Post: #1
Title: الأستاذة اخلاص نمر أرجو مراجعة بروفايلك .. ! (part 2) !!!!
Author: ناذر محمد الخليفة
Date: 11-16-2010, 01:03 PM
Parent: #0
قبل ثلاثة أعوام كتبت هذا البوست :
الأستاذة اخلاص نمر أرجو مراجعة بروفايلك .. !
وحتى هذه اللحظة رغم مرور تلكم السنوات لم تراجع الأستاذة بروفايلها ؟؟!!
واليوم لمحت لها مداخلة على المنبر العام ..!!
!!!!!!!
|
Post: #2
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: ناذر محمد الخليفة
Date: 11-16-2010, 03:25 PM
Parent: #1
ارجو ألا أضطر لتنبيه الأستاذة مرة أخرى بعد ثلاث سنوات مستقبلاً ..!!
|
Post: #3
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: Ahmed musa
Date: 11-16-2010, 03:33 PM
Parent: #2
بقت ناذر ملاسي؟؟
|
Post: #4
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: محمد عبدالرحمن محمد
Date: 11-16-2010, 04:27 PM
Parent: #3
ناذر؛
الشربوت فايربك ولا شيتاً أقوى ملاهو؟
كل سنه وانت طيب ياخ!
[المطرطش]
|
Post: #5
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: زهير عثمان حمد
Date: 11-16-2010, 04:34 PM
Parent: #4
ناذر
كل سنة وانت طيب في واحد مشتاق أسمع عزفك علي العود
*وينك أنت ياعلة في كمية من الاخبار الفنية القذرة جدا كان في حوش البقر ولا الشروق أتصل
*بالمناسبة في رحلة في العيد حقت جناح الريس المسلمي معهم انت عشان نقول لانصارك
|
Post: #6
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: ناذر محمد الخليفة
Date: 11-16-2010, 04:36 PM
Parent: #4
أحمد موسى ..
هاك التأمل دا هههههههه
|
Post: #7
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: ناذر محمد الخليفة
Date: 11-16-2010, 04:40 PM
Parent: #4
محمد المطرطش ..
Quote: الشربوت فايربك ولا شيتاً أقوى ملاهو؟
كل سنه وانت طيب ياخ!
|
الشربوت العندي خالي من الكحول لكن بيني وبينك ما في ضمان ..
تلاتة سنة وأنا بنبه للأستاذة تراجع بروفايلا ..!!
ومستعد أنبها كل تلاتة سنة لمدة تلتين سنة لي قدام حتى تراجع البروفايل أو أهلك دونه ..!!
هي بتكتب في المنبر لكن يا ربي تكون ضيعت الباصويرد بتاع البروفايل ؟!!
حد يصحي الرئيس السودانـ ..... هي بسم الله !! قصدي حد يصحي الاستاذة اخلاص تفتح البوابـ ... هي بسم الله ..!! قصدي تفتح بروفايلا وتراجعو ..!!
كدة كويس يا محمد أهو عاديتني بي طرطشتك دي ..!!!
|
Post: #8
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: زهير عثمان حمد
Date: 11-16-2010, 04:44 PM
Parent: #7
(الشربوت العندي خالي من الكحول لكن بيني وبينك ما في ضمان)
ما في ضمان من نواياك بعدين لوأدمنت ح تعمل شنو أنا وتبوبتا خلاص
|
Post: #10
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: ناذر محمد الخليفة
Date: 11-16-2010, 04:57 PM
Parent: #8
زهير كل سنة وغنت طيب ..
Quote: ناذر
كل سنة وانت طيب في واحد مشتاق أسمع عزفك علي العود
|
طوالي .. خليو يجهز الشرتيت ..!!
Quote: *وينك أنت ياعلة في كمية من الاخبار الفنية القذرة جدا كان في حوش البقر ولا الشروق أتصل
|
حا إتصل عليك بعد ساعة إنشاء الله ..
| Quote: *بالمناسبة في رحلة في العيد حقت جناح الريس المسلمي معهم انت عشان نقول لانصارك |
معاكم طوالي .. يا فيها يا مفسيها ..!!ههههه
| Quote: ما في ضمان من نواياك بعدين لوأدمنت ح تعمل شنو أنا وتبوبتا خلاص |
بالله إنت كنت مدمن شربوت وأنا ما عارف ..!!
|
Post: #9
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: Al-Shaygi
Date: 11-16-2010, 04:56 PM
Parent: #1
Quote:
الملف الشخصي لـ اخلاص نمر
اللقب: اخلاص نمر
: .
عدد البوستات: 51
تاريخ التسجيل: 19-10-2006
محل الاقامة:
:
عنوان مكتبتى بسودانيزاونلاين دوت كم :
FaceBook Page:
Skype Name:
اكلات مفضلة:
الاسم الحقيقى:
التلفون:
الجامعة/المعهد:
الحالة الاجتماعية: Single
العنوان الدائم:
الفنان المفضل:
اللون السياسى:
النوع: Male
الهوايات المفضلة:
الوظيفة:
تاريخ الميلاد:
درست المرحلة الابتدائية فى ......و سنة....:
درست المرحلة الثانوية فى ......و سنة....:
درست المرحلة المتوسطة فى ......و سنة....:
شاعرك المفضل:
عدد الاطفال:
معلومات اضافية:
مكان العمل:
مكان الميلاد فى السودان:
صورتى:
|
هي يعني يا ناذر غلطت في البخاري
مش يمكن قاصده؟؟
الله يستر من Part3
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #11
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: محمد عبدالرحمن محمد
Date: 11-16-2010, 05:03 PM
Parent: #9
Quote: هي يعني يا ناذر غلطت في البخاري
مش يمكن قاصده؟؟ |
يا ودعمي؛
تباري بوستات ناذر دي -وبالذات الليلي مو برا- اللي اكان يمرقوك [مطرطش] متلي!
|
Post: #12
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: ناذر محمد الخليفة
Date: 11-16-2010, 07:32 PM
Parent: #11
الشايقي ..
Quote: هي يعني يا ناذر غلطت في البخاري
مش يمكن قاصده؟؟
الله يستر من Part3
|
تعرف جاني هسي إحتمال :
امكن الاستاذة اخلاص من الناطقين بغيرها (الانقليزية وكدة) ..! عشان كدة تكون ما عارفة الفرق !!
لكن التلاتة سنوات الفاتو ديل كان ممكن تتعلم هيروغلوفية وكدة بكل سهولة ..!!!
|
Post: #13
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: ناذر محمد الخليفة
Date: 11-16-2010, 07:44 PM
Parent: #11
يا ود عبد الرحمن تعال أحكي ليك حاجة شديدة ..
بعد المغرب طلعت على أولاد الحلة قلت أشوف برنامجم شنو .. كان في رحلة ولا حفلة ولا شي زي دا .. لقيتم ليك بيتناقشو في موضوع عجيب خلاص !!
موضوع الحديث أو الأثر البيقول (من عصاني يوم العيد عصيته يوم الوعيد) .. الشباب كانو بيحاولوا يصلو لي مفهوم حول عدد ساعات العيد دا ..! هل هو يوم واحد ولا تلاتة أيام ولا أربعة أيام ولا ستة أيام زيها وزي إجازة الحكومة واحد ..!!
واحد من الشباب غالاط شديد ومعروف إنو بتاع جاكات (بفكها حامضة وكدة) .. والأهم من كدة إنو غير الجاكات هو بتاع جركانات كمان ..!!
يعني إتلمن عليهو الجاكات والجركانات (نسأل الله السلامة) ..!! عشان كدة هو كان داير فتوى سريعة ..!
الزول دا مصر شديد إنو المدى الزمني بينتهي بعد الوقوف بعرفة طوالي .. يعني إنتهى من نص النهار !! والناس تحاور فيهو إنو يوم العيد هو كل اليوم وناس تقول تلاتة أيام والشغلة جاطت وأنا جيت في الأجواء دي .. الجماعة إستفتوني وأنا قلت ليهم ما عارف لكن للضمان كدة بتاع الجركانات أحسن ينتظر التلاتة يوم تعدي ..! صاحبنا غالاط ومصر إنو المدة إنتهت .. قلت ليهو يا خي قول لي دليلك شنو ؟؟! زولي إتلفت كدة ورجع لي ورا وعاين لي في عيني شدييد وقال لي : أنا سألت شيخ في الموضوع دا وهو أكد لي الحكاية دي ..!!!
طبعا الناس إنفقعت من الضحك .. يا خي معقولة شيخ يوريك كدة ومعقولة إنت تتجرأ تستفتي شيخ في القصة دي ..!
ما قلت ليك زولي بتاع جاكات ..
المهم هسي النسألك :
(من عصاني يوم العيد عصيته يوم الوعيد) .. ممكن تحصر لي المدى بتاع العيد المقصود ..؟؟!
بس بلييس من غير تستفتى أي شيخ ؟!!
|
Post: #14
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: محمد عبدالرحمن محمد
Date: 11-16-2010, 08:03 PM
Quote: (من عصاني يوم العيد عصيته يوم الوعيد) .. ممكن تحصر لي المدى بتاع العيد المقصود ..؟؟!
بس بلييس من غير تستفتى أي شيخ ؟!! |
ناذر يا [فنّان]!؛
[بلييس] انتا دا! ألعب غيرا..
__
يا اخوانا شوفو الداير يستغل [المطرطش] الأنا خاتيها بي مزاجي؟
لا بالله!
غايتو عشان ما ترجع فاضي، وحسب الغنيه اللذيذه الزمااان ديك
بتاعت (سبعه يوم واليوم سنه)، تبقى التلاته يوم كافيه!
[المطرطش]
|
Post: #15
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: انور التكينة
Date: 11-16-2010, 09:45 PM
Parent: #14
ناذر عيدك سعيد ..
اخلاص نمر زميلتنا و كاتبة عمود نمريات فى ( الصحافة ) ..
و حسب متابعتى فهى لا تجلس الى الكمبيوتر الا لماما ..
هى هذه الايام بالقاهرة لاستلام جائزة عن احدى تحقيقاتها الفائزة ..
اتصلت عليها ووجدت جوالها مغلقا .. يعنى ما رجعت ..
--------------
و بعدين يا الشايقى اضف لتحديداتك الحمراء كلمة single لان زوجها الاستاذ عادل مؤكد لم
يطلع على البروفايل الجايط .
|
Post: #16
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: اخلاص نمر
Date: 11-17-2010, 06:15 AM
Parent: #15
الأخوان أنور التكينة وناذر
عيدكم مبارك وكل عام وانتم بخير
فى البدء الشكر ليك يا أستاذ ناذر لملاحظتك والشكر ليك برضو بلا حدود يا أستاذنا أنور لمداخلتك وتصحيح الفقرة الخاصة بكلمة single أما ياخ ناذر فالبروفايل تم تصحيحه .وأعتقد بإنو المعلومات والبيانات الكانت بالبروفايل قبل التصحيح كانت نتاج تحرك مؤشر الماوس بطريقة غير مقصودة مما أثر وأدى الى التنقل من معلومة لإخرى
أكرر لك الشكر يا أخ ناذر واكيدمافى حد بكون شاف تنبيكم السابق بتعديل البروفايل قد يكون بسبب ظرف خاص لم تطلع إخلاص أو اى حد من الأسرة على المنتدى انذاك فلك العتبى حتى ترضى .أما يا استاذنا وأخونا أنور فإخلاص عادت من مصر بس توجهت مباشرة إلى مدينة الجميزات (الكوة) وستطل عليكم وعلى قرأئها بعد عطلة العيد ونسال المولى عز وجل أن يعيده علينا فى سودان سوا سوا وأن ينال كل ذى حق حقه لا فرق بين شول ولا أدروب ولا مد خير ولا محمد صالح ولاإساغة ولا كوكو ولا حتى هيثم سودان لايفرق بسبب القبيلةولا العقيدةالكل سواسية فى الحقوق والواجبات والفرص والفرص دى تحتهاأكثر من خطين
وكل عام وانتم والجميع بخير
أخوكم عادل كوم
|
Post: #17
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: ناذر محمد الخليفة
Date: 11-17-2010, 11:19 AM
Parent: #16
أستاذ التكينة ..
كل عام وإنت بخير ..
Quote: ناذر عيدك سعيد ..
اخلاص نمر زميلتنا و كاتبة عمود نمريات فى ( الصحافة ) ..
و حسب متابعتى فهى لا تجلس الى الكمبيوتر الا لماما ..
هى هذه الايام بالقاهرة لاستلام جائزة عن احدى تحقيقاتها الفائزة ..
اتصلت عليها ووجدت جوالها مغلقا .. يعنى ما رجعت ..
--------------
و بعدين يا الشايقى اضف لتحديداتك الحمراء كلمة single لان زوجها الاستاذ عادل مؤكد لم
يطلع على البروفايل الجايط . |
شكرا ليك على التوضيح ..
تسلم
|
Post: #18
Title: Re: الأستاذة اخلاص نمر أرجو مراجعة بروفايلك .. ! (part 2) !!!!
Author: ناذر محمد الخليفة
Date: 11-17-2010, 11:24 AM
Parent: #16
شكرا ليك أخونا عادل كوم ..
| Quote: أكرر لك الشكر يا أخ ناذر واكيدمافى حد بكون شاف تنبيكم السابق بتعديل البروفايل قد يكون بسبب ظرف خاص لم تطلع إخلاص أو اى حد من الأسرة على المنتدى انذاك فلك العتبى حتى ترضى |
تعرف حكاية تعديل البروفايلات ومراجعتا مهمة شديد لانو مرات الزول لمن يفتش لي معلومة ويلقاها خطأ قد تترتب عليها حاجات تانية ...
الحكاية دي حصلت لي .. بعد ما إتزوجت نسيت أعدل البروفايل وكان مكتوب في الخانة إني سنقل لفترة طويلة لحدي ما واحد من الأخوان في واحدة من بوستات التهاني كتب لي الله يعرس ليك .. وسرعة سرعة قبل ما يعمل لي مشكلة مع الحكومة كتبت ليهو اني متزوج .. فقال إنو إطلع على بروفايلي ولقى إني أعذب .. فطوالي مشيت عدلت البروفايل ..
وشكرا ليك .. كنت ماخد هم التلاتة سنة الجايات ديل ..!!
|
|