Post: #1
Title: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 02:58 PM
Parent: #0
والإستفتاء أو الإستبيان دا عبارة عن سؤال واحد والإجابة عليه بي لا أو نعم :
على ضوء ما أثير مؤخرا حول إحتفاليات بورداب الداخل ببورداب الخارج ..
وعلى ضوء الأراء التي إنطرحت حول (تغيير شكل اللمة) ..
وعلى ضوء الاراء الوردت في بوست أمين دا :
بورداب الخرطوم في ( المكان الخطأ و الزمان الخطأ ) !!!
هل تستمر الإحتفالات والإحتفائيات والضبحيات القندهارية واللقيمات الحليوية إحتفالاً ببورداب الخارج ولا (كدة كفاية) ؟؟!
ارجو الإجابة بصراحة وبلا أو نعم ..
صنفرة :
هذا الإستفتاء لا علاقة له بما قاله صبري الشريف ..
وإنما عبارة عن تجميع أراء من بورداب الداخل أنفسهم وردت في عدة مواضع ومواقع ..!
|
Post: #2
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: Ahmed musa
Date: 07-14-2010, 03:15 PM
Parent: #1
نعـــــــم فلتستمــــر فقد صارت عرفاً إجتماعياً مفيداً وغير ضار
وتُعدّل حين وجود بديل أفضـــــــــل
|
Post: #3
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: Asma Ali
Date: 07-14-2010, 03:16 PM
Parent: #1
الاجابه الليله = البشوفو كل صاح ياناذر
لحدي اخر الشهر بيكون عندي رد تاني هههههههههههه
خليك مشغول بالاستفتاء ده, كويس :)
|
Post: #4
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: محمد الطيب يوسف
Date: 07-14-2010, 03:21 PM
Parent: #3
والله انا من انصار انها تستمر لاني يادوب داير استعدل ليها
|
Post: #5
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: فايزودالقاضي
Date: 07-14-2010, 03:22 PM
Parent: #3
ناذر ..ٍسلامات ..
ماعارف ليه الحاصل ده ذكرني قصيدة ود عجبنا للفرجوني !!!
|
Post: #6
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: معتصم محمد صالح
Date: 07-14-2010, 03:29 PM
Parent: #5
نعم
|
Post: #7
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: قاسم المهداوى
Date: 07-14-2010, 03:37 PM
Parent: #6
نازر
سلام يا حبوب
كيف انت
ياخى ممكن نشارك فى الاستفتاء حول تقرير مصير الاحتفالات
Quote: هل تستمر الإحتفالات والإحتفائيات والضبحيات القندهارية واللقيمات الحليوية إحتفالاً ببورداب الخارج ولا (كدة كفاية) ؟؟!
|
الاجابة اذا سمحت لى بالمشاركة
لا @ نعم
وبس ... ولا كــــيف
اها جاى القاهرة متين علشان نحتفل بيك يا عمك
قاسم المهداوى
|
Post: #43
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: بكري الخير
Date: 07-14-2010, 08:28 PM
Parent: #7
نعم
|
Post: #8
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: عبير خيرى
Date: 07-14-2010, 03:52 PM
Parent: #1
.
إستفتاء ما في محلو
بعد نعم
إضافة:
ناذر ازيك والكل
لعلكم بخير
تعرف يا ناذر الناس ما فاهمة في الحقيقة معني اللمات الاتعملت والحا تتعمل لو الناس بطلو الحردي
القصد الاساسي من لمات البورداب واحتفاءهم بي بورداب الخارج هي التعارف على الواقع للأسباب الجاية
حا اديك مثال:
بتتذكر لما جات دكتورة بيان وبرغم انو بعض الناس كانوا متخوفين من انو الزولة الشكالة البتكتب دي حتكون كيف اجتماعيا،
الحصل انو كل الناس حبتها بمجرد بس ما سلمت عليها واتنست كل الخلافات على ارض الاجتماعيات اللحظية
ده ما عندو علاقة بي داك
اجتماعيات يعني اجتماعيات بعيدة عن الاختلاف الفكري والسياسي والنمط المخالف وووووووو
في ظل التعب النفسي الحاصل في البلد أنا شخصيا لو قالوا لي نتلم في اليوم25 مرة بعملها
حتنكر انك على الاقل بتلاقي ناس سنين ما لاقيتهم !
حتنكر انك بتناقش حاجات حتى مع نفسك ما قادر تناقشها بي فكرك وفكر الغير وقد تحل مشكلة في لحظة ليك شهور ما حليتها
قصة الغنا:
الغرض الأول منها انك بتتعرف على اصوات جميلة صعب انك تلاقيها في ملفات حياتية عادية
حاجة واحدة بس ممكن يكون عندي فيها راي
قصة الترابيز الـ كل 6 في حتة دي بتخلق فجوة بين الناس وبتبقى مافي فايدة من اللمات لأني بكون عايزة اقعد واسمع كل الناس
في اللمة الاخيرة قرررررررررررررررربت اجوط الترابيز وارجع الدائرة الكبيرة ولحظات التعارف الاولى بعد ما الشمل يكتمل
والغناء دايما كان بكون بعد التعارف والنضمي والشكل والتصالح وبيجي الغنا في الآخر
ناذر
بالله واصلو اللمات ورجعو الناس الطافشين وانسو الكلامات الما جايبة حقها دي
كن بخير
|
Post: #9
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 04:00 PM
Parent: #8
شكرا أحمد موسى
أحمد موسى = نعم
|
Post: #10
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 04:02 PM
Parent: #8
أسماء ...
Quote: الاجابه الليله = البشوفو كل صاح ياناذر
لحدي اخر الشهر بيكون عندي رد تاني هههههههههههه
خليك مشغول بالاستفتاء ده, كويس :) |
البوست دا حدو تلاتة يوم .. لو بتلحقي قولي من هسي نعم ولا لا ..!!
أخر الشهر بيكون الإستفتاء خلص ..
لا لا ما مشغول ولا حبتين .. عيوني في كل حتة .. إنتي قايلة أخر الشهر دا بعيد 
أسماء علي قالت رايا زي رايي .. وأنا رايي مأجلو للنهاية ..
|
Post: #11
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 04:03 PM
Parent: #8
محمد الطيب
| Quote: والله انا من انصار انها تستمر لاني يادوب داير استعدل ليها |
= نعم
|
Post: #12
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 04:04 PM
Parent: #8
فايز ود القاضي ..
Quote: ناذر ..ٍسلامات ..
ماعارف ليه الحاصل ده ذكرني قصيدة ود عجبنا للفرجوني !!! |
ودا راي مُضهب ما معروف نعم ولا لا ..
يعني زي العربية اللادا البيجيبوها من مصر والناس ما عارفا سعرها كم ..!
|
Post: #20
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: فايزودالقاضي
Date: 07-14-2010, 04:22 PM
Parent: #12
ناذر ..ٍسلامات
Quote: ودا راي مُضهب ما معروف نعم ولا لا ..
يعني زي العربية اللادا البيجيبوها من مصر والناس ما عارفا سعرها كم ..! |
ياناذر بحسب العنوان انا مامن بورداب الخرطوم لذلك ماختيت نفسي معني ..
واما ودعجبنا فاختار الموت من انه يعيش في زمن يبقى كرم الضيافة محظور بقانون حظر التجول ...
معقولة ياناذر حاتعملوا استفتاء لاكرام الضيف ...؟!!!
|
Post: #13
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 04:05 PM
Parent: #8
معتصم محمد صالح ..
= نعم ..
|
Post: #17
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: الخير محمد عوض
Date: 07-14-2010, 04:15 PM
Parent: #13
ناذر يا صاحبي
سلامات
التواصل الاجتماعي مهم شديد ياناذر في فضاءنا الاسفيري
دا ومحطة الخرطوم هي بلا شك اكبر المحطات الممكن يتم فيها
التواصل دا بشكل جيد وذلك لاسباب عديدة يعرفها الكل اجمل
منها الاتي ( الاماكن متاحة ومتنوعة للتلاقي- البورداب اكتر-
سهولة اجتماعهم في مكان واحد- ووووووو) وبعدين دي سنة حميدة
ما يسحروكم فيها ويشتتو شملكم ساي لازم تعضو عليها بالنواجز
وتواصلو فيها مهما حدث من دقداقات زي ما بتقول اختنا نجاة
اعادها الله لنا سالمة غانمة.
اوااافق علي المواصلة
نعم
|
Post: #14
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 04:07 PM
Parent: #8
قاسم المهداوي ..
Quote: اها جاى القاهرة متين علشان نحتفل بيك يا عمك
|
إحتفالاتكم بي زوار مصر إحتفالات السرور يا يابا ..!!
ما زي إحتفالاتنا هنا البنوزع فيها بس الشامبيون والفينو
|
Post: #15
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 04:09 PM
Parent: #8
عبير ..
Quote: إستفتاء ما في محلو
بعد نعم
|
= نعم
Quote:
ناذر
بالله واصلو اللمات ورجعو الناس الطافشين وانسو الكلامات الما جايبة حقها دي
|
ودا غرض الإستفتاء ..
حمدلا على السلامة ..
|
Post: #16
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 04:12 PM
Parent: #8
نعم = 4
لا = zero
|
Post: #18
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: Kostawi
Date: 07-14-2010, 04:17 PM
Parent: #16
yes
|
Post: #19
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: Amira Elsheikh
Date: 07-14-2010, 04:21 PM
Parent: #18
لااااا
سلام ياناذر...
|
Post: #22
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 04:28 PM
Parent: #19
أميرة الشيخ :
Quote:
لااااا
سلام ياناذر... |
= دسكواليفيكيشن !!!
راجعي إجابتي لي عمك كوستاوي أعلاه ..!
زمان كان ممكن ..لكن بعد ما طفشتي حقك في التصويت راح ..!
|
Post: #21
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 04:26 PM
Parent: #8
كوستاوي
= ديس كواليفيكيشن ..!!
لانك لا بتجي نحتفل بيك لا قاعد معانا تحتفل بالبيجو ..!!
|
Post: #23
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 04:31 PM
Parent: #21
ود القاضي ..
| Quote: معقولة ياناذر حاتعملوا استفتاء لاكرام الضيف ...؟!!! |
ضيف شنو يا زول والناس في بلدا ..؟!!
أنا قصدت بالإستفتاء دا الناس تتفق على شي معين بدل الاراء الموزعة في البوستات ..
ولا شنو ؟؟!!
|
Post: #26
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: فايزودالقاضي
Date: 07-14-2010, 04:38 PM
Parent: #23
ناذر ..
ده كلامك في صدر البوست :
| Quote: هل تستمر الإحتفالات والإحتفائيات والضبحيات القندهارية واللقيمات الحليوية إحتفالاً ببورداب الخارج ولا (كدة كفاية) ؟؟! |
عشان كده فهمت انه الناس تقيف من الحاجة دي او تواصل فيها بحسب الاراء ..
| Quote: ضيف شنو يا زول والناس في بلدا ..؟!! |
يعني هسي ناس قاسم مهداوي ديل يعتبروا نفسهم ضيوف زيك في القاهرة ومايكرموك ؟!! ولا الناس البتجي من الشمالية للبندر عندكم مابكونوا ضيوف ؟!!!
انا مع ناس نعم عموماً ..
|
Post: #24
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 04:33 PM
Parent: #21
سلام الخير
Quote: ناذر يا صاحبي
سلامات
التواصل الاجتماعي مهم شديد ياناذر في فضاءنا الاسفيري
دا ومحطة الخرطوم هي بلا شك اكبر المحطات الممكن يتم فيها
التواصل دا بشكل جيد وذلك لاسباب عديدة يعرفها الكل اجمل
منها الاتي ( الاماكن متاحة ومتنوعة للتلاقي- البورداب اكتر-
سهولة اجتماعهم في مكان واحد- ووووووو) وبعدين دي سنة حميدة
ما يسحروكم فيها ويشتتو شملكم ساي لازم تعضو عليها بالنواجز
وتواصلو فيها مهما حدث من دقداقات زي ما بتقول اختنا نجاة
اعادها الله لنا سالمة غانمة.
|
كلام زي الورد ..
مشكور ..
|
Post: #25
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: السيد المسلمي
Date: 07-14-2010, 04:35 PM
Parent: #21
| Quote: معقولة ياناذر حاتعملوا استفتاء لاكرام الضيف |
أها ياناذر كدي رد علي أخونا ود القاضي دا ..
معليش ياحبيب .. هذا البوست غير موفق تماماً !!
ـــ
تحياتي .
|
Post: #27
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: طارق جبريل
Date: 07-14-2010, 05:00 PM
Parent: #25
والله صبري الشريف ضرب اللقيمات والعجور وقندهار والسمك وابتهج واتونس مع الناس وخلانا نحن نجوعر
تليشة:
يا جماعة كونه الزول يلاقي الناس ويودهم دي بالدنيا وما فيها
ياخي معرفة الناس كنوز وليس كنز واحد
|
Post: #28
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 05:15 PM
Parent: #27
ود القاضي ..
| Quote: عشان كده فهمت انه الناس تقيف من الحاجة دي او تواصل فيها بحسب الاراء .. |
طبعا ... وهو سموهو إستفتاء لييه ؟!!!
| Quote: انا مع ناس نعم عموماً .. |
يا زول إنت هسي ما قلت ما معانا في الخرطوم ؟؟!!
طيارة شنو دي الوصلتك بالسرعة دي ؟!!
|
Post: #29
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: الكباشى البكرى
Date: 07-14-2010, 05:16 PM
Parent: #27
كونفدراليه يا ناذر....
|
Post: #34
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 05:31 PM
Parent: #29
الكباشي
= لا
|
Post: #30
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 05:16 PM
Parent: #27
السيد ..
Quote: أها ياناذر كدي رد علي أخونا ود القاضي دا ..
معليش ياحبيب .. هذا البوست غير موفق تماماً !!
|
الغجابة دي نعتبرا لا ؟!!
عشان أنا داير أحسب بعد دا ..!!
|
Post: #31
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: Amira Elsheikh
Date: 07-14-2010, 05:16 PM
Parent: #27
Quote: يا جماعة كونه الزول يلاقي الناس ويودهم دي بالدنيا وما فيها
ياخي معرفة الناس كنوز وليس كنز واحد |
طارق ودجبرين....
الكلام دا قال ليك حيتحسم بنتيجة الاستفتاء انت بتفهم كيفن...
تواصل انسانى بتحدد بلا او نعم
علاقات اجتماعية تحسمها لا او نعم..
ناس تتلاقى ساااى كدا تتحسم بلا او نعم...
بالله لو النتيجة اتحسمت بنعم وقررتو تعملوو لمات وضبايح وحليوة
بالمرة يتحدد الشيرنق شان الناس البتجى ماتتعقد وتاكل فى خاطرها وتكون زيها وزي الناس الباقين
الا فى حالة زول يعمل عزومة فى بيتو.. ..دى حاجة تانية
|
Post: #32
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 05:18 PM
Parent: #27
شكرا يا طارق جبريل ..
طبعا مداخلتك من قبيل إثراء العواطف وتهيئة الرأي عشان الغستفتاء يجي بي نعم مش ؟!!
يعني داير تعمل حكاية الوحدة جاذبة وكدة ..؟!!
|
Post: #33
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 05:24 PM
Parent: #32
الكباشي ..
إجابتك أنا فهمتها = لا !!
|
Post: #35
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-14-2010, 05:32 PM
Parent: #33
النتيجة
نعم = 4
لا = 2
|
Post: #36
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: محمد البشرى الخضر
Date: 07-14-2010, 05:44 PM
Parent: #35
ناذر ياخي اضغط الشفت كويس ولا انساك من الهمزة واكتب الف سليقة ساي
كرهتنا بالغجابة الغجابة دي
|
Post: #37
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: MOHAMMED ELSHEIKH
Date: 07-14-2010, 06:15 PM
Parent: #36
اسال مجرب ولا تسال طبيب . انا مجرب!!!
اها دي نعم ول لا يا ناذر اخوي
|
Post: #38
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: انور التكينة
Date: 07-14-2010, 07:21 PM
Parent: #37
نعم ... اما اذا كانت اللمة يوم خميس فلا ... طبعا يوم الخميس نحن اقليميين ، و لا يؤلمنى الا لمات الخمايس البتعمل مغايس .
|
Post: #39
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: طارق جبريل
Date: 07-14-2010, 07:33 PM
Parent: #37
ناذر يا حبيبنا
كيفنك ياخي
يا ناذر ياخي استفتاء في انه نتلاقى ونتونس موووووووباااالغة
يعني هسي الاستفتاء دة لو طلع بي لا لو جيت الخرطوم ما حا اشوفك
ما حا اقابل العوض وتبلدينا
حا ينفذوا نتيجة الاستفتاء يعني
|
Post: #40
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: Tabaldina
Date: 07-14-2010, 07:46 PM
Parent: #39
..
.
Quote: بالمرة يتحدد الشيرنق شان الناس البتجى ماتتعقد وتاكل فى خاطرها وتكون زيها وزي الناس الباقين
الا فى حالة زول يعمل عزومة فى بيتو.. ..دى حاجة تانية |
اميرة الشيخ ..
شايفك يا صديقة ماشة فى اتجاه انك تأصلى ان الموضوع موضوع شيرنغ ..!!؟؟
كدا ما حلو .. ودا ما الفهم ولا حصل بوردابي من الداخل او الخارج فكر فيها
لكنها تانى ضمن .. الاتهامات .. بالعماله .. والارسترزاق .. الزمن .. والاولويات .. الخ
------------
الواقع هو خير مقياس يا ناذر ..
|
Post: #41
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: فايزودالقاضي
Date: 07-14-2010, 08:00 PM
Parent: #40
Quote: اميرة الشيخ ..
شايفك يا صديقة ماشة فى اتجاه انك تأصلى ان الموضوع موضوع شيرنغ ..!!؟؟
كدا ما حلو .. ودا ما الفهم ولا حصل بوردابي من الداخل او الخارج فكر فيها
لكنها تانى ضمن .. الاتهامات .. بالعماله .. والارسترزاق .. الزمن .. والاولويات .. الخ |
عصرت عليها شديد ياتبلدينا ...تاني عشان تقول لأ ..تضرب في الكسرة بالموية وتقول لأ !!!
|
Post: #42
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: داليا الكباشى
Date: 07-14-2010, 08:10 PM
Parent: #39
ناذر يا صديق .. سلامات ومساك خير ..
انت يا ناذر بتعمل استفتاء على شنو ؟؟
على انو نحنا لمن يجينا ضيف نقابلو ولا ما نقابلو؟
نعزمو ولا ما نعزمو ؟ نكرمو ولا ما نكرمو ؟ نلاقيهو ولا ما نلاقيهو ؟
دا كلام غريب جدا ..؟؟
يا ناذر يا اخوي , انت زول كريم ودي مافيها شك ودي ويسألوني انا الناس منها ,
لكن مسأله تستفتي ناس الخرطوم في انهم هل حا يستقبلوا ضيوفهم ولا لا دي موش صعبه شويه ..؟؟
يعني لو نتيجه الاستفتاء طلعت (لا) يبقى الناس ما تلاقي طارق جبريل لو جا ولا تستقبل كيكي , ولا ترحب بي اميره الشيخ !!!
أها انا غايتو كوستاوي دا لو جا , عزومه تلاته ايام ما بتكفيني ليهو ..
انت حا تكون راضي عن نفسك لو البوست دا نتيجتو اتحسمت بي انو نوقف لمات الخرطوم ؟؟ (ولكي ثقه ان ذلك لن يحدث) ..
ويكتب التاريخ انو : زمااان كانو ناس الخرطوم بيعملو لمات , لكن اتوقفت بي استفتاء عملو ناذر الخليفه ..؟؟
انا اعلم جيدا من هو ناذر الخليفه , واعلم تماما قدره ومكانته الما هينه ابدا .. فهل يعقل ان يكون هو صاحب هذا الفصل التاريخي ..؟؟
للمنابر ذاكره لا تنسـى ياصديق ..
يا ناذر .. حتى لو انت شايف انو موضوع استقبال الضيوف دا , مفروض الناس تعيد فيهو النظر (كبورداب خرطوم) ,
كان من : الاسهل , والاكرم , والاقل احراجا لنا ولضيوفنا , انو الاستفتاء بتاعك دا يكون خـارج البورد ,
يعني بالتلفون مثلا , أو تعلن عن لمه لي بورداب الخرطوم بي اي مناسبه وتطرح الموضوع للنقاش ... الخ ,
في ميه طريقه وطريقه تعمل بيها نفس الاستفتاء دا (اللي انا شخصيا كبورداب خرطوم ما موافقه عليهو) , بدون ما
تدي الشافع القروش قدام الضيـوف وتقول ليهو جيب ليهم بارد !!
عن نفسي شخصيا .. ارى ان يتوقف هذا البوست , ويرسل بورداب الخرطوم (الذين يوافقون على فكره الاستفتاء من اساسها)
بآرائهم الى موبايل ناذر في رساله SMS وليحذف هذا البوست ..
عن نفسي ايضا .. لن اتوقف عن تنظيم استقبال لضيوف الخرطوم , مهما قيل او ما سيقال في هذا البورد,,
ولن اتوقف عن عمل (لافتات قدر الهجمه) , او فعل ما يلزم لتخرج اللمات باخلى ما تمكننا به الظروف ..
وكلي ثقه وقناعه تامه , ان كلمات الاستاذ صبري الشريف او غيره هي مجرد اراء شخصيه لاتعبر عن البقيه ..
وسنظل نحن كما نحن , بورداب الخرطوم , الذين نسعى لخلق تواصل اجتماعي , وروابط وثيقه , ونتعصر ونتلصق في الناس ,
الا زول يقول ما دايرنا عديييل كدا ..
كلامي الفوق دا بيعبر عني انا داليا يا ناذر ,
وما ملزم بيهو اي زول .. تحياتي وارجو انك تعيد البصر كرتين , وكلي يقين في بصيرتك النافذه وعقلك الراجح .. تحياتي ..
|
Post: #44
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: خالد المحرب
Date: 07-14-2010, 08:50 PM
Parent: #42
الاخ الصديق ناذر ود الخليفه ياخوى مالك اليومين ديل ما اياك
دا كلام شنو اخى العزيز والله لمات بورداب الخرطوم شى جميل جدا
وفيها اريحيه وبساطه وحلاوة ناس السودان دا الشى البنعزى بيه انفسنا
لمن نمشى هناك وبعدين بورداب الخرطوم ما كلهم قاعدين يجو ولا ببقولو رايهم طالما
انهم مسجلين غياب
انا ارى وبكل امانه انو خلو الفيه روح وداير الاقى الناس عن طريقه
بتم تواصل مع ناس كتار ارجو ان لا تموت فيه هذه الروح الطيبه انا شخصيا عندما جيت
ماكنت مشتهى لى لحم ولا شيه ولكن كنت مشتهى اشوف ناس وفعلا قابلت بورداب من الداخل
ومن الخارج لاول مره اشوفهم فارجو اخى العزيز ان تلمو الشمل او اقل حاجه خلو الداير
يسعى فى لم الاخوان يفعل حتى لا تفتر هذه الروح الحلوه
---------------------------------------------
والله وبكل امانه لااحب ان ادخل فى اى بوست فيه خلاف لانى بكره الخلاف ودايما بحتفظ براى وقت الخلاف
حتى لا اتسبب فى فرقة الاخوان تحياتى ياجميل
|
Post: #45
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: فايزودالقاضي
Date: 07-14-2010, 08:51 PM
Parent: #42
طيب ياجماعة نحن نجيب العجور وانتو عليكم الشطة كحل وسط ...
كلو من العجور !!!
|
Post: #46
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: دينا خالد
Date: 07-14-2010, 09:47 PM
Parent: #45
لا
ــــــــــــــــ
او سوق مشتركة
|
Post: #47
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: العوض المسلمي
Date: 07-14-2010, 09:51 PM
Parent: #46
طالما الامور في رايك يا ناذر ممكن تعالج بالطريقة دي فانا اقول لا ,,,
|
Post: #49
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: الملك
Date: 07-14-2010, 09:56 PM
Parent: #46
لا ... لكن ما زي حقت دينا خالد طبعاً
...
ناذر كثرة النقاش فى الموضوع دا ... ادتنى إيحاء بايخ
وكأنو إنتو بتحتفو بى إنكم بتحتفلو بالناس ...!!
دا ما صاح غايتو ...ياخ على مدار 3 سنين والحاجات دي كانت مفروضة على 3 انفار فقط وانت تعلم وانا أعلم
"هل اللمات دى ... فرض واللا واجب واللا حتتقلب يوم مزمة للناس البرة ديل"
واحسن الناس ما تتلاقى ... ما دام شكل البورد بنقلب كلو إلي نقاش من هذا النوع
...
|
Post: #51
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: Tabaldina
Date: 07-14-2010, 10:10 PM
Parent: #49
..
.
| Quote: ياخ على مدار 3 سنين والحاجات دي كانت مفروضة على 3 انفار فقط وانت تعلم وانا أعلم |
يا رااااجل .. احسب بس معاى
عبير- المهندس- ناذر - انعام - انعام - العوض - معتصم - داليا
دى شورط ليست واتجاهلت من تعلمهم انت وناذر .. !!!
اللمات دى لا فرض لا واجب .. دا خيارى طوعى لاخوة عرفناهم اسفيريا وواقعيا
كنا نحتفى به ودا وتقديرا وترحيبا .. لا نبغى جزاء ولا شكورا ..
لا مصلحة ولا غيرها ؟؟
بس لمن جابت ليها كلام واساءات .. ظهر التيار دا ..
------------
بالمناسبة مفروضة يعنى شنو ..!!؟؟
|
Post: #53
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: الملك
Date: 07-14-2010, 10:26 PM
Parent: #51
| Quote: بالمناسبة مفروضة يعنى شنو ..!!؟؟ |
يعنى مسؤلية
ويعنى ديل كان عليهم عمل الإتصالات ... التجهيز والتنفيذ,,,,وحتى لمى الفارغ
وانا قصدى بالمُناسبة ... قبل تلاتة سنين ولى ورا
ـــــــــ
Quote: اللمات دى لا فرض لا واجب .. دا خيارى طوعى لاخوة عرفناهم اسفيريا وواقعيا
لمن جابت ليها كلام واساءات .. ظهر التيار دا .. |
إذا مافى داعى الناس تتلما ما دام حيتنقل جو البورد لى اللمات
لانو دى الحاجة الوحيدة الكان بنعول عليها .... إجتماعياً
واللا انا غلطان يا صالح
|
Post: #48
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: Tabaldina
Date: 07-14-2010, 09:52 PM
Parent: #42
..
.
Quote: عن نفسي ايضا .. لن اتوقف عن تنظيم استقبال لضيوف الخرطوم , مهما قيل او ما سيقال في هذا البورد,,
ولن اتوقف عن عمل (لافتات قدر الهجمه) , او فعل ما يلزم لتخرج اللمات باخلى ما تمكننا به الظروف .. |
لكل مقام مقال ..
Quote: وكلي ثقه وقناعه تامه , ان كلمات الاستاذ صبري الشريف او غيره هي مجرد اراء شخصيه لاتعبر عن البقيه ..
وسنظل نحن كما نحن , بورداب الخرطوم , الذين نسعى لخلق تواصل اجتماعي , وروابط وثيقه , ونتعصر ونتلصق في الناس ,
الا زول يقول ما دايرنا عديييل كدا .. |
صبرى بس ..!!
انتو صبرى دايرين تعملوه كبش الفداء .. يعنى اراء صحباتك واصحابك ما قاعدة تقريهو ..
مسكين يا صبرى جنت على نفسها براقش ..
راى الكل اتصب فيكــ .. شايف عمايلك وتسرعك .. واتهامك لعبدالرحيم غطس حجرك براك من بورداب الداخل
حسي اى زول حيشيل عليك بانك السبب وينسو ناسهم فى الداخل والخارج نتيجة حديثك المأفوف
شايف ازدواجية المعايير واضحة كيف ؟؟
عموما يا داليا ..
كلامك دا برضو بعتبرو راء شخصى منك لا يعبر عن البقية
عموما اتصلقى انت واتعصرى كما تودين هذا شأنكـ الخاص
وليكن هذا ديدنكـ دوما ..
-----------
انت يا تامبا ما عايز تستلم اماناتك دى ياخى قيدت حركتى ..!!؟
|
Post: #50
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: فايزودالقاضي
Date: 07-14-2010, 09:56 PM
| Quote: انت يا تامبا ما عايز تستلم اماناتك دى ياخى قيدت حركتى ..!!؟ |
|
Post: #52
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: محمد البشرى الخضر
Date: 07-14-2010, 10:15 PM
تبلدينا ياخ والله اتحسسنا عديل كدا
ما دام الموضوع ما صبري بس كدي جيب الأسامي الله يرضى عليك وورينا الإتقال شنو
|
Post: #54
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: طارق جبريل
Date: 07-14-2010, 11:07 PM
Parent: #52
يا تبلدينا الذي اعرف
يا حبيب والله الناس البرة دي ما بالسوء الذي تظن
يمين بالله يا صالح انا دة طارق جبريل الواحد وآخر زول شافك قبل مغادرتي الخرطوم الاجازة الفاتت
وحات خوتك يا صالح.. من هسي بقولها ليك
انا جايي يا صالح..
جايي عشان خوتنا الليها خمسة وعشرين سنة
جاييي عشان شيخ طاعن هناك في الدرابزين حيث تونسنا يا صالح
جايي عشان قبر في اطراف المدينة
جايي يا صالح لاحباب كتاااار
بس يا صالح حا اجي مضهب
والله اتحسست عديييييييل زي ما قال حبيبنا ود البشرى
يعني صراحة حا احاول اقابل الناس كل زول براهو كدة
والله يا صالح خوفتني من اي تجمع في الخرطوم
يا الله ياخ..
|
Post: #55
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: Tabaldina
Date: 07-14-2010, 11:40 PM
Parent: #54
..
.
الملكـ ..
عداكـ العيب ما غلطان .. ياملكـ
اميرة ..
تياركـ الانت سايقاهو الجديد بتاع تأصيل مفهوم مادى /مالى للامر
انا قررت ما اناقشو .. وخليتو كدا لله .. فى العافية ..
ودالبشرى وجبريلا ود القاضى ود الصائم اميرة خليل .... وآخرون
ياخى ما تتحسسوا ..!!
انا صالح عبدالرحمن تبلدينا لا امثل سوى شخصى واعبر عن ارائى ..
لا اتحدث باى صفه عن بورداب الخرطوم وما اقوله يعبر عن نفسي
لا عن احد ..
اعتذر تماما ان احسستم بانى هجومى وما تصديت له من تصرف بعض
القلة من بورداب الخارج قد مسكم بعض من الشرر او احسستم بانكم من ضمن
المعنيين بالامر والذى يرون ان الاحتفاليات بالبورداب هى امر لا يستحق وضياع زمن
وبرنامج ينظمه عدد من العملاء والامنجية ..
لكم جميعا اعتذر بلا فرز ولكل بورداب الداخل والخارج مظلومين او ظالمين
حتى للاخ صبرى الشريف وان انار لى دربا صحيحا
او قادنى لاخر مظلما .. وكل من شايعه مخطئا كان او مصيبا ..
أعتذر من حوارى ونقاشي الحاد او ما خيل للكثيرين وان كان هذا طبع جبلت عليه
فلا يعرف محاورى هل هذه جدية ام غضب ام راى هادئ ..
لكل من عرفته واقعا .. وجالسته حقيقة الود والتقدير وسيبقى
الود باق بدوام النبض فى العروق ..
واستودعكم الله وحتى نلتقى فى رحاب اخر
وواقع اجمل ..
------------
واحتفظ بحقى كاملاً فى كيفيه التعامل مع هذا الامر؛
( بختك يا داليا اخدى نفس طووووووويل بعد الانسحاب دا )
|
Post: #56
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: ناذر محمد الخليفة
Date: 07-15-2010, 00:00 AM
Parent: #55
عشان كدا البوست دا ما إستفتاء ساي .. .!!!!
البوست عنوانو (إسـتـفـتـاء فـقـري[/U]) ...!!
فقري جاي من كلمة فقر ..!!
يا أخوانا إستحملوا الراي والراي المخالف ...!!
صنفرة :
بالمناسبة للناس المستعجلين :
أنا لسع ما قلت رأيي ولا أدليت بي إستفتائي في الموضوع دا مع إني صاحب البوست ..!!!
ممكن (تروقوا وتحلو) ..!!
|
Post: #57
Title: Re: إسـتـفـتـاء فـقـري جـدا للأخـوة بـورداب الـخـرطـوم ..!!!!
Author: عفاف الصادق بابكر
Date: 07-15-2010, 11:21 AM
Parent: #56
حيرتونا معاكم ...
بقيتو على شنو ؟؟؟ نجي ولا ما نجي !!!
|
|