الخال هشام هباني الظاهر ما شاف الفيديو دا ؟!!

في وداع الزميل شول أشوانق دينق وبعد غداء كارب في قندهار البارحة وبعد أن التهم القوم قرابة الخروف من مالذ وطاب من مشويات وكبديات وشطوط وبصل . وعقب شربهم تلك الخلطة العجيبة التي تسمى شعبيا بـ (مريسة الكيزان) ، استبد بالقوم الطرب او أستبد بهم شي أخر فكان النتاج أدناه :

استبداد شديد جدا!

(الحليو) دا ما يكون أنقابو!!!

خلاص دا موضوع بوستات كتيرة

و كل بوستات هالة مصراتي حا تلقى الفيديو دا فيها .....


و الفيديو جميل جداً إديكم العافية ناذر و وهبه

هو ظاطو يا محمد الصايم
بس مباريني طوالي
منك لله

شغل نضيف والله ....

!!!!!!!

Quote: (الحليو) دا ما يكون أنقابو!!!

ههههههههههههه

عمك ما خلى شئ للمرحوم خضر بشير
و الفنان اداء رهيب

ابداااااااع يا وهبة
المشكلة دا كلو ح يجي على راس دكتور نزار هههههههههههههه

معلم و الله يا عمكـ


لكن والله يا جقروتة الواحد ما كان متخيل إنو راسكـ يكون خفيف كده ؟

يا ناذر
انت فكي بدر الدين ده ماخد كورس عبابير في معهد اعداد القادة و للا شنو؟

بوست اقل ما يقال عنه انه بوست "المديدة حرقتني"
مشيت تهابش في وكر الدبابير براك
والللللللللللليلة
قبل دقيقتين بس شفتو في مداخلة يعني حائم وهسي بجيكم
انت استعد للقب الطبال اما عمنا عبد الوهاب فالراجل في سن الوالد والزول ما بقدر يهزر معاه لكن يرجى الجاياهو
اما انت اما انت فمسيراتك الفي رويسك ديل حيمعوطك منهن لمن تفهم حاجة
شوف الساتر وين سريع سريع
يا عم هشام
ليك اللحم والعضم ذاتو ما دايرنو
لا استبعد ان العوض المسلمي ذاتو يهبشو في صمة خشمو
انقابو "الحليو" دا جديد لكن انا متأكد انه حياخد له خبطة فوق راسو، لكن ما بتضره بتنفعه لقدام

لكن الخال راسو خفيفة خالص لوووول

ومع هذا ندين تزويد ناذر الخليفة لهشام هباني بالاسلحة العابرة للقارات

ابن اختنا ابو النيز

لا ده شريط العمر ومبااااااااالغة الجقروتة وهبة سخسيا وفي اقصي حالات الطرب المتهتك ده شريط سانجضنه به نجاض نزورة!!
بس يا ابن اختي الموضوع مش وهبة فهو متصالح مع حاجاته ولا غضاضة في ذلك بس ما قدر ده لكن المصيبة في العقيد الفكي بدر الدين اسحق الذي يعمل في وزارة الثقافة في تاهيل وتدريب قيادات المستقبل والبقي اخر عمرو ست انداية مفجنة ومتوهطة توزع في كيزان العسلية للجمهور وشكلو ( متعوده)!!
بس ربنا أديم المودة والاخاء بين الناس وانعم علي الجميع بالصحة والعافية.
------------------
واعتقد انها كانت لمة سودانية حقيقية وكان وداعا اخويا حزينا في رايي كان ينبغي ان يفتقد الدموع والمخاخيت وليس الدلاليك
لان المناسبة ليست مفرحة بل تظل مأساة كارثية بكل المقاييس وهو انقسام الوطن وقد ساهم فيها كثير من الحاضرين ولكن اكثر الناس لا يعلمون.

اها ان شاء الله انبسطت
ود هباني دا شكلو ماسك من اليمين للشمال

العم هباني
لمن تجي السودان ح نوديك
قندهار في عزومة خااااااااصة
فيها دلاليك و"سيطان" جهز
ضهرك وشد حيلك طبعا النوتة
ح يصفق بس ولا ح يمسك السوط
لأنو الفيهو كملت ... ما زول بمسك سوط

كااااااااك

اها ان شاء الله انبسطت
ود هباني دا شكلو ماسك من اليمين للشمال

عينى باردة يا وهبة , معلم والله
ناذر الخليفة ما شاء الله الفنان ذو المهنتين
بس ليه استايل سيف الجامعة دة ياخ
عيب لى الصلعة !!!!
لكن يا شيخ بدر الدين شول دة ودعتوه فى قراش ولا شنو ؟

تصحبك السلامة يا شول وتعود ان شاء الله لاصحابك بالسلامة

ابو حسين ..

Quote: و الفيديو جميل جداً إديكم العافية ناذر و وهبه

تسلم يا حبيبنا .. والله نحن في البلد دي ومع الظروف الضاغطة بنحاول نستغل اي سانحة مهما كانت حزينة زي وداع اخونا شول دا لي مناسبة للفرح ..

عسى ولعل أن تكون تذكار نستظل به في قادم الأيام ...


تسلم ..

سيف النصر ...

Quote: يا ناذر انت فكي بدر الدين ده ماخد كورس عبابير في معهد اعداد القادة و للا شنو؟

غايتو بعد شفت الفيديو دا كم مرة وارجعت البصر كرة وكرتين عرفت إنو أخونا دينق ظالم حبيبنا بريمة ظلم السنين بي قصة العبابير دي ههههههه

ود الفكي ..

Quote: بوست اقل ما يقال عنه انه بوست "المديدة حرقتني"

غايتو المديدة حارقة أخونا وهبة دا ومن شايعه .. أنا اساسا من زمان موضوعي بايظ ..!!

Quote: انت استعد للقب الطبال

طبال شنو ؟؟!! إنت قايل دي فرقة حسب الله المصرية ؟ أخوك عواد .. يعني زيو وزي جيمس لاست وجيمس بوند وكدة ههه

Quote: اما انت اما انت فمسيراتك الفي رويسك ديل حيمعوطك منهن لمن تفهم حاجة شوف الساتر وين سريع سريع

ود الفكي إنت الظاهر عليك ما متابع الأرشيف .. العلاقة البيني وبين هشام هباني أكبر من معط المسيرات الـ في الرويس ..

إحتمال في كفوف أو شلاليت أو أمات دلاديم لكن شعيراتي ديل هو ما عندو علاقة بيهن ...!

محمد ابراهيم سلام ..

Quote: ومع هذا ندين تزويد ناذر الخليفة لهشام هباني بالاسلحة العابرة للقارات

والله لا تزويد لا مراويد ..!!

لكن الخال هباني خبير فيس بوك .. يعني الفيديو دا كان حا يلقاهو حا يلقاهو ولو طال الزمن ...!!

أنا بس قلت ما في داعي لي حكاية لو طال الزمن دي لأن خير الـ...... عاجله ..!

اقترح تحويل الشجب والإدانة لمن قام بتصوير الفيديو وهو أخونا ذو الكفـل.. هي قصدي ذو اليد ..!!

سلام يا خال ..

Quote: والبقي اخر عمرو ست انداية مفجنة ومتوهطة توزع في كيزان العسلية للجمهور وشكلو ( متعوده)!!

صدقني يا هباني العسلية البتقول عليها دي لو أخدت منها جغمة بس ما بتقيف إلا تكمل الجردل كلو ..!

لا حظ إنو ما بيقدموها بي كباية أو جق .. جردل عديييل كدة ..

انا ممكن أديك وصفتا وإنت أعملا براك هناك وجرب .. بس المشكلة إنها ما بتنجح الا مع أو بعد الشية الضان الفريش .. قدر ما تاكل وتشرب تحس إنك داير تاكل تاني .. غايتو شعور غريب ما بتوصف ..!

Quote: واعتقد انها كانت لمة سودانية حقيقية وكان وداعا اخويا حزينا في رايي كان ينبغي ان يفتقد الدموع والمخاخيت وليس الدلاليك لان المناسبة ليست مفرحة بل تظل مأساة كارثية بكل المقاييس وهو انقسام الوطن وقد ساهم فيها كثير من الحاضرين ولكن اكثر الناس لا يعلمون.

القصة يا هشام فيما يتعلق بي شول لا مأساوية لا بطيخ ..!!

شول ماشي جوبا للألتحاق بي وظيفة .. يعني ماشي مغترب .. أو ممكن نقول ماشي زيارة لي جزء من وطنو زي لمن إنت تمشي النيل الأبيض أو أنا أمشي الجزيرة الشبيلية أو هاشم نوريت يمشي بورتسودان والعوض المسلمي يمشي ود الكباشي ..

أهو كلنا بنلوص في بلد واحدة ووطن واحد ...

نحن وظروف العمل والتنقل زي العايشين جو خلاطة ..! محل ما تدور وتكبنا بندور ونتكب معاها ..!

تسلم ..

ود الفكي ..

Quote: بوست اقل ما يقال عنه انه بوست "المديدة حرقتني"

غايتو المديدة حارقة أخونا وهبة دا ومن شايعه .. أنا اساسا من زمان موضوعي بايظ ..!!

Quote: انت استعد للقب الطبال

طبال شنو ؟؟!! إنت قايل دي فرقة حسب الله المصرية ؟ أخوك عواد .. يعني زيو وزي جيمس لاست وجيمس بوند وكدة ههه

Quote: اما انت اما انت فمسيراتك الفي رويسك ديل حيمعوطك منهن لمن تفهم حاجة شوف الساتر وين سريع سريع

ود الفكي إنت الظاهر عليك ما متابع الأرشيف .. العلاقة البيني وبين هشام هباني أكبر من معط المسيرات الـ في الرويس ..

إحتمال في كفوف أو شلاليت أو أمات دلاديم لكن شعيراتي ديل هو ما عندو علاقة بيهن ...!

ود الفكي ...

Quote: اها ان شاء الله انبسطت ود هباني دا شكلو ماسك من اليمين للشمال

انا الفوق ..!!

إستغفر الله العظيم ..!!

يا زول ما قصدي فوق شديد كدة ..!!

مالو تفكيرك مشى لي بعيد زي دا ..!!

سلام حبيبنا أحمد التجاني ..

Quote: بس ليه استايل سيف الجامعة دة ياخ عيب لى الصلعة !!!!

مع إني ما بنكر إعجابي الشديد وتأثري بي صديقي الفنان سيف الجامعة ..

لكني اوكد إنو الطاقية جات صدفة لأني جيت اللمة دي من حتة بعيدة جدا كنت في حالة عمل وشغل وإنت عارف شمس السودان في الشهر دا كيف ...! يعني لو ما لابس طاقية أو شمسية إحتمال مخك زاتو يسيح وما تلم فيهو ..!

ثم ثانيا أنا ما عندي صلعة ههههههههههه

وثالثا سيف الجامعة بذات نفسو اعلن تخليهوالتام عن لبس الطاقية قبل فترة ..!

بس ما أنكر شوية الجلحات العندي ديل والما بتستدعى لبس الطاقية ههههههههه

يا ســلام على الجلسة الجميلة دي يا ناذر ياخ ..

وهبه ليه حق يطرب مع أغنية خضر بشير ..

ياخ انا هنا ده وقفت على (حيلي)
إختيارك كان رهيب ..

غايتو انا لو كنت معاكم كنت اتعلقت ليكم في (الراكوبة)..



_______________________________________

والله شهيتونا في السودان ولمة الحبايب .. ربنا يديم عليكم الفرح

لمة جميلة بس وين المُحتفي به شول ما ظاهر !!

حافظ أنقابو ، يا زول أنا ولا أختك الكبيرة ولا حاجة حبوبتك عدييييل هههههههه

ما كان فى طريقة لأغنية تانية غير خضر بشير يعنى

يا ناذر جيب لي البزة
هههههههههههههههههه
بتبالغي يا مها ياخ
أحبطيني عديل كدا

عفوا للتكرار

يا سلاااااام يا جقروتة ياااخ
وفجاة كده يا سسسسلام يا ابو النيز ياااخ..
ويا ناذر انت قاعد في المنبر ده خسوسي للاذية بتاعتي..
وكل مرة خامي ليك مشروع فنان مفضل عندي وجاي ...
جبت لينا (النوش ) بتاع كسلا الرهيب داك وجننتني جنون قبورة
فها انت تاتي وبعمية الرهط ود وهبة وسرعان ما توهط ومن اول كلك علي الفيديو كمشروع فنان كيكوي مفضل قادم بسرعة الصاروخ لووووووووول...
انا في الحكاية دي كلها بجنني الاستايل والطريقة بتاعة الغناء ومابين وهبة والنوش مساحات موغلة في الدهشة من التطريب ..
وهبة ماشاء الله زمن مية مية
وطلوع ونزول في الصوت برضو مية مية
واخوك نوع الاستايل ده بحولني الي (نقظة) خاصة لو الحكاية فيها اي حاجة كده بتقوم بالراس حتي ولو كانت عسلية (فكي بدر الدين)



وسنتابع هنا
وفجاة كده سنتابع عذاب نزورة اما كما وعد به العمدة هباني
لوووووول

يا ناذر
عندك حق تلبس الطاقية لانه شكلك لسه طايوقك فايرمن السخانة
انت فهمت شنو؟
انا قصدي انه هشام هباني حيبدأ شغل في الجماعة حسب ظهورهم في الفيديو من يمين القعدة واول ما بدا بدا بفكي بدر الدين
طايوقك دي ما تزعلك، استخدمتها لانها بتتناسب مع العضة وش عامل كدا

جاييكم يا شباب ..

مباااالغه وابداع ياناذر

والخال وهبه فى اقصى حالاته الانبهاليه

وانا زمان قلت لعمنا العمده هبانى . وهبه دا كان بجينا فى الاذاعه

والزول زول بهجه وطرب بس العمده ماصدقنى


غايتو الدنيا مامعروفه للضمان كده انا حفظتا الفيديو دا

كت اوت :

غايتو يا بدر اسحق قعدتك ووهيطتك فى العنقريب دى وتوزع فى العبابير دا موضوع تانى

مرة يا ناذر في مكتب العوض المسلمي

انا كنت بدندن باغنية الشفيع

قابلني يا الهاجر هجرك اضرا وطال واستمرا


فجاة وهبة بدا يغني في الاغنية


ياخي الزول دا عندو صوت عجيب

وعليه نوصي بترك الصين الفيها الحصين

ويتفرع وهبة للفن ويريحنا

من ناس مندور وغندور وفرفور

الجردل عجيب يا ناذر .
والله أنتو أجمل ناس في العالم
ولكم التحية واحد واحد .

ياسلام ياناذر والتحية للجميع

دكتور أحمد أمين ..

Quote: غايتو انا لو كنت معاكم كنت اتعلقت ليكم في (الراكوبة)..

ما ظنيت ..!!

لأنو بعد الشية الرهيبة دي ومريسة الكيزان دي ما بيكون عندك مروة تتعلق لا فوق ..!!

غايتو لو شديت حيلك شوية كدي ممكن تتعلق في حبال العنقريب لكن المشلعيب ما ظنيت...

يا مها عبد الله سلام ..

Quote: ما كان فى طريقة لأغنية تانية غير خضر بشير يعنى

لو فتشتي في الفيديوهات المصاحبة حا تلقي في أغنية خطيرة جدا لي عبد العظيم حركة ، وبرضو وهبة ما قصر ..!

يالغت يا كيكي ..

Quote: ويا ناذر انت قاعد في المنبر ده خسوسي للاذية بتاعتي.. وكل مرة خامي ليك مشروع فنان مفضل عندي وجاي ... جبت لينا (النوش ) بتاع كسلا الرهيب داك وجننتني جنون قبورة فها انت تاتي وبعمية الرهط ود وهبة وسرعان ما توهط ومن اول كلك علي الفيديو كمشروع فنان كيكوي مفضل قادم بسرعة الصاروخ لووووووووول...

ياخي معقول أنت ما عارف أنو وهبة زول فنان وبيغني وبرضو ماهر جدا في عزف العود ..!!

بس وهبة بيحب الإندياح وما بنظهر إبداعاتو إلا بي مزاجو والجو يحكم زي ما حكم المرة دي ..!

Quote: انا في الحكاية دي كلها بجنني الاستايل والطريقة بتاعة الغناء ومابين وهبة والنوش مساحات موغلة في الدهشة من التطريب .. وهبة ماشاء الله زمن مية مية وطلوع ونزول في الصوت برضو مية مية

في دي صدقت .. وكويس إنك لسع متذكر عادل النوش وكيف انو لمن يغني بيغرق في ذاتو وبيعبر بي كل جزء من كيانو عن التطريب البيعتمر في جواو .. ودي بترجعنا للمقولة (من لا يستطيع إطراب نفسوا ودواخلو لا يستطع إطراب الأخرين) ...

والأيامات دي صحبي الأمين صديق موجود في كسلا بفكر أخد لي قفذة في السخانة دي اقعد مع الأمين نتسالم ونتطايب ومنها نمشي نادي الكتيبة ننضف إضنينا بي غنا عادل النوش ..!

Quote: واخوك نوع الاستايل ده بحولني الي (نقظة) خاصة لو الحكاية فيها اي حاجة كده بتقوم بالراس حتي ولو كانت عسلية (فكي بدر الدين)

والله يا كيكي أنا فكرت أعمل جلسة تانية لكن بالليل غدا ما عشا .. ونرفع مستوى العسلية شوية .. لكن لمن حسبتها لقيت الحضور ما حا يتجاوز إتنين .. شخصي الضعيف وعودي السمين .. عشان كدة لغيت الفكرة ..

ود الفكي ..

Quote: انت فهمت شنو؟ انا قصدي انه هشام هباني حيبدأ شغل في الجماعة حسب ظهورهم في الفيديو من يمين القعدة واول ما بدا بدا بفكي بدر الدين

أنا فهمتك كويس إنت الما فهمتني ..!!

قصدي لمن هشام هباني يبدا من الشمال لليمين ولمن يصلني ما حا يلقاني لاني بكون فوق يعني لا شمال لا يمين ..!!

معقولة ياخ بعد العمر دا كلو في سودانيز أون لاين حا أكون لسع كيشة وما بفهما وهي طايرة ههههههه

خضر الطيب ..

Quote: مباااالغه وابداع ياناذر والخال وهبه فى اقصى حالاته الانبهاليه

غايتو بالغت في كلمة إنبهالية دي ههههههههههه

سلام خليل ..

Quote: مرة يا ناذر في مكتب العوض المسلمي انا كنت بدندن باغنية الشفيع قابلني يا الهاجر هجرك اضرا وطال واستمرا فجاة وهبة بدا يغني في الاغنية ياخي الزول دا عندو صوت عجيب

والله الزول دا حفيظ ومشروع فنان رهيب بس مشكلتو هشام هباني ما مديهو فرصة للبروفات مع المناوشات الكتيرة دي ههههههه

مشكورين عثمان موسى وهاشم نوريت ..

ويا هاشم كل زياراتك للسودان بتصادف خمول من بورداب الداخل ..

المرة الجاية ساعدا بي فاتحة كاربة من سيدي الحسن هههههه

الا رحم الله الجميل الشاعر الكبير مصطفي سند والقائل هذا البيت البليغ:ماذا يقول الناس اذ يتمايد النخل العجوز سفاهة ويعود للارض الخراب

!!!!!

دي مداخلة صاروخ توماهوك عدييل كدة

>

هبل العجايز شين!