Post: #1 Title: والله المغتربين السودانيين البيجوا السودان اجازات ويرجعوا حيرونا ..!! Author: ناذر محمد الخليفة Date: 10-23-2012, 09:12 AM Parent: #0
أول ما يطلعوا من البلد .. يكتبوا كلام كدة غريب وقصص عجيبة .. والله مرات كدة بقرا ليهم بحس كاني عايش في سودان تاني غير السودان البيكتبوا عنو دا !! ..
بوستات عناوينا من شاكلة (أنطباعات عائد من السودان) و (مشاهداتي في أولى اجازاتي في السودان) و (كنت في بلاد العنقاء ) و (نفدت بجلدي من الخرطوم) ومش عارف إيه .. مرات كدة فيها مبالغات غريبة وتحس إنو الكاتب بيستعر من بلدو وتاني ما بيرجع ليها كان نطط .. !!
يا جماعة ... ارحمونا شوية .. أأأأي عارفين البلد دي ما فيها سستم وما ماشة عديل وفيها باعوض قدر الضبان ،وشوارع الزلط كلها حفر وبتكسر مساعدات عرباتكم والموية وسـخـانة وبتضر أغشية جدران معدتكم ..!! والمعيشة غالية وسعر كيلو الطمطم بي 10 دولار والتعليم في الواطة والمستشفيات الكهرباء فيها بتقطع في نص العملية .. دا كلو عارفنو ومعايشنو ..!!
أنحنا عاجـبانا كدة وعايشين فيها كدة بي سجما ورمادا دا ..!!
Post: #2 Title: Re: والله المغتربين السودانيين البيجوا السودان اجازات ويرجعوا حيرونا . Author: جلال جبريل Date: 10-23-2012, 09:17 AM Parent: #1
أخ ناذر
أولاً تحية واحترام خالص
ياخوي لو عندك رأي في بوست ولا موضوع بوست أمشي كبو فيهو بالواضح
ودي قصص وحكاوي ليس إلا والسودان في النهاية ياهو بلدنا وماعندنا فيهو كلام
............... هات من الآخر ياخوي
Post: #3 Title: Re: والله المغتربين السودانيين البيجوا السودان اجازات ويرجعوا حيرونا . Author: Adil Ali Date: 10-23-2012, 09:17 AM Parent: #1
Quote: أأأأي عارفين البلد دي ما فيها سستم وما ماشة عديل وفيها باعوض قدر الضبان ،وشوارع الزلط كلها حفر وبتكسر مساعدات عرباتكم والموية وسـخـانة وبتضر أغشية جدران معدتكم ..!! والمعيشة غالية وسعر كيلو الطمطم بي 10 دولار والتعليم في الواطة والمستشفيات الكهرباء فيها بتقطع في نص العملية .. دا كلو عارفنو ومعايشنو ..!!
طيب محتار ليييه؟؟
Post: #4 Title: Re: والله المغتربين السودانيين البيجوا السودان اجازات ويرجعوا حيرونا . Author: nazar hussien Date: 10-23-2012, 09:20 AM Parent: #1
Post: #8 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 09:25 AM Parent: #4
كيفك جلال ..
Quote: ياخوي لو عندك رأي في بوست ولا موضوع بوست أمشي كبو فيهو بالواضح
ودي قصص وحكاوي ليس إلا والسودان في النهاية ياهو بلدنا وماعندنا فيهو كلام
............... هات من الآخر ياخوي
أوضح من كدة أكتب كيف يعني ..!!
كلامي دا من الأخر .. وبالمناسبة أنا ما قاصد بوست محدد ولا حتى منبر محدد .. المواقع السودانية كتيييييييرة وما في موقع بيخلو من كتابات زي دي ..
صدقني لو انت كاتب بوست من النوعية دي فوالله ما شفتو وما قريتو لأنو اساسا نوع البوستات دي ما فيها شي جديد بالنسبة لي شخصيا ..
بس مرات الشي الجديد لنج بيكون عبارة عن مبالغات وتهويلات زي المغترب الكتب قال شوف عينو البعوضة قدر أبو الزنان وصوتا زي صوت الهيليكوبتر !!
Post: #15 Title: Re: والله المغتربين السودانيين البيجوا السودان اجازات ويرجعوا حيرونا . Author: جلال جبريل Date: 10-23-2012, 09:33 AM Parent: #8
Quote: طرائف تواجه المغتربين السودانيين في مؤسسات السودان
خلاس جايي تزوغ منها... معقولة بس يا ناذر
....
Post: #9 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 09:27 AM Parent: #4
عادل ..
Quote: طيب محتار ليييه؟؟
محتار لأنو هم لمن طلعوا خلوها كدة ..!! ما خلوها جنة رضوان وجو لقوها خاوية على عروشها ..!!
يعني هم المحتارين وحيرونا معاهم بي جنس الكتابة دي !!!!
Post: #12 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 09:28 AM Parent: #4
كيفك نزار ..
Quote: قول أجزوا في ديل...
الانطباعات يلقوها وين؟؟؟
المهم ما الاجازة...الانطباع...الانطباع يا حبيب...
يلقوها محل ما أجزوا هناك ..
إنت بالذات البلد دي عاجباك لمن تأجز فيها وأنا عارف العاجبك فيها شنو ههه
Post: #5 Title: Re: والله المغتربين السودانيين البيجوا السودان اجازات ويرجعوا حيرونا . Author: جلال جبريل Date: 10-23-2012, 09:21 AM Parent: #1
Quote: وتحس إنو الكاتب بيستعر من بلدو وتاني ما بيرجع ليها كان نطط
لاترسل الاتهامات ساكت يا ناذر
.............. على اليمين البورد بقا دا قدر ما تضارى... تجيك المشكلة في صمت خشمك
Post: #6 Title: Re: والله المغتربين السودانيين البيجوا السودان اجازات ويرجعوا حيرونا . Author: saif massad ali Date: 10-23-2012, 09:24 AM Parent: #5
Quote: على اليمين البورد بقا دا قدر ما تضارى... تجيك المشكلة في صمت خشمك
Post: #16 Title: Re: والله المغتربين السودانيين البيجوا السودان اجازات ويرجعوا حيرونا . Author: حيدر حسن ميرغني Date: 10-23-2012, 09:33 AM Parent: #6
ياحبيب كل زول بيكوَن إنطباعاتو حسب قرايتو لوضع البلد الناس دي كلها شاهدة على عصرها ولابد ان يكون هناك اختلاف في شهادتهم البلد زي الكتاب والمواطن لابد ان يكون في وضع الناقد
-- ارجى شهادتي
Post: #10 Title: Re: والله المغتربين السودانيين البيجوا السودان اجازات ويرجعوا حيرونا . Author: جلال جبريل Date: 10-23-2012, 09:27 AM Parent: #5
قصص حقيقية وحاصلة .... إنت حا تحدد لي الناس يقولو شنو يا ناذر؟
Post: #7 Title: Re: والله المغتربين السودانيين البيجوا السودان اجازات ويرجعوا حيرونا . Author: وضاحة Date: 10-23-2012, 09:25 AM Parent: #1
الايدوا فى المية ما زى الايدوا فى النار
انت ضارب السوق وساكن فى العمارة الحمرة حارقك شنو ههههههههههه
واتعوتوا على ال و سخ ديل طعلوا برة وشافوا بلاد نطيفة
نظافة فى البئية والصحة والشوارع المخططة
الناس دى مجبورة تجى السودان علشان اهلها الموجوديين فى السودان لو بقدروا يطلعوهم ما كان مافى زول جاء فى بلد حكومتها كيزان حرامية فاسدين بشتنوا البلد ودمروها
عدم تخطيط عدم عقل ديل ياخى حيرونا زاتوا اى نوع البشر هولاء
وبلد تفتقد لى ادنى متطلبات الانسان علشان يعيش شوف دا لو زول ما مجبور بجى بلد زى دى
تجيك العصاءة التكسر راسك بكرة جدى حامد ابعصاءة سيف
قال جايين ليه
سمااااااان وضاربيين الحرام لكن الله اكبر عليهم
يهدهم ويزيلن قادر يا كريم
Post: #14 Title: Re: والله المغتربين السودانيين البيجوا السودان اجازات ويرجعوا حيرونا . Author: هشام المجمر Date: 10-23-2012, 09:30 AM Parent: #7
يا ناذر
سلام
كل زول على كيفو مش؟
انت على كيفك تقعد تقوم.... فى السودان و عاجبك
برضو المغتربين على كيفم يؤجزوا فى السودان و يرجعو يكتبو
الحرية لنا و لسوانا خلى الناس ينضمو يااااخ
Post: #11 Title: Re: والله المغتربين السودانيين البيجوا السودان اجازات ويرجعوا حيرونا . Author: فايزودالقاضي Date: 10-23-2012, 09:27 AM Parent: #1
ناذر ...سلامات وكل سنة وانت طيب ..
Quote: يا جماعة ... ارحمونا شوية .. أأأأي عارفين البلد دي ما فيها سستم وما ماشة عديل وفيها باعوض قدر الضبان ،وشوارع الزلط كلها حفر وبتكسر مساعدات عرباتكم والموية وسـخـانة وبتضر أغشية جدران معدتكم ..!! والمعيشة غالية وسعر كيلو الطمطم بي 10 دولار والتعليم في الواطة والمستشفيات الكهرباء فيها بتقطع في نص العملية .. دا كلو عارفنو ومعايشنو ..!!
أنحنا عاجـبانا كدة وعايشين فيها كدة بي سجما ورمادا دا ..!!
كلامك ده زاتو هسه ماياهو انطباعات زول مامغترب !!! الفرق بينك وبين المغترب انه هو قطع معايشة الانطباعات دي وانت مازلت معايشها .. فما دام الانطباعات دي واقع فماالمانع الكتابة عنها ؟ وهل الكتابة عنها تعني انهم يستعرون من وطنهم ؟ !! هو انتقاد لحال البلد وماآلت اليه في ظل من يقولون ان البلد بخير ومتقدمة ووووو يعني هم يتطلعون لسودان افضل من خلال هذه الانطباعات ...
قطع شك محرشك غريبة ...
تحياتي ،،
Post: #17 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 09:36 AM Parent: #11
جلال جبريل ..
Quote: لاترسل الاتهامات ساكت يا ناذر
يا خي انا كتبت :
Quote: وتحس إنو الكاتب بيستعر من بلدو وتاني ما بيرجع ليها كان نطط
يعني دا أحساس مش اتهام ..!!
طوالي هولتها وضخمتها ؟!!
هسي الفرق شنو بين تهويلك الأحساس لي إتهام وتهويل الزول الكتب البعوضة قدر أبو الزنان !!
عرفت المشكلة وين ؟! المشكلة في كلمة تهويل دي !!
Quote: قصص حقيقية وحاصلة ....
طيب ما انا فوق كتبت أأي انحنا عارفينها حاصلة .. بس مرات التهويل فيها بيكون مبالغ فيهو !!
بالمناسبة الرابط الجبتو دا أول مرة أشوفوا وبالمناسبة ما حا أدخلو للأسباب أعلاه !!
Post: #19 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 09:39 AM Parent: #11
وضاحة سلام ..
أول حاجة مبروك .. قالوا غازي سليمان طلع قريبك وجدكم واحد ..
Quote: واتعوتوا على ال و سخ ديل طعلوا برة وشافوا بلاد نطيفة
نظافة فى البئية والصحة والشوارع المخططة
قبل ما يطلعوا مش كان ال و س خ دا قاعد ؟!!
ولا إنتي قصدك تقولي إنهم إتخلعوا لمن طلعوا برة ؟!!
مشت السودان بعد عشرة سنين غربة معاها 4 اطفال قامت حصلت ليهم مشكلة بتاعت جوازات ومشوا المغتربيين علشان يعملوا جوازات جديدة
عارف كل يوم يقولوا ليها امشى وتعالى وجارة معاها اولادها لما الولاد زهجوا ومرضوا
بعد شهر من المساسقة غلبا الصبر ساقت اولادها ومشت دفرت ليك مكتب مدير الجوازات وردحت ليك ردحة لما خوفتن ليك ومدير الجوازات امن زاتوا
في نفس اليوم طلعوا ليها الجوازات اليوم التانى طوالى اخدت اولادها وسافرت
بمجرد ما وصلت امريكا فى المطار وهم طالعين اولادها مسكوا الجوازات وشرطوها وقالوا ليها نهاى تانى ما تقولى لينا امشوا السودان
عاوزة تمشى امشى براك للناس ال و س خ انين ديل
Post: #20 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 09:41 AM Parent: #11
ود القاضي ..
Quote: فما دام الانطباعات دي واقع فماالمانع الكتابة عنها ؟ وهل الكتابة عنها تعني انهم يستعرون من وطنهم ؟ !! هو انتقاد لحال البلد وماآلت اليه في ظل من يقولون ان البلد بخير ومتقدمة ووووو
ما في مانع بتاتا ...
لكن انا قصدت الأنطباعات البتحتوي على مبالغات مبالغ فيها !!
Post: #22 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 09:43 AM Parent: #11
حيدر ..
Quote: ارجى شهادتي
غايتو لو شهادتك فيها باعوض قدر أبو الزنان يا هو المارجيتا ..!!
Post: #23 Title: Re: والله المغتربين السودانيين البيجوا السودان اجازات ويرجعوا حيرونا . Author: Adil Ali Date: 10-23-2012, 09:44 AM Parent: #11
Quote: عبارة عن مبالغات وتهويلات
عليك الله يا ناذر بس أدينا أمثلة على ما تعتبره "مبالغة وتهويل" في البوستات التي أشرت إليها...مع توضيح المبالغة والتهويل!
Post: #29 Title: Re: والله المغتربين السودانيين البيجوا السودان اجازات ويرجعوا حيرونا . Author: محمد مختار جعفر Date: 10-23-2012, 10:15 AM Parent: #11
ناذر ود الخليفه ..أريت حالك طيب مع ما سقته وقرأته .. لكن بعد كلامك ده عن الجماعة البشنفوا ديل ..!! إن شاء الله ما يلاقوك المرة الجاية .. والبلاقيك إلا يعمل ساتر ..!!
والله كلامك فى محله ، شنيف السودان وشيل حالو ده أنا ما معاهو تب .. ضُمه ضُمه .. بس لكن الى متى .؟ وناس الحيكومه كما قالها أحمد المهدي زمان ضاربين طناش وما فاضيين من اللغفي والحاله ماشه لى وراء والتقيل وراء ( ده الجيب ) زمان الجيوب التقيله كانت عند ناس أبو العلا وعثمان صالح وأولاد البربري .. والخ والجماعة قبل الإغتراب ماكان شافو الدنيا بره كيف ..!! ورجعوا وقارنوا.. ، كمان الحكايه يا ناذر جابت ليها زواج من بنات بره شيء من المغرب وشيء من الفلبين ..ومن مروتانيا وبلاد الخواجات بالكوم ، وعيالنا بقو هيئة أمم ، ..!! غايتو ربك يصلح الحال ..
Post: #13 Title: Re: والله المغتربين السودانيين البيجوا السودان اجازات ويرجعوا حيرونا . Author: Fawzi Babiker Date: 10-23-2012, 09:30 AM Parent: #1
سلامات يا ناذر
Quote: يا جماعة ... ارحمونا شوية .. أأأأي عارفين البلد دي ما فيها سستم وما ماشة عديل وفيها باعوض قدر الضبان ،وشوارع الزلط كلها حفر وبتكسر مساعدات عرباتكم والموية وسـخـانة وبتضر أغشية جدران معدتكم ..!! والمعيشة غالية وسعر كيلو الطمطم بي 10 دولار والتعليم في الواطة والمستشفيات الكهرباء فيها بتقطع في نص العملية .. دا كلو عارفنو ومعايشنو ..!!
عليك الله تانى فضل شنو!!! يا ناذر ياخ انتو اتعودتو على الوضع نحن بنجى ولسع فى راسنا السودان القديم والاخلاق العالية. يلا تعال شوف التعامل بى العقلية القديمة دى بخليك تكون سازج شديد واى زول بغشك ابتداء من سائق الامجاد لحد الشحادين فى السوق.
الشى المحيرنى بعرفوك مغترب كيف!!! انا مثلا اسمر يعنى ما سودانى ابيض عشان تقول لونى فاتح وظاهرة على علامات الراحة!!!!وكمان بلبس جلابية وطاقية لكن بالرغم من كدة الناس بتتعامل معاى على انى مغترب. بعرفو كيف الله اعلم.
والله يا ناذر ما بنقدر نخليها وبنتحمل الباعوضة والضبان ومرض الاطفال عشان نقضى يومين حلوين مع الاهل... ياخ الواحد بكون مرتاح جدا فى السودان ولمان يضحك بتحس الضحكة جاية من جوه شديد.
يا اخى زى ما قالت الطيرة بتاعت الابتدائى ديك لا شئ يعدل الوطن.
كل الود
Post: #18 Title: Re: والله المغتربين السودانيين البيجوا السودان اجازات ويرجعوا حيرونا . Author: جلال جبريل Date: 10-23-2012, 09:39 AM Parent: #13
Quote: بالمناسبة الرابط الجبتو دا أول مرة أشوفوا وبالمناسبة ما حا أدخلو للأسباب أعلاه !!
Post: #24 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 09:46 AM Parent: #18
هشام سلام ..
Quote: برضو المغتربين على كيفم يؤجزوا فى السودان و يرجعو يكتبو
الحرية لنا و لسوانا خلى الناس ينضمو يااااخ
أيوة ينضموا .. انحنا الجوة بننضم لكن ما بنبالغ ونهول زي كأنو البلد ساكنينها أكلة لحوم بشر ..!!
Post: #21 Title: Re: والله المغتربين السودانيين البيجوا السودان اجازات ويرجعوا حيرونا . Author: مازن فيصل هلال Date: 10-23-2012, 09:43 AM Parent: #13
Quote: ديل طعلوا برة وشافوا بلاد نطيفة
نظافة فى البئية والصحة والشوارع المخططة
الناس دى مجبورة تجى السودان علشان اهلها الموجوديين فى السودان لو بقدروا يطلعوهم ما كان مافى زول جاء فى بلد حكومتها كيزان حرامية فاسدين بشتنوا البلد ودمروها
عدم تخطيط عدم عقل ديل ياخى حيرونا زاتوا اى نوع البشر هولاء
وبلد تفتقد لى ادنى متطلبات الانسان علشان يعيش شوف دا لو زول ما مجبور بجى بلد زى دى
Post: #25 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 09:48 AM Parent: #21
سلام عادل ..
Quote: عليك الله يا ناذر بس أدينا أمثلة على ما تعتبره "مبالغة وتهويل" في البوستات التي أشرت إليها...مع توضيح المبالغة والتهويل!
في واحدة ما عارفك سمعت بيها ولا لا ..!!
زول كاتب الضبانة قدر أبو الزنان وصوتا زي صوت الهليكوبتر ..!!
Post: #28 Title: Re: والله المغتربين السودانيين البيجوا السودان اجازات ويرجعوا حيرونا . Author: طلحة عبدالله Date: 10-23-2012, 09:55 AM Parent: #25
جليتا ثابتة يا ناذر أخوي مع التحية .
Post: #35 Title: Re: والله المغتربين السودانيين البيجوا السودان اجازات ويرجعوا حيرونا . Author: عبد اللطيف بكري أحمد Date: 10-23-2012, 11:19 AM Parent: #25
زول كاتب الضبانة قدر أبو الزنان وصوتا زي صوت الهليكوبتر ..!!
--- حبيبنا كيفك،،
أنا أخوي عسكري نفر في السودان كنا نايمين في غرفة واحد صحى نص الليل مخلوع : يازول مالك؟؟ قال لي والله صوت الباعوض دا أنا قايل بيت بكى وكأنو في زول مات في الحلة ههههههههههههه
تقول لي مغتربين؟؟؟؟
هههههه
Post: #26 Title: Re: والله المغتربين السودانيين البيجوا السودان اجازات ويرجعوا حيرونا . Author: nazar hussien Date: 10-23-2012, 09:50 AM Parent: #21
Quote: يلقوها محل ما أجزوا هناك ..
إنت بالذات البلد دي عاجباك لمن تأجز فيها وأنا عارف العاجبك فيها شنو ههه
هههههههههههههههههههههههههههههه
إصلا البلد بتعجب الكيزان الزي كدي...
يمين يا ناذر قدر ما اجزت في بلاد الله الواسعة دي ما قدرت استمتع كما استمتع بإجازتي في السودان
Post: #27 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 09:55 AM Parent: #21
سلام فوزي ..
Quote: الشى المحيرنى بعرفوك مغترب كيف!!!
من الشكوى الكتيرة ..!!
المغترب طوااالي في حالة شكوى .. الشوارع مافيها نور .. المستشفى مويتو قاطعة .. الكهرباء قاطعة ليها سبعة ساعات !! الموية ريحتا متغيرة ! بتاع العربية القدامي قطع الأشارة .. العسكري بتاع المرور نهرزني !! الموظف في وزارة المالية ما اتعامل معاي كويس !!! محل ما أنا مغترب الموية في المواسير بنكهة ريحة الورد ، محل ما أنا ساكن العيش بنشتريهو من الأجزخانة .. !!
وكدة ..!!
لأنو العايشين هنا الحاجات دي بقت عادي عندهم وما بيشتكوا ..!!
Post: #30 Title: Re: والله المغتربين السودانيين البيجوا السودان اجازات ويرجعوا حيرونا . Author: Adil Ali Date: 10-23-2012, 10:17 AM Parent: #27
Quote: زول كاتب الضبانة قدر أبو الزنان وصوتا زي صوت الهليكوبتر ..!!]
طيب يا ناذر إنت "المبالغات والتهويلات" (الجادة) الزي دي هي أساس حيرتك والسبب الذي دفعك لكتابة البوست؟ ام تريد القول أن هذا الوضع المذري هو واقع السودان...والداير يجي ويقطّع أي معاناة في مصارينه (ويخرس) والما داير ماااا يجي؟ داير تقول شنو؟
Post: #31 Title: Re: والله المغتربين السودانيين البيجوا السودان اجازات ويرجعوا حيرونا . Author: على محمد الخير Date: 10-23-2012, 10:19 AM Parent: #27
تحياتى ناذر ،،
كلامك كله صاح المغتربين مزودنها شوية .. وفى نوع كده مكترنها خالص لمن بى هناك بوست فى الصميم..
Post: #32 Title: Re: والله المغتربين السودانيين البيجوا السودان اجازات ويرجعوا حيرونا . Author: حيدر حسن ميرغني Date: 10-23-2012, 10:26 AM Parent: #31
Quote: الشى المحيرنى بعرفوك مغترب
إيش لونكم؟ اللون لون الله
Post: #33 Title: Re: والله المغتربين السودانيين البيجوا السودان اجازات ويرجعوا حيرونا . Author: بشير جبريل علي Date: 10-23-2012, 10:34 AM Parent: #32
Quote: زي كأنو البلد ساكنينها أكلة لحوم بشر ..!!
أنت يا ناذر ما عارف يعني .. البلد حاكمنها آكلة لحوم البشر والناس على دين ملوكهم يلوكوا .. خليهم ينطبعوا ولا يتطبعوا براحتهم ..هي بقت على التهويل، تهويل.. تهليل ..تكبير.. كلو زي بعضوا ..
تحياتي ..
Post: #34 Title: Re: والله المغتربين السودانيين البيجوا السودان اجازات ويرجعوا حيرونا . Author: أحمد ابن عوف Date: 10-23-2012, 11:13 AM Parent: #33
عشان كده يا ناذر الناس بتعارض الدكتاتورية
لأن المعيشة مع دكتاتور وكمية دكتاتوريين بالكوم زي الكيزان ديل ولمدة 23 سنة بالضرورة ح تخلق طبقة من الشعب، لا شعوريا كده ببقى سلوكهم اقرب الى حكامهم يعني بخلقوا دكتاتوريين صغيرين (لا دستوريين) زيك كده يا ناذر
انت "حر" تفتح البوست دا وتنتقد المنتقدين وترجى الراجيك بس من العالم المعنيين بالامر دا وبالمناسبة هم 8 مليون
اها يا اخوانا الدكتاتور الجديد ناذر بقول ليكم ما تبالغوا، فانصاعوا للأمر والا
تخيلوا معاي ناذر دا بقدره قادر بقى دستوري
اقلاها بكتبكم تعهد وانتو جايين وفي المطار، وتقروا بأنكم ابلغتم رسميا بأن البلد حالتها صعبة ومكركبة ومعفنة وقبلتم بذلك، و قررت الدخول الى البلاد، وهذا التعهد يلزم صاحبة ان لا "ينقنق" بعد مغادرة البلاد بتاتا، وما تحكي لصحبك زاتو
حبيبنا ناذر كل عام وانت بالف خير وصحة وعافية اولا .. اما عن موضوع البوست فانت عارف وانا عارف بس احسن الواحد يبكي بس ويقش دموعو بالدس لانو لو عايز اكتب عن المعاناة الفي الإجازة والإجاة القبلها والإجازات التالية حا احتاج لي بوستات وبوستات ,,, بس ما تحسبني مع الجماعة لانو انا نقدي بيكون بناء وواقعي وليس فيه مبالغات او تهويل ، ولك ودي وتقديري ..
تحياتي : ياسر العيلفون
Post: #37 Title: Re: والله المغتربين السودانيين البيجوا السودان اجازات ويرجعوا حيرونا . Author: عمر عبد الخالق سعيد Date: 10-23-2012, 11:39 AM Parent: #33
ناذر صديق السابق مشتاقين ياخ
هاك دي
مرة جيت من دبي والصباح مشيت للحلاق
بعد ماعمل اللازم قالي : اسمع اعمليك تنضيف بشرة "علي الطلاق" يقولو هسع دي جاي من دبي
__________
غباشتنادي اصلو ما بتروح
Post: #38 Title: Re: والله المغتربين السودانيين البيجوا السودان اجازات ويرجعوا حيرونا . Author: عمر عبد الخالق سعيد Date: 10-23-2012, 11:39 AM Parent: #33
ناذر صديقي السابق مشتاقين ياخ
هاك دي
مرة جيت من دبي والصباح مشيت للحلاق
بعد ماعمل اللازم قالي : اسمع اعمليك تنضيف بشرة "علي الطلاق" يقولو هسع دي جاي من دبي
__________
غباشتنادي اصلو ما بتروح
Post: #39 Title: Re: والله المغتربين السودانيين البيجوا السودان اجازات ويرجعوا حيرونا . Author: عمر عبد الخالق سعيد Date: 10-23-2012, 11:39 AM Parent: #33
ناذر صديقي السابق مشتاقين ياخ
هاك دي
مرة جيت من دبي والصباح مشيت للحلاق
بعد ماعمل اللازم قالي : اسمع اعمليك تنضيف بشرة "علي الطلاق" يقولو هسع دي جاي من دبي
__________
غباشتنادي اصلو ما بتروح
Post: #40 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 10-23-2012, 11:43 AM Parent: #33
يا ناذر الخليفة أنتو مشكلتكم اتعوتو علي عدم المبالاة وأكل حقوقكم كبشر ومواطنين عشان كدة الحكاية عندكم عادية إحنا فعلا كنا في السودان لكن المرقنا منه الحاجات دي زاتها وما معقولة نجي بعد خمستاشر سنه نلقاها زي ما هي ولمن تمشي تطلع رقم وطني يقولوا ليك لازم شهادة ميلاد تمشي لبتاعين شهادات الميلاد يقولوا ليك ما بندطلعا ليك لو ما عندك شهادة رقم وطني دة معناه شنو غير السبهلليه وعدم التنسيق لمن تكون ماشي المطار وبتاع الأمجاد يقول ليك ما بيدخلونا المطار وتجي تلقي التبرير من بتاعين المطار انو ناس الأمجاد بيحتلو في المطار طيب يكون الحل تمنع ولا توقف ليك عسكري خشم باب المطار اي زول محمل من جوة يتغرم مش الناس تصل لغاية المطار وتعتل شنطا مسافة ثلاث كيلو هسي دي ما فلسفة فارغة وعبط واستهتار بالناس يا ناذر لية يكون في بعوض من اصلو البعوض دة عاوز F16 عشان يبيدوة ما حبة جمكسين وشوية ضمير من ناس المعتمدية يجففوا المنابع وأماكن التوالد يا ناذر لية الكهربا تقطع سبع او ست ساعات وكمان تقطع في المستشفي في نص العملية والعيان بطنو مفتوحة ان كان بعد سد مروي الكهربا بتقطع وقبلها بتقطع مغرقين امري ومشردين اهلها ما دام الحال من قبل ومن بعد واحد يا ناذر الموضوع احيانا ما بيكون موضوع إمكانيات بس لكن بتكون مشكله عدم الإحساس بالمسئولية يعني شارع يتعمل كويس بس ما فية وسائل سلامة كافية وكل يوم والتاني حادث لغاية ناس الحله يثوروا ويعملوا مظاهرات اها الزول الخطط والتاني النفذ والثالث الاستلم المشروع دة ما في واحد فيهم انتبه ولا كلهم بيكونوا انتبهوا لكن بيعملو فيها رايحبن عشان عارفين ما في واحد حا بجي يسالهم ليه قصرتو ودة كله كوم واستغفال ناس الحكومة وأكل أموالك بالباطل دة كوم براة تصدق في المغتربين بيجبروك تطلع حاجة كدة اسمها بطاقة مغترب بكم الف كدة ولمن تسال الفائدة منها شنو يقولو ليك بتسجل فيها الايصالات اها الحكاية دي حرقتني وابيت ادفع عارف لمن اتعكست معاي أنا مصر ما اطلعها وموظف المغتربين حالف الا اطلعها مشيت للبنات بتاعين مكاتب الخدمات وسألت واحدة أنا عاوز تأشيرة من غير ما اطلع بطاقة مغترب وقاولتها تقريبا بنفس سعر البطاقة وقلت أحسن تاخدهم البت دي من ياخدهم كرار التهامي يتجدع بيهم في الفنادق ولا يكب بيهم بنزين والله يا ناذر لو كنت بحكي ليك كل يوم البيحصل معاي في الشارع ولا مكاتب الحكومة كان طردتني وقلت لي تاني ما تجي بي هنا لأني عارف كنت حا اجننك
وأقول ليك حاجة والله لو ما سوبا حلوة ما كنا عتبنا السودان دة
يا خي الحيرة في شنو الواحد لو المغترب كتب شئ حقيقي ما فيها شئ ، بس المهم الواحد يكون صادق فيما ينقله للآخرين ، يعني عشان بيكره الحكومة ما يقعد يكذب ويكيل الاتهام ويجد من خلفه من يصفق له ويؤيده دون معرفة الحقيقة ، ولا يخفى عليك حبنا للسودان يخلينا نقول الحاجات الحاصلة ممنيين النفس أن تكون بلادنا مثل تلك البلاد التي أتينا منها ، من حيث مستوى التعامل ومستوى النظافة العامة ، فأما مستوى المعيشة لا نستطيع الحكم فيها لأنها تفضيل من الله سبحانه وتعالى ( وفضلنا بعضكم على بعض في الرزق ) .
والمغتربون يختلفون حين حضورهم منهم من يود العيش مترفاً والتصرف كما يعيش في بلاد الغربة ، ومنهم من لا يشعرك بأنه أصلا مغترب وفي النهاية رغم إختلافهم إلا أنهم أبناء الوطن الذين أتوا لزيارة أهاليهم ومعارفهم ولا يمكن أن نقول لأحد ( أنت البلد لو ما عاجبك أمشى كولالمبور أو المالديف ) .
يا ناذر
شاءت الظروف أن أحضر مرتين خلال هذا العام ( شهري يوليو وسبتمبر) وكعادتي أقضي إجازتي بكل بساطة وسط الأهل آكلا الفول ومدافراً في المواصلات ورافعاً الفاتحات وزائراً المستشفيات ، ورغم إختلاف الحياة هنا في الغربة وهناك في السودان إلا أنني كلما شاهدت منظراً مؤلماً أو موقفاً محزناً أو تعاملاً سيئاً أتمنى أن نكون الأفضل ، وبالمناسبة في بوست لأحد الزملاء بعنوان ما معناه ( الكلاكلات تتحول لكوش وقاذورات) نقلت ما شاهدته من جيف لكـلبيـن ميتين في شارع محمد نجيب الموقع الأول على الرصيف الفاصل بإتجاه الجنوب من المغترب وقبل أن تصل كلية الخرطوم التقنية والموقع الثاني في نفس الرصيف وقبل أن تصل نهاية الصحافة شرق .
فبالله هل نسكت عن تلك المناظر القبيحة والمضرة بسمعة البلد والمضرة ببيئة البلد ؟؟ ولكم تحياتي
يعنى فى داعى للاحباط دة. اكيد ناذر يقصد مثل تلك التعليقات والانطباعات. السودان دة ما أظن يتقدم فى المستقبل القريب ينقصنا شئ يسمى "حب الوطن" والوطن ما لازم يكون جنة الله فى الارض لكى نتماهى فى حبه. الوطن قد يكون صحراء قاحلة "تذكرت فى تلك اللحظة السنوسى بدر عضو المنبر نتمنى عودته" او قد يكون ارض جدباء او جبال او او. ما يهم هو الانتماء الصادق وحب الوطن. ولو توفير هذان الركنان ياتى العمل الصادق لرفعة الوطن. ياخى انظروا لاقرب جيران لنا "المصريين" فرغم شظف العيش لغالبيتهم والفقر المدقع وهجرتهم -قبل ان يعرف السودانيين الهجرة- الا ان حب الاوطان يتملكهم ولا يستطيع كائن من كان ان يسب او يسئ الى 'مصر' فى وجود مصرى حتى ولو خارج مصر ولو حدث هذا فكانما اعتديت على شخصه.
فقط قليل من حب الوطن وبعض انتماء. الحكومات تذهب وتتبدل ولو بعد خمسين عام، وتبقى الاوطان.
:-|
Post: #76 Title: Re: والله المغتربين السودانيين البيجوا السودان اجازات ويرجعوا حيرونا . Author: Osman Musa Date: 10-23-2012, 03:51 PM Parent: #40
عزيزنا ود الخليفة سلامات عاين . عندنا صديق بعد زمن رجع السودان من كلفورنيا ومعاو بتو عمرها 7 سنة . نزل مطار الخرطوم الصباح بدري ومن المطار علي شندي سريع . في ينطون شندي . يازول البنطون كان مليان لواري وناس وقش وشوالات شطة وحمير والدنيا هايصة . زول كلفورنا بتو خافت وقالتلو . بابي بابي أنتو الليلة عندكم يوم القيامة ؟ السودان صعب ومريح وجايط و جميل جمال يحيرك .
Post: #42 Title: Re: والله المغتربين السودانيين البيجوا السودان اجازات ويرجعوا حيرونا . Author: أبو ساندرا Date: 10-23-2012, 11:55 AM Parent: #33
الفنان ناذر الخليفة : أأأأي عارفين البلد دي ما فيها سستم وما ماشة عديل وفيها باعوض قدر الضبان وشوارع الزلط كلها حفر وبتكسر مساعدات عرباتكم والموية وسـخـانة وبتضر أغشية جدران معدتكم ..!! والمعيشة غالية وسعر كيلو الطمطم بي 10 دولار والتعليم في الواطة والمستشفيات الكهرباء فيها بتقطع في نص العملية .. دا كلو عارفنو ومعايشنو ..!! --------------------------------------------------------------------------------
ياشباب ناذر عنده إنتقادات عايز يوجهها و أهو قالها اعلاه فأعطوه حقه في النقد
ما قريت كل المداخلات .. بس الواضح ان معظم الناس ساخطة علي نازر ! لانهم كرههو بي بوستاهم العجيبه كروهنا معاهوووو..
حقيقة البوست مهم جدا وكلام نازر عداهو العيب .. ما ياهوو السودان بتاع ذمان - نفس الخيران البحفروها قبل الخريف بـ 13 يوم .. ومن سنة 70 ونفس زحمة المواصلات - نفس السلفه البدونا ليها للعلاج .. في المراكز الصحية - نفس الشوارع ومحفرة - نفس سرسرة الموية .. وحركات الكهربا ... - نفس صينة الاكل المدورة و الفيها صحن صحنين والعيش داير مايدور .. : : : :
حقيقة الناس العايشه بره السودان لاعايشين رفاهية ولا حاجه ما خدين شلوت في راسهم عنطظة في الفاضي ساكت ..
Post: #36 Title: Re: والله المغتربين السودانيين البيجوا السودان اجازات ويرجعوا حيرونا . Author: Hafiz Bashir Date: 10-23-2012, 11:23 AM Parent: #32
تم حذفه إستجابة لطلب أحمد أبن عوف
Post: #41 Title: Re: والله المغتربين السودانيين البيجوا السودان اجازات ويرجعوا حيرونا . Author: أحمد ابن عوف Date: 10-23-2012, 11:45 AM Parent: #36
Post: #43 Title: Re: والله المغتربين السودانيين البيجوا السودان اجازات ويرجعوا حيرونا . Author: بشير أحمد Date: 10-23-2012, 12:00 PM Parent: #36
ياحافظ امسح البطيخة دي.
_______
تحياتي ياناذر.
Post: #44 Title: Re: والله المغتربين السودانيين البيجوا السودان اجازات ويرجعوا حيرونا . Author: أحمد ابن عوف Date: 10-23-2012, 12:04 PM Parent: #43
شكرا حافظ
Post: #48 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 01:09 PM Parent: #44
أنا جيت وحا ابدأ من الأخر ..
كدي اول حاجة ورونا حافظ كتب شنو ؟
ا نشالله رسلوها لي في الماسنجر ..!!
Post: #49 Title: Re: والله المغتربين السودانيين البيجوا السودان اجازات ويرجعوا حيرونا . Author: بشير أحمد Date: 10-23-2012, 01:19 PM Parent: #48
ياناذر خليك مع المغتربين ياخي؛
Post: #50 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 01:39 PM Parent: #44
سلام محمد مختار ..
Quote: ناذر ود الخليفه ..أريت حالك طيب مع ما سقته وقرأته .. لكن بعد كلامك ده عن الجماعة البشنفوا ديل ..!! إن شاء الله ما يلاقوك المرة الجاية .. والبلاقيك إلا يعمل ساتر ..!!
يا خي هو شناف ساي ..!!
طيب قول شنفوا ومعاهم حق انحن ذنبنا شنو يشبكونا (بلدكم سوت وبلدكم تركت) ..!! او زي ما قال تاج السر الواحد يشوف حاجة ما ياها يمط شلوفتو ويقول ليك (والله السودانيين ديل بلا بلا بلا بلا ...)
انحنا غايتو في الخرطوم دي عمدنا حاجات بنعتز بيها وأمكن ناس من المغتربين بيشوفوها تخلف .. عندك مثلا لمن نجي نعز ضيفنا بنوديهو قندهار .. حتة بلدية جدا تقعد في عنقريب تضرب الذ وأطعم شية وانت مستمتع بي موسيقى الضبان والسخانة والغبار الحواليك ..
جا الليل بنمشي سكينة في الصحافة .. نقعد في الشارع في البنابر نضرب الكوارع بي اليد اليمين واليد الشمال ننفض بيها نمل أبريش الماشي صفوف في كرعينا ..!!
ما عندنا قهاوي ..!! نعمل شنو عاد ..!! نمشي العمارات لي اميرة نشرب منها شاي باللقيمات في شارع الله دا وسط الغبار ويجي واحد سكران يطرش جمبك وأنت تواصل شاييك مستمتع ومتكيف ..!
بعض المغتربين الحاجات دي ما بتنفع معاهم وليهم حق ..!!
انتو حرين .. ما تشنفوها لينا وبتنفع معانا نحن الحارسين البلد دي ..!!
تسلم ..
Post: #51 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 01:40 PM Parent: #44
طلحة عبد الله ..
Quote: جليتا ثابتة يا ناذر أخوي مع التحية
العكس ... في التنك عديل ..!
Post: #52 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 01:41 PM Parent: #44
عبد اللطيف ..
Quote: أنا أخوي عسكري نفر في السودان كنا نايمين في غرفة واحد صحى نص الليل مخلوع : يازول مالك؟؟ قال لي والله صوت الباعوض دا أنا قايل بيت بكى وكأنو في زول مات في الحلة ههههههههههههه
تقول لي مغتربين؟؟؟؟
هههههه
هههههههههه
Post: #53 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 01:45 PM Parent: #44
سلام نزار ..
Quote: يمين يا ناذر قدر ما اجزت في بلاد الله الواسعة دي ما قدرت استمتع كما استمتع بإجازتي في السودان
القصة قصة تعايش مع الواقع ..
ما مابين التطور والتقدم لو لقيناهو .. لكن أهو دا واقعنا والبلاد الفيها المغتربين سابقننا بي مية سنة على الأقل نسوي شنو ؟! بعدين ما في داعي الشناف دا يقولوهو لينا قدامنا .. ما تتصور كمية الأحباط والقرف البنشعر بيها لمن زول يقول كدة ..
يا خي اهندييك الحكومة امشوا عليها دوغري ووروها انتو عايشين كيف والسودانيي ديل عايشين كيف ..!!
Post: #54 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 01:49 PM Parent: #44
عادل علي ..
Quote: ام تريد القول أن هذا الوضع المذري هو واقع السودان...والداير يجي ويقطّع أي معاناة في مصارينه (ويخرس) والما داير ماااا يجي؟ داير تقول شنو؟
داير أقول الشنافة واللفافة ما في داعي ليها لأنو تعتبر نوع من الأستفزاز .. ما في داعي تكون حايم مع مغترب في السودان وهو يعلق على كل حاجة وكل دقيقتين يقول ليك (إنتو عايشين كيف مع الوضع دا) ..!! أها زي دا نقول ليو شنو ؟!
نموت يعني ؟!! ما ياهو دا الوضع المن زمان وقبل ما يطلع خلاهو ..!! قسمة ربنا .. نكفر ؟ نرتد ؟ نطفش ..
نطلع مظاهرات ؟!!
قبل ما تقول ايوة بقول ليك المظاهرات دي ما طالعينها لحدي ما الباقين كلهم يرجعوا ونطلع سوا ..!!
Post: #55 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 01:54 PM Parent: #44
شكرا يا علي الخير ..
Quote: كلامك كله صاح المغتربين مزودنها شوية .. وفى نوع كده مكترنها خالص لمن بى هناك بوست فى الصميم..
المزودينها ديل مرات ببالغوا ولو صدقوا .. ببالغوا في طريقة سردهم وكأنو الزول القدامم دا لسع في طور رجل الكهف الأول وما شاف شي من الحضارة أصلو ..
يقول ليك (عندنا في بلدنا الواحد كان ما أكل حبتين برقوق مع الفطور دورتو الدموية ما بتكتمل) ..!!
بالله برقوق بالغين ؟!
هو البرقوق دا شنو ؟ يبقى شنو لي ود ابرق ؟! يقرب شنو لي الطيرة الاسمها الغرنوق ..!!
طيب قول كلامو صاح .. نحن دورتنا الدموية دي اكتملت كيفن بدون الطيرقوق دا ؟!
Post: #56 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 01:56 PM Parent: #44
سلام بشير ..
Quote: أنت يا ناذر ما عارف يعني .. البلد حاكمنها آكلة لحوم البشر والناس على دين ملوكهم يلوكوا ..
أنا غايتو ما حصل أكلت لي مغترب ..!!
Post: #58 Title: Re: والله المغتربين السودانيين البيجوا السودان اجازات ويرجعوا حيرونا . Author: إسماعيل التاج Date: 10-23-2012, 02:08 PM Parent: #56
غايتو تقعد ترد على الـ 5 مليون مغترب صلاة العيد بتفوتك .
Quote: أأأأي عارفين البلد دي ما فيها سستم وما ماشة عديل وفيها باعوض قدر الضبان ،وشوارع الزلط كلها حفر وبتكسر مساعدات عرباتكم والموية وسـخـانة وبتضر أغشية جدران معدتكم ..!! والمعيشة غالية وسعر كيلو الطمطم بي 10 دولار والتعليم في الواطة والمستشفيات الكهرباء فيها بتقطع في نص العملية .. دا كلو عارفنو ومعايشنو ..!!
إنت زول حاقد ساكت ومعارض تعمل على تشويه صورة البلد. الحاجات دي كلها أنا ما شفت فيها حاجة. خليك موضوعي شوية.
Post: #57 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 02:05 PM Parent: #44
أحمد ..
Quote: يعني بخلقوا دكتاتوريين صغيرين (لا دستوريين) زيك كده يا ناذر
كيف الكلام دا يعني ؟!!
Quote: انت "حر" تفتح البوست دا وتنتقد المنتقدين وترجى الراجيك بس من العالم المعنيين بالامر دا وبالمناسبة هم 8 مليون
اها يا اخوانا الدكتاتور الجديد ناذر بقول ليكم ما تبالغوا، فانصاعوا للأمر والا
لاحظوا يا شباب أحمد الكتب الكلام دا هو نفسو القبل شوية خاى حافظ يبلع كلامو بعد ما طلب منو يحذف مداخلتو ..!!
حافظ دا صغير ولا كبير ولا انت وصي عليو ؟! ليه تدي نفسك حق تفرض على الناس تكتب شنو وما تكتب شنو ؟!
مهما كان تبريرك .. لكن أنت هنا مارست دكتاتورية لا دستورية على حافظ .. مش دا ياهو كلامك ؟!
أنا ما طلبت من زول ما يكتب .. دا منبر نقاش وتداول أفكار .. انا طلبت عدم التضخيم والتهويل البيعملوها بعض من كتاب المشاهدات والانطباعات هنا ولمن يرجعوا السودان يملونا شناف ..!!
Quote: تخيلوا معاي ناذر دا بقدره قادر بقى دستوري
أها قول تخيلنا ...
Quote: اقلاها بكتبكم تعهد وانتو جايين وفي المطار، وتقروا بأنكم ابلغتم رسميا بأن البلد حالتها صعبة ومكركبة ومعفنة وقبلتم بذلك، و قررت الدخول الى البلاد، وهذا التعهد يلزم صاحبة ان لا "ينقنق" بعد مغادرة البلاد بتاتا، وما تحكي لصحبك زاتو
كلنا بننقنق وعارفين حالة البلد .. بس الشناف ما دايرنو .. مش أكتبكم تعهد وبس .. كمان أعمل ليهو دمغة اسمها (دمغة فاقد شنافي) على وزن فاقد ضريبي .. لأنو اكيد المغترب دا بيكون وهو راكب مع بتاع الركشة او الأمجاد فكا ليهو شنافتين تلاتة في الطريق وفاكر روحو على حل من التعهد الكتبو ..!!
Post: #60 Title: Re: والله المغتربين السودانيين البيجوا السودان اجازات ويرجعوا حيرونا . Author: أحمد ابن عوف Date: 10-23-2012, 02:09 PM Parent: #57
ناذر
انا ما عندي اضافة على الكلام القلتو، وما عندي تعليق على ردك لي، كفيت ووفيت
بس جيت اوضح حاجة
الاخ حافظ حكى نكتة وفيها كلمة بالدارجي ان قيلت بالفصحى مافيها مشكلة ههههههه
Post: #59 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 02:09 PM Parent: #44
ياسر العيلفون كيفك .. ...
Quote: اما عن موضوع البوست فانت عارف وانا عارف بس احسن الواحد يبكي بس ويقش دموعو بالدس
الدس دي زااتا الدايرنها في حالة الأنتقاد داخل السودان ..
لانو شي مستفز تكون حايم مع مغترب وهو شابكك .. دا بتاكلوهو كيف ؟ دا بتشربوهو كيف ؟ بتطلعوا شنو في الحمام لو أنتو بتاكلو جنس الحاجة دي ؟!!
لمن الزول يرجع برة السودان بعد دا ياخد راحتو ويشبك صاحلو هناك .. السودانيين ديل .. والبلد ديك .. وام جقاجق البياكلوها بي كسرة بايتة ..!!
Post: #61 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 02:12 PM Parent: #44
صحبي عمر عبد الخالق ..
Quote: مرة جيت من دبي والصباح مشيت للحلاق
بعد ماعمل اللازم قالي : اسمع اعمليك تنضيف بشرة "علي الطلاق" يقولو هسع دي جاي من دبي
ههههههههههااااااااي دي قوية ومعاهو حق ..!!
Quote: غباشتنادي اصلو ما بتروح
متذكر لمن قابلتك في شارع النيل بالليل أول مرة مع الشباب ومتفرشخ في النجيلة ..! أنا زااتي بعد ما شفتك وسلمت عليك قلت في روحي هسي عمر دا جاي من دبي ولا جاي من الدبة ههههههه !!
مشكور على التلات مداخلات أم أصل ونسختين دي دي ..!!
ماعارف الناس دي عايشه في السودان ده كيف..سخانه ألف ..مفروض يعرشوا البلد كلها ويعملوا تكييف عشان الناس ترطب..
--------------------
كيف دي معاك ؟
Post: #68 Title: Re: والله المغتربين السودانيين البيجوا السودان اجازات ويرجعوا حيرونا . Author: MOHAMMED ELSHEIKH Date: 10-23-2012, 02:40 PM Parent: #61
ابو النيز اسمع دي واحد صاحبي عايز يمقلبني وانافي الطريق للسودان. وداني لحلاق لبناني الراجل مقعدني تلات ساعات يملس ويحكحك ويجلخ انا قلت الليلة حا ادفع 50 ريال سعودي(الريال=1520 ج) يازول لعت ليك ورقة ابو مائتين وسلمتها ليه صاحبك قبضها ودخلها في جيبتو طبعا عرفت الحكحيك داك بي حقو وطلعت على أمل أن يكون الراجل دا ظبط لي الأمور تمام وخلاني شبه عريس. سافرت للسودان وأنا متكيف يقوم بعد يومين يلاقيني ليك صاحبي وآخر مرة شفتو كان سنة 96 وقد فاجأني سائلا:
ويييين ياود الشيخ ؟ قاعد في خرتومنا دي ولا حايم في الأقاليم؟"
تقول لي دبي
Post: #62 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 02:26 PM Parent: #44
سلام الزبير ..
Quote: يا ناذر الخليفة أنتو مشكلتكم اتعوتو علي عدم المبالاة وأكل حقوقكم كبشر ومواطنين عشان كدة الحكاية عندكم عادية إحنا فعلا كنا في السودان لكن المرقنا منه الحاجات دي زاتها وما معقولة نجي بعد خمستاشر سنه نلقاها زي ما هي
والله بيني وبينك جلدنا بقى تخين لكن نعمل شنو .. دي ظروف بلد ووضع سياسي واقتصادي قائم ..!!
Quote: ولمن تمشي تطلع رقم وطني يقولوا ليك لازم شهادة ميلاد تمشي لبتاعين شهادات الميلاد يقولوا ليك ما بندطلعا ليك لو ما عندك شهادة رقم وطني دة معناه شنو غير السبهلليه وعدم التنسيق لمن تكون ماشي المطار وبتاع الأمجاد يقول ليك ما بيدخلونا المطار وتجي تلقي التبرير من بتاعين المطار انو ناس الأمجاد بيحتلو في المطار طيب يكون الحل تمنع ولا توقف ليك عسكري خشم باب المطار اي زول محمل من جوة يتغرم مش الناس تصل لغاية المطار وتعتل شنطا مسافة ثلاث كيلو هسي دي ما فلسفة فارغة وعبط واستهتار بالناس يا ناذر لية يكون في بعوض من اصلو البعوض دة عاوز F16 عشان يبيدوة ما حبة جمكسين وشوية ضمير من ناس المعتمدية يجففوا المنابع وأماكن التوالد يا ناذر لية الكهربا تقطع سبع او ست ساعات وكمان تقطع في المستشفي في نص العملية والعيان بطنو مفتوحة ان كان بعد سد مروي الكهربا بتقطع وقبلها بتقطع مغرقين امري ومشردين اهلها ما دام الحال من قبل ومن بعد واحد
ودا المقصود بي البلد ما فيها لا سيستم لا تنظيم ..
والحال دا من سنين طويلة مما الله خلق السودان دا .. البيخلي المغتربين يتوقعوا انو حا يتغير مجرد ما هم رجعوا شنو عشان يملونا شناف لمن يكونوا جوة السودان ومبالغات وتهويل لمن يرجعوا ؟ ..
أنحن المواطنين الكحيانين والمتحملين الوضع العايشين فيهو دا .. ذنبنا شنو كمان نتحمل على العلينا إنتقادات مغترب بدل ما يوجها للحكومة يوجها للمواطنين ويقول ليهم إنتو عايشين كيف وميتين كيف ؟!
Quote: يا ناذر الموضوع احيانا ما بيكون موضوع إمكانيات بس لكن بتكون مشكله عدم الإحساس بالمسئولية يعني شارع يتعمل كويس بس ما فية وسائل سلامة كافية وكل يوم والتاني حادث لغاية ناس الحله يثوروا ويعملوا مظاهرات اها الزول الخطط والتاني النفذ والثالث الاستلم المشروع دة ما في واحد فيهم انتبه ولا كلهم بيكونوا انتبهوا لكن بيعملو فيها رايحبن عشان عارفين ما في واحد حا بجي يسالهم ليه قصرتو
تعرف يا الزبير الشارع القدامنا دا رصفوهو من اول وجديد وبقى عالي ونضيف واسود زي الأدوهو ورنيش والناس فرحت .. تخيل الحصل شنو بعد داك ؟
البيت الجمبنا مويتو انعدمت .. عملوا بلاغ جو ناس الموية اكتشفوا انو واحدة من الحفارات العملت الظلت قطعت الخرطوش .. جابوا عمال حفروا الظلط وصلحوا الماسورة وملوا الحفرة الحفروها اسفلت وهسي الحتة دي بقا فيها كُرضُمة ..!!
بعد اسبوع جو ناس الصرف الصحي عندهم معالجات في فتحات الصرف اللي هي في نص الزلط .. حاليا فاتحين تلاتة بلاعات بعد ما حفرو جمبات الظلط ومسورين الفتحات دي بي حجار ..
ما حجار عاكسة .. حجار عادية .. يعني إنت لو جيت طاير بالليل ما حا تعرفا دي حفرة الا بعد ما تقع فيها ..!!
Quote: تصدق في المغتربين بيجبروك تطلع حاجة كدة اسمها بطاقة مغترب بكم الف كدة ولمن تسال الفائدة منها شنو يقولو ليك بتسجل فيها الايصالات اها الحكاية دي حرقتني وابيت ادفع عارف لمن اتعكست معاي أنا مصر ما اطلعها وموظف المغتربين حالف الا اطلعها مشيت للبنات بتاعين مكاتب الخدمات وسألت واحدة أنا عاوز تأشيرة من غير ما اطلع بطاقة مغترب وقاولتها تقريبا بنفس سعر البطاقة وقلت أحسن تاخدهم البت دي من ياخدهم كرار التهامي يتجدع بيهم في الفنادق ولا يكب بيهم بنزين
دي ما لا عاملة زي بطاقة حصر اللاجئين هههههه
زمان قلنا الشكية لغير الله مزلة .. تدفع بس أو تبكي بس ..!!
Quote: وأقول ليك حاجة والله لو ما سوبا حلوة ما كنا عتبنا السودان دة
هههههههههههه عشان فيها الشيخ مش ؟!
Post: #64 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 02:30 PM Parent: #44
سلام ابو ساندرا ..
Quote: ياشباب ناذر عنده إنتقادات عايز يوجهها و أهو قالها اعلاه فأعطوه حقه في النقد
اصيل يا زعيم ..!
يلا يا جماعة .. ادونا حقنا بالله ..!!
Post: #65 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 02:34 PM Parent: #44
!!!!
Quote: العندو نقد لي موضوع بوست يمشي يقولو في البوست
ما بيفتح بوست جديد!!
يا إبن ىدم حاول أفهم .. كم مرة قلت ليك أنا ما قصدي بوست محدد .. إنت ليه شاعر إني قاصدك ومهول ومكبر الموضوع بالطريقة دي ؟
بعدين يا خي ما تمارس وصاية على الناس يكتبوا كيف .. الناس حرة ترد على البوست ولا تفتح بوست جديد ..!!
هو فتح البوستات بي قروش ؟ قول بي قروش حد طلب منك تدفع حاجة ؟!!
طيب إنت مالك ومال المغتربين يكتبو الديرنو إنت وصي عليهن؟؟
حاجة تفقع المرارة
Post: #66 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 02:37 PM Parent: #44
عبد الله كع ..
Quote: ما قريت كل المداخلات .. بس الواضح ان معظم الناس ساخطة علي نازر ! لانهم كرههو بي بوستاهم العجيبه كروهنا معاهوووو..
حقيقة البوست مهم جدا وكلام نازر عداهو العيب .. ما ياهوو السودان بتاع ذمان - نفس الخيران البحفروها قبل الخريف بـ 13 يوم .. ومن سنة 70 ونفس زحمة المواصلات - نفس السلفه البدونا ليها للعلاج .. في المراكز الصحية - نفس الشوارع ومحفرة - نفس سرسرة الموية .. وحركات الكهربا ... - نفس صينة الاكل المدورة و الفيها صحن صحنين والعيش داير مايدور ..
مش كدة بالله ؟!!
Quote: حقيقة الناس العايشه بره السودان لاعايشين رفاهية ولا حاجه ما خدين شلوت في راسهم عنطظة في الفاضي ساكت ..
دي غايتو ما متأكد منها .. لكن الأكيدة لمن أعمل رفرش للصفحة دي حا ألقى كم واحد أداك شلوت كععععععع في نص راسك هههههه
Post: #69 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 02:51 PM
مولانا أسماعيل التاج ..!!
مشتاقون يا زعيم ...
Quote: غايتو تقعد ترد على الـ 5 مليون مغترب صلاة العيد بتفوتك
ههههههه أخوك متعود يحكها مع المتداخلين كل واحد براهو لا من يعرفوا حاجة ههههههه
Post: #70 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 02:53 PM
احمد ..
Quote: الاخ حافظ حكى نكتة وفيها كلمة بالدارجي ان قيلت بالفصحى مافيها مشكلة ههههههه
بطلب منك او من فوزي إعادة كتابة النكتة بعد تغيير المفردة الدارجية ..!!
الباقي بتمو خيال ..!!
Post: #71 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 02:55 PM
سلام يا دكتور ..
Quote: ماعارف الناس دي عايشه في السودان ده كيف..سخانه ألف ..مفروض يعرشوا البلد كلها ويعملوا تكييف عشان الناس ترطب..
--------------------
كيف دي معاك ؟
قول لي أول الكلام دا انت كتبتو جوة السودان ولا برة السودان عشان بتفرق ..!
Post: #72 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-23-2012, 02:57 PM
البوست دا للأذكياء فقط .. مكانك ما هنا .. بالله أتفضل اتخارج من غير مطرود .!!
أفلست مالك .... غلبك ترد؟
قال أذكياء قال
Post: #77 Title: Re: والله المغتربين السودانيين البيجوا السودان اجازات ويرجعوا حيرونا . Author: nazar hussien Date: 10-23-2012, 03:56 PM Parent: #73
Quote: ولمن تمشي تطلع رقم وطني يقولوا ليك لازم شهادة ميلاد تمشي لبتاعين شهادات الميلاد يقولوا ليك ما بندطلعا ليك لو ما عندك شهادة رقم وطني دة معناه شنو غير السبهلليه وعدم التنسيق لمن تكون ماشي المطار وبتاع الأمجاد يقول ليك ما بيدخلونا المطار وتجي تلقي التبرير من بتاعين المطار انو ناس الأمجاد بيحتلو في المطار طيب يكون الحل تمنع ولا توقف ليك عسكري خشم باب المطار اي زول محمل من جوة يتغرم مش الناس تصل لغاية المطار وتعتل شنطا مسافة ثلاث كيلو هسي دي ما فلسفة فارغة وعبط واستهتار بالناس يا ناذر لية يكون في بعوض من اصلو البعوض دة عاوز F16 عشان يبيدوة ما حبة جمكسين وشوية ضمير من ناس المعتمدية يجففوا المنابع وأماكن التوالد يا ناذر لية الكهربا تقطع سبع او ست ساعات وكمان تقطع في المستشفي في نص العملية والعيان بطنو مفتوحة ان كان بعد سد مروي الكهربا بتقطع وقبلها بتقطع مغرقين امري ومشردين اهلها ما دام الحال من قبل ومن بعد واحد
يا الزبير
كل سنة وإنت طيب...
ناذر عايزكم بدل ما تجوا تكتبوا الخواطر دي فالبلد بلدكم...بدل ما تشنفوها وترموها ليه في الارض...وإنتو أصلا خليتوها كده...ساعدوه بالحل...
إنت هسي هنا صادفتك مشكلة الرقم الوطني في شكل (الجدادة واللا البيضة) أسعي لحل المشكلة دي وأكتلا في حتتا بي رشوة بي حجوة أم ضبيبينة بي غتاتة بي مشكلة عشان ما تخلي للمغترب البعدك خاطرة يكتبا ...
لو كل زول فينا صادفتو مشكلة وحلاها بي ايدو وشديدو كان ما سمعنا لينا بي عنقاء حايمة...في المنبر دا
Post: #78 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 10-23-2012, 03:59 PM Parent: #73
Quote: هههههههههههه عشان فيها الشيخ مش ؟!
ما حزرت علي رأي الشوام عشان فيها ولدو ما هو زاتو
Post: #79 Title: Re: والله المغتربين السودانيين البيجوا السودان اجازات ويرجعوا حيرونا . Author: Salah Abdulla Date: 10-23-2012, 04:11 PM Parent: #78
ناذر إزيك..
كلامك صاح مليون في المية !! أنا ما عارف (المغتربين) ديل زعلانين ليه؟؟ الزول ده كلامو واضح ، قال ليكم ما تهولوا المواضيع، ما قال ليكم ما تكتبوا إنطباعاتكم عن السودان، فيها شنو دي؟؟ معروف إنو الزول البيكتب انطباعاتو بيكون مشى بلد لأول مرة ، وجاء يقول لينا عنها بدون ما يجي زول يتفلسف ويقول ليك طيب السودان ده ما كأنو بلد غريب علي بالحاصل فيهو ده وده ردنا عليهو إنو الحصل شنو يعني خلال السنين الفاتت دي وما كان مُتَوقَع!! في الكهرباء والموية والشوارع والاسعار .....للآخر ، ما ياها ماشة (كل إجازة) من سيئ إلى أسوأ و كل المغتربين ديل بيمشوا اجازات وعارفين الحاصل ده كلللللو...!! الجديد الجبتو لينا شنو وما عارفينو؟؟ يعني مفروض ده يكون شئ متوقع للمغترب أوالقاعد جوه السودان ، ودي ما محتاجة لذكاء عشان نعرف الحركة التصاعدية لحال البلد.. ده حال بلدنا الما خافي علينا ، كان رضينا أو أبينا .. لفينا وشفا كتير من البلاد وما لقينا أحسن من السودان ، مش من النواحي البيتكلموا عنها الناس ، لأنو مافي مجال للمقارنة ولأننا ما عندنا حاجة عشان نقارن بيها (خلاف سودانيتنا) الما ممكن تتغير لو كان حاكمنا ابليس مش الكيزان.. ياخ في مغتربين (لغاية الآن) فاكينها في نفسهم وعايشين دور مغتربي العصر الذهبي للإغتراب كما يجب !! ياخ معقولة بس؟؟ شخصياً وبحكم العمل بسافر كتير وبشوف دنياوات جديدة ، لكن ما حركت فيني ساكن ، وما برتاح نفسياً لو ما مشيت السودان تلاتة مرات في السنة، السودان غير ( بي جنو ودايرينو).. وبعدين – أيها المغترب - لو ما دخلّت نفسك ( ترس ) في الحركة الحاصلة ورشحت مع العالم الراشحة هناك دي وقعدت تتفرج عشان تجي تحكي (تجربتك) فأحسن ليك تقضي إجازتك في بلد تانية، لأنك ما استمتعت بالمعاناة والبرامج والناس والحياة الحقيقية.. مرات يا ناذر والله بحس إنو (بعض) المغتربين (مهجومين) بقصة سفر وطيارة واغتراب وبلد ما بتشبه السودان وحياة ساهلة وعربية وبنطلون وفتيل ريحة، والدولار وصل كم !! ياخ دي أوهام تجارية مُضِرة.. في نماذج من المغتربين تحيّر.. بالله يا ناذر خليهم يقولوا الدايرينو، وخلينا نشوف السودان من خلالهم يمكن نعرف حاجة جديدة..
Post: #80 Title: Re: والله المغتربين السودانيين البيجوا السودان اجازات ويرجعوا حيرونا . Author: MOHAMMED ELSHEIKH Date: 10-23-2012, 04:24 PM Parent: #79
Quote: ناذر إزيك..
كلامك صاح مليون في المية !! أنا ما عارف (المغتربين) ديل زعلانين ليه؟؟ الزول ده كلامو واضح ، قال ليكم ما تهولوا المواضيع، ما قال ليكم ما تكتبوا إنطباعاتكم عن السودان، فيها شنو دي؟؟ معروف إنو الزول البيكتب انطباعاتو بيكون مشى بلد لأول مرة ، وجاء يقول لينا عنها بدون ما يجي زول يتفلسف ويقول ليك طيب السودان ده ما كأنو بلد غريب علي بالحاصل فيهو ده وده ردنا عليهو إنو الحصل شنو يعني خلال السنين الفاتت دي وما كان مُتَوقَع!! في الكهرباء والموية والشوارع والاسعار .....للآخر ، ما ياها ماشة (كل إجازة) من سيئ إلى أسوأ و كل المغتربين ديل بيمشوا اجازات وعارفين الحاصل ده كلللللو...!! الجديد الجبتو لينا شنو وما عارفينو؟؟ يعني مفروض ده يكون شئ متوقع للمغترب أوالقاعد جوه السودان ، ودي ما محتاجة لذكاء عشان نعرف الحركة التصاعدية لحال البلد.. ده حال بلدنا الما خافي علينا ، كان رضينا أو أبينا .. لفينا وشفا كتير من البلاد وما لقينا أحسن من السودان ، مش من النواحي البيتكلموا عنها الناس ، لأنو مافي مجال للمقارنة ولأننا ما عندنا حاجة عشان نقارن بيها (خلاف سودانيتنا) الما ممكن تتغير لو كان حاكمنا ابليس مش الكيزان.. ياخ في مغتربين (لغاية الآن) فاكينها في نفسهم وعايشين دور مغتربي العصر الذهبي للإغتراب كما يجب !! ياخ معقولة بس؟؟
هجوم رهيب
بالمناسبة يا ابو النيز انتو بتتكلموا عن 10 مليون سوداني مغترب
دي "استصحبوها" في الهجمات المرتدة
بعدين دي انطباعاتك الشخصية طبعا يا ابو النيز "يادستوري نازل في الخرتوم كلاكلة"
ممكن يجي دستوري نازل" سوق الناقة ذاته" يفند لبك بعوضتك القدر الضبانة دي شخصياً وبحكم العمل بسافر كتير وبشوف دنياوات جديدة ، لكن ما حركت فيني ساكن ، وما برتاح نفسياً لو ما مشيت السودان تلاتة مرات في السنة، السودان غير ( بي جنو ودايرينو).. وبعدين – أيها المغترب - لو ما دخلّت نفسك ( ترس ) في الحركة الحاصلة ورشحت مع العالم الراشحة هناك دي وقعدت تتفرج عشان تجي تحكي (تجربتك) فأحسن ليك تقضي إجازتك في بلد تانية، لأنك ما استمتعت بالمعاناة والبرامج والناس والحياة الحقيقية.. مرات يا ناذر والله بحس إنو (بعض) المغتربين (مهجومين) بقصة سفر وطيارة واغتراب وبلد ما بتشبه السودان وحياة ساهلة وعربية وبنطلون وفتيل ريحة، والدولار وصل كم !! ياخ دي أوهام تجارية مُضِرة.. في نماذج من المغتربين تحيّر.. بالله يا ناذر خليهم يقولوا الدايرينو، وخلينا نشوف السودان من خلالهم يمكن نعرف حاجة جديدة..
Post: #81 Title: Re: والله المغتربين السودانيين البيجوا السودان اجازات ويرجعوا حيرونا . Author: بشير أحمد Date: 10-23-2012, 04:51 PM Parent: #80
Quote: ناذر إزيك..
كلامك صاح مليون في المية !! أنا ما عارف (المغتربين) ديل زعلانين ليه؟؟ الزول ده كلامو واضح ، قال ليكم ما تهولوا المواضيع، ما قال ليكم ما تكتبوا إنطباعاتكم عن السودان، فيها شنو دي؟؟ معروف إنو الزول البيكتب انطباعاتو بيكون مشى بلد لأول مرة ، وجاء يقول لينا عنها بدون ما يجي زول يتفلسف ويقول ليك طيب السودان ده ما كأنو بلد غريب علي بالحاصل فيهو ده وده ردنا عليهو إنو الحصل شنو يعني خلال السنين الفاتت دي وما كان مُتَوقَع!! في الكهرباء والموية والشوارع والاسعار .....للآخر ، ما ياها ماشة (كل إجازة) من سيئ إلى أسوأ و كل المغتربين ديل بيمشوا اجازات وعارفين الحاصل ده كلللللو...!! الجديد الجبتو لينا شنو وما عارفينو؟؟ يعني مفروض ده يكون شئ متوقع للمغترب أوالقاعد جوه السودان ، ودي ما محتاجة لذكاء عشان نعرف الحركة التصاعدية لحال البلد.. ده حال بلدنا الما خافي علينا ، كان رضينا أو أبينا .. لفينا وشفا كتير من البلاد وما لقينا أحسن من السودان ، مش من النواحي البيتكلموا عنها الناس ، لأنو مافي مجال للمقارنة ولأننا ما عندنا حاجة عشان نقارن بيها (خلاف سودانيتنا) الما ممكن تتغير لو كان حاكمنا ابليس مش الكيزان.. ياخ في مغتربين (لغاية الآن) فاكينها في نفسهم وعايشين دور مغتربي العصر الذهبي للإغتراب كما يجب !! ياخ معقولة بس؟؟ شخصياً وبحكم العمل بسافر كتير وبشوف دنياوات جديدة ، لكن ما حركت فيني ساكن ، وما برتاح نفسياً لو ما مشيت السودان تلاتة مرات في السنة، السودان غير ( بي جنو ودايرينو).. وبعدين – أيها المغترب - لو ما دخلّت نفسك ( ترس ) في الحركة الحاصلة ورشحت مع العالم الراشحة هناك دي وقعدت تتفرج عشان تجي تحكي (تجربتك) فأحسن ليك تقضي إجازتك في بلد تانية، لأنك ما استمتعت بالمعاناة والبرامج والناس والحياة الحقيقية.. مرات يا ناذر والله بحس إنو (بعض) المغتربين (مهجومين) بقصة سفر وطيارة واغتراب وبلد ما بتشبه السودان وحياة ساهلة وعربية وبنطلون وفتيل ريحة، والدولار وصل كم !! ياخ دي أوهام تجارية مُضِرة.. في نماذج من المغتربين تحيّر.. بالله يا ناذر خليهم يقولوا الدايرينو، وخلينا نشوف السودان من خلالهم يمكن نعرف حاجة جديدة..
كلام في السلك ياصلاح عبدالله ؛
السودان ده لو بقي جهنم عايزنو كده ؛وقرضمة فارغة ما دايرنها بالله والماعاجــــــــبو يشرب من اي حفرة تلاقيهو.
Post: #82 Title: Re: والله المغتربين السودانيين البيجوا السودان اجازات ويرجعوا حيرونا . Author: اميرة السيد Date: 10-23-2012, 05:27 PM Parent: #81
Quote: يا جماعة ... ارحمونا شوية .. أأأأي عارفين البلد دي ما فيها سستم وما ماشة عديل وفيها باعوض قدر الضبان ،وشوارع الزلط كلها حفر وبتكسر مساعدات عرباتكم والموية وسـخـانة وبتضر أغشية جدران معدتكم ..!! والمعيشة غالية وسعر كيلو الطمطم بي 10 دولار والتعليم في الواطة والمستشفيات الكهرباء فيها بتقطع في نص العملية .. دا كلو عارفنو ومعايشنو ..!!
>>>>>>>>>>>>>>>
عزيزي ناذر محمد خليفة تحية طيبة وبعد,
اولا انا عاوزة اشيد بيك لأنك فعلا بتحب بلدنا السودان ومستحمل الكلام القلته ده كله وما بتشتكي.. وكما عاوزة هنا اردد ليك كلام اخونا جلال جبريل :" السودان يا هو في النهاية بلدنا وما عندنا فيهو كلام""
لكن نحن المغتربين والمهاجرين والمغتربات والمهاجرات ما بتشتكي انو البلد ما فيها سيستم وما ماشة عديل.. وما بنشتكي من الغلاء عشان المغتربين اساسا عندهم القروش الكفاية .. وما بنشتكي من السخانة عشان نحن في امريكا عندنا سخانة هنا في الصيف اسخن من السودان بعشرين مرة.. لكن بنشتكي من حاجة واحدة بس.. بنشتكي من الرشاوي في مكاتب الحكومة.. يعني ما ممكن تقضي ليك حاجة في السودان بدون ما تدفع رشوة.. وحتى لو بتعرف واسطة لازم تدقع رشوة.. وانا ما عارفة موظفين الحكومة ديل مشغلينهم لشنو؟؟ مش عشان خدمة الشعب ولا عشان الشعب يكون في خدمتهم..!! انا قاعدة في بلد , وعلى الرغم من جرائمها الكثيرة والمسيخة, لكن موظفين الدولة يخجلوك في التعامل ويقضوا ليك الغرض الجاي عشانه في لمح البصر وبابتسامات مش زي موظفين السودان تلقى الواحد مكشر وشه ويحاول يخت ليك الف عقبة امامك عشان يعجزك واول ما تقول ليه حقك محفوظ .. تلقاه سريع عمل ليك الواجب... عرفت با ناذر نحن بنتنرفز ليه لمن نجي السودان اجازات؟؟؟ انا نفسي تزورنا هنا في امريكا عشان تشوف موظفين الدولة بيعاملوا الناس كيف ؟؟ والله يديك العافية
Post: #83 Title: Re: والله المغتربين السودانيين البيجوا السودان اجازات ويرجعوا حيرونا . Author: احمد التجانى احمد Date: 10-23-2012, 05:39 PM Parent: #82
يا ود الخليفة هو انت فاضي عشان تشوف عوج البلد بالنهار في قندهار وفي الليل مع السمك وبعدها الشاي في العمارات ومن هناك لشارع النيل المعاناة خليت ليها ياتو وقت ده حالته جلينا وقت يا ريت يا ريت ( الزول البطرش دخلته في تايم بدري شويه)
Post: #84 Title: Re: والله المغتربين السودانيين البيجوا السودان اجازات ويرجعوا حيرونا . Author: nazar hussien Date: 10-23-2012, 05:52 PM Parent: #83
Quote: ÈÏÑíمرات يا ناذر والله بحس إنو (بعض) المغتربين (مهجومين) بقصة سفر وطيارة واغتراب وبلد ما بتشبه السودان وحياة ساهلة وعربية وبنطلون وفتيل ريحة، والدولار وصل كم !! ياخ دي أوهام تجارية مُضِرة.. في نماذج من المغتربين تحيّر.. بالله يا ناذر خليهم يقولوا الدايرينو، وخلينا نشوف السودان من خلالهم يمكن نعرف حاجة جديدة..
قول لي أول الكلام دا انت كتبتو جوة السودان ولا برة السودان عشان بتفرق ..!
--------------------------------- طبعا بره السودان ..واكون مغترب كيف من المحيرنك لو جوه السودان
Post: #86 Title: Re: والله المغتربين السودانيين البيجوا السودان اجازات ويرجعوا حيرونا . Author: Salah Abdulla Date: 10-23-2012, 06:00 PM Parent: #85
Quote: لكن بنشتكي من حاجة واحدة بس.. بنشتكي من الرشاوي في مكاتب الحكومة..
الأخت أميرة السيد ،، السلام عليكم..
خليني أقول قولي في المقتبس بتاعك ده، وناذر يجي يرد عليك بي طريقتو.. السبب في الرشاوي دي نحن ما غيرنا!!! نحن البندي موظفي الحكومة الفرصة في إنهم يرتشوا، طالما بنرضخ ليهم ونرشوهم لو أي واحد فينا رفض النوع ده من التعامل وأصرّ ياخد حقو بالقانون ما في موظف ح يجرؤ يطلب رشوة يا خي الرشوة دي بالاخلاق الواحدة دي ما مقبولة، خليك من الدين البيدخلنا بسببها في زمرة الملعونين.. مبلغ الرشوة البيطلبوه بيكون تـافه جداً، لكن بيخلق خلل كبير جداً ويرسخ النوع ده من السلوك المرفوض والسيئ نحن الممكن (نحد) منها ونحجّمها ، المهم إنو الواحد يصر على موقفو وما يتراجع عنو مهما كانت النتائج وصدقيني في الآخر المرتشي ده هو الحيرضخ ويمشّي موضوعك غصباً عنو .. بالمناسبة المرتشين ديل عينهم قوية جداً، وخوافين جداً .. أنا عندي تجربتين ، واحدة في سواكن، ودي كلفتني تأخير يومين في ميناء سواكن ومعاي زوجتي وبتي كان عمرها سنة واحدة.. والتانية كانت في جهاز المغتربين، وكادت أن تكلف أحد كبار الموظفين أسنانه الأمامية، وفي التجربتين أخدت حقي كاملاً غير منقوص..
ما ترخي ليهم وشوفي النتيجة..
Post: #87 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 10-23-2012, 06:15 PM Parent: #86
Quote: ناذر عايزكم بدل ما تجوا تكتبوا الخواطر دي فالبلد بلدكم...بدل ما تشنفوها وترموها ليه في الارض...وإنتو أصلا خليتوها كده...ساعدوه بالحل...
إنت هسي هنا صادفتك مشكلة الرقم الوطني في شكل (الجدادة واللا البيضة) أسعي لحل المشكلة دي وأكتلا في حتتا بي رشوة بي حجوة أم ضبيبينة بي غتاتة بي مشكلة عشان ما تخلي للمغترب البعدك خاطرة يكتبا ...
لو كل زول فينا صادفتو مشكلة وحلاها بي ايدو وشديدو كان ما سمعنا لينا بي عنقاء حايمة...في المنبر دا
نزار الرائع تعرف أنا من اصل الخرطوم بكون مع ناذر دة لغاية ما ارجع يوميا وليل نهار ما أظن حصل اشتكيت لية ( غايتو ما بتذكر أبدا ) وما إحنا الرمينا البلد وشنفناها لكن كل واحد بيجي يحكي الشافو يمكن بيستعمل كلمات حادة او كبيرة في تعبيراتو ولكنه ما أديب او صحفي عشان يختار ألفاظه ولكن في النهاية هل ما قاله صحيح ولا ما صحيح الموضوع ما معارضة للحكومة او غيرها او من فراغ الموضوع موضوع معايشة لمشاكل وبعضها ما محتاجة لإمكانيات او مادة محتاجة لإحساس فقط لا غير المشكله يا نزار لو حاولت تأخذ حقك بالقانون عاوز ليك سته شهور إجازة كل سنه دمت بألف خير
Post: #91 Title: Re: والله المغتربين السودانيين البيجوا السودان اجازات ويرجعوا حيرونا . Author: nazar hussien Date: 10-23-2012, 06:31 PM Parent: #87
Quote: المشكله يا نزار لو حاولت تأخذ حقك بالقانون عاوز ليك سته شهور إجازة كل سنه
حبيبنا الزبير كل سنة وإنت طيب القانون شنو يا الزبير...هو في قانون؟
شيل حقك رجالة...وحكمة...وفي أغلب الأحيان بي حنك خفيف...
ما محتاج تمشي تشتكي زول لي قانون طالما انت صاحب حق
ولأنو القانون زاتو منوم...وأغلب مشاكل الناس هنا لا تستدعي أن تذهب معها ناحية القانون ...
فأنا سنويا بكون في السودان أقلاها مرتين...يعني تفتكر ما لاقتني مشاكل الرقم الوطني والجواز الاخضر مافي الا يصدقوا ليك الوزير...والشهادة الا يديك ليها المنسق والمنسق الا يلقاك مؤدي الخدمة...والخدمة إلا يعفيك منها الجليل الرحيم...
كل سنة بتلاقيني مشاكل زي دي...وآخرها نسينا كرت السفر ولاوونا زييين.....ومع ذلك سافرنا...ياخ المتعة كلها في الملاواة دي....يلاقيك زول مركب وش ######...ويرفع ليك ضغطك وتحلف تقول الدنيا دي إنتهت عندو....ومع ذلك نفس الزول ممكن تلبسو وش غزال...ويقول ليك ...معليش يا اخينا ياخ كان تقول من الاول...
لازم تعرفو كجرتهم ...الناس ديل زينا واحد
Post: #92 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 10-23-2012, 06:55 PM Parent: #91
نزار حسين الساعة كم بتوقيتكم هو فعلا بتقابلك مشاكل زي الحكيتها دي وبنحلها بطريقة او اخري لكن السؤال يا نزار لية دة مازال بيحصل في السودان زمان نقول كنا منغلقين والاتصالات بين المجتمعات المختلفة غير ميسرة الحقوق والواحبات غير معروفه لكن هسي كل المسئولين بسهوله ممكن يحتكوا بخبرات أجنبية ويعدلوا المايله ان أرادو ولكن المشكله انو البلد ما عندها وجيع
Post: #93 Title: Re: والله المغتربين السودانيين البيجوا السودان اجازات ويرجعوا حيرونا . Author: اميرة السيد Date: 10-23-2012, 08:21 PM Parent: #92
Quote: كلامك صاح مليون في المية !! أنا ما عارف (المغتربين) ديل زعلانين ليه؟؟ الزول ده كلامو واضح ، قال ليكم ما تهولوا المواضيع، ما قال ليكم ما تكتبوا إنطباعاتكم عن السودان، فيها شنو دي؟؟
,,,,,,,,,,, عزيزي صلاح عبد الله نحن ما زعلانين ولا حاجة .. مع اني ما مغتربة لكن مهاجرة.. وهاجرت في موسم الهجرة إلى الشمال.. بس بدون ما نهول الأمور عاوزة احكي ليك قصة بسيطة مرت بي قبل سنة ونصف في اجازتي في السودان.. اولا وقبل ما اتحرك من البيت قاصدة مكتب حكومي لاستخراج شهادة ميلاد ( بدل فاقد) حذرتني عمتي قائلة:" اوعك توريهم انك عائشة برة " وقلت ليها وليه شنو ما يعرفوا؟؟ وردت :ط عشان كان عرفوا حيدفعوك كثير.. فقلت ليها :" انا بدفع الرسوم القانونية بس"" فقالت :ط انا ما بتكلم عن الرسوم ولكن بتكلم عن الرشوة عشان تطلعي الشهادة.. طبعا استغربت من كلامها وقلت في نفسي انها ربما مهولة الأمور شويتين.. وذهبت اولا لمكتب الاحصاء وقاباتي امام الباب حارس وقال لي : ان الشهادات بطلعوها من وزارة الداخلية .. وذهبت لوزارة الداخلية .. فقال لي الحارس ان الشهادات بطلعوها من مصلحة الاحصاء.. وذهبت لمصلحة الاحصاء مرة اخرى وقابلت احد الموظفين وقال لي : بدل ما تبهدلي نفسك في الصفوف وتجري ورا ملء الارانيك وما بتعرفي المكت بالبطلع الشهادات وين خلي واحد من الأخوان القاعدين تحت الشجرة ديك يساعدك وتديهو الفي النصيب.. فقلت ليهو :" الفي النصيب ده شنو؟؟ فقال يعني حق الشاي .. حق قفة الملاح.. حق المواصلات.. فقلت ليهو يعني رشوة ؟ فقال:" استغفر الله .. رشوة شنو يا بنتي .. دي بنسميها تسهيلات.. وبعدين الرشوة بدفعوها لموظفين حكومة .. والقاعدين تحت الشجرة ديك ما موظفين حكومة .. ديل سماسرة على باب الله.. وذهبت لاحدهم وسألته :" انا عاوزة اطلع شهادة ميلاد بدل فاقد.. انت حتطلعوا لي بكم.. فقال لي مبلغ خرافي .. فقلت ليه : ليه الرسوم غالية كده.. فقال: يا بنتي دي ما كلها رسوم.. دي فيها تسهيلات للموظف الحيصدق على الاورنيك وبعد داك للموظف الحياجع الأورنيك وبعد داك لرئيس المكتب الحيستخرج الشهادة.. وقلت ليه " يعني ديل كلهم خياخدوا رشاوي عشان شهادة واحدة بس؟؟ فقال بعبارة واضحة ومفهومة:" نحن هنافي السودان اذا اي موظف ما اخذ رشوة ما ممكن يشتغل ...فسألته :: وهل لكلام ده بينطبق على كل المصالح لحكومية .. فقال نعم..
يعني يا صلاح جميع موظفي الحكومة السودانية بياخدوا رشاوي .. وهذه شهادة واحد سمسار قاعد في السودان وعلرف كل ما يجري في المكاتب السودانية.. أها عندنا حق نزعل ولا ما نزعل...وكده في ذمتك خلينا نسالأك انت:" هل انت بتقدر تقضي ليك حاجة في المكاتب الحكومية بدون واسطة وبدون تدفع رشاوي؟؟.. اها غير كده والله السودان سمح بأهله وناسه الطيبين السمحين .. إلا موظفين الحكومة ما سمحين وما طيبين..( وجه مكشر) والله يديك العافية
Post: #94 Title: Re: والله المغتربين السودانيين البيجوا السودان اجازات ويرجعوا حيرونا . Author: محمد جمال الدين Date: 10-23-2012, 09:40 PM Parent: #93
العزيز ناذر... تحياتي... آذن لي أن أشركك للأهمية وجهة نظر لي سابقة قلت بها من قبل ببوست بهذا المنبر (تجد اللنك أدناه) حول تصوري لأحقية ثلاثة شهود في الحديث عن "المشهد" بذات القدر من الأحقية لا بل والأهمية (هم كل الشهود المحتملين) لدى هذا المقام، وهمو وفق لغتي الخاصة ومصطلحاتي، كالتالي:
1-الشاهد الحاضر المشهد أي العايش المشهد من أمثال نذار (المقيم في الأساس في السودان بشكل دائم كل الوقت) المشهد المعني به الحالة المشهودة وهو السودان "طبعآ" لدى هذا الحكي. 2-الشاهد "العائد" إلى المشهد بعد الغياب ... زي الناس الذين تحدثت عنهم نذار. 3-الشاهد "الغائب" الغايب كلو كلو "لم يعد أبدآ بعد"... برضو من حقو يتحدث (زيي كدا) ومئات الآلاف... لأننا نتحدث من منطلقين: شهادة الشهود (الشاهدين أعلاه) وهما الناس بكل وسائل إتصالهم وتواصلهم ثم الذاكرة الأصيلة إضافة إلى ما هو أهم وهو الهم والواجب الوطني و الأسري والعملي والسياسي والأدبي والأخلاقي (ومن ضمنه المصلحة المادية والمعنوية في التغيير السياسي وحلم العودة في أجواء سياسية وإقتصادية وإجتماعية مواتية).
كما أن هناك شاهد رابع بدوره مهم وهو "الآخر" غير السوداني... برضو من حقو يشهد (الناس الآخرين والإعلام العالمي) بل ومرات يستطيع أن يوقع عقوبات (الأمم المتحدة ) على المشهد الجغرافي (السودان) بما به من ناس وكائنات وأشياء. (لأن المشهد الواحد "السودان هذه المرة يستطيع أن يسقط ذاته سلبآ أو إيجابآ على المشاهد الأخرى = بقية مجتمعات العالم "الإرهاب مثالآ").... سو يا مان القصة ما نحن بس كمان كسودانيين في عكة بيننا بل أكبر!. ولك أن تتصور الليبيين زمان والسوريين الآن يطلبون نجدة "تدخل" حلف الناتو بوصفه شاهد أصيل على المأساة!.
خلاصة: عندي كلنا نستطيع أن نشهد بلا مزايدة وبلا أفضلية وبنفس القدر والأهمية وفي المقامات والمناسبات المختلفة عاملين كل الممكن من طرق تفكيرنا وبحسب مصالحنا الذاتية التي نشعرها في الحقيقة أو/و الخيال وبحسب آيدولوجياتنا المختلفة وأعمارنا وأقدارنا كما بحسب تجربتنا الجمالية والنفسية. هنا رابط البوست المعني ( مع التركيز على ص 2): زيارتي الأخيرة للسودان (هل تغير الشاهد أم تغير المشهد)؟!
وفي الختام أتمنى يكون في مداخلتي الصغيرة هذي ما يفيد حواركم هنا.
تحياتي
محمد جمال
Post: #95 Title: Re: والله المغتربين السودانيين البيجوا السودان اجازات ويرجعوا حيرونا . Author: محمد جمال الدين Date: 10-23-2012, 09:59 PM Parent: #94
بعدين تهويل المهولين ذاتو حق زي ما المناداة بعدم التهويل حق... ليه؟.
لأن في الحالين ما هي إلا مشاعر وتقديرات ذاتية محضة!.
وما قولي هذا إلا بدوره تقدير ذاتي "طبعآ" بس ما محض شديد : )
Post: #96 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 09:08 AM Parent: #95
سلام ولياب وشكرا للمداخلة الدسمة ..
Quote: فبالله هل نسكت عن تلك المناظر القبيحة والمضرة بسمعة البلد والمضرة ببيئة البلد ؟؟
لا طبعا .. ما تسكت وأنحن الجو البلد برضو ما ساكتين لكن بس كل المطلوب أنو الناس المغتربين ما يحاولوا يقارنو وضع السودان بالأوضاع بتاعت البلدان الجاية منها واهم حاجة تعرف وين توجه سهام النقد ...
سهام النقد دايما موجه للمواطن المسكين وكأنو السبب في الوصل ليو حال البلد ..!!
Post: #97 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 09:09 AM Parent: #95
مشكور يا دكتور أمبدة ...
Quote: يعنى فى داعى للاحباط دة. اكيد ناذر يقصد مثل تلك التعليقات والانطباعات. السودان دة ما أظن يتقدم فى المستقبل القريب ينقصنا شئ يسمى "حب الوطن" والوطن ما لازم يكون جنة الله فى الارض لكى نتماهى فى حبه. الوطن قد يكون صحراء قاحلة "تذكرت فى تلك اللحظة السنوسى بدر عضو المنبر نتمنى عودته" او قد يكون ارض جدباء او جبال او او. ما يهم هو الانتماء الصادق وحب الوطن. ولو توفير هذان الركنان ياتى العمل الصادق لرفعة الوطن. ياخى انظروا لاقرب جيران لنا "المصريين" فرغم شظف العيش لغالبيتهم والفقر المدقع وهجرتهم -قبل ان يعرف السودانيين الهجرة- الا ان حب الاوطان يتملكهم ولا يستطيع كائن من كان ان يسب او يسئ الى 'مصر' فى وجود مصرى حتى ولو خارج مصر ولو حدث هذا فكانما اعتديت على شخصه.
فقط قليل من حب الوطن وبعض انتماء. الحكومات تذهب وتتبدل ولو بعد خمسين عام، وتبقى الاوطان
Post: #98 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 09:10 AM Parent: #95
هههههههههه يا عثمان موسى ..
Quote: عاين . عندنا صديق بعد زمن رجع السودان من كلفورنيا ومعاو بتو عمرها 7 سنة . نزل مطار الخرطوم الصباح بدري ومن المطار علي شندي سريع . في ينطون شندي . يازول البنطون كان مليان لواري وناس وقش وشوالات شطة وحمير والدنيا هايصة . زول كلفورنا بتو خافت وقالتلو . بابي بابي أنتو الليلة عندكم يوم القيامة ؟
دي حالتا قيامة بنطون صغيرة كدة (فورق زامبل) أمال لو جات سوق اللفة أو موقف جاكسون تقول شنو ...!
Post: #99 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 09:12 AM Parent: #95
كوستاوي !!!!
أول مرة أشوف لي باعوضا مركبة مايك في قدوما !!
دي باعوضة مطربة ولا شنو ؟!!
Post: #101 Title: Re: والله المغتربين السودانيين البيجوا السودان اجازات ويرجعوا حيرونا . Author: عمر عبد الخالق سعيد Date: 10-24-2012, 09:26 AM Parent: #99
ناذر بوست جميل وبالنسبة لينا ممكن يكون عنوانو كدة والله المغتربين السودانيين البيجوا من السودان اجازات كرهونا
الواحد يقول ليك من فتحت باب الطيارة كدة تلقي العساكر مالين الحتة
والناس غبّش ومكتحييييييين ..... عارف يا عمك لقيت ليك "ناذر الخليفة" تقول طالع من مقابر
من شدة الكتاحة لمن يرمش عيونو تطلع غبار
وما عارف شنو داك ......
___________
جلال جبريل كيفنك بقيت تجلوا اخبارنا عادي (حليل ايامك لمن كنت المدير)
Post: #104 Title: Re: والله المغتربين السودانيين البيجوا السودان اجازات ويرجعوا حيرونا . Author: جلال جبريل Date: 10-24-2012, 09:33 AM Parent: #101
Quote: جلال جبريل كيفنك بقيت تجلوا اخبارنا عادي (حليل ايامك لمن كنت المدير)
كيفنك يا حبيب
ماعاش البجلي أخبارك
شوت الخبر وأديني تلفون في الموبايل
بكلمن ليك ولو احتاج
بمشي ليك الخبر بي نفسي وفي أقرب صفحة
قصرنا معاك ....
....................
Post: #100 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 09:15 AM Parent: #95
يا سلام عليك يا صلاح ..
كدة جبت النجيضة المسبكة :
Quote: ناذر إزيك..
كلامك صاح مليون في المية !! أنا ما عارف (المغتربين) ديل زعلانين ليه؟؟ الزول ده كلامو واضح ، قال ليكم ما تهولوا المواضيع، ما قال ليكم ما تكتبوا إنطباعاتكم عن السودان، فيها شنو دي؟؟ معروف إنو الزول البيكتب انطباعاتو بيكون مشى بلد لأول مرة ، وجاء يقول لينا عنها بدون ما يجي زول يتفلسف ويقول ليك طيب السودان ده ما كأنو بلد غريب علي بالحاصل فيهو ده وده ردنا عليهو إنو الحصل شنو يعني خلال السنين الفاتت دي وما كان مُتَوقَع!! في الكهرباء والموية والشوارع والاسعار .....للآخر ، ما ياها ماشة (كل إجازة) من سيئ إلى أسوأ و كل المغتربين ديل بيمشوا اجازات وعارفين الحاصل ده كلللللو...!! الجديد الجبتو لينا شنو وما عارفينو؟؟ يعني مفروض ده يكون شئ متوقع للمغترب أوالقاعد جوه السودان ، ودي ما محتاجة لذكاء عشان نعرف الحركة التصاعدية لحال البلد.. ده حال بلدنا الما خافي علينا ، كان رضينا أو أبينا .. لفينا وشفا كتير من البلاد وما لقينا أحسن من السودان ، مش من النواحي البيتكلموا عنها الناس ، لأنو مافي مجال للمقارنة ولأننا ما عندنا حاجة عشان نقارن بيها (خلاف سودانيتنا) الما ممكن تتغير لو كان حاكمنا ابليس مش الكيزان.. ياخ في مغتربين (لغاية الآن) فاكينها في نفسهم وعايشين دور مغتربي العصر الذهبي للإغتراب كما يجب !! ياخ معقولة بس؟؟ شخصياً وبحكم العمل بسافر كتير وبشوف دنياوات جديدة ، لكن ما حركت فيني ساكن ، وما برتاح نفسياً لو ما مشيت السودان تلاتة مرات في السنة، السودان غير ( بي جنو ودايرينو).. وبعدين – أيها المغترب - لو ما دخلّت نفسك ( ترس ) في الحركة الحاصلة ورشحت مع العالم الراشحة هناك دي وقعدت تتفرج عشان تجي تحكي (تجربتك) فأحسن ليك تقضي إجازتك في بلد تانية، لأنك ما استمتعت بالمعاناة والبرامج والناس والحياة الحقيقية.. مرات يا ناذر والله بحس إنو (بعض) المغتربين (مهجومين) بقصة سفر وطيارة واغتراب وبلد ما بتشبه السودان وحياة ساهلة وعربية وبنطلون وفتيل ريحة، والدولار وصل كم !! ياخ دي أوهام تجارية مُضِرة.. في نماذج من المغتربين تحيّر.. بالله يا ناذر خليهم يقولوا الدايرينو، وخلينا نشوف السودان من خلالهم يمكن نعرف حاجة جديدة..
يا جماعة أقروا كلام اخونا صلاح دا مرة ومرتين ..!!
Post: #102 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 09:30 AM Parent: #95
سلام أميرة السيد ..
Quote: عزيزي ناذر محمد خليفة تحية طيبة وبعد,
اولا انا عاوزة اشيد بيك لأنك فعلا بتحب بلدنا السودان ومستحمل الكلام القلته ده كله وما بتشتكي.. وكما عاوزة هنا اردد ليك كلام اخونا جلال جبريل :" السودان يا هو في النهاية بلدنا وما عندنا فيهو كلام""
لكن نحن المغتربين والمهاجرين والمغتربات والمهاجرات ما بتشتكي انو البلد ما فيها سيستم وما ماشة عديل.. وما بنشتكي من الغلاء عشان المغتربين اساسا عندهم القروش الكفاية .. وما بنشتكي من السخانة عشان نحن في امريكا عندنا سخانة هنا في الصيف اسخن من السودان بعشرين مرة.. لكن بنشتكي من حاجة واحدة بس.. بنشتكي من الرشاوي في مكاتب الحكومة.. يعني ما ممكن تقضي ليك حاجة في السودان بدون ما تدفع رشوة.. وحتى لو بتعرف واسطة لازم تدقع رشوة.. وانا ما عارفة موظفين الحكومة ديل مشغلينهم لشنو؟؟ مش عشان خدمة الشعب ولا عشان الشعب يكون في خدمتهم..!! انا قاعدة في بلد , وعلى الرغم من جرائمها الكثيرة والمسيخة, لكن موظفين الدولة يخجلوك في التعامل ويقضوا ليك الغرض الجاي عشانه في لمح البصر وبابتسامات مش زي موظفين السودان تلقى الواحد مكشر وشه ويحاول يخت ليك الف عقبة امامك عشان يعجزك واول ما تقول ليه حقك محفوظ .. تلقاه سريع عمل ليك الواجب... عرفت با ناذر نحن بنتنرفز ليه لمن نجي السودان اجازات؟؟؟ انا نفسي تزورنا هنا في امريكا عشان تشوف موظفين الدولة بيعاملوا الناس كيف ؟؟ والله يديك العافية
كلام جميل جدا ومرتب .. زي الكلام دا فعلا يصلح يكتب كإنطباعات ونوع من المقارنة بين الأوضاع عندك والأوضاع هنا .. يلا الأشكالية بتكون في شنو ؟! بتكون في انو زي الخطاب دا أنتي بتوجهيهو لي منو ؟ لمن تكتبيهو في منبر عام زي سودانيز بتلفت أنتباه الناس وكمان بعض المسئولين السودانيين واحتمال يحقق غرض في الاصلاح ..
لكن لمن تقوليهو في صينية الفطور وانتي قدام أهلك ونسابتك البيكونوا ساكنين في واحدة من أحياء الخرطوم يوم كهربا في ويوم مافي والموية من مواسير الحكومة زي عصير العرديب .. وبجابدوا سبل العيش والفطور زاتو عبارة عن فول ما نجيض كويس ومن غير جبنة وشوية بيض مسلوق وطحنية من الدكان زي الحجر والعيش من المخبز الوراني وفيهو بروميد بوتاسيوم وباقي سفة وقعت من الزول العجن العجين .. تفتكري زي كلامك دا مش بيكون ترف لا متناهي قدامم ؟!
أو زي كلامك دا بتقوليهو وبتقارني في الوضع وإنتي راكبة تكسي هنتر موديل 75 وسايقو عمنا عمرو زي موديل تكسيهو واحد ونضاراتو قعر كباية وخشمو طارد سنونو لي برة وعندو سبعة أولاد وتلاتة بنات راجنو اصغر واحد فيهم داير مصاريف المدرسة واصغر بنت عمرها طقة 33 سنة وعريس ماجاها .. تفتكري حا يوافقك في كلامك دا ؟!
لو قام سمعك ووقف عربيتو وفتح الضهرية طلع وصلة البنزين ومحطك بيها في نص الشارع زول حا يلومو ؟!!
الاشكالية في شكل الخطاب والية توجيهو وإنتقاء الزمان والمكان المناسب لعقد شكل المقارنة أو ابداء الانتقاد ..
شكرا اميرة ..
Post: #103 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 09:33 AM Parent: #95
أحمد التجاني ..
Quote: ده حالته جلينا وقت يا ريت يا ريت ( الزول البطرش دخلته في تايم بدري شويه)
انت ما عارف أنو الزمن بقى ريقي والطرشان دا بقى ما عندو تايم نهائي ؟!!
أوعى اقول لي محل ما انت قاعد بتطرشوا من الساعة كدة وبتمزوا بي كدة و و و و بلاب بلا بلا !!!
Post: #105 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 09:36 AM Parent: #95
الزبير ..
Quote: ما أظن حصل اشتكيت لية ( غايتو ما بتذكر أبدا )
انت ما قاعد تشكي لأنو ما في شي أساسا اتغير قبل ما تغترب أو بعديهو في اجازاتك .. يا هو البلد في حالا وسجما ورمادا .. لو كنت مثلا قبل ما تسافر البلد كان فيها رفاهية وديزني لاند ونوادي وسهر كان بتشكي ..!!
والله حقو إنت ونزار حسين دا يدوكم جائزة المغترب المثالي .. يسلما ليكم ود الشيخ شخصيا والاحتفال في سوبا هههههههه
Post: #106 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 09:38 AM Parent: #95
شكرا محمد جمال على المداخلة الدسمة ..
Quote: العزيز ناذر... تحياتي... آذن لي أن أشركك للأهمية وجهة نظر لي سابقة قلت بها من قبل ببوست بهذا المنبر (تجد اللنك أدناه) حول تصوري لأحقية ثلاثة شهود في الحديث عن "المشهد" بذات القدر من الأحقية لا بل والأهمية (هم كل الشهود المحتملين) لدى هذا المقام، وهمو وفق لغتي الخاصة ومصطلحاتي، كالتالي:
1-الشاهد الحاضر المشهد أي العايش المشهد من أمثال نذار (المقيم في الأساس في السودان بشكل دائم كل الوقت) المشهد المعني به الحالة المشهودة وهو السودان "طبعآ" لدى هذا الحكي. 2-الشاهد "العائد" إلى المشهد بعد الغياب ... زي الناس الذين تحدثت عنهم نذار. 3-الشاهد "الغائب" الغايب كلو كلو "لم يعد أبدآ بعد"... برضو من حقو يتحدث (زيي كدا) ومئات الآلاف... لأننا نتحدث من منطلقين: شهادة الشهود (الشاهدين أعلاه) وهما الناس بكل وسائل إتصالهم وتواصلهم ثم الذاكرة الأصيلة إضافة إلى ما هو أهم وهو الهم والواجب الوطني و الأسري والعملي والسياسي والأدبي والأخلاقي (ومن ضمنه المصلحة المادية والمعنوية في التغيير السياسي وحلم العودة في أجواء سياسية وإقتصادية وإجتماعية مواتية).
كما أن هناك شاهد رابع بدوره مهم وهو "الآخر" غير السوداني... برضو من حقو يشهد (الناس الآخرين والإعلام العالمي) بل ومرات يستطيع أن يوقع عقوبات (الأمم المتحدة ) على المشهد الجغرافي (السودان) بما به من ناس وكائنات وأشياء. (لأن المشهد الواحد "السودان هذه المرة يستطيع أن يسقط ذاته سلبآ أو إيجابآ على المشاهد الأخرى = بقية مجتمعات العالم "الإرهاب مثالآ").... سو يا مان القصة ما نحن بس كمان كسودانيين في عكة بيننا بل أكبر!. ولك أن تتصور الليبيين زمان والسوريين الآن يطلبون نجدة "تدخل" حلف الناتو بوصفه شاهد أصيل على المأساة!.
خلاصة: عندي كلنا نستطيع أن نشهد بلا مزايدة وبلا أفضلية وبنفس القدر والأهمية وفي المقامات والمناسبات المختلفة عاملين كل الممكن من طرق تفكيرنا وبحسب مصالحنا الذاتية التي نشعرها في الحقيقة أو/و الخيال وبحسب آيدولوجياتنا المختلفة وأعمارنا وأقدارنا كما بحسب تجربتنا الجمالية والنفسية. هنا رابط البوست المعني ( مع التركيز على ص 2):
واشكرك كتير على الرابط .. حقيقة مضمونو بيختلف عن كل الكتابات المشابهة وبيتناول الموضوع من زوايا مختلفة ..
تسلم ..
Post: #107 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 09:40 AM Parent: #95
سلام عمر ..
Quote: ناذر بوست جميل وبالنسبة لينا ممكن يكون عنوانو كدة والله المغتربين السودانيين البيجوا من السودان اجازات كرهونا
والله أنا لو كتبت كرهونا في ناس هنا حا يسلخوني حي ههههههههه
Post: #108 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 09:42 AM Parent: #95
جلال جبريل !!!
يا زول إنت طولت معاي شديد هنا .. الواطة ما مغربت عليك ؟!
امش أهلك قبال الواطة تفلل ..!!
Post: #109 Title: Re: والله المغتربين السودانيين البيجوا السودان اجازات ويرجعوا حيرونا . Author: جلال جبريل Date: 10-24-2012, 09:47 AM Parent: #108
Quote: جلال جبريل !!!
يا زول إنت طولت معاي شديد هنا .. الواطة ما مغربت عليك ؟!
امش أهلك قبال الواطة تفلل ..!!
طق راسك بالحيطة
Post: #110 Title: Re: والله المغتربين السودانيين البيجوا السودان اجازات ويرجعوا حيرونا . Author: الفاتح شلبي Date: 10-24-2012, 10:11 AM Parent: #109
Quote: محتار لأنو هم لمن طلعوا خلوها كدة ..!! ما خلوها جنة رضوان وجو لقوها خاوية على عروشها ..!!
بأمانة يا ناذر هل زمان كان تشوف بعينك طائرات تضرب موقع معين وتقوم انت تزوغ من الحي بعيالك وتفتح التلفزيون (فى بيت أقربائك الساكنين شمال العاصمة) عشان تفهم الحاصل يقوم المذيع يقول بان ما شاهدتموهـ جنوب الخرطوم عبارة عن حريق ناتج من ماس ماكينة لحام ؟
يا زول نحن بنكون مندهشين من اول يوم لآخر يوم فى الإجازة
---------------------------- حقوق الإندهاش محفوظة لمن غاب يوما واحداً وعاد
Post: #111 Title: Re: والله المغتربين السودانيين البيجوا السودان اجازات ويرجعوا حيرونا . Author: Mohammed Ibrahim Othman Date: 10-24-2012, 11:41 AM Parent: #110
ياناذر يا اخوي انا خائف كلامك دا حسادة على المغتربين .. شايفهم لامعين وجلابيبهم بيضة واقلامهم ما بت###### الجيوب .. يازول الناس ديل ما اخوانك والبلد بلدهم.. انت خت 5 الف دولار بنشتري ليك فيزا لو عايز.. قايتو لو حيينا نتقابل في زوج ود الخليفة ونضرب الضلع ان شاء الله بالركابية ..
Post: #112 Title: Re: والله المغتربين السودانيين البيجوا السودان اجازات ويرجعوا حيرونا . Author: عادل جبارة Date: 10-24-2012, 12:03 PM Parent: #111
والبعوضة ما بتجيك واحدة بس يجو اتنين .. واحدة ترفع البطانية والتانية تخش
آيييي !! كان عجبك يا ناذر !!!
Post: #113 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 10-24-2012, 12:13 PM Parent: #110
Quote: انت ما قاعد تشكي لأنو ما في شي أساسا اتغير قبل ما تغترب أو بعديهو في اجازاتك .. يا هو البلد في حالا وسجما ورمادا .. لو كنت مثلا قبل ما تسافر البلد كان فيها رفاهية وديزني لاند ونوادي وسهر كان بتشكي ..!!
هو لو كان فيها رفاهية ونوادي وسهر كنا هجينا السودان دة يا ناذر دق الدلجه من يوم سان جيمس بقي صينية حركة وإشارة مرور ساكت
Post: #115 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 02:39 PM Parent: #113
مشت السودان بعد عشرة سنين غربة معاها 4 اطفال قامت حصلت ليهم مشكلة بتاعت جوازات ومشوا المغتربيين علشان يعملوا جوازات جديدة
عارف كل يوم يقولوا ليها امشى وتعالى وجارة معاها اولادها لما الولاد زهجوا ومرضوا
بعد شهر من المساسقة غلبا الصبر ساقت اولادها ومشت دفرت ليك مكتب مدير الجوازات وردحت ليك ردحة لما خوفتن ليك ومدير الجوازات امن زاتوا
في نفس اليوم طلعوا ليها الجوازات اليوم التانى طوالى اخدت اولادها وسافرت
بمجرد ما وصلت امريكا فى المطار وهم طالعين اولادها مسكوا الجوازات وشرطوها وقالوا ليها نهاى تانى ما تقولى لينا امشوا السودان
عاوزة تمشى امشى براك للناس ال و س خ انين ديل
هههههههههههههههه
Post: #116 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 02:49 PM Parent: #113
ههههههه يا الفاتح ..
Quote: بأمانة يا ناذر هل زمان كان تشوف بعينك طائرات تضرب موقع معين وتقوم انت تزوغ من الحي بعيالك وتفتح التلفزيون (فى بيت أقربائك الساكنين شمال العاصمة) عشان تفهم الحاصل يقوم المذيع يقول بان ما شاهدتموهـ جنوب الخرطوم عبارة عن حريق ناتج من ماس ماكينة لحام ؟
يا زول نحن بنكون مندهشين من اول يوم لآخر يوم فى الإجازة
ذكرتني بي مسلسل فرقة ناجي عطاالله العرضوهو في رمضان ..
عادل أمام وجماعتو دخلو العراق في أثناء ما بيتكلموا مع صاحب المنزل وعائلتو في قذيفة أنفجرت .. عادل أمام وجماعتو اتدسوا في حين ناس البيت ولا اتحركو وكمان اطفال صاحب البيت الصغار بيتغالطوا قدام ابوهم في نوع القذيفة قنبلة ولا صاروخ ههههههه
اها عندنا هنا نفس الشي وما بنندهش بالساهل ....
Post: #117 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 02:52 PM Parent: #113
سلام محمد ابراهيم ..
Quote: ياناذر يا اخوي انا خائف كلامك دا حسادة على المغتربين .. شايفهم لامعين وجلابيبهم بيضة واقلامهم ما بت###### الجيوب .. يازول الناس ديل ما اخوانك والبلد بلدهم.. انت خت 5 الف دولار بنشتري ليك فيزا لو عايز..
انا أصلو ما بقدر أعبش برة البلد دي .. كفاية الغربة الاتغربتها زمان .. الحمد لله مؤهل جدا وفي عروض كتيرة جاتني ... لكن رفضتها .. البلد دي بي سجما ورمادا دي ماطالع منها لي غربة ولو بطلاع الروح ..!!
Quote: طبعا .. ما تسكت وأنحن الجو البلد برضو ما ساكتين لكن بس كل المطلوب أنو الناس المغتربين ما يحاولوا يقارنو وضع السودان بالأوضاع بتاعت البلدان الجاية منها واهم حاجة تعرف وين توجه سهام النقد ...
شكراً يا ناذر على الرد ، وشخصياً مقتنع بحاجات كثيرة حاصلة في السودان ياهو ده (حالنا) فعلاً ولكن لماذا لا تنغير للأفضل أن كانت هناك أشياء في إستطاعتنا والتي خارج إستطاعتنا يجب علينا أن لا ننتقد البلاد ولا العباد . وفي النهاية السودان بلدنا بكل المحاسن والمساوئ .
Post: #122 Title: Re: والله المغتربين السودانيين البيجوا السودان اجازات ويرجعوا حيرونا . Author: اميرة السيد Date: 10-24-2012, 04:04 PM Parent: #121
مشت السودان بعد عشرة سنين غربة معاها 4 اطفال قامت حصلت ليهم مشكلة بتاعت جوازات ومشوا المغتربيين علشان يعملوا جوازات جديدة
عارف كل يوم يقولوا ليها امشى وتعالى وجارة معاها اولادها لما الولاد زهجوا ومرضوا
بعد شهر من المساسقة غلبا الصبر ساقت اولادها ومشت دفرت ليك مكتب مدير الجوازات وردحت ليك ردحة لما خوفتن ليك ومدير الجوازات امن زاتوا
في نفس اليوم طلعوا ليها الجوازات اليوم التانى طوالى اخدت اولادها وسافرت
بمجرد ما وصلت امريكا فى المطار وهم طالعين اولادها مسكوا الجوازات وشرطوها وقالوا ليها نهاى تانى ما تقولى لينا امشوا السودان
عاوزة تمشى امشى براك للناس ال و س خ انين ديل
>>>>>>>>>>>>>>>>>>>>>>>>>>>>>>>>>>>
عزيزي ناذر كدي اقرأ كلام وضاحة مرة ثانية وارجع اقرأ كلامي عن شهادة الميلاد .. وما تضحك ساكت لكن عاوزين رأيك شنو في الحاصل؟؟وهل الحاصل ده فعلا حاجات عادية في السودان.. والله يديك العافية
Post: #123 Title: Re: والله المغتربين السودانيين البيجوا السودان اجازات ويرجعوا حيرونا . Author: اميرة السيد Date: 10-24-2012, 07:31 PM Parent: #122
الاستاذ ناذر تحية طيبة اولا استأذنك ان انشر هذا الرد الذي كتبه ابو كريم ردا على ما كتبته هنا في هذا البوست عن الرشاوي في السودان .. وهو قد قرأ الموضوع هنا ولكنه وبما انه غير عضو في سودانيز اون لاين فقد كتب الرد إلى البريد الإلكتروني الذي يخص الاستاذ جلال جبريل والذي نشره بدوره في البوست المعنون:" طاقة رأي القارئ فيما يكتبه البورداب.. ولقد رأيت ان انقل رده هنا لأنه قرأ الموضوع هنا في هذا البوست.. والآن لنقرأ ماذا قال الاستاذ ابوكريم وبعده نعلق على ما قاله:
""
Quote: الاستاذ جلال جبريل
السلام عليكم و رحمة الله و بركاته
ردي هذا علي تعليق الاستذة اميرة السيد في البوست بتاع ناذر الخليفة ( عن المغتربين ) .. ارجو شاكرا ادراجه في بوستك المخصص لمشاركات القراء من غير الاعضاء و كذلك ارجو شاكرا ادراجه في بوست ناذر حتى يتسنى للاستاذة اميرة الاطلاع و الرد عليه ان هي رغبت بذلك.
اولا: الاستاذة اميرة دمغت جميع موظفي المصالح الحكومية بانهم يأخذون رشاوي ( حتى الاستثناء الشكلي حرمتنا منه) حيث قالت "يعني يا صلاح جميع موظفي الحكومة السودانية بياخدوا رشاوي" و ليت مصدر كلام الاخت اميرة كان تجربة شخصية مع موظف او مسئول حكومي طلب منها صراحة او ضمناً ان تعطيه رشوة حينها يكون الخطل في التعميم فقط .. و لكن للعجب كان مصدر كلامها سمسار يحاول ان ياخد منها رشوة ... " فقال بعبارة واضحة ومفهومة:" نحن هنافي السودان اذا اي موظف ما اخذ رشوة ما ممكن يشتغل ...فسألته :: وهل لكلام ده بينطبق على كل المصالح لحكومية .. فقال نعم.." و فات على الاخت اميرة ان صاحبنا هذا مستفيد من رده عليها بهذه الصورة حيث يحاول دفعها لان تعطيه الرشوة بدون كلام كتير بان يوحي لها بان هذا هو الاسلوب المتبع في كل المصالح الحكومية السودانية و لا يدعو للدهشة او الاستغراب. وحتى لو استبعدنا عامل المصلحة عند السمسار كيف نفترض في سمسار او عرضحالجي يعمل علي هامش مصلحة الاحصاء كيف نفترض فيه المعرفة بحال موظفي الشئون الهندسية او مصلحة المياه او اي مصلحة حكومية اخرى حتى تقول عنه الاخت اميرة انه "علرف كل ما يجري في المكاتب السودانية" و من ثم تصدر بناءً عليه حكما قاسياً علي" جميع موظفي الحكومة السودانية" بانهم "بتاعين رشاوي " و من ثم تجود علينا بال (وجه مكشر) ؟؟؟؟
ثانياً : يتضح من القصة ان الاخت اميرة لم تحاول اصلا ان تاخد حقها بالدرب العديل حيث يتطلب ذلك ملي ارانيك ووقوف في الصفوف حيث قالت : "وقابلت احد الموظفين وقال لي : بدل ما تبهدلي نفسك في الصفوف وتجري ورا ملء الارانيك وما بتعرفي المكت بالبطلع الشهادات وين خلي واحد من الأخوان القاعدين تحت الشجرة ديك يساعدك وتديهو الفي النصيب" و يفهم من هذا انه قال لها هذا الكلام من باب النصيحة .. و لو رفضت الاخت اميرة نصيحته واصرت ان تاخذ الارنيك بنفسها و بهدلت نفسها في الصفوف شوية و جرت وراء ملء الارانيك لضيقت بابا من ابواب الفساد .. و لكنها استسهلت دفع الرشوة و " اشترت دماغها " و بعد نهاية الفلم جات عشان تقول "إلا موظفين الحكومة ما سمحين وما طيبين.. ( وجه مكشر)"
اخيراً : الاخ جلال جبريل .. ارجو ان تعفينا من قصة اشتراط الاسم الثلاثي هذه حيث ان بعض اعضاء سودانيز اونلاين انفسهم لا يكتبون باسمائهم الثلاثية ( اساسي و قيقراري مثالاً).. و لك بعد ان تتطلع على المكتوب ان تنشره او ترد معتذراً لمرسله حسب تقديرك
و لك جزيل الشكر
ابو كريم
موظف في مصلحة حكومية مقيم بالخرطوم
( انتهى رد الاستاذ ابو كريم"
ردى على رسالته:" " الاستاذ ابو كريم تحية طيبة وبعد, اولا اود في هذا المقام ان اشيد بغيرتك على موظفي حكومة السودان وردك الوافي الشافي واشكرك اجزل الشكر لاهتمامك بالرد وهذا يدل على عدم قبولك بتعميم هذه العادة السيئة وهي عادة الرشاوي على كل موظفي السودان.. وبداية اود ان اقول لك ان التهمة الموجهة لموظفي حكومة السودان لم اطلقها انا وحتى لم اكن اعرف ان هذه العادة منتشرة في السودان قبل حضوري في اجازتي السنوية الماضية وذهابي لمصلحة الاحصاء لاستخراج شهادة الميلاد.. ولكن الذي القى التهمة ليس مهاجرا وليس مغتربا وانما مواطن عائش في السودان واظنه لم يغادر السودان لأي جهة من قبل وهو الذي قال بعضمة لسانه :" ان اي موظف في السودان ما بيشتغل اذا ما اخذ رشوة"".. وهنا فقط عرفت عن هذا الموضوع.. وهنا اود ان اقدم لك اعتذاري الشديد اذا لم يكن هذا هو الأمر الواقع في السودان او اذا كان ذلك السمسار شطح في قوله وكأنه كان يريد ان يقول ان معظم الموظفين وليس كلهم الذين يرتشون.. كما اود ان اعتذر لك ولموظفي السودان بالنيابة عنه ,, على الرغم من انني لا اعرفه معرفة شخصية ،،، لهذا الاتهام الذي عممه على كل موظفي السودان لانه لا شك ان هناك موظفين وطنيين يؤدون واجبهم الوظيفي في شرف وأمانة واخلاص لأنهم يبتغون الرزق الحلال لتربية اولادهم..
اما عن قولك بانني اشتريت دماغي وانني لم ابهدل نفسي ولم اقف في الصفوف وآخذ الأورنيك بنفسي عشان اضيق باب الفساد.. اقول لك انت تقول لي هذا الكلام لأنك لم تعرف مدى ما تعبته من تعب وارهاق ليس ليوم واحد فقط .. ولكن لايام.. حيث انني لم انشر القصة بالكامل سعيا وراء الايجاز والاختصار.. ولم أنشر لك ما سمعته من الموظفين بعد ان حاولت ان اقف في الصفوف وايضا حتى من الذين يحاولون ان يتخطوا الصفوف والذين يدخلون من الأبواب الجانبية للناس العندهم واسطات... واذا اردت التفاصيل سوف انشرها لك بالكامل.. وعشان كده انا قلت العبارة الماعجبتك وهي "موظفين الحكومة ما سمحين وما طيبين"" ومرة اخرى اقول لك :" آسفة للتعميم مرة اخرى واعتذر لكل من مسه اي اذى او اهانة فإنني كنت اقصد فقط هؤلاء الذين لا يعملون ولا يؤدون واجبهم الوظيفي بدون رشوة..وأكيد هناك في موظفين سمحين وطيبين .. وانا هنا أؤمن ايمان قوي بأنك واحد من هؤلاء الذين يجب ان نفتخر بهم.. لأن الكلام الذي كتبناه عن رشاوي الموظفين اصابك بزعل شديد مما اضطريت معه ان ترد بالنيابة عن هؤلاء الشرفاء .. والله يديك العافية يا ابو كريم.. ونحب نسمع منك عن طريق جلال.. أميرة
Post: #124 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 07:46 PM Parent: #123
سلام أميرة ...
Quote: عزيزي ناذر كدي اقرأ كلام وضاحة مرة ثانية وارجع اقرأ كلامي عن شهادة الميلاد .. وما تضحك ساكت لكن عاوزين رأيك شنو في الحاصل؟؟وهل الحاصل ده فعلا حاجات عادية في السودان..
والله الحاجات دي في السودان عادي زي الزبادي أغش عليك ؟!!
والله ليس في قصتك وقصة وضاحة ما يدهش أطلاقا ..!!
إني يا إما طولتي شديد من البلد يا إما أول مرة تجي البلد ..!!
ما قريتي فوق قصة الزبير صالح مع الرقم الوطني او باقي القصص ؟!
Post: #125 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 07:54 PM Parent: #123
سلام ولياب ...
Quote: ولكن لماذا لا تنغير للأفضل أن كانت هناك أشياء في إستطاعتنا والتي خارج إستطاعتنا يجب علينا أن لا ننتقد البلاد ولا العباد . وفي النهاية السودان بلدنا بكل المحاسن والمساوئ
الحقيقة التغيير للأفضل ما بي أستطاعتنا كمواطنين أو كمغتربين ..!! التغيير للأفضل دايرة حكومة رشيدة وناس بيؤمنوا فعلا بحتمية التغيير ..!!
التغيير ما بيجي بالشناف وعبارات الاستعلاء من شاكلة (إنتو عايشين كيف مع الوضع دا) !!
التغيير دا عبارة عن سلسلة من التغيرات تتصاعد مثل الهرم واهمها أن نغير ما بأنفسنا أول من سلوكيات وتعاملات وأخلاقيات ...!!! وبعد داك نتغير اجتماعيا واقتصاديا .. ودي مرحلة طويلة معقدة وعندها تفاصيلها ..!!
القصة دي عندها درجات ومراحل تتبناها النظم الحاكمة بي خطط ومشاريع تتنزل على أرض الواقع ...!!
يعني بي أختصار من أعلى الهرم اللي هو الدولة لحدي قاعدة الهرم وهو المجتمع ..!!
Post: #126 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 10-24-2012, 08:13 PM Parent: #125
Quote: وهو زمان كان شنو غير صينية ؟!
أوع تقول لي كان بتاع بتاعات ؟!!
صينية يا صينيه انت Saint James كان كل الخرطوم بالليل مع أشقائه وشقيقاته G M H والليدو وهلما جرا اوع تقول اي الليدو اللعبه البتعرفها ديك عاكف صغير وجاهل
Post: #127 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 10-24-2012, 08:17 PM Parent: #126
Quote: الحمد لله مؤهل جدا وفي عروض كتيرة جاتني ... لكن رفضتها
جلال جبريل مالك بتساسق ورا ناذر يا اخوي انت تعريفك للمؤهلات شنو عشان نعرف نتكلم ولعلمك الراجل دة ما فاضي من كتره ما هو مؤهل عشان كدة ما تزحمه
Quote: ولعلمك الراجل دة ما فاضي من كتره ما هو مؤهل عشان كدة ما تزحمه
إنتو البوست دا كسارين تلجو كترو كدي مالو؟؟
Post: #128 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 10-24-2012, 08:18 PM Parent: #125
حذف للتكرار
Post: #129 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-24-2012, 08:51 PM Parent: #128
الزبير الساعة كم هسي ..!!
Quote: صينية يا صينيه انت Saint James كان كل الخرطوم بالليل مع أشقائه وشقيقاته G M H والليدو وهلما جرا اوع تقول اي الليدو اللعبه البتعرفها ديك عاكف صغير وجاهل
والله ما فهمت حاجة من كلامك دا !!
دو يو نو أرابيك ؟!!
Post: #130 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 10-24-2012, 09:54 PM Parent: #129
والله يا وضاحه نمر 2. انت سان جيمس وصالة غردون للموسيقي وبقية العقد الفريد كانت بهجة الليالي بالخرطوم في الزمن السمح
Post: #132 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 10-24-2012, 10:21 PM Parent: #131
وضاحه معليش فقط لاني اتذكرت انتي مرة سالتي عن GMH عشان كدة شاغلت ناذر الخرطوم بالليل دي يا وضاحه إحنا ما شفنا الا اواخرها لكن السودان الوقت داك كان سودانا بحق الجوامع مليانه وغيرها مليان
نسيبي الله يرحمه حكي لي مرة انو في حلفا سنه خمسين كانت في تليفونات عمومية Call box في الشارع
Post: #133 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-25-2012, 08:30 AM Parent: #132
!!!!!
Quote: نسيبي الله يرحمه حكي لي مرة انو في حلفا سنه خمسين كانت في تليفونات عمومية Call box في الشارع
نسيبك دا فكاها فيك حامضة يا الزبير ...!!
لو كلامو صاح كان فيصل محمد خليل نزلا في بوستو بتاع حلفا قبل الهجرة ..!!
لحدي سنة 1990 كان من سابع المستحيلان أنك تضرب تلفون من السجانة لي أمدرمان الا بشق الأنفس ..!!
غايتو لو كلامو صاح أكيد حلفا دي بتكون الزمن داك تابعة لي مقاطعة نيو هامشاير .!!
Post: #134 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 10-25-2012, 10:47 AM Parent: #133
Quote: لحدي سنة 1990 كان من سابع المستحيلان أنك تضرب تلفون من السجانة لي أمدرمان الا بشق الأنفس ..!!
إحنا البيخلينا نباري الشفع شنو ما عارف يا ناذر انت مشكلتك انك يا دوبك من زمن الطلائع عشان كدة ما ممكن تصدق انو كانت في حاجات حلوة في السودان وكنا زينا وزي العالم المتقدم بل كنا أحسن من دول كتيرة في الجوار العربي والإفريقي ولكن بعد التردي الحصل بعد داك ما ممكن تتخيل انها. كانت موجودة تعرف البلدان التانية كانت بتجي تأخذ الخبرات والأفكار والخبراء مننا زمان كان في رئيس زامبي اسمه كينث كاوندا جا حنس الزعيم الأزهري الله يرحمه انو يمدو بخبرات في مجال السكك الحديدية مشينا مع الوالد اتجدعنا كم سنه في زامبيا وكانت وقتها زامبيا مقارنه بالسودان زي لمن تقارن شارع الشانزليزيه بشارع الهوا
عشان كدة سابع المستحيلات بتاعتك دي كانت من المسلمات بها في زمن ماضي يا ناذر هل تصدق انو في عطبرة كنا مشتركين في جمعية تعاونية بتجيب حتي الكرز المعلب والكلام دة في السبعينات انت هسي بتصدق انو عمال السكة الحديد كانو بياكلو ثلاث وجبات في اليوم لغاية ما يشبعوا وبيشربوا شاي الصباح مع لقيمات وبعد الفطور والغداء وكمان بيدورو شاي بلقيمات وقت المغرب وبيضبحو في الضحية وبيشتروا هدوم العيد لعيالهم هل تصدق يا ناذر انو في المدرسة كانوا بيصرفوا لينا الكتب والكراسات وطين الصلصال وحبر الأقلام هسي كلامي دة ما من سابع المستحيلات بفهمك ومشاهدات اليومين ديل
Post: #135 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-25-2012, 02:20 PM Parent: #134
عارف يا الزبير ..
Quote: إحنا البيخلينا نباري الشفع شنو ما عارف يا ناذر انت مشكلتك انك يا دوبك من زمن الطلائع عشان كدة ما ممكن تصدق انو كانت في حاجات حلوة في السودان وكنا زينا وزي العالم المتقدم بل كنا أحسن من دول كتيرة في الجوار العربي والإفريقي ولكن بعد التردي الحصل بعد داك ما ممكن تتخيل انها. كانت موجودة تعرف البلدان التانية كانت بتجي تأخذ الخبرات والأفكار والخبراء مننا زمان كان في رئيس زامبي اسمه كينث كاوندا جا حنس الزعيم الأزهري الله يرحمه انو يمدو بخبرات في مجال السكك الحديدية مشينا مع الوالد اتجدعنا كم سنه في زامبيا وكانت وقتها زامبيا مقارنه بالسودان زي لمن تقارن شارع الشانزليزيه بشارع الهوا
عشان كدة سابع المستحيلات بتاعتك دي كانت من المسلمات بها في زمن ماضي يا ناذر هل تصدق انو في عطبرة كنا مشتركين في جمعية تعاونية بتجيب حتي الكرز المعلب والكلام دة في السبعينات انت هسي بتصدق انو عمال السكة الحديد كانو بياكلو ثلاث وجبات في اليوم لغاية ما يشبعوا وبيشربوا شاي الصباح مع لقيمات وبعد الفطور والغداء وكمان بيدورو شاي بلقيمات وقت المغرب وبيضبحو في الضحية وبيشتروا هدوم العيد لعيالهم هل تصدق يا ناذر انو في المدرسة كانوا بيصرفوا لينا الكتب والكراسات وطين الصلصال وحبر الأقلام هسي كلامي دة ما من سابع المستحيلات بفهمك ومشاهدات اليومين ديل
الحاجات الحلوة الضاعت دي زمان في بوست أنا حملت مسئوليتا لي من اسميتهم (فاشلي أكتوبر وابريل) .. ديل اعظم ثورتين لكن العملوها ما حافظوا عليها وبعد كل ثورة يجو العسكر ناطين ..!
هسي عاين المصريين ديل .. بعد ثورة 25 يناير نجحت ما قعدوا ساي .... بقوا حارسين الثورة وكل فترة يجو ميدان التحرير بي شعارات تصحيح المسار وحماية الثورة ومسميات زي دي ..!!
Post: #136 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-25-2012, 02:40 PM Parent: #135
المغتربين الجايين للعيد ..!!
اعملو حسابكم .. كويس ..!!
عارفييييييييييين الخرفان السنة دي حجمها زي العنبلوق .. وعارفيييييين الخروف سعرو اكتر من مليون جنيه وفاهمييييييييين عندك الضبيحة ما بتكون في الشارع وسط ال###### .. عارفنكم بتضبحوا وين وبيجيبوهو ليكم ملفوف زي السندوتش كيف ..!!
عارفييين خرفانا مضبلنة ومنظرا ما سياحي وفاهمييييين خرفانكم قدر البقر وما بيقول باع يعمل أزعاج ولو قال باع ممكن تعملوهو فايبريشن او صايلنت !! دا كلو عارفنو ... عشان نكون واضحين من الأول ... سمح ..!!
Post: #138 Title: Re: والله المغتربين السودانيين البيجوا السودان اجازات ويرجعوا حيرونا . Author: اميرة السيد Date: 10-25-2012, 02:52 PM Parent: #136
Quote: عارفييييييييييين الخرفان السنة دي حجمها زي العنبلوق .. وعارفيييييين الخروف سعرو اكتر من مليون جنيه وفاهمييييييييين عندك الضبيحة ما بتكون في الشارع وسط ال###### .. عارفنكم بتضبحوا وين وبيجيبوهو ليكم ملفوف زي السندوتش كيف ..!!
عارفييين خرفانا مضبلنة ومنظرا ما سياحي وفاهمييييين خرفانكم قدر البقر وما بيقول باع يعمل أزعاج ولو قال باع ممكن تعملوهو فايبريشن او صايلنت !! دا كلو عارفنو ... عشان نكون واضحين من الأول ... سمح ..!!
.................... ما تراكا يا ناذر عارف كل شئ وكأنك عايش معانا هنا في امريكا.. واحتمال تكون صحي عايش هنا لأني كل ما ادخل السيوبر ماركت الجنب البيت اشوف واحد اقول الزول ده شفتو وين انا يا ربي.. وهسع يادوب افتكرت انه ده انت ذاتك.. والله يديك العافية.. وطبعا الخرفان الانت وصفتها موجودة في نفس السيوبر ماركت البتجيه انت ده وبتلقاهم في الرف الخامس ومكتوب على الرف ( مذبوح حلال) بالعربي الفصيح مع انو صاحب السيوبر ماركت يهودي..)
Post: #139 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 10-25-2012, 05:36 PM Parent: #138
Quote: المغتربين الجايين للعيد
خلاص بطلنا ، حانجي في عيد رمضان ، اوع تقول لي الكعك لسه صغيروني كدة وبترشو فية سكر
Post: #140 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-25-2012, 07:43 PM Parent: #139
سلام أميرة ..
Quote: ما تراكا يا ناذر عارف كل شئ وكأنك عايش معانا هنا في امريكا.. واحتمال تكون صحي عايش هنا لأني كل ما ادخل السيوبر ماركت الجنب البيت اشوف واحد اقول الزول ده شفتو وين انا يا ربي.. وهسع يادوب افتكرت انه ده انت ذاتك.. والله يديك العافية..
هههههه امريكا دي ما شفتها ومعرفتي للحاجات دي من باب ما مت لكن شقيت المقابر ..!!
بعدين مع أنتقاد بعض المغتربين للمعيشة في السودان وتشبيهاتم ومقارنتم بيخلي الزول يكون فكرة كويسة عن الاوضاع في أي بلد من البلاد البرة حتى لو ما سافر ليها ..!!
اتنين من الكتاب هنا بيريحوني شديد وبتابع بوستاتم بي شغف ..
osman musa من امريكا و معاوية المدير من كندا .. الأتنين ديل تحديدا كل كتاباتم جميلة جدا وبتدور حول المعيشة وتوصيف الحياة الواقعية في البلاد العايشين فيها وبيحكوا قصص جميلة جدا تخليك تعايش الحدث ..!!
وبرضو عدد من بورداب الخارج لمن يمشوا يزوروا بلدان تانية .. والله بيكتبوا عنها بي طريقة جميلة جدا وخاصة لمن تكون مدعمة بالصور ..
كل عام وانتي بخير ..
Post: #141 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-25-2012, 07:45 PM Parent: #139
تعرف يا الزبير ..
واحد من بورداب الخارج وصل الخرطوم واتص بي جبيل وبعد السلام والمجاملات ومواعدة الشوفة .. طمني جدا أنو ما حا يفتح خشمو او يشنف لحدي ما تنتهي اجازتو ههههههه والله ضحكت جدا ...!!
Post: #142 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-25-2012, 10:33 PM Parent: #141
Post: #143 Title: Re: والله المغتربين السودانيين البيجوا السودان اجازات ويرجعوا حيرونا . Author: صديق الموج Date: 10-26-2012, 10:31 AM Parent: #142
ناذز ابن عمى سلام وعيدك مبارك انا خرجت من السودان فى اواخر السبعينات يا حبيب والله يا ناذر وما اظنك طالبنى حليفة..وما كلام بعيد فى منتصف الستينات حضرنا السودان بغسلو الشوارع بالماء بعربات مخصصة لذلك قبل ان اراها هنا.. السودان كان فيه تلفونات العمله فى الشارع تكلم منها كل السودان ومدنه الكبرى.. السودان كانت عربات الحليب بتجوب الشوارع وتوزعه على المشترين مبرد..لازلت اذكر القصديرة الحمراء التى تغطى بها زجاجات الحليب الانيقة السودان كانت فيه عربات خدمات بتوزع الغاز الى المنزل (تسمونها الان الركشة وتستعملونها اداة مواصلات) السودان كان يوزع البريد والتلغرافات الى البيوت السودان كلن ترش فيه البيوت بالمبيدات كل ثلاثة اشهر..(بتاع الجمكسين) السودان كان ضباط الصحه يجوبون الاسواق وعمال الصحة يرشون البرك والمستنقعات ان وجدت.. السودان كانت الزائرة الصحيه تزور المنازل كل شهرين وتسأل عن تطعيم الاطفال وصحة الام.. لا اعرف شارع (على الاقل الرئيسيه منها) فى العاصمة لاتسيل الزهور من حواشيه واطرافه.. كان ( لمارك اند اسبنسر) فرع واحد فى العالم غير المحل الرئيسى فى لندن ، كان فى السودان حدثنى خواجه انجليزى عملت معه هنا انهم فى الستينات كانو يخيروا قضاء راس السنه بين بيروت والقاهرة والخرطوم كانو يختارون الخرطوم عشان يشتروا الصوف الانجليزى الهيلد والاحذية الايطالية الفاخرة. كان مطار الخرطوم هيثرو افريقيا وملتقى شركات طيران العالم.. كان مكتبات الخرطوم تعج بكل صحف ومجلات العالم المشهورة عربية وانجليزية الاهرام، اخبار اليوم، النهار، مجلة العربى، ميكى ، سمير، هنا لندن، الهيرالد تربيون والتايم وافريكان شالنج .. معهد جوتة الالمانى ، النادى الفرنسى، برتش كاونسل، النادى الامريكى ، نادى ناصر، كانت مزارات يحج اليها الناس. فرق الباليه والسيرك الهندى وفرق الجاز العالميه الروك اند رول واخواتها كانت تعرض بضاعتها فى الخرطوم.. حتى خرجنا من السودان كان اهل الدين فيه ارق الناس اقئدة وان شجو بالعظم، وكان من آمن بلدان العالم.. كان حكامه حتى الدكتاتوريون منهم مهذبون ومؤدبون ولم نسمع برئيس او مسؤول شتم وسب شعبه مثلما ما نرى من الغلاة الصعاليق هولاء.. اخيراً نوع صلاح غريبة ده لم يكن موجوداً... الما بدهشنا شنو يا اخوى ؟والله انا بقضى نص اجازتى بين هى !!وما معقول!! وساظل فاغر الفاه كلما زرت السودان الشقيق،،،
Post: #144 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-26-2012, 08:21 PM Parent: #143
سلام ود الموج وكل سنة وإنت طيب ..
Quote: حضرنا السودان بغسلو الشوارع بالماء بعربات مخصصة لذلك قبل ان اراها هنا.. السودان كان فيه تلفونات العمله فى الشارع تكلم منها كل السودان ومدنه الكبرى.. السودان كانت عربات الحليب بتجوب الشوارع وتوزعه على المشترين مبرد..لازلت اذكر القصديرة الحمراء التى تغطى بها زجاجات الحليب الانيقة السودان كانت فيه عربات خدمات بتوزع الغاز الى المنزل (تسمونها الان الركشة وتستعملونها اداة مواصلات) السودان كان يوزع البريد والتلغرافات الى البيوت السودان كلن ترش فيه البيوت بالمبيدات كل ثلاثة اشهر..(بتاع الجمكسين) السودان كان ضباط الصحه يجوبون الاسواق وعمال الصحة يرشون البرك والمستنقعات ان وجدت.. السودان كانت الزائرة الصحيه تزور المنازل كل شهرين وتسأل عن تطعيم الاطفال وصحة الام.. لا اعرف شارع (على الاقل الرئيسيه منها) فى العاصمة لاتسيل الزهور من حواشيه واطرافه.. كان ( لمارك اند اسبنسر) فرع واحد فى العالم غير المحل الرئيسى فى لندن ، كان فى السودان حدثنى خواجه انجليزى عملت معه هنا انهم فى الستينات كانو يخيروا قضاء راس السنه بين بيروت والقاهرة والخرطوم كانو يختارون الخرطوم عشان يشتروا الصوف الانجليزى الهيلد والاحذية الايطالية الفاخرة. كان مطار الخرطوم هيثرو افريقيا وملتقى شركات طيران العالم.. كان مكتبات الخرطوم تعج بكل صحف ومجلات العالم المشهورة عربية وانجليزية الاهرام، اخبار اليوم، النهار، مجلة العربى، ميكى ، سمير، هنا لندن، الهيرالد تربيون والتايم وافريكان شالنج .. معهد جوتة الالمانى ، النادى الفرنسى، برتش كاونسل، النادى الامريكى ، نادى ناصر، كانت مزارات يحج اليها الناس. فرق الباليه والسيرك الهندى وفرق الجاز العالميه الروك اند رول واخواتها كانت تعرض بضاعتها فى الخرطوم.. حتى خرجنا من السودان كان اهل الدين فيه ارق الناس اقئدة وان شجو بالعظم، وكان من آمن بلدان العالم.. كان حكامه حتى الدكتاتوريون منهم مهذبون ومؤدبون ولم نسمع برئيس او مسؤول شتم وسب شعبه مثلما ما نرى من الغلاة الصعاليق هولاء..
والله يا ود الموج اكان كدي دايرك تجاوبنب بي صراحة :
لمن مشيتو اغترابكم دا .. بالله ما شنفتو للجماعة ديك بلدم وقلتوا ليهم في بلدنا في تلفونات عمومية وعربات حليب وكل الحاجات الفوق دي هههههههههههه .. غايتو لو قلت ليهم كدة إنشالله ما تكون جبت سيرة مصنع الشيري والبيرة ابو جمل هههههههه
Quote: اخيراً نوع صلاح غريبة ده لم يكن موجوداً...
صلاح غريبة دا أنا من يومو عارفو زول فريد من نوعو وفلتة ما بتتكرر .. يعني زول (يونيك) وكدة ..!!
Post: #145 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-26-2012, 08:36 PM Parent: #144
هاك دي يا صديق الموج بمناسبة البيرة والشيري ..!!
في بلدا طيرا عجم وفي نايت كـلب عالمي مشهور .. واحدة من شركات البيرة نزلت منتج جديد من البيرة دايرة تنافس بيهو .. قاموا عملوا مسابقة لأكتر زول بيشرب بيرة يكون هو الفائز وعندو كمان جائزة كرتونتين بيرة .. ناس المسابقة لمن عرف أنو النادي دا فيهو طلبة من جنسيات مختلفة قالوا دايرين زول من كل بلد ..!!
السودانيين رشحوا واحد سوداني مشهور بي أنو زول بلاع وراسو ينفع هلب سفينة من شدة ما تقيل .. نزلوا معاهو ناس من نيجيريا ويوغندا وفلسطين واليمن والهند والسعودية وكم دولة .. ختو قدام كل واحد جك كبير بتاع بيرة وزول ستاند باي بي جك إحتياطي .. المسابقة بدت والجماعة بدوا يقرطعوا وكل ناس دولة بيشجعوا ناسم .. والسودانيين شابكين ليك زولم الله أكبر ..!! سودانا فوق ..! أسد الكداد الزام ومش عارف إيه ...!!
المهم زولنا يكب ويقرطع والجماعة برضو معاهو .. الزول دا بعد شوية الكباية خلاها ورفع الجك نيطك نوطك .. نيطك نوطك .. نيطك نوطك .. قرطعوا كلو وفي الوكت داك الباقين ما وصلو لي نص جكاكتم ..!
زولك سرعة سرعة اتناول الجك التاني ونسى الكباية ورفع الجك قرطعك كركعك قرطعك كركعك .. عدمو الرغو وكلهات جات في شنبو ودقنو وبقى يشبه بابا نويل ..!
لحدي هنا والزمن قرب ينتهي وفوزو مضمون لكن هو ما انتهى تناول جك تالت وقرطعو لحدي نصو والحكم صفر لكن زولنا ما وقف الا كمل الجك التالت وكمان قال داير رابع ..!!
السودانيين فرحانين وصفقوا ليهو ورفعوهو في الأكتاف حايمين في النادي فوق فوق سودانا فوق .. انتهى اليوم سلموهو جائزتو وشال كراتينو واتخارج ..!!
زولنا جابوهو في جريدة محلية وأشتهر وبقى ذواقة خطير لي كل أنواع المشروبات الكحولية وكل الشركات بقت تتعاقد معاو عند طرح اي منتج جديد ..!!
مشكلو لمن يرجع السودان بيبرى اصحابو لمن يجيبوا ليهو أبو حمار .. طوالي ينقنق اثناء الشراب .. عندنا بيجيبوهو لي في قزازة مش عارف إيه .. وعندنا دا ما بنشربو بندفقوا في الحمام ، والبتاع دا ما صحي إنتو بتشربوهو كيفن ؟!.. وعندنا الحكاية دي إلا بالتلج !! وعندنا مش عارف إيه إلا بالتونك !! غايتو أصحابو كرهو وزاغو منو لكن شنافو ما وقف بقى يمشي بيت السنة براو ويشنف المرة قداما بي شناة أبو حمارا والغريبة بعد دا مضطر يشرب عشان ما في بديل ..!!
زي دا تقول عليهو شنو ؟! !!
Post: #146 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-26-2012, 08:43 PM Parent: #145
جلال جبريل ..!!
يا أخوي وينك إنت ؟! نعلك طيب ..!!
فاقدك وطولت ما شايفك حايم بي هنا ؟!
أوعا يكون ودوك محل ودو بوستك داك ؟!!
Post: #147 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 10-26-2012, 09:26 PM Parent: #146
Quote: عندنا دا ما بنشربو بندفقوا في الحمام ، والبتاع دا ما صحي إنتو بتشربوهو كيفن ؟!.. وعندنا الحكاية دي إلا بالتلج !! وعندنا مش عارف إيه إلا بالتونك
عارف يا ناذر لمن كنا ممتحنين من ثالثة متوسط للثانوي كان مقرر علينا كتاب اسمه Tom Brown school days اها توم أبوة اول يوم وهو سايقه المدرسة كان بيوصي فيه ويقول لية اهم حاجة يا توم دائما Tell the truth and keep a brave heart اها دحين صاحبك دة عمل بالوصية دي بلا ابو حمار بلا حليمة بتاعت ديم سلك
Post: #148 Title: Re: والله المغتربين السودانيين البيجوا السودان اجازات ويرجعوا حيرونا . Author: احمد التجانى احمد Date: 10-26-2012, 09:32 PM Parent: #145
أنا غايتو لما أجي أجازه السودان ما بحتاج لأكثر من ثلاثه أربعه ساعات كده عشان انسي البلد الانا جيت منها وادخل في فورمة السودان ، با تاقلم سريع جداً مع واقع المواصلات والجو والفوضي والسبهلليه والجربنديه والأغاني الهابطه والصاعده لكن الحاجة ألما قدرت اتعايش معاها وبتدهشني لحد ما ارجع هي تخانة جلد الناس القاعدين هناك وشايفين الحاجات الفظيعة الاطبعت بيها البلد وساكتين عليها ومش كده وبس وكمان مساهمين فيها بنشاط ، اديك مثال عشان ما تقول بنجر ساي - يا خي كمية ال###### الشفته في اجازتى الفاتت فى الخرطوم ممكن تفرش أفريقيا براحه ، ال###### ده مش مخلفات الناس ؟ كيف يعني ناس ما قادرة تتصرف فى مخلفاتها عندهم عين يتفاصحوا وكمان قال عندكم طياره بدون طيار - تعرف أنا قضيت معظم اجازتى في الشارع احاحي في الناس البترمي أكياس الزبالة في الشارع قدام أبواب بيوتهم !!!!!! وكلها دقائق حتى تأتي الكدايس والكلاب لإنجاز ما بقي من عمل حتي تكتمل اللوحة الفنية وتحويل أكياس الزبالة من الوضع الراسي للافقي في تشكيل ثلاثي الأبعاد صوره وصوت وريحه تمهيدا لتحليق أسراب الذباب والناموس اها الكلام ده أنا ما قاعد أتكلم فيه لكن بتكلم في الناس القاعدين في نصه وما هماهم ، مشنطين وعربتي كليك وبالله الاسبورتيج عندكم بكم وداير لي جالاكسي اس 3 ، قمت اتكلمت معاهم بان ينسوا عربيه المحلية حقت الزبالة ويشتروا باسم الحى كارو حمار لنقل الأوساخ مع تخصيص مرتب مجزئ للعامل حتي ينتظم في العمل مع الإبقاء علي الدفع الاوانطه لناس المحلية تجنبا للمشاكل وبعدين الزول لو ما دفع عشان نظافة البئيه الحولو البتكفيه شر الأمراض والمناظر البائسة ح يدفع وين ىعني ؟ تعرف قالوا لى ما تفكها فينا نحن في القرن 21 وتقول لينا كارو حمار - المشكلة مافي القرن 21 ولا الحمار المشكلة في الطنقعه وتخانة الجلد
Post: #149 Title: Re: والله المغتربين السودانيين البيجوا السودان اجازات ويرجعوا حيرونا . Author: الأمين عثمان صديق محمد Date: 10-26-2012, 11:27 PM Parent: #1
ابو النيذ بوستيك ابو اربعة ضلف دا حيرني هسه انا جيتكم كم مرة حصل طلعت مني كلمة كدا وللا كدا قلت البلد سمحة وللا شينه ولا عندنا هناك شنو وانتو ما عندكم شنو ما قاعدين نندرش معاكم شير السمكة معاكم ياخي ( اوعا تضحك ) وتيب ياخي الواحد بقى يتقريف لي ريحة الكوارو وعوادم الرقشات مرة ركبت لي مع بتاع رقشة من محطة الماسورة والرقشة مسجلها سنين وتسمع قلبها قلبها دا قلبها بيا وعدلها عدلها دا عدلها بيا العربية وتييييت وتييييت التقول معانا شيلة قلت ليهو يا ولد هوووي وقف المسجل دا هسه الناس الماشي عليهم ديل يقول علي شنو
Post: #150 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-27-2012, 09:23 AM Parent: #149
الزبير كل عام وأنت بخير ..
Quote: اها دحين صاحبك دة عمل بالوصية دي بلا ابو حمار بلا حليمة بتاعت ديم سلك
المشكلة إنو بيضرب ويشنف في نفس الوكت زي البياكل في الصحن ويبصق فيهو ..!!
بعدين في مغتربين كدة ممكن يشنفوا البلد بي حالا وأحوالا الا ابو حمار دا ما بيرضو فيهو هههههههههه ..
Post: #151 Title: Re: والله المغتربين السودانيين البيجوا السودان اجازات ويرجعوا حيرونا . Author: وضاحة Date: 10-27-2012, 09:30 AM Parent: #150
ندو
صباح الخير اليلة عندى مزاج ادلعك ما عارفة ليه هههههه
اها النت عندكم كيف ههههههههههه
Post: #152 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-27-2012, 09:35 AM Parent: #149
أحمد التجاني .
Quote: لكن الحاجة ألما قدرت اتعايش معاها وبتدهشني لحد ما ارجع هي تخانة جلد الناس القاعدين هناك وشايفين الحاجات الفظيعة الاطبعت بيها البلد وساكتين عليها ومش كده وبس وكمان مساهمين فيها بنشاط ، اديك مثال عشان ما تقول بنجر ساي - يا خي كمية ال###### الشفته في اجازتى الفاتت فى الخرطوم ممكن تفرش أفريقيا براحه ، ال###### ده مش مخلفات الناس ؟ كيف يعني ناس ما قادرة تتصرف فى مخلفاتها
بي صراحة في دي معاك حق .. بس الاشكالية البسيطة الناس بتدفع رسوم نفايات شهريا .. ومرات العربية ما بتجي فبيحصل الكلام القلتو دت .. أي نعم ما مبرر الناس تخلي نفاياتا .. قبل شهر كدة ناس النفايات نزلو في شارعنا حاوية فاضية .. الناس جمعت نفاياتا والحاوية إندفست وما جو شالوها .. الحلة إتملت كدايس وضبان .. مشيت بي نفسي ولعت فيها نار .. واحد من الجيران ضرب لي ناس الدفاع المدني جو بالمطافي طفوا النار والضبان والكدايس جو تاني راجعين !!
Quote: قمت اتكلمت معاهم بان ينسوا عربيه المحلية حقت الزبالة ويشتروا باسم الحى كارو حمار لنقل الأوساخ مع تخصيص مرتب مجزئ للعامل حتي ينتظم في العمل مع الإبقاء علي الدفع الاوانطه لناس المحلية تجنبا للمشاكل وبعدين الزول لو ما دفع عشان نظافة البئيه الحولو البتكفيه شر الأمراض والمناظر البائسة ح يدفع وين ىعني ؟ تعرف قالوا لى ما تفكها فينا نحن في القرن 21 وتقول لينا كارو حمار - المشكلة مافي القرن 21 ولا الحمار المشكلة في الطنقعه وتخانة الجلد
دا الكلام الايجابي يا احمد .. المشكلة ناس الاحياء مرات ما بيتعاونوا مع بعض وناس نا دايرين يدفعوا مرتين للمحلية وللكارو .. !!
غايتو كلامك القلتو فوق دا اذا الناس اعتبروهو شناف فأنا بسميهو شناف ايجابي ..!!
Post: #153 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-27-2012, 09:39 AM Parent: #149
اللمينز كل عام وانت بخير ..
Quote: ابو النيذ بوستيك ابو اربعة ضلف دا حيرني هسه انا جيتكم كم مرة حصل طلعت مني كلمة كدا وللا كدا قلت البلد سمحة وللا شينه ولا عندنا هناك شنو وانتو ما عندكم شنو ما قاعدين نندرش معاكم شير السمكة معاكم ياخي ( اوعا تضحك ) وتيب
النجيضة ما حصل .. مذكر يوم مشينا قندهار ومعانا تروتسكي وحميدة ومش عارف مين ؟ شايفك أستمتعت بالجو وما شكيت من الضبان والشية في نص الغبار والحاجات دي .. لانك أساسا عايش في البلد دي من زمان وما غيرت فيك حاجة الكم سنة اغتراب دي ..!!
Quote: مرة ركبت لي مع بتاع رقشة من محطة الماسورة والرقشة مسجلها سنين وتسمع قلبها قلبها دا قلبها بيا وعدلها عدلها دا عدلها بيا العربية وتييييت وتييييت التقول معانا شيلة
غايتو ناس الركشات ديل بي طريقتم دي يوم بيكتلوا ليهم زول ههههههه
Post: #154 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-27-2012, 09:42 AM Parent: #153
!!!!
Quote: صباح الخير اليلة عندى مزاج ادلعك ما عارفة ليه هههههه
ندو دا أو يكون أنا يا ضحوية ؟!!
Post: #155 Title: Re: والله المغتربين السودانيين البيجوا السودان اجازات ويرجعوا حيرونا . Author: وضاحة Date: 10-27-2012, 09:48 AM Parent: #154
ايوا ما قالوا اسد الجعليين ما بنفع اسوى ليك شنو هههههههههههههههه
قلت لى النت كيف عندى قصة طويلة مع النت فى السودان لما جيتكم فى الاجازة
Post: #156 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-27-2012, 10:17 AM Parent: #155
احكيها بدون شناف
Post: #157 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 10-27-2012, 11:57 AM Parent: #156
Quote: ندو
صباح الخير اليلة عندى مزاج ادلعك ما عارفة ليه هههههه
تعودي لينا الراجل دة علي الدلع تاني ما نلم فية ومصالحنا العليا تتأثر وبيني وبينك ناذر رغم انو ساكن في سنتر الخرطوم لكن الدلع ما خايل فية فما تضيعي وقتك ساي
سلام ناذر والضيوف وكل سنة وانتو طيبين ياناذر ياخ يحيروك في شنو
طبعا كلمتيني ديل قلتهن من اول ما قريت العنوان اها قعددت قريت البوست كلو ولقيت برضو نفس التعليق
ما ح اعيد نقاط تم نقاشها من قبل زي الفساد وغيره
لكن بنفس النستوى الانت بتطالب بيه المغتربين انهم ما يتكلمو وعلى لسانك نحن عاجبنا
انا عن نفسي ما عاجبني وما بسمح ليك تتكلم بلساني وتقول عاجبنا قصدي السودان
فما عاجبني واي زول عاوز ينتقذ ولا يشنف ولا يهول هو حر يكتب الدايرو مش زي ما انت تكتب الدايرو لكن ماتقول نحن كلنا العايشين في السودان بحاله دة عاجبنا قول انا ومن هو على شاكلتي عاجبنا بس
المهم النقطة التانية العاوزة اقولها منو القال ليك انه اي زول جا كتب كلام هنا وانتقد او اندهش هو خلى السودان دة كدة ياخي السودان دو تغيب منه شهر وتجي تلقاه اتغير وبرضو تندهش من مستوى التردي الي حاصل وبيحصل ومتصاعد بوتيرة عالية شدييد بعدين الشخص اللي ما موجود في البلد او الغائب لفترة طويلة بيقدر يلحظ وبسرعة شدييد التغيير الحاصل عكس الزول المتابع ومعايش التغيير التدريجي مش في مثل روسي بيقول جنا الغير بيربى بسرعة لانك بتشوفه من فترة لفترة لكن ولدك قدامك يكبر كل يوم ما بتلاحظ ليه او للفرق احصل لانك معاه صاح
ياخي انا مرة من المرات غبت زي 8 سنوات متواصلة وجيت لقيت البلد دي اتغيرت زي 180 درجة في اي حاجة غير الفساد والذي منه لكن ما لفت انتباهي تردي منظومة قيم واخلاق بتحكم التعامل العادي بين الناس العاديين دة
المهم ملخص كلامي سيظل الاندهاش وسيظل الانتقاد من ناس جوة ومن ناس برة ما لم يصل بلدنا الى مصاف الدول
وتاني انا من ليلي دي حاجز لي بوست عن معاناتي في السودان واجازاتي القصيرة بعد غياب شهور قلائل بجد معاناة وحا اهول الحاجات اها شنو ليك وش اخدر
واخيرا يا كريم والله شكرا على ردك ياخي عموما امثال كتيرين ونحن ملاحظنهم
لكن الخير بيخص والشر بيعم انا عن نفسي لو دايرة احكي بقدر استرجع قصص كتيرة ايجابية قابلتني من موظفي الدولة في قطاعات الدول المختلفة ودوما هناك من هو يؤدي وظيفت بامانة ونزاهة رغم الظروف لكن الصفائح الفارغة دائما تحدث جلبة
يا ناذر
وفتك بعافية
صفية مخضرمة (عايشة برة وجوة في نفس الوقت)
Post: #159 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 10-27-2012, 07:27 PM Parent: #158
شكرا على الرد يا صفية ..
واهو مداخلتك قيمة وأنا تقريبا رديت عليها في ثنايا ردود أخرى ..
القصد النهائي ..
عندك أي شكوى من تردي خدمات أو فساد في السودان عندك الحرية تكتبي زي ما دايرة ..
إنتي أخترني تكتبي بي تهويل .. لكن تذكري النهويل من السهل تفنيدو من قبل ناس الداخل ..!!
وما دام بتكنبي من برة أعرفي كويس سهام نقدك وتهويلاتك ماشة لي وين ..!!
يعني وجهي كناباتك وإنتقاداتك للفيل اللي هو الحكومة .. مش للمواطنين الحا تقولي ليهم (الموية البتشربو فيها دي ليه ما كتلتكم من زمان) ..!!
شكرا وعيد سعيد ...
Post: #160 Title: Re: والله المغتربين السودانيين البيجوا السودان اجازات ويرجعوا حيرونا . Author: عبدالرحمن الحلاوي Date: 10-28-2012, 10:51 AM Parent: #159
ناذر كل عام وأنتم بخير ...يازول الاغتراب دا الغرض منه تحسين مستوى المعيشة للرجوع للعيش في حظيرة الوطن وسط الناس والاسهام بكل وسيلة في مساعدة الناس وهذا حال هم غالب المغتربين ، والمغتربين كثير منهم يعتمد في تقييمه للأمور على الاعلام او الزيارات القصيرة للسودان ..والسودان بخير رغم ما يعانيه الناس من ضلئقة خانقة إلا أن ربك فوق الجميع ولو الارزاق على الحكومة لمات الشعب الفضل لكن لكل مجتهد نصيب وربك مقسم الارزاق ....ولربما بعض المغتربين يخطيء في التققيم إذا وقع في فخ المقارنة بين الداخل والخارج فكل بلد ظروفه مختلفة عن السودان وأزمة السودان أزمة توزيع السلطة على ضوء نظام ديموقراطي يضمن للجميع الحق في العمل والحركة والانتاج ويسمح بالمراقبة على اداء الاجهزة التنفيذية عبر انتخاب حر ..فإن زالت هذه الازمة فسيعود غالب المغتربين لأرض الوطن للشعور بقيمة الحرية والابداع في وطن معافى يسع الجميع ...فلا تحتار يا صديقي كثيراً ...تحياتي
Post: #161 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 10-29-2012, 11:11 PM Parent: #160
Quote: وهو زمان كان شنو غير صينية ؟!
أوع تقول لي كان بتاع بتاعات ؟!!
تعرف يا ناذر الليله لقيت ليك معلومة حلوة عن سان جيمس ومعاها صورة كمان سنه 1958 م كانت تقام حفلات اختيار ملكه جمال السودان في هذا المكان تخيل سنة 58 ميلادي ما عندي طريقة احمل الصور والتعليق الان يمكن في مرة تانية تكون الظروف مواتية
Post: #162 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 11-03-2012, 08:27 PM Parent: #161
الحلاوي والزبير !!!
مداخلاتكم دي كتبتوها متين !! ما شفتها إلا هسي !!
كيفك الحلاوي :
Quote: ناذر كل عام وأنتم بخير ...يازول الاغتراب دا الغرض منه تحسين مستوى المعيشة للرجوع للعيش في حظيرة الوطن وسط الناس والاسهام بكل وسيلة في مساعدة الناس وهذا حال هم غالب المغتربين ، والمغتربين كثير منهم يعتمد في تقييمه للأمور على الاعلام او الزيارات القصيرة للسودان ..والسودان بخير رغم ما يعانيه الناس من ضلئقة خانقة إلا أن ربك فوق الجميع ولو الارزاق على الحكومة لمات الشعب الفضل لكن لكل مجتهد نصيب وربك مقسم الارزاق ....ولربما بعض المغتربين يخطيء في التققيم إذا وقع في فخ المقارنة بين الداخل والخارج فكل بلد ظروفه مختلفة عن السودان وأزمة السودان أزمة توزيع السلطة على ضوء نظام ديموقراطي يضمن للجميع الحق في العمل والحركة والانتاج ويسمح بالمراقبة على اداء الاجهزة التنفيذية عبر انتخاب حر ..فإن زالت هذه الازمة فسيعود غالب المغتربين لأرض الوطن للشعور بقيمة الحرية والابداع في وطن معافى يسع الجميع ...فلا تحتار يا صديقي كثيراً ...تحياتي
تعرف يا الحلاوي .. في واحدين كدة أجارك الله من النوع الماداير يرجع نهائي .. بس يجي أسبوع ويرجع ويمسك بينا زمن شناف في شناف ..!!
واحد زميل دراسة ربنا اكرمو مشى نيويورك قعد فيها ستة ولا سبعة سنوات جاني زيارة العيد .. الزول دا من شدة ما فرحان جوازو الأمريكي مسرجو في جيب بنطلون الجينز زي الطبنجة !! قعد معاي زي ساعة يتكلم ويشكي وينقنق !! نص إنقليزي ونص عربي .. البلد دي وما أدراك ما البلد دي والبلد ديك فيها وما فيها ..! ما في شي ما شنفوا .! قلت ليهو إنت هسي جاي زيارة ولا راجع تاني ؟! تخيل جاوب قال شنو .!
مط شلوفتو وخلف كرعينو وقال لي معقولة زول يعيش في نيويورك تاني يرجع يخليها عشان يعيش في الديم وزبالة الديم !!
أيوة بي نفس الألفاظ دي .. وقسما بالله كنت ناوي أطردو من المكتب بس راعيت حق الزمالة القديمة ..!!
Post: #163 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 11-03-2012, 08:30 PM Parent: #161
الزبير والله دي تكون قلبت فيها الهوبة ..
Quote: تعرف يا ناذر الليله لقيت ليك معلومة حلوة عن سان جيمس ومعاها صورة كمان سنه 1958 م كانت تقام حفلات اختيار ملكه جمال السودان في هذا المكان
كدي عليك الله أكرمنا بي الصورة خلينا النقارن بين جمال زمان وجمال هسي ..!!
Post: #164 Title: Re: والله المغتربين السودانيين البيجوا السودان اجازات ويرجعوا حيرونا . Author: الزبير صالح الزبير Date: 11-03-2012, 08:57 PM Parent: #163
ناذر برسل ليك الصور في الايميل وانت نزلها عشان عندي مشكلة تنزيل للصور
Post: #165 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 11-04-2012, 12:54 PM Parent: #164
اوكي يا الزبير .. بس صورك دي حا تنزل في بوست جديد ..
Post: #166 Title: Re: والله المغتربين السودانيين البيجوا السودان اجازات ويرجعوا حيرونا . Author: اميرة السيد Date: 11-04-2012, 02:14 PM Parent: #165
Quote: اوكي يا الزبير .. بس صورك دي حا تنزل في بوست جديد ..
وده بعد ما اقنعناك انو في مساوئ في السودان لا يمكن غض النظر عنها و لازم نتكلم فيها.. بس بصراحة صاحبك القال ليك " الواحد ما ممكن يعيش في نيويورك وبعد ده يعيش في الزبالة دي" كان عندك حق تطردو من المكتب .. لأنوا ما ممكن الواحد يستبدل بلده بأية بلد في العالم حتى ولو كانت السويد او النرويج.. لأني قريت ان السويد والنرويج هما الدولتان الأكثر حضارة في العالم..
Post: #167 Title: Re: والله المغتربين السودانيين البيجوا السودان اجازات ويرجعوا حيرونا . Author: داليا حافظ Date: 11-04-2012, 02:41 PM Parent: #166
يازول كل عام وانت بألف خير ..
انا قريت الصفحة الأولى بس ..في حال كررتا كلام ناس اتقال ..
بالجد يا ناذر في مغتربين فقاعين وزايدناها كوزين ده مبدئيا وطبعا انا ما منهم هههههه
و بصراحة في تعبيرات عندي عليها تحفظات لمن الناس تستخدمها في الكلام عن البلد ..
وبالجد في كلام ببقى جارح ######يف للناس المكويين بالنار ..
لكن يا ناذر أدي الناس العذر لانو بالجد المقارنة بتفرض نفسها لمن تتعود على نمط حياة مختلف بيدهشك والماشفتو في بيت الخ ..ههههه
الموضوع كلو اتخيل لي بتلخص في (اللباقة) في توصيل الفكرة أو المعاناة أو حتى الانتقاد ..
ــــــ
بعدين عيب لي العيد في استطانبول ههههه..
Post: #168 Title: Re: والله المغتربين السودانيين البيجوا السودان اجازات ويرجعوا حيرونا . Author: ناذر محمد الخليفة Date: 11-07-2012, 01:06 PM Parent: #167
.
