Post: #1
Title: فنانات جنوب الحزام ..!!
Author: ناذر محمد الخليفة
Date: 02-16-2013, 04:10 PM
Parent: #0
ودي طبقة كدة من المغنيات المتهجمات على شغلة الفن بدون أي مواهب أو أستعداد فطري وحنجري للغناء !! كل مؤهلاتم كريمات فاسخة وشوشم وكم رقصة كدة شترا مع صولات الأورغن واغنيات ما أنزل الله بها من سلطان عبارة عن زعيق ونعيق وفحيح ..!!
مصطلح (فنانات جنوب الحزام) أنتشر بسرعة شديدة جدا في الفترة الأخيرة تمشي حفلة في الديم مثلا تسمع صوت أورغن وصوت ساكس أو دنب معاهو والناس كلها تكورك وتنقز ، وتلقى في النص كدة فنانة من السخانة والعجاجة القايمة وشها بعد ما ساحت الكريمات بقى زي الطرشق فيهو رديتر ..! تفسخات وباقي كركارات والشلاليف والجضوم تقرب تخليك تشيلم معاك البيت تعمل بيهم ردمية قدام الباب من موية الخريف !
المهم تسأل أقرب زول جمبك : الفنانة دي أسمها منو ..!!
والزول مشغول بالجبجبة والرقيص يقول ليك : دي من فنانات جنوب الحزام ..!!
|
Post: #2
Title: Re: فنانات جنوب الحزام ..!!
Author: خالد عبد الله محمود
Date: 02-16-2013, 04:15 PM
Parent: #1
لوووول يا أبو النيز
مشتاقين يا مان
ياخ و الله أنا عندي نظرية إنو الفن الصادق هو الفن البيطلع من قاع المدينة
لذلكـ فنانات قاع المدينة ديل ما برضي فيهن
|
Post: #3
Title: Re: فنانات جنوب الحزام ..!!
Author: عصام علي أحمد
Date: 02-16-2013, 04:56 PM
Parent: #2
ياحليل الحزام ياناذر
زمان كنا بنمشى نصطاد فيه ابوالدنان ونربطه بخيط
ونحن راجعين بنشيل معانا كمية من المستيك
جنوب الحزام كان فيه منطقة السلمة فقط
ظهرت بعد ذلك منطقة مايو
الان مايو والانقاذ والازهرى
تسلم
|
Post: #4
Title: Re: فنانات جنوب الحزام ..!!
Author: حمد عبد الغفار عمر
Date: 02-16-2013, 05:06 PM
يا ناذر بالله نورنا أكثر
مع أمثلة للغناء لو سمحت
.| Quote: ههههههههههههههههههههه البداية كانت هاجر كباااشي والشغلة جرت . |
الأخ سليمان آدم
معليش ياخي هاجر كباشي دي من أجمل الأصوات النسائية لكن كسلانة والبلد ضيقة
كدي اتمعن صوتها والراحة البتؤدي بيها الأغاني
|
Post: #6
Title: Re: فنانات جنوب الحزام ..!!
Author: أحمد ابن عوف
Date: 02-16-2013, 05:12 PM
Parent: #4
العزيز ناذر
تحياتي
يا اخوي ما تتملصو منهن، ياهن فنانات الخرطوم، بلا حزام ناسف بلا جنوب حزام
موش بغنوا في الخرطوم؟ وتيب، ان شاء الله بعداك جاين من كسلا زاتو ما بتفرق
دع عنك انهن جايين من نصصصصصصصصصص الخرطوم او هكذا علمت مؤخرا ان منطقة جنوب
الحزام ياها سنتر الخرطوم
هذا هو انتاج الخرطوم الثقافي اليوم والقادم اسوأ by the way
|
Post: #5
Title: Re: فنانات جنوب الحزام ..!!
Author: خالد عبد الله محمود
Date: 02-16-2013, 05:12 PM
بعدين كدي النسألكـ يا أبو النيز بصفتكـ خبير في شؤن ما يعرف بظاهرة فنانات جنوب الحزام
أنت البنيات ديل مالن كلهم صوتهم واااااحد
كلهم بغنو بصوت و طريقة هاجر كباشي و بصورة يستحيل معا فرز الفنانة من التانية عن طريق الصوت فقط
ياخ في فنانة هنا في الرياض إسمها شيماء مبالغة لو ما شفتها (أو شفت مدير أعمالها اللبناني*) بتقول دي هاجر كباشي بذات نفسها ...
* شفت المسألة دي إتطورت كيف يا عمكـ
|
Post: #7
Title: Re: فنانات جنوب الحزام ..!!
Author: ناذر محمد الخليفة
Date: 02-16-2013, 05:19 PM
Parent: #1
مصطلح فنانات جنوب الحزام دا مصطلح مدهش بالجد !! طبعا المصطلح جا أساسا من كترة الفنانات والمغنيات البيسموا نفسهم بي مناطق سكنم .. في الخرطوم يا أخوانا في أكتر من سبعين فنانة أسمها بينتهي بي ..... الأزهري وفي أكتر من 250 فنانة اسمهم بينتهي بي ......... الأنقاذ ..!! وزي 150 إسمها بينتهي بي منو كدة السلمة وديل بس الانا عارفم وفي تانيات الله وحده يعلم عددم كم ..!
منطقة الأزهري والانقاذ وعد حسين والسلمة لو مشيت عملت أستبيان كدة عاوز تحصر الفنانات والعازفين (دا طبعا غير الفنانين البيسموهم الصواميل وديل موضوعم بيجي في بوست منفصل) ..! المهم لو مشيت عملت (سرفيي) كدة حا تلقى أنو بين كل بيت فنانة وفنانة في بيت عازف أورغن ، وبين كل عازف أورغن وبتاع ساوند في بتاع هايس !!
زمان كان الغنا والابداع في أمدرمان حي العرب ! مجموعة كبيرة من الفنانين والشعراء والعازفين كانوا بيسكنوا حي العرب ومعروفين بي نسبم لي حي العرب ..! فهل فنانات جنوب الحزام دايرين يميزوا نفسهم بي تسمية خاصة تحتويهم دون سواهم ؟!
|
Post: #8
Title: Re: فنانات جنوب الحزام ..!!
Author: خالد علي محجوب المنسي
Date: 02-16-2013, 05:29 PM
Parent: #7
طيب ناس بنبر وكورية ديل من وين يا ناذر
والله مُشتاقين
مودتي
|
Post: #9
Title: Re: فنانات جنوب الحزام ..!!
Author: ناذر محمد الخليفة
Date: 02-16-2013, 05:32 PM
Parent: #7
شايف البوست إتزحم بالتعليقات من البورداب والفيسبوكاب مع إنو لسع فكرتي ما تميتا ..
على كل حال قبل ما ارد على الشباب حا أديكم النموذج دا تسمعوهو ..
بس النصيحة لله أعملو ساتر لأني ما عارف الزولة دي بتغني ولا بتنبذ ولا بتكورك وال بتهضرب ولا الحاصل عليها شنو ..!!
زي ما قلت ليكم أعملوا ساتر واسألوا الله السلامة لأنو الأغنية دي بالذات تسرحوا منها كدة ولا كدة بتجي طايرة فيكم شلوفة ولا حلقوم تجيب اجلكم ..!!
|
Post: #10
Title: Re: فنانات جنوب الحزام ..!!
Author: ناذر محمد الخليفة
Date: 02-16-2013, 05:38 PM
Parent: #9
قبل ما أواصل داير أنبه لي حاجة مهمة جدا :
تعبير (فنانات جنوب الحزام) اتوسع جدا بقى ما خاص بالفنانات الساكنات جنوب الحزام لكن التعبير دا بيشمل أي فنانة بتغني زي نوعية الأغنية المنزلا هنا دي وضاربة وشها بوماستك وجير حجر يسيح من تاني غنية .. ومعاها بتاع أورغن مفلفل شعرو عمرو غالبا ما أكبر من 19 سنة لابس ليهو نضارة شمس في عز الليل وبينقز زي الطيرة في اثناء ما هو بيعزف وبينقزو وراهو ناس الساوند والبعامين ..!
يعني عادي جدا فنانة تكون ما ساكنة جنوب الحزام لكن بالصفات دي ممكن تشملا معاهم ..
زي ما أنا حكيت قبل كدة انو في واحدة من الحفلات في ولد غناي جدا غنا واطرب قدموهو على أساس انو اسمو فارس الصحافة .. لمن انتهى من وصلتو سلمت عليهو واثنيت على اختياراتو وقمت قلت ليهو إنت ساكن وين في الصحافة ؟ قام عاين لي كدة وقال لي أنا ما ساكن في الصحافة أنا ساكن في بري ..!!
فعادي وكدة ..!!
|
Post: #11
Title: Re: فنانات جنوب الحزام ..!!
Author: منتصرمحمد زكى
Date: 02-16-2013, 05:43 PM
Parent: #10
دي غنية ولا دوشكا ...
|
Post: #12
Title: Re: فنانات جنوب الحزام ..!!
Author: ناذر محمد الخليفة
Date: 02-16-2013, 05:46 PM
Parent: #10
خالد عبد الله كيفك يا راجل
يجازي محنك لي هسي وضاحة السنيحة ماسكة علي جملتك (شفتو ليكم قبيلة أسدا فنان قعدات) هههههههه
Quote: لوووول يا أبو النيز
مشتاقين يا مان
ياخ و الله أنا عندي نظرية إنو الفن الصادق هو الفن البيطلع من قاع المدينة
لذلكـ فنانات قاع المدينة ديل ما برضي فيهن |
أنا معاك الفن الصادق ممكن يطلع من قاع المدينة ..!!
طيب قاع المدينة دا ليه ما بيطلع حلاقيم وبلاعيم توصل الفن دا للاضان بطريقة جميلة ..!!
أنا داير واحد أو واحدة بس يقول صوت الفنانة البتغني دي جميل أو أعجبو !!
غايتو للضمان كدي دي نظرية فاشلة والكلام دا على ضمانتي !!
|
Post: #13
Title: Re: فنانات جنوب الحزام ..!!
Author: ناذر محمد الخليفة
Date: 02-16-2013, 05:49 PM
Parent: #10
كيفك عصام ..
Quote: ياحليل الحزام ياناذر
زمان كنا بنمشى نصطاد فيه ابوالدنان ونربطه بخيط
ونحن راجعين بنشيل معانا كمية من المستيك
جنوب الحزام كان فيه منطقة السلمة فقط
ظهرت بعد ذلك منطقة مايو
الان مايو والانقاذ والازهرى
تسلم |
أي والله كمان متذكر كنا بنراقب الاعاصير الصغيرة البتتكون في الخلا داك ونجري نحاول نخش في نصها .. كنا بنسميها فسوة الشيطان هههههههه
والحاجة الأهم كنا بنمشي نجرب في الحزام النبل البنعملا من لساتك العربات وبنتبارى ننيش بيها الطيارات البتجي نازلة مطار الخرطوم .. اي طيارة تجي نازلة كنا بنقشطا بالنبلة .. غايتو مرة من المرات في طيارة وقعت في أركويت مربع كم وخمسين كدة .. ما عارف دي لو نزلناها نحن بالنبلة ولا لا ..!!
|
Post: #14
Title: Re: فنانات جنوب الحزام ..!!
Author: ناذر محمد الخليفة
Date: 02-16-2013, 06:15 PM
Parent: #10
أخونا حمد عبد الغفار وسليمان أدم ..
يمين بالله التقول قريتو أفكاري لأنو قبل ما أنزل البوست كنت داير اتكلم عن هاجر كباشي تحديدا ومسألة تشابه أصوات فنانات جنوب الحزام ..
Quote: الأخ سليمان آدم
معليش ياخي هاجر كباشي دي من أجمل الأصوات النسائية لكن كسلانة والبلد ضيقة
كدي اتمعن صوتها والراحة البتؤدي بيها الأغاني |
يا حمد أنا كتبت زمان كتير وقلت انو هاجر كباشي من اجمل الأصوات مش السودانية بس .. صوتا جميل جدا ومخارج حروفو واضحة وكان ممكن ننافس بالصوت دا أقليميا لكن أنت بتقول هي كسلانة وانا قلت كلام غير دا ..
الأعلام يا حمد .. الأعلام ظلم هاجر ظلم بين جدا .. وبرضو ما اعفي الموسيقيين والشعراء والملحنين الناس ديل ما بادروا باكتشاف الدر الثمين الكامن ورا حنجرة هاجر ولا اتقدموا لدعمها ..
بصراحة ومن الأخر .. هاجر ما لقت واسطة !!
أو بصراحة أكتر بقت عليها البقى على التجاني حاج موسى في حكاية الغلاف الما ساعدو !!
الزمن دا الناس بتسمع الغنا الهابط بي رجلينا ..!
والغنا المصنفر الماهابط المدعوم من الموسيقيين والشعرا بتسمعوا بي عيونا !!
سمع بالأضان بقى ما في !!
Quote: أنت البنيات ديل مالن كلهم صوتهم واااااحد
كلهم بغنو بصوت و طريقة هاجر كباشي و بصورة يستحيل معا فرز الفنانة من التانية عن طريق الصوت فقط
|
دي الحاجة الداير أقولا .. طبعا كل فترة فردتي علي كدايس سواق الحافلة الهايس البيحوم مع الفنانات ديل ويوصلم بي عربيتو بيجيب لي كل فترة فلاش فيهو كمية من الأغاني الجديدة ..
الغريبة الأغاني الجديدة البيجيبا لي في الفلاش شوية ما كتيرة .. لكن الفنانات الجداد في نفس الفلاش كتار والله ما شوية !
أعاين للملف القى الأصوات واحدة مع أنو الفنانات مختلفات زبيدة الأنقاذ سعدية السلمة حسنية الأزهري منال عد حسين علوية شارع الهواء !!
كدايس يعاين لي ويحلف والله ديل كلهم جداد ومختلفات !! أقول ليهو يا كدايس يا خي ديل كلهم هاجر كباشي !! يضحك يقول ما هي !! ويحكي كيف أنو كل ما يمشي يرفع فنانة للحفة تجيهو واحدة اول مرة يشوفا راكبة لابسة ملون زي عروس المولد وليهو زي أربعة شهور كل يوم والتاني بتركب معاهو فنانة جديدة !!
هو يحكي وأنا أسأل الله السلامة واقلب في الفلاش !!
يعني بالواضح زي ما في جمهور اسمو الحواتة كمان في جمهور وفنانين اسمهم الكباشة وما فيش حد أحسن من حد !!
|
Post: #96
Title: Re: فنانات جنوب الحزام ..!!
Author: مجاهد محمد الهادي
Date: 02-18-2013, 01:35 PM
Parent: #14
| Quote: وقلت انو هاجر كباشي من اجمل الأصوات مش السودانية بس |
ياخي شكلي زوقي ما عادي زاتو... دا رأيي من زمن خلا شديد
|
Post: #15
Title: Re: فنانات جنوب الحزام ..!!
Author: ناذر محمد الخليفة
Date: 02-16-2013, 06:16 PM
Parent: #10
خالد المنسي ..
Quote: طيب ناس بنبر وكورية ديل من وين يا ناذر
والله مُشتاقين
|
ديل من الحتة السموها (الحكومة دقست) بعد ما رحلوهم ليها !!
|
Post: #16
Title: Re: فنانات جنوب الحزام ..!!
Author: أحمد ابن عوف
Date: 02-16-2013, 06:21 PM
Parent: #15
اشك يا ناذر
| Quote: صوتا جميل جدا ومخارج حروفو واضحة |
هاجر كباشي بتقلب حرف "ف" لـ "ب"
|
Post: #17
Title: Re: فنانات جنوب الحزام ..!!
Author: ناذر محمد الخليفة
Date: 02-16-2013, 06:34 PM
Parent: #16
..
Quote: ياخ في فنانة هنا في الرياض إسمها شيماء مبالغة لو ما شفتها (أو شفت مدير أعمالها اللبناني*) بتقول دي هاجر كباشي بذات نفسها ...
|
دي حالتا مقلداها !! هاجر كباشي الاصل مدير أعمال ما عندها لا لبناني لا تايواني !!
هاجر كباشي والله تستاهل .. غايتو لو لقت مدير اعمال لبناني ليها بتطفش من البلد !!
|
Post: #18
Title: Re: فنانات جنوب الحزام ..!!
Author: ناذر محمد الخليفة
Date: 02-16-2013, 06:40 PM
Parent: #16
سلام احمد بن عوف ..
Quote: العزيز ناذر
تحياتي
يا اخوي ما تتملصو منهن، ياهن فنانات الخرطوم، بلا حزام ناسف بلا جنوب حزام
موش بغنوا في الخرطوم؟ وتيب، ان شاء الله بعداك جاين من كسلا زاتو ما بتفرق
دع عنك انهن جايين من نصصصصصصصصصص الخرطوم او هكذا علمت مؤخرا ان منطقة جنوب
الحزام ياها سنتر الخرطوم
هذا هو انتاج الخرطوم الثقافي اليوم والقادم اسوأ by the way
|
ما بنتملص منهم لكن غايتو يا بن عوف الخرطوم البعرفا أنا بتنتهي جنوبا في شارع واحد وستين !!
فعلا دا منتوج الخرطوم لأنو الجماعة ديل هم الاتسيدوا الساحة وانبهلوا فيها وغطوها تماما ..
وفعلا القادم أسوأ ..
Quote: هاجر كباشي بتقلب حرف "ف" لـ "ب"
|
والله ما لاحظت ليها .. لكن أهو سلامة لو بقت على حرف ولا حرفين .. عشان خاطر جمال صوتا ممكن نغير ليها كلمة ولا كلمتين فيهم الحروف دي بدون ما تخل بالمعنى ..!!
لكن عليك الله اسمع الزولة البتغني دي .. باقيلك الغنية دي من أولا لحدي أخرا فاتت التسعة حروف من التمنية وعشرين حرف .!!
زي ما قال خالد : دي أغنية ولا دوشكا ؟!! الأغنية كلها تلللل تففففف بلللللللل دلللللللل وووع يييييييع !!
ديل كم حرف هسي ؟!
|
Post: #19
Title: Re: فنانات جنوب الحزام ..!!
Author: بشير أحمد
Date: 02-16-2013, 07:56 PM
Parent: #18
تحياتي يا ناذر ؛؛؛
ياخي في فنانة كده عندها اغنية كدة بتقول :حرامي قبضو ...قبضو قبضو
اول مرة اسمعها في حفلة عند جيراننا في الجريف غرب ...
وهسع لقيتها في اليوتيوب ...صمصنق كده موسي...!!!
وبتخلي الجماعة علالهم واقف....صوتا يعني مقبول بس.
|
Post: #20
Title: Re: فنانات جنوب الحزام ..!!
Author: بشير أحمد
Date: 02-16-2013, 08:00 PM
Parent: #19
لقيتا ياناذر ؛اسمها رمان
اقتبس احد تعليقات الشباب في اليوتيوب:
| Quote: بابكر صديق يسحب منها الرخصة سريع دي هبطت اضطراري .... حرام عليك يا رمان ما تعودناها منك |
|
Post: #21
Title: Re: فنانات جنوب الحزام ..!!
Author: أيمن محمود
Date: 02-16-2013, 08:15 PM
Parent: #20
| Quote: اي طيارة تجي نازلة كنا بنقشطا بالنبلة .. غايتو مرة من المرات في طيارة وقعت في أركويت مربع كم وخمسين كدة .. ما عارف دي لو نزلناها نحن بالنبلة ولا لا ..!! |
نبلتكم دي عاملنها بلستك عجل قطر والا شنو ؟؟!!
|
Post: #22
Title: Re: فنانات جنوب الحزام ..!!
Author: ناذر محمد الخليفة
Date: 02-16-2013, 08:34 PM
Parent: #20
هلا بشير أحمد :
Quote: تحياتي يا ناذر ؛؛؛
ياخي في فنانة كده عندها اغنية كدة بتقول :حرامي قبضو ...قبضو قبضو
اول مرة اسمعها في حفلة عند جيراننا في الجريف غرب ...
وهسع لقيتها في اليوتيوب ...صمصنق كده موسي...!!!
وبتخلي الجماعة علالهم واقف....صوتا يعني مقبول بس. |
Quote: لقيتا ياناذر ؛اسمها رمان
|
حرامي قبضو ؟؟!! والله دا الفضل ..!!
زمان لمن الناس حذرت من اغنيات من شاكلة حرامي القلوب تلب كانت خايفة يحصل استنساخ زي الحصل دا !!
العقل الغنائي السوداني الهابط دا عامل زي مكنة التصوير .. دي غنت حرامي قبضو . تجي واحدة بعديها نافخة شلاضيما تغني : يا عسكري فك الحرامي حبيبي واسجني ما تختشي ! وتجي صامولة بعديها تغني : حبيبي العمدة عليو ما تمضى بريد الحرامي الحماني الغمضة والبعديها تجلبط وشها بالكريمات تغني لي بتاع المطعم : يا طباخ السجن أدي الحرامي حبيبي بيضا سخن .. يبلعوا جب جرب جب يطش يفوت وبدلو أنسجن .. والبعديها تغني لي مكوجي السجن : أكوي ليهو جلابيتو أنكستو وسراويلو .. أنا حبيت عيونو أحكي لي احاويلو .. والبعديها لي الزول البيجيب لي حفاظات السجن التلج وهكذا ..!!
|
Post: #23
Title: Re: فنانات جنوب الحزام ..!!
Author: عبدالكريم الامين احمد
Date: 02-16-2013, 08:46 PM
Parent: #22
| Quote: والزول مشغول بالجبجبة والرقيص يقول ليك : دي من فنانات جنوب الحزام ..!! |
تسلم اصوات دنبك يا ناذر ياااخ
يوميد ماي نايت
-
99 كان عندنا عرس بتاع قريبي وصحبي وانا كنت اللوجستك بتاع الفنانة والذي منه
والمهم جبت واحدة من الانقاذ لاني شفتها في عرس في اركويت وربت الحفلة ساعتها ربة السنين
اها الفنانة كانت اخر ظرافة ولطافة وحتي العداد اصرت بلطافة شديد انها تاخدو بعد الحفلة الختامية لاني جبتها كم مرة كده
وقالاني يا باشمهندس ومنزلاني يا باشمهندس
اها يوم الحساب عينك ما تشوف الا النور في خلاف بسيط كده حول جزء من القروش
ركبت لي وش كرتون تاريخي وطلعني كرعيني من الزولة ديك والاكتشفت انو معاها زي كم بودي قاردية كده
جو حتة الحفلة دي كيف الله تعلم
|
Post: #24
Title: Re: فنانات جنوب الحزام ..!!
Author: محمد جمعه الخير
Date: 02-16-2013, 09:37 PM
Parent: #23
| Quote: أو بصراحة أكتر بقت عليها البقى على التجاني حاج موسى في حكاية الغلاف الما ساعدو !! |
خطفتها من كي بوردي ياناذر .
كباشية اكتر فنانة سودانية مظلومة واجمل صوت نسوي سوداني ( بالنسبة لي عشان ما يجي زول ينظر ) .
مظلومة مظلومة اريتو صوت مونيكا .
|
Post: #25
Title: Re: فنانات جنوب الحزام ..!!
Author: Elmosley
Date: 02-16-2013, 11:22 PM
Parent: #22
امال انا بنزل مع شقيقي في الازهري ليه ياناذر
|
Post: #26
Title: Re: فنانات جنوب الحزام ..!!
Author: خالد عبد الله محمود
Date: 02-17-2013, 06:28 AM
Parent: #25
| Quote: غايتو ماذر ده شكلو حفلة للناس ديل ما بفوتها ههههههه... يا ريت يا ناذر لو بقرو جنس الكلام ده عشان يغيرو الاستايل العاضي ده ....وانا مزعلاني اكتر حكاية تقليد الربع |
العجب أنا يا عبدو ..
أسوأ شيء حدث للموسيقي السودانية من زمن سرور و كرومة هو المدعو الربع ده
أيقاع واحد و سخيف و يستخدم في كل الأغاني
مسخ علينا الغناء زاتو
|
Post: #27
Title: Re: فنانات جنوب الحزام ..!!
Author: tmbis
Date: 02-17-2013, 07:05 AM
Parent: #26
والله يا ناذر الواحد طول من بوستاتك الطاعمـة دي .. لانك حارمنا ليك مدة عملتها لينا كلها طوب واسمنت وحجار نار ..
..
طبعا انا شايل المادة حقت هاجر دي من فترة طويلة جدا .. ولو بتتذكر البوست دا هــاجر كباشي .. كان من البوستات السمحة جدا لما البورد كان ممكن تسمع فيهو غنا ..
بعدين عندي ملاحظات كتيرة جدا في البوست دا ..
أول ملاحظــة: المفردة بتاعت ( صامولة ) .. ياخ دي مبالغة عليك الله كتر لي منها ..
بعدين الملاحظة التانية .. مسالة تشابه الاصوات الواحدة والاستايل بتاع الاورغ ..
ياخ من فترة كنت فاكر انو الزولة القاعدة تغني كل الاغاني دي .. زولة واحدة وذلك لتشابه الصوت .. والبغنن كلهن بقن كباشــة .. زي مسالة الافلام الهندية البتغني Asha Bhosle .. واي فلم اي بطلة عوده راكب ... تفتح في خشمه وتقفل والشكر لي حماد والجماعة في قاعـة الصداقة يبكو ويقشقشو في مخاخيطم ..
..
المهم .. نظرية الصواميل .. والترزية المفلفلين شعورم وبينقزو مع البعام دي نظرية ( سرطانية ) خطيرة جدا دخلت من الباب عديل تاني مسالة انها تمرق الله اعلم ..
زي ما في قدر ظروفك للعضه وللبس وللوش ولي اي حاجة .. كمان في قدر ظروفك للاعراس والحفلات والرحلات ..
شايف خالد محمود البوست دا وقع ليهو في جرح معاك حق يا خالد البوست ممتع جدا ( وبيئة آخر حاجة ) ..
يا ناذر عليك الله كلم لينا صاحبك كدايس دا يشوف لي كم فلاش كدا .. تكون كتمات من قااع المدينة ..
|
Post: #28
Title: Re: فنانات جنوب الحزام ..!!
Author: saidahmed shami
Date: 02-17-2013, 07:16 AM
Parent: #27
Quote: وبينقز زي الطيرة في اثناء ما هو بيعزف وبينقزو وراهو ناس الساوند والبعامين ..!
|
اول مره طلع الموضه دي عازف اورقن أسمو ايمن الربع
الربع ظاتو شنو نفرو لمن الكل يقلد فيهوا
البوست طاعم وبرجع ليك المساء بي كم فديو في المكتب اليوتيوب مقفو ل
|
Post: #29
Title: Re: فنانات جنوب الحزام ..!!
Author: أمير محمد ادريس
Date: 02-17-2013, 07:16 AM
Parent: #27
كباشية اكتر فنانة سودانية مظلومة واجمل صوت نسوي سوداني ( بالنسبة لي عشان ما يجي زول ينظر )
-----------
تخاف يا محمد جمعة من تنظير يا ج ب ا ن
تحياتي لابو النيز
|
Post: #30
Title: Re: فنانات جنوب الحزام ..!!
Author: خالد عبد الله محمود
Date: 02-17-2013, 07:21 AM
Parent: #27
| Quote: يا ناذر عليك الله كلم لينا صاحبك كدايس دا يشوف لي كم فلاش كدا .. تكون كتمات من قااع المدينة |
بالله نسخة يا عمكـ
أبو النيز ده جلدة و ما أظن يرسل فلاشين
* بوست متعة و الله و ده حالتو لسه كيكي ما إنداح كويس
|
Post: #33
Title: Re: فنانات جنوب الحزام ..!!
Author: Deng
Date: 02-17-2013, 07:41 AM
Parent: #30
نازر وبقية المتداخلين
سلام.
ما كتبه الأخ نازر هنا أنا أعتبره عنصري وتنميطي في المقام الأول.
أنتم هنا تتحدثون عن ما يسمى ب غناء البنات.
طيب أيه كانت مؤهلات فنانات أخريات من أمثال ندى القلعة وحنان بلوبلو والراحلة المرحومة حواء الطقطاقة؟
وبالمناسبة. الفنانات التي زكرتهم أنا في عهدم شنت عليهم إنتقادات مشابهة من قبل.
هل بنات جنوب الحزام لا يحق لهم الغناء مثلا؟
وطبعا المقصود ب "فنانات جنوب الحزام" واضح للجميع.
حتى أنت يا كيكي تدخل البوست ده ويفوت عليك ده كلو؟
|
Post: #89
Title: Re: فنانات جنوب الحزام ..!!
Author: فرحات عباس
Date: 02-18-2013, 12:35 PM
Parent: #30
في حلتنا حفلة هابطة 1111
سألت الشباب عن الفنانة الموكلة بإزعاجنا هذا المساء ، قالوا لي دي " عوضية عذاب " .....
الأسبوع البعدو نفس الصوت ونفس الأغنية ، قلت ليهم انتو عوضية عذاب دي سكنت في الحلة دي ولا شنو ..
قالوا وين يا دقسسة .. دي ما زوبا ياخخخخ ... دي " حوا بنزين " .. شنو يا عمك جاك حوص فني ولا شنو ..
|
Post: #31
Title: Re: فنانات جنوب الحزام ..!!
Author: ياسر السر
Date: 02-17-2013, 07:37 AM
Parent: #26
حبيبنا نااااااااااااااااذر والله ليك وحشة ياراجل كيف اخبارك وصحتك ,,,
طبعا البوست ده انا منتظرك تفتحو من زمااااااااااااان بس علشان اقول راي في هاجر كباشي ياخ دي اجمل صوت نسائي في القرن الافريقي بس عدم الواسطة والدهنسة منعت عنها الاعلام وكمان في حاجات تانية انت ادرى بها يانازر انو مستوى الفنان الاجتماعي والثقافي والتعليمي ومستوى علاقاته واصحابو وبعاماتو ليهو دور في مسالة انتشارو دي ولا رايك شنو , فهاجر ما لقت البعامات والعلاقات البتخدمها وتقدمها للاعلام بالصورة المثلى ..
اما عن فنانات جنوب الحزام فدي ظاهرة عجيبة جدا حتى عندنا هنا في السعودية نفس الموال ونفس الشي الحاصل في السودان حاصل هنا بس ذي ما قلت كلهم نسخة ما طبق الاصل من هاجر كباشي ..
تحياتي : ياسر العيلفون ...
|
Post: #32
Title: Re: فنانات جنوب الحزام ..!!
Author: ياسر السر
Date: 02-17-2013, 07:37 AM
Parent: #26
حبيبنا نااااااااااااااااذر والله ليك وحشة ياراجل كيف اخبارك وصحتك ,,,
طبعا البوست ده انا منتظرك تفتحو من زمااااااااااااان بس علشان اقول راي في هاجر كباشي ياخ دي اجمل صوت نسائي في القرن الافريقي بس عدم الواسطة والدهنسة منعت عنها الاعلام وكمان في حاجات تانية انت ادرى بها يانازر انو مستوى الفنان الاجتماعي والثقافي والتعليمي ومستوى علاقاته واصحابو وبعاماتو ليهو دور في مسالة انتشارو دي ولا رايك شنو , فهاجر ما لقت البعامات والعلاقات البتخدمها وتقدمها للاعلام بالصورة المثلى ..
اما عن فنانات جنوب الحزام فدي ظاهرة عجيبة جدا حتى عندنا هنا في السعودية نفس الموال ونفس الشي الحاصل في السودان حاصل هنا بس ذي ما قلت كلهم نسخة ما طبق الاصل من هاجر كباشي ..
تحياتي : ياسر العيلفون ...
|
Post: #34
Title: Re: فنانات جنوب الحزام ..!!
Author: عمر الفاروق
Date: 02-17-2013, 08:03 AM
Parent: #26
يا ناذر وبما إنك صنفتني أشتر يلا ممكن أقول ليك قصة الفنانات والغنايات ده بدون لولوة ؟
قبل تعبير فنانات جنوب الحزام ده كان معظم الشباب يستخدم تعبير صاح هو كمفردة عنصري لكن في إستخدامو قد لا يعني العنصرية أو خلينا نقول حسب الصيغة البيتقال بيها بتحدد عنصريتو من عدمها..
كان المصطلح السائد الخــــادم غنّاية ..وياخ أمبارح ناس عبدو جابو ليهم خـــادم حتتو حت ..
ما عارف بالضبط يا ناذر التصنيف ده كان مرجعيتو شنو هل لون الفنانة ؟ هل البلد اللي بتنخدر منها الفنانة؟ هل البنية الجسمانية للفنانة؟ المهم إنو دي كانت عقلية وتفكير الشباب والمجتمع السائدة فيما يتعلق بي غنا البنات بي الأورغن والجبجبة والحفلة العجاجا فوووق ..
قام الحصل شنووو؟؟ قااامو كده كم بت سمحة أو خلينا نقول لونا فاتح ..أو خلينا نكون أدق في التعبير والكلام بي لغة الشارع وبدون غتغتة ظهروا كم بنات عرب وبقوا يغنو أو هكذا بدت العبارة وإنت في الحفلة بتسمع همهات أو تعليقات والأدهى والأمر إنها بتكون من بنات جنسها ياخ أمبارح حنة سوسن كانت غناية بت عرب !!!
أها يلّا يقووم اليحصل شنوووو يقومو الفنانات اللي صنفو نفسهم (بنات عرب) يقوموا يركزوا على شكلهن اكتر من غناهن وتظهر موذة الكريمات والحبوب البتسمن من شاكلة أبو نجمة رااااقد ثم يمشن لي أبو مرين أو الدهب الصيني يتعنكشن بالدهب ثم تظهر فجأة كده ظاهرة الفنانة البترسم وتتحنن وهي ما متزوجة..ثم يستمر العرض بالظهور في شاشات التلفزيون بي توب شفاف مع إسكيرت حدو الركبة وبلوزة عريانة ونظام عاملة فيها البت عايزة تعيد أيام الزمن الجميل للزي السوداني زمن خالتك بالبس الشباشب الدبابة والفستان القصييير وفوقو التوب داك..
ثم فجأة يظهر ما يسمى بالنادي العائلي أو إسمو شنو كده ما عارف ..كمييية من الرجال اللابسين عمم وشايلين عكاكيز كل يوم يعملوا حفلة بي واحدة من هكذا فنانات مصنفات (كبنات عرب) سمحات جسمهن سمح وصوتهن شييين طبعاص ..
أها قوووموا يا الفنانات إتقسمن قسمين :
قسم طرح نفسو كفنانة بت عرب همها الأول والخير إنها تطلع كزولة جميلة تهتم بشكلها عشان يركزوا معاها رجال الأعمال واصحاب النفوذ وتظهر في الشاشات والتلفزيونات وتشتري ليها كمية تياب مشغولة شي حرير وشي توتل وشي بيلمع وشي قد تخرة وهاك يا رشيم ..
وقسم طرح نفسو كفنانة خـــادم تحتتو في نص الشباب وتقول ليهم هااا فوووق يلللا..صفففقو..إنتو الحفلة دي ما فيها نوبة ولا شنو ؟؟؟
أها عموم الشعب يدعم وبشدة المدرسة التانية دي لأنها ببساطة نبض الشعب وناس حلويين فقط همهم الطرب والبهجة والناس بتكون لذيييذة وبسيطة بدون تكليف وكلل الفي الحفلة بيكون على طبيعتو ..
ده ببساطة يا ناذر البيحصل من تغليف تسميات وما يحصل من موضوع موضة كمية الفنانات اللي بدت تظهر أسة حسب منظور رؤية عامة الشعب بدون غتغتة ..
|
Post: #35
Title: Re: فنانات جنوب الحزام ..!!
Author: بدرالدين الطائف
Date: 02-17-2013, 08:15 AM
Parent: #34
Quote:
طبعا البوست ده انا منتظرك تفتحو من زمااااااااااااان بس علشان اقول راي في هاجر كباشي ياخ دي اجمل صوت نسائي في القرن الافريقي بس عدم الواسطة والدهنسة منعت عنها الاعلام وكمان في حاجات تانية انت ادرى بها يانازر انو مستوى الفنان الاجتماعي والثقافي والتعليمي ومستوى علاقاته واصحابو وبعاماتو ليهو دور في مسالة انتشارو دي ولا رايك شنو , فهاجر ما لقت البعامات والعلاقات البتخدمها وتقدمها للاعلام بالصورة المثلى .. |
يا ياسر كلامك ده مافيهو أى منطق إنت زيك زى دينق الجا شايل بقجتو حقت العنصرية وطوالى عاوز يصرف لسيد البوست الكوتة حقتو من العنصرية .
ياسر بتعرف شنو عن إنصاف خميس (إنصاف مدنى) ووضعها شنو فى الساحه الفنية وإلاعلام عامل معاها شنو ولشنو .
بتعرف شنو عن حرم النور ومستواها إلاجتماعى وعندها واسطه ولا ماعندها.
ياجماعة كلام ناذر واضح ومحدد والتنميط بتاع إنهم جايين من جنوب الحزام ولا من قاع المدينة ده ما بيحدده ناذر براهو.
يا دينق تعال الخرطوم بتعرف الحاصل شنو.
|
Post: #36
Title: Re: فنانات جنوب الحزام ..!!
Author: عمر الفاروق
Date: 02-17-2013, 08:16 AM
Parent: #34
بالنسبة للناس البتتكلم عن هارج كباشي والواسطة و و ..هاجر كباشي أجمممل صوت نسائي مرّ على السودان القريب والبعيد..وهاجر كباشي وصلت قلوب الناس ووصلت بالإعلام وبرضو تم تلميعا لكن بي حقها زي ما بيقولوا ..
هاجر كباشي للأسف ممكن نقول ضيّعت نفسها بنفسها (إذا فعلاً كانت مقررة تمشي في درب الفن) ..ضيّعت نفسها لأنها ببساطة غييرت شاكلة ونطريقة وإستايل غناها وحالوت تدخل نفسها فيما يسمى الغنا الجاد أو الغنا بتاع ناس الشاعر هيثم عباس داك..إضافة لي إنو هاجر كباشي تحس إنها بعد الزواج حاولت تتقمص شخصية معينة (ويتش إز قوود طبعاً ) لكن ده خصماً على قالبها الفني اللي طلعت بيهو ..
هاجر كباشي وصدقوا أو لا تصدقو كل هذه الشهرة اللي حازت عليها وضربت بيها الافاق كانت من خلال ترديد أغنية عبارة عن جملة واااحدة وهنا تكمن عبقرية الزولة دي ويكمن ذكاء وقمة ذوق المستمع السوداني ..هاجر كباشي صنفها السودانيون كأجمل صوت وكفنانة غنااااية لمجرد سماعهم :
ما قال بيجي مالو ما جا ما قال بيجي انا في رجا ...بجي بجي بجي..اووعدنا بجي ..بجي بجي بجي ..
أغنية كاااملة مكملة تستمر لمدة نص ساعة وانت فقط بتسمع بجي بجي بجي ..اونت في قمممة الطرب من هذا الصوت الساحر ..
قوومي يا هاجر كباشي أمشي عولقي الأغنية ونزليها في شريط ماستر بي كلمات مغايرة ونظام الأغنية جاادة ففقدت طعمها وحلاوتها ..
هاجر كباشي متى ما عادت هاجر كباشي حقت زمان فهي الصوت الأجمل ..وإن إختارت هاجر كباشي طريق الغناء الجاد فلن تعود هاجر كباشي
|
Post: #37
Title: Re: فنانات جنوب الحزام ..!!
Author: tmbis
Date: 02-17-2013, 08:22 AM
Parent: #36
Quote: قوومي يا هاجر كباشي أمشي عولقي الأغنية ونزليها في شريط ماستر بي كلمات مغايرة ونظام الأغنية جاادة ففقدت طعمها وحلاوتها ..
هاجر كباشي متى ما عادت هاجر كباشي حقت زمان فهي الصوت الأجمل ..وإن إختارت هاجر كباشي طريق الغناء الجاد فلن تعود هاجر كباشي |
والله يا عمر كلامك منطقي جدا طبعا ..
انا هاجر كباشي قاعد احب اسمعه من حتة محددة وبرتاح ليها فيها .. لانو مجمل غناء البنات كل زول ليهو وقع خاص في روحو .. من زمن الدلوكـه والمفردة العامية ..
هاجر .. وقفت بين دربين .. بين انها تغني جاد وبين انها تعيد صياغة مفردات اغانيها عشان تظهر بيها في المحافل الرسمية ودا طبعا كلام ما مظبوط .. فجاة طلعت هاجر بي وهمـة (حبشنة) الغناء .. في الايقاع ، وفي شكل اللزمات والكلمات .. الاشرطة الجبتها ليها عشان اسمعه ... لقيته بتخرمج فيها اتخلصته من الاشرطة باسرع فرصة .. وبقيت في انتظار عودة هاجر .. الاولى .. بي نفس النكهة والطعم ..
|
Post: #38
Title: Re: فنانات جنوب الحزام ..!!
Author: عمر الفاروق
Date: 02-17-2013, 08:29 AM
Parent: #37
يا تمبس :
صدق أو لا تصدق انا حبيت هاجر كباشي دي وفقط وفقط وفقط ولمججججرد إني سمعتها بتقول :
هاااا..فوووق..تماااام..
والله زييي ما بقول ليك كده ..
زولة تخش قلبك من جوووة وتحب غناها لمجججرد إنك سمعت الحاجات دي معناها زولة نحن ما كنا محتاجين منها تسمعنا كلمات من شاكلة غنا أم كلثوم ..
عن نفسي لو عايز أفتش لي كلمات بمشي أقرا شعر يا بسمع غنا وردي ..
إنت كفنان ظهرت بي لونية محددة أوووعك تتشوبر ويغشوك الحولك ويقولوا ليك غيير إستايلك ..
عارف دي زي شنو ؟؟
زي لمن يكون عندك مطعم صغيروووني وجاااايط ..ومكككركب والملح في التربيزة والصحانة مطفجة ورغماً عن كده زباينك كتااار وحلوييين وكلل يوم ملمومين عندك ومستمتعيين بي الأكل حقك ...قوووم كده تشيك الهاشمية وتعملو سراميك وتوسعو والملح تختو في علب جميلة وتلبس عمالك اليونيفورم بي ألوان زاهية ونظام بريستيييج..فتفقد كللل زباينك لأنهم ح ايحسو وقتها إنو ده ماااا مطعمهم الزمان داك ..
|
Post: #45
Title: Re: فنانات جنوب الحزام ..!!
Author: tmbis
Date: 02-17-2013, 10:03 AM
Parent: #38
| Quote: إنت كفنان ظهرت بي لونية محددة أوووعك تتشوبر ويغشوك الحولك ويقولوا ليك غيير إستايلك .. |
تصدق يا عمر ... هاااا فووووق .. ديل قبل كدا خلوني ادك ليك حفلة بي محمد الأمين عديل كدا ..؟!
نزلته من هنا 2002 يازول هاجر دي في السلك كانت .. وكنت معزوم محمد الأمين نظام الزول عايز يطلع من فردو القدام ويعيد الذكريات .. مشيت للشباب حسب الوعد وفي نفس النقطة القديمة للتجمع .. وكنت ( متحمس ) وماكل وجبة حبوب مع الحليب .. مع ساندوتشات فطر .. المهم كانت في (كتمـة) في الزقاق بتاع ناس عمارة بعبود وانت ماشي على دكان ضيعوك بتاع الليمون .. اها وانا متحفز انو الشباب ماشين ابو اللمين .. اسمع ليك هااااااا .. يللالا .. فووووق .. بعد شوية الاخوان رخوني ليك .. واحد واحد اتسللو مني ..
بعد شوية عرفت ليك انو دي هاجر .. ياخ قمته جاري بشكل عشان اللحق آخر فاصل .. قمت لقيت ليك اصحابي العازمني ابو اللميـن جوووووة (كاتمنها) ليك مع هاااجر والواحد عرقو يملى جردل ..
مسالة تغيير الاستايل دي هي المشكلة الكبيرة .. في الشكل وفي الغنا .. حسع انا القدامك دا لما اللقى لي فنان من فنانييني المفضلين مسجل ليهو شريط بسمع فوقو صوت (الايقاع) بتاع الجلد العادي دا .. والكمنجات .. والساكس والطبلة .. وفجأة كدا الاسبوع الجاي اجي اسمعو شغال ليك بي درمز الكتروني .. وكمنجات اورغــن وساكس مبرمج .. تعال شوف ليك فراق طريفي لي جملو كيفن ..؟ والله تاني زي ما قال صلاح ايدي لي ( لق لق ) والله إن تقطع اضنيك ما بسمع ليك ..
|
Post: #39
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 08:45 AM
Parent: #36
البوست إحلو جداً يا شباب ..
مع دخول الشباب كيكي وتمبس وياسرالعيلفون وعمر الفاروق واستاذنا الموصلي شخصيا ما فضل إلا نتم الناقصة ..!!
والناقصة إنتمت بدخول أخونا دينق من دولة جنوب السودان الشقيقة !!
دا حالتو لسع فكرتي ما وصلتها من البوست يا دوب أنا في الحرابيش ..!!
كدي أنا مزحوم شوية .. قبل ما اجي أرد على الشباب وأكمل فكرتي .. أقول بمناسبة الصفحة التانية دي اخت لي نموذج تاني ..
والأغنية دي نزلتها قبل كدة والجماعة هنا في المنبر استعملو كلماتا كـ أكليشيه ..!!
ايوة هي زااتا .. أنحنا أسياد الشي زاتا ..!
جبنة حلوة حبشية ..بخورنا جولب عودية ..!
اعمالنا دايما فنية عاملاها شيخة دولية ..!
نحنا والله الجعلية ما نحنا أسياد الشي زاتا 
ما تنسوا الساتر !! :
مالك سبت جبناتنا مالك سبت قعداتنا ..
ما دام بتحلف بي حياتنا بنريدك نحنا زاتنا ..
(لاحظوا لكلام الطير في الباقير في كلمات الأغنية .. ردم سااااي) ..!!
|
Post: #40
Title: Re: فنانات جنوب الحزام ..!!
Author: عبدالكريم الامين احمد
Date: 02-17-2013, 09:09 AM
Parent: #39
هلا يا دينق وحبابك
ولا يا دينق انا ما شعرت و حسيت بان الامر فيهو عنصرية او تنميط فالحديث في جوانبه يتناول فنانات وفنانين
وحتي الفنانة الحكيت عنها ا انا دي وركبت لي وش كرتون في النهاية ما كانت سودان جديد او كما نقول ههههههه
والشباب هنا بحكي عن ظاهرة وموسيقي الربع وقطاع طويل وعريض من الاورغنيات والاورغنين وديل بتلقو في حتات كتيرة من الخرطوم ومن مدن كتيروالفنانيين والفنانات ديل فيهم مندكورات كتير جدا هههههههه
فبالله خلي ناذر ده ينداح ومعه الجموع فياخ نحنا في الغربة دي طولنا من نبض البلد
والناس ديل مواكبين وبعملو لينا ابديت باسامي فنانين وفنانات واغاني جديدة
فتيك ات ايزي يا دينق والعنصرية صدقني وقت ما تجي بتلقانا قدامك بالبوت والشلوت
|
Post: #41
Title: Re: فنانات جنوب الحزام ..!!
Author: tmbis
Date: 02-17-2013, 09:21 AM
Parent: #40
| Quote: وطبعا المقصود ب "فنانات جنوب الحزام" واضح للجميع. |
طبعا البوست دا بوست غنا .. ولانو نوعيتك دي متعودة على انها تدخل راسـه للحلاقـة في اي مكان .. جيت جاري طوالي وشايل راسك للحلاقـة ..
اهـا يا عالم الفلك ..
الواضح شنو للجميع دا ..؟
يعني الواحد تاني لو عايز يمشي يشتري ليهو ربع رطل سكـر يجي يكلمك انت في البوردي بتاع بكري دا ..؟
مش احسن ليك ترعى بي قيدك ..؟
لو ما عايز ترعى بي قيدك .. بنقوم عليك حسع دي وبتعرف حاجـة ..
بعدين تعال انت مالك ومال الحزام ومالك ومال الكفـة الانقليزية ..؟
امشي اكتب الكلام دا في المنبر بتاع رمبيك نحن هنا بنتكلم عن الخرطوم محل الطيارة بتقوم ..
تاني لو شفتك حايم جوه البوست دا .. عارفني بعمل ليك شنو .. خاصة انك استهدفتني قبل فترة ومشيته ليك لانو الوضع كان ما بيستحمل ..
يللا انقلع ..
|
Post: #42
Title: Re: فنانات جنوب الحزام ..!!
Author: أحمد ابن عوف
Date: 02-17-2013, 09:44 AM
Parent: #41
ومستمتعين بمداخلات عمر الفاروق
له التحية
|
Post: #43
Title: Re: فنانات جنوب الحزام ..!!
Author: Deng
Date: 02-17-2013, 09:55 AM
Parent: #42
Quote:
طبعا البوست دا بوست غنا .. ولانو نوعيتك دي متعودة على انها تدخل راسـه للحلاقـة في اي مكان .. جيت جاري طوالي وشايل راسك للحلاقـة ..
اهـا يا عالم الفلك ..
الواضح شنو للجميع دا ..؟
يعني الواحد تاني لو عايز يمشي يشتري ليهو ربع رطل سكـر يجي يكلمك انت في البوردي بتاع بكري دا ..؟
مش احسن ليك ترعى بي قيدك ..؟
لو ما عايز ترعى بي قيدك .. بنقوم عليك حسع دي وبتعرف حاجـة ..
بعدين تعال انت مالك ومال الحزام ومالك ومال الكفـة الانقليزية ..؟
امشي اكتب الكلام دا في المنبر بتاع رمبيك نحن هنا بنتكلم عن الخرطوم محل الطيارة بتقوم ..
تاني لو شفتك حايم جوه البوست دا .. عارفني بعمل ليك شنو .. خاصة انك استهدفتني قبل فترة ومشيته ليك لانو الوضع كان ما بيستحمل ..
يللا انقلع .. |
طبعا دي العينة التي تستحي من أصولها العرقية في السودان ولا تفتخر بها، ومثل هذه العينة تعمل جاهدة لكي To fit in في المنظومة الأجتماعية العنصريةفي السودان.
|
Post: #44
Title: Re: فنانات جنوب الحزام ..!!
Author: محمد عبد الماجد الصايم
Date: 02-17-2013, 09:59 AM
Parent: #43
غايتو ما عندنا طريقة إلا نتابع بس!!
|
Post: #46
Title: Re: فنانات جنوب الحزام ..!!
Author: على عبدالله بشير
Date: 02-17-2013, 01:07 PM
Parent: #44
Quote: نازر وبقية المتداخلين
سلام.
ما كتبه الأخ نازر هنا أنا أعتبره عنصري وتنميطي في المقام الأول.
أنتم هنا تتحدثون عن ما يسمى ب غناء البنات.
طيب أيه كانت مؤهلات فنانات أخريات من أمثال ندى القلعة وحنان بلوبلو والراحلة المرحومة حواء الطقطاقة؟
وبالمناسبة. الفنانات التي زكرتهم أنا في عهدم شنت عليهم إنتقادات مشابهة من قبل.
هل بنات جنوب الحزام لا يحق لهم الغناء مثلا؟
وطبعا المقصود ب "فنانات جنوب الحزام" واضح للجميع.
حتى أنت يا كيكي تدخل البوست ده ويفوت عليك ده كلو؟ |
الأخ / دينق تحياتى
ما كتبه الأخ ناذر هو الواقع بالضبط فى الخرطوم ولم يأت بشئ من عنده و مافى أى عنصريه
ألا فى خيالك أنت فأنت أعتبر زى ما عايز ... هؤلاء الفنانات مبسوطات بما يقمن به من غناء
و عندهن جمهور من الشباب و الشابات وليهم زبائنهم و ما شايفين أى عنصريه أنهم يجوا
و يغنوا ... فما تحمل الأمر أكثر مما يحتمل و كلما دخلت فى بوست قلت عنصرى ... يعنى
الناس تبطل تكتب أو تتكلم فى أى شئ..!!؟؟
|
Post: #47
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 04:35 PM
Parent: #46
أيمن محمود :
| Quote: نبلتكم دي عاملنها بلستك عجل قطر والا شنو ؟؟!! |
صدقني أي طيارة بتجي تنزل كنا بننيشا بالنبلة الكلام دا نتذكرو زي الكأنو أمبارح ..!
بس طيارة أركويت دي أنا ما متأكد منها .. لكن ظنيتا وقعت براها لانو نبالنا كانت بتدروخ الطيارات بس وبتخلع الكابتن الجواها !!
|
Post: #48
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 04:54 PM
Parent: #46
هلا كيكي ..
وعارف بوستات الجخانين والمغارز دي بتنفع معاك ..
Quote: 99 كان عندنا عرس بتاع قريبي وصحبي وانا كنت اللوجستك بتاع الفنانة والذي منه
والمهم جبت واحدة من الانقاذ لاني شفتها في عرس في اركويت وربت الحفلة ساعتها ربة السنين
اها الفنانة كانت اخر ظرافة ولطافة وحتي العداد اصرت بلطافة شديد انها تاخدو بعد الحفلة الختامية لاني جبتها كم مرة كده
وقالاني يا باشمهندس ومنزلاني يا باشمهندس
اها يوم الحساب عينك ما تشوف الا النور في خلاف بسيط كده حول جزء من القروش
ركبت لي وش كرتون تاريخي وطلعني كرعيني من الزولة ديك والاكتشفت انو معاها زي كم بودي قاردية كده
جو حتة الحفلة دي كيف الله تعلم |
يازول ما تلعب معاهم في حكاية القروش ..!
الفنانات بصورة عامة ما بيجاملو في حكاية القروش خاصة الفنانات البيشملم مصطلح جنوب الحزام .. هم بيعتقدوا انو أدوا واجبم وأكتر .. الحفلة من ناحية بيربوها ليك .. بيربوها ليك كان حافظين غنا كان ما حافظين .. رقيص .. بيحتوهو ليك قرض .. عز ؟ بيعزوك ويعزو أهلك كلهم لمن يذكروا أسمك وأسم معارفك في نص الأغاني دا لو ما قطعوا ليهم أغاني من راسم مخصوص عشان يدخلوا فيها الأسامي ..
فديل ممكن يقيفوا معاك في 20 جنيه عادي رغم أنهم ما محتاجات ..!
غايتو انا بي وصفك دا أكاد اجزم أنو الفنانة الجبتها كانت مريم عضلات ..! بس مريم عضلات ما عندها بودي قاردات حايمات معاها .. بيمشوا معاها بعامات وسحالي ضهب !! النوع البيباري الفنانات عشان العشا والجبنة والبرنامج وزاد وجدي .!
مريم عضلات قايل سموها كدة ليه ؟! وقسما مريم عضلات تحاول تلف وتدور في قروشا (خاصة بعد الحفلة تنتهي) تشيلك من نصك ترفعك فووق وتخبط بيك الواطة وتقلع قروشك وموبايلك من جيبك .. وكمان تقول ليك قول الروب ويا ويلك وفضيحتك كان ما قلت الروب !!
نسأل الله السلامة ..!!
|
Post: #49
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 04:56 PM
Parent: #46
محمد جمعة الخير ..
مرحب بيك في سودانيز يا شاب ..
Quote: خطفتها من كي بوردي ياناذر .
كباشية اكتر فنانة سودانية مظلومة واجمل صوت نسوي سوداني ( بالنسبة لي عشان ما يجي زول ينظر ) .
مظلومة مظلومة اريتو صوت مونيكا . |
بالغت تحشر مونيكا مع بت كباشي ياخ .!
ناس مونيكا وايمان لندن وعزة أبو داوود ديل لمن يغنوا أنا بتمحن وطوالي بتذكر مقولة الطيب صالح (القونات ديل بيجيبوهم من وين) ..!
|
Post: #50
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 05:01 PM
Parent: #46
أستاذنا الموصلي ..
| Quote: امال انا بنزل مع شقيقي في الازهري ليه ياناذر |
ههههههههههههه يا خي أنت بتنزل في نص جنوب الحزام زاتو ..!
بالمناسبة بيتكم داك بالذات لمن تطاع كدة تعاين يمينك في زي 60 فنانة وشمالك زي 20 عازف أورغن .. تقطع الزلط الحلة القدامك كلها مليانة فنانين من المصنفين بالصواميل ..!
الصواميل ديل عندي ليهم بوست منفصل .. بس لسع منتظر صحبي علي كدايس سواق الهايس يجيب لي ال data
|
Post: #51
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 05:10 PM
Parent: #46
حبيبنا تمبس ..
Quote: والله يا ناذر الواحد طول من بوستاتك الطاعمـة دي .. لانك حارمنا ليك مدة عملتها لينا كلها طوب واسمنت وحجار نار ..
|
كنت في استراحة محارب ..لكن جيتكم وأعملو ساتر هههههههه
Quote: طبعا انا شايل المادة حقت هاجر دي من فترة طويلة جدا .. ولو بتتذكر البوست دا هــاجر كباشي .. كان من البوستات السمحة جدا لما البورد كان ممكن تسمع فيهو غنا ..
بعدين عندي ملاحظات كتيرة جدا في البوست دا ..
|
فعلا داك كان بوست جميل .. هسي قبل شوية عملت ليهو مراجعة ..
| Quote: أول ملاحظــة: المفردة بتاعت ( صامولة ) .. ياخ دي مبالغة عليك الله كتر لي منها |
جاييك ليها بي بوست منفصل .. وأوريك متين الفنان بيسموهو صامولة .. وكيف الأغنية لمن يسألو زول عن رايو فيها يقوم يمط قدوموا كدة ويقول ليك (يا خي دي غنية صواميل ساي) ..!
Quote: ياخ من فترة كنت فاكر انو الزولة القاعدة تغني كل الاغاني دي .. زولة واحدة وذلك لتشابه الصوت .. والبغنن كلهن بقن كباشــة .. زي مسالة الافلام الهندية البتغني Asha Bhosle .. واي فلم اي بطلة عوده راكب ... تفتح في خشمه وتقفل والشكر لي حماد والجماعة في قاعـة الصداقة يبكو ويقشقشو في مخاخيطم ..
..
|
أنا والله مستغرب الفنانات ديل كيف قدروا يعملوا بصمات صوتية مطابقة ومستنسخة لي بعض . كل واحدة بتقلد التانية ولا كيف يعني ؟؟! غايتو في كم واحدة كدة صوتم قريب لي حرم النور أو ندى القلعة لكن ديل ا كتار .. لكن الجمهور عموما بيفضل الصوت الكباشي في الفنانات ديل وبرضو دي ما عارف سرها شنو ؟!
Quote: المهم .. نظرية الصواميل .. والترزية المفلفلين شعورم وبينقزو مع البعام دي نظرية ( سرطانية ) خطيرة جدا دخلت من الباب عديل تاني مسالة انها تمرق الله اعلم ..
زي ما في قدر ظروفك للعضه وللبس وللوش ولي اي حاجة .. كمان في قدر ظروفك للاعراس والحفلات والرحلات |
في بوست كاتبو أظن جمال السنوسي عن الفنانين الصغار البيكتموها .. امشي اتفرج على العازفين البيعزفو وعاين طريقتم في العزف والاستايل ..! بعدين هو وينو العزف ؟ الأورغنات الحديثة دي والله يفتحوها بس وتعزف براها .. بس هم بساعدوها بي كم طبظة كدة وكم نطة لزوم لفت النظر ..!!
| Quote: يا ناذر عليك الله كلم لينا صاحبك كدايس دا يشوف لي كم فلاش كدا .. تكون كتمات من قااع المدينة .. |
والله كدايس دا الله يديهو العافية أنا ما عارف كنت حا اعمل شنو من دونو ؟!
والخائن الله يخونو ..!!
|
Post: #52
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 05:11 PM
Parent: #46
هلا سيد أحمد ..
Quote: اول مره طلع الموضه دي عازف اورقن أسمو ايمن الربع
الربع ظاتو شنو نفرو لمن الكل يقلد فيهوا |
الربع دا أنا قلت رايي فيهو زمان في بوست كتبو أنور كنغ تقريبا ..
كدي أشوفو واجيبو هنا ..
|
Post: #53
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 05:17 PM
Parent: #46
كتبت سنة 2007 في بوست للاخ أنور فتح الرحمن تعليقا على ما يقوم به الربع :
Quote: سلامات يا أنور ...
رغم أن كل ما يقوم به أيمن الربع لا ينم عن إبداع حقيقي في العزف ولا يعدو كون انه تهريج ومحاولة الإندماج مع إيقاعات الأورغ المعلبة الجاهزة كما السلطانيات داخل العلب ليحظو بأكبر قدر من لفت الإنتباه وسرقة الاضواء عن المغني الواقف أمامه في حيلة ماكرة ومقصودة (بالضبط كما الإستعراض الذي كان يقوم به عازف الدنب المرحوم عبد الله هندي عندما كان عضوا في فرقة عقد الجلاد) ..
إلا أن ذلك لا يمنع أنه يجيد العزف على عدد من الآلات بمهارة أكبر من المتوسط ، ولكن كما أسلفت فأنه يسرق الأضواء عن الفنان الواقف أمامه ..
وهذا ليس عيبه فإن الساحة الغنائية في السودان هذه الأيام لم تعد تهتم بالسؤال عن إسم المغني الذي سيحيي الحفل مثل كان في السابق ولكن السؤال الرئيس هو : العازف منو ؟!!!
أتساءل إن كانت فرقة عقد الجلاد إستغنت عن خدمات عازف الدنب لديها المرحوم عبد الله هندي (رغم مهارته) بسبب ميله للإستعراض الكثير لدي عزفه مما يقوم بسرقة الخشبة من بقية المغنيين والعازفيين ..!!
للأمانة أذكر أن الكثيرين من أصدقائي عندما كنا مدمنين لحفلات عقد الجلاد في أوائل التسعينات في نادي الضباط كل خميس لم يكونوا يحبون الذهاب إلا لمشاهدة حركات وبهلوانيات المرحوم عبد الله هندي التي كان يقوم بها بألة الدنب وربما كنت واحدا منهم في تلك الايام .!!
لا حظو للربع عندما يعزف ....
لم يأت بالبدع أو الجديد .. فقط عدة ضغطات على الكيبورد وعندما يريد لفت الانظار يضغط إحدى أزرار الكي بورد فتعمل الموسيقى تلقائيا ثم يبدأ في الرقص الغريب الاطوار !! فقط للفت الانظار ..
المعروف عن عازفي الأورغ من الشباب في حفلات السودان أنهم يمتازون بالهدوء الشديد والرزينة والسكينة (لا أدري السبب ) ؟؟ وأيمن الربع يريد أن يختلق شيئا مخالفاللفت الانظار وخلق شعبية وأظنه نجح في ذلك !!
اما إذا أردنا مقارنة المستوى الحقيقي لعزفه على الاورغ مع أي مبتدئ أخر فلن تكون النتيجة لصالحه بالتأكيد !!
هذا إذا أستبعدنا الرقص من شاكلة القرد والنبق والركشة وما إلى ذلك مما لا يجيده عازفي الاورغ من الشباب ومراكزه الذين يصاحبون المغنيين والمغنيات في ليالي الحفلات والأعراس في الاحياء ..!!
لا حظ معاي للصولة دي يا أنور من صولات وتهريجات الربع ...
فرقها شنو أو تميزا شنو لمن تسمعا بدون فيديو وبدون صورة من الصولة البيعزفا عاطف أيسكريم مع منى القوز في أغنية (راجل المرة حلو حلا) !!
المقارنة العملية والعلمية بكل تاكيد ما من صالح أيمن الربع الذي أراد أن يجلري والده في الإستعراض بإختلاق بدعة جديدة تنطلي بكل تاكيد على الضحايا المستمعين البسطاء والذين تم إفساد ذوقهم تماما بواسطة الاورغنات الحديثة التي دخلت إلى السودان في النصف الاول من عقد التسعينات المنصرم ..
لاحظ لي نهاية الصولة الجبتها في التسجيل بتاعي يا أنور ...
سلامات خدوري ...
Quote: و دي حاجة كويسه ياناذر انو يكون في فنان زي ده
والله حاجة كويسة وأصلو الناس في السودان بيحبو التجديد ..
فلمن عازف أورغ يجيهم بي ستايل جديد وشوية جلكسات وجاكات ليهم حق ينبهرو ..
لكن برضو حا تظل الإشكالية قائمة ...
مساهمة الربع ودورو الأساسي في ترسيخ الغناء الهابط لمن يعزف لهم من مغنيي ومغنيات الاحياء والحواري بالصولات الهابطة المكررة من شاكلة القرد والنبق ..
|
|
Post: #58
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 05:51 PM
Parent: #53
بدر الطائف ..
Quote: ياجماعة كلام ناذر واضح ومحدد والتنميط بتاع إنهم جايين من جنوب الحزام ولا من قاع المدينة ده ما بيحدده ناذر براهو.
|
دا كلام سليم وأنا اتكلمت بصورة عامة وذكرت في بداية البوست انو التصنيف اتوسع وشمل فنانات ما ساكنات جنوب الحزام لكن بقى يطلق على أي فنانة بتتسم بصفات مشتركة مع ديلاك وأهم الصفات دي الصوت الكباشي الهاجري والشتارة في اختيار الأغنيات والنطيط بمناسبة وغير مناسبة والكريمات المجلبطة وحاجات تانية حامياني بفعل الكريمات دي !!
|
Post: #59
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 05:55 PM
Parent: #53
سلام يا عمر ..
Quote: قوومي يا هاجر كباشي أمشي عولقي الأغنية ونزليها في شريط ماستر بي كلمات مغايرة ونظام الأغنية جاادة ففقدت طعمها وحلاوتها ..
|
غايتو الشريط الماستر الفيهو أغنية بجي بجي بجي دا أنا بعتبرو من أجمل الشرائط في الساحة الزمن داك وتسيد الساحة فترة طويلة قبل اكتساح ندى القلعة المفاجئ للتصدر مبيعات البوماتا قائمة اعلى الأصوات النسائية طلبا ..!!
|
Post: #60
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 05:58 PM
Parent: #53
مشكور يا علي عبد الله بشير ..
Quote: ما كتبه الأخ ناذر هو الواقع بالضبط فى الخرطوم ولم يأت بشئ من عنده و مافى أى عنصريه
ألا فى خيالك أنت فأنت أعتبر زى ما عايز ... هؤلاء الفنانات مبسوطات بما يقمن به من غناء
و عندهن جمهور من الشباب و الشابات وليهم زبائنهم و ما شايفين أى عنصريه أنهم يجوا
و يغنوا ... فما تحمل الأمر أكثر مما يحتمل و كلما دخلت فى بوست قلت عنصرى ... يعنى
الناس تبطل تكتب أو تتكلم فى أى شئ..!!؟؟ |
ومرحب بي ود الصائم ...
|
Post: #54
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 05:27 PM
Parent: #46
نرد على شباب جنوب الحز .. هي قصدي جنوب سودانيز .. الفيسبوكاب :
جلال الدين قرشي ..
Quote: ما بطال إنو يكون عندنا النوعية دي من الغنا ....لكن البطال إنو يكون النوع دا منتشر انتشار النار في الهشيم في كل قرية ومدينة وبص سفري وحافلة ركاب داخلية حتى أدى ذلك لمسح الهوية الثقافية للبلد ....لو ملاحظين الإيقاع كلو أثيوبي أو زائيري ما عارف وعلى نمط واحد....والرقيص فيهو عبارة عن نطيط ...المهم إيقاع ما بمثلنا ....بس بصراحة بتماشى مع تقليعات شباب اليومين دي
|
حقيقة محتاجين علاج يحد من الانتشار لي نوعية الأغنيات دي ويحصرا في اطارا البدت بيهو أول كأغاني مناسبات نسوانية معينة ومناسبات خاصة بالعروس تحديدا ..
هلا بيك الفاتح أحمد عباس ..
Quote: ياناذر والله بوستيك دا ميد ماي اي حاجة زااااتا هههه
لكن القونات ديل شئ اساسي حتي بي كتماتهم الهابطة وهذا مايطلبه الجمهور يعني في بيت سماية ولا حنة عروس ولا صبحية هم شئ اساسي قبال الكراسي ....
تحياتي يافنان
|
تسلم يا عزيزي .. وفعلا القونات ديلة اساسيين لكن بس كيف نفرزم ونفرز أصواتم .. الأغاني البيغنوها زي المسجلة من دقة تشابهاتا مع بعض بس حقو يفارقو العازفين الشفع ديل .. الواحد تتراقص وتغني من غير خجلة والعازف بتاعا في عمر ولدا الكبير وأريتو كان عندو موهبة حقيقية .. غير مساهرابيهو وحامياهو القراية ما عملت فيهو خير ..!!
مشكور الصادق عبد الله :
Quote: يا سلام يا ناذر ياخ بالله كتر لينا من البوستات الطاعمة الزي دي عشان نستمتع بيها وننسى همومنا يديك العافية
|
الجايي أحلى .. خليك متابع ..!!
سليمان ومحمد الزعيم ..
دينق دا خلوهو براهو .. بيجي يوم الزمن بيغيرو !!
عبدو دبنقا :
Quote: غايتو ماذر ده شكلو حفلة للناس ديل ما بفوتها ههههههه... يا ريت يا ناذر لو بقرو جنس الكلام ده عشان يغيرو الاستايل العاضي ده ....وانا مزعلاني اكتر حكاية تقليد الربع
|
راجع ردي الفوق من الأرشيف وتعليقي على ال1/4
|
Post: #61
Title: Re: فنانات جنوب الحزام ..!!
Author: tabaldy
Date: 02-17-2013, 06:19 PM
Parent: #54
تحياتي ناذر والجميع
الحزام الاخضر بذكرني بي عصابة كابوس والمسكيت
آخر حفلة كانت في السودان في حاجة كدا صولة الشباب كلهم بصفقوا وينططوا معاها زي تشجيع الدوري الإيطالي
أها أنا لقيت نفسي برة الشبكة وما فاهم حاجة
وتتواصل السهرة مع تشجيع من الصامولة والمناداة
البلد دي مافيها بوليس ولا شنو
يقوم البواليس طوالي مطلعين عشرمية طبنجة وتاح تراح
ويقوم بتاع الساوند جك يقفل ليك الساوند لحدي المشروع الخلوي دا ما يخلص
وتقوم تدي ناس المباحث هبشة
وترجع لي القبايل وكل ما تنادي ليها علي جيهة غرابة نوبة جعلية وما عارف
تلاقي الحفلة تكورك فرحانين بي ترديد أسم القبيلة وكدا
لما تكورك وتقول البلد دي مافيها غرابة بي العروس تلاقيها قامت فوووق وكوركت ملوحة بي أيدينا للصامولة هيييييي نحن هنا
ثم تعرج شمالاً لي أسياد الشي زاتا
انا بريد الجعلية
ونفففففس العروس تلقاها عادت نفس الحركات والكواريك حالفة قسم مغلظ بي إنها من ناس الشي زاتا
وتستمر حصة عالم الأنساب وما تنتهي إلا بالدخول إلى عالم الناشونال جيوقرافي ويخشوا ليك في الطرق والكباري
نمسكا من الكبري، D البداية من بري Y Y Y (حفظاً للملكية الفكرية العبارة مكتوبة في واحدة من مرافعين بري بالنص)
وأظرف حاجة ظاهرة الرقاصات البجن (حركات زيادة دقة الفحم ديك) يعني تربط الفنانة تجيب معاها اتنين من صاحباتا عشان يحركوا اللعب وكدا
عمر الفاروق كلامك حقيقة
وتعرف يا تمبس شغلانة الإيقاعات والموسيقى الإلكترونية دي كرهتني ليك حصاد وسوف يأتي
|
Post: #55
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 05:35 PM
Parent: #46
كيفك دينق ..
Quote: ما كتبه الأخ نازر هنا أنا أعتبره عنصري وتنميطي في المقام الأول.
أنتم هنا تتحدثون عن ما يسمى ب غناء البنات.
|
أبدا والله .. دا الواقع ودا الحاصل نكذب يعني ولا نتجمل ؟!
ما غناء البنات كلو .. أنا بتكلم عن غنا ما يعرف بفنانات جنوب الحزام تحديدا ، ديل غناهم مختلف وأصطايلم براهو .. وزي ما ذكرو ليك الشباب .. الجماعة زي الباصقاهم هاجر كباشي من شدة تشابه أصواتم معاها !!
Quote: طيب أيه كانت مؤهلات فنانات أخريات من أمثال ندى القلعة وحنان بلوبلو والراحلة المرحومة حواء الطقطاقة؟
وبالمناسبة. الفنانات التي زكرتهم أنا في عهدم شنت عليهم إنتقادات مشابهة من قبل.
|
القلتهم ديل يا دينق ما عندهم علاقة ولا درجة تقارب مع فنانات جنوب الحزام لا من قريب لا من بعيد .. ناس ندى القلعة وحنان بلو بلو وحواء الطقطاقة ديل نبشوا الصغر بأصابعهم وعملوا المستحيل عشان يعملوا بصمة فنية خاصة بيهم صعب تقليدا واجتهدوا عشان يصلوا للجمهور وينتشروا وينشروا جميل الغناء الخالد في الأذهان ..!
فنانات جنوب الحزام كل المستحيل العملوهو هو توفير كريمات وش إنفساخية وكم فستان وتوب بي ألوان مشاترة الهندي الصمم الألوان دي يكون ما عمل غير دستة ومنها فصلوهو من المشغل في دبي ، وكم طقم بتاع دهب صيني رخيص جايبنو من سوق ليبيا .. ويا شمال الحزام جاييك نفر !!!
معقولة يا دينق داير تعمل مقارنة زي دي !!
|
Post: #56
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 05:38 PM
Parent: #46
هلا ياسر العيلفون ..
Quote: طبعا البوست ده انا منتظرك تفتحو من زمااااااااااااان بس علشان اقول راي في هاجر كباشي ياخ دي اجمل صوت نسائي في القرن الافريقي بس عدم الواسطة والدهنسة منعت عنها الاعلام وكمان في حاجات تانية انت ادرى بها يانازر انو مستوى الفنان الاجتماعي والثقافي والتعليمي ومستوى علاقاته واصحابو وبعاماتو ليهو دور في مسالة انتشارو دي ولا رايك شنو , فهاجر ما لقت البعامات والعلاقات البتخدمها وتقدمها للاعلام بالصورة المثلى ..
|
والله كلام في السليم .. لاحظت يا ياسر الكتير من المتداخلين أثنى بصوت هاجر كباشي وبرضو بعض متداخلي الفيس بوك برضو شكرو صوتا .. أنا ما عارف الزولة دي اختفت وين ؟!
وفعلا ما في شي منعا من الانتشار غير انعدام علاقاتا أو عدم وجود المتعاطفين في الأجهزة الأعلامية المختلفة .
تسلم ..
|
Post: #57
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 05:47 PM
Parent: #46
هلا عمر الفاروق ..
Quote: كان المصطلح السائد الخــــادم غنّاية ..وياخ أمبارح ناس عبدو جابو ليهم خـــادم حتتو حت ..
|
والله يا عمر انت فعلا أشتر .. هسي في زول يكتب زي كلامك دا وعارف أنو دينق من مرتادي البوست ؟!
لكن البيعجبني في شتارتك أنك بتقول الجواك من غير لف ولا دوران .. هسي زي كلامك دا أكون منافق لو أنا قلت ليك دا ما الحاصل أو نفيت ليك تداول المصطلحات دي !! يا هو دا الحاصل وحبوباتنا وأمهاتنا وشبابنا وشاباتنا بيقولو كدة .. نسوي شنو عاد !!
Quote: قام الحصل شنووو؟؟ قااامو كده كم بت سمحة أو خلينا نقول لونا فاتح ..أو خلينا نكون أدق في التعبير والكلام بي لغة الشارع وبدون غتغتة ظهروا كم بنات عرب وبقوا يغنو أو هكذا بدت العبارة وإنت في الحفلة بتسمع همهات أو تعليقات والأدهى والأمر إنها بتكون من بنات جنسها ياخ أمبارح حنة سوسن كانت غناية بت عرب !!!
أها يلّا يقووم اليحصل شنوووو يقومو الفنانات اللي صنفو نفسهم (بنات عرب) يقوموا يركزوا على شكلهن اكتر من غناهن وتظهر موذة الكريمات والحبوب البتسمن من شاكلة أبو نجمة رااااقد ثم يمشن لي أبو مرين أو الدهب الصيني يتعنكشن بالدهب ثم تظهر فجأة كده ظاهرة الفنانة البترسم وتتحنن وهي ما متزوجة..ثم يستمر العرض بالظهور في شاشات التلفزيون بي توب شفاف مع إسكيرت حدو الركبة وبلوزة عريانة ونظام عاملة فيها البت عايزة تعيد أيام الزمن الجميل للزي السوداني زمن خالتك بالبس الشباشب الدبابة والفستان القصييير وفوقو التوب داك..
ثم فجأة يظهر ما يسمى بالنادي العائلي أو إسمو شنو كده ما عارف ..كمييية من الرجال اللابسين عمم وشايلين عكاكيز كل يوم يعملوا حفلة بي واحدة من هكذا فنانات مصنفات (كبنات عرب) سمحات جسمهن سمح وصوتهن شييين طبعاص ..
أها قوووموا يا الفنانات إتقسمن قسمين :
قسم طرح نفسو كفنانة بت عرب همها الأول والخير إنها تطلع كزولة جميلة تهتم بشكلها عشان يركزوا معاها رجال الأعمال واصحاب النفوذ وتظهر في الشاشات والتلفزيونات وتشتري ليها كمية تياب مشغولة شي حرير وشي توتل وشي بيلمع وشي قد تخرة وهاك يا رشيم ..
وقسم طرح نفسو كفنانة خـــادم تحتتو في نص الشباب وتقول ليهم هااا فوووق يلللا..صفففقو..إنتو الحفلة دي ما فيها نوبة ولا شنو ؟؟؟
أها عموم الشعب يدعم وبشدة المدرسة التانية دي لأنها ببساطة نبض الشعب وناس حلويين فقط همهم الطرب والبهجة والناس بتكون لذيييذة وبسيطة بدون تكليف وكلل الفي الحفلة بيكون على طبيعتو ..
ده ببساطة يا ناذر البيحصل من تغليف تسميات وما يحصل من موضوع موضة كمية الفنانات اللي بدت تظهر أسة حسب منظور رؤية عامة الشعب بدون غتغتة |
والله يا عمر كأنك مزروع في مخي !!
يا خي دا ياهو زااتو الكلام الداير أقولو لأنو دا هو الحاصل بالضبط يا عمر وأنا من أول البوست بقول فكرتي لسع ما وصلتها لكن أهو أنت جبت النجيضة زي ما بيقول ود الصائم وما خليت لي شي أقولو ..
بس فرقي وفرقك انت وصلت الكلام من غير لف ودوران .. يعني وقعت الفكرة تللللللللللل فوق راسنا وأنا بصراحة كنت ناوي ألف وأدور واوصل فهمي بي لولوة ومن غير خسائر تذكر بدون ما الفكرة ارميها زيك كدة تقوم تعوق ليها زول !!
بس أنشالله ما يكون زول في الحاضرين دا جاتو عوجة ؟!!
|
Post: #62
Title: Re: فنانات جنوب الحزام ..!!
Author: محمد عوض السيد
Date: 02-17-2013, 06:21 PM
Parent: #57
سلامات عوافي
ناذر محمد الخليفة
وكل رواد البوست
بمناسبة اغاني فنانات جنوب الحزام كما يحلو لهم تسميتها
وفي قول اخر فنانات اغاني الكتمات
يوم مشيت للتعترني انزل لي اغاني في ذاكرة الجوال ومديت الذاكرة لبتاع الكمبيوتر وقلت ليه نقي لي اغاني كاربة وبتاعة طرب اصلي قلت النغير شوية
اها زولك ماصدق ملا لي الذاكرة كلها اغاني وكتمات غريبة وحرم ما فرزت ولا كلمة اللهم كلام ممطوط ومعاه اورغن صوته عاااااالي جداً دون الرافة بالاضنين
وياريت لو بعض الاصوات لقت ليها حادي للدرب لتهذبت ووصلنا جميل الغناء
مع ودي
واحترامي
|
Post: #63
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 06:39 PM
Parent: #62
أها يا شباب البوست قلب الصفحة التالتة ..
وزي ما اتعودنا حا نخت هنا برضو نموذج من أغاني فنانات جنوب الحزام ..
وبضو أذكركم ونفسي بعمل الساتر ..!!
|
Post: #64
Title: Re: فنانات جنوب الحزام ..!!
Author: بدرالدين الطائف
Date: 02-17-2013, 07:07 PM
Parent: #63
| Quote: منو القال ليك بريدك يلا يلا فارقني |
يا ناذر الزوله إلاسمها رشا دى شتارته حااامضة .
|
Post: #65
Title: Re: فنانات جنوب الحزام ..!!
Author: طلحة عبدالله
Date: 02-17-2013, 07:23 PM
Parent: #63
غناء جميل وندي القلعة ؟؟؟؟؟؟
والله يا ناذر بالغت البولييغ الواحد لو كتا بتسمي ( الشريف مبسوط مني .. الخ )
غناء جميل وخالد ..
وبعدين ياخ ندي دي تفرق شنو من فنانات جنوب الحزام وغربو .. نفس الإستايل الموسيقي
وذات الكلمات الهابطة ( الليكزس هدية وما علاقة شخصية) مع وفرة في اللولوة وتحريك تضاريس الجسد.
الفرق الوحيد من وجهة نظري أن ندي حظها ضرب عداديا باعتبارا من أوائل الذين طرقوا باب هذه
اللونية من الغناء ( إذا جاز أن نسميه غناء) لقت الجو خلاء بدون منافس فعملت ليها كم حفلة حناء وكم صبحية
عرس لناس قروشم زاحما جيوبم وما عارفين يودوها وين فشتتوها نقطة على حت ندي القلعة ..
وبعد كدا إشتهرت وتخطت شهرتا حدود السودان الأفريقي لتصل شريف نجيريا .
الفن السوداني يعيش أزمة حقيقية بسبب إستايل أمثال ندي القلعة وبرنامج نجوم الغد والذي مع إحترامنا
لبعض إشراقاتو ولكن أيضا قدم لينا ناس شريف الفحل وأفراح عصام وعييييييك (يا قول هناي).
إذا كانت الميديا بتهتم وتحتفي وتضرب الطبول لفن ناس الفحيل والقلعة وأفراح وزينب وست البنات فطبيعي جدا
أن يرقص الجمهور طربا الانغام النشاذ.. موش ذنبهم.
الأزمة أكبر من فنانات جنوب وشرق ووسط الحزام يا ناذر ..
هي بالقطع أزمة وعي وذوق فني وهملة إبداع .
|
Post: #66
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 08:03 PM
Parent: #65
هلا تبلدي ..
Quote: آخر حفلة كانت في السودان في حاجة كدا صولة الشباب كلهم بصفقوا وينططوا معاها زي تشجيع الدوري الإيطالي
أها أنا لقيت نفسي برة الشبكة وما فاهم حاجة
وتتواصل السهرة مع تشجيع من الصامولة والمناداة
البلد دي مافيها بوليس ولا شنو
يقوم البواليس طوالي مطلعين عشرمية طبنجة وتاح تراح
ويقوم بتاع الساوند جك يقفل ليك الساوند لحدي المشروع الخلوي دا ما يخلص
وتقوم تدي ناس المباحث هبشة
وترجع لي القبايل وكل ما تنادي ليها علي جيهة غرابة نوبة جعلية وما عارف
تلاقي الحفلة تكورك فرحانين بي ترديد أسم القبيلة وكدا
لما تكورك وتقول البلد دي مافيها غرابة بي العروس تلاقيها قامت فوووق وكوركت ملوحة بي أيدينا للصامولة هيييييي نحن هنا
ثم تعرج شمالاً لي أسياد الشي زاتا
انا بريد الجعلية
ونفففففس العروس تلقاها عادت نفس الحركات والكواريك حالفة قسم مغلظ بي إنها من ناس الشي زاتا
|
اللعب بالأنساب وذكر القبائل والجدود وأسماء المدن بقى أهم حصان رابح لأنجاح اي أغنية سواء بيغنوها الصواميل أو فنانات جنوب الحزام ومن لف لفهم ..!!
وتركيب بعض الأغاني الهابطة بيسمح بي أدخال المفردات دي ..!
وبعدين نسيت تذكر انو في أثناء الصامولة بيغني بيكون في واحد جمبو من أسياد الشي زاتا بيمليهو في اضانو أسماء القاعدين وقبايلم عشان يذكرا في الأغنية ودي قمة الأستهبال الفني واستدرار الطرب ..!!
والناس شابكين ليك الفنان أوووووووووووو .. أووووووووووو بعد ما يذكر أسم قبيلة معينة أو مدينة معينة .. وطبعا أهم جملة بيذكروها الصواميل أو الفنانات ديل لمن يستدروا عطف الجماهير .. في نص الغنية يتخنوا صوتم ويقولوا (وين الصفقة ؟ نمشي مدني ولا شنو) ؟ بعد داك الناس تصفق وتجيها الحالة الحمارية ديك مع الرقيص !!
Quote: وأظرف حاجة ظاهرة الرقاصات البجن (حركات زيادة دقة الفحم ديك) يعني تربط الفنانة تجيب معاها اتنين من صاحباتا عشان يحركوا اللعب وكدا
|
والله أنت زول مفتح يا تبلدي .. فعلا دي حاجة ملحوظة وللأسف بقوا كل الفنانين والفنانات يستعينو بي كومبارس لزوم الحاجة دي .. لا حظت في حفلات الدلوكة بتاعت أهلي الجعليين .. فنانين الدلوكة بقوا يجوا معاهم ناس ينجلدوا لزوم تحميس القاعدين وكدة !!
|
Post: #67
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 08:05 PM
Parent: #65
محمد عوض السيد ..
Quote: يوم مشيت للتعترني انزل لي اغاني في ذاكرة الجوال ومديت الذاكرة لبتاع الكمبيوتر وقلت ليه نقي لي اغاني كاربة وبتاعة طرب اصلي قلت النغير شوية
اها زولك ماصدق ملا لي الذاكرة كلها اغاني وكتمات غريبة وحرم ما فرزت ولا كلمة اللهم كلام ممطوط ومعاه اورغن صوته عاااااالي جداً دون الرافة بالاضنين |
شفت كلمة (طرب أصلي) دي يا ها الجابت خبرك !!
|
Post: #68
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 08:07 PM
Parent: #65
بدر الطائف ..
| Quote: يا ناذر الزوله إلاسمها رشا دى شتارته حااامضة . |
عليك الله هي لو ما شترا تسمي روحا رشا الخور ؟!
غايتو بتاع الأورغن أجتهد معاها نزل التون ما نفع رفعو تاني برضو ما نفع !!
وكمان عملت حركة كدة بتاعت همهمة .. عاملة فيها منال بدر الدين ولا شنو ؟!!
|
Post: #69
Title: Re: فنانات جنوب الحزام ..!!
Author: ناذر محمد الخليفة
Date: 02-17-2013, 08:12 PM
Parent: #65
طلحة ..
Quote: والله يا ناذر بالغت البولييغ الواحد لو كتا بتسمي ( الشريف مبسوط مني .. الخ )
غناء جميل وخالد ..
|
دي من اغاني المغارز ولكل جواد كبوة ولكل أسد لبوة !!
Quote: من وجهة نظري أن ندي حظها ضرب عداديا باعتبارا من أوائل الذين طرقوا باب هذه
اللونية من الغناء ( إذا جاز أن نسميه غناء) لقت الجو خلاء بدون منافس فعملت ليها كم حفلة حناء وكم صبحية
عرس لناس قروشم زاحما جيوبم وما عارفين يودوها وين فشتتوها نقطة على حت ندي القلعة ..
|
في الحتة دي عليك بي مداخلة عمر الفاروق الفوق ديك .. لانو كلامو منطقي جدا ..
Quote: وبعد كدا إشتهرت وتخطت شهرتا حدود السودان الأفريقي لتصل شريف نجيريا .
الفن السوداني يعيش أزمة حقيقية بسبب إستايل أمثال ندي القلعة وبرنامج نجوم الغد والذي مع إحترامنا
لبعض إشراقاتو ولكن أيضا قدم لينا ناس شريف الفحل وأفراح عصام وعييييييك (يا قول هناي).
إذا كانت الميديا بتهتم وتحتفي وتضرب الطبول لفن ناس الفحيل والقلعة وأفراح وزينب وست البنات فطبيعي جدا
أن يرقص الجمهور طربا الانغام النشاذ.. موش ذنبهم.
|
بس بي صراحة ظلمت ندى القلعة والله يا طلحة .. أي نعم عندها حاجات كدة ما دسيسة لكن دا ما بينقص من أمكانياتا وقدراتا .. وهسي هي أكتر الفنانات طلبا في المناسبات في السودان وكم دولة كدة حوالينا ..
بالجد الناس مبسوطة منها شديد مش الشريف براهو !!
|
Post: #70
Title: Re: فنانات جنوب الحزام ..!!
Author: طلحة عبدالله
Date: 02-17-2013, 08:23 PM
Parent: #69
Quote:
هي أكتر الفنانات طلبا في المناسبات في السودان وكم دولة كدة حوالينا ..
بالجد الناس مبسوطة منها شديد مش الشريف براهو !!
|
مش قلتا ليك أزمة ذوق ؟
أزمة ذوق كارثية .
|
Post: #71
Title: Re: فنانات جنوب الحزام ..!!
Author: عصام علي أحمد
Date: 02-17-2013, 08:46 PM
Parent: #70
| Quote: ما بنتملص منهم لكن غايتو يا بن عوف الخرطوم البعرفا أنا بتنتهي جنوبا في شارع واحد وستين !! |
عاد ياناذر يا اخوى اتلومت مع طارق جبريل
|
Post: #72
Title: Re: فنانات جنوب الحزام ..!!
Author: Mahmoud Mustafa Mahmoud
Date: 02-17-2013, 10:29 PM
Parent: #57
| Quote: والله يا عمر كأنك مزروع في مخي !! |
شرحو والله العظيم..
قلت ليكم مية مرة يا ناذر...عمر الفاروق دا ما في منه تاني..
تحياتي يا قريبك..
..
.
|
Post: #73
Title: Re: فنانات جنوب الحزام ..!!
Author: طارق جبريل
Date: 02-18-2013, 00:09 AM
Parent: #72
Quote: ما بنتملص منهم لكن غايتو يا بن عوف الخرطوم البعرفا أنا بتنتهي جنوبا في شارع واحد وستين !!
|
ما تتصلح معانا يا ابو النز
|
Post: #74
Title: Re: فنانات جنوب الحزام ..!!
Author: سيف الدين محجوب
Date: 02-18-2013, 04:24 AM
Parent: #41
ايوه ،،، أردم الفارات ياتمبس
وااااااصلو ،،،، وأمتعونا
|
Post: #75
Title: Re: فنانات جنوب الحزام ..!!
Author: عمر الفاروق
Date: 02-18-2013, 06:22 AM
Parent: #74
ياااا تمبسكو :
| Quote: مسالة تغيير الاستايل دي هي المشكلة الكبيرة .. في الشكل وفي الغنا .. حسع انا القدامك دا لما اللقى لي فنان من فنانييني المفضلين مسجل ليهو شريط بسمع فوقو صوت (الايقاع) بتاع الجلد العادي دا .. والكمنجات .. والساكس والطبلة .. وفجأة كدا الاسبوع الجاي اجي اسمعو شغال ليك بي درمز الكتروني .. وكمنجات اورغــن وساكس مبرمج .. تعال شوف ليك فراق طريفي لي جملو كيفن ..؟ والله تاني زي ما قال صلاح ايدي لي ( لق لق ) والله إن تقطع اضنيك ما بسمع ليك . |
اها كلامك ده بي ضبانتو انا جيت قلتو زمااان للموصلي وزعل وهاااج فيني ..وأهو أسة إنتو إتنين جيتو أكدتو كلامي ..
نحن إتربينا بي إيقاع صورة الأشعة ده يا قول احد الباحثين :)..
كل الشرايط الكانت بي إيقاع إلكتر
وني الشارع السوداني ما إتقبلا ..وانا عارف الموصلي ح يجي يضرب لي مثال بي كاسيت لاقت رواج من شاكلة الحزن النبيل ومن جديد بتاع خالد الصحافة .. بس صدقني يا موصلي النجاح والقبول ما كان عشان نجاح التجربة بتاعت إيقاعات الإلكترون بقدر ما كانت مرتبطة بي اشياء نفسية في العقلية السودانية..
بالنسبة لي من جديد الناس كانت مهجووومة بي أوول شريط ماستر يطلع في السودان بي الطريقة دي..بالنسبة لي الحزن النبيل الناس كانت عطشانة لي مصطفى ما أكتر والدليل فشل زريع صاحب شريط كووني النجمة ..
هذا الإيقاع الإلكتروني انا بعتبرو جرييمة أرتكبت في حق الغناء السوداني وضييَعت أجمممل اغنيات محمود عبد الزيز ربي يرحمو في تسجيل لي شريط هو ثاني أسوأ إن لم يكن الأسواء في شريط محمود ربي يرحمو..
أغنية خلّي بالك واحدة من أجمممل اغاني محمود اللي لو سمعتها مع فرقة النورس وبي طبيييعتا لجن جنووونك ..الاغنية دي ما اتجسلت رسمياً إلا في شريط خلي بالك واخيييراً في الإعلام في قناة النيل الازرق في حفل عيد الأضحى بعد ان شاخ صوت محمود ربي يرحمو ...
محمود عبد العزيز كان يغني كل ما سألت عليك صدوني حراسك أروووع ما يكون في الخفلات النهارية ..أمشي شوف ناس الموصلي جنو على الاغنية دي كيف في الشريط ده ..
والله يا موصلي اعذرني لكن انا في شريط خلي بالك ده زعلان منكم زعل؟؟؟ ياخ إنتو ضييعتو على المستمع السوداني كنز بتاع متعة في صوت محمود في ترديد الاغنيات دي بي طبييعتا...
معليش عرّجت بيكم ..
تخريمة :
عاودني الحنين بذكر الموردة وشوارعا وناسا ..
|
Post: #76
Title: Re: فنانات جنوب الحزام ..!!
Author: عمر الفاروق
Date: 02-18-2013, 06:34 AM
Parent: #75
طلحة يا صاحب :
| Quote: وذات الكلمات الهابطة ( الليكزس هدية وما علاقة شخصية) مع وفرة في اللولوة وتحريك تضاريس الجسد. |
عارفك ح تتخلع من كلامي ده وقد تستشهد بي بعض فديوهات اليوتيوب ..لكن صدقني وحاجة غرييبة جداً انا ملاحظها في ندى القلعة دي..
ندى القلعة ورغم من سمعناه وشاهدناه من سلوكيات قد تكون في إطار الخصوصية إلا إنو القلعة تحديييداً واحدة من أكتر الفنانات إحتراماً وإلتزاماً في حفلاتها وفي ظهورها في الإعلام!!!
حاجة غريبة مش؟؟؟
صدق ندى القلعة دي نااادراً ما تهز وتجبجب في الأعراس والحفلات العامة ؟؟؟
وفي الأغلب فهي ملتزمة جداً في لبسها (عارفك ح تجيب لي تسجيل حفلة نيجيريا ) بس صدقني انا بتكلم في العموم ..
بالمناسبة وعشان اصدمك فلغة الجسد وللأسف تستخدمها وتستغلها زولتك نانسي عجاج أكتتر من ندى القلعة إيه رأيك ؟؟؟ خلعتك مش؟
ويكفي إنو نانسي في اخر ظهور ليها في حفلة دبي عاملة إكستينشن !!1 والإكسيتنشن عزيزي طلحة هو شعر مستعار بيمدو بيهو الشعر القصيير عشان تظهر الفنانة وكأنو شعرها طويل .. ولعمري إن موضة الإكستينشن إنتهت من زمممن دكان البرقاوي البتلقى فيهو ضنب حصان معللق في حبل أو في حيطة الدكان جمب صفيحة الطحنية أو جردل الجبنة ..(ده ما نقد لي نانسي يا طلحة عشان ما تقول عمر بينتقد الفنانات بي شكلهن..:)..)
انا ما من المعجبين شدييد بي ندى القلعة لأنو بشوف ندى برضو من النوع الإتغش لمن قالوا ليها إنو إنتي مرتبطة بي غنا الحماسة قامت عووولقت روحا وبقت الحفلة كللها تشبكك اغاني سييرة بي نمط واحد وفكرة واااحدة ممجوجة ومملة بعكس ندى القلعة حقت زمااان ديك ..
|
Post: #77
Title: Re: فنانات جنوب الحزام ..!!
Author: طلحة عبدالله
Date: 02-18-2013, 07:14 AM
Parent: #76
السلام عليكم
يا عمر الفاروق ..
أقول ليك كلمات هابطة وأغاني لا تصلح إلا لحنية العروس وصبحية العرس والجب جبة تقول لي ملتزمة في حفالاتا ؟؟
ملتزمة يعني بتجي قبل ناس الحفلة ما يختوا الكراسي واللا كيف ؟ ما تلتزم كانت ملتزمة في اختيارا لاستايل غناء
يبقي على شجون الغناء السوداني الجميل النبيل التعبوا فيهو العظماء الحيين والميتين بعيدا عن الابتذال والشوفينة والبهرجة الكذابة بتاعت أنا فنانة كبيرة
وعندي تمنطاشر عربية وتلتين كيلو دهب وخمسة بودي قارد ..
ندي القلعة زيها وزي فلانة انقاذ وهناية عباسية وعلانة السلمة ومين كدا أمبدة .. إبتذال وهجيج وكواريك ... الفرق أنو
الباقيات ديل بستعرضن بتفسخ الوشيش وكريمات التبييض وهي بتستعرض بى تيابا وكشكشة دهبا وبتاعين رفع الاثقال الخمسة
الماشين وراها وقداما التقول نحن شيكاغو .
يا الفاروق مجرد ذكرك للأميرة نانسي وسط ناس ندي القلعه ديل يعتبر جريمة يعاقب عليها الذوق الفني السليم .
|
Post: #78
Title: Re: فنانات جنوب الحزام ..!!
Author: عمر الفاروق
Date: 02-18-2013, 07:45 AM
Parent: #77
وانا بقوول ليك يا طلحة ندى القلعة فارقت درب الهابط..
ندى زييها زي أيي فنان وفنانة بيبدا بي فهم إنو عشان يصل لي المستمع مفروض يبدا بي الهجييج أو بي المسمووع وبعد داك يغني حقو ..
الشريف مبسوط مني تحديييداً كانت أغنية حقت مكاواة وشكل نساوين زييو زي الفي الجزر داك ..
اتحداك إنك تجيب لي اغاني لي ندى القلعة في الوقت الحالي هابطة ..ندى حالياً تغني اغاني ما فيها اييي خدش لي ذائقة الغناء السوداني ..ويبدو واااضح إنك تكتب من ذاكرة قدييمة وإنطباعية عن ندى القلعة ..
اسأل متابع ما تسأل طبيب :)
لكن تعال شوف أميرتك البتعمل في حاجة والله انا شايفة اسوأ من الغنا الهابط..
أميرتك يا طلحة بتغني غنا الناس وبتستلموا كأنننو حقها ..انا ابداً ما ضد الفنان يغني غنا الغير بالعكس بحححب الحركة دي وبحب إنو الفنان يغني الاغنية أحلى من سييدا زااتو..لكن أميرتك دي قايمة ليها بي فهم إنو الأغاني دي حققتا هي ..لي درجة إنو ممكن تزعل من فنان تاني لو لقتو بيغني قالوا قالوا علي شقي ومجنون أو بيغني أهديك الله يخليك أو بيغني في اغنية بلداً هييلي انا ..
يا طلحة الزولة دي لممن تشوفا مااادة المايك للجمهور بي يدها الشمال وهي بتحث فييهو حثثثاً شديييدا واضعة يدها اليمنى في اضانها اليمين مطالباهو بي الشييل معاها في اغنية يرضيك الله يخليك ويشييل من عمري انا ويدييك تحلللف تقول الاغنية دي كاتباها ليها نهى عجاج وملحنها ليها المرحوم بدر الدين عجاج ..
تخريمة :
ويظل الإكيتسنشن الإستخدمتو في حفلتا الاخيرة في ليالي دبي عاامل ليي أرتكاريا في الضمير وهي تحاول ان تظهر في صورة سلمى حااايك أو أيي جمييلة من جمييلات الجنوب الامريكي هااارد فشفاشي وعامل ليي أرتكاريا في الضمير..
|
Post: #79
Title: Re: فنانات جنوب الحزام ..!!
Author: عثمان دغيس
Date: 02-18-2013, 08:07 AM
Parent: #78
| Quote: ويظل الإكيتسنشن الإستخدمتو في حفلتا الاخيرة في ليالي دبي عاامل ليي أرتكاريا في الضمير وهي تحاول ان تظهر في صورة سلمى حااايك أو أيي جمييلة من جمييلات الجنوب الامريكي هااارد فشفاشي وعامل ليي أرتكاريا في الضمير.. |
والله يا الفارو(غ) شكلنا ضميرنا واااااحد ...
الله يمرضها ويورم فشفاشها زي ما ورمت قشافيش الشعب السوداني...
إزيك يا ناذر يااااخ
|
Post: #80
Title: Re: فنانات جنوب الحزام ..!!
Author: عمر الفاروق
Date: 02-18-2013, 08:12 AM
Parent: #78
أها يا ناذر أرجع بيك لي فنانات جنوب الوادي :)
انا عندي فهم وتقييم معيين لي إنو فنانة جنب الوادي دي حبااابا ولا لأ بي معااايير قااطعا انا من كنووجي ده ..ومتى ما توفرت هذه المعايير فطوااالي بختم ليها أبروووفد على إنها فنااانة بغض النظر عن صوتها ..
أول المعااااير دي هو قبول بني جنسها ليه ..وهنا بقصد البنات والنسوان الحاضرات الحفلة ..يا ناذر بناتنا ونسوانا ديل عندهن ذوق رفييع واضان مجججرمة وفرازااات ما زينا نحن الرجال ...ومن تلاحظ إنو نسوانا في الحفلة مبسوطات وأي مرا ماسكة طرف توبا وبتهبب بيهو في نص الحفلة ونازلة دستور فطوااالي أعرف إنو فنانة جنوب الوادي دي لاااقت قبوول ما اعتيادي ..ومنن تشوف ليك بت طالعة في الكرسي الورااا داك وبتأشر بي يدها وكأنها بتعووس في كسرة فأعرف إنو الفنانة القادمة من جنوب الوادي خشت القلب..ومن تلاقي ليك واحدة بتاوق من حيطة الجيران مع إنها طارحة نفسها ملتزمة وما بتاعت حفلات فأعلم إنو الفنانة الجنوب الوادي غناااية..
المعيار التاي حقي انا براااي من خلال متابعتي لي فنانة جنوب الوادي ..
إذا فنانة جنوب الوادي بتغني في الاغنية وهي جااادة في الاغنية وقامت فجأة كده وبدون مقدمات أدتا ليك فزرة لي تحت مع هزة كتف ثم واصلت بعد داكفي الأغنية عااادي وكأنها ما عملت شي فدي طوااالي فنااااانة ...
وإذا فنانة جنوب الوادي لابسة اسكيرت وبلوزة بسييطة وخاتة الطرحة في الكتف وقامت رقصت الرقصة بتاعت قليب الكفين دييك (رقصة بتشبه كأنك بتقول فلان داك وينو ..) ثم رمقت وااحدة من الحضور بي نظرة جمباوية كده ثم واااصل بي يدها وكأنها بتقول بري بري بري منك..فهذه فنانة جنوب وادي من طراز فريد وجديرة بالمتابعة ..
وتكتمل في مخييلتي فنانة جنوب الوادي متى ما كتترت من أغاني إيقاع الظار ففي هذه الاثناء فقط أستمتع وانا الاحظ الخالات والعمات والحبوبات والجارات كبار السن وهن بتجييهن الحضرة ويلغن وجود الحاضرين وأيي واحدة تنزل بي دستووورا في مشهد بديييع أفتقده بشدة مذ أن اتيت لهذه الغربة الظالم أهلها ..
تخريمة :
البوست ده ما فيهو ديامة ولا شنو ...هييييييي...الديامة وييين ...
|
Post: #81
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 11:22 AM
Parent: #80
كدي دقيقة هولد اون بليس .!!
يا عمر الفاروق إنت الظاهر خلطت زيت وموية ..!! انا بتكلم عن فنانات جنوب الحزام ما جنوب الوادي .. افرز ياخ ههههههه
بي مناسبة جنوب الوادي دي .. حضرت حفلة بتنا جواهر في بورتسودان قبل كم يوم ؟!
والله حنيت عليها .. بتغني للمدرجات والكراسي الفاضية .. زول شغال بيها الشغلة ما في .. بهدلت الأغاني بهدلة السنين .. الحاضرين الشويتين ديل والله الاستياء والامتعاض كان ظاهر في وشوشم ..! وأنا والله أول مرة أسمع جواهر دي عن قرب اليوم داك .. القونة دي كيف لقت قبول في شمال الوادي يا عمر ؟؟!!
والظريفة معاها في الفرقة واحد مصري عامل فيها داير يحمس الجماهير .. شالك ليك الناس هوباااااا يلا معانا .. و فين شباب بورتسودان ؟ على وزن وين الصفقة نمشي مدني ولا شنو ؟!! والله زول هببو ما في ولا حتى بي تبشيرة خجولة .. !!
بالجد حفلة جواهر دي أثبتت لي بما لا يدع مجال للشك أنو الشعب المصري شعب هايف فنيا كون انو جواهر دي تكون واحدة من فنانات الشباك هناك !! والله صوتا ما ينفع تتكلم بيهو مع صحباتا ؟ غنا شنو كمان ؟!
يعني بأختصار الحفلة دي أثبتت لي أنو رغم فنانات جنوب الحزام البينتشروا بعد المغرب زي الجراد في كل أنحاء العاصمة يبثوا سمومم الغنائية دي .. أنو الشعب السوداني برضو ذائقتو الفنية محافظ عليها وبيعرف متين يسمع لي قونة في حفلة رقيص عروس أو حنة عروس ويندمج مع القونة بي مزاجو .. وبيعرف يسمع شنو لمن يطلع مع اسرتو للترفيه في حفل عام زي حفلة جواهر دي ..!!
بالله لو زول عندو فيديو من الحفة دي يجيبو لينا عشان الناس تعرف حاجة ..!
|
Post: #82
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 11:47 AM
Parent: #80
أخونا أكرم خضر ..
Quote: موضوع دسم لأنه يعبر عن الواقع ,, ولو غنت أي من فنانات جنوب الحزام .. في شارع مجاور لمسرح يغني فيه أبو عركي وسيف الجامعة (مع إحترامي لهم) ..لإزدحم الناس حول كتمة بنات جنوب الحزام .. كما يقرأ في الإطار ما شاب الخرطوم ليلة غياب محمود عبد العزيز الأبدي .. المهم تأثير ذلك في أي تغير متوقع علي عموميات السودان السياسية بدون دراسة لمتغيرات سودان 2013 وماقبل عن سودان 85 و 64 .. .. بدون أخذ المتغيرات الكثيرة في الحسبان .. أي دعوة تغير لا تقوص في كتمات وربة الخرطوم وباقي المدن لن تصل .. وستظل حرث في بحر ...
|
مشكور على المداخلة الثرة . وزمان كتبنا قلنا أي متغيرات على الساحة الفنية لازم يتم تداولا قياسا بالوضع الأقتصادي الأتولدت فيهو الأغاني دي .. حركة الاقتصاد ووضع الأسر المعيشي والضغوط الأقتصادية عامة عندها أثر كبير جدا في التحكم بقبول أو رفض أمثال نوعية الأغنيات المقدمة وطريقة أدائها من مجموعة فنانات جنوب الحزام ...
|
Post: #83
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 11:49 AM
Parent: #80
معاوية عثمان ..
Quote: تعتبر انثي فتش المخازن يا مان
|
المخازم خليها مسكرة .. لو داهمناها بتطلع بلاوي متلتلة ..!
أنت عارف وأنا عارف والناس عارفة ... خلوها مستورة إلى حين هههههههه
|
Post: #85
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 11:56 AM
Parent: #83
طارق جبريل .. وينك يا صاحب ؟
| Quote: ما تتصلح معانا يا ابو النز |
صدق أو ما تصدق أنا ما عارف شارع 61 الحشرو في مداخلتي شنو .. أنا قصدت شارع الميناء البري الكبير الماشي من الغرب للشرق .. ما عارف الدخل 61 شنو ..!!
غايتو معليش لو طلعتكم برة الزمن ههههههههه
|
Post: #86
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 11:57 AM
Parent: #83
طلحة وعمر الفاروق ..
والله مستمتع بي مداخلاتكم ... واصلو يديكم العافية ...
|
Post: #87
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 11:59 AM
Parent: #83
مرحب بيك عثمان دغيس ومحجوب ..
كما نرحب بكل الذين أنضموا الينا مؤخرا من الفيس جنوب سودانيز ..!!
|
Post: #84
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 11:53 AM
Parent: #80
سلام عصام ..
| Quote: عاد ياناذر يا اخوى اتلومت مع طارق جبريل |
ههههههههه ناس طارق ديل جو الخرطوم متين ههههههه غايتو شوية كدة وكان جنوب الحزام بيبدا من مركز سمير .. بس جلا بي بونط
|
Post: #88
Title: Re: فنانات جنوب الحزام ..!!
Author: طلحة عبدالله
Date: 02-18-2013, 12:09 PM
Parent: #84
يا عمر الفاروق
ياخ قبل كدا وهسع بقول ليك اتا زول كويس لما تتكلم في الفن والكورة بى عقلية الناقد لكن لما تقوم على الانطباعية والأحكام
تبعا للمواقف المعينة والعاطفة بتخربط خربطة السنين وببقي كلامك كتير شديد ... وصدقني الكلام دا ما كويس ( أسأل خبير ما تسأل كبير ) ..
مشكلتك مع الأميرة انها بتمد يدها الشمال للجمهور وبتخت التانية في أضانا .. هسع دا علاقتو شنو بامكاناتا الصوتية الهائلة
وقبولا المسرحي الكبير كفنانة ؟؟؟
أكيد يا حبيب لو عملت كدا بقصد إشراك جمهورا في الأغنية دا ما بقلل أبدا من قيمتا كفنانة يشهد لها كبار النقاد والموسيقيين والخبراء
بتمكنا وإبداعا ..
ثم ياخ عرفتها كيف انها قاعدة تعتبر أغاني الغير حقتا ؟؟؟ جيب تصريح .. حوار .. كلام خشم في فيديو .. أية حاجة للتدليل ...
الأميرة نانسي يا حبيب كما هو واضح تحب التجويد وبتعتبر أغاني الغير أمانة في حنجرتا وإحساسا عشان كدا إتا بتشوف كأن
الأغاني دي حقتا .. ودا طبعا يحسب ليها ما عليها .. وأحسن بالتأكيد من القاعدين يتعاملوا مع أغاني الغير باستهتار ويودوها التوج .
بعدين يا يا عمر أخوي أول مرة أعرف أنو ( بلدا هيلي أنا ) ما بتاعت نانسي .. انا كنتا قايلا كلمات طارق الأمين وأداء نانسي عجاج .
يا عمر روووووق .
يا ناذر اتكلم مع الفاروق دا ياخ .
|
Post: #90
Title: Re: فنانات جنوب الحزام ..!!
Author: محمد عبد الله الامين
Date: 02-18-2013, 12:53 PM
Parent: #84
يا ناذر في قون كدة اسمو صلاح ولي
بالله ده مصنف مع منوو لاني حضرت ليهو حفلة
في الحارة طلع في الشجرة فوووق وبغني بي طريقة كوميدية شديد
وتحياتي ...
|
Post: #91
Title: Re: فنانات جنوب الحزام ..!!
Author: أحمد ابن عوف
Date: 02-18-2013, 01:11 PM
Parent: #90
انا ما عارف كلامي الجاي دا اضيغه في شكل نصيحة ام امنية
لنانسي عجاج، احتمل سماع اغانيكي كلها ولا احتمل اغنية واحدة تردديها للغير
|
Post: #94
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 01:30 PM
Parent: #91
تمام يا طلحة ..
| Quote: يا ناذر اتكلم مع الفاروق دا ياخ . |
يا عمر الفاروق اقرا كلام طلحة دا كويس .. الزول معاهو حق في الكتير من وجهة نظرو ..!
|
Post: #95
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 01:33 PM
Parent: #91
هلا محمد الأمين ..
Quote: يا ناذر في قون كدة اسمو صلاح ولي
بالله ده مصنف مع منوو لاني حضرت ليهو حفلة
في الحارة طلع في الشجرة فوووق وبغني بي طريقة كوميدية شديد
وتحياتي ... |
مرة في زول كتب بوست عنو وعن نطيطو في الشجر والحيط وأنا كان تعليقي انو صلاح ولي نسخة مشوهة من خضر بشير ونسخة محسنة من عبد الله البعيو ..!!
دا في الحركات بس .. لكن الصوت اكتر من عادي ..!!!
|
Post: #92
Title: Re: فنانات جنوب الحزام ..!!
Author: محمد حيدر المشرف
Date: 02-18-2013, 01:28 PM
Parent: #90
ناذر ..
كيفك وكيف كيفك ياخى ..
تعرف !!
زمان د. نجاة الله يطراها بالخير اتهمتنى بانو انا طارح نفسي كزول اورستقراطى ..
فدحين خلينى اطرح ليكم كم سؤال اورستقراطى كده ..
من هو ايمن الربع ؟..
يعنى شنو قونات ؟..
يعنى شنو كتمات؟.
يعنى شنو صامولة؟!!
....
وبعدين الحاجه الكنتو بتنيشو بيها الطيارات ديك اسمها شنو .. ايواااا .. نبله !!
يعنى شنو ؟
|
Post: #93
Title: Re: فنانات جنوب الحزام ..!!
Author: مجاهد محمد الهادي
Date: 02-18-2013, 01:29 PM
Parent: #1
يا زول و وحاتك وقبل ما نقرا المتن وجسم الموضوع زاتو أديناك صح
وأشياءك بتستهوينا وبس
وبنحب الناس الجميلة والمبدعة
يا أبو النز يا فنان
|
Post: #97
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 01:38 PM
Parent: #93
صلاح حسن ..
Quote: ناس الحزام الاخضر او بالاحري الحزام الاسود ,لو قروا البوست دا حيطالبوا بحق تقرير المصير!!
|
ما عندنا مانع ..!
مش قصدك حق تقرير المصير غنائيا ولا مصيراً تاني ؟!!
|
Post: #98
Title: Re: فنانات جنوب الحزام ..!!
Author: عمر السلمة
Date: 02-18-2013, 01:39 PM
Parent: #93
الأخ ناذر تحياتي
بوست جميل جداً والله ... وأول أغنية على ما أعتقد دا حمادة العباسية (نفس الصوت) أهو كلو من بعضو ...
| Quote: غايتو الشريط الماستر الفيهو أغنية بجي بجي بجي دا أنا بعتبرو من أجمل الشرائط في الساحة الزمن داك |
أنت عارف لما تقول عمر دا بجي براي ارد عليها وأقول (كُر علي عمر يجي وين تاني؟؟ ) طبعاً الكلام دا كان في اول سنين الغربة المرة
|
Post: #99
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 01:41 PM
Parent: #93
ابن عوف ..
Quote: انا ما عارف كلامي الجاي دا اضيغه في شكل نصيحة ام امنية
لنانسي عجاج، احتمل سماع اغانيكي كلها ولا احتمل اغنية واحدة تردديها للغير |
الناس بيقولوا سمح الغنا في خشم سيدو
الحواتة بيقولو سمح الغنا في خشم محمود ..
وأنا مع الناس البيقولوا سمح الغنا في خشم نانسي كان حقها كان حق غيرا ..!!
|
Post: #100
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 01:42 PM
Parent: #93
موحمد المشرف ..
Quote: ناذر ..
كيفك وكيف كيفك ياخى ..
تعرف !!
زمان د. نجاة الله يطراها بالخير اتهمتنى بانو انا طارح نفسي كزول اورستقراطى ..
فدحين خلينى اطرح ليكم كم سؤال اورستقراطى كده ..
من هو ايمن الربع ؟..
يعنى شنو قونات ؟..
يعنى شنو كتمات؟.
يعنى شنو صامولة؟!!
....
وبعدين الحاجه الكنتو بتنيشو بيها الطيارات ديك اسمها شنو .. ايواااا .. نبله !!
يعنى شنو ؟ |
بوريك لكن بعد ما توريني ..أورستقراطي معناها شنو ؟!
علاقتا شنو بي سقراط ؟!!
|
Post: #101
Title: Re: فنانات جنوب الحزام ..!!
Author: أحمد ابن عوف
Date: 02-18-2013, 01:44 PM
Parent: #93
دقيقة يا اخوانا نحصل ولدنا دا
باقيلي بعرف حاجة من البسعل منهن
| Quote: من هو ايمن الربع ؟.. |
الله لا وراك ليهو
| Quote: يعنى شنو قونات ؟.. |
يبدو والله اعلم انه "شخص" وممكن يغني وممكن تجيب فيهو "قون"
دي شكلها عندها علاقة بالسجارات "الخدرا"
يعني زي ما تقول كده الحفلة كلها بتكون كاتمة او اي زول فيها كاتم
او لو كنت انت زاتك ما بتكتم احسن ما تمشي وخليك في نواحي جاردن سيتي بتاعتك
| Quote: يعنى شنو صامولة؟!! |
لا تسألوا عن اشياء ان تبد لكم تسوؤكم
للضمان كده بجازف وبجاوب، شكله كده "شخص" "بقرطوا" بيهو الحفلة
|
Post: #102
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 01:45 PM
Parent: #93
تسلم يا مجاهد يا أرباب ..
Quote: يا زول و وحاتك وقبل ما نقرا المتن وجسم الموضوع زاتو أديناك صح
وأشياءك بتستهوينا وبس
وبنحب الناس الجميلة والمبدعة
يا أبو النز يا فنان |
دا من ذوقك يا اصيل ..
|
Post: #103
Title: Re: فنانات جنوب الحزام ..!!
Author: أحمد ابن عوف
Date: 02-18-2013, 01:51 PM
Parent: #102
وأنا مع الناس البيقولوا سمح الغنا في خشم نانسي كان حقها كان حق غيرا ..!!
والله فت طلحة بي هناك، بكى زي دا ولللا ادونا ليهو زاتو
____________
لولا اختلاف الآراء لبارست السلع يا ناذر
والاختلاف لا يفسد للود قضية
|
Post: #104
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 02:20 PM
Parent: #93
أها يا جماعة الصفحة الرابعة قلبت ..
وطبعا حا ننزل اغنية جديدة من أغنيات فنانات جنوب الحزام ..
بس في حاجة ..
ما تعملوا ساتر المرة دي .. حا تستمعوا لي صوت جميل جدا أنا قبل كدة قلت أنو الصوت دا لو لقى شوية اهتمام واعلام وأغاني نضيفة حا يتسيد الساحة الغنائية النسائية دون منازع ..!
هذا الصوت فيهو كمية من التطريب والشجن مبالغ فيهو .. بس للأسف الأغاني ركيكة والأختيار مخستك كما هو حال معظم فنانات جنوب الحزام ..
غايتو كدي جازفوها وأسمعوا لكن من غير ما تسمعوا ؟!!
فهمتوها كيف دي ؟!
يعني أسمعوا الصوت لكن ما تسمعوا الغنا .. يعني ركزوا في التطريب وأنسوا الكلمات ؟!
والله غلبني الأقولو .!! يعني أفرز يا دجانقو ..!!
المهم هاكم الأغنية وأنتوا اتصرفوا وياعمر الفاروق وتمبس وكيكي وطلحة عليكم الله ارضو غروري وأكتبوا لي رايكم بصراحة في الصوت دا :
|
Post: #105
Title: Re: فنانات جنوب الحزام ..!!
Author: عبد الله فقير
Date: 02-18-2013, 02:25 PM
Parent: #104
ياناذر الله يديك العافيةياخ على هكذا امتاع
اما عمر الفاروق وتمبس
فياخ انتو عمار شريعى الشعب
مفروض بكرى يعلق لينا البوست دة
والله صحى
|
Post: #106
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 03:27 PM
Parent: #105
عمر السلمة
باين من اسمك انك ساكن جمب القونات ديل ..
Quote: الأخ ناذر تحياتي
بوست جميل جداً والله ... وأول أغنية على ما أعتقد دا حمادة العباسية (نفس الصوت) أهو كلو من بعضو ...
|
بالله الصوت دا صوت ضكر ؟!!
أنا الملف جاني مكتوب فيهو عباسية سمعت الغنية طوالي صنفت صاحب الصوب بت ما ولد ؟!!
هسي العباسية ذنبها شنو يسيئوا ليها كدة ؟!!
| Quote: أنت عارف لما تقول عمر دا بجي براي ارد عليها وأقول (كُر علي عمر يجي وين تاني؟؟ ) طبعاً الكلام دا كان في اول سنين الغربة المرة |
ههههههه أظنها لا من خلت الغنا تكون ما جيت هههههههههه
|
Post: #107
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 03:32 PM
Parent: #105
لا والله يا ابن عوف لا بكى لا ضحك ..
Quote: والله فت طلحة بي هناك، بكى زي دا ولللا ادونا ليهو زاتو
|
بس دا من باب النصيحة ... هل تعلم أنو نانسي عجاج أنا انتقدتها في الصحف وفي الموقع دا وسلقتها بألسنة حداد لمن طلعت ألبوما الأول الـ بالعود .. كان فيهو أخطاء فنية فظيعة وكانت معركة دخلوا فيها كتير من الأطراف الفنية الناقدة وفي النهاية الحمد لله طلعت منتصرا والقائمين على الشريط اعادوا تسجيل وطباعة الشريط مرة أخرى بعد تفادي السلبيات والأخطاء الذكرتها ..
أمش مكتبتي وبتلقى العدة كلها بي هناك ...
|
Post: #109
Title: Re: فنانات جنوب الحزام ..!!
Author: عمر السلمة
Date: 02-18-2013, 03:40 PM
Parent: #107
أخونا ناذر سلاااااااااااام
واحد صاحبنا مسمى الأورغن التكنكس (راعي البقر) هيع هيع هيع هيع..... نغمة شهيرة في الأغاني وموجودة في أغنية الصفحة التانية
|
Post: #108
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 03:33 PM
Parent: #105
عبد الله فقير ..
Quote: ياناذر الله يديك العافيةياخ على هكذا امتاع
اما عمر الفاروق وتمبس
فياخ انتو عمار شريعى الشعب
مفروض بكرى يعلق لينا البوست دة
والله صحى |
تسلم حبيبنا ..
|
Post: #110
Title: Re: فنانات جنوب الحزام ..!!
Author: حمد عبد الغفار عمر
Date: 02-18-2013, 03:58 PM
Parent: #108
والله يا عمر الفاروق أنت كاتب من جنوب الحزام عديل كدا
ياخي كتابة زي شية الجمر الواحد يقرأ ويتمطق
متعة شديدة ياخ
لو أمكن واصل ياخ
البوست دا يا ناذر أبقى عليهو عشرة وما يتقفل
|
Post: #111
Title: Re: فنانات جنوب الحزام ..!!
Author: عمر الفاروق
Date: 02-18-2013, 04:18 PM
Parent: #110
نقطتين وجب توضيحهم..
الأولى لي ناذر..
يا ناذر ياخ والله ماا خلطت جنوب الوادي بي جنوب الحزام ..انا قاااصد ..بس بستخدم تعبير الوادي ده عشان انا امدرماني بحححت وجنني وجن الحاجات يشتهروا بيها ناس الخرطوم :)
نحن عندنا في دار الرياضة امردمان ما بنستخدم هكذا تعبير عندنا طريقنا اجمل يستخدمها ظرفاء الدار لمن يشوفو أييي زول شكلو جنوب الحزام أو اللوري حلّ بيهو يادوب ..
بي صوت وااحد يغني ليهو جميييع من في الدار :
أصييلة حنيينة يا أمدرمااان جمعتي الناس ..كل الناس.. لا كليييتي .. لا مليييتي .. :) :)
التوضيح التاني لي طلحة :
بلداً هيلي انا كلمات والحان طارق الأمين ..غناء فرقة الهيلاهوب ..
بالنسبة لي نانسي عجاج انا تعمدت يا طلحة ما أديك رأيي فيها هنا وفي البوست ده من ناحية التطريب والغناء والصوت لأنو ده موضوع تاني بجيك ليهو في حتة تانية ..
|
Post: #112
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 04:21 PM
Parent: #110
!!!!!
| Quote: والله يا عمر الفاروق أنت كاتب من جنوب الحزام عديل كدا |
غايتو الليلة دينق حا ينفش ريشكم
|
Post: #113
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 04:38 PM
Parent: #112
هلا عمر السلمة ..
| Quote: واحد صاحبنا مسمى الأورغن التكنكس (راعي البقر) هيع هيع هيع هيع..... نغمة شهيرة في الأغاني وموجودة في أغنية الصفحة التانية |
والله ذكرتني قصة حصلت لينا .. كنا في الثانوي وكان عندنا فرقة غنائية طبعا الزمن داك الأورغنات غالية نار ونادرا ما يكون في عازف عندو أورغن حقو .. كانوا بيعتمدوا على الأيجار والعازفين زاتم يعدوا على أصابع اليد الواحدة ، كنا في الفرقة بنعتمد على تأجير اورغنات من طارق العشي في الخرطوم 2 .. المهم يوم مشينا ليهو لقينا الأورغن المتعودين نأجرو منو طلع .. قام عرض لينا جهاز ياماها جديد psr 510 قال يا دوب جايبو من السعودية وقبل شوية أنتهى من برمجتو وقال لينا شيلوهو جربوهو ..
الزمن كان متضايق وعازف الأورغ رضى وشلناهو .. طلعنا المسرح طوالي للغنا في مدرسة البشير الريح بنات في الحلة الجديدة .. المهم بتاع الأورغن لمن بدا يجرب في الايقاعات لقاها كلها مبرمجة هيق .. هيق .. هيق !! طبعا ما استسغناها لكن ما كان في طريقة كل الأيقاعات السامبا والرقي والتم تم والسيرة ظاهر فيها هيق دي !!
رجعنا زهجانين وعازف الأورغن بتاعنا مشهور أنو زول ما بيتكلم كتير وزول كتوم جدا لكن الظاهر كان متضايق .. رجعنا لي طارق العشي دقينا الباب طارق فتح الباب قبل ما يتكلم بتاع الأورغن مدا ليهو الجهاز بي زهج قال ليهو : هاك أورغنك الماسكو أبو الشهيق دا
|
Post: #114
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 04:43 PM
Parent: #113
!!!!!!!!!!
Quote: عندنا طريقنا اجمل يستخدمها ظرفاء الدار لمن يشوفو أييي زول شكلو جنوب الحزام أو اللوري حلّ بيهو يادوب ..
بي صوت وااحد يغني ليهو جميييع من في الدار :
أصييلة حنيينة يا أمدرمااان جمعتي الناس ..كل الناس.. لا كليييتي .. لا مليييتي .. :) :)
|
والله دي حقارة شديدة لكن
|
Post: #115
Title: Re: فنانات جنوب الحزام ..!!
Author: محمد زكريا
Date: 02-18-2013, 05:17 PM
Parent: #114
يا عمر وناذر بقيتو ريحة البوست طير طير
كدى خلونا نسمع صوت جندريات المنبر فى البوست ده
انتو عارفين التناقض الوقعتو فيهو يعنى كلكم معجبين ومكسرين فى هاجر كباشى وبتستكروا النسخ الكوبى منها
لكن عمر الفاروق ختيتها لينا صاح المسكوت عنه ياخ خليك كده بس
بالله انا زاتى لامن جيت السودان لعرس اخوى وطبعاً خاتى عودة الايام الخوالى انه الحفلة مجاملة لى رب السماء
وناس البيت رحلوا من برى للازهرى
واتفاجاءت بقرار صارم من شباب البيت قالولى اصحابك الفنانين والعازفين لو داير تعزمهم الف مرحب لكن الحفلة عندنا فنانة قاطعة
ومن بعد المغرب بس كتمت جنس كتمة
عرفت انه المسألة دى ليها علاقة بالوضع السياسى الراهن
غايتو
نانسى يا ناذر!!نانسى يا راااااجل
|
Post: #116
Title: Re: فنانات جنوب الحزام ..!!
Author: ناذر محمد الخليفة
Date: 02-18-2013, 07:58 PM
Parent: #115
كتبت ليك كلام كتير يا مورتون لكن الجهاز علق وأتمسح ..!!
خايني أجيك بي رواقة وكويس جيتني بي فوق ..!!
|
Post: #117
Title: Re: فنانات جنوب الحزام ..!!
Author: عمر السلمة
Date: 02-18-2013, 08:58 PM
Parent: #116
لفت نظري أسماء عازفين جنوب الحزام ..
مفرتك الامة (مفرتق طبعا) طارق بنه .... التقول الأمة ناقصة فرتيق..؟؟
المدمر نيجيري ... دا عازف وللا مصارع ؟؟ تحياتي
|
Post: #118
Title: Re: فنانات جنوب الحزام ..!!
Author: ناذر محمد الخليفة
Date: 02-19-2013, 09:09 AM
Parent: #117
ههههههههه
Quote: لفت نظري أسماء عازفين جنوب الحزام ..
مفرتك الامة (مفرتق طبعا) طارق بنه .... التقول الأمة ناقصة فرتيق..؟؟
المدمر نيجيري ... دا عازف وللا مصارع ؟؟ تحياتي |
مفرتق الأمة ؟!! الزول دا عندو أورغن ولا قرنوف ؟!
عشان بس تعرف الشغلة ما عندها علاقة بالاحساس نهائي !!
|
Post: #119
Title: Re: فنانات جنوب الحزام ..!!
Author: أيمن دياب
Date: 02-19-2013, 09:33 AM
Parent: #118
يا ناذر القوز..
يا الضرابك بياكل الجوز..
شنو يااااخي.. نحنا منتظرين..
|
Post: #120
Title: Re: فنانات جنوب الحزام ..!!
Author: ناذر محمد الخليفة
Date: 02-19-2013, 09:53 AM
Parent: #119
هلا مورتون ..
Quote: يا عمر وناذر بقيتو ريحة البوست طير طير
كدى خلونا نسمع صوت جندريات المنبر فى البوست ده
|
حاجة غريبة .. البوست دا التقول حافلة ماشة تعقد !! وين الجنس اللطيف ؟ مع انو البوست بيتكلم عن فنانات ؟!!
Quote: انتو عارفين التناقض الوقعتو فيهو يعنى كلكم معجبين ومكسرين فى هاجر كباشى وبتستكروا النسخ الكوبى منها
|
النسخ كلها مضروبة .. محاولات تقليد واستنساخ غير مستساغة في معظم النسخ عارف زي شنو ؟!
زي تكون معجب بي محمد الأمين ويظهر زول يقلدو وينجح في تقليدو لكن بدل يغني ليك زاد الشجون يغني ليك زيد المي واسايابريدك سميري زي ريدة جنايا .. .. وبدل يغني ليك بتتعلم من الأيام يغني ليك يا حليل ايام المغارز حبيبي في سريري وما في زول فارز ..!!
شفت كيف ؟
Quote: بالله انا زاتى لامن جيت السودان لعرس اخوى وطبعاً خاتى عودة الايام الخوالى انه الحفلة مجاملة لى رب السماء
وناس البيت رحلوا من برى للازهرى
واتفاجاءت بقرار صارم من شباب البيت قالولى اصحابك الفنانين والعازفين لو داير تعزمهم الف مرحب لكن الحفلة عندنا فنانة قاطعة
ومن بعد المغرب بس كتمت جنس كتمة
|
تعرف يا مورتون أيام زواجي أستمرت زي عشرة يوم ما بين قيدومات وحنن .. كانت عبارة عن لبن سمك تمرهندي ومن الأيام المابنساها .. ود عمتي عمل لي قيدومة كدة جاب لي فنانة اسمها نانسي الانقاذ .. دي غايتو عملت عمايل وأطربت الناس طرب لدرجة انو حاولوا يقنعوني أجيبا في العرس !! قلت ليهم أنتو دايرني تنحروني ولا شنو ؟ البت غناية وكل حاجة لكن حدها القيدومة دي بس !!
تاني يوم شباب كلية الموسيقى عملوا لي يوم خطير .. فرقة مكتملة وفنانين جد وشغل علمي نضيف ..
اليوم البعديهو الشغلانية قلبت .. اخوي جا من برة وهو بتاع مديح .. ضبح كدة وعمل فتة ورز ورز بي لبن وجاب الجيلي الصافي .. كان يوم غريب بالجد ..!
وفي يوم كان جلسات بالعود مع فنانين شباب وناس نجوم الغد ..
يعني أي زول واي مجموعة داير يعزك بي طريقتو واسلوبو وطبعا ما بترفض وتقول لا ..
أما اليوم الخطير بالجد فبرضو مجموعة من اصحابي عملوا لي حنة كدة غنوا فيها زي أربعة صواميل !! غايتو أنا حمدت الله الحفلة ما كانت في بيتنا .. هجيج غريب وعجيب وكمان بعد الساعة حداشر كتموها بي دلوكة وحنة وشيشة وحاجات تانية حامياني ..!!
غايتو أنا قربت اخلي العرس وأغير رايي !!
| Quote: نانسى يا ناذر!!نانسى يا راااااجل |
يا مورتون اها عندك كلام ؟ ولا أنت قصدك نانسي الانقاذ الذكرتها أنا فوق !!
|
Post: #121
Title: Re: فنانات جنوب الحزام ..!!
Author: ناذر محمد الخليفة
Date: 02-19-2013, 09:54 AM
Parent: #119
هلا ايمن ..
Quote: يا ناذر القوز..
يا الضرابك بياكل الجوز..
شنو يااااخي.. نحنا منتظرين.. |
أمبارح عملت محاولات كدة ما نجحت .. إنشاء الله الليلة ولا بكرة الشغلانية تظبط ..!
|
Post: #122
Title: Re: فنانات جنوب الحزام ..!!
Author: الخير محمد عوض
Date: 02-19-2013, 10:05 AM
Parent: #121
ناذر بتبالغ ياخ ياااا عمنا انا مش صاحبك ياخ كان تلاقيني في ردهات الفيسبوك وتقول لي تعال شوف الهجيج دا ههههههههه معقولة ياخ بوست زي البوست زي دا الحقو في الصفحة الرابعة !!!!
طبعا الواحد بقى شغال بنظرية بس بعاين بعيوني وكدا :)..... لكن الريحني في كنكوجي صاحبي عمر الفاروق الزول دا في الحتات دي انا بشوف فيهو ود امدرمان التفتيحا والشايل مفاتيحا لانو
بجيبها ليك من الاخر وبديك الزيت ... هسي انا كلامي الداير اقولو كووووووولو لقيتو قالو بضبانتو, عليه حا اقعد نظام عزيزي المشاهد وامتع روحي بالدهشة :)
تحيتي يا حبوب واخوك جاي قرييييييب جهز لي من جنوب وشمال واعلي واوسط الحزام زاتو :)
|
Post: #123
Title: Re: فنانات جنوب الحزام ..!!
Author: طارق ميرغني
Date: 02-19-2013, 10:16 AM
Parent: #122
طولنا من بوستات جميله زي دي اخي ناذر
وبالله بالنره رسل لينا كم فلاش عينه مع تمبس
من جنوب الحزام يكون كبابشي المقاطع
ههههههههههههههههههههههههه
|
Post: #124
Title: Re: فنانات جنوب الحزام ..!!
Author: ناذر محمد الخليفة
Date: 02-19-2013, 10:26 AM
Parent: #122
Quote: ياخ بوست زي البوست زي دا الحقو في الصفحة الرابعة !!!!
|
الرابعة شنو يا الخير .. كتمتها بي مداخلتك وقلبتها للخامسة هههههههه
والخامسة عندنا معناها تعمل ساتر لأنو فيهو غنية جديدة من غنا فنانات جنوب الحزام ...
وعشان أنت زول مبروك وأنت القلبتها هوبا حا أقوم أهديك الغنية دي .. رايك شنو ؟
|
Post: #125
Title: Re: فنانات جنوب الحزام ..!!
Author: ناذر محمد الخليفة
Date: 02-19-2013, 10:56 AM
Parent: #124
كيفك طارق ..
Quote: طولنا من بوستات جميله زي دي اخي ناذر
وبالله بالنره رسل لينا كم فلاش عينه مع تمبس
من جنوب الحزام يكون كبابشي المقاطع
ههههههههههههههههههههههههه |
زي الفلاشات دي انا ما بفرط فيهم لكن بنزلا ليكم بالقطارة ..
يعني هسي في البوست دا نزلوا خمسة أغاني من جملة حوالي 500 غنية كدة ..
ما تستعجل قربو يخلصوا ههههه
|
Post: #126
Title: Re: فنانات جنوب الحزام ..!!
Author: أيمن دياب
Date: 02-19-2013, 03:58 PM
Parent: #125
ياناذر أنا بتهم الفنانات ديل بالترويج لمسألة القبلية وفي بعض الأحيان العنصرية..
يعني لما الواحد تقولي ليك جعلي من المتمة.. في اللحظة دي شعرك كلو يقوم صوف..
وتشعر بالدم طلع في عروق راسك.. وتشيلك الهاشمية وتمشي تنقط المية..
ولما تقول ليك مكتبو في السجانة وأنا ما قصدي الخيانة..
تقوم تبشر وتديها كلمتين في أضانا تقول ليها بكرة بشحن ليك بوكسي بتاع سراميك في بيتكم..
|
Post: #127
Title: Re: فنانات جنوب الحزام ..!!
Author: عمر الفاروق
Date: 02-19-2013, 05:02 PM
Parent: #126
Quote: لكن الريحني في كنكوجي صاحبي عمر الفاروق الزول دا في الحتات دي انا بشوف فيهو ود امدرمان التفتيحا والشايل مفاتيحا لانو
بجيبها ليك من الاخر وبديك الزيت ... |
الخير يا حبوووب..
كدي وريني الحتت التانية البكون فيها ماااا ود امدرمان عشان ازوغ منها
|
Post: #128
Title: Re: فنانات جنوب الحزام ..!!
Author: ناذر محمد الخليفة
Date: 02-19-2013, 06:00 PM
Parent: #127
أيمن دياب ..
Quote: ياناذر أنا بتهم الفنانات ديل بالترويج لمسألة القبلية وفي بعض الأحيان العنصرية..
يعني لما الواحد تقولي ليك جعلي من المتمة.. في اللحظة دي شعرك كلو يقوم صوف..
وتشعر بالدم طلع في عروق راسك.. وتشيلك الهاشمية وتمشي تنقط المية..
|
ققل كم سنة أنا ودينق أشتبكنا لأني نزلت أغنية من واحدة من فنانات جنوب الحزام وأتهمتها بأنها فنانة عنصرية ودينق دخل سالني الجديد شنو وأنا نزلت ليهو غنية في بوست منفصل فيها تعابير عنصرية زي (حنانا خوة خدم و######انة) .. غايتو راجع الرابط دا :
تعال يا دينق أسمع الغنية دي عشان تاني ما تسألني : الجديد شنو ؟!!
Quote: ولما تقول ليك مكتبو في السجانة وأنا ما قصدي الخيانة..
تقوم تبشر وتديها كلمتين في أضانا تقول ليها بكرة بشحن ليك بوكسي بتاع سراميك في بيتكم.. |
وهي العويرة تقوم تصدق وتزيد في العيار مش ؟!!
دي أغاني بيشيلا الهواء والبيحدد مصيرا بتاع الساوند لمن يقرر يقفل الساوند ولا يجر الوصلة خمسة دقائق ..!!
يعني مفعول الهاشمية بيفك بالليل وما بيعمل ليك (هانق أوفر) يبيتك للصباح يخليك تتهور بي بوكسي سراميك ..!
|
Post: #129
Title: Re: فنانات جنوب الحزام ..!!
Author: جمال ود القوز
Date: 02-19-2013, 06:29 PM
Parent: #128
ياناس الفن الهابط إزيكم ..........
ناذر .....
غايتو الواحد مرات نفسو بتهفو لي ..
حاجه بلديه ولايوقه ..
فبقوم يتناول الحاجات الحرشه دي ..
هاجر كباشى ......
خامة صوت جيد ..
بعدين في واحده تانية رهيبة ..
بفتشا وبجيكـ تاني ..
|
Post: #130
Title: Re: فنانات جنوب الحزام ..!!
Author: tabaldy
Date: 02-19-2013, 07:10 PM
Parent: #129
لكن زولك الأداك فلاش العباسية دا مبالغة
أها أنا لامن قلت ليك صامولة كنت سمعت عباسية وقايلك شامل الصواميل والقونات
Quote: أنا الملف جاني مكتوب فيهو عباسية سمعت الغنية طوالي صنفت صاحب الصوب بت ما ولد ؟!!
|
كدي خش اليوتيوب وشوف عباسية دا بعمل في شنو، وحاول ركز علي المقطع النازل في بداية الفيديو، واحدة كدا عملت عمايل في ثواني الفيديو الأولى
ما تسألني من الرابط
بالنسبة لي ترجمات كتمة وقونة والحاجت التانية الواردة في مداخلة في البوست دايرة مراجعة من معامل أنيس عبيد
إنت حضرت الياماها بي دبل أس وبي أس أر والجي في سي ستمية وسبعمية وتمنمية؟
|
Post: #131
Title: Re: فنانات جنوب الحزام ..!!
Author: اسلام عبد الرحمن عمر
Date: 02-19-2013, 07:24 PM
Parent: #129
الفنان ناذر بوست كاااااااااااااااتم على قولة الجماعه (كتمت ) هههه
جينا متاخرين لكن قاعدين وراء الساون وحات الله نحنا الحته البتضرب فيها الكشافات فى الحفله مابندورا
مستمتعين شدييييييد بالكتابه الطاعمه دى ..
زمان يا ناذر لمن ظهرت حنان بلولو يا دابك جاتنا فى كوستى فى السينما كانت الحفله الزمن داك كان عندها شريط ملهلب شديد متذكرو بتاع (حماده دا ... حماده بابو جمب بابنا حماده بوظ اعصابنا )
المهم الشريط كان مكسر الدنيا وفيها اغانى تانيه منها الحبشى وغيروا ,, الفتره ديك كانت حنان بلو بلو متسيده الساحه طولاً وعرضاً وكانت بالنسبه للفنانات الفى الزمن داك ذى فنانات جنوب الحزام اسسسع
يعنى بالنسبه لى (حنان النيل _ امال النور _ حنان الصغيره _ زينب الحويرص ) شفت كيف ,, نرجع لى موضوع الحفله فى السنما طبعاً الموضوع ماكان هيييين ياعمك الموضوع فيهو رقيص وكده
والله صحى حنان بلوبلو دى نخش ليك فى النص فى صولا كد وتحتو ليك ذى المافيها عضم (شباااااااااااااااب كانت ) اها اتذكر انصار السنه كان فرتكو الحفله عشان قالو حنان بلوبلو كانت بترقص ولابسه
عريان وشنو ماعارف كده المهم .. قصة الرقيص دى ما اظنها اسسسع جزء من ثقافة فنانات جنوب الحزام .. يعنى انا حضرت لى رقيص ليهم على استحيا كده ..هههه بعدين فى حاجه تانية ياعمك
فى حنك بتاع اغانى بتاعت بوليص ومابوليص و 3 تسعات والنظام العام ههههههههههه ياخ عليك النبى كان ماجبت لى غنيه من بتاعات البواليص ديل ههه
خالص الود وبنجحى راجعين ان الله هون ... تسلم يا جميل
|
Post: #132
Title: Re: فنانات جنوب الحزام ..!!
Author: عمر السلمة
Date: 02-20-2013, 07:36 AM
Parent: #131
سلااااااام
Quote: كدي خش اليوتيوب وشوف عباسية دا بعمل في شنو، وحاول ركز علي المقطع النازل في بداية الفيديو، واحدة كدا عملت عمايل في ثواني الفيديو الأولى
ما تسألني من الرابط |
صدق انا برضو قلت ما في داعي للرابط خلي الناس براها تمشي وتشوف الجدع الجد جد ...قال شنو ؟؟ ورا ورا ورا
|
Post: #134
Title: Re: فنانات جنوب الحزام ..!!
Author: ناذر محمد الخليفة
Date: 02-20-2013, 01:53 PM
Parent: #132
ود القوز جمال ..
Quote: ناذر .....
غايتو الواحد مرات نفسو بتهفو لي ..
حاجه بلديه ولايوقه ..
فبقوم يتناول الحاجات الحرشه دي ..
|
والله كلنا بتهف لينا .. بس كيف زي نوعية الأغاني دي تكون في أطار محدد ولمناسبات معينة .. وتكون زي الكلينكس تستخدم مرة واحدة وبس ..!
|
Post: #135
Title: Re: فنانات جنوب الحزام ..!!
Author: ناذر محمد الخليفة
Date: 02-20-2013, 02:00 PM
Parent: #132
تبلدي ..
Quote: لكن زولك الأداك فلاش العباسية دا مبالغة
أها أنا لامن قلت ليك صامولة كنت سمعت عباسية وقايلك شامل الصواميل والقونات
|
الصواميل مدخرم لي بوست منفصل بس الظاهر في موضوع عباسية تشابه علي الاختصاص ..!!
| Quote: إنت حضرت الياماها بي دبل أس وبي أس أر والجي في سي ستمية وسبعمية وتمنمية؟ |
لا حوللااااااااه رجعتني أظن عشرين سنة لي ورا ..!!
انا متذكر خالد الصحافة مرة كدة ظهر بي اورغن يا ماها 6000 جهجه ليك الجماعة .. اظن أشتغل بيهو اغنية الم الفراق لي ابراهيم عوض .. كانت برمجتو مجنونة جد .. بعد داك نزار حامد ظهر بي ياماها 600 وفي عازف اسمو نادر دنجل ظهر بي تكنكس 2000 تقريبا .. الزمن داك كان ظهور أورغن جديد يعتبر خلعة والناس كلها بتحكي عنو .
|
Post: #136
Title: Re: فنانات جنوب الحزام ..!!
Author: ناذر محمد الخليفة
Date: 02-20-2013, 02:06 PM
Parent: #132
هلا الفنان اسلام ..
وكويس جيت من ورا الساوند ..
Quote: والله صحى حنان بلوبلو دى نخش ليك فى النص فى صولا كد وتحتو ليك ذى المافيها عضم (شباااااااااااااااب كانت ) اها اتذكر انصار السنه كان فرتكو الحفله عشان قالو حنان بلوبلو كانت بترقص ولابسه
عريان وشنو ماعارف كده المهم .. قصة الرقيص دى ما اظنها اسسسع جزء من ثقافة فنانات جنوب الحزام .. يعنى انا حضرت لى رقيص ليهم على استحيا كده ..هههه بعدين فى حاجه تانية ياعمك
|
إيييييييييييييه المقارنة معدومة بين حنان بلو بلو .. انت عارف فنانات جنوب الحزام بيرقصوا في نهاية كل فاصل ونهاية الحفلة .. لكن أكتريتم ما بيعرفوا يرقصو ورقيصم شتر مقارنة بي حنان ..
حنان الرفيعة البانة والجسم المتناسق زمان .. وين هسي لي فنانة مكتنزة شحم ولحم وكريمات .. الرقبة طبقات طبقات زي الأكورديون .. لمن تكون دايرة تتلفت لي بتاع الأورغن ساي عشان تديهو ملاحظة الا تلف بي زاوية منفرجة ..!!
رشاقة معدومة بالمرة .. وبعد دا كمان عندها نفس ترقص !! ياخي لمن تتخج وترقص تحلف تقول حا تطرشق قدامك وتخليك تعمل ساتر من تطاير اللحوم والشحوم .. !!
Quote: فى حنك بتاع اغانى بتاعت بوليص ومابوليص و 3 تسعات والنظام العام ههههههههههه ياخ عليك النبى كان ماجبت لى غنيه من بتاعات البواليص ديل ههه
|
والله بيكون في .. بس دايرة تفتيش كان ربنا هون نلقاها ننزلا ..
|
Post: #137
Title: Re: فنانات جنوب الحزام ..!!
Author: ناذر محمد الخليفة
Date: 02-20-2013, 02:12 PM
Parent: #136
هههههههههه بالغت يا هوشمنو هوشمنو .. ما بسألك هههههههههه
|
Post: #138
Title: Re: فنانات جنوب الحزام ..!!
Author: zico
Date: 02-20-2013, 09:03 PM
Parent: #137
ناذر سلامات
موضوع كالعادة شيق
حبيت اشارك بالصورة دي
اتمنى اني ما اكون مرقت من الموضوع
|
Post: #139
Title: Re: فنانات جنوب الحزام ..!!
Author: ناذر محمد الخليفة
Date: 02-21-2013, 09:39 AM
Parent: #138
زيكو ...
Quote: اتمنى اني ما اكون مرقت من الموضوع
|
مرقت شنو ياخ .. صورتك دي يا ها الموضوع زاتو !!
عليك الله جبتها من ياتو حنانة هههههههههههههه
|
Post: #140
Title: Re: فنانات جنوب الحزام ..!!
Author: ناذر محمد الخليفة
Date: 02-21-2013, 10:47 AM
Parent: #139
مرقنبو قرنبو ..
Quote: يا ناذر كيفك
ياخى دى ونسة في اوضة عزابة كهربتهم قاطعة ومولعين ليهم شمعه كده لاصقنها في الحيطة لمن عاملة شخيت اسود لى فووووق .
انا غايتو لمن وصلت الصفحة الخامسة ما حسيت ليك بى نفسى والا قاعد اكتب في الكلام التحت ده
المهم يا مان خصمتك في ضمتك دى .. بكره كان لقيت ليك واحدة من فناناتك ديل بتغنى فيها ادى اخوووك الفيها النصيب .
|
كتلتني بالضحك يا خي بي قصيدتك الجنوب حزامية دي ههههههه
Quote: الفنانة عشة جبخانة ( انت في واحده اسمها كده ؟ هههههههههه
هوووووى يا انتو
الفينى سببو انتووووووو
تطقطق في اللبانة .... هوووووى يا انتو
دى الماسحة الديانا ........ هوووووى يا انتو
وماسحة كمان ديانه ............... هوووووى يا انتو ( دييين تك )
طار البلنتى والناس دى راجيانا .......... هوووووى يا انتو
تم تررم تم تررررررم هنا في رقيص عجاجو لاوى ..يعنى لازم تعمل حسابك من الحصحااااص والكتاحة .
الصفقة تعبانة ...
وسجم الما بصفق معانا
اجى اجى اجى انتو هنا مافى غرابه ( دى طبعا بتقولها وبتكون بتقش في عرقها .. يعنى فرصة لغاية كواريك الغرابة ما تنتهى )
الجعلي البريدو .....
ونفسي اكون وريدو ....
وسبام في بريدو ..... هوووووى يا انتو
اتفيس معاهو واتوُوُوُتر شان رضاهو ( طبعا النقاطة هنا الا تكون فلاشات 32 قيقا وانتى ماشي)
|
هههههههه بس في حاجة فاتت عليك .. فنانات جنوب الحزام ما محتاجات لي شاعر او قصيدة جاهزة .. ما عندهم زمن للحفظ .. هسي في ذمتك النماذج الأنا منزلا دي بتدل على انو الفنانة حفظت القصيدة أول ؟! يا خي ديل عبقريات عبقرية فذة .. وادي عبقر شنو ووادي سيدنا شنو ؟ ديل بديهتم حاضرة بيألفوا القصيدة ويلحنوها وكتيا..
تاليف بيت الغنية بيتم في ثانيتيين وتلحينو في الثانيتين البعديهم وغناهو في الثانيتين البعد ديل ..!! شفت العبقرية دي ؟ ستة ثواني ولا أزيد هي زمن تاليف وغناء الاغنية وطبعا العازف جاهز ومتحسب لي كل التخريمات ومتعود عليها ...!! تقول لي قصيدة جاهزة ؟! زي قصيدتك دي شوف ليك قونة داقسة من شمال الحزام تلحنا وتغنيها .. اصلو ديل هم المتقهمات والمتطهمات و جنس الارتجال والنجر ما بيقدروا عليهو ..! فالحين بس للحفظ !!
|
Post: #141
Title: Re: فنانات جنوب الحزام ..!!
Author: ناذر محمد الخليفة
Date: 03-15-2013, 09:01 PM
Parent: #140
|
|