الي السادة شركة كنار للاتصالات : لماذا حجب سودانيز أون لاين وحرمان مشتركيكم تصفح الموقع ؟؟!!!!!!!!!

عندما كان الاخوة بورداب الخرطوم وقراء الموقع من السودان يشتكون من حجب الموقع بواسطة مزود خدمة شركة زين وسوداني ويدبجون المقالات ويقررون الوقفات لم تكن شركة كنار
من ضمن الشركات التي حجبت الموقع وكنت قادر على تصفح الموقع دون عناء .. وقد اكتشفت لاحقا ان عدد بورداب الخرطوم ممن يستخدمون مذود كنار هما اثنان فقط .. ومما يعجب له أن شركة زين وسوداني
عندما رفعتا الحظر عن الموقع قررت كنار حجب الموقع !!

قبل شهرين أو اكثر اكتشفت فجأة انني غير قادر على تصفح الموقع وايضا موقع الراكوبة بواسطة مزود خدمة كنار فأستعنت ببروكسي (لا زلت أستخدمه حتى هذه اللحظة في تصفح الموقع) ،
وكنت اظن ان هنالك خطأ فني وستعود الأمور لعهدها ولكن تطاولت الأيام والأمال ولا زلت حين افتح الموقع تأتيني عيارة ان الموقع محجوب ..

على السادة شركة كنار وكل السلطات أن تعي أننا في عصر المعلومات المكشوفة .. لن يجدي معها اي محاولة لحجب معلومات أو مواقع في الفضاء المفتوح وان زنقات النيت تمتلي بأكثر
من الف وسيلة ووسيلة لكسر الحظر ..

بحكم انني من مشتركي كنار الأوائل ممن ساهم في تقييم خدماتها قبيل انطلاقتها الرسمية أجد نفسي في غاية الاسف والاسى لمحاولات الشركة حجب المواقع سوى اكانت قررت ذلك بمفردها
أو استجابة لضغوط رضخت لها ..

ولا اظن ان شركة كنار تريد خسارة عملائها خاصة القدامى منهم ولكن في حال اصرار الشركة على اعمال الحجب هذه فأني سأضطر اسفا للتخلي عن خدمات كنار والتوجه لبديل أخر ..


أتمنى ان اسمع رد من الشركة من خلال هذا البوست ..

ناذر سلام
أنا شغال بي كنار
لمن أخش بي فايرفوكس الموقع محجوب
لمن أخش بي أوبرا الموقع يفتح معاي

يعني المتصفح هو البحدد
ده إحتمال يعني إنو الموقع فيهو فيروس وإلا مصيبة
نشوف راي الخبراء

شكرًا ناذر. خليفة

اطلاعنا علي خبر كنار دي........ اصلا في ناس. كدي يبقوا ملكيين اكثر من. الملك زاطو
يا صلاح حجاز عيب ان. تنال شهاداتك من دولة الحريات وحقوق الانسان........... ولا تطبق. ما تعلمته. وشاهدته بأمر عييينك

شكرًا ناذر

Quote: ناذر سلام أنا شغال بي كنار لمن أخش بي فايرفوكس الموقع محجوب لمن أخش بي أوبرا الموقع يفتح معاي

في الحالة دي في احتمالين
الأول انت منزل واحدة من إضافات في اوبرا البتسمح بتصفح المواقع المحجوبة أو إنك عامل Enable لي opera turbo دي قد تكون حلت المشكلة
الثاني إنه المشكلة في الكوكيز بتاعة التصفح .. يعني الموقع كان محجوب لكن هسة ما محجوب بس المتصفح محتفظ بالنتيجة القديمة ودي بتتحل بي حذف تاريخ التصفح بالكامل

مرحب أحمد

Quote: في الحالة دي في احتمالين الأول انت منزل واحدة من إضافات في اوبرا البتسمح بتصفح المواقع المحجوبة أو إنك عامل Enable لي opera turbo دي قد تكون حلت المشكلة الثاني إنه المشكلة في الكوكيز بتاعة التصفح .. يعني الموقع كان محجوب لكن هسة ما محجوب بس المتصفح محتفظ بالنتيجة القديمة ودي بتتحل بي حذف تاريخ التصفح بالكامل

فعلا
Opera turbo enabled
مشيت للفيرفوكس مسحت تاريخ التصفح وحاولت أدخل برضو أبي يفتح

متصفح أوبرا أنا شغال بيهو فترة طويلة أصلاً ما حصل خذلني

سلام أيمن ..

Quote: ناذر سلام أنا شغال بي كنار لمن أخش بي فايرفوكس الموقع محجوب لمن أخش بي أوبرا الموقع يفتح معاي يعني المتصفح هو البحدد ده إحتمال يعني إنو الموقع فيهو فيروس وإلا مصيبة نشوف راي الخبراء

الموقع محجوب عندي بي كل المتصففحات ,, وقد جربت حتى فعد فرمتتة الجهاز واستخدام اجهزة اخرى ..

سلام الفاضل ..

Quote: شكرًا ناذر. خليفة اطلاعنا علي خبر كنار دي........ اصلا في ناس. كدي يبقوا ملكيين اكثر من. الملك زاطو يا صلاح حجاز عيب ان. تنال شهاداتك من دولة الحريات وحقوق الانسان........... ولا تطبق. ما تعلمته. وشاهدته بأمر عييينك

يبدو انو عندك رسالة داير توصلا لي زول في الداخل ..

وانشالله الرسالة وصلت .. غايتو كنار في عهدها الذهبي كان فيها قسم بيهتم بي كل ما يكتب عنها ويرفع التقارير أول بأول ..

لو القسم دا لسع موجود بفاعلية وما سيطرت عليهو ما فيا حجب المعلومات عن مدراء وأصحاب شركة كنار أكيد الرسالة بتكون وصلت ..


تسلم ..

تسلم الزميل المسلمي ..

Quote: شكرًا ناذر

ميعادنا السبت ..

تحياتي للمشاركات

Quote: على السادة شركة كنار وكل السلطات أن تعي أننا في عصر المعلومات المكشوفة .. لن يجدي معها اي محاولة لحجب معلومات أو مواقع في الفضاء المفتوح وان زنقات النيت تمتلي بأكثر من الف وسيلة ووسيلة لكسر الحظر ..

ناذر سلام ..... وينك؟؟؟؟

سلام صلاح ..

أنا موجود في الخرطوم .. بس انحنا دايما بنتعاقب ...

كعادتها شركة كنار لم تخذلني ...

وقد كتبت اعلاه :

Quote: غايتو كنار في عهدها الذهبي كان فيها قسم بيهتم بي كل ما يكتب عنها ويرفع التقارير أول بأول ..

ويبدو أن المختصين في الشركة انتبهو لهذا البوست .. فقد جئت الأن وخطر ببالي تجربة دخول المنبر من غير استخدام البروكسي فاذا بصفحات الموقع تعمل بسلاسة تامة
وتصفح مريح جدا ..

الشكر أجزله للاخوة في الشركة على الاستجابة السريعة وذلك ان دل انما يدل على حرصهم الاستماع لكل الاراء وخشيتهم فقد اعداد من مشتركيهم حتى ولو كانو بعدد (واحد مشترك) ..

من الفيس ...

Quote: Ya Alfadil Yassin, Salah Hagaz is NO longer with canar, Canar is owned now by the Security Force( nas alamn) .

وين يا اسد دار جعل مشتاقيين
حجبوك من عينى
الكيزان علشان يحافظوا على كراسيهم ممكن يخنقوكم وياخدوا ارواحكم ويكبلوا حرياتكم في السودان
مش موقع يحجبوا موقع بس وهم عارفين الموقع دا ممكن الناس تقرى وتتالب عليهم
علشان كده قفلوا لكن قربوا باذن الرحمن




كسرة : كيف الكدايس بتاعنك شايفاك مجدع معاهم فى الفيس

هلا .. وضاحة يا فجر المشارق ..

الواحد طول منقطع من هنا .. أخبارك شنو وأخبار الباقين ..


بقول شنو ..

كدايس الفيس ديل يمين ما ذنبي .. مشكلتي أي ذول يتقدم بي طلب صداقة بقبلو طوالي

اها في النهاية بقو لي وجعة وانا ما عندي زمن للمسح الا لمن القي الكديسة قدامي مباشرة هههه