Post: #1 Title: عبد الكريم كيكي كل عام وانت بخير وعندي ليك سؤال داير إجابة !! Author: ناذر محمد الخليفة Date: 08-24-2012, 09:50 PM Parent: #0
رايك شنو أنزل ليك فيديو او فيديوهات من مجموعة (ناذرleaks) الفنية لي فنان أول مرة حا تسمعوا وتشوفوا في حياتك ؟! فنان غير معروف إلا على نطاق ضيق جدا وزيو وزي عادل النوش فنان كسلا المقبور هناك بعيد عن أجهزة الأعلام !! فنان لي هسي طالب في الجامعة بيعزف عود بي طريقة إحترافية وبيغني بي حنجرة زُمردية ما حا تصدق لو سمعتها .!! وهو بالسن الصغير دا بيقلد تلاتة فنانين من عمالقة الفن السوداني هم أحمد المصطفى والجابري وعثمان حسين ..! زول مبدع لدرجة المرحوم عثمان حسين شخصيا كان بيرتاح يسمع أغانيهو من حنجرتو وبيبكي ويتأثر لي طريقة الأداء !!
فنان قبل حوالي ستة أو سبعة سنوات كنت بجيبوا يغني في تجمعات بورداب الخرطوم لأني كنت براهن بيهو ورهاني ما راح ساي !!
عندك 12 ساعة بس للإجابة ويا ناس الدوحة حد يصحي كيكي لأني عارفو بيكون هسي معيد في حتة بعيدة من النيت وبعيدة من أي حاجة علمية تانية لكن قريب من حاجات تانية وبعيد من حاجات غيرا ..!!
في الوكت دا بنزل صور للفنان من جلسات سابقة ولمات قديمة لي بورداب الخرطوم ..!!
Post: #2 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: معاوية عبيد الصائم Date: 08-24-2012, 09:56 PM Parent: #1
Quote: والمواهب المدفونة ..!!
Post: #3 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: ALGARADABI Date: 08-24-2012, 10:10 PM Parent: #2
أوعي يكون الفنان ياهو ده يا معاوية؟؟ معناها التوقيع حايزيد كلمة حايبقى: مهنس و أعلامي و خبير فيس بوك و بتاع دراسات هجرة و فنان الرياض القاهرة الخرطوم
Post: #4 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: ناذر محمد الخليفة Date: 08-24-2012, 10:19 PM Parent: #2
معاوية الصائم ..
قلنا فنان صغير في السن ولي هسي في الجامعة ..
تجيب لي صورة خريج الأزهر ؟!!
Post: #5 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: ناذر محمد الخليفة Date: 08-24-2012, 10:42 PM Parent: #4
هسي الدنيا فللت وأنا لسع باقي الليلة دا عندي حوامة ...
هاك دي صورتو إتصبر بيها :
شوف مسكة العود بالشمال والثقة دي ..!!
والصورة دي هسي لقيتا وسط صور فولدر كامل ..!!
كانت رحلة في جزيرة توتي معانا الريس بكري أبو بكر شخصيا وكمية من البورداب زي أحمد الشايقي ومعتصم دفع الله والسفير جمال وزوجتو وعبير خيري وناجي الملك وعصام عبد الحفيظ وإيييييييييييييك !!!
Post: #6 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: عبدالكريم الامين احمد Date: 08-24-2012, 10:52 PM Parent: #4
ياهلا يا ابو النيز وقبل العيد مبارك والذي منه خليني اخشششششش توشششششش في الموضوع الاساسي لانو خوفي ال12 ساعة ونيف تكون انتهت وخشمي يبقي ملح ملح وانا عندي شوق شديد للفنانين الاسطورين البولعو جمر الحي بتاع اخوك كما ولعه المدهش (ود النوش) حياه الغمام...
واخوك يا ناذر ومنذ خروجه البعيد من فريق زنقو فقد ظله الفني وتباعدت الخطاوي والسنين عن تلك الحفلات الرهيبة والمزازيك الجاية من جوف النيل وموشحة بقليلا من الخندريس فعشان كده بنجي الاسافير دي بنلبد ونطقس خبورات البلد والمزيكة بتاعة هنووووووووووووووك حيث الجروف والليالي والحسان والفنانين النار منقد
فاردم يا زول ومتعني بالدهشة بالله وخليني اعيد ياااااااااااااخ وخلي امة سودانيز دي تلقط لقطهم شيخي الجيلي
Post: #7 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: عبدالكريم الامين احمد Date: 08-24-2012, 11:05 PM Parent: #6
Quote: وهو بالسن الصغير دا بيقلد تلاتة فنانين من عمالقة الفن السوداني هم أحمد المصطفى والجابري وعثمان حسين ..!
يا سسسسسلام يا ناذر ياااخ الجواب يكفيك عنوانو والثالوث العظيم الراحل ده ثالوث عجيب مرة واااحدة ومعلمين كبار اي واااحد فيهم جضم لينا كشعب فضل مزازيك تكفينا لحدي عيال عيالنا وكون ابو الشباب صاحب الانامل اللفت ده يقرف من هيك بستان فده كلام كثيرررررر خلاص وعجيب (وكلام دي جي بونسو بعدين ) علي قولة القوم في نواحي ملكية جوبا
---- وبعدين ياااخ انت مااااشي ووووووين بالليل ده يا زول مولع فينا جمري الحي ومفرتق اجمع يا زول اجمع ونحن قرفصاء في الانتظار
Post: #8 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: nazar hussien Date: 08-25-2012, 07:19 AM Parent: #7
كل سنة وإنتو طيبين يا فنانين...
سمعنا يا ناذر...
فالصورة توحي بأن مسكة رقبة العود.... لصاحب صوت ماهل ...سوبرانو وباس
Post: #9 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: عبدالكريم الامين احمد Date: 08-25-2012, 09:04 AM Parent: #8
اها
ولقد طال القرفصاء يا ياناذر فاظهر وبان يازول وليك الامان
Post: #10 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: ناذر محمد الخليفة Date: 08-25-2012, 01:27 PM
كيكي !!!!
جايي بعد نهاية المدة مالك ..!!
للأسف اتأخرت وقفلنا الطبلية يلا سوق معاك نزار حسين دا وشوفوا ليكم شغلة تانية أقضوها ..
المرة الجاية تعال بدري سمح ؟!!
Post: #11 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: عبدالكريم الامين احمد Date: 08-25-2012, 02:01 PM Parent: #10
Quote: كيكي !!!!
جايي بعد نهاية المدة مالك ..!!
اهااااااااا قمنا لخرخرة ناس البندر حد يصحي بشاشا واخرين بالله لها
انت العليك غرااااامة يا ناذر لانو عشرمية ساعة الدوحة والمنامة كلها قايمة وقاااعدة قرفصاء بواسطة منادبيهم نزار و خالك كيكي عوض كيكي وانت مافيششششششش
فاردم يا عمك اردم يااااخ عشان ما نشكل فولترون انا وحبيبي نزار ده ونعمل معاك كركبة ساااكت هههههههههه
Post: #12 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: ناذر محمد الخليفة Date: 08-25-2012, 06:15 PM Parent: #11
سلام كيكي ..
فشلت محاولات التحميل لبطء النيت الليلة ..
بكرة نحاول إنشاء الله ..
Post: #13 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: عبدالكريم الامين احمد Date: 08-25-2012, 06:29 PM Parent: #12
Quote: فشلت محاولات التحميل لبطء النيت الليلة ..
بكرة نحاول إنشاء الله ..
يووووووووووووووووووووووووووووووووو
دي شحتفة مدانة باشد لهجات الادانات واتصلح معانا ياعمك ياااخ وغير شبكات (كنار-زين - سوداتيل) المهم شوف لينا انا واخوي نزار ده حلل والا تا الله انها الحرب الكيكية الكونية الثالثة
Post: #14 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: ناذر محمد الخليفة Date: 08-25-2012, 06:41 PM Parent: #13
وزي ما قالوا كل تأخيرة فيها خيرة يا كيكي وأنت راجل محظوظ وزولا مبروك ..
جاني تلفون قبل شوية من مبدعنا بيوريني بي جلسة كاربة أو قعدة مجيهة على شارع النيل .. فدي فرصة كويسة أزيد الذخيرة العندي وهسي ضربت لي صحبي حسن كدايس سواق الحافلة الهايس يجينا بي هناك ويجيب معاهو عازف الأيقاع الماهر عمر جرجيرة عشان الشغلة تزبط ..!!
بكرة أنزل الشغل وإنشاء الله ترجع تلقى الأمور مجيهة ..
Post: #15 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: عبدالكريم الامين احمد Date: 08-25-2012, 07:28 PM Parent: #14
Quote: وزي ما قالوا كل تأخيرة فيها خيرة يا كيكي وأنت راجل محظوظ وزولا مبروك ..
غايتو يا ناذر لو ما لسسع اخوك راقد سلطة وراجي الفنان النار منقد كان قال ليك مبروك بتاع فنيلتك وخاصة انت قاعد تمارس معاي لعبة نجااااض قبورة
ولكن عزائي بان المزيكة جااااية جاااية وخاصة جرجيرة ده هو من سيجضم الايقاعات ومن اسمو انا قااادر اتخيل شغلو النضيف مع التحايا للمدهش كدايس
ونسوي شنو غايتو غير نشكيك لله ولشيخي شكر الله ونتنظر
Post: #16 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: Dr. Ahmed Amin Date: 08-25-2012, 08:05 PM Parent: #14
هلا وغلا بناذر ود الخليفة وعيدك مبارك وان شاءالله هضمت شية (قندهار) الماخمجـ
Quote: صحبي حسن كدايس سواق الحافلة الهايس يجينا بي هناك ويجيب معاهو عازف الأيقاع الماهر عمر جرجيرة عشان الشغلة تزبط
Post: #17 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: haroon diyab Date: 08-26-2012, 08:07 AM Parent: #16
فوق
عشان الراحل عثمان حسين بصوت جديد
عل وعسي
Post: #18 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: ناذر محمد الخليفة Date: 09-07-2012, 08:21 PM Parent: #17
كيفكم شباب وسوري على التأخير ..
يا كيكي كان عندي مشكلة في التحميل بالإضافة لي مشكلة في صوت التسجيلات الفاتت ما قدرت اعالجا .. لكن فرجت والحمد لله ..
جبيل العصر كنت في مشوار وضرب لي صحبي علي كدايس سواق الهايس قال لي الشباب متلمين في شارع النيل وكمان في اصوات وألات جديدة ..!! قلت ليهو حسن محمود معاهم ؟! لأني شاري ناس كيكي ودكتور احمد أمين وشباب تانين .. قال لي أيوة معاهم بس الشغلة جايطة شوية وحا يكون عندك مشكلة في الصوت والجوطة والحاجات دي .. قلت ليهو القحة ولا صمة الخشم .. هسي أنا بجي بسجل لي حسن ولي قدام نشوف وضع مريح ونضيف نسجل تاني ..
المهم جيت ولقيت في زي إطناشر فنان واربعة أعواد وستة أيقاعات وكمان طرمبة نفخ !!وجمهور جايي ضهب ..! جوطة وما منظمة لكن أهو طلعنا بي التسجيلين ديل ..
ويا شباب تاني بقول الحا تسمعوهو دا ما مقياس لأنو أتصور في ظروف ما مقياسية .. أعتبروهو معاينة أولية ..
أها :
Post: #19 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: ناذر محمد الخليفة Date: 09-07-2012, 08:24 PM Parent: #18
إنشاء الله أقرب فرصة نجيب النضيف في جو أهدى من كدة ..!!
Post: #20 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: الصادق اسماعيل Date: 09-07-2012, 09:11 PM Parent: #19
Quote: جبيل العصر كنت في مشوار وضرب لي صحبي علي كدايس سواق الهايس قال لي الشباب متلمين في شارع النيل وكمان في اصوات وألات جديدة ..!! قلت ليهو حسن محمود معاهم ؟! لأني شاري ناس كيكي ودكتور احمد أمين وشباب تانين .. قال لي أيوة معاهم بس الشغلة جايطة شوية وحا يكون عندك مشكلة في الصوت والجوطة والحاجات دي .. قلت ليهو القحة ولا صمة الخشم .. هسي أنا بجي بسجل لي حسن ولي قدام نشوف وضع مريح ونضيف نسجل تاني .. المهم جيت ولقيت في زي إطناشر فنان واربعة أعواد وستة أيقاعات وكمان طرمبة نفخ !!وجمهور جايي ضهب ..! جوطة وما منظمة لكن أهو طلعنا بي التسجيلين ديل ..
يأتي للحفلة بدعوة من سائق الهايس ويتهم الجمهور بالضهب
النجيضة زولك غنّاي
Post: #21 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: الصادق اسماعيل Date: 09-07-2012, 09:14 PM Parent: #20
الزول دا اخوك يا ناذر
kazir khalifa
Post: #22 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: طارق جبريل Date: 09-07-2012, 09:20 PM Parent: #21
ياخي لحدي هسي البوست دة اكذوبة
Post: #23 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: ناذر محمد الخليفة Date: 09-08-2012, 08:55 AM Parent: #22
الصادق ..
Quote: يأتي للحفلة بدعوة من سائق الهايس ويتهم الجمهور بالضهب
الله يديك العافية .. والله ضحكت لمن الدمع سال مني هميلا ههههههههههه
بس اخوك ما ضهب .. أخوك أساسي قبل الكراسي في الحتات دي هههههههه
Quote: الزول دا اخوك يا ناذر
هههههههه كاذر دا أنا زاتي ..!! بس حرف النون قلب كيف أنا ما عارف ..!!
Post: #24 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: ناذر محمد الخليفة Date: 09-08-2012, 08:57 AM Parent: #22
طارق جبريل كيفك ...
Quote: ياخي لحدي هسي البوست دة اكذوبة
صدق البوست بيعاني من مشاكل تقنية في التسجيل والمونتاج والتحميل وحاجات زي دي ..
والفيديوهين ديل نزلتهم على علاتم عشات التصبيرة وكدة ..
لكن مفروض يكون الفيديو يكفيك من عنوانو مش هههههههه
الصادق أسماعيل جاب النجيضة وقال الزول دا غناي ...!
Post: #25 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: ناذر محمد الخليفة Date: 09-08-2012, 08:58 AM Parent: #22
الفيديو التاني أوضح من الأول ركزوا فيهو ...!
Post: #26 Title: Re: عبد الكريم كيكي كل عام وانت بخير وعندي ليك سؤال داير إجابة !! Author: ناذر محمد الخليفة Date: 09-08-2012, 08:23 PM Parent: #25
