مقال للأستاذ محمد عثمان ابراهيم حول جائزة الطيب صالح وبشرى الفاضل ..!

جائزة زين: فوز بشرى وهزيمة بشرى الآخر

لم يكد الكاتب القصصي والمبدع د. بشرى الفاضل، حتى انطلقت تظاهرتان تتظاهران بمحبة الرجل ومعرفة فضل علمه وإبداعه. الطائفة الأولى هي طائفة المهتمين بالأدب والإبداع إذ رأت أن في فوز القصاص المخضرم استحقاقا قد يشكل محطة مهمة في سبيل التصالح بين التغيرات الكبيرة التي طرأت على المجتمع السوداني في مرحلة ما بعد الإنقاذ، والمبدعين. هؤلاء محقّون إذ أن الإنقاذ في سنواتها الأولى كانت من الغرور بمكان أنها محت الكثير من تراث هذه الأمة، ومنعت البعض الآخر، وحرّمت الكثير من الفنون، وحاولت في نهاية الأمر إنشاء ثقافة بديلة وتراث بديل! ترى من يتذكر الآن مهرجان الأغنية البديلة الذي كان ساحة لكلمات دعائية بألحان معروفة ومسروقة من ذاكرة الموسيقى؟ في تلك الفترة كان الفن هو فن منظمة نمارق، والشعر والنقد هما شعر ونقد علي محمد ياسين، والقصة قصة إسحق فضل الله والعمود الصحفي لعادل عبد الرحمن والوجه التلفزيوني كان ياسين عمر الإمام!
في ذلك العهد كانت الأغنيات تقول: لو أكلنا الويكة برضو ضد أمريكا.. ولو أكلنا البامية برضو ضد بريطانيا!
كتب حركي في ثوب ناقد فني حينذاك أن الطيب صالح لن يجد شيئاً يكتبه إذا سرق أحدهم من تحت وسادته ديوان المتنبي! حسناً، أن عاد للإنقاذ نصف وعيها وهيأت لها الظروف خالد فتح الرحمن الشاعر المجيد، والدبلوماسي الحاذق، فصالح بين البلاد ومبدعها الأشهر لنرى الطيب صالح في الخرطوم يصف قادتها بالأفاضل بعد أن كان يتساءل عن من أين جاءوا؟، ثم كرت مسبحة المصالحات فشهداء-سعداء- صاحب (فيزيولوجيا الطفابيع) اليساري يصافح النائب الأول شيخ اليمين، في مناسبة لا دخل لشيطان السياسة فيها على أن يبقى في القلوب ما وقر فيها.
طائفة ثانية تظاهرت ضد قبول الرجل للجائزة، التي بدأت قوية لتكون جائزة رفيعة ، متظاهرين بمحبتهم للكاتب المثابر وهذه فئة مناضلي الكيبورد، الطفابيع الحقيقيون الذين تتصف أجسادهم بخاصية التطاول أو كما قال المبدع بشرى إن قاماتهم تطول إذا مروا بالبيوت ليروا ما بداخلها. الطفابيع ليسوا هناك بل هم هنا حولك يا بشرى. نشطاء فئة الكائنات الافتراضية على شبكة الإنترنت أرادوا أن (يمسّخوا) على المبدع فوزه المستحق فباتوا يلعنون الزمن ويطلبون من الفائز أن يبقى دون تكريم حتى يشكلوا هم حكومتهم المقبلة فيعيدون للأدباء المجد وللشعراء الدراهم.
هؤلاء بدأوا يعايرون بشرى الفاضل بموقف صنع الله إبراهيم حين رفض جائزة مبارك للآداب في مصر قبل سنوات ونسوا أن صنع الله كان محقاً في سياقه إذ رأى أن قبوله لجائزة تحمل اسم مبارك الدكتاتور قد تشوه سيرته، بينما تقدم بشرى الفاضل بإرادته الواثقة للتنافس على الجائزة.
أكبر أخطاء بشرى الفاضل أنه غامر بإبداعه مرة فتمازج مع مناضلي العالم الافتراضي وكتب عمود (في التنك) الذي يدغدغ مشاعرهم وهم يريدونه هكذا على الدوام، كاتباً يطربهم هم فقط!

ليس دفاعا عن بشرى الفاضل-المستجير من الرمضاء بالنار

سلامات يا ناذر

رب كوز لم تلده أمك

هسع لزوم فعلين هنا شنو يشكلوا هم

وعرف بشرى طفابيعه بالمعادل الهزلى للسفاحين أما نشطاء النت عزل أبرياء
وليس بطفابيع يا محمد عثمان إبراهيم ولا أحسب بشرى يرفض أن يختلف عليه
الناس فقد مدح بذلك نفسه أمرؤ القيس عند ما قال

أنام ملء جفونى عن شواردها
ويسهر الخلق جراها ويختصم

وأحسب أن بشرى مبذولا فى النت يمكن له أن يرد لهولاء وهولاء

أما تحوير الطفابيع لا يجوز والشكر لك يا ناذر.



منصور

سلامات يامحمد
قبل كل شيئ شكرا على تشبيهك للذين إنتقدوا إستلام د. بشرى الجائزة من يد النائب الأول الاول لرئيس الجمهورية بالضفابيع ..
وماكنت بفتكر مجرد وجهة نظر ستوردنا إلى هذا التشبيه بالذات من شخصكم الكريم

Quote: هؤلاء بدأوا يعايرون بشرى الفاضل بموقف صنع الله إبراهيم حين رفض جائزة مبارك للآداب في مصر قبل سنوات ونسوا أن صنع الله كان محقاً في سياقه إذ رأى أن قبوله لجائزة تحمل اسم مبارك الدكتاتور قد تشوه سيرته، بينما تقدم بشرى الفاضل بإرادته الواثقة للتنافس على الجائزة.

بصفتي كتبت أول مداخلة بعد صاحب البوست واوردت فيها إسم صنع الله إبراهيم أقول ليس هناك معايرة ولايحزنون فقط تساءلت إن كان صاحب البوست يتوقع ان يسلك د. بشرى نفس طريقة صنع الله بمعنى رفض استلامها من يد النائب الاول وليس رفضها كلية
. بعدين الجائزة ليست بإسم الرئيس المخلوع مبارك يامحمد - رغم كونها حكومية - اسمها جائزة ملتقى القاهرة للإبداع الروائي العربي


مايهمني تثبيته هنا هو انني لم اعترض على فوزه بالجائزة بل باركت ذلك لكني لم إستوعب عملية تسلمه لها من النائب الاول لرئيس الجمهورية

Quote: أكبر أخطاء بشرى الفاضل أنه غامر بإبداعه مرة فتمازج مع مناضلي العالم الافتراضي وكتب عمود (في التنك) الذي يدغدغ مشاعرهم وهم يريدونه هكذا على الدوام، كاتباً يطربهم هم فقط!

إن كان د. بشرى بالفعل يمازح مع مناضلي العالم الافتراضي فهو مخطئ أنصحه - إن كان لك حق إسداء النصح - أن يسعى لكتابة عمود في صحف الخرطوم .. عموما يشهد الله لم أطالع "في التنك" دي حتى لحظة كتابة هذه المداخلة ولا احتاج لذلك.
ومبروك تاني لدكتور بشرى الذي تتشرف الجائزة بأمثاله من الأدباء المجيدين أصحاب الرأي الواضح والصريح
أخيرا أهديك سطرا من رسالة الاديب الاسباني العالمي خوان غويتيسولو التي وجهها الى الكاتب الليبي ابراهيم الكوني رئيس لجنة تحكيم جائزة القذافي العالمية للآداب حين رفض إستلام الجائزة لأسباب سياسية وأخلاقية بحسب تعبيره

Quote: .ان الانسجام مع نفسي انتصَر بشكل كبير على كل اعتبارات الإمتنان والصداقة، فبعد مناقشة داخلية وجيزة بين الرفض والقبول اخترت الرفض فشعرت اني تحررت إلى درجة قصوى من ثقل أمضّني...". !!

وافر إحترامي لك

المعذرة ياناذر ما سلّمت عليك
وشكرا لجلبك للمقال إلى العالم الإفتراضي

تناول مبتذل جدا ..
فان أخطأ الرافضون فهم المسألة ..
فقد أخطئوها بافتراضات وطنية أجمل بكثير من هذه الإفتراضات ال .....

ناذر سلامات وأعلم ..
هذا الصحفى حركى جدا ..
أى بتاع حركات ..
والله صحى !!
ولا يستحق أن أتابعه بعد الآن كصحفى !!!

تحياتى ..

!!!!!
http://sudaneseonline.com/forum/viewtopic.php?t...82a05f24b248b9827404

سلام يا ناذر
و سؤال مباشر عبر بوستك لمحمد عثمان ... عاوز تناكف و تتعولق و لا عاوز تتناقش و تتحاور؟ و ممكن نشرح العولاق البعملو محمد عثمان شنو, و أضيف أنا واحد من ناس - غير متفقين أو منسقين - عندهم ارتياب في محمد عثمان و كتاباته من فتره, انو هدفها و مصلحتا ما البلد الإسمو السودان و لا أهلو , بالوضوح ده, لأنو السؤال أبدآ ما كان مصلحة الحكومه و لا مصلحة المعارضه. لكن و من كتابات محمد عثمان نفسها بتشكك في إفتراضي ده اللى هو الإرتياب في محمد عثمان ...
أها يا محمد عثمان ... عاوز تتحاور و تتناقش و تاخد و تدى و لا عاوز تركب أعلى مافي خيلك؟

حزن يلفنى بشرى الفاضل يستلم جائزته من الايادى الملوثة بدماء الشعب
البوست الذى أوحى لمحمد عثمان بكتابة المقال المنشور بأعلاه

العزيز ناذر سلامات و شكرا لايرادك المقال الكثيف لكاتبي المفضل !
و لانه كذلك سوف لن يسلم من نقدي الذي قد يكون لاذعاً !!
بدءا تناول كاتبي مشهد التعاطي مع الجائزة الي طائفتين - طائفة اولي (طائفة المهتمين بالأدب والإبداع) و اورد مبررات هذه الطائفة -و هي اقرب الي تمثيل و تمثلات الكاتب ! و المبررات -في نظري- مكثفة و حصيفة و ربما من الصعب ان يستوعبه الادب السياسي المعارض ! -و لكن لا بأس
و الطائفة الثانية :(متظاهرين بمحبتهم للكاتب المثابر وهذه فئة مناضلي الكيبورد) -
و هنا السؤال !؟
اذا كان لهذا المنبر بعض صدي علي فكرة المقال لماذا يحاول الكاتب وضع كل الاراء التي وردت في المنبر في شكل طائفة واحدة !
ألم تكن هناك اراء في المنبر طائفة اخري بغير هذه الاوصاف !
هل المقصود باجمال اراء الافتراضيين في سلة واحدة مقابل الطائفة الاولي المهتمة بالادب (والتي تمثل الكاتب ) -هو ايجاد الفرق و الوصول الي حكم مسبق
اليس هذا يا عزيزي و كاتبي حشف و سوء كيل !!
الا تقتضي الامانة العلمية لتكوين راي حول موقف الافتراضيين الالمام بمواقفهم ! ام كان المقال بمجرد قراءة عنوان مثلا لصديق الموج او الكاتب حسن موسي !
الا يتنافي هذا مع ابسط ابجديات العلم و الكتابة الصحافية للوصول حول راي جماعة معينة !
و تساؤل اخلاقي مهم لتداعيات هذا التعميم :
اليست هذه النظرة التعميمية المخلة و نقلها الي قراء الصحافة الورقية و الذين قد لا يعرفون مواقف الافتراضيين المتنوعة - و قراءة المواقف تجاه الجائزة في شكل طائفتين ! طائفة تمثل المهمتمين بالادب و الانصاف بالكاتب و طائفة اخري (افتراضية ) اساءت للاديب !
اليس هذا يتعارض مع الامانة العلمية لتوصيل المعلومة لقاريء قد لا يجد مساحة لمعرفة الحقيقة !
اذا كنت تقصد الانصاف يا كاتبي ألم تدخل في بوست واحد من البوستات لتعرف مدي اختلاف الافتراصيين حول الجائزة -
و بالطبع الطائفة الاولي ضمنيا يعني من يكتبون في الصحافة الورقية ! هل اتفق كل من يكتب في الصحافة الورقية بنفس الاوصاف و المواقف في الطائفة الاولي !
الا يعني صناعة موقفين او طائفتين متناقضتين ومصطنعتين (في تقديري) و جمعها في سلة واحدة كل علي حدة عملا مدبرا بذات ليل للوصول الي حكم مسبق !!

و الاشكال الاكبر في نظري في تفكير كاتبي المفضل و الذي جعل المقال يرتكب كل هذه الاخطاء المنهجية الخاطئة( في نظري ) و اختلافي معه الابدي هو تناول الموضوع و توزيع الطوائف علي اساس الواقع و الافتراض ! بدلا عن التعاطي مع المشكلة من الزاوية الاساسية في تقديري --و اعني مشكلة الوعي و الكتابة عموما في السودان -و نظرة الناس لعلاقة المثقف و السلطة
هذه الاشكالية في تفكير الكاتب -حسب تقديري -هو الذي قد يجعل الكثيرين يلتبسون في تقييمهم لمقال الكاتب المليء بالاخطاء المنهجية(حسب فهمي) و التحامل غير المبرر علي الواقع الافتراضي- كالراي الذي ذهب اليه صديقي عصام جبرالله لفك الشفرة ! - بالطبع مع احتمال اسباب اخري خاصة لاي قاريء لتقييم المقال !!

و اعود لاقول هل مثلا الاخ صديق الموج استنكر استلام العزيز بشري الفاضل للجائزة لكونه مجرد افتراضي فقط ! و هل اذا اتيحت له ولاخرين لهم الكتابة في الصحافة الورقية كانوا سيكتبون كلاما مختلفا !! و بنفس القدر هل اذا جاء كاتبي بنفسه في الاسفير هل سيغير رايه الحالي المكتوب الصحافة الورقية و يستنكر الجائزة! و بمعني اخر اذا اخذنا كاتبين : سيف الدولة حمدنالله و الطيب مصطفي -هل نقد طريقة كتابتهما ببساطة علي اساس الاسفير والورق ! ام علي اشكالية وعي و كتابة بصورة عامة !!و هل اذا تبادل الاثنين اماكن كتابتهم فانهم ببساطة سوف يكتبون بوعي مختلف !!و هل هناك هناك وعي اسفيري خاص واخر ورقي خاص ! لا اظن
يا عزيزي حتي لو اتاح الاسفير بعض الراحة في الكتابة -الموضوع في نظري -ان هذه الاراء ليست كذلك لان كتابها يكتبون في الاسفير او في الصحافة و انما هناك اشكالية عامة حول الكتابة و الوعي

و ختاما يا عزيزي و بالرغم من ان لك خيارات الكتابة لكني- اري- ان الفقرة او الجملة الاخيرة في مقالك(عن اكبر اخطاء بشري في كتابته في العالم الافتراضي ) مقحمة اقحاما في المقال للاجهاز الاخير للعالم الافتراضي ! و اعني اذا كان ثمة راي في طريقة كتابة بشري في الاسفير فانه يمكن توجيه النقد له ! اما مواقف الافتراضيين المتنوعة في هي اشكاليه عامة في الوعي و الكتابة في الفضاء السوداني-- -و-في نظري-لا علاقة بهذه المواقف لانه يكتب في الاسفير -
و اعني هل كان سيكون تعليقك عن اخطائه اذا كانت نفس مقالاته في الصحافة الورقية !!


تحياتي و تقديري لك و لناذر

شكراً يا ناذر على إيراد المقال
وشكراً لحيدر ومنصور فوجودهما هنا مفيد وواعد بحوار رفيع نستفيد فيه جميعاً.
لدي حيثيات ومسوغات بنيت عليها قراءتي وسأسعد بطرحها هنا بشكل واضح للأخذ والرد. هذه اعادة تأكيد مني لتقديري الكبير لهؤلاء المحاورين فليس بالضرورة أن نتفق على كل شيء لكن من المهم جداً أن نصنع أرضية نظيفة للتحاور.
الآن عندي الساعة تمانية ونص صباحاً وسأضطر للخروج للعمل والعودة لاحقاً.
مع تحياتي للجميع

Quote: تناول مبتذل جدا .. فان أخطأ الرافضون فهم المسألة .. فقد أخطئوها بافتراضات وطنية أجمل بكثير من هذه الإفتراضات ال ..... ناذر سلامات وأعلم .. هذا الصحفى حركى جدا .. أى بتاع حركات .. والله صحى !! ولا يستحق أن أتابعه بعد الآن كصحفى !!!

يا أخواننا ماذا حدث لهذا الشاب؟
يمكن مراجعة أي مداخلة له ورؤية كيف يحشو كلمة وطن فيها.
يا أبوالشباب انت مناضل وضد الفساد وضد جهاز الأمن وضد وزارة الدفاع ومع الديمقراطية وحقوق الإنسان وحرية التعبيروالحكومة خايفة منك وحتسقط بكرة بسبب نضالك هذا! مبسوط كدة؟
عصام جبرالله
قرأت لسيدتين تحملان نفس اسمك واحدة كتبت أن الدين والقانون والتقاليد والتحرر والمساواة تهدف للسيطرة على جسد المرأة وتحويلها إلى آلة جنسية! والثانية تحدثت في التلفزيون وقالت إنها (أم الغلفا) فعرفت إن قلة الأدب التي تتعامل بها هنا هي محصلة تدريب منهجي تلقيته ولا سبيل لك للفكاك منه.
الله يعيننا ويعينك

عصام جبرالله
قرأت لسيدتين تحملان نفس اسمك واحدة كتبت أن الدين والقانون والتقاليد والتحرر والمساواة تهدف للسيطرة على جسد المرأة وتحويلها إلى آلة جنسية! والثانية تحدثت في التلفزيون وقالت إنها (أم الغلفا) فعرفت إن قلة الأدب التي تتعامل بها هنا هي محصلة تدريب منهجي تلقيته ولا سبيل لك للفكاك منه.
الله يعيننا ويعينك

فى ثلاثة اسطر
وجه محمد عثمان اساءات بالغة
لشقيقات عصام
وللوالد المحترم المرحوم جبر الله سيد احمد

يا محمد عثمان
كان يمكنك الرد على عصام كما تشاء
ولكن
لماذا تكون الاساءة بهذا المدى الشاسع وغير المنضبط وغير المنصف

تصدق يا محمد عثمان
خجلت أعمل لكوت للكلام الكاتبو لعصام جبر الله!!
أي والله!
كان شايف كلام عصام دا قلة أدب
فالرد بتاعكـ دا تعدى المرحلة دي بكتير!!

Quote: فعرفت إن قلة الأدب التي تتعامل بها هنا هي محصلة تدريب منهجي تلقيته ولا سبيل لك للفكاك منه.

لا يا محمد لا مجال للخجل هنا
أستغرب فقط من وصف الآخرين بعبارته في المقال الأصل أن يكون رده لعصام هكذا
تذكرت عبارة مردا : يا للقرف !
وأيِ قرف





_____________
خذ نفساً يا عصام وتأكد أنكـ تخاطب كائن لا يستحي
فقط لا غير .
دعها إساءة تُلخِص حاله .
ياله من بلد

سلام يا محمد عثمان، والله أنا بالجد كنت بستغرب ليه الناس دي دائماً بتشن عليك حملة شعواء،
وأظن السبب بأنني دائماً متسرعاً في قراءتي للآخرين، وكنت أرك دائماً مظلوماً، ولكن في
هذا البوست وردك القـذر على عصام جبر الله كشف لنا حقيقتك المفلسة ونفسك المريضة،
فأنت لا تسييء لعصام بل تسييء لنا نحن جميعاً، فما دخل أخواتنا وأهلنا في نقاشات النت؟!

بالإضافة لإساءتك الأُخرى لمستخدمي النت وتحوير مصطلح بشرى الفاضل وتغيير معناه
لمصلحتك، بالجد شيء مقزز ومقرف جداً، وبالمناسبة نحن ما ح نسكت على كدا ح نطالب
بكري بطردك من المنبر أيضاً، فهذه الإساءة لا تغتفر.

والله يا عمران ماف كلام يتقال زاتو!!

هسي أخونا محمد عثمانهم قال كلامو دا ومشى
الشغل عاااادي .. زي الما حصل حاجة؟؟

الاخ / محمد عثمان ابراهيم

بعد التحية ،،،،،،

إن كنت فعلاً تبحث عن حوار واعد ومفيد فقد نسفت الفكرة اصلاً
بردك الغريب جداً على الاخ / عصام جبر الله واسأت من حيث تدري
لاطراف لاعلاقة لها بالموضوع . كان يمكن فعلاً ان يبتدر نقاش موضوعي
حول علاقة المثقف بالسلطة وحول الحيرة التي تملتكتنا حيال موقف دكتور بشرى الفاضل
ونصل لنتيجة لكن للاسف الشديد حيرتنا أنت كمان أكثر واربكتنا حيال موقف المثقف حتى من الراي
الآخر .
ــــــــــــــــــــــــــــ
تصدق يا محمد عثمان انا فخور جداً إنو الدكتورة تشت عين الظلام بالضوء وقالت انها
هي ام الغلفاء .

سلام للاخ / ناذر الخليفة

يصف أعضاء المنابر الأليكترونية بالتالي :

Quote: فئة مناضلي الكيبورد، الطفابيع الحقيقيون الذين تتصف أجسادهم بخاصية التطاول

ثم يأتي مستخدماً نفس هذه المنابر (ليُناضل كيبوردياً) بطريقة عكسية بالتالي :

Quote: عصام جبرالله قرأت لسيدتين تحملان نفس اسمك واحدة كتبت أن الدين والقانون والتقاليد والتحرر والمساواة تهدف للسيطرة على جسد المرأة وتحويلها إلى آلة جنسية! والثانية تحدثت في التلفزيون وقالت إنها (أم الغلفا) فعرفت إن قلة الأدب التي تتعامل بها هنا هي محصلة تدريب منهجي تلقيته ولا سبيل لك للفكاك منه. الله يعيننا ويعينك

* التحية للسيدتين د. آمال وأستاذة ناهد والرحمة والمغفرة لوالدهما حسُن السيرة ... الذى ربي بناته وأبنائه فأحسن تربيتهم.

Quote: قرأت لسيدتين تحملان نفس اسمك واحدة كتبت أن الدين والقانون والتقاليد والتحرر والمساواة تهدف للسيطرة على جسد المرأة وتحويلها إلى آلة جنسية! والثانية تحدثت في التلفزيون وقالت إنها (أم الغلفا) فعرفت إن قلة الأدب التي تتعامل بها هنا هي محصلة تدريب منهجي تلقيته ولا سبيل لك للفكاك منه.

يا هو دا .. بكل الحزن كوتو ليك انا ياود الصايم ..
كلام مخجل ومهين لمن نطق به لا يتعداه شبرا واحدا ليسىء
الى غيره كما ظن هذا الدعى !
العقليات دى لازم تتفضح .. عشان يشوفوا ما يسمى الصحافة
الورقية دى الناس البيصلوا ويكتبوا فيها هم منو ؟؟
بعدين استغرب لشخص يكتب مثل هذا الكلام ويعد الناس بحوار ومساحات !!
نسمعك بى ياتو اضان ؟
نقراك بى ياتو عين ؟
نستوعب ما تقول بى ياتو عقل ؟؟؟
محاولاتك لاقصاء عصام من هذا الحوار لن تنجح ...
وان بعد عصام فلاخواته السامقات العاليات علو الشمس الف اخ واخت .









ــــــــــــــــــــ
زمان مش لما الشفع يتشاكلوا ببدا فاقد المنطق والمفلس
(عشان ما اقول كلمة تانية) بتعيير زميله باخواته ؟
عشان ثقافة الانكسار بالبنات الكانت سايده فى ادب الشوارع ؟
الصحافة الورقية الراقية
عايزة تنعش ادب الشوارع ؟؟
وان عدت عدنا فانى لاخواتى بنات جبرالله لبالمرصاد ..

سلام يا ناذر
وقريت المقال الركيك المخبر والمنظر
وقمة الركاكة تجلت في محاولة ( توليد جائزة بشري الفاضل) وتداعياتها التي لم تعجب كاتب المقال الركيك
فرايته محاولا اخراج تعريف ما انزل بشري الفاضل من سلطان لمفردة الطفابيع...

وخلق تعريف جديد لنج للطفابيع يتماشي مع( فقه مرحلة الركاكة)
يعني بشري الفاضل يستلم جائزة من علي عثمان بيد
وبشري الفاضل يركل التعريف الاستاندر للطفابيع بتوصية من الكاتب النحرير بيد اخري ... يا للهول ويا للدهشة


-------
ومقرف تماما ما اورده محمد عثمان في رده علي عصام جبرالله..


ومجمل المشاهدات اعلاه بتوطن الراي بتاعي الثابت الذي لو تزحزح جبل عبل لما تزحزح بان
الكاتب ده كيسو فاضي وان كره مكسري الثلوج نافخي الهنابيك الثقافية التي نبتت بروس في زمانات (الهبتلي)


وسنتابع

الأخ محمد عثمان
اتكئ على مداخلة أخي ود الصايم لأقول لك
لقد تجاوزت خطوطاً حمراء كثيرة في إساءتك للأخ عصام وآله
أرجو حذف هذه المداخلة فهي إساءة لكل زملائك في المنبر
نصيبي منها شخصياً سبب لي صداع وكدر ودبرسة

تحياتى للجميع


اولا : - اتفق مع الاستاذ حيدر حسن ميرغنى فى أن ما كتبه هذا الشخص فى الجريدة :(

Quote: ونسوا أن صنع الله كان محقاً في سياقه إذ رأى أن قبوله لجائزة تحمل اسم مبارك الدكتاتور قد تشوه سيرته،

) عن رفض صنع الله ابراهيم لجائزة تحمل اسم مبارك هو غير صحيح تماما فالجائزة هى جائزة القاهرة للابداع الروائى العربى وكان رئيس لجنة التحكيم الطيب صالح نفسه واعضاء اللجنة من دول عدة منهم الكاتب اللفلسطينى المجيد فيصل دراج ، لكن رغم ذلك صنع الله ابراهيم رفضها لحيثيات قدمها وكانت مقنعة وقتها ورفض ان يقبل قيمة الجائزة ومقدارها مائة الف جنيه مصرى وهو فى اشد الحوجة اليها ، وكان متصالحا مع نفسه ومتسقا معها تماما .
فاذا كتب ما كتب بقصد فهذا سوء نية لا تليق اما اذا كتب عن جهل فكان الاليق به ان ينقر على الكيبورد ليعرف اسم الجائزة التى رفضها صنع الله ابراهيم ونحن نلتزم بألا نطلق عليه ( مناضل الكيبورد ) لكى لا يدخل فى زمرة من ذماهم فى مقاله .


ثانيا : - وصف هذا الشخص منتقدين بشرى الفاضل بمناضلى الكيبورد ( ومن الغريبه هو نفسه يكتب فى الكيبورد ) واستعمل نفس المصطلح الذى تستعمله الحكومة ومشايعيها ضد المختلفين معها والذين يكتبون فى مواقع النت والمدونات ، وربما لا يعرف ويجهل هذا الشخص او يعرف ويتعامى أن العالم كله الآن اصبح يهتم جدا بالمواقع الاسفيرية والذين يكتبون فيها واصبح يهتم بالمدونات والمدونين ، وما يكتب فى الشبكات الاجتماعية واصبحت هذه الصحافة الجديدة تسمى صحافة المواطن ، يكتب فيها الناس من دون قيود الصحافة الورقية التى تخضع لمقص الرقيب وتخضع لسياسات الناشر ورؤساء التحرير وتتحكم فيها جهات ذات اموال وسلطات وهى صحافة مؤثرة بل ان دورها فى الربيع العربى معروف فى مصر وفى تونس وفى سوريا واشتهر اشخاص ومدونين وكتاب فى هذه المواقع الى درجة كبيرة مثل وائل غنيم فى مصر وفى تونس حدث ولا حرج ، ولم يقل لهم شخص انهم مناضلى كيبورد ، هذا التعبير تريد به الحكومة السودانية ومشايعيها ان تسىء للذين يكتبون فى هذه المواقع من موقع الاختلاف وان تحط من قدرهم ولكن بالطبع لن تنجح هذه الحيلة ، ولأول مرة اعرف ان نفس هذا الشخص الذى يصم المختلفين مع الاستاذ بشرى الفاضل وكتبوا فى المواقع ، لاول مرة اعرف انه نفسه يكتب هنا وهذا حقيقى تناقض ، هو يرغب ويتمنى ان يكتب كل الذين يكتبون مع رؤاه وافكاره وتصوراته والا يختلفوا معه وبذلك يصبحون ( كتاب انترنت ) اما اذا اختلفوا معه ومع الحكومة والسلطة وكتبوا من موقع هذا الاختلاف اصبحوا ( مناضلى كيبورد ) و ( نشطاء فئة الكائنات الافتراضية على شبكة الإنترنت )

ثالثا : - ما كتبه فى حق عصام جبرالله وحق اختيه الكريمتين لا يليق لا من ناحية الخلق السودانى الذى يتحلى به اى شخص فى اى قرية او اى حى ولا من ناحية الدين الاسلامى او اى دين يعلم اتباعه على مكارم الاخلاق وفضائل المجتمع ، والعبارات التى قالها توضح انك خلل ما عليه ان يبحث عنه ويعالجه .

محمد عثمان ابراهيم
ما هذا التعدي ؟
اختلف معك عصام جبرالله ووجه لك كلام تتعقد ان فيه اهانة او قلة ادب او اي شئ آخر من حقك ان ترد عليه وبل ان تتجاوز في الرد عليه باعنف مما قال
ولكن كما تعلم حدك عصام فقط
فما ذنب ناهد جبرالله وامال جبرالله واسرة عصام جبرالله حتى تاتي بهم في ردك على عصام
اعتذارك لامال وناهد واسرة عصام واجب وكل ما عجلت به خففت من الخسائر
حقيقي لم اتوقعها منك

Quote: وكل ما عجلت به خففت من الخسائر

أبدا والله يا هندسة!
في دي بالذات الخسائر عمرها ما تتخفف!!




_
شكرا يا دينا

Quote: أن في فوز القصاص المخضرم.....

حرام عليك يا أخي.

كاتب القصة لا يسمى (قصاص)

عصام جبرالله ..
خليك كبير .. كما انت ..
اي مجاراة للسفه دا تحسب عليك ..


بس رش ناذر دا كويس ..
لأنو هو السبب ..
اصلو ما تخليو ..
عشان المرة الجاية يعرف ينقل كويس ..
رشو ..
رشاو محمد عثمان دا ذاتو ..

والله حكاية عجيبة ..
تشوف الواحد وهو يصطنع التثقف والموضوعية والفهم العالى... تقول ماشاء الله
ولمن ينزع القناع ويظهر ليك بى شكلو الحقيقى ماتقدر تقول غير سبحان الله .....
واظن هذا اقرب الى الطفابيع من اي شخص اخر ...

هذا ما ارتأيته من نتانة ما جاء به محمد عثمان هذا,فى رده على عصام معرضاً بأهله وتربيتهم جميعاً

وبرضو تقولى الخوض فى الخاص و ما ادراك ما اقحام الاسر ..
مثل هذا هو من يستحق ان تفتح من اجله البوستات ..لانه يدعى الفهم وهو عنه بعيد
ولانه يكتب فى الصحف وينتشر ويصل للبيوت والاسر وغيرها ..
وبالتأكيد له من المريدين والمعجبين ممن لم يتعرفوا على وجهه الحقيقى بعد
إذن فليعرف الجميع الوجه الاخر لهذا الدعى

يالها من سقطة !!

تحياتي للجميع دون فرز ..

ونبدأ من الأخر مع حبيبنا عبد اللطيف ..

Quote: عشان المرة الجاية يعرف ينقل كويس ..

ابدا والله .. نقل أكوس من كدة ألا أنقل العواميد الجمب العمود دا ..

قصدت من نقل المقال هنا أن يتناقش الناس في هذا الامر القابل للأختلاف .. لأنني وبالصدفة البحتة التقيت بأخونا عضو المنبر (.....) في السوق ومشينا فطرنا سوا .. وطبعا الفطور ما بينهضم إلا بي قطيعة جامدة .. والسودان ذاتو بقى ما فيهو شي يقطعو عليهو أو يقطعو منو أو يقطعو فيهو .. اتلفتنا جاي جاي قمنا قطعنا في أخونا صديق الموج وبوستو الأخير حول الجائزة وبشرى الفاضل ..

انتهينا من الفطور والقطيعة رجعت شغلي فتحت الجريدة لقيت عمود محمد عثمان ابراهيم بيتكلم حول نفس الموضوع .. (التقول كان فاطر وقاطع معانا) ..!! قلت انقل العمود هنا عشان نتم القطيعة في العلن والناس تستفيد ..

داير اسأل سؤال ..

قبل كدة في اتنين من اعضاء المنبر فازوا بي جوائز مماثلة بي نفس الاسم ونفس المركز والناس اشادوا بالأعضاء ديل وكتبوا عنهم البوستات والمقالات ..!!

هل يا ترى لو كان علي عثمان أو أي مسؤول حكومي هو السلم الجائزة كان الأمر بيختلف والمدح حا يتحول لي قدح ؟!

وهل إذا كان بشرى الفاضل تسلم الجائزة من إدارة المركز في غياب علي عثمان هل الناس كانت حا ترضى عنو ؟!

Quote: محمد عثمان ابراهيم ما هذا التعدي ؟ اختلف معك عصام جبرالله ووجه لك كلام تتعقد ان فيه اهانة او قلة ادب او اي شئ آخر من حقك ان ترد عليه وبل ان تتجاوز في الرد عليه باعنف مما قال ولكن كما تعلم حدك عصام فقط فما ذنب ناهد جبرالله وامال جبرالله واسرة عصام جبرالله حتى تاتي بهم في ردك على عصام اعتذارك لامال وناهد واسرة عصام واجب وكل ما عجلت به خففت من الخسائر حقيقي لم اتوقعها منك

Quote: قبل كدة في اتنين من اعضاء المنبر فازوا بي جوائز مماثلة بي نفس الاسم ونفس المركز والناس اشادوا بالأعضاء ديل وكتبوا عنهم البوستات والمقالات ..!! هل يا ترى لو كان علي عثمان أو أي مسؤول حكومي هو السلم الجائزة كان الأمر بيختلف والمدح حا يتحول لي قدح ؟! وهل إذا كان بشرى الفاضل تسلم الجائزة من إدارة المركز في غياب علي عثمان هل الناس كانت حا ترضى عنو ؟!

سلام يا ناذر يا فردة

يا ناذر شكلك كدا لسا ملخبط، الجائزة التى فاز بها هشام آدم وطه جعفر وأبنوسة دي جائزة تانية تصدر
من مركز عبد الكريم ميرغني.

أما هذه الجائزة التى نحن نتحدث عنها ما عندها علاقة بمركز عبد الكريم ميرغني وقد شفوا نفس الاسم منها
وتقدمها شركة زين للإتصالات فهي مشكوك في أمرها أن تكون جائزة كيزانية، دا سبب خلاف الناس
في الموضوع دا.

تحياتي ليك يا ملك

سلام النذير ..

Quote: يا ناذر شكلك كدا لسا ملخبط، الجائزة التى فاز بها هشام آدم وطه جعفر وأبنوسة دي جائزة تانية تصدر من مركز عبد الكريم ميرغني.

اوكيييي يا دوب وقعت لي .!!

طيب يا النذير داير أسأل ..

الجائزة ايا كانت .. هل الاشكالية فقط في أي يتم تسلمها من قيادي في الدولة أم في الجائزة نفسها ..!!

يعني مثلا الجائزة لو كانت بي اسم شركة ام تي ان بس من غير تدخل قيادي في الدولة .. هل ستكون مقبولة ولا الاشكالية في ان يتم تسلمها من قيادي في الدولة ؟!

انا اعتقد انو أصحاب العمل دا أرادوا تعظيم الجائزة والعلو من شأنها فجلبوا من يقدمها شخصا يحتل منصب النائب الأول لرئيس الجمهورية وهو قد يكون لا دور له سوى فقط تقديم الجائزة .. ولا شنو ؟!


مشكور ..

سلام يا ناذر،

يا ناذر ليه غيرت اسم شركة الإتصالات من شركة زين؟! لأنو زين عالم شين وللا شنو؟! هاهاها
لأني أنا ما بعرف شركة أم تي إن، ولكن شركة زين هي شركة كويتية عالمية معروفة تنتشر في الشرق الأوسط
وأفريقيا، لكن شركة أم تي إن احتمال تكون كيزانية بحتة، وسبب اختلاف الناس حول هذه الجائزة تتفاوت
منهم من يقول:
1) بأن مديرها الكوز الفاتح عروة
2) ومنهم من يقول بأن الفاتح عروة أو شركة زين لهما علاقة بالسي آي أيه وأيضاً ترحيل الفلاشا.
3) ومنهم من يقول بأن فكرة الجائزة أصلاً يجب مقاطعتها لأنه قد سرقت الفكرة من مركز عبد الكريم ميرغني.
4) والجزء الأهم: منهم من يقول بأن بشرى الفاضل قد صافح علي عثمان محمد طه فلا يجب على بشرى من مصافحته.
5) ومنهم من يرى جميع ما تقدم.
6) ومنهم من يرى بأنه لا غضاضة في ذلك كله، فالناس متباينة في هذا الخصوص.

المشكلة الأكبر يا ناذر هو تسليم الجائزة من مسؤول حكومي (أي كوز) لمعارض سياسي له وزنه مثل بشرى الفاضل دي المشكلة كلها

وبالمناسبة يا ناذر في بوست لصديق الموج يناقش هذا الأمر أبحث عنه سيفيدك كثيراً، وأيضاً هنالك بوستان في موقع سودان للجميع
عن بشرى الفاضل سيفيدانك كثيراً في هذا الموضوع.

تحياتي

Quote: لآن عندي الساعة تمانية ونص صباحاً وسأضطر للخروج للعمل والعودة لاحقاً.

يبدو لي انو بعد الكلام الفوق اتذكر انو نسى قلوط الصباح فلحق قلط

Quote: عصام جبرالله قرأت لسيدتين تحملان نفس اسمك واحدة كتبت أن الدين والقانون والتقاليد والتحرر والمساواة تهدف للسيطرة على جسد المرأة وتحويلها إلى آلة جنسية! والثانية تحدثت في التلفزيون وقالت إنها (أم الغلفا) فعرفت إن قلة الأدب التي تتعامل بها هنا هي محصلة تدريب منهجي تلقيته ولا سبيل لك للفكاك منه. الله يعيننا ويعينك

محمد عثمانهم طلع قلوط كبير

تشكر ناذر علي ايرادك للمقال.

محمد عثمان ابراهيم؟؟؟؟؟

تعديك علي اسرة عصام جبرالله, ليست هناك مايبرره, الاخ عصام, ذكر بانك كاتب
وكتاباتك تثير ,عنده الشكوك, ومن حقه التصريح بذلك,طالما كتاباتك
منشورة ومتاحة للعام.
ومن ثم وصفك لزملائك الاسفريين,بالطفابيع, قبيح ويجب الاعتذار عنه.
حتي لا تلتبس الاشياء عندك اكثر,اتمني الرجوع علي ماورد بالمقال.

Quote: قرأت لسيدتين تحملان نفس اسمك واحدة كتبت أن الدين والقانون والتقاليد والتحرر والمساواة تهدف للسيطرة على جسد المرأة وتحويلها إلى آلة جنسية! والثانية تحدثت في التلفزيون وقالت إنها (أم الغلفا) فعرفت إن قلة الأدب التي تتعامل بها هنا هي محصلة تدريب منهجي تلقيته ولا سبيل لك للفكاك منه. الله يعيننا ويعينك

عزيزي الاستاذ محمد عثمان
لم نتوقع هذا منك برغم آن عصام كان عنيفا معك ومع ناذر
الا آن ناذر تجاوز عما قيل في حقه
بيد آنك تجاوزت الحدود اللياقية في الرد
قد يكون ذلك انفعال وهلي
نرجو اعتذارك لاسرتهم الخلوقة وهذا من شيم المهذبين وليس بعيب
ثم تستمر في دفوعات وحوار حضاري
وانا لا آعيب ابدا استلام الاستاذ الكبير لجائزة جاءت عن استحقاق وعطاء طويل
هي من الشعب السوداني لمبدع سوداني وليست
من آي حكومة آو صاحب منصب

آخيرا سلام ال جبر الله فانتم نعم السودانيون

Quote: آن عصام كان عنيفا معك ومع ناذر الا آن ناذر تجاوز عما قيل في حقه

سلام يوسف
ياخى وين كنت "عنيف" مع ناذر؟ ناذر غير سلمت عليهو ما جبت سيرتو أصلآ , بتقرو كيف؟
برجع بعد شويه لموضوع الجائزه بشكل رئيسي

!!!!!

Quote: لم نتوقع هذا منك برغم آن عصام كان عنيفا معك ومع ناذر الا آن ناذر تجاوز عما قيل في حقه

هو بالله عصام كان قاصدني أنا دا في كلامو ..!!

أنا ما اتجاوزت لكن ما قايل الكلام بيعنيني ..!!!

عصام ..!! عصام ..!!


يا عصام ..!!

عملت ليك شنو أنا ياخ تكتب لي كدة ..!!

يا خي قالوا ناقل الكفر ليس بكافر .. أها لو داير تسل سيفك أهو الكافر محمد عثمان ابراهيم قدامك اقطع رقبتو ..!

هسي أقوم أرسل لي بكري يسحب البوست أخليكم كلكم لايصين صينية برة الزمن ..!!

سلام يا عصام ...


عارفك ما قاصدني بهظر ساكت حتى مداخلتي الاخيرة اتزامنت مع مداخلتك..


النذير ..

Quote: المشكلة الأكبر يا ناذر هو تسليم الجائزة من مسؤول حكومي (أي كوز) لمعارض سياسي له وزنه مثل بشرى الفاضل دي المشكلة كلها

هي معنى كدة أنو كان المفروض من بشرى الفاضل قبل ما يترشح للجائزة دي يطلب من اصحاب الجائزة ويشترط عليهم أنو اذا فاز جائزتو ما يديها ليهو مسئول حكومي ؟!

ولا يرفض استلام الجائزة بعد ما عرف أنو حا يتسلما من مسئول حكومي ؟! ومبرر الرفض الممكن يقولوا بشرى شنو ؟؟!

تحياتي ..!!

عزيزي محمد عثمان سلامات
لي قناعة ان الاختلاف في مساحة الاراء اكثر و اكبر من ما نظن
و ما كتبه الصديق عصام -بالنسبة لي -مخاشنة مقبولة الي حد ما في حدود المنبر
لكن ما يجعلني اتعجب انك في اول مناكفة اتيت -في نظري - بكل هذا القبح و الدمامل
و الموضوع عندي ليس فقط مجرد خطأ انساني يستوجب الاعتذار في حق العزيز عصام - و انما استدعاء كامل لثقافة معينة-نعرفها- في كيفية توجيه الاساءة للخصوم
و هذا القبح يجعلني اتساءل عن علاقة المعرفة بالاخلاق
و عن كل كل هذا القبح و العنف المخبأ الذي يخرج عند اول صدام
عموما يا عزيزي حتي لو جئت و رفعت الضرر عن عزيزنا عصام فان تساؤلي سيظل قائما

و لو كان بيدي لقلت لك ان كان لا بد مواجهة المخاشنة المنبرية بكل هذا القبح الاخلاقي اذن لماذا المجيء الي المنبر يا عزيزي
و تمارس ضد المشروع الذي تنادي به
و اذا كانت معرفتك لا تهذب رايك وتجعلك تنال كل هذا المنال الاخلاقي من الاخرين الا يحق لنا تساؤل عن مشروعية و اخلاقية
الكتابة !

و ها قد ضاعت محاولة انصافك للكاتب بشري وسط ركام القبح الذي اتيت به !


و لتكن بخير

Quote: التحية للسيدتين د. آمال وأستاذة ناهد والرحمة والمغفرة لوالدهما حسُن السيرة ... الذى ربي بناته وأبنائه فأحسن تربيتهم.

من حق الاخ عصام ان يفتخر بشقيقتية دكتورة امال واستاذة ناهد , فقد ولجتا العمل العام المدني والسياسي بدواعي اخلاقية
كبيرة وقدمتا تضحيات كبيرة اخفها المعتقلات , ودفعتا استحقاقات هذه القناعات النبيلة من عمرهن ومن صحتهن .
ايضا يحق للاخ عصام ان يفتخر بااسرتة علي الاقل والدة المرحوم جبرالله سيداحمد وعمة محمد فقد كانا من رموز الاستقامة
في بلدنا المنكوب .
محاولة كسر المناضلين الحقيقين امثال امال وناهد وعصام واخرين لن تصمد كثيرا لمعرفة كل الناشطين تقريبا بمساهماتهم
التي كانت دائما منحازة للتقدم والاستنارة ولجماهير شعبهم .
التحية للدكتورة المناضلة امال جبرالله والاستاذة ناهد (والشقيق) الاخ عصام .وياريت كل الناس عندهم شقيقات مثلهن فهن مدعاة للفخر
كامل الاحترام لهذه الاسرة

سلام ياناذر

الموصلى !
شكلك جايى بى اجنده جاهزة !!
وين عصام عنف ناذر ؟؟ ووين اساء لى سىء الذكر كاتب المقال ؟؟
دى مش حاجة عجيبة ؟
دى مداخلت عصام فى هذا البوست

Quote: سلام يا ناذر و سؤال مباشر عبر بوستك لمحمد عثمان ... عاوز تناكف و تتعولق و لا عاوز تتناقش و تتحاور؟ و ممكن نشرح العولاق البعملو محمد عثمان شنو, و أضيف أنا واحد من ناس - غير متفقين أو منسقين - عندهم ارتياب في محمد عثمان و كتاباته من فتره, انو هدفها و مصلحتا ما البلد الإسمو السودان و لا أهلو , بالوضوح ده, لأنو السؤال أبدآ ما كان مصلحة الحكومه و لا مصلحة المعارضه. لكن و من كتابات محمد عثمان نفسها بتشكك في إفتراضي ده اللى هو الإرتياب في محمد عثمان ... أها يا محمد عثمان ... عاوز تتحاور و تتناقش و تاخد و تدى و لا عاوز تركب أعلى مافي خيلك؟

مداخلة عصام خالية من اى عنف حتى لصاحب المقال
بل هو كلام جاد وراي فى مواقف الكاتب وكتابته التى ينشرها على الكافة..
يعنى عصام ما دق لى الكاتب دا الباب وخاشنو ولا كيف ؟؟ حيرتونا ذاتو .

هو شنو البطالبو فيهو بى اعتذار ؟؟
انتو صدقتو انو الكلام دا بسىء لى عصام ؟ اذن هى نفس العقلية !
الكلام دا عكس ثقافة الكاتب واخلاقه وكيف تشكل وجدانه ..
صدقونى مافى شىء يستوجب الاعتذار فقد انكسر المرق ..

لوم شديد لود الزين ،، وحجازى ، وناذر ان اعتقدوا ان هناك
ما يستحق النقاش وتجاوزوا حديث الكاتب حتى وان ادانوه ، للحوار
عن اى حوار يتحدثون !! هل يجوز اصلا حوار مع من اتى هذا الحديث ؟
اما عصام داك لو جاء هنا قال داير يناقش اصل الموضوع بتاع الجايزه
تانى لا بينى لا بينه ..
لانو ح يكون ساهم فى شتيمتنا نحن معشر النساء ..
وتنازل عن اساءة لا يملك حق التنازل عنها ولاصبح فعلا
عفو من لا يملك لمن لا يستحق ...











ــــــــــــــــ
شكرا يا هيثم طه ،، افتكر عشان نمرق كلنا من هذا
الاحباط حقو تفتح لينا بوست نتفشى فيه شوية !

Quote: مداخلة عصام خالية من اى عنف حتى لصاحب المقال بل هو كلام جاد وراي فى مواقف الكاتب وكتابته التى ينشرها على الكافة.. يعنى عصام ما دق لى الكاتب دا الباب وخاشنو ولا كيف ؟؟ حيرتونا ذاتو .

العتب يادينا وعصام على النظر
ياخي الكبر دخل تمام وقرب يمرق ذاتو
لكن بالنسبه للجزء الثاني في مخاشنه

Quote: عاوز تناكف و تتعولق و لا عاوز تتناقش و تتحاور؟

انا لو زول قال لي الكلام ده طوالي بشيل عكازي واخش من الدسك توب علي الكومبيوتر
لكن ماقاله محمد عثمان بالنسبة لما قاله عصام يجعل عصام
ولي من آولياء الله الصالحين
--------------
و بعدين معاك يادينا هههههه

Quote: الموصلى ! شكلك جايى بى اجنده جاهزة !!

شفتي يادينا عشان الكبر مالاحظت لي دي

انا ؟ جاي بي أجنده؟ جاهزة!!!!! سبحان الله
وفوق كل ذي علم عليم

Quote: هسع لزوم فعلين هنا شنو يشكلوا هم وعرف بشرى طفابيعه بالمعادل الهزلى للسفاحين أما نشطاء النت عزل أبرياء وليس بطفابيع يا محمد عثمان إبراهيم ولا أحسب بشرى يرفض أن يختلف عليه الناس فقد مدح بذلك نفسه أمرؤ القيس عند ما قال أنام ملء جفونى عن شواردها ويسهر الخلق جراها ويختصم وأحسب أن بشرى مبذولا فى النت يمكن له أن يرد لهولاء وهولاء أما تحوير الطفابيع لا يجوز والشكر لك يا ناذر.

أولا للأخ منصور المفتاح: إظنك تقصد فاعلين وليس فعلين ولكن لغويا جائز ذلك للتخصيص والله أعلم .

بالنسبة لبيت الشعر فهو للمتنبئ وليس لأمرئ القيس

ثانيا لعصام ومحمد إبراهيم أتمني أن تعرضا عن هذا وتعتذرا لبعضكما وكما قال الأستاذ الموصلي العنف اللفظي يولد العنف اللفظي المضاد

سلام
يا جماعة من مساوىء الصدف ان ادخل البوست ده بعد شكلة جامده
مع الاولاد فى البيت... ليه مساوئ لانو اديت ولدى محاضرة
جاء البوست ده نسفها لى نسف الناسفين...
هاكم القصة دى والله حصلت قبل ما ادخل هنا
سمعت الولدين بتشاكلو شكل صاح عااااادى
بعد شوية سمعت صوت الصغير 9 سنين بيبكى
عرفت انها كبرت
قمت عليهم قبل ما اصل اسمع ليك الصغير بينبذ فى
الكبير يقول ليهو يا مره يا مره قبل ما خلعتى تتم
سمح اذا به يجيب وصفة تانية ايوة يا مرة ومرة خايبة كمان
النصيحة اول مرة اسمع الكلام ده عندى
لميتهم فى اوضة شفت المشكلة وكالعادة انت غلطان فى كده
وانت غلطان فى كده
اهاااا انتهينا فى الشكلة فى عضمها
مسكت ليك الصغير من قميصو اتلببتو عديل كده
بعد ما كنت دايرة اطرد الكبير غيرت رأيى قلت خليهو
يسمع من المهم يسمع قلت ليهو اقيف ماتمشى
اها قبقبت الصغير سمح
قلت ليهو مالى ببقى نبذ ومالها اختك الله يرحمها بتقى نبذ
اتخلع قال انا ما نبذتك..قلت ليهو انا ما مره
امك دى ما مره قال لى ايي قلت ليهو عيبى شنو
عشان ابقى نبذ.. وغزيت ليك يدى التانية فى كوعى
ويدى التانية لسه مقبقباهو
قلت ليهو اتعلمت تلعيمى ..وشغالة شغلى .. و سايقة عربيتى
وبحلى مشاكلى وبساهم فى معيشتك و تعليمك ,.. ورينى خيابتى شنو؟؟
قال لى ياماما ما كده ... مره للولد نبذ
اضطريت اشرح من اول
فى النهاية عاين لى كده وقال لى ما ح اوريك سمعتها من وين
قلت ليهو انا سألتك سمعتها من وين
ما مهم تسمعها من وين لانو انا ما بقدر اغطى ليك اضنينك محل
حايم كان مدرسة كان شارع
انا البهمنى افتح ليك اضانى واسمعك
عشان افتح ليك اضانك دى واوريك اولك من اخرك

بعد داك دخلت فى الشخصية الجد
يا ولد اخر مرة اسمع الكلام ده بكسر ليك رقبتك
دى وخليك عارف لو نبذت اى ولد قلت ليهو يا مره
معناها نبذتنى انا وغادة
مفهوم ... طبعا ما قال مفهوم:)
لكن انا فهمت انو فهم

اها جيت اخش سودانيز لقيت البوست ده وقلت اشوف التداعيات
الجديدة فى قصة جائزة الطيب صالح
القى انا بتنبذ تانى
والله جنس مذمة فى الدنيا دى
يعنى معشر النساء ديل طوالى بيكون للراجل
مكان الخجلة ومحل الضرب الغير مشروع
والله صحى

اول حاجة يا استاذ محمد عثمان ان طلعت كلام امال
وناهد بره سياقاتها والله هذا الاجحاف بعينو
ثانيا كلام الاتنين لم يكن صعلكة و عدم تربية ومحبة فى استخدام
فحش القول (ده بأعتبار ما تراه انه فحش فى القول مع العلم انا لاارى هذا)
بل لاثبات وجهة نظر
ثالثا احيى ناهد انها قالت الكلمة دى عشان توعى جماهير النساء المشاهدات
انو الان اصبحت كلمة تعنى الوعى .. لانها كلمة تستخدم للمسبة لنساء غير مختونات
يعنى يا محمد عثمان ما تطلع الكلام من سياقة عشان تنابذ عصام باخواته
وعصام كان بتنابذ وبسمع للنبذ الزى ده ما كان مرق للربا والتلاف
يا محمد كان غيرك اشطر فهذا ليس مقتل عصام

عصام اعرفه من ايام الجامعة صديقى اعرف الكثير عنه ايجابى وسلبى
نركز فى السلبى اهاااااا السلبى ده ما فيهو عدم احترام للنساء
ولا فيهو عقدة رجل شرقى و لافيهو كلام جرايد حول حقوق المرأة
دى فى عصام اصل و صورة

التحية لام الحسن ولامال ولناهد بأن قدموا النمازج الناجحة لعصام
التحية للمعرفة كفاحا
ليكون عصام هو عصام لينا نحن صديقاته
نجلس معه راس براس و لانخاف ان نقرأ خطأ ولا نفسر خطأ
ولا ان تطلق علينا الاحكام
نتحدث كيفما نشاء لا مشكلة
ونفهم صاح

دينا
شكرآ للنهزره و التنبيه , موضوع الجائزه و بشري مهم و يستحق حوار كويس حوله زى ما حاصل في حتات تانيه كتيره , و عندك حق ده مكان لا يستحق أن يناقش قيه هذا الأمر تحياتى.
زول رايق و مرتب يفتح لينا بوست عن الموضوع , يا هيثم أنت أصغر واحد هنا , أفتتح الموضوع و جيب مويه لخالاتك دينا و سهام
و معليش يا ناذر ما مقصود أنت أو بوستك لكن براك شايف ... بالمناسبه أنا عارفك فاهم الحاصل لكن زى كلام الموصلى ده عادى ممكن يتلفح و يبارينى للقبر ... أخوك أصلآ قصتو جايطه ما محتاج زياده

و نجى لمحمد عثمان

1- شكرآ لكل من تداخل هنا شاجب أو مدين أو ناصح أو قرفان أو أو. مش علشان آمال أو ناهد أو إمرأه بعينها , و أكرر تانى للذكرى و لتطمين بعض الأصدقاء و الصديقات و الأهل الإتصلو أو كتبو منزعجين و غاضبين , من يخرج للعمل العام يتحمل تبعات أختياره , و ده اختيار ناهد و آمال و هن واعيات بيهو و بتبعاته و عندهن من التجربه و القوة و الحكمه ما يكفي لتحمله . البندر ما أول زول و محمد عثمان لن يكون الأخير.
2- في الموقع ده نفسه - دع عنك خارجه - نساء كثيرات تعرضن للشتم و الإساءه و التجريح و القذف و التشهير بإستخدام نفس الأدوات و اللغه مع اختلاف التفاصيل , جوهرها العنف اللفظى و الرمزى ضدهن كنوع. كل أطياف اللون السياسي و الفكرى و من هن دون انتماء واضح : اشراقه, تماضر, بيان, مياده كمال, تراجى, آمنه, حنين للبلد, ندى على سبيل المثال لا الحصر. الجامع الوحيد بينهن أنهن نساء خرجن للفضاء العام public space (و ليس العمل العام) , الإعتداء و العنف اللفظى و الرمزى أتى أيضآ من رجال بخلفيات متباينه , يسار (و شيوعيين) و يمين و وسط و لا منتمين , ما يجمع المعتدين انهم ذكور يعتقدون أنه يمكن الإنتصار على النساء بهذا العنف , كسر شوكتهن أو إقصاءهن من الفضاء العام أو دفعهن لهامشه. هذا لا يمارس فقط هنا في الموقع و لا فقط في السودان بل شائع بدرجات متفاوته في كل المجتمعات و له منظمات و أحزاب و تصرف فيه ملايين الدولارات (كمثال تابع الحمله الانتخابيه الأمريكيه لحزب الجمهوريين و خاصه ما يدور حول النساء في الجناح المسيحى المحافظ و المتطرف) و دع الآن نماذج الدول العربيه و الأفريقيه و الاسلاميه.
3-
أواصل

يا محمّد عثماننا

حينما قرأتك بالأمس فيما نقله صديقي ناذر، قلت سوف أأتيك للحوار في أمرين، بالرغم من إتفاقي معك حول الرأي القائل في ما معناه لا ضير في أخذ بشرى للجائزة..
الأمر الأول تلبيسك مصطلح الطفابيع لأخوّة أعزاء، أصحاب مواقف سليمة في معارضتهم لهذا النظام الفاسد..
والأمر الثاني هو تبنيك لرأي معادٍ لكثير من الذين يختلفون مع كتاباتك في الأسافير، وأرى في ذلك أن لا تدافع عن كتاباتك/نفسك بهذه الحدة التي أصبحت متلازمة لبوستاتك أو البوستات المنقولة عنك..
ولكنِّي يا صديقي وجدتك فيما كتبته للصاحب عصام جبر الله وأهله الكرام ما أحزّنني جداً، وأنت من المفاضلين للكتابة الورقية عن نظيرتها الإلكترونية لأنها كتابة تحكمها الصرامة والمسؤولية، وتسأل عنها المؤسسات التي تنشرها على عكس الكتابة في الأسافير؛ لذلك ما كتبته يا صديقي في حق الصاحب عصام جبر الله وأهله لا يمت للمسؤولية وشرف الإختلاف بصلة..
أرجوك بإسم المحبة البيننا أن تصصح ذلك بوجه السرعة، وأن تعتذر لنفسك ولعصام وأسرته، وأنت تعرف كيفية ذلك..

لعصام وأسرته التحية والإحترام..

حسبي الله ونعم الوكيل
ماهذا يامحمد عثمان?
بوست كان يرجى منه الكثير راح وإنتهى
الأمة الكريمة المرّت من هنا قالت مايكفيني عناء إدانة ماكتبته في حق عصام وأهله
هسع الواحد ينصحك بي شنو ذاتو ماعارف
إنت سيد نفسك وأولى بتقويمها عند اللزوم
وتحية لعصامنا وأهل بيته

خسارة يا محمد عثمان ..

خسارة كبيرة!!!

ليه بس!؟

عشان تحقق نصر كاسح على حتة (طفبوع) حسب وصفك!؟

الاخ الكريم ناذر..............سلام

طبعاً كلام محمد عثمان ده انا الطفبوع المقصود فيه تماماً و سعدت كثيراً ان
يكون فى بوست مضاد للبوست الذى افترعته و بهذه الطريقه تتخلق هنا مائدة
دسمة للمثاقفة اقل شىْ نتعلم منها ادب الاختلاف، لكن حديث الاخ محمد الموجه لعصام
جبر الله واسرته زهدنى فى كل رد مع اننى ليس مسؤول عن تربيته ولكن اعتذر عن
كتابة اى حرف فى هذا البوست وموضع السجدة فى الاعتذار للاخ عصام و اسرته الكريمه
و لا زلت اعتذر ان اوردتهما هذا المورد وهم من افاضل البيوت التى نعرف وكم تمنينا
ان لو انهن اخواتنا او ان بنات السودان بهذا الوعى والفهم والادب..
عصام اكرر اعتذارى لاسرتكم الكريمة.، وليكن ما كتبت هنا هو ماعلق بقلمى من اثر الدواية
ويبقى الود،،،

سلام للجميع
بعيدا عن الموضوع الأصلي البتفق مع القالوا إنه البوست دا ما بقى المكان المناسب لنقاشه أدخل معلقا على الكلام الما اتصورت في يوم من الأيام إني أقراه للأستاذ محمد عثمان. في كل كتابات الأخ محمد عثمان كانت وجهة نظري الدفاع عنه و ليس بالضرورة عما يكتب من منطلق عدم التعامل معه بسوء الظن لكن بصراحة يا محمد ما كتبته لعصام لا يترك أي مجال لحسن ظن فهو كلام غير مقبول فأنت هنا تجاوزت الرد على عصام إلى الطعن في أخلاق أختيه ثم تجاوزت كل هذا للطعن في تربيتهم و الطريقة التي اختارت أسرتهم تنشئتهم عليها.

الملاحظ ان مقالات الكاتب اعلاه بدات تدخل من طور الغزل الخجول للسلطة الى التمسح الصريح
لا تستعجبو فمن يكتب مثل غثاءه المنشور لا اخلاق تحده فى طعن النساء
لهفى على صحافة الزمن الاغبر

Quote: عصام جبرالله قرأت لسيدتين تحملان نفس اسمك واحدة كتبت أن الدين والقانون والتقاليد والتحرر والمساواة تهدف للسيطرة على جسد المرأة وتحويلها إلى آلة جنسية! والثانية تحدثت في التلفزيون وقالت إنها (أم الغلفا) فعرفت إن قلة الأدب التي تتعامل بها هنا هي محصلة تدريب منهجي تلقيته ولا سبيل لك للفكاك منه. الله يعيننا ويعينك

يا ناطح الصخرة الصماء توهنها ** أشفق على الرأس لا تشفق على الحجر.
عاينوا الزول دا عمل فى راسه شنو عليكم الله؟
الغريبة كل من اختلف مع عصام حاول النيل من اسرته,من صلاح بندرهم وحتى محمد عثمانهم
المحزن فيما صار اليه حالنا انها اصلا سيرة ما فيها اي حاجة مخجلة بل هي مدعاة للفخر
ان تكون للبني ادم اسرة وشقيقات بهذا الوعى و الجسارة.

دا غير القراءة المبتسرة والخبث وسوء الطوية في فهم مقال امال وتصريح ناهد, يعنى تبقى مصيبة
لو جينا نشرح لصحفي يفترض فيه الوعى زي محمد عثمان كلام امال وللا تصريح ناهد.

Quote: زول رايق و مرتب يفتح لينا بوست عن الموضوع , يا هيثم أنت أصغر واحد هنا , أفتتح الموضوع و جيب مويه لخالاتك دينا و سهام

و الله يا عصام ضحكتني رغم فجيعة البوست ! و كلامك اللطيف و المتفهم خفف اجواء اللغم هنا
--
و بالمناسبة يا عصام بالرغم من انو الزول في النهاية بكشف او برسم صورتو الحقيقية بكلامو و الله صدقني محمد عثمان ممكن يكون احسن بكتير من الصورة الشينة الهو بصر يرسمها هنا !
و دائما شكوي الناس الحقيقية من مقالاتو البتنشر في المنبر قاعدة تكون في طريقة الحوار بتاعتو مع الاخرين و الموضوع الاساسي بتاع المقال بتنسي !
و اكيد كلامي دا ما قصدي التبرير لخطأو الما بتبرر - لكن قصدي بعيدا عن الاصطفاف الممكن يكون ساهل وبحصل مرات في المنبر لامن واحد يغلط و الناس كلها تطالبوبالاعتذار و تبلو بل السنين ! و تسكو تسكو و يقوم يفتر و يعتذر ويقوموا يقولوا ليهو : ياها المحرية فيك !! (الفتر ولة الاعتذار ما عارف !!)
قصدي ثقافة المطاعنة بالاسر و المرأة و الاصول دي ثقافة موجودة عندنا لامن الناس تختلف في الاراء -و ممكن انا او انت او دينا نستنكر الخطأ هنا و نمشي نرتكبو في حتة تانية
يلا بالفهم دا الاخ محمد عثمان زول زينا عادي ووالغ زينا او (معظمنا) في تقابيح الثقافة السودانية ! ربما لانو كاتب - الجريمة بتبقي اكبر و لانو هو بخاطب مجموعة كبري تحت مسمي التنوير و بخت علامة كبري تحت مشروعية واهدافو العامة بتاعت الكتابة
و المشكلة الكبيرة عند محمد عثمان-في نظري- هو ربما ما قاعد يعتبر الاسفير جزء من الفضاء الانساني و الاخلاقي بتاعنا و يمكن بشوف كأنو الاسفير
فاقد الشرعية الانسانية !! و الناس هنا مجرد كائنات افتراضية و ما بشر !!
و بقوم بجوّز لنفسو بارتكاب خطأ شنيع زي دا - باعتبار انو الاسفير دا ما فضاء انساني او اخلاقي - و ممكن بنفس التفكير دا هو بفتكر انو في الواقع
او في الصحافة الورقية لو في زول قال او كتب كلامو دا هو ح يعتبرو خطأ اخلاقي هناك بس -!!

لكن المشكلة بتظل هي هي ! و قصدي استدعاؤه لثقافة المطاعنة في النهاية بتفضح ثقافة الزول بغض النظر عن الفضاء و الاسباب !!

الخطأ الاخلاقي و الانساني -في تقديري- ياهو زاتو بغض النظر عن الفضاء البيمارس فيهو الخطأ و العكس ربما في فضاء الواقع الخطأ ممكن يتنسي بينما
في الاسفير بكون موثق -اضافة بتكون كمية الناس البتعرف تعرّض شخص معين للاساءة بتكون كبيرة و بالتالي حقو حجم الخطأ في الاسفير يعادل اضعاف
الاساءة في الواقع

--
ما عارف حسيت في نهاية كلامي انو مقدمتي ما عندها علاقة بالنهاية !! في لولوة في حتة ما !! يا ربي في كلام داير اقولو
لمحمد عثمان في الخاص و كتبتو هنا بالغلط !!
ياخي الزول ذاتو بقي كائن (افتراضي) ما عارف يقول شنو ولة شنو لمنو !!

---
يا محمد عثمان غايتو الليلة امين نوتة زاتو ما بقدر يجي هنا في البوست !!
صحوبيتك مكلفة يا محمد
و يا امين خمسين مرة فلت ليك ما تصاحب من طرف !!!

-
طريفة حكاية (الخالة دينا ) - بالمناسبة هي ما تخمك بقلبها الحار دا - البت دي اصغر من ما تظن بكثير جدا - اتخيل !
-
تحياتي للجميع

Quote: يا محمد عثمان غايتو الليلة امين نوتة زاتو ما بقدر يجي هنا في البوست !!

في دي صدقت يا هيثم : محمد عثمان ما أدانا فرقة ذاتو ندافع عن كلامو ...
غايتو من باب انصر أخاك يا محمد عثمان : ياخي الكلام الكتبتو في حق عصام و أسرة عصام ده كلام ما مقبول و ما مبرر و قد يكون من أقبح ما قرات في هذا المكان !!

ياخى أى كلام نظرى عن الأمر ده قيل و كتب عنه , و العملى قيل , و يا محمد عثمان انت "كنت" معارض الانقاذ في شنو؟ للعلم بس , و أقول ليك زى زولك بتاع العنصريه: اذا مفتكرين معارضة الإنقاذ أو أكثر دقه الدعوه للتغيير هى بس في حدود السياسي و الإقتصادى و "الجهوى" كويس انك سبت معارضتها.
هاك أقرأ المقال ده بنفعك شويه في قصة النبز بالنساء و ما يخصهن و ما تركز في الكلمتين تلاته الكعبات ركز في ما حولهن:
http://naelaltoukhy.blogspot.com/2007/08/blog-post_10.html

و عشان الموضوع ما يتكلفت , غير المحتوى أنسألك في كلامك ده لأن بعض الناس أخدته كحقائق:
سؤال واحد :
واحدة كتبت أن الدين والقانون والتقاليد والتحرر والمساواة تهدف للسيطرة على جسد المرأة وتحويلها إلى آلة جنسية!
كتبت وين؟ جيب مصدر الكتابه دى و كل النص المكتوب .... إن وُجد.
سؤال اتنين:
لنفترض أنها أو أى إمرأة أو رجل كتبت أو كتب العباره أعلاه, شنو "قلة الأدب" الفيها المزعلاك؟ و هل هى وجهة نظر موجوده و عاديه و يمكن بل يجب محاورتها و نقدها و مساءلتها مثل أى وجهة نظر ؟ ده إذا تركنا جانبآ التناقض و الإضطراب الواضح فيها : كيف يهدف التحرر و المساواه للسيطرة على جسد المرأة وتحويلها إلى آلة جنسية؟؟؟ إضافه للدين والقانون والتقاليد؟؟
سؤال تالت:
الثانية تحدثت في التلفزيون وقالت إنها (أم الغلفا)
لنفترض أنها أو أى إمرأة أو رجل قالت أو قال الكلام ده بالمفردات دى في سياق حديث عن الخفاض الفرعونى, شنو "المضايقك" و سميتو قلة أدب.
معلومه : التانيه القاصدها محمد عثمان هى ناهد و كانت منسقه لعدة سنوات لبرنامج مشترك بين اليونيسيف و وزارة الرعايه الإجتماعيه لمحاربة الخفاض , و بالبحث في قووقل ب "ناهد جبرالله الخفاض" يمكن أن يجد معلومات كافيه عن العمل كله.


و عشان الناس تشوف الفرق بين عقليتين ليقرأو بوست الأخ محمد عكاشه هنا عن نفس العباره "قليلة الأدب" دى في سياق الإحتفاء بمكافحة الخفاض .

تااااني بت الغلفا ؟؟!!!

يا محمد عثمان أنا شاكر ليك ريحتنى من أشرح القصد شنو بي "عولاقك" ... في ميزان حسناتك

Quote: يا هيثم أنت أصغر واحد هنا

كسر الله كعادته يهدوهو من المريسه يشد العرقى ..










ااايى حزنانه وواعية !
ـــــــــــــــ
ما تشوف الشعر المسبسب والسهتنه ..
دفعة خالى (الاكبر من امى ) كنبة بالكنبة ..
ياللا اتخارجو من المكان دا .. ما اشوف زول حايم هنا ياهيثم .

Quote: قرأت لسيدتين تحملان نفس اسمك واحدة كتبت أن الدين والقانون والتقاليد والتحرر والمساواة تهدف للسيطرة على جسد المرأة وتحويلها إلى آلة جنسية! والثانية تحدثت في التلفزيون وقالت إنها (أم الغلفا) فعرفت إن قلة الأدب التي تتعامل بها هنا هي محصلة تدريب منهجي تلقيته ولا سبيل لك للفكاك منه. الله يعيننا ويعينك

ولا زال هناك من يسميه كاتب ووطني ويرجى منه!!!!!اها يا أمين نوتة خم وصر ...

أمين نوته يخم شنو يا عفراء ! طلع هو زاتو مخموم

يا أمة سودانيز ..
أنتو كلام الشباب المناضل الزينا بترموهو الواطه لى شنو ؟!
التناول تناول مبتذل جدا ..
وأعنى تناول هذا الصحفى الحركى ..
ولا أدرى أوجه الغرابة التى أبداها البعض هنا ..
تتبعت الصحفى الحركى ده عشان تلميع بعض الكائنات الافتراضية الصديقه ..
ورايت "الحركات الحركية"
وتماما وكما يرتكبها اسحق فضل الله ..
فما تعملو للموضوع قومة وقعدة ..
مجرد صحفى حركى آخر
لا أكثر ولا أقل !!

...
بالرغم من حقيقة تواجد هذه الكائنات على ذات الكوكب ..
دلل على وعيك الانسانى يا عزيزي و ... الوطنى
وحارب ظاهرة ختان البنات ..

أنا وأخي عاصم لا نسب الناس
Re: نظرة يا نافع!
Re: نظرة يا نافع!
Re: نظرة يا نافع!
دي نماذج بذيئة من إساءات عصام جبرالله لي في هذا المنبر والحقيقة إنها أكثر من النماذج التي أتيت بها ولكن هذا يكفي.
الحقيقة إنني لم أشتم أحداً ولكنني أتيت بعبارات قيلت ورجحت أن يكون اشتراك الناس في لغة من هذا النوع أكبر من ان تمتد اليه يد التقويم عند عصام جبر الله.
كنت أجد الكثير من مداخلات عصام معي أو في مواضيع أكتبها مجرد تحرش وكنت أتمثل دائماً بقول عبدالله بن عمر حين طارده السوقي هو وأخيه عاصم حتى باب منزلهما وهو يوجه لهما الشتائم فلما وصلا بيتهما الذي هو بيت سيدنا عمر بن الخطاب، رد عليه عبدالله بحياء" أنا وأخي عاصم لا نسب الناس".
الحقيقة إن عصام يتحلل حين يوجه حديثه نحوي من كل شيء فهو معي طعّان ولعّان وفاحش وبذيء دون أن يجد من يوقفه عند حده او ينصحه.
أنا لم اشتم ولكني أهدي لعصام حديث الرسول (ص) الثابت في الصحيحين عسى أن يكون فيه موعظه له ولنا جميعاً" قال عليه الصلاة والسلام: من الكبائر شتم الرجل والديه! قيل: أيشتم الرجل والديه؟ قال: يسب أبا الرجل فيسب أباه ويسب أمه فيسب أمه".

Quote: قال عليه الصلاة والسلام: من الكبائر شتم الرجل والديه! قيل: أيشتم الرجل والديه؟ قال: يسب أبا الرجل فيسب أباه ويسب أمه فيسب أمه".

اها شفت كيف يا أمين رمي ليك اللوم في الرسول ذاته...وكمان صلى الله عليه وسلم.. فتأمل يا ملاسي

وبعد
إنني مقدر جداً توسم الكثير من الأصدقاء والزملاء فيّ ان أكون الكبير وأن أكون في إزار عبدالله بن عمر دائماً وأنى لنا ذلك لكنني مطالب لا شك بأن أعتذر لبعض الإخوة هنا كونهم رأوني أدافع عن بعض ما أصابني وأخص منهم محمد ابراهيم علي، وحيدر حسن، والعوض، وياسر طيفور وأمين.

Quote: دينا خالد

و لن نعدم من يغالطنا حين نقول شخصيات افتراضية!

Quote: كتب محمد عثمان ابراهيم: قرأت لسيدتين تحملان نفس اسمك واحدة كتبت أن الدين والقانون والتقاليد والتحرر والمساواة تهدف للسيطرة على جسد المرأة وتحويلها إلى آلة جنسية! والثانية تحدثت في التلفزيون وقالت إنها (أم الغلفا) فعرفت إن قلة الأدب التي تتعامل بها هنا هي محصلة تدريب منهجي تلقيته ولا سبيل لك للفكاك منه. الله يعيننا ويعينك

ههههههههههههههههههههههههههههههههههههه
ده شنو يا محمد عثمان
فكيت اخرك سريع لكن

رغم إنو البورض دا دايما بوفّر دروس مجانية وسهلة
لكن المشكلة الناس بتتعلّم فيهو بالطريقة الصعبة!ّ!





والله يا محمد عثمانهم لو جبت عاصم وأخوهو
هنا دا كانوا خجلوا من الكلام الكتبتو دا!!

إنني مقدر جداً توسم الكثير من الأصدقاء والزملاء فيّ ان أكون الكبير وأن أكون في إزار عبدالله بن عمر دائماً وأنى لنا ذلك

Quote: إنني مقدر جداً توسم الكثير من الأصدقاء والزملاء فيّ ان أكون الكبير وأن أكون في إزار عبدالله بن عمر دائماً وأنى لنا ذلك

يا راجل!!!!!!!!!!!!!!!!!!!!!!!!!!!!!

ده ازار عريض الفهم واسع الادب والتأدب رقيق الحاشية. وافر الورع .
كل عشمنا ان لو كنت فى إزار السليك او تأبط شراً او الشنفرى مع انهم
يحدثون الناس بالسنة ذربة العذبات.. وكانوا مقانع ولايا واخوان بنات وستارين عروض..
رحم الله عمر بن العاص كان يقول:
إكرموا سفهاؤكم فانهم يقونكم العار والشنار،،،

Quote: يا هو دا .. بكل الحزن كوتو ليك انا ياود الصايم .. كلام مخجل ومهين لمن نطق به لا يتعداه شبرا واحدا ليسىء الى غيره كما ظن هذا الدعى ! العقليات دى لازم تتفضح .. عشان يشوفوا ما يسمى الصحافة الورقية دى الناس البيصلوا ويكتبوا فيها هم منو ؟؟ بعدين استغرب لشخص يكتب مثل هذا الكلام ويعد الناس بحوار ومساحات !! نسمعك بى ياتو اضان ؟ نقراك بى ياتو عين ؟ نستوعب ما تقول بى ياتو عقل ؟؟؟ محاولاتك لاقصاء عصام من هذا الحوار لن تنجح ... وان بعد عصام فلاخواته السامقات العاليات علو الشمس الف اخ واخت .

القول ما قالت دينا خالد

Quote: أنا لم اشتم ولكني أهدي لعصام حديث الرسول (ص) الثابت في الصحيحين عسى أن يكون فيه موعظه له ولنا جميعاً" قال عليه الصلاة والسلام: من الكبائر شتم الرجل والديه! قيل: أيشتم الرجل والديه؟ قال: يسب أبا الرجل فيسب أباه ويسب أمه فيسب أمه".

شتيمة شنو عصام كلامو كلو في كتاباتك العفنة لكن انت جيت هريت عديل









الجماعة يلمعو فيك تقوم تجي هنا ت###### صحي ال ... مهما غسلوها عفنة وبتطلع هرار

محمد عثمان

دعنى اصدقك القول وهذة تعد تقريبا ثاني مرة اتداخل فيها مع ما تكتب او ينقل عنك

وانا واحد من الناس الذين اكثروا الاحتجاج على رحيلك من صحيفة (الاحداث) ولكنى بدات اشعر بالندم

يوما تلو الاخر عندما اطالع كتابتك ولكنى كنت اصبر نفسي بان الاختلاف وتغير المواقف لايفسد للود الغير مرئي قضية

الا ان طالعت اليوم هذا القول (العفش) الذي كتبته بمحض ارادتك وجيت (تضارى) في عمر بن الخطاب واسرته

ولانى وعدتك بان اصدقك القول فاسقول لك انك اليوم انحططت لدرجة لاتعلمها وان كثير من اساتذة الصحافة الذين

اعلم جيدا انهم ساندوك ومايزالون لن يصدقوا انك انحدرت لهذا الدرك من المطاعنه

محمد عثمان انت غلطان غلطان غلطان غلطان في كلامك الكتبتو هنا

وانت بصورة واضحة وباجماع الصحفيين الذين تداولت معهم في ما كتبت

برضو غلطان
____________
رجاء شخصي يعبر عن كاتب هذه السطور

لا تكابر حتى لا تسئ لمن يمتهنون هذه المهنة بالمكابرة على الغلط والاختباء في ثياب عمر بن الخطاب واسرته

فهم على حسب علمي لم يكونوا طعانين ولا فاحشي القول كما كتبت انت واسأت للاخرين

قال تاج السر جعفر ..
وهو غير تاج السر جعفر الطالب المعتقل فى سجون النسخة الرفيعة من الانقاذ ..
وأعنى النسخة الانيقة التى تحتفى بالابداع والمبدعين ..
أعنى !!
النسخة التى لا يراها الا اصحاب العمى الانسانى والبصيرة المافى ..
أعنى !

قال تاج السر جعفر الخليفة طه ..
فى النص الاجمل ..
"خطاب مباشر الى الوعى الراهن باعتبارة العدو الاول للوطن"
ويشير للوعى الراهن زمااان ..
سنة 92

هل كنا فراعنة شواذا .. لنشوه العلاقة بيننا والبنات ؟!!
وتسائل عن سر التوأمة الخنثى
ما بين خفاض الانثى ..
وعفة آل البيت ..
وهاجس يوم الدخله ..
وتسائل كثيرا عن جدوى التهالك فى ردهات الجنس المغلوط !!

الكلام ده فى راهن سنة 92
والله صحى !!

Quote: لا تكابر حتى لا تسئ لمن يمتهنون هذه المهنة بالمكابرة على الغلط والاختباء في ثياب عمر بن الخطاب واسرته فهم على حسب علمي لم يكونوا طعانين ولا فاحشي القول كما كتبت انت واسأت للاخري

ولو كابرت ماحتلقى غير مزيد من الادانات والتوبيخ والتأنيب وبالكتير
وحتبقى أقل من سمسمة ... صدقني أقل من سمسمة ...أنا حاسة بيك هسة أقل من سمسمة (على إعتبار إنه عندك حساسة وجيت تدافع عن غلطتك)
لانك غلطان والغلط راكبك من راسك لرجليك
والجبتو من مداخلات لعصام عن إنه شتمك
ماكفاية كدي فتش يمكن تلقى جاب سيرة أسرتك وإتعرض ليهن في حتة
وأكتفي بهذا لحين
_______________
الاستاذ الموسيقار الموصلي
دي المرة التالتة أشوفك في نفس الموقف
لاحولتن ولا قوة الا بالله

عشان الحاجات تكون واضحه جدا ..
إختلفت الكائنات الافتراضية فيما بينها حول الموضوع الاساسى ..


فاز بشري الفاضل بجائزة الطيب صالح .. ولم يستلمها من أحد

انتوا الزول ده نصيـــــــــــــــــــــــــــــــــــــــــــــــــــــــح !!!!

Quote: من حق الاخ عصام ان يفتخر بشقيقتية دكتورة امال واستاذة ناهد , فقد ولجتا العمل العام المدني والسياسي بدواعي اخلاقية كبيرة وقدمتا تضحيات كبيرة اخفها المعتقلات , ودفعتا استحقاقات هذه القناعات النبيلة من عمرهن ومن صحتهن . ايضا يحق للاخ عصام ان يفتخر بااسرتة علي الاقل والدة المرحوم جبرالله سيداحمد وعمة محمد فقد كانا من رموز الاستقامة في بلدنا المنكوب .

لاول مرة اقرا لهذا الصحفي الذي لا يصلح للصحافة الا في ظل دولة البؤس والفشل القائمة

يا حليل الصحافة والايام زمااان والصراحة وغيرها



من لا يحترم المراة لا يحترم الانسان

من يعير المراة ويريد ان يصف دور المناضلات بكلمات غير مقبوله يذهب ويري النقص الذي بداخله

ويحاول الاصلاح زالمعرفة بابها واسع


كثير من الناس هنا يضمرون عداءا للمراة وعدم الافصاح


تقدم الفرد منا رجل او امراة محكه رؤيته لقضايا المجتمع وما رايه في المراة

تعرف سقف معرفة الفرد منا بسرعة جدا


اتمني هنا من نازر وجهة نظره في القول الغير اخلاقي من الصحفي الفاشل تحديدا في رؤيته ضد المراة

ما هو وجهة نظر نازر في هذا القول ؟؟؟



الشتيمة لمن يتخذ المنبر وسيلة للكتابة من كلمة في غير محلها دفاعا عن بشري

والله هنا لو بشري موجود لا يقبل قولم الغير حميد هذا




يجب علي النساء والرجال من يؤمن بالمساواة في الحقوق والحريات وان نظرة الرجل المتخلفة للمراة لا يمكن ان تكتب هنا ؟؟


واذا كتبت نرفضها ونفضح قائلها

معا من اجل تغيير هذه المفاهيم التي تجعل الاطفال يسمعوا ان مره اسم للشتيمة

لا ينصلح هذا المجتمع الا بتطوير القوانين واصلاح منهاج تعليمي يعطي المراة قدرها ويبصر الرجل بان المراة انسان كامل العقل والاهلية

غير ناقصة عقل ولا دين ولا انسانية



بئس الصحافة في عهد الغيهب اللئيم

ياخي دا قرف ما بعدو قرف
مافي ااااااااي مبرر للكلام الاتكتب دا..
انا لو رئيس تحرير الصحيفة البيكتب فيها دي كنتا فصلتو..
مفروض بعد ما كتب الغثاء دا ما يكتب حرف تاني في صحيفة
حتى ولو كانت كتابتو المخجلة دي في منابر..


 

Quote: ياخي دا قرف ما بعدو قرف مافي ااااااااي مبرر للكلام الاتكتب دا.. انا لو رئيس تحرير الصحيفة البيكتب فيها دي كنتا فصلتو.. مفروض بعد ما كتب الغثاء دا ما يكتب حرف تاني في صحيفة حتى ولو كانت كتابتو المخجلة دي في منابر..

سارة العزيزة ............كيفك
انا لم اسمع باسم المتصحف هذا الا هنا وفى هذه السانحة واشكر
على ذلك ابن عمى ناذر واغفر له قطيعته فينى بل اجوزها وارجوه ان يكثر منها
طالما هى تجلى لنا الزبد و الغثاء وتبرزه لكى يطفو الى السطح لكى نعرف معادن الناس..
اختاه هذا ما جناه علينا الطيب مصطفى واسحق فضل الله وعبد الرحمن الزومة
ولطالما كرمتهما الحكومة ورفعتهما درجات فلذا اراد كلى من ان يرتزق
ان يذهب لاقرب ماخور اعلامى ويتغوط او يفسو بقلمه على كل من يعارض
الحكومة وان كان مثل ديكارت او العقاد او الطيب صالح ويسبح بحمد
دولة الظلم ويعدد انجازاتها شان محمد هذا ويصبح (هندياً عز الديناً) اخراً شحيماً ذا ودك ومال..
اخيرا قديماً قيل:
اذا جهلت من امرىء اصله وفصله فانظر الى ما يفعل،،،،

ليس من دركـ سحيق أعمق من الكتابة الراتبة في صحيفة السوداني.

Quote: انا لو رئيس تحرير الصحيفة البيكتب فيها دي كنتا فصلتو

المشكلة إنو رئيس التحرير -ضياء الدين بلال- من صحفيي زمن الانحطاط وغير مؤهل من الناحية الأخلاقية والفنية لتصحيح مسار الصحيفة أو الصحافة بشكل عام. فرئيس التحرير حاول إرهاب الهندي عز الدين في مساجلاتهما بأن مكتب النائب الأول هو من ترجاه بألاّ ينزلق في وحل التراشق مع الهندي. فمن هو النائب الأول غير سلاح إرهابي بوجه الهندي عز الدين؟! وما حكم من يستعمل هذا السلاح، حكمه أنه غير مؤهل لا أخلاقياً ولا فنياً لفصل محمد عثمان إبراهيم لمجرد أنه آساء إلى قرائه، فتلك مدينة فاضلة المؤتمر الوطني لم ولن يدخلها. للعلم فقط فإن صحيفة السوداني التي يكتب فيها محمد عثمان إبراهيم مملوكة لجمال الوالي النائب عن المؤتمر الوطني في المجلس الوطني عن دائرة فداسي. فهل من درك أبعد من الكتابة في صحيفة كهذه، لا بل وأن محمد عثمان يصفها بالصحيفة الـ(محترمة)، تخيل!!

---------------------

ثاني هم: أرى أن البوست موضوعه الأساسي هو بحث محمد عثمان إبراهيم عن مخرج من ورطة التزلف ومغازلة المؤتمر الوطني من باب استلام د. بشرى الفاضل للجائزة من يدي علي عثمان الآثمتين. هذه هي الثيمة الرئيسية للمقالة.

تالت هم: محمد عثمان إبراهيم، وهذا ما أعتبره لقية آثارية مهمة في رحلة بحثي في ركام مقالاته، أنه (محمد عثمان إبراهيم) وفي هذا البوست قد كشف عن مكنون ظلامي (وأنا أعنيها بعيداً عن إبتذال البعض لها) من خلال وصفه للحديث عن تحرر المرأة والجهر بمحاربة الخفاض الفرعوني بـ(قلة أدب) بل أن نهج استشهادهـ بالأحاديث النبوية (الثابتة في الصحاح حسب تعبيره) أمر مريب، حيث أن افتراض أنها (الأحاديث) قطعاً تمثل مرجعية قيمية مشتركة هو محض إسلام سياسي طالما وضع منسوبو الإسلام السياسي به خصومهم في أركان قصيّة وعزلوهم. وهذه هي الثيمة الرئيسية للتعاطي المستقبلي مع محمد عثمان إبراهيم كما إن ذلك الجود والكرم في الإفصاح عن أفكاره لا بدّ وأن يوسع من مظلة التشكك في نوايا مقالاته إلى أبواب أرحب وأفسح. فالقادم أحلى ولا ريب.

حذفتها لانو كلامي ما عجبني !
مش علي كيفي-ياخ

غايتو في البوست دا محمد عثمان أثبت بأنه:

1) أغبى كاتب في سودانيز أون لاين: الناس دي كلها أدانت سلوكه وورتو غلطو وين، ولحد هسا
ما فهم سبب الغلط شنو؟! والله حاجة تحير، يا محمد عثمان الناس هنا ما عندها مشكلة في إنو الناس
تختلف وتتخاشن وتتشاكل، المشكلة في تدخيل الأهل والأخوات في الشكلة، وبعدين الحديث اللي جبتو
دا حجة ليك وللأ عليك؟ كلامك في وكلام عصام في، منو اللي فيكم شتم والد الآخر؟! ما لهذا المحمد
عثمان لا يكاد يفقه قولاً؟!

2) أغبى تربيع: لأنو ما فاهم كلمة طفابيع التى أخرجها للناس بشرى الفاضل وشوفهو شوه معناها كيف؟!

3) أسوأ شاتم: من الباب للطاق، أول ما شتم إتجاوز حدود الأدب والذوق ودخل الأهل في الموضوع، أو
بمعنى آخر صمت دهراً ونطق كُفراً، وعامل فيها الود مهذب، طـز فيك وفي تهذيبك.

4) أكبر منافق: يلبس قناع الفضيلة وهو الآن كشف عن نفسه الدنيئة.

5) أكبر متخلف: لابس ثوب المثقف التقدمي وهو يحتقر النساء

Quote: بعدين استغرب لشخص يكتب مثل هذا الكلام ويعد الناس بحوار ومساحات !! نسمعك بى ياتو اضان ؟ نقراك بى ياتو عين ؟ نستوعب ما تقول بى ياتو عقل ؟؟؟

شكراً دينا

Quote: الجائزة ايا كانت .. هل الاشكالية فقط في أي يتم تسلمها من قيادي في الدولة أم في الجائزة نفسها ..!! يعني مثلا الجائزة لو كانت بي اسم شركة ام تي ان بس من غير تدخل قيادي في الدولة .. هل ستكون مقبولة ولا الاشكالية في ان يتم تسلمها من قيادي في الدولة ؟! انا اعتقد انو أصحاب العمل دا أرادوا تعظيم الجائزة والعلو من شأنها فجلبوا من يقدمها شخصا يحتل منصب النائب الأول لرئيس الجمهورية وهو قد يكون لا دور له سوى فقط تقديم الجائزة .. ولا شنو ؟

يا ناذر ...
ده نفس المثال الخلى الناس يرفضوا إمامة عمر البشير في الصلاة على فقيد البلاد محمد وردي.

___
خلوا الناس في حالهم .. ما داموا بيمارسوا حياتهم (إبداع فني بكل أشكاله وطقوس دينية) بعيداً عن السياسة.

!!!!

صبري الشريف إنت معاي أنا ؟!!

Quote: اتمني هنا من نازر وجهة نظره في القول الغير اخلاقي من الصحفي الفاشل تحديدا في رؤيته ضد المراة ما هو وجهة نظر نازر في هذا القول ؟؟؟

لأنو اسمي ناذر بالـ ذا تمساح مش نازر بالـ زا بلح ..!!

سلام محمد ابو العزائم ..

Quote: خلوا الناس في حالهم .. ما داموا بيمارسوا حياتهم (إبداع فني بكل أشكاله وطقوس دينية) بعيداً عن السياسة.

لا فض فوك ..

سيف الجامعة لمن غنى في جهاز الأمن والمخابرات قامت القيامة وما قعدت في المنبر .. سيف ردو كان بي كل بساطة : أنا فنان ووظيفتي الخلقت بيها اني أغني .. ما مهم عندي اغني وين .. المهم اغني شنو ..!!

ورد سيف دا ممكن نجيرو لصالح بشرى الفاضل ولي صالح مسألة صلاة البشير علي وردي دي ..!!

تسلم

سلامات للجميع ولسيد البوست بال ذ بلح

هيثم طه
لايك

Quote: صبري الشريف إنت معاي أنا ؟!! Quote: اتمني هنا من نازر وجهة نظره في القول الغير اخلاقي من الصحفي الفاشل تحديدا في رؤيته ضد المراة ما هو وجهة نظر نازر في هذا القول ؟؟؟

الاخ ناذر الخليفة

تحياتي متاسف للغلط في حرف الذال

نعم حقيقة هذا الصحفي الفاشل عضو معنا بالمنبر وانت اوردت كتابة وقصدك اثراء الحوار وهو امر جميل

اها هذه الكتابة مليانة غلط ان علي مستوي عضوية المنبر انا وانت وغيرنا صحفيي\ات السايبر او الطفابيع وفقا لفهم هذا الصحفي الفاشل


ما عارف رؤيته للمؤيدين\ات لجائزة بشري الفاضل ديل بكتبوا\ن هنا هل برضو تاييد الكي بورد مرضي عنه عند الصحفي الفاشل رضي الله عنه


الاسوا شتيمة المراة انا لا اعاين لاخوات عصام واجعل هذه الشتيمة فقط لهما لا
الشتيمة للمراة عموما ؟؟؟ معرفة رايك برضو مهمة؟؟؟

وتحياتي الطيبة


تعرف رؤية الفرد منا في قضايا كثيرة توضح مدي المعرفة واتسام الفرد منا باخلاق تجاه الانسان

مثل العنصرية وقضية المراة وفهم الفرد منا للاديان


يعني من يري ان المراة ناقصة عقل ودين ؟؟؟

او تلاتة يقطعوا الصلاة الحمار وكلمة يحزفها بكري وهي اسم حيوان والمراة وده برضو فهم لكثير


يجب هنا الان زي ما قالت الاخت دينا ننسي الجائزة ونتناول المفاهيم للمراة واذلالها في المنبر وخارجه من قبل كثير من الاعضاء


وخارج المنبر في ونساتنا وفي قعداتنا وفي خلواتنا ابين دليل شوف الاطفال فهمهم للمراة ايه من السمع ( عيال مجتبي وسهام ) سمع واحد منهما لفظة مره ويعتبرها اهانة وحقيقة هي ثقافة الشارع ؟؟ التي لا تحترم النساء ويركبن في العربات بعد ان يجدع الرجل يده خارج الشباك ويتحكر من قبل ان يعرف هذه المراة ركبت صاح ام لا؟؟؟

معليش يا ناذر ......
يظهر كلامي ما كان واضح ...

أنا قصدت ما دام الموقف موقف أدب وإبداع .... يكون التكريم من شخص يمثل المجال .... ولما يكون صلاة على ميت ... ينطبق نفس الأمر

مافي زول حيزعل.

Quote: : عاوز تناكف و تتعولق و لا عاوز تتناقش و تتحاور؟ انا لو زول قال لي الكلام ده طوالي بشيل عكازي واخش من الدسك توب علي الكومبيوتر لكن ماقاله محمد عثمان بالنسبة لما قاله عصام يجعل عصام ولي من آولياء الله الصالحين --------------

الاستاذ العظيم الموصلي
شكراً لك على مداخلتيك وأنت اعلم إن محبتكم لا تترك لنا سبيلاً للإختلاف معكم.. كل ما تقوله يجد منا الرضا والقبول. سعدت بأن وجدت في حديثك عدلاً وإنصافاً إذ تمكنت ببصيرتك النافذة من رؤية الصورة كاملة.
شكراً جزيلاًً

Quote: حرام عليك يا أخي. كاتب القصة لا يسمى (قصاص)

حج: حجاج، كرّ: كرّار، بصّ: بصّاص، قصّ: قصّاص، الخ...

Quote: صبري الشريف

وقوف هذا على الجانب الآخر زادني اطمئناناً على سلامة موقفي.. اللهم إني أتقرب اليك بمخالفة هذا ومن شايعهم ومن شايعوه.

Quote: شكرآ لكل من تداخل هنا شاجب أو مدين أو ناصح أو قرفان أو أو. مش علشان آمال أو ناهد أو إمرأه بعينها , و أكرر تانى للذكرى و لتطمين بعض الأصدقاء و الصديقات و الأهل الإتصلو أو كتبو منزعجين و غاضبين , من يخرج للعمل العام يتحمل تبعات أختياره

دور الضحية لا يناسبك يا هذا وحتى تكون على بينة من أمر قولي فإنني سأعيده عليك بالمفرّق:
حديثك معي في بوستات عديدة فيه كثير من قلة الأدب وقد أوردت مضطراً هنا بعض الروابط لمداخلاتك البذيئة معي.
المفردات مثل (غلفا) وما شاكلها يمكن تجنبها في الأحاديث المتداولة في الفضاء العام واللغة واسعة بحيث تحمل بدائل أكثر حساسية وأدبا. الإصرار على استخدام مثل هذه المفردات قلة أدب.
أي حديث عن إن الدين والقيم مقصود به السيطرة على جسد المرأة واستخدام ذلك الجسد كآلة جنسية، حديث متعسف وفيه كثير من قلة الأدب.
أنا أعتمد في هذا على مرجعيات متاحة لنا جميعاً بما فيها مرجعيات الدين والأعراف والتقاليد والذوق والحس المشترك. لذا فإن ما قلته في جملتي القصيرة تلك ليس شتيمة وإنما هو تقرير لأمر واقع توصلت اليه. من يرى غير ما أرى فليبصرنا هنا أما المداخلات المكررة فتكفي قراءة مداخلة واحدة منها...يمكن لحجازي وبقية القطيع التوقيع فقط دون إرهاق أنفسهم بالتكرار.

محمد عبدالماجد الصايم
ما رأيك فيمن وجهوا لي السباب والشتائم هنا في هذا البوست؟ أم أنك تجوّز شتمي؟

أنا غايتو عندي أمل انو ممكن يجي يوم الناس تتحاور بدون أن تنزلق لغة الحوار لمثل هذا
الذي يحدث هنا.

يا محمد عثمان إنت ليه إنت بتلف وبتدور وتلعب دور الضحية التى تكالب عليها الناس بدون وجه الحق؟!
الناس زعلانة من الجزئية دي في كلامك:

Quote: فعرفت إن قلة الأدب التي تتعامل بها هنا هي محصلة تدريب منهجي تلقيته ولا سبيل لك للفكاك منه. الله يعيننا ويعينك

دا شتم صريح للأخوات والأهل
وشتم للوالد والوالدة والمربين
وكلام غير لائق وغير مقبول أبداً
أما ماذكرته بأن عصام قد تخاشن معك، بصراحة موضوع المخاشنة في النت شيء عادي
أما تدخيل الأهل والأسر والأخوات فشيء يدعونا للتدخل ولا نسكت عليه، وعلشان ما تقول
قطيع و ما قطيع أنا هنا في كوزة اسمها ميادة كمال ممكن تسألها لمن تضررت من سيف مساعد ومصطفى
محمود برضو وقفت معها ضدهم والإرشيف شاهد، وبقيف مع جميع الأخوات والأسر،
يعني القضية عندي قضية مبدئية وممكن أخسر فيها أخوي شقيقي ولا أخاف عقباها

يا محمد يا عزيزي معذرة اراك حذرت من تكرار ما قيل لكني اري انك تحاول ان تكرر اسوأ ما قلت -
و لو بي غباء لاتداخل مرة اخري لكن مساحة العشم الانساني تجعلني اتحمل نتيجة غبائي لوحدي ! وو بالطبع علي انن تحمل نتيجة اي تهكم حتي اعود ارشدي !!
و اذا شعرت شخصيا انني اكاتبك من اجل مساجلة اسفيرية سوف اتوقف - و ظني اني لا اريد ان اتنازل عنك تخوض-فيما اري- الوحل لوحدك و تذهب الي شواطيء ابعد -- حتي حتي لو شعرت اني امارس عليك قسوة
صدقني يا محمد اعرف كمية الاساءات التي توجه اليك بسبب مقالاتك و اتخيل كمية لضرر النفسي التي قد تصيبك و هي التي تليني بالحوار معها و الدفاع عنها باعتبار انها تخصني كقاريء(رجاء اقرا مداخلتي الاولي ) و من حقك الانساني الدفاع عن نفسك - لكن عندما تأتي بشخصك في الاسفير و تستصحب معك دفاعك عن المقالات و الدفاع عن شخصك في آن واحد -هذا ما يصعب علي استيعابه
و حتي لو عدنا الي مداخلة الاخ عصام فهي حسب ما اري مخاشنة منبرية معهودة - و كان من الممكن حين قال لك (ما تتعولق ) ان تقول ليه (عولاق اكبر منك ما شفتو ) ! صدقني لكانت القضية انتهت
حينها و بنفس المنطق الذي تحدثت به في مشاركتك السابقة عن ( مرجعيات متاحة لنا جميعاً بما فيها مرجعيات الدين والأعراف والتقاليد والذوق والحس المشترك.) فان الجمع هنا (بالحس المشترك ) اتفقوا بان كلامك كان مسيئا مضاعفا اكثر من عصام
-و انت احيانا تصر انك لم تسئ اطلاقا و احيانا تقر ضمنيا انها كانت اساءة لكنها كانت دفاعا عن اساءات سابقة -
يا عزيزي يمكننا ان نأتي اليك في ثياب المرشدين الاخلاقيين كعادة المنبر ما بين (صديق وناصح و مشفق و شامت و مترصد و فرح و من ينتضر هذا الخطأ ) لكن اليس غريبا ان يتفق كل هؤلاء بنواياهم الصادقة و غير الصادقة !


يا محمد باختصار شديد انساك من موضوع الحكومة و المعارضة -و الاسفير و الورق -و الموت و الحياة - و كل ثنائيات الحياة !
انت ادروب جد جد وما بترضي الحقارة و بالذات مع كمية الاساءات و الشتائم القاعدة توجه ليك في المنبر و بالجد قاعد احس قسوة الناس عليك و الضرر النفسي لكن بنفس القدر قاعد اتخيل انك ما شايف حقارتك
صدقني انا شايف جزء كبير من الحاصل في الاطار دا
----
معذرة شديدة اذا شعرت اني كنت ظالما معك في لحظة غياب الوعي و الضمير معا

يا محمد عثمان
على الرغم من أنني لم أتشرف بلقاء الأستاذة أمال جبر الله لكنني لم أسمع عنها إلا كل خير
أما ناهد جبر الله فقد أكرمتني الأيام بلقائها ومعرفتها عن قرب ورأيت فيها ما لم أره في كل من قابلتهم في حياتي
ولا أستثني أحد ذهبت إلى بيتها ومركزها ووجدتها تناضل في البيت والعمل بنفس الروح .. لا تكل ولا تمل
برغم إلتزاماتها الأسرية وهي بحق تحمل هم البلد واطفال البلد أكثر من غيرها وآلمني بشدة ما جاء منك في سياق
هذا البوست في حقها وأمال وعصام .

وللعلم أنني إن أكرمني الله ببنت فاشهد عني أنني سأكون أبو الغلفاء

Quote: دور الضحية لا يناسبك يا هذا وحتى تكون على بينة من أمر قولي فإنني سأعيده عليك بالمفرّق: حديثك معي في بوستات عديدة فيه كثير من قلة الأدب وقد أوردت مضطراً هنا بعض الروابط لمداخلاتك البذيئة معي. المفردات مثل (غلفا) وما شاكلها يمكن تجنبها في الأحاديث المتداولة في الفضاء العام واللغة واسعة بحيث تحمل بدائل أكثر حساسية وأدبا. الإصرار على استخدام مثل هذه المفردات قلة أدب. أي حديث عن إن الدين والقيم مقصود به السيطرة على جسد المرأة واستخدام ذلك الجسد كآلة جنسية، حديث متعسف وفيه كثير من قلة الأدب. أنا أعتمد في هذا على مرجعيات متاحة لنا جميعاً بما فيها مرجعيات الدين والأعراف والتقاليد والذوق والحس المشترك. لذا فإن ما قلته في جملتي القصيرة تلك ليس شتيمة وإنما هو تقرير لأمر واقع توصلت اليه. من يرى غير ما أرى فليبصرنا هنا

ادروب الشَتام
ما تحاول, دي ما بتترقع كلو كلو الموضوع اسه طلع من يدنا كلنا و وقع في عب "اكسر العين يا محمد عثمان" عزيزكم القارئ
عصام ما شتمك لانو ببساطة لو كان شتمك كان سمعناهو ,لكن شتمك انت ليهو و لاسرتو كان صوتو اعلي و ريحتو طالعة و قعد ليك في وشيك






___
قلت لي انت وعاصم مالكم ؟

محمد عثمان
لحدى ما أفضي .... ما تبطبط ساكت و تتعولق زياده على عولاقك الفيك
لسه أسئلتى الفوق قائمه عشان ما نضيف ليك لقب كذاب و ملفق , واحد :جيب مصدر النص الملخبط و متناقض الإدعيت أنو آمال كتبته ده.
اتنين : شنو الضايقك في أم الغلفا؟
تلاته :

Quote: نماذج بذيئة من إساءات عصام جبرالله لي في هذا المنبر والحقيقة إنها أكثر من النماذج التي أتيت بها ولكن هذا يكفي.

ممكن تقول عنف (زى ما قال الموصلى) , حده , لماضه أو ما شابه , وينا البذاءه و قلة الأدب البتدعيها دى؟ و للعلم الملاحظه على لغتى و حدتها قيلت لى من كثر قراب و بعاد , و أفكر فيها بجديه و لن اتعذر بالطبع و كده.
و بجي راجع برواقه

سلام صبري ..

Quote: معرفة رايك برضو مهمة؟؟؟

والله أنا ما شايف ليها أهمية لأنو المقال انا جبتو أساسا عشان الناس تتناقش ونسمع راي بعض ..

لكن هسي الدواس الحاصل هنا بيخليني شخصيا احجم عن كتابة رايي ..!!


سلام محمد ..

صدق يا محمد لو كان البشير وكل الحكومة الجات العزاء دي ما جو أو غابو كانت البوستات كلها حا يكون شكلها تاني وعناوينا من نوع (أفلا يستحق وردي ان يكون رئيس الجمهورية في قائمة مشيعيه؟) او (غاب وردي وغابت حكومة القتلة عن تشييعه ولعلهم يرتشفون كاسات النصر فرحا بموته) .. وعناوين كتيرة من الشاكلة دي ..

يعني كدة ووب وكدة ووبين ..

صدقني المشتغلين بالسياسة ديل عيونم ما يملاها الا التراب ..!!

ألم يقل احد ساستنا ذات يوم (سنرفضها وإن جاءت مبرأة من كل عيب) ..!!!

هو كان قاصد شنو دي ؟؟!!

Quote: الاستاذ الموسيقار الموصلي دي المرة التالتة أشوفك في نفس الموقف لاحولتن ولا قوة الا بالله

الاستاذه راويه ازيك
بالله اعملي كوت حق المره دي
وجيبي بالمره الاتنين التانيات
يمكن انا مابقيت اشوف
ويكون ليك جزيل الشكر

Quote: سلام صبري .. Quote: معرفة رايك برضو مهمة؟؟؟ والله أنا ما شايف ليها أهمية لأنو المقال انا جبتو أساسا عشان الناس تتناقش ونسمع راي بعض .. لكن هسي الدواس الحاصل هنا بيخليني شخصيا احجم عن كتابة رايي ..!!

الاخ ناذر الخليفة

تحية طيبة

تعرف الدواس ده بسبب مهم جدا ووجهة نظرك فيه مهمة لانه يتعلق بالمراة وفهم هذا الصحفي الفاشل والاقرب

اخوات عصام جبر الله صديقنا وزميلنا بالمنبر


الاهم من وجهة نظري ان ادافع عن قضية المراة وانتزاع الحقوق لها والمساواة التامة معنا



لذا هذا الدواس يعري في هذه الذهنية لذا انا في فكري اقول والله ده بوست عدد القراء من الرجال والنساء فيه كتيرة جدا

لكن صاحب البوست اعتقد لم يدلي باي دلو هل هو مع وجهة نظر الصحفي الفاشل ؟

ام يعارضها ويقف مع وجهة غالبية المشاركين والمشاركات هنا في فضح ذهنية عهد الوصايا والحريم من سنين


ام يا تري في منزلة بين المنزلتين التي وقف فيها مجموعة ابان الصراع الاسلامي في صدر الدولة الاسلامية



هذا الصحفي اتضح امره هنا يفيدني جدا مع احترامي لك وتكراري للاسئلة ان اعرف اين انت واقف في الدواس ؟؟



وانت صاحب هذا الشريط المهم لابانة وجهة نظر هذا الصحفي الفاشل


دام فضلك يا عزيزي


ان لم يعجبك قولي اتركه واكتفي انا بالاسئلة في نفسي

وربنا يفتح ذهني للمعرفة

عصام جبرالله ..
انتو الزول ده عاملين ليهو قومه وقعده لي شنو وفوق كم ؟!!

Quote: ما تبطبط ساكت و تتعولق زياده على عولاقك الفيك لسه أسئلتى الفوق قائمه عشان ما نضيف ليك لقب كذاب و ملفق , واحد :جيب مصدر النص الملخبط و متناقض الإدعيت أنو آمال كتبته ده. اتنين : شنو الضايقك في أم الغلفا؟

http://www.youtube.com/watch?v=wuP88w_pbwc



غايتو انتو بورداب التابا



----------

بالله شوفو ناس الحافلة استلموا الموضوع كيف

1- غلط ادخال الاسر في حوار ليست لها علاقة به

2- الشتيمه متوفرة بي كثرة و قرائنا اسواء من كلمة ( قليل ادب )

3- ما بين عصام و محمد عثمان يبدوا اكتر من ( اقرار و هرشه ) و التنطيق و الحوار ال من اللغاليغ

ما مجدي

4- اخراج محمد عثمان من زمرة المناضلين و الكتاب الجيدين غير مفيد ( بسبب غلط و نبذ في الانترنت )

5- عصام و اهلة يكفيهم فخرا ما قدموة من توعية و نضال لرفعة السودان و انسانة

6- عندكم من يشتم اسواء من كدة بس تكاكئتم علي محمد عثمان نصرة لعصام او نكاية فية

7- الفهم قسم يعني عصام طلع اعقلكم بعد ما هداء و سال

Quote: لسه أسئلتى الفوق قائمه عشان ما نضيف ليك لقب كذاب و ملفق , واحد :جيب مصدر النص الملخبط و متناقض الإدعيت أنو آمال كتبته ده. اتنين : شنو الضايقك في أم الغلفا؟

8- السؤال دة انا كنت منتظرة يجيب العيد يعني كان الناس فلفلت افكار محمد عثمان في الحتة دي

اللي انا شايفها متخلفة جدا ان راها هو قلة ادب ( يمكن حبوبتي او راجل غير متعلم او من جماعات لسة

ما اتنورت يقولوا علية كدة )

9- اقعدوا انتو في غلطانة ما غلطانة لامن البوليس داك يتلقانا )

10- انتو بي صحكم


أنا لله

اهو يا عصام جبرالله بى حركاتك دى جبت لينا الكلام ..
طلعنا تكأكأنا عليهو لا يد لا كراع ؟!

الاخ محمد المشرف

سلامي و احترامي

تعرف انا من المتابعين ليك شديد و كاتبي المفضل عديل

اتعودنا منك تقرا الجملة كاملة

يبدو انو دي فاتتك

Quote: او نكاية فية

راجع اول مداخلة لك هنا



تحياتي

Quote: اهو يا عصام جبرالله بى حركاتك دى جبت لينا الكلام .. طلعنا تكأكأنا عليهو لا يد لا كراع ؟!

كيف لا ايد لا كراع يا صديقي المشرف !
يا عزيزي ليس دفاعا عن الاخ محمد عثمان لكن اذا كنا نظن اننا فقط رفعنا هذه الجلسة و كل ما في ذاكرتنا ان الاخ محمد هو من اساء
فهذا في تقديري فداحة اخري ! و يعبر في اغلبه عن عدم بحثنا الحقيقي لاي من قيم الحق او الخير او الجمال !
و انما يدل في اغلبه -في تقديري- عن بحثنا الدائم لثمة جريرة نؤكد بها خطل الاخرين لتطمئن القلوب !
الا يفضح لنا هذا البوست ما وصلنا اليه جميعا علي ظهر هذا الاسفير
اليس لكل منا نصيب في هذا (الولغ) - و و هل اساءة محمد هي جواز المرور لارتكاب كل هذه الاساءات ضده

لم ينتصر احد في هذا البوست يا عزيزي المشرف -
انهزمنا جميعا يا حيدر و انتصرت الشماتة و السباب والسخف و تبادل الاساءات و عدم احترامنا لمحاورينا
لا اريد ان اقول اننا كنا نبحث عن كبش فداء و لكن طريقتنا توحي لي بذلك

و يا محمد لماذا اسهلت لنا المهمة !

[B]سلامات يا نادر لحسن حظي انني لم اقراء من قبل ل محمد عثمان ابراهيم فمن هو؟

وبيكتب وين في ياتو صفيحة؟

لو عندك الشجاعة الادبية قابل احداهن في ماذكرت في حقهن؟
وحول ما اوردت مذعنا عمنا المرحوم جبرالله قابل بنت ناهد
وبعد داك تعال اكتب هنا تجربتك في مقابلتهم
اما دفاعك عن بشري الفاضل اظنه سوف يرفض الجائزة الان لو قراء كلامك هذا

هيثم تحياتى ..

ويستمر الاختلاف بيننا وكأجمل ما يكون و .. أكثر
تعرف يا صديقى ..
مسألة مقاطعة الكيزان تلك ..
مجالها الحقيقى هنا ..
وسآتيك بالتفاصيل عند نهاية الاسبوع


نصرالدين صلاح ...
سلامات وكيف الحال والاحوال ..
وأمهلنى قليلا فالكلام حول مداخلتك كتير ..
وللكلام صلة بحوار ممتد مع الاخوان هنا .. وأعنى فى هذا المنبر

مودتى

التهنئة للدكتور بشرى الفاضل على الجائزة ...

ألف مبروك ....









... المهم ....

Quote: 4- اخراج محمد عثمان من زمرة المناضلين و الكتاب الجيدين غير مفيد ( بسبب غلط و نبذ في الانترنت )

نصر الدين سلامات
محمد عثمان إنتحر نفسه براهو
ياخ أنا عشان أدخل هنا إتحيرت زاتو ماعرفت أقول شنو لانه ببساطة الكوت الكتبو محمد عثمان دا ماشتيمة
وهسة أنا ماعارفة محمد عثمان جاي يشتم الزولتين دي بكلام مافيهو من ريحة الشتيمة حاجة اللهم الا مانهى به جملته ليلصق العار والشنار بعصام
فكلام أمال رأي يحتمل الصواب و الخطأ وعبارة ناهد لها معنى عميق لو تمعناها في إنها حاربت عادة ضارة ووقفت في وجه من يعتبر عدم القبول بهذا الفعل يستحق الشتيمة بكلمة غلفاء
لكن وبصراحة أنا دخلت لسبب بسيط
لانه محمد عثمان عاوز يؤذي عصام
وحس إنه في نغمة إبتدرها شخص هنا (صلاح البندر) بتعيير وشتيمة عصام بأخته
فوجدها وجدها وجدها
وطفق يعزف على نفس النغمة الابتدرها صلاح البندر
وبعد شوية بيجي زول تاني ويحتار يضايق عصام من أي حتة ويتذكر إنه أًثيرت حتة أخواته دي وكان ليها صدى ووجعت عصام وناس كتار يقوم يستعملها

Quote: محمد عبدالماجد الصايم ما رأيك فيمن وجهوا لي السباب والشتائم هنا في هذا البوست؟ أم أنك تجوّز شتمي؟

يا محمد عثمانهم
لا أجوّز الشتيمة لأي واحد في البورض دا .. ولا حتى برّه البورض!

تعرف المشكلة في شنو؟
نحن فترنا عديل من يا جماعة بطّلوا الإساءات
وانتقلنا للمرحلة التانية: خلو الإساءات بين الأعضاء
أي واحد يشتم التاني لااامن يفهم حاجة .. لكن ما تمشوا للأسر!
وبرضو الناس ما قادرة تقيف وقفة واحدة في الموضوع دا


تعرف لو الناس دي سكتت على كلامكـ الخطوة التانية ح تكون شنو؟
إنو يا جماعة عادي أشتمو الزول .. وأسرتو .. بس خلو (غنمايتم) في حالا!!


معقولة ياخ!!
يعني بالجد إنت ما شايف الخطأ الوقت فيهو؟
ياخ أنسى كلام الناس المتضامنين الهلاميين ديل ساي
إنت كـدي راجع كلامكـ دا .. وخت نفسكـ مكان عصام!!


وبعدين يا محمد عثمانهم ياخ إنت ما وقفت حتى في أخوات عصام
إنت مشيت لي عمكـ جبر الله .. وأبو عمكـ جبر الله وكل الأسرة
ياخ ذنبهم شنو في إنو عندهم ولد (قليل أدب) اسمو عصام؟
مش عصام دا عامل ليكـ فيها (أبو عرّام)؟ تعال رشّو (همسلف)
رش المبيدات .. والله والله والله .. أنا أساعدكـ بالوش دا

أوكي صبري :

Quote: لكن صاحب البوست اعتقد لم يدلي باي دلو هل هو مع وجهة نظر الصحفي الفاشل ؟ ام يعارضها ويقف مع وجهة غالبية المشاركين والمشاركات هنا في فضح ذهنية عهد الوصايا والحريم من سنين ام يا تري في منزلة بين المنزلتين التي وقف فيها مجموعة ابان الصراع الاسلامي في صدر الدولة الاسلامية

رأي الشخصي في الموضوع هو أن عصام جبر الله رش محمد عثمان بالموية ومحمد عثمان رشاهو بالدم ..!

وهسي المتداخلين ما مستنكرين رش الموية لكن مستنكرين رش الدم وكميتو وضخو وانتشار الرشاش والرزاز ..!

Quote: Quote: اتنين : شنو الضايقك في أم الغلفا؟ عصام كسر الله* 8- السؤال دة انا كنت منتظرة يجيب العيد يعني كان الناس فلفلت افكار محمد عثمان في الحتة دي اللي انا شايفها متخلفة جدا ان راها هو قلة ادب ( يمكن حبوبتي او راجل غير متعلم او من جماعات لسة ما اتنورت يقولوا علية كدة ) نصر الدين صلاح

دي النجيضة في كل البوست دا

يا محمد عثمان ياخي انا ابو الغلفاءوات .. المافي شنو!؟
كدا نبذت نفسي!؟

صدق امي بت السيمت -الما قرت كلو كلو ولا بتفك الحرف- وعيها ارتفع فوق مستوى الشبهات دي
والله صحي

غلفاء دي بقت شكرة يا زول ... وينك انت عايش!؟
في زمن الخليفة التعايشي و ود دكيم!؟
الزعلان من مغارز الخليفة الداير يعر س ليو الملكة فكتوريا الغلفاء!؟



يا محمد ارفق بنفسك و بنا ..
اعتذر عما بدر منك من خطأ في حق الغائبين

وانت تحرر نفسك بالاستعارات .. تذكر غيرك، من حرموا حق الكلام

الباقي كلو خاضع للمفاهمة
بناخد و ندي .. يا اقنعتنا نمش نطهر الغلف ديل (وكت اصلها نبذة الشغلة دي!)
يا كمان عرفت انو الشغلة دي الشعب السوداني الفضل اتجاوزها لغير رجعة!








------

* (كسر الله) دي عائلة عصام (القليل ادب) وحده لا شريك لهو ..
جبت الكلام للماجدات ديل في صمة خشمن يا عصام ..
انا لو محلهن اتبرأ منك .. كلو كلو .. المافي شنو!؟

Quote: أما المداخلات المكررة فتكفي قراءة مداخلة واحدة منها...يمكن لحجازي وبقية القطيع التوقيع فقط دون إرهاق أنفسهم بالتكرار.

ولا يزال مسلسل (التعالي) علي مناضلي الكيبورد ... مستمراً !

Quote: انا ابو الغلفاءوات

وتململ سيبويه في مرقده!! المافي شنو!!

فى حيرتى
لماذا كتب محمد عثمان بكل هذا القبح

تذكرت
ان شتيمة الرجل باخواته
ابتدره فى هذا البورد
شخص كا ن يحظى بتقدير مننا
اسمو بندر

الحكاية عميقة جدا ويجب بذل جهود كثيرة حتى
نتخلص من فكرة انو الانوثة شتيمة
ونقدر نكبح جماح الغضب
والدواس يكون منصف

ويتعلم البعض ان لا بطولة فى الاساءة لشخص ليس طرفا فى الحوار
وان يتعلم البعض ان لايشتم من رحل عن الدنيا

Quote: وتململ سيبويه في مرقده!! المافي شنو!!

الناس في شنو و الاسكافي ود الصائم في شنو!؟
بعدين بالله -كغير ناطقين بها- ما تغالطنا في لغتنا دي!
وزنتها على حياة/حياوات .. المافي شنو
مش لغتنا؟


المهم وصلك القاصدو ول لا!؟
ول اقولا ليك بالعربي!؟
هي دي ياخ محمد عثمان معترض عليها .. وقال قلة ادب!













-------

انت لو صحي عامل فيها سيبويه قريبك ما كان جبت دي عشان ما مشاعرو تتكرفس في قبرو..
في جدل (قاص، قصاص) :

Quote: وهذه مقتطفات من استعمال بعض المؤلفين والنقاد لـ (قصاص) في النسبة إلى القصة: 1ـ "... كان ابن الخشاب إماماً في أكثر العلوم، وأما العربية فكان أبا عذرها، وكان يقف كثيراً على حِلَق القصاصين ..." الكشكول للبهاء العاملي. 2ـ "... وتتفاوت كتابات السياب في موضوعها فهي تتناول نقد القصاصين مثل عبد الملك نواري و مهدي عيسى الصقر..." بدر شاكر السياب دراسة في حياته وشعره لإحسان عباس. 3ـ " القصاصون أعوان لنا مفيدون وشهادتهم تؤخذ بكل تقدير لأنهم يعرفون أشياء بين السماء والأرض لا تحلم بها حكمتنا الأكاديمية " النقد الأدبي ومدارسه الحديثة ، لستانلي هايمن، ترجمة إحسان عباس. 4ـ " ... أن يكتب البعض قصصا ثم ينصرف عن الكتابة، وفي هذه الحالة هل يعد قصاصا يدخل في سياق التأريخ لهذا الفن..." من دراسة للروائي طالب الرفاعي بعنوان: لمحة عن القصة القصيرة في الكويت. على أني لم أورد هذه النصوص على أنها شواهد إذ لا يستشهد بمثلها، وإنما أوردتها لإثبات أن استعمال (قصاص) لكاتب القصة أمر لائق، وليس فيه انتقاص لشأنه، ثم إن استعمال المتأخرين لـ (قاص، قصاص) للدلالة على أصحاب هذه الصنعة ليس بدعا محضا، وإذا أردنا تأصيله قلنا إن القاص والقصاص كانا مستعملين لمن يبرع في قص الأثر، والقص معناه التتبع وهنا يلتقي مع القصة في أن كلا منهما تتبع، فهذا تتبع حدث وذاك تتبع أثر، وكلاهما قص، و من احترف إحدى الصناعتين صح أن يوصف بالقاص أو القصاص.

http://azaheer.org/vb/showthread.php?33689


التعديل: والله دي يا ود الصائم لو شافا سيبوية كان قطع شك، مش اتململ بس ..
كان قام من موتو و قطع لي كف .. و انتحر!!

Quote: المهم وصلك القاصدو ول لا!؟

يا (تيرابايت) .. المقصود مفهوم وواصل من زمان!
وبعدين إنت ما فايتني في الحتة دي .. أنا أبو تلااااتة بنات!!




أما فيما يختص بـ (القصاص) فما وقفت فيها كتير!
هو الغلطان فيهو محمد عثمانهم شوية ياخ؟
إنت أخد الموضوع من الجانب الإيجابي وقول ما لقينا
عليكـ غلط إلا في الإملاء .. المافي شنو؟


بعدين خفت أقولا لعمكـ أدروب يقوم
يحسبني مع الناس المفروض يوقعوا ساي!
زي ناس النذير حجازي وخدر

سائلتنى بتى الكبيره 12 سنه(غير مختونه)
هو عمو كتب كده ليه؟؟
نهرتها؟؟ هو ما عمك؟
واجبتها لقى الكلام مجان وسرح؟
اظن كده؟
ولا حول ولا قوة الا بالله

Quote: Quote: أما المداخلات المكررة فتكفي قراءة مداخلة واحدة منها...يمكن لحجازي وبقية القطيع التوقيع فقط دون إرهاق أنفسهم بالتكرار. ولا يزال مسلسل (التعالي) علي مناضلي الكيبورد ... مستمراً !

أوقع

النذير حجازي

Quote: بعدين خفت أقولا لعمكـ أدروب يقوم يحسبني مع الناس المفروض يوقعوا ساي! زي ناس النذير حجازي وخدر

----------

لسان حالو:

البصل ريحتو وااااحدة

في داعي للبذار!؟

Quote: فى حيرتى لماذا كتب محمد عثمان بكل هذا القبح تذكرت ان شتيمة الرجل باخواته ابتدره فى هذا البورد شخص كا ن يحظى بتقدير مننا اسمو بندر الحكاية عميقة جدا ويجب بذل جهود كثيرة حتى نتخلص من فكرة انو الانوثة شتيمة ونقدر نكبح جماح الغضب والدواس يكون منصف ويتعلم البعض ان لا بطولة فى الاساءة لشخص ليس طرفا فى الحوار وان يتعلم البعض ان لايشتم من رحل عن الدنيا

أوقع تاني، يا جماعة إنتو الكلام السمح دا بتجيبوهو من وين؟!
غايتو نحن ناس القطيع ما بنقدر نجيب زيو أحسن أوقع من سُكات


النذير حجازي

يا ود الصائم وقيقا يا تشتمو زي الناس علشان
نوقع ليكم أو توقعوا معانا وتبقوا تبع القطيع

Quote: يا ود الصائم وقيقا يا تشتمو زي الناس علشان نوقع ليكم أو توقعوا معانا وتبقوا تبع القطيع

انا ما بقدر اشتم صراحة ..
الشتيمة بتعمل لي بهق




















------

كان وقعنا كمان بنقع في دائرة توصيف (مناضلي الكيبورد).. او المناتلين في رواية مجيدة..
وديل طفابيع ساي كمان!!

الاخ الكريم ناذر الخليفه

تحيه واحترام

اخي كتبت العنوان بمقال للاستاذ محمد عثمان ابراهيم!!!!!

كلمة استاذ دي كبيره!!! استاذ بنعمل ليه الف حساب لانه قم الهرم الاجتماعي يعني

بجلس في قمة المجتمع والدولة.. بعده بجي كل افراد المجتمع بمخلتف مهامهم في الحياة

وتخصصاتهم من طبيب لي مهندس والي اخر فرد ....

استاذ يعني معلم والمعلم كاد ان يكون رسولا !!!!

لانه يحمل رسالة سامية للمجتمع .....

اه زولك ده حمل لينا رسالة قبيحه يشتم في اخواتنا ...

فبالله عليك كيف يكون هذا الرجل استاذ يكون كاتبا اصلا

وهو يحمل ساقط القول ..

عصام يااخوي الراجل داير ياكل عيش من وراء شتيمة النساء

وبعدين ياناس ذي ماقالت الاخت الكريمة المرق انكسر يعني ..

اعتذارك مابفيدك ....لانك مصر علي الغلط وبتكابر ...

الناس دي قاعد تجي من وين؟؟؟؟؟؟؟

محاولة رخيصة لإهدار كرامة المرأة والنيل من نساء بلادي الماجدات تحت مُسمي جديد ، مصطلحات ( قلة أدب ) وهل كان الأديب ( الطيب صالح ) ( قليل الأدب ) عندما إستخدم مفردات سودانية ( بحته ) في روايته ( موسم الهجرة إلي الشمال ) !!
النقاش مع عقلية تحمل هذا الفكر تجاة المرأة مضيعة للوقت !!!

من المفجع ان الكاتب المحتفي بالطيب صالح وجائزته لم يدرك ان الطيب صالح في روايته موسم الهجره الي الشمال
حاول معالجة مايعاني منه ذات الكاتب وهو محاربة محاكمة الاخرين من خلال بنية الوعي التناسلي ومحاولة النيل من الاخرين بالضرب
علي وتر من شاكلة اختك وامك,وهو هنا يعيش محنه حقيقيه فكونه يحتفي بروائي حاول معالجة هذه الاشياء وفي ذات الوقت يهمز ويلمز للاخرين بالضد من قناعة
الروائي الذي يحتفي به وجائزته,المحنه الاخري والكارثيه ان المعايره لان بنات جبر الله احداهن تحارب عاده ذميمه وكريهه هي الختان,ضربت في عمق المسكوت عنه واحتفت بانها اما للغلفاء
والاخري تصادم من اجل حقوق بنات جنسها وتقف قويه وصامده في كل محاولات الاغتيال المعنوي باسلحه صدئه من ذات اسلحة الصحفي اياه الذي يصفهن بعديمات الادب.
الان فقط ادركت لماذا نحن هكذا اذا كان من يدعي المعرفه والاستناره يستبطن في لاوعيه هذا الفكر القبيح والمتقيح.

______________________________________________________________________

لاتربطني اي علاقه ب اّل جبر الله لا اجتماعيا ولا فكريا وانما نتقاطع سياسيا في ضرورة اسقاط هذا النظام
ولكن عرفتهم من خلال هذا الفضاء الاسفيري رمزا للصمود والقوه والفكر المستنير

اوقع على كلام شمت وانور ..
لا اوقع على مداخلة قيقراوى التانيه واتحفظ عن التوقيع على مداخلتو التانيه ..
واوقع بالاحرف الاولى على مداخلة ودالصايم رقم 3
مداخلة ناذر بتاعة الدم والماء يجب ان تطرح للتوقيع ضد ومع ..
كما يجب تحديد سقف توقيعات رأس القطيع النذير حجازى بما لا يتعارض وقانون هذه الزريبة..
والله المستعان ..

سلام عماد شمت ..!!

Quote: اخي كتبت العنوان بمقال للاستاذ محمد عثمان ابراهيم!!!!! كلمة استاذ دي كبيره!!! استاذ بنعمل ليه الف حساب لانه قم الهرم الاجتماعي يعني بجلس في قمة المجتمع والدولة.. بعده بجي كل افراد المجتمع بمخلتف مهامهم في الحياة وتخصصاتهم من طبيب لي مهندس والي اخر فرد .... استاذ يعني معلم والمعلم كاد ان يكون رسولا !!!! لانه يحمل رسالة سامية للمجتمع ..... اه زولك ده حمل لينا رسالة قبيحه يشتم في اخواتنا ... فبالله عليك كيف يكون هذا الرجل استاذ يكون كاتبا اصلا وهو يحمل ساقط القول

ولد الراطابي جا لي أبوهو مفلوق من حفلة نص الليل .. الابو لقى الجرح كبير قال لي ولدو إنسل قدامي على الحكيم .. مشو للحكيم صحوهو من النوم جاهم زهجان قال للأبو : ما كان تجيبو بدري شوية ؟! الأبو رد ليهو : بدري متين يعني ؟! قبل يفلقوهو ؟؟!

دحن يا عماد اخوي انا كتبت أستاذ في عنوان البوست وهو بعد داك رش عصام جبر الله بالدم ..!!

اها أستاذ دي كنت أكتبا متين يعني ؟! قبل ما يفلقوهو ؟!!

(الضمير في يفلقوهو راجع لي عصام جبر الله ) ..!!!

Quote: كما يجب تحديد سقف توقيعات رأس القطيع النذير حجازى بما لا يتعارض وقانون هذه الزريبة..

انضبطوا يا طفابيع

هي (زريبة) ول (ملجة)

عشان نفرز ذاتو قاعدين نوقع على شنو ياخي!؟

سلام ود المشرف ..

Quote: مداخلة ناذر بتاعة الدم والماء يجب ان تطرح للتوقيع ضد ومع ..

إنتو يا جماعة طالعين مظاهرات ولا شنو بتجمعوا في توقيعات وبتستفتوا الناس في آراءا ؟!



(آراءا دي جمع راي ما عارف لو صاح ولا غلط ..!!)

بعدين يا ود المشرف تعال هنا ..!!


في بوست تيسير النوراني شايفك دعوت للوقوف ضد حوش بانقا !!

ليه كدة ياخ ياخ ..!!

Quote: تعرف لو الناس دي سكتت على كلامكـ الخطوة التانية ح تكون شنو؟ إنو يا جماعة عادي أشتمو الزول .. وأسرتو .. بس خلو (غنمايتم) في حالا!!

لا ... وألف لا ... لشتيمة الغنماية ...






... المهم ....

Quote: صدق امي بت السيمت

باللاااااااهى ؟ وانا اقووووول !
ياخ حمدلله على السلامة ياخ ..

Quote: و انما استدعاء كامل لثقافة معينة-نعرفها- في كيفية توجيه الاساءة للخصوم

اطلع من كلام ولدنا دا واتكلم عن الثقافة دي
عن ثقافة حرمت المجتمع السوداني من نساء فاعلات تم كتم صوتهن خوفا ان تتعرض العائلة الى ما لا يحمد عقباه من مشاركة النساء
في العمل العام..في مجتمع السمعة الحسنة هي راس مال كل عائلة..

احزن شديد لما اشوف التعليقات الحسية في اليو تيوب عن فنانات سودانيات ولا نجمات الغد
واعرف ليه الاسر بتخنق مواهب بناتها ...
عائلة جبر الله اهدت السودان نساء فاعلات في العمل العام. ابوهن ما مارس سلطته الابوية والخوف من كلام الناس وحارب مشاركة بناته
اخوهن فخور بيهن وبشجعن في كم عائلة ذي دي في السودان؟

المحزن في الخمس الاول من القرن الواحد وعشرين في زول لسع بقطع لسان ويكسر عين اي راجل بذكر اخواته

ولا جيب الاهل في مواضيع عامة...اخوات عصام من النساء ذوات الاجنحة فيا شقاهن في بلد يعير الرجل بنجاح اخواته
وخروجهن للعمل العام

في هذا البورد رجال يعيروا النساء بالقطوع وكبر السن وفي هذا البورد من يذكر لاي امراة ابوها وعمها واخوانهافي حالة اي هزيمة في حوار
لتكن هذه الضربة القاضية في هذاالبورد .يوجد رجال يكتبون لنساء لا يفعلن غير الحوار مدنقرة راس اهلك
والمعروف البدنقر راس الاهل شنو اكيد ما الحوار ولا العمل العام ولكن هناك البعض الذي يظن ان العمل العام مثل الدعارة.
هذا هو السودان وهذه هي ثقافته كسر عين الرجل بنسائه كسر عين المراة بخدش حيائها واستخدام مفردات حسية
لا تليق بالحوار وابتزازها وتهديدها برسائل خفية او عديل كدا بماسنجر البورد..وهذا استدعاء للثقافة المعروفة كما قال الابن العزيز في المجتزء اعلاه.ز

النساء ذوات الاجنحة في جهة والقداح في الفضية في الجهة الاخرى

كم رجل يدعي الثقافة وما هو الا قدح في فضية؟؟



بالله الرجال البجو يشجبوا كلام الاستاذ دا وهم يمارسون نفس الحاجة مع نساء اخريات
احسن ينطموا لا شيئ يقرفني غير الرجل المنافق..و الكيل بمكيالين

الأستاذتان
دينا وراويه حيرتماني
دينا قالت

Quote: Quote: الموصلى ! شكلك جايى بى اجنده جاهزة !! وردينا عليها عشان تورينا الاجندة اياها فلم تأت ======== شفتي يادينا عشان الكبر مالاحظت لي دي انا ؟ جاي بي أجنده؟ جاهزة!!!!! سبحان الله وفوق كل ذي علم عليم

أما راويه فقالت

Quote: Quote: الاستاذ الموسيقار الموصلي دي المرة التالتة أشوفك في نفس الموقف لاحولتن ولا قوة الا بالله وردينا عليها لنعرف ماتريد فلم تأت ====== الاستاذه راويه ازيك بالله اعملي كوت حق المره دي وجيبي بالمره الاتنين التانيات يمكن انا مابقيت اشوف ويكون ليك جزيل الشكر

لا أدري ماهي الخلاصة
ولكن مهما قالتا فهذا لن يقلل من احترامي لهما
كل الود

Quote: (آراءا دي جمع راي ما عارف لو صاح ولا غلط

ناذر .........سلام

خطأ شنيع وهذا ماجرته علينا الانقاذ يا ابن عمى
تكتب هكذا اراء بدون الف الجماعة دى
ابقانا الله ذخراً لخدمة الناطقين بغيرها ويبقى الود
لووووووووووووووووول،،،

نكشة:
تانى ما اشوفك تحتج على واحد يكتب اسمك نازر او ناظر سمح؟؟

Quote: خطأ شنيع وهذا ماجرته علينا الانقاذ يا ابن عمى تكتب هكذا اراء بدون الف الجماعة دى ابقانا الله ذخراً لخدمة الناطقين بغيرها ويبقى الود

لو كان منصوبة .. كان نقول ماشي
لكن سابقها (في) تجر تودي البحر


و ابقاني معاك يا صديق نثقف الناس هنا ياخي
ربنا لا يحرمهم مننا كلو كلو













------

بما اني لي اسي ما قلت رأي في الموضوع الاساسي التم الفرز الثقافي الطبقي في المقال الاساس (متذكرينو!؟)

ح ابقى ليكم ناقل وطني أمين بس ..



وممكن تحسبوهو (رأي)ي الرسمي

سلام ود الموج وقيقراوي ..

Quote: تكتب هكذا اراء بدون الف الجماعة دى ابقانا الله ذخراً لخدمة الناطقين بغيرها ويبقى الود لووووووووووووووووول،،،

تعرف حيرتني الكلمة اشيل وأمسح فيها .. داير أجمع اراء بي دارجيتنا ابت كلو كلو تتجمع لكن بالفصحى أظن اراءها أو ارائها هي الاصح حسب النصب والرفع ..

غايتو اهو منكم نستفيد .. أنحنا ناس عرب ساي .. في سنة من سنين القرن الفات الطماطم نجحت معانا جدودنا جو الخرطوم أول مرة يبيعوها لقوا البلد منظمة وفيها كهرباء بدون جنريترات وموية في المواسير من غير تدخل عربات الحمير ..

الموية الصاقطة عجبتم بالحيل باعوا طماطمم ورجعوا ..الموسم البعديو بدل يجيبوا للخرطوم طماطم جابونا نحنا بعد ما دفسونا في اللواري والهوستنات والسفنجات رغم أنو الطماطم برضو نجحت ..!!

الله يديهم العافية ما قصروا دفسونا في الشقيلاب دفس ..!!

اها غايتو يا قيقراوي وود الموج لو غلطنا في حق اللغة او حقكم اعفوا لينا

Quote: اها غايتو يا قيقراوي وود الموج لو غلطنا في حق اللغة او حقكم اعفوا لينا

غلط اللغة هين ..
اسي ما غلطت مع (العوض) بي قصتك دي؟
















------

كان تقول اهل العوض و خلاس!
وهل يخفى القمر!؟

اها ؤ [الشقيلاب دفس] دي بي وين للمنتزها!؟

المهم في هذا البوست هو اعلاء شان المراة التي هي ام واخت وزوجة وبنت نجيبة وعدم السماح باستخدام مفردات تمييز لقد استغلت المراة واهينت بالقوانين والافكار المتخلفة وهنا ابلغ دليل يمارسها هذا الصحفي وهو ما وجده من فكر متخلف ومدرسة تهين المراة وانها لن تصبح فاس والمراة ناقصة عقل ودين وانها تساوي ربع رجل في الزواج ونصه في الشهادة والضرب اكرام لها مثلما فتحت بوست صديقتنا نجاة سيد احمد حتي بعد الضرب تجرها الي فراش المضاجعة عنوة ؟؟ هذه الافكار وهذه العقول يجب فضحها وايقاف مفاهيمها التي لا تناسب انسانيتنا وليس النقد في احد من يتبني الفهم هو وحده المقصود هذه الافكار حايمة بيننا اذلال للمراة وانها بتقطع الصلاة ويسلم عليها تحت قماش او توب لانها تبطل الوضوء شاهدتها بعيني رفضت بعضها ولم تتح لي الظروف لرفض بعضها ؟؟؟

راوية كيفك و اخبارك

معاك و الله في انها شكلةو كل واحد بيعنف بما يراه مؤلم للتاني و دة الغايظني
في ادخال مقولات عن ناشطات في موضوع عام يهم كل الناس في شتيمة لا علاقة لموضوع النقاش الاساسي..
حتي موضوع (النبذ) ممكن كان يفتح لي حوار ايجابي جدا في فهم الناس للجهر بموضوع الختان ..
المحير انو الناس بتفتكر السودان دة كلو قاعد في الانترنت و ناسية انو نصف السودان يري
كما يري محمد عثمان في حساسية تناول الموضوع دة في العلن و يحولوة شتيمة عادي ..

Quote: فكلام أمال رأي يحتمل الصواب و الخطأ وعبارة ناهد لها معنى عميق لو تمعناها في إنها حاربت عادة ضارة ووقفت في وجه من يعتبر عدم القبول بهذا الفعل يستحق الشتيمة بكلمة غلفاء

بعدين لامن نحنا نتفرج و نحمس النيران بين عصام جبراللة و محمد عثمان

قناعتي انا شخصيا بتترسخ اكتر في انو السودان دة ما ضاع من شوية

لان الاثنين يرجي منهم الكتير و راجيهم الكتير

Quote: المحير انو الناس بتفتكر السودان دة كلو قاعد في الانترنت و ناسية انو نصف السودان يري كما يري محمد عثمان في حساسية تناول الموضوع دة في العلن و يحولوة شتيمة عادي ..

يا نصر يا اخوي ارفع رجلك من البنزين .. و افرز
شنو اي حاجة حاشرين فيها النت للنيل منو و تقليل شأنو!؟

الاستاذة/ ناهد جبر الله ما قالت كلاما دا في النت يا اخوي
الناشطين و الناشطات ما قاعدين ينشطو في النت دا
دي تجربة جحياتية يومية .. غيرت وعي المواطن الما بقرأ زي امي و حبوباتكم

ما اي حاجة تجوا ترموهو على النت ود الكــــلب دا!!











-------

بعدين هو محمد عثمان قاعد في السودان عشان يعرف شنو الـ(بروهو) الناس!؟

قيقا يا حبيبنا سلامات

Quote: يا نصر يا اخوي ارفع رجلك من البنزين .. و افرز شنو اي حاجة حاشرين فيها النت للنيل منو و تقليل شأنو!؟

انا ما بعرف اسوق ذاتو يا قيقا:):)

فرزي اقولو ليك

لقيت ليك كلمة انترنت و في بالي تتفهم انو اغلب الناس

لا عندها كهرباء لا تلفزيون لا ايتها حاجة ثقافة ثقافة كدة ناس الخلاء

و الضهاري يا قيقا ما بيعرفو ياخ و لسة عايشين في نظرية و عقلية قديمة

شوفهم ذي محمد دة






------------------

لقيتني كيف و انا فراز

Quote: لقيتني كيف و انا فراز

زي الواطة دي وااااحد يا ديجانغو!!

Quote: لقيت ليك كلمة انترنت و في بالي تتفهم انو اغلب الناس لا عندها كهرباء لا تلفزيون لا ايتها حاجة ثقافة ثقافة كدة ناس الخلاء و الضهاري يا قيقا ما بيعرفو ياخ و لسة عايشين في نظرية و عقلية قديمة شوفهم ذي محمد دة

ما بحلك!

الضهاري انتو بتسمعوا بيها سااااي .. شفتوها!؟
بالله عليك خذ من دمي ملء ما وسعت يداك و لا تحدثني عن الضهاري!

التوقيع:
قيقاراعي
قائد قوات حلف شمال الضهرة (نيدو) بالمنبر









---------

انت قائل اهل العوض كلهم اتكاملوا البندر .. محل الرئيس بينوم و الطيارة بتقوم؟
حيث المنتزها .. و حديقة الحيوان!؟
ديل المأترين العوض بس ياخي!!
فيالق طلائع قوات الضهرة الغازية بس (بكسر الباء)



.

يا أمة سودانيز الفزعة ..
آراءا ناذر دى ما فرزتها كويس ..
كان فيها مظاهرات وحوش بانقا و آراءا كتيرة ..
الا ما فرزتها بالتعيين ..

دكتور بلة فى بوست مجاور عندو محاولة جادة لاحتلاب الانسنة الغائبة من الضروع الافتراضية لهذا القطيع الاسفيري الهايج ذكوريا شهوة أن يكونوا أخوة لمهيرة فى تكييف جنسي لحالة الهيجان التى تجتاح القطيع الكامن جواكم ..
أو كما فهمت !!!!

Quote: بعدين هو محمد عثمان قاعد في السودان عشان يعرف شنو الـ(بروهو) الناس!؟

ود الموج تعال اعرب (البروهو) دي ... لأنو الكلمة دي ما مفروض تكون معانا في البورد دا ...










... المهم ....

يا طبارك خليك من الاعراب .. نحنا عجم ساي يا اخوي ..

كناشط في حقوق الغنم ؤ كدا ..

Quote: لا ... وألف لا ... لشتيمة الغنماية ...

سؤال المليون:

ليه الغنماية بتتأنق بشكل خاص جداً، يوم التلاتاء بالتحديد!؟














------

يا دينا السيمت كتااااااار ..
سيمتكم ياتو؟
بتاع الدويمات ول كريعات؟

بمناسبة (كريعات) دي هل دا يعتبر "قلة ادب" لمن اذكر مسقط رأس امي!؟

وناس الدبة و النهود و جعيبات .. برضو!؟

اها دي اسماء مدن حقيقة في السودان الشغيغ الفلقتونا بي ادبو دا!!

Quote: وناس الدبة و النهود و جعيبات .. برضو!؟

قيقا بالطريقه دى بتبقى قراية البوست لازما غسل عدييييييييييييييييييييييييل كده!!!

Quote: قيقا بالطريقه دى بتبقى قراية البوست لازما غسل عدييييييييييييييييييييييييل كده!!!

نسيت (اباريق) ياخي .. ودي جمب جعيبات طوالي ..
والله صحي

يا صديق ياخي لمتين ح نقعد نكضب على نفسنا و على الناس!!!
وين الادب والاتساق في تسمية القرى و المدن باسماء مناطق و اعضاء في جسد المرأة
وفي نفس الوكت جايين نحرم ذكرها في سياق حقوقي و اعتبارها محض "قلة أدب"!؟

اذا كان اسلافنا قليلين ادب (وبعرسوا بقطع الرحط كمان) .. من وين ح نجيب الادب نحنا!؟

تلخيص اللحظة:

البطهر بتو .. متخلف (ودا وصف ساي ما شتيمة .. ديجانغو لا يشتم و لا يفرز ذاتو!)
الما بطهر بتو .. ابو/ام الغلفاء.

كل واحد يختار مكانو و يحترق حيث انتهى

بيريود

نرجع للموضوع :

Quote: طائفة ثانية تظاهرت ضد قبول الرجل للجائزة، التي بدأت قوية لتكون جائزة رفيعة ، متظاهرين بمحبتهم للكاتب المثابر وهذه فئة مناضلي الكيبورد، الطفابيع الحقيقيون الذين تتصف أجسادهم بخاصية التطاول أو كما قال المبدع بشرى إن قاماتهم تطول إذا مروا بالبيوت ليروا ما بداخلها. الطفابيع ليسوا هناك بل هم هنا حولك يا بشرى. نشطاء فئة الكائنات الافتراضية على شبكة الإنترنت أرادوا أن (يمسّخوا) على المبدع فوزه المستحق فباتوا يلعنون الزمن ويطلبون من الفائز أن يبقى دون تكريم حتى يشكلوا هم حكومتهم المقبلة فيعيدون للأدباء المجد وللشعراء الدراهم. هؤلاء بدأوا يعايرون بشرى الفاضل بموقف صنع الله إبراهيم حين رفض جائزة مبارك للآداب في مصر قبل سنوات ونسوا أن صنع الله كان محقاً في سياقه إذ رأى أن قبوله لجائزة تحمل اسم مبارك الدكتاتور قد تشوه سيرته، بينما تقدم بشرى الفاضل بإرادته الواثقة للتنافس على الجائزة. أكبر أخطاء بشرى الفاضل أنه غامر بإبداعه مرة فتمازج مع مناضلي العالم الافتراضي وكتب عمود (في التنك) الذي يدغدغ مشاعرهم وهم يريدونه هكذا على الدوام، كاتباً يطربهم هم فقط!

نبدأ من حيث انتهى الافتراء و التلفيق و الفتك بالحقائق

هل (الكاتب) جاهل بتاريخ د. بشرى الفاضل النضالي حتى يكتب :
[أكبر أخطاء بشرى الفاضل أنه غامر بإبداعه مرة فتمازج مع مناضلي العالم الافتراضي وكتب عمود (في التنك) الذي يدغدغ مشاعرهم وهم يريدونه هكذا على الدوام، كاتباً يطربهم هم فقط!]

دا تخرص و لي لعنق الحقائق
د. بشرى الفاضل انتماءه الحزبي معروف للجميع، واولهم من تدعوهو لمصافحتهم ..
وهو -الانتماء- كان سبب تشريده و فصله -تعسفياً- من كرسي الاستاذية بكلية الآداب جامعة الخرطوم .. و انتهاءه -على قولة حسن موسى- لمجرد محرر في جريدة سعودية!
يا عزيزي انت لا تعرف شيئاً عن بشرى الفاضل .. ورمزية بشرى الفاضل لمن اسميتهم تعسفاً بـ [ مناضلي العالم الافتراضي] ..
ياخي بتنازع الناس في قناعاتها مالك .. طالما قلت [بينما تقدم بشرى الفاضل بإرادته الواثقة ...]
برضو [أنه غامر بإبداعه مرة فتمازج مع مناضلي العالم الافتراضي]!
اها دي كان جبرو عليها منو!؟

يا محمد ياخي اقعد في الواطة دي .. واحفظ المقامات لو سمحت!
من انت حتى تخاطب د. بشرى الفاضل همسلف بـ [بشرى الفاضل]!؟

والله حيرتنا كلو كلو.. بي فكتك في نفسك دي!؟
ما عرفتك!؟





------

شكيت عديييل كدا في انك قريت فيزيولوجيا الطفابيع ..
او حتى فاهم "فيسيولوجيا" يعني شنو!؟

Quote: الطفابيع الحقيقيون الذين تتصف أجسادهم بخاصية التطاول أو كما قال المبدع بشرى إن قاماتهم تطول إذا مروا بالبيوت ليروا ما بداخلها. الطفابيع ليسوا هناك بل هم هنا حولك يا بشرى

ويقيني ان د. بشرى الانسان لن يقبل تحريفك دا .. ابداً

روق في علبك بالله .. وارجع اقرأ فيزيولوجيا الطفابيع
الطفابيع اياديهم "فأسية" .. وبحبوا الدم
لو نحن طفابيع راجي شنو!؟

Quote: قرأت لسيدتين تحملان نفس اسمك واحدة كتبت أن الدين والقانون والتقاليد والتحرر والمساواة تهدف للسيطرة على جسد المرأة وتحويلها إلى آلة جنسية! والثانية تحدثت في التلفزيون وقالت إنها (أم الغلفا) فعرفت إن قلة الأدب التي تتعامل بها هنا هي محصلة تدريب منهجي تلقيته ولا سبيل لك للفكاك منه.

إنا لله ياخي
إنا لله ياخي

اي شخص حر يكتب ما يريد

وبالمناسبة الكلام او الكتابة هنا وفي هذا الموضوع تحديدا موضوع د بشري الفاضل هو مسالة انحياز المتعلم
وما دائر اقول المثقف او الكاتب لقضايا شعبه وقضايا شعبه هذه ما بالضرورة السياسية ممكن تكون اجتماعية وثقافية
وحقوقيية بحته ويتربي الكتاب علي ذلك من خلال تحفظهم وتحميصهم للكلمات التي يكتبونها حيث يخرج ما كتبه الكاتب

من دائرة التعدي علي حقوق الغير من قارئ ومتلقي ومكتوب عنه وياريت لو في المنبر هنا او في السودان كله او حيث
ما يكتب السودانيين تتوفر مراجع للكتابة اي تتوفر مراجع تعلم وتثبت للناس انها ما تسئ ولاتنتقص في كتاباتها من حقوق
احد

العداء للمراة مفهوم في العقول ولابد من فصول لمحو هذا العداء

كثير من رجال الدين ان كان الدين حق رجااال بس يملا هذا المنبر بضروب من اذلال المراة


لذا حالة هذا الصحفي متعددة هنا وبيننا من يشتم المراة لانها نوع ؟؟


هسي لو اتعمل استبيان كتييير بيوضح عدائه للمراة وهو مخفي


اصلاح المنهاج التعليمي هو ما يصلح المفاهيم

Quote: المهم في هذا البوست هو اعلاء شان المراة التي هي ام واخت وزوجة وبنت نجيبة وعدم السماح باستخدام مفردات تمييز لقد استغلت المراة واهينت بالقوانين والافكار المتخلفة وهنا ابلغ دليل يمارسها هذا الصحفي وهو ما وجده من فكر متخلف ومدرسة تهين المراة وانها لن تصبح فاس والمراة ناقصة عقل ودين وانها تساوي ربع رجل في الزواج ونصه في الشهادة والضرب اكرام لها مثلما فتحت بوست صديقتنا نجاة سيد احمد حتي بعد الضرب تجرها الي فراش المضاجعة عنوة ؟؟ هذه الافكار وهذه العقول يجب فضحها وايقاف مفاهيمها التي لا تناسب انسانيتنا وليس النقد في احد من يتبني الفهم هو وحده المقصود هذه الافكار حايمة بيننا اذلال للمراة وانها بتقطع الصلاة ويسلم عليها تحت قماش او توب لانها تبطل الوضوء شاهدتها بعيني رفضت بعضها ولم تتح لي الظروف لرفض بعضها ؟؟؟

يا صبري في حياتي الطويلة دي اكثر ناس ########ين وبيعاملواالمراة معاملة سيئة هم مدعين الاستنارةفي السودان

اكثر نساء بضربن هن زوجات المستنيرين ديل..زواكثر رجال في البورد دا بيسيئوا للنساء ويطلعوا فيهن اشاعات واكاذيب ويخدشوا حيائهن بمعايرتهن بالقطوع وكبر السن
ويتفهوا انجازاتهن هم المستنيرين...

كلنا اتربينا في السودان من اسر مختلفة مسلمة وتختلف معاملة المرأة من بيت الى بيت...على حسب اخلاق الاسرة وثقافتها وفهمها


الدين ما ليه دخل في اذلال المراة لانه من يذلها عادة بيكون سكران وحيران وعديم دين .ولا شغال بالدين ولا حاجة
فبالله ما اي حاجة تجي جاري ترميها في الاسلام ...
ياربت لو الناس حين دينها واتبعت الاسلام كانت حتكون جنة المرأة..

سلام للجميع
الكلام بقي زى اللافي في حته واحده ,في ما يخصنى اتصل بي البروف أمين نوته و اتكلمنا مع بعض لأول مره - و الكلام معاهو ما

بتمناهو لى حبيب و لا قريب ... للعدو بس , لغلغه بت أمها - و كان نقاش مفيد , أحب أوضح و أوؤكد بعض الحاجات :
- ليس بينى و بين محمد عثمان أى شأن شخصي لا سابقآ و لا الآن , كل ما بيننا هو الشأن العام و اختلاف و جهات النظر , حتى ما
كتبه هو عن أخواتى آخذه أنا في هذا الإطار و لو أنه قصد التجريح و الإساءه الشخصيه فأنا قادر على التمييز بين الأسباب و الدوافع
, سيظل الأمر كما هو خلاف في شأن عام , وفي السياق ده أفهم ما كتبه محمد عثمان.

- كما ذكرت يأخذ على البعض أن لغتى حاده, مستفزه, عنيفه و دى ملاحظات مفيده و قيلت لى من قبل و هى صحيحه لحد كبير ,
أحاول تغييرها و حصل تحسن و لو بسيط (و لا شنو يا ودالصايم و كيكي) لن أبرر بالطبع أو إنى كده و خلاص , لكن لم أسئ
لشخص في ذاته و لذاته , بالنسبه لى كل ما يدور في الإنترنت و البورد حدوده هى الشأن العام , بإستثناء حاله واحده تعدت بالنسبه
لى العام للخاص و ده ليس مقام الحديث عنها .

- لا مصلحه لى و لا دافع في أن يتحول هذا الأمر لمسلخه أو حفلة شواء لمحمد عثمان و لا أعنى النقد الموجه لكتابته أو للتبريرات و
المخارجات الفطيره التى اتى بها, و ده ليس نبل منى أو غيره , بل وعى بأن لكل منا أخطاءه البسيطه و الفادحه و خطاياه و كبواته ,
منا من يتعلم منها و منا من لا يتعلم لهذا السبب أو ذاك. و إنطباعى الشخصي أن محمد عثمان ليس بالإنسان الشرير أو السئ الدواخل
أو المريض (قد يكون انطباع خاطئ) و ما كتبه هو رد فعل لما أعتقد أنه إساءه له , و لجأ لمخزون نعرفه جميعآ فكلنا أبناء و بنات
هذا المجتمع و تخلفه , منا من يحمله كامل داخله و منا من يسعى و يعمل للتخلص من كل السلبي و القبيح منه, الأمر ليس في
الإعتذار من عدمه - و الإعتذار الحقيقي أمر جيد و ضرورى لحياة الناس - بل الأمر المهم هو ماذا سيفعل محمد عثمان بكل هذا فهو
قد أساء - إن جاز التعبير - في المقام لنفسه . ده شأنه و هو حر ماذا يفعل به.

- محمد عثمان زور كلام كتبته آمال لتلائم مسعاه في النيل منها أو منى لا فرق حسب إعتقاده, ده نص ما نجره محمد عثمان :

Quote: واحدة كتبت أن الدين والقانون والتقاليد والتحرر والمساواة تهدف للسيطرة على جسد المرأة وتحويلها إلى آلة جنسية

و ده النص كما كتبته آمال في مقال لها نشر في سودانيزأونلاين قبل فتره :

Quote: محاولات فرض زي محدد على النساء تحت مسميات التقاليد أو الدين أو القانون أو التحرر أو المساواة ليست جديدة. و هي جميعاً تهدف إلى السيطرة على المرأة من خلال السيطرة على جسدها.

و ده تزوير منك يا محمد عثمان الفرق واضح بين النصين.

- في رد لى على محمد عثمان في نقاش سابق أوردت قصيدة القدال:
تموت الحروف
يوم تقوم الأعمده *
مقام الطبول ... و البخور و الم ع ر ص
* في النص الأصلى يوم تقوم القصايد


و ده تعليقآ على الجزء ده من مقال محمد عثمان "نظرة يا نافع" و هو يصف في مواجهة بوشي لنافع :

Quote: قبل أسابيع اعتدى مواطن شاب على السيد مساعد الرئيس خلال ندوة في جامعة الخرطوم ووجه عبارات نابية وقاسية وشديدة الغلظة

و مفردة ال م ع ر ص التى يعتقد محمد عثمان أنى شتمته بها لم أحشرها أنا فهى جزء من القصيده التى تواصل في وصف حال
الجرائد و بعض كتابها:

بشوفك جرايد شواكر حوامد
ولا هامى فيها
عليها المصائب تمام التمام

و للمره التانيه لو كنت عاوز أصف محمد عثمان بالت ع رص ه كده ساكت لقلتها له. القصيده توصف كتابات صحفيه كثيره من

ضمنها كتابات محمد عثمان ... فليختار الطاقيه المناسبه له.

أعود لاحقآ لما هو أهم

Quote: العداء للمراة مفهوم في العقول ولابد من فصول لمحو هذا العداء كثير من رجال الدين ان كان الدين حق رجااال بس يملا هذا المنبر بضروب من اذلال المراة

الأخ صبري الشريف تحياتي.

أود أن ألفت نظرك أن كل ما كتب هنا ليس له علاقة بالدين أو الإسلام
لا من قريب ولا بعيد.

كما أنه ليس للدين رجال محددون بل كلنا مسلمين وكلنا رجال الدين ونساؤه.

الإسلام يا سيدي كرم المرأة وحفظ لها مكانتها وقدرها.. وعداء المرأة أو إذلالها
موروث ثقافي وإجتماعي لا علاقة للدين به!


أستغرب لهجومك المستمر على الإسلام بسبب أو بدون سبب!

صدقني ما تكتبه هنا مستفزوينفر الكثيرين من العلمانية التي تعتقد أنك تدعوا إليها.

تحياتي وإعتذر للجميع عن الكتابة خارج موضوع البوست

كلام أخير:

- إن كان محمد عثمان قد مر بتجربه سيئه و سلبيه و قاتمه مع المعارضه - كلها أو جزء منها - فهذا شئ نقدره , لكنه لا يعطى محمد عثمان أى حق أو استثناء في أن لا تعامل مقالاته و مواقفه بالنقد الذي تستحقه. هناك مئات و ربما آلاف منا مروا بتجارب شبيهه و سمعوا بالخذلان و الاستهتار بحياة الأخرين , عايشوا الخيانه و رأوا البيع العلنى و السري للذمم , و حتى لا أعمم فإن هناك قيادات و تنظيمات تمتعت بالمبدئيه و الاستقامه و العفة حتى لا نظلم الجميع, البعض من هؤلاء أعلن غضبه و زهده في هذه المعارضه و إعتزل العمل العام كله و إنزوى. قله اختارت أن تواجه و أن تخرج بما لديها للرأى العام - تجربة التحالف مثلآ - البعض الآخر بحث عن بديل يلبي تطلعاته. خطورة ما يفعله محمد عثمان في كل ردة فعله لتجربته الشخصيه هى اعطاء شرعيه للنظام لأن المعارضه سيئه. كلنا ساخطون و ناقمون على المعارضه و منذ بدايات عملها أى منذ تكوين التجمع الوطنى الديمقراطى , و النقد الذي وجه لها و لا زال يملأ الانترنت و غيرها و البحث عن بدائل فعاله قائم , الجوهرى هو أن خياراتنا ليست بين الحكومه و المعارضه كما يكتب محمد عثمان و كما تروج الحكومه نفسها و أبواقها أنها يجب أن تبقي لأنها أقل سوءآ من المعارضه , خيارنا هو بين حياة كريمه و وطن معافي حر عادل و يتساوى فيه الجميع و بين حكم الاستبداد و القهر و الفساد و هيمنة القله و الإستعلاء بكل اشكاله. قد لا يقود درب المعارضه للخيار الأول , وارد جدآ , لكن المؤكد أن درب النظام قاد و سيقود لمزيد من الخيار الثانى , و هنا بتتفارق الناس.
لمحمد عثمان أن يتعامل مع تجربته بالطريقه التى يراها و أن يحل أزمته الناتجه عنها بالشكل الذي يناسبه , فقط ليعلم أن هناك كثر لن يسمحوا أن تكون كبري أو معبر لتسويق النظام , ان فعل ذلك بوعيه و إرادته أو إن تم استخدامه من المرتزقه الكبار أمثال البلال , لا فرق.

و مرحب بمحمد عثمان إن أراد نقاش تجربته مع المعارضه و أرى أن عليه مسئوليه فكريه و أخلاقيه في نشر ذلك , نعم سيواجه بضغوط و اتهامات , نعم ربما يستفيد النظام مؤقتآ مما ينشر , لكن على المدى البعيد ستستفيد البلاد و الحركه السياسيه و البديل القادم و النظام الديمقراطى المستقبلي

الأخ قيقراوي سلامات
بالله صحي المدن والقرى مسمية على أعضاء في جسد المرأة؟ حالتي كنت فاكرة روحي شاطرة في العربي والجغرافيا

ملحوظة: ما يفوتك (اسم) المصابة الثانية بنبلة محمد عثمان ، ناهد :) فاتت عليه دي .. دليل آخر يضيفه لسلة المنهجة :)
مع اعتذاري الشديد لعصام وأخواته بضحك بس شر البلية ما يضحك

سلام للجميع ... و تحيات طيبات ...
رغم درجتي العلمية الرفيعة و التي قد لا تسمح لي بالتحدث دون حجاب مع عصام جبرالله و من هم علي شاكلته ... اتصلت بعصام في محاولة لانو نطلع بحاجة أحسن من البل الحاصل هنا و طريقة تناول الناس للموضوع .... الغريبة لقيت عصام و فهم عصام متقدم جدا عن فهم معظم الناس فيما يخص موضوع البوست و عدد أخر من البوستات اللي انبثقت من بوست ناذر ده ... القصة دي و علمي انو محمد عثمان لا يمانع في حوار حول الموضوع أدتني فكرة فكرة لفتح بوست مفاهمة و حوار بين محمد عثمان و عصام عما حدث و ما بعده و أنا ذاتي عندي قرايتي الخاصة للموضوع كتبت جزء منها في مقدمة البوست ده و ح اكتب الباقي في بوستي التاني اللي ما حا افتحو إلا بموافقة محمد عثمان و عصام جبرالله ...
المسالة قطعا ما مسالة نفرين إتشاكلو و عايزين نصالحهم ... و لا مسالة منو غلط في منو ... قد تكون دي بداية المسالة لكنها قطعا ما نهايتها و هو ما أود فتح بوست عنو إذا عصام و محمد عايزين ياتو لحوار....فيا حلوين ادونا خبر هنا بالله متي ما تكونو علي إستعداد ...

سنطاردكم بفهمنا المتأخر أنا وقيقراوى اينما وليتم وجوهكم فى هذا المنبر ..
المدهش حقا بالنسبة لى هو وجود فهم متقدم لحديث الرجل يا صاحبك !!

يا أميننا الذي أحببناه
كتبت:
الغريبة لقيت عصام و فهم عصام متقدم جدا عن فهم معظم الناس فيما يخص موضوع البوست
منو يا أمين البحدد سقف واطار انو الفهم متقدم او متاخر؟
وهل هنا تشير بطريقة غير مباشرة الي ان عصام جبرالله لانه اخ أمال وناهد وبالتالي زاوية نظره سيكون المدخل الفاصل الذي سنقيس عليه الحوار
وبأي معيار صار موقف عصام متقدم وبقية من شاركوا في هذا الخيط متخلفين؟

الموضوع المطروح لا يخص عصام او محمد عثمان بل هي حزمة من القضايا المتقاطعة:
وضع المراءة في المجتمع وكيف يراها الرجل وكيف ترى هى نفسها
علاقة المثقف بالسلطة
هيمنة الوعى الذكوري
اذن حتي لو تمت هدنة بين عصام ومحمد عثمان فستبقى تلك القضايا مفتوحة بواسطة (ذوي الفهم الغير متقدم)

مع عميق تقديري

يا ود المشرف
والله فعلا العربي صعب .. انا اكتب كلو دا واجي القاك مختصرني في سطرين
يعني كان فيها شنو هسع انا لو قريت مداخلتك دي قبال ما اكشح اسئلتي دي لامين ههههه

Quote: سنطاردكم بفهمنا المتأخر أنا وقيقراوى اينما وليتم وجوهكم فى هذا المنبر . . المدهش حقا بالنسبة لى هو وجود فهم متقدم لحديث الرجل يا صاحبك !!

بالضبط اذا كان هذف المطاردة هو ايدلوجي منبري. سنطارد معكم !
و اذا كان الهدف باسم الحق عله الاله يبطل مكركم بمكره !!
و ذا كان في العالم متسع من الحياة خارج هذا المنبر . فـواصل في مسعاك يا اميننا و إنّا سوف نطارد من يطاردكم !
و لتباركك مشيئة الرب !

غايتو جنس محن ... تخلو الكلام الكاتبو أنا بي يدى و تكنكشو في كلام أمين عن فهمو هو لى كلامى؟
و أكتر من كده , أنا فهمت كلام أمين مش عن الغثاء الكتبو محمد عثمان هنا , بل عن الخلاف القائم أصلآ بين كثيرين مع محمد عثمان في كل كتاباته في الشأن العام بما فيها كل هذا البوست .
عمومآ كلامى موجود فوق العاوز يناقشنى فيهو مراحب , أمين ياهو داك و مسئول من كلامو ...

أمين , زى ما مكتوب فوق و قلت ليك في التلفون أنا ما ماخد الموضوع شخصي , ده شأن عام و ما قاله محمد عثمان سببه و ما يترتب عليه برضها في العام ده , أى حوار حول المطروح مرحب بيهو بوجود محمد عثمان أو لأ , ده خياره هو, و عشان يكون واضح دى لا جوديه لا صلح لأن لا حوجه لها من ناحيتى , nothing personal ,

يا عصام
انا طبعا قاري اكثر من انني متداخل لكن شكلي دخلت شربكت نفسي ويحلنا الحل بلة (وجه مبتسم)
اتفق معك تماما يا عصام ان كلامك مكتوب وواضح وما فيهو عوج ولم نجد فيه ما يستحق المداخلة
لكن ما عارف ليه انت رديت بالانابة عن امين ؟؟
وبعدين نحن مكنكشين في كلام أمين دا لحدي ما يجي يقول لينا انزلوا هنا وامين اكتر زول بعرف ينزل كل واحد في محطته
والله ما كدا يا امين؟

تحياتي وتقديري لك ولامين

Quote: والله فعلا العربي صعب

يا شمس الدين !!
الكلام ده تقولو لى زول ما اغترب من سنة الفين وواحد فى جزيرة العرب !!..


..

لأمين "المقاوحة" فى علاقاتو الشخصية وقراياتو الغلط ..
ولنا الرماد !!

..
شوف جنس ناس هيثم ديل ؟!!
لا غيرتم ظروف ..
لا هزت محنة ..

وكأنهم يخرجون من صفحات كتاب ..
نضيفين كما الكلمات الانيقة ..
وأكون بذلك ود الحرام الوحيد !

شمس يا حبيبنا ...سلام ياخي ..و إنت وينك يا زول ؟!!

Quote: يا أميننا الذي أحببناه كتبت: الغريبة لقيت عصام و فهم عصام متقدم جدا عن فهم معظم الناس فيما يخص موضوع البوست منو يا أمين البحدد سقف واطار انو الفهم متقدم او متاخر؟

يا شمس ... كلامي عن إنو (لقيت عصام و فهم عصام متقدم جدا عن فهم معظم الناس فيما يخص موضوع البوست ) دي راي بخصني أنا غير ملزم لاي زول ... بديهي إنو كل زول فينا شايف إنو رايو أو زاوية شوفو للموضوع هي السليمة و إلا ما تبناها ... معيار التقدم في كلامي ده مقصود بيه مدي قرب فهم عصام اللقيتو لمن تكلمت معاهو لفهمي أنا للموضوع ...و بالطبع لا ادعي إنو فهمي هو الصحيح حقيقة... لكن - حسب قدرتي - أراه كذلك و من هنا جاء الحكم و المعيار ...

Quote: الموضوع المطروح لا يخص عصام او محمد عثمان بل هي حزمة من القضايا المتقاطعة: وضع المراءة في المجتمع وكيف يراها الرجل وكيف ترى هى نفسها علاقة المثقف بالسلطة هيمنة الوعى الذكوري اذن حتي لو تمت هدنة بين عصام ومحمد عثمان فستبقى تلك القضايا مفتوحة بواسطة (ذوي الفهم الغير متقدم)

و ده كلام سليم جدا ... أنا وضحتو و قلتو قبل ما تتفضل بكلامك ده .... أنا قلت (المسالة قطعا ما مسالة نفرين إتشاكلو و عايزين نصالحهم ... و لا مسالة منو غلط في منو ... قد تكون دي بداية المسالة لكنها قطعا ما نهايتها و هو ما أود فتح بوست عنو إذا عصام و محمد عايزين ياتو لحوار....فيا حلوين ادونا خبر هنا بالله متي ما تكونو علي إستعداد ... )
----------------

Quote: المدهش حقا بالنسبة لى هو وجود فهم متقدم لحديث الرجل يا صاحبك !!

طبعا في فهم متقدم و فهم متخلف لكل شئ يا محمد حيدر ... شيل الصبر بس ... كلو بنشرحو بالتفصيل كان الله هون ..
---------------
هيثم العميق

Quote: و ذا كان في العالم متسع من الحياة خارج هذا المنبر . فـواصل في مسعاك يا اميننا و إنّا سوف نطارد من يطاردكم !

هذا المنبر في غالبة لا علاقة له بما يحدث في الخارج و ده جزء كبير من مأساة هذا المكان !!

Quote: لأمين "المقاوحة" فى علاقاتو الشخصية وقراياتو الغلط .. ولنا الرماد !!

الراي الوحيد البذلتو في العام موجود في البوست ده ذاتو ... لا فيهو "مقاوحة " ... لا فيهو قراية ذاتو ... عشان تكون صاح ولا غلط !!!
مرحلة ترد علي كلام بوستو ما اتفتح دي مرحلة خطرة جدا يا دوك !!
-------------

Quote: أمين , زى ما مكتوب فوق و قلت ليك في التلفون أنا ما ماخد الموضوع شخصي , ده شأن عام و ما قاله محمد عثمان سببه و ما يترتب عليه برضها في العام ده , أى حوار حول المطروح مرحب بيهو بوجود محمد عثمان أو لأ , ده خياره هو, و عشان يكون واضح دى لا جوديه لا صلح لأن لا حوجه لها من ناحيتى , nothing personal ,

شكرا يا عصام ...

Quote: لأمين "المقاوحة" فى علاقاتو الشخصية وقراياتو الغلط .. ولنا الرماد !!

اعتذر عن الكلام ده ..
قيل بخلفيات ليست صحيحة .. وبشيء من الالفة

لا يمكن ولا يحتمل بحسب رأيك يا أمين ..
أن تتصل بقيقراوى مثلا وتلقى عندو فهم متقدم للمسألة ؟!

لا ..
الامور ليست كذلك ..
وليس كذلك يمكن الرد بان لكل شي فى الدنيا فهمين ..
فهم متقدم .. وفهم متأخر
وقد تم اكتشاف جينات الفهم المتقدم كصدفة جميلة عندما تم الاتصال بعصام جبرالله ..
وهى صدفة وجميلة جدا لان الاكثر بداهة ان يكون فهم جبرالله اكثر تخلفا مننا ..
ويا سبحان الله ..
طلع فاهم فهم متقدم ..
لانو اى حاجة فى الدنيا عندها فهم متأخر وفهم متقدم ..


يا أمين ياخ ما تحاول معاى ..
مافى فايدة نهائي ..
متأخر وسأكون أبدا فى المتأخرين ..

Quote: يا أمين ياخ ما تحاول معاى .. مافى فايدة نهائي ..

دي الزبدة ... أعدك بذلك !!

كتمتها يا أمين ..

وأنا بدوري حا أعمل لي بوست جديد نناقش فيه مسألة الفهم المتاخر والفهم المتقدم بين علو الإستدراك وتأطير الأدلجة، والنقاش حا يكون بينك وبين المشرف وقيقراوي حول الموضوع دا

شكرا يا أميننا الذى نحب ..
مقاربة خاطئة للتداخل وهناك الكثير من التفاصيل الجميلة فى الخاطر ..
لا حاجة هناك لبذل الوعود ..
والمداخلة الاخيرة كانت قد كتبت قبلا ..


..

المشهد يا عصام جبرالله ..
مشهد مؤسف جدا ..
لأن فى تصورى .. وأقولها صادقا .. أنى لم أحشد نفسى لنصب مشنقة لمحمد عثمان لا صالح لعصام فيها ..
هذا ما يفهم من كلامك للاسف ..

رؤيتى ..
أن التهكم من كل متجبر قوى ..
صيغة مناسبة للتعبير ..
بيد أننا نمتلك الوسائل الأخرى ..
ونمتلك الكثير من الموضوعية ..
ونفهم مسالكها جيدا إن مشيناها يا صديق ..
وتعلم ذلك يا عصام .. فكيف فاتك المشهد الواضح ؟!

سأواصل فى هذا البوست ..
هناك الكثير ليقال ..
وبالتأكيد مسألة المطاردة كانت مزاحا ..
ولا أظننى فى حوجة للاعتذار ..
سيكون ذلك وبالتأكيد كارثة !!

امين معليش كنا بكنتب في نفس اللحظة
توضيحاتك عن المعيار والحكم أقبله وهي تكفيني
ولكن ما لم استطع فهمه هو طالما انك توافقني ان القضية ليست قضية عصام ومحمد عثمان فلم استأذانهم او انتظار جاهزيتهم ؟
بل قد اتطرف قليلا بالقول .. لماذا اصلا الاتصال لتقريب وجهات النظر في قضية عامة وهم لا يملكان مفاتيحها؟
وهذا القول مع تقديري لمجهوداتك علي الاطار الشخصي
استحملني ايها الصديق

شكرا يا شمسنا ..

Quote: ولكن ما لم استطع فهمه هو طالما انك توافقني ان القضية ليست قضية عصام ومحمد عثمان فلم استأذانهم او انتظار جاهزيتهم ؟ بل قد اتطرف قليلا بالقول .. لماذا اصلا الاتصال لتقريب وجهات النظر في قضية عامة وهم لا يملكان مفاتيحها؟ وهذا القول مع تقديري لمجهوداتك علي الاطار الشخصي استحملني ايها الصديق

فعلا القضية قضية عامة متشابكة داخلة فيها قضايا كثيرة عامة ... لكن الموضوع ما بدأ كقضية عامة... الموضوع بدأ بكلام وجهو عصام لمحمد عثمان و محمد عثمان رد عليهو ... و الاتنين ديل - علي مستواي الشخصي - بهموني من هنا جاءت مبادرتي الشخصية و اتصلت بعصام ... و بمحمد عثمان .. و الغرض ما كان محاولة صلح خلف الكواليس رغم إنو الصلح بين أي اتنين أسهل مليون مرة بدون بوستات و كل زول يدخل خشمو ... الحاجة التانية و الأهم إنو كل ما حدث ... حدث في هذا المكان ... عشان كده النقاش الأصلي يجب أن يتم في هذا المكان ... اتصالاتي دي غرضها إنو الناس دي تتكلم مع بعض علي ارضية صلبة للنقاش عشان ما نرجع لمربعات نقاشات عامة تحولت لشتائم و كلام قبيح !!
------------
يا محمد حيدر ... نحن ما بينا اعتذارت ...
--------------

Quote: كتمتها يا أمين .. وأنا بدوري حا أعمل لي بوست جديد نناقش فيه مسألة الفهم المتاخر والفهم المتقدم بين علو الإستدراك وتأطير الأدلجة، والنقاش حا يكون بينك وبين المشرف وقيقراوي حول الموضوع دا

يا ناذر كلامك ده قولو لمحمد حيدر و قيقا ... الكلام المنفخ ده أنا ما بعرفو !!

حول موضوع البوست من جديد ..


المقالة ..

Quote: لم يكد الكاتب القصصي والمبدع د. بشرى الفاضل، حتى انطلقت تظاهرتان تتظاهران بمحبة الرجل ومعرفة فضل علمه وإبداعه. الطائفة الأولى هي طائفة المهتمين بالأدب والإبداع إذ رأت أن في فوز القصاص المخضرم استحقاقا قد يشكل محطة مهمة في سبيل التصالح بين التغيرات الكبيرة التي طرأت على المجتمع السوداني في مرحلة ما بعد الإنقاذ، والمبدعين. هؤلاء محقّون إذ أن الإنقاذ في سنواتها الأولى كانت من الغرور بمكان أنها محت الكثير من تراث هذه الأمة، ومنعت البعض الآخر، وحرّمت الكثير من الفنون، وحاولت في نهاية الأمر إنشاء ثقافة بديلة وتراث بديل! ترى من يتذكر الآن مهرجان الأغنية البديلة الذي كان ساحة لكلمات دعائية بألحان معروفة ومسروقة من ذاكرة الموسيقى؟ في تلك الفترة كان الفن هو فن منظمة نمارق، والشعر والنقد هما شعر ونقد علي محمد ياسين، والقصة قصة إسحق فضل الله والعمود الصحفي لعادل عبد الرحمن والوجه التلفزيوني كان ياسين عمر الإمام! في ذلك العهد كانت الأغنيات تقول: لو أكلنا الويكة برضو ضد أمريكا.. ولو أكلنا البامية برضو ضد بريطانيا! كتب حركي في ثوب ناقد فني حينذاك أن الطيب صالح لن يجد شيئاً يكتبه إذا سرق أحدهم من تحت وسادته ديوان المتنبي! حسناً، أن عاد للإنقاذ نصف وعيها وهيأت لها الظروف خالد فتح الرحمن الشاعر المجيد، والدبلوماسي الحاذق، فصالح بين البلاد ومبدعها الأشهر لنرى الطيب صالح في الخرطوم يصف قادتها بالأفاضل بعد أن كان يتساءل عن من أين جاءوا؟، ثم كرت مسبحة المصالحات فشهداء-سعداء- صاحب (فيزيولوجيا الطفابيع) اليساري يصافح النائب الأول شيخ اليمين، في مناسبة لا دخل لشيطان السياسة فيها على أن يبقى في القلوب ما وقر فيها. طائفة ثانية تظاهرت ضد قبول الرجل للجائزة، التي بدأت قوية لتكون جائزة رفيعة ، متظاهرين بمحبتهم للكاتب المثابر وهذه فئة مناضلي الكيبورد، الطفابيع الحقيقيون الذين تتصف أجسادهم بخاصية التطاول أو كما قال المبدع بشرى إن قاماتهم تطول إذا مروا بالبيوت ليروا ما بداخلها. الطفابيع ليسوا هناك بل هم هنا حولك يا بشرى. نشطاء فئة الكائنات الافتراضية على شبكة الإنترنت أرادوا أن (يمسّخوا) على المبدع فوزه المستحق فباتوا يلعنون الزمن ويطلبون من الفائز أن يبقى دون تكريم حتى يشكلوا هم حكومتهم المقبلة فيعيدون للأدباء المجد وللشعراء الدراهم. هؤلاء بدأوا يعايرون بشرى الفاضل بموقف صنع الله إبراهيم حين رفض جائزة مبارك للآداب في مصر قبل سنوات ونسوا أن صنع الله كان محقاً في سياقه إذ رأى أن قبوله لجائزة تحمل اسم مبارك الدكتاتور قد تشوه سيرته، بينما تقدم بشرى الفاضل بإرادته الواثقة للتنافس على الجائزة. أكبر أخطاء بشرى الفاضل أنه غامر بإبداعه مرة فتمازج مع مناضلي العالم الافتراضي وكتب عمود (في التنك) الذي يدغدغ مشاعرهم وهم يريدونه هكذا على الدوام، كاتباً يطربهم هم فقط!

على الصعيد الشخصى المكتفى بذاته ولذاته.. كان ليطربنى هذا الحديث كثيراً إذ يدخلنى ولو كصدفة تأريخية فى فسطاط المهتمين بالأدب والإبداع .. وسيماهم أنهم فرحوا لفوز الأديب والقاص والشاعر بشري الفاضل بجائزة أدبية وهم يحبونه ويعرفون فضله دون العالمين .. ولقد فعلت ذلك كله .. فرحت وأحببت وعرفت والحمدلله ..
الا أن الامر لم يتوقف عند ذلك .. وكأنه أفسد على زهو تلك اللحظة التى ولجت فيها الفسطاط فأضاف ..

Quote: إذ رأت أن في فوز القصاص المخضرم استحقاقا قد يشكل محطة مهمة في سبيل التصالح بين التغيرات الكبيرة التي طرأت على المجتمع السوداني في مرحلة ما بعد الإنقاذ، والمبدعين.

أمك !!

تصالح بين المجتمع والمبدعين !؟؟
فترة ما بعد الإنقاذ ؟!
واستحقاقات قد تراتبت نحو عافية مجتمعية لاحقة للتغيير السياسي الكبير .. فترة ما بعد الانقاذ !!

أوهكذا يري فسطاط الادب والابداع استحقاقات الجائزة ..
انتصار القيمة الجمالية للوجود فى ظل الراهن السياسي الحالى الداعم الحقيقى لهذا الاستحقاق الكبير !..

وبالتالى طلعت من قولة تيت بره الفسطاط ..
فأنا لم أكن على دراية كافية بمسألة مهمة جداً ..
أن البلاد تعيش الآن فترة ما بعد الانقاذ ؟؟

Quote: لو أكلنا الويكة برضو ضد أمريكا.. ولو أكلنا البامية برضو ضد بريطانيا!

فى الحقيقة ..
هذه أول مرة أسمع كلمات الأغنية ..
والحمدلله أن ولى زمانها ..
زمان سنوات الانقاذ الاولى ..
يبدو أنى لم أشهد سنوات الانقاذ الاولى بذات القدر الذى فاتنى ادراك نهاياتها ..
وكأنها ما كانت الا اساطيراً ..

وتملكتنى الحيرة مرات عديدة عند مروري بهذا المقال الهندى ..
فما أن لجمت جماح دهشتى أننا نعيش فترة ما بعد الإنقاذ .. حتى تصدمنى تماما شيزوفرينا الكاتب اذ يحمد ربه أن أعاد للانقاذ "نصف وعيها" ..
لا حولااااا
انتو قوم عاد ديل قامو تانى ولا شنو ؟!
وبنصف عقل يحمدون الله عليه كثيراً !!

Quote: ن عاد للإنقاذ نصف وعيها وهيأت لها الظروف خالد فتح الرحمن الشاعر المجيد، والدبلوماسي الحاذق، فصالح بين البلاد ومبدعها الأشهر لنرى الطيب صالح في الخرطوم يصف قادتها بالأفاضل بعد أن كان يتساءل عن من أين جاءوا؟، ثم كرت مسبحة المصالحات فشهداء-سعداء- صاحب (فيزيولوجيا الطفابيع) اليساري يصافح النائب الأول شيخ اليمين، في مناسبة لا دخل لشيطان السياسة فيها على أن يبقى في القلوب ما وقر فيها.

فى الواقع ..
ولدهشتى المدهشة فى روحها ..
فهمت أن خالد فتح الرحمن هو من صالح بين البلاد والطيب صالح ..
ولكن الذى لم أكن لأفهمه أبدا أن الطيب صالح كان على خصومة مع البلاد ؟!!
لماذا يخاصم الطيب صالح بلاده ؟!
انتو الطيب ده جن ولا شنو ؟!!!
الله يرحمو ..

لن ينتهى المقال الهندى وبالتأكيد عند مشهد المغادرة ..
وإن كان يمثل الذروة اذ يصيح البطل ببشري الفاضل

- الطفاااااابيع .. الطفاااابيع .. الطفااابيع ..... يا بشري الطفابيييع
وفى أسي حقيقي يضيف .. وبصوت واهن مخنوق
- الطفابيع هم من حولك يا بشري
الطفابيع ناسك
ناسك ..
ناسك آآآ بشري
الطفابييييي.........
ويسدل الستار ..

Quote: أمك !! تصالح بين المجتمع والمبدعين !؟؟ فترة ما بعد الإنقاذ ؟! واستحقاقات قد تراتبت نحو عافية مجتمعية لاحقة للتغيير السياسي الكبير .. فترة ما بعد الانقاذ !! أوهكذا يري فسطاط الادب والابداع استحقاقات الجائزة .. انتصار القيمة الجمالية للوجود فى ظل الراهن السياسي الحالى الداعم الحقيقى لهذا الاستحقاق الكبير !..

راجع آية الله حسن موسى وحسن اولئك رفيقاً يا مشرف
انت مش -كمثقف- لا تنقصك الا سوى عدم المكتبة هنا بس .. ؤعندك عضوية الفورسيزونس!؟

نحن لينا الله وعيشة السوق عاد ..
لا مكتبة لا عضوية الفورسيزونس .. و لا أدب ذاتو!
و امي جاية كريعات كمان!!

وطفبوع

ما عارف سر تمسكي بالحياة دا لي اسي سببو شنو ذاتو!!؟











-------

امين يا حبيب ألبي ..
لا يسعني الا ان اكرر مقولة ناذر العملت منها غمران دي (للضمان على النحو الذي فهمتها عليو انا) :

"كتمتها يا أمين"

و أشار الى [انصييييييييييحة ] المسكينة!!

سلامات للخت الكريمة رمانة
لووووووووووب (يا عملات دينا)
والله لو لحقنا مرقنا الكلام المغتغت فاضي و خمج من جوة الكراكير و الضهاري، ما بفضل زول هنا ..
كدي لخير كدا (كاتبنا) الهمام دا قبل ما يجي يأدبنا اليقرأ لاديبنا الطيب صالح السمو باسمو الجائزة دي كويييييس .. بس(بكسر الباء)

Quote: امين يا حبيب ألبي .. لا يسعني الا ان اكرر مقولة ناذر العملت منها غمران دي (للضمان على النحو الذي فهمتها عليو انا) : "كتمتها يا أمين" و أشار الى [انصييييييييييحة ] المسكينة!!

أجمل حاجة في مداخلتك يا قيقا كلامك البين قوسين ده : (للضمان على النحو الذي فهمتها عليو انا) لانك ببساطة فهمت غلط و بالتالي كلام ناذر لي رديت عليهو و ما عملت منو غمران !!
انتو يا اخوانا قصة محاسبتي بناء علي إستنتاج الناس دي طلعت موضة هنا ولا شنو ؟ ياخي ما ممكن تجي تكرر لي نفس كلام المشرف الانتهينا منو قبل ساعات .... كل القلتو في البوست ده سطرين أدنت فيهم كلام محمد عثمان لعصام و قلت حا أفتح بوست للناس دي تتناقش فيه برواقة و حا أقول فيه رايي كاملا
مرة تانيه يا قيقا : عليك الله ما تحاسبني علي استنتاجك لما ساكتب ... خليني اكتب و بعداك قلع جزمك الأسفيرية كلها اديني بيها علي راسي !!





------------
اللهم اني أشكو إليك محمد عثمان إبراهيم و عصام جبر الله و اخرين أعلمهم و تعلمهم يا رب العالمين !!

Quote: فما أن لجمت جماح دهشتى أننا نعيش فترة ما بعد الإنقاذ .. حتى تصدمنى تماما شيزوفرينا الكاتب اذ يحمد ربه أن أعاد للانقاذ "نصف وعيها" .. لا حولااااا انتو قوم عاد ديل قامو تانى ولا شنو ؟! وبنصف عقل يحمدون الله عليه كثيراً !!

تعرف يا حيدر دي من النقاط الما اتناولتها في مداخلتي الاولي الطويلة !
يلا انت مش متفاجئ من كلام محمد عثمان بتاع "نصف الوعي" -شخصيا شايفو عادي جدا بل و ربما صحيحا حسب الزواية التي تنظر اليها تطور دولة الجبهة الاسلامية - و هذه الطريقة في الكتابة بالنسبة لي هي من نوع (خيارات الكتابة و النظرة التاريخية لتطور الدولة ) و ليس من نوع (الكتابة السياسية ) التي تهدف الي غرض معين !
و اتوقع دهشتك حين تنظر اليها من منظور سياسي ! مثلا اذا نظرنا الي بداية الجبهة الاسلامية سوف نري ان ليس هناك اي اعتراف باي نشاط يسمي ثقافي و حتي تم حذف بعض اغاني الحقيبة ن التلفزيون !و منعت كل النشاطات السياسية منعا تاما و منعت الجرائد السياسية - و بالطبع يمكن القول بان هذا الانفتاح السياسي النسبي نتيجة للضغط و لعوامل كثيرة - لكن في النهاية يمكن اعتبارها عودة (نصف الوعي ) - وبالطبع عودة هذا النصف لا يعني ان الحكومة تسعي الي الافضل و لكن ثمة جديد هناك في التطور التاريخي للدولة او النظام - و حتي اتفاقية نفاشا يمكن اعتبارها عودة نصف الوعي ! و بالطبع يمكنك ان تقول مثلا هذه الاتفاقية لها عوامل كثيرة مثل الضغوط الامريكية او غيرها او لان النظام شعر بالاستنزاف و اصبحت الحرب مكلفة - اعني بغض النظر عن الاسباب فهي عودة نصف وعي ! ( تاريخيا و ليس سياسيا !!) عودة من غيبوبة الحور العين !
هل تصدق ان الدولة التي تتكالب علي الصلاة علي وردي و تزاحم اهله و اصدقاءه في التشييع - يمكننا ان نري ان هذا تغولا من الدولة في شخص يمثل وجدان السودان -هذه النظرة التي تتعامل بها الحكومة هي بغض النظر عن رأينا فيها في نظري عودة (نصف وعي !!) - و اعني ان النظام الذي يحاول سرقة وجدان الشعب هو في تجلياته البعيدة اعتراف من النظام باهمية هذا الوجدان !! و لكن بنفس الطريقة اذا كان لوردي ان يموت في بدايات الاتقاذ ربما كان للنظام ان تمنع حتي دفن الراحل وردي ! ناهيك ان تصلي عليه !! و ربما كانت طالبت بحرق جثمانه و اتهامه بالغناء !
و بنفس يمكننا الان ان نستنكر علي النظام تغوله علي جثمان وردي و هذا طبيعي و بالطبع اذا كتب شخص يشكر النظام او يقول ان الدولة عاد لها نصف وعي بتبنيها الحدث ! لا يمكن ان يفهم مثل هذه الكتابة سياسيا !! - و اعني بغض النظر عن موقفنا من سلوك النظام لكن لكل ما تفعله الدولة لها مدلول تاريخي في (وعي ) النظام
و بالطبع عودة (نصف الوعي ) لا يعني ان النظام لا يمارس الان البطش ضد الفن او الفنانين ! و لكن تقرير الحالة كما جاءت في مقال محمد عثمان لا يعني بالضرورة انه يمجد سياسيا الوضع الراهن ! كما هي الحالة اذا قرئت مقالته سياسيا !
و لكن الوعي السياسي المعارض حاليا لا يري اصلا اهمية لتقرير الحالة(حتي من باب القراءة التاريخية )و التي قد تبدو له و كانه هدهدة للنظام !

شخصيا اقرا كثيرا لمحمد عثمان من زوايا متعددة و ليس من زاوية الكتابة التي تريد ان تسقط النظام و احترم جدا نوعية هذه الكتابة بل في نظري كتابة جديدة و حتي لو تراءت و كأنها خانعة او تتملس باهداب النظام كما يقال دائما -و اتفهم جدا الهجوم السياسي علي كتاباته و لكن الشئ الذي لا اتفهمه ان محمد عثمان نفسه فيما يبدو لي لا يتفهم احيانا كثيرة نظرة السياسين المعارضين الي كتاباته و يقيني انه هو شخصيا عندما كان في جبهة القتال لو اتي به شخص بنفس مقالاته ربما اودعه طريحا برصاصة !

و للحديث بقية

شايف الناس بقت تشرح نواياها
ودا مؤشر ما كويس .. أخير الواحد يتخارج!!







_
مع الإعجاب الشديد بما ناله (المشرّف) من بل!!

وفي ظل هذه المرحلة التاريخية من (شرح النوايا)
داير أسأل سؤال ياخ:
هل الواحد بحتاج إنو يأكد على الود والاحترام
والكلام دا كلو بعد كل فترة أو بوست أو منعطف (مبلول)؟

يعني مثلا البروف أمين أبو نظريات دا
لو جيت يوما ما و(بلّيتو) هل دا بيدل
على إنو المحبة أو الاحترام أو المودة
أو الأي حاجة البيناتنا فيها حاجة نقصت أو اتغيرت؟؟

المشرف يأسف كثيرا لما ناله من "بل" يا ود الصائم ..
ونعم ..
هناك من يستحق أن تشرح له النوايا تشريحا ..
وأمين محمد سليمان من هؤلاء كما أظن ..

اتبليت من حيث لم أحتسب ..
والبزعل انو أمين مقتنع انو حسم الموضوع قبل ساعات ..
والصحيح أنى تجاوزت وبمزاجى الموضوع قبل ساعات ..
وتلك مواضيع قد خلت ..
وإن كنت أعانى نفسيا واسفيريا من تداعياتها ..
ولكن التجاوز قيمة كبري وإحتمال ..

ايييييه يا قيقراوى ..
صاحبك اتبل لمن طفبع ..


تعرف يا ودالصايم ..
ما كنت أحسبنى أحيا الى زمن أشرح فيه النوايا ..
وهى النوايا البشروحها دى .. كيفن تبقى نوايا ؟!


بوست بله ..
قدر ما فكرت اتداخل فيهو غلبنى ..
ويتحدث عن قطيع ذكورى ومشانق ..
شوية شوية حيصل لى النتيجة المنطقية أن أشباهنا هم من جعلوا هذا المكان طاردا للاقلام الرفيعة !!
غايتو رفقة قيقراوى دى رفقة التابانى واليابانى !!

هيثم يا صديقى ..

عندما قلت بعاليه أنك تبدو نقيا جدا وكأنك خارج للتو من صفحات كتاب فلسفى ..
كنت أعنى ذلك تحديدا ..

استقراء المقال الصحفى لا يمكن أن يتم بدون محاكمة الفكرة السياسيه او الاجتماعية ..
وأما جودة اللغة فهى مجرد أداة .. "عدة شغل" شغل كما يقولون ..
ومن الجيد امتلاك "عدة شغل" جيده ..

لاستقراء ما يكتبه الصحفى فلان أو علان ..
يجب المرور بنقطتى استقراء ..
الأولى ترتبط بالمقال محل القراءة ..
والثانية بالكاتب ومنتوجه القديم/المستمر أو مشروعه الفكرى الذى يحاول التبشير به ..
وبذلك استبعد منتوجه المنقطع أو تجاربه البائدة ..
ثم ولا مانع أبدا من إختلاف الآراء حولذاك ولكن ..
وفى يقينى يا هيثم ..
لا يجب الاستناد فقط على العلاقات الشخصية وتوسم الخير والدهشة من جودة الكلام الفاضى وخمج..

حول مسألة التجارب البائدة والمستمره ..
انظر وانتبه للصادق اسماعيل يا هيثم فى هذا المجال وضع ذلك فى مقابل مقالات المحتفى به هنا محمد عثمان ابراهيم ..
لا أدعو لأن نكون بلا ذاكرة ..
أدعو أن ينتبه الناس للمكنيزمات الصحيحة لعمل الذاكرة ..


هذا كل ما هنالك يا صديقى ..

Quote: تعرف يا ودالصايم .. ما كنت أحسبنى أحيا الى زمن أشرح فيه النوايا .. وهى النوايا البشروحها دى .. كيفن تبقى نوايا ؟!

ديس إز ذا بوينت!!

من واقع علاقات اسفيرية فى البال تسائلت يا ودالصايم ..
هل كان البروف أمين يتوقع من "ناسو" دعم مسيرة "المطايبه" ..
وهل خذلناه فى ذلك وبحيث تجاوزنا خطا أحمر يوجب علينا ال "بل" شرعاً ؟!!..

فى الواقع لا يعنينى تراجع أو مراجعة الكاتب الصحفى عن أقواله ..
لا يعنينى ذلك الا فى اطار مراجعتى لاقوال قريبى "ود الباوقة" و "محمد فرح" !!..
لا أكثر ولا أقل ..

..
هناك قيمة مضافة لود الباوقه .
يعجبنى حسه الفكاهى جدا !!

المشرف .. أعجبني استشادكـ بـ (الشرم برم)!!




البروف في أمر جلل يعلم الله!
فـ.. الـ (بال) و(المبلول) يتساويان
لديه ـ أو هكذا أزعم!! ودا موقف
سخيف وبايخ جدا الزول يكون فيهو!!

Quote: (بال) و(المبلول)

والمبلول به يسهر الخلق وراءه ويختصموا ..

Quote: أجمل حاجة في مداخلتك يا قيقا كلامك البين قوسين ده : (للضمان على النحو الذي فهمتها عليو انا) لانك ببساطة فهمت غلط و بالتالي كلام ناذر لي رديت عليهو و ما عملت منو غمران !! انتو يا اخوانا قصة محاسبتي بناء علي إستنتاج الناس دي طلعت موضة هنا ولا شنو ؟ ياخي ما ممكن تجي تكرر لي نفس كلام المشرف الانتهينا منو قبل ساعات .... كل القلتو في البوست ده سطرين أدنت فيهم كلام محمد عثمان لعصام و قلت حا أفتح بوست للناس دي تتناقش فيه برواقة و حا أقول فيه رايي كاملا

دي بدرسودها في مرحلة البروفية ول كيف!؟
صراحة نحن العنقالة ديل ما ادونا ليها لسة

لو فهمت كلامي على انو محض تكرار لما حسمتو مع وافحمت بيو المشرف ..
يبقى ياخ اقلو كان تقول بقولي العجبك اعلاه
المافي شنو؟
دبجيك للتفاصيل بعدين كان ربنا هون

يا مشرف .. إعادة تدوير كلمات لا أكثر ولا أقل!!

(بلّوهو) وجرّحوا سمعتو!!
و(بالـ)ـهنا والشفا





_
قيقا بيأذن في البورض* .. والله صحي!!

وانت لاقى يا قيقراوى تقول كلام محض تكرار لى كلامى !!!!
البسمعك كده يقول عندك مكتبتين لا واحدة ؟!!
المافى شنو ؟!

انا ما معترض على اني اكون نسخة (مكرورة) ومملة ذاتو من ود الصايم
لكن كمان ما تظهرونا بمظهر الما بلتزم بالفرمان البصلي السامي بتاع الاكتفاء بالتوقيع ياخي!


البروف احبطني كلو كلو
حالتي عامل برفان بتاع توم








-------

ساعود

وكان ما عدت اعرفوا اني انتحرت بسبب مطالب حلب التور دي!

ذاتو انا الجابني شنو بعد ما اتلاشيت كان ما طفبعة مني ساي

نواصل مع البروف

Quote: حالتي عامل برفان بتاع توم

صراحة كمان معاهو رشة كلونيا شمار*
المافي شنو هو!؟

يا امين ياخي انا مدخلي فني/ادبي .. أي (نقدي) يعني زي ما بتقولوا انتو في مجالسكم الماركيزية الرفيعة

تعال معاي شوف محمد عثماننا شوه النص دا كيف :

Quote: فيزيولوجيا الطفابيع الطفابيع كائنات خاطفة نوعين فهي شبه بشرية شبه حيوانية .هم الحلقة المفقودة دون شك. لكن العلم الحديث لا زال يتعامل معهم كبشر. إذ لو لم يتعامل معهم كبشر كانت ستكون هناك اشكالات قانونية تربك جمعيات الرفق بالحيوان ومثيلاتها التي لا تتحدث بمثل هذه الوصاية فتقول الرفق بل تقول حقوق الإنسان.الطفابيع موجودون في كل ناحية على وجه الأرض لكنهم في العقود الأخيرة تكاثروا في البلاد التي حاضرتها القصبة.وهم قدماء فقد اكتشفهم باحث مجهول قبل الميلاد. وقيل ظهروا في التجمعات البشرية الأولى لكن هذا القول لا سند له إلا الحدس والتخييل. غاية الأمر إن الطفابيع عاشوا منذ فجر الانسانية بين البشر واختلطوا بهم ولهم حقد دفين عليهم .وللطفابيع قدرات هائلة على التخفي في الأجناس والأديان.والأخيرة بيئتهم الخصبة وثمة شواهد تدل عليهم إذا أعملنا النظر في تكوينهم الجسماني والنفسي يطولون فجأ. حكى عابر السبيل معتصم فقال كنت سائراً في العقبة التي تربط بين قريتنا وقرية تمري حين ابصرت شخصاً يسير أمامي وما ان ابصرني حتى تباطا في سيره فحاذاني. حين أقريته السلام رد بجملة سلامية طويلة مجلجلة لا ادري لم خيل إلي انه تفوح منها رائحة النحاس.وسرعان ما أدركت أن عباراته تلك كانت خالية من أي معنى. كان كمن يسمع نصاً حين رددها. سرنا مسافة طويلة سوياً أنا صامت ابحث عن مفتتح جملة للحديث معه بهدف أن أبدد مخاوفي وهو ينظر للبعيد كأنه يحادث الجبال . وحين لمحته خلسة رأيت فراغاً هائلاً في عينيه . ويبدو أنه أحس بنظرتي إذ ان ذلك الفراغ اختفى فجأة وعادت عيناه لحالتهما الطبيعية . طفق يسالني عن سعر السمسم في هذه المنطقة التي لم تسمع باسم هذا المحصول حتى. وسألني عن محاصيل لم اسمع بها أنا نفسي الذي يسمونني في بلدتي السندباد.كان كمن يستجوب. ما ارتحت للرجل لكنها رفقة على أية حال. عند مشارف تمري تمتم الرجل بشيء لم أفهمه فخلته يودعني لكنه استدار وطال فجأة حين اقتربنا من أحد الاسوار. طال بقامة خلعتي ومن جديد رأيت الفراغ في عينيه وقبل ظهور فزعي انحنى من فوق السورعلى أشخاص يبدو أنهم كانوا داخل البيت وسمعت صوته كالرعد - ما قلنا الحركات دي تبطلوها. والتمعت السماء فوقي فرايت فأساً مكان يده اليمنى تقطر دماً . طبعاً جريت لا الوي على تمري وعند منحنى الطريق رأيت الكائن وقد عاد لحالته الطبيعية وهو يصيح خلفي -تعال ما تخاف جريت وجريت . كنت كتلة من الخوف .واعتصمت بآية الكرسي .ومن يومها كلما أحكي هذه الواقعة لا يصدقني أحد رغم أن المنطقة كانت حتى عهد قريب تضج بقصص السحاحير الذين يخرجون من النيل . جريت جريت قال معتصم ولا زلت حتى اليوم اجري من ظلي حين أسير وحيداً . (المبدع) د. بشرى الفاضل

Quote: طائفة ثانية تظاهرت ضد قبول الرجل للجائزة، التي بدأت قوية لتكون جائزة رفيعة ، متظاهرين بمحبتهم للكاتب المثابر وهذه فئة مناضلي الكيبورد، الطفابيع الحقيقيون الذين تتصف أجسادهم بخاصية التطاول أو كما قال المبدع بشرى إن قاماتهم تطول إذا مروا بالبيوت ليروا ما بداخلها. الطفابيع ليسوا هناك بل هم هنا حولك يا بشرى. نشطاء فئة الكائنات الافتراضية على شبكة الإنترنت أرادوا أن (يمسّخوا) على المبدع فوزه المستحق محمد عثماننا

حولاااااا
شوف سطّح الصورة كيف!؟

اولن قوله [الطفابيع الحقيقيون] مفارق و مشاتر، و فاتك ذائقة فنية و بأي خيال!
حقيقيون كيف يعني!؟
وهل تبقى قيمة فنية للنص بعد يطلعوا (حقيقيون)!؟

والله لو عرفت وصف الطفابيع بنطبق على منو بتضايق كلو كلو ..
في تقدير (الطفابيع) كائنات استثنائية في زمن استثنائي ..
بطولوا لسبب غير معروف (فسيولوجيا/الكيفية) لكن عشان يتحشروا و يتحكموا في حياة الناس :

Quote: عند مشارف تمري تمتم الرجل بشيء لم أفهمه فخلته يودعني لكنه استدار وطال فجأة حين اقتربنا من أحد الاسوار. طال بقامة خلعتي ومن جديد رأيت الفراغ في عينيه وقبل ظهور فزعي انحنى من فوق السورعلى أشخاص يبدو أنهم كانوا داخل البيت وسمعت صوته كالرعد - ما قلنا الحركات دي تبطلوها.

مافي اي مقارنة بين نص (المبدع) و نص (الكاتب) العاوز ينال من الناس هنا و السلام!!
كدي عليك الله تأمل بؤس الخيال في نص محمد عثمان .. ما عندو أي معنى او قيمة ..
بل هو تشويه لنص جميل ما اكتر.

زي الزمن الاستثنائي البكون فيو زول زي د. بشرى الفاضل مجرد (محرر عادي) في جريدة (والعهدة على حسن موسى) ..
و الطفابيع (كتاب) عديييل!
دا تطاول الطفابيع.

دا مدخلي .. فما تشبهني ساي بالله

وزي ما شايف انومدخل (أدبي) .. ول شنو!؟
قلة الادب و التطاول على الناس ما بتشكروا بيها .. بل الادب هو القاسي وعاوز مجاهدة، و عنت و كبح جماح حظ النفس!
اي زول عندو باسوورد .. وقادر يطلع من اطارو القيمي و المفاهيمي .. ويرمي حسو الانساني بعيد
المافي شنو!؟

صدق ما هاميني لا عصام لا محمد عثمان .. ولو ولعوا بجاز اسي ما ح يكلفوني اكتر من الفاتحة!
والله صحي

انا بشوف انو دا ابتذال للصراع الهنا لمن يقصر عليهم
البوست دا دق مليون ناقوس خطر ..
لكلٌ الحق في تناول ما يليه و يهمه منو ..
وما من حق اي زول يصادر حق غيرو .. في انو يرى بعيونو هو











-------

* الشمار :

Quote: قريبا على هذه الشاشة " شرح السروال " فترقبوه!

http://sudaneseonline.com/forum/viewtopic.php?p...d1df907c4c22f18ee2b2

والله يا قيقا انت بعد مداخلتك اعلاه
جدير تماما بان تكون من يلبس السروال في هذا البوست

ومن يلبس السروال في البيت او كما شرح شيخي حسن موسي
هو الامر والناهي في البيت او كما يقول الفرنسيين
وبالجدعة العملتها في مداخلتك اعلاها اعدت البوست الي مدارات التنوير والكلام الممكن يجيب حتي ولو كاس من مريسة تام زينو...

وسنتاوق

والله يا قيقا انت بعد مداخلتك اعلاه
جدير تماما بان تكون من يلبس السروال في هذا البوست

ومن يلبس السروال في البيت او كما شرح شيخي حسن موسي
هو الامر والناهي في البيت او كما يقول الفرنسيين
وبالجدعة العملتها في مداخلتك اعلاها اعدت البوست الي مدارات التنوير والكلام الممكن يجيب حتي ولو كاس من مريسة تام زينو...

وسنتاوق

Quote: وسنتاوق

المافي شنو!؟
ما طفبوع .. (والعهدة على محمد عثماننا)















--------

الله يجازي محن عمك حسن موسى دا ياخي ..
تعرف امس بس انتبهت ليها في فيلم امريكي ..

زمني دا كلو ما كنت ناقش يعني شنو ..
بحسبا ليك في قلة ادب الامريكان البترجموها لينا :

"تباً لك"
"اذهب الى الجحيم" دي ساي و الله!!

من يلبس السروال في "هذا" البيت ... وليس (في البيت) سليقة كدا ... القصة فيها تحدي كمان ...

(في فرق بين "البيلبس السروال في البيت منو؟" و "البيلبس السروال في البيت دا منو؟")

انتو حسن موسى دا لا معانا هنا لا بينشر كتاباتو دي - باستثناء صحيفة جهنم وشهرزاد ومنشورات خاصة حسن موسى - انتو دايرين تقرّونا سودانفورسم (Sudan-4-Some) بالقوة؟

احترموا مواقفنا مرة مرة ...

هسى تلقى المؤجج الصراع حول فوز بشرى الفاضل بالجائزة دا سيدكم حسن موسى دا ظاطو ....

عالم مكرورة وممجوجة ومملة ... ما قلنا ليكم تبطّلوا الحركات دي؟




... المهم ....