Post: #1 Title: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-02-2012, 05:11 PM Parent: #0
وطبعا البقر لا يتجاوب معه ..!!
حدث هذا ظهيرة هذا اليوم .. كنت في طريقي لصلاة الجمعة وفي احدى التقاطعات مر موكب من عدة سيارات وشاحنات .. سألت أحد الواقفين فقال لي أن اليوم هو افتتاح مهرجان الألبان أو ما شابه برعاية وزارة الثروة الحيوانية ..
يعني زي إستعراض وكدة ..
انتظرت حتى يمر الموكب .. من ضمن العربات كان في شاحنة كبيرة تحمل كمية من البقر .. المهم واحد جمبي (جادي جدا) .. شابك البقر (الله أكبر ولله الحمد) ..(لا اله الا الله) .. والاغرب من كدة كان بيعاين للبقر في عيونن ويقول ليهن (تكبير ... تهليل) .. طبعا البقر ما شغال بيهو وبيلوك في لبانتو وأظن في سرو بيقول : الطيرة دا بيقول في شنو ..!!!
أنا طبعا مندهش جدا .. كنت مفتكر الزول دا ما جادي ..! لكن لقيتو جادي جدا .. والله دا من شدة ما جادي لمن كان بيقول للبقر: تهليل ؟! شفت وقريت في عيونو أنو راجي البقر يقول ليه : لا اله الا الله ..!
Post: #2 Title: Re: قبل قليل ...مواطن يهلل ويكبر للبقر ...!! Author: الامين موسى البشاري Date: 03-02-2012, 05:40 PM Parent: #1
Quote: شابك البقر (الله أكبر ولله الحمد) ..(لا اله الا الله) .. والاغرب من كدة كان بيعاين للبقر في عيونن ويقول ليهن (تكبير ... تهليل) .. طبعا البقر ما شغال بيهو وبيلوك في لبانتو وأظن في سرو بيقول : الطيرة دا بيقول في شنو ..!!
ههههههههههه يا ناذر ما تظلم الزول ياخ وبعدين أنت متأكد انهن بقـــر؟ مش يمكن شُـــبه له؟
Post: #3 Title: Re: قبل قليل ...مواطن يهلل ويكبر للبقر ...!! Author: سيف النصر محي الدين Date: 03-02-2012, 05:48 PM Parent: #2
الكيزان ابتدو يسحلبو نسأل الله السلامة.
Post: #4 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-02-2012, 05:55 PM Parent: #2
الأمين كيفك ..
Quote: ههههههههههه يا ناذر ما تظلم الزول ياخ وبعدين أنت متأكد انهن بقـــر؟ مش يمكن شُـــبه له؟
غايتو المتأكد منو انو القدامي كانوا بقر ..
المامتأكد منو هل هو شبه له البقر ديل في شكل جنود ولا الحاصل شنو ؟!
غايتو أستغفر الله .. لكن في صلاة الجمعة ما قدرت اركز كلو كلو في الخطبة أو في الصلاة ... ساااااارح برعى في بقر ابليس .. هي قصدي غنم أبليس وبقول يا ربي ديلاك كانوا بقر ولا جنود الدايرنهم يهللوا ويكبروا ديل ..!!
Post: #5 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-02-2012, 06:09 PM Parent: #4
سلام سيف النصر ..
غايتو انا عندي تلاتة قصص عن البقر حا أحكيها في البوست دا بالتقسيط المريح ..
هاك دي واحدة :
مرة جايين من رحلة من مزرعة في سوبا .. راكبين عربة صالون العربية معاي فيها شخصيات اشتهرت بالظرف وسرعة البديهة .. العربية سايقا واحد فيهم ضخم الجثة قاعدين نتونس في مواضيع مختلفة .. جينا داخلين في شارع لقينا زي 20 بقرة او أكتر قافلة الشارع .. الزول السايق العربية وقف وأنحنا ما انتبهنا هو داير يعمل شنو .. بعد شوية انتبهنا أنو بيكنتك للبقر بي نور العربية .. أي والله بيكنتك ليهم بدل ما يستعمل البوري ..!!
الجماعة سألوهو .. بتعمل شنو يا فلان ؟! رد قال ليهم .. منتظر البقر يفوت .. التاني قال ليهو : يفوت كيفن ؟ ما تضرب ليهو البوري بدل تكنتك ليهو كدة ؟ زولك اصر .. لا لا ما داير أعمل ازعاج في الحلة .. هسي البقر بيفوت ..!
وطبعا البقر ما شغال بيهو وبيعاين للكنتكة بتاعت نور العربية واظن في سرو بيقول : سواق العربية دا طيرة ولا شنو ؟!
الحكاية طالت والبقر ما زحا.. زولنا الأول عاين للسواق وقال ليهو : أنت مجنون ولا شنو ؟ اضرب البوري دا ؟ السواق قال ليهو : أصبر شوية أهنديك بقرة فهمت الأنا بعملو وأهي طلعت والباقين هسي بيطلعوا ؟! داك قال ليهو وأنت شن خبرك بيطلعوا ؟! الزول التاني عاين للسواق السمين من تحت وفوق وقال لي الأول بي سخرية : خلو بي راحتو .. قالوا البقر بخبرن بعضن ...!
غايتو أنا ضحكت يا سيف والله لا من استفرغت ودموعي جرت هميلة .. والباقين بالم طويل وقالوا الا ينتظروا نهاية الحركة دي .. والبقرات بقوا يتسحبوا واحدة واحدة .. بعد نص ساعة أو أكتر أخر بقرة أنسحبت من الشارع .. السواق عاين لينا كدة وقال لينا بي فرح ولغة إنتصار : .. أها ما قلت ليكم البقر دا بيفهم ؟!..
زولي التاني عاين لينا كدة وقال : وأنا ما قلت ليكم البقر بيخبرن بعضن ..!!
Post: #6 Title: Re: قبل قليل ...مواطن يهلل ويكبر للبقر ...!! Author: Elawad Date: 03-02-2012, 06:13 PM Parent: #4
Quote: طبعا البقر ما شغال بيهو وبيلوك في لبانتو وأظن في سرو بيقول : الطيرة دا بيقول في شنو ..!!!
أكيد البقر طابور خامس يا ناذر ولا يكون إسرائيلي.
Post: #7 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-02-2012, 06:28 PM Parent: #6
العوض سلام ...
Quote: أكيد البقر طابور خامس يا ناذر ولا يكون إسرائيلي.
والله يا العوض خايف أنا الاكون طابور خامس ..!!
لأني عاينت للزول دا بي إستنكار شديد للبيعمل فيهو .. وبعد شوية هو إنتبه وعاين لي بي نظرة استنكار برضو (انا عارف أستنكاري كان في شنو لكن ما عرفت استنكارو لي استنكاري كان في شنو) ..!
Post: #8 Title: Re: قبل قليل ...مواطن يهلل ويكبر للبقر ...!! Author: فيصل محمد خليل Date: 03-02-2012, 06:36 PM Parent: #7
عزيزنا ناذر
امال ده يطلع طابور سادس
تحياتى
Post: #9 Title: Re: قبل قليل ...مواطن يهلل ويكبر للبقر ...!! Author: محمود الدقم Date: 03-02-2012, 06:47 PM Parent: #8
الاخ ناذر سلام ممكن الرجل والذين حوله يكونو شايفين جنود او ناس داخل الشاحنات وانت الشايف الناس بقر، تحياتي...
Post: #10 Title: Re: قبل قليل ...مواطن يهلل ويكبر للبقر ...!! Author: طلحة عبدالله Date: 03-02-2012, 06:52 PM Parent: #7
يا ناذر إتا بس أظنك عايز تحكي قصة الكنتكة للبقر دي ساي مسألة التكبير بتاعت الزول دي عادية ما بتستاهل .. الزول لما تعجبو حاجة بقول الله أكبر ولو ما عجبتو حاجة برضو بقول الله أكبر .. زولك دا الظاهر عجبو البقر وكبر أما مسألة تهليل دي فأظنو راجي الناس المعاهو يقولوا وراهو .. ما اظن فيها حاجة زي ما قلت إتا . تحياتي .
Post: #11 Title: Re: قبل قليل ...مواطن يهلل ويكبر للبقر ...!! Author: Marouf Sanad Date: 03-02-2012, 07:07 PM Parent: #10
مش يمكن يكون هندي؟
Post: #12 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-02-2012, 08:49 PM Parent: #11
حبيبنا فيصل ..
Quote: عزيزنا ناذر
امال ده يطلع طابور سادس
غايتو ما عرفت زولك دا جنسيتو شنو ...
لكن قطع شك أكان تونسي او مصري أو ليبي أو حتى سوري .. أكيد البقر استجاب ليو وللشعب ..!!
وهل تسمع البقر ...؟!!
آآآي بتسمع ... سمعت زولي دا وقالت في سرها : الزول دا طيرة ولا شنو ؟؟!!
Post: #13 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-02-2012, 08:51 PM Parent: #11
محمود الدقم سلام ..
وينك يا راجل طولت جدا من المنبر أظنك ..!!
Quote: الاخ ناذر سلام ممكن الرجل والذين حوله يكونو شايفين جنود او ناس داخل الشاحنات وانت الشايف الناس بقر، تحياتي...
ممكن برضو .. عشان كدة فوق كتبت أني ما فهمت حاجة من خطبة الجمعة وصلاة الجمعة .. لأني سألت نفسي السؤال دا ..!
أكون يا ربي مصاب بي جنون البقر ؟!!!
Post: #14 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-02-2012, 08:56 PM Parent: #11
طلحة سلام ..
Quote: مسألة التكبير بتاعت الزول دي عادية ما بتستاهل .. الزول لما تعجبو حاجة بقول الله أكبر ولو ما عجبتو حاجة برضو بقول الله أكبر ..
أنا غايتو البقر عجبتني شديد لأني بحب اللبن ومشتقاتو خاصة المِش ..
وبالرغم من حبي للبن والبيجي من اللبن ما قلت الله أكبر ولا بقول للبن ومشتقاتو : تكبير .. تهليل ..!!
أنا من ناس : نسأل الله السلامة ساي ..!! دي يا ها الجملة البقولا كان في اعجاب أو استنكار ..
Quote: زولك دا الظاهر عجبو البقر وكبر أما مسألة تهليل دي فأظنو راجي الناس المعاهو يقولوا وراهو ..
صدقني وما طالبني حليفة زولي دا كان راجي البقر يقول معاهو .. احوك حرييف والكلام دا شفتو في عيونو وعيون البقر ..!
والبقر زاتو طلع حريف وغتيت زي الناس الحاضرين وما قال وراهو .. !!
Post: #15 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-02-2012, 08:58 PM Parent: #11
معروف سند كيفك ..
Quote: مش يمكن يكون هندي؟
طلعت أحرف من البقر لأنك استنتجت قصتي الجاية من وين ...
طبعا من الهند.. وحكايات الهند مع البقر إيييييييييييك .. اصبر لي النجيك بكرة بس ..!
Post: #16 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-03-2012, 09:06 AM Parent: #15
Post: #17 Title: Re: قبل قليل ...مواطن يهلل ويكبر للبقر ...!! Author: محمد عبد الماجد الصايم Date: 03-03-2012, 09:57 AM Parent: #16
جنترة شديدة!
Post: #18 Title: Re: قبل قليل ...مواطن يهلل ويكبر للبقر ...!! Author: khaleel Date: 03-03-2012, 10:05 AM Parent: #17
دا جنون البقر يا ناذر
نسال الله السلامة لي يوم القيامة
Post: #19 Title: Re: قبل قليل ...مواطن يهلل ويكبر للبقر ...!! Author: خالد العبيد Date: 03-03-2012, 10:06 AM Parent: #17
Quote: المهم واحد جمبي (جادي جدا) .. شابك البقر (الله أكبر ولله الحمد) ..(لا اله الا الله) .. والاغرب من كدة كان بيعاين للبقر في عيونن ويقول ليهن (تكبير ... تهليل) .. طبعا البقر ما شغال بيهو وبيلوك في لبانتو وأظن في سرو بيقول : الطيرة دا بيقول في شنو ..!!!
يا ناذر سلام ياخ البلد حالته متاخرة جدا
Post: #20 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-03-2012, 02:26 PM Parent: #19
ود الصائم ..
Quote: جنترة شديدة!
ولخبتة شدييدة خلااااص ..!!
Post: #21 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-03-2012, 02:31 PM Parent: #19
كيف خليل ..
Quote: دا جنون البقر يا ناذر
نسال الله السلامة لي يوم القيامة
البقر زاتو فكر كدة ههههه
Post: #22 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-03-2012, 02:34 PM Parent: #19
ولدنا ود قدو :
Quote: يا ناذر سلام ياخ البلد حالته متاخرة جدا
والله دي مصيبة أنو البلد حالتا متأخرة والبقر حالتا متقدمة ..!!
تعرف المهللاتي دك أول مثال حي قدامي لي معنى عبارة (تشابه عليه البقر) ..!!
Post: #23 Title: Re: قبل قليل ...مواطن يهلل ويكبر للبقر ...!! Author: وضاحة Date: 03-03-2012, 03:14 PM Parent: #22
ود الخليفة زولك دا يكون البقر اتشابه لي ضمه يكون فاكر البقر كوزات
Post: #24 Title: Re: قبل قليل ...مواطن يهلل ويكبر للبقر ...!! Author: عثمان محمد كرار Date: 03-03-2012, 03:34 PM Parent: #23
ياناذر اخوي ماتنسي انو حتي الحجر والشجر والجماد يسبح ويحمد الله داير نديك ايات من القران ? فالشغله سنه حسنه يعني فالحيوان يكبر ويهلل كما الانسان
Post: #25 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-03-2012, 08:04 PM Parent: #24
وضاحة ...
جاية تتفاصحي لي بي هنا بعد ما طيرتي مني الزبائن بي هناك ؟!!
Quote: يكون فاكر البقر كوزات
والله أحتمال لأنو المهرجان بتاع لبن فبالتأكيد كل البقر كانوا أنثوات ظاهر عليهن الأنوثة ههههههه
Post: #27 Title: Re: قبل قليل ...مواطن يهلل ويكبر للبقر ...!! Author: وضاحة Date: 03-03-2012, 08:33 PM Parent: #25
Quote: ناذر محمد الخليفة
جاية تتفاصحي لي بي هنا بعد ما طيرتي مني الزبائن بي هناك ؟!!
ما طيرتهم نورتهم بث
Quote: والله أحتمال لأنو المهرجان بتاع لبن فبالتأكيد كل البقر كانوا أنثوات ظاهر عليهن الأنوثة ههههههه
وفى احلى من الانواثة الانواثة دى طلعتكم من الجنة علشان انتوا مخكم خفيف ولفيف
Post: #26 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-03-2012, 08:09 PM Parent: #24
سلام عثمان كرار ..
Quote: ياناذر اخوي ماتنسي انو حتي الحجر والشجر والجماد يسبح ويحمد الله داير نديك ايات من القران ? فالشغله سنه حسنه يعني فالحيوان يكبر ويهلل كما الانسان
غايتو ما عارف ..! لكن عندي راي ..!
أظنو زولي دا قرا البوست بتاع المصري الفنطوط البيقولوا فيهو انو في الجنة بيشيلوا العدة وكدة .. وهو زي المصري كان قافل على الحور العين ولمن اقتنع انو ما في عدة بي هناك والشغلة حسية ساي قال يلحق الـ في الدنيا ..
يعني بدل حور عين .. بقرات سمينات ..!!
وزي ما بيقولوا نار مضمونة ولا جنة مجهجهة ..!!
غايتو البوست دا والبوست داك حا يكفرنا عدييل نسأل الله السلامة ..!!
يا جماعة دا شنو البتسوو فيهو دا ؟؟؟!!!!!!!!!!!!!!
Post: #28 Title: Re: قبل قليل ...مواطن يهلل ويكبر للبقر ...!! Author: محمد المسلمي Date: 03-03-2012, 08:54 PM Parent: #26
ياناذر الصحة والأخبار -------------------------------------- ماكلموك بي بقر اسامة داوود البقر لما جاء الميناء عقموها ورشوها بي المبيدات وفي موسم الحج الي بيت الله لاتعقيم ميناء لاموية شراب للحجاج وقالوا البقرة مكلفةعشرة الف دولار وبتحلب 80 رطل أنتو قايل البقر هين
Post: #29 Title: Re: قبل قليل ...مواطن يهلل ويكبر للبقر ...!! Author: عمر صديق Date: 03-03-2012, 09:13 PM Parent: #26
ناذر سلامات
ياخ حظك لما تكون وضاحة هي الطيرت عليك الزبائن
امسك فيها شديد لانو لو قلت ليها
حا اعمل ليك تخفيض عشانك
حاتقوم تحلف وتدبل ليك التكلفة وتدفع مقدما
Post: #30 Title: Re: قبل قليل ...مواطن يهلل ويكبر للبقر ...!! Author: وضاحة Date: 03-03-2012, 09:34 PM Parent: #29
ود الخيفة دا لو اشتريت منوا بشترى بربع السعر وهو برضوا بكون كسبان
ما تخاف على بت عمك انا بت ابوى واقعة من السماء سبع مرات
تسلمي يا وضاحة
لكن والله لو شفتي ود عمك ناذر دا يوم عرس اخوه وبجوار حديقة القرشي
قافلين الشارع والحواري يقوقي والسوط يلعب في نمرة تلاتة
كان زغرودتك وصلت لي قبة حامد اب عصاة سيف
Post: #34 Title: Re: قبل قليل ...مواطن يهلل ويكبر للبقر ...!! Author: وضاحة Date: 03-04-2012, 08:19 AM Parent: #33
Quote: عمر صديق
تسلمي يا وضاحة
لكن والله لو شفتي ود عمك ناذر دا يوم عرس اخوه وبجوار حديقة القرشي
قافلين الشارع والحواري يقوقي والسوط يلعب في نمرة تلاتة
كان زغرودتك وصلت لي قبة حامد اب عصاة سيف
بلحيل عمر
اعمامي كاتوا فى نصوا
لكن قالوا ناذر زاغ من الجلد وما ركز
لكن عصام باسطة ركز بي بنطلونوا وقميصوا واخدلوا سوطين
Post: #35 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-04-2012, 09:00 AM Parent: #34
وضاحة ..
Quote: وفى احلى من الانواثة الانواثة دى طلعتكم من الجنة علشان انتوا مخكم خفيف ولفيف
وأنحنا طلعونا برانا ... ما كرتوك معانا!! .. فرحانة كدة زي التقول أدوك فيها قطعة ناصية بعدينا ..!!
Post: #41 Title: Re: قبل قليل ...مواطن يهلل ويكبر للبقر ...!! Author: وضاحة Date: 03-04-2012, 09:55 AM Parent: #35
Quote: فرحانة كدة زي التقول أدوك فيها قطعة ناصية بعدينا ..!!
انتوا عينكم عليها هههههههههه هى لسة خرابة ما عاوزين يبيعوها
Post: #36 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-04-2012, 09:05 AM Parent: #34
المسلمي كيفك ..
Quote: ماكلموك بي بقر اسامة داوود البقر لما جاء الميناء عقموها ورشوها بي المبيدات وفي موسم الحج الي بيت الله لاتعقيم ميناء لاموية شراب للحجاج وقالوا البقرة مكلفةعشرة الف دولار وبتحلب 80 رطل أنتو قايل البقر هين
اها زي البقرة ام 10 الف دولار وتمنين رطل ومرشوشة ومعقمة كان مفروض يعلموها غصبا عنها لمن يقولوا ليها تهليل تهلل .. وتكبير تكبر .. !!
بعد الدلع دا كلو غايتو لو طلعت متبومة ومتطهمة ومتقهمة وما بتقول غير موووو أخير يفرتقوها كوارع وشية جمر ..!!
10 ألف دولار ....!! نسأل الله السلامة .. إنتوا رطل اللبن بي كم دولار اليومين دي ؟؟!!
Post: #37 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-04-2012, 09:08 AM Parent: #34
عمر كيفك ...
Quote: ياخ حظك لما تكون وضاحة هي الطيرت عليك الزبائن
امسك فيها شديد لانو لو قلت ليها
حا اعمل ليك تخفيض عشانك
حاتقوم تحلف وتدبل ليك التكلفة وتدفع مقدما
وضاحة دي ما تشوفا جعليتا دي .. جعلية بنات مغتربين ساي ..!! هسي أنادي ليها دواها تراجي تخلي ريحتا بقرة بقرة .. كان ما قلبت شايقية تعال أسألني ههههههه
Post: #42 Title: Re: قبل قليل ...مواطن يهلل ويكبر للبقر ...!! Author: وضاحة Date: 03-04-2012, 10:01 AM Parent: #37
Quote: وضاحة دي ما تشوفا جعليتا دي .. جعلية بنات مغتربين ساي ..!! هسي أنادي ليها دواها تراجي تخلي ريحتا بقرة بقرة .. كان ما قلبت شايقية تعال أسألني ههههههه
انا بتك يا ابوى
سجمك يا الخلاقة الا كان بترجفك انت
والله انا ما بخاف الا من الله الخلقنى
واجعانى ردحتى ديك الطيرتنى كنت فاكراك زول طلعت كرور
هسي بالله خلقتك دى خلقة جعليين
Post: #38 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-04-2012, 09:14 AM Parent: #34
ههههههههه والله يا محمد الأمين فيديو مبالغة ..
غايتو المصريين ديل الله يديهم العافية ...
ألذ حاجة قال الناس كيف اكتشفت تحلب البقر ههههههه
قال شنو : تخيلو لو في كائنات اذكى مننا نزلت وحلبت النسوان وختو صورم في العلب هههههههههه
Post: #39 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-04-2012, 09:16 AM Parent: #34
محمد عثمان سلام ...
بوستك متابعوا غايتو فيهو كلام لا يخلو من حقائق ..
Quote: أوع صاحبنا ده يكون مصاب بفيروس مرض مشترك بين الإنسان والبقر ويكون الفيروس بوسوس ليه إنو يستفز البقر عشان يجي تور ينطحو وينتقل الفيروس للتور.
هههههههههههه
Post: #40 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-04-2012, 09:17 AM Parent: #34
معقولة يا وضاحة وعمر ..
Quote: لكن قالوا ناذر زاغ من الجلد وما ركز
أنا زول أخو العريس .. أنجلد كيفن يعني ؟؟!!
Post: #43 Title: Re: قبل قليل ...مواطن يهلل ويكبر للبقر ...!! Author: وضاحة Date: 03-04-2012, 10:05 AM Parent: #40
Quote: ناذر محمد الخليفة
معقولة يا وضاحة وعمر .. أنا زول أخو العريس .. أنجلد كيفن يعني ؟؟!!
لو كنت جعلى هوشة ساى حقت الدلوكة كان ركزت
لكن انت جعلى نص كم
اخواك الشين داك ما ركز لكن شكلوا كان مزويد جرعة القنقليز شوية
Post: #44 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-04-2012, 01:18 PM Parent: #43
!!!!
Quote: اخواك الشين داك ما ركز لكن شكلوا كان مزويد جرعة القنقليز شوية
Post: #45 Title: Re: قبل قليل ...مواطن يهلل ويكبر للبقر ...!! Author: omer osman Date: 03-04-2012, 01:35 PM Parent: #44
Quote: كان ما قلبت شايقية تعال أسألني ههههههه
والشايقية مالم ياناذر
قبل كم يوم كنت مع واحد صاحبي جعلي وبحكي ليهو انو عندي وجع ضهر
شديييييد وقالوا لي ده انزلاق غضروفي طفيف ..
جاء داخل قريبو جعلي شكلو جااااااي من البلد اسه
سمع نص الكلام قال لي يازول من دربك ده تمشي لي فلان داك
يربط ليك حتة الفخذة دي بي حبل تيل ويعمل ليك تلاتة فصدات بالموس في رجلك تحت
صاحبي قال لي قريبو يازول هوي انت قايل عمر ده جعلي والا شنو ؟
هو ماجعلي طيب جنسو شنو ؟ والله ياااخي عمر ده شايقي !!!
شايقي ها يازول هوي انت اقع الدكاترة بس
Post: #46 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-04-2012, 08:33 PM Parent: #45
جنابو سلام ..
Quote: شايقي ها يازول هوي انت اقع الدكاترة بس
هههههههههههههه
مرة في واحدة من مناوشات أخونا ابراهيم بقال قال داير يبقى جعلي قلت ليهو تسوي سوات قريبنا عمر ود التومة عشان نعتمدك معانا ولمن حكيت ليهو قريبنا عمل شنو بقال غير رايو وعمل ما قرا الكلام ..
وعمر ود التومة جا من البلد وسكن الحلة الجديدة .. يوم جا قاطع الزلط في موتر طقاو .. أنجرح في كراعو جرحة صغيرة وعفى بتاع الموتر .. لكن قريبو الساكن معاو حلف يوديهو الحوادث ..!! ود التومة قال الموضوع ما بيستاهل .. قريبو قال : افو !! ترجع البلد والناس تعرف يقولوا هملتك وما عالجتك ؟!!
المهم مشو الحوادث دخل عملوا فحوصات قالوا ليهو أنتظر برة نجيك نربط ليك الجرح وننضفوا ليك .. أنتظروا برة والفترة طالت ود التومة سأل الدكتور ..: يا اللخو ..!! يا باش مهندس !! الحاصل شنو ؟ الواطـة دي ما ليلت فوقنا خلاص ..! بندور نمشي أهلنا ؟! الدكتور قال ليهو : الأولوية عندنا للحالات الحارة الخطيرة وأنت حالتك باردة أنتظر شوية ..!!
ود التومة زعل قال ليهو قلت كدي ..!! وقام فرتلب طلع سكينتو من ضراعو غزاها في نص بطنو ضبحا ضبح لا من مصارينو أتدلدلن .. الدكتور إتخلع قال ليهو : دا شنو يا زول العملتو في نفسك دا ؟ ود التومة قال لو : سيب الكلام الكتير أهو حالتي بقت طارئة أرح رجعلنا مصارينا دي واربطلنا الكراع دي خلنا النمشي ..!!
Post: #47 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-05-2012, 12:14 PM Parent: #46
Post: #48 Title: Re: قبل قليل ...مواطن يهلل ويكبر للبقر ...!! Author: وضاحة Date: 03-05-2012, 12:20 PM Parent: #47
هيييييييييييييييييييييييييع كع عفيت منو الضكر
أمانة ما كيفنى انا النواع الزى ود التوم دا بكيفنى لما بعمل لى قشعريرة ورجفة
الحمد لله الجعليين لسة بخير
انت نان يا اب قلبن ميت ما تتعلم منوا احي منك انت( عضة اصبع ) امانة ما قادى لى قلبى برودك دا بالوجع
Post: #49 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-05-2012, 01:14 PM Parent: #48
!!!!
Quote: انت نان يا اب قلبن ميت ما تتعلم منوا
إتعلم من منو ؟؟؟! عمر ود التومة دا غبيان وانتي أظنك غبيانة متلو ..!!
انت عارفة أنا مثلي منو ؟!
أنا مثلي علي ود سليمان الجعلي الحر المأصل ؟ عارفة قصتو ؟؟!
في البلد هناك النسوان نزلن البحر يجيبوا الموية .. عاينن كدي شافن عجاجة غبارا للسما .. واحدة قالت .. يا بنات أمي دحن داك مش علي ود سليمان الساكيهو التور ؟! التانية قالت : ايا يا هو زااتو .. التور الماكن اب قرون دا لو لحقو بيلحقوا امات طه .. التالتة قالت : دحن تعالوا نزغرد ليهو نخليهو يركز للتور دا يقبل عليهو يشيلو يضربو الواطة دي ..!!
النسوان خلن عدتن وزغردو لي ود سليمان الكان قرب منهن : أيوووووووويييييي يوووووويي يوووووووووووي ييي يا ود سليمان .. تراكا فارس الحوبة .. إنت الصاقعة كل الناس تقول لا حولا .. السما دي التنقد والبحر دا تشربوا ملوص ابشر بالخير ..!! ايوووووويي يوووووي ..!
الوكت دا ود سليمان جا كاسح قدامن والتور بي وراهو رفع يدو بشرلهن وقال ليهن :
ابشرن تب ..! والله للحول ما يحصلني
تقولي لي عمر ود التومة هههههههيعع عافي منك يا ود سلمان اخوي
Post: #50 Title: Re: قبل قليل ...مواطن يهلل ويكبر للبقر ...!! Author: ناذر محمد الخليفة Date: 03-06-2012, 09:13 AM Parent: #49
!!!!!
Post: #52 Title: Re: قبل قليل ...مواطن يهلل ويكبر للبقر ...!! Author: Mahmoud Mustafa Mahmoud Date: 03-09-2012, 09:04 PM Parent: #50
