أزمة المياه هل ستكون (بو عزيزي) السودان الذي سيطيح بالنظام ؟؟!

عندما نفد صبر سكان مربع 15 في جبرة من تطاول أمد إنقطاع المياه (ومربع 15 لمن لا يعرفه من المربعات التي لا تطل على الشارع الرئيسي بل هو مربع داخلي بين بقية المربعات) .. تجمهروا في أحد الميادين وبحكم المكان لم يستمع إليهم أحد فزحفوا صوب الشارع الرئيسي ليوصلوا إحتجاجاتهم للمسئولين ، .. الجدير بالذكر أن المربعات التي تقع شمال شارع الإسفلت (مربع 15 يقع جنوبه) ، كانت في ذلك الوقت مواسيرها ممتلئة بالمياه فما كان من أصحاب المساكن والمحلات التجارية إلا أن أخرجوا خراطيشهم وفتحوها صوب المحتجين لينهلوا من الماء الوفير ويعبوا قواريرهم وأوعيتهم ..

وهذا المشهد ليس بجديد على أهل السودان المعروفين بتكافلهم وكرمهم ولكن ما الجديد ؟!

الجديد أن البعض تنبهوا لأول مرة لخطورة ما يسمى بعدادات الدفع المقدم للمياه والتي أوقف الوالي تركيبها في الأحياء السكنية لمزيد من الدراسة .. ففي ظل الوضع الإقتصادي المتردي وغلاء المعيشة الضارب اطنابه في كل المساكن بلا إستثناء .. ومع زيادة الأعباء المتوقعة في حال تركيب عدادات الدفع المقدم تلك .. فبكل تأكيد سيكون رب الأسرة ملزماً لأن يضع خارطة تقشفية ضاغطة لإستخدام المياه في المنزل .. ربما تتضمن إلغاء وإبادة اي شجيرات موجودة في حوش المنزل أو خارجه لعدم وجود مياه لسقايتها وربما إجراءات أخرى متطرفة كتحديد أزمان بعينها للإستحمام وإستخدامات المياه الأخرى في المنزل ..!

فهل كان سكان المربعات المتاخمة لشارع الإسفلت سيعرضون المياه بتلك الكثافة والصورة التي حدثت لو كان في منازل هؤلاء ذلك الإقتراع المسمى عداد الدفع المقدم والذي يتربص بكل موروثاتنا وعاداتنا السودانية للإطاحة بهاوقتل النخوة في أعماقنا!!

و الله يا ناذر أنا ما مزعلني شيئ

الا الحالة الخلت النسوان يمرقوا الشارع

الظاهر قنعوا من الرجال اللي لي هسه ما في واحد فيهم شايف عوجة رقبتوا

عليك الله دا حال شنو؟ الرجال قاعدين في البيوت و الكوره و المسلسلات و النسوان يمرقوا و يضربهم البوليس؟؟؟

دا حال شنو دا؟؟؟؟

من فوائد تلك الإحتجاجات وازمة المياه هو التأكيد مقدما على فشل عدادات الدفع المقدم للمياه حيث انه حتى لا فائدة للمزيد من الدراسة التي ذكرها الوالي عندما أمر بإيقاف تركيب تلكم العدادات ..

غريب أمر هذه الخرطوم ..!! تدفع المياه مقدما ثم لا تجدها !! وتشتري الكهرباء مقدما وعندما تود إدخالها في رقم العداد تكتشف ان التيار مقطوعا وأنك لن تستطيع تغذية كهربتك التي اشتريتها بحر مالك .. فتضطر للإنتظار حتى حضور الكهرباء .. وعندما تأتي الكهرباء وتغذي عداداك يقطع التيار مجددا بعد أن يكون قد ابتلع ما يفترض أن يجعل الكهرباء حاضرة ..!!

سلام محمد الفكي ..

Quote: و الله يا ناذر أنا ما مزعلني شيئ الا الحالة الخلت النسوان يمرقوا الشارع الظاهر قنعوا من الرجال اللي لي هسه ما في واحد فيهم شايف عوجة رقبتوا عليك الله دا حال شنو؟ الرجال قاعدين في البيوت و الكوره و المسلسلات و النسوان يمرقوا و يضربهم البوليس؟؟؟ دا حال شنو دا؟؟؟؟

النسوان ديل أكتر المتضررات من إنقطاع الموية .. لأنهم قاعدين في البيت اليوم كلو وإستعمالم للموية متواصل للطبخ وغسيل الاواني والملابس ومسح ورش الأرض ..

بس صراحة طلعتم زي ما قلت عملية ما ظريفة ومحرجة للرجال والشباب ...

يا ناذر ....

أنا ما محمد الفكي

على أولياء أمورنا ان يفهموا أن المياه خط أحمر ... وإذا كان بو عزيزي أطاح بالنظام التونسي بعد حرقه لنفسه بسبب صفعة .. فإن عشرات ومئات السودانيين مستعدون لحرق أنفسهم إذا كانت أجسادهم المتفحمة هي الشرارة التي ستجعل المسئولين يعيدون المياه للمواسير والحنفيات ليرتوي الأطفال والرضع والشيوخ والمرضى والزرع والضرع ..!..

سلام مالك ..

Quote: يا ناذر .... أنا ما محمد الفكي

معليش .. الظاهر سلوك فيوزاتي ملخبطة شوية مع ازمة الموية دي .. ..

سيتم التعديل ..

Quote: غريب أمر هذه الخرطوم ..!! تدفع المياه مقدما ثم لا تجدها !! وتشتري الكهرباء مقدما وعندما تود إدخالها في رقم العداد تكتشف ان التيار مقطوعا وأنك لن تستطيع تغذية كهربتك التي اشتريتها بحر مالك .. فتضطر للإنتظار حتى حضور الكهرباء .. وعندما تأتي الكهرباء وتغذي عداداك يقطع التيار مجددا بعد أن يكون قد ابتلع ما يفترض أن يجعل الكهرباء حاضرة ..!!

المويه جات املو الباقات هسع بتقطع

سلام يا ناذر

مع الموية الشافتها عيني في الصور دي

العدادات ما بتشتغل ولو اشتغلت ما بقدروا إقروها


غايتو عندنا ممكن تكون بنت عزيزي أو أم عزيزي

بو عزيزي دا عندنا انتهى زمان

Quote: بو عزيزي دا عندنا انتهى زمان

ياناذر نحن عندنا كتبة من بو عزيزى دا وماحصلت حاجة

تتخيل مطرة هسا دى انضف من موية الماسورة

تحياتي ياناذر
وضيوفكم الأعزاء
أزمة المياه شيء مخجل ويدعو للغثيان نحن لسنا في بقاع الجزيرة العربية ولا تخوم صحارى شمال أفريقيا ، والخرطوم ليست إلا منطقة واحدة من عدة مناطق عانت العطش بعد مجيء ثورة اللا وطني .....البطانة ، دارفور ، كردفان ، شرق الله البعيد ، الجزيرة ، النيل الأزرق ، النيل الأبيض كلها مناطق تعاني العطش ... ودفعوا أضعاف مضاعفة من الوقت والجهد والمال مما يدفع المواطن بالخرطوم .....
مؤكد وثابت أن الحكومة الحالية لا تملك حلا لمشاكل المياه لا بالخرطوم ولا خارجها ، مؤكد وثابت كذلك كل من يخرجه العطش أو الجوع من منزله سيكون خارجا عن القانون والملة الشيطانية الحاكمة بأمر الله تعالى كما يزعمون ... على سكان الخرطوم الخروج ليل نهار ليست من أجل الماء الصالح للشرب فقط ، بل من أجل حياتهم وشرفهم وحريتهم ، إما أن تكون أو لا تكون ... البوعزيزي لم يكن يعاني العطش والجوع البتة ....
الله يكون في العون ...
الشفيع ابراهيم

Quote: أزمة المياه هل ستكون (بو عزيزي) السودان الذي سيطيح بالنظام ؟؟!

ولما لا...؟؟؟

Quote: فما كان من أصحاب المساكن والمحلات التجارية إلا أن أخرجوا خراطيشهم وفتحوها صوب المحتجين لينهلوا من الماء الوفير ويعبوا قواريرهم وأوعيتهم .. وهذا المشهد ليس بجديد على أهل السودان المعروفين بتكافلهم وكرمهم ولكن ما الجديد ؟!

با قيلك يا ناذر كان ركبوا الجمرة الخبيثة تاني ده بيحصل؟؟؟



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: من أجل الماء الصالح للشرب فقط

Quote: من أجل الماء الصالح للشرب فقط

Quote: من أجل الماء الصالح للشرب فقط

*****
منذ عهد قديم وناس هيئه المياه مبرراتهم واحده وواهيه ّ!!!!!!
اتمنى ان يكونوا شرفاء مهنه ويعتزلوا او يقالوا !!!!

Quote: غريب أمر هذه الخرطوم ..!! تدفع المياه مقدما ثم لا تجدها !! وتشتري الكهرباء مقدما وعندما تود إدخالها في رقم العداد تكتشف ان التيار مقطوعا وأنك لن تستطيع تغذية كهربتك التي اشتريتها بحر مالك .. فتضطر للإنتظار حتى حضور الكهرباء .. وعندما تأتي الكهرباء وتغذي عداداك يقطع التيار مجددا بعد أن يكون قد ابتلع ما يفترض أن يجعل الكهرباء حاضرة ..!!

والله يا ناذر أنا االمحيرنى العداد دا تشتريهو بقروشك من ناس الكهرباء و تدفع عليهو ايجار شهرى وهو ملك ليهم!

لا تتأمل..

سلام يا ناذر ..

والله العظيم ده شئ محزن ومقرف جداً ..

معقولة مدينة وعاصمة لدولة فيها نيلين جارين طول السنة .. والمواطن يكون ما لاقي فيها موية نضيفة..

ده دليل واضح جداً على فشل المسؤولين والحكام .. وأكيد هم قصورهم مزودة بكل وسائل الراحة ..

والموية عندهم جارية ونقية كالكريستال .. يبقى كيف حيحسوا بمعاناة المواطن العادي .. كيف؟

ولو عندهم شوية إحساس .. ما يقدموا إستقالاتهم .. لكن يعلقو مشانق في ميدان عام .. ويشنقوا أنفسهم ..

ودي ثقافة موجودة في اليابان .. المسؤول الفاشل .. ينتحر لإحساسو بأنه خذل المواطن العادي ..

وعندنا المسؤول الفاشل تتم مكافأتو وترقيتو ..

شئ مؤسف ومقرف ..

اللهم لا نسألك رد القضاء .. ولكن نسألك اللطف فيه .. ولا حول ولا قوة إلاَّ بالله ..

والله يا ناذر الواحد قدر ما يقول يصبر ويطلب من الله انة الحال ينعدل

يلقى انة طلباتة كترت مرة يطلب انة الحال ينعدل فى الطماطم ومرة يطلب فى الكهرباء

ومرة يطلب فى الخدمة العامة مرة يطلب فى السياسة واسى اساس الحياة الموية برضو الناس تطلب فيها

من المولى عز وجل انة يعدل الحال ....... الحكومة دى قاعدة بتسوى فى شنو ؟؟ ونهر النيل دة قاعد يسوى فى شنو؟

والمسؤلين ديل قاعدين يسو فى شنو ؟؟

الشكر لجميع المتداخلين ..

سأعود مرة أخرى للتعقيب ...