التوب ما بيلبسوا معاهو كَـــبــَكْ ..!!

بالصدفة البحتة جدا كنت بقلب في قنوات التلفزيون وفجأة كدا لقيت روحي في قناة النيل الأزرق برنامج نجوم الغد .. جايبين فيهو واحدة ماشاء الله عليها .. غناية جدا .. وجميلة جدا ربنا يحفظا .. والزاد الطلعة بهاء إنها لابسة توب سوداني جميل .. غايتو تناسق لإبعد الحدود ..

المهم وقفت هنا شوية لحدي ما البت إنتهت من الغنية جيت أغير القناة جابو الأستاذ محمد سليمان عضو لجنة التحكيم عشان يقول رايو .. الزول دا قعد يفتي في البيعرفو وفي الما بيعرفو والواعدة ديك بتسمع فيهو بي إهتمام .. بعد شوية عاين ليها في كرعينا كدة وقال ليها : بس التوب ما بيلبسوا معاهو كَبَكْ ..!!

ياخ الزول ده سغيل سغالة مفرطة...وبايخ ...مالو ومالاا الله يملو


ناذر سلامات واريتك عافية ..ياخ رسل لى عنوان
واضح شان عايز ارسل حلة(ابو طبلة) للصديق
زهير حمد ..كل مرة الشباب ضاربين حلتو ....
وشايفك انت شمتان ....

بالله البت المسكينة زي اللطشوها كف صاموتي في عز الصقط ..!!

يا خي أنا زااتي زي الطقتني كهرباء لمن محمد سليمان قال كدة ..!!

كتمت نفس وقلت أشوف رد فعل المسكينة دي .. وشها من الاحراج بقى يجيب في كل ألوان الدنيا .. شي أحمر شي أصفر شي أخضر شي تركوازي ..!!

طبعا هي عارفة إنها في المسابقة كرعينا ما حا تظهر واكيد المصور ما حا يركز ليها الكميرا في كرعينا .. وأكيد هي بت صغيرة يعني لمن لبست التوب وجات بيهو أكيد ما ختت في راسا إنها تلبس كعب عالي أو حاجة ز دي .. وأكيد ما ختت في بالا إنو محمد سليمان بي غتاتتو المعهودة حا يشير لي حتة زي دي ..

أو احتمال هي طالبة جات من الجامعة طوالي على التلفزيون وهناك طلعت التوب وحاجات المكياج وجهزت روحا والكبك هي (أولريدي) لابساهو ..! ..

المهم البت إتحرجت حرج ما يعلم بيهو إلا الله وأنا القدامكم دا.. والمهم في الموضوع إنو بتاع الكاميرا ما جاب لينا الكبك عشان نعرف نوعيتو باتا ولا لاركو .. بابكر صديق زاتو لمن جاهو الدور برضو ضغط في موضوع الكبك دا شوية والبت وشها بي هناك زي أنوار الاسعاف كل شوية لون براو ..!

أنا نفسي أعرف البت بتغني بي خشمها .. البيخلي محمد سليمان دا يعاين في كرعينا شنو ؟؟!!

سلام معاوية عبيد ..

Quote: ناذر سلامات واريتك عافية ..ياخ رسل لى عنوان واضح شان عايز ارسل حلة(ابو طبلة) للصديق زهير حمد ..كل مرة الشباب ضاربين حلتو .... وشايفك انت شمتان ....

والله ما شمتان بس مشكلة زولك دا ما بيسمع نصيحتي ..!!

بعدين يا خي الزول في عضمة روحو ما واضح .. كيف تتوقع تلقا ليهو عنوان واضح ؟!

Quote: أنا نفسي أعرف البت بتغني بي خشمها .. البيخلي محمد سليمان دا يعاين في كرعينا شنو ؟؟!!

الخبرة يا عمك الخبرة


انت كيفنك

سلامات

نعم أنا برضو شفتها في اعادة البرنامج أمس....الاغنية جميلة جدا...أداء ممتاز...موسيقي رائعة جدا في سلم سباعي مرتب وإيقاع فريد...


لجنة التحكيم وخاصة محمد سليمان هذا مصاب بعقدة و مركب نقص...إنتقاد لاذع وشخصي...هو مالو ومال لبسها...البنت جميلة جدا ولا بسة جميل...نعم هي شعرت بخجل وحياء بالغ....ماذا لو لم تحضر هذه البنت مرة أخري...أري أن معها كل الحق...لايمكن للمزح أن يكون أداة للتبشيع....

أتمني أن تواصل هذه الفريدة وأتنبأ لها بمستقبل فريد

شكرا

Quote: طبعا هي عارفة إنها في المسابقة كرعينا ما حا تظهر واكيد المصور ما حا يركز ليها الكميرا في كرعينا .. وأكيد هي بت صغيرة يعني لمن لبست التوب وجات بيهو أكيد ما ختت في راسا إنها تلبس كعب عالي أو حاجة ز دي .. وأكيد ما ختت في بالا إنو محمد سليمان بي غتاتتو المعهودة حا يشير لي حتة زي دي .. أو احتمال هي طالبة جات من الجامعة طوالي على التلفزيون وهناك طلعت التوب وحاجات المكياج وجهزت رروحا والكبك هي (أولريدي) لابساهو ..! ..

تحياتي يا ناذر

طبعاً حضرتها و واضح أنو المتسابقه دى جاءت من البيت لابسه لبس عادي غير التوب لانو عارفه المشاركه دى
مش أمام جمهور امام لجنة بتختار المتنافسين للأدوار النهائية و هي جابت التوب عشان تكمل الصورة بتاعة
الأغنية الشايقية الأختارته (أنا لو كنت في حتته كنت حاقول لمحمد سليمان نسيت النخله في البيت) بس
محمد سليمان يستحيل يريح زول لكن تصدق رغم دا أنا شايف أنو كلامو القالو دا في حتتو و دى الحاجة الهو
اصلاً جايبنها ليهو (البودي لانقوتش) و لازم حتى في الاعداد للمسابقات دى تكون جاهز مية المية .

سلامات يا أبو النيز
أختلف معكم
الأستاذ محمد سليمان هو فاكهة البرنامج
الكل ينتظر تعليقه الذكي وروحه المرحه
الكاميرا دائماً ما تتابع انفعالاته الصادقة التي تصل في كثير من الأحيان للبكاء
الرجل مثقف حتى النخاع
معرفته بقدامى الفنانين
مواطنيه والأجانب منهم
معرفته بالشعر ومقدرته على استحضار الأبيات لرجل في سنه ... مدهشة
مقدرته على تلمس الجمال الخفي في الأصوات لا يضاهيه فيها حتى المختصين
قبل كم حلقة
غنت إحدى الفتيات ... بطريقة سيئة جداً
وسبقه د. الدرديري ود. سيف في التعليق عليها فحكموا عليها بعدم الموهبة والموت الفني
كان رأي الأستاذ محمد سليمان أنها موهوبة ولكنها فقط لم تحسن الاختيار
سألها أن تغني أغنية أخرى للفنان محمد وردي
بعدها مباشرة
طلب د. الدرديري ثم د. سيف السماح لهم بإعادة التقييم
وتغير رأيهم فيها للنقيض
التحية للاستاذ محمد سليمان
....
ها هي اللقطة التي تقصدها يا ناذر ... وعذراً لأن الصوت لم يكن جيداً
....


....

تحية لناذر وضيوفه الكرام

لا أحضر حلقة لا يكون فيها محمد سليمان موجود..
كما قال الاخ عوض هو فاكهة البرنامج
رجل سريع البديهة ، ذكي ، لمّاح ، يضفي على البرنامج حياة وحيوية
كل مشاهدي البرنامج والمشاركين فيه عارفين قفشاته ومرحو وهظارو
لذلك اتصور ان المتنافسة تقبلت ملاحظته بروح طيبة


وبيني وبينك يا ناذر أنا بحضر البرنامج
عشان أسمع تعليقات محمد سليمان ، وتحليل وتعليق د. الدرديري، متعة ياخ.
إنتو د. الدرديري ده كانوا داسينو وين؟؟

سلام نادر ..

كيفك يا عم ومشتاقين .. وينك مطول الغيبة ؟!!

سلام دكتور ياسر ..

Quote: لجنة التحكيم وخاصة محمد سليمان هذا مصاب بعقدة و مركب نقص...إنتقاد لاذع وشخصي...هو مالو ومال لبسها...البنت جميلة جدا ولا بسة جميل...نعم هي شعرت بخجل وحياء بالغ....ماذا لو لم تحضر هذه البنت مرة أخري...أري أن معها كل الحق...لايمكن للمزح أن يكون أداة للتبشيع....

انا شخصيا ما بتفق معاك في عقدة النقص دي ..
الزول ذكي ولماح وساخر جدا .. بس في حالة نجوم الغد ديل حقو يتعامل معاهم بي سياسة (راعي حرماني وأخشى عامل السن) .. لأنو المواهب ديل أولاد أو بنات صغار من ناحية العمر وحاجة زي دي ممكن تصدمهم وتعمل ليهم عقدة وبالتالي نخسر مبدعين حقيقيين ..

التبشيع ما حبابو ...

سلام سفيان ...

Quote: لكن تصدق رغم دا أنا شايف أنو كلامو القالو دا في حتتو و دى الحاجة الهو اصلاً جايبنها ليهو (البودي لانقوتش) و لازم حتى في الاعداد للمسابقات دى تكون جاهز مية المية .

أنا عارف وضعو شنو في البرنامج .. بس بي صراحة ما يكون بالطريقة الصادمة دي .. أساسا المشاهدين ما شايفين الكبك بتاع المطربة دي .. هو الوحيد الشاف الكبك !!.. وبما انو ما في جمهور كان يعمل نايم بدل يبشتنا كدة وفي نهاية الحلقة يقول ليها بي كل جدية (المرة الجاية ما اشوفك حايمة بي هنا بي كبكك دا) ..!!

يعني لا من درى لا من شاف ..!!

سلام الزوول ..

Quote: الرجل مثقف حتى النخاع معرفته بقدامى الفنانين مواطنيه والأجانب منهم

قبل فترة طويلة ونحن طلبة في الهند قابلت بالصدفة زول هندي عاش في السودان فترة طويلة جدا وتحديدا في كسلا .. عرفني بي نفسو وقال هو إتحادي جناح ابو هاشم ..! الهندي دا طول من السودان وبقى يسألني عن المعالم .. في النهاية دعوتو للحضور لإحتفال الطلبة السودانيين بعيد الأستقلال .. تشجع جدا وقال حا يجي بس بي شرط يدوهو فرصة يغني أغنية ..!! قلت ليهو إنت بتغني .. قال لي كيييف أسأل مني محمد سليمان !! قال هو غنى في برنامجو قبل كدة أعنية لعلي ابراهيم اللحو وحا يجي يغنيها في الحفل ..

الزول دا جا والفرقة حاولت تغني معاهو وما قدرت لأنو أختار اغنية صعبة (يا أخواني كان رقتو بوصف الشفتو) ..!

في النهاية ولي تحمسوا الشديد غناها من غير أي ألة موسيقية وبإداء جيد جدا اعجب الحضور ..

أسمو نسيتو لكن قال لي محمد سليمان وناس كسلا كانو بيلقبوهو بي (حِسو) ..!! و حسو دي تقريبا هي نص الحرروف المكونة لي اسمو ..!!


الزول النسألك .. محمد سليمان دا مش هو زاتو الزول النميري طردو من التلفزيون عشان قبل كدة سأل في مسابقة عن اسم ملك وجاوبوا ليهو قالوا ليهو إسمو نميري .. وقام رد قال : بالغت !! ومنها وعينو ما شافت إلا النور ؟!!


مشكور على الفيديو ..

سلام صلاح عبد الله ..

Quote: تحية لناذر وضيوفه الكرام لا أحضر حلقة لا يكون فيها محمد سليمان موجود.. كما قال الاخ عوض هو فاكهة البرنامج رجل سريع البديهة ، ذكي ، لمّاح ، يضفي على البرنامج حياة وحيوية كل مشاهدي البرنامج والمشاركين فيه عارفين قفشاته ومرحو وهظارو لذلك اتصور ان المتنافسة تقبلت ملاحظته بروح طيبة وبيني وبينك يا ناذر أنا بحضر البرنامج عشان أسمع تعليقات محمد سليمان ، وتحليل وتعليق د. الدرديري، متعة ياخ. إنتو د. الدرديري ده كانوا داسينو وين؟؟

لا خلاف معاك بس مع ناس نجوم الغد ديل بالذات حقوا يخفف العيار شوية ..

تسلم ..!!

Quote: جابو الأستاذ محمد سليمان عضو لجنة التحكيم عشان يقول رايو

الحبيب الفنان المرهف ناذر،

صحيح محمد سليمان زول لسانو لاذع لكن أنا لا أتفق أن هذا البرنامج هو مكانه المناسب

فالرأي في الموسيقى والغناء يجب أن يكون من مختصين ذوي خبرة في هذاالمجال

حتى يستفيد منهم المواهب ويتثقف الجمهور موسيقيا

لكن نحن في السودان عندنا عقدة ال###### بدور خناقو - وأي زول لسانو سليط تلقى الناس مقدماهو حتى لو كان ما بقدم لي قدام

وممكن عادي في السودان تلقى نفسك رئيس جمهورية عشان ما عندك أوتوكيت أو احترام للشخص القدامك وكلما كنت متبجح علا مقامك

أما ناس التلفزيون فأرجو أنهم يعملوا غرفة صغيرة جمب غرفة مكياج المزيعاات عشان ضيوف البرامج يراجعوا فيها أناقتهم بصحبة مختص
أو مختصة وممكن عادي الشركات الراعية تقدم الكباكة وبدائلها للجمهور مجانا لكن وين الإدارة المتخصصة.

مع احترامي للمعجبين بمحمد سليمان ولشخصه الكريم لكن الحقيقة تقال.

Quote: البيخلي محمد سليمان دا يعاين في كرعينا شنو ؟؟!!

ده مش الزول بتاع "يا راجل" حقت نميري داك؟

ســـلام يا ناذر .. كيفنك يا حبوب ...

كدي إنت رأي محمد سليمان ده خلي .. إنت رأيك شنو ؟؟

كبك مع توب يااااااخ

محمد سليمان غلبو السكات ... ولقاها مقشره ...


اها انا منتظر ... ما تطول علينا

سلام العوض ..

Quote: فالرأي في الموسيقى والغناء يجب أن يكون من مختصين ذوي خبرة في هذاالمجال

زي ما قال سفيان نابري .. الزول دا في البرنامج شغلو مع البوضي لانقوتش بس وما عندو شغلة بالغناء..!!

يعني تياب وكباكة وحاجات زي دي ..

Quote: Re: التوب ما بيلبسوا معاهو كَـــبــَكْ ..!!

والله الحريم تعبانات تعب
الجلابية يلبسوا معاها جزمة كشف ورباط ومركوب وشبشب وشبط وشدة مافي زول يقول بغم
محمد سليمان دا لست بعالج بي خشب الكينا يغليهو ويسقيك مئوية مرة ما بتبلع
علاج أخير منو الملاريا
ياخ الحبوب بقوا يغلفوها ويعملوا ليها سكر ونكهات
يا اخي يمكن دائر تعمل موضة جديدة انت مالك
جني

سلام يا ناذر ...

Quote: الزول دا قعد يفتي في البيعرفو وفي الما بيعرفو

وحاتك، كل الأشياء البفتي فيها (في البرنامج ده) ما بيفهم فيها. يعني شنو يتكلم - مثلاً - عن طبقات الصوت في وجود مختصين؟

Quote: محمد سليمان دا مش هو زاتو الزول النميري طردو من التلفزيون عشان قبل كدة سأل في مسابقة عن اسم ملك وجاوبوا ليهو قالوا ليهو إسمو نميري .. وقام رد قال : بالغت !! ومنها وعينو ما شافت إلا النور ؟!!

لا ما كده! .... الأيام ديك، أبعاج كان عامل ليهو كتاب ومطروح في السوق (نظام إنو أديب) .... فقام محمد سليمان في برنامجو، سأل عن كاتب وذكر إسم الكتاب (لا أذكر هذا الكاتب "العالمي")، واحد جاوب قال ليهو "جعفر نميري" ... كان وقتها محمد سليمان عندو ختم بتاع تريقة بيحبط بيهو الناس .... فقام فكاهو فيهو، وقال ليهو (((يا راااجل))!!

شاو دورشيد .. كيفك حبيبنا ؟!!

Quote: ده مش الزول بتاع "يا راجل" حقت نميري داك؟

يا هو زاااتو .. راجع رواية أبو الريش تحت ..!!

Quote: Quote: الزول دا قعد يفتي في البيعرفو وفي الما بيعرفو

محمد سليمان سال عن مؤلف وشاعر ورئيس أفريقي وكان يقصد ليوبولد سيدار سنجور واخونا جاوب جعفر نميري
ومحمد سليمان رد بعفوية يا راجل!
جني

سلام دكتور ..

Quote: كدي إنت رأي محمد سليمان ده خلي .. إنت رأيك شنو ؟؟ كبك مع توب يااااااخ

والله راي لو الواعدة دي بالغت .. مفروض محمد سليمان يكون هو الكبير وما يبالغ أكتر منها ...!!

Quote: اها انا منتظر ... ما تطول علينا

درستها تماما وفي شوية تعديلات وتغييرات جوهرية لا بد منها ..!!

إنشاء الله بكرة بالكتير برسل ليك التفاصيل في الإيميل ..

تسلم ..

جني ...

Quote: يا اخي يمكن دائر تعمل موضة جديدة انت مالك

أو ما عندها حاجة تلبسا غيرو ..!!

سلام ابو الريش ..

Quote: لا ما كده! .... الأيام ديك، أبعاج كان عامل ليهو كتاب ومطروح في السوق (نظام إنو أديب) .... فقام محمد سليمان في برنامجو، سأل عن كاتب وذكر إسم الكتاب (لا أذكر هذا الكاتب "العالمي")، واحد جاوب قال ليهو "جعفر نميري" ... كان وقتها محمد سليمان عندو ختم بتاع تريقة بيحبط بيهو الناس .... فقام فكاهو فيهو، وقال ليهو (((يا راااجل))!!

وبعد داك أظنو أب عاج نفاهو سيبيريا ولا وين كدة ما عارف .. مش ؟!

جني ..!!

Quote: ومحمد سليمان رد بعفوية يا راجل!

وبعد داك أظنو أب عاج نفاهو سيبيريا ولا وين كدة ما عارف .. مش ؟!

يا ناذر ياحبيب ولاتزعل نفسك
لبسنا التوب والكبك زى العجب
ولا يهمك
بعدين شيخنا محمد من المثقفين والعرفين بالشان الغنائى لملازمته الغناء فى برامجه منذ عشرات الاعوام
منذ ستينات القرن الماضى حين تحول من التدريس الى العمل الاذاعى

Quote: إنتو د. الدرديري ده كانوا داسينو وين؟؟ يا سلام عليك يا صلاح عبد الله تعرف درديرى دا زول ماعادى لانه اول حاجة ديامى تانى حاجة تخرج فى المعهد العام 79 تاليف وبيانو حسبما اذكر كان بغنى فى فرقة البلوستارز والاصدقاء وتحديدا كان بغنى لبروايت ومارفن غاى وكل ما تغنى به ذلك الجيل الامريكى فى الستينات والسبعينات رجل مثقف موسيقيا ومتواضع لابعد حد كون فى اوائل الثمانينات فرقة موسيقية رفقة الصديق ازهرى عبد القادر والراحل صلاح ابايزيد لكنها لم تر النور لعدة اسباب ربما وفاة صديقه صلاح ابايزيد اثرت عليه نفسيا عمل مدرسا للموسيقى فى المعهد وفى قصر الشباب والاطفال سافر للعمل فى اليمن وقضى سنوات طويلة عاد بعدها للعمل فى المعهد واكمل دراساته العليا اجمل صوت ممكن يؤدى فى طبقة "الباص" الان والى الابد [/

B]

Quote: يا سلام عليك يا صلاح عبد الله تعرف درديرى دا زول ماعادى لانه اول حاجة ديامى تانى حاجة تخرج فى المعهد العام 79 تاليف وبيانو حسبما اذكر كان بغنى فى فرقة البلوستارز والاصدقاء وتحديدا كان بغنى لبروايت ومارفن غاى وكل ما تغنى به ذلك الجيل الامريكى فى الستينات والسبعينات رجل مثقف موسيقيا ومتواضع لابعد حد

ياسلام ياخ معقوله ..... بالله الدرديري الكان بيغني في فرقة البلواستارز هو دكتور الدريري المحكم في نجم الغد ..... ياسلام ياسلام الف الف شكر يا احباب

وهنا بيرجع شريط الذكريات للعام 1979 وانا في اجازه واظن نفس هذه الايام احتفالات بالكريسمس او راس السنه والله اعلم وفي احدي نوادي الخرطوم وفرقة البلوستارز والدرديري بلكنة بوب مارلي ذاته في غنية We don’t need ……… no more troubles يالله الغنيه وقتها كان ظازه سمعتها في دولة الاغتراب .... وطازه طازه كانت تعزفها البلوستارز بطريقه مطابقه تماما للاصل والرائع الدرديري في قمة تالق وروعة اداءه .... وسافرت بعد الاجازه ... ومن وقتها وانا اتحسس اخبار الدريري ... فص ملح وداب .... والان بالصدفه اعرف ان المحكم الدكتور الدرديري بالعمه والجلابه والنظاره هو ذاك الشاب المبدع بالبنطلون والقمص في قمة موضة ذاك الزمان ياخي عليكم الله وصلو للحبيب الدكتور الدرديري طلب خاص لتاكيد كلامي الفوق ده وياريت تخلو يتعطف علينا ويدينا غنيه او غنيتين من غناء الزمن داك والف شكر للاستاذه سلمي والاخ ناذر وكل المتداخلين ...... قال كبك قال ياخي والا بلاش

محبتي واحترام

كبك مع التوب دى كيف

Quote: يا سلام عليك يا صلاح عبد الله تعرف درديرى دا زول ماعادى لانه اول حاجة ديامى

سلمى سلامة صاحبتي ، والله يا سلام عليك إنتي ياخ
د. الدرديري ده أنا كنت حاااااسي إنو زولي
يقوم يطلع ديامي عدييييل كده!! فعلاً الدم بيحن ياخ
صحي ديامي ..

بالله شفتي الزول ده قال عن الولد الغنى بالجيتار شنو؟
أنا لو قالوا لى الكلام ده ، بكره دي بنزل لي ألبوم.


تحياتي لك ، ولوليم أندريه وكلامو وذكرياتو السمحة..

أها ... الديامة إستلموا البوست

قاعدين نتكلم عن محمد سليمان ،الديامة قالوا كدي خلونا من سياسة بسمارك الخارجية وقعدوا يتكلموا في الدرديري

سلام يا ناذر
محمد سليمان شخص جميل وتلقائي
بذات "نفس " الإستعجال القال بيها يا رااااااااااجل قام " قهم" البنية إلا أنني بصراحة لا أشكـ في نواياهو
صراحة عجبني سؤال الديامي صلاح عبد الله بتاع :

Quote: إنتو د. الدرديري ده كانوا داسينو وين؟؟

وبحثت عن الإجابة حتى
وجدتها على لسان من عاشروه الأستاذة سلمى الشيخ سلامة .
هذا الرجل جميل جميل



______________________
قتً لي الدم بحن يا صلاح عبد الله

و الله دى فرصة الواحد يقول أنو بحب أستاذ الدرديرى
بالجد الزول دا فنان ، عندى خالى كلمنى عن فرقتهم
زمان .
بالجد سمعته أنو مغني ممتاز و بتمنى أني اسمعه
بغني .

شكراً يا ناذر ياخ

انا شخصيا شايف التوب مع الكبك ممكن يكون موضة او زي للطالبات خسوسا لو كان التوب ربط

اما في برنامج نجوم الغد يمكن لبس التوب مع الكبك لمساعدة الاغنية بي جكه


تحياتي ياناذر


زاتوووو

http://youtu.be/PRWoZDjW5BA

عاااادي التوب بلبسو معاهو كبك !!

دا اسمو فارق الاجيال يا ناذر
فارق الاجياااااال
مفروض م سليمان دا بالسينس ساى كدا
ما يتجرا على التعليق بتاع اللبس لانو بالبديهه كدا
بكون ما فارزو ... شن عرفوا بى لبس الالفية التالته كمان ؟؟
هسه يعنى لو جابوا لى الشفع البناطلينهم ناصلة ديك
ح يقول ليهم البنطلون دا برفعوا فى الكرش فوووق وبربطوا لى حزام ؟؟؟


دا مخصوص بلبسو مع التوب بدل الحنة ... لووووب




ودا بشكوو فيهو التوب


وكان لبست دا برضو هو بكون قايلو كبك









ـــــــــــــــــ
صدق البت دى ما بتكون عارفه الكبك دا شنو ذاتو !!!
انا القدامك دى عرفتو قريييب دا !












ــــــــــــــ
كدا الجماعة يادوب ح يفكوا ليك الدرديرى ..
لووووووول ..

يا ناذر سلامات
انا صراحة ما شفت الحلقة لكن من كلامك ومن تعليقات بعض الاخوة شميت الزول دة شم شديد
لكن ياهو دة حالنا بنكسر فى الموهوبين فى مجال الفن والاكاديميين فى مجال العلم واخرون اضف
على ذلك اننا بنتفنن فى سرقة افكار الغير اقصذ البرنامج نفسة فكرتة مسروقة من البرنامج الامريكى الناجح
اميركان ايدل وبما ان السرقة متواصلة اعتقد انة زولك دة علشان الاثارة قم بسرقة نفس الفكرة والتى قامت هى
بدورها فى انعاش سوق الصحف الغربية . الامريكية خاصة وصار جدل مثير حولها عندما انتقد احد الحكام احد المتسابقات
فى برنامج الرقص مع المشاهير وهذة احدى تفاصيل قصصة


Len Goodman on 'Dancing With the Stars' feud with Maks: 'You can't be a judge at your own trial' -- VIDEO
by Annie Barrett
Categories: Dancing With the Stars, Reality TV, TV Pilots
Comments 403Add comment

Dancing With the Stars head judge Len Goodman has taken to Access Hollywood to address longtime professional dancer Maksim Chmerkovskiy’s claim on Monday night that the celebrities on DWTS are judged on their “so-called potential” instead of the performance of the night.
“How often, in the heat of the moment, we say things where we think why did I say that? I think Maks is going through one of those period right now,” Goodman said.
“What they have to understand is: They’re on trial. We’re the judges,” Goodman clarified. “You can’t be the judge at your own trial.”
On Monday night, after Len called Hope Solo’s rumba her worst dance of the season, he said Maks was to blame for half of that and reminded the pro that he’s been in this business for 50 years. “Maybe it’s time to get out,” Maks shot back.

تحياتي وسلامات ناذر وضيوفه

Quote: ده مش الزول بتاع "يا راجل" حقت نميري داك؟

يعرف المخضرمون أمثالنا أن المذيع صاحب عبارة " يا راااااجل "
هو المذيع حمدي بدرالدين

معليش ياناذر متاسفين
لكن للاخ عاطف عمر اقول
لم يكن حمدى بدر الدين بل محمد سليمان فى برنامجه "جراب الحاوى "
وكان السؤال عن "من هو الرئيس الافريقى الشاعر والكاتب ؟"
فجاءت الاجابة
ـ جعفر نميرى
فضحك وقال جملته المشهورة "يا رااجل "
ولهذا السبب تم توقيفه من العمل فى ذاك البرنامج ولم يعد اليه
بل رجع ببرنامج "دنيا دبنقا " فى التلفزيون
ولم يعد لبرنامج "جراب الحاوى فى الاذاعة الا فى العقد الاول من هذه الالفية
والله اعلم
اما حمدى بدرالدين فلم يكن يقدم سوى الاخبار والبرامج الاخبارية فى الاذاعة
برنامجه الاشهر كان "فرسان فى الميدان "وقولته الشهيرة
حين كان قد قرأ سورة خطا"اذا جاء نصر الله والحق "
وتم انذاره فقط يومها فى اوائل الثمانينات

Quote: لم يكن حمدى بدر الدين بل محمد سليمان فى برنامجه "جراب الحاوى " وكان السؤال عن "من هو الرئيس الافريقى الشاعر والكاتب ؟" فجاءت الاجابة ـ جعفر نميرى فضحك وقال جملته المشهورة "يا رااجل " ولهذا السبب تم توقيفه من العمل فى ذاك البرنامج ولم يعد اليه قط بل رجع ببرنامج "دنيا دبنقا " فى التلفزيون ولم يعد لبرنامج "جراب الحاوى فى الاذاعة الا فى العقد الاول من هذه الالفية

هوَ كده يا أستاذة

Quote: لكن للاخ عاطف عمر اقول لم يكن حمدى بدر الدين بل محمد سليمان فى برنامجه "جراب الحاوى " وكان السؤال عن "من هو الرئيس الافريقى الشاعر والكاتب ؟" فجاءت الاجابة ـ جعفر نميرى فضحك وقال جملته المشهورة "يا رااجل " ولهذا السبب تم توقيفه من العمل فى ذاك البرنامج ولم يعد اليه بل رجع ببرنامج "دنيا دبنقا " فى التلفزيون ولم يعد لبرنامج "جراب الحاوى فى الاذاعة الا فى العقد الاول من هذه الالفية والله اعلم اما حمدى بدرالدين فلم يكن يقدم سوى الاخبار والبرامج الاخبارية فى الاذاعة برنامجه الاشهر كان "فرسان فى الميدان "وقولته الشهيرة حين كان قد قرأ سورة خطا"اذا جاء نصر الله والحق " وتم انذاره فقط يومها فى اوائل الثمانينات

مرااااااحب أستاذتنا

وهل نجرؤ على الفتوى في أمور الفن وسلمى بالبورد ؟؟؟
تشابهت علينا الطرف إذاً
والعتب على الذاكرة

تشكرات ياغالية

Quote: كدا الجماعة يادوب ح يفكوا ليك الدرديرى ..

وييييين أفكو يا دينا ، أنا يا دوب استلمتوا
د. الدرديري طلع ديامي ياخ !!
والله ناذر ده الا يعمل (أورنيك 3) أو يناقش (السياسة الخارجية)

عمران قلت لي ( هو كده ) والله إنت قديم فعلاً
على ما اذكر ، دي طبعاً العبارة الكان بيستخدمها محمد سليمان عند الإجابة الصحيحة
في برنامجه الأشهر جراب الحاوي

والله السبب الوحيد البيخليني أحضر (بلاوي الغد) ده ، هو د. الدرديري
ياخي ده المفروض يمسكوه شأن الغنا في البلد المنكوبة دي

كانت معانا زميلة في الجامعة لو لبست شوال فحم قديم بتوقف البلد
مرات كانت بتلبس جزمة رياضية مع التوب .... إنا لله ياخ.

قطع شك استاذ محمد سليمان ما شاف الشافها.

يا جماعة جاييكم واحد واحد ..

بس قبل كدة أرجو إنكم تشوفوا الفيديو الجابتو الاستاذة سارة عيسى أحمد وفيهو بت بتغني راب في قناة النيل الأرزق ..!!

إتخيلوا بتغني راب ولابسة توب وكمان لابسة مع التوب والراب كبك ..!!

دي غايتو لو جات قدام محمد سليمان كان طخاها رصاصة ..!!


شوفوا :

http://www.youtube.com/watch?v=PRWoZDjW5BA&fe...=youtu.be[/green][/B]

سلمى سلامة ..

Quote: يا ناذر ياحبيب ولاتزعل نفسك لبسنا التوب والكبك زى العجب

إقتنعت مما شفت البت اللطيفة الفي الفيديو الفوق دا بتغني راب بالكبك وفي غاية الرشاقة ..!!

يلا البقنع محمد سليمان منو ؟!!

بوستك لقطة يا نادر



يديك العافية

وليم

Quote: وهنا بيرجع شريط الذكريات للعام 1979 وانا في اجازه واظن نفس هذه الايام احتفالات بالكريسمس او راس السنه والله اعلم وفي احدي نوادي الخرطوم وفرقة البلوستارز والدرديري بلكنة بوب مارلي ذاته في غنية We don’t need ……… no more troubles يالله الغنيه وقتها كان ظازه سمعتها في دولة الاغتراب .... وطازه طازه كانت تعزفها البلوستارز بطريقه مطابقه تماما للاصل والرائع الدرديري في قمة تالق وروعة اداءه .... وسافرت بعد الاجازه ... ومن وقتها وانا اتحسس اخبار الدريري ... فص ملح وداب .... والان بالصدفه اعرف ان المحكم الدكتور الدرديري بالعمه والجلابه والنظاره هو ذاك الشاب المبدع بالبنطلون والقمص في قمة موضة ذاك الزمان ياخي عليكم الله وصلو للحبيب الدكتور الدرديري طلب خاص لتاكيد كلامي الفوق ده وياريت تخلو يتعطف علينا ويدينا غنيه او غنيتين من غناء الزمن داك والف شكر للاستاذه سلمي والاخ ناذر وكل المتداخلين ...... قال كبك قال ياخي والا بلاش

مشكور على المعلومات المفيدة ..

وضاحة ..

نفسي أفهم عملتيها كيف المرة دي ..!!

وأم رفارف لسع ما إنتبهت لسع إنتي هنا ولا شنو ؟!!

Quote: كبك مع التوب دى كيف

شوفي الفيديو الفوق عشان تعرفيها كيف ..

بس أوعك تجينا لا بساهو مع التوب كان ما إتعلمتي راب

سلام عمران ..

Quote: سلام يا ناذر محمد سليمان شخص جميل وتلقائي بذات "نفس " الإستعجال القال بيها يا رااااااااااجل قام " قهم" البنية إلا أنني بصراحة لا أشكـ في نواياهو

التلقائية كويسة بس ما تكون صادمة ومحبطة ..

بعدين الزول دا شن عرفو بالتوب والكبك ..! أهو الديامة جو أفتوا قالوا لبسوهو لمن فترو ..

والفيديو كليب أهو فيهو واحدة بتغني ولابسة مع التوب كبك ..!

على كل حال أنا برضو ما شاكي في نواياهو ..

المناظر هي زاتا
الصور نفس المشاهد
الشوارع والبيوت
الأماكن والمقاعد
والزمان ثابت مكانو
والرقم اللسه واحد
.....
دنيا تتغير ودنيا
ادمنت عشق الثوابت
......
ياناذر نحن لي اسي شغالين بالفارغه والمقدوده ...
يعني بعد كلام الزول ده للبت دي ... اي شخص حايجي في البرنامج ده حايفكر مليون
مره في لبسه ومظهره خوفا من الاحراج اكتر من تفكيرو في طريقة ابراز مالديه.... واكيد
النتيجه حاتكون زي الواطة دي .
ياخ والله بطنا بقت طامه من جنس ده .... ياخي اكتر المبدعين بطلعوا من طبقة الفقراء
الا عندنا لازم يكونو ممن لديهم مقدره ماديه و ذوق واتيكيت . واي خروج عن المالوف
هو سقوط.
الله يعينا ونتحرر من الثوابت دي.

!!

Quote: و الله دى فرصة الواحد يقول أنو بحب أستاذ الدرديرى بالجد الزول دا فنان ، عندى خالى كلمنى عن فرقتهم زمان . بالجد سمعته أنو مغني ممتاز و بتمنى أني اسمعه بغني . شكراً يا ناذر ياخ

لا شكر على واجب يا سفيان ياخ ..!!

بس مداخلتك بقت لي زي إهداءات ناس ريفي المناقل البيجيبوها في برامج منوعات الإذاعة ..!!

..!!!

Quote: انا شخصيا شايف التوب مع الكبك ممكن يكون موضة او زي للطالبات خسوسا لو كان التوب ربط

الخالات وصلوا

Quote: اما في برنامج نجوم الغد يمكن لبس التوب مع الكبك لمساعدة الاغنية بي جكه

ههههههههه

أيوة يا دينا وريهو

Quote: دا اسمو فارق الاجيال يا ناذر فارق الاجياااااال مفروض م سليمان دا بالسينس ساى كدا ما يتجرا على التعليق بتاع اللبس لانو بالبديهه كدا بكون ما فارزو ... شن عرفوا بى لبس الالفية التالته كمان ؟؟ هسه يعنى لو جابوا لى الشفع البناطلينهم ناصلة ديك ح يقول ليهم البنطلون دا برفعوا فى الكرش فوووق وبربطوا لى حزام ؟؟؟

Quote: انا القدامك دى عرفتو قريييب دا !

لا لا .. إنتي كمان ما تكتري المحلبية

مشكور على المداخلة يا هشام أمين ...

Quote: يا ناذر سلامات انا صراحة ما شفت الحلقة

أخونا عوض منزل الفيديو فوق من اليوتيوب ممكن تشوفوا لو ما انت في الصين ..!

سلام السيدح ..

Quote: بوستك لقطة يا نادر

أوع يكون لقطة دي جمعها لقيطة !!

الراجل الكبير دة مُحرج وسـخـيف جدا
مابدورو من زمن برنامجو داك ...

سلام وليد ..

Quote: ياخ والله بطنا بقت طامه من جنس ده .... ياخي اكتر المبدعين بطلعوا من طبقة الفقراء الا عندنا لازم يكونو ممن لديهم مقدره ماديه و ذوق واتيكيت . واي خروج عن المالوف هو سقوط.

يديك العافية يا وليد ..

مزمل خيري ..

Quote: الراجل الكبير دة مُحرج وسـخـيف جدا مابدورو من زمن برنامجو داك ...

داير أقول ليك قصدك برنامج جراب الحاوي لكن إتذكرت إنك ما عجوز قدر دا ..!
أظنك قاصد برنامج (بدون عنوان) ..

..
.

Quote: أنا نفسي أعرف البت بتغني بي خشمها .. البيخلي محمد سليمان دا يعاين في كرعينا شنو ؟؟!!

والله انا زااتى غاظنى ..
ياخى دا زول ثقيل ودمو تقيل وقايم بجهلو .. وما عايز يعقل وفاكر نفسو ناقد فنى وادبي
ومحلل صوتى وعلامة .. حسي ما شايف طريقة إدارة البرنامج دا فى امريكا ..
وبرضو فاكر نفسه ذو حس فكاهى ..
--------------

والله يا ناذر بتمنى يشوف البوست دا ولا يشوفوا واحد من اهله
ولا اولادو عشان يعرف عباطه دى ويبطلها
فاكره خفه دم .. بدل ما ينتقد الصوت والاداء جاارى للكبك ..