Post: #1
Title: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-19-2011, 04:54 PM
Parent: #0
تبعاً لرواية البوردابي عمر صديق بحسب مصدر غير بوردابي موثوق به داخل المؤتمر الوطني ؟!!
|
Post: #3
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: osman righeem
Date: 05-19-2011, 05:06 PM
Parent: #2
يمكن الراجل غير رأيه
او نوع العمله ما كان متفق غليه
|
Post: #4
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: عمر صديق
Date: 05-19-2011, 05:09 PM
Parent: #3
ناذر سلامات
ياخ ما كان تصبر شوية لحدي ما يجي بيناوي الاسبوع القادم ويرش المناضلين ديل !!!!!!!!!!!!!!!!!
|
Post: #5
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-19-2011, 05:17 PM
Parent: #4
سلام عثمان :
Quote: يمكن الراجل غير رأيه
او نوع العمله ما كان متفق غليه |
أنا أول ما قريت الخبر دا في حراس قايل الكاتبو صلاح غريبة ..!
عملت لفيت يا بتل لقيتو ياسر بيناوي !!
إنت ياسر دا كان تبعكم يا رغيم ولا كان شايت علي وين ؟!
|
Post: #68
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: محمد الامين محمد
Date: 05-20-2011, 08:43 PM
Parent: #5
الفرق بينهم شنو
كلهم عند العرب صابون
من شمولي الي شمولي
شبهينا والتلقينا
|
Post: #6
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-19-2011, 05:22 PM
Parent: #4
سلام عمر ..
| Quote: ياخ ما كان تصبر شوية لحدي ما يجي بيناوي الاسبوع القادم ويرش المناضلين ديل !!!!!!! |
يعني الخبر صحيح !!
وهو جاي مالو قايم سداري كدة طوالي داير يرش ؟!!
خليهو يقعد في المقعد المثلث شوية كدة ويرجع البدال حركة ورا وما يتشنج !!
البيجي قايم سداري في المنبر دا واحدة من إتنين :
يا زاد الدواس في البدالات وجا طاير فاكي الزراير من غير يعمل حسابو يقوم يفوت ويطلع بي هناك !!
يا كمان داس بالغلط على فرملة اللستك القدام وإتنفنقل !!
في واحدة تالتة :
يا كمان ما حسبا صاح ومقعد العجلة المثلث يشوف شغلو معاهو !!
|
Post: #7
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: osman righeem
Date: 05-19-2011, 05:27 PM
Parent: #6
| Quote: إنت ياسر دا كان تبعكم يا رغيم ولا كان شايت علي وين ؟! |
قاليك يساري يا ناذر
يعني شايت في شارع المك نمر نواحي جوته وحليوه
و من لف لفهم
كيفك ناذر
|
Post: #8
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-19-2011, 05:50 PM
Parent: #7
سلام عثمان رغيم ..
Quote: قاليك يساري يا ناذر
يعني شايت في شارع المك نمر نواحي جوته وحليوه
و من لف لفهم
كيفك ناذر |
معليش يا عثمان .. تشابه علي البقر ..
علا بدور أسألك :
في بوست لي ياسر بيناوي أقر إنو جا تاني الطيش في إنتخابات المجلس الوطني الأخيرة في محلية الدامر ..!
دحن بعد ما إنضم للجماعة ديل : باقيلك ناس دائرتو هناك الإنتخابات الجاية بيجيبوهو الأول ؟!
ولا كمان يجيبوهو المرة دي الطيش عدييييييل !!
|
Post: #9
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: osman righeem
Date: 05-19-2011, 06:04 PM
Parent: #8
Quote: علا بدور أسألك :
في بوست لي ياسر بيناوي أقر إنو جا تاني الطيش في إنتخابات المجلس الوطني الأخيرة في محلية الدامر ..!
دحن بعد ما إنضم للجماعة ديل : باقيلك ناس دائرتو هناك الإنتخابات الجاية بيجيبوهو الأول ؟!
ولا كمان يجيبوهو المرة دي الطيش عدييييييل |
عارف يا ناذر اسمع القصة دي
قاليك واحد نزل ضيف علي قريبه و لمن المضيف اتضايق
سأل الضيف انت حتسافر متين ؟؟؟ فأجاب الضيف وقال
شوف بعد بكره الصبح انت عبي لي جرابي ده تمر و الجراب التاني
جرم و الجراب التالت دخن وبقوم اسافر
صاحب الدار قاليهو ان شاء الله بعد بكره الصباح لا انا لا انت
ما نصبح فيها
اها لحدي الانتخابات الجاية ان شاء الله لا ياسر لا المؤتمر ما يصبحو فيها
|
Post: #10
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: Balla Musa
Date: 05-19-2011, 06:30 PM
Parent: #9
ياناذر
ياسر دا انا شايفو فى المنبر دا زول بيناوى (يعنى لايسار لايمين)
عثمان رغيم
ناذر دا بسألك من ياسر عايز يشيلكم "شيلا" تانية ول شنو؟
|
Post: #11
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-19-2011, 07:43 PM
Parent: #10
عثمان :
Quote: عارف يا ناذر اسمع القصة دي
قاليك واحد نزل ضيف علي قريبه و لمن المضيف اتضايق
سأل الضيف انت حتسافر متين ؟؟؟ فأجاب الضيف وقال
شوف بعد بكره الصبح انت عبي لي جرابي ده تمر و الجراب التاني
جرم و الجراب التالت دخن وبقوم اسافر
صاحب الدار قاليهو ان شاء الله بعد بكره الصباح لا انا لا انت
ما نصبح فيها
اها لحدي الانتخابات الجاية ان شاء الله لا ياسر لا المؤتمر ما يصبحو فيها |
ههههههههههه
كدة ياسر بيكون دقس ف مساعد ما دقسا ..!!
طبعا سيف مساعد إتحول من الحزب الإتحادي وإتسجل للعدل والمساوة في واحدة من مواسم فك التسجيلات الفاتت !!
مش كدة ولا أنا غلطان ؟!!
|
Post: #12
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-19-2011, 07:45 PM
Parent: #10
سلام بلة موسى ..
| Quote: ناذر دا بسألك من ياسر عايز يشيلكم "شيلا" تانية ول شنو؟ |
انا غايتو سألتهم عشان الـ شيلا المرة دي ما يشيلوها براهم زي ما واحد خرخر وحلف طلاق لمن إتزنق و قال : حرم شيلتي ما بشيلا براي علي وعلى أعدائي يا رب !!
|
Post: #13
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: رغيم عثمان رغيم الحسن
Date: 05-19-2011, 08:00 PM
Parent: #12
هههههههههههههههههههههههه
انا ما عارف ليه من قبيل مبسوط بالخبر دا
مبروك للمؤتمر ولياسر
|
Post: #14
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-19-2011, 08:27 PM
Parent: #13
!!!!
Quote: هههههههههههههههههههههههه
انا ما عارف ليه من قبيل مبسوط بالخبر دا
مبروك للمؤتمر ولياسر |
|
Post: #16
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: بشير أحمد
Date: 05-19-2011, 08:35 PM
Parent: #14
والله ياناذر ياخوي بوستيك ذكرني بواحد كده عضو معانا في المنبر إسمو مين كده عنان؛
اول يوم جا داخل المنبر ده قبقبني ليك قبقبة شديدة خلاص؛
ولمّ فيني ياكوز ويابتاع الغنم وعووك وعاك ؛
قرّبت اخلي ليهو المنبر
وبعد شوية ايام الانتخابات قام اتنازل من دائرتو في الشمالية لصالح المؤتمر الوطني؛
طوالي جيت ليقيتو عامل بوست توضيحي ؛لميت ليك فيهو وخِلصت منو حق قبقبتي
وبعدين قلت ليهو مرحب بيك في البتاع الوطني.
اها ياسر اخونا ده راجل طيبان وما حصلت احتكيت معاهو في بوست.
فمن قولت تيت :مرحب بيهو في البتاع الوطني.
________
تحياتي؛؛؛
|
Post: #15
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: HAIDER ALZAIN
Date: 05-19-2011, 08:31 PM
Parent: #13
ياسر بيناوي
خابر الجوال
والماسنجر
والفيسبوك
والايميل
ــــــ
نرجو التواصل بدءاً قبل تداعيات واسباب السقوط الراسي
مودتي
|
Post: #17
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: سفيان بشير نابرى
Date: 05-20-2011, 08:56 AM
Parent: #15
شكراً يا ناذر على البوست
ويا حيدر شكراً ليك شديد
ويا ياسر بيناوي لو متابع البوست دا ارجوا منك الاتصال باسرع وقت
09060623232
|
Post: #18
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 09:14 AM
Parent: #15
بشير أحمد ..
Quote: طوالي جيت ليقيتو عامل بوست توضيحي ؛لميت ليك فيهو وخِلصت منو حق قبقبتي
وبعدين قلت ليهو مرحب بيك في البتاع الوطني.
|
ههههههههه
غايتو أنا ما متابع المنبر كويس لكن كان بيناوي كان مقبقب ليهو زول أحسن يجيب بُقجة غباينو ويفشها فيهو في البوست دا ..!
|
Post: #19
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 09:16 AM
Parent: #15
حيدر الزين ..
Quote: ياسر بيناوي
خابر الجوال
والماسنجر
والفيسبوك
والايميل
|
لا لا .. داك صلاح غريبة ..
أنحن بنتكلم عن ياسر بيناوي ..!!
|
Post: #20
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 09:20 AM
Parent: #19
سفيان نابري ..
Quote: ويا ياسر بيناوي لو متابع البوست دا ارجوا منك الاتصال باسرع وقت
09060623232 |
الجفلن خلهن .. اقرع الواقفات ..!!!
|
Post: #21
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: HAIDER ALZAIN
Date: 05-20-2011, 09:31 AM
Parent: #19
Quote: لا لا .. داك صلاح غريبة ..
أنحن بنتكلم عن ياسر بيناوي ..!! |
سخريتك.. ولـ ..يمونك حامض شديد
من امس متكدر .. صاحبي معتز تروتسكي بيقع متين؟
|
Post: #22
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: د.نجاة محمود
Date: 05-20-2011, 11:01 AM
Parent: #21
هاهاهاهاههاهه والله المؤتمر الوطني بقى يلملم ساي سفينة نوح بس
اها اسع الزول دا تقعوا بيه وين بالله؟؟؟
لما جا شتمني بدون سبب كان عامل مرحلة انتقاليه من اليسار لليمين ولا كيف؟؟؟؟
|
Post: #23
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: نادية عثمان
Date: 05-20-2011, 11:27 AM
Parent: #22
| Quote: لما جا شتمني بدون سبب كان عامل مرحلة انتقاليه من اليسار لليمين ولا كيف؟؟؟؟ |
معقولة ؟!!
يادكتورة ياسر بيناوي بقى ( يشتم) كمان ؟!
ياناذر ده ياسر الواحد ده ولا زولاً تاني ؟!
سبحان الله .. تغيرات ( مفصلية)غايتو !! ( وش مندهش) !
|
Post: #24
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 11:54 AM
Parent: #23
حيدر الزين ..
| Quote: احبي معتز تروتسكي بيقع متين؟ |
حسب ترتيبو في إنتخابات المجلس الأخيرة ؟!
أوع تروتسكي يكون ترتيبو تاني الطيش برضو !!!
|
Post: #25
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: haroon diyab
Date: 05-20-2011, 11:57 AM
Parent: #23
غايتو البي الاحمر دي ممكن
| Quote: يعني شايت في شارع المك نمر نواحي جوته وحليوه |
|
Post: #26
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 11:57 AM
Parent: #23
بشير أحمد ..
التاريخ يعيد نفسو الظاهر .. شوف كلام أم النسب ..
| Quote: لما جا شتمني بدون سبب كان عامل مرحلة انتقاليه من اليسار لليمين ولا كيف؟؟؟؟ |
حلوة مرحلة إنتقالية دي ههههههه
لكن أنصحك ما تردي ليهو الشتيمة .. الزول دا بقت إيدو لاحقة هسي يقوم يشكل ليك فولترون مع ناس ود الباوقة والجماعة ديلاك يكرهوك قعاد المنبر دا ههههههههه
|
Post: #27
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 11:59 AM
Parent: #23
ندوية كيفك ..
Quote: معقولة ؟!!
يادكتورة ياسر بيناوي بقى ( يشتم) كمان ؟!
ياناذر ده ياسر الواحد ده ولا زولاً تاني ؟!
|
غايتو أي زول فيهمو ..!!
ناس واجعاهم إنضمام بيناوي للوطني وناس واجعاهم شتيمتو لي أم النسب !!
شايف إنضمامو للوطني ما شغالا بيهو كتير وإشتغلتي بالتانية ههههههه
|
Post: #28
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: سفيان بشير نابرى
Date: 05-20-2011, 12:41 PM
Parent: #27
| Quote: الجفلن خلهن .. اقرع الواقفات ..!!! |
مالك ناوي زي بيناوي !!؟
واحد صديقي شلكاوي اسمو محسن زماااان أيام الناس ديل شابكننا الشريعة الاسلامية قال لي:-
حقو كل السودانيين يصحوا من الصباح يمرقو الشارع ويقولو عايزين الشريعة جد جد وكاملة
نشوف الناس ديل بيقبلو وين؟
بالمناسبة الشلكاوي دا زميل منبر بس طافش ليهو زمن .
|
Post: #30
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: عبدالكريم الامين احمد
Date: 05-20-2011, 12:47 PM
Parent: #28
ياجماعة كدي رسونا علي بر
بيناوي بقي موتمر وطني..؟؟
معقولة
علي اي حال لو القصة بقت معقولة ادونا خبر لاني عندي كركبة جاااهزة مع الزول ده
كل مرة يشبكني يا خليل وانا اقول لييه يا زول انا كيكي
وتاني مرة برضو يجيني في بوست ويقول لي شكرا علي مرورك يا خليل
وبرضو اقول ليهو انا كيكي يا وريف..
فعليه وطالما الزول ده مصر علي حكاية اني خليل وبقي موتمر وطني فعليه اثبات (اني انا وخليل شخصية وااحدة)
والا يطلعنو كرعينو من المنبر ده
-------------
اتخيل لي ناس الموتمر الوطني فاكيين الموضوع ده جاكات ساكت
لانو ما باقي لي زول كده عندو مخيخ ايمن ومخيخ ايسر ينضم للموتمر الوطني اليومين دي
مع كركبات موووية بري والحلفاية دي
|
Post: #31
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: محمد إبراهيم علي
Date: 05-20-2011, 01:06 PM
Parent: #29
Quote: وتاني مرة برضو يجيني في بوست ويقول لي شكرا علي مرورك يا خليل
وبرضو اقول ليهو انا كيكي يا وريف.. |
احتمال يكون بيناوي ده ياكيكي زي الاحوص الطلب فول وقاعد ياكل في الكباب بتاع جارو
يعني اسي في احتمال انو بناوي ده انضم للمؤتمر الوطني وفاكرو الحركة الشعبية لوووول
|
Post: #33
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: د.نجاة محمود
Date: 05-20-2011, 01:10 PM
Parent: #29
Quote:
لكن أنصحك ما تردي ليهو الشتيمة .. الزول دا بقت إيدو لاحقة هسي يقوم يشكل ليك فولترون مع ناس ود الباوقة والجماعة ديلاك يكرهوك قعاد المنبر دا ههههههههه |
لوووووول تصدق لا
الكيزان ديل ذي الهنود الحمر اي زول يجيهم من حزب آخر بيكونوا في عقل فائدة بقولوا لو فيه فائدة
ما كان خلا ناسو وجانا ..
عشان كدا اطمن طبعا دا لو ما ممفتكرنوا غواصة وكدا
وانا ما برد عليه اصلا لاني الناس المحرشة ما بتنفع معاي
وطلع بالجد قربة منفوخة
|
Post: #34
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: نادية عثمان
Date: 05-20-2011, 01:15 PM
Parent: #29
Quote: ناس واجعاهم إنضمام بيناوي للوطني وناس واجعاهم شتيمتو لي أم النسب !!
شايف إنضمامو للوطني ما شغالا بيهو كتير وإشتغلتي بالتانية ههههههه |
هههههههههههه
يا نيزو والله كله عند العرب صابون بالنسبة لي وأحمد زي حاج أحمد !!
لم أر خيراً من هذا ولا أملاً في ذاك (أنا مابفسر وأنت ماااااابتقصر) هههههه
عاين
بيناوي ينضم للمؤتمر الوطني ولا الشعبي ولا لفريق برشلونة لكن ماينبذ لينا الدكتورة دي بالله !
|
Post: #35
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: محمد البشرى الخضر
Date: 05-20-2011, 01:31 PM
Parent: #34
دكتور بشير ياخي الراجل جاكم براحة عليه ياخي
ما تبقى انتو و المناضلين عليه
في واحد من لنكات خالد عنان بالله شفت التوثيق بتاع انور كينغ
دنيا دبنقة عديل كدا
|
Post: #36
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: بشير أحمد
Date: 05-20-2011, 01:39 PM
Parent: #35
Quote: دكتور بشير ياخي الراجل جاكم براحة عليه ياخي
ما تبقى انتو و المناضلين عليه |
ابوحتوت
تحياتي وجمعة مباركة ؛
ياخي موجعاني شتيمتو لي (عنان)؛ وزي ده لازم ياخد نار تقيلة
عشان يجينا نضيف وما يطلع لينا غواصة ويجي يطلّع حاجاتنا في السهلة.
|
Post: #37
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 02:25 PM
Parent: #36
سفيان نابري ..
| Quote: مالك ناوي زي بيناوي !!؟ |
النية زاملا سيدا ؟!!
شوف يا نابري .. أخوك زول قرارو في يدو .. ما عندي علاقة بي اي احزاب أو تنظيمات ووجع دماغ ..! قبل كم سنة قربت إتورط وأنضم لي حزب .. والله ما أنقذني إلا صحبي الطاهر ساتي في واحدة من تجمعات البورداب وهو يا توب كان طالع من واحد من الأحزاب وانا من ديك ختيت نصيحتو لي زي الحلق في اضاني ..!!
تحياتي لي صحبك الشلكاوي محسن ..!
محسن دا إسم الدلع لي مينق عندهم ولا شنو ؟!
|
Post: #38
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 02:28 PM
Parent: #36
كيكي ..
Quote: علي اي حال لو القصة بقت معقولة ادونا خبر لاني عندي كركبة جاااهزة مع الزول ده
|
التأكيد إلا يجيك براهو لكن زول ينقل خبر زواج جماعي في الدامر يشرفو نافع دي بتخلي الزول يرتاب شوية ..!
عملتو لينا شنو في موضوع الموية إنت وكوستاوي ؟! بالله ما تنسونا معاكم ..
نحن ناس المحمية وسقادي غرب ..
|
Post: #43
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ندى صالح الطيب
Date: 05-20-2011, 02:45 PM
Parent: #38
الاخ نازر لك التحية والمتداخلين
بقيتوا يا ناس البورد اصعب من قناة الجزيرة لا ترحموا لا تخلو الرحمة تنزل
ما قام به العضو اسمو ( رزقا يكوسك و رزق تكوسو ) ..!
|
Post: #39
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 02:29 PM
Parent: #36
| Quote: يعني اسي في احتمال انو بناوي ده انضم للمؤتمر الوطني وفاكرو الحركة الشعبية لوووول |
|
Post: #40
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 02:30 PM
Parent: #36
يا دكتورة ما تسيئي الظن ..
Quote: بقولوا لو فيه فائدة
ما كان خلا ناسو وجانا ..
|
أمكن ناسو هم الما فيهم فائدة عشان كدة خلاهم ..!!
|
Post: #41
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 02:32 PM
Parent: #36
سامع يا بيناوي ..!:
| Quote: بيناوي ينضم للمؤتمر الوطني ولا الشعبي ولا لفريق برشلونة لكن ماينبذ لينا الدكتورة دي بالله ! |
أبعد يدك عن دكتورة بيان بغض النظر عن حزبك شنو !!
ولا شنو ؟!
|
Post: #42
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 02:35 PM
Parent: #41
ابو حتوت ..
Quote: دكتور بشير ياخي الراجل جاكم براحة عليه ياخي
ما تبقى انتو و المناضلين عليه
|
أبعد من ديل ومن ديل ..
الجماعة كلهم بتاعين أحزاب وظُباط في ظُباط ..
إنت تبع منو ؟!
|
Post: #44
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: د.نجاة محمود
Date: 05-20-2011, 02:47 PM
Parent: #42
شكرا للتضامن يا ابو النسب وندوية
تاني عاد بقدر يقولي كوزة؟
لسانو ما انقطع للابد..
|
Post: #47
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: عمر عشاري
Date: 05-20-2011, 03:20 PM
Parent: #44
ناذر
سلامات
تعليقك بتاع الجفلن خلهن أقرع الواقفات
في معرض ردك على سفيان وهو يحاول الإتصال بياسر
أستطيع أن أطلق عليه تعليقى المفضل لهذا العام
________________
كنت اود أن اكتب العبارات الجاهزة ديك
بتاعت أرجو من الأخ ياسر أن يؤكد أو ينفي الخبر
ثم سألت نفسي لماذا يكون هذا الموضوع مهما في الأساس
الطريقة التي طرحت بها الموضوع ياصديقي هي الأفضل
_______
الفُكاهة
|
Post: #45
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: محمد البشرى الخضر
Date: 05-20-2011, 03:06 PM
Parent: #42
انا هلالابي
وبشجع اللعبة الحلوة في كور الاتيام التانية
بالمناسبة بيناوي كان تبع وين قبل ما ينضم للمؤتمر
افتكر كان نازل مستقل في دايرته
|
Post: #46
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: معاوية عوض الكريم
Date: 05-20-2011, 03:17 PM
Parent: #36
ارفعو اقلامكم عن صديقي العزيز بيناوى
خالص الود !
|
Post: #48
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: د.نجاة محمود
Date: 05-20-2011, 03:24 PM
Parent: #46
Quote:
ياجماعة اهم صفة نسيتوها
ان يكون مؤتمر وطني
خالص الود |
كتب بيناوي حينما كان معارضا
عايز يبقى مؤتمر وطني وبيسال عن المؤهلات لذلك !!
دا من طرف الارشرف ساي
|
Post: #49
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: د.نجاة محمود
Date: 05-20-2011, 03:35 PM
Parent: #48
Quote:
كامل احتقاري ليكي انتي دي
ولي دكترتك كمان
وصحيح القلم مابزيل بلم
انتاية دي عندنا هنا في الشمالية الاناس في اللحظة دي قاعد فيها
بتتقال للمرأه للتحقير والازدراء
وطالما انك بديتي الاساءة لبنات جلدتك
تستحقين الاساءة
وبعدين ياسامي صلاح الغتغته لي شنو....؟
اهو فهمتك غلط
كان من المفترض تقول ليها وفي وشها
انتي هرمة ( بكسر الراء ) وثقييييييييييييييييييييييييييلة جدا
وانا تاني دا اسلوبي مع اي زول بيسئ لاخر
كفاية والله كفاية
خالص القرف |
ياسر بيناوي قبل الخورج من الكلوزت قرقرقرقررقرقررقرقررقررر
Quote: ديشاااااااااااااااااااااااااااااااااااااااك
رجلا ...... رجلا
ما انتايه
بصراحة بصراحة انا جني وجن بوستات الغيرة
من ناس الدكترة الما خمج
الدكترة البتتعكس في سلوك اصحابها ووقار ورزانة وادب
التعديل للتصحيح الاملائي |
الصعلكة دي كلها عشان انا وقفت مع ميادة الكوزة الاسع هو بقى معاهم
Re: بيننا هرمة سقيلة اسمها ميادة
في وقتها عملت ليه طنااااااااااش واقنورد
ايمانا بحكمة اجلس في نهاية النهر وسترى جثة عدوك
اسع الزول دا بقى كوز عديل كدا
عاد يا ميادة كان بعتني عشان الكوزنة الجديدة دي
تبقي بالغتي
Quote:
وانا تاني دا اسلوبي مع اي زول بيسئ لاخر
كفاية والله كفاية |
قرقرقرر اكثر حاجة ضحكتني في الموضوع كله العبارة دي
الولد بتاع جندر ونصرة نساوين وكدا
ما عنده مانع يشتم امرأة تانية لانها كوزة كما يقول
البوست دا حاحتلوا بوضع اليد
|
Post: #50
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: HAIDER ALZAIN
Date: 05-20-2011, 04:17 PM
Parent: #49
وااااااااااااي
ـــــــــ
اعتقد انه (لازم) وكدة - بحيث انه- بيناوي فقد باسووردو
في الآخر يعني !
|
Post: #53
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: osman righeem
Date: 05-20-2011, 05:32 PM
Parent: #10
Quote: عثمان رغيم
ناذر دا بسألك من ياسر عايز يشيلكم "شيلا" تانية ول شنو؟ |
عارف يا دكتور ياسر ده صاحبو
غايتو للضمان كده ممكن نقبلوا فترة انتقالية
|
Post: #51
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: كمال علي الزين
Date: 05-20-2011, 04:53 PM
Parent: #7
Quote: قاليك يساري يا ناذر
يعني شايت في شارع المك نمر نواحي جوته وحليوه
و من لف لفهم
|
|
Post: #52
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: محمد عبد الماجد الصايم
Date: 05-20-2011, 05:22 PM
Parent: #51
| Quote: الجماعة كلهم بتاعين أحزاب وظُباط في ظُباط .. |
يا ناذر .. أرجو تحويل التعليق لـ: طُباظ في طُباظ!!
|
Post: #54
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 08:06 PM
Parent: #52
ندى صالح ..
| Quote: ما قام به العضو اسمو ( رزقا يكوسك و رزق تكوسو ) ..! |
كلام جميل بس يا ريتك تفرزي :
ياسر بيناوي في الحالة دي هو البيكوس ولا هو المكيوس به ولا هو الرزق زاتو ؟!
صنفرة :
حد جاب سيرة فارة الرزف هنا ؟؟؟!!
|
Post: #55
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: سفيان بشير نابرى
Date: 05-20-2011, 08:07 PM
Parent: #52
| Quote: محسن دا إسم الدلع لي مينق عندهم ولا شنو ؟! |
لا لا محسن الاسم السماهو ليهو ابوهو عمنا طه
ولاكو هو اسم امو شفته كيف ؟
وهو شلكاوي اماً واباً .
سلام يا كيكي
Quote: معقولة
علي اي حال لو القصة بقت معقولة ادونا خبر لاني عندي كركبة جاااهزة مع الزول ده
كل مرة يشبكني يا خليل وانا اقول لييه يا زول انا كيكي
وتاني مرة برضو يجيني في بوست ويقول لي شكرا علي مرورك يا خليل
وبرضو اقول ليهو انا كيكي يا وريف..
فعليه وطالما الزول ده مصر علي حكاية اني خليل وبقي موتمر وطني فعليه اثبات (اني انا وخليل شخصية وااحدة)
والا يطلعنو كرعينو من المنبر ده
-------------
اتخيل لي ناس الموتمر الوطني فاكيين الموضوع ده جاكات ساكت
لانو ما باقي لي زول كده عندو مخيخ ايمن ومخيخ ايسر ينضم للموتمر الوطني اليومين دي
مع كركبات موووية بري والحلفاية دي |
حين قرأت هذا البوست كتبت وحرصت على الاتصال المباشر والسريع على ياسر بيناوي
وبالفعل تمكنت من الحصول على رقم هاتفه من اخونا محي الدين جبريل واتصلت عليه
و ياسر اكد لي انضمامه للمؤتمر الوطني تاكيد واضح .
|
Post: #61
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: محمد البشرى الخضر
Date: 05-20-2011, 08:20 PM
Parent: #55
| Quote: و ياسر اكد لي انضمامه للمؤتمر الوطني تاكيد واضح |
لا حولا يا سفيان يعني خلاص قضي الامر
كان عندي امل يطلع اسم على اسم
|
Post: #56
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 08:08 PM
Parent: #52
!!!!!!!!
Quote: تاني عاد بقدر يقولي كوزة؟
لسانو ما انقطع للابد.. |
ياسر بيناوي لسع ما ظهر هنا ..
لكن الخبر الأكيد قالوا البطانة الليلة إترشت !!
والبطانة دي جوز ما خسار :
ياسر بيناوي بتاع أم النسب ومنو كدة عدنان بتاع مستر بشير ..!!
|
Post: #57
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 08:13 PM
Parent: #52
حبيبنا عمر عشاري ..
عاش من شافك وين أيامك ؟!
Quote: تعليقك بتاع الجفلن خلهن أقرع الواقفات
في معرض ردك على سفيان وهو يحاول الإتصال بياسر
أستطيع أن أطلق عليه تعليقى المفضل لهذا العام
|
مشكور يا معجب العام ...
بس يا ريتك لو تكمل الإعجاب دا وتوري سفيان نابري الفرق بين الجفلن و الواقفات ..!
لإنو الظاهر إتلخبت عليهو الإختصاص وإفتكرني من الواقفات !!
صنفرة :
أنا صاح منهن .. بس أنا من الواقفات بعيد خالص من محل القرع والجفل !!
|
Post: #58
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 08:15 PM
Parent: #52
ود البشرى ..
Quote: بالمناسبة بيناوي كان تبع وين قبل ما ينضم للمؤتمر
افتكر كان نازل مستقل في دايرته |
كان نازل مستقل في دائرة جوتة وحليوة والمك نمر !!
وبعد دا كلو طلع تاني الطيش .. تصور !!
ولا ما عندك كاميرا ديجتال ؟!!!
|
Post: #59
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 08:16 PM
Parent: #52
مولانا معاوية ..!!
Quote: ارفعو اقلامكم عن صديقي العزيز بيناوى
خالص الود ! |
صديقك العزيز ولا أخوك في الله ؟!!
قول رفعناها عنو .... نختها وين يعني ؟؟؟!!
|
Post: #60
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 08:19 PM
Parent: #52
يا دكتورة ..!!
Quote: كتب بيناوي حينما كان معارضا
|
عليك الله ما تحكيها معاهو شديد كدة ...
إنتي ما عارفة إنو الإسلام يجب ما قبله ولا شنو ؟!!
|
Post: #62
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 08:22 PM
Parent: #52
ام النسب ..
| Quote: البوست دا حاحتلوا بوضع اليد |
إنت قايلا روحك ناذر خليفة ولا شنو ؟!
مالك دايرا تعملي لي إشتباك مع مزمل خيري وبوستاتو عن شركة زين ؟!!
|
Post: #63
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 08:25 PM
Parent: #52
حيدر الزين ..
Quote: اعتقد انه (لازم) وكدة - بحيث انه- بيناوي فقد باسووردو
في الآخر يعني ! |
بيناوي لحدي هسي ما قال أي حاجة ..
هي هاز ذا رايت تو ريمين صايلانت لأنو اي أقوال ممكن تستخدم ضدو في المحاكمة !!
محاكمتو قدام أم النسب الفوق ديك واليادوبا سلت ليهو حاجة بسيطة من طرف الدولاب !!
|
Post: #65
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 08:33 PM
Parent: #63
نابري ..!!
| Quote: و ياسر اكد لي انضمامه للمؤتمر الوطني تاكيد واضح |
الخبر الجاني إنو هو واحد من العرسان بتاعين الزواج الجماعي الفي العرس الشرفو نافع ؟!!
كيف لقى الوكت اليتناقش معاك في قضية غير محورية زي دي وفي توقيت غير ملائم زي دا..!!
الزول دا شغال OVER NIGHT ولا شنو ؟!!
|
Post: #66
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 08:37 PM
Parent: #63
حبيبنا نيازي كيفك !!
Quote: ننتظر بيان الاخ عادل ..
سلامات يا ناذر |
إنت قايل أخونا عادل عبد العاطي فاضي كدة دا عشان يطلع بيان في أي عضو ينسلخ من حزبو !!
غايتو لو عادل بالجد فاضي للدرجة دي أنصحو يعمل ليهو مصنع بتاع ورق A 4 عشان تقليل النفقات وكدة !!
بالمناسبة المصنع دا رخيص جدا لو إستوردناهو من الصين حتى أسألوا أخونا عثمان رغيم الموجود معانا في البوست دا !!
|
Post: #69
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 08:45 PM
Parent: #66
أوو ود الصائم ....
| Quote: يا ناذر .. أرجو تحويل التعليق لـ: طُباظ في طُباظ!! |
بحولو بس على شرط ..
قول وراي بي سرعة :
ظابطنا زبط طابزكم .. يقدر طابزكم يزبط ظابطنا زي ما ظابطنا زبط طابزكم ؟؟!!
صنفرة :
طبعا لا يخفى عليك إنو ظابطنا هو بيناوي وطابزكم هو ود البشرى !!
|
Post: #74
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: نادية عثمان
Date: 05-20-2011, 09:39 PM
Parent: #66
| Quote: الخبر الجاني إنو هو واحد من العرسان بتاعين الزواج الجماعي الفي العرس الشرفو نافع ؟!! |
يعني بيناوي عرس وماعزمنا ؟! ( وش منفوخ) !
|
Post: #67
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: سفيان بشير نابرى
Date: 05-20-2011, 08:43 PM
Parent: #63
| Quote: كان عندي امل يطلع اسم على اسم |
سلام يا ود البشرى
واملك دا ضاع خلاص ياهو ياسر بيناوي ذات نفسوا
و اكد انضمامه الكامل للمؤتمر الوطني .
وبشكل شخصي وخاص ياسر بيناوي يهمني امره
ولهذا لن ازيد ابداً غير أن ابارك له طالما انها
قناعته ويقينه ولكن حتى يقنعني بأن هذه ارادته
وقناعته سوف انتظر عودته للمنبر واخوض معه
حوار واضح وصريح امام الجميع حتى يثبت
رؤيته أو يتراجع عنها بمحض ارادته ايضاً
و الحوار معه سيكون مفيد في وجهة نظري
ولن يكون بذات الجنون والاندفاع الارعن
والاهوج الذي نتلقاه من منسوبي المؤتمر
الوطني هنا .
|
Post: #70
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: محمد البشرى الخضر
Date: 05-20-2011, 08:52 PM
Parent: #67
سوفي يا مك لو داير حوار مفيد مع ياسر يبقى تختا المنبر
وفي حالة ياسر الجنون و الاندفاع الارعن لن يأتي من منسوبي المؤتمر بل من الضفة الاخرى
ناذر ..
يا معلم المصنع الصيني رخيص اي نعم لكن خت في بالك تكلفة التشغيل و الصيانة (قطع الغيار) بالإضافة للمواد الخام مع الوضع في الاعتبار جودة انتاج المصنع الصيني الرخيس + الجمارك و الضرائب و الأوفرهيد مقارنة مع تكلفة استيراد الورق الـ A4 الصيني الجاهز نفسه وجودته و سعره في السوق
ح تلقى نفسك بتلقط ورق في الآخر
|
Post: #71
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-20-2011, 08:59 PM
Parent: #70
ود البشرى ..
| Quote: ح تلقى نفسك بتلقط ورق في الآخر |
برضو مغطية حقها,وتكلفة تشغيلها مع أخونا عادل غبد العاطي ...!!
|
Post: #72
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: Abdel Aati
Date: 05-20-2011, 09:00 PM
Parent: #70
هذا خبر حزين لو كان صحيحا ؛ اتمنى ان ينفيه الاخ بيناوي ؛ فالاخ بيناوي أفضل من أن ينضم لهذا الحزب المجرم المسمى بالمؤتمر الوطني..
عموما الاخ والصديق ياسر بيناوي ليس عضوا في الحزب الديمقراطي الليبرالي منذ اكثر من عامين ونصف .
فقد انقطعت صلته بالحزب بعد الخطوة التوحيدية في ديسمبر 2008؛ وقد كان معارضا لمآلات الحزب بعد التوحيد؛ وبسبب من اتهامات قدمها لبعض الزملاء وخطوات اتخذها ضد قرار التوحيد وتقديمه لاستقالته خارج القنوات التنظيمية كان قد صدر قرار من اللجنة التنفيذية بفصله في 19-11-2008؛ وقد كنت من المعارضين لذلك القرار ؛ وحاولت جهدي ان يعود الاخ ياسر بيناوي لصفوف الحزب لكن جُهدي لم يُكلل بالنجاح .
|
Post: #73
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: عبدالكريم الامين احمد
Date: 05-20-2011, 09:25 PM
Parent: #72
Quote: احتمال يكون بيناوي ده ياكيكي زي الاحوص الطلب فول وقاعد ياكل في الكباب بتاع جارو
يعني اسي في احتمال انو بناوي ده انضم للمؤتمر الوطني وفاكرو الحركة الشعبية لوووول |
ومادام سفيان جاب الخبر الاكيد وقال البطانة ارتشت
فمن الضروري يا ود ابراهيم نطور التعليق بتاعك الفووق ده
ونقول ايو اليسر ده بكون قايل نفسو انضم للموتمر الشعبي ولقي نفسو في الوطني..
--
وخطوةة مفاجاة لو جينا قسناها بمستوي خطاب ياسر بيناوي في المنبر ده فالشاهد وحتي اللحظات الاخيرة الزول ده كان واقف نار منقد وحاتي القصة قرض ضد الخرمجة القاعد يعملها الموتمر الوطني في البلد...
وتحول تحويل مفاجي من اقصي الي اقصي...
حتي مرحلة الرمادية(بمعياري يا ود البشري) رفع ليها القزاز وما اداها حقها
عموما هو امر محزن 
-------------------------
ناذر حكاية الموية دي مع الناس البقت تتحول موتمر وطني كنجف نف سريع كده
احتمال نعمل منها ياااااااااع يا اخوي... احتمال نجي ننظر في الموية دي جوووه السودان ويقولو لينا لو دايرين تساعدونا تخشو الموتمر الوطني ونبقي في واااي وااي
|
Post: #75
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: بدر الدين اسحاق احمد
Date: 05-20-2011, 10:06 PM
Parent: #73
بيناوى الف مرحب بيك .....
______________
نقول شنو غايتو يا د. نجاة معليش امسحيها لــي فى وشــى ...
يا ابو النيز حليلك وحليل صنفرتــك وبتاعاتك ...
|
Post: #76
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: سيف النصر محي الدين
Date: 05-21-2011, 01:18 AM
Parent: #75
يعني هدية المؤتمر الوطني للأعضاء الجدد عروسة؟؟
الكلام ده كيف معاك يا ابو النيز؟
|
Post: #77
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: عبد المنعم ابراهيم الحاج
Date: 05-21-2011, 01:53 AM
Parent: #76
لا توجد أسباب للاسف .. فالسقوط الي الهاوية لا يقاس بالأمتار أو درجة الإصطدام ...
لقد إختار أن يقف برجله اليمين ووقف.
|
Post: #78
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: د.نجاة محمود
Date: 05-21-2011, 02:28 AM
Parent: #77
شنو يا فكي اسحق جايني تعمل مطايبات لا بتودي ولا بتجيب
حزبكم بقى مزبلة التأريخ
الواحد يلف كل الاحزاب بعداك ترشت يترش عندكم
والله كورتكم فكت تجيكم الغواصة تسعى وانتو تتغالطو
حوت ولا غواصة حوت ولا غواصة
لما نلقى اسراركم كلها في السهلة
وانتو قاعدين في بطن الحوت,,,
يخصي على كدا ياخي تاني حنفصل الكيزان من الحزب الظلامي
عليكم الله البلم اللبرالي مع الكيزان شنو؟
دا غسيل مخ بالكلوركس
الحمدلله بس قبضتو صيرة لا غير
|
Post: #79
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ياسر بيناوي
Date: 05-21-2011, 08:05 AM
Parent: #78
سلامات
الاخ ناذر وكل المداخلين
نعم سادتي انا من انضم للمؤتمر الوطني
دون اي شرط وعن قناعة
ولاسباب كتيرة اهمها علي الاطلاق ( تركت جمل المعارض بما حمل لاصحاب صكوك النضال
الذين يعلمون مافي ضمائر الخلق
بعد انا عانيت نفسيا من هذه الاتهامات والتي للاسف اتت من اقرب الاقربين)
وحتما سأعود للرد علي المداخلين فردا فردا
دكتورة نجاة :
انا اعتذر ان كنت تظنين مداخلاتي في البوست المعني ( شتيمة )
فقط اعيدي قرءاتها مرة اخري
ياسر بيناوي : غير متزوج وهذا للمعلومية ( لم اكن احد عرسان الزواج المعني ولم انضم مقابل صفقة )
خالص الود
|
Post: #110
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: Abdel Aati
Date: 05-24-2011, 09:53 AM
Parent: #79
ياسر بيناوي سلامات وعوافي
| Quote: نعم سادتي انا من انضم للمؤتمر الوطني دون اي شرط وعن قناعة |
ما هي القناعة التي تجعلك تنضم لهذا الحزب المجرم الذي أتي للسلطة بالفساد والاغتصاب وعاث في الارض فسادا وقتل وخرب وقسم البلاد واهان العباد واغتصب النساء وفعل ما فعل مما تعرفه ولا نعرفك به ؟؟ وكيف تدخل فيه بدون اي شرط ولو كان شرطا شكليا ان يكفوا عن افعالهم او يردوا المظالم؛ ام انك تقبل به كما هو وكما كان وكما سيكون ؟؟ أم انت تعلم انهم لا يتغيرون وانك لن تغيرهم ومع ذلك تنضم لهم؟؟ انت اذن تخرب كل تاريخك وتبصق في وجه ذاتك يا صديق .
| Quote: ولاسباب كتيرة اهمها علي الاطلاق ( تركت جمل المعارض بما حمل لاصحاب صكوك النضال الذين يعلمون مافي ضمائر الخلق بعد انا عانيت نفسيا من هذه الاتهامات والتي للاسف اتت من اقرب الاقربين) |
وهل الخيار هو ان تكون وسط المجرمين المعلنين ومن قتلوا الناس ماديا ومعنويا واغتصبوا الحرائر ومارسوا الابادة الجماعية والقتل المنظم ؟؟ هل البديل عن رمضاء المعارضة هو ان تذهب لجحيم المؤتمر الوطني ؟ أليست هناك بدائل عن هذه القسمة الصيزى ؛ وهل لم تكفك رحابة الوطن عن هؤلاء واولئك ؟؟
ثانيا هل كل جمال المعارضة هي كما ذكرت ام بعضها فقط ؟؟ الم يحترمك ويقدرك عشرات ان لم نقل مئات من اعضاء المعارضة ويحملونك في العيون ويدخلونك بيوتهم ويدخلون بيتكم ويقتسمون معك كسرة الخبز والسيجارة والاحلام ؟؟ هل لم يؤيدوا خياراتك كلها وهل بعد ان انقطعت علاقتك التنظيمية ببعضهم - مثلا الحزب الليبرالي - لم يدعموك في الانتخابات كما اعلنا دعمنا لك ؟؟
ياسر لقد اخترت ولك الحق في الاختيار ولكن اختيارك بائس شديد البؤس؛ قبيح شديد القبح ؛ مؤلم شديد الألم. لقد لطخت وجهك وضميرك بما سيحتاج لجهود طويلة لتنظيفه يا ياسر ؛ فيا لحزننا عليك واسفنا الشديد .. اخرج يا صديقي من هذا المستنقع اليوم قبل الغد؛ فإنك بقرارك هذا لا تضر أحدا غيرك؛ والسلام .
اخوك الكبير وصديقك
عادل عبد العاطي
|
Post: #80
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: محمد عبد الماجد الصايم
Date: 05-21-2011, 08:07 AM
Parent: #78
|
Post: #81
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-21-2011, 08:24 AM
Parent: #80
نادية عثمان والله أمرك بالجد محير ؟!
| Quote: يعني بيناوي عرس وماعزمنا ؟! ( وش منفوخ) ! |
الناس هنا مستنكرة إنضمام ياسر للمؤتمر الوطني وإنتي الظاهر الشغلة دي ما هاميكي كتير ..!!
في الأول استنكرتي شتيمتو لي بيان وهسي إستنكرتي زواجو المزعوم بي وش منفوخ ..!
يعني وجعك غير وجع الناس هنا ..!!!
إنتي هندية ولا شنو ؟؟!!
صنفرة :
ولا حسانية ؟!
|
Post: #101
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: نادية عثمان
Date: 05-21-2011, 11:38 AM
Parent: #81
ناذر الخليفة اخوي سلام
| Quote: نادية عثمان والله أمرك بالجد محير ؟! |
المحيرك شنو في أمري خير ياناذر ؟!!!!!!
Quote: الناس هنا مستنكرة إنضمام ياسر للمؤتمر الوطني وإنتي الظاهر الشغلة دي ما هاميكي كتير ..!!
في الأول استنكرتي شتيمتو لي بيان وهسي إستنكرتي زواجو المزعوم بي وش منفوخ ..!
يعني وجعك غير وجع الناس هنا ..!!!
إنتي هندية ولا شنو ؟؟!!
صنفرة :
ولا حسانية ؟! |
سبحان الله !!
ويعني شنو ياسر إنضم للمؤتمر الوطني ؟!
شنو يعني الخطب الجلل المفروض (يوجع) جميع المتداخلين في إنضمام ياسر للوطني ولا الشعبي ولا الشيوعي ولا غيره ؟!
موش ياسر ده راجل كبير وعارف مصلحة روحه ياناذر ؟!
حايفرق شنو لو أنا أدنت إنضمامه ولا أيدتو وحايغير شنو من قناعاته المؤمن بيها ؟!
أنا سودانية ياناذر ماهندية !!!
سودانية بؤمن تماماً إنو زي ماعندي الحق في خياراتي فمامن حقي أصادر خيار غيري مهما كان !!
أنا ما( حسانية) لكن يشرفني لو بقيت حسانية ، المهم في النهاية الجنس سوداني !!
وبعدين أنا ( إستنكرت) شتيمته للدكتورة وده البهمني من ياسر إنو مايكون زول بشتم الناس
ويهمني إنو الدكتورة ماتتشتم من زميل ليها في المنبر لانو ده سلوك اتمنى ينتهي من المنبر ده !
( مجرد أمنية) !!
وأنا ياناذر ما ( إستنكرت) زواج ياسر إنما بعشم الزمالة سالت إنوكيف إتزوج وماعزمنا نحن زملاءه !!
ياسر بيناوي بيهمني كإنسان وزميل في المنبر ده غض النظر عن كونه مؤتمر وطني ولا معارض !!
ولو عرس بيهمني أشاركه فرحته حتى لو كان منتمي لحزب الشيطان !!
ده الموضوع ياناذر !!
ولو دخولي بوستك ده ضايقك كلمني وبجي أحذف كل مداخلاتي ( الشترة) والأنت شايفها مداخلات ( هنود) خارج السياق !!
ويبقى الود والتقدير الذي تعرف ياناذر !!
بس !!
|
Post: #82
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: سفيان بشير نابرى
Date: 05-21-2011, 08:28 AM
Parent: #80
Quote: نعم سادتي انا من انضم للمؤتمر الوطني
دون اي شرط وعن قناعة
ولاسباب كتيرة اهمها علي الاطلاق ( تركت جمل المعارض بما حمل لاصحاب صكوك النضال
الذين يعلمون مافي ضمائر الخلق
بعد انا عانيت نفسيا من هذه الاتهامات والتي للاسف اتت من اقرب الاقربين)
|
وهكذا اكد ياسر ما قلناه في الاعلي
تحية طيبة يا بيناوي وسلام
وانا في انتظارك بشكل شخصي حينما تعود الاسبوع القادم
اخوتي واخواتي أتمنى أن نترك له خياره ولو كان هناك إي نقاش
أو حوار معه أتمنى أن نديره بشكل شخصي وبعيد عن هنا كما
ذكرا أخي محمد خضر البشرى وهو محق و أنا مُخطي فيما
ذهبت اليه .
|
Post: #83
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-21-2011, 08:29 AM
Parent: #80
سلام يا عادل ..!!
Quote: عموما الاخ والصديق ياسر بيناوي ليس عضوا في الحزب الديمقراطي الليبرالي منذ اكثر من عامين ونصف .
|
يعني كان تسجيلو فاكي الفترة دي كلها !!
أهو كانت إستراحة محارب (دا لو كان بيحارب عندكم أصلاً) وبعد ما فكر وقدر عرف يمشي علي وين ..!
مبروك لي ياسر .. ما يحمد ليو إنو فكر سنتين ونص قبل ما ينقشط في الوطني ودا براو بينفي إنتهازيتو الألمحوا ليها بعض المتداخلين هنا لأنو الإنتهازي ما بيحتاج لي أكتر من دقيقتين ونص تفكير قبل ما يشوت في القون !!
|
Post: #84
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-21-2011, 08:31 AM
Parent: #80
يا كيكي ..
Quote: ناذر حكاية الموية دي مع الناس البقت تتحول موتمر وطني كنجف نف سريع كده
|
أنحنا بنتكلم عن فترة إنتقالية عمرها سنتين ونص تقول لي كف ناف سريع !!
حلو موضوع الموية بأعجل مما تيسر شوفوا بيناوي دا أكيد بيكون ليكم واسطة عند الجماعة عشان ما يشترطوا عليك الإنضمام ..!
|
Post: #85
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-21-2011, 08:32 AM
Parent: #80
بدر الدين إسحق وينك ..!!
| Quote: يا ابو النيز حليلك وحليل صنفرتــك وبتاعاتك ... |
انا من زماان حليلي وشليلي إنت يا دوبك عرفت ..!!
اسمع ..
عندكم لي خانة فاضية او عرض مغري أو اي حاجة سريعة قبل شهر يوليو ..!!
|
Post: #86
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-21-2011, 08:35 AM
Parent: #80
سيف النصر ..
Quote: يعني هدية المؤتمر الوطني للأعضاء الجدد عروسة؟؟
الكلام ده كيف معاك يا ابو النيز؟ |
يا كيشة واهم من يظن الأشياء هي الاشياء ..
أقلب الصورة وحا تلقى إنو هدية المؤتمر الوطني للعضوات الجدد عريس ..
يعني ياسر الهدية وليس المهدى إليه
|
Post: #87
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-21-2011, 08:38 AM
Parent: #80
عبد المنعم كيفك ..
Quote: لا توجد أسباب للاسف .. فالسقوط الي الهاوية لا يقاس بالأمتار أو درجة الإصطدام ...
لقد إختار أن يقف برجله اليمين ووقف. |
تعرف جنس كلامك المبهم دا هو البيكون طفش ياسر الزول البسيط ود الدامر من اليسار !!
أنحن ناس عرب عنقالة ساي حاول إتكلم بي لغة مبسطة شوية عشان نفهم داير تقول شنو ؟!
لأنو ما فهمت السقوط بيقاس بي شنو وعلاقة الوقوف بالرجل الشمال بالهاوية شنو !!
حليلا حليوة !!
|
Post: #89
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: سفيان بشير نابرى
Date: 05-21-2011, 08:46 AM
Parent: #87
سلام تاني يا شباب
بالله برضو اعفونا من المجانية البتقولوا فيها دي
بتاعة ناس اليسار في جوته ومضارب حليوة
هسي فرقكم شنو من الكيزان البيكشو إي
معارض عليهم باعتبار أنو يساري و
شيوعي بالتحديد .
ارتفعوا للمسؤلية ياخ عشان ما تبقوا
في نفس الحفرة الواقعين فيها الناس
العايزين تغيروهم .
|
Post: #91
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: HAIDER ALZAIN
Date: 05-21-2011, 08:47 AM
Parent: #87
| Quote: أقلب الصورة وحا تلقى إنو هدية المؤتمر الوطني للعضوات الجدد عريس |
والله حقو الزول يفتح بوست زي بتاعات خبر عااااااااجل خبر عاااااااااجل ( توجد صورة )
ويكتب فيهو ذكر مصدر مؤكد طلب عدم ذكر اسمه
ان المؤتمر الوطني يجند عضواته بواسطة الزواج
وقد قال المصدر انهم يقدمونه مجاناً لهن فور الانضمام ..!
وارفق معاهو صورة ياسر بيناوي بالعمة
|
Post: #94
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: الشفيع عوض شوشتا
Date: 05-21-2011, 08:58 AM
Parent: #87
لا شئ ...
---
ناذر سلامات ياخ
|
Post: #88
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: بشير أحمد
Date: 05-21-2011, 08:45 AM
Parent: #80
لذلكـ ...
اتمني من المناضلين ان لا يفكّوا اخرهم في البورد
والظروف ما معروفة يمكن تجيبك حارة المؤتمر.
|
Post: #97
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: Abdlaziz Eisa
Date: 05-21-2011, 09:18 AM
Parent: #88
Quote:
صديقك العزيز ولا أخوك في الله ؟!!
قول رفعناها عنو .... نختها وين يعني ؟؟؟!! |
تعليق حلو جدا يا أخي ناذر..
بيناوي
حمدلله على السلامة..
وما تمسك قوي.. الدنيا ما معروفة!!
وما تنسى الجات في الفيسبووك!!
|
Post: #90
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-21-2011, 08:46 AM
Parent: #80
ياسر بيناوي ..
Quote: سلامات
الاخ ناذر وكل المداخلين
نعم سادتي انا من انضم للمؤتمر الوطني
دون اي شرط وعن قناعة
ولاسباب كتيرة اهمها علي الاطلاق ( تركت جمل المعارض بما حمل لاصحاب صكوك النضال
الذين يعلمون مافي ضمائر الخلق
بعد انا عانيت نفسيا من هذه الاتهامات والتي للاسف اتت من اقرب الاقربين)
|
أول حاجة أقول ليك مبروك عليك إتخاذك لقرارك أيا كان لأنو الروح الديمقراطية في بلد انحنا دايرنو تعددي ديمقراطي بتقتضي علينا نتقبل التحولات الزي دي تبعا لمصلحة البلد .. وأكيد إنت بتكون درست القرار دا بتأني قبل ما تختار توجهاتك الجديدة وأتمنى من الزملاء هنا ما يسلقوك بألسنة حدا على قرارك دا بل اتمنى أن يتقبلوا الأمر بروح ودية عادية ويشوفوا السبب الخلاك تنتقل منهم للضفة التانية شنو ؟ لأنو أكيد في خلل في حتة وأحسن يشوفوا الخلل دا وين بدل ما يعملوك تختة ضرب نار !!
طبعا كلامي دا انا بستثنى منو أم النسب وميادة كمال لأنهم بكل تأكيد THEY WILL EAT YOU A LIVE
طبعا أنا شخصيا ما بلومم .. لأنهم ما من رفاق النضال تبعك الزمان .. غايتو إستحملم شوية ..!!
|
Post: #92
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-21-2011, 08:47 AM
Parent: #80
قبل ما أنسى يا ياسر ..
بالله دايرين منك صورة زي صورة عصام دهب ديك عشان نحفظا معانا للذكرى والتاريخ .!!
بس تكون حديثة شوية بعد النيو لوك الأخير دا وما شرطاً تكون ماسك فيها مكرفون ..!
|
Post: #93
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-21-2011, 08:56 AM
Parent: #80
سفيان نابري ..
Quote: سلام تاني يا شباب
بالله برضو اعفونا من المجانية البتقولوا فيها دي
بتاعة ناس اليسار في جوته ومضارب حليوة
هسي فرقكم شنو من الكيزان البيكشو إي
معارض عليهم باعتبار أنو يساري و
شيوعي بالتحديد .
ارتفعوا للمسؤلية ياخ عشان ما تبقوا
في نفس الحفرة الواقعين فيها الناس
العايزين تغيروهم . |
إنت معاي أنا ؟؟!!
|
Post: #95
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-21-2011, 09:03 AM
Parent: #93
سلام شوشتا ..
Quote: لا شئ ...
---
ناذر سلامات ياخ |
مشتاقين يا شاب ..
لاشي بمعنى كل شي هادي في الميدان الغربي ؟!
ولا قصدك الموضوع لا يستحق كل هذه الضجة ؟!
|
Post: #96
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: سفيان بشير نابرى
Date: 05-21-2011, 09:18 AM
Parent: #95
لا ياناذر
الناس لما تقول حاجة يبقى ما يقولوها بشكل
مجاني خصوصاً في ظروف أنهم بيعارضو
نظام بيستخدم هذا الاسلوب .
|
Post: #98
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: د.نجاة محمود
Date: 05-21-2011, 09:48 AM
Parent: #96
| Quote: طبعا كلامي دا انا بستثنى منو أم النسب وميادة كمال لأنهم بكل تأكيد THEY WILL EAT YOU A LIVE |
لوووووووووول يا ابو النسب
دي ذي ليكم اللحم ولينا العضم...
يا سفيان دا حال ادنيا يا اخوي
ما خسرتوا كثير والله (زول مدردق)
|
Post: #99
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: Yassir Tayfour
Date: 05-21-2011, 10:43 AM
Parent: #98
لقد صبأ بيناوي ؛)
عن قناعة دي لذيذة يا ناذر ؛)
___
أنا مقدم طلب من سنة 2007 لاهسي مافي زول عبرني، وما داير أمشي براي زي بيناوي ؛)
اريد الإنضمام للمؤتمر الوطني ولكن
|
Post: #100
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: عبد المنعم ابراهيم الحاج
Date: 05-21-2011, 10:58 AM
Parent: #98
Quote:
لأنو ما فهمت السقوط بيقاس بي شنو وعلاقة الوقوف بالرجل الشمال بالهاوية شنو !!
حليلا حليوة !! |
وكيفك براك يازول
زي علاقة حليوة بي باقي الكلام الفوق منو..
الرجل الشمال بتلعب " أريكيا "
والرجل اليمين بتلعب " حرّت"
والإتنين مع بعض ممكن تعمل بيهن خطوات تنظيم أو تنط بيهن الهاوية.
|
Post: #103
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-21-2011, 04:57 PM
Parent: #100
سلام ندوية ..
Quote: موش ياسر ده راجل كبير وعارف مصلحة روحه ياناذر ؟!
|
ما كبير شديد .. إتخايلي يا دوبو كدة فات التلتين ولا الواحد وتلتين ..!
Quote: وبعدين أنا ( إستنكرت) شتيمته للدكتورة وده البهمني من ياسر إنو مايكون زول بشتم الناس
ويهمني إنو الدكتورة ماتتشتم من زميل ليها في المنبر لانو ده سلوك اتمنى ينتهي من المنبر ده !
( مجرد أمنية) !!
|
كلنا نتمنى مجرد الأمنية تلك ..!
Quote: وأنا ياناذر ما ( إستنكرت) زواج ياسر إنما بعشم الزمالة سالت إنوكيف إتزوج وماعزمنا نحن زملاءه !!
|
لا لا هو ما إتزوج ما قلت ليك الود صغير يا دوبو في أول التلاتينات .. كانت جلكسة مني ساي ..!
Quote: ولو دخولي بوستك ده ضايقك كلمني وبجي أحذف كل مداخلاتي ( الشترة) والأنت شايفها مداخلات ( هنود) خارج السياق !!
|
لا لا ياخ .. الله لا جاب الضيق .. مداخلاتك خليها وبتصب في موضوع البوست ..
ما تدي الموضوع أكبر من حجمو وما تتشنجي .. سمح ..!!
|
Post: #104
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-21-2011, 05:04 PM
Parent: #100
ياسر طيفور ..
Quote: أنا مقدم طلب من سنة 2007 لاهسي مافي زول عبرني، وما داير أمشي براي زي بيناوي ؛)
|
ما في زول عبرك لأنك زول ما مضمون وبالدليل القاطع ..
قاعد كم سنة عامل لينا فيها معارض لي أراء تراجي مصطفى والسنوات دي كلها تشيل وتقرش في ملحتا ..!
في النهاية تمشي تتصور معاها وكمان معاكم هاشن نوريت ..!!
تعرف يا ياسر أنا ما حارقاني إنكم إتصورتو معاها في لقطة واحدة ..!!
الحارقني إنكم -إنت وهاشم- كنتو بتتبسموا لمن الفلاش ضرب والصورة ظبطت !!
وبعد دا بتسأل تقول ناس المؤتمر الوطني ما عبروك لييه ؟!!
بالمناسبة ..
ما بقيتو تلاتة ؟!!
|
Post: #105
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-21-2011, 05:07 PM
Parent: #100
عبد المنعم ...
Quote: الرجل الشمال بتلعب " أريكيا "
والرجل اليمين بتلعب " حرّت"
والإتنين مع بعض ممكن تعمل بيهن خطوات تنظيم أو تنط بيهن الهاوية. |
أوكييييييييييي !!!
يا دوبي فهمت كلامك ..
تراهو كلام المثقفين دا ساهل خلاس لو بقينا عميقين معاهو شوية .. بس أنحن ديل برانا متعقدين منو ..!!
تسلم
|
Post: #106
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-21-2011, 05:12 PM
Parent: #100
عزيز عيسى
Quote: تعليق حلو جدا يا أخي ناذر..
بيناوي
حمدلله على السلامة..
وما تمسك قوي.. الدنيا ما معروفة!!
وما تنسى الجات في الفيسبووك!! |
الله يسلمك يا عزيز ..
الفيس بوك الجات عليهو شنو ؟!
أكان ما اخاف الكضب الليلة الفيس دا حا تتوفر فيهو مساحات كبيرة لانو في صفحات كتيرة عاملا ياسر حا تمشي الخور بي هناك ..!
|
Post: #102
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: الشفيع عوض شوشتا
Date: 05-21-2011, 04:51 PM
Parent: #95
موضوع لا يستحق كل هذه الضجه يا ناذر
ولو فكرت في الموضوع ده بضع دقائق ستصل إلى نفس النتيجه مع كامل الإحترام للعزيز بيناوي الذي يبدو انه متأثر ببعض الاشياء كما هو واضح في خطابه الذي القاه لمعشر قراء وكتاب سودانيزاونلاين ..
|
Post: #107
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: ناذر محمد الخليفة
Date: 05-21-2011, 05:15 PM
Parent: #102
سلام شوشتا ..
Quote: موضوع لا يستحق كل هذه الضجه يا ناذر
ولو فكرت في الموضوع ده بضع دقائق ستصل إلى نفس النتيجه |
أساسا ما في ضجة ..
كلها بوست الناس تتحاور فيهو وتاني يوم يمشي الأرشيف ..
وتالت يوم بيناوي يمشي مقر الحزب الوطني ..!!
لايف قوز اون ماي فريند ..!!
|
Post: #108
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: معاوية عوض الكريم
Date: 05-23-2011, 09:18 AM
Parent: #107
اين هو صديقى بيناوي الشهير بـ : خالص الود !
|
Post: #109
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: إبراهيم عبد الحليم
Date: 05-23-2011, 07:21 PM
Parent: #108
| Quote: اين هو صديقى بيناوي الشهير بـ : خالص الود ! |
|
Post: #111
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: عمار زكي
Date: 05-24-2011, 10:25 AM
Parent: #107
يا ناذر سلامات وينك إنت أنا لي زمن أفتش ليك نحن محتاجين ليك بي هناك عليك الله سجل لينا زيارة في بوست آخر المستجدات في تخطيط توتي مع الشكر الجزيل
آخر المستجدات حول تخطيط مدينة توتي
|
Post: #112
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: عمار زكي
Date: 05-25-2011, 08:34 AM
Parent: #111
فوق من أجلك يا ناذر
|
Post: #113
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: فايزودالقاضي
Date: 05-25-2011, 11:54 AM
Parent: #112
ناذر ...سلامات ..
معظم او جل من تحولوا للمؤتمر الوطني يبررون ذلك بحال المعارضة واختلافهم معها ولإسباب بعيدة كل البعد عن المؤتمر الوطني ..فإن حلت المعارضة في سلوكها محل المؤتمر الوطني وتغير المؤتمر الوطني للافضل وتاب عن ماضيه بارجاع الحقوق الى اصحابه وأخذ جزاءه في كل ماارتكب من جرائم وتم تعويض كل المتضررين من نظامه فحينها الامر قد يكون مقبولاً ..ولكن ان يكون التغير بسبب المعارضة دون تغير في حال المؤتمر الوطني فذاك حقاً يدعو للاستغراب !!!
فكرة ردي كنت قد بدأتها في البوست ادناها ..
عندي راى في الامة والاتحادى والشيوعي وبقية احزاب المعارضة
تحياتي ،،
|
Post: #114
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: Tabaldina
Date: 05-26-2011, 10:49 AM
Parent: #113
..
.
المؤتمرجى دا لسه ما وصل من دامر المجذوب ؟؟
---------
شباب مع التغيير
|
Post: #115
Title: Re: من هو البوردابي اليساري الذي إنضم للمؤتمر الوطني مؤخراً ؟!!
Author: Abdel Aati
Date: 05-26-2011, 11:10 AM
Parent: #113
| Quote: معظم او جل من تحولوا للمؤتمر الوطني يبررون ذلك بحال المعارضة واختلافهم معها ولإسباب بعيدة كل البعد عن المؤتمر الوطني ..فإن حلت المعارضة في سلوكها محل المؤتمر الوطني وتغير المؤتمر الوطني للافضل وتاب عن ماضيه بارجاع الحقوق الى اصحابه وأخذ جزاءه في كل ماارتكب من جرائم وتم تعويض كل المتضررين من نظامه فحينها الامر قد يكون مقبولاً ..ولكن ان يكون التغير بسبب المعارضة دون تغير في حال المؤتمر الوطني فذاك حقاً يدعو للاستغراب !!! |
|
|
