أغرب عملية تصويت لأغرب عملية إنتخابات أقوم بها في حياتي ..!!

لا اذكر بالضبط عدد المرات التي قمت فيها بالتصويت لحزب ما أو جمعية ما أو حتى إنتخابات لطلاب على مدى سنوات دراستي وسنوات عملي حتى الان ، ولكنها بكل تأكيد كانت من الكثرة بحيث صار عندي الخبرة اللازمة في التعامل معها والإشراف على عدد منها على إختلاف توجهاتها وإدارتها وطرقها والغرض منها.. يختلف الكثيرون في تقييمها والحكم عليها ..

إلا أن ما حدث اليوم عصراً حينما ذهبت للإدلاء بصوتي في الدائرة التي أتبع لها كان أغرب شي أمر به في حياتي ولا أظن أنني سأمر بمثله في قابل الأيام !!

أول عملية تصويت وإنتخابات أشهدها في حياتي عندما كنت في الصف الثاني متوسط .. حيث أن إدارة المدرسة تفتق ذهنها عن تأسيس ما سمى وقتها بالشرطة المدرسية وذلك لحفظ النظام في فناء المدرسة وخارجه وأيضا داخل الفصل .. ونسبة للسمعة الطيبة التي كنت أحظي بها وسط الطلاب والاساتذة فقد تم ترشيحي لتأسيس هذه الشرطة .. ووضع لوائح بمساعدة بعض الأساتذة لتنظيم عملها ..

وقد حدثت عمليات ترشيح في كل فصول المدرسة الستة (فصلين لكل نهر) لإختيار شخصين ينوبان عن الفصل وتمثيله في الشرطة المدرسية وفي الإجتماع التأسيسي مع ممثلي الفصول وضعت أمامهم عدد من الموجهات التي صغتها بنفسي كخارطة طريق يسير على دربها الجهاز .. وبعد إجازة هذه الموجهات (بالإجماع السكوتي !!) طلبت منهم بدء عملية ترشيح نائب لي في الشرطة (موضوع رئاستي للشرطة المدرسية كانت محسومة دون إنتخابات بتوجيهات عليا من إدارة المدرسة) ، وأردت أن أتفلسف فأقترحت عليهم أن من يرى في نفسه الكفاءة أن يقوم بترشيح نفسه على أن يقوم البعض بتثنيته ..! وكانت التثنية في مفهومي وحسب فلسفتي تعني الطعن في أهلية المرشح وإبعاده عن الترشيح (على عكس المفهوم) ووجدت أن كل من يرشح نفسه لا يجد من يثنيه من البقية (علمت لاحقا انهم يفهمون معنى التثنية بذات الطريقة التي أفهمها أنا!!) .. فكان أن اعلنت أن الجميع مرشحون للمنصب وعلينا إجراء (قرعة) للإختيار !! وفعلا أجرينا قرعة سريعة عن طريق كتابة الاسماء في أوراق بيضاء وإخترت أنا (لا حظ أنا من أخترت) إحدى الأوراق فأصبح أحدهم بالتالي نائبا للرئيس بإجماع البقية ..!!

وكانت هذه أول واغرب عملية تصويت أقوم بها في حياتي ..!!

وعندما جئنا للمرحلة الثانوية كنت عضوا مؤسساً في جمعية الموسيقى والمسرح بالمدرسة .. وكنا في الجمعية نجري أغرب إنتخابات سنوية على الإطلاق ..! كنا على عكس بقية الجمعيات المدرسية نرفض إنتخاب رئيسا للجمعية ونكتفي بمنصب الأمين العام ليكون في مقام الرئيس وبعد ذلك يليه أمين الخزينة ثم السكرتير الفني وهو المسئول عن تنظيم البروفات وتحديد مواعيدها ..

في تلك الايام كنا جميعا كأعضاء في الفرقة متفقين على خداع إتحاد الطلاب الذي كان يسيطر عليه طلاب الحكم في أوج فورانه (كانت تلك الايام في العام 92 - 93) والنظام الحاكم في أشد أحوال شراسته والمواتر السوزوكي وال ياماها تملا الشوارع .. وفي قطاعات الطلاب تمكن الامن الطلابي من جميع الجمعيات المدرسية إلا جمعية الموسيقى والمسرح .. كيف ؟!!

كنا نجري إنتخابات داخل الجمعية بحضور مشرف الإتحاد والاستاذ المشرف ويتم إختيار مناصب الجمعية وبعد أن ينصرف الجميع إلى شأنهم كنا نجتمع مرة اخرى في بيتي القريب من المدرسة ونسخر مما تم ونشرع في إجراء إنتخابات صورية أخرى(من خلف ظهر أعضاء أخرين في الفرقة كنا نشك في ولائهم لنا).. كنا دائما ما نختار صديقنا الممثل القدير أمير عباس سكرتيرا عاما للفرقة وصديقنا حذيفة كمال سكرتيرا فنيا ..!

كل ذلك لاننا أقسمنا أن يكون ولاءنا طيلة وجودنا في الجمعية للمسرح فقط دون سواه من تنظيمات وإنتماءات ..!!

ناذر يا حبيبنا
متابعين ، لكن كلامك ده :

Quote: ونسبة للسمعة الطيبة التي كنت أحظي بها وسط الطلاب والاساتذة

قولو لزول ما عندو حديده !!

في الصف الصالث ثانوي بالمدرسة أقام إتحاد الطلاب إنتخابات للإتحاد كان التزوير فيها واضحا وجليا كعادة إنتخابات الإتحادات الطلابية في ذلك الوقت ويبدو أن تذمر التنظيمات السياسية قد إستدعى قيادة الإتحاد لإجراء إنتخابات أخرى .. وكان المطلوب طالبين لكل فصل فطلب مني بعض الأصدقاء أن أقوم بترشيح نفسي مع وعد بالدعم فوافقت لخوض التجربة معتمدا على الشعبية الجارفة التي احظى بها في الفصل وفي المدرسة نسبة لنشاطي الغنائي والمسرحي .. وفعلا تمكنت من الفوز في الإنتخابات باغلبية كاسحة وتم إنتخابي بعد ذلك مقررا ثقافيا بالمجلس الأرعيني او الثلاثيني (لا اذكر بالضبط) ..!!

يا أمين سلامات ..

Quote: قولو لزول ما عندو حديده !!

يا خي لو ما مصدقني أسأل معتز تروتسكي ..!!

إنت قايلني زي صاحبنا القال كان بيقفل الإنشاء ولا شنو ؟!!

حدثت إنتخابات ذات مرة في هذا العهد ..

تلك التي نزل فيها السلطان كيجاب مرشحا لرئاسة الجمهورية ..

اذكر في تلك الايام لم يكن هنالك سجل إنتخابي ولا يحزنون .. كان أساس التصويت قائمة تمتلكها اللجان الشعبية نسبة لكروت التموين والخبز الذي كان يصرف للمواطنين عن طريق البطاقة التموينية ..

لم نكن نأبه لتلك الإنتخابات كثيرا وكنا نتمرن يوميا في إحدى الميادين وقبل نهاية التمرين حضر إلينا شخص معروف في الحي بصحبة 2 بوكس وطلب منا الذهاب معه للتصويت الذي كان مركزه مدرسة الأم على شارع القسم الاوسط مقابل نادي أبناء حلفا ..

المهم رفضنا الذهاب معه بحجة أن التمرين أهم لنا من التصويت ولما راى تعنتنا أغرانا بعدد 3 صندوق (سبرايت) .. وكان مشروب الاسبرايت إحدى منتجات كوكا كولا طالع في الكفر لحداثة إنتاجه بعد غزو الكوكاكولا للسودان فما كان من البعض إلا ان هجم على الإسبرايت البارد المجاني بحكم العطش والتعب والجو السخن .. ولما ادركنا أن التمرين (خستك) إضطرينا لشرب السبرايت والصعود للبكاسي وسط وعيد الشباب بالتصويت لكيجاب إنتقاما على فرتكة التمرين وعندما وصلنا المركز فعلها الكثيرون منا وصوتوا لكيجاب ..

وما حدث لي كان غريبا وفريدا !! دخلت المركز ووجدت أحد جيراننا الموالين ممن يعرفني ويعرف أسرتي .. فنظرت للورقة ووجدت جميع أسماؤنا وأخواني وأخواتي موجودة ورا بعض (قادر الله)!! سألني جاري ذاك .. أخوك ناجي وين ؟ قلت ليهو ما بيجي ؟ قال لي ليه ما جاي ؟ قلت ليهو جنو وجن الامور دي .. قال لي طيب نادر وين ؟ قلت ليهو نايم .. طيب أخوك الفلاني وين ؟ قلت ليهو مسافر ؟ أبوك وين ؟ طلع مشوار ,, وظل يسألني عن جميع أفراد أسرتي وفي النهاية وامام أعيني صوت بالنيابة عنهم جميعا (وبالنيابة عن شخصي أيضا) للمرشح الذي يريد وهو يقول لي (سلم عليهم وقول ليهم عمكم فلان عفاكم من التعب والمشوار) ..!!

وانت يا شقي أساساً الوداك شنو


ما قلنا ليكم ما تمشوا ما سمعتوا كلامنا


اها اخبار الأخبار شنو

نازر


اسي الحاصل شنو

ورينا الحصل معاك شنو في الانتخابات دي

حبيب نورة ..

مشتاقون والله ..

أها بما إنك سألت النحكي القصة ..

أنا أساسا مشيت شمار ساكت والله .. أصلي من زمان قنعان من خيراُ فيها .. جيت المركز زي الساعة خمسة عصر .. لقيت المركز شبه فاضي إلا من العساكر والمراقبين والذي منو .. قبل ما أجي داخل لقيت واحد عمنا كبير في السن عامل جوطة ..! مشكلتو هو مُرشح وإسمو نازل غلط في الأرانيك من أمبارح مسيكين يتجارى من مفوضية لي محكمة عليا لي محكمة سُفلى وما لاقي حقو .. كل القالوهو ليهو يقدم طعن بعد نهاية الانتخابات ..!! عمنا جا المركز لكن الجماعة أبو يدخلوهو ونكروهو حطب رغم إنو وراهم إنو مُرشح !!!

حاولت إتدخل في الموضوع (واسطة خير وكدة) بتاع المفوضية شداها لي قال لي إنت جاي تبع منو ؟! قلت ليهو أنا صحفي لكن جاي أصوت .. قال لي خلينا من صحفي هسي وصوت تصويتك وإتخارج ..

المهم سمعت كلامو دخلت الكشوفات الزول قال لي إسمك منو ؟ قلت ليهو ناذر محمد الخليفة .. فتش فتيش هبش هبيش وقع في عينو إسم نادر محمد الخليفة (دا اخوي بالمناسبة) .. قلت ليهو دا ما انا انا ناذر بالذا غزال ..!! صاحبنا قال لي أديني إشعار تسجيلك .. قلت ليهو ما شايلو معاي قال لي امشي جيبو وتعال .. النقة حصلت وجا واحد من الناس البعرفم (مراقب ولا وكيل مرشح ما عارف) قال لي أمشي جيبو وتعال .. قلت ليهو ممكن اضرب للبيت يدوني رقم الإشعار .. عنقد ورفض (التقول هو معاهم)..

طلعت برة مغيوظ من الزول دا لانو مفروض يقنع بتاع الإنتخابات ويحل لي مشكلتي .. الغريبة لمن أنا طالع جا لا حقني قال لي إنت داير تصوت لي منو ؟ عاينت ليو من تحت لي فوق كايس أي حاجة تدل على جهة هو شايت ... لقيتو خاتي ليهو صورة شجرة صغيرة في جيب قميصو .. قلت ليهو والله لسع ما قررت .. قال لي خلاص صوت لي عمر البشير ..!! قلت ليهو الزول دا قال ما داير أصواتنا .. نديها ليهو بالرجالة ولا شنو ؟!!

المهم مشيت البيت جبت الإشعار وجيت الجماعة غمسوا ليك صباعي في حبر جبيل كان لونو اخضر (هسي بقى لونو تركوازي) !! أدوني اوراق دخلت بيها جوة الكرتونة ما عرفت ولا إسم من الجماعة الموجودين في اللستة .. رجعت لي بتاع الدفاتر قلت ليهو لو سمحت وريني الإنسحبو منو من الما إنسحبو عشان ما أشخت لي زول مُنسحب وتعبي يروح ساي .. قال لي إنت جاي وفي راسك ما في زول ؟! قلت ليهو أيوة والله .. جاي إختار هنا ..!! الزول إستغرب وقال لي ما بقدر أفيدك .. عاينت للمراقبين والوكلاء عشان يفيدوني لقيتم كلهم بيعاينوا لي وسامعيني لكن خايفين يقوموا من مكانم (أي والله التقول الفصل القاعدين فيهو دا فيهو ألفة) ..!! قلت للمراقب يا خي والله أنا داير أعرف معلومة صفيرة كيف ما ألقاها ؟! قال لي ما في زول مخول هنا يوريك أي حاجة .. أشخت في الحتة الإنت عاوزا وإتخارج ؟؟!! قلت ليهو طيب لو شخت في زول وطلع ما نازل أعمل شنو ؟؟!!

صاحبنا وشو حمر قرب يقول لي : يااااا خلف الله .. عزببببببتنا ..!!!!

غايتو إتوكلت علي الله في القوائم القدامي ونزلت فيها شخيت .. والله ما متذكر صوت لي منو لكن غايتو أهم حاجة إني صوتت جوة الدورانية صاح ..!!

عباس سلام ..

Quote: اسي الحاصل شنو ورينا الحصل معاك شنو في الانتخابات دي

وقسما بالله أنا ما فاهم الحاصل شنو ..

كل الاوراق الأدوني ليها ما عرفت فيها ولا إسم أي زول .. في ضعف في الإعلان بي صورة مبالغ فيها .. أنا جبيل عرفت إنو في ناس مرشحين للانتخابات ما طبعوا ولا ورقة فلسكاب واحد للدعاية !!

أسامي كتيرة ومزحومة ومشكوكة ما بتعرف منو الإنسحب ومنو النازل ومنو المقاطع ومنو الحردان ..!!

دقيقة .. إتذكرت حاجة ....

في واحدة من الأوراق قلت إختار حسب الرمز وحسب الصورة .. فتشت للصور لقيت في مرشح أو قائمة ما عارف رمزها المنشار .. غايتو عملت فيهو علامة صاح من غير ما اعاين المنشار دا تبع منو أو حا يطلع وينزل على حساب منو ..

غايتو صاحب المنشار دا ضمن مقعدو في الحكومة خلاص .. اليرقد قفا بعد دا ..

ناذر

تحياتى لك

اكيد كل اولاد (3) كلهم عملوا نفس الشىء !!

عارفكم كلكم " بطيخاب حمر "

خالص التحايا
ناذر
إيييك ، والله ايام يازمان..
البتذكروا الأيام ديك وانتو سناير ، عملنا الى إعادة التصويت والاقتراع مرة أخرى ، حيث ان كل من تم الاتفاق حولهم تفاجآنا بأشخاص آخرين هم من فازوا فقمنا بعمل اعتصام، تم على أثره إعادة الانتخابات وبشروطنا (ان يجلس المرشحون في الصف الأمامي وان تُـمرر الورقة لهم قبل ان تكتب على السبورة) وكان ما كان ونجحنا بجلب اتحاد ، اتذكر جيدا في السكرتارية الثقافية والاعلامية ونسبة لحضوري مبكراً المدرسة كنا نشغل في إذاعة الصباح (الحزن النبيل و ارحل)...
يااااه ايام..
أتذكر نحن في لطيف مشاكلي مع الكوز "معاوية" ألان هو مؤتمر شعبي حين تم إفراغ الفصول قمت بكتابة عبارة بالبونط العريض في سبورة الفصل لطيف (الجديدة لن تصير جديدة الا اذا انتهجت نهج جامعة الخرطوم) ، حيث كان وقتها جامعة الخرطوم قد دخلت في جملة مظاهرات بصورة عنيفة ونسبة لمعاصرتي تلك الأحداث لمنطقة سكننا في حي الطابية وبري ، كانت ريحة البمبان تجينا داخل البيت...
المهم ، تلك العبارة التي كتبتها جابت لى الهوا حيث عمل معاوية ذاك الكوز إلى الزج باثنين من دفعتنا ، وجلبي إلى فصل ابن رشد في الطابق العلوي هما (م و غ) وعملوا إلى غلق الباب حيث كان يقبع معاوية داخل الفصل ولا يوجد احد وقام باللهجة حادة بسؤالي (أسي نحن لو عايزين نعمل ليك أي حاجة ما بنعملها؟)
قلت ليك حتقدر تعمل شنو ؟
قام قال لي ( الكتبتو ده معناتو شنو . انو الناس تطلع مظاهرات؟ )
قلت ليهو أنا كتبت كتابتي واي زول يفسر زي ماداير وعن إذنك انا ماشي..
قال لي ( ما حتمشى الا اقول ليك انا)
عموما بين اخذ ورد طلعت ومشيت وده كان جانب غير حكاية المواتر ووايك..
اما الاقتراع ذاتو في بداية الامر كان اغرب من غريب لكن بعد ما استعدلناهو مش زي الحلاوة..
وياحليل التنظيمات في الثانوي أحسن من تنظيمات الكبيرة الماليه السودان دي ...

أما بخصوص انتخابات الايامات دي (2010) فغايتو أنا شخصيا مافهم فيها اي شي ولا اجتهدت اعرف فيها شي ، بس فلقونا بيها كان معارضة ولا حكومة والعجب في المنبر ده (انتخابات السودان في المنبر ده مش حتقدر تغمض عينك)، الف والف والف واجي أقول عايز أقرا شى خليك من الكتابة برضو القى الجوطة زايدة..
التلفزيونات ذاتها مابتقصر وكويس ما قاعد أفتحتها كتير...

غايتو استغفرتك يا مالك روحي!!!
التحايا النواضر..

Quote: أهم حاجة إني صوتت جوة الدورانية صاح ..!!

أها يا أبوها

ناس الدروة رفعوا ليك سوادة ولا بيادة

مشيت سطا بعود يا ابو النيذ ..... لووووووووووووووووووول
عافي منك.















__________________
دا كلو هين..... لكن بتاع المنشار دا لو طلع انصار سنة...... المنظر شنو لووووووووووووووووول

كميات مهولة من الوشوش الخدر (وارد ود الصايم)

سلام يا شاخت,,,

Quote: عشان ما أشخت لي زول مُنسحب وتعبي يروح ساي .. قال لي إنت جاي وفي راسك ما في زول ؟! قلت ليهو أيوة والله .. جاي إختار هنا ..!! الزول إستغرب وقال لي ما بقدر أفيدك .. عاينت للمراقبين والوكلاء عشان يفيدوني لقيتم كلهم بيعاينوا لي وسامعيني لكن خايفين يقوموا من مكانم (أي والله التقول الفصل القاعدين فيهو دا فيهو ألفة) ..!! قلت للمراقب يا خي والله أنا داير أعرف معلومة صفيرة كيف ما ألقاها ؟! قال لي ما في زول مخول هنا يوريك أي حاجة .. أشخت في الحتة الإنت عاوزا وإتخارج ؟؟!! قلت ليهو طيب لو شخت في زول وطلع ما نازل أعمل شنو ؟؟!!

اعمل ميت يا مان أعمل ميت,,,,عملا بالمثل القائل القديم إياه,,,

إنت بس أشخت وشتت,,
الباقى علينا,,

تحياتى,,

أووووووووووو

Quote: ناذر تحياتى لك اكيد كل اولاد (3) كلهم عملوا نفس الشىء !! عارفكم كلكم " بطيخاب حمر "

كيفك يا سعادة السفير يوسف ..

أولاد تلاتة ما شغالين بالموضوع دا كتير .. تتصور أي زول أقابلو إكتشف إنو ما مسجل من الاساس ..!!

جماعتنا ديل بتاعين دافوري وطربانة ساي ..!!

معتز تروتسكي ..
دائما قاعد تهيج علي الذكريات ..
بالله شفت الايامات ديك كانت هنية ورضية كيف ؟!!

كلامك دا خلاني أغطس جوة الكمبيوتر وانكت ليك الصور دي عشان تآمن :













لقيتني كيف يا تروتو ...!!؟

المسافر ..

Quote: أها يا أبوها ناس الدروة رفعوا ليك سوادة ولا بيادة

شكلك كنت شاويش قديم في الجيش .. ههههههه

الخير ...

شنو ياخي !! الشي داك لسع ما فرخ ؟؟!!

Quote: مشيت سطا بعود يا ابو النيذ ..... لووووووووووووووووووول عافي منك.

كدي عاين للسواطة الصاح هنا :





دي من زمن الجهل وزمن ما قبل إختراع الكاميرا الديجتال ..

يا شول أشوانق ..

Quote: رجع لينا طرائف البورد يا عمك عشان ننداح ياخ

يا خي شككتني في روحي .. هسي كلامي الفوق دا فيهو حلجة غلط ؟!!

دائما لمن تتداخل معاي بتجيب لي الشبهة ..!!

بلا طرائف بورد بلا بطيخ معاك ..

هو فضل فيها طرائف بعد الشفنا دا ؟!!

كيفك يا أيمن الطيب ..

Quote: اعمل ميت يا مان أعمل ميت,,,,عملا بالمثل القائل القديم إياه,,, إنت بس أشخت وشتت,, الباقى علينا,, تحياتى,,

غايتو من ناحية الشخت أخوك شخات خلاص ...

لكن الجماعة المراقبين ديل هسي بس جابوهم عشان يراقبوا عملية التشخيت بس ؟!

قال ما مخولين قال ..!! طيب المخول منو يوري ناخب جاهل زيي كدة حقوقو وواجباتو؟!

ناذر محمد الخليفة
يا سيدي دي أيام ..
مالك عايز تجرجنا..
عموما انا ذاتي كنت عايزك في موضوع كدي اخذلني..

Quote: رجع لينا طرائف البورد يا عمك عشان ننداح ياخ

الشى الاخر انا لمن شول كتب الكلام ده لمن شكيت في روحي ، قلت ياشباب البوست ده جادي ولا بتاع هظار لانو لقت نفسي جادي وناس شول وايمن اخر ضحك ..
غايتو على العموم ممكن يبقى كششكول...
التحايا النواضر..

ناذر سلامات

Quote: صاحبنا قال لي أديني إشعار تسجيلك

ياخي تصدق أنا سألت اللواء الهادي (عندو منصب في المفوضية)
في الجزيرة مباشر سؤال مباشر وقلت ليها يبدو أن هناك نية للتزوير
باستخدام اشعارات التسجيل التي استلمها المؤتمر الوطني من المسجلين
عند أبواب مراكز التسجيل .
تصور ماذا كان رده .
هذا الإشعار لا دور له في الاقتراع ولن يكون شرطا لإدلائك بصوتك !
أي والله هذا ما قاله سعادته ...

very sorry

سلام ناذر

لكن شغلتك بتاعة الشرطة ديك ما بتتعدي تصويت من اساسو

بعدين المعني القالوهو ليك وواضح
انت قلت الزول ده قال ما عاوز اصواتنا
وهو استثني ناس معينين قال ما عاوز اصواتم .. فيازول اجب بلا او نعم


غايتو في كترابة وعجاج الانتخابات الرابطة دي انتزعت ابتسامتي بكتابتك الجميلة
دمت

كلام شول مافيهو أي حاجة ما واضحة...
دي أجمل عبارة في البوست بتاعك ده والله...لوووولز

Quote: قلت ليهو الزول دا قال ما داير أصواتنا .. نديها ليهو بالرجالة ولا شنو ؟!!

Quote: قلت ليهو والله لسع ما قررت .. قال لي خلاص صوت لي عمر البشير ..!! قلت ليهو الزول دا قال ما داير أصواتنا .. نديها ليهو بالرجالة ولا شنو ؟!!

Quote: قلت ليهو الزول دا قال ما داير أصواتنا

بصراحه كده انتو منو؟؟؟؟

حمد الله على السلامة يا ناذر شايف الموصلى رجعك

ناذر والله كتلتني بالضحك

قلت لي عملت شخيت واتخارجت

رمز المنشار دا ختاها ظااااهرة...

Quote: قلت ليهو الزول دا قال ما داير أصواتنا .. نديها ليهو بالرجالة ولا شنو ؟!!

هو قال ليك الكلام ده وين تحديدا ؟!.

يا جماعة الله دا شنو الكلام المركزين فيهو دا ؟!!


إتوقعت الناس يتناقشوا معاي في حكاية أغرب إنتخابات دي !! معقولة تسيبو البوست كلو وتمسكوا في جملة واحدة من سبعة كلمات ؟؟!!

غايتو ابو الريش أصلو ما خاتي عليكم ههههههه ...

الصباح رباح ..النجي بكرة نشوف الحاصل شنو ...!

هليفه ياهليفه
أنتا أسمك بالزاء وولا بالذاء ...........
راجع البطاقات ياهليفه

Quote: .. ونسبة للسمعة الطيبة التي كنت أحظي بها وسط الطلاب والاساتذة فقد تم ترشيحي لتأسيس هذه الشرطة

أمنجى من زمان ياهليفه

أها صوت لمنو ؟؟؟؟؟؟؟؟

انا هسة همي من النتيجة تظهر عشان اشوف المنشار دا فاز ولي ما غطست حجرو ياناذر

تروتسكي ..

Quote: الشى الاخر انا لمن شول كتب الكلام ده لمن شكيت في روحي ، قلت ياشباب البوست ده جادي ولا بتاع هظار لانو لقت نفسي جادي وناس شول وايمن اخر ضحك ..

البوست طبعا جادي ..

لكن جماعتك ديل الله يورينا خيرم بس ..

Quote: حبيب نورة .. مشتاقون والله .. أها بما إنك سألت النحكي القصة .. أنا أساسا مشيت شمار ساكت والله .. أصلي من زمان قنعان من خيراُ فيها .. جيت المركز زي الساعة خمسة عصر .. لقيت المركز شبه فاضي إلا من العساكر والمراقبين والذي منو .. قبل ما أجي داخل لقيت واحد عمنا كبير في السن عامل جوطة ..! مشكلتو هو مُرشح وإسمو نازل غلط في الأرانيك من أمبارح مسيكين يتجارى من مفوضية لي محكمة عليا لي محكمة سُفلى وما لاقي حقو .. كل القالوهو ليهو يقدم طعن بعد نهاية الانتخابات ..!! عمنا جا المركز لكن الجماعة أبو يدخلوهو ونكروهو حطب رغم إنو وراهم إنو مُرشح !!! حاولت إتدخل في الموضوع (واسطة خير وكدة) بتاع المفوضية شداها لي قال لي إنت جاي تبع منو ؟! قلت ليهو أنا صحفي لكن جاي أصوت .. قال لي خلينا من صحفي هسي وصوت تصويتك وإتخارج .. المهم سمعت كلامو دخلت الكشوفات الزول قال لي إسمك منو ؟ قلت ليهو ناذر محمد الخليفة .. فتش فتيش هبش هبيش وقع في عينو إسم نادر محمد الخليفة (دا اخوي بالمناسبة) .. قلت ليهو دا ما انا انا ناذر بالذا غزال ..!! صاحبنا قال لي أديني إشعار تسجيلك .. قلت ليهو ما شايلو معاي قال لي امشي جيبو وتعال .. النقة حصلت وجا واحد من الناس البعرفم (مراقب ولا وكيل مرشح ما عارف) قال لي أمشي جيبو وتعال .. قلت ليهو ممكن اضرب للبيت يدوني رقم الإشعار .. عنقد ورفض (التقول هو معاهم).. طلعت برة مغيوظ من الزول دا لانو مفروض يقنع بتاع الإنتخابات ويحل لي مشكلتي .. الغريبة لمن أنا طالع جا لا حقني قال لي إنت داير تصوت لي منو ؟ عاينت ليو من تحت لي فوق كايس أي حاجة تدل على جهة هو شايت ... لقيتو خاتي ليهو صورة شجرة صغيرة في جيب قميصو .. قلت ليهو والله لسع ما قررت .. قال لي خلاص صوت لي عمر البشير ..!! قلت ليهو الزول دا قال ما داير أصواتنا .. نديها ليهو بالرجالة ولا شنو ؟!! المهم مشيت البيت جبت الإشعار وجيت الجماعة غمسوا ليك صباعي في حبر جبيل كان لونو اخضر (هسي بقى لونو تركوازي) !! أدوني اوراق دخلت بيها جوة الكرتونة ما عرفت ولا إسم من الجماعة الموجودين في اللستة .. رجعت لي بتاع الدفاتر قلت ليهو لو سمحت وريني الإنسحبو منو من الما إنسحبو عشان ما أشخت لي زول مُنسحب وتعبي يروح ساي .. قال لي إنت جاي وفي راسك ما في زول ؟! قلت ليهو أيوة والله .. جاي إختار هنا ..!! الزول إستغرب وقال لي ما بقدر أفيدك .. عاينت للمراقبين والوكلاء عشان يفيدوني لقيتم كلهم بيعاينوا لي وسامعيني لكن خايفين يقوموا من مكانم (أي والله التقول الفصل القاعدين فيهو دا فيهو ألفة) ..!! قلت للمراقب يا خي والله أنا داير أعرف معلومة صفيرة كيف ما ألقاها ؟! قال لي ما في زول مخول هنا يوريك أي حاجة .. أشخت في الحتة الإنت عاوزا وإتخارج ؟؟!! قلت ليهو طيب لو شخت في زول وطلع ما نازل أعمل شنو ؟؟!! صاحبنا وشو حمر قرب يقول لي : يااااا خلف الله .. عزببببببتنا ..!!!! غايتو إتوكلت علي الله في القوائم القدامي ونزلت فيها شخيت .. والله ما متذكر صوت لي منو لكن غايتو أهم حاجة إني صوتت جوة الدورانية صاح ..!!

ناذر ود الخليفة

تحياتي شكراً

الفكرة وصلت .

يااهي انت زول جميل بجد جد .



.................................حجر.

سلام جعفر ..

Quote: عند أبواب مراكز التسجيل . تصور ماذا كان رده . هذا الإشعار لا دور له في الاقتراع ولن يكون شرطا لإدلائك بصوتك ! أي والله هذا ما قاله سعادته ...

كلامخ صحيح الغشعار لا دور له ..

ولكن في حالتي طلب مني الإشعالا لإزالة اللبس وتشابه الأسماء بين نادر و ناذر ..

ولمطابقة الرقم التسلسلي للإشعار ..

عيدروس ..

Quote: سلام ناذر لكن شغلتك بتاعة الشرطة ديك ما بتتعدي تصويت من اساسو

والله غايتو حسب وعينا الزمن داك إنو القرعة نوع من انواع التصويت ..

Quote: بعدين المعني القالوهو ليك وواضح انت قلت الزول ده قال ما عاوز اصواتنا وهو استثني ناس معينين قال ما عاوز اصواتم .. فيازول اجب بلا او نعم

يا عبد الله راجع كلامي فوق . انا قلت :

Quote: طلعت برة مغيوظ من الزول دا لانو مفروض يقنع بتاع الإنتخابات ويحل لي مشكلتي .. الغريبة لمن أنا طالع جا لا حقني قال لي إنت داير تصوت لي منو ؟ عاينت ليو من تحت لي فوق كايس أي حاجة تدل على جهة هو شايت ... لقيتو خاتي ليهو صورة شجرة صغيرة في جيب قميصو .. قلت ليهو والله لسع ما قررت .. قال لي خلاص صوت لي عمر البشير ..!! قلت ليهو الزول دا قال ما داير أصواتنا .. نديها ليهو بالرجالة ولا شنو ؟!!

فأنا قصدي بالزول الما داير أصواتنا الزول بتاع الإنتخابات الرفض يقتنع بي حجتي ويخليني أصوت .. زول عنقد ليك في حتة زي دي معناها هو ما داير صوتك عدييل كدة ..

ما عارف إنتو فهمتوها كيف دي ..!!

وقع ليك ..؟!

وقع ليكم ؟!!

!نور ..

حتى أنت يا بروتس ؟؟!!!

Quote: كلام شول مافيهو أي حاجة ما واضحة...

كلام شول فاضي ومغتغت وخمج ..!!

راجع ردي لي عبد الله عيدروس أعلاه ..!

الزيادي ..

مشتاقون ..

Quote: بصراحه كده انتو منو؟؟؟؟

نحن الناس الحموهم من التصويت ..!!

Quote: حمد الله على السلامة يا ناذر شايف الموصلى رجعك

الله يسلمك يا حبيب .. البركة في حبيبنا الموصلي ..

الصادق ..

Quote: ناذر والله كتلتني بالضحك قلت لي عملت شخيت واتخارجت

تصدق شخبت لا يسساوي تمن الحبر الغمسوا فيهو صباعي دا ..!!

محمد حيدر ..

Quote: هو قال ليك الكلام ده وين تحديدا ؟!.

لمن كنت جوة الفصل قدامو وقدام المراقبين والوكلاء ..

هو ما قالا لي طبعا بصريح العبارة لكن محاولات عرقلة تصويتي من جانبو كانت بتدل على كدة ..!

يسري ...

Quote: أمنجى من زمان ياهليفه أها صوت لمنو ؟؟؟؟؟؟؟؟

أخوم من زمان (متعودة دايما) ..!!

أنا لو كنت عارف صوت لي منو كنت جيت فتحت بوست قدر دا ؟!!

شبكة ...

Quote: انا هسة همي من النتيجة تظهر عشان اشوف المنشار دا فاز ولي ما غطست حجرو ياناذر

يازولة إنشاء الله يكون مع الفائزين ...!

لكن هو منو تبع منو دا الانا ما عارفو ...!

يا سلام عليك يا الرفاعي ..

Quote: ناذر ود الخليفة تحياتي شكراً الفكرة وصلت .

أنا من الصباح منتظر زول يكتب لي زي كلامك دا .. الجماعة بسبب شول عصلجو في سطر واحد ونسوا وإتجاهلوا زبدة الموضوع ..

الرفاعي صدقني لو أبو الريش قرا كلامك هنا كان أكيد حا يضيف (ما عدا الرفاعي حجر) في كلامو داك هههه

والله إنت ما نصيح إن شاء الله المنشار يطلع حزب جاناتا دال!

Quote: غايتو إتوكلت علي الله في القوائم القدامي ونزلت فيها شخيت .. والله ما متذكر صوت لي منو لكن غايتو أهم حاجة إني صوتت جوة الدورانية صاح ..!!

يا ناذر خليفة ما جنننننننتنا


انت خلف الله ببقى ليك شنو
يا ناذر الكوز

شنو الكوزنة فكت بعد 20 سنة وما عرفت تصوت لي منو؟؟
صوت لسلفا كير
اصلو البطافات اتلخبطت في كل مكان

Quote: قال لي خلاص صوت لي عمر البشير ..!! قلت ليهو الزول دا قال ما داير أصواتنا .. نديها ليهو بالرجالة ولا شنو ؟!!

سامي عبد الوهاب ..

Quote: والله إنت ما نصيح إن شاء الله المنشار يطلع حزب جاناتا دال!

أو أمكن من حزب جلاليتا بتاعت مدراس ديك ...!!

عادل أمين ..

Quote: انت خلف الله ببقى ليك شنو يا ناذر الكوز شنو الكوزنة فكت بعد 20 سنة وما عرفت تصوت لي منو؟؟ صوت لسلفا كير

هسي إنت بعد عشرين سنة ما وروك إنو سلفاكير ما نازل إنتخابات رئاسة الجمهورية ؟!!

كلنا في الهم خلف الله يا عادل امين ..

تسلم ..

فتحي البحيري سلام ..

إنت برضو قالوا ما دايرين أصواتك ؟؟!!

عملت ليهم شنو يا شقي الحال ؟!!!

عملت في نفسك شنو يا شقي الحال ؟!!

الاخ ناذر ازيك وكل انتخابات وانت طيب وطبعا الواحد صعب جدا يتعاطف معاك لانك مشيت بكرعيك لكن العجبنى فى البوست ده ما يلى

Quote: قال لي خلاص صوت لي عمر البشير ..!! قلت ليهو الزول دا قال ما داير أصواتنا .. نديها ليهو بالرجالة ولا شنو ؟!!

دا طبعا مع الصوره بتاعة العود وتحياتى

يا دكتور محمد بابكر ..

في زول صرح قال ما داير عازفين الأعواد يصوتوا ليهو ولا شنو ؟!!

كان دا حصل قول لي لاني ما متابع ...!!!

















إنت الجماعة ديل مالم معانا !!!!!!

يا ناذر البشير قال ما داير اصوات السكارى و المخمورين

اها انا كنت قايلاك قاصد قولته دي بكلامك ده.....

Quote: قال لي خلاص صوت لي عمر البشير ..!! قلت ليهو الزول دا قال ما داير أصواتنا .. نديها ليهو بالرجالة ولا شنو ؟!!

(ههههههههه)

طلعته عامل ما سامع بيها؟؟!!مش كده (وجه غامز)!

سلام تراجي ..

Quote: يا ناذر البشير قال ما داير اصوات السكارى و المخمورين اها انا كنت قايلاك قاصد قولته دي بكلامك ده.....

لا حوللاااااااااااااااه !!!

يا دوب فهمت ليه الجماعة معصلجين في الجملة دي من أول البوست !!

تراني زول بري خلاص ومقدم النية الطيبة ..!!!

Quote: (ههههههههه) طلعته عامل ما سامع بيها؟؟!!مش كده (وجه غامز)!

مش عامل ..!!

صدقيني أول مرة أسمع إنو البشير قال الكلام دا ..!!

لاني بالكلام القلتو قاصد الزول بتاع الإنتخابات داك ..!!

الحل شنو هسي ؟!!!!!

بالنسبة لموضوع الحبر بتاع التصويت ..

لم تكن هذه هي المرة الاولى التي يتم وسمي أو وشمي بهذا الحبر .. فقد حدث لي ذلك أكثر من مائة مرة (طبعاً دا ما معناهو إني صوتت مية مرة في إنتخابات لانو السودان دا مما إتعمل ما حصل الناس صوتت فيهو قدر دا) ..

لكن الحبر دا بالذات لمن كنا طلبة في بلاد برة كنا بنروح عن أنفسنا ساعة بعد ساعة حتى لا تكل قلوبنا فتعمى .. فكنا بالذات في الـ (ستر دايس نايت) بنمشي نساهر في نوادي (كلبات وكدة) فمتذكر أول مرة جيت منقشط جوة النادي بعد ما دفعت التذكرة في واحد قال لي (كم هيا) مشيت عليهو قال لي أفتح يدينك (بالإنقليزي طبعا) بعد داك بي فرشة صغيرة كدة عمل لي علامة بالحبر في طرف يدي !! طبعا أخوكم عريبي ساي وما فهمت النظرية لحدي ما التفاتيح قالوا لي العلامة دي هي البتخليك تاكل وتشرب وتتفسح بي جوة زي ما إنت داير وهي ما بتطلع من اليد إلا بعد مرور 12 ساعة ..!!

قادر الله !!

منها بقيت لو داير أشرب أي حاجة (كوكا كولا مثلا) بطلبا وأنا رافع يدي محل العلامة زي الداير أوريهو المنكير .. طوالي زولنا يعاين للعلامة ويناولني الطلبتو ..!

عشان كدة لمن في الإنتخابات قالوا لي غمس صباعك هنا ..عرفت الشغلانية ما حارة وما مضرة ..!

ويا خلف الله عذبتنا ...!