Post: #1 Title: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-10-2013, 08:40 PM
Post: #2 Title: Re: إفطار بورداب الخرطوم السنوي الأول .. الدعوة عامة ..!! Author: العوض المسلمي Date: 07-10-2013, 09:06 PM Parent: #1
رمضان كريم يا ناذر وكل سنة وانت بخير بقترح الخميس 15 رمضان الساحة الخضراء
Post: #3 Title: Re: إفطار بورداب الخرطوم السنوي الأول .. الدعوة عامة ..!! Author: أيمن دياب Date: 07-10-2013, 09:16 PM Parent: #2
كل سنة وانتم طيبين وسالمين وربنا يتقبل من الجميع صالح الأعمال.. حضور ذو اليد العضو الذهبي ضروري جدا جدا.. والدنيا رمضان يا ابو الزوز.. سامح وصافح..
Post: #4 Title: Re: إفطار بورداب الخرطوم السنوي الأول .. الدعوة عامة ..!! Author: معاذ الدخري Date: 07-10-2013, 09:39 PM Parent: #3
ناذر .... وضيوفه و الجميع .... رمضان كريم عليكم و نساله سبحانه و تعالي أن يوفقنا لنصومه و نقومه بالخير ...... بخصوص الزمان و المكان .... خلينا نشوف زيادة مقترحات من البورداب خاصة ناس أمدرمان ... و جايين بإذن الله
Post: #5 Title: Re: إفطار بورداب الخرطوم السنوي الأول .. الدعوة عامة ..!! Author: Mirghani Taitawi Date: 07-10-2013, 09:41 PM Parent: #4
رمضان كريم .. تصوموا وتفطروا على خير إن شاء الله.
Post: #7 Title: Re: إفطار بورداب الخرطوم السنوي الأول .. الدعوة عامة ..!! Author: عمر صديق Date: 07-10-2013, 10:04 PM Parent: #5
سلام ياناذر وزوار البوست
ورمضان كريم
بثني اقتراح شيخ البورداب بان يكون المكان الساحة الخضراء + ولو وافقتوا علي اتحاد الصحفيين بالمقرن ممكن اشوف ليكم الحجز
مع تعديل ليوم الاحد 12 رمضان
Post: #6 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-10-2013, 09:56 PM Parent: #3
Quote: كل سنة وانتم طيبين وسالمين وربنا يتقبل من الجميع صالح الأعمال.. حضور ذو اليد العضو الذهبي ضروري جدا جدا.. والدنيا رمضان يا ابو الزوز.. سامح وصافح..
رمضان كريم للجميع
ولكن مقاطع تجمعات بورادب الخرطوم والعفو والعافية
ساموحني يا بورداب الخرطوم ان لا اكون حضور بيناتكم
Post: #8 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-10-2013, 10:18 PM Parent: #6
مشكورين يا شباب ..
أخونا العوض .. أنا كتبت الإفطار الأول .. يوم 15 دا بعيد وكدة حا يكون دا الافطار الأخير .. بقترح واحد أبو سريع قبليهو ..!!
عشان لو أي زول ظروفو ما سمحت يقدر يحضر التاني ..!
ومبدئيا أنا معاك في التاريخ الحددتو .. بس يا ريت لو في واحد قبليهو ..
Post: #9 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-10-2013, 10:23 PM Parent: #8
إقتراح اتمنى الناس توافق عليهو ..!!
أقترح الإفطار الأول يكون في أمدرمان تحديدا عشان ما حصل فطرنا فيها مجموعة .
والأفطار يكون في :
منزل أخونا ذو اليد ..! أي زول يجيب معاهو أفطار ونمشي عليهو كلنا كدة نرضيو عشان ما ياخد في خاطرو مننا .. لأنو ما بنقدر على مقاطعتو لينا في الافطارات .. خاصة قدح العصيدة وشراب أم جنقر ..!
أها يا أخوانا رايكم شنو ؟!!
وذو اليد لو قال برضو مقاطع وما موافق .. برضو نمشي نشيل بتاعاتنا ونفرش نفطر قدام بيتو حتى لو هو ما معانا ..!!
Post: #10 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-10-2013, 10:26 PM Parent: #9
ذو اليد والله زي ما قال ليك مزمل خيري .. ادبتنا ادبة شديدة خلاص بي عدم جيتنا لي عرس أخوك ..! بس ما تشيلا لينا كدة ..
رمضان كريم يا man !!
Post: #11 Title: Re: إفطار بورداب الخرطوم السنوي الأول .. الدعوة عامة ..!! Author: أيمن دياب Date: 07-10-2013, 10:31 PM Parent: #10
Quote: ذو اليد والله زي ما قال ليك مزمل خيري .. ادبتنا ادبة شديدة خلاص بي عدم جيتنا لي عرس أخوك ..! بس ما تشيلا لينا كدة ..
رمضان كريم يا man !!
ويا ناذر زيادة في الخير ما عندنا مانع ندخل في وساطة حميدة لإرضاء ذو اليد.. بقيادة الربان أبوحسين.. (أصلو عندو معزة خاصة ليهو).. ويا ابو الزوز.. سامح الجماعة والدنيا رمضان.. وبعد العيد ارجع للمقاطعة لو عايز..
Post: #12 Title: Re: إفطار بورداب الخرطوم السنوي الأول .. الدعوة عامة ..!! Author: علي محمد الفكي Date: 07-10-2013, 10:35 PM Parent: #11
اتمنى ان كان هناك اكثر من افطار لبورداب الخرطوم
وان يكون احدها في الخميس الاخير او الجمعة الاخيرة
او لمة معايدة في الاسبوع الاول بعد العيد
حتى نتشرف بان نكون بينكم
Post: #13 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-10-2013, 11:03 PM Parent: #9
Quote: إقتراح اتمنى الناس توافق عليهو ..!!
أقترح الإفطار الأول يكون في أمدرمان تحديدا عشان ما حصل فطرنا فيها مجموعة .
والأفطار يكون في :
منزل أخونا ذو اليد ..! أي زول يجيب معاهو أفطار ونمشي عليهو كلنا كدة نرضيو عشان ما ياخد في خاطرو مننا .. لأنو ما بنقدر على مقاطعتو لينا في الافطارات .. خاصة قدح العصيدة وشراب أم جنقر ..!
أها يا أخوانا رايكم شنو ؟!!
وذو اليد لو قال برضو مقاطع وما موافق .. برضو نمشي نشيل بتاعاتنا ونفرش نفطر قدام بيتو حتى لو هو ما معانا ..!!
مرحب بيكم والدار داركم والبيت الفسيح يشيل كل اهل السودان
هذا من شيمتنا ان نكرمكم ونستقبلكم في دارنا
ولكن اخجلتموني في تواضعكم ايها الاحباب الاوفياء حضوركم يشرفني اكثر ويزيدني فخراً
فهلا تفضلتم في دارنا
فانتظاركم
Post: #14 Title: Re: إفطار بورداب الخرطوم السنوي الأول .. الدعوة عامة ..!! Author: أيمن محمود Date: 07-10-2013, 11:18 PM Parent: #13
انت كمان يا ذواليد ما تبقى زول طيبان ساي - الجماعة ديل ما ياكلوك حنك انا لو منك لو جوني البيت بخلي ليهم امدرمان كلها ،، خليك جامد وما ترضى الحقارة !
Post: #15 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-10-2013, 11:19 PM Parent: #13
Post: #16 Title: Re: إفطار بورداب الخرطوم السنوي الأول .. الدعوة عامة ..!! Author: علاء الدين حيموره Date: 07-11-2013, 00:36 AM Parent: #15
موافق على هذا الاقتراح وكل سنة وانتو بالف خير ....
ذو اليد دا خلوه علي انا بعزو جدا
Post: #17 Title: Re: إفطار بورداب الخرطوم السنوي الأول .. الدعوة عامة ..!! Author: هويدا شرف الدين Date: 07-11-2013, 06:33 AM Parent: #16
رمضان كريم وكل سنه وانتم بالف خير عندنا رغبه اكيده في مشاركتكم الافطار بس أم درمان دي بعييييييييييييييييييييييييييييده شديد ، أثني اقتراح حاج العوض الساحه الخضراء 15 رمضان
Post: #18 Title: Re: إفطار بورداب الخرطوم السنوي الأول .. الدعوة عامة ..!! Author: وليد محمد المبارك Date: 07-11-2013, 06:41 AM Parent: #17
Quote: منزل أخونا ذو اليد ..! أي زول يجيب معاهو أفطار ونمشي عليهو كلنا كدة نرضيو عشان ما ياخد في خاطرو مننا .. لأنو ما بنقدر على مقاطعتو لينا في الافطارات .. خاصة قدح العصيدة وشراب أم جنقر ..!
انا اثني بشدة الاقتراح ده
Post: #19 Title: Re: إفطار بورداب الخرطوم السنوي الأول .. الدعوة عامة ..!! Author: بكري الخير Date: 07-11-2013, 07:38 AM Parent: #18
رمضان كريم انا ما عارف سر كجنتي للساحة الخضراء دي نابع من وين؟ بتزكرني الدفاع الشعبي وعيد الثورة والنفرة الكبري والسنوات الكنا فيها مغبيين ديك
ياخ ختونا ليها الله يكرمكم
بثني عمر صديق اتحاد الصحفيين بالمقرن هادي ورايق وسنتر وكت ما جايين امدرمان
Post: #20 Title: Re: إفطار بورداب الخرطوم السنوي الأول .. الدعوة عامة ..!! Author: بدر الدين اسحاق احمد Date: 07-11-2013, 07:55 AM Parent: #18
رمضان كريم عليكم بورداب الخرطوم
قلبت فيها الهوبا يا ناذر يا زول يا طاعم ذو اليد وان طال السفر
بورداب الخرطوم دوما يتقدمون ركب بورداب الكوكب
ــــــــــ عليك الله يا ذو اليد خلى الكاميرا وجهز الاباريق والفرشات والعصيدة تكون حارررررررررررررررررررررة وجهز فرشات اخواتنا البوردابيات
واياك والغباشة الدنيا رمضان
Post: #22 Title: Re: إفطار بورداب الخرطوم السنوي الأول .. الدعوة عامة ..!! Author: ابراهيم بقال سراج Date: 07-11-2013, 08:26 AM Parent: #20
اتفقو لينا علي مكان وزمان محدد بأجماع كل الناس عشان نحاول نرتب الجية من الفاشر لحضور هذه المناسبة المهمة جداً بعد غياب دام فترة طويلة نريد لم شمل البورداب لنكون كما كنا في السابق ، اثني اقتراح الاخ العوض المسلمي يوم 15 رمضان بالساحة الخضراء مناسب جداً نحاول نرتب للجية يوم 14رمضان ورجع الفاشر يوم 16 رمضان ،، انا شخصياً طولت منكم والله وداير اجيكم بس يكون البرنامج نجيض ومرتب ومحدد بزمان ومكان يتفق عليه كل الناس ،
Post: #23 Title: Re: إفطار بورداب الخرطوم السنوي الأول .. الدعوة عامة ..!! Author: صلاح غريبة Date: 07-11-2013, 08:28 AM Parent: #20
رمضان كريم يا شباب
المهم اي خبر عن الافطارات انا ساكون منواجد مع ناذر خليفة
الدعوة الخاصة بي تسلم لناذر خليفة
صلاح غريبة - خبير وطني
Post: #24 Title: Re: إفطار بورداب الخرطوم السنوي الأول .. الدعوة عامة ..!! Author: omar alhag Date: 07-11-2013, 08:33 AM Parent: #20
رمضـــــــــــــــــــــــــــــــــان كريم علي الجميع ناذر يا فنان .. مقترح جميل ... بس الساحة الخضراء دي بالتجربة .... يدخلوها بي قروش .. وما فيها خدمات (رمضان الفات ... زهجتنا زهج السنين) ... شارع النيل -قصاد جامعة الخرطوم او بترو ناس والله حتة جميلة ولمة حلوة .. وجو لذيذ جدا وكل حاجة في متناول اليد و (دوان تاون) ..... ويا ناذر (جيب عودك وتعال) ...
مودتي وتقديري عمر الحاج
Post: #21 Title: Re: إفطار بورداب الخرطوم السنوي الأول .. الدعوة عامة ..!! Author: الشاذلى خيرى عبد الله Date: 07-11-2013, 08:25 AM Parent: #18
سلامات يا ناذر ..
رمضان كريم تقبله الله يا عزيزى منا ومنكم ..
للاسف خارج الخرطوم الان .. وياريت واحد يكون فى النصف التانى من رمضان ..
اكتر شىء عجبنى الافطار مع ذو اليد ..
اثنيه بشدة .. واتمنى حضوره والله ..
Post: #25 Title: Re: إفطار بورداب الخرطوم السنوي الأول .. الدعوة عامة ..!! Author: بدر الدين اسحاق احمد Date: 07-11-2013, 08:34 AM Parent: #21
Quote: اثني اقتراح الاخ العوض المسلمي يوم 15 رمضان بالساحة الخضراء مناسب جداً
وش اخدددددددددددددددددددددددددددر
Post: #26 Title: Re: إفطار بورداب الخرطوم السنوي الأول .. الدعوة عامة ..!! Author: صلاح غريبة Date: 07-11-2013, 08:49 AM Parent: #25
عندي اقتراح تكون يوم السبت 11 رمضان في حدائق المتحف القومي
Post: #27 Title: Re: إفطار بورداب الخرطوم السنوي الأول .. الدعوة عامة ..!! Author: مجاهد عثمان عبد الرحيم Date: 07-11-2013, 08:54 AM Parent: #25
مع إني عضو جديد ما عندي حق الإقتراح لكن كزول مجامل بجي في اي مكان أنتو بتحددوه عشان الواحد يوثق علاقتو بي البورداب ويكون فاعل .... مجاهد بس ماخبير وطني
Post: #28 Title: Re: إفطار بورداب الخرطوم السنوي الأول .. الدعوة عامة ..!! Author: معتصم محمد صالح Date: 07-11-2013, 10:15 AM Parent: #27
حتى المكان والزمان لم تستطيعوا الاتفاق عليه ؟؟؟
Post: #29 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-11-2013, 12:05 PM Parent: #28
بورداب الخرطوم ما زلتم في خلاف دائم وعدم تحديد الروئة النهاية لمكان الافطار
ارجو من الجميع الاتفاق على رأي واحد وبدون خلاف
فالآن مستعد لاستقبالكم في منزلنا العامر بامدرمان
صاحب البوست ناذر الخليفة الرجاء الاتصال بالبورداب واتخاذ قرار نهائي لاقامة الافطار ومرحب بكم مرة اخرى في دارنا
العصيدة وام جنقر جهزات وبدون غباشة زي ما قال بدرالدين اسحاق
Post: #30 Title: Re: إفطار بورداب الخرطوم السنوي الأول .. الدعوة عامة ..!! Author: م. سيد احمد قدورة Date: 07-11-2013, 12:18 PM Parent: #29
رمضان كريم وربنا يديم الموده والاخاء اين الطرف الآخر مقاطعين ولا شنو
Post: #31 Title: Re: إفطار بورداب الخرطوم السنوي الأول .. الدعوة عامة ..!! Author: سليمان القرشي Date: 07-11-2013, 12:25 PM Parent: #29
الافطار مع اخونا ذو اليد سيكون جميل وفرصة انو الناس تتصافي وترجع زي اول وخصوصا اخونا ذو اليد زول مجامل وماقصر في كل لمات البورداب واليوتيوب يشهد علي ذلك انا مع فكرة الافطار في ام درمان معكم اذا ربنا سهل وكنت متواجد داخل الخرطوم
Post: #32 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-11-2013, 01:49 PM Parent: #31
سلام شباب ..
الاقتراحات كلها جميلة ممكن نوزعا غلى رمضان كلو لو الناس موافقة ..
نلجأ للتصويت :
حدائق الساحة الخضراء منزل أخونا زو اليد .. اتحاد الصحفيين حدائق بتروناس قدام الجامعة ..
عن نفسي شخصيا أتمنى يكون الأفطار الأول مع ذو اليد والتاني يكون مرتب في اتحاد الصحفيين لتوافر الخصوصية وامكانية اقامة برنامج مصاحب وأهم حاجة لأنو الأتحتد فيهو تلاجة موية صااااااقطة .. ما متوافرة في حتة تانية ..!!
الأماكن المقترحة فيها صخب وعدم خصوصية بجانب انو الناس حا تروح مع صعوبة الوصف لذا سحبت ترشيحي لها ..
لكن الناس لو أجمعت على الجية ما مشكلة ..
أها يا جماعة ابدو التصويت ..1
Post: #33 Title: Re: إفطار بورداب الخرطوم السنوي الأول .. الدعوة عامة ..!! Author: أيمن دياب Date: 07-11-2013, 01:55 PM Parent: #32
معليش للتطفل المستمر يا ناذر.. أنا في رأيي تعملوا إفطارين.. واحد مع ذو اليد.. والثاني يتفق حوله.. ابعدوا من الفطور في الأماكن المفتوحة.. زي حدائق بتروناس أو الساحة الخضراء أو حدائق القصر.. لأنو بتفقدوا الخصوصية.. وما بتقدروا تعملوا برنامج مصاحب.. وبالمناسبة دي ويييين (بيت الفنون).. المقر الدائم؟
Post: #34 Title: Re: إفطار بورداب الخرطوم السنوي الأول .. الدعوة عامة ..!! Author: العوض المسلمي Date: 07-11-2013, 01:59 PM Parent: #33
10 رمضان بيت اخونا ذواليد سليمان
Post: #35 Title: Re: إفطار بورداب الخرطوم السنوي الأول .. الدعوة عامة ..!! Author: HAIDER ALZAIN Date: 07-11-2013, 02:04 PM Parent: #34
Quote: حدائق الساحة الخضراء منزل أخونا زو اليد .. اتحاد الصحفيين حدائق بتروناس قدام الجامعة ..
اقتراح حدائــق المتحف القومي دا ما عاجبك ..شايفك ما ضميتو للقائمة..
حقّار لكن ..!! عشان رفدك ...
ــــــــــــــــ عموماً منزل ذو اليد حا يكون اجمل ولفتة راقية منكم مشكورين عليها..
ورمضان كريم عليكم كلكم حتى بتاع جميعة السياحة والاثار الطنشتوهو دا..
Post: #36 Title: Re: إفطار بورداب الخرطوم السنوي الأول .. الدعوة عامة ..!! Author: معتصم محمد صالح Date: 07-11-2013, 02:09 PM Parent: #35
10 رمضان بيت الاخ ذو اليد ..
وكل واحد يجيب معاهو البقدر عليهو من ماكولات ومشروبات زي كل سنة وعشان ما نكلف ذو اليد ,,
Post: #37 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-11-2013, 02:15 PM Parent: #35
سوري ..
ما شفت اقتراح صلاح غريبة والله ..!!
نضيف لقائمة التصويت افطار في المتحف القومي عشان تزوروا جدكم بعنخي وحبوبتكم الكنداكا يا شباب !!
بدر الدين ..
Quote: قلبت فيها الهوبا يا ناذر يا زول يا طاعم ذو اليد وان طال السفر
خلي بالك عشان برضو حا يكون في دعوة افطار عند معتز تروتسكي برضو ..!
وإن طال السفر برضو ...!
Post: #38 Title: Re: إفطار بورداب الخرطوم السنوي الأول .. الدعوة عامة ..!! Author: ابراهيم بقال سراج Date: 07-11-2013, 02:17 PM Parent: #35
15 رمضان مقر الاتحاد العام للصحافيين بالمقرن افطار بورداب الخرطوم ،، انتهي خلاص وما عايزين اي نقاش تاني يا ناذر ثبت هذا في بوست منفصل ووزع المهام لكل البورداب بقرار موحد منك انت بس واي زول يلتزم بالقرار
Post: #39 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-11-2013, 02:32 PM Parent: #38
10 رمضان منزل ذو اليد ..
15 رمضان اتحاد الصحفيين (بعد تأكيد أخونا عمر صديق) ..!!
اتفقنا يا جماعة ؟!
Post: #42 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-11-2013, 02:36 PM Parent: #39
اقتراح يتم حسمه لاحقا للبورداب البيجو متأخرين من برة السودان :
25 رمضان افطار المتحف القومي برعاية صلاح غريبة الخبير الوطني
Post: #40 Title: Re: إفطار بورداب الخرطوم السنوي الأول .. الدعوة عامة ..!! Author: أيمن دياب Date: 07-11-2013, 02:33 PM Parent: #38
Quote: 15 رمضان مقر الاتحاد العام للصحافيين بالمقرن افطار بورداب الخرطوم ،، انتهي خلاص وما عايزين اي نقاش تاني
ليه ما عايزين نقاش يا سراج؟ كلامك ده زي بيان عسكري أو حكم دستوري غير قابل للطعن أو الاستئناف.. الناس هنا كل زول بقول رأيو.. وفي النهاية كلام الأغلبية يمشي..
Post: #41 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-11-2013, 02:34 PM Parent: #38
العاشر من رمضان في دارنا بالفتيحاب
والف ترليون مرحب
وتصوموا وتفطروا على خير
موافق بشدة على زيارتكم
10 رمضان
Post: #43 Title: Re: إفطار بورداب الخرطوم السنوي الأول .. الدعوة عامة ..!! Author: عمر صديق Date: 07-11-2013, 02:36 PM Parent: #41
خلاس ياجماعة
يوم 11 رمضان تجونا في بيت شيخنا وشيخ الحركة الاسلامية المرحوم سليمان مصطفي
وفي رواية اخري منزل الكوز المسخوت ذو اليد
لانو يوم 10 دا يوم جمعة
ويوم 20 في المقرن
في اتحاد الصحفيين
Post: #49 Title: Re: إفطار بورداب الخرطوم السنوي الأول .. الدعوة عامة ..!! Author: Osman Musa Date: 07-11-2013, 05:51 PM Parent: #35
رمضان كريم عليكم يا ناذر وعلي الأهل والبورداب وعلي الأمة السودانية ياخ بختكم مافي أمتع من رمضان بين أهلك وناسك وفي بلدك لكم جميعا التحية
Post: #52 Title: Re: إفطار بورداب الخرطوم السنوي الأول .. الدعوة عامة ..!! Author: الامين موسى البشاري Date: 07-12-2013, 01:12 AM Parent: #35
Quote: اتمنى ان كان هناك اكثر من افطار لبورداب الخرطوم
وان يكون احدها في الخميس الاخير او الجمعة الاخيرة
او لمة معايدة في الاسبوع الاول بعد العيد
حتى نتشرف بان نكون بينكم
Post: #53 Title: Re: إفطار بورداب الخرطوم السنوي الأول .. الدعوة عامة ..!! Author: عبد الحكم ابراهيم الحاج Date: 07-12-2013, 11:04 AM Parent: #35
سلام ورمضان كريم -ناس الخرطوم بيشوفوا امدرمان بعيدة وناس امدرمان بيشوفوا الخرطوم بعيدة اقترح ان تكون هنالك ثلاث افطارات - الخرطوم وبحرى وامدرمان لا مانع فى ان يكون الافطار فى بيت احد الاخوان ولكن بشرط ان يحضر الماء البارد والفرشات يعنى كل زول يجى شايل فطورو وموفقين ان شاء الله
Post: #58 Title: Re: إفطار بورداب الخرطوم السنوي الأول .. الدعوة عامة ..!! Author: علاء الدين يوسف علي محمد Date: 07-12-2013, 08:01 PM Parent: #35
أصوت لدار أخونا ذو اليد
بس عليك الله كرب لينا البرنامج وسيب البيضنة
Post: #82 Title: Re: إفطار بورداب الخرطوم السنوي الأول .. الدعوة عامة ..!! Author: Shaker Hamid Date: 07-14-2013, 07:48 AM Parent: #35
حضور باذن الله ..... وياريت كل زول يترك رقم تلفونوا لعمل مسج بمكان الدعوة والتاريخ فى حال عدم الدخول فى البورد او فى حال عدم التمكن فى الدخول للنت اصلا
شاكر حامد . 0113552194 بالتوفيق
Post: #56 Title: Re: إفطار بورداب الخرطوم السنوي الأول .. الدعوة عامة ..!! Author: معاذ الدخري Date: 07-12-2013, 02:50 PM Parent: #32
ناذر ... تحياتي مرة تانية ...... منزل أخونا ذو اليد و التاني إتحاد الصحفيين مع الشكر .. معاذ الدخري و جايين إنشاء الله
Post: #44 Title: Re: إفطار بورداب الخرطوم السنوي الأول .. الدعوة عامة ..!! Author: احمد النور عبد الله Date: 07-11-2013, 03:14 PM Parent: #8
رمضان كريم .. تصوموا وتفطروا على خير إن شاء الله. اتفق مع افطار قبل 15/ رمضان تحضيرى لبتاع 15 رمضان النهائى .
Post: #45 Title: Re: إفطار بورداب الخرطوم السنوي الأول .. الدعوة عامة ..!! Author: بدر الدين اسحاق احمد Date: 07-11-2013, 03:35 PM Parent: #44
Quote: خلي بالك عشان برضو حا يكون في دعوة افطار عند معتز تروتسكي برضو ..!
وإن طال السفر برضو ...!
برضو وان طال السفر ..
ارح
Post: #46 Title: Re: إفطار بورداب الخرطوم السنوي الأول .. الدعوة عامة ..!! Author: وضاحة Date: 07-11-2013, 03:52 PM Parent: #45
Quote: رمضان كريم يا شباب
المهم اي خبر عن الافطارات انا ساكون منواجد مع ناذر خليفة
الدعوة الخاصة بي تسلم لناذر خليفة صلاح غريبة - خبير وطني
أسد دار جعل سعادة الخبير الوطنى ابو كضوم دا لزم ترسل ليه الروز رويس بتاعتك ديك علشان ما شيل حالك
كل عام وانتم بخير يا شباب لمة فى الحرم ان شاء الله
Post: #47 Title: Re: إفطار بورداب الخرطوم السنوي الأول .. الدعوة عامة ..!! Author: محمد حمزة الحسين Date: 07-11-2013, 04:33 PM Parent: #46
Quote: مع إني عضو جديد ما عندي حق الإقتراح لكن كزول مجامل بجي في اي مكان أنتو بتحددوه عشان الواحد يوثق علاقتو بي البورداب ويكون فاعل ....
وقت نجضت معاكم باذن الله لنكوت فاعلين ونثنى على يوم 15 بدار اتحاد الصحفيين بالمقرن شكراً ناذر وسنكون اكثر شوقاً لمعرفتكم بث الوصف لمتزل شيخنا سليمان مصطفى غير واضع يا ذو اليد : : : مع التحيات لله الزاكيات
Post: #48 Title: Re: إفطار بورداب الخرطوم السنوي الأول .. الدعوة عامة ..!! Author: ودقاسم Date: 07-11-2013, 04:40 PM Parent: #47
التحية والتهنئة لبورداب الخرطوم بمناسبة الشهر الكريم تصوموا وتفطروا على خير
Post: #50 Title: Re: إفطار بورداب الخرطوم السنوي الأول .. الدعوة عامة ..!! Author: طارق جبريل Date: 07-12-2013, 00:19 AM Parent: #48
يا رب الكتاحات
Post: #51 Title: Re: إفطار بورداب الخرطوم السنوي الأول .. الدعوة عامة ..!! Author: Hussein Mallasi Date: 07-12-2013, 01:08 AM Parent: #50
بعد الفلهمة دي كلها يا وضاحة و(روز) رويس!
Post: #54 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-12-2013, 11:06 AM Parent: #51
يا شباب دقيقة بالله ..
معليش ما حا أقدر أرد على المداخلات واحدة واحدة .. لكم العتنبى ..!
الحاصل لحدي هسي والمؤكد كالتالي ..
10 رمضان إفطار البورداب في منزل ذو اليد بالفتيحاب (ذو اليد تعال وصف لينا شارع بيتكم بي وين ؟!)
بحسب مداخلة عمر صديق .. إفطار في مقر إتحاد الصحفيين يوم 20 رمضان (يا عمر دايرين تأكيد) ..
يعني إفطارين يوم 10 ويوم 20 ...!!
لو في تأكيد من الخبير الوطني صلاح غريبة على افطار بعد يوم عشرين يأكد لينا هنا ونشوف راي الناس !!
بعدين ما تلاوزوا إفطار الخبير الوطني دا اكيد دعوة ما فيها شيرنق برعاية منظمة السياحة اللي صلاح مؤسسا ورئيسا وأمينا العام وسكرتيرا التنفيذي وقارئها الوحيد ..!!
Post: #55 Title: Re: إفطار بورداب الخرطوم السنوي الأول .. الدعوة عامة ..!! Author: توفيق عيسى مكي Date: 07-12-2013, 01:31 PM Parent: #54
رمضان كريم ياشباب أقترح ان يكون يوم الافطار يوم واحد ويتم التركيز عليه ليكون يوم له قيمته وحتما ستبقى ذكراه عالقة زمنا طويلا
ان طفيليين ناس الضهاري لا يتفقون ابدا وفقه الترضيات عنصر مهم في حياتهم
فلا نكون مثلهم
نركز على يوم واحد
Post: #57 Title: Re: إفطار بورداب الخرطوم السنوي الأول .. الدعوة عامة ..!! Author: Hani Arabi Mohamed Date: 07-12-2013, 03:07 PM Parent: #55
إفطار يوم 10 بمنزل ذو اليد
إفطار يوم 15 في الساحة الخضراء
افطار يوم 20 في اتحاد الصحفيين
افطار يوم 28 في حدائق مطار الخرطوم الدولي مدخل صالة المغادرة المتفرع من شارع أفريقيا
Post: #59 Title: Re: إفطار بورداب الخرطوم السنوي الأول .. الدعوة عامة ..!! Author: علاء الدين يوسف علي محمد Date: 07-12-2013, 08:05 PM Parent: #57
Quote: افطار يوم 28 في حدائق مطار الخرطوم الدولي مدخل صالة المغادرة المتفرع من شارع أفريقيا
أقترح مدخل صالة الوصول عشان تصلوا معانا في مسجد المركز العام
Post: #60 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-12-2013, 08:23 PM Parent: #59
التحية لكم جمعيا ايها البورداب وبورداب الفيس بوك
اشكركم على الاحترام والتقدير وايضاً اكن لكم محبتي بكل ثقة
اشكر كل الذين صوتوا لاقامة الافطار في منزلنا ولكن اقول لجميع الضيوف ان لا تتعبوا انفسكم باحضار الوجبات والعصائر كل واحد يجينا بنفسوا فقط ويكون معه اخوه ولاصديق
والاهم من ذلك البوردابيات ديل نسيناهم - لابد من الحضور
العاشر من رمضان يوم نحتفل فيه بوجودكم وانت تنورون منزلنا
وهذا يوم تاريخي
اتمنى من الجميع الحضور
Post: #61 Title: وصف المنزل بالفتيحاب شارع فتاشا Author: ذواليد سليمان مصطفى Date: 07-12-2013, 08:52 PM Parent: #60
الفتيحاب - ومنه الى المحطة القديمة بالشقلة ثم شارع فتاشا وانت متجه غرب
على يدك الشمال وانت متجه غرباً يقابلك بعد صيدلية فتاشا يفتح شمال
الشارع بعد الصيدلية محل ثلاجات يفتح شمال
المنزل جنوب محل الثلاجات يفتح
منزل ثاني ناصية يفتح غرب
Post: #62 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-12-2013, 09:18 PM Parent: #57
ما تلخبت يا هاني !!
الإفطار الأساسي 10 رمضان عند ذو اليد !!
والباقية جانبية يتم النقاش فيها في منزل ذو اليد بعد الإفطار إنشاء الله ..!
اهم حاجة أي زول يجي شايل معاهو البتاعات بتاعتو عشان ما نكلف الراجل !!
الإتفاق على مكان التجمع لاحقا ..!!
Post: #63 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-12-2013, 10:19 PM Parent: #62
Quote: اهم حاجة أي زول يجي شايل معاهو البتاعات بتاعتو عشان ما نكلف الراجل !!
سلام ناذر انتم ضيوفنا ولا نريد منكم الا جزاء وشكورا
ارجوكم ان تكونوا حضور وبدون ما تجيب معاك عمود ولا صحن
ما في بوردابي يشيل ليه حاجة - جيتكم اهم
ملتزمين بافطاركم في دارنا
وما تنسونا من صالح الدعوات
Post: #64 Title: سجل حضورك Author: ذواليد سليمان مصطفى Date: 07-13-2013, 12:10 PM Parent: #63
ناذر خليفة معتصم محمد صالح هاني عربي العوض المسلمي بدرالدين اسحق علاء الدين حيمورة سليمان القرشي
السلام عليكم الاخ ناذر والضيوف والاخوة الكرام اعضاء القروب والخطوميون رمضان كريم وتصوموا وتفطروا على خير
اقبل الدعوة الكريمة من الاخ ذو اليد وسوف اخاطر للحضور ان شاء الله يوم الجمعة القادم ولو اني اعترض على الجمع والسبوته لانو بنكون في البيوت
Quote: أقترح مدخل صالة الوصول عشان تصلوا معانا في مسجد المركز العام
الاخ علاء الدين اقترح دعوة الاخوة البورداب لافطار في المركزالعام بعنوان لم الشمل شريطة ان يحضره كل البورداب عشان نؤطر للحرية بصورة اكبر رايك شنو يا علاء ؟؟
Post: #68 Title: Re: إفطار بورداب الخرطوم السنوي الأول .. الدعوة عامة ..!! Author: الشاذلى خيرى عبد الله Date: 07-13-2013, 02:27 PM Parent: #63
Quote: اهم حاجة أي زول يجي شايل معاهو البتاعات بتاعتو عشان ما نكلف الراجل !!
لا يا ناذر .. لالا
انا ما مع انو أية زول يشيل معاهو حاجة .. تمشو ويدكم فااااااضية .. وتقبلو بصدر رحب البجيكم مارق من المطبخ ..
ــــــــــــــــــــــــــــــــــــــــ ملوك العصيدة بلا منازع ..
Post: #67 Title: Re: إفطار بورداب الخرطوم السنوي الأول .. الدعوة عامة ..!! Author: بكري الخير Date: 07-13-2013, 02:23 PM Parent: #54
Quote: بعدين ما تلاوزوا إفطار الخبير الوطني دا اكيد دعوة ما فيها شيرنق برعاية منظمة السياحة اللي صلاح مؤسسا ورئيسا وأمينا العام وسكرتيرا التنفيذي وقارئها الوحيد ..!!
ههههههههههههههههههههه بالغت يا نازر والله عجبتني بشدة وشراب بنفسجي
Post: #69 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-13-2013, 04:51 PM Parent: #67
بكري الخير المكاشفي وليد الشفت وهبه اماني الامين انعام حيمورة نجاة سيد احمد
القائمة تطول
مع المعذرة اذا نسيت لي اسم ذكروني كل البورداب مدعون يوم الجمعة فانتظاركم
Post: #70 Title: Re: إفطار بورداب الخرطوم السنوي الأول .. الدعوة عامة ..!! Author: Hani Arabi Mohamed Date: 07-13-2013, 05:04 PM Parent: #69
تحياتي واحترامي
يا ريت يا جماعة تترجموا التواريخ دي للميلادي مع بيان الأيام سبت احد اثنين ثلاثاء اربعاء خميس جمعة عشان الشغلانة توضح للجميع ....
يا ذو اليد يا ريت لو تمسح الأسماء في الدعوات وتخليها مفتوحة عشان ما زول يزعل زي ما انت كنت زعلان :) :-P
Post: #71 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-13-2013, 06:22 PM Parent: #70
الاخ / هاني سلام الدعوة مفتوحة للجميع انا ما قاصد حاجة في كتابة الاسماء
عايز اكد بان الناس المداخلين في البوست ايضاً وجودهم مهم لان في بعض الناس بيكتبوا وبكونو غياب
الدعوة مفتوحة للجميع 10 رمضان يصادف 19 /7/ يوم الجمعة
ودمتم في رعاية الله وحفظه
Post: #72 Title: Re: إفطار بورداب الخرطوم السنوي الأول .. الدعوة عامة ..!! Author: توفيق عيسى مكي Date: 07-13-2013, 08:14 PM Parent: #71
ياذواليد سليمان مع انه اسمنا ما مكتوب لكن حانجي محبة في الناس البحبو جية الناس الزيك بس اترك تلفون يوصلنا كده اسهل
Post: #73 Title: Re: إفطار بورداب الخرطوم السنوي الأول .. الدعوة عامة ..!! Author: سليمان القرشي Date: 07-13-2013, 08:27 PM Parent: #72
ياشباب اخونا ذو اليد بكتب في الناس الاكدو انهم حضور مابقصد انو ديل المعزومين والباقين لا الدعوة مفتوحة لي الجميع
Post: #74 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-13-2013, 08:47 PM Parent: #73
ضيف الشرف إنشاء الله من بورداب الرياض أخونا أحمد العمار ..!!
يا جماعة لو في بوردابي من الخارج زائر يسجل أسمو ..!
Post: #77 Title: Re: إفطار بورداب الخرطوم السنوي الأول .. الدعوة عامة ..!! Author: علاء الدين حيموره Date: 07-13-2013, 11:00 PM Parent: #74
تمام يا ذو اليد ونحن معاك
Post: #75 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-13-2013, 09:44 PM Parent: #73
Quote: الدعوة مفتوحة لي الجميع
Post: #76 Title: Re: إفطار بورداب الخرطوم السنوي الأول .. الدعوة عامة ..!! Author: محمد حمزة الحسين Date: 07-13-2013, 10:56 PM Parent: #75
يا جماعة ذو اليد دا ما تفهموهو غلط الناس المكتوبين ديل المابجى فيهم بقطعوهوا معاهو الف والقصة دى اسعلوا منها ناذر بى يوترا ليكم أنا براااى بخيت وسعيد البيت طلع جارى الحيته بالحيته بجيب ليكم معاااى مديدة دخن رقووويقة اقبلا منى يا ذو اليد ولا تؤاخذنى وجاااييين ... جاييين : : : : مع التحيات لله الزاكيات
Post: #78 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-13-2013, 11:21 PM Parent: #76
وإنشاء الله حا يكون معانا مفاجأة فنية من العيار الثقيل حا يشارك في الأفطار و بعد الأفطار بالغناء والشدو الجميل ..!
Post: #79 Title: Re: إفطار بورداب الخرطوم السنوي الأول .. الدعوة عامة ..!! Author: علاء الدين حيموره Date: 07-13-2013, 11:29 PM Parent: #78
ان شاء الله يكون ساجوري يا ناذر
Post: #80 Title: Re: إفطار بورداب الخرطوم السنوي الأول .. الدعوة عامة ..!! Author: بشير دفع الله Date: 07-13-2013, 11:40 PM Parent: #78
رمضان كريم لكل الا حباب ..
ودعوتك هى الاجمل يا ذواليد ..ونتنمى حضور أجمل ..
لكن يا ناذر الشدو الجميل بعد الا فطار ديه تبعك انت ..
مش برضو صاحب المبادره ..
Post: #81 Title: Re: إفطار بورداب الخرطوم السنوي الأول .. الدعوة عامة ..!! Author: HAIDER ALZAIN Date: 07-14-2013, 07:42 AM Parent: #80
علاء الدين يوسف.. رمضان كريم يا حبيب..
شايف عمر صديق وبدر الدين " محتفلين " للإفطار بمنزل ذو اليد بارك الله .. ودي طبعاً مبادرة طيبة جداً من اخونا الاستاذ ناذر الخليفة جزاه الله خير ..
لكني يا شاب اجد في نفسي عليكم انت وعمر صديق وبدر الدين اسحق وبقيـة الكوكبة .. فقد تنكرتم للأستاذ الــ"مبدع " والخبيــر صلاح غريبة..
لا افطار لا احتفاء ولا مجرد رحلة على شرف قدومه الميمون..
ـــــــــــــــــــــــــ.. هسع يجي عمر صديق يقول ليك السبلوقة الزي قبيض السمك العميــان .. غايتو جنس غايتو
Post: #83 Title: Re: إفطار بورداب الخرطوم السنوي الأول .. الدعوة عامة ..!! Author: علاء الدين حيموره Date: 07-14-2013, 08:20 AM Parent: #81
Quote: لا افطار لا احتفاء ولا مجرد رحلة على شرف قدومه الميمون..
ياخ صلاح دا تعمل ليه احتفال يجي بكرة المنبر يقول ليك الجماعة جو سكرانين في نهار رمضان ....
صلاح دا من بعيد لبعيد اسمح لي اشوفك لو سمحت ظروفك
___________________
مشتاقون
Post: #84 Title: Re: إفطار بورداب الخرطوم السنوي الأول .. الدعوة عامة ..!! Author: HAIDER ALZAIN Date: 07-14-2013, 08:50 AM Parent: #83
بالاكتر يا حبيبنا والله.. محباتنا الف..
بعدين صاحبك تاني ما بيقول يآخي اتادب ادب عدوكـ :)
عندما قال سيعود للخرتوم العودة الطوعية تصايح الفيس بوك من اركانه الاربعة ان قد رمت الرياض الخرطوم بفلذة كبدها من اميز الاعلاميين الانقاذيين والحبرتجية الناصعين.. وهي سلعة لها سوقها وطلبها في الماركت الانقاذي.. لكن ما عارف شايف الجماعة "حومرو " ليهو وطنشوهو .. التقول ما نافح بشدة وقوة عن هذه الحكومة في يوم ما.. شئ مؤثر جداً .. هسع كان دا بقى زول معارض او مثقف وقارئ نهم او كاتب جيد كان بدر الدين اسحق اول واحد مشي ليهو في بيته.. تروتسكي كان اداكم وش هسع كان بقى امين مجلس والا رئيس لجنة شعبية
ـــــــــــــــــــــــــــــــــــــــــــــ.. يا جماعة اطردوني من بوست لمتكم دا :) :)
Post: #88 Title: Re: إفطار بورداب الخرطوم السنوي الأول .. الدعوة عامة ..!! Author: بشير حسـن بشـير Date: 07-14-2013, 12:06 PM Parent: #83
كل عام وانتم بخير ورمضان كريم بشير حسن / بورداب الخارج 0911255824
Post: #85 Title: Re: إفطار بورداب الخرطوم السنوي الأول .. الدعوة عامة ..!! Author: صلاح غريبة Date: 07-14-2013, 08:57 AM Parent: #69
خلاس اتفقنا
يوم 11 واكيد انا جاي مع ناذر خليفة ولو فاتني
ياني الماجاي
يوم 25 فطوركم في المتحف القومي باذن الله
صلاح غريبة - خبير وطني واستراتيجي
Post: #86 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-14-2013, 11:47 AM Parent: #85
حيدر الزين علي بالطلاق انت قاعد ما فايت البوست دا هههههههههه
وجودك ضروري ياخ وملاحظاتك وتعليقاتك مهمة ..!!
Quote: يوم 11 واكيد انا جاي مع ناذر خليفة ولو فاتني
ياني الماجاي
خلاص يا شباب قضي الأمر الذي فيه تستفتيان .. صلاح غريبة قطع شك ما جايي !!
نجيهو نحن انشاء الله في فطور المتحف .. ولو أنا فتو اليوم داك يا كم الما فطرتو ..!!
للضمان كدة جيبو معاكم سندوتشات .. صلاح غريبة زول مضمون .. لكن أنا ما بضمن ليكم روحي ..!!
Post: #87 Title: Re: إفطار بورداب الخرطوم السنوي الأول .. الدعوة عامة ..!! Author: المكاشفي الخضر الطاهر Date: 07-14-2013, 12:04 PM Parent: #86
صلاح غريبة
Quote: يوم 25 فطوركم في المتحف القومي باذن الله
صلاح غريبة - خبير وطني واستراتيجي
علي منو ؟ يا صلاح
Post: #89 Title: Re: إفطار بورداب الخرطوم السنوي الأول .. الدعوة عامة ..!! Author: معتصم محمد صالح Date: 07-14-2013, 01:36 PM Parent: #87
اها يا اخوانا بقيتو علي ياتو
الجمعة 10 رمضان الموافق 19 يوليو
أم
السبت 11 رمضان الموافق 20 يوليو ..
المكان طبعا متفق عليه ..
Post: #90 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-14-2013, 04:02 PM Parent: #89
Quote: لجمعة 10 رمضان الموافق 19 يوليو
أم
السبت 11 رمضان الموافق 20 يوليو ..
ذو اليد أكد على 10 رمضان ..
لكن لو الناس قالت 11 رمضان وسيد البيت وافق ما مشكلة ..!!
رايكم شنو يا شباب .. البيقول عشرة يرفع إيدو والبيقول 11 يرفع إيدو !!
Post: #91 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-14-2013, 05:27 PM Parent: #90
10 رمضان 19 يوليو الوصف الفتيحاب المحطة القديمة ثم غربا بشارع فتاشا يقابلك على يدك الشمال صيدلية فتاشا والشارع البعد الصيدلية على يدك الشمال تلف عليه ومنه اول بابين كبار يفتح غرب
0912190458
للاستفسار
Post: #92 Title: Re: إفطار بورداب الخرطوم السنوي الأول .. الدعوة عامة ..!! Author: انور التكينة Date: 07-14-2013, 08:17 PM Parent: #91
حضور باذن الله ... ذو اليد نمشى ليهو حتى لو كدارى
Post: #93 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-14-2013, 09:36 PM Parent: #92
اتفقنا يا شباب ..
الجمعة 10 رمضان انشاء الله في بيت ذو اليد ..
ومنها نشوف المواعيد المقترحة التانية ..!!
خلاص يا ذو اليد حضر البتاعات والمفارش والمراتب ..!!
Post: #94 Title: Re: إفطار بورداب الخرطوم السنوي الأول .. الدعوة عامة ..!! Author: أيمن دياب Date: 07-14-2013, 09:58 PM Parent: #93
ياناذر شنو ياخي ما تشوف لي مواضيعي المعطلة عندك دي؟
بعدين أنا كنت سبب في إنكم تفطروا في الفتيحاب.. عشان كده ما تفتح لينا كتير كده ياخ..
Post: #95 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-14-2013, 10:26 PM Parent: #94
والله يا ايمن فعلا ليك الفضل في افطار الفتيحاب لأنو مداخلتك هي الخلتني أنتبه لي زعل ذو اليد من البورداب ..
بالنسبة لي مواضيعك الزولة عاملة فيها ولا جينيفير لوبيز ..! صدقني فشلت تماما ألقى ليها سكة ..1 غايتو الا امشي ليها في بيتا عديل .. البعامين الحواليها ديل ما أدوني فرصة كلو كلو !!
Post: #96 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-15-2013, 00:17 AM Parent: #95
تسلموا ايها البورداب والقراء الكرام
اذاً قد اتفقنا جمعياً
وانتم في ضيافتنا
يوم الجمعة 10 رمضان - 19 يوليو
هلا بكم جمعياً
0912190458
للوصول
Post: #97 Title: Re: إفطار بورداب الخرطوم السنوي الأول .. الدعوة عامة ..!! Author: العوض المسلمي Date: 07-15-2013, 12:07 PM Parent: #96
حضورا من وقتا بدري لبيت اخونا ذو اليد في يوم الجمعة 10 رمضان
Post: #98 Title: Re: إفطار بورداب الخرطوم السنوي الأول .. الدعوة عامة ..!! Author: منال Date: 07-15-2013, 12:11 PM Parent: #97
Quote: حضورا من وقتا بدري لبيت اخونا ذو اليد في يوم الجمعة 10 رمضان
انا زااااتى ^_______^
Post: #99 Title: Re: إفطار بورداب الخرطوم السنوي الأول .. الدعوة عامة ..!! Author: Ahmed musa Date: 07-15-2013, 12:25 PM Parent: #98
Quote: أقترح مدخل صالة الوصول عشان تصلوا معانا في مسجد المركز العام
أوببببا الإستقطاب بدأ غايتو النصيحة البصلي في المركز العام ده زي الشرب من موية النيل تااااانيبجي راجع ولا عذر لمن انذر
ــــــــــــــــــــــــــــــــــــــــــــــــــــــــــــــ علاء رمضان كريم ليك وللاسرة الكريمة
Post: #100 Title: Re: إفطار بورداب الخرطوم السنوي الأول .. الدعوة عامة ..!! Author: خالد عبد الحليم سعيد Date: 07-15-2013, 01:23 PM Parent: #99
سلام يا ناذر و الشباب ،، ورمضان كريم
انا واحد من الناس اليوم ما عندى معاو قشه مرٌه
وياريت الناس من عصراً بـدرى تتقابل فى محطه سراج
Post: #101 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-15-2013, 01:39 PM Parent: #100
الشكر موصول بالالف الهكتارات المربع لاهلي وبني وطني في دول المهجر
ومن عزيز وصديق وعضو فعال في هذا المنبر وبل السببب في قيام الافطار في منزلنا هاتفني من المملكة العربية السعودية البوردابي (ايمن دياب)
فله الشكر مجددا
ورمضان كريم على هذا الاتصال والاهتمام والمتابعة لقيام الافطار
Post: #102 Title: Re: إفطار بورداب الخرطوم السنوي الأول .. الدعوة عامة ..!! Author: وليد محمد المبارك Date: 07-15-2013, 01:54 PM Parent: #101
انا داير تبلدي في امو يا ذو اليد ولقمة دخن
Post: #103 Title: Re: إفطار بورداب الخرطوم السنوي الأول .. الدعوة عامة ..!! Author: بكري الخير Date: 07-15-2013, 02:22 PM Parent: #102
ذو اليد
جاينك جاينك
Post: #104 Title: Re: إفطار بورداب الخرطوم السنوي الأول .. الدعوة عامة ..!! Author: زهير عثمان حمد Date: 07-15-2013, 03:50 PM Parent: #103
الاحباء بورداب الخرتوم كل عام وأنتم بخير في البداية أنشالله لو حالتي الصحية تحسنت سوف أكون معكم لكم خالص الود
Post: #105 Title: Re: إفطار بورداب الخرطوم السنوي الأول .. الدعوة عامة ..!! Author: Abdelrahim Mansour Date: 07-15-2013, 06:29 PM Parent: #104
سلامات
رمضان كريم، و تصوموا و تفطروا علي خير، و ربنا يتقبل صيامكم و قيامكم، و يجعلنا و إياكم من عتقاء هذا الشهر المبارك.
حضور إن شاء الله
عبدالرحيم منصور الخرطوم * **
Post: #106 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-15-2013, 08:06 PM Parent: #105
كل الذين مرو على البوست حضوركم مهم
ناذر خليفة محضر لينا مفاجأة فنية كبيرة
الوصف مرة اخرى
الفتيحاب الشقلة - المحطة القديمة ومنه الى شارع فتاشا وانت متجه غرب يقابلك على يدك الشمال صيدلية فتاشا الشارع البعد الصيدلية على يدك الشمال اول بابين كبار يفتح غرب
0912190458
Post: #107 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-15-2013, 08:28 PM Parent: #105
ابو الزوز رمضان كريم ..
Quote: أنشالله لو حالتي الصحية تحسنت سوف أكون معكم
يا زور كفارة ..! كان مفروض تعمل بروفة تأديب نفس قبل اسبوع من رمضان عشان التعويدة وكدة ..!!
أهدي ليك جزء من المدح الصوفي البيقول (علما الصبر نفسك ولو بالدق) ..!!
ولو حضرت مسلسل الخواجة عبد القار في رمضان الفات كنت أكيد حا تعرف فائدة شراب العرديب !!
كدي بالله لازم تجي .. جيتك ضرورية .!
Post: #108 Title: Re: إفطار بورداب الخرطوم السنوي الأول .. الدعوة عامة ..!! Author: salah awad allah Date: 07-15-2013, 08:38 PM Parent: #107
Post: #109 Title: Re: إفطار بورداب الخرطوم السنوي الأول .. الدعوة عامة ..!! Author: عمر صديق Date: 07-15-2013, 09:12 PM Parent: #108
غايتو يوم الجمعة دا صعب
لكن حانحاول
وربنا يوفقكم وتامين ولامين
Post: #110 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-15-2013, 09:54 PM Parent: #109
Quote: غايتو يوم الجمعة دا صعب
لكن حانحاول
وربنا يوفقكم وتامين ولامين
لو ما جيت يا عمر صديق بيت شيخك حتصيبك اللعنة
قبل ما تكون مسخوت
من الشيخ
Post: #111 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-15-2013, 11:42 PM Parent: #110
أخونا صلاح عوض الله ..!!
شنو يعني ياخ !!!
المرة دي ما معانا ولا شنو ؟!!
Post: #112 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-16-2013, 06:21 PM Parent: #111
الجمعة 10 رمضان 1434هـ الموافق 19 يوليو2013م
Post: #113 Title: Re: إفطار بورداب الخرطوم السنوي الأول .. الدعوة عامة ..!! Author: Nader Abu Kadouk Date: 07-17-2013, 06:20 AM Parent: #112
ذواليد يا خوي الناس دي بتحبك شديد اوعك تاني تزعل منهم.......
رمضان كريم يا شباب..............
Post: #114 Title: Re: إفطار بورداب الخرطوم السنوي الأول .. الدعوة عامة ..!! Author: زياد جعفر عبدالله Date: 07-17-2013, 06:55 AM Parent: #113
نعتذر يا ناذر و ذو اليد عن تلبية الدعوة بسبب تواجدنا في الطرف الآخر من الكرة الأرضية بس كان عندكم حاجة يا ناذر..انا جايي السودان نهاية السنة كان ربنا هون...
Post: #115 Title: Re: إفطار بورداب الخرطوم السنوي الأول .. الدعوة عامة ..!! Author: Artiga Gilani Date: 07-17-2013, 06:59 AM Parent: #113
بسم الله الرحمن الرحيم ناذر ذواليد وضيوفهم الكرام
فرقتوها معانا بى يوم واحد
حضور الخرطوم 20 /7
وكانت فرصة انو الواحد يقابل
بورداب الخرطوم نيابةً عن بورداب
البحر الاحمر ..
المهم الفطور التانى خلو لينا فى حدود 10 ايام
من الاول عشان نكون حضور ..
وتامين ولامين
وربنا يتقبل
ارتيقا
Post: #116 Title: Re: إفطار بورداب الخرطوم السنوي الأول .. الدعوة عامة ..!! Author: صلاح غريبة Date: 07-17-2013, 07:48 AM Parent: #115
ذواليد والاخوة في بورداب الخرطوم
عذرا لعدم تمكني من حضور افطار يوم الجمعة للاسباب التالية :
اولا : ان الاخ ناذر لم يبدى لى اي تعاون لذهابي معه الى منزل ذواليد ... وانا جديد في الخرطوم وساتوه .
ثانيا : ان الاخوة في ( السائحون ) ..... تلقيت منهم دعوة لحضور الافطار مع ( ود ابراهيم ) بمنزله بجبرة في نفس الوقت والزمان ( ومعي بوردابي كبير ... لن اذكر اسمه ) .
واكيبد في افطار الصحفيين سنلتقي .
المهندس صلاح غريبة - خبير وطني واستراتيجي
Post: #117 Title: Re: إفطار بورداب الخرطوم السنوي الأول .. الدعوة عامة ..!! Author: HAIDER ALZAIN Date: 07-17-2013, 07:53 AM Parent: #116
Quote: تلقيت منهم دعوة لحضور الافطار مع ( ود ابراهيم ) بمنزله بجبرة في نفس الوقت والزمان ( ومعي بوردابي كبير ... لن اذكر اسمه ) .
اول شئ يا غريبة ما بتكون اتلقيت دعوة ..بطل حركات نحن عارفنك زول " كرش " وطفيلي ساكت بتكون سمعت بيها وماشي تتجرجر..
تاني شئ يا غريبة البوردابي حا تذكر اسمه.. وبتذكره بتذكره..لانه دا طبعك وياها عادتك..كلمة اتنين وبتتحتحت زي صفق النيم متل الحت والفت والاندياح الكبيتو لسارة منصور ..تتذكروا ؟؟!
Post: #120 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-17-2013, 06:33 PM Parent: #116
Quote: ذواليد والاخوة في بورداب الخرطوم
عذرا لعدم تمكني من حضور افطار يوم الجمعة للاسباب التالية :
اولا : ان الاخ ناذر لم يبدى لى اي تعاون لذهابي معه الى منزل ذواليد ... وانا جديد في الخرطوم وساتوه .
ثانيا : ان الاخوة في ( السائحون ) ..... تلقيت منهم دعوة لحضور الافطار مع ( ود ابراهيم ) بمنزله بجبرة في نفس الوقت والزمان ( ومعي بوردابي كبير ... لن اذكر اسمه ) .
واكيبد في افطار الصحفيين سنلتقي .
المهندس صلاح غريبة - خبير وطني واستراتيجي
صلاح غريبة اعتذارك مش مقبول
قبل يومين وجدته في جريدة الانتباهة مقاطع يمين وشمال بالصورة كمان
Post: #118 Title: Re: إفطار بورداب الخرطوم السنوي الأول .. الدعوة عامة ..!! Author: علاء الدين حيموره Date: 07-17-2013, 07:55 AM Parent: #115
ذو اليد بالله طلب خاص جدا ( ام جنقر ) لو سمحت
Post: #119 Title: Re: إفطار بورداب الخرطوم السنوي الأول .. الدعوة عامة ..!! Author: Hani Arabi Mohamed Date: 07-17-2013, 01:02 PM Parent: #118
Post: #121 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-17-2013, 06:37 PM Parent: #119
ابو الزوز (زهير عثمان ) ايضاً اعتذارو غير مقبول ولابد من الحضور واليوم مقاطع في مقر صحيفة المجهر
الحمدلله بلغ الصحة والعافية
بالصورة
Post: #122 Title: Re: إفطار بورداب الخرطوم السنوي الأول .. الدعوة عامة ..!! Author: ناذر محمد الخليفة Date: 07-18-2013, 12:47 PM Parent: #121
نرحب بالسادة بورداب الخارج الذين اتصلوا وأكدوا حضورهم للأفطار ..
أحمد العمار من بورداب السعودية محمد سيد أحمد من بورداب الامارات
Post: #123 Title: Re: إفطار بورداب الخرطوم السنوي الأول .. الدعوة عامة ..!! Author: وضاحة Date: 07-18-2013, 04:06 PM Parent: #122
[Bبورداب الخرطووووووووووووووووم كل عام وانتم بخير
وموفرو الصحة والعافية
لعناية العوض المسلمي شخصياً
أرجو منك تشيل معاك موبايلك ويكون مشحوووون وتمشى لى على البورداب ديل يوم لمة الفطور وتجمع منهم مساهمتهم وارسالها لى رانية أوعااااااك تنسى والما بساهم كلمنى علشان اشيل حالوا هههههههههههه أوعاااااكم يا بورداب الخرطووووم تعملوا غمرانين
قول ليهم وضاحة قالت ليكم عاوزة تديكم فرصة فى المشاركة فى الاجر والثواب ودى فرصة لا تعوض فى هذا الشهر الفضيل فهنئاً لمن إغتنمها
***نداء عبر سودانيز اون لاين لى اهل الخير والبر فى شهر الرحمة *****
Post: #124 Title: Re: إفطار بورداب الخرطوم السنوي الأول .. الدعوة عامة ..!! Author: ذواليد سليمان مصطفى Date: 07-19-2013, 02:18 PM Parent: #123
الوصف للمتابعة 0912190458 من المحطة القديمة وانت متجه غرب في شارع فتاشا وعلى يدك الشمال الشارع الخامس بعد صيدلية فتاشا وانت متجه غرباً
Post: #125 Title: Re: إفطار بورداب الخرطوم السنوي الأول .. الدعوة عامة ..!! Author: زهير عثمان حمد Date: 07-19-2013, 02:42 PM Parent: #124
