Post: #1 Title: وهمات الفنانين الشباب ..!! Author: ناذر محمد الخليفة Date: 08-03-2012, 06:16 PM Parent: #0
عنوان هذا البوست مقتبس من بوست قديم لصديقي وهبة كان عنوانه : (دقسات الفنانين الشباب) ، وكان جل محوره يدور حول ترديد الفنانين الشباب لأغاني الغير ومن ثم يخطئون في نطق بعض مفردات تلكم الأغاني عن جهل أو عن عمد ..!
على كل حال .. أنا أعتقد ان بوستي هذا سيكون إمتداد أو تكملة للبوست ذاك .. ولكن سأتناول فيه بعض سلوكيات الكثير من ناشئة الفنانين الذين ظهروا في الساحة مؤخرا .. حقيقة بعضهم يمتلك موهبة ممتازة وينتظره مستقبل مبهر ومشرق وللأسف هؤلاء اقلية اما الأكثرية فيتوزعون في تقييمي أن بعضهم خلقته الصدفة والعلاقات المصلحية المتشعبة والأخر صحى من نومه وقرر فجأة دون مقدمات ان يصير (فنان شباب) .. أما الأكثرية والأغلبية فهم بعض من العاطلين والذين ضاقت بهم سبل الحياة وفرص التوظيف فقرروا إمتهان الفن كي يدر عليهم ببعض المال (نعم بقرار يخصهم وليس موهبة منحها لهم الرب) !! فملأوا هواءنا نقيقا ونعيقا ونهيقا وفحيحاً !!
ولذلك فقد ذكرت في عدة أماكن غير هذا المكان أنني سعيد جدا بقانون المهن الموسيقية الجديد والذي صار يعطي رخصة وبطاقة لمن يريد ممارسة الغناء ولمن يستحقها فقط لأن ذلك من شأنه فرز الكيمان وليبق من يبقى في الساحة لينفع الناس ويذهب الزبد جفاء ..!!
Post: #2 Title: Re: وهمات الفنانين الشباب ..!! Author: Hani Arabi Mohamed Date: 08-03-2012, 06:25 PM Parent: #1
تحياتي ناذر.
لو قدّم كل فنان شاب إنتاجه الخاص بدلاً من اجترار تلك الأغاني التي كانت عظيمة ومللنا من كثرة ما سمعناها - أما كان ذلك أفضل ؟
شكراً على الموضوع المهم.
Post: #3 Title: Re: وهمات الفنانين الشباب ..!! Author: عمر الفاروق Date: 08-03-2012, 06:28 PM Parent: #1
أكبر وهمة يا ناذر هي وهمة إطلاق الألقاب مع إسم الفنان الشاب..والجميل في الموضوع إنو اللقب بيطلعوا الفنان لي روحو براااهو ومعاهو اولاد الحلة اصحابو .. يعني قصة الأمبراطور والبرنس و و و و .. والغريب في الموضوع اللقب بعد شوية بيمشي بي كترة التكرار وعااادي الفنان يصدق إنو ده لقبه في السوق.. يعني ابراهيم عوض رحمة الله عليه لما لقبوهو الفنان الذري ما من فراغ وما هو السماهو لي روحو مش؟ وقعت ليك الوهمة ؟
Post: #4 Title: Re: وهمات الفنانين الشباب ..!! Author: ناذر محمد الخليفة Date: 08-03-2012, 06:33 PM Parent: #1
رغم ان ظروف الحياة وضغوطاتها أبعدتني عن مجال الموسيقى والغناء وقراري الذي اتخذته بعدم المواصلة في هذا المجال عقب تخرجي من كلية الموسيقى والدراما مباشرة .. الا أنني رغم ذلك لم أبتعد كثيرا عن هذا الوسط إذ لا زلت أكتب المقالات الفنية في الصحف ولا زلت أتابع بالحضور والمشاركات بعض المناسبات العامة والخاصة والمنتديات الفنية والثقافية ، كما أن مكتبي لا يزال قبلة للفنانين الشباب الذين يأتون لمشاركتي إياهم في لحن عجز عليهم صياغته بشكل سليم او بعضهم يحمل كلمات يريد إيجاد لحن لها ، والكثيرون منهم يأتون لعمل البروفات معي كي أصاحبهم بالعزف أو الغناء في تسجيلات القنوات التلفزيونية او إذاعات الإف إم ، ومن ثم بدأت اكتشف رويدا رويدا أن الغالبية العظمى من هؤلاى المبدعين أو الواعدين تعيش (اوهاما) متنوعة !! بعضها زرعوه أنفسهم فيما بينهم وبعضها أطلقها أحدهم فصدقها وصدقه الأخرون من بعده ، مما جعلهم يعيشون في عوالم غريبة تجعلني (رغم أني أكبر منهم عمرا وتجربة وممارسة) أندهش لبعض سلوكياتهم وأحيانا اضطر لمعايشة (الوهمة) وانا صاغر !!
أرجو ملاحظة أنني أتحدث عن فنانين وواعدين مواليد الثمانينات والأكثرية مواليد العام 1985 فما فوق ..!!
والحقيقة أنني تحدثت مع الكثيرين منهم ممن تربطني بعم علاقة جيدة عن هذه السلوكيات وضرورتها ولم اصل معهم لنقطة توافقية ولكني أخبرتهم انني سأقوم بالكتابة عن هذه المسائل بصورة عامة فربما بمشاركة القراء نكون فكرة او رأي موحد وذلك حرصا على أن يأتي جيل الغناء القادم صحيا معافى يسير بنا من المحلية نحو العالمية بعد ان يقدر الخطى موضعها ..!!
والآن ما هي هذه الوهمات ؟!!
Post: #5 Title: Re: وهمات الفنانين الشباب ..!! Author: ناذر محمد الخليفة Date: 08-03-2012, 06:47 PM Parent: #4
سلام هاني عربي ..
Quote: لو قدّم كل فنان شاب إنتاجه الخاص بدلاً من اجترار تلك الأغاني التي كانت عظيمة ومللنا من كثرة ما سمعناها - أما كان ذلك أفضل ؟
طبعا مسألة الإنتاج الخاص للفنانين جزء من الوهمة وحا أذكرا ضمن الوهمات لأنو الفنانين ديل بيتعمدوا ينتجوا اعمال انفجارية مفرقعاتية للفت الأنظار وهذه الأعمال لا تصلح للغناء ولا حتى داخل الحمامات والغرض منها نشرها في الفيس بوك والمنتديات المختلفة بغية لفت الأنظار والشهرة ..!!
اقرا البوست دا وفي بوست فتشوا كاتبو فيصل نوبي أسمو (قالوا لي بتسجر كمان بقيت بتسف أوع من السجارة أوع بكرة تلف) :
Post: #6 Title: Re: وهمات الفنانين الشباب ..!! Author: ناذر محمد الخليفة Date: 08-03-2012, 06:51 PM Parent: #4
عمر الفاروق والله التقول فكي :
Quote: أكبر وهمة يا ناذر هي وهمة إطلاق الألقاب مع إسم الفنان الشاب..والجميل في الموضوع إنو اللقب بيطلعوا الفنان لي روحو براااهو ومعاهو اولاد الحلة اصحابو .. يعني قصة الأمبراطور والبرنس و و و و ..
اساسا لو صبرت شوية كنت حا تلاقي قصة الألقاب دا أنا كاتبا هنا .. لأنها واحدة من اهم الوهمات الحا اذكرا بس لكن ما الأولى لأني راصي وهمات الشباب ديل حسب الاهمية ..
الأهمية بالنسبة ليهم طبعا ما لي أنا ..!!
Quote: يعني ابراهيم عوض رحمة الله عليه لما لقبوهو الفنان الذري ما من فراغ وما هو السماهو لي روحو مش؟ وقعت ليك الوهمة ؟
ايوة وقعت لي يا عمر بس إنشالله تقع لي فنان نيالا داك عرفتو ؟!!
الفنان دا بيقلد حيدر بورتسودان أو صوتو بيشبهو .. المهم كاس لي روحو لقب فني ما لقى غير لقب : حيدر بورتسودان نيالا !!
Post: #7 Title: Re: وهمات الفنانين الشباب ..!! Author: ناذر محمد الخليفة Date: 08-03-2012, 06:57 PM Parent: #6
الوهمات هي :
* وهمة مدير الأعمال *وهمة الحفلات الخيرية *وهمة الظهور في الصحف والتلفزيون والاذاعات * وهمة شراب القهوة في شارع الفلل الرئاسية بعد إطناشر بالليل !! * وهمة اللقب الفني * وهمة إنتاج عمل هابط إضطراريا ونشره في إم بي ثريهات الفرد والفيس بوك * وهمة قروب محبي الفنان فلان الفرتكاني في الفيس بوك .. * وهمة (أنا مسافر القاهرة اسجل فيديو كليب ) !!
بالإضافة لوهمات متعددة ومتفرقة سنعرض لها في حينها ..!!
Post: #8 Title: Re: وهمات الفنانين الشباب ..!! Author: محجوب البيلي Date: 08-03-2012, 07:17 PM Parent: #7
Quote: حيدر بورتسودان نيالا
زكرتني المرا ال سمّت بتّها "نجلاء فتحي" ------------------ رمضان كريم
Post: #10 Title: Re: وهمات الفنانين الشباب ..!! Author: عمر الفاروق Date: 08-03-2012, 07:23 PM Parent: #8
Quote: رغم ان ظروف الحياة وضغوطاتها أبعدتني عن مجال الموسيقى والقناء وقراري الذي اتخذته بعدم المواصلة في هذا المجال عقب تخرجي من كلية الموسيقى والدراما مباشرة .. الا أنني رغم ذلك لم أبتعد كثيرا عن هذا الوسط إذ لا زلت أكتب المقالات الفنية في الصحف ولا زلت أتابع بالحضور والمشاركات بعض المناسبات العامة والخاصة والمنتديات الفنية والثقافية ، كما أن مكتبي لا يزال قبلة للفنانين الشباب الذين يأتون لمشاركتي إياهم في لحن عجز عليهم صياغته بشكل سليم او بعضهم يحمل كلمات يريد إيجاد لحن لها ، والكثيرون منهم يأتون لعمل البروفات معي كي أصاحبهم بالعزف أو الغناء في تسجيلات القنوات التلفزيونية او إذاعات الإف إم ، ومن ثم بدأت اكتشف رويدا رويدا أن الغالبية العظمى من هؤلاى المبدعين أو الواعدين تعيش (اوهاما) متنوعة !! بعضها زرعوه أنفسهم فيما بينهم وبعضها أطلقها أحدهم فصدقها وصدقه الأخرون من بعده ، مما جعلهم يعيشون في عوالم غريبة تجعلني (رغم أني أكبر منهم عمرا وتجربة وممارسة) أندهش لبعض سلوكياتهم وأحيانا اضطر لمعايشة (الوهمة) وانا صاغر !!
غايتو يا ناذر وللضماان كده ..مداخلتك دي أكبر وهمة
Post: #9 Title: Re: وهمات الفنانين الشباب ..!! Author: ناذر محمد الخليفة Date: 08-03-2012, 07:18 PM Parent: #7
وهمة مدير الأعمال
هذه الوهمة تحديدا تدخل المرء في العديد من الإحراجات ولعل اكبر شاهد على هذه الوهمة الموسيقار يوسف الموصلي ..!!
عندما حضر الموسيقار الموصلي للسودان في المرة قبل الأخيرة .. اخبرته ان لدي احد الفنانين الشباب الذين اثق في حسن موهبته وصوته وأخبرت الموصلي أن يستمع لهذا الصوت .. وافق الموصلي على موعد محدد .. فإتصلت بهذا الشاب ولم يصدق أنه سيقدم تجربة اداء أمام الموصلي !! وطلبت منه أن يكون مستعدا وشاورته فيما سيغنيه وأتفقنا على اغاني محددة يغنيها وأنا سأصاحبه على ألة العود ..!
الذي حدث أن ذلك الشاب كان يسكن بعيدا وحضر متاخرا بعد أن تاه عن مكان اللقاء وكان الوقت ضيقا نسبة لأنه من المفروض أن اذهب مع الموصلي لمناسبة زواج تخص أحد اقربائه وعند وصول ذلك الفنان فضلنا الخروج جميعا ، ولما كان المشوار بعيدا فقد طلبت من ذلك الشاب ان يسمع الموصلي صوته .. وبالفعل غنى لنا في السيارة وقد اعجب الموصلي بغنائه لدرجة انه حينما وصلنا للمناسبة قدم الموصلي ذلك الشاب في وصلة غنائية فغنى وابدع واطرب وانصرفنا بعد ذلك وهو غير مصدق أن الموصلي قدمه في حفل وانه اعجب بأدائه ، بل وكانت هذه الحادثة مصدر (قشرة) له أمام اصدقائه الفنانين إياهم ..!!
وعندما حضر الموصلي للسودان في المرة الأخيرة تناقشنا كعادتنا في حال الساحة الفنية فجاءت سيرة ذلك الفنان الشاب سألني الموصلي عنه وكنت لم اقابله منذ فترة طويلة فأتصلت به في حضور الموصلي وكان الحوار كالتالي :
* الو !! السلام عليكم !! * وعليكم السلام ؟! منو معاي ؟!! * معليش الظاهر النمرة غلط .. دا ما تلفون ...... ؟؟!! * قصدك الأستاذ ...... ؟! *أيوة .. ممكن أكلمو ؟! * ممكن اعرف الموضوع شنو ؟! أنا مدير أعمالو ..!! * مدير أعمالو ؟!! * ايوة .. لو عندك حفلة أو ارتباط أنا المسئول ..! * لا لا ما عندي .. ممكن تديني رقم تلفونو ..!! * والله يا خي إلا اتصل بيهو أول .. أقول ليهو منو ؟!! * قول ليهو يا خي يوسف الموصلي بيسأل منك ..! * يعني يوسف الموصلي دا دايرو في حفلة ولا دايرو لي شنو ؟! * إنت ما عرفت يوسف الموصلي دا منو ؟!! * لا لا ما بعرفو والله لكن ما مشكلة لو دايرو في مناسبة ..! * لا لا شكرا .. ما داير منك ولا منو أي حاجة سلام عليكم .!!
وطبعا قفلت الخط والدخان طالع من اضاني من شدة الغيظ ..!!
Post: #11 Title: Re: وهمات الفنانين الشباب ..!! Author: ناذر محمد الخليفة Date: 08-03-2012, 07:24 PM Parent: #9
ود البيلي ..!!
Quote: زكرتني المرا ال سمّت بتّها "نجلاء فتحي"
اللهم اني صائم .. بالمناسبة الليلة رمضان إنقسم النص .. شيل الصبر ..
Post: #12 Title: Re: وهمات الفنانين الشباب ..!! Author: مازن الجمّال Date: 08-03-2012, 07:38 PM Parent: #11
Quote: * يعني يوسف الموصلي دا دايرو في حفلة ولا داير ولي شنو ؟!
عارف يا ناذر كان المفروض تربطو بحفلة وهمية اول حاجة وتحدد ليو مواعيدها وبعد داك تقفل منو الخط
Post: #13 Title: Re: وهمات الفنانين الشباب ..!! Author: ناذر محمد الخليفة Date: 08-03-2012, 07:39 PM Parent: #9
وهمة مدير الأعمال دي .. معظم الفنانين الشاب او الواعدين وبعضهم لم يظهر ولا حتى في وسيلة إعلامية جتى الأن هم يعتبرونها ضرورة لا بد منها .. كمظهر إجتماعي وك (تكبير للكوم) و ايضا نوع من البرستيج ..!!
طبعا لا يغركم كلمة (مدير الأعمال) دي ..!! هي الاعمال زاتا وينا .. مدير الأعمال دا أساسا هو (بعام) ولمن لا يعرف البعام هو بيكون واحد من الجماعة البيباروا الفنانين يطلع معاو ويعتل الساوند والأورغن عشان في الحفلة يستمتع بالأغاني والعشاء ويتفرج على الجكس !! والفنان بيستغل الحكاية دي يقوم فجأة يديهو لقب (مدير أعمال) ودا هو البيتفق مع الزبون على الحفلة وقيمة الأجر والتفاصيل الزي دي ..!!
من الطرائف .. مرة مشيت مع واحد من الفنانين الشباب شارع النيل .!.! جاهو تلفون بعد شوية قال لي الفنان فلان الفلاني جاي علينا ..!! قلت ليهو دا منو الفنان دا اول مرة اسمع بيهو ..!! قال لي معقولة ما بتعرفو ..! دا فنان من بحري ياخ وزول معروف ؟! قلت ليهو معروف على يا تو مستوى ..!! قال : يعني ما معروف خالص لكن نحن الفنانين بنعرفو ..! قلت ليهو أنا ما حصل لي الشرف ..! قال لي : يا خي طيب مدير أعمالو فلان العلاني إتذكرتو ؟!! قلت ليهو يطرشني لا هو لا مدير أعمالو ما عرفتو ..!
بعد شوية جات عربية وقفت قدامنا نزلو منها نفرين .. سلموا وقعدوا وحصل التعارف .. بعد شوية صحبي قال ليهو يسمعني أغنية .. زولك بدا يغني فارق صوت وفارق زمن وفارق جمل الطريفي !! وما عندو علاقة بالغنا نهائي .. والغريبة الزول الجمبو اللي هو مدير أعمالو بيتبسم ويصفق برا الزمن وعامل فيها منطرب وأنا بتبسمل واتحوقل وأسأل الله السلامة ..!!!
الطريف في الموضوع صحبي مفتكرني حا أعرف الفنان لمجرد إني حا أعرف مدير أعمالو .. والأطرف لمن جينا نمشي الفنان الصوتو ما ينفع يتكلم بيهو دا ودعني على اساس أني مدير أعمال الفنان الجيت معاو !!
Post: #15 Title: Re: وهمات الفنانين الشباب ..!! Author: ناذر محمد الخليفة Date: 08-03-2012, 07:56 PM Parent: #13
عمر الفاروق ..
Quote: غايتو يا ناذر وللضماان كده ..مداخلتك دي أكبر وهمة
المهم إنها ما وهمة من فنان شاب زي القاصدم أنا ..!!
بالمناسبة .. كان عنك صورة زمان وإنت ماسك مايك في واحدة من حفلات الرياض وواهم روحك بتغني ..!!
وين الصورة دي ؟!!
Post: #16 Title: Re: وهمات الفنانين الشباب ..!! Author: ناذر محمد الخليفة Date: 08-03-2012, 07:58 PM Parent: #13
سلام مازن ...
Quote: عارف يا ناذر كان المفروض تربطو بحفلة وهمية اول حاجة وتحدد ليو مواعيدها وبعد داك تقفل منو الخط
والله يا مازن لولا أحترامي لي الفنان داك كنت اتصرفت معاو تصرف تاني لكن الكويس إني بعد ما لاقيت داك وقعد يعتذر وأنا ومش أنا .. أديتو محاضرة خليت حكاية رجل الأعمال دي تطير ليهو من راسو وهسي والحمد لله هو مدير أعمال نفسو بي نفسو وماشي كويس في درب الفن ..!!
Post: #17 Title: Re: وهمات الفنانين الشباب ..!! Author: ناذر محمد الخليفة Date: 08-03-2012, 07:59 PM Parent: #13
* وهمة البودي قارد ..
دي نسيت اكتبا فوق وحا نجيها بي تفصيل بعدين ..!!
Post: #14 Title: Re: وهمات الفنانين الشباب ..!! Author: ترهاقا Date: 08-03-2012, 07:55 PM Parent: #7
Quote: وهمة مدير الأعمال *وهمة الحفلات الخيرية *وهمة الظهور في الصحف والتلفزيون والاذاعات * وهمة شراب القهوة في شارع الفلل الرئاسية بعد إطناشر بالليل !! * وهمة اللقب الفني * وهمة إنتاج عمل هابط إضطراريا ونشره في إم بي ثريهات الفرد والفيس بوك * وهمة قروب محبي الفنان فلان الفرتكاني في الفيس بوك .. * وهمة (أنا مسافر القاهرة اسجل فيديو كليب ) !!
حبيبنا ناذر سلام
حقيقة ده موضوع مهم جدا لازم نحكه لغاية ما يجيب الزيت ، الواحد بقى ياسف لما يحدث في الوسط الفني ولكن كل اللوم على الاجهزة الاعلامية التي تسمح لكل من هب ودب ان يظهر من خلالها وباغنيات فنانين آخرين اليست هذه جريمة ؟ يعني هل الفنان الناشئ ده بيغني أحسن من صاحب الاغنية نفسها ؟ وكمان كيف يُسمح لهم بغناء اغاني الغير في حفلات وكمان ياخد كنجالات مقابل ذلك ، اليست هذه سرقة ؟ مفروض المغنين الشباب يعرفوا إنو طول ما هو بيغني غنا غيره لن تقوم له قائمة والله قرفونا الله يقرفهم وكمان معاهم القنوات التلفزيونية التي فقدت الاحترافية فيما تقدم وبعد يقدمه المذيع او مقد البرنامج وبدون خجلة والآن مع الفنان الكبير ، بالله شوف
ولك الود
ولك الود
Post: #18 Title: Re: وهمات الفنانين الشباب ..!! Author: ناذر محمد الخليفة Date: 08-03-2012, 08:17 PM Parent: #14
سلام ترهاقا ..
Quote: ولكن كل اللوم على الاجهزة الاعلامية التي تسمح لكل من هب ودب ان يظهر من خلالها وباغنيات فنانين آخرين اليست هذه جريمة ؟ يعني هل الفنان الناشئ ده بيغني أحسن من صاحب الاغنية نفسها ؟ وكمان كيف يُسمح لهم بغناء اغاني الغير في حفلات وكمان ياخد كنجالات مقابل ذلك ، اليست هذه سرقة ؟
يا ترهاقا الأجهزة الأعلامية جميعها الا من رحم ربي لاتدفع نقودا لهؤلاء الفنانين وحتى هؤلاء مستعدين أن يدفعوا من جيبهم مقابل الظهور في الاعلام رغم ان هؤلاء ليس لهم منتوج أصلا .. ومعظم الأجهزة الأعلامية تستغل هذا الضعف وتسجل لهم مجانا لملء الفراغات في خارطتها البرمجية .. ولكني كما قلت متفائل جدا بشان القانون الجديد والذي يمنع أي شخل ليس لديه رخصة من المجلس بالغناء .. ليس في الأجهزة الأعلامية فحسب بل حتى في الحفلات العامة والخاصة .!!
Quote: مفروض المغنين الشباب يعرفوا إنو طول ما هو بيغني غنا غيره لن تقوم له قائمة
وحتى عندما يريدون أن يغنوا من منتوجهم الخاص تكون النتيجة مثل هذا السفه :
Post: #19 Title: Re: وهمات الفنانين الشباب ..!! Author: ناذر محمد الخليفة Date: 08-03-2012, 08:41 PM Parent: #18
أما دي يا ترهاقا :
Quote: *وهمة الحفلات الخيرية
فدي مصيبتا أكبر من مصيبة الاجهزة الإعلامية البيظهروا فيها أدعياء الفن ديل .. الحفلات الخيرية دي أكبر منفذ بيتسللوا منو أدعياء الفن للساحة الفنية والمجاملات هنا اضعاف المجاملات الموجودة في الأجهزة التانية وحا أجي بالتفصيل أوريك السبب وأديك تفاصيل الوهمة دي وأهميتا بالنسبة للفنانين الشباب ..!!
Post: #20 Title: Re: وهمات الفنانين الشباب ..!! Author: عمر الفاروق Date: 08-03-2012, 08:49 PM Parent: #19
يا ناذر هي وهمة واااحدة بس وهمة الصور بي المايك دي؟ :):):) .. دي حالتا وهمة الرياض فما بالك بي وهمة الحلة .. ياخ انا من شدة ما وهمت ليك ناس الحلة لمممن كانوا مسميني عمر العجب حبيبي :):) ثبوووتة يا عمك اي حفلة في الحلة جوة البيت بعد الفنان يخت المايك ويخلي الاورغن يشتغل بيكوركو لي اخوك يجي يختما بي العججب حبيييبي :):):)
تخريمة : اسأل أي زول درس المتوسطة في بكار من ابناء جيلنا عن فرقة الليل الهادئ ولا بأس يجي حميدة الحاقد يستفيض ليكم :):):)..ياخ ديك كانت وهمة في شكل كيس مقدود ..
Post: #21 Title: Re: وهمات الفنانين الشباب ..!! Author: محمد البشرى الخضر Date: 08-03-2012, 08:53 PM Parent: #20
ناذر .. ما ممكن ياخ قلنا الغنية تشتغل اوتو ما مشكلة نسمعها مرة و تنتي لكن loop لا نهائي كمان!! معقولة بس
ثم خش لينا في حكاية قهوة الفلل الرئاسية لأنو طولنا من البلد
Post: #22 Title: Re: وهمات الفنانين الشباب ..!! Author: khaleel Date: 08-03-2012, 08:53 PM Parent: #20
رمضان كريم يا ناذر
بعدين حكاية اي فنان جديد لابس ليهو خاتم كبير في يدو
ادينا حولها اضاءة
Post: #23 Title: Re: وهمات الفنانين الشباب ..!! Author: أمجد الزين Date: 08-03-2012, 09:02 PM Parent: #22
بوست ممتع وبعدين ورينا الوهمة دى برضو حنكها شنو مع الاعتراف انو احمد الصادق يمتلك صوت جميل
Post: #24 Title: Re: وهمات الفنانين الشباب ..!! Author: أمجد الزين Date: 08-03-2012, 09:04 PM Parent: #23
ودى صورة تانية للوهمة
Post: #25 Title: Re: وهمات الفنانين الشباب ..!! Author: smart_ana2001 Date: 08-03-2012, 09:08 PM Parent: #19
سلامات يا ناذر و رمضان كريم. تصوموا و تفطروا على خير ان شاء الله
Quote: ولكني كما قلت متفائل جدا بشان القانون الجديد والذي يمنع أي شخل ليس لديه رخصة من المجلس بالغناء .. ليس في الأجهزة الأعلامية فحسب بل حتى في الحفلات العامة والخاصة .!!
البوست ظريف و كالعادة...حكاااااى. لكن.... عرفنا الغناء فى الاجهزة الاعلامية داير رخصة (ما فهمنا....لكن ...ممكن افهم). و كمان الحفلات العامة....مع انه برضو كتير شويه كده. لكن الحفلات الخاصة كمان????? مالها الحكومة و مال عرسي اجيب فيه منو يغنى. ان شاء الله اجيب قرد ينطط!!!! طيب ما دام فى رخصة لممارسة الغناء...هل فى رخصة لممارسة الرسم و النحت. ما كله فن??? ما فيها شيء انك تعلق على الفنانين الجداد و وهماتهم و تحاول توعيهم. لكن فرض الوصاية من الحكومة او الاذاعة او المجلس الفني او اى جهة فدى حاجه غريبة. خلو الشعب يقرر منو بيستاهل يبقي فنان و منو يمشي يشوف ليه شغلة تانية. لو الشعب زوقو كعب...مالو....خليهم يتبسطوا
Post: #26 Title: Re: وهمات الفنانين الشباب ..!! Author: ترهاقا Date: 08-03-2012, 10:00 PM Parent: #25
Quote: لكن الحفلات الخاصة كمان????? مالها الحكومة و مال عرسي اجيب فيه منو يغنى. ان شاء الله اجيب قرد ينطط!!!!
سلام سمارت
طبعا على كيف تجيبي أي فنان إن شاء الله قيقم زاتو ، لكن ما يجي يسترزق بغنا ومجهود فنانيين تانيين
Post: #30 Title: Re: وهمات الفنانين الشباب ..!! Author: محمد المرتضى حامد Date: 08-03-2012, 10:51 PM Parent: #26
Quote: بعدين حكاية اي فنان جديد لابس ليهو خاتم كبير في يدو
ادينا حولها اضاءة
إضاءة وللا سوليتير الناس ديل يا خليل بيشوفوا البسوو فيهو الكبار ..
أبو النيز، بالله ركز لي على الأزياء.. إن جاز في حقها مصطلح (أزياء).. بعدين يا ناذر وريني ياتو مجال مستثنى من النماذج التي عرضت لها أعلاه؟ الإذاعة والتلفزة والرياضه والمسرح وال... قائمة طويلة فلماذا تكون (صحراء) الغناء استثناءا؟
عندي طلب أخير ، سألتك بالله ما تقول حاجه غلط عن نسرين هندي .. بزعل منك..
Post: #27 Title: Re: وهمات الفنانين الشباب ..!! Author: سفيان بشير نابرى Date: 08-03-2012, 10:16 PM Parent: #25
سلام يا عمك شايف لستتك بتاعة الوهمات مؤدبة خالص وين :- الكريمات الشعر اللبس الجكس تاني حاجة في اتفاق كدا بين بعض الوهمات ديل يتعشو مع البعام في حتات زي (جوبي) وزي ( عمر بوش) وزي (انتصار القوز) ودي حاجة مهمة عندهم.
احكي ليك قصة احتمال تكون ظريييفة:- قبل اعرس بفترة كدا كنت انا وشلت الشباب راكبين عربية كبيييرة باللييييل و نفتش لحته نتعشى فيها المهم قرننا نتعشى فتة فول في خور ابو عنجة (حته مشهورة كدا) مشينا انا اول زول نزلته من العربية لقيت و احد اخونا كدا (بقى فنان مشهور شهرة كبيييييرة خلاص و معروووف لكل الشباب و الشابات) -اي صاحبي و اي حاجة بس لا صوته لا غناهو ما بنفع معاي - سلمته عليهو ولاني كنت برا البلد شبكني ليك :- وينك ياخ و حمدلاك بالسلامة و والله لك وحشة و الحاجات دي هاهاها وراي طوالي كان حمد النيل خليفة و حمد بعرفو حق المعرفة بس برضو بكجو شديد ، عاااااين فيهو كدا و مدا يدو(كانت الاضاءة خااافته) حمد قال ليهو و الله وشك دا ما غريب علي زي البعرفك كدا هاهاههاهاها اها ود خالة الفنان دا كان معنا و سمع كلام حمد و اتحرج قام قال لحمد :- ياخ حرام عليك دا الاستاذ ...... حمد قال ليهو :- ايووووواة صوتك قوي بس يخربك من غناء طووالي ياسين لوبين قال ليهو :- صوت قوي شنو ياخ دا كعببببب و عندو حركات .......... ود خالتو اتحرج احراج شديد قال ليهم:- يا جماعة ياخ اقلاها اتذكروا سفيان دا صاحبكم و ح يعرس بعد يومين و الزول دا يمكن يجي يغني ليهو ملح !! اا طوالي قلته ليهو:- لا و الله شكراً ليهو لو جاي يحضر يجي يحضر وبس زولك قعد يضحك و قال انتو جايين من ويييين!!!؟
Post: #28 Title: Re: وهمات الفنانين الشباب ..!! Author: قيقراوي Date: 08-03-2012, 10:39 PM Parent: #27
Quote: بعد شوية جات عربية
همر!؟
-----------
اها الوهمة دي عامة ول صادفتني انا بس؟
Post: #29 Title: Re: وهمات الفنانين الشباب ..!! Author: أمجد الزين Date: 08-03-2012, 10:49 PM Parent: #28
Quote: همر!؟
غايتو كان قاصدين الزول دة تكونو بالغتو اى بتاع حركات واى حاجة لكن صوتو سمح
Post: #31 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 01:46 PM Parent: #29
عمر الفاروق ..
Quote: اسأل أي زول درس المتوسطة في بكار من ابناء جيلنا عن فرقة الليل الهادئ
بالله في الخرطوم عاصمة الحرامية وزوار الليل كان عندكم فرقة مسمنها كدة ؟!!
يا خي لو كنتو في فرنسا ولا ايطاليا نقول ممكن .. هسي شرحبيل احمد ذات نفسو لا يجرؤ يسمي فرقتو فرقة الليل الهادي ..!!
بالغتو ؟!!
Post: #32 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 01:47 PM Parent: #29
ود البشرى ...
Quote: قلنا الغنية تشتغل اوتو ما مشكلة نسمعها مرة و تنتي لكن loop لا نهائي كمان!! معقولة بس
ولا تزعل نفسك يا حبيب .. رغينا اللووب والأوتو ستارت .. الداير يسمع يمشي يعفص هناك ..!
Quote: ثم خش لينا في حكاية قهوة الفلل الرئاسية لأنو طولنا من البلد
شيل الصبر ماشين بالدور .. وهمة الفلل دي حا تريحك في حنانك .!!
Post: #33 Title: Re: وهمات الفنانين الشباب ..!! Author: العوض المسلمي Date: 08-04-2012, 01:56 PM Parent: #32
Quote: ولذلك فقد ذكرت في عدة أماكن غير هذا المكان أنني سعيد جدا بقانون المهن الموسيقية الجديد والذي صار يعطي رخصة وبطاقة لمن يريد ممارسة الغناء ولمن يستحقها فقط لأن ذلك من شأنه فرز الكيمان وليبق من يبقى في الساحة لينفع الناس ويذهب الزبد جفاء ..!!
يعني كثييرين حاشربوا ما يروا !! سلام ناذر
Post: #36 Title: Re: وهمات الفنانين الشباب ..!! Author: صلاح أبودية Date: 08-04-2012, 02:11 PM Parent: #32
مبرووك يا ناذر مبرووك .. أدرش الوهم .. خليهم يفوقوا شوية .. عملوا لينا وجع وش ولين فى العظام وشخشخة فى الأذن الموسيقية زاتها .. معقولة ياخ .. إيقاع وااااحد وألف أغنية ؟؟ بعدين جابوا من وين الأيقاع الشاذ ده ؟؟ ــــ عليك الله وهمة الشعر المجعد ما تنساها !!
Post: #34 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 01:59 PM Parent: #29
كيفك خليل ..
Quote: بعدين حكاية اي فنان جديد لابس ليهو خاتم كبير في يدو
ادينا حولها اضاءة
طبعا دي وهمة مهمة جدا .. وحا اديك الإضاءة :
الفنان خاصة لو كان ما معروف وداير يغني في مناسبة أو في حفلة أول مرة يجيها وناس الحفلة أول مرة يسمعوهو بيقوم قبليها بيكون عمل إحتياطيات وجلكسات كدة للفت النظر .. الجلكسات دي واحدة منها هي الخاتم الكبير .. ودا بيكون يا إما في اليد الماسك بيها المايك يا اليد التانية .. بس في اليد التانية عندها شرط إنو لمن يغني لا زم يلولح بي يدو بالمقلوب عشان الخاتم يظهر كبيييير وشايننق مع الاضاءة زي الطريقة البيلولح بيها الفنان عوض الكريم عبد الله يدو اليمين لمن يكون بيغني في غنية في الليل الهاجع ..!!
في حالة الخاتم يكون في يدو الشمال فدا بيسموهو (خاتم مايك) لانو في الحالة دي الخاتم بيكون ظاهر مع مسكة المايك فريب خشم الفنان وما بيحتاج لي لولحة يد ..!!
طبعا غير خاتم المايك في وهمة تانية اسمها (حنة المايك) .. ودي مفهوما ما بيختلف عن مفهوم خاتم المايك وهي إنو قبل الحفلة بي يوم الفنان بيمشي لي أختو أو خالتو أو حبيبتو تحنن ليهو يدو البيمسك بيها المايك .. حنة مكربة عشان لمن يغني في الحفلة تكون الحنة ظاهرة !!
طبعا لا يصح الجمع بين حنة المايك وخاتم المايك عشان ما واحد فيهم يطفي التاني .. لكن لو الفنان حريف وداير يخرت اكبر عدد من المعجبين والمعجبات يعمل حنة المايك في يد وفي اليد التانية الخاتم (البرليانت) .. نظام عصفورين بي حجر ..!!
طبعا في حالة الفنان البيعزف على العود هنا بتحلو الوهمتين .. الخاتم في اليد الماسكة الريشة والحنة في اليد الفي رقبة العود ..!! كدة وزاد وجدي .. خرت صاح ..!!
Post: #38 Title: Re: وهمات الفنانين الشباب ..!! Author: أحمد الشايقي Date: 08-04-2012, 02:16 PM Parent: #34
Quote: والأطرف لمن جينا نمشي الفنان الصوتو ما ينفع يتكلم بيهو دا ودعني على اساس أني مدير أعمال الفنان الجيت معاو !!
النجيضة يا ناذر دي الكتابة الطاعمة
أحمد الشايقي
Post: #35 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 02:04 PM Parent: #29
طبعا دي وهمة في شكل عرش وترسيخ لي وهمة لقب (الأمبراطور) .!!
طبعا الوهمة دي حصلت في المسرح القومي في ليالي أمدرمان الموسيقية .. أحمد الصادق جا داخل بالعرش دا وأخوهو حسين الصادق ظهر في المسرح وهو طالع في كرين متحرك وبيغني من فوق ..!! (كرين زي الكرينات البيستعملوها إدارة الكهرباء لمن يجو يغيروا لمبة في عمود طافي) ..!!
أحمد الصادق وهمتو عشان يرسخ للناس إنو فعلا إمبراطور لكن حسين الصادق وهمتو ما كانت مفهومة .. لكن في ناس مشوها ولقبوهو بي حسين الكرين ..!!
كمال ترباس الله يحفظنا من لسانو لمن سألوهو عن رايو في الوهمتين ديل شنو ؟ قال لو ديل دخلوا كدة كمال ترباس يخش المسرح بي قطر ولا شنو ؟!!
Post: #37 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 02:14 PM Parent: #29
سمارت ..
Quote: سلامات يا ناذر و رمضان كريم. تصوموا و تفطروا على خير ان شاء الله
الله أكرم وكل عام وإنت بخير ..!!
Quote: لكن الحفلات الخاصة كمان????? مالها الحكومة و مال عرسي اجيب فيه منو يغنى. ان شاء الله اجيب قرد ينطط!!!!
عارفة كلامك دا زي شنو ؟!!
زي لمن اكون داير أبني لي عمارة واجيب واحد حداد أقول ليهو أبنيها لي .. مش على كيفي ؟ وزارة الشئون الهندسية دخلها شنو ؟!!
ممكن .. ومالو .. الحداد دا يكون ما عندو خبرة ويبني ليك عمارتك وفي النهاية يحصل خلل وتقع في بيوت الجيرات تهد البيوت وتكتل ليها كما ارواح ..!!
طيب بيكون الذنب ذنب منو ؟!!
الحداد أكيد بيكون مشى أستعمل اليات ما حقتو وامكن جاب ليهو خريطة من مهندس تاني وغلبو ينفذا بالطريقة السليمة وفي النهاية حصلت الكارثة ..!!
يلا في الغناء نفس الشي ..
الفنانين الما مرخصين ديل منعوهم يغنوا في الحفلات الخاصة والعامة لأنهم ما عندهم منتوج حقهم .. وبيغنوا بالإعتماد عاى مجهود الغير من شعراء وملحنين وموسيقيين ومغنين ..!! ديل كلهم حقهم بينهضم لمن فنان يغني في حفلة عامة أو خاصة .. جا غير أنو كتيرين صوتم ما بيصلح للغناء نهائي .!! وعشان دا ما يحصل الحكومة عملت اختبار لرخصة مزاولة الغناء و من ضمن شروط منح الرخصة دي أي فنان يكون عندو أعمالو الخاصة وكمان اللجنة تسمع الأعمال دي وتجيزا ..!!!
Quote: طيب ما دام فى رخصة لممارسة الغناء...هل فى رخصة لممارسة الرسم و النحت. ما كله فن???
ما اعتقد في مقارنة هنا لأنو صراحة ما عندي علم بمشروعية رسام يرسم رسمة حقت زول تاني أو نحات ينحت مجسم حق نحات تاني .. ما أقدر أفتيك هنا ..!!
Quote: ما فيها شيء انك تعلق على الفنانين الجداد و وهماتهم و تحاول توعيهم. لكن فرض الوصاية من الحكومة او الاذاعة او المجلس الفني او اى جهة فدى حاجه غريبة. خلو الشعب يقرر منو بيستاهل يبقي فنان و منو يمشي يشوف ليه شغلة تانية.
ايوة كلامك صاح نخلي الشعب يقرر .. بس كمان لمن يجي يقرر لازم يقرر لمن يسمع أغاني الفنان الخاصة ولا شنو ؟!!
Post: #39 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 02:20 PM Parent: #29
سلام مولانا ..
Quote: أبو النيز، بالله ركز لي على الأزياء.. إن جاز في حقها مصطلح (أزياء)..
دي بالذات أنا زغت منها لأنو لو كتبت عنها حا يتشابه علي الأختصاص نسأل الله السلامة ..!!
في فنانين كدة لابسين ملابس في الحفلات قد ما اعاين ليهم بحمد الله وبقول المهم العورة مستورة ..!! مستورة كيف وبي شنو .. الله أعلم ..!!!
Quote: بعدين يا ناذر وريني ياتو مجال مستثنى من النماذج التي عرضت لها أعلاه؟ الإذاعة والتلفزة والرياضه والمسرح وال... قائمة طويلة فلماذا تكون (صحراء) الغناء استثناءا؟
لأنو الإذاعة رغم أنها أكتر الوسائل إنتشارا .. لكن هي صوت بس لا من درى لا من شاف .. التلفزيون برضو فيهو تحفظ .. المسرح الممثل بيكون ملزم بي أزياء الدور البيمثل فيهو .. أما فنانين الحفلات ديل فبيكونوا مباشرة قدامك .. صوت وصورة ومسرح ..!!
Quote: عندي طلب أخير ، سألتك بالله ما تقول حاجه غلط عن نسرين هندي .. بزعل منك..
نسرين منو ؟!!!
صدق ما بعرفا ..!! كدي قول لي مدير اعمالا أسمو منو ؟!!
Post: #40 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 02:30 PM Parent: #29
سلام سفيان ...
Quote: سلام يا عمك شايف لستتك بتاعة الوهمات مؤدبة خالص وين :- الكريمات الشعر اللبس الجكس
صدق ديل اتجاهلتهم عن قصد عشان خفت الكتابة عنهم تجر لي حتات تانية ..!
Quote: تاني حاجة في اتفاق كدا بين بعض الوهمات ديل يتعشو مع البعام في حتات زي (جوبي) وزي ( عمر بوش) وزي (انتصار القوز) ودي حاجة مهمة عندهم.
ودا زيو وزي الاتفاق على شراب القهوة في شارع الفلل الرئاسية وحا نجيو في وكتو ..
Quote: قبل اعرس بفترة كدا كنت انا وشلت الشباب راكبين عربية كبيييرة باللييييل و نفتش لحته نتعشى فيها المهم قرننا نتعشى فتة فول في خور ابو عنجة (حته مشهورة كدا) مشينا انا اول زول نزلته من العربية لقيت و احد اخونا كدا (بقى فنان مشهور شهرة كبيييييرة خلاص و معروووف لكل الشباب و الشابات) -اي صاحبي و اي حاجة بس لا صوته لا غناهو ما بنفع معاي - سلمته عليهو ولاني كنت برا البلد شبكني ليك :- وينك ياخ و حمدلاك بالسلامة و والله لك وحشة و الحاجات دي هاهاها وراي طوالي كان حمد النيل خليفة و حمد بعرفو حق المعرفة بس برضو بكجو شديد ، عاااااين فيهو كدا و مدا يدو(كانت الاضاءة خااافته) حمد قال ليهو و الله وشك دا ما غريب علي زي البعرفك كدا هاهاههاهاها اها ود خالة الفنان دا كان معنا و سمع كلام حمد و اتحرج قام قال لحمد :- ياخ حرام عليك دا الاستاذ ...... حمد قال ليهو :- ايووووواة صوتك قوي بس يخربك من غناء طووالي ياسين لوبين قال ليهو :- صوت قوي شنو ياخ دا كعببببب و عندو حركات .......... ود خالتو اتحرج احراج شديد قال ليهم:- يا جماعة ياخ اقلاها اتذكروا سفيان دا صاحبكم و ح يعرس بعد يومين و الزول دا يمكن يجي يغني ليهو ملح !! اا طوالي قلته ليهو:- لا و الله شكراً ليهو لو جاي يحضر يجي يحضر وبس زولك قعد يضحك و قال انتو جايين من ويييين!!!؟
هههههههههه
تعرف يا سفيان زي المواقف دي كتيرة وبتمر على الزول ..! عندي أخوي الكبير كان عضو في واحدة من لجان نادي الهلال مرة جا البيت في موسم التسجيلات ومعاهو لاعب مشهور جدا .. وأنت عارف أخوك .. ما عندي علاقة بالكورة نهائي .. جو داخلين قمت سلمت عليهو سلام عادي اخوي قال لي دا ما عرفتو ولا شنو ؟! عاينت للاعب ما عرفتو .. اخوي قال لي : دا ما فلان الفلاني ؟؟!! وما قال لي دا لاعب كورة .. واللاعب أسمو سمح بقى لي زي أسم فنان .. قلت ليهو : اوووووووووووو وسلمت عليهو تاني وقعدنا نتونس بعد شوية قلت ليهو : وين طولنا ما شفناك في نشاط قريب ..! الزول أستغرب قال لي نشاط شنو ؟ قلت ليهو حفلة ولا تلفزيون ولا رادي ..!! الزول عاين لي أخوي مستغرب !! أخوي قال لي : يا خي إنت ما عرفتو الظاهر عليك .. دا ....... لاعب فريق الهلال ؟؟!!
Post: #41 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 02:31 PM Parent: #29
قيقراوي ..!!
Quote: همر!؟
الهمر حليلا .. قالوا ظهرت في سوق مواسير الفاشر ..
لكن الوهمة عامة لكن ما شرطا الهمر ..!!
Post: #42 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 02:36 PM Parent: #41
العوض سلام ..
Quote: يعني كثييرين حاشربوا ما يروا !! سلام ناذر
وأولم فنان الشباب وهبة ..!!
بالله كلم الزول دا يعمل ليهو قيد فني ورخصة سرعة سرعة يلحق السوق وانا ليو علي أوريهو كل اسرار الوهمات دي ..!!
Post: #43 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 02:40 PM Parent: #41
بالمناسبة يا أمجد الزين ..
Quote: ودى صورة تانية للوهمة
بمناسبة وهمة الصورة الفوق ..
في فنان شاب كدة عملوا معاهو لقاء في الجريدة قال هو لمن يغني بينفعل جدا جدا لدرجة إنو بيشوف اقرب حيطة يقوم ينط ويركب فيها ويغني من فوق وحركات زي دي (عامل فيها ولا خضر بشير) ..!
طبعا دي وهمة موهومة في حد ذاتا .. يعني وهمة منها وفيها .. يعني تخيل الزول دا جابوهو يغني في الساحة الخضراء وقامت الحالة الحيطية دي جاتو حا ينط وين وحا يركب شنو ؟!
غايتو أنا أتكيفت جدا لمن محمود عبد العزيز كفتو وشلتو ودقاهو وطردوا من بيتو ..
بس إنشالله الوهمة الحيطية دي تكون طارت من راسو ..!!
Post: #44 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 02:50 PM Parent: #41
سلام ابو دية ...
Quote: إيقاع وااااحد وألف أغنية ؟؟ بعدين جابوا من وين الأيقاع الشاذ ده ؟؟
جابو واحد كدة عازف أورغن قابض الجو وهو إبن فنان مشهور ..!!
مش الإيقاع براهو .. العازف دا بيديك الأيقاع ومعاهو الرقصة جاهزة .. هو بيكون بيعزف بعد شوية بياخد فرصة شولا يقوم يعزف ويرقص في نفس الوكت ... طبعا ما رقيص بالمعنى المفهوم .. رقيص عبارة عن فنجطات ورفسات وركلات وشوية تشنجات .. يقوموا حضور الحفلة يكجولوا معاهو ومنها الرقصة والأيقاع ينتشروا ..!!
طبعا الرقصة ما ممكن تنتشر براها لأنو أي رقصة دايرا ليها ايقاع ..!!
دا نوع من الشعر بكبو فيهو بيبسي كولا في حالة إنعدام الجل ..!!
لمن تنطق الجل فخم الجيم وحرف اللام عشان النطق الصحيح وعشان ما لاقي ليهم تشكيل في الكيبورد عندي ..!!
Post: #49 Title: Re: وهمات الفنانين الشباب ..!! Author: smart_ana2001 Date: 08-04-2012, 03:26 PM Parent: #44
أجي يا ناذر!!!!!!! بناء بيت و أرواح ناس و أملاكها بقت ذي الغنا؟؟؟؟؟ بالغتا يا ناذر في مقارنتك دي. بالله بناء بيت ممكن يقع في راسي و راس أولادي ذي زول ح يغني ساعتين و يمشي؟؟؟ الموضوع ده فيه جانبين: يمنعوهم يغنوا أغاني الغير؟؟؟ ممكن. لكن انا ( و مفروض اي زول عندو زرة اهتمام بالفن و الابداع) ما يرضى بحكاية إجازة الصوت عشان الزول يغني في حفلات خاصة. بعدين في الدنيا دي كلها ما في زول بيسال مغنيين حفلات الأعراس غنو اي اغنية. نجي احنا نطلب ترخيص للممارسة الفن. بصراحة يا ناذر ده حقد من الفنانين الكبار.
Post: #45 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 02:51 PM Parent: #41
تسلم يا الشايقي ..
Quote: النجيضة يا ناذر دي الكتابة الطاعمة
أحمد الشايقي
ووينك طولت ما جيت ؟!!
Post: #46 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 03:05 PM Parent: #45
يا شباب معليش ..
أنا جيت أكتب عن الوهمة التانية بتاعت الحفلات الخيرية لكن الوكت مشى في الرد على المداخلات واللسان نشف ..!!
نجيكم بعد الفطور كان ربنا هون نواصل باقي الوهمات ..!!
البوست دا الظاهر حا يكون طويل جدا ..!!
Post: #48 Title: Re: وهمات الفنانين الشباب ..!! Author: حسبو عكاشة Date: 08-04-2012, 03:26 PM Parent: #46
" وهمة الظهور في الصحف والتلفزيون والاذاعات " و دا بكون بي اتفاق بين الفنان و الصحفي نظام انت لمعني و انا بكسر ليك تلج هيثم كابو في فنون مفرغ نفسو للتلميع بشتى الوسائل الوهمية في غنية وهمية :) بتتكلم عن تلميع "كابو" الساطع :) و غناها فنان وهمي برضو :) الغنية بتقول
فنان الجريدة دي الموضة الجديدة صورتو كبيرة واضحة و لابس سلاسل فاضحة الناس بقت شاطحة جرايد و بقت فاتحة
لو لميت فيها بنزلها ليك هنا يا ابو النيز عشان تمتع رقبتك :)
Post: #47 Title: Re: وهمات الفنانين الشباب ..!! Author: حمزه بابكر الكوبي Date: 08-04-2012, 03:26 PM Parent: #45
نازر رمضان كريم
شوف الوهمة دي واحد من الفانانين الشباب (من المشاهير ) تربطني به صلة قرابة اراد احد الاصدقاء المصريين (من اسوان) ومقيم معنا في بلجيكا ان يستقدمه الي احدى الحفلات الخاصة في اسوان وقدم مغريات كثيرة جدا لاستقدام هذا الفنان منها استضافته مجان في اسوان لمدة اسبوع وكذلك اسبوع اضافي في شرم الشيخ (مع كل التجدع مجاني ) ووعد باجتهاد من اخوته في اسوان ان يجدوا له حفلات اضافية مدة اقامته في اسوان وكان مستعدين يدفعوا حتي 3 الف دولار لحفلتهم فقط بخلاف الحفلات الاضافية ان وجدت حينما اتصلوا عليه لم يجدوه ووجدوا (مدير اعماله) فطلب 15 الف دولار !!!؟؟؟ جماعتك كرهوا الغناء السوداني ليوم الدين
Post: #50 Title: Re: وهمات الفنانين الشباب ..!! Author: بخاري عثمان الامين Date: 08-04-2012, 03:28 PM Parent: #45
متعة يا ناذر
ريحتنني ربنا يخليك
طولنا من الكتابة الطاعمة
Post: #51 Title: Re: وهمات الفنانين الشباب ..!! Author: Dr.Elsadig Abdalla Date: 08-04-2012, 04:41 PM Parent: #50
رمضان كريم يانادر ذكرتني واحد جارنا من اركويت كان يقول ليك تمشي جنب إتحاد الفنانين تلقي الفنانين" الفكه" ديل واقفين ويقولوا ليك الحفله بي مية جنيه والدفع بعد الحفله ولو الصوت ماعجبك ماتدفع ذاتو...أها ديل ياهم ناسك ديل ذاتهم .. تحياتي
Post: #52 Title: Re: وهمات الفنانين الشباب ..!! Author: محمد المسلمي Date: 08-04-2012, 06:00 PM Parent: #51
Quote: ولذلك فقد ذكرت في عدة أماكن غير هذا المكان أنني سعيد جدا بقانون المهن الموسيقية الجديد والذي صار يعطي رخصة وبطاقة لمن يريد ممارسة الغناء ولمن يستحقها فقط لأن ذلك من شأنه فرز الكيمان وليبق من يبقى في الساحة لينفع الناس ويذهب الزبد جفاء ..!!
ناذر الخليفة ياحبيبنا رمضان كريم يعني يد الرقيب في كل مكان المعيار هنا الموهبة مع الاجادة يعني مافيها واسطة دي احسن حاجة لو طبقوا كلامهم ده مايبقي ده زولي وده زولك
ــــــــ ومتابعيين معاك ياصديق عمدة بورداب القاهرة وشمال افريقيا
Post: #53 Title: Re: وهمات الفنانين الشباب ..!! Author: حيدر حسن ميرغني Date: 08-04-2012, 06:18 PM Parent: #52
ناذرنا رمضان كريم وهمة الفنانيين المقصودين دي مثل وهمة اعضاء هنا فاكنها في روحهم شديد خالص شوووو كده لمن مقرف المابعرف يقول عدس
- المشكلة ما في الفنانين لكن في المجانين المعجبين بيهم
Post: #54 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 06:27 PM Parent: #52
اسمارت ..
Quote: بالغتا يا ناذر في مقارنتك دي. بالله بناء بيت ممكن يقع في راسي و راس أولادي ذي زول ح يغني ساعتين و يمشي؟؟؟
ايوة ..
لانو البيغني اغاني زي (قنبلة سماحة الزول في الطول والعلا) ممكن واحدة من قنابلو دي تجلي منو وتفجر طبلة اذن ناس البيت وباقي طبل اذان ناس الجيران ..!!
والزول البيغني في حفلة خاصة (اضربني بي مسدسك وأملاني أنا رصاص) ممكن الطلقة تطش وتكتل شافع جار على بعد خمسة بيوت أو اكتر ..
يعين بإختصار ..
الجيران ذنبهم شنو ؟؟!!
Quote: لكن انا ( و مفروض اي زول عندو زرة اهتمام بالفن و الابداع) ما يرضى بحكاية إجازة الصوت عشان الزول يغني في حفلات خاصة.
الفنان لو كان واثق من مقدراتو مش أحسن ليهو يجيز صوتو وياخد الرخصة ويرتاح من المساسقة ؟!!
بعدين حتى لو الحفل خاص .. ليه يغني اغاني مش حقتو ويتجرأ على أعمال غيرو ؟!!
Quote: بصراحة يا ناذر ده حقد من الفنانين الكبار.
أنا بسميها محاولة إنتزاع حقوقم .. وبالمناسبة في فنانين كبار سمحوا للفنانين الشباب يغنوا أغانيهم زي كمال ترباس ..!! لكن برضو ياخدو الرخصة في الأول ..
Post: #55 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 06:29 PM Parent: #52
حسبو ..
Quote: " وهمة الظهور في الصحف والتلفزيون والاذاعات " و دا بكون بي اتفاق بين الفنان و الصحفي نظام انت لمعني و انا بكسر ليك تلج هيثم كابو في فنون مفرغ نفسو للتلميع بشتى الوسائل الوهمية
طيب إنت كدة ما كشفت الإمتحان
Quote: فنان الجريدة دي الموضة الجديدة صورتو كبيرة واضحة و لابس سلاسل فاضحة الناس بقت شاطحة جرايد و بقت فاتحة
لو لميت فيها بنزلها ليك هنا يا ابو النيز عشان تمتع رقبتك :)
الغنية دي أنا ما سمعتها لكن سمعت بيها وعرفت غنها واحدة من قنابل الفنان داك .. لكن العرفنو إنو في مفردات في الاغنية بتتعرض للصحفيين واظن قرعوهو وهسي وقف يغنيها ..!!
Post: #56 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 06:38 PM Parent: #52
حمزة الكوبي ..
Quote: واحد من الفانانين الشباب (من المشاهير ) تربطني به صلة قرابة اراد احد الاصدقاء المصريين (من اسوان) ومقيم معنا في بلجيكا ان يستقدمه الي احدى الحفلات الخاصة في اسوان وقدم مغريات كثيرة جدا لاستقدام هذا الفنان منها استضافته مجان في اسوان لمدة اسبوع وكذلك اسبوع اضافي في شرم الشيخ (مع كل التجدع مجاني ) ووعد باجتهاد من اخوته في اسوان ان يجدوا له حفلات اضافية مدة اقامته في اسوان وكان مستعدين يدفعوا حتي 3 الف دولار لحفلتهم فقط بخلاف الحفلات الاضافية ان وجدت حينما اتصلوا عليه لم يجدوه ووجدوا (مدير اعماله) فطلب 15 الف دولار !!!؟؟؟ جماعتك كرهوا الغناء السوداني ليوم الدين
مدير اعمالو دا فاكر فنانو دا هيفاء وهبي ولا شنو ؟؟!! والله اظن يكون اسوان دي زاتا ما عارفا بي وين مدير الأعمال دا ..!!
Post: #57 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 06:40 PM Parent: #52
بخاري ..
Quote: متعة يا ناذر
ريحتنني ربنا يخليك
طولنا من الكتابة الطاعمة
وينك يا صحبي .. مشتاقون والله ..
تسلم حبيبنا وتحياتي للجماعة بي طرفك ..!!
Post: #58 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 06:41 PM Parent: #52
هههههههههههه
كيفك يا دكتور ..
Quote: ذكرتني واحد جارنا من اركويت كان يقول ليك تمشي جنب إتحاد الفنانين تلقي الفنانين" الفكه" ديل واقفين ويقولوا ليك الحفله بي مية جنيه والدفع بعد الحفله ولو الصوت ماعجبك ماتدفع ذاتو...أها ديل ياهم ناسك ديل ذاتهم ..
لالا .. ناسي ديل الشارع داك ما بيتجرأوا يجوا بيهو ...!!
Post: #59 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 06:44 PM Parent: #52
كيفك ود المسلمي ..
Quote: ناذر الخليفة ياحبيبنا رمضان كريم يعني يد الرقيب في كل مكان المعيار هنا الموهبة مع الاجادة يعني مافيها واسطة دي احسن حاجة لو طبقوا كلامهم ده مايبقي ده زولي وده زولك
يا حبيبنا اللجنة رئيسا الباشكاتب محمد الأمين شخصيا ..! تفتكر دا بيجامل ولا بيمشي حاجة ..!!
Quote: ومتابعيين معاك ياصديق عمدة بورداب القاهرة وشمال افريقيا
الزول دا استقال من كل العموديات ..
حاليا انا صديق مدير إدارة دراسات الهجرة بجهاز شئون المهاجرين ..!!
Post: #60 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 06:50 PM Parent: #59
يا حيدر رمضان كرريم .. يا راجل وينك إنت ؟!!!
Quote: ناذرنا رمضان كريم وهمة الفنانيين المقصودين دي مثل وهمة اعضاء هنا فاكنها في روحهم شديد خالص شوووو كده لمن مقرف المابعرف يقول عدس
- المشكلة ما في الفنانين لكن في المجانين المعجبين بيهم
ممكن تذكر لينا امثلة ههههههههه
Post: #63 Title: Re: وهمات الفنانين الشباب ..!! Author: عمر الفاروق Date: 08-04-2012, 07:21 PM Parent: #60
إسمارت يا إنتي.. غايتو مرات لمن تكوني حقانية في الفارغة بتكييف منك كيييف لااا حووولا لا قووولا :) :) :) فعلا انا بالجد ضد الافكار بتاعت الرخصة دي ..وده نتاج طبيعي لي حقد ملأ قلوب فنانين يدعون بي انهم كبار هم نفسهم صعدوا القمم بترديد اغنيات من سبقوهم ولمن جات بقت عليهم بقت ليهم حااارة وقالوا للشباب اعمل غناك براك.. الشباب سمع كلامهم وخلى غناهم وبقا يغني غناهو براااهو ولقى رواج منقطع النظير والناس بقت ما شغالة بي غنا ناس زمان ديل .. قاموا إنزعجوا وقالوا ليهم لالالالا ده ما تغنوهو ده هابط .. ياخ ده شي مقرف بي صورة خلاني اكره لي كميية فنانين كده غير ما ازعجونا بي طلاتهم ما قدموا شي للساحة الفنية ..
عندي فكرة ادعم مشروع أسميهو إتحاد الفنانين الشباب وأسجلوا كهيئة معترف بيها بس والله ما عارف ابدا من وين !! طبعا ما تتهجمو ما ح اكون عضو فيهو لأني ما فنان بس فعلا ح ادعمه بي كل ما عندي من مال وجهد ..
Post: #61 Title: Re: وهمات الفنانين الشباب ..!! Author: معاوية عبيد الصائم Date: 08-04-2012, 06:56 PM Parent: #59
نازر سلامات عندنا ود جيرانا كان كاسر ركبة فى (مسر) اها قام رجع
فنان حلاق منسق (منسق قدر ما كوست ليها دبارة غلبتنى)
داخل فى شخصية زول مهم ومشغول باستمرار يعنى تلمحو من بعيد يتلفت عدلة وقلبة ..لامن تجى تنضم معاه ..فتحت خشمك يقول ما فاضى
عندو كرت عمل فيهو الكلام ده وملون وفيهو صورة نخلة وسيف
شكرا
ح ارسل بطارية كشاف للموضوع التانى كعمل خير الضلمة مشكلة
Post: #62 Title: Re: وهمات الفنانين الشباب ..!! Author: حافظ انقابو Date: 08-04-2012, 07:12 PM Parent: #61
ابو النيز
غايتو البقع في يدك ليه الله
خلي الجماعة يتفشخرو ياخ هسة لو كان بقينا فنانيين كان باسوردات بكري بقو يستخدموها مدراء الاعمال
Post: #144 Title: Re: وهمات الفنانين الشباب ..!! Author: ناذر محمد الخليفة Date: 09-02-2012, 07:24 PM Parent: #61
Post: #64 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 07:35 PM Parent: #59
وهمة الحفلات الخيرية
أها يا جماعة ..
اكبر منفذ وأكبر وهمة واهم وهمة للمطربين الشباب ديل حاجة إسمها الحفلات الخيرية ..!!
فجأة كدة وقبل كم سنة لي ورا في مجموعات وجمعيات كدة إتذكرت إنو البلد فيها مآسي إنسانية وفيها ناس عايشين على الكفاف وفيها مستشفيات مفروض تنبني وفيها ما فيها ..!!
بعض الجمعيات والمنظمات الطوعية جزاها الله خير شغالة شغل كويس في الناحية دي وبترعى الكثير من الدور المحتاجة رعاية ودعم زي دار المايقوما ودار المسنين ونزلاء السجون ومعاهد ذوي الاحتياجات الخاصة وغيرهم وغيرهم ... وبتحرص إنها تقيم فيها من حين لأخر الإحتفالات بمناسبات متنوعة زي عيد الفطر وعيد الأضحى وعيد الأم والكثير من المناسبات وبتحرص تدعوا ليها الكثير من الفنانين والمسئولين والصحفيين للغناء والتغطية من أجل نشر اخبار هذه النشاطات واجتذاب الدعم من الدولة وباقي المؤسسات ..!!
مرة من المرارير أتصل بي فنان شبه معروف بيسأل عن مكان واحدة من الدور دي ..! قلت ليهو مقرها جمبنا طوالي .. ما صدق قال لي جاييك هسي !! قلت ليهو يا زول دقيقة الحاصل شنو ؟!! قفل السماعة قبل ما أخت الموبايل من يدي الزول دا جاني مقتحم المكتب (مع إنو كان متصل من بعيد لكن وصلني بالسرعة الصاروخية دي كيف وبي شنو الله أعلم!!) !!
الزول متشنج : أرحكاكا وسريع نحصل ..!! قلت ليهو هو في شنو ؟ قال لي بحكي ليك في الطريق ..!!
وانحنا ماشين قعد يحكي لي عن الحفل الخيري الترفيهي برعاية منظمة ......... في دار ....... وإنو هسي في كمية من الفنانين والصحفيين ووزير وكم مسئول وانو في تغطية إعلامية مكثفة ..!! قلت ليهو إنت هسي ماشي داعينك ولا ضيف ساي ؟! قال لي أنا ماشي أشوف لو في فرصة غناء بغني ولو ما في الواحد بيظهر على الأقل في التلفزيون والجرائد إنشالله يبشر ساي !!
طبعا إندهشت ..!! لكن قلت النصل نشوف الحاصل شنو ..!!
أول ما وصلنا لقيت زحمة ما تديك الدرب .. الفنانين والعازفين البرة وما لقوا طريقة يخشوا اكتر من الجوة .. والفنانين والعازفين والبعامين الجوة والبرة أكتر من نزلاء الدار دا ..!! في كم فنان كدة معروف غنى غنية ونزل .. وانا براقب في المشهد وبشوف التحانيس ..
في أكتر من 15 فنان داير ليهو فرصة يمسك المايك إنشالله يقول : ألو تست ون وينزل .. وبرضو ما في طريقة !! يا جماعة شوفوا فلان الفلاني يشوف لينا فرقة .. أنا عندي تلفون دكتور ...... مشرف الدار وضربت ليو لكن تلفونوا ما بيرد ..! طيب وين السكرتيرة ديك .. هي وعدتني تديني فرصة غنية وهسي ما لاقيها ...!!
تبرم .. ولهفة للظهور بطريقة ما عادية .. طبعا ليهم حق لأنو قدامم مولد بيحتاج ليهو أي مطرب ناشي أو داير يظهر .. مسئولين وصحفيين وتلفزيون وهلمجرا ..!! لكن إتخيلوا أكتشفت شنو ..!!
أكتر من تلاتة ارباع الفنانين ديل أساسا جايين ضهب بي عازفينهم .. ما في زول دعاهم والدعوة كانت لي فنانين معينين . لكن بحكم العلاقات المتشعبة الأنا اتكلمت عنها جبيل وبحكم أنهم بيكونوا لقطوا الخبر من جريدة أو تلفزيون جو جاريين واي واحد يتمنى يغني غنية أو على الأقل يقول كلمة في المايك أو (ستيتمينت) صغير .. يتكلم فيها عن تعاطفوا مع المأساة القداموا دي ويعلن عن تبرعوا بي دخل أي حفلة يحييها لصالح الدار دا ..(البيسمع بي تبرعوا بي دخل حفلاتو يقول الولد ولا بريتني سبيرز مع العلم إنو اساسا ما عندو دخل حفلات ودخل الحفلات إن وجد عبارة عن صحن عشاء أو سندوتشين شاورمة وقزازة بزيانوس ) وطبعا ديل يستحيل يفرط فيهم ويتبرع بيهن .. لكن طبعا التصريحات ما بقروش لكن هدف الظهور بيكون إتحقق ..!!
مرة قابلت واحد من اعضاء إدارة واحدة من المنظمات البتشرف على الدور دي واثناء النقاش عرج الحديث لي ظاهرة تكالب الفنانين على الحفلات دي .. فقال لي أساسا الفنانين ديل بيغنوا بدون اجر وبيجوا متطوعين .. وأنحنا ما بنقدر نمنعم يغنوا في إحتفالاتنا حتى لو صوتم كأصوات الحمير ..! لكن بيهمنا إنو نزلاء الدور دي يكونوا مبسوطين ويكونوا حاسين في ناس شاعرين بيهم ومتضامنين معاهم وافتكر دا مبرر موضوعي ..!!
قبل فترة قصيرة كان معاي واحد فنان شاب ..بيكلمني ألقى ليهو واسطة يكون ثابت وأساسي في أي إحتفال خيري وهو مستعد يغني مجانا او بأقل أجر .. وبعد داك كلمني عن فنان شاب تاني إنو ماضي عقود مع أكتر من اربعة منظمات يغني ليها بأجر رمزي في كل إحتفالاتا ومناسباتا .. وذكر لي إنو الفنان دا بسبب العقود دي بقى أساسي في الجرائد والتلفزيون والظهور دا جاب ليهو حفلات كتيرة عامة وخاصة والضحاكات عندو ما تديهو الدرب ..!!
يا جماعة رايكم شنو ؟! خلوني أنا ؟!!
Post: #65 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 07:49 PM Parent: #64
!!!!!!!!
Quote: غايتو مرات لمن تكوني حقانية في الفارغة بتكييف منك كيييف لااا حووولا لا قووولا :) :) :)
Quote: ح ادعمه بي كل ما عندي من مال وجهد ..
هسي يا عمر الفرق شنو بين كلامك دا وكلام الفنان التحت دا :
Quote: ويعلن عن تبرعوا بي دخل أي حفلة يحييها لصالح الدار دا ..(البيسمع بي تبرعوا بي دخل حفلاتو يقول الولد ولا بريتني سبيرز مع العلم إنو اساسا ما عندو دخل حفلات ودخل الحفلات إن وجد عبارة عن صحن عشاء أو سندوتشين شاورمة وقزازة بزيانوس ) وطبعا ديل يستحيل يفرط فيهم ويتبرع بيهن .. لكن طبعا التصريحات ما بقروش لكن هدف الظهور بيكون إتحقق ..!!
النصيحة لله لو داير تعمل الإتحاد دا وما عارف تبدا من وين أقول ليك أبدا من عندي هنا دا .. عشان أوريك مفاتيح التعامل مع الفئة دي كيف لأنو التعامل معهم صعب .. ولاحظ إنت حا تتكلم مش معاهم مباشرة .. مع مدراء أعمالم إن وجدت ..!!
الشغلة دي عايزة تكتيكات معينة لأنك حا تلقى روحك بتحاول تتفاهم مع ناس في عمر ولدك أو بتك ..!!
Post: #66 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 07:53 PM Parent: #64
معاوية الصائم ..
Quote: فنان حلاق منسق (منسق قدر ما كوست ليها دبارة غلبتنى)
ههههههه يا معاوية إنت اظنك دخلت هنا للموضوع التاني ..!!
Quote: ح ارسل بطارية كشاف للموضوع التانى كعمل خير الضلمة مشكلة
مع البطارية ممكن برضو ترسل طشت للإختبارات ديك ..
Post: #67 Title: Re: وهمات الفنانين الشباب ..!! Author: ناذر محمد الخليفة Date: 08-04-2012, 07:57 PM Parent: #64
انقابو ..
والله زارتنا السعادة ..!!
أنا بالجد سعبد جدا أشوفك ومعاوية الصائم في بعض وورا بعض في واحد من بوستاتي ..!!
والله شرفتو الإتنين .. الدنيا لو ما رمضان كان ضبحت ليكم عديل ..!!
Quote: هسة لو كان بقينا فنانيين كان باسوردات بكري بقو يستخدموها مدراء الاعمال
باصويردات بكري فعلا مرات بيستخدموها مدراء الأعمال عارف ديل منو ؟!
بعض زوجات الأعضاء أو بعض أزواج العضوات مرات كدة ما خدين الحالة واحدة ..!!
هو بيني وبينك الحالة واحدة بس لكن ما واحدة شديييييييييييييد كدي !!
Post: #68 Title: Re: وهمات الفنانين الشباب ..!! Author: Dr.Elsadig Abdalla Date: 08-05-2012, 00:28 AM Parent: #67
Post: #70 Title: Re: وهمات الفنانين الشباب ..!! Author: صهيب حامد Date: 08-05-2012, 01:52 AM Parent: #69
يا ابو النذور كيفك~.~.
اها جايين نسمتع ساااااااااااااااااي في طريقة ولا مافي؟.
ولو في كبعة بالله بالراااااااااااااااااااحة جننا وجن كبعاتك
تحياتي
Post: #71 Title: Re: وهمات الفنانين الشباب ..!! Author: ترهاقا Date: 08-05-2012, 04:22 AM Parent: #70
Quote: سلامات تاني ياخ في واحد فنان شاب اسمو محمد تبيدي مرات بيمدح ..أنا شايف إن الراجل ده فنان متمكن وعند مستقبل ..بالله رايك شنو ؟
يا دكتور إنت قلت الزول ده بيمدح طلع بيغني غنا المرحوم أحمد المصطفى كمان في جهاز التلفزيون وباوركستر التلفزيون بالله عليكم الله ده كلام ؟ ياخى الزول ده يمكن عنده أداء كويس وصوت كويس ربما، ما يشوف غناهو الخاص؟
يغس على القناة التلفزيونية التي استباحت التطفل على عمل الغير وفي وضح النهار وربما الليل
ولكم الود
Post: #72 Title: Re: وهمات الفنانين الشباب ..!! Author: ناذر محمد الخليفة Date: 08-05-2012, 09:19 AM Parent: #71
سلام دكتور الصادق ..
Quote: سلامات تاني ياخ في واحد فنان شاب اسمو محمد تبيدي مرات بيمدح ..أنا شايف إن الراجل ده فنان متمكن وعند مستقبل ..بالله رايك شنو ؟
محمد تبيدي فنان صوتو جميل وانا أستمعت ليو كم مرة وأحسبو فنان جادي ومرة شفت ليهو فيديو كليب روعة من حيث الاغنية والتصوير وسيناريو الأخراج ..
بس زي ما قال ليك ترهاقا ليه الزول دا ما يغني غناه الخاص ..!!
انا معاك .. مرات الجماعة ديل بيضطروا ينصاعوا لي مخرجي ومعدي برامج التلفزيون ويغنوا الغنا المسموع أو يغنوا غنا ما حقهم .. لكن أعتقد الفنان لو فعلا فنان وبيحترم فنو وداير الناس تسمع غناهو ما غنا التانين يحاول يطلع من الدائرة دي ويقول للمخرج او المعد (ايوة أنا بغني ليكم لي أحمد المصطفى لكن برضو عندي غنية حقتي براي داير أغنيها) ..!!
بس دا ما بيحصل للأسف لأنو الكتير من الفنانين الشباب ما عندهم الجرأة يقولوا كدة خوفا من فقدان الفرصة للإطلالة على الجمهور ..!!
Post: #95 Title: Re: وهمات الفنانين الشباب ..!! Author: mohmed khalail Date: 08-08-2012, 10:53 PM Parent: #72
بوست بسبوسه بس
Post: #73 Title: Re: وهمات الفنانين الشباب ..!! Author: خالد عبد الله محمود Date: 08-05-2012, 09:32 AM Parent: #71
أبو النيز يا عمكـ ما قدرت أفهم وهمة الحفلات الخيرية دي !! الزول عايز يشاركـ في عمل خيري مهما كان غرضو من المشاركة برضو مفروض يشكر عليها و علي أي تبرع يقدمو حتى لو كان جنيه واحد مش دخل حفلة كاملة مهما كان بسيط ... أنا من هذا المنبر ( حلوة المنبر دي ) أشكر كل الفنانين و العازفين الحاولو يشاركو في أي عمل خيري حتى لو كان بدون دعوة , نزلاء هذه الدور يكفيهم فقط الشعور أنهم محاطين بالناس و كل ما زاد العدد أزداد هذا الشعور ... كما لا يسعني ألا أن اضم صوتي للأستاذ عمر الفاروغ و الأستاذة أسمارت في موضوع رفض الوصاية على الفنانين الشباب و إنو قانون تنظيم المهن الفنية ما هو إلا حقد من بعض الفنانين الكبار على نجاح بعض الفنانين الشباب الساحق .. نفس النقد البيتقال اليوم للفناين الشباب كنا بنسمعو بتوجه لمحمود عبد العزيز .. شوف وين محمود الليلة !!!
حاجة أخيرة بس يا أبوالنيز : أحي بشدة الفنان محي الدين أركويت على اللفتة البارعة في تخفيض أجور الحفلات و أعلم أن الفنان محي الدين أركويت مكروه بشدة من الفنانين لأنو ببساطة أجبر الفنانين على تخفيض عدادتهم ( رغم عدم إتفاقي من بعض أغاني محي الدين )
بعدين تعال يا أبو النيز ياخ حسستني إنكـ المستشار الأول للفنانين الشباب ! شنو فنان ضرب لي و فنان قالي شوف لي واسطة و فنان ما عارف شنو !
ياخ أقول ليكـ أنت زاتك وهمة !!
Post: #74 Title: Re: وهمات الفنانين الشباب ..!! Author: Dr.Elsadig Abdalla Date: 08-05-2012, 11:23 AM Parent: #73
شكرا ياترهاقا ونادر
بالنسبه للمديح يا ترهاقا فعلا الزول ده مرات بيمدح أيضا بس ماعاوز أزحم ليكم البوست باللنكات بتاعت اليوتيوب ..بس عليك الله أمشي أسمعو في اليوتيوب واسمع مدحة "يا دايم "...أنا افتكر الزول ده عندو مستقبل واعد .. ناذر الزول ده عندو إنتاج كثير خاص بيهو والاداء بتاعو ممتاز ...بعدين مسألة التقليد دي من وجهة نظري انها مامشكله كبيره "وانت سيد العارفين " يعني معظم الفنانين الكبار ديل كانت بداياتهم بتقليد الآخرين ..بس إتفق معاك مامكن يكون الفنان شغلو كلو تقليد ،،يعني لحدي الواحد يقيف على كرعينه وكده ..عليك الله لو عندك وقت أمشي في اليوتوب وشوف سهره كان عملها جمال محمد سعيد في أحد الأعياد في قناة امدرمان على ما افتكر وشوف محمد تبيدي ده قدم أداء متميز كيف مقارنة بالناس المعاهو .. تحياتي وبوستك جميل والله.
Post: #75 Title: Re: وهمات الفنانين الشباب ..!! Author: وليد عبد اللطيف Date: 08-05-2012, 01:23 PM Parent: #74
الاخ ناذر خليفة ... سلامات وكل سنة وانت طيب والله عن راي انا شايف انك اجحفت كثيرا في حق الفنانين الشباب لان لازم برضو ياخدو حقهم ونصيبهم من هذه الدنيا يعني الغلط في البدايه مابقع عليهم واقع على الناس الذين هم على راس الدوله وكان اتحاد فنانين ولا لجنة نصوص وياخي دي اوساط امكن انت تعلمها اكثر مني وماذا يدور فيها يعني قصة الرخصة دي هسه بقت على الفنانين الشباب فقط ولا شنو وزي ماقالت اسمارت هذا حقد من الفنانين القدامه لان خلاص ماعونهم اصبح فاضي وليس لهم حتى المقدره على اظهار فنانين جدد او اعطاء الفرصه لهم يعني البشوف برنامج نجوم الغد يكتشف فعلا في بلدنا تفقد العلميه والمنهجيه في تقييمها وكمان قصة دكتور يطلقوها لكل موسيقي دي بقت وهمه لان انا شايف تقييمهم في هذا البرنامج كثيرا مايكون بعيد عن الصوت غير انه مجرد مجامله وارضاء لاشخاص بعينه . . نجي لقصة مدير الاعمال ... من حق اي فنان حتى ولو ناشي يعمل اشياء تخدمه وتسهل له المهمه يعني انا كفنان ما ممكن اكون فاتح تلفوني اربعة وعشرين ساعه لان برضو بكون عندي ساعات عايز انوم فيها وساعات عايز اكل وساعات عايز احفظ ولا شنو كمان الواحد لازم يعمل لنفسه قيمه شويه جنى وجن الفنان الهامل يعني لازم يكون نضيف وانيق عشان كدا انا هسه متكيف من صوالين الحلاقة التي تظهر لنا اكثر من كوفيرات النساء على اي فنان ان يكون نظيف وحالق ومسبسب النضافه مظهر جميل للفنان مشكلتنا يا ناذر اننا لانعرف نسوق الاشياء ودي ظاهره كويسه قصة اي فنان يعمل مدير اعمل ولو نجحوا لينا منهم 3 بس كفاية في البلد ياخي كنا بنقول مافي غير حميد ولا القدال ولكن السنين الاخير ظهروا شباب في منتهى الروعه وديل لو شاعدتهم في برنامج ريحة البن تجد بان السودان ولود دائما ياخي الفنانين القدام ديل خلاص جلسو جميعهم صحيح في يوم من الايام ابدعوا لنا ومتعونا حتى ولو بغناء الغير والبحصل الان في وسط الشباب نحنا من تسبب به ياناذر لاننا لم نخلق لهم الاجواء النظيفة لابراز مواهبهم ضغطناهم في اي شي هسه الواحد عشان ياكل يعمل شنو جوع وتشريد وبهدله ومايحدث الان نتيجة سياسة خاطئه وتحملها الجيل الحالي في اشياء ليس له ذنب بها .. موضع الحفلات الخيريه .. ماقصروا والله حتى ولو كان الدخل جنيه زمان كنا بندعوا بعض الفنانين ومافي داعي لذكر الاسماء لبعض الاعمال الخيريه كنا بنلاقي الرفض منهم ناذر في الختام عايز اقول ليك نديهم الفرصه ونعمل على مساعدتهم ومد يد العون لهم والفنانين الكبار لازم يعملوا على ثواصل الاجيال حتى الشغله مايكون فيها حقد منهم
Post: #76 Title: Re: وهمات الفنانين الشباب ..!! Author: ناذر محمد الخليفة Date: 08-05-2012, 01:41 PM Parent: #74
سلام صهيب ..
Quote: يا ابو النذور كيفك~.~.
اها جايين نسمتع ساااااااااااااااااي في طريقة ولا مافي؟.
ولو في كبعة بالله بالراااااااااااااااااااحة جننا وجن كبعاتك
تحياتي
أستمتع يا مان طوالي الكبعات دي بنصرفا للزول الجديد .. إنت خلاص قدمت وفت الكبار والقدرك والدليل مقبقب حفيد امون بي هناك
Post: #77 Title: Re: وهمات الفنانين الشباب ..!! Author: ناذر محمد الخليفة Date: 08-05-2012, 01:50 PM Parent: #74
سلام خالد ..
Quote: أبو النيز يا عمكـ ما قدرت أفهم وهمة الحفلات الخيرية دي !! الزول عايز يشاركـ في عمل خيري مهما كان غرضو من المشاركة برضو مفروض يشكر عليها
الوهمة دي بإختصار إنو بيتسربوا من خلالا أصوات منكرة لا تصلح للغناء للإعلام المرئي والمقرؤ .. وناس الجرائد والتلفزيون مجبورين يجيبوهم بحكم إنهم متطوعين وبيغنوا من غير أجر .. بس ما في زول بيقدر يمنعم يغنوا ويظهروا .. وبالطريقة دي بتحس إنهم مفروضين فرض على الناس ودا بيؤدي لي تلوث الجو الفني بمزيد من منكر الأصوات وركاكة الالحان ..!
Quote: و أعلم أن الفنان محي الدين أركويت مكروه بشدة من الفنانين لأنو ببساطة أجبر الفنانين على تخفيض عدادتهم
خالد والله كلامك دا خلاني أضحك براي !!
تخفيض أجور فنانين شنو ؟!! الزول دا ما عمل شي غير خفض من قيمة الفن وخفض من قيمتو هو شخصيا ، والناس واعية لأنو رغم الحاجات البيعملا دي .. ما في زول عندو زذوق فني سليم بيجيب الزول دا في مناسباتو ..!!
صدقني أجور الفنانين عالية جدا بسبب زولك دا والحاجات البيسوي فيها دي ..!!
Quote: بعدين تعال يا أبو النيز ياخ حسستني إنكـ المستشار الأول للفنانين الشباب ! شنو فنان ضرب لي و فنان قالي شوف لي واسطة و فنان ما عارف شنو !
ما تنس إنو أخوك من أسياد الشي زاتا ..!!
Post: #78 Title: Re: وهمات الفنانين الشباب ..!! Author: ناذر محمد الخليفة Date: 08-05-2012, 03:16 PM Parent: #77
سلام وليد ورمضان كريم ..
Quote: يعني قصة الرخصة دي هسه بقت على الفنانين الشباب فقط ولا شنو وزي ماقالت اسمارت هذا حقد من الفنانين القدامه لان خلاص ماعونهم اصبح فاضي وليس لهم حتى المقدره على اظهار فنانين جدد او اعطاء الفرصه لهم
امكن أنا ما قدرت اوصل المعلومة كويسة .. الرخصة مش للفنانين الشباب .. لي كل الفنانين والموسيقيين والعازفين وحتى كبارهم والقدامى منهم .. الغرض من هذه الرخصة تنظيم مهنة الفن لأنها صارت مهنة بظهور الإسم (إتحاد المهن الموسيقية) .. وبما انها صارت مهنة فلازم يتم تسجيل وحصر للعاملين في المهنة دي .. وحصل جدل كتير في الفترة الفاتت مع بداية التقديم لإجتياز الإمتحانات .. اذكر من الجدل أنو اللجنة منحت قيد للفنان سامي المغربي وفي فنانين كتار احتجو بحجة أنو سامي المغربي ما عندو بصمة ولا أعمال خاصة ..
اما الفنانين الكبار المعروفين فاللجنة أكرمتم باعطائم القيد وذلك لأن عطائهم مشهود ومنظور وفي صحيفة اليوم قرأت تصريحا للفنان الجيلاني الواثق بأنه لن يذهب للجنة وان اللجنة عليها الحضور لمنزله لاعطائه الرخصة تقديرا لعطائه الفني الطويل ..!!
الجدل حاصل وليس حكرا على الفنانين الشباب ..
Quote: نجي لقصة مدير الاعمال ... من حق اي فنان حتى ولو ناشي يعمل اشياء تخدمه وتسهل له المهمه يعني انا كفنان ما ممكن اكون فاتح تلفوني اربعة وعشرين ساعه لان برضو بكون عندي ساعات عايز انوم فيها وساعات عايز اكل وساعات عايز احفظ ولا شنو كمان الواحد لازم يعمل لنفسه قيمه شويه جنى وجن الفنان الهامل يعني لازم يكون نضيف وانيق عشان كدا انا هسه متكيف من صوالين الحلاقة التي تظهر لنا اكثر من كوفيرات النساء على اي فنان ان يكون نظيف وحالق ومسبسب النضافه مظهر جميل للفنان
يا وليد .. إنت عشان بعيد من الساحة بتقول الكلام دا ..! يا خي هي وينا زاتا الأعمال عشان تعمل ليها مدير ؟!! عزوف الشباب عن الزواج وغلاء تكاليف كل المستلزمات بتخلي الزول يفكر ألف مرة قبل ما يعمل ليهو حفلة صغيرة من خمسطاشر نفر يودع بيها صحبو الداير يغترب ..!! الفنانين الأنا بعرفم ديل مرات الواحد يكون شهر كامل ما شغال ولا حفلة !!
وخليك من الشباب .. تعال أتحاد الفنانين ومراكز الشباب .. كل الفنانين حتى المخضرمين منهم في أيام الشغل اللي هي الخميس والجمعة وغيرا تلقاهم في النادي بيلعبوا كتشينة أو يشربوا قهوة ..!
فحكاية مدير أعمال لي فنان عمرو 23 سنة ما في زول سمع صوتو ولا حتى جيرانو دي وهمة بدري عليها لسع !!
Quote: والبحصل الان في وسط الشباب نحنا من تسبب به ياناذر لاننا لم نخلق لهم الاجواء النظيفة لابراز مواهبهم ضغطناهم في اي شي هسه الواحد عشان ياكل يعمل شنو جوع وتشريد وبهدله ومايحدث الان نتيجة سياسة خاطئه وتحملها الجيل الحالي في اشياء ليس له ذنب بها ..
انا معاك في دي يا وليد .. وتأكد انو الاجواء النظيفة دي ما بتتخلق إلا في جو مستقر .. مستقر معناها واهم شي في استقرار اقتصادي وثقافي واجتماعي في البلد .. دي حلقات ما بتنفصل عن بعض . وما دام الأستقرار دا غير موجود أكيد التخبط وضبابية الرؤية في التعامل دا لازم يظهر ..!!
Quote: ناذر في الختام عايز اقول ليك نديهم الفرصه ونعمل على مساعدتهم ومد يد العون لهم
يا وليد أنا أكتر واحد بخلق فرص لي كتير من الشباب ديل .. لكن ما برحمم من صوت النقد في كتير من الأحيان وفنانين كتار الحمد لله وصلوا لي مستويات كويسة بفضل الله وتوفيقه أولا ثم بالألتزام بخارطة طريق وضعتها لهم ثانيا ..
وعندك مثال ليلة سودانيز أون لاين في مركز الخاتم عدلان . كان من المفترض أن يغني فيها شخصي الضعيف لكني إنتهزت فرصة وجود صحفيين وتغطية اعلامية وجئت بمعية إثنين من الفنانين الشباب وجعلتهم يغنوا بدلا عني وأكتفيت فقط بالعزف وستجد الفيديو في اليوتيوب ..!!
وايضا في ليلة مبدعي سودانيز أون لاين رمضان الفائت بخيمة الصحفيين .. اكتفيت أيضا بالعزف لإحدى الفنانين الشباب وتركت له مهمة تقديم عمله وصوته للجماهير .. ليس هذا فحسب بل في تلك الليلة عرفته بالشاعر مدني النخلي والذي وعده بإعطائه بعض من اشعاره ليغنيها ..!!
فلا تحسبن نقدي لهم معول هدم بقدر ما هو وكزات وتنبيهات ليسيروا في الطريق الصحيح ..
شكرا وليد ...
Post: #79 Title: Re: وهمات الفنانين الشباب ..!! Author: ناذر محمد الخليفة Date: 08-05-2012, 07:34 PM Parent: #78
أها يا شباب نمشي للوهمة التالتة اللي هي :
*وهمة الظهور في الصحف والتلفزيون والاذاعات ..
خليكم قريب ...
Post: #80 Title: Re: وهمات الفنانين الشباب ..!! Author: ناذر محمد الخليفة Date: 08-06-2012, 09:43 AM Parent: #79
Post: #81 Title: Re: وهمات الفنانين الشباب ..!! Author: Hussein Mallasi Date: 08-06-2012, 10:18 AM Parent: #80
Quote: وهمة الحفلات الخيرية
ما أظن في وهمة حصلت أكبر من وهمة سهرة النيل الأزرق احتفالاً بتحرير هجليج.
Post: #82 Title: Re: وهمات الفنانين الشباب ..!! Author: وليد عبد اللطيف Date: 08-06-2012, 11:59 AM Parent: #81
ياناذر يا فنان
Quote: وعندك مثال ليلة سودانيز أون لاين في مركز الخاتم عدلان . كان من المفترض أن يغني فيها شخصي الضعيف لكني إنتهزت فرصة وجود صحفيين وتغطية اعلامية وجئت بمعية إثنين من الفنانين الشباب وجعلتهم يغنوا بدلا عني وأكتفيت فقط بالعزف وستجد الفيديو في اليوتيوب ..!!
لز كان كل فنان ومن زمان بعمل بنفس فكرتك دي كنا شفنا اجيال في مستوى عالي ولكن هذا وسط الفنانين هل سمعت في يوم فنان كبير جاب ليهو ولد واعد وصوت واعد ودخل به الاذاعه وقدمه للجمهور . . بالنسبه للرخصة كلامك عجبني شديد وفعلا رغم الاحباطات العامه برضو مفروض نبني نفسنا بالتنظيم ونوقف الفوضى بالمناسبه هذه الرخص الان اصبحت عالميه حتى على مستوى كرة القدام يعني لو ماعندك رخصه تاني ماعندك حق تبقى مدرب كرة قدم وبصراحه ياناذر عجبتني فكرة طريقتك في طريقة تقديم الاصوات الواعده لان فعلا ذهبت في يوم بيت الفنون ووجدته مكان خصب بتقديم الشباب حتى يتعلموا اشياء كثيره قبل ظهورهم في الاعلام
Quote: ما أظن في وهمة حصلت أكبر من وهمة سهرة النيل الأزرق احتفالاً بتحرير هجليج.
بس تأمل يا استاذ ملاسي
Post: #83 Title: Re: وهمات الفنانين الشباب ..!! Author: محمد عبد الماجد الصايم Date: 08-06-2012, 12:27 PM Parent: #82
بوست وهمة والله!
Post: #84 Title: Re: وهمات الفنانين الشباب ..!! Author: ناذر محمد الخليفة Date: 08-06-2012, 12:48 PM Parent: #83
ملاسي سلام ..
Quote: ما أظن في وهمة حصلت أكبر من وهمة سهرة النيل الأزرق احتفالاً بتحرير هجليج.
صدق السهرة دي ما شفتها لكن لو كان قواما بعض مطربي الشياب الصواميل الذين يغنون من أجل حب الظهور في القنوات والإذاعات فدي تفاصيلا حا تجي في البند التالت من الوهمات الحا اتكلم عنها بعد الفطور لأنو الكلام في الحتة دي عايز ليهو زول رويااااااان ..!!
Post: #85 Title: Re: وهمات الفنانين الشباب ..!! Author: وليد عبد اللطيف Date: 08-06-2012, 12:58 PM Parent: #84
منظمة شاب البلد فكره جميله بس اتسقلوها استقلال سي عايزين يظهروا دائما في التلفزيون وليد زاكي الدين وغاندي حاجه ظاهره بايخه فرضو علينا ان نشاهدهم ونسمعهم دوما في سهر رمضان هل فعلا هم شباب بلد ولا القصد من هذه المنظمه الظهور فقط طيب ليه مايظهر باقي الشباب الفنانين ودي فرصه لهم في الظهور من هذه المنظمة وليه وليد زاكي الدين مايفعل كما فعلت انت يا ناذر ويقدمهم للجمهور عشان الناس تعرف تقيم شيف بينهم فنانين شباب ..
Post: #86 Title: Re: وهمات الفنانين الشباب ..!! Author: الشاذلى خيرى عبد الله Date: 08-06-2012, 03:47 PM Parent: #85
نــــــاذر يا فنان ..
صمت مطبق ومتابعة باهتمام ..
ــــــــــــــــــــــــ
رمضان كريم يا حبوب
Post: #87 Title: Re: وهمات الفنانين الشباب ..!! Author: ناذر محمد الخليفة Date: 08-07-2012, 08:46 AM Parent: #86
مشكور على التعقيب يا وليد ..
Quote: بالنسبه للرخصة كلامك عجبني شديد وفعلا رغم الاحباطات العامه برضو مفروض نبني نفسنا بالتنظيم ونوقف الفوضى بالمناسبه هذه الرخص الان اصبحت عالميه حتى على مستوى كرة القدام يعني لو ماعندك رخصه تاني ماعندك حق تبقى مدرب كرة قدم وبصراحه ياناذر عجبتني فكرة طريقتك في طريقة تقديم الاصوات الواعده لان فعلا ذهبت في يوم بيت الفنون ووجدته مكان خصب بتقديم الشباب حتى يتعلموا اشياء كثيره قبل ظهورهم في الاعلام
جاييكم بي مهلة ..
Post: #88 Title: Re: وهمات الفنانين الشباب ..!! Author: Elmosley Date: 08-07-2012, 10:48 AM Parent: #87
Quote: * الو !! السلام عليكم !! * وعليكم السلام ؟! منو معاي ؟!! * معليش الظاهر النمرة غلط .. دا ما تلفون ...... ؟؟!! * قصدك الأستاذ ...... ؟! *أيوة .. ممكن أكلمو ؟! * ممكن اعرف الموضوع شنو ؟! أنا مدير أعمالو ..!! * مدير أعمالو ؟!! * ايوة .. لو عندك حفلة أو ارتباط أنا المسئول ..! * لا لا ما عندي .. ممكن تديني رقم تلفونو ..!! * والله يا خي إلا اتصل بيهو أول .. أقول ليهو منو ؟!! * قول ليهو يا خي يوسف الموصلي بيسأل منك ..! * يعني يوسف الموصلي دا دايرو في حفلة ولا دايرو لي شنو ؟! * إنت ما عرفت يوسف الموصلي دا منو ؟!! * لا لا ما بعرفو والله لكن ما مشكلة لو دايرو في مناسبة ..! * لا لا شكرا .. ما داير منك ولا منو أي حاجة سلام عليكم .!!
وطبعا قفلت الخط والدخان طالع من اضاني من شدة الغيظ ..!!
الله يجازي محنك ياناذر هههه وين الفنان ده هسع
Post: #89 Title: Re: وهمات الفنانين الشباب ..!! Author: ناذر محمد الخليفة Date: 08-07-2012, 04:51 PM Parent: #88
ود الصائم ..
Quote: بوست وهمة والله!
اساسا الشغلانية كلها وهمة .. يعني ممكن تقول واهمة وأدوها وهمة
Post: #90 Title: Re: وهمات الفنانين الشباب ..!! Author: ناذر محمد الخليفة Date: 08-08-2012, 08:52 AM Parent: #89
Post: #91 Title: Re: وهمات الفنانين الشباب ..!! Author: ياسر السر Date: 08-08-2012, 01:30 PM Parent: #90
حبيبنا ناذر ياخ اولا كل سنة وانت طيب ورمضان كريم عليك وعلى كل الاخوة المتداخلين في هذا البوست الذي اتوقع ان يكون شغال لمدة سنة كده ,, على العموم الموضوع مهم لانو فعلا ظاهرة وهمات الفنانين دي بقت ظاهرة بايخه بصورة لا تطاق وكل يوم نسمع بي شي جديد وغريب ،، والحمد لله انو الواحد كان بره السودان لانو كان مرارتو اتفقعت لو معاكم هناك ،، لكن في اجازتي الفاتت في السودان حصل لي موقف برضو مع اتنين من الاخوه الفنانين الشباب ديل الاول انا اتصلت علي الرقم العندي ليهو من زمان ورد لي صوت غريب المهم لما سالتو برضو قال لي انت منو وبعد ان عرفتو بي نفسي قام قال لي الاستاذ ما موجود وانا مدير اعمالو لكن لو عندك وصية ليهو انا ببلغو قلت ليهو لا ما عندي وصية مع السلامه ،،، والثاني ايضا اتصلت عليهو في جوالو ورد لي واحد من اقربائه وعرفتو بي نفسي قام عرفني وسلم علي وقال لي فعلا الاستاذ جوالو غير ده واداني الرقم على اساس اتصل عليهو لكن قلت ليهو خلاص انت بلغو اني انا في اجازة الان وموجود في السودان وبلغو سلامي ,, لكن فعلا الموضوع ده عايز الناس تطرحو للنقاش يا ناذر لانو الناس ديل شوهو صورة الفن والفنانين ،،، بس نسال الله السلامه .. وبجيك صاد ..
تحياتي : ياسر العيلفون
Post: #92 Title: Re: وهمات الفنانين الشباب ..!! Author: أحمد الشايقي Date: 08-08-2012, 01:37 PM Parent: #91
Quote: * إنت ما عرفت يوسف الموصلي دا منو ؟!! * لا لا ما بعرفو والله لكن ما مشكلة لو دايرو في مناسبة ..! * لا لا شكرا .. ما داير منك ولا منو أي حاجة سلام عليكم .!!
Post: #93 Title: Re: وهمات الفنانين الشباب ..!! Author: Hani Arabi Mohamed Date: 08-08-2012, 01:41 PM Parent: #90
ماذا عن تمييع الصوت وانكسار الأداء؟
Post: #94 Title: Re: وهمات الفنانين الشباب ..!! Author: ناذر محمد الخليفة Date: 08-08-2012, 02:25 PM Parent: #93
سلام وليد ..
Quote: منظمة شاب البلد فكره جميله بس اتسقلوها استقلال سي عايزين يظهروا دائما في التلفزيون وليد زاكي الدين وغاندي حاجه ظاهره بايخه فرضو علينا ان نشاهدهم ونسمعهم دوما في سهر رمضان هل فعلا هم شباب بلد ولا القصد من هذه المنظمه الظهور فقط طيب ليه مايظهر باقي الشباب الفنانين ودي فرصه لهم في الظهور من هذه المنظمة وليه وليد زاكي الدين مايفعل كما فعلت انت يا ناذر ويقدمهم للجمهور عشان الناس تعرف تقيم شيف بينهم فنانين شباب ..
بالنسبة لي وبإختصار يا وليد فأنا عندي رايي في أي منظمة شبابية أو خيرية أو تطوعية ويكون قواما من الفنانين شباب أو غيرم .. لأنها في المقام الأول بعتبرا قامت على اسس غير سوية ويا ريت لو مر على البوست أخونا الصحفي أمير عبد الماجد لأنو عندو تجارب في المنظمات الذي دي ..!!
Post: #96 Title: Re: وهمات الفنانين الشباب ..!! Author: mohmed khalail Date: 08-08-2012, 11:12 PM Parent: #94
سلام يا ناذر بوست جميل وطاعم
Quote: سلامات تاني ياخ في واحد فنان شاب اسمو محمد تبيدي مرات بيمدح ..أنا شايف إن الراجل ده فنان متمكن وعند مستقبل ..بالله رايك شنو ؟
اتفق معاك تماما يا دكتور
Quote: محمد تبيدي فنان صوتو جميل وانا أستمعت ليو كم مرة وأحسبو فنان جادي ومرة شفت ليهو فيديو كليب روعة من حيث الاغنية والتصوير وسيناريو الأخراج ..
بس زي ما قال ليك ترهاقا ليه الزول دا ما يغني غناه الخاص ..!!
انا معاك .. مرات الجماعة ديل بيضطروا ينصاعوا لي مخرجي ومعدي برامج التلفزيون ويغنوا الغنا المسموع أو يغنوا غنا ما حقهم .. لكن أعتقد الفنان لو فعلا فنان وبيحترم فنو وداير الناس تسمع غناهو ما غنا التانين يحاول يطلع من الدائرة دي ويقول للمخرج او المعد (ايوة أنا بغني ليكم لي أحمد المصطفى لكن برضو عندي غنية حقتي براي داير أغنيها) ..!!
لتبيدي الكثير من الاعمال الخاصة من ضمنها احدى قصائدي الغنائية التي مطلعها:
لاني بلقاك لاكي ليا لا الزمن بسعد عينيا بكره ياما تألميني وتمشي ما تهتمي بيا
كما انه كتب ولحن ايضا عدد من اغنياته تبيدي شاب طموح وماشي بثبات وسوف يكون له شأنا عظيم في المستقبل.
ترهاقا يا جميل عصرت على الشاب ده شوية ياخ ,,كان ما ساي نقول رمضان لوووووووووول
Post: #97 Title: Re: وهمات الفنانين الشباب ..!! Author: ناذر محمد الخليفة Date: 08-09-2012, 08:47 AM Parent: #96
الشاذلي كيفك ..
Quote: نــــــاذر يا فنان ..
صمت مطبق ومتابعة باهتمام ..
ــــــــــــــــــــــــ
رمضان كريم يا حبوب
تسلم حبيبنا ووينك طولت ما ظاهر ؟ اتمنى نشوفك بكرة في الأفطار ...!!
Post: #98 Title: Re: وهمات الفنانين الشباب ..!! Author: othman mohmmadien Date: 08-09-2012, 10:10 AM Parent: #79
رمضان كريم .. وسلام أخي ناذر!!!! ثم ماذا عن وهمة الفنانات وخاصة اللائي يستضفن خلال الشهر الكريم دخلوها وصقيرها حام وكده ... والكان داكا ... صارت كنداكة أثارت الغبار واصابتنا بالسعال ... الغنا ده يا ناذر برضو عند البنات صار وهمة تسمى EYE LASH - وأحمر شلاليف ومزيج من الميك آب .. وقناة أم درمان قاعدة ولا شنو ...؟؟؟ والله بديت أشك أنهن "اي صبايا أم در المغنيات" يدفعن لتلكم القنوات ...الغريبة تلقى الضيفة في الحلقة بتهز في رأسها مجاملة كالمنطرب لنهيق الآتان ... يا ربي الآتان بتنهق ولا زوجها هو النهاق وبس .... والضيفة تكون مبتسمة ابتسامة باهتة ويبدو عليها حزن كئيب ...وتكاد يخرج من فمها عبارة "يا ربي ... واي الحلقة دي بتين بتنتهي من التسجيل " ونحن بختنا الريموت بيدنا ....واصبنا بعادة التسبيح بالريموت بفضل وهيمات القنوات السودانية ... الا ما رحم ربي ...!!!
Post: #99 Title: Re: وهمات الفنانين الشباب ..!! Author: ناذر محمد الخليفة Date: 08-09-2012, 01:27 PM Parent: #98
سلام أستاذنا الموصلي ..
Quote: الله يجازي محنك ياناذر هههه وين الفنان ده هسع
والله يا موصلي بعد سافرت اتصل بي كم مرة وانا عرفت تلفونو الجديد بقيت ما برد عليهو وهو شعر بالأسف من نفسو وجاني مرة بدون مواعيد قعد يتأسف ويعتذر ..
لكن الحمد لله العترة بتصلح المشي وهو ماشي كويس سجلت معاو مرة حلقة في اذاعة الحياة والناس وحلقة في إذاعة يستبشرون وحاليا هو بيسجل في حلقة لي قناة ادرمان حا تبث في العيد ..
Post: #100 Title: Re: وهمات الفنانين الشباب ..!! Author: ناذر محمد الخليفة Date: 08-09-2012, 07:42 PM Parent: #99
سلام ياسر السر ..
Quote: لكن في اجازتي الفاتت في السودان حصل لي موقف برضو مع اتنين من الاخوه الفنانين الشباب ديل الاول انا اتصلت علي الرقم العندي ليهو من زمان ورد لي صوت غريب المهم لما سالتو برضو قال لي انت منو وبعد ان عرفتو بي نفسي قام قال لي الاستاذ ما موجود وانا مدير اعمالو لكن لو عندك وصية ليهو انا ببلغو قلت ليهو لا ما عندي وصية مع السلامه ،،، والثاني ايضا اتصلت عليهو في جوالو ورد لي واحد من اقربائه وعرفتو بي نفسي قام عرفني وسلم علي وقال لي فعلا الاستاذ جوالو غير ده واداني الرقم على اساس اتصل عليهو لكن قلت ليهو خلاص انت بلغو اني انا في اجازة الان وموجود في السودان وبلغو سلامي ,, لكن فعلا الموضوع ده عايز الناس تطرحو للنقاش يا ناذر لانو الناس ديل شوهو صورة الفن والفنانين ،،، بس نسال الله السلامه .. وبجيك صاد ..
انا المحيرني يا ساسر .. إنو التصرفات دي بتجي من فنانين يا إما صغار في السن يا كمان فنانين كبار وفاكينها في روحم رغم إنهم ما عندهم أي عطاء يذكر في الساحة .. والشي البيحير انو في فنانين كبار خلدتهم ذاكرة ووجدان الشعب السوداني تتصل عليهم بيردوا ليك بي نفسهم ويتكلموا معاك بي كل اريحية من غير رجل أعمال أو رجل عوضية مع إنهم الاكثر عضاء ولو عندهم مدير اعمال برضو بي حقهم ..
الصور دي كلها مقلوبة ولازم نعدلا يا ياسر ..!! انتو بس يدكم معانا بمناقشة الظواهر دي ..!
Post: #101 Title: Re: وهمات الفنانين الشباب ..!! Author: ناذر محمد الخليفة Date: 08-10-2012, 11:33 AM Parent: #100
شكرا على المرور يا الشايقي ..
Post: #102 Title: Re: وهمات الفنانين الشباب ..!! Author: ناذر محمد الخليفة Date: 08-10-2012, 02:21 PM Parent: #101
سلام عثمان محمدين ..
Quote: الغنا ده يا ناذر برضو عند البنات صار وهمة تسمى EYE LASH - وأحمر شلاليف ومزيج من الميك آب .. وقناة أم درمان قاعدة ولا شنو ...؟؟؟ والله بديت أشك أنهن "اي صبايا أم در المغنيات" يدفعن لتلكم القنوات ...الغريبة تلقى الضيفة في الحلقة بتهز في رأسها مجاملة كالمنطرب لنهيق الآتان ... يا ربي الآتان بتنهق ولا زوجها هو النهاق وبس .... والضيفة تكون مبتسمة ابتسامة باهتة ويبدو عليها حزن كئيب ...وتكاد يخرج من فمها عبارة "يا ربي ... واي الحلقة دي بتين بتنتهي من التسجيل " ونحن بختنا الريموت بيدنا ....واصبنا بعادة التسبيح بالريموت بفضل وهيمات القنوات السودانية ... الا ما رحم ربي ...!!!
اشفقت عليهن والله في حلقة اغاني واغاني المخصصة للحديث عن نادر خضر والبكاء عليه .. حيث أنهن حضرن في كامل زينتهن من مكياج وبدرة وأحمر وغيره .. ومصدر اشفاقي هو محاولتهن عدم تخريب زينتهن ومكياجهن اثناء نحيبهن وبكائهن على نادر خضر ..!!
والله رثيت لمحاولتهن تلك .. عندما حضروا للأستديو ألم يكن يعلمن أن الحلقة مخصصة للبكاء والحديث عن نادر ؟!!
Post: #103 Title: Re: وهمات الفنانين الشباب ..!! Author: علي مزمل Date: 08-10-2012, 10:54 PM Parent: #102
ناذر
داير اعمل لي وهمه في شكل وهمه تانيه
وابقي فنا ن كبير وبتاع وهمات
رايك شنو
في انتظار الوهمات والاقتراحا ت لوهمه !!!!
__________________
اخبارك يا راجل ومشتاقين
Post: #104 Title: Re: وهمات الفنانين الشباب ..!! Author: ناذر محمد الخليفة Date: 08-11-2012, 02:00 PM Parent: #103
علي مزمل يا وهم ..
كيف عامل مع البلد الوهم المشيت ليها ..
يا حليل ربوع شندي ..
ناصر جا أمبارح من هولندا ...
وأنا احتمال أجيكم بي هناك بعد العيد لو ربنا هون ..
جهز البتاعات ..!!
Post: #105 Title: Re: وهمات الفنانين الشباب ..!! Author: ناذر محمد الخليفة Date: 08-11-2012, 02:02 PM Parent: #103
علي مزمل يا وهم ..
كيف عامل مع البلد الوهم المشيت ليها ..
يا حليل ربوع شندي ..
ناصر جا أمبارح من هولندا ...
وأنا احتمال أجيكم بي هناك بعد العيد لو ربنا هون ..
جهز البتاعات ..!!
Post: #106 Title: Re: وهمات الفنانين الشباب ..!! Author: علي مزمل Date: 08-11-2012, 09:26 PM Parent: #105
بلد كلها وهم يا عمــــــك
وتحياتنا لناصر وحمد الله علي سلامتو
Quote: جهز البتاعات ..!!
جاهزين ابقي طالع بس !!!
Post: #107 Title: Re: وهمات الفنانين الشباب ..!! Author: ناذر محمد الخليفة Date: 08-12-2012, 02:03 PM Parent: #106
أها يا شباب ..
وهمة الظهور في الصحف والتلفزيون والاذاعات
ودي أول حاجة بيفكر فيها الفنان الشاب البادي جديد أول ما يظهر أو يغني انشالله في سماية بت خالو بالجردل وبدون الات موسيقية .. بيخت نصب عينو الظهور السريع في وسائل الاعلام وبيستعجل الظهور والشهرة بطريقة عجيبة .. تحس بيهو لو بتعرفو عن قريب دايما مهموم بي الظهور في الأذاعة او التلفزيون أو يكونوا عاملين معاو لقاء في جريدة وصورتو كبيرة وظاهرة ومكتوب فيها لقاء مع النجم الساطع او الكوكب اللامع او اي بوهيات من النوعية دي ..!!
مشكلة الأستعجال في الظهور إنو الشباب البادين جديد ديل دايما بيواجهوا إشكاليات كتيرة ؟؟ بتتمثل في الوعود المجانية من اصحاب الشأن سواء أ كانوا معدين برامج أو مخرجين أو محررين صفحات فنية ، وفي بعض الأحيان الجماعة ديل بيحبوا الفنان الشاب يجري وراهم وهم يتمنعوا أو يواعدوا وما يوفوا ودا بيقود لي تنازلات كتيرة من جهة الفنان الشاب عشان يظهر ويدفع تمن الظهور ..!
عشان كدة لمن الزول يكون قاعد وسط فنانين على أعتاب الأنتشار بتلقى اي زول فيهم بيحاول يتباهى بي علاقاتو في الأجهزة الأعلامية نظام أنا صحبي الصحفي داك وأنا المخرج بتاع القناة ديك قال لي تعال سجل وحاجات زي دي ..
واحد من الفنانين الواعدين أنا رصدت ليهو 3 لقاءات صحفية مرة واحدة في خلال شهر ..!! الحوار أجراه نفس الصحفي رغم إنو ما في جديد طرأ في مسيرة الفنان دا يتطلب تكرار الحوار !! والفنان دا فرحان يشتري كل مرة عشرة أو خمسطاشر نسخة من الجريدة ويقشر بيها ويوزعا على صحبانو ..!!
موضوع الإذاعات دا كمان حاجة غريبة ..!!
إذاعات الإف ام القايمة دي أساسا عندها مشاكل تمويلية وما عندهم ميزانية كافية لي تسجيل اعمال غنائية لي فنانين كبار في الساحة فبيقوموا بيدعوا الفنانين الواعدين ديل مجانا عشتان يسجلوا حوارات وأغاني معاهم يملوا بيها برامجم .. وطبعا في كتير من الأحيان لو ناس القناة اكرموا الفنان دا بيدوهو حق المواصلات لكن في كتير من الأحايين ما بيدفعوا ليهو اي حاجة والفنان بيدفع كل منصرفات حضورو من مواصلات وأحيانا بيدفع عداد عازف الايقاع والعود او الأورغن الجايين معاهو ودا كلو عشان استعجال الظهور ..!!
النصيحة يا شباب : روقوا المنقة وخلوا الإذاعات دي هي التفتش ليكم وتجيكم مش تمشوا ليها وتعرضو نفسكم وتصغروها قدامم .. والكلام دا حصل مرة قدامي والطريقة كانت أستجدائية ومذلة وكمان ما جابت نتيجة ..!!
Post: #108 Title: Re: وهمات الفنانين الشباب ..!! Author: Khalid Kodi Date: 08-12-2012, 09:32 PM Parent: #107
ناذر الخليفه، ياخى حرام عليك ، الدنيا رمضان!
كتبت فى مستهل هذا البوست:
(ولذلك فقد ذكرت في عدة أماكن غير هذا المكان أنني سعيد جدا بقانون المهن الموسيقية الجديد والذي صار يعطي رخصة وبطاقة لمن يريد ممارسة الغناء ولمن يستحقها فقط لأن ذلك من شأنه فرز الكيمان وليبق من يبقى في الساحة لينفع الناس ويذهب الزبد جفاء ..!!)
وحسابى معك (بوم القيامه) ياناذر لتجريحك صيامى ، لأننى سبيت ولعنت وزبدت ورغيت ... واصبت بالدوار والصداع ووجع البطن والاسهال ... والله يتم اليوم على خير !
وحقيقة لم أستطع قراءة بقية البوست.... اصابتنى هذه الفقرة بالوهمة التى من مظاهرها الاعياء الشديد والتقزز الواضح !
يازول إنته بى جدك؟
ياخى إنته (فنان) والفن ده ظاهره التحكيم فيها دائما فاشل مع سبق الاصرار ، فقانون شنو البقول يمكن لهذا الشخص ان يغنى ويمكن لذاك الشخص ان لايغنى؟
وكمان عايزين تدوا الناس رخص؟
ماهى المعايير؟
إستنادا على ماذا؟
ومن هم هؤلاء الذين يصدرون مثل هذه القوانين، ثم يطبفون الاحكام ؟
وماهى مؤهلاتهم ؟
أولم يسمع هؤلاء وانت معهم بشىء يسمى تاريخ الفن ولا علم الجمال؟
الايعرفون شيئا عن تاريخ الامم والشعوب فى منع هذا الفنان او ذاك عن الغناء او الرسم او الرقص أو الكتابه ..... ؟
الاتعرف ومن يصدرون مثل هذه القوانين شيئا عن تاريخ الثقافات والدول مع منع هذه الاغنية او تلك القصيده او ذاك الكتاب؟
اللهم ياحنان يامنان إنتقم من ناذر الخليفه ، واللهم اهلك المتطاولون على البشر مشرعى مثل هذه القوانين ومنفذيها، اللهم أخسف بهم الارض ليخوزقهم آلهة ماتحتها وعذبهم عذابا شديدا يارب!
آآآمين.
الذى لايريد الاستماع الى الاغانى الهابطه لايذهب حيث تبث ولاحيث تغنى هذه الاغانى الهابطه.
فالغناء أى كان هابط أو غير هابط لاينتقل فى الهواء كالفيروسات المعدية، إنما يختار من يريد الاستماع إلى الغناء الهابط أن يذهب الى حيث يؤدى هذا الغناء بكامل وعيهم واحيانا يدفع الناس من حر مالهم ليستمتعوا بالغناء الهابط...
الناس ياناذر ، الناس هم الذى يقررون مايريدوا الاستماع إليه....
هل هناك غناء هابط؟
بالحيل.
السؤال هو:
من اين ياتى الفنانين بافكارهم أى كانت ادوات إبداعهم... سواء كانت افكار للقصائد المغناه أو افكارهم للموسيقى تلحينا وتنفيذا - لعبا / عزفا على المستويين الابداعى والتقنى - التجويد؟
الله بنتقم منك ياناذر ياود الخليفه والله ينتقم من رسل الانحطاط فى الدولة المنحطة التى تسمى السودان...
إستغفر الله ، إستغفلر الله....
هذا مع التحية!
هنا بوست قديم لبعض الاراء فى قصة الموسيقآ، ورغم ذهاب النماذج ... اتمنى ان نعيدها يوما ما:
Post: #109 Title: Re: وهمات الفنانين الشباب ..!! Author: smart_ana2001 Date: 08-12-2012, 10:23 PM Parent: #108
Quote: اللهم ياحنان يامنان إنتقم من ناذر الخليفه ، واللهم اهلك المتطاولون على البشر مشرعى مثل هذه القوانين ومنفذيها، اللهم أخسف بهم الارض ليخوزقهم آلهة ماتحتها وعذبهم عذابا شديدا يارب!
Post: #110 Title: Re: وهمات الفنانين الشباب ..!! Author: ناذر محمد الخليفة Date: 08-13-2012, 02:03 PM Parent: #109
إستغفر الله العظيم ..!!
يا خالد كودي ليه بتداعي فيني بالطريقة دي ياخي وفي الستة الأواخر من رمضان ؟!!
يا خي القانون دا أنا ما وضعتو لكن ايدتو واظن وضحت وجهة نظري فيهو ..!!
Quote: فقانون شنو البقول يمكن لهذا الشخص ان يغنى ويمكن لذاك الشخص ان لايغنى؟
يا خالد إنت عشان بعيد من البلد وما ناقش حاجة .. والله أنت لو قاعد في ليالي الخرطوم ومناسباتا وبتسمع البنسمعوا مش تعمل قانون زي دا والله تسن قانون ضرب بالرصاص عديل لبعض مدعي الفن هنا ..!!
والله تطالب بحرق بعض الحمادات أحياء كساحرات القرون الوسطى جراء ما أقترفت حناجرهم وأفواههم ..!!
كدي يا كودي أقرا البوست والوهمات دي تاني من اول وجديد وتعال رد بي نفس بارد
. ما تداعيني ياخ ..!! الدنيا قبائل عيد ..!!
سمارت انا والله انا حاسس إنتي الحرشتي لي خالد كودي دا بعد ما أقنعتك بي منطقي ..!! أنا ما معترض تحرشي لي زول .. لكن ما لقيتي إلا خالد دا ..! الزول دا شعرني بي مداعاتو دي إني كاتل 99 نفس !!
Post: #111 Title: Re: وهمات الفنانين الشباب ..!! Author: الصادق اسماعيل Date: 08-13-2012, 03:51 PM Parent: #110
Quote: يا خالد إنت عشان بعيد من البلد وما ناقش حاجة .. والله أنت لو قاعد في ليالي الخرطوم ومناسباتا وبتسمع البنسمعوا مش تعمل قانون زي دا والله تسن قانون ضرب بالرصاص عديل لبعض مدعي الفن هنا ..!!
والله تطالب بحرق بعض الحمادات أحياء كساحرات القرون الوسطى جراء ما أقترفت حناجرهم وأفواههم ..!!
Post: #112 Title: Re: وهمات الفنانين الشباب ..!! Author: smart_ana2001 Date: 08-13-2012, 05:14 PM Parent: #111
اقنعتنى شنو يا ناذر يا اخى??? بس لما قلتا لى "اغنية قنبلة ح تنفجر فى وش زول"...و "اغنية رصاصة ح تطير تضرب طفل"...ما عرفتا اقول ليك شنو!!!! اهو جاك كودى بالرد:
Quote: فالغناء أى كان هابط أو غير هابط لاينتقل فى الهواء كالفيروسات المعدية، إنما يختار من يريد الاستماع إلى الغناء الهابط أن يذهب الى حيث يؤدى هذا الغناء بكامل وعيهم واحيانا يدفع الناس من حر مالهم ليستمتعوا بالغناء الهابط...
بعدين موضوع حرق الساحرات ده ح يخلى كودى المرة دى ما يداعيك بس. ح يجيك بالسكة عشان ينقفذ امر الله ^_^ ح توحشنا يا ناذر
___________________________ ربنا يغطيك و يحفظك و اسرتك...بس ما تفور دم كودى
Post: #113 Title: Re: وهمات الفنانين الشباب ..!! Author: Khalid Kodi Date: 08-13-2012, 08:09 PM Parent: #112
يازول ، لاعليك، بمناسبة العيد ندعو لك فنقول: ياحنان يامنان أغفر لعبدك ناذر الخليفة هفوته بتاييد القوانين التى تقيد حق الناس فى التعبير غناءا عن المسوى (المـنحط) الذى وصلوا إليه.
آمين.
ياناذر الفنون لاتهبط كليلة القدر فى العشرة الاواخر على الناس، فالناس تصيغ محيطهم الاجتماعى والسياسى والثقافى والاقتصادى (فنا)، كان هذا الفن شعرا أو إختيار للشعر لغنائه... وبقية الفنون.
يعنى ديل ال(فنانين) النص كم ـ يعبروا عن واقهم... والفنانين (الكم كامل) يعيدوا صياغة هذا الواقع ويقدموا تجاوزا له، فهم يناهضونه ويصنعون مستقبل... يقترحون ويبشرون بالغد..
لايمكن إلغاء اى من المجموعتين من الفنانينن ولايحق لأى جهة أن تكمم أفواه أى من المجموعتين عن الانتاج الادبى و الفنى ... وكما قلت لك ، الناس هم الذين يحكمون ...
أتمنى أن تراجع تجربة فنزويلا مع (الشماسه) فى هذا البوست ، عشان تآمن:
فالدولة ياناذر تخلق وتهيىء واقع يمكن ان تزدهر فيه الثقافه الى ماهو يرتقى بالحس الجمالى للانسانن فالفنون تعبر عن روح الناس ، فالدولة تصادر هذه الروح وتفرخ إنسان لاحرية له ولاروح... فماذا نتوقع!
ومن الناحية الاخرى يجب ان لانستهين بالغناء (الهابط) بل يجب قراءته فى سياق الثقافه السائده... فهو إبنها وبنتها الشرعيين...
يعنى بالبلدى، حانجيب ليكم مبدعين من وين !!!
واللهم تقبل صيامك ونومك وقيامك وفنك يارب ...
آآآآمين.
الاخت اسمارت انا...
ولدنا ناذر الخليفه ده معذور، يبدو إنه ممغوس من الفن الهابط ... ولكن خطورة سن وتأييد قوانين تعطى الناس الحق فى الغناء أو تسلبهم الحق فيه خطورته تكمن فى سيطرة جهة ما على الذوق العام من ناحية ومن الناحية الأخرى هى مصادرة صارخة لحق الناس على ان يعبروا عن أنفسهم كما يحلوا لهم...
الناس احرار فيما ينتجون من (ثقافه) والناس أحرار فى ما يسمعون له. ليس من حق أحد إعطاء الناس رخص أو تصاريح ليغنوا....
يجب ردع أى فكرة تقول بمثل هذه الاتجاهات..
مع التحية.
Post: #114 Title: Re: وهمات الفنانين الشباب ..!! Author: ناذر محمد الخليفة Date: 08-14-2012, 09:25 AM Parent: #113
جاييكم بعدين ..
طالع مشوار ..
Post: #115 Title: Re: وهمات الفنانين الشباب ..!! Author: ناذر محمد الخليفة Date: 08-14-2012, 08:28 PM Parent: #114
الصادق اسماعيل تضحك سااااااااااي عشان لاقي محمد إي الحبشي ما في اليومين ديل مش ؟!!
خالد كودي ..
جيت والله ارد عليك لكن إنشغلت بالبوست الجميل الأنت خاتي الرابط بتاعو ...
شكرا كتير على البوست المرجع داك وشكرا على فيديو الألة العجيبة المدهشة الخاتيها بيهناك حاجة إبداع والله ..!!
جاييك يا أسمارت ..
Post: #116 Title: Re: وهمات الفنانين الشباب ..!! Author: ناذر محمد الخليفة Date: 08-15-2012, 09:25 AM Parent: #115
ننتقل للوهمة التالية ..!!
Post: #117 Title: Re: وهمات الفنانين الشباب ..!! Author: ناذر محمد الخليفة Date: 08-15-2012, 08:26 PM Parent: #116
بالمناسبة يا كودي :
Quote: إنته ياناذر الخليفه لو رجفته من دعواتنا دى وحالته (دعوات علمانى ساكت )
انا أكتر شي بخاف منو يا خالد دعوات العلمانيين والشيوعيين .. المسلمين ديل ما خلاص عرفنا الفيهم وظاهرين لكن العلمانيين والباقين ديل الله يعلم بس قلوبم فيها شنو وموقف ربنا منهم شنو ..!! وزي ما قالوا يضع سره في أضعف مخلوقاتو .. والواحد ما بيعرف العلمانيين ديل دعواتم ماشة كيف ولا واصلة وين ..!! عشان كدة رجفت من دعوتك دي . لو كان أي زول داعاني من شيوخ البورد كنت بمشيها عادي وأنا مطمن لأني عارف روحي شيخ برضو وممكن أتصدى ليو بي دعوة مضادة ..!
وزي ما بقولوا ابو القدح بيعرف مكان يعضي رفيقو .. لكن مداعاة من علماني ما أبو قدح زيي دي منها خوف ..!! إنت ما قاعد تحضر مسلسل الخواجة عبد القادر ولا شنو ؟!!!
Post: #166 Title: Re: وهمات الفنانين الشباب ..!! Author: ناذر محمد الخليفة Date: 10-08-2012, 07:13 PM Parent: #110
Post: #130 Title: Re: وهمات الفنانين الشباب ..!! Author: ناذر محمد الخليفة Date: 08-21-2012, 02:57 PM Parent: #108
Post: #118 Title: Re: وهمات الفنانين الشباب ..!! Author: محمد عكاشة Date: 08-15-2012, 08:56 PM Parent: #79
Quote: أكبر وهمة يا ناذر هي وهمة إطلاق الألقاب مع إسم الفنان الشاب..والجميل في الموضوع إنو اللقب بيطلعوا الفنان لي روحو براااهو ومعاهو اولاد الحلة اصحابو .. يعني قصة الأمبراطور والبرنس و و و و .. والغريب في الموضوع اللقب بعد شوية بيمشي بي كترة التكرار وعااادي الفنان يصدق إنو ده لقبه في السوق.. يعني ابراهيم عوض رحمة الله عليه لما لقبوهو الفنان الذري ما من فراغ وما هو السماهو لي روحو مش؟ وقعت ليك الوهمة
تمام شكرا عمرالفاروق وارجعك الى بوست ياناذر مهم..كانت لك فيه مداخلات فى ذات الاتجاه _________________-
انصاف مدني وتسريبات ويكيليكس !!!! ........
بلدتتناقص من أطرافها...ألا ليت طويل الجرح يغري بالتناسي.. ربماغادرنا صديقى مطر قادم الى مصرا.. ومن مثله ممن نتعزي بصحبته مما نلاقي ..هو وأضرابه الأماجد .. الفنان ابوعركى البخيت يسم تجربته الوجودية والفنية خيط دقيق يصل بين المبدئية والجمال والمعنى الانسانى الشفيف فى اطلاق .. هو برغم تقديرى لموقفه عبر السنوات لمقاطعة الاجهزة الرسمية وتقديرى وتقديرالكثيرين أن غيابه كان خصما على تجربة الفن الجميل وجذوته الا أنه رجل يلتزم وفق قناعاته وتقديراته المبدئية والأخلاقية,, عركى بعد تطاول السنوات يطل عبر التلفزيون الذى هو ليس ملكا لأحد أو نظام.. هو برغم ذلك حرص على اعطاء الشعراء حقوقهم قبل ايفاءه التزامه بالغناء والظهور من خلال شاشة التلفزيون القومى وهو عمل يتجاسر لتأكيد معناه رجل مثل عركى ويتقاصر دونه بعض الشباب الناشط هذين اليومين وهم يجرجرون شعراءنا الكبار ..حراس الروح الى سوح المحاكم وقضايا الحقوق,,, عركى هو ابن مدينة ودمدنى ..الناس الذوق..القيافة ,,,
.... الرجل منتصف السبعينات تعترض طريقه صبية حلوة العينين وترجوه أن يحضر لمشاركة أسرتها الغناء بمناسبة زواج أختها الكبيرة... هو يستفسرها عن الأسرة وعنوان البيت فى الجوار.. الأعراس على أيامنا تلك تستمر لأكثر من اسبوع دون سقف زمنى محدد والناس فى حبور وجوز الحمام كان تلاته.. المهم .. بعد أيام والصيوان (فوانيسو موقده) تدخل فرقة موسيقية فى كامل أناقتها لا تخطئها عين العارفين بنجوم الغناء خصوصا ناس نمرة اتنين.. ثم يدلف الى المسرح الفنان أحمد المصطفى ويرسل فى طلب الطفلة ويعلن أنه جاء استجابة لدعوتها وقدم فاصلا وانصرف ليلحق بارتباط آخر,, انصاف مدنى تسطع قبل مدة قصيرة .. من سهرة الدلوكة حتى بنات حواء ومن ثم لقاء الشريف.. هى بلا شك صوت طروب ونالت اعجاب الكثيرين خصوصا صديقنا ناذر الخليفة حتى كثر الطلب عليها فى بيوتات الخرطوم عصرا بدرى وفى الاوفرنايت,, الفنان الكبير على اللحو يغنى فى حفل أحدهم منذ الثامنة والنصف حتى الحادية عشرة ثم يطلب اليه الحضور مواصلة الغناء ثم هو يواصل مسرورا=يوجد تصريح طبعا= وسيدات مجتمع الخرطوم يتحدثن عن الفرق فى الطريقة والاسلوب وهن يقمن بتسريبات مثل ويكيليكس حول بعض الفنانات والحرص بصورة مخجلةعلى العائد المادى رغم جزالته مقابل خلق جمهور وتقديم صورة زاهية وجميلة.. انصاف مدنى زولا فنانة تحتاج ادارة أعمال واعية والى مرونة للتعامل بخصوص الارتباطات ومشاركة الناس أفراحهم ,,,
Post: #119 Title: Re: وهمات الفنانين الشباب ..!! Author: nazar hussien Date: 08-16-2012, 05:47 AM Parent: #118
Quote: اي والله هذا الدعي ملأ شوارع الخرطوم واعمدة إضاءتها واشاراتها الضوئية بإعلانات تقول : مكتب الفنان ...... يحييكم ويقدم لكم إرتباط الحفل بقيمة ... فقط .. الاتصال على الأرقام
يمين إعلانتو دي لاقتني في المدن الثلاث
في كل عمود...مكتوبة بي لون أزرق في في قطعة حديدة ...زي البحددوا بيها الارض...(قطعة رقم....الازهري مربع...)
قلت يا ربي محي الدين دا منو.؟ عامل تخفيض للحفل بي مليون ونص طيب دا عايز ليه كم حفلة عشان يسدد حق الحديد بس..خليك من البوهية والخطاط...ولو كان الاعلانات عليها ضريبة وكل حديدة من حدايدو دي دفعوا عليها عشرة جنيه...بكون عايز ليه زي اربعة حفلات في اليوم..عداد تلاتة حفلات ونص للاعلانات... ونص يتقسموه هو بتاع الاورغن والساوند والحافلة
Post: #120 Title: Re: وهمات الفنانين الشباب ..!! Author: nazar hussien Date: 08-16-2012, 06:26 AM Parent: #119
Quote: لو كان أي زول داعاني من شيوخ البورد كنت بمشيها عادي وأنا مطمن لأني عارف روحي شيخ برضو وممكن أتصدى ليو بي دعوة مضادة ..!
Post: #122 Title: Re: وهمات الفنانين الشباب ..!! Author: ناذر محمد الخليفة Date: 08-17-2012, 02:40 PM Parent: #121
عن إذنكم يا شباب بجي برد عليكم بعد شوية ..
جاني إتصال هاتفي من واحد من المتابعين وذكر أنني تحاشيت الحديث عن وهمة سبسبة الشعر والكريمات التي طلب مني أحد المتداخلين الحديث عنها ولكني اقول له ان وهمة الكريمات وسبسبة الشعر والملابس الضيقة شبه النسائية التي يرتديها بعض الفنانين الشباب صغار السن ليست هي ما تؤرقني ..!!
الحكاية دي دايرة عضو المنبر بشاشا يفتي فيها ..!!
ما لا حظته في الفترة الأخيرة أن هنالك بعض الفنانين ذوي البشرة السمراء أو الداكنة او فلنقل السوداء (بالواضح كدة) .. بدأو يلجأون لعملية تغيير لون بشرتهم وتركيبة شعرهم وطريقة تصفيفه بصورة ملفتة .. ديل هم البيسميهم بشاشا (كارهين ذاتهم) او (الجاكين من الزنوجة اللاحقاهم) .. !!
حقيقة دا شي مزعج جدا .. ما عارف العلاقة شنو بين صوت وشهرة الفنان ولون بشرته او شكله .. لاحظت العملية دي وكمان في امثلة ..!!
مطرب شاب تعود اصوله إلى جنوب السودان نال نصيبا من الشهرة في فترة ما وحظي بألقاب متعددة ولكن أتعس الالقاب إلى نفسه كما أعتقد هو إسمه متبوعا بإحدى مدن الجنوب !! وفي هذا دلالة غير خافية على أحد .. قابلته مؤخرا عقب احدى المناسبات التي كان يحييها ووالله لم أتعرف عليه وهو يغني .. ولمحني اثناء خروجه من المناسبة واتى للسلام علي !! أندهشت جدا عندما تعرفته !! أولا لون بشره صار فاتحا قليلا وإن لم يصل للمرحلة النهائية (لعله كان في بداية استعمال تلك المفتحات البشرية) لا حظت ذلك من أن لون يديه يختلف عن لون وجهه .. أما شعره فقد حاول جاهدا أن يخفي الصفة (القُرقُدية) فيه . فسال منه دهانا وجلا وكركارا ..!! حقيقة أشفقت عليه وعلى منظره ولكني لم أجرؤ على إبداء الملاحظات ..!!
وفنان أخر له ذات الصفات الوراثية .. زي ما بيقولوا الشغلة ضربت معاهو .. إذ ان لون بشرته تغير كليا من الأسمر إلى الأصفر ..!! وشعره شككت انه قام بحلقه من منبته وزرع أخر بصفات جينية اخرى للدرجة ان شعره صار يتطاير الخصلات مع أقل بوادر نسمة هواء !!لو رأيته لحسبته هجينا من إحدى دول أمريكا اللاتينية ..! وبالرغم من هذا فملامح وجهه تفضحة فضحا بينا.!!
Post: #123 Title: Re: وهمات الفنانين الشباب ..!! Author: ناذر محمد الخليفة Date: 08-17-2012, 03:05 PM Parent: #121
وهنالك وهمة أخرى ذكرها لي محدثي وهو محق ..
وهي الوهة التي اسماها : وهمة ود الفنان عامل فيها فنان !!
ولا اعتقد ان هذه الوهمة بحاجة لشروحات وإن كانت لدي أمثلة سأذكرها ..
في السودان بلد العجائب والمعجزات .. رغم انه أنتج مثلا يقول : ولد الوز عوام ، فأنه أنتج مثلا مضادا أيضا يقول : النار تلد الرماد !!
في الوسط الفني يمكننا استخدام المثل الثاني بحكم الشيوع .. !!
من الذي أوهم بعض أبناء وبنات الفنانين أن بإمكانهم وراثة أبائهم أو أمهاتهم والغناء مثلهم ؟! .. هناك حتما من أوهمهم بذلك فظنوا أنهم بضربة لازب ورثوا صوت وأعمال أبائهم فطفقوا يزعجوننا في ليالينا الموسيقية ووسائل الأعلام بغناء قبيح ووسائل الأعلام تتفادى أحراجهم وأسكاتهم تكريما وأجلالاً لأبائهم الرواد وهم أستمرأو تلك المجاملة وظنوا أنفسهم عظماء كمن انجبوهم وهم لا يدرون انهم بذلك يسيئون لسيرة أبائهم الراحلين أو الذين على قيد الحياة بما يفعلون ..!
ورحم الله الموسيقار وردي الذي سألوه يوما عن رأيه في صوت ابنه عبد الوهاب وكان وردي صريحا وقاطعا حين ذكر بصريح العبارة أن عبد الوهاب لا يصلح للغناء ومعه كل الحق في ذلك ولكن من يقنع عبد الوهاب ويقنع صديقي الصحفي سراج الدين مصطفى بذلك !!!
حالة وردي استثناء ولكن وجب ذكرها لأنها معلومة للجميع وليت بعض فنانينا الذين رحلوا من هذه الفانية وصوا ابنائهم أو بناتهم بعدم الغناء من بعدهم .. خاصة أن بعض هؤلاء لم يغني وتتنزل عليه موهبة الغناء فجأة ألا بعد رحيل والده ..!!
من يقنع عزة عبد العزيز داؤود أن تلزم بيتها وتترك الغناء ؟! من يتصدى لمنتصر سيد خليفة ويقنعه ان الفن لا يؤرث مهما درس أو تخرج من كلية الموسيقى والدراما ؟! من يجرؤ على الوقوف بوجه عبد العزيز القلع ليقول له أنك لا تصلح للغناء وأن اباك لم يمنحك هذه البصمة الصوتية ؟! من لي بشخص يجلس مع الشاب محمد بشير إبن الفنانة حنان بولو بلو وينصحه بالأنتباه لدروسه ومحاضراته وأن ينسى شي أسمه الغناء ؟! لماذا لا يتحدث الدكتور الموسيقار الماحي سليمان لأبنه غسان الماحي حديث اب لابنه ناصحا اياه بالتوقف ؟!! ترى من يتحدث للشاب علاء الدين الخالدي إبن المرحوم عبد المنعم الخالدي ويخبره ان صوته به عيوب وثقوب لا يمكن علاجها ورتقها وعليه ان يكف عن محاولته تقليد صوت اباه المترع بالشجن والحزن ..
والأمثلة كثير وكثيرة وهذا لا ينفي أن بعض أبناء الفنانين والفنانات نجحوا لحد ما في تثبيت اقدامهم في الساحة وفرض بصمتهم سواء أكانت الخاصة أو مروا بإمتحان تقليد أبائهم ..!!
أنتهت هذه الجزئية وشكرا للشاب الصديق حسين على المتابعة والأضافة ..
Post: #124 Title: Re: وهمات الفنانين الشباب ..!! Author: ناذر محمد الخليفة Date: 08-17-2012, 03:15 PM Parent: #123
مكشور يا ياعكاشة
وبوستك بتاع صحبتك ام سبعة مليون دي متذكرو تماما ..
موعدنا تالت يوم ..!!
Post: #125 Title: Re: وهمات الفنانين الشباب ..!! Author: ناذر محمد الخليفة Date: 08-17-2012, 03:17 PM Parent: #123
كيفك نزار حسين ..
Quote: يمين إعلانتو دي لاقتني في المدن الثلاث
في كل عمود...مكتوبة بي لون أزرق في في قطعة حديدة ...زي البحددوا بيها الارض...(قطعة رقم....الازهري مربع...)
قلت يا ربي محي الدين دا منو.؟ عامل تخفيض للحفل بي مليون ونص طيب دا عايز ليه كم حفلة عشان يسدد حق الحديد بس..خليك من البوهية والخطاط...ولو كان الاعلانات عليها ضريبة وكل حديدة من حدايدو دي دفعوا عليها عشرة جنيه...بكون عايز ليه زي اربعة حفلات في اليوم..عداد تلاتة حفلات ونص للاعلانات... ونص يتقسموه هو بتاع الاورغن والساوند والحافلة
والمشكلة إنو بعد دا كلو لا زال يشكي لطوب الارض والاصحاب قلة المتعاقدين في دفتر حجوزات حفلاته ..!!
Post: #126 Title: Re: وهمات الفنانين الشباب ..!! Author: ناذر محمد الخليفة Date: 08-17-2012, 03:20 PM Parent: #123
الصادق إسماعيل يا صاحب .. كيفك يا وهم ..
Post: #127 Title: Re: وهمات الفنانين الشباب ..!! Author: ناذر محمد الخليفة Date: 08-17-2012, 08:02 PM Parent: #126
ما تبقى من وهمات وسنعرض لها بالتفصيل والأمثلة:
* وهمة البودي قارد .. * وهمة شراب القهوة في شارع الفلل الرئاسية بعد إطناشر بالليل !! * وهمة اللقب الفني * وهمة إنتاج عمل هابط إضطراريا ونشره في إم بي ثريهات الفرد والفيس بوك * وهمة قروب محبي الفنان فلان الفرتكاني في الفيس بوك .. * وهمة (أنا مسافر القاهرة اسجل فيديو كليب ) !!
بالإضافة لوهمات متعددة ومتفرقة سنعرض لها في حينها ..!!
Post: #128 Title: Re: وهمات الفنانين الشباب ..!! Author: ناذر محمد الخليفة Date: 08-18-2012, 09:19 AM Parent: #127
Post: #129 Title: Re: وهمات الفنانين الشباب ..!! Author: ناذر محمد الخليفة Date: 08-19-2012, 08:36 AM Parent: #128
السادة قرا واعضاء المنبر كل عام وأنتم بخير .. وللسادة الفنانين الشباب المعنيين بهذا البوست أقول لكم : كل وهمة وأنتم بخير ..!!
Post: #131 Title: Re: وهمات الفنانين الشباب ..!! Author: mohmed khalail Date: 08-21-2012, 04:53 PM Parent: #129
شايفك جليت مداخلتيني سابقتين ودي وهمة ما مبلوعة,,
Quote: حقيقة دا شي مزعج جدا .. ما عارف العلاقة شنو بين صوت وشهرة الفنان ولون بشرته او شكله .. لاحظت العملية دي وكمان في امثلة ..!!
الرجعني ليك تاني كلامك ده كلام ليك قلته في بوست مقارنة بين اثنين من نجوم الغد وبعضمة لسانك قلت ان الفنان عشان ينجح لازم يكون شكلو جميل او فيما معناها..وقلت ان ده السبب الاساسي الخلى كتييير من المبدعيين يتركوا الساحة الفنية..وقتها شاغلتك وقلت ليك يا ناذر ده السبب الخلاك تعتزل الفن مش...
...او كما قيل...
Post: #132 Title: Re: وهمات الفنانين الشباب ..!! Author: ناذر محمد الخليفة Date: 08-22-2012, 04:40 PM Parent: #131
سلام محمد خليل ..
Quote: الرجعني ليك تاني كلامك ده كلام ليك قلته في بوست مقارنة بين اثنين من نجوم الغد وبعضمة لسانك قلت ان الفنان عشان ينجح لازم يكون شكلو جميل او فيما معناها..وقلت ان ده السبب الاساسي الخلى كتييير من المبدعيين يتركوا الساحة الفنية..وقتها شاغلتك وقلت ليك يا ناذر ده السبب الخلاك تعتزل الفن مش.
البوست داك متذكرو تمام .. داك بتاع فنان نجوم الغد الأسمو مين كدة عمر .. بس إنت أظنك لصقت كلام في عضمة لساني انا ما قلتو .. وأنا متذكر مشاغلتك كويس لكن أنا كنت بتكلم عن انو الفنان مفروض يكون مظهرو قيافة .. وضربت المثل بي التجاني حاج موسى لمن غنى قدام زول ناقد والزول داك قال ليهو يا التجاني إنت والله زول غناي بس مشكلتك في الغلاف ..!! واظن كلامو والمعنى منو واضح ..!!
تعرف أنا ردي عليك زي رد حمادة بت في اللقاء العملوهو معاهو ناس جريدة فنون .. في اللقاء دا جايبنو متصور وشايل سوط عنج وقال اي زول يناديني حمادة بت بجلدوا بالسوط دا !!
العاملة اللقاء سألتو عن انو بيعمل كريمات وحلاقات شعر عجيبة وكحل وحاجات زي دي ليه ؟ فقام حمادة أنفعل واظنو رفع ليها السوط وقال ليها : دا كلو كذب ساي وما قاعد اعملو أنا جيت كدة جاهز من ربنا ..!!
فيا محمد خليل الشي القصدتو وداير أقولوا ليك انا ما عندي مشكلة مع اي فنان شاب بيجي جاهز من ربنا ..!! لكن مشكلتي - ان صح التعبير - مع البيجي من هناك ما جاهز وداير يجهز لينا هنا بعد ما عمل فيها فنان ..!!
غايتو أنا شرحت البقدر عليهو قدام الناس لو بعد دا شرحي ما وقع ليك تاني بعد دا ألا أرسل ليك ايميل بالشرح المفصل
Post: #133 Title: Re: وهمات الفنانين الشباب ..!! Author: ناذر محمد الخليفة Date: 08-26-2012, 01:38 PM Parent: #132
* وهمة البودي قارد ..
طبعا دي وهمة منتشرة جدا في نص الفنانين الشباب والغريبة إنو الفنانين الكبار والمخضرمين ما عندهم بودي قاردات ولا حراس شخصيين ، لكن الحركة دي اهتموا بيها الفنانين الشباب لإكتمال الوهمة واهم من كدة خلق إنطباع للناس انو الفنان دا زول مهم وإنو عندو معجبين كتار وكدة ..!!
قصة البودي قاردات دي أول ما بدت وسط الشباب ديل بدت اساسا مع الفنانات وخاصة فنانات الغناء الهابط وامكن نديهم العذر لأنو الفنانات ديل بيغنوا أغانيهم دي في اطراف العاصمة وأحياءها الأشتهرت بالتوترات وضعف القبضة الأمنية خاصة احياء جنوب الخرطوم ونواحي وأطراف الحاج يوسف والأمبدات وكدة ، فأكيد في جو حفلة زي دي لا زم الفنانة يكون معاها واحد يرافقا ويحرسا من تحرش الجمهور أو من الناس البيجو يفرتقوا الحفلة .. لكن مرات منظر البودي قارد مع الفنانة نفسو بيثير في الزول التحدي والاستفزاز ويحاول يتحرش بالفنانة في وجود من يحرسا من اجل أستفزازو ومنها الشكلة تدور ..!!
مرة من المرارير كنت معزوم مناسبة حنة في جبرة وجات الفنانة داخلة ومعاها نفرين واحد قداما وواحد وراها .. المشكلة كانت أنو الفنانة معضلة وشادا حيلا أكتر من النفرين اليفترض هم الحرس بتاعينها ونهاية الحفل حصلت شكلة كاربة إندقوا فيها النفرين ديل دق العيش ..!!
مرة في مسرح تلفزيون ولاية الخرطوم كان في حفل تجاري بي محمود عبد العزيز لمن جا داخل كان في قدامو ووراهو زي سبعة حراس والغريبة بيشبهوهو تماما من حيث الشكل والحاجات التانية .. ومحمود دا بالذات ليهو حق يكون عندو حرس بسبب جماهيريتو الاسطورية ومعجبينو لكن باقي الشباب ديل مالم ؟!!
القصة وما فيها وهمة بتركب راس الفنان دا في مرحلة من مراحل مسيرتو المرتبكة .. والبودي قاردات ديل بالمناسبة ما تابعين لي جهاز أمني أو مؤسسة خاصة .. الناس ديل هم في الأصل من أصحاب الفنان دا وهم البعامين بتاعينو البيطلعوا وينزلوا معاهو في حفلاتو وحوامتو .. ركبوا موجة الوهمة وعملو فيها بودي قاردات ومش عارف إيه .. لكن هم عارفين والفنان عارف إنهم ما ناس حارة . ولو أي زول داير يهبش الفنان دا أو يتعرض ليهو هم ما بيحموهو أصلا حتى ولو حاولوا .. دا كان ما كبوا منوالزوغة ونكروهو حطب ..!!
بعدين أكتر الحتات البيتحرك فيها الفنان مع حرسو ديل هي حتة التجمعات ذو الوزن الثقيل لأنو دي الحتات الفيها الأعلام والدنيا مجتمعة والأنظار بتكون مركزة للطالع والنازل ودي كلها من اهم مقومات (توهم الوهمة) ، والحتات دي دايما بتكون زي منتدى عام أو حفلات التكريم لي فنان او شاعر كبير ..!!
مرة في منتدى النادي العائلي كان في حفل تكريم لي واحد من الشعراء .. والنادي كان مليان فنانين وانصاصم وارباعم .. وطبعا ديل ما بيكونوا جايين يغنوا بقدر ما جيتم عبارة عن (أنا هنا) ونظام (انا موجود) .. قبل نهاية البرنامج جيت طالع على الباب فجأة لمحت واحد من الفنانين الأنا بعرفم ويعتبر من اصحابي .. جيت ماشي عشان أسلم عليو قبل ما اصلو نطى واحد فجأة قدامي لابس نضارة سوداء وشاكي ليهو تي شيرت فيهو جيب مع البنطلون (التقول حبشي) !! ومدا يدو ثبتني نظام الود صارم وكدة ..!! انا اول مرة ما فهمت النظرية لحدي ما الفنان داك قال ليهو : خليهو يمر ..!! وداك بي كل أحترام زح يدو وزح نفسو وقال لي إتفضل يا استاذ ..!!
الوهمة دي وهمتني بالجد .. جيت سلمت على الفنان صحبي دا واعتذر لي نيابة عن البودي قارد بتاعو !!! رغم إنو زولو البيقول عليهو بودي قارد دا لو كنت أنا لحقت واديتو بنية علي بالحرام تاني أسبيرات ما ينفع !!
يا جماعة بتعرفوا الفنانة مريم عضلات ؟!!
أجيب ليكم قصتا هسي من الأرشيف عشان تشوفوا الزولة دي سموها كدة ليه ..!!
Post: #134 Title: Re: وهمات الفنانين الشباب ..!! Author: ناذر محمد الخليفة Date: 08-26-2012, 03:26 PM Parent: #133
كنت أتحادث مع بعض الاصدقاء في الماسينجر امس وجاء ذكر لفنانة إسمها مريم عضلات !!! (أي والله) إشتهرت في أوساط الطبقات الوسيطة هنا بأدائها لأغنيات الصبحيات وحنة العروس وسد المال مع تعليم العروس الرقص قبل ميعاد الزفاف ..
مريم عضلات فنانة ذات صوت غريب إختلف الناس حوله من ناحية الجودة والرداءة ولكن ما يحبب الناس إليها انها ظريفة جدا ولا تتمسك كثيرا باجرها الذي تتفق عليه إذ انها مستعدة للتنازل حتى عن نصفه مقابل أن تحظى بونسة وجبنة مع أصحاب المناسبة ..
أهم ما يميز مريم عضلات انها جميلة جدا وبها دلال واضح وتلبس أفخر الثياب وتتحلى بالكثير من الذهب في جيدها ونحرها .. وربما جمالها هذا هو ما يدفع بعض الشباب (وربما بعض أعمامنا الشباب روحا) إلى التودد إليها ومغازلتها احيانا لبعض شئ في نفوسهم ..
طبعا هنالك ظاهرة جديدة في أوساط المغنيات هذه الايام إذ نجد أنهن جميعا قد إتخذن لهن حراسا شخصيين (BODY GARDS) لحمايتهن من معاكسات الشباب خلال إدائهن للوصلات الغنائية وغالبا ما يكون هؤلاء الحراس إثنين ومن إحدى مراكز الشباب التي تشتهر برفع الأثقال والحقيقة ان لهن كل الحق في ذلك إذ ان المعاكسة للفنانات أصبحت صفة ملازمة لهن أثناء الوصلات ..
مريم عضلات لم تكن من هذا النوع من الفنانات كانت تذهب للمناسبات لوحدها وتخرج منها وفي اثنائها دون ان تكترث للشباب الصائع الذي يغازلها او (رجال النسوان) الذين يتوددون إليها ..
ويبدو ان بعض الشباب ممن يتابعون مريم عضلات تلك قد إستهونوها جدا وأرادوا إستغلال طيبتها الزائدة وإستغلال عدم وجود أحد الدنجوانات مرافقا لها ... فكان في احدى المناسبات أن تعرض لها هؤلاء الشباب بالمشاغلات والالفاظ البذيئة أثناء إدائها لوصلتها الغنائية وهي لا تلتفت لهم ولكنها اضمرت في نفسها شيئا !!!!
بعد ان انتهت الأغنية التي كانت تؤديها تظاهرت مريم بالوقوف لإصلاح ثوبها وإستعدال ذهبها الذي يثقلها .. ولكنها في الواقع كانت تتجرد من كل ذلك دون ان يلاحظ الحاضرون ..
وفجاة قفذت من مكانها بكل رشاقة رغم جسمها الممتلئ نسبيا ووصلت لمكان هؤلاء الشباب في لحظة وإستطاعت الامساك بأربعة منهم دفعة واحدة وجذبتهم عنوة لوسط الساحة وسط صراخ الحاضرين وذهول الشباب .. وبدات في ضرب الشباب بكل انواع الضربات المعروفة (لكمات + شلاليت + صفعات+ معيط شعر +كربون + ضرب في مناطق تحت الحزام) .. كل ذلك والحاضرين يحاولون تخليص الشباب الاربعة منها دون جدوى .. تنتهي من هذا لتمسك ذاك تصفع هذا لتدلدم ذاك (تدلدم كناية لي أب دلدوم) .. وإستمرت هذه المعركة من طرف واحد لفترة وإنتهت على ان تناثر الاربعة في الحلبة ولم تتركهم إلا بعد قالت لهم (قولو الروب) فقالوا لها (الروب) وبعدها تركتهم في ذلتهم ولبست توبها ودهبها وإستعدلت من مكياجها وواصلت في وصلتها وكان شيئا لم يكن ...
ومنذ تلك الحادثة التي ذاع صيتها لدي معجبي ومعجبات مريم إشتهرت بذلك اللقب (عضلات) وصار الجميع يخشوها ويتجنبونها .. وهي حتى اليوم تصر على عدم اتخاذ أي حراس لها رغم انها احيانا تغني في المناطق الطرفية النائية والمشهورة بإنفلاتاتها الامنية ولكن حتى الان لم نسمع ان احد إستطاع النيل منها بأي شئ مما في باله ...
كانت هذه سادتي الفنانة مريم عضلات !!
Post: #135 Title: Re: وهمات الفنانين الشباب ..!! Author: خالد عبد الله محمود Date: 08-26-2012, 04:00 PM Parent: #134
شنو وهمة المايكات المكهربة دي يا أبو النيز ؟؟ أوعكـ تكون أنت الكهربت المايك ؟
Post: #136 Title: Re: وهمات الفنانين الشباب ..!! Author: ناذر محمد الخليفة Date: 08-27-2012, 12:17 PM Parent: #135
هههههههههههه
والله يا خالد ضحكت لا من بكيت ... دا حالتو العنوان بس ههههههه
إتخيلت الفنانة وهي دايرة ترفع المايك من راس الساوند وفجأة طقتا الكهربة وقعدت تتراجف وشعرها وقف ودخان أسود طلع منها .. ومكياج الوش اتشتت كل بدرة براها وكل كريم براهو وكل رقاش براهو هههه
أنا غايتو مرت علي وهمة المايك المفصول وكتبت عنها قبل كدة في بوست حا أجيبو ليك بعد شوية هههههه
Post: #137 Title: Re: وهمات الفنانين الشباب ..!! Author: ناذر محمد الخليفة Date: 08-27-2012, 12:32 PM Parent: #136
Quote: في الفرقة بتاعت مدرسة الخرطوم الجديدة الغنائية كان معانا واحد من الأعضاء يمثل إزعاجا مستمرا لبقية الكورال (صوتو كان فيهو شتارة وفرقة واضحة) .. والمشكلة إنو كنا ما قادرين نتخلص منو لإنو قديم ومن المؤسسين بتاعين الفرقة .. والمشكلة إنو العروض مرات بتبوظ بسببوا ..
وعلي شتارة صوتو كان بيحاول يقلد عضو فرقة عقد الجلاد شمت محمد نور في حركاتو .. طبعا شمت عندو حكاية إنو في أثناء الغناء بيلف المايك حول رقبتو وفي يدينو وبيتحرك كتير ..
يوم كدة كان عندنا عرض مهم جدا في المركز الليبي قدام ضيوف مهمين منهم الدبلوماسيين وناس في الحكومة وشعراءء وفنانين .. يعني هيلمانة وكان لازم العرض ينجح عشان حايدينا دفعة قوية لي قدام وعلاقات كويسة بس كان صاحبنا الأشتر داك هو المشكلة ..
واحد من أصحابنا الخبثاء جدا أداني إقتراح إنو يقوم بفصل الجاك بتاع المايك الماسكو صاحبنا بدون ما داك يشعر وبالتالي ما في أي زول حايسمع صوتو إلا هو براو
غايتو وافقت على الفكرة لإنو ما كان في حل تاني .. وجينا يوم العرض أخر شياكة ونفسيات عالية .. لمن بدأ العرض صاحبنا داك فصل الجاك والغنية الأولى عدت بدون ما الأشتر يشعر .. والغنية التانية عدت برضو وأنا فرحان من النظرية
الغنية البعدا كانت غنية مسخنة بتاعت عقد الجلاد (الناس في بلدي يصنعون الحب) .. قام صاحبنا جاتو الهاشمية ودخل في تقمص شخصية شمت محمد نور وبدا يدور سلك المايك حول رقبتو ويلفو في يدينو ويتحرك كتير في المسرح ..
عاينت لي جهة الساون لقيت صاحبنا بتاع الإقتراح فلت السلك والوكت داك زولنا الأشتر بقى يلف المايك حول يدينو في أثناءء الغنية (زي الجبادة بتاعت السمك)
غايتو صاحبنا فضل يلف ويلف في السلك لحدي ما راس الجاك جاهو في يدو طبعا إستغرب وقعد يتلفت وهو ماسك راس الجاك والجمهور بيعاين ليهو عاين ناحية الساوند لقا الجماعة هناك زاغو عاين ناحيتي عملت فيها رايح ومندمج مع الغنية صاحبنا طوالي زعل ورمى المايك (دا كلو قدام الضيوف) وطلع طوالي .. تتصور من اليوم داك تاني إصلو ما ظهر لينا ولا حتى جا سألنا ونحنا زاتنا حمدنا الله !!!
طبعا دا جذء من الغتاتات بتاعت الوسط الفني وكدة
لكن يا خالد قصة المايك المكهرب دي خوفتني يعني ما بعيدة بعد دا الواحد يمشي مناسبة يناولوهو عود ومجرد ما أبدا العزف يقوم ينفجر لي في وشي بفعل قنبلة مزروعة جواو هههههههه
Post: #138 Title: Re: وهمات الفنانين الشباب ..!! Author: ناذر محمد الخليفة Date: 08-31-2012, 01:16 PM Parent: #137
* وهمة شراب القهوة في شارع الفلل الرئاسية بعد إطناشر بالليل !!
طبعا دي من الوهمات اللي هي في حد ذاتا وهمة مستحدثة .. طبعا يا شباب البيجي في شارع الفلل الرئاسية الأيامات دي بيلقى الخرطوم كلها هناك بعد المغرب وعلى أمتداد زي 5 كيلو متر بتلقى في زي 800 ست شاي و 500 عربية و400 حافلة هايس وأمجاد و300 موتر وزي 3 الف ما بين شاب وشابة ..
ال3 ألف المابين شاب وشابة ديل لو فرفرتهم بتلقى منهم زي 250 ما بين فنان وفنانة وعازف وبعام ومدير أعمال وبودي قارد ..!! والمتين وخمسين ديل ما بيجوا في الغالب إلا إطناشر بالليل !!
طيب السر في المواعيد دي شنو ؟!
السر في دا أنو أساسا أي فنان واهم التاني إنو شغال حفلات طواااااااالي .. يعني لو ما كل يوم في الاسبوع تلاتة مرات .. طبعا ما في فنان بيوري التاني إنو شغال حفلة في ياتو حتة لكن بيكون الإتفاق (نتقابل بعد الحفلة الساعة إتناشر نشرب قهوة في الفلل) !!!
فاي فنان أو عازف بيجي هناك قاشر ومتزبط معاهو مدير اعمالو وبودي قارديهو وكأنهم جايين من حفلة يا دوب !! والبيحصل إنو بعد ما الجماعة ديل يتلمو مجموعات بيبدوا يغنوا بي عود أو أيقاع عشان الناس تتلم حواليهم ... وفي الغالب الأعم الناس بتشارك البهجة والطرب والاعجاب بي الاصوات الجميلة البتظهر .. وبعد نهاية الجلسة بيجي واحد من الكانوا بيسمعوا يسلم علي فنان من الكانوا بيغنوا ويقول ليهو والله ياخ أنا أعجبت بي صوتك والأسبوع الجاي عندنا حفلة حنة لي ولد راجل جيران ناس خالتي الجايبو من مرتو التانية ..!! ويا ريت تجي تشرفنا في الحفلة دي ..!!
الفنان طوالي بيعاين لي مدير أعمالو ويسألوا يقول ليهو الأسبوع الجاي عندنا أرتباط !!؟ مدير أعمالو يقول ليهو والله ما متذكر لأنو الدفتر في المكتب .! الفنان يعاين للزول ويقول ليهو خلاص شيل تلفون مدير اعمالي دا وأتصل بيهو بكرة بعد الساعة واحدة وهو بيوريك الحاصل ويتفق معاك على التفاصيل ..! الزول يفرح ويقول ليهو يا خي والله اتمنى من كل قلبي تكون ما مرتبط عشان تشرفنا بي صوتك وأنا من دربي دا بمشي بصلي ركعتين وأتهجد وأدعو ربنا تكون ما مرتبط ..!!! الفنان يرد ليهو وهو بيسلم عليو : إنت بس كتر في الدعاء والباقي علي أنا ..!!
شفتو حجم وكثافة الوهمة ..!!
لأنو في الأساس ومن واقع معايشتي وخبراتي المتراكمة في التعامل مع كل أنواع الوهمات بدرك طوالي أنو الفنان لا مرتبط لا عندو دفتر ارتباطات لا بطيخ ..!! كل العندو وهمة اسمها مدير الأعمال وبي اتفاق مسبق بيناتم بتحصل البتاعة دي لأنو أكيد لمن يجي ميعاد الحفلة دي وزول تاني يجي لي صاحب الحفلة يقول ليهو فنانكم دا صوتو جميل وأنا دايرو لي مناسبة .. داك يقول ليهو .. بس احجزو من هسي .. ولو حظك كويس بتلقاهو ما مرتبط لأنو الفنان دا شغال تسعة يوم في الاسبوع ودي نمرة مدير أعمالو أتفاهم معاو ..!!
بس صراحة بي صراحة ..!!
الوهمة دي تحديدا أول زول وراني ليها وانا اتأكدت منها بعد كدة صحبي علي كدايس سواق الحافلة الهايس !!! لاني كنت لمن احتاج ليهو في حاجة بيقول لي قابلني بالليل في الفلل االرئاسية بعد الساعة إتناشر .! طبعا أنا عارف حافلتو مخصصا لي ترحيل الفنانين والفنانات والاجهزة ... بمشي بلقى حافلتو مشحونة كمي من الفنانين ديل إتلموا الفي الشرق والفي الغرب !! بقول ليهو يا كدايس أنتو مش جايين من حفلة ؟ وبعدين ديل كلهم غنوا شنو ولقوا الزمن كيف ؟! الأغنية بيوزعوها بالصولة ولا شنو ؟! وين العازفين والساوند سيستم ؟!
يعاين لي كدة ويرد : أنت يا أبو النيز برضو بتمشي فيك الوهمات دي ؟! أنحنا جايين من بيت الفنان جابر جبرة ..! كنا متلمين هناك من المغرب عشان أهلو ما فيشين وجينا عملنا حلة وحاجات تانية وحضرنا فلم تسعة في الإم بي سي أكشن ومنها جينا هنا ..!!
Post: #139 Title: Re: وهمات الفنانين الشباب ..!! Author: حمد فتح الرحمن Date: 08-31-2012, 07:00 PM Parent: #138
يا ناذر كل سنة وانت طيب
بالصدفة كتا بمسع اغاني مصطفى سيد احمد من اليوتيوب وبقرا بوستيك سوا وعترت على اللقاء البين المبدعين مصطفى ومحجوب عبد الحفيظ عليهم الرحمة القدم فيه مصطفى للتلزيون احتمال تكون اول اطلالة لي مصطفى اسمع كلامهم دا وسف وقارن . مصطفى سيد احمد - محجوب عبد الحفيظ لقاء فني 1983
Post: #140 Title: Re: وهمات الفنانين الشباب ..!! Author: حمد فتح الرحمن Date: 08-31-2012, 07:16 PM Parent: #139
Post: #141 Title: Re: وهمات الفنانين الشباب ..!! Author: عصام دهب Date: 08-31-2012, 07:39 PM Parent: #140
سلام لناذر و كل المتداخلين ..
و فعلاً يا ملاسي ..
Quote: ما أظن في وهمة حصلت أكبر من وهمة سهرة النيل الأزرق احتفالاً بتحرير هجليج.
و لا زلت أذكر تهافت الفنانة الإسمها مونيكا في تلك السهرة .. و لو صبر عليها الجماعة شوية كانت حتمشي تلبس كاكي عشان تلقى ليها فرصة تغني .. و مع ذلك فقد غنج الشباب بالمايكات و لم يدوها أي فرصة .. حتى أنني حسبتها قد قالت بعد تلك السهرة .. إن شاء الله هجليج تسقط تاني و تتحرر و نجئ الأستديو بدري ..[/red]
Post: #142 Title: Re: وهمات الفنانين الشباب ..!! Author: ناذر محمد الخليفة Date: 09-01-2012, 09:04 AM Parent: #141
سلام يا حمد ....
Quote: بالصدفة كتا بمسع اغاني مصطفى سيد احمد من اليوتيوب وبقرا بوستيك سوا وعترت على اللقاء البين المبدعين مصطفى ومحجوب عبد الحفيظ عليهم الرحمة القدم فيه مصطفى للتلزيون احتمال تكون اول اطلالة لي مصطفى اسمع كلامهم دا وسف وقارن .
يا سلام يا خي .. فعلا الفيديو دا كان أول اطلالة لي مصطفى من خلال التلفزيون على الجماهير .. مع أنو ومن خلال جلسات الأستماع المكثفة الكان بيعملا في أنحاء العاصمة نال شهرة واسعة بالذات وسط المثقفين والطلبة الجامعيين ..!
رحمهما الله رحمة واسعة ..!!
Post: #143 Title: Re: وهمات الفنانين الشباب ..!! Author: ناذر محمد الخليفة Date: 09-01-2012, 07:37 PM Parent: #142
سلام عصام دهب ..
Quote: حتى أنني حسبتها قد قالت بعد تلك السهرة .. إن شاء الله هجليج تسقط تاني و تتحرر و نجئ الأستديو بدري ..
هههههههههه
قناة النيل الأزرق طبعا بتعتبر عامل جذل لي كل الفنانين الشباب والشياب .. وسهراتا بتجتذب الكتير منهم من باب لو لقيت فرصة بغني ولو ما لقيت البركة في التصوير ..!!!
اخر تسجيل لي حلقة ليالي البتبث على الهواء في قناة النيل الأزرق كنت حاضر التسجيل كل دقيقتين تلاتة بيجي داخل فنان شباب معاو حاشيتو (وهمة المدير والبودي قارد ديك) .. غايتو وأنا قاعد في مكاني حسبت زي خمسطاشر فنان جو داخلين وقاشرين مع انو الغنو بس تلاتة من غير الشباب .. بعد شوية عرفت إنو الفنانين ديل تبع منظمة (راجع وهمة الحفلات الخيرية أعلاه) ...!!
Post: #145 Title: Re: وهمات الفنانين الشباب ..!! Author: ناذر محمد الخليفة Date: 09-03-2012, 08:07 PM Parent: #143
* وهمة اللقب الفني
الفنان - أي فنان - لازم يكون متميز عن الباقين في حتات معينة . الحتات دي إما ألقاب أو صفات أو جلكسات .. لو لاحظتم في السودان تحديدا مرات بيكون إسم الفنان غريب شوية (مع إنو دا الإسم السموهو ليهو) !! ومرات بنلقى إسم الفنان إنضاف عليهو لقب أو كنية خلتو متميز شوية ..
أنا حا اذكر أسماء لفنانين هنا قد تلاحظو غرابة الأسم أو ندرتو .. أو غرابة الكنية واللقب نفسو ودي هي الحاجات الخلقت التميز:
ابراهيم الكاشف عشة الفلاتية رمضان زايد ابو عركي البخيت محمود تاور حنان النيل سيف الجامعة زنقار كرومة يوسف الموصلي عافية حسن اسرار بابكر صفوت الجيلي القلع عبد الحفيظ جمال فرفور خالد الصحافة (وكل الأسماء المتبوعة بي أسماء المدن) ياسر تمتام شمت محمد نور عمر بانقا شرحبيل أحمد كمال كيلا محمد حسن الجقر بادي محمد الطيب .. حنان بلو بلو ندى القلعة عبد القادر سالم نانسي عجاج قسمة كمال ترباس علي أبراهيم اللحو .. فهيمة شريف الفحيل
ومن العازفين :
أيمن الربع عوض أحمودي جعفر حرقل طارق العشي محمدية سليمان ترنين عبد الله أميقو غازي أبو الهول طارق القصاص بدر الدين عجاج أنس العاقب حاتم مليجي
وطبعا القائمة إيييييييييييييييييييييييييك ..!!
لو لا حظتو وتمعنتو في الأمثلة الأنا قصدت ما أرتبا حا تلاحظوا في كنية ألحقت بي أسم الفنان .. أو حتى قد يكون الأسم حقيقي لكنو نادر وما متداول .. ودا هو الشي البيميز الفنان أو المفتاح السحري لي تمييز الفنان وجعل اسمو متفرد وذو حضور ومحفوظ ..
ما ذكرت فوق إسم ناذر الخليفة لأني شبه تركت الفن وإسم ناذر ما قابلني في السودان إلا مرة واحدة بس وإن كان قابلني وسط جنسيات تانية .. (واخد بالك يا عمر الفاروق) !! المهم ....
لاحظوا برضو معاي لي اسماء الشعراء :
الحردلو الجاغريو المساح الحلنقي عمر الشاعر
وبرضو القائمة إيييييييييييييييك ..!!
لو لا حظتو أنا أستثنيت من القوائم الفوق دي اسماء بعض الفنانين والشعراء الشباب لأنو بعضها مخجل وحتى ما فيها ذوق سليم وسوي في إختيار اللقب الفني وقلت أكتبا في مداخلة منفصلة ..!!
يعني معقولة وسط الرواد الفوق ديل أكتب ليكم أسم سامي هيفاء او محمود هبة أو سامية مغارز أو طارق مخارجات أو حمادة بت معاهم ..!!
كدي نجيكم للمداخلة البعدا نوريكم الوهمة دي بتكون كيف وبتنتشر كيف والسبب منو وشنو ؟!
Post: #146 Title: Re: وهمات الفنانين الشباب ..!! Author: Salah Abdulla Date: 09-03-2012, 08:56 PM Parent: #145
يا أبو النيز ، كدي قبلما تمشي للوهمة البعدها، وناس بت ومغارز النسألك سؤالين ، طارق القصاص ده أخو عمر القصاص وعمر الشاعر الوقعو في اللستة دي شنو؟؟
الظاهر علينا طولنا من البلد
Post: #147 Title: Re: وهمات الفنانين الشباب ..!! Author: ناذر محمد الخليفة Date: 09-04-2012, 09:18 AM Parent: #146
هلا صلاح .
طارق القصاص دا ما عندو علاقة بالقصاص سيد الأسم .. طارق دا عازف أورغ صغير في السن وبرع تماما في أستخدام الأورغ من برمجة وأصوات وأيقاعات وجلكسات .. فقاموا الناس الحواليو سموهو طارق القصاص دلالة على تجضيمو للبتاعة .. زي حارس مرمى في الحلة يكون مجضم الحراسة وأسمو حسين .. يقوموا يسموهو أو يسمي نفسو حسين بريمة وكدة ..!!
عمر الشاعر الوقعو في اللستة الأسم أو اللقب (الشاعر) لأنو الأسم دا ما متداول في أوساط السودانيين ودا المقصد من الألقاب دي .
عندك في اوساط الصحفيين برضو :
الهندي عز الدين هيثم كابو محمد الأسباط حافظ أنقابو صلاح شعيب علي المليح محمد عكاشة عادل الباز
يعني الاسم أو جزء منو بيكون غير منتشر ودا بيكون سبب للتميز ..!!
تعرف يا صلاح بي ردي دا لقيت إنو ما في داعي أشرح اكتر واحسن أمشي طوالي للوهمة البعديها ولا شنو ؟!!
Post: #148 Title: Re: وهمات الفنانين الشباب ..!! Author: Salah Abdulla Date: 09-04-2012, 02:23 PM Parent: #147
هلا وغلا يا ابوالنيز ,,
دلعنا بي وهمات الفارات ديل خلينا نفهم حاجة.. يلا Go ahead.
بس عمر الشاعر ده شيلوا من قائمة الشعراء وختو في قائمة الفنانين الفارات هسي يقروا البوست ده يقولو (الشاعر) عمر الشاعر أداني قصيدة..
قائمة الملحنين ما شايفها، ناس النور محمد جمعة (الفي الحلة بيتو) وبابا فزاري، ويوسف القديل ومحمد آدم المنصوري..
Post: #149 Title: Re: وهمات الفنانين الشباب ..!! Author: ناذر محمد الخليفة Date: 09-05-2012, 09:31 AM Parent: #148
شكرا يا صلاح على الأضافة ..
وأنا ذكرت بس نماذج من الأسماء .. لكن أظني محتاج توضيح شوية في وهمة اللقب الفني دي :
الحقيقة الفنانين الشباب أو أغلبيتم أي واحد فيهم بيكون مما ظهر شاغلو الأساسي إيجاد لقب فني أو كنية تلتصق بي أسمو .. طبعا دي برضو واحدة من وهمات التميز .. لكن المشكلة إنو الخيال زاتو مرات بيكون قاصر ... كان خيال الفنان أو خيال المحيطين بيو .. أكترية الألقاب بتكون مرتبطة بي اسماء المدن أو الحلال الساكنين فيها الشباب ديل .. زي ندى جبرة وفتحي الفتيحاب وكباشي الشجرة ووليد جوبا وزبيدة الأنقاذ وايمان لندن ووجدان بحري وحمادة بحري وعبدو كوبر وفائزة الأملاك وحاجات زي دي ..!!
طبعا ما ننسى فنان نيالا البيقلد حيدر بورتسودان فمن دون ألقاب الله الواسعة ما لقى إلا لقب حيدر بورتسودان نيالا ..!!
اذكر في سنة 1997 تقريبا إذداد غزو السيارات الكورية للسودان في واحدة فنانة كدة (رقيص عروس وصبحيات وحنة وبتاعات زي دي) .. ظهرت في الخرطوم . في الوكت داك صادف دخول العربات التيكو الكورية .. فالفنانة دي وأسمها نقول سعاد أشترت واحدة من العربات الأنيقة دي وبقت تسوقا بي نفسها لي مناطق نشاطا .. فطوالي أشتهرت بي سعاد تيكو !! ..!!
انا ما عارف اللقب دا أختارتو هي ولا اختاروا لي ها زول تاني بس الأنا بعرفو أنو الزولة دي لو غيرت عربيتا حا تاكل نيم !!
بعدين في فنانين شباب أشتهروا بي شغلهم قبل يكونوا فنانين أو أسماء الشوارع الساكنين فيها .. عندك في الخرطوم الفنان حامد كترينا وعبد العزيز بقالة وأمدرمان ظهر بكري العرضة ...
واحد يورينا سر لقب الفنان الشاب الإسمو مين كدة الجزار ..!! لانو من شكلو ما ظنيت كان شغال جزار !!
أما الألقاب الأنا ما عارف حتى صاحبا رضى بيها كيف فعندك زي حمادة بت ..! وسامي هيفاء ! ومحمد هبة ..!! دي وهمة بالجد أنا ما قادر أفكفكا لكن بعترف انو زي الالقاب دي بتدي الفنان ذيوع وإنتشار وضجة ودا هو المطلوب ..!!
فيا جماعة الخير الموزعين في بلاد الدنيا .. هل عندكم الفنانين هناك بيتلقبوا بي اسامي الحتات الساكنين فيها زي هنا ..!!
يعني في مصر مثلا هل بنلقى فنان أسمو مدحت اسوان أو حمادة العتبة أو محمود الهرم أو حسني طريق الاسكندرية الصحراوي ؟!
أنا بعرف في اسرائيل واحدة فنانة أسمها سونيا جراهام إيلات ..! لكن أتخايل لي دي جدها كان شايقي من القرير ولمن هاجرت صادة نقلت الوهمة دي هناك لكن باقي فنانات الصبحيات في اسرائيل ما مشت عليهم الوهمة دي وبقت براها بتحمل لقب مدينتا الساكنة فيها ..!!
نمشي للوهمة البعديها اعزكم الله ..!!!
Post: #150 Title: Re: وهمات الفنانين الشباب ..!! Author: ناذر محمد الخليفة Date: 09-06-2012, 12:38 PM Parent: #149
Post: #151 Title: Re: وهمات الفنانين الشباب ..!! Author: ناذر محمد الخليفة Date: 09-08-2012, 08:44 AM Parent: #149
من مفارقات هذه الوهمات أو وهمة اللقب الفني تحديدا انني بالأمس قابلت احد الفنانين الشباب في رحلة على شارع النيل غنى فأطرب وابدع أقتربت منه وسلمت عليه وأثنيت على أداءه وسألته عن أسمه فذكر لي أن أسمه هو فارس جبرة ..!! فسألته : ساكن وين في جبرة ؟ فرد : لا لا أنا ما ساكن جبرة .. أنا ساكن الطائف ..!!
ومن المفارقات ايضا أن تجد فنانا أسمه مثلا فتحي التقانة أو حسين الأهلية أو جعفر البيان .. وطبعا هذه أسماء لجامعات معروفة .. فيأخذك حسن ظنك أن الفنان ربما درس هناك فأشتهر بالأسم ولكنك تتفاجأ حين تجد أن الفنان ليس لديه شهادة سودانية حتى !!
أما كيف جاءت هذه الألقاب فأترك هذا لخيالكم ..!!
Post: #152 Title: Re: وهمات الفنانين الشباب ..!! Author: عصام دهب Date: 09-08-2012, 09:37 AM Parent: #151
سلام يا ناذر تاني ..
و بمناسبة الألقاب أذكر أنني أطلقت بالصدفة لقباً على زميل لنا و أشتهر به حتى تغير و هو الفنان / خالد محجوب أو ( خالد الصحافة حاليا) و خالد هو دفعتنا في مصر حيث كان يدرس في مدينة بنها بمحافظة القليوبية و هي قريبة لمدينتنا الزقازيق .. و تقريباً في أول ظهور له في حفل عام أقامته جمعية خاصة بالطالبات في الزقازيق كان إسمها ( جمعية الثريا ) و كنت أنا مشاركاً في تقديم ذلك الحفل و حينها كان خالد يعزف على الأورغ لأحد الفنانين .. و الطريف أن ذلك الفنان و بسبب التدخين في الصالة المغلقة تعرض لأغماءة و نقل إلى خارج القاعة و بعد الإطمئنان عليه و إنقاذاً للموقف و حتى لا ( تفرتق الحفلة )طلب مني خالد أن أقدمه ليغني بديلاً عن الفنان المتوعك .. و لما كنت لا أعرف إسم والده في تلك اللحظة ودفعاً لحرج السؤال فقد قدمته بإسم ( خالد بنها ) منسوباً إلى المدينة التي كان يدرس فيها .. و من يومها أصبح خالد مشهورا في مصر بلقبه ( خالد بنها ) وحين عاد للسودان أصبح مشهوراً بإسم ( خالد الصحافة ) .. فأحياناً اللقب يأتي صدفة ..
Post: #153 Title: Re: وهمات الفنانين الشباب ..!! Author: وضاحة Date: 09-08-2012, 09:43 AM Parent: #152
Post: #154 Title: Re: وهمات الفنانين الشباب ..!! Author: ناذر محمد الخليفة Date: 09-08-2012, 08:30 PM Parent: #153
كيفك يا عصام ..
Quote: و لما كنت لا أعرف إسم والده في تلك اللحظة ودفعاً لحرج السؤال فقد قدمته بإسم ( خالد بنها ) منسوباً إلى المدينة التي كان يدرس فيها .. و من يومها أصبح خالد مشهورا في مصر بلقبه ( خالد بنها ) وحين عاد للسودان أصبح مشهوراً بإسم ( خالد الصحافة ) .. فأحياناً اللقب يأتي صدفة ..
يخرب بيتك ..!! تكون أنت من أبتدعت وهمة نسب الفنان لي مدينتو ومنها الشغلة ورت ههههههههه
لأنو على ما افتكر الشغلانية دي نادرة ومحصورة وحتى بين الفنانين الكبار خاصة الفنانين الأقليميين ونسبم لي مدينتم زي حسن خليفة العطبراوي وبدرجة ما حيدر بورتسودان ..
لكن بالغت في خالد بنها دي ههههههه يكونوا المصريين زاتم ما فكروا ينسبو فنان من فنانينم لي مدينتو ههههههه ..
من ناحية اللقب بيجي صدفة فدي حقيقة .. افتكر في زمنكم أسم خالاد بنها كان بيميزو عن بقية الفنانين أو العازفين ود بيساعد على الانتشار وقد يكون وليد المخيلة الجمعية .. لكن حاليا في فنانين شباب اللقب دا ألا يفعدوا ليهو ويفكروا فيهو ويلزموا اصحابم انو ينادوهم بالاسم دا وفي النهاية اللقب المنجور زاتو أمكن يلصق في الفنان وامكن ما يلصق ودا بيعود لي جاذبية اللقب أوعدما ..
تسلم يا عصام ..
Post: #155 Title: Re: وهمات الفنانين الشباب ..!! Author: ناذر محمد الخليفة Date: 09-08-2012, 08:32 PM Parent: #153
وضاحة سلام ..
الفيديو دا دايرا تشركي لي بيهو عشان أكتب ليك عن ياتو وهمة .. وهمة الراب مع التوب ولا وهمة (التوب ما بيلبسوا معاهو كبك)
Post: #156 Title: Re: وهمات الفنانين الشباب ..!! Author: ناذر محمد الخليفة Date: 09-10-2012, 07:53 PM Parent: #155
وهمة إنتاج عمل هابط إضطراريا ونشره في إم بي ثريهات الفرد والفيس بوك
دي أهم وهمة حايمة .. المثل بيقول البراميل الفارغ تصدر ضجيجا أكثر من الممتلئة .. وبالقياس ممكن نقول الاغاني الهابطة بتنتشر وتشتهر بسرعة أكتر من الأغاني الجادة .. كيف ؟!!
في السنوات الأخيرة الساحة الفنية إنصدمت بأغاني غريبة في مفرداتا حد البذاءة واحيانا حد المباشرة اللفظية والأيحاءات الجنسية شبه المباشرة .. الاغنيات دي إنتشرت إنتشار النار في الهشيم بفضل سماكرة أغنيات والحان بيعرفوا كويس كيف يصلوا للهم دايرنو وكيف يلتقوا ويلصقوا كلمات أغاني ما مترابطة مع بعض وأي كلمة ما عندها علاقة بالكلمة القبليها أوالبعديها لكن الشي المؤكد أنها حا تجد حظها من الأنتشار والذيوع ..
من منا لم يسمع (راجل المرة حلو حلاة) و (مرة الراجل حلوة حلاة) و (سألت راني ورندا قفلتو البرندة) و (حنانة الخوة بقت عفانة) و(نبذوك سموك الجرو) و (أحب دينك ودين سماحتك) و (كلو من وائل وائل قفل الموبايل) و إيييييييييييييك . من غث الأغاني وبشيع المفردات ..!!
أغلب هذه الأغنيات لم تجد لها أبا شرعيا يتولاها .. الكل أنكر انه والدها وواجدها .. وحتى من أستجوبتهم الجهات المختصة ذكروا أنهم سمعوا الأغنية بالصدفة ورددوها مع المرددين ..!!!
الفنانين الشباب المغمورين الباحثين عن اسرع الوسائل للشهرة والذيوع صار أكثر همهم البحث عن أغنية هابطة وفريدة في مفرداتها كي تسهم في شهرتهم حتى ولو كانت شهرة سلبية وحينما يجدون المفردات المطلوبة يقومون بتسجيلها في موبايلاتهم وتوزيعها في الأم بي ثريهات و مواقع النيت والركشات ليتداولها الشباب ويشتهرون بفضلها .. والغريبة أن هذه الأغنيات لا يجرأون على التغني بها في حفل أو مناسبة .. ولكنهم أن تغنوا بها مجددا بعد ذيوعها فيكون على أضيق نطاق وفي جلسات محدودة وخاصة جدا.!!
قبل فترة طويلة كتبت بوستا أتحدث فيه عن اغنية بعنوان (أحب دينك ودين سماحتك) وأنزلتها كاملة بما تحتويه من الفاظ خادشة للحياة مثل (يا العسل الأحلى من اخوانك) أو ما شابه .. هذه الأغنية أجتهد صاحبها في نشرها وقام بتسجيلها وتوزيعها على موبايلات أصدقائه .. ليس هذا فحسب بل قام أيضا بنشرها في قروب معجبين خاص به بالفيس بوك (وهمة قروبات المعجبين دي حا نجيها بعدين) !!.. الذي حدث أنها نالت شهرة محدودة وفي دائرة مغلقة لأن صاحبها لم يتجرأ على أن يغنيها في حفل رسمي ..!!
وكتبت ايضا في بوست سابق عن أغنية مرة الراجل حلوة حلاة !!.. جاءت هذه الأغنية بعد أن أنتشرت اغنية راجل المرة حلو حلاة والتي كان يستعملها بعض الأزواج لإغاظة زوجاتهم .. وعندما ظهر نقيضها مرة الراجل حلوة حلاة سكتوا ولم ينبسوا ببنت شفة!! كما أن الزوجات لم يتجرأن على إغاظة أزواجهن بها ..!!
أما الوهمة فكانت إنتاج عمل نجح فعلا في لفت الانظار وهو أغنية هابطة بعنوان (قالوا لي بتسجر كمان بقيت بتسف أوع من السجارة أوع بكرة تلف) ..! زعم من قاموا بصياغتها أنهم أنتجوها في إطار برنامج تربوي يدعو لمكافحة التدخين والصعوط .. وإن قبلنا بهذا التفسير فكيف نفسر إنتشار هذه الاغنية في المناسبات العامة والخاصة بواسطة من أنتجوها أنفسهم وايضا غيرهم ؟!!
لا أظنني بحاجة لإيراد امثلة أخرى وعلى من يريد أمثلة التكرم بالذهاب لمكتبتي بالموقع حيث سيجد أنني تناولت الكثير من هذه الأغنيات خلال السنوات الفائة وأيضا أنزلت نماذج لها هنا كي يطلع القارئ على خطورة هذه الوهمات العجيبة ..!!
Post: #157 Title: Re: وهمات الفنانين الشباب ..!! Author: ناذر محمد الخليفة Date: 09-24-2012, 01:39 PM Parent: #156
رحم الله زميلنا متوكل الحسين .
نعود بعد توقف ...
Post: #158 Title: Re: وهمات الفنانين الشباب ..!! Author: ناذر محمد الخليفة Date: 10-04-2012, 08:21 PM Parent: #157
* وهمة قروب محبي الفنان فلان الفرتكاني في الفيس بوك ..
الحقيقة أنني لست من محبي ذلك الأخطبوط المسمى الفيس بوك !! ورغم أن لي حساب قديم في الفيس إلا أنني نادرا ما أذهب إليه نسبة لعدم تذوقي له أو فلنسمها صراحة عدم شعوري بالراحة والطمأنينة تجاهه !! إذ أن لدي عدة تحفظات بالنسبة لتداخل العام مع الخاص ومسألة (صديق صديقي هو صديقي) او الكثير من المآثر الي يمكن إستنباطهامن هذا المثل رغم أنني تفحصت جيدا إعدادات الصفحات والحساب وإمكانية تحديد ما تريده وما لا تريده ولكني لا زلت غير راغبا في التعايش معه بشكل دائم واذهب لحسابي فقط لرؤية ما يجري واحيانا للبحث عن صديق بعينه وقراءة الرسائل ..!!
ما علينا نرجع لوهمتنا الجديدة ..
وهمة إنشاء قروبات بإسم الفنانين الشباب صارت من الأشياء الواجبة في حياة اي مطرب شاب سواء أكان مطربا مشهورا أو حتى مطربا لا زال يتحسس أولى درجات السلم الفني بل تعدى الأمر لأن يكون بعضا من فناني الحلة من الذين لم يغنوا ابعد من حمام منزلهم او في قعدة في لستك تحت عمود النور بإستخدام صحن الفتة الفاضي كايقاع !! سارعوا أو سارع أحد محبيهم او أصدقائهم لإنشاء قروب او صفحة على الفيس تحت مسمى (قروب محبي الفنان جعفر لساتك) واول ما تتصفح هذا القروب تجد صورة جعفر لساتك متصدرة الصفحة متصور في شارع النيل قاعد يشرب في شيشة وملوحا للكاميرا بعلامة النصر !! نصر على شنو ؟ الله أعلم !!
وحتى إذا توغلنا في الصفحة نجد مستوى الكتابة والتعليقات بعيد جدا عن اي محتوى فني وموسيقي ولا تحس بأنك في صفحة قروب فنان الا بعد أن يخاطب أحد المتداخلين صاحب القروب بهذا ..!
حقيقة ان هذه القروبات وانا اتحدث عن الجادة منها مهمة جدا بالنسبة للفنانين الجادين .. إذ أنها تتيح لهم التواصل مع جماهيرهم ومحبيهم من أجل التنسيق وذلك يساعد في معرفة جماهيرية الفنان خاصة أنها تنشر مواعيد حفلاتهم ومكانها وقد تساعد الردود اصحاب الحفل أو المنظمين له من التكهن بالعدد التقريبي للحضور .
ولكني لا افهم ان يكون تكوين قروب معجبين للفنان هو شغله الشاغل !! هذا العنكبوت المسمى الفيس بوك حاليا يعج بما لا يقل عن 800 صفحة (رقم تقريبي لا أستبعده) جميعها تحمل الأسم الفني للفنان في حين أن أكثر من 90 في المائة من هؤلاء الفنانين الشباب غير معروف في الساحة ولا حتى على هوامشها ولكنها موضة فقط ليس اكثر .. والفضل يعود للفيس بوك الذي لا يحقق في هويات هذه الصفحات واصحابها والفيس بوك (أولويز فري أند ويل بي) !!
أحد الفنانين الشباب من المجتهدين جدا وتربطني به علاقة جيدة نسبة لأنه يمتلك صوتا جميلا ويحفظ أغاني جميلة .. مشكلته الوحيدة أنه يقلد فنان شاب أخر لي اراء في صوته وإمكانياته .. بل ان صديقي هذا الحق اسم ذلك الفنان بأسمه !! وقد استنكرت عليه ذلك والحيت عليه زمانا طويلا أن يجتهد كي يغني بصوته ولا يلجأ للتقليد !! وقدمته في الكثير من التجمعات والمنتديات والغريبة أن رأيي هذا كات هو رأي الكثيرين لأننا جميعا نعتقد أن صوته الأصلي أجمل من صوت من يقلده ..!!
أفترقت بنا السبل لفترة قاربت العام أو أكثر نسبة لمشغوليات كثيرة وفي إحدى الأيام قابلته مصادفة في حفل غنائي وبعد أن تبادلنا السلام والتحيات سألته عن مشواره الفني واين وصل وماذا فعل بخصوص فرز معيشته الصوتية ..! ويبدو أن حديثي لم يعجبه أو لم يكن هو المهم بالنسبة له فقد ذكر لي بعد أن حمد الله أنه تمكن بواسطة صديق من إنشاء صفحة محبين له في الفيس بوك !! وطلب مني زيارتها والتسجيل ..!
وعندما فعلت وليتني لم افعل وجدت صفحته مليئة بصور الفنان الذي يقلده وصوره مع ذلك الفنان !! وقد غادرت الصفحة مسرعا دون رجوع والحمد لله ..!!
اما أغرب ما قابلني من صدف .. ان الفيس بوك اقترح لي صديقا(إقتراحات الفيس بوك في كثير من الأحيان فاشلة ومخستكة وماسورة وتجعلك تتاسف وتندم) .. وأضفت هذا الصديق وتعرفت عليه وعرفني أنه من ولاية ...... وأنه فنان يغني .. واصلت في الدردشة معه كي أعرف اي نوع من الفنانين هو .. وفجأة طلب مني زيارة صفحة معجبيه في الفيس بوك .. دخلت على الصفحة التي لا تختلف عن مثيلاتها من الصفحات .. صور متنوعة ونظارات شمسية وبناطلين جنز وسيارات فاخرة !!
كل أنواع الصور ما عدا صور الحفلات والألات الموسيقية وتخلو من الملفات الموسيقية أو ملفات الفيديو ...!! سألته عن ذلك فذكر لي انه (أعتزل) الغناء !!! (لاحظوا لي مفردة اعتذل هذه) !! سألته عن السبب فقال لي أن والدته حفظها الله جعلته يقسم أمامها بألا يغني بعد اليوم في اي مكان وذلك لسهره خارج المنزل وتعليله الكثير بأنه كان في حفل ! ولم يغن مذ ذاك القسم قبل أكثر من عام ..
ولا زال ذلك الفنان مبرا في قسمه لوالدته حتى يومنا هذا ، ولا زالت صفحته موجودة حتى يومنا هذا شاهدة وحاضرة على تلك الوهمة .. ومرتاديها يقولون له يا فنان ويا مطرب ويا واعد حتى يومنا هذا أيضا ..!!
Post: #159 Title: Re: وهمات الفنانين الشباب ..!! Author: ناذر محمد الخليفة Date: 10-05-2012, 03:07 PM Parent: #158
Post: #160 Title: Re: وهمات الفنانين الشباب ..!! Author: ناذر محمد الخليفة Date: 10-05-2012, 07:30 PM Parent: #159
ناس الفيس بوك أو الفيك بوس زي ما قال المصري داك :
عشان الكلام ما يكون ساي كدي اعملوا بحث بي اسم (صفحة الفنانة نعمات بحري) وتعالوا وروني رايكم شنو ؟!
الصفحة دي إقترحا لي الفيس من نفسو .. وأنا فوق ذكرت إنو أغلبية اقتراحات الخواجة دا عبارة عن مواسير 12 بوصة ...!!
نو أوفينس ..!!
Post: #161 Title: Re: وهمات الفنانين الشباب ..!! Author: ناذر محمد الخليفة Date: 10-06-2012, 08:02 AM Parent: #160
شفتوها ؟؟؟؟!!
Post: #162 Title: Re: وهمات الفنانين الشباب ..!! Author: النورس الحزين Date: 10-06-2012, 03:42 PM Parent: #161
ياناذر يااخي خلي العالم تعيش ليها يوم يومين يتنفسو الواحد يعمل شنو عشان يبسط نفسو ماياهو زي الوهمات البعمل فيها دي بعدين سوف تجرفه الرياح بعيداً بعدين يااخي العالم ديل ما مؤثرين على الشعب الفضل انت امسك لينا وهمات السياسين الفى في كل جريدة عايز يغز عودو و البتلقاهو مقنطر قدام فى كل منتدي و متلبب المنبر و يتشابا للتلفزيونات واول مايجيبهو الكلام يغلبو و يعمل فيها بطنو طامه كده و ينظر دي شريحه مهمه خلي شغلك ابو شريحيتين
Post: #163 Title: Re: وهمات الفنانين الشباب ..!! Author: Hatim Elmaki Date: 10-06-2012, 05:33 PM Parent: #162
مرة من المرارير كنت معزوم مناسبة حنة في جبرة وجات الفنانة داخلة ومعاها نفرين واحد قداما وواحد وراها .. المشكلة كانت أنو الفنانة معضلة وشادا حيلا أكتر من النفرين اليفترض هم الحرس بتاعينها ونهاية الحفل حصلت شكلة كاربة إندقوا فيها النفرين ديل دق العيش ..!!
ناذر خليفه انت بوديك الحفلات دي شنو وانشاء الله مرقت سليم من الحفله انت ماعارف ان الحاج يوسف دى مدينتى ومدينه اخونا محمد حسن خليل بس ماتعمل حفله هناك بجيك من غير رباطه واخوك عضلات تبش شكرا علي البوست
معليش ياناذر كان قصدنا حفله جبره ما الحاج يوسف والتعليق علي كلام اخوانا محمد حسن خليل فهو اخ وصديق من ابنا الحاج يوسف مصطلح الطحنيه تبيع
Post: #164 Title: Re: وهمات الفنانين الشباب ..!! Author: ناذر محمد الخليفة Date: 10-07-2012, 06:54 PM Parent: #163
سلام النورس ..
Quote: ياناذر يااخي خلي العالم تعيش ليها يوم يومين يتنفسو الواحد يعمل شنو عشان يبسط نفسو ماياهو زي الوهمات البعمل فيها دي بعدين سوف تجرفه الرياح بعيداً بعدين يااخي العالم ديل ما مؤثرين على الشعب الفضل انت امسك لينا وهمات السياسين الفى في كل جريدة عايز يغز عودو و البتلقاهو مقنطر قدام فى كل منتدي و متلبب المنبر و يتشابا للتلفزيونات واول مايجيبهو الكلام يغلبو و يعمل فيها بطنو طامه كده و ينظر دي شريحه مهمه خلي شغلك ابو شريحيتين
اعرف كلامك فيو شي من الحقيقة والواقع .. يعني زd ما تقول كلو الزمن بيمحاو .. حتى في الغنا دا بتاع الساوند سيستم ما بيشغل جهازو الا بعد ما يستلم قروشو بالكامل .. تقول ليهو بديك بعد الحفلة يقول ليك (غنا وشالوا الهوا .. حا تدفع لي عشان هوا؟) ..
أما موضوع السياسيين ديل بغض النظر عن الكبار بفكر جادي أعمل لي بوست أسميهو وهمات السياسيين الشباب !! واخد فيهو ابراهيم بقال ومحمد عادل كنموذج ههههه
Post: #165 Title: Re: وهمات الفنانين الشباب ..!! Author: ناذر محمد الخليفة Date: 10-07-2012, 07:02 PM Parent: #163
كيفك حاتم المكي ..
بالله حصل شنو في النهاية للولية مع الكفيل ؟! أنا مما وزعت صفيحة الطحنية سنتدوتشتات وانت نهيت القصة بطريقة دراماتيكية تاني ما مشيت بيهناك ..!! غايتو يديك العافية على القصة وما مهم بالنسبة لي لوكانت حقيقية أو من تاليفك أو تاليف غيرك ..
Quote: نازرخليفه انت بوديك الحفلات دي شنو وانشاء الله مرقت سليم من الحفله انت ماعارف ان الحاج يوسف دى مدينتى ومدينه اخونا محمد حسن خليل بس ماتعمل حفله هناك بجيك من غير رباطه واخوك عضلات تبش
غايتو عندك تكتيك عريب .. بتتعمد تزرع مداخلتك بأخطاء بقصد او بغيرو .. يعني عندك مشكلة في حرف الزين وال ذاء زانا بتكلم عن جبرة مرقتني في الحاج يوسف .. !! المهم يا حبيب اخوك زارع العاصمة القومية زراعة وحايم فيها حوامة الجن .. لمن أكون ما عندي موضوع بضرب لي صحبي علي كدايس سواق الهايس بيوريني الحفلة وين ؟ بقابلو ونمش مع بعض وكدة وزاد وجدي !!
Quote: شكرا علي البوس الرائع
نسأل الله السلامة .. يا زول بوست الكفيل بي هناك ..! هنا بوزع وهمات مش بوسات ..!! مالك داير تجيب لي الشبهة يا حاتم والبوست على أعتاب أخر وهمتين !!
هسي الجماعة يتلموا يقولوا دايرين نصيبم !ويختو في بالم ناذر بيوزع الحاجة دي مع الطحنية والوهمات !!
Post: #167 Title: Re: وهمات الفنانين الشباب ..!! Author: ناذر محمد الخليفة Date: 10-09-2012, 02:54 PM Parent: #165
Post: #168 Title: Re: وهمات الفنانين الشباب ..!! Author: ناذر محمد الخليفة Date: 10-25-2012, 07:24 PM Parent: #167
كل عام والجميع بخير ..!!
Post: #169 Title: Re: وهمات الفنانين الشباب ..!! Author: ناذر محمد الخليفة Date: 10-28-2012, 11:52 AM Parent: #168
وصلنا الآن بحمد الله الى أخر وهمة في القائمة وهي :
وهمة (أنا مسافر القاهرة اسجل فيديو كليب ) !!
يظن الكثير من الفنانين الشباب المخلوعين ممن لم يروا الترعة قبلا ..أن القاهرة هي مدينة الأنتشار والأشتهار وأن وسائل الاعلام المرئية والمسموعة والمقروءة لا هم ولا شاغل لها سوى إنتظار الفنانين السودانيين للتسجيل لهم صوتيا أو في شكل فيديو كليبات .. ربما ساعد على ترسيخ هذه الوهمة في أذهانهم أن نذرا يسيرا من الفنانين الشباب يعدون على أصابع اليد الواحدة تمكنوا في السنوات الأخيرة من تسجيل فيدو كليبات هنالك (على نفقتهم الخاصة ).. وربما ساعدت التصريحات غير المنضبطة لمن سجلوا هؤلاء على جعل الفنانين يعتقدون أن من السهولة بمكان غزو الاستديوهات المصرية . ولذلك صار الذهاب لمصر حلم يحلم به أغلبية الشباب يتساوى في ذلك الحلم من لديهم موهبة حقيقية ومن ليست لديه موهبة على الأطلاق .. وذلك ببساطة لأن الأحلام متاحة للجميع دون من أو أذى !!
في الفترة الاخيرة تزايدت التصريحات في الصحف من قبل بعض الفنانين الذين لا وجود حقيقي لهم في الساحة بأنهم بصدد الذهاب الى القاهرة لإحياء عدد من الحفلات هناك وأنهم سينتهزون الفرصة لتسجيل ألبوم او فيديو كليب !! والحقيقة أن من يعرف كيفية أو إجراءات التسجيل هنالك لا شك سيكون قد انقلب على قفاه ضحكا من هذه التصريحات اما من كان يعلم ببواطن الأمور فقد يكتفي فقط بإبتسامة لا تخلو من خبث !! الحقيقة في فترة ما عندما اذدادت التصريحات القاهرية تلك كان من يمولها هم تجار الدولار في الخرطوم والقاهرة .. فقد كانت الدولة تعطي مبلغا كبيرا للشخص المسافر للقاهرة وبما ان القاهرة بها رخص في المعيشة والسكن فقد كان هؤلاء التجار يختارون مجموعة من الشباب الطامحين صغار السن يقومو بتسفيرهم للقاهرة لمدة خمسة أو ستة أيام .. يتكفل التجار بأجراءات التذاكر والحجز وحتى إيجار الشقق هناك وذلك مقابل أن يقوم هؤلاء بتسليم ما معهم من دولار لهؤلاء التجار أو مندوبيهم ويستمتع هؤلاء الشباب بالسفر والشقة وزيارة بعض معالم القاهرة ومتنزهاتها والقيام ببعض النشاطات ولكن الأكيد ليس من بينها تسجيل ألبوم أو فيديو كليب !! ليس في ما اقوله سر أو غموض حتى الجهات الرسمية تعلم ذلك وفعلت اجراءات صارمة وقلصت حصة المسافرين للقاهرة من الدولار بحيث صار السفر غير مجد وغير مجز..! أثنين من هؤلاء الفنانين الشباب على أعتاب الانتشار استعانوا بعلاقاتهم الأخطبوطية وصرحوا للصحف والاعلام بانهم ذاهبون لمصر بدعوة من شباب الثورة المصرية للغناء في ميدان التحرير !! ومن ثم سيقومون بتسجيل فيديو كليب للقنوات الفضائية المصرية !!
(نعم بهذه البساطة) وهمة تسع ميدان التحرير بمساحته المهولة !! والبعض صدقها .. هؤلاء ذكروا لي ما هم بصدد القيام به وقمت بدوري برسم تلك الابتسامة التي لا تخلو من خبث بفمي ..! ودعتهم وتمنين لهم التوفيق .. ولما كانوا أول مرة سيذهبون للقاهرة أعطيتهم عنوان ورقم تلفون احد أصدقائي من اعضاء هذا المنبر .. ومن ثم اتصلت به واخبرته ان يكون معهم ويخبرني بما يقومون به من نشاط !! صديقي ذهب اليهم وقابلهم واطمان على وضعهم بشقة يستاجرونها في أحد أحياء القاهرة المتواضعة .. لم يخبروه لماذا حضروا وهو لم يسألهم عن برنامجهم ولكنه كان على أتصال بهم رغم محاولتهم التهرب منه !!
الشي المؤكد انهم قضوا ايامهم القليلة في القاهرة ورجعوا لا يلوون على شي ولم يتم مبتغاهم في تسجيل فيدو كليب أو ألبوم كاسيت لأن هذا ليس في برنامجهم من الأساس ، والغريبة أنهم حينما رجعوا صرحوا في الصحف بنجاح رحلتهم الفنية ولقائهم بشباب الثورة المصرية في ميدان التحرير وانهم اتفقوا مع احدى شركات الأنتاج الفني على تصوير فيديو كليبات والبومات كاسيت وهلم جرا ..!!!!! والغريبة هنالك من صدقهم وتعامل مع الوهمة على انها حقيقة ماثلة ..!!
أنها كما ذكرت وهمة بإتساع ميدان التحرير حتى فاضت عنه ..!!
Post: #170 Title: Re: وهمات الفنانين الشباب ..!! Author: ناذر محمد الخليفة Date: 12-05-2012, 08:12 AM Parent: #169
أها يا خالد كودي ..
دا كلامي ليك بي هناك :
Quote: والله يا كودي وقعت معاي !!
هسي بقى ليك حار ؟!! ووقع ليك كلامي عن ضرورة إنو الفن والغناء ما يكون مطلوق ساي ولازم يتقيد بي قوانين ..؟!
في بوست وهمات الفنانين الشباب شبكتني إنو الفن تذوق وإنو الجماهير بتعرف تختار وتفرز الغنا .. وانو الفن دا ذائقة وما في ضرورة لوجود قانون لتسجيل الفنانين والشعراء ..!! اها هسي رايك شنو ؟!
يعني لو كان في لجنة جد جد راجعت القصيدة وراجعت ترخيص فهيمة وكلمات الاغنية مش كان افضل ..!!
عليك الله مش حقو تكون حقاني وتعتذر لي وتقر بضرورة وجود لائحة وقيد ورخصة عشان ما أي زول يغني ساي وإنت تجي تقول لي الجمهور يختار والجمهور هو البيقرر منو المبدع من المامبدع ؟!!
بعدين إنت هسي بس يا ها دي الكلمة الوحيدة اللفتت نظرك ؟ يا خي الغنا بتاع الصواميل المالي البلد فيهو مفردات أتفه من دي وكمان بي صراحة ومباشرة لمن تستغرب ..!
التاريخ بيذكر يا خالد كودي قبل سبعة سنين سنة 2005 أنا كتبت بوست فيهو إهداء ليك لي قصيدة وانت تفهت القصيدة وما عجبتك وطالبت إني أنزل أغنية عشان تقرر اني فنان ولا لا .. متذكر ؟!
متذكر إني نزلت ليك أغنية مكتوبة وفي نص الغنية كتبت ليك (سجمنا الـ عب هجمنا) .. قمت انت خليت دا كلللللللو وأقتبست الجملة دي وحايم بيها من بوست لي بوست تبكي وتتنايص بتروج لي عنصرية ناذر الخليفة وكمان قشرت بيها في بوست سامبو واكون القربت ترسمني فيهو من غير هدوم !!
يا كودي إنت قابل جملة سجمنا العب هجمنا دي أنا كتبتها من راسي ؟ ما برضو كانت لازمة وتتقال في نص الأغاني .. هسي بعد سبعة سنوات جيت برضو كررت غلطك و قاطع ليك جملة من غنية وتتهم فهيمة بالعنصرية ..!!
يا خي لو ما عندك قول .. يمين بالله ارسل ليك سي دي فيهو زي عشرين غنية وانت بعدا كان ما طالبت بي وقف الغنا نهائيا تعال أسألني !!
اها بي نفس مفهومك الكتبتو لي في بوست الوهمات أنو الجمهور بيعرف يتذوق ويختار .. أها انا هسي ك جمهور الاغنية دي عاجـباني وبالذات الفرخة النايمة في سريرنا ولا شنو ما عارف .. حا تتهمني برضو بالعنصرية ؟!!
إنت يا كودي ما عندك قرون استشعار تقدر تحس بيها بالخطر الجاي من الأغاني المطلوقة إلا بعد ما تجيك في اللحم الحي ؟!
غايتو أنا شمتان فيك وهسي ماشي أرفع بوست الوهمات وبنتظرك تجي تعتذر لي فيهو وتقر معاي بي ضرورة تسجيل الفنانين وضبط مفردات الساحة الفنية واي فنان أو فنانة تاني ما يغنوا ألا بي رخصة ولا حتى في الحمام !!
وانا منتظرك في بوستي دا تعتذر لي انك كنت غلطان في انتقادك لي قانون المهن الموسيقية وأنو الفن لازم يكون مهنة عندها ترخيص وتسجيل وأنو لازم اي فنان يكون عندو رخصة لممارسة الغناء ..!!
وبالمرة كدة يا ريتك كمان لو اعتذرت لي عن بوستي بتاع القصيدة القبل سبعة سنوات داك لانو الفهم واحد..!!!
