Post: #1
Title: يا زولة 123 وين البوست بتاع وصفات الأكل؟
Author: Nada Amin
Date: 11-12-2003, 05:55 PM
Parent: #0
يا جماعة لو سمحتوا عاوزه زوله 123 أو أي زول/ة ينكت لي البوست بتاع وصفات أكل العزابة، محتاجة ليه ضرووووري الليلة. المشكلة ما قادره أتذكر كاتب البوست منو؟ عليكم الله يا جماعة راعوا ظروف رمضان و الجرسة و انكتوه لي سريع جدا قبل مواعيد الفطور ،أها أنا قاعده منتظره وروني همتكم/ن.
الامضاء/ المعذبة المشتهيه ليها عصيدة حارة بملاح روب
|
Post: #2
Title: Re: يا زولة 123 وين البوست بتاع وصفات الأكل؟
Author: 3mak Hasabo
Date: 11-12-2003, 06:51 PM
Parent: #1
سلام ندى
اها البوست نكتو ليك معتصم وتلقية فى الصفحة الاولى....البوست كتبتو انا...كنت قايل روحى براى المشلهت...طلع الجكس سيد الخبرات مشلهت ..الله يعين
|
Post: #3
Title: Re: يا زولة 123 وين البوست بتاع وصفات الأكل؟
Author: Nada Amin
Date: 11-12-2003, 07:05 PM
Parent: #1
الأعزاء
منتصر و عمك حسبو
شكرا ليكم كتير على "نكتت" البوست لي و الله ما قصرتوا أبداو معزومين معاي فطور الليلة، بس ما تتأخروا في الجيه .
و يا عمك حسبو أنا اتخيل لي الزمن ده الجكس بقوا خيبانات في الأكل أكتر من العزابه، الله يلعن الجندرة و القراية و الشغل الأبينا من زماااان ندخل المطبخ بسببهم، أها و جهولا أم سكاسك ما حتنظر لينا بأكله لرمضان... بالمناسبة كان بوست ظريف خالص.
|
Post: #4
Title: Re: يا زولة 123 وين البوست بتاع وصفات الأكل؟
Author: WAD ELGAALI#4
Date: 11-12-2003, 07:23 PM
Parent: #3
الوجيهه ندى كيفك ورمضان كريم تعرفى عندنا واحده هنا خالتنا ام اصحابنا عملتلنا عصيده كتييييره وجردل حق نعيميه وجردل تقليه من يوم واحد رمضان ولا دربك دا
ما نفضنا يدنا منها ولا انتهت مع اننا بنفطر منها
كل يوم اها كان دايرا ليك منها دش قولى عووووك نسند
ليك بالفيدكس او اليوبي اس بس ادينى علوانك واذا
دايراها لى فطور الليله دينى ايميلك حسى اعمليها ليك
سند
قولتى لى زهجانه من الجندر اصبرى لى كانما فتنتك مع الجمدريه
|
Post: #5
Title: Re: يا زولة 123 وين البوست بتاع وصفات الأكل؟
Author: Nada Amin
Date: 11-12-2003, 07:35 PM
Parent: #1
و الله بختكم يا ود الجعلي ، لكن بس عاوزه أقول ليك حاجة الحندكة في رمضان حرام.
|
Post: #6
Title: Re: يا زولة 123 وين البوست بتاع وصفات الأكل؟
Author: WadalBalad
Date: 11-12-2003, 10:16 PM
Parent: #1
يخس عليكى يا ندى!!! :-)
عاملة فيها (دكتورة) وما بتعرفى تعملى عصيدة رمضان؟ إلاَّ أديكى ملحق عشان تذاكرى سمح وأخليكى تذاكرى جوة المطبخ... لوللللل
رمضان كريم...
|
Post: #7
Title: Re: يا زولة 123 وين البوست بتاع وصفات الأكل؟
Author: nazar hussien
Date: 11-13-2003, 08:58 AM
Parent: #6
ما قلت ليكم
والله كتبت هناك قبل ما اقرا هنا
|
Post: #8
Title: Re: يا زولة 123 وين البوست بتاع وصفات الأكل؟
Author: محمد عبدالقادر سبيل
Date: 11-13-2003, 10:04 AM
Parent: #7
يا ندي امين
الحاصل شنو؟والله ما انتبهت للبوست بتاعك دا.. ظريف وطريف ، وبريح من الدوشة الآنا جايبا برااااي لرقبتي
أكيد هسع بتضحكي علي
وبعدين اسمعي الحندكة ما كويسة ،، لكن برضو الحنشكة ما سمحة
اتعلمي تعملي ملاح نعيمية وكمان عوسي ليها كسرة اطعم !!
ما حايكون فاضل ليك بعد داك الا المشاط
اللهم اني صايم
|
Post: #9
Title: Re: يا زولة 123 وين البوست بتاع وصفات الأكل؟
Author: doma
Date: 11-13-2003, 10:14 AM
Parent: #8
Quote: دا شنو دا ؟ ما انتبهت للبوست بتاعك دا ظريف وطريف ، وبريح من الدوشة الآنا حيبا برااااي لرقبتي
أكيد هسع بتضحكي علي |
لوووووووووووووول غايتو يا محمد سبيل جرستك لذيذه جدا
|
Post: #10
Title: Re: يا زولة 123 وين البوست بتاع وصفات الأكل؟
Author: zola123
Date: 11-14-2003, 06:39 PM
Parent: #1
ندى ازيك
معليش ما شفت بوستك ده الا حسي
اعتقد البوست البتفتشي عنه هو البوست القديم بتاع رمضان الماضي
http://:اكلات رمضانية .....للمعذبين والمبشتنين في الارض
اكلات رمضانية .....للمعذبين والمبشتنين في الارض
لو ما نفع اللينك اعملي كوبي والصقي العنوان ده
طبعا طريقة بدائية لم اجد لها بديل
بس تستحق المحاولة
فيه كمية كبيرة من الوصفات وشارك فيه ناس كثير حتستغربي لمن تلقيهم كاتبين وصفات
يتعذر رفع البوست لانه الان في الارشيف الثالث
شوفي الوصلة لو ما فتحت معاكي كلميني
يوما سعيدا في المطبخ
تحياتي
زولة123
|
Post: #11
Title: Re: يا زولة 123 وين البوست بتاع وصفات الأكل؟
Author: Tumadir
Date: 11-14-2003, 06:59 PM
Parent: #10
جيت طايرة طيران...اول حاجة عشان اقول لى زولة حمدالله على السلامة...
وتانيا عشان املح وآكل معاكم...
طبعت اكلات المبشتنين دى؟؟؟
عاش من شافك يا زولة...تدى امشى اكلى كسرة بى موية...دة اكل عزابة ساى
|
Post: #12
Title: Re: يا زولة 123 وين البوست بتاع وصفات الأكل؟
Author: zola123
Date: 11-14-2003, 07:06 PM
Parent: #1
تماضر
الله يخليكي يا ستي, مرحب بيكي
الصور بالمناسبة لازم معاها تعليق عشان ما نتلخبط
الاول ديل منو وبعدين التعليق
ندى دي اختنا ولازم ما نفضحها , لو عندك كم وصفة الحقيها بيها حاكم العزابة لقوا ليهم زميل , اقصد زميلة وحلوة كمان
تحياتي
زولة123
|
Post: #13
Title: Re: يا زولة 123 وين البوست بتاع وصفات الأكل؟
Author: Tumadir
Date: 11-14-2003, 07:09 PM
Parent: #12
The Brides of the Nile: just before the show
|
Post: #14
Title: Re: يا زولة 123 وين البوست بتاع وصفات الأكل؟
Author: الجندرية
Date: 11-14-2003, 08:52 PM
Parent: #1
عاد يا ندى
دي حنكشة عديل كدا
ما ترمي التهمة في الجندرة ولا في الشغل اقصد الوظيفة ولا القراية
والله جينا بيوتنا جاهزيييييييييين
العصيدة نعصدها
الزريعة نزرعها
الكمونية ننضفها
الخبيز نخبزه
ولمن يجي وقت خلف الكراع والتنظير ما بنقصر ترانا نركب نضاراتنا ونقعد
الموضوع ما جندرة
والله ابو العيال يعقد عديل
انا لمن قربت اخلي المطبخ
بستفز مهاراتي عديييييييل كدا
|
Post: #15
Title: Re: يا زولة 123 وين البوست بتاع وصفات الأكل؟
Author: Nada Amin
Date: 11-14-2003, 10:28 PM
Parent: #1
يا جماعة انتو بتنكتوا البوست ده كل مره ليه؟ أنا بصراحة كتبتوا في لحظة يأس و شوق شديد لعصيدة حاااارة بملاح روب،لكن بعد داك خجلت.
ود البلد عارف أمي ربنا يديها العافية كانت حريصة ترسل لي كل مستلزمات رمضان من بدري و تشيل و توصف لي بالتليفون بس زولتك مخها تخين شوية في الحاجات دي.
محمد سبيل عقدتي في الدنيا دي ملاح النعيمية ، و الله صصصصصعب خلاص أنا ما عارفه النسوان ديل بعملوا المعجزة دي كيف.
و يا دومة أنا حاسه بجرسة محمد سبيل لأنو لو الزول فتح ليه موضوع واحد بجن من المتابعة و الرد و الزعيط و المعيط الرابط خلي محمد سبيل البعافر ليه في أربعة مواضيع و براه،أها أنا دايره أبقى نصيرته، رأيك شنو؟
تماضر ما عندك أي مشكلة تشرفي فطور معاي بس خلي السيل فون قرييييييب منك عشان خاطر 911 (ده رقم الطوارئ في أمريكا).
نزار حسين هووووي ما في داعي للاشاعات المغرضة دي ، منو القال لك أنا ما بعرف أطبخ؟
زولة123العسل ( والله 123 بتتعبني تعب، انتي ما تخليها زولة ساكت عشان الباندوث) شكرا ليكي يا ظريفة على الاهتمام و رفعة بوست رمضان الفات كمان . وصفات أكلاتك باين عليها مظبطة حأطبقها كلها في الويك اند ده و ربنا يجيب العواقب سليمة.
الجندرية ما قلناالحندكة ما في ليها داعي ود الجعلي حندكني بالأكل و انتي حندكتيني بسواته، يعني أنا يا جماعة أطير أطير أطير أمشي وين؟ و عاد يا بت أمي كان ما كنتي متزوجة و بعيالك كنت حأقول استعراض المهارات المطبخية ده كله بغرض جذب العرسان مش بقولوا أقرب طريق الى قلب الرجل معدته. قايتو كان قطعتي لي تذكرة لليمن بجي أخد كورسات تدريبية من أم العيال و أبوهم كمان باين عليه زول فنان.
|
Post: #16
Title: Re: يا زولة 123 وين البوست بتاع وصفات الأكل؟
Author: lana mahdi
Date: 11-14-2003, 11:01 PM
Parent: #1
ندوية الحبيبة تجدين وصفات حلوة جدا فى الموقع
www.akaleel.com
هى ما وصفات سودانية لكنها جيدة
مع محبتى
|
Post: #17
Title: Re: يا زولة 123 وين البوست بتاع وصفات الأكل؟
Author: ترهاقا
Date: 11-15-2003, 09:37 AM
Parent: #16
المليحة ندا
إنتى وزنك كده كويس وكان سكيتى الوصفات الاكلاوية بعدين المخارجة بتكون صعبه ده لو وزنك لسع زى ما شايف فى الصورة
ورمضان كريم مع إنو حسع بعد شهرين تانى حيقولوا لينا رمضان باقى ليهو شهر، اما فيما يخص العزابة فاحسن اكله ليهم طبعا القطر قام ولو عايزة الرثبى مستعدين
مع تحياتى لك والاسرة الكريمة
|
Post: #18
Title: Re: يا زولة 123 وين البوست بتاع وصفات الأكل؟
Author: omdurmani
Date: 11-15-2003, 10:34 AM
Parent: #1
جد الغربة بتعلم الطبيخ......طبعا انا زمان قشة ما برفعها وربنا يدى الوالدة العافية.....
...............................
حكاوى الطبيخ دى كتيرة وظريفة وما بتكمل ....لكن نديكم منها واحدة.
..........................
عمتى طباخة رهيبة...بتحكى ذات مرة عن امرأة حسب تعبيرها سجمانة......جاءتها تسألها عن طبخة محددة.... فقالت وصفت ليها ملاح الاسود .... ومشت ....
بعد كم يوم جاتها تانى....فعمتى سالتها قالت ليها الملاح كيف طلع .....فردت السجمانة....والله الملاح طبختو ...طبختو وفي النهاية ابي يتسبك....فطلع موية......فاتصرفت ...قطعت عيش ورشيتو لزوجى..
......................
قمت انا ضحكت لانى ما تخيلت ...ابدا....اسود يرشو.....يعنى كيف....قول ...يلفو...يحشو....لكن اسود
يرشو....
.........................
وسالت...عمتى عن راي زوجها في الامر....فقالت لي باستصغار .... هى راجلها شيوعى ساكت ...مع الاعتذار لشيوعي البورد
..................................
المهم الدرس اللي اتعلمتوا وداير المتزوجين يعرفوا...اياكم اياكم والمرشوش من الطبائخ ....فهى مشاريع فاشلة....
...................................
وبرضو....تانى.....خليها لي قدام
............shereef
|
|