صور وفيديو تكريم الموسيقار يوسف الموصلي بنادي الخرطوم جنوب ..!

يوسف الموصلي يدخل الدار في زفة من عازفي الفرقة الذهبية على أنغام رائعته (الحب يا أم سماح)..

يوسف الموصلي
الشاعر بشرى سليمان

وردي الصغير

ويظهر في الصورة البوردابي القادم من أمريكا ابو مهيار

تحياتى ناذر
وكل املى ان يكون يوسف الموصلى دائما ذلك الوقاد
شكرا لك

زفة الفرقة الذهبية متواصلة ..

بالمناسبة ..

فرقة الخرطوم جنوب دي ما ذهبية عشان لون القمصان ..

لكن هي بالجد فرقة ذهبية خاصة بتاعين الكمنجات جيل ..

اولا اتقدم بجزيل الشكر وعظيم الامتنان لادارة دار الخرطوم
جنوب كانت ليلة رائعة - التقينا فيها بمن غابوا عنا سنين طويلة والشكر
موصول للاخ ناذر و لكل من حضر وتحية خاصة للاستاذ الموصلى .

الاستاذ الموصلي والاستاذ محمد عجاج

الاستاذ الموصلي قاصفاً ظهر أحدهم من شدة الشوق ..!!

بشرى سليمان ووردي الصغير ..

الصور أعلاه بعدسة الزميل معتز تروتسكي ..

سلام سلمى

Quote: تحياتى ناذر وكل املى ان يكون يوسف الموصلى دائما ذلك الوقاد شكرا لك

أنا هسي برفع في فيديو وحا تسمعيهو بيغني مع امال النور في الاماني السندسية ..
وحا تعرفيو لسع وقاد ولا لا .. هههه

عبد المحسن

Quote: اولا اتقدم بجزيل الشكر وعظيم الامتنان لادارة دار الخرطوم جنوب كانت ليلة رائعة - التقينا فيها بمن غابوا عنا سنين طويلة والشكر موصول للاخ ناذر و لكل من حضر وتحية خاصة للاستاذ الموصلى .

والله الواحد سعيد إنو شافك أمبارح ..

أخونا فارس حسين كان قاعد لكن طلع بدري مع إني قلت ليهو ينتظرك عشان يسلم عليك ..

كدي خلينا نتقابل الليلة في حفلة ياسمين محجوب ..

فشلت للمرة السادسة محاولة رفع ملفات الفيديو ..!!

يا هندسة
مساء الخير
و الله منتظرين فيديو الأماني السندسية على أحر من الجمر
لآنه ده حيكون (ديتو) عجب
حاول مرة كمان بالله
لك الشكر

Quote: يا هندسة مساء الخير و الله منتظرين فيديو الأماني السندسية على أحر من الجمر لآنه ده حيكون (ديتو) عجب حاول مرة كمان بالله لك الشكر

شرحو ...مع الود والتقدير

والله يا ابو النيذ زعلان لمن داير اطق...


_____________
ربي اجرني في مصيبتي
واخلف لي خيرا منها..

سلام يا شباب ..

أخوانا في مكتبة الاغنية السودانية ما قصروا تب ..

نديكم الرابط وحا تشوفوا كل الروائع بي هناك ..

وفعلا يا أزهري .. الموصلي مع أمال دويتو اعجب من عجيب :

هاكم :

http://www.sudanesesongs.net/index.php?showtopic=96959[/green][/B]

ياخي ده سلام عجيب
ماالقى لي زول اسلم عليهو كده؟





تحياتي يازول ياجميل

ليس غريبا على الاخوة في الخرطوم جنوب تنظيم مثل هذا الكرنفال فهم ومن قبل كرموا قامات الفن السوداني لذلك كان تكريم الاستاذ يوسف الموصلي في غاية الجمال والروعة ....


قدمت فقرات الحفل الاستاذة نادية عثمان وصدخوا الفنانين ( البلابل وعمر احساس وفيصل الصحافة وامال النور وفرقة عقد الجلاد وغيرهم) وكانت امسية زاهية مليئة بالجمال ..

كنت من بعيد وارى بعض نجوم المجتمع الفني ... عبد القادر سالم وزكي عبد الكريم والقدال وعبد الفتاح الله جابو ....


شكرا ناذر على توثيق هذا اليوم ...

شكرا المبدع يوسف الموصلي
شكرا الخرطوم جنوب

يا سلام على ناس نادى الخرطوم جنوب

يا سلام على الروعة

و يستحق الاستاذ الموصلى

منتظريم مذيدا من الصور

.


كامل الإحترام والتقدير لهذا الصرح الفني نادي الخرطوم جنوب للموسيقى،
وأحسب أن المكان قد طافت به ساحبة من الحزن والهم
والحفل يفتقد الراحل الفنان عبد المنعم الخالدي وقبله الموسيقار سليمان أبوداؤود.


تحياتي ياناذر


سيف اليزل

.

التحيه لمركز شباب جنوب، و اهل الفن علي هذا التكريم الرائع
استاذ يوسف كما يحلو للكثير من احبابه و اصحابه مناداته،يستاهل الف تكريم لما قدمه و يقدمه للفن السوداني

شكرا ناذر علي البوست

عفارم
عفارم
ناس الخرطوم جنوب سلامات .
وده ياهو الخرطوم جنوب مكان الناس الفنانين .
مكان الناس السمحة . دى حتات الجمال الحقيقى .
و زولنا الموصلى يستحق الكتير . يا سلام .

الاستاذ الموصلى يستحق التكريم دون شك
والغريبه انو التلفزيون ( القومى ) لم يحتفل بعوده هذا القامه ....
.
.
حفل التكريم هذا كان مفروض التوثيق ليهو بكاميرا full features
وليس كمايرا موبايل
حرام عليكم

يا سلااام .. ما أسعدكم بالموصلي, ليتنا كنا معكم
________________

شكرا يا ناذر يديك العافية

1- لو كنت أملك رصيداً مماثلاً من الحب وامتنان لما برحت أرض الوطن،،
2- لو كنت أضمن إستقبالاً بهذه الحفاوة لسافرت كل يوم،،

3- لك الشكر ياناذر فأنا أشهد أنك أحسنت إستقبال الرائع الفنان يوسف الموصلي كما يجب!!

شكرا ناذر الفنان ...

الرائع نازر

كيفك يازول ,, الشوق شوالات عديل

شكراً كتير لمنتدى الخرطوم جنوب ,, الرائعون دوماً

سعدت كثير بلقاء الاستاذ الموصلى فى حفل البلابل فى قاعة الصداقه

حيث شارك فى الحفل الخيرى ب على قدر الشوق كاجمل مايكون وكذالك بلادنا نعلى شانا يا ناس

عوداً حميداً استاذ الموصلى كل الحب لكم


ملحوظه :

عودة الموصلى ستتيح الفرصه لجيل كامل ان يستمتع باعماله الجميله وهى خطوة كبيره

لعتق اذاننا من انصاف الفنانين بتاعين اليومين دى

تسلموا

الأخ الفاضل الفنان ناذر الخليفة، خالص الشكر لك وأنت تتحفنا بهذه الفعاليات الجميلة لحبيبنا الفنان الموسيقار يوسف الموصلى فلقد كان استقباله فى السودان رائعا من محبيه وعاشقى فنه الرفيع، ونحن نتابع قدر الامكان من التلفزيون ونتمنى ان نكون هناك لنشاهد هذا الابداع/ مركز الخرطوم جنوب لاغريب عليهم هذا التكريم فهذا دأبهم جميعا فى تكريم الابداع والمبدعين لأنهم هم من يخلقون الابداع ، فلهم التحية، الموصلى بخبراتها المتراكمه وحماسه الشديد لعمل شىء يواجه من بعض منتقديه القدماء فى مجال الفن والذين للأسف يقامون كل تجديد وابداع ، لكن غير مهم فرسالة الرواد والمجددين تقابل بمثل هذه السلبيات والجحود ، أتمنى ان نرى نتائج ايحابية وجميلة للموصلى فى السودان وان يجدالتقدير والتفهم الذى يستحقه فالرجل رائع لدرجة الدهشة ويشجع المواهب وصغار الفنانين ،ومهموم بقضايا الموسيقى والفن فى السودان والعالم كله ، ومزيدا من التغطية أخى ناذر لنشارك باحساسنا من البعد، مع خالص مودتى لك ، والتحية موصولة لحبيبن الموصلى فى دار الخير .