما البلوك
Author: bayan
Date: 03-02-2005, 01:31 AM
Parent: #50

Quote: .. عشان كدا الزول ما يخت سوء النية

معتز يا ظريف... زريت صاحبك شديد والله..اسع العذر حقو دا حيكون تانى
يستخدمو اى زول مبلك زول

ما اولا الزول ما بيكون خاتى سؤ النية.. لكن لما تطول الحاجة والاعذار..
الا تكون مغفل.. قطعا صاحبك دا غير باب الخباء..
بعداك رجع رجوع القمرة لوطن القمارى...اها انت طوالى بلكو حلال عليك..

ليه تبقى بدل فاقد؟

Post: #53
Title: البلوك ... وما ادراك ما البلوك
Author: Ahmed Daoud
Date: 03-01-2005, 11:06 PM
Parent: #1

العزيزة بيان

فكرة البوست جميلة وجديدة
انا لا الجأ الى سياسة البلكنة
(مش البلقنة) لآننى اختار اصدقائى
بعناية شديدة.

لك التحايا والود.

أحمد داود

Post: #57
Title: Re: البلوك ... وما ادراك ما البلوك
Author: bayan
Date: 03-02-2005, 01:34 AM
Parent: #53

Quote: لآننى اختار اصدقائى
بعناية شديدة.

العزيز احمد ما دى المنقة هنا.. انك تكون مفتكر انك مختارهم بعناية
لغاية ما يبلكوك..وتعرف قيمتك عندهم

كل ما آخيت انسانا رمانى بالبلوك
مع الاعتذار لدرويش
كل ما آخيت عاصمة رمتنى بالحقيبة

Post: #58
Title: Re: البلوك... وما ادراك ما البلوك
Author: ود الشيخ
Date: 03-02-2005, 01:44 AM
Parent: #1

يا دكتورة
باللهجة الفلسطينية بلكي الزلمي زعلان من شنا هيك بلكنك

Post: #59
Title: Re: البلوك... وما ادراك ما البلوك
Author: bayan
Date: 03-02-2005, 03:43 AM
Parent: #58

Quote: It's difficult to choose between two blind goats

واحد من اصحابى الجنجويد(بالجد) كاتب دا فى ماسنجرو..

اظن بمناسبة يوم المرأة العالمى

ابلكنو ولا لع :

Post: #60
Title: Re: البلوك... وما ادراك ما البلوك
Author: bayan
Date: 03-02-2005, 05:40 AM
Parent: #58

لوووووووول
يا ود الشيخ

اليوم ماسنجرى يعج بالناس.. جو من كل فج عميف..ناس لى سنين ما شوفتهم
وناس من سودان نت... غايتو لو عارفة البوست بيجب لى حلوين زيل ديل يزورونى
كنت عملتو من بدرى...

اود ان أنوه هذا البوست ما شخصى بس عجبنى لما لقيتو فى بورد المدينة
وقلت اجيبو هنا اشوف رأيكم فى الموضوع...

انا شاكة انه

امين ود ابو امين مبلكنى
ومعاه سنجا ولد

Post: #61
Title: Re: البلوك... وما ادراك ما البلوك
Author: نادية عثمان
Date: 03-02-2005, 07:45 AM
Parent: #60

بيان الغالية

اها المرة دى الا تكونى مبلكانى انتى يازولة .!!

وبعدين انتى ايميلك ده خاتاهو كده ماخايفة المعجبين المكسرين فيك يقوموا يضيفوك ويرجعوا يلكوك ويبشتنوك ويحرقوا روحك ويشحتفوك ولا شنو ؟؟

يلا بسرعة شيليهو انا اضفتو فى القائمة خلاص..

سجمى يابنونة ..مايكون وهمى الشئ ده؟!!!!!!!!!!!

Post: #62
Title: Re: البلوك... وما ادراك ما البلوك
Author: bayan
Date: 03-02-2005, 07:58 AM
Parent: #61

Quote: وبعدين انتى ايميلك ده خاتاهو كده ماخايفة المعجبين المكسرين فيك يقوموا يضيفوك ويرجعوا يلكوك ويبشتنوك ويحرقوا روحك ويشحتفوك ولا شنو ؟؟

قلبك ابيض يا ندوية.. لا معجبين لا مكسرين فى البورد دا ما عندى...
خلاص عاد نمشى نفتحو اسع من دربى دا

Post: #63
Title: Re: البلوك... وما ادراك ما البلوك
Author: محمد حسن العمدة
Date: 03-02-2005, 09:29 AM
Parent: #61

Quote: وبعدين انتى ايميلك ده خاتاهو كده ماخايفة المعجبين المكسرين فيك يقوموا يضيفوك ويرجعوا يلكوك ويبشتنوك ويحرقوا روحك ويشحتفوك ولا شنو ؟؟

هو التكيسر دا سااااااي كدا يا نادية يا بت هثمان هسي عليك الله الرانكر دا يودهو وين
القمر بضويييييييييي انا شن بسوي بالدردوق قر قر قر قر قر قر رررررر
والله يا دكتورة رفعو ليك معنوياتك الليلة.... ما صدقتي طوالي لصقتي الايميل قر قرقرقر
اها الزولة دي حسها اتقرش قالت خلاص بلكتو اقصد اضافتو
يلا ليمهو قبل المعجبين ما يتغشو لووووووووووووووووووول
غايتو الحبوبتو ما حجتو فرصة ما يفوتا

فلان : الو الشاعرة الخطيرة او الجميلة او الاخت او اى لقب المهم

نادية :اياني انا زاتي اها داير شنو

فلان : كيفك؟

نادية : عاضاني بعوضة والحالة مسيوطة تعال من الاخر

فلان :انا علان ( وممكن يكون كضاب )

نادية : ما ضروري قول العندك

فلان : وقريت شعرك ووالله يااستاذة معجب جدا

نادية : كتار قالوا زيك ماجبت جديد

فلان : صورتك الفى الموقع دى ؟

نادية : لا حقت بت الجيران مستلفاها

فلان : انتى متزوجة ؟

نادية : الاخ شغال في الاحوال الشخصية او المدنية

فلان : ممكن رقم تلفونك عشان نتعرف ونقرأ الجديد من اشعارك ؟

نادية : ممكن تشوف البروفايل في سودانيز اون لاين والجديد في الموقع

نادية : انا مافاضية يا زول عندك حاجة تانية

وبس من ديك وعيييييييييييييييييييك ( عليك امان الله تاني ما تشوفي وكان لاقاك يغير الدرب )

بعمل ليهو بلوك .. ( ولا محتاجة ليهو )

ليضيفنى اخر ويدور ذات الحوار ( حرم تاني مافي زول يجيك )

شفتى الملل عليك الله يادكتورة ؟ ( ولا مللاية ما تجيك )

اها راي في البلوك بجيهو صادي

Post: #64
Title: Re: البلوك... وما ادراك ما البلوك
Author: bayan
Date: 03-02-2005, 08:14 PM
Parent: #63

Quote: هو التكيسر دا سااااااي

قرقرقرقرقرررقررقرررقررقررقررر

مش بالله؟

انا وصديقتى الجلكينة لدينا صديق "عثل".. قال انه الونسة معانا ذى الونسة
فى خشم البير فى كبوشية.. و نحنا متصالحين مع انه كل ما تظهر جكسة فى ماسنجرو
يقولينا مع السلامة يا جليكنات...

الايام دى اظنو عامل لينا بلوك.. لينا فترة ما شوفناه..

Post: #65
Title: Re: البلوك... وما ادراك ما البلوك
Author: osly2
Date: 03-02-2005, 08:53 PM
Parent: #64

المشكله التانيه انو يكون فى الطر ف التانى عامل ليك بلوك فتره طويله
وعندما يظهر فجأه اون لاين فى لسته تعج بالعشرات غيره يبدأ حك
الذاكره لمعرفة هذا الوافد بعد طول غياب
وتبدأ رحلة الاستكشاف بالاسئله الحلزونيه اياها
وتتضاعف المهمه اذا كان العائد محقون بجرعات كبيره من الغتاته

Post: #67
Title: Re: البلوك... وما ادراك ما البلوك
Author: bayan
Date: 03-03-2005, 00:48 AM
Parent: #65

اوسلى لمعالجة هذا الامر تفتح فايل اى زول تضيف اسمه
تكتب ايملو واسمه.. عشان ما تتبشتن ايها الرجل الثلجى
انا بيعزبونى البغيرو اسمهم كل يوم..

لانه يسلم اقول دا منو؟
القاه ليك زول بعرفو كويس

Post: #66
Title: Re: البلوك... وما ادراك ما البلوك
Author: نادية عثمان
Date: 03-02-2005, 09:01 PM
Parent: #63

ياود العمدة انا بقول المعجبين بى شعرى ..

اها انت ياتو يوم اعجبت بشعرى وانا فطيتك.؟!!

اسمع انت لو فى قائمتى المبلكنة بى اسم مستعار قول لى افكك!!

ثم انو انت مامن ناس ديك وعييييييييييك ..

انت من ناس ديك وجدادة !!

وقشة تعتر لليعتر ليك يافردة !!

بنونة ..بيان ..ام السمحات التلاتة

قسما بالله من الساعة ديك وللليلة ماسنجرى قافش قفشة عدوك حلف مايشتغل ..

قولى لى اسوى شنو ياخبيرة ؟

Post: #68
Title: Re: البلوك... وما ادراك ما البلوك
Author: bayan
Date: 03-03-2005, 00:52 AM
Parent: #66

Quote: بنونة ..بيان ..ام السمحات التلاتة

قسما بالله من الساعة ديك وللليلة ماسنجرى قافش قفشة عدوك حلف مايشتغل ..

قولى لى اسوى شنو ياخبيرة ؟

كر على انا ام كراع حارة..حتلت ليك ماسنجرك؟

والله جد شرفتينى وابهجتينى شكرا ليك وان شاء الله ما تعملى بلوك
حاكم انا ولوفة جدا.. وبحزن لو اتبلكت

Post: #69
Title: Re: البلوك... وما ادراك ما البلوك
Author: لؤى
Date: 03-03-2005, 01:36 AM
Parent: #1

دكتورة بيان
والأخوة والأخوات المشاركين/ات
تحيّة

لاأعرف حقّاً لما الحساسيّة بخصوص البلوك !! ربّما جهلي بأبعاد المسألة يعود لإستعمالي النادر جدّاً للماسنجر ، والتعامل معه فقط لتأدية مهام محدّدة ، ولا يوجد في قائمتي سوى 4 أو 5 أسماء من الذين واللائي أحتاج للتواصل معهم/ن بشكل شبه مستمر ، لكنّي وبكل الصدق أضع علامة البلوك على كل المتواجدين/ات في القائمة ، بل وأقوم بحذف الأشخاص الذين واللائي ألتقيهم/ن فقط لمهمّة محدّدة ، وأقوم بإعادتهم/ن للقائمة متى ماإحتجنا للتلاقي من جديد ..

الكلام دا باين الليلة حايجيب لي مشاكل كتيرة خلاص مادام المسألة فيها حساسيّة انا ماكنت عارفها والله يستر ساي

Post: #70
Title: Re: البلوك... وما ادراك ما البلوك
Author: bayan
Date: 03-03-2005, 02:29 AM
Parent: #69

Quote: الكلام دا باين الليلة حايجيب لي مشاكل كتيرة

اها مشكلة نمرة واحد..

لقيتك عامل لى بلوك... يتبارك عمر الفاروق.. ورانا كيف نعرف البلوكات..

اها لى يو مين شغالة فتيش.. فى منو مبلكنى.. ؟

اى زول مبلكنى احسن يرجعنى عشان حاكتب الاسماء..دا تهديد..

Post: #71
Title: Re: البلوك... وما ادراك ما البلوك
Author: لؤى
Date: 03-03-2005, 03:31 AM
Parent: #70

Quote:
اها مشكلة نمرة واحد..

لقيتك عامل لى بلوك...

الليلة

الله يستر .. انا ذااااتي المدخلني هنا شنو ؟؟ والصراحة الكاتلاني شنو ؟؟ كلامي دا كان أحسن أمشي بيهو لي موضوع لنا مهدي بتاع لوثة صدق ..

Quote:
اى زول مبلكنى احسن يرجعنى عشان حاكتب الاسماء..دا تهديد..
اها التهديد دا زي بتاع الأمم المتحدة فيهو منح فترة لتنفيذ القرار ولا قصف وغارات طوالي ؟؟

Post: #72
Title: Re: البلوك... وما ادراك ما البلوك
Author: سارة حمزة
Date: 03-03-2005, 03:52 AM
Parent: #71

الدكتورة بيان شكرا جزيلا علي المعلومات الثرية
وكتر خير اخونا عمر والله الواحد قعد اليوم كله يلعب ويشوف
غايتو طريقة لذيذة
وعرفنا العامل لينا بلوك منو
الواحد اكتشف انو بليد بلادة في الكمبيوتر

Post: #74
Title: Re: البلوك... وما ادراك ما البلوك
Author: bayan
Date: 03-03-2005, 05:49 AM
Parent: #72

Quote: غايتو طريقة لذيذة

سارة انا من قبيل أشيل وابكى واتنخج.. امانة ما اتلومو ناس..
عمر خرب علينا.. المعرفة قاسية جدا
احسن الجهالة السعيدة والله تكونى قايلة الزول مشغول ولا سافر ولا حتى مات
لكن عامل بلوك!!؟؟
يا عيب الشوم..
فى ناس ما شايفاهم ديل خلى بالك بيكونو غيرو باب الخباء..

Post: #78
Title: Re: البلوك... وما ادراك ما البلوك
Author: سارة حمزة
Date: 03-04-2005, 01:47 AM
Parent: #74

دكتورة بيان مش كده غايتو الواحد عرف قدره عند ناس كتار

Quote: احسن الجهالة السعيدة والله تكونى قايلة الزول مشغول ولا سافر ولا حتى مات
لكن عامل بلوك!!؟؟

Post: #73
Title: Re: البلوك... وما ادراك ما البلوك
Author: bayan
Date: 03-03-2005, 05:44 AM
Parent: #71

Quote: اها التهديد دا زي بتاع الأمم المتحدة فيهو منح فترة لتنفيذ القرار ولا قصف وغارات طوالي ؟؟

حندى انزار لمدة اسبوع..

تو انى بودى هو قييف مى ذا كولد شولدر. ام قونق تو ميك يو ريقريت ات

Post: #75
Title: Re: البلوك... وما ادراك ما البلوك
Author: saif massad ali
Date: 03-03-2005, 06:20 AM
Parent: #73

والله جنس مصائب شئ هكر شئ بكر شئ يلوك شئ بلوك

Post: #76
Title: Re: البلوك... وما ادراك ما البلوك
Author: zola123
Date: 03-03-2005, 06:52 AM
Parent: #1

المسنجر ده أسوأ وسيلة في النت في رأيي من ناحية انتهاك الخصوصية.
تخيلوا نفسكم في البيت وكل ما تفتح الباب تلقى كمية ضيفان دخلوا واتحكروا ليك جوة بيتك , وانت ما مهيأ لهذه الزيارة ويمكن فتحت الباب داير تجدع شي وتمشي تنوم بعدها لاكن الضيوف قاعدين ليك.
أضف لذالك كمية من الاداب المكتسبة للتحاور عبر المسنجر تجبرك على تأدية التحية لأي شخص في القائمة واذا ما سلمت عليه يزعل وما يفهم انك ممكن تكون داير تقرا الايميل وتتخارج سريع. وأضرب المسألة دي لو عندك 5 أصحاب وكل زول مستنيك تتونس معاك.
المسنجر وسيلة قد تكون مفيدة للتواصل مع من تعرف لاكن بحدود, وانصح البنات خصوصا بترشيد استخدامه.
تحياتي

Post: #77
Title: Re: البلوك... وما ادراك ما البلوك
Author: bayan
Date: 03-04-2005, 01:07 AM
Parent: #76

Quote: المسنجر وسيلة قد تكون مفيدة للتواصل مع من تعرف لاكن بحدود, وانصح البنات خصوصا بترشيد استخدامه.

سلام يا زولة وحمدالله على السلامة...

شكرا لزيارتك المفوهة... لماذا توقفت عن كتابة قصص انترنتية...
اتمنى ان تستمرى فيها.. لانى من المتابعينها بشغف شديد..

Post: #79
Title: Re: البلوك... وما ادراك ما البلوك
Author: محمد حسن العمدة
Date: 03-05-2005, 02:30 PM
Parent: #77

Quote: كر على انا ام كراع حارة..حتلت ليك ماسنجرك؟

قر قر قر قر قر نشفتيهو

غايتو الماسنجر مهما كان برضو فيهو الصالح وفيهو الطالح اصلو نفاخ الكير ديل موجودين في اي مكان وهنا فقط ليس البلوك وحده بل الطرد النهائي كما تفعل نادية بت عمنا عثمان
كي يا نادية ما وريتنا الموقع الفيهو الايميل حقك الجايب ليك الـضبان دا وين

غايتو سعالي دا فكيتو الا عارف بجيب ليهو زرزير وهوا تقييييييييييل

Post: #80
Title: Re: البلوك... وما ادراك ما البلوك
Author: نادية عثمان
Date: 03-05-2005, 03:43 PM
Parent: #79

ود العمد ة محمد حسن الغالى

Quote: كي يا نادية ما وريتنا الموقع الفيهو الايميل حقك الجايب ليك الـضبان دا وين

غايتو سعالي دا فكيتو الا عارف بجيب ليهو زرزير وهوا تقييييييييييل

ود العمدة الله لازرزرك يااخوى ولاجاب ليك الهوا التقيل

هاك ده اسم الموقع ووالله فيهو سماحة حاجات غيرى !!

شئ غنا وشئ العاب وحاجات وحاجات وحاجات وانا !!

اها هاك..

www.sudan2day.net

لكن والله هم معجبين زى الفل ماتقول عليهم كده بزعل منك !!

هم بس ناس ولووووووووووفين جدا وانا زولة عندى ازمة وكت وزمنى ضيق!!

بث!!

Post: #81
Title: Re: البلوك... وما ادراك ما البلوك
Author: waleed500
Date: 03-05-2005, 04:15 PM
Parent: #80

عشان كده بلكنتينى يا دكتورة انا كنت مفتكر لاننى من الجماعه اياهم

Post: #82
Title: Re: البلوك... وما ادراك ما البلوك
Author: bayan
Date: 03-05-2005, 07:20 PM
Parent: #81

Quote: عشان كده بلكنتينى يا دكتورة انا كنت مفتكر لاننى من الجماعه اياهم

والله بهتنى؟
متين وكيف وليه؟