Post: #1
Title: قرار بتأنيث أسواق الملابس النسائية في السعودية (ناسنا شوفوا ليهم حل)!!
Author: ناذر محمد الخليفة
Date: 07-07-2013, 03:30 PM
Parent: #0
ومنع الرجال من العمل في محال بيع الملابس النسائية ..!!
يا جماعة قرار زي دا محتاجنو هنا بشدة والله ..!!
يعني ما ممكن تكون أسواق الملابس النسائية في الأسواق هنا -سعد قشرة - السوق الشعبي - سوق ليبيا - السوق العربي - متحكمين فيهو الرجال ..!
نعم مهنة شريفة لكن والله شايفا شينة في حق راجل فاتح محل زي دا تجيهو واحدة دايرة تشتري بلوزة ويدور نقاش زي دا :
الواحدة : بالله دايرة بلوزة مقاس 14 ..!
البائع يديها البلوزة والواحدة تجرب البلوزة بي فوق هدوما من غير تلبسا !
الواحدة : دي صغيرة ما مقاسي جيب مقاس أكبر !!
يقوم البائع بدون خجل يكشف للواحدة من تحت لي فوق !!
البائع : لا لا يا هو مقاسك تمام .. بيجي معاك زي الحلاوة ..!
تخيلو هم بيتغالطوا في المقاس والبائع المسكين الداير يخارج بضاعتو طول الوكت يعاين ليها ويجس فيها ! ..
والله ما فضل الا يقول ليها كدي أملصي اللابساهو دا خليني النلبسا ليك عشان تقتنعي !! (زي ما بيعملوا بياعين الجزم الرجالية .. لمن تغالطوا في مقاس جزمتك يقعدك في الكرسي بتاع الحبل العامل زي النقالة داك !ويجيب البتاعة العاملة زي المعلقة ديك يحشرا بي هنا وبي هنا لحدي ما الكراع تنزل) ..!
والغريبة ما بيديك المعلقة دي تشيلا معاك بيتكم مع الجزمة !!
اتخيلوا يا شباب دي بلوزة .. لكن اتخيلو تاني واحدة جاية تشتري ستيانة واتغالطوا في المقاس والبائع يشيل ويعاين محل بيختوا الستيانة وما فضل الا يجي يبلسا للواحدة دي عشان يقنعا ..!
الكلام دا ما عوج يا أخوانا ؟!!
|
Post: #2
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: Asim Fageary
Date: 07-07-2013, 03:35 PM
Parent: #1
غايتو يا ناذر الحمد لله الوقفت لحد عند الستيانة وفرملت الخوف يا غالي تسرح طوالي
ونلقاك في حتات تانية كمان صعب يتعرف فيها المقاس بالعين المجردة
|
Post: #3
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: محمد عبد الله الامين
Date: 07-07-2013, 03:43 PM
Parent: #2
| Quote: الكلام دا ما عوج يا أخوانا ؟!! |
اعوج ونص يا ناذر يا خوي واتمني من المسئولين بالبلاد ( ناس الشريعة الاسلامية ) إتخاذ قرار بمنع بيع الرجال للمستلزمات النسائية
وكمان رجال الاعمال واصحاب المحلات تعيين موظفات وانا متاكد أن أغلب الزبونات سوف تذهب للمحلات الفيها
بائعات عشان ياخدن راحتن في الشراء ... ومن باب توظيف النساء المحتاجات للعمل كمان ...
|
Post: #4
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-07-2013, 03:54 PM
Parent: #3
سلام عاصم ...
Quote: غايتو يا ناذر الحمد لله الوقفت لحد عند الستيانة وفرملت الخوف يا غالي تسرح طوالي
ونلقاك في حتات تانية كمان صعب يتعرف فيها المقاس بالعين المجردة |
والله نويت أسرح من باب توضيح خطورة الحاجة ومن باب لا حياء في توصيل المعلومة لكن قلت أقيف لحدي هنا وأخلي القراء يطلقوا العنان لي خيالاتم ويتخيلو شكل الأسئلة والأجوبة المفترضة بين البائع والزبون ..!
|
Post: #5
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-07-2013, 04:00 PM
Parent: #3
سلام محمد عبد الله الأمين ..
| Quote: عوج ونص يا ناذر يا خوي واتمني من المسئولين بالبلاد ( ناس الشريعة الاسلامية ) إتخاذ قرار بمنع بيع الرجال للمستلزمات النسائية |
انا متذكر اول ما الحكومة دي جات طلعت قرار منعت الرجال من العمل في في محلات الكوافير .. ما عارف نست باقي المحلات مالا ..!
Quote: وكمان رجال الاعمال واصحاب المحلات تعيين موظفات وانا متاكد أن أغلب الزبونات سوف تذهب للمحلات الفيها
بائعات عشان ياخدن راحتن في الشراء ... ومن باب توظيف النساء المحتاجات للعمل كمان ... |
يا ريت .. لكن في ملاحظة .. المحلات الكبيرة والمتوسطة والبوتيكات الفخمة خارج منظومة الأسواق الشعبية بيوظفوا نساء للعمل فيها ..!
يا خي والله أنا لمن امشي البوتيكات دي مع زوجتي بخجل أخش معاها عشان ما اسمع نقاش النسوان في بعضم في الأمور دي وبقضل انتظر برة المحل فما بالك رجال دي مهنتم وشغالين فيها وبيحتكوا بالنسوان طيلة الوقت وعارفين مقاساتم على طريقة (المقاس بالنظر) ..
لا وكمان يغالط المرة في صمة خشم مقاس ستيانتا وطرحتا و......!!!
|
Post: #6
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-07-2013, 04:03 PM
Parent: #5
الشي البيحيرني انو عروبنا الشغالين الشغلة دي ما بيرضوا في حريمم وبناتم أي حاجة .. كان جات واحدة منهن ماشة في الشارع وهو معاها وعاينت ليها بالغلط ساي يمين بالله سكينتو تاباك !!
وبعد ما يجقدك بي سكينتو يرجع دكانوا يغالط الحريم في مقاسات لباساتن !!
|
Post: #7
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: عمر الفاروق
Date: 07-07-2013, 04:14 PM
Parent: #6
قبال ما بكري يطلع قرا بتأنيث بوستات النساء يا ناذر ..:)
عارف يا حبوب بي نفس فهمك وقناعاتك دي فمفروض البوست ده تفتحو مرا ..ولا شنو ؟؟
|
Post: #8
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ولياب
Date: 07-07-2013, 04:19 PM
Parent: #6
سلام يا ناذر
الموضوع تمام وأنت في إمكانك تقود حملة (أضعف الايمان) على الفيس بوك وتكسب مؤيدين ومؤيدات ، والفكرة تبقى واقع لأن الخصوصية النسائية من شأن النساء ولا سيما في ملابسهن (الداخلية) وما تبعها .
يلا ، أبدأ
والسلام
|
Post: #9
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: عادل الباهي عبدالرازق
Date: 07-07-2013, 04:19 PM
Parent: #6
ياناذر غايتو زماااان في السوق الشعبي الخرطوم الملابس الداخلية
الجماعة بيسموها غطاء التنك الآن ماعارف ههههه .
دي التجارة الوحيدة المفترض يمنع عرض وبيع الرجال لها ، أنا لو كنت المسئول
بمنع بيعها بواسطة الرجال والبيضبطو بمعروضات زي دي تكون التهمة زي حيازة البنقو هههههه .
|
Post: #10
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-07-2013, 04:41 PM
Parent: #9
كيفك يا عمر ...
| Quote: عارف يا حبوب بي نفس فهمك وقناعاتك دي فمفروض البوست ده تفتحو مرا ..ولا شنو ؟؟ |
مروات البورد ما فاضين لي مواضيع انصرافية زي دي وأكتريتن من دعاة المساواة مع الرجل (طبعا مساواة من طرف واحد زي حكاية الحريات الأربعة مع مصر .. يعني بيقبلو الراجل يبقى زيهن ويبيع ليهن ملابس نسائية لكن هن أصلو ما يبقوا زي الراجل ويشتغلوا في السباكة أو النقاشة ) ..!
بعدين أنا شايف العكس .. مفروض يفتحوا راجل لأنو الراجل هو المتضرر كون شايف مرتو أو أخواتو أو بناتو بيشتروا ويتناقشوا مع رجال لمن يجوا يشتروا حاجاتم النسائية ..!
دي زي نكتة الصعيدي المشى دكتور النساء مع مرتو والدكتور طلع راجل ..!!
عارفو قال ليهو شنو وانتقم منو كيفن ؟؟؟؟!!
حا احكيها ليك بعد شوية في الماسنجر ..!!
|
Post: #14
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: أيمن الفاضل
Date: 07-07-2013, 04:53 PM
Parent: #10
Quote: مروات البورد ما فاضين لي مواضيع انصرافية زي دي وأكتريتن من دعاة المساواة مع الرجل (طبعا مساواة من طرف واحد زي حكاية الحريات الأربعة مع مصر .. يعني بيقبلو الراجل يبقى زيهن ويبيع ليهن ملابس نسائية لكن هن أصلو ما يبقوا زي الراجل ويشتغلوا في السباكة أو النقاشة ) ..!
|
ناذر بل راسك 
| Quote: حا احكيها ليك بعد شوية في الماسنجر ..!! |
لكن كدا ما حتكون بالغت معانا
أحكي أحكي ما تلاوز 
|
Post: #11
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: عمر الفاروق
Date: 07-07-2013, 04:43 PM
Parent: #9
ثم رأيكم شنو في ملابس الرجال البيبيعوها النسوان؟؟؟
تخريمة:
يا ناذر الله لا جابك موقف الشهدا وشارع الدكاترة ..في واحد هناك ببيع فراشي في ملابس الحريم لذيييذ بيكورك ليهو كوراكا كده موباالغة ..:):)
|
Post: #12
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-07-2013, 04:47 PM
Parent: #9
سلام ولياب ..
| Quote: موضوع تمام وأنت في إمكانك تقود حملة (أضعف الايمان) على الفيس بوك وتكسب مؤيدين ومؤيدات ، والفكرة تبقى واقع لأن الخصوصية النسائية من شأن النساء ولا سيما في ملابسهن (الداخلية) وما تبعها . |
فكرة والله .. إنشاء الله حا أعمل القروب بعدين وإنشاء الله يجيب نتيجة ...
|
Post: #13
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-07-2013, 04:50 PM
Parent: #9
سلام عادل الباهي ..
Quote: اناذر غايتو زماااان في السوق الشعبي الخرطوم الملابس الداخلية
الجماعة بيسموها غطاء التنك الآن ماعارف ههههه . |
ههههههه والله أنا زاتي ما عارف .. لكن للضمان كدة هسي بيكونوا سموها التنك زاتو ...!
Quote: دي التجارة الوحيدة المفترض يمنع عرض وبيع الرجال لها ، أنا لو كنت المسئول
بمنع بيعها بواسطة الرجال والبيضبطو بمعروضات زي دي تكون التهمة زي حيازة البنقو هههههه . |
والله ممكن الرجال يتاجروا فيها ويوردوها ويفتحوا دكاكين وكل شي ..
بس لازم الببتبيعا تكون سيدة .. والراجل انشالله يقعد بعيد في الكاشير ويعمل فيها ما سامع او مفسبك بالتلفون ..!
|
Post: #15
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-07-2013, 04:56 PM
Parent: #13
أم مؤيد سلام ..
| Quote: ا استاذ نازر كنت عايزة اقول ليك ممكن يعملو غرفة قياس منفصلة بعيييييييد من محل العرض وكفى الله المؤمنين شر القتال . لقيت روحي شترا شترا كدا مع سوق سعد قشرة داك وسحبت كلامي ما تعتمدو كويس . هههههه |
هههههههههههه فعلا شتارة خالص ..!!
غرفة منفصلة وكمان بعيييييييييييد !!! يا خي هو الدكان كلو تلاتة في تلاتة دا لو ما أصغر كمان دايرة غرفة منفصلة ..!
حتى لو في غرفة منفصلة التجار ديل لواويق وما بيخلوا الزبون يطلع منهم بالساهل .. يعني بعد ما تقيسي الحاجة الشلتيها وتقولي ضيقة أو واسعة يقعد يغالطك فيها كأنو قاسا معاكي وتكوني كدة لا رحتي لا جيتي !!
دا لو ما قال ليك بي كل براءة : أمشي جربيها تاني وأنا بجي معاكي عشان اشوف بي نفسي !!
خيابة الرجال كتيرة خلاس الزمن دا !!
|
Post: #16
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-07-2013, 05:02 PM
Parent: #13
عمر ...
| Quote: م رأيكم شنو في ملابس الرجال البيبيعوها النسوان؟؟؟ |
وين ديل ؟! وصفم لي ؟!
نحنا الرجال يا عمر ما عندنا حاجات كتيرة يلبسوها ويستعملوها زي النسوان .. ومرات في الحر بنمشي تيوب ليس عديل ..! ولو جينا نشتري أي حاجة بالنظر ساي بنعرفو مناسب ولا لا ..
لكن سبحانك ربي ..! المرة تطلع من بيتا وهي عارفة مقاس الحاجة الماشاليها وبعد دا تصر تجرب الحاجات ..1
بعدين ملابس الرجال البيبيعوها النسوان هي كمها ؟!!
في شنو غير الفنلة والبرمودا والبوكسر وكم عراقي كدة وشراب ؟!
| Quote: يا ناذر الله لا جابك موقف الشهدا وشارع الدكاترة ..في واحد هناك ببيع فراشي في ملابس الحريم لذيييذ بيكورك ليهو كوراكا كده موباالغة ..:):) |
هههههههههههههههههههههههههههههه والله اتخيلت منظرو وصوتو وكمان بالألحان ههههههههههه ..!
ما في واحد جا هو وقال ليهو دا شنو يا النعجة البتسوي فيهو دا ؟!!
|
Post: #17
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-07-2013, 05:11 PM
Parent: #16
أيمن كيفك ..
أنا قلت حاجة غلط ولا شنو هههههههههه
كلم عمر الفاروق يرسل ليك النكتة عشان العندي خلصوا هههههه
|
Post: #18
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: Salah Abdulla
Date: 07-07-2013, 05:33 PM
Parent: #17
سلام يا ناذر ..
المشكلة الهدوم ( مكس ) رجالي حريمي بناتي ...
تلقى شغل الرجال مع شغل النسوان، أها تعمل شنو هناااااا؟؟
أول إنتا بأأأأأأه..
عمر بتاع شارع الدكاترة كان بيكورك يقول شنو!!
|
Post: #19
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-07-2013, 08:09 PM
Parent: #18
سلام صلاح ..
Quote: لمشكلة الهدوم ( مكس ) رجالي حريمي بناتي ...
تلقى شغل الرجال مع شغل النسوان، أها تعمل شنو هناااااا؟؟
أول إنتا بأأأأأأه.. |
طبعا دي موجودة لكن التخصص (الدقيق) في ملابس الحريم دا دكاكينو منفصلة غالبا .. دا تخصص داير ناس متخصصين ناس الهدوم الرجالية ما بيعرفوهو .. ولو عرفوهو ما بيقدرو يجيبوهو .. وييين يا عمك مع الجماعة البيعرفو مقاسات الخصور والصدور والارداف البتميز السودانيات ..!!
| Quote: عمر بتاع شارع الدكاترة كان بيكورك يقول شنو!! |
خلي خيالك واسع يا صلاح ياخ ..!!
شفت البتاعة البتقول (جبناها بالطيارة وبايعنها بالخسارة ديك) ؟!
بس إنت غير السلم لي سي بيمول مع تمامة خيال بتعرف الحاصل براك ...!
|
Post: #20
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: مهدي صلاح
Date: 07-07-2013, 10:52 PM
Parent: #19
القرار في السعودية سعودة وتانيث
جماعتنا ما مضمونين بكرة يتانث سوق المستلزمات النسائية بس جمع مؤنث اجنبي ونحنا خلقة كدة عندنا عقدة اجانب واي واحد يجينا في السودان بنشوفوا (خبير اجنبي)
التحية لكم الاخ ناذر ولجميع المتواجدين في السوق دا
شايف البوست لم يجذب زبونة حتى الان
|
Post: #21
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-08-2013, 09:01 AM
Parent: #20
سلام مهدي صلاح ..
Quote: ح
القرار في السعودية سعودة وتانيث |
البياعات البنقاليات والهنديات والمصريات ذنبهن شنو ؟!
السعوديات بيستعملوا حاجات باقي الجنسيات ما بيعرفوها ولا شنو ؟!
| Quote: شايف البوست لم يجذب زبونة حتى الان |
أم مؤيد التحت في الفيس دي ما شفتها ولا شنو ؟!
العضوات الهنا مشغولات مع ثورات التحرر في مصر ونيالا .. خلهن بي راحتن ..ّ
|
Post: #22
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: MOHAMMED ELSHEIKH
Date: 07-08-2013, 09:30 AM
Parent: #21
يا باشمهندس ناذر
ياخي المحلات دي مافيها مقاسي ومقاسك
الواحدة بتختار البعجبها وهناك غرف قياس مغلقة
الراجل في الكاشير مابيطلب الا البار كود بتاع السعر وخلاس
|
Post: #23
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: طارق ميرغني
Date: 07-08-2013, 10:16 AM
Parent: #5
اخي ناذر
حتي ولو في مساحه لعمل غرف قياس
الملابس الداخليه في أي مكان لا تستبدل ولا تسترجع
عشان كدا المراة تجي عارفا مقاسات من ما جميعو
المشكله في بعض الحريم الكويرك يعني الطير الواحده تحاول تقيس الكلوت بانها تمطوا
وتجابد فيهو في نفس مكان اللباس بصوره متخلفه شديد
|
Post: #24
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-08-2013, 08:13 PM
Parent: #23
سلام محمد ..
Quote: يا باشمهندس ناذر
ياخي المحلات دي مافيها مقاسي ومقاسك
الواحدة بتختار البعجبها وهناك غرف قياس مغلقة
الراجل في الكاشير مابيطلب الا البار كود بتاع السعر وخلاس |
دا طبعا هناك .. لكن هنا لا بار كود لا بار الخواجة يني ..!!
غريبة !! طيب ليه أنوثوا المحلات دي وسعودوها كمان ما دام الموضوع كدة !!
|
Post: #25
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-08-2013, 08:15 PM
Parent: #23
سلام طارق ...
Quote: المشكله في بعض الحريم الكويرك يعني الطير الواحده تحاول تقيس الكلوت بانها تمطوا
وتجابد فيهو في نفس مكان اللباس بصوره متخلفه شديد |
هههههههههههههههههه دا البيحصل ..!
اما حكاية عدم ارجاع الملابس الداخلية فدي هنا ما مضمونة .. تجارنا ديل زاتم ما مضمونين ونتوقع منهم اي شي !!
|
Post: #26
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-10-2013, 08:18 PM
Parent: #25
الموسم بدأ ..
والعيد على الأبواب ..!
نسأل الله السلامة ..!!
|
Post: #27
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: سيف اليزل سعد عمر
Date: 07-10-2013, 08:35 PM
Parent: #26
اخونا ناذر
يازول كدي اول حاجة نقول رمضان كريم وكل سنة وكل ناس السودان طيبين ولاميين
الغريبة انو الموضوع دا ما داير ليو قانون ومنع وبوليس وكدا
ياخى فى اوروبا دي محلات بيع الملابس مسيطرين عليها النسوان بدون قانون ولا يحزنون
النسوان هم اكتر زائر لمحلات الملابس وافضل من يتعامل معاهن هم النسوان نفسهم
القضية كلها حماية النساء من تعدي الرجال فى الأسواق وفى الشارع وحتى فى البيوت كمان،،،
الفطور لسع باقى عليهو نص ساعة تانى،، شايفكم فطرتوا وصليتوا التراويح،،
|
Post: #28
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: مهدي صلاح
Date: 07-10-2013, 10:50 PM
Parent: #27
رمضان كريم
الاستئناس بمشورة البائع شيء او قل شر لابد منه حتى مع وجود غرف القياس
في السودان يمكن انشاء سوق جديدة او تاهيل احدى الاسواق القائمة لينتاسب والتانيث
خروج المراة السعودية لسوق العمل عامل ضجة وهناك من دعا للدعاء على وزير العمل الذي يشجع عمل النساء بل قيل ان هناك يدعو للتحرش بالنساء العاملات عشان يندموا على الساعة اللي فكروا فيها يطلعوا لسوق العمل
طبعا الدعوة للتحرش بتكون صادفت هوى لدى البعض
|
Post: #29
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-11-2013, 02:32 PM
Parent: #28
جاييكم ..
|
Post: #30
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: MOHAMMED ELSHEIKH
Date: 07-11-2013, 07:11 PM
Parent: #29
| Quote: دا طبعا هناك .. لكن هنا لا بار كود لا بار الخواجة يني ..!! |
| Quote: قرار بتأنيث أسواق الملابس النسائية في السعودية (ناسنا شوفوا ليهم ح |
هناك دي وين؟
ناذر لاتحرف البوست
البوست في السعودية حيث البطيخ بالباركود
|
Post: #31
Title: Re: قرار بتأنيث أسواق الملابس النسائية في السعودية (ناسنا شوفوا ليهم ح
Author: ناذر محمد الخليفة
Date: 07-17-2013, 10:58 PM
Parent: #30
العيد قرب والموسم بدا ..
القرار متين ؟!!
|
|