إنفصل الجنوبيين عن الشمال .. فمتى سينفصل متسوليهم ومجانينهم ومتشرديهم ؟؟!

الخرطوم مليئة بالمشردين الذين قذفت بهم الحرب لداخل المدينة ويعيشون الضياع ..
مليئة بالمتسولين الجنوبيين والذين غادر أبناء جلدتهم لوطنهم الجديد وتركوهم متسولين أجانب في الشوارع ..!!
المجانين والمعتوهين يملأون صواني الخرطوم وبعضهم يهيمون في الشوارح حفاة عراءة بائسون مشردون ..!!

من سيتصدى لهذه المسئولية ..

قبل فترة حكومة الخرطوم رحلت متسولين أجانب من دول غرب أفريقيا بالطيران لدولهم ..

فهل ستفعلها وتحشد هؤلاء في طائراتها وترحلهم لبلادهم لتتخلص من هذا العبء الذي يشوه شوارع العاصمة ؟؟!

نازر سلامات..كدى اول حاجة تترسل طيارات تجيب الناس الفى ليبيا...المورطين بسبب خطاب النظام..فى وضع مزعج وخطير
وتاتى اخبار مزعجة من ليبيا

Quote: فهل ستفعلها وتحشد هؤلاء في طائراتها وترحلهم لبلادهم لتتخلص من هذا العبء الذي يشوه شوارع العاصمة ؟؟!

بعدين كيف حددت انو المتسولين والمجانيين والمشردين كلهم من اهلنا فى الجنوب...
حقيقة يا نازر مع احترامى ليك البوست غير موفق ومؤلم


تحياتى

سلام يا ناذر

Quote: فمتى سينفصل متسوليهم ومجانينهم ومتشرديهم ؟؟!

ومضايقنك في شنو الناس ديل؟؟

هذه مسؤولية باقان

بدل الفنجة البعمل فيها دي

شكرا ناذر

بوست هام

Quote: هذه مسؤولية باقان

باقان كان بقصف في قراهم بالطيران؟؟ وللا اعلن الجهاد المقدس

وللا اقول ليك، ديل اولاد نتاج عرس الشهداء من الحور العين

Quote: حقيقة يا نازر مع احترامى ليك البوست غير موفق ومؤلم

والله ما مؤلم الا انت

يعني عشان مجانين متعاطف معهم

Quote: مؤلم

Quote: مؤلم

يالك من دميم .

إنما هؤلاء هم الوجه الحقيقى للدولة المتقيحة. هؤلاء لم يولدوا متسولين، ولامشردين ... و.. ولا مجانين، ولا حتى أجانب !

الدولة التى (يقبحها الاجانب كما تقول ) هى صنعت من المواطنين السودانيين مواطنين أجانب!

هى الدولة التى يترأسها المجرمين والمغتصبين والقتلة.

فقد كان لك أن تقول : متى سيرحل هؤلاء المجرمين خسئت خسئت ، فمن اين ياتون بكم؟

يا ناذر الخليفة يا زول دا بوست فج بطريقة غريبة خلاص.




يا تري من الذي نزع عن قلوب أهل السودان الرحمة و ابدلها بالكراهية؟.



اٍقتصاد السوق.

بلد مليانه بال###### والقرف والكيزان المجرمين

السراق
المختلسين
تجار الدين
تجار المخدرات ( بالمناسبة هم نفسهم تجار الدين)
المغتصبين

وماشين كايسين للمساكين المتسولين؟؟

مرة تانية انتو دينكم شنو؟؟ رجاءا ما تحبطوني وتقولوا لي مسلمين

نازر ممكن تعيد تلحين كلام حميد ده تانى

Quote: شتى بين ... ناساً عيشا دين ... مجرورة وتجر تقدح بالاجر ومرة بلا اجر عيشهم كمهو وديشهم هان قدر وناساً حالا زين .. مصنع مصنعين طين في طين وين ما مرابا مر بارد همها لا بعرق جبين ولا وشا يصر عين والله عين .. كلها كمها وعزها هان قدر دي الجنة ام نعيم دي الجنة ام قصر يا عبد الرحيم الا ورا القبر لا تسرح كتر فتاح يا عليم وان كان الفقر يا عبد الرحيم اشبه بالكفر حكومات تجي وحكومات تغور تحكم بالحجي بالدجل الكجور مرة العسكري كسار الجبور يوم قسم النبي تحكمك القبور تعرف ياصبي مرة تلف تدور ولا تقول بري او تحرق بخور هم يالفنجري يالجرف الصبور كل السقتو ما باقي على التمور وارضك راقدة بور.. لا تيراب وصل .. لا بابور يدور .. نقرض للحمار ... نقريضة الحمار لا تنسي النعال الطر الخضار اللبس الجديد .. تسريح السفر .. للماشي الصعيد ماشي الديش نفر والبال اشتغل ... والبال اشتغل للابا ما يعيد الحول ما اشتغل والبال اشتعل ... السكة الحديد ياعمو القطر ياعم عبد الرحيم قدامك قطر وسال الدم مطر وطارت دمعتين ونشايح وتر ياطاحن الخبر ما بين القضا ومرحاقة القدر الشدة ام دموع والدمع انهدر ايدهم في التراب .. والعين في القطر عارفين الحصل عارفين في حذر الخبر اليقين دوخ وانتشر اطفال القرى وعمال الحضر ادوهو الطيور ودنو البحر انصاعد سحاب وندافق مطر عم عبد الرحيم في الشارع عصر .. للدار اليسار متفادي الكجر .. عربية الكجر .. دورية الكجر .. جفلت الحمار وطوح زي حجر .. وعم عبد الرحيم اتلافا القطر .. فتاح يا عليم سال الدم مطر .. جرتق بالتراب منشور بكتاب روشتة وجواب ماهية شهر اورنيكين سهر جنب لبدة حمار مقطوعين ضهر عم عبد الرحيم يا كمين بشر صح الموت سلام ما يقشاك شر شكرا حميد...الكيزان حتى الفقر الرسخوه فينا ..بقى نكريبة...وعم عبد الرحيم منتظر وسينتصر

Quote: فهل ستفعلها وتحشد هؤلاء في طائراتها وترحلهم لبلادهم لتتخلص من هذا العبء الذي Quote: يشوه شوارع العاصمة ؟؟!

ناذر مفردة يشوه شوارع العاصمةم ق رف ة فى وصف فئة من البشر
لا حيلة لهم سوى انهم إفراز وتجسيد لفشل الساسة الذين
يدافع عنهم ود الباوقة وكل الساسة السودانين الذين
سبقوهم منذ الاستقلال وساسة الجنوب كذلك تحديدا حركة الشعبية
لها يد فى ذلك" أرجو ان لايتداخل العضو عربى يعقوب وينكر ذلك"
رغم اعلاه ياناذر وصف فئة من المخلوقات أنها تشوه وجه العاصمة
أمر مزعج ويشف عن خلل فى تركيبك ورؤيتك للامور
لاحظ انك تضع احيانا فى صورة مزهر
وتتحدث عن علاقات صداقة لك مع الفنانين
فلماذا لا ينعكس ذلك المظهر على شعورك
وحكمك على المتسولين والمذهولين و الذين
انعم الله عليهم بزوال نعمة العقل فحجب
عنهم التكاليف وما أثقل تلك التكاليف
التى رفضت الجبال حملها ...
فى الغرب عموما ياناذرالذين يرتبطون بالفن
مثلك يقيمون منظمات وحفلات خيرية تدر الملايين
لإسعاد المشردين/ المتسولين/ فاقدى العقل
فلماذا تصفهم انهم مشوهين لشوارع العاصمة...
شوارع العاصمة وغيرها من مدن وقرى السودان
قبل الاستفتاء الاخير مصدر تشوهها
هو فساد وظلم وقبح الحكومة السودانية
التى اجبرت الكثير على التسول والتشرد
والذهاب إلى الشاطى الاخر " حتى لا أستعمل مفردة مجانين"
* تنبية :
مزهر هى المفردة العربية لكلمة عود فارسية الاصل

نطالب بحذف هذا البوست البائس

ديل يا ناذر لحمنا و دمنا
بدل تطالب حكومة المجرمين ديل برعايتهم
تقول نرحلهم!!!!!

أين الإنسانية الفينا? رحلت?

Quote: نطالب بحذف هذا البوست البائس

بل نطالب يا كوستاوي بالابقاء على هذا البوست

ربما ناذر ناقل لااحاديث خرطومية وربما بكره تبقى سياسية للدولة

Quote: الخرطوم مليئة بالمشردين الذين قذفت بهم الحرب لداخل المدينة ويعيشون الضياع

الحرب هي ما أقترفته هذه المجرمة (الحكومة)
هذه التي ترجوها بالتدخل لحمايتك من نتائج أفعالها
فلتعتذر لهم
مجانين ومتشردي ومتسولي الحرب هؤلاء
وتشيل شوية من مال أثرياء الحروب
الذين أكتنزوا الذهب والفضة من بيزنس الحرب
وتعالجهم
وتأويهم

كم يانازر كلف تكريم هولاء..

ناذر إنت جادي في البوست ده؟

معقولة نصنع نحن متسولين ومجانين ومتشردين ......... ونتأفف منهم؟

بالمناسبة .... لحدي اللحظة دي هم سودانيين حتى يتم تفعيل جريمة الإنفصال.

قال أحمد بن عوف

Quote: مرة تانية انتو دينكم شنو؟؟ رجاءا ما تحبطوني وتقولوا لي مسلمين

لو هم مسلمين نذكرهم بسورة الضحي
بِسْمِ اللَّهِ الرَّحْمَنِ الرَّحِيمِ

وَالضُّحَى (١) وَاللَّيْلِ إِذَا سَجَى (٢) مَا وَدَّعَكَ رَبُّكَ وَمَا قَلَى (٣) وَلَلْآَخِرَةُ خَيْرٌ لَكَ مِنَ الْأُولَى (٤) وَلَسَوْفَ يُعْطِيكَ رَبُّكَ فَتَرْضَى (٥) أَلَمْ يَجِدْكَ يَتِيمًا فَآَوَى (٦) وَوَجَدَكَ ضَالًّا فَهَدَى (٧) وَوَجَدَكَ عَائِلًا فَأَغْنَى (٨) فَأَمَّا الْيَتِيمَ فَلَا تَقْهَرْ (٩) وَأَمَّا السَّائِلَ فَلَا تَنْهَرْ (١٠) وَأَمَّا بِنِعْمَةِ رَبِّكَ فَحَدِّثْ (١١)

حدثوا بنعمة ربكم بإنفاقها في أيواء وعلاج وإحترام اليتاما والضالين والسائلين الناس


ولا تلوموا الضحايا
بل أبحثوا عن المجرم

للذي يكتب باسم ناذر الخليفة

ناذر سلامات و عساك طيب

الانسانية لا تتجزا " و اما السائل فلا تنهر " فما بالك برميهم عبر الحدود
و لكن يجب ان يكون هناك تنسيق بين الحكومة و الحركة لتوفيق اوضاعهم
"ولا اظنهم فاعلين"


*** يا ناذر شوف لينا منام كارب كدا عليك الله عاوزين نرجع السودان نهائي

تحياتي

Quote: الخرطوم مليئة بالمشردين الذين قذفت بهم الحرب لداخل المدينة ويعيشون الضياع .. مليئة بالمتسولين الجنوبيين والذين غادر أبناء جلدتهم لوطنهم الجديد وتركوهم متسولين أجانب في الشوارع ..!! المجانين والمعتوهين يملأون صواني الخرطوم وبعضهم يهيمون في الشوارح حفاة عراءة بائسون مشردون ..!! من سيتصدى لهذه المسئولية .. قبل فترة حكومة الخرطوم رحلت متسولين أجانب من دول غرب أفريقيا بالطيران لدولهم ..

Quote: الخرطوم مليئة بالمشردين الذين قذفت بهم الحرب لداخل المدينة ويعيشون الضياع .. مليئة بالمتسولين الجنوبيين والذين غادر أبناء جلدتهم لوطنهم الجديد وتركوهم متسولين أجانب في الشوارع ..!! المجانين والمعتوهين يملأون صواني الخرطوم وبعضهم يهيمون في الشوارح حفاة عراءة بائسون مشردون ..!! من سيتصدى لهذه المسئولية .. قبل فترة حكومة الخرطوم رحلت متسولين أجانب من دول غرب أفريقيا بالطيران لدولهم ..

وهل للمجانين والمعتوهين بلد!
يا ناذر انت رجل فنان ما كان يجب ان يزل لسانك الى هذه الدرجة!
هؤلاء ضحايا الشمال لم يصابوا بالجنون والفقر فى جوبا ويرحلوا للخرطوم!!
يا صديقى برحيل وانفصال الجنوب عن الشمال يرتحل وينفصل الجمر عن البخور!!
جنى

Quote: إنفصل الجنوبيين عن الشمال .. فمتى سينفصل متسوليهم ومجانينهم ومتشرديهم ؟؟!

هذا كلام غير انسانى
ولايمكن لانسان سوى ان يقوله

بوست مؤلم وتقشعر له الابدان

Quote: وهل للمجانين والمعتوهين يا بلد! هؤلاء ضحايا الشمال لم يصابوا بالجنون والفقر فى جوبا ويرحلوا للخرطوم!!

ليس كل هؤلاء مواطنين من جمهورية جنوب السودان الحرة المستقلة القوية...
اي مواطن جنوبي في الشمال رحلوه الي بلده فورا.
نحن كمان سنرحل كل متسولين من الشماليين في الجنوب الي بلدهم وايضا سنقوم بقفل
حدودنا امام اكثر من 6 مليون من رعاة الشمال الذين يزاحموننا في مراعي الصيفي..
او نخليهم يدفعوا ضريبة مقابل بقرة واحدة..الحكاية ستكون العين بالعين والسن بالسن..
ولا كيف يا ناضر الكليفة؟؟!!!.

تطرف سالب

نادر حقيقي بالغت ... ليتك تعتذر عن هذا البوست ... انه رجاء وعشم ....

الكلام دا
عيب عليك ...وأجحاف منك
حكمة اليوم
فلنفدم أنسانيتنا علي سياستنا

الاخ ناذر

تحياتي

الفنانون هم أكثر الناس حساسية وشعور بمعاناة الناس والبسطاء والمسحوقين والمحرومين ، هذا البوست خصماً على رصيدك الفني والإنساني ولا يشبهك ألم تحس بمعاناة هؤلاء

أضم صوتي لصوت الاخ زهير وأرجوا أن تسحب هذا البوست

مِن أجمل ما قرأت لناذر

تحِيّاتي يا صديقي العزيز

طـــــق خااااص


الاخ / ناذر


تحية وود


- صدقني ما كتبتة في هذا البوست آذي الكثيرين ممن مروا علية .. كنت اتمني وعلي


الدوام بالا تتاثر القيمة الانسانية فينا بدوافعنا السياسية .. لان الفطرة السليمة


تجبرنا علي الانتماء للانسانية التي ترحم وتحب .


أسالك بالذي ركز الارض معبد وسوي الناس عليها مقام .. هؤلاء الذين يشوهون الخرطوم


ام تلك ( اللحى ) التي امتدت في كل زيف .. ام هؤلاء ( الاغنياء الجدد) الذين امتدت


غابات اسمنتيهم لتحجب سماء الخرطوم .


لنسال انفسنا .. هل كان التسول مهنه اختيارية .. ومن منهم اختار ان يفقد عقلة ؟؟



* رجاء خاص .. السعي لحذف هذا البوست ..واتمني ان يجد رجاءي عندك الاهتمام

Quote: تتحدث عن علاقات صداقة لك مع الفنانين فلماذا لا ينعكس ذلك المظهر على شعورك

اصلو ما بتخيب ظني فيك يا علاء الدين

Quote: مِن أجمل ما قرأت لناذر تحِيّاتي يا صديقي العزيز

من فطيسه عنصرية لاخرى

لكن ذنبو شنو ناذر على العليهو في بوستيهو دا، تقوم تهينه الاهانة دي!
بوصف ما كتبه هنا بانه اجمل ما جاد به قلمه في المنبر!!

لاحظوا للذين وافقوا (الفنان) ناذر وأشادوا بهذا البوست
هكذا يُفكرون ... وهكذا يعملون علي اعادة صياغة الانسان السوداني
كما قالوا بداية سنوات حكمهم ... هؤلاء هم الكيزان بوجههم الحقيقي.

أما أنت يا ناذر وبعد هذا البوست عليك اعتزال الفن والاعلان عن ذلك
لأن رسالة الفن مختلفة تماما.

Quote: وهل للمجانين والمعتوهين بلد! يا ناذر انت رجل فنان ما كان يجب ان يزل لسانك الى هذه الدرجة!

لا حولا ولا قوة يا نازر بوست بائس

أدولف هتلر أمر بإبادة ذوي الإعاقات الجسدية والعقلية .

إذا رحل هؤلاء - وهم بعد من الثمار المرة لسياستنا الكارثية التى زرعت الموت والبؤس في كل مكان - فستطرح شجرة الإنقاذ الخبيثة المزيد من المتسولين والهائمين على وجوههم .

في الغرب يعطفون على الغريب واللاجئ والخائف الفار من بطش جلاده , أليس هذا أكثر اتساقا مع الحس الإنساني من مسلمين لا ينفكون يرددون الحديث الشريف " في كل كبد رطبة أجر "

ودخلت إمرأة النار في هرة

ودخل رجل أعمال كبير السجن في جرو . أين الحس الإنساني , بل أين الصدق الفني ؟؟!!

--------

بالمناسبة أخبار الجرو بتاعك شنو ؟

Quote: إنفصل الجنوبيين عن الشمال .. فمتى سينفصل متسوليهم ومجانينهم ومتشرديهم ؟؟!

خلاص يا ناذر يا أخوي رميت طوبتهم

نحن عندنا أمل إن شاء الله بزوال هذا النظام وبزوال المظالم تعود دولة الجنوب للإلتئام بدولة الشمال ويعود السودان موحداً أفضل مما كان.

السلام عليكم أول حاجة ...

وتاني حاجة بعتذر جدا لكل الذين المهم هذا البوست .. ويبدو أن عدم وضوح مقصدي أو إستخدام مفردات في غير محلها هي التي أدت لإيذاء مشاعر البعض منكم ..

حقيقة مشكلة المشردين في مدن الشمال تروقني منذ عهد بعيد ولعل بعضكم قد قرأ هذا الرابط :

من وحي شماشة سجيمان : حل لمشكلة المشردين !!!

ومن سيلاحظ لتاريخ هذا الرابط سيجد أنني قد كتبته قبل إنقضاء الشهر من تاريخ عضويتي في هذا المنبر كما قمت بنشر المقال في صحيفة الخرطوم أيضاً وأعتقد أن ذلك أكثر من كاف لفهم مقاصدي حول قضية المشردين والمتسولين ..

جميعنا يعلم أسباب كثرة المتسولين في العاصمة الخرطوم .. ليس متشردين من جنوب السودان فحسب بل من كل أقاليم السودان وأول هذه الأسباب الحرب الأهلية والنزوح المتواصل بسبب الحروب أو نقص المساحات الزراعية بالإضافة للتوزيع المجحف للثروات وإختزالها في المركز أو بعض عواصم الولايات الاخرى ..

يبدو أن إستعجالي في كتابة هذا البوست قد أدخل مفردات في متنه قد تكون أسهمت سلباً في ردود الأفعال التي أتت من قبل البعض منكم .. على كل حال أكرر إعتذاري لكل من شعر بالحزن أو الغم أو حتى الغضب من هذا البوست ولكم العتبى حتى ترضو ..

كما أتمنى من الجهات المعنية أن تشرع في وضع الحلول الملائمة لهذه الإشكالية العويضة ..

Quote: بسم الله الرحمن الرحيم عجزت كل الحكومات المتعاقبة على السودان في أن تجد حلاً لمشكلة المشردين الذين يملأون العاصمة ، بل وأصبحوا جذءاً هاماً من المجتمع العاصمي .. جيث أن هؤلاء المشردين أتوا من مناطق مختلفة وبظروف تخلف من فرد إلى أخر ، وقد هال هؤلاء المشردون خيرات العاصمة وإتساع أماكن البحث عن رقعة العيش فيها ، فما لبثوا ان إستقروا فيها وإنتشروا على شكل مجموعات في المدن الثلاث حول السينمات والمطاعم والأحياء الهامشية وأقسام الشرطة ... وقد إنتشرت العديد من العادات السيئة في أوساط تلك الفئة مثل إستنشاق البنزين والنشل في مواقف المواصلات العامة ، وأحياناً القفز في المنازل ليلاً مما جعلهم شبه معزولين عن المجتمع الذي لا يرغب في توظيفهم للعمل عنده لإنه لا يعلم شيئاً عن خلفيتهم .. وطوال الأنظمة التي توالت على السودان لم نسمع تصريحاً من مسئول حول هذه المشكلة العويصة ، وكما نعلم فإن المشردين في إذدياد بمتوالية هندسية رهيبة ، ربما بسبب عدم الإستقرار الذي تعاني منه معظم الأسر السودانية وأيضاً ظروف الحرب في غير قليل من أجزاء البلاد .. والإن جاء الدور للإستفادة من خبرات الدول الأخرى في هذا المجال .. كل العالم يعاني من هذه المشكلة بتفاوت الأسباب ... ولكنه يجد لها حلاً وتوظيفاً .. والسودان لم يستفد حتى الأن من المشردين .. بالرغم من أنه في أمس الحاجة إليهم ... وسأضرب المثل هنا بدولة واحدة تعد اليوم من أعظم دول العالم في جميع المجالات ، وقد نجحت في توظيف المشردين لديها ، وجعلهم ركيزة للتقدم وإنجاح المشاريع ... إنها الولايات المتحدة الأمريكية .. التي ننظر إليها بنظرة جامعة ورؤية محدودة .... فلننظر كيف إستطاعت طوظيف طاقة المشردين .. عندما نشأت الولايات المتحدة الأمريكية ، كان حلمها الأكبر هو التفوق والسيطرة على الشعوب الاخرى ، وجميعنا نعلم كيف أنها لم تتردد في إبادة شعب الهنود الحمر كي تنهض على أك######## .. وطوال تاريخها أصبحت تسعى للسيطرة وقمع الشعوب وقهر الأصوات التي تنادي بالتحرر في بقية الدول .... وقد أدرك قادة الولايات المتحدة أنهم إذا ارادوا السيطرة والقوة فعليهم بناء جيش قوي لا يهزم ولا يقهر ويكون اليد العليا في البطش والتأديب ، فكان أن سعت الولايات المتحدة إلى بناء جيش حديث ومدرب ومجهز بأحدث الإمكانيات .. وكما نرى فقد نجحت في ذلك إلى أبعد الحدود وتعدت حدود القوة المعروفة ... ولكن بما أن الإنسان بطبعه تغره النعمة وتبطره القوة .. وبما أن خزائن البخلاء لا تمتلئ .. والبحر لا يضيره زيادة الماء , فإن الولايات المتحدة لم تقنع بجيشها ، فأخذت تبحث عن طريقة أخرى ووسائل جديدة لدعم الجيش ، ورغم تفوقها في حرب النجوم والصواريخ والاسلحة غير التقليدية , وإمتلكت من السفن والطائرات ما لم يملكه غيرها ، إلا أنها ظلت في حالة بحث دائم عن المزيد من القوة ... وبما أن مجتمع الولايات المتحدة يسوده عدم التقيد بالنظم الأخلاقية وينتشر فيه الإنحلال والجنس والعلاقات غير الشرعية ، فقد تفشت ظاهرة التشرد في الشوارع الأمريكية ، وكثرت الجرائم والعطالة ، وتقول الإحصائيات أن الجريمة تقع كل دقيقتين في المدن الامريكية ... ففكرت الولايات المتحدة في توظيف تلك الطاقات الهائلة لخدمة أهدافها ومشاريعها ، فكان ان أدخلت أعداداً هائلة من الشباب العاطل المشرد في خدمة الجيش مما زاد من نطاق القوة لدي القوات الامريكية فإذدادت بطشاً على بطش .... أما الأطفال الذين لم يبلغوا سن العاشرة بعد فقد تم إنشاء معسكرات خاصة بهم لإقامتهم وإيوائهم ، حيث تتم تغذيتهم وتعليمهم بطريقة معينة وإدخال أفكار العقلية الامريكية في رؤوسهم وتقييدهم بنظم متميزة وتثقيفهم ثقافة حددت مسبقاً .. وهكذا نشأ هؤلاء الأطفال وشبوا على هذه التعاليم فكانوا شديدوا القوة والبأس وذووا افكار إستعمارية ، وعندما بلغوا سن الرجولة أدخلوا إلى معسكرات الجيش الأمريكي للتدريب .. وتكونت بذلك قوة أخرى داخل الجيش وتعمل تحت خدمته ... قوة تكونت من أطفال الشوارع والحارات ... لها اليد العليا الآن في بطش وتركيع الشعوب ... من أطفال الشوارع ..... تكونت قوة ( المارينز ) ... وهكذا فإن الولايات المتحدة وظفت أطفال الشوارع لخدمتها وخدمة اغراضها فكانت سبقة تفوز بها في هذا المجال ... والآن لماذا لا نفعل المثل لدينا ؟؟ّّ!! ... لماذا لا نوظفهم لخدمة قيمنا ومشاريعنا الوطنية ؟؟ ... أنخشى أن نتهم بإنتهاك حقوق الإنسان ؟! أم سنتعلل بضعف الإمكانيات ونقصها !!! لم أجد فائدة من وجود وزارة تسمى (الرعاية الإجتماعية) في السودان إذا كانت هذه الوزارة عاجزة منذ نشأتها عن إيجاد مأوي وحلولاً لمشكلة المشردين في السودان .. بل إنها حتى لم تلتفت إلى ذلك ولم أسمع تصريحاً جاداً من مسؤلي هذه الوزارة حول إيجاد الملاجئ والمساكن لهؤلاء المشردين .. إذ المفروض أن تكون هذه المشكلة من أولى أولويات مهام الوزارة ، ولكنها إلتفتت نحو مهام ثانوية لا تمت للرعاية الإجتماعية بصلة .. نستطيع جمع هؤلاء المشردين في معسكرات خاصة وتعلبمهم وتثقيفهم وإدخال مفاهيم الوطنية وحب السودان في عقولهم وأجسادهم ونجعلهم يشبوا على هذا المنهج وهذا المفهوم وننتظر النتيجة .. سنجد في النهاية أنهم جميعاً قد تشبعوا بمفاهيم وطنية حرة وحبذا لو علمناهم بعد ذلك كيفية البحث الشريف عن لقمة العيش وأسكناهم في منازل خاصة بهم ولا ننسى أن أرض السودان حبلى بالأراضي الصالحة للزراعة والتي تقدر بمائتي مليون فدان لم يستثمر معظمها بعد فماذا سيحدث إذا ما تم تعليم هؤلاء طرق الزراعة وإستوعبناهم في هذه المشاريع الزراعية ؟؟ّّ ستكون النتيجة مذهلة والنصر هائل وعظيم .. فقط نحن تنقصنا الحيلة والجرأة ... وليس نقص الإمكانيات كما يزعمون .. نقص الإمكانيات هو الدافع للنصر وليس العكس ... المشردين جذء من المواطن السوداني .. ونبض دائم داخله ونفس يتردد بين صدورنا .. فهلا تحركنا من أجلهم ، أم ننسف وزارة عاطلة ؟؟!! وزارة تسمى الرعاية الإجتماعية ؟؟؟!!!!!!!!! ....

Quote: السلام عليكم أول حاجة ... وتاني حاجة بعتذر جدا لكل الذين المهم هذا البوست .. ويبدو أن عدم وضوح مقصدي أو إستخدام مفردات في غير محلها هي التي أدت لإيذاء مشاعر البعض منكم ..حقيقة مشكلة المشردين في مدن الشمال تروقني منذ عهد بعيد ولعل بعضكم قد قرأ هذا الرابط :

ناذر أنت اعترفت فى المداخلة اعلاها ان عدم وضوح مقصدك واستخدام مفردات فى غير محلها هو من أدى إلى إيذا مشاعرنا ...
لاحظ انك فى المداخلة التبريرية أستعملت مفردة :

Quote: تروقني

وهى كذلك مفردة فى غير محلها وتعنى تعجبنى والصحيح مفردة "تؤرقنى "
وتعنى تقلق مضجعى اى مرقدى ومنامى
عليه وضح انك تعانى من مشكلات حتى فى اللغة
لذا كى لا تقع فى ذات الخطأ البشع بهذا البوست
عليك بتجويد لغتك العربية قبل ان تكتب فى المنبر
الذى يمتاز بشفافية عالية فى الشعور لاتسمح
لاى هنة عنصرية/أخلاقية/إنسانية بالمرور عبره
عليك كفنان او صديق للفنانين حسب بوستاتك
عليك التأسى بكابلى وتعامله مع اللغة
وتجويدها كى يسمو فنك ولاتقع فى المحظور

أتمنى أن يكون هذا ما يقصده يا أحمد الأمين.

وإلاّ ...لكان أفضل له أن لا يرد على مهاجميه.

ناذر ... تعودنا منك أن تكون أكثر حذراً في تخيّر مفرداتك. فهل فقدت الحذر، أم أن هذا ما تقصد.

محمد ..

طبعا قاصد تؤرقني ..!!

اللبيب بالإشارة يفهم ..!

Quote: لذا كى لا تقع فى ذات الخطأ البشع بهذا البوست عليك بتجويد لغتك العربية قبل ان تكتب فى المنبر

إنشاء الله من بكرة أخش معهد صلاح عشان نحل الإشكالية ..!!

أبو الريش ...

Quote: ناذر ... تعودنا منك أن تكون أكثر حذراً في تخيّر مفرداتك. فهل فقدت الحذر، أم أن هذا ما تقصد.

والله مشكلة فقدان الحذر دي هي التي تروقني الايامات دي ..!!
عندك ليها أي حلول ؟!!

[ تم حذف المداخلة طوعا

ناذر يا فنان يلا بعد الاعتذار

نحول البوست طوالي الي مبادرة فأنت مثلي

ومثل آخرين تبحث عن حل لهؤلاء ( الشباب )

الذين فقدوا سكنهم أو عقلهم .. وبالمناسبة

الظاهرة لن تتوقف فذات السياسات التي ادخلت

هؤلاء الي الجنون والتشرد ما زالت موجودة وستدخل آخرين

رجاء اديني خمسة دقائق وشوف البوست دا :-

هل من حوجة لتكوين ( وعاء ) شعبي بالشمال لحماية ما يقرره...نوبي ) في الاستفتاء

فحتي الاصحاء منهم والذين اختاروا البقاء بيننا

هم دمنا ولحمنا وعلينا حمايتهم

Quote: فهل ستفعلها وتحشد هؤلاء في طائراتها وترحلهم لبلادهم لتتخلص من هذا العبء الذي يشوه شوارع العاصمة ؟؟!

نازر الخليفة.

هل الخرطوم من غير المشردين الجنوبين سوف تصبح غير مشوهة؟

طالما بها ناس يفكرون بمثل هذا التفكير فسوف تظل مشوهة الى قيام الساعة.

هذه قمة العنصرية والمصحوبة بعدم دراية متعنتة منك.

أحدا مشاكل السودان في المتتوركين وليس في الأتراك على حسب قول المثل.

بغض الطرف عما يقصدة أو لا يقصدة الأخ ناذر الخليفة
أولا لماذا ترك الجنوبيين أخوتهم المجانيين وراءهم في دولة الذل والقهر وعدم الإنسانية؟
لماذا لم يأخذوهم ليعيشوا في دولة الحرية والديمقراطية والرفاة التي يريدون صنعها؟
كل من تداخل هنا شاجبا كان من معارضي النظام ومن عضدوا من مناصريها لماذا؟
لماذا كل من شجب نظر إلي الجانب المائل (إن كان لة جانب مائل) من مافهمتموة من كلام ناذر
ولماذا ابتهج المناصرين هل هو من منطلق كل ما يؤذي عدوي يبهجني
الجنوبيين صوتوا بنسبة 100% لصالح الإنعتاق من حكم الشمال
فلماذا لا يستصحبوا أخوتهم من المتسولين والمتشردين؟
أم لا يريدون توسيخ دولتهم الوليدة بمثل هذا القرف وتركوهم ليزكموا أنوف الشمال
فليرحل الجنوبيين عقلائهم ومجانينهم من دولة الشمال التي أبوها ولفظوها

!!!!!

Quote: [ تم حذف المداخلة طوعا

بل كُرهاً ..!!

سلام بخاري ...

Quote: الظاهرة لن تتوقف فذات السياسات التي ادخلت هؤلاء الي الجنون والتشرد ما زالت موجودة وستدخل آخرين رجاء اديني خمسة دقائق وشوف البوست دا :-

لا أحد ينكر المسببات التي أدت للنزوح والتشرد والجنون لبعض الجنوبيين .. ولكن في ذات الوقت علينا وضع المسببات والحلول في إطارها الصحيح ..!!

وليست كل المسببات موجودة .. فالحرب التي وضعت أوزارها في الجنوب كانت إحدى الأسباب الرئيسية ..

الآن سكتت البنادق وتوقفت الحرب . فماذا نحن فاعلون إزاء هذه الظاهرة ..!!

سأتيك في بوستك يا بخاري إنشاء الله ..

دينق ..

Quote: هذه قمة العنصرية والمصحوبة بعدم دراية متعنتة منك. أحدا مشاكل السودان في المتتوركين وليس في الأتراك على حسب قول المثل.

والله داير أرد عليك أكتب وأمسح غلبني الأسويهو ..!!

إنت مداخلتك دي محوطا بي كادوك ولا شنو ؟!!

سلام الزبير ..

Quote: لماذا كل من شجب نظر إلي الجانب المائل (إن كان لة جانب مائل) من مافهمتموة من كلام ناذر ولماذا ابتهج المناصرين هل هو من منطلق كل ما يؤذي عدوي يبهجني

الناس يا الزبير ما تصدق إنو في خطأ مطبعي يقوم أي واحد يجي داخل البوست شايل طبشيرتو وبسطونتو ..!!
أي واحد عامل فيها أعلم من حمار وية !!
غايتو في شغلانية مغارز كدة في المنبر دا نسأل الله السلامة بس ..!!

Quote: فلنقدم أنسانيتنا علي سياستنا

فعلا حكمة اليوم وكل الايام



سلامات ناذر
وايضا احيي فيك روح الاعتذار

!!!

سلام نوفل ..

Quote: وايضا احيي فيك روح الاعتذار

شكراً للتحية يا معجب ..!!

Quote: أي واحد عامل فيها أعلم من حمار وية !!

ده منو ده يا عمكـ ؟؟

المداخلة المحذوفة طوعا -حسب رغبتى-
وكرها -حسب ظن الفنان الكبير ناذر-
كانت مبنية على مداخلة ناذر التالية:

Quote: محمد .. طبعا قاصد تؤرقني ..!! اللبيب بالإشارة يفهم

كنت اظن اننى المخاطب بمحمد
بحسبانه خطأ من ناذر الذى
فى بوست رمضان قبل الماضى
مخاطبا الفنان الصغير
محمد وردى أبدل كلمة
تخرق بكلمة تخلق عند
إستشهاده باية كريمة
من سورة الاسراء
لكن
بعد إنزالى مداخلتى المحذوفة
أدركت ان شخص بعدى مباشرة
إسمه محمد ابوالعزائم
ربما يكون هو المقصود
فحذفت المداخلة كى
لا أظلم الفنان الجماهيرى
ناذر بحسبانه غلط فى محمد وهو يريد أحمد
هذا للتوضيح

ابدا ياناذر الخليفه،
الأمر ليس كما يصوره لك نافوخك البائس والفاضى،
أن تتوقف البنادق لايعنى أن اليوم التالى أو العام التالى أو حتى القرن التالى ستكون كل الأشياء على مايرام ويعيش الناس فى السبات والنبات، بل الحروب تقىء حملها على المجتمعات التى عانت منها ولا تتخلص هذه المجتمعات من آثاء تراما مابعد الحروب أبدا!

للمجتمعات ذاكرة، والمجتمعات التى تمر بالحروب أيضا لديها ذاكرة ، لأن المجتمعات تتكون من بنى آدميين .

ومن تحوله ذاكرة الحروب الى مجنون أو متسول أو (مشوه الملامح نتيجة لأصابة ما جسدية أو نفسية) أكثر منك إنسانية أيها البائس...الذى يجعل منهم (عبئ على شوارع العاصمة الأنيقة) !

قال فنان قال... الفن، والفنون بألوانها فى مشارق الأرض ومغاربها تناولت ظاهرة من تسميهم بالمجانين والمتسولين لأنهم أرفع النماذج المعبره عن هذه المجتمعات ، لأن هؤلاء الفقراء والمظلومين هم الأرفع إنسانية ، هم ارفع إنسانية من أمثالك يافقير الرأس والروح لأنهم تأثروا بما مروا به من مآسى وقبح كبنى آدميين ... أمثالك لايروه حتى .. .

تخلف الحروب مايسمى ب (Posttraumatic stress disorder or PTSD) فمن يريد أن يتحدث عن المتسولين والمجانين والمشردين فاليفقه شيئا عنهم أو يبطل (قلة الأدب) وينصرف الى قضية أخرى قد يمكنه نافوخه البائس من إستيعابها!

.

Quote: ويبدو أن عدم وضوح مقصدي أو إستخدام مفردات في غير محلها هي التي أدت لإيذاء مشاعر البعض منكم ..

مقصدك واضح يا ناذر الخليفة، ومفرداتك واضحة وطريقة تفكيرك أكثر وضوحاً، وتقصد بالتحديد ما كتبته في عنوان البوست، لكنك تراجعت.
لذا، كان من المفترض ان يكون اعتذارك أكثر شجاعة وصراحة... كان يجب ان تعتذر قائلاً انك قصدت ما تقوله لكنك اكتشفت خطأ موقفك وخطل فكرتك وضيق افقك.
سؤال؟ ياخي الفن القادينا بيهو دا ما ساعدك في انه يكون عندك قيم ليها علاقة بالإنسانية والرحمة والحس السوي؟؟؟

Quote: سلام الزبير .. Quote: لماذا كل من شجب نظر إلي الجانب المائل (إن كان لة جانب مائل) من مافهمتموة من كلام ناذر ولماذا ابتهج المناصرين هل هو من منطلق كل ما يؤذي عدوي يبهجني الناس يا الزبير ما تصدق إنو في خطأ مطبعي يقوم أي واحد يجي داخل البوست شايل طبشيرتو وبسطونتو ..!! أي واحد عامل فيها أعلم من حمار وية !! غايتو في شغلانية مغارز كدة في المنبر دا نسأل الله السلامة بس ..!!

ناذر دا ردك لاحد المتداخلين بعد - المسمى اعتذار منك -

لكن الحقيقة ان هذا البوست ينم عن عنصرية بغيضة


لا تحمل عنصريتك الخطأ المطبعي

أحمد ...

Quote: فى بوست رمضان قبل الماضى

لا حوللااااااااااااه !!!

إنت تراكا شايل بُقجة غباينك وحايم بيها من الزمن داكا ؟!!

عايتو الحسنة الوحيدة هنا إنك فشيتا وإتفشيت وإرتحت من حمل السنين .!!

النقاش خالد دافنشي ..!!

للأسف أنا متجاهلك تماما .. أعذرني بالله .. حتى مداخلتك ما قريتا ..

لأنك برضو عندك أبقاج غبائن حايم بيها (مش بُقجة واحدة زي حقت أخونا أحمد) ..!!

عشان كدة أكسب زمنك أحسن ليك وشوف ليك خشبة ولا حيطة أضربا بوهية ولا بوماستك أكان تنفعك...!!

!!!

Quote: سؤال؟ ياخي الفن القادينا بيهو دا ما ساعدك في انه يكون عندك قيم ليها علاقة بالإنسانية والرحمة والحس السوي؟؟؟

لا لا ما ساعد ..

عندك أي وسائل مساعدة تانية ؟؟؟!!

يا جماعة وين أم رشيرش .؟!!

ما شايفة في الزفة دي ...!!

حد يصحيها ولا يعمل ليها مسكول ولا حاجة .؟؟!!

Quote: !!! سلام نوفل .. Quote: وايضا احيي فيك روح الاعتذار شكراً للتحية يا معجب ..!!

سلامات ناذر
بعد كل هذا الكم من الاعجاب وعلامات التعجب
وبعيدا عن المداخلات العدائية وتصفية الحسابات والشخصنة من البعض
حقو نمسك في كلام بخاري دا قوي
وليك اجر فتح البوست ولفت النظر لهذه الشريحة من الضعفاء

Quote: لا حوللااااااااااااه !!! إنت تراكا شايل بُقجة غباينك وحايم بيها من الزمن داكا ؟!! عايتو الحسنة الوحيدة هنا إنك فشيتا وإتفشيت وإرتحت من حمل السنين .!!

نعم حاملها كل تلك السنين
لان من يغلط فى كتابة أية من المصحف خطأ
عن جهل
لايتحرج ان يصف فئة من البشر
خصهم الله بخصائص معينة فى السلوك
انهم يشوهون العاصمة
العاصمة مشوة بامثالك من الذين
يحملون الجهل النشط ويسيرون بين
الاسافير لنشره
سودانيزاونلاين رغم قبح بعض أعضائه
مدرسة فى الاخلاق
تعلم وتربى من عجزت الحياة/ المدارس/
إدعاء الفن عن تعليمه.....
للمتابعين غير الفنان الهابط
ناذر خليفة:
قبل سنوات قام هودل مدرب أنجلترا
فى كأس العالم 1998 فى حلقة تلفزيونية
مباشرة بوصف المعاقين بدنيا
انهم يدفعون ضريبةأخطاء عاشوها فى مرحلة
ماضية....
بعد ساعتين من تصريحه ظهر تونى بلير على ذات
التلفاز مقدما إعتذار رسمى لأصحاب الاحتياجات الخاصة
وبعد يوم قام إتحاد الكرة البريطانى بعزل المدرب عن تدريب
الفريق كى لايسخر مجددا من فئة خصها الله بخصائص معينة ...

للفنان الهابط مجددا ناذر :
سؤالك عمن تسميها ام رشيرش
ربما محاولة منك لتحويل بوستك كالعادة
لبؤرة من التهريج والمسخرة
خصوصا أن من تناديها ام رشيرش على خلافنا معها
لها اسم معين حرى أن تناديها به رغم خلافك وخلافى معها
تحتاج ياناذر الكثير لتتعلم قبل ان تكتب
"ولاتنابزوا بالالقاب بئس الأسم الفسوق بعد الايمان"
أعوذبالله
لافن/ لاشعور/ لادين

شكرا نوفل ..

Quote: سلامات ناذر بعد كل هذا الكم من الاعجاب وعلامات التعجب وبعيدا عن المداخلات العدائية وتصفية الحسابات والشخصنة من البعض حقو نمسك في كلام بخاري دا قوي وليك اجر فتح البوست ولفت النظر لهذه الشريحة من الضعفاء

إنشاء الله ..

!!!

Quote: سودانيزاونلاين رغم قبح بعض أعضائه مدرسة فى الاخلاق تعلم وتربى من عجزت الحياة/ المدارس/ إدعاء الفن عن تعليمه.....

دا كلام صحيح ..

والدليت تربيتك القدامي دي ..!

Quote: لافن/ لاشعور/ لادين

لا دين لا عربي ..!!

ولا العربي عفيتني منو ؟؟؟!!

طبعا الواحد فقط مستغرب من المستغربين خلاصة وهدف المشروع الحضارى: هو قتل كل مشاعر انسانيه، يعنى باختصار ايجاد بشر مشلولى العواطف والاحاسيس...............فما عبر عنه كاتب البوست هو فقط ذره (لا ترى بالعين) من جبل الجليد.
فلا تطعنوا ظل الفيل (كاتب البوست) فى هذه الحاله..لكن من صاغ كيانه وهو المشروع السياسى القائم الان فى السودان..
وتوابعه من المؤسسات التى تنشر وتستثمر فى الكراهية المتعدده الاشكال والالوان فى السودان...........

!!!!!

Quote: ...............فما عبر عنه كاتب البوست هو فقط ذره (لا ترى بالعين) من جبل الجليد

البوست دا شافوهو قريب الألفين نفر ..!!

وبعد دا لا ترى بالعين ؟؟

ترى بي شنو يعني !!

Quote: والدليت تربيتك القدامي دي ..!

اوع تكون قاصد والدليل فكتبت اللام --دال
عشان مانحمل الاخطاء المطبعية او الإملائية المشكلة
أرجو ان نلقى اللوم على الطباعة
حين نغلط فى الإملاء

!!!

Quote: اوع تكون قاصد والدليل فكتبت اللام --دال

معليش .. مشيت أسجل في معهد صلاح عشان أجود اللغة لقيت التسجيل قفل ..!!

انت الناس ديل حددت انهم جنوبيين بى تصويتهم فى الإستفتاء؟ ولاّ "عنصرية" منك ساى؟

لأنو الإنفصال كان قرار سياسي ... ما كان قرار عرقى ...











... المهم ....

تبارك ..!!

Quote: انت الناس ديل حددت انهم جنوبيين بى تصويتهم فى الإستفتاء؟ ولاّ "عنصرية" منك ساى؟

دا شنو السؤال التعسفي دا يا تبارك ؟؟!!


جيب لي قدامي واحد من كل القبائل السودانية وأنا أطلع ليك الجنوبي فيهم ..!!


صعبة دي ؟!!


وبالمناسبة ..

برضو بقدر أطلع الجعلي فيهم علا الشايقي من الدنقلاوي ما بينفرز ..!!

ياجماعة مالكم علي نازر عايزين تشنقوا واللة بعد نتيجة 98.6 % نعم للأنفصال بنقول ل 9 يوليو

يايوم بكرة ماتسرع ودور لينا لواري الكشة العاقل والمجنون بره الحدود ويجي داخل بصورة قانونية

ومقننة .

وبخترح واحد من الحلول علي أخونا بخاري :-

يقوم كل واحد من مناضلين المنبر وعملاء دولة الجنوب القادمة بتبني واحد من المشردين ديل

في منافيهم الوثيرة أمريكا و بريطانيا , استرواليا وكل في دول الإتحاد الأوربي ......فهم أكثر

قدرة من من دولة السودان المنزوعة من البترول , وطبقوا نظريات الأصلاح الأجتماعي وتنظيركم ده عليهم.

الهرج والمرج والجعجعة الفارغة البيعملوا فيها عرمان وباقان مش كان أفضل يلتفتوا للحالة الأنسانية

دي ياناس السودان الجديد ؟

- - - - - - - - - - - -

سلام للجميع


لا اظن ان هناك احصائية توضح اعداد المتسولين والي اين يتبعون

والاسراع باطلاق جمعي لان المتسولين من الجنوب غير سليم

عدد كبير جدا من الشحادين والمجانين هم من ابناء الشمال الجغرافي الحالي والتسول درجات رجال ونساء بل تتسول بعض الفتيات باجسادهم

وكل يوم تطالعنا الصحف بقصص وجرائم لها علاقة بذلك .

ملاحظة انو الجنوبيين لا يميلون الي التسول كثيرا (كما هي الحالة الملاحظة في اهلنافي دارفور في مناطقهم فرغم ظروف الحرب تلاحظ بانهم ورغم التشرد تمسكوا بعزة وكرامة نفخر بها ),,,,,

كلنا يصادفنا شماليون ( جغرافيا ) ومن مناطق عديدة وهم يتسولون وعلي اكبر مستويات ففي كثير من الدول وهم من ابناء مناطق تقع علي ضفاف نهر النيل فهل هذا يكون مدعاة التندر والتجريح لاهل تلك المناطق و غيرها؟

هي اشكالات تسي الينا كلنا فلنعمل علي حلها ......

اما قصة التمييز بين القبائل فدي عندنا في الداخل

لكن برة الحدود تبقي علينا نكته الولد السافر وجا راجع وزعلان انهم بقولوا ليه نقر امو قالت ليه ما كان تقول ليهم انك شايقي ,,,,,,,,,, فهذه جزء من عنصريتنا البغيضة التي لم تزعف الكثيرين منا عندما واجهتهم به مجموعات اثنية اخري ,,,,,



فليبيا كمثال واحداث الزاوية سابقا لم تفرق بين سوداني وسوداني علي اساس قبلي ,,,,,,,,,,


تحياتي للجميع

Quote: معليش .. مشيت أسجل في معهد صلاح عشان أجود اللغة لقيت التسجيل قفل ..!!

الفنان الحقيقى لايحتاج لتجويد لغته
فى معهد صلاح
أستمع ل:
كابلى/ التاج مصطفى/ العاقب محمد حسن/ الكاشف
سيد خليفة / إبن البادية تحديدا
جميعم لم يجودوا لغتهم عبر معهد صلاح
اللغة تجود عندما يتم تجويد وتهذيب
وترقيق الشعور حينها
ينفحك المولى علم لدنى مثلما
نفح به عبده حاج الماحى/ شعراء الحقيبة/و
حميدة ابوعشر
جود شعورك ستتجود لغتك تلقائيا
قف:
وإذا عدت لن أعود
مع التحية والاحترام
لكل المشردين والمتسولين
وكل ضحايا تخبطات الحياة السياسية
بالسودان منذ الإستقلال
الذين يضيئون الحياة الكالحة
بالمدن السودانية المشوة
بتشوه ساستها وبعض
المغنين " المطاليق "
مع الشكر للشاعر حميد

!!!!

Quote: وإذا عدت لن أعود

يعني ما أرد عليك ولا شنو ؟؟!!

وما يزال الاخ خالد كودي ومن شايعه يمارسون في الارهاب الفكري في المنبر
الفنان ناذر كتب

Quote: الخرطوم مليئة بالمشردين الذين قذفت بهم الحرب لداخل المدينة ويعيشون الضياع .. مليئة بالمتسولين الجنوبيين والذين غادر أبناء جلدتهم لوطنهم الجديد وتركوهم متسولين أجانب في الشوارع ..!! المجانين والمعتوهين يملأون صواني الخرطوم وبعضهم يهيمون في الشوارح حفاة عراءة بائسون مشردون ..!! من سيتصدى لهذه المسئولية .. قبل فترة حكومة الخرطوم رحلت متسولين أجانب من دول غرب أفريقيا بالطيران لدولهم .. فهل ستفعلها وتحشد هؤلاء في طائراتها وترحلهم لبلادهم لتتخلص من هذا العبء الذي يشوه شوارع العاصمة ؟؟!

الجزء الاول عبارة عن معلومة لا يستطيع اي شخص عاقل نكرانها
والجزء الثاني كان في شكل (سؤال)

OK


ثم جاء اخونا الزبير وكتب:

Quote: بغض الطرف عما يقصدة أو لا يقصدة الأخ ناذر الخليفة أولا لماذا ترك الجنوبيين أخوتهم المجانيين وراءهم في دولة الذل والقهر وعدم الإنسانية؟ لماذا لم يأخذوهم ليعيشوا في دولة الحرية والديمقراطية والرفاة التي يريدون صنعها؟ كل من تداخل هنا شاجبا كان من معارضي النظام ومن عضدوا من مناصريها لماذا؟ لماذا كل من شجب نظر إلي الجانب المائل (إن كان لة جانب مائل) من مافهمتموة من كلام ناذر ولماذا ابتهج المناصرين هل هو من منطلق كل ما يؤذي عدوي يبهجني الجنوبيين صوتوا بنسبة 100% لصالح الإنعتاق من حكم الشمال فلماذا لا يستصحبوا أخوتهم من المتسولين والمتشردين؟ أم لا يريدون توسيخ دولتهم الوليدة بمثل هذا القرف وتركوهم ليزكموا أنوف الشمال فليرحل الجنوبيين عقلائهم ومجانينهم من دولة الشمال التي أبوها ولفظوها

يعني الزول البديكم على راسكم تسكتو ليهو
والزول المعتدل تدوهو على راسه

من اراد ان يتداخل هنا فعليه ان يرد على اخونا الزبير اولاً

Quote: الدولة التى (يقبحها الاجانب كما تقول ) هى صنعت من المواطنين السودانيين مواطنين أجانب!

الجنوبيين هم من اختاروا ان يكونوا اجانب يا خالد كودي

Quote: ابدا ياناذر الخليفه، الأمر ليس كما يصوره لك نافوخك البائس والفاضى، أن تتوقف البنادق لايعنى أن اليوم التالى أو العام التالى أو حتى القرن التالى

الاستاذ خالد كودي
انا لا اعلم الخلفية لخلافك مع اخونا ناذر التي اشار لها
لكن وباي حال من الاحوال لا اظنها تتطلب من زول كاتب ومثقف مثلك ان يتلفظ بمثل ما ذكرت

ثانيا الموضوع هنا ليس انتهاء حرب وسكوت مدافع
الموضوع انفصال دولة
لذا فليقرأ في سياقه
كون ان يكون الجنوب غير جاهز وسيستغرق سنوات او قرون كما ذكرت فهذه ليست بمشكلتنا
لا نرضى ان نتأذى من مساوئ الانفصال ويهنأ غيرنا بمحاسنه

وفي الكريق ارجو الرد على اخونا الزبير
فأسئلته موجهها لك شخصياً

الشفيع ...

Quote: لكن وباي حال من الاحوال لا اظنها تتطلب من زول كاتب ومثقف مثلك ان يتلفظ بمثل ما ذكرت

منو دا الكاتب والمثقف والمثلك دا ؟؟!!

يا الشفيع يا خي دافنشي دا براهو فاكيها في روحو .. إنت كمان ما تكبر ليهو نافوخو دا يقوم يقول أنا ربكم الأعلى !!

صنفرة :

أنا جبيل سألت من غياب أم رشرش من البوست دا .. لكن إتذكرت المثل البيقول مجنونين ما بيقعدو في حتة واحدة .. وبالقياس بنقول مجنونين ما بيتلموا في بوست واحد .. وبما إنو دافنشي متحكر معاي بي جاي فدا بيفسر غياب أم رشيرش من هنا مع إني متجاهل دافنشي دا ..!!

!!!!

Quote: احمد الامين احمد

أها يا الإسمك عامل زي القلم المبري من الجهتين ...

في غلط في كلمة أم رشيرش جيب طبشيرتك وتعال صححا لي ..!!
بلا لن نعود بلا بطيخ معاك !!!

Quote: جميعنا يعلم أسباب كثرة المتسولين في العاصمة الخرطوم .. ليس متشردين من جنوب السودان فحسب بل من كل أقاليم السودان وأول هذه الأسباب الحرب الأهلية والنزوح المتواصل بسبب الحروب أو نقص المساحات الزراعية بالإضافة للتوزيع المجحف للثروات وإختزالها في المركز أو بعض عواصم الولايات الاخرى .. يبدو أن إستعجالي في كتابة هذا البوست قد أدخل مفردات في متنه قد تكون أسهمت سلباً في ردود الأفعال التي أتت من قبل البعض منكم .. على كل حال أكرر إعتذاري لكل من شعر بالحزن أو الغم أو حتى الغضب من هذا البوست ولكم العتبى حتى ترضو ..

الاخ ناذر

لك التحايا والاحترام

ها زول الحكاية شنو!!!! انا قلت الزول ده مهكر واللا شنو.

لك ودى

كيفك يا فوزي ..

Quote: ها زول الحكاية شنو!!!! انا قلت الزول ده مهكر واللا شنو.

تراني عايش رغم الهكر والاعداء هههههههههه

أخبار السردين والبلطي شنو عنك ؟!!

Quote: مِن أجمل ما قرأت لناذر تحِيّاتي يا صديقي العزيز

ما تنبز

بوست ينم عن عنصرية بغيضة جدا


وايضا تعالي زائف لكاتبه


وهو يحاول ان يخفف في دمه- دا ان كان عنده دم - لامن بقى مويه

Quote: جيب لي قدامي واحد من كل القبائل السودانية وأنا أطلع ليك الجنوبي فيهم ..!! صعبة دي ؟!!

جنوبى بالإنتساب لدولة جنوب السودان؟ ولاّ جنوبى "عنصرية" ساى كدا؟

(برندة وبيت وبرندة وبيت ... انت - والإرث الثقافى البتتكلم بيهو - عنصرى ... وما جاوبت على السؤال)







... المهم ....

بعيدا عن السياسة والعنصرية وإلا ما ذلك من منحن هذا البورد

هذه الظاهرة بدأت تتفشى منذ اواخر السبعينات والمسالة ليست قاصرة على عرق أو لون فمن جميع بقاع الوطن اتي المحتاجون والمرصى الى الخرطوم وتقطعت بهم سبل العودة بل من كثير من الدول المجاورة
الظاهرة بغض النظر عن ما كتبه اخي ناذر تحتاج الى وقفة من الجميع وبالأخص الأشقاء بالجنوب يجب ان يبنو دولتهم وأن لا ينسو من تبقى من رعاياهم بشمال الوادي دون رعاية بل يجب ان يؤسسو مؤسسات خاصة لرعاية هذه الشريحة فالبناء يحتاج الى جهد في دولة وليدة مثل الجنوب والانسان هو اهم ركن من مقومات البناء.
دمتم


_____________
لفنة: ياريت نخلى المواجهات والشكل وننظر للجزء الممتلئ من الكأس..

Quote: الظاهرة بغض النظر عن ما كتبه اخي ناذر تحتاج الى وقفة من الجميع وبالأخص الأشقاء بالجنوب يجب ان يبنو دولتهم وأن لا ينسو من تبقى من رعاياهم بشمال الوادي دون رعاية بل يجب ان يؤسسو مؤسسات خاصة لرعاية هذه الشريحة فالبناء يحتاج الى جهد في دولة وليدة مثل الجنوب والانسان هو اهم ركن من مقومات البناء.

لاكين الخليفة نذيران داير يفصل المشردين والمتسولين فصل عنصرى ... ويرسّل - من يعتقد انهم - "الجنوبيين" لدولة الجنوب!

جورج بوك دا من الخرطوم اتنين ... جنوبى ولاّ شمالى؟

ولاّ القصة "عنصرية" طلقيبة ساااااى ....

والله يا مولع النيران ومجهجه الخيران بالغت ...






... المهم ....

عشان بحترمك
بقول ليك

مابشبهك

Quote: برضو بقدر أطلع الجعلي فيهم علا الشايقي من الدنقلاوي ما بينفرز ..!!

انتظر لمن يتكلموا بتفرزم تب

سلامات يا ناذر ولدي العزيز

الرسول ص ع قال في كل كبد رطبة اجر

شوف اتساع الانسانية وانفساحها في هذا الحديث لتضم كل احياء الارض من انسان وحيوان

الحدود الجغرافية و السياسية محدودة ولكن الانسانية لا حدود لها.

نتمنى ان يجمع كل المرضى من الشوارع من جميع القبائل والجهات
وتقام لهم دور ايواء تحفظ كرامتهم وانسانيتهم

والناس الجاية تشاكل دي
ناذر مواطن سوداني يعيش في السودان وهذه وجهة نظره
نناقشه باحترام
حيث ارى هناك عدد كبير يرى ما يراه ناذر
ندي فرصة لناذر ليورينا وجهة نظره..

مع إنو اليومين دى مزنزقين فى أضيق من زنقات معمر .. لكن يادكتورة نجاة محمود إنتى دايما محرجانه.!!

بدل ما (تلكشرى) تحاضرى الود ناذر...متسول الفن فى الفن، وطبيعة الفنون تاتى مداخلتك بلاطة مسطحة بتواضع محير!!

فياخى من المفترض انك دكتورة فى قوالب ماتصيغه المجتمعات عبر خبراتها الحياتية بخيرها وشرها، وحلوها ومرها...مفترض (تحاضرى) هذا الجهلول فى أن (المجانين) و (المتسولين) الذين يزينون شوارع الخرطوم هم الشهادة و الشموع الحية لتجربتنا كمجتمع فى هذا الزمان من تاريخنا !

مفترض أن (تلكشرى) هذا الجهلول فى ان امهات الروايات وأهم ملهمى الشعراء هم أبناء وبنات قبح تجارب الحروب والظلم والعنصرية... والفقر، هل تدرى يادكتور كم من الروائيين والشعراء والتشكيليين وصانعى الافلام .. والنقاد إتخذوا من ( قبيحى اطراف المدن) ثيرميوميترس للإنسانية فى الزمان ؟

(أجرثمكم ) على حد تعبير استاذى محمد محى الدين !

.

Quote: جورج بوك دا من الخرطوم اتنين ... جنوبى ولاّ شمالى؟ ولاّ القصة "عنصرية" طلقيبة ساااااى .... والله يا مولع النيران ومجهجه الخيران بالغت ...

شوف يا crack head أنت. أحسن تشوف لك موضوع تاني غير أسمي ده.

أنا ما زي الناس التانين أعمل حسابك.

فى الاول راسى جاط شديد

لكن فعلا ده ناذر البنعرفه

شكرا ناذر للتوضيح والاعتزار

كدي نخلي الانفصال بعيد

نجي للتشردوالتسول والجنون كمشكله وليس ظاهره لانه العدد فاق التصور وبالذات المتسولين

نفترض انه دولة جنوب السودان جابت لواري وشالت ناسا المقصودين .
هل انتهت المشكله هل اصبحت العاصمه وبعض اقاليمها خاليه او نقول شبه خاليه .
اجابتي لا
لماذا؟
ظاهرة التسول اصبحت متفشيه لدرجة انه ممكن يشحدك اي شخص في الشارع
شكل الشحاد الهدومه مقطعه وحالته بالبلاء ده طبعا انتهي زمااان
والله يجيك واحد قاطع نص زي السم ويقول ليك اديني جنيه حق المواصلات ...وليس من دولة الجنوب جنوب السودان اطلاقاً .
يعني انت من الدهشه تنسي هو قاليك شنو وتقعد تعاين ليهو من جزمته لي شعره وتقعد تقول ياربي اديهو ولا مااديهو يدخلك في حاله بتاع انفصام شخصيه .
ومن المؤكد ياناذر انه نسبة المتسولين والمجانين والمتشردين من جنوب السودان يعتبروا نسبه بسيطه بالنسبه لدولة السودان القائمه الان .

احسن يكونوا كده لو دولة الجنوب شالت الناس ديل (افتراضاً)... ستكون عورة النظام في السهله اكتر مماهي عليه
فليكونوا ورقة التوت علي الاقل .
مصائب قوم عند قوم فوائد

كودي ما تلشكرو انت مالك محنن؟ ولا ما فنان؟

انت زعلتك جيبة كلام الرسول ص طبعا اي سيرة ذي دي بتمخولك شديد

والى الان بقول ندي ناذر فرصة يوري وجهة نظره..

كتب التشكيلى خالد كودى :

Quote: فى ان امهات الروايات وأهم ملهمى الشعراء هم أبناء وبنات قبح تجارب الحروب والظلم والعنصرية... والفقر، هل تدرى يادكتور كم من الروائيين والشعراء والتشكيليين وصانعى الافلام .. والنقاد إتخذوا من ( قبيحى اطراف المدن) ثيرميوميترس للإنسانية فى الزمان ؟

تمثل رواية البؤساء إحدى أعظم كلاسيكيات الأدب الغربي لما تصوره من عمل استبدادي، قضائي ومتآمر يمتاز بالوصف التاريخي المحكم والثراء في تصوير الشخصيات /المشرد Van jean والوغد النذل Thenardier وصبى الشارع الرث Gavroche ومفتش الشرطة العنيد القاسي Javier والعاهرة الرقيقة Fantine وابنتها البريئة Cosette الذين ولجوا محراب الشخصيات الدرامية الخالدة في دنيا الأدب العالمي إلى جانب طرحه أوصاف مذهله لمعركة Waterloo التي شهدت هزيمة أمته على يد عدوها اللدود الانجليز وتحركات بطله Van jean عبر مجارى تصريف مياه باريس والمعارك العسكرية خلال ثوره تموز.
من الغرائب نشر هذه الرواية بصوره متزامنة بعشره لغات !! تحت اسم Les Miseres قبل أن يكملها صاحبها لاحقا تحت عنوان Les Miserables والتي تشير في لسان بود لير إلى الفقراء والمعذبين والمنبوذين والطبقة الدنيا والمتمردين ضدها لذا فقد نالت حظوة واهتماما بالغين عبر التاريخ ...إنها عملا قضائيا متسلطا جرى على لوحات واسعة ذات استطرادات فاحشه وخارجه عن المخطط الاساسى أهمها ذاك الوصف المطول لمعركة Waterloo وربما يعود ذلك لإقامته الطويلة نسبيا ببروكسل وافتتانه بالتفاصيل وطبيعة الأرض الى جانب وصف رحلات بطله Van jean عبر مجارى باريس والعراك بين الثكنات خلال ثورة يوليو 1848 ولعل تلك المقدرة الفذة على التوصيف هي التي أدت الى خلود هذا العمل وتبوءه المكانة السامية في مصاف العمال الكلاسيكية للأدب الغربي.
يتمثل الخيط الذي يقود الى تفهم واستيعاب هذه الرواية في ذاك التمهيد المقتضب الذي سجله كاتبها بدار Hauteville بمدينه Guernsey أثناء منفاه الاختياري في الأول من يناير 1862 والذي يعتبر شاهدا على تفكيره ومعتقداته والذي يقرأ" طالما يوجد بمنطق العرف والقانون أدانه اجتماعيه تخلق بصورة فنيه في وجه العدالة عذابات على الأرض وتهدر الكبرياء المقدس المرتبط باقدارالبشر،طالما ظلت هناك تلك المعضلات الثلاث للعصر المتمثلة في الاستهزاء بالرجل لفقره،تحطيم وامتهان المرأة لحرمانها وتحجيم الطفولة البريئة بسبب القهر والحرمان...طالما ظل الاختناق الاجتماعي قائما،بعبارة أخرى طالما ظل الجهل والبؤس جاثمين على الأرض ستبقى روايتي هذه شيئا مفيدا.".

Quote: والى الان بقول ندي ناذر فرصة يوري وجهة نظره..

عصرتي على ناذر كتير يا دكتورة . يقول شنو يعني ؟ قال العندو و قت عصروه .. قال اللغة خانتني و لقى مخرج بكدا .
انتي يا دكتورة ليه عايزه ترجعيو للمربع الاول من جديد ؟

Quote: مِن أجمل ما قرأت لناذر تحِيّاتي يا صديقي العزيز

رأيك شنو في اطرأ الرفيق علاء يا ناذر يا خوي ؟

Quote: شوف يا crack head أنت. أحسن تشوف لك موضوع تاني غير أسمي ده. أنا ما زي الناس التانين أعمل حسابك.

غلطنا فيك يا دينق؟

قصة انك من الخرطوم اتنين دى كمان غلط؟

كتّر خيري انا اللسة عادّيك سوداني ...





... المهم ....