Post: #1
Title: بسم الله الرحمن الرحيم !!!
Author: ناذر محمد الخليفة
Date: 11-03-2014, 08:04 PM
يا جماعة السلام عليكم أول حاجة .. القدام والجداد فيكم .. الواحد طول شديد من الحوش دا ..
هسي لقيت لي فرقة كدي قلت النخش عاينت في الصفحة الأولى لقيت وش البامية ما ياهو !!
ما شاء الله في تسجيلات جديدة مولودة بي سنونا وعندها لياقة أسفيرية عالية جدا ونفس طويل ..
و الدناصرة القدام الله يديهم العافية لسع قابضين علي جمر القضية بالنواجز والسنان ..
كدي حبيت أسلم عليكم أول .. يا جماعة أنتو كيف ؟ أنشاء الله كلو بخير ؟!
مباركة متأخرة لأي زول مرت عليو مناسبة سعيدة واعزي كل من فقد عزيز وأنشاالله اخر الاحزان ..
وأشكر كل من سأل عني وراسلني وتواصل معي خارج المنبر ..
كدي النشوفكم يا جماعة في البوست .. غربة ووحشة والله !!
|
Post: #2
Title: Re: بسم الله الرحمن الرحيم !!!
Author: معاوية المدير
Date: 11-03-2014, 08:10 PM
Parent: #1
|
Post: #3
Title: Re: بسم الله الرحمن الرحيم !!!
Author: سيف اليزل سعد عمر
Date: 11-03-2014, 08:14 PM
Parent: #2
الحمد لله ربنا العالمين...
حمد لله علي السلامة..
وين أراضيك؟ وكنت غاتس وين..؟؟
منور والله مرحبتين حبابك ....
بالمناسبة قلت البامية شنو مالها؟؟ بعدين هي زااتا فرِك ولا تبيخ؟؟
|
Post: #4
Title: Re: بسم الله الرحمن الرحيم !!!
Author: ناذر محمد الخليفة
Date: 11-03-2014, 08:40 PM
Parent: #3
أوووووووووووووو
حبيبنا معاوية المدير ...
يا خي اشكرك جدا على اهتمامك بالتواصل طوال فترة غيابي عن المنبر ..
وشكرا للهدية اللطيفة والاغنية الخالدة والله مشتاقين ..
|
Post: #7
Title: Re: بسم الله الرحمن الرحيم !!!
Author: مزمل خيرى
Date: 11-03-2014, 09:00 PM
Parent: #4
هلا يا ابو رزان
منور والله ... ليك وحشه
|
Post: #5
Title: Re: بسم الله الرحمن الرحيم !!!
Author: ناذر محمد الخليفة
Date: 11-03-2014, 08:53 PM
Parent: #3
حبيبنا سيف اليزل كيفك ..
بمناسبة البامية والفرك والتبيخ ... سمعت بي الاسواق العاملاها ولاية الخرطوم وسمتا أسواق مخفضة ؟!!
يا خي ما تتصور كيف البياعين بيحتالو على المواطن المسكين دا كيف ..
أنا بالمناسبة من عشاق البامية بشقيها التبيخ والمفروك .. ناس المعتمدية يا عمك عاملين أسواق مخفضة واجمل ما فيها أنت بتشتري وبتعاين لي لافتة كبيييييرة فيها الأسعار المخفضة ..
ما تفرح .. أصبر أوريك الكنتة وين ...
جيت مرة داير اشتري بامية تبيخ .. طبعا دي البامية الحجمها صغير ... عاينت لي قائمة الاسعار لقيت كيلو البامية بي عشرة جنيه .. قلت ليو أعمل لي كيلو صاحبك طلع كيس مخدة فيهو حبة البامية أعزك الله قدر الموزة !!
يا زول دقيقة دا شنو ...!! أنا داير بامية تبيخ !! البياع يقول لي والله البامية التبيخ أغلى من كدة .. الكيلو بي خمسطاشر جنيه !! قلت ليهو أهو قدام عيني مكتوبة عشرة .. ؟! قال لي أبو عشرة شيل من الكبار ديل لو ما داير ادفع
خمسطاشر شيل التبيخ واتخارج !!
طبعا اضطريت دفعت خمسطاشر رغم أنف اللافتات والمعتمد نمر والوالي الخضر ..!!
والكلام الفوق دا بينطبق علي اي سلعة معروضة في الاسواق المخفضة دي ..
المهم خلينا من التبيخ والمفروك والنعيمية ...
أنت أخبارك شنو ؟!
|
Post: #6
Title: Re: بسم الله الرحمن الرحيم !!!
Author: محمد البشرى الخضر
Date: 11-03-2014, 08:59 PM
Parent: #5
أووووو أبو النيز
أخبارك ومشتاقين والله, وين يا عمك طوّلت الغيبة كدا
إن شا الله بخير و الأولاد
|
Post: #8
Title: Re: بسم الله الرحمن الرحيم !!!
Author: عاطف عمر
Date: 11-04-2014, 04:32 AM
Parent: #1
عوداً حميداً مهندسنا الكبير ناذر
تحياتي وسلامات
رمية
يروى أنه وفي زمان مضى قد نقل قاضي إلى مدينة ما في سوداننا ....
القاضي كان صاحب ( مزاج ) ... و( سنسنة )
ولأنه قاضي فلم يمكنه وقار الوظيفة والبريستيدج أن يسأل من حوله كيف يتحصل على ( المعلوم )
وفي ذات الوقت كان كاتب المحكمة يأتيه الصباح وعيونه ( حمر ) من أثر السهر والذي منو ... كان يأتيه ليعرض عليه قضايا اليوم
ذات يوم ....وقد نفد صبر القاضي
دخل عليه الكاتب وعيونه حمر بما ينبئ عن ( سهرة الأمس ) ، بدأ الكاتب يعرض القضايا
أشاح القاضي بالدفتر جانباً ونسى وقاره والبريستيدج وصاح في الكاتب
" القضايا طايرة في السما ..... ورونا إنتو بتحمروا عيونكم دي وين في البلد دي ؟؟؟ "
فيا حبيبنا
إنتو برضو ورونا بتدخلوا سودانيزأونلاين دي كيف من السودان ؟؟
أنا حاولت أدخل في إجازاتي ولم أستطع و ( جليت ) الموضوع خاصة مع جرى السودان الكتير داك
الآن السيدة المبجلة ( بعلتنا ) تسأل هذا السؤال لأنها تريد أن ( تعرف الحاصل في الدنيا شنو )
طبعاً أخوك عمل ( رايح ) ولم يشعرها أنه يعرف أن المقصود أن تعرف ( ماذا يكتب هذا العبد الفقير لربه )
شفت كيف ؟؟
النت عندنا سوداني
|
Post: #9
Title: Re: بسم الله الرحمن الرحيم !!!
Author: حمد عبد الغفار عمر
Date: 11-04-2014, 05:52 AM
Parent: #8
كيفك يا ناذر عساك بالف خير
والله شفت البسملة دي قلت ناذر دا عمل إنقلاب وخائف يمشي الإذاعة والتلفزيون
قال يعلنوا هنا في سودانيز ولا شنو؟
ياخ لو فاضي عليك الله بوست بتاع غناء بالشطة والدكوة ولو حنست معاك الفاروق يكون كويس
|
Post: #10
Title: Re: بسم الله الرحمن الرحيم !!!
Author: عمر السلمة
Date: 11-04-2014, 08:33 AM
Parent: #1
السلام عليكم ورحمة الله .. حمد لله على السلامة
ياخ لينا زمن جديد صاحبك كدايس (مش اسمو كدا؟؟) هههههههههههه
تحياتي
|
Post: #11
Title: Re: بسم الله الرحمن الرحيم !!!
Author: الخير محمد عوض
Date: 11-04-2014, 08:58 AM
Parent: #10
مشتاقين يا عمك
|
Post: #12
Title: Re: بسم الله الرحمن الرحيم !!!
Author: حيدر حسن ميرغني
Date: 11-04-2014, 10:28 AM
Parent: #11
اهلا بالفردة المعتق وسنير البورد ود الخليفة
ادردق ساكت وسط الامواج المتلاطمة دي اكيد حاتلقانا يانا نحنا وما تهتم كتير بجوطة بعض البرينسات الجديدة
|
Post: #13
Title: Re: بسم الله الرحمن الرحيم !!!
Author: أحمد الشايقي
Date: 11-04-2014, 11:34 AM
Parent: #12
أهلا يا عمك ناذر
يا باشمهندس يا صديق الزمن الذي مضى والأزمنة المجاورة
مرحب بيك في دارك ومطرحك
وتحياتي من هنا حتى شنغهاي
أحمد الشايقي
|
Post: #14
Title: Re: بسم الله الرحمن الرحيم !!!
Author: ناذر محمد الخليفة
Date: 11-04-2014, 02:02 PM
Parent: #13
حبيبنا ابو جوان .. مشتاقين والله ..
Quote: هلا يا ابو رزان
منور والله ... ليك وحشه |
كيف الاولاد وكيف الشغل معاك ؟!
|
Post: #15
Title: Re: بسم الله الرحمن الرحيم !!!
Author: ناذر محمد الخليفة
Date: 11-04-2014, 02:03 PM
Parent: #13
أبو حتوت كيفنك يا زول !
Quote: أووووو أبو النيز
أخبارك ومشتاقين والله, وين يا عمك طوّلت الغيبة كدا
إن شا الله بخير و الأولاد |
شوية مشغوليات والله .. أنت كيفك وكيف أولادك ؟!
|
Post: #16
Title: Re: بسم الله الرحمن الرحيم !!!
Author: حماد الطاهر عبدالله
Date: 11-04-2014, 02:16 PM
Parent: #15
مرحبا يا ناذر، فعلا غبت كتير.....
وغابت كتاباتك المشوقة....
|
Post: #19
Title: Re: بسم الله الرحمن الرحيم !!!
Author: Osman Musa
Date: 11-04-2014, 02:24 PM
Parent: #15
عزيزنا الفنان ناذر
سلامات وكيفك يا مك
ياخ المنبر فاقدك ومحتاجلك .. ليك زمن . أجو أن تكون الاحوال عال العال ؟
تحياتي للأهل بدون فرز .
ودايرك كان لقيتليك تسجيل دلوكة قوية للفنان علي ابراهيم تجدعو لينا في بوستيك ده .
تحياتي
|
Post: #17
Title: Re: بسم الله الرحمن الرحيم !!!
Author: ناذر محمد الخليفة
Date: 11-04-2014, 02:19 PM
Parent: #13
باش مهندس عاطف كيف اخبارك ..
Quote: روى أنه وفي زمان مضى قد نقل قاضي إلى مدينة ما في سوداننا ....
القاضي كان صاحب ( مزاج ) ... و( سنسنة )
ولأنه قاضي فلم يمكنه وقار الوظيفة والبريستيدج أن يسأل من حوله كيف يتحصل على ( المعلوم )
وفي ذات الوقت كان كاتب المحكمة يأتيه الصباح وعيونه ( حمر ) من أثر السهر والذي منو ... كان يأتيه ليعرض عليه قضايا اليوم
ذات يوم ....وقد نفد صبر القاضي
دخل عليه الكاتب وعيونه حمر بما ينبئ عن ( سهرة الأمس ) ، بدأ الكاتب يعرض القضايا
أشاح القاضي بالدفتر جانباً ونسى وقاره والبريستيدج وصاح في الكاتب
" القضايا طايرة في السما ..... ورونا إنتو بتحمروا عيونكم دي وين في البلد دي ؟؟؟ " |
عمك القاضي لو صبر لحدي خطبة الصلاة بتاعت الجمعة الأمام كان حا يوصف ليهو المكان هههه
زيو زي واحد جا قرية أول مرة كاس حاجة يشربا ما عرف يلقاها وين .. مشي صلاة الجمعة الأمام بيخطب يحذر الناس يمشو شارع كذة في حاة كذة جمب كذا لأنو في ست عرقي هناك حا تبوظ عيالكم ..
صاحبنا ما صدق اول ما سلم جرى جري للحتة القالا الأمام وانقشط توووش جوة البيت المرة كبت ليهو كباية قطعا في شوط واحد .. لحقتو بالتانية لحقا أختها ... التالتة شرب نصها كدة وعاين لي ست العرقي قال ليها :
لي زمن كايس ليك وما عارف مكانك .. كتر خيرو امام الجامع وصف لي محلك هسي !
Quote: نتو برضو ورونا بتدخلوا سودانيزأونلاين دي كيف من السودان ؟؟
أنا حاولت أدخل في إجازاتي ولم أستطع و ( جليت ) الموضوع خاصة مع جرى السودان الكتير داك
الآن السيدة المبجلة ( بعلتنا ) تسأل هذا السؤال لأنها تريد أن ( تعرف الحاصل في الدنيا شنو )
طبعاً أخوك عمل ( رايح ) ولم يشعرها أنه يعرف أن المقصود أن تعرف ( ماذا يكتب هذا العبد الفقير لربه )
شفت كيف ؟؟
النت عندنا سوداني |
في اجازتك كان الموقع محظور ..
وأنا حاليا شغال بي جهاز سوداني وما في مشاكل ..
لكن ناس كنار حاجبين الموقع افتكر ..
رسل لي مدامكم لاب طوب جديد يا عمك وانشاء الله الموقع يفتح ههههه
|
Post: #18
Title: Re: بسم الله الرحمن الرحيم !!!
Author: ناذر محمد الخليفة
Date: 11-04-2014, 02:23 PM
Parent: #13
حبيبنا حمد ..
انقلاب وين يا عمك .. البلد دي الشعب مقلوب علي بطنو وتاني ما في طريقة انعدال قريب ..
| Quote: ياخ لو فاضي عليك الله بوست بتاع غناء بالشطة والدكوة ولو حنست معاك الفاروق يكون كويس |
والله في واحد عن فنانة من فنانات جنوب الحزام اسمها سعاد جر لو سمعت بيها ...
عندها قصة بجي بحكي ليك سموها كدة لييه وعملت شنو ...
غايتو الفنانات ديل بي ألقابم العجيبة دي بس تسأل الله السلامة لمن تسمعم ..!!
|
Post: #20
Title: Re: بسم الله الرحمن الرحيم !!!
Author: ناذر محمد الخليفة
Date: 11-04-2014, 02:26 PM
Parent: #13
حبيبنا عمر السلمة ... مشتاقين والله ..
Quote: السلام عليكم ورحمة الله .. حمد لله على السلامة
ياخ لينا زمن جديد صاحبك كدايس (مش اسمو كدا؟؟) هههههههههههه
تحياتي |
والقصة بتاعت سعاد جر حكاها لي صحبي علي كدايس سواق الحافلة الهايس لأنو كان شاهد عيان عليها ..
النخلص من الترحيب دا وأجيك ليها برة في بوست منفصل ..
|
Post: #22
Title: Re: بسم الله الرحمن الرحيم !!!
Author: Hafiz Bashir
Date: 11-04-2014, 02:40 PM
Parent: #20
أبو النيز
قسماً بالله قبيل و أنا بعيد من الكمبيوتر إتذكرتك و قلت أسأل منك جيت لقيتك ظهرت
إنت قاعد تختفي بتمشي وين؟
|
Post: #21
Title: Re: بسم الله الرحمن الرحيم !!!
Author: ناذر محمد الخليفة
Date: 11-04-2014, 02:37 PM
Parent: #13
عمك حيدر كيفك ...
Quote: اهلا بالفردة المعتق وسنير البورد ود الخليفة
ادردق ساكت وسط الامواج المتلاطمة دي اكيد حاتلقانا يانا نحنا وما تهتم كتير بجوطة بعض البرينسات الجديدة |
والله بالامواج الهادرة الشايفا دي الواحد خايف يتدردق يلقى روحوا غرقان في العمق ..
خليني بي برة كدة أحسن ...
|
Post: #23
Title: Re: بسم الله الرحمن الرحيم !!!
Author: ناذر محمد الخليفة
Date: 11-04-2014, 02:41 PM
Parent: #13
الخير حبيبنا ...
بالاكتر والله .. عامل كيف الايام دي مع التقديم للوتري وكدة ..!
|
Post: #24
Title: Re: بسم الله الرحمن الرحيم !!!
Author: ناذر محمد الخليفة
Date: 11-04-2014, 02:42 PM
Parent: #13
الخير حبيبنا ...
بالاكتر والله .. عامل كيف الايام دي مع التقديم للوتري وكدة ..!
|
Post: #25
Title: Re: بسم الله الرحمن الرحيم !!!
Author: tabaldy
Date: 11-04-2014, 04:07 PM
Parent: #24
واقفين وين؟
فنانات جنوب الحزام
البعامات أو الكود الجديد في عالم المغنى
الأقوان وختينا نقة بكري المدينة وما جاورها من حكاوي
العود أطرب
|
Post: #26
Title: Re: بسم الله الرحمن الرحيم !!!
Author: ناذر محمد الخليفة
Date: 11-04-2014, 09:11 PM
Parent: #25
مولانا وحبيبنا الشايقي ...
وتحياتي من هنا حتى شنغهاي
أحمد الشايقي
يا خي شنغهاي القريبة دي ..!!
تحياتي من قلب الخرطوم حتى قري ...!
وأبشر بالخير ...
|
Post: #27
Title: Re: بسم الله الرحمن الرحيم !!!
Author: ناذر محمد الخليفة
Date: 11-04-2014, 09:13 PM
Parent: #25
هلا حماد الطاهر ...
مرحبا يا ناذر، فعلا غبت كتير.....
وغابت كتاباتك المشوقة....
إنشاء الله حا تطيل اقامتي هذه المرة في المنبر لمن تكرهوني ...
مشكور كتير ..
|
Post: #28
Title: Re: بسم الله الرحمن الرحيم !!!
Author: ناذر محمد الخليفة
Date: 11-04-2014, 09:25 PM
Parent: #25
حبيبنا عثمان موسى ...
ودايرك كان لقيتليك تسجيل دلوكة قوية للفنان علي ابراهيم تجدعو لينا في بوستيك ده .
كانك قريت افكاري .. اساسا انا من بدري ببدا البوست بي اغنية لكن اكواد المنبر اتغيرت ولا جهازي ما مكتمل او في شي أنا ما فاهمو ..
لكن الغنية ابت تدور .. علي كل حال بكرة بعمل مراجعة والفيها الخير ربنا بسويها ..
تسلم حبيبنا ..
|
Post: #29
Title: Re: بسم الله الرحمن الرحيم !!!
Author: ناذر محمد الخليفة
Date: 11-04-2014, 09:30 PM
Parent: #25
حافظ كيفك ..
قسماً بالله قبيل و أنا بعيد من الكمبيوتر إتذكرتك
اتذكروك يا يابا لمن يندهو في اسامي الناس الداخلين الجنة قول أمين ..!!
إنت قاعد تختفي بتمشي وين؟
قفزات هنا وهناك تطول وتقصر يا حبيبنا ..
تسلم كتير .
|
Post: #30
Title: Re: بسم الله الرحمن الرحيم !!!
Author: ناذر محمد الخليفة
Date: 11-04-2014, 09:32 PM
Parent: #25
تبلدي يا ...
اقفين وين؟
فنانات جنوب الحزام
البعامات أو الكود الجديد في عالم المغنى
الأقوان وختينا نقة بكري المدينة وما جاورها من حكاوي
هههههههه تراكا نتابع كويس ...
علي كل حال حا نتكلم في البوست الجاي عن الفنانة سعاد جر ...
|
Post: #31
Title: Re: بسم الله الرحمن الرحيم !!!
Author: محمد حمزة الحسين
Date: 11-04-2014, 10:04 PM
Parent: #30
حبيبنا يا ناذر خليني ارد علي عاطف عمر دا واجي احلي بيك ياخي 
يا عاطف لو ما خايف خليها تثبت البروكسي هوت اسبوت وتتفكا من الغاغة واكان خايف من الغاغة اعمل حميل
يا ناذر مشتاقين حمداً لله علي سلامتك
تلفوني رموهو الشفع في الموية فقدت كمية من الارقام تتخيل صلاح غريبة ما قادر اكفر ليهو
والمفكرة بعيدة مني انا بولاية نهر النيل منتظرين محنك وطق حنك البعامات
:
:
:
:
:
:
مع التحيات لله الزاكيات
|
Post: #32
Title: Re: بسم الله الرحمن الرحيم !!!
Author: ناذر محمد الخليفة
Date: 11-05-2014, 08:42 PM
Parent: #31
جاييكم انشاء الله ..
|
Post: #33
Title: Re: بسم الله الرحمن الرحيم !!!
Author: Moawia Mohammed
Date: 11-05-2014, 09:09 PM
Parent: #32
ياخ ما تجدع ايميلك عشان نرسل ليك الشريط.
|
|