Post: #1 Title: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: ناذر محمد الخليفة Date: 11-17-2009, 03:19 PM Parent: #0
Post: #2 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: ناذر محمد الخليفة Date: 11-17-2009, 03:28 PM Parent: #1
مع تبادل المواقع والادوار هذه المرة ..!
Post: #3 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: عبود عبد الرحيم Date: 11-17-2009, 03:59 PM Parent: #2
يا ناذر يا حبيب قول بسم الله
ان شاء الله تنتهي المباراة وكل منتخب يغادر الي بلاده في سلام وامان
Post: #4 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: هاشم نوريت Date: 11-17-2009, 04:08 PM Parent: #3
اتمنى ان لا يكون دخل لاى يد سودانية لاى خروقات او تعدى الى جماهير احد الفريقين سلام ياناذر
Post: #5 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: ناذر محمد الخليفة Date: 11-17-2009, 04:14 PM Parent: #3
يا عبود سلام ..
يا حبيب كل المؤشرات ما بتنبي عن خير ..
الجزائرين آتون الخرطوم بغرض الإنتقام من المشجعين المصريين .. ليس إنتقاما كرويا رياضياً بل إنتقام عن طريق العنف ..
جئت الان من اليوتيوب وشاهدت فيديو الجماهير الجزائرية وهي تحطم مطار القاهرة وأيضا عدد من الشركات المصرية في الجزائر .. ولا تنس أن الجماهير المصرية إعتدت على الحافلة التي تقل اللعيبة الجزائريين عقب خروجها من مطار القاهرة ..
بالإضافة لبوست يتحدث عن شراء السكاكين والسواطير من السوق المركزي بالخرطوم من قبل المشجعين الجزائرين ..
وأيضا الشحن الزائد في الشارع السوداني عن هذه المبارة من قبل جميع الأطراف بما فيها الطرف السوداني ..
أعتقد أن الحكومة السودانية ستندم أشد الندم على موافقتها وإتحادها قيام هذه المبارة هنا ..
Post: #6 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: ناذر محمد الخليفة Date: 11-17-2009, 04:24 PM Parent: #5
سلام نوريت ..
الجماهير السودانية متلقية حجج وكمان زعلانيين من المصريين عشان شجعوا تشاد ..
وأهم هسي في الخرطوم أكتريتم شايلين علم الجزائر ..
يعني لو حصلت كبسيبة من الجزائريين السودانيين أكيد حا يتدخلوا ضد المصريين لانهم (شايلين بقجة غباينم) من زمن كورة تشاد وأكيد لو لقوا الفرصة يفضو الغبينة دي ما بيفوتوها ..
غايتو ربك يجيب العواقب سليمة ..!
Post: #8 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: ناذر محمد الخليفة Date: 11-17-2009, 04:28 PM Parent: #6
أنا والله شسي شايل هم قلعتنا الحمراء دي ..!!
الله أعلم لو بتستحمل الأفواج دي كلها .!! غايتو من هسي حقو جمال الوالي يحبس المهندس والمقاول العمل ليهو المباني والتحديثات الاخيرة عشان مباراة بكرة دي إختبار حقيقي !!
غايتو خايفين من شماتة الهلالاب بعد ماالضيوف يتخارجو يقوموا يسموها لينا الراكوبة الحمراء أو ما شابه ..!!
نسأل الله السلامة ..!
Post: #9 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: عبود عبد الرحيم Date: 11-17-2009, 04:32 PM Parent: #6
بصراحة يا ناذر قرات الآن بوست اخونا زهير الزناتي هنا:
لكن دعنا نتمني ونامل ان تتفوق حكمة اهل السودان في تجاوز (الصورة السيئة المتوقعة) نسأل الله اللطف
اللهم احفظ بلادنا واخواننا في مصر والجزائر
Post: #7 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: أنور عبد الرحمن الشيخ Date: 11-17-2009, 04:25 PM Parent: #5
الأخ ناذر والله كلامك صحيح وإنذار مبكر قبل حوالى ساعتين فى البلابل واقفبن فى الإشارة وأمامى وأمام الكل تم الإعتداء بالشتم من قبل مجموعة من الشباب الجزائرى على سيارة بها مجموعة من المصريين وقاموا بانتزاع العلم منهم والتوجه شمالاً راجلين وايضاً كميات كبيرة منهم مرابطة فى إشارة عفراء والله يصبها فى خلاه
Post: #10 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: ناذر محمد الخليفة Date: 11-17-2009, 04:34 PM Parent: #7
سلام انور ..
وبرضو أمبارح بالليل شديد مجموعة من الجزائرين وقفوا قدام مطعم جاد في شارع المطار وهتفوا ضد المصريين وأشاروا لهم بعلامة الذبح على الاعناق ..!
ماتنس إنو الالاف من الجماهير الجاية للمبارة دي ما عندهم مكان ينونوا فيهو غير الشارع بحكم إنهم راجعين بعد المباراة مباشرة ..
يعني ما حا يلقوا شي يقضوا بيهو الليل غير الشغب ومحاولة الإعتداء على بعضها البعض في الصقط دا لحدي ما يجي الصباح أو تجي مواعيد سفرهم ..!!
Post: #11 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: ناذر محمد الخليفة Date: 11-17-2009, 04:46 PM Parent: #10
سلام عبود ..
Quote: لكن دعنا نتمني ونامل ان تتفوق حكمة اهل السودان في تجاوز (الصورة السيئة المتوقعة)
لنأمل ذلك رغم أن الامر أكبر من حكمة أهل السودان أجمعين ..!
Post: #12 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: ناذر محمد الخليفة Date: 11-17-2009, 06:10 PM Parent: #11
من بوست حيدر
Post: #13 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: MAHJOOP ALI Date: 11-17-2009, 06:19 PM Parent: #12
ياناذر مانوصيك ابقي عشرة علي السجانة والحلة الجديدة اضان حمره ماتخشها، بعرفك كلس
Post: #14 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: ناذر محمد الخليفة Date: 11-17-2009, 06:28 PM Parent: #13
Quote: ياناذر مانوصيك ابقي عشرة علي السجانة والحلة الجديدة اضان حمره ماتخشها، بعرفك كلس
والله يا محجوب بقينا نتحير في ألوان الإضنين الحسب المناسبات لا من تشابه علينا البقر ..!
غايتو ربنا يسهل ...!
Post: #15 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: مدثر محمد ادم Date: 11-17-2009, 06:29 PM Parent: #13
الرائع نازر سلامات
والله دي مشكلة كبيرة حقو جمال الوالي من اسع يامن علي الاستاد
Post: #16 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: Tragie Mustafa Date: 11-17-2009, 06:45 PM Parent: #15
التحيه لاشاوس بلادي وهم ينحازون للجزائر
Quote: وأهم هسي في الخرطوم أكتريتم شايلين علم الجزائر ..
وعشان هذا تصويت حقيق لانه شعبنا لا يسمع لهذه الحكومه الوهم.
الحكومة قالت مصر
الشعب قال الجزائر!!
ونشوف آخرتها.....
Quote: يعني لو حصلت كبسيبة من الجزائريين السودانيين أكيد حا يتدخلوا
ضد المصريين لانهم (شايلين بقجة غباينم) من زمن كورة تشاد وأكيد لو لقوا
الفرصة يفضو الغبينة دي ما بيفوتوها ..
غايتو ربك يجيب العواقب سليمة ..!
يا حبيب متجاهل السياسه
ليه وعامل الحجه يا ناذر كورة تشاد!!
كورة تشاد شنو يا حبيب دي مذبحة مصطفى محمود واحتلال حلايب.
والحاضر يكلم الغائب.
Post: #17 Title: Re: سيناريو محتمل : مذبحة حديقة مصطفى محمود بالمهندسين وتكرارها في إستاد المريخ !! Author: ناذر محمد الخليفة Date: 11-18-2009, 01:07 PM Parent: #16
