Post: #1
Title: القبض على مصوري فيديو الفتاة المجلودة ...!!
Author: ناذر محمد الخليفة
Date: 12-17-2010, 01:00 PM
Parent: #0
المصدر ..:
صحيفة الصحافة الصادرة هذا اليوم ..!!
|
Post: #2
Title: Re: القبض على مصوري فيديو الفتاة المجلودة ...!!
Author: الفاضل يسن عثمان
Date: 12-17-2010, 01:02 PM
Parent: #1
ناذر:
يعني قبضوا البردعة.
سلام
|
Post: #3
Title: Re: القبض على مصوري فيديو الفتاة المجلودة ...!!
Author: ناذر محمد الخليفة
Date: 12-17-2010, 01:03 PM
Parent: #1
ادعو الجميع لتكوين جسم أو منظمة (لا لقهر الرجال) .. لتيسير مسيرة سلمية للتضامن مع هذا المصور قدو قدو أو أيا كان إسمه ..!!
وكدي الراجل ولا المرة ما يجي - تجي- عشان نوريو الله واحد ...!!
|
Post: #4
Title: Re: القبض على مصوري فيديو الفتاة المجلودة ...!!
Author: محمد عمر جبريل
Date: 12-17-2010, 01:11 PM
Parent: #3
وأي زول يجيب معاهو كاميرا + يافطة كبيرة يكون كاتب فيها أسمو ..بالصيغة التالية
أنا فلان الفلاني من منبر سودانيزأونلاين
..
لأ لأ ..
كاميرا واحدة ما بتكفي ..
أي زول يجيب معاهو كاميرتين
واحدة يصور بيها
والتانية يصورهو بيها وهو بصور
|
Post: #5
Title: Re: القبض على مصوري فيديو الفتاة المجلودة ...!!
Author: ناذر محمد الخليفة
Date: 12-17-2010, 01:41 PM
Parent: #4
الفاضل ..
Quote: ناذر:
يعني قبضوا البردعة.
|
ههههههههههه والله دا كان شاغل الجماعة في اليومين الفاتو ..
|
Post: #6
Title: Re: القبض على مصوري فيديو الفتاة المجلودة ...!!
Author: ناذر محمد الخليفة
Date: 12-17-2010, 01:43 PM
Parent: #4
محمد عمر ..
Quote:
وأي زول يجيب معاهو كاميرا + يافطة كبيرة يكون كاتب فيها أسمو ..بالصيغة التالية
أنا فلان الفلاني من منبر سودانيزأونلاين
|
ومن هسي أوريكم ...
اليوم داك لا تقولو لي ماشين لي عوضية أو قندهار أو سكينة أوحليوة ..!!
أي واحد يجينا من بيتم حاشي ليهو سندوشتي وقزازة شامبيون او فينو ..!!
ما دايرين تسيب اليوم داك ..
نشوف الشغلانية دي حدها وين ..!!
|
Post: #7
Title: Re: القبض على مصوري فيديو الفتاة المجلودة ...!!
Author: عمر التاج
Date: 12-17-2010, 01:45 PM
Parent: #4
الراجح ان يكون المصور بتاع شرطة
وده معناتو انو بتاعين الشرطة قبضو بتاعين شرطة
وأي زول مننا يتضامن مع واحد منهم - القابض أو المقبوض
فده معناتو أنو زول امنجي وكوز وود لزينا.
..
..
لكن برضو مشكلة البنت ما اتحلت.
|
Post: #8
Title: Re: القبض على مصوري فيديو الفتاة المجلودة ...!!
Author: MOHAMMED ELSHEIKH
Date: 12-17-2010, 01:56 PM
Parent: #7
Quote: المصدر ..:
صحيفة الصحافة الصادرة هذا اليوم ..!! |
كيفك يا ناذر
ياخي مالك تاعب نفسك
المثلك لا يسأل عن مصدر ياخي
|
Post: #9
Title: Re: القبض على مصوري فيديو الفتاة المجلودة ...!!
Author: Tragie Mustafa
Date: 12-17-2010, 01:57 PM
Parent: #7
يا ناذر
اولا المصور ....ليس هو المسرب...والمقصود من اخذه لموقع اليوتيوب.
اها المصور ده بريء....وطثر ما يفعلونها ناس الخرطوم الايام دي
بيصوروا اي حاجه.
الا قول لهم غريمك الحقيقي هو المسرب......اها المصور المسكين ده
يضربوهوا يقطعوها...كل وارد فهو اكيد من الهامش....الا قول لهم ابقوى رجال
والقوا المسرب....ويومها طبعا يا ويله من بطشكم.
يا ايها المسرب لو كنت تقرأ كلماتنا
توجه لاقرب سفاره غربيه وهي التي ستحميك(وجه غامز لامنجية الاون لاين)
مش دي عبارتكم العاملين بتكرروها عننا(ههههههه)
|
Post: #10
Title: Re: القبض على مصوري فيديو الفتاة المجلودة ...!!
Author: amir jabir
Date: 12-17-2010, 01:59 PM
Parent: #9
والمصور مالوا مش ليشهد عذابهم ؟
---
قبضوا ضل الفيل
|
Post: #11
Title: Re: القبض على مصوري فيديو الفتاة المجلودة ...!!
Author: عبدالله شمس الدين مصطفى
Date: 12-17-2010, 02:01 PM
Parent: #7
ياخ الناس ديل لذيذين خلاص لما يتمطوا, وقااال كدى
يعفصوا ليك بردعة بردعتين وهم فى طريقهم لتوضيح
الأمور.... حسبى الله.
أنا المحيرنى هو حديث السيد الوالى وحديث منسوب الشرطة,
ومن بوست ميادة, وهذا البوست, نكتشف أن المارد يا دووووبك
بدا يتحرك, يعنى الحديث السابق عن معاقبة أفراد الشرطة ,
ونقل القاضى لإحدى محاكم أمبدة كان ذراً للرماد على عيوننا
العمياء أصلاً, إنا لله.....
يا حكومة يا..... نفذت منا القنابير, ياخ خلوا لينا قنبور وااحد نعيّد
بيهو, عيد الثورة.
سلام يا ناذر وضيوفه.
|
Post: #12
Title: Re: القبض على مصوري فيديو الفتاة المجلودة ...!!
Author: ناذر محمد الخليفة
Date: 12-17-2010, 02:57 PM
Parent: #11
عمر التاج ..
Quote: الراجح ان يكون المصور بتاع شرطة
وده معناتو انو بتاعين الشرطة قبضو بتاعين شرطة
وأي زول مننا يتضامن مع واحد منهم - القابض أو المقبوض
فده معناتو أنو زول امنجي وكوز وود لزينا.
|
لخبتة شدييدة خلاااص !!!
|
Post: #13
Title: Re: القبض على مصوري فيديو الفتاة المجلودة ...!!
Author: ناذر محمد الخليفة
Date: 12-17-2010, 02:58 PM
Parent: #11
محمد الشيخ ..!!!
| Quote: المثلك لا يسأل عن مصدر ياخي |
غايتو ميادة كمال بي ثقتا دي يوم بتكتل ليها زول ... هههههه
|
Post: #14
Title: Re: القبض على مصوري فيديو الفتاة المجلودة ...!!
Author: ناذر محمد الخليفة
Date: 12-17-2010, 03:04 PM
Parent: #11
تراجي ..
Quote: يا ناذر
اولا المصور ....ليس هو المسرب...والمقصود من اخذه لموقع اليوتيوب.
اها المصور ده بريء.... |
مرا دي ..!!
دي غايتو بالغتي فيها .. بقيتي نفسك بتاعت مباحث ووكيل نيابة وقاضي جنايات بي سطر ونص ..!!
Quote: الا قول لهم غريمك الحقيقي هو المسرب......اها المصور المسكين ده
يضربوهوا يقطعوها...كل وارد فهو اكيد من الهامش....الا قول لهم ابقوى رجال
والقوا المسرب....ويومها طبعا يا ويله من بطشكم.
|
من الخبر يا تراجي ومن صياغتو إنهم ما قبضو زول واحد ..
أكيد بيكونوا قبضو المصور أول وبعد داك المصور وراهم العفش وزعو وين ...!!
بالمناسبة يا تراجي .. ما تقولي العساكر بتاعيننا ما بيعرفو تكنولوجي وكدة .. تمشي القسم تلقيهم كلهم جتتت كان بي صباح كان بالليل مطلعين موبايلاتم وفاتحين الفيس بوك وهاك يا شات لي الصباح ..!!
الشغلة إتطورت جدا بي هنا ...
|
Post: #15
Title: Re: القبض على مصوري فيديو الفتاة المجلودة ...!!
Author: ناذر محمد الخليفة
Date: 12-17-2010, 03:05 PM
Parent: #11
عامر ...
Quote: والمصور مالوا مش ليشهد عذابهم ؟
|
المصور قالوا ليهو يشهد عذابهم لكن ما يشهد ويخلي الدنيا والعالمين تشاهد معاو ..!!
|
Post: #16
Title: Re: القبض على مصوري فيديو الفتاة المجلودة ...!!
Author: ناذر محمد الخليفة
Date: 12-17-2010, 03:08 PM
Parent: #11
سلام عبد الله ...
Quote: يا حكومة يا..... نفذت منا القنابير, ياخ خلوا لينا قنبور وااحد نعيّد
بيهو, عيد الثورة.
سلام يا ناذر وضيوفه. |
القنابير الخصصوها لي ناس المنبر هنا لو وزعوها على السودان كلو لكفتو وكفت الدول المجاورة معاو ..!!
|
Post: #17
Title: Re: القبض على مصوري فيديو الفتاة المجلودة ...!!
Author: Salwa Seyam
Date: 12-17-2010, 04:16 PM
Parent: #16
| Quote: المصور قالوا ليهو يشهد عذابهم لكن ما يشهد ويخلي الدنيا والعالمين تشاهد معاو ..!! |
ليه .. الباقين ديل ما مؤمنين ؟؟
قول ما كانو عارفين حجم الورطة ..
سلام يا ناذر ..
|
Post: #18
Title: Re: القبض على مصوري فيديو الفتاة المجلودة ...!!
Author: ناذر محمد الخليفة
Date: 12-17-2010, 04:28 PM
Parent: #17
سلام سلوى ..
Quote: ليه .. الباقين ديل ما مؤمنين ؟؟
قول ما كانو عارفين حجم الورطة ..
سلام يا ناذر .. |
لو الأمور بتمشي كدة كان الجلد عملوهو في إستديوهات التلفزيون ونقلوهو لايف للناس جو بيوتا ..!!
بس ربنا قادر وما وصلنا المرحلة دي ..!!
|
Post: #19
Title: Re: القبض على مصوري فيديو الفتاة المجلودة ...!!
Author: خالد المحرب
Date: 12-17-2010, 04:32 PM
Parent: #17
ناذر كيفك انشاء الله وانت والمدام البنيه بخير
سؤال القبض على مصورى فديو
انا ارى انو (الاعلان )القبض عليهم جريمه اخرى اخى ناذر انا كنت ضد السلوك فى تنفيذ العقوبه
الله من فوق سبع سموات اراد ان يصؤر من صور المشهد ولكن البت امكن تكون اركبت
جرم ولكن الطريقه كانت تخالف فهمنا وفهم رسولنا المشرع فى الاخر
|
Post: #20
Title: Re: القبض على مصوري فيديو الفتاة المجلودة ...!!
Author: ناذر محمد الخليفة
Date: 12-17-2010, 04:46 PM
Parent: #19
الارباب المحرب ..
Quote: ناذر كيفك انشاء الله وانت والمدام البنيه بخير
سؤال القبض على مصورى فديو
انا ارى انو (الاعلان )القبض عليهم جريمه اخرى اخى ناذر انا كنت ضد السلوك فى تنفيذ العقوبه
الله من فوق سبع سموات اراد ان يصؤر من صور المشهد ولكن البت امكن تكون اركبت
جرم ولكن الطريقه كانت تخالف فهمنا وفهم رسولنا المشرع فى الاخر |
اساسا من ما بدت الازمة دي كان هم الأجهزة الاوحد هو الوصول لي مصور الفيديو والناشر بتاعو في اليوتيوب ..!!
دا كان أقصى إهتماماتم وأهو حققوها .. باقي البتاعات ما مهمة في نظرهم ..
|
Post: #21
Title: Re: القبض على مصوري فيديو الفتاة المجلودة ...!!
Author: عاطف محمد أحمد زكريا
Date: 12-17-2010, 05:06 PM
Parent: #20
والله ناسنا حقوا يتسعينوا بيهم ناس الرقابة والمصنفات الفنية فى مصر
يعنى لو فى فيلم فيه مشهد لممثل وممثلة ظهروا بشكل فاضح يخلو الممثل والممثلة والمخرج ويقبضوا على المصور..يستاهل زاتو..الناس فى لحظة اثارة وهو بصور فيهم؟؟
|
Post: #22
Title: Re: القبض على مصوري فيديو الفتاة المجلودة ...!!
Author: Elbagir Osman
Date: 12-17-2010, 08:37 PM
Parent: #21
القبض على مصوري الفيديو بأي تهمة؟
هل التصوير بالفيديو جريمة؟
هل النشر على اليوتيوب جريمة؟
عقوبة الفتاة كانت علنية، فلم يصوروا مادة محظورة
بل كان هناك صوت واضح يستشهد بالآية (وليشهد عذابهما طائفة من المؤمنين )
على النظام أن يكف عن تقديم ضعفائه كأكباش فداء
مثل الجندي قدوقدو أو المصورين أو حتى القاضي
فهم تروس في آله لقهر الشعب صممها ويديرها الكبار
إذا كانت التهمة هي تشويه صورة الحكومة
فالذي شوهها هو أفعالها
ولن يجديها الإخفاء
الطريقة الوحيدة لحماية سمعتها
احترام حقوق وكرامة مواطنيها
الباقر موسى
|
Post: #23
Title: Re: القبض على مصوري فيديو الفتاة المجلودة ...!!
Author: صلاح غريبة
Date: 12-17-2010, 08:50 PM
Parent: #22
ناذر
حببوتي تسلم عليك .. وتقول ليك انت كدة ......................
وتقول ليك هي زاتها عندها كاميرا وعاوز تصور وتتصور .............
صلاح غريبة - الحبوبته قالت لناذر انت كدة ..................... الخ
|
Post: #24
Title: Re: القبض على مصوري فيديو الفتاة المجلودة ...!!
Author: أيمن التوم حسن
Date: 12-17-2010, 09:28 PM
Parent: #23
الناس ديل لامن كانوا بيشنوا معارك فى الجنوب ويسموها صيف العبور
وماادراك ,,,, مش كانو بصوروها او بيمثلو انها حصلت امام الكاميرا ؟؟؟
خلاص ياخى دى كمان ممكن يسموها موقعة( ذات البنطال),, زى ماوصفها زميل هنا,,,
ويجيبوها فى ساحات الفداء,,,, قابضين الزول فوق كم ؟؟؟
|
Post: #25
Title: Re: القبض على مصوري فيديو الفتاة المجلودة ...!!
Author: Al-Shaygi
Date: 12-17-2010, 09:46 PM
Parent: #20
ناذر ...
Quote:
اساسا من ما بدت الازمة دي كان هم الأجهزة الاوحد هو الوصول لي مصور الفيديو والناشر بتاعو في اليوتيوب ..!!
دا كان أقصى إهتماماتم وأهو حققوها .. باقي البتاعات ما مهمة في نظرهم ..
|
دي زي قصة:
إنتي البجيبك ديوان الرجال شنو؟؟؟؟
(قبضتوا مع سجم رماد ودقاها).....
فاجعة العصر (تجريم الفتاة الضحية وتزوير صحيفة سوابق لم يتفق عليها أثنان من كبار المسؤولين وما أكثر كبارهم الذين جائوا بصحائف مزورة، ثم البحث على كبش فداء مناسب "المصور وقدو قدو"....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #26
Title: Re: القبض على مصوري فيديو الفتاة المجلودة ...!!
Author: محمد الجيلى
Date: 12-17-2010, 09:53 PM
Parent: #25
تم القبض على المِرآة و{هُشّمت}
لأنها عكست الضوء إلى الظِل!
|
Post: #27
Title: Re: القبض على مصوري فيديو الفتاة المجلودة ...!!
Author: نصار
Date: 12-17-2010, 10:26 PM
Parent: #26
الخطوة الجاية قبض من شاهدوا الفيديو يا ناذر
|
Post: #28
Title: Re: القبض على مصوري فيديو الفتاة المجلودة ...!!
Author: نصار
Date: 12-17-2010, 10:33 PM
Parent: #27
اما الذين شهدوا (عذابهها و ادعوا انه عذابهما)فسوف يؤخذوا لمركز بحوث الايمان عشان يعرفوا لو كان مؤمنين ولا مدعين ساكت فيجلدوا
مركز بحوث الايمان العمله الزنداني في الخرطوم
كنت محتار بيعمل شنو بالتحديد لكن اهو حوبته
جات
|
Post: #29
Title: Re: القبض على مصوري فيديو الفتاة المجلودة ...!!
Author: Ashraf el-Halabi
Date: 12-18-2010, 06:34 AM
Parent: #28
| Quote: يعني قبضوا البردعة! |
سلامات ناذر
|
Post: #30
Title: Re: القبض على مصوري فيديو الفتاة المجلودة ...!!
Author: احمد محمد بشير
Date: 12-18-2010, 06:40 AM
Parent: #29
انا اول زول رفعت التسجيل لليوتيوب, وقمت بحذفه.
كلمو الجماعة ديل يكفكو الزول الصور دة لانو ما عندوا ذنب.
انا من قام برفع التسجيل علي اليوتيوب للمرة الاولي بعد حصولي علي التسجيل عبر البلوتوث.
اسع الصور دة ذنبو شنو؟
المفترض يمسكو الضابط و القاضي, الكانو موجودين وشاهدو الشخص بيصور, وسمحو ليهو بالتصوير؟!!
...
|
Post: #31
Title: Re: القبض على مصوري فيديو الفتاة المجلودة ...!!
Author: د.نجاة محمود
Date: 12-18-2010, 09:06 AM
Parent: #30
| Quote: هل التصوير بالفيديو جريمة؟ |
جريمة اذا كان في مكان غير مصرح فيه التصوير
هل في اي محكمة في الغرب بسمح بالتصوير؟
ما قلنا ليكم المعارضة لازم تكون منضبطة
هل وافقت البنت على تصويرها؟
|
Post: #32
Title: Re: القبض على مصوري فيديو الفتاة المجلودة ...!!
Author: ناذر محمد الخليفة
Date: 12-18-2010, 02:04 PM
Parent: #31
أخدو راحتكم لحدي ما أجيكم يا شباب ..
|
Post: #33
Title: Re: القبض على مصوري فيديو الفتاة المجلودة ...!!
Author: تبارك شيخ الدين جبريل
Date: 12-18-2010, 02:44 PM
Parent: #32
جريمة الجلد ارتُكِبت باعتبارها عقوبة معلنة أمام عموم الناس ... و "قدوقدو" جاتو الجرأة يستشهد بى آية "وليشهد عذابهما طائفة من المؤمنين" ...
هسى التصوير جريمة كيف؟
حا يقولوا ليهو "كتّرت الطائفة"؟ (على وزن "كتّرتى المحلبية"!)
الناس ديل مصرّين يخالفوا العقل والشرائع والدستور ليه؟
لسة ما انتهينا من الدفاع عن حرياتنا الشخصية وولايانا وحقوقنا كبشر ... دايرين يدخّلونا فى معركة بتاعة حرية تعبير كمان؟
وقابضين المصوّر - ما قبضوا المشرّع - ليه؟
زى قصة الأسد الشرد من جنينة الحيوانات - "برج الفاتح" سابقاً - ونميرى قال لى بتاعين الأمن "جيبوهو ليّ" ..
لقوهم قابضين القرد ... ومربّطينّو "الطيارة قامت" وشابكينّو ... "قول انا أسد"!
يعنى المصوّر دا حا يقولوا ليهو "قول انا جلدتها"؟ ولاّ قابضينّو ليه؟
حرية التعبير يا ناس الصحافة! ... عندكم تاريخ مشرّف فى الدفاع عن حقوقكم وحريّاتكم ... مسألة التصوير دى لب حرية التعبير ... لأنو المصادر الخبرية بتجى من هنا ...
... المهم ....
|
|