طرائف عوض دكام وأبو داؤود ..

والشكر كل الشكر للأخت بت بري التي أرسلت لي هذه المادة الممتعة ..

عوض دكام يوم جاتو واحدة من بنات اهله زعلانة وبتحكي ليه:
قالت ليه كنت راكبة عربيه مع واحد شغال فى الحكومة
نظام فضل ظهر وكدا اسموا يونس النباح الذى اشتهر بتقديم التعليق السياسى
بعد نشرة ثلاثة فى الاذاعة المهم الراجل دا سالنى رايك شنو فى حكومتنا
قلتو ليها سجم ورماد نبزنى ونزلنى من عربيتو،

فرد عليها عوض دكام ليطيب خاطرها هو نبز خادم الحرمين الشريفين خلي انتي يا خادم العباسية ..!!

قالو ابو داؤود مشى بيت فرح على اساس احياء حفل ،
لاكنه وجد الفنان القدير المرحوم / خضر بشير واقف على المسرح ويغنى
ومعروف المطرب خضر بشير انه ينفعل مع الغناء
عندما وصل ابو داؤود ووجد هذا المنظر سحب ليهو كرسى وقعد
يتفرج وهو زعلان جدا ، وكان امامه طفل واقف يشاهد فى المطرب خضر بشير
قام ابو داؤود قاليهو ابعد كدة ولا كدة يا ولد ، اوعى تطير فيك شلوفة ولا اصبع يفلقك !

دكام كان مدير مستشفى الاسنان وشالوه من المنصب .. وجابو مدير جديد
واحد من اصحابو لقاهو بيتحاوم بى بره .. قال ليهو مالك يادكام حايم بى بره ...رد دكام .. ياخوى ماضرتى جوه مابقدر ادخل ( بيقصد المدير الجديد) ..

قالوا يوم ابو داؤود كان شغال حفلة وانتهت متأخرة ناس العرس اصروا عليهم يبيتوا في بيت العرس وفي الصباح ابو داؤود بتسوك في الماسورة جات ماشة بي جنبه مرة كبيرة في السن قالت ليهو إمبارح العب ساهر بيكم يا ولدى.. قال ليها والله ياحاجة العتب على النظر !!

عوض دكام قال فى واحد

مشى يقلع ضرسو فى مصر

الدكاترة قالوا ليه يا زول

ما عندكم دكاترة اسنان فى السودان

السودانى قال ليه فى دكاترة

بس الحكومة مانعانا نفتح خشمنا !!

ابوداؤد كان بغنى فى حفلة والصف الاول كان
كلو جكس حجم عائلي كلو واحدة اسمن من التانية
وبعد الاغنية الاولى قام الجماعة كوركو ليهو
بالله يا استاذ فريع البان ...قام عاين ليهم وعاين
للصف الاول...وقال ليهم فريع البان كيف مع
شجر التبلدى بتاعكم دة !

يا ناذر
الحاصل شنو في الخرطوم?
كدي شغل الموبايل و نحن منتظرين


sorry for the interruption

سلام كوستاوي ..!!

الحاصل شنو هنا ؟!!

والله ما عارف ..!!

كدي النعمل رفرش للصفحة الاولى وأجيك تاني !!!

الظاهر أنا ما متابع ..!!

كوستاوي ..!!

الخلعة ليك شنو ؟!!

الصفحة الاولى ما فيها حاجة غير حريق منزل حمور والإنتخابات المضروبة وبوستي دا ..!!

إنت سمعت ولا جابو ليك ؟!!

عوض دكام قال جاتو واحدة

جميلة جميلة جميلة

قدر ما فتشها لا سوسة ولا صفار

ولا الم ولا التهاب لثة

قال ليها انتى ما عندك حاجة

مشكلتك شنو؟؟؟

قالت ليه عارفة بس جيتك تعمل لى فلجة !!

قالوا ابوداؤود كان شغال حفلة وبعد ما غني الفاصل الاول الجماعة نادوه للعشا فعلي حسب عادته قال عاوز يتعشي مع الجمهور
قام قعد في طربيزة ومعاه مجموعة
جات الصينية الاولي عاين فيها لقاها فقهة (رقبة)..عاين للصينية التانية برضو لقي الضلع فقهة (الجماعة كانوا ضابحين خرفان كمية)التلتة برضو كدا
قام نادي العريس وقال ليهو اسمع يا خوي انتو ضابحين زرافة ولا شنو؟؟

عاجل جدا .. انباء تتحدث في الخرطوم عن اختفاء البشير وا...تباكات بين متنفذين!

مره عوض دكام كان واقف في محطه البنزين
ومعهو زوجتو في العربيه الكل كان يعاين ومزهول بالجمال واللون الابيض اللامع دا
عوض دكام نزل من عربيتو وقال ليهم ياانتو ماشفتو ليكم سندوتش جبنة بالزيتون قبل كدا!!

كوستاوي ..!!

إنت قايل البشير دا بابو فاتح علي بابنا ولا شنو ؟!!

أخوك ليهو الله وعيشة السوق .. بقوم دغش بكابس السوق وبرجع مع فرة الوطاويط ،، باخد نومتي وبجي بترزع قدام الكمبيوتر دا ..!!

عندي أولاد بربي فيهم يا كوستاوي ولو قعدت إتجغمس جاي ولا جاي بجي أخر اليوم بلاقيهم ميتين عطاشى وناشفين على ضفاف النيل الما بيبعد ميتين متر عن محل سكني دا ..!!

صنفرة :

إنت عندك مشكلة مع أبو داوود وعوض دكام ديل ولا شنو ؟!!

عوض دكام قبضوه ناس الدورية

وما بعرفوه

يا زول شايل شنو فى الضهرية؟؟؟

قال ليهم جنا حرام

يا زول نحن ما بنهظر

فتحو الضهرية لقو بيض

قالوا ليه انت بتلعب علينا؟؟؟

شايل جنا جداد تقول جنا حرام ؟

قال ليهم وده ما جنا حرام ؟

شفتو ليكم ديك عقد ليه على جدادة؟؟

قال ليك ابو داود كان بغنى فى عرس والحفلة اشتغلت لحدى الصباح، ولغاية الوقت ده العروس والعريس ما جو، ولا شاف ليهو عروس ولا عريس لحدى ما الحفلة انتهت، بعد ما الحفلة انتهت قام قال للجماعة فى الميكرفون

انتى يا اخوانا عرسكم ده خبر ولا شنو ?

ابوداود كان فى رحلة مره فى بورتسودان، بعدين الجماعة طبعا ضابحين ومهيصين وبعد الضبيحة قاموا جابو المرارة والشيه وبدو ياكلو، بعدين من ضمن الأكل كانوا عاملين ليهم خروف كامل معلق فى شواية والنار مولعه تحته والدخان ضارب

قالو ليهو تعال يا عبد العزيز شوف المراره دى

قال لا ما عايز، انا مستنى الكمينة ديك تطلع!

قال ليك عوض دكام كان فى فراش بكا
وكان يوم رفع الفراش وعوض دكام مشى عشان يدفع فى الكشف

واحد من اصحابو قال ليهو انت يا عوض مفروض تدفع بالدولار
عوض دكام قال ليهو لية فارشين فى السوق الحر!!

في عيادته في بحري وهو يعالج احد المرضى
..وعنده تلفزيون في داخل العيادة وبدأت مباراة هلال مريخ
..ومعروف عنه انه لازم يحضرها في الاستاد
...خرج الى الصالة ووجد مجموعة كبيرة من المراجعين والمرضى
...واتلفت الى التلفزيون ورأى ان المباراة ستبدأ ...فالتفت الى المرضى قائلا

انتو عاوزين الجد ولا ابن عمو؟
انا من ما فتحت العيادة دي ما شفت واحد كتلو ضرس
امشو وتعالو بكره
وما في زول بيكتلو ضرس !!

عوض دكام في مرة سايق العربية بتاعتو
وقف في اشارة
اتلفت يمينو لقى
حامد بريمة
حارس المريخ السابق
سايق لفت باك حمراء جديدة
ضرب ليهو العربية بيده
وقال ليهو :

ياعب لو ما كورتك دي
والطب بتاعي ده

كان مكاوينا تتطاقش
!!

بمناسبة حامد بريمه
قالوا الزعيم فيلب عباس غبوش كان عندوا ندوه فى العشش

قام قال للجماعه ... اولاد ارب ديل هقارين شديد
كل شئ يشيلوه هم ويدونا شئ تعبان
حتى فى كوره دى مصطفى النقر يودو لى قدام وحامد بريمه
يخلوه اخر واهد فى الفريق

شوف ليك هقاره !

ومن الطرائف التى يحكيها عبد العزيز محمد داؤود عن زوجته
الفاضلة فوزية محمد حسين انها ابان الفترة الاولى من زواجهما..
ظلت تسال عبد العزيز كحال اى عروسة جديده تود ان تعبر عن حرصها على زوجها..
تساله:عبد العزيز ماشى وين ؟؟
يقول: الاذاعة…
هى: وحتجى متين انشاء الله ؟؟؟
هو :بعد ساعتين..
و فى وقت اخر:عبد العزيز ماشى وين؟..
هو عندنا حفلة عرس فى امدرمان...
هى :وبتجى متين انشاء الله ؟؟؟
هو: بعد اربعة ساعات
..وهكذا من يوم لاخر..وفجاة بادرها يوما...تعالى انتى يا فوزية انا مؤجر منك عجلة!!!!!؟؟؟

كان فى فنان اعمى وعامل عملية بواسير
قام ابوداود مشى ليه زيارة فى المستشفى
وبعد السلامات والتهانى بالسلامة
قعد يتونس مع باقى الناس الجايين للزيارة
قام فجاة كده ابو داوود سكت مسافة طويلة وباقى الناس بقوا يتونسوا
قام الراجل العيان سمع صوت الناس بس وقايل ابوداوود مشى ولا طلع من الاوضة
قام قال ليهم انتوا العب ده مشى ولا شنو
ابو داوود رد ليه
انت علشان حركاتك دى الله قاطع منك موية ونور .

في لقاء في التلفزيون مع ابو داؤود و فى فقره الاسئله الخفيفة
سأل مقدم البرنامج الفنان عبد العزيز داؤود عن اسامي بعض المشاهير
يعني لو ما كانو وصلو لي الوصلو ليهوالان كان حيطلعوا شنو .
قام المقدم سالوا عن محمد الامين , ابو داود قال ليهو شايل كورتو و قاعد جنب الجامع الكبير
*********************

أبو داؤود كان سايق عربيتو أشرت ليهو واحدة
متحنكشة دايرة تملح
وقف ليها وقام شغل شريط خاص بيهو أغنية نعيم
الدنيا وهي طبعاً
ما عارفة انها راكبة مع أبو داؤود في نص الأغنية سألها
بتعرفي الفنان
دا قالت ليهو فنان شنو دا حمار قال ليها قلت شنو قالت
ليهو قلت ليك
دا ما فنان دا عبارة عن حمار ياي ... أبو داؤود وقف العربية
ونزل مشى على الباب الراكبة جنبو فتحو
وقل ليها تنزلي والا أرفسك !!

اسمع المراة مبيّتاك القوى ولا شنو

مالك مساهر للوقت ده



صنفرة من صنفراتك


اخبار الضحية شنو!!!!!!!!!!!!!!!!!

Quote: قالو ابو داؤود مشى بيت فرح على اساس احياء حفل ، لاكنه وجد الفنان القدير المرحوم / خضر بشير واقف على المسرح ويغنى ومعروف المطرب خضر بشير انه ينفعل مع الغناء عندما وصل ابو داؤود ووجد هذا المنظر سحب ليهو كرسى وقعد يتفرج وهو زعلان جدا ، وكان امامه طفل واقف يشاهد فى المطرب خضر بشير قام ابو داؤود قاليهو ابعد كدة ولا كدة يا ولد ، اوعى تطير فيك شلوفة ولا اصبع يفلقك

والله ياناذر ضحكتنا تضحك الدنيا لك ..
مره أبو داؤود والفنان البعيو عندهم حفلة فى أبوهشيم ، وعندالمغارب طلعوا يتمشوا وهم ماسكين بعض فشافهم شافع من الرباطاب من بعيد ، وبعد فتره الجماعة بسألو وين أبوداؤود قام الشافع قال ليهم والله شفتو شايل ليهو ابريق ومشا هناك .

مره أبوداؤود فى زياره لحموده (حلاق الجامعة ) ، جات امرأة كبيرة دخلت وبتسأل فقام حمودة سلًم عليها سلام شديد كانه يعرفها ، أبوداؤود سألو أنت بتعرف المره دى ؟؟ قال ليهو أيوه دي ما حرم الجامعة .

ألا رحمهم الله رحمة واسعة فقد أضحكونا حتى الممات

ابوداود مشي يشتري خروف...عجبو خروف (كموش) كل ما يجي يقبضو .. الخروف يجري ..
قال ليهم الخروف .. عرف انو انا ماكل عمو لا خالو قبل كده....
......
...مره في السوق..جاء شافع من الشماسه جاري جنب ابوداود...
ابوداود قال ده وقع مني و لا شنو
...
و الكمونية اخت العذاري

نادر

حكاوي قريبنا عوض دكام ليها متعه خاصة

وطبعاً لمن يجي مناسبة كدا يتلم حولوا الناس صغار وكبار


يوم جاء عزاء عمتي والله دي انا حا ضره على الهواء ،،

واحد بيشاغل فيهو قال ليهو صحبك السيد بينبذ فيك

رفع كتف اللبسة الأنيقه بتاعتو بي اليمين وعاين في الأرض على يمينو وقال :

هو السيد غير عـــب بقول لي شنو ؟




رحمة الله عليه وعلى أبو داؤد




هشام

سلام النوراني ..

Quote: اسمع المراة مبيّتاك القوى ولا شنو مالك مساهر للوقت ده صنفرة من صنفراتك اخبار الضحية شنو!!!!!!!!!!!!!!!!!

والله سهر أمبارح دا جا باي أكسيدينت ..!

الضحية خلاص جهزنا ليها تب ..!!

سلام أزهري بدوي ..

Quote: والله ياناذر ضحكتنا تضحك الدنيا لك .. مره أبو داؤود والفنان البعيو عندهم حفلة فى أبوهشيم ، وعندالمغارب طلعوا يتمشوا وهم ماسكين بعض فشافهم شافع من الرباطاب من بعيد ، وبعد فتره الجماعة بسألو وين أبوداؤود قام الشافع قال ليهم والله شفتو شايل ليهو ابريق ومشا هناك .

دي قوية والله

محمد شمس الدين :

Quote: ابوداود مشي يشتري خروف...عجبو خروف (كموش) كل ما يجي يقبضو .. الخروف يجري .. قال ليهم الخروف .. عرف انو انا ماكل عمو لا خالو قبل كده.... ...... ...مره في السوق..جاء شافع من الشماسه جاري جنب ابوداود... ابوداود قال ده وقع مني و لا شنو

قوية

سلام هشام ..

Quote: يوم جاء عزاء عمتي والله دي انا حا ضره على الهواء ،، واحد بيشاغل فيهو قال ليهو صحبك السيد بينبذ فيك رفع كتف اللبسة الأنيقه بتاعتو بي اليمين وعاين في الأرض على يمينو وقال : هو السيد غير عـــب بقول لي شنو ؟

الزول دا التقول كان رباطابي ...

وبرضو من الإيميل وصلتني مجموعة جديدة :



واحد بيحب غناء ابوداؤد بشكل مخيف .. في الحفلات بيقيف منتشي ويشرط جلابيتو من فوق لي تحت ..

ابوداؤد قال ليهو تعرف يا أخونا انا حا افصل ليك جلابية بي سوستة عشان ترتاح من الشرّيط دا!!!

************************

الفنان الدكتور المرحوم عوض دكام معروف بي الحكاوي الطريفة وإن كانت علي نفسه ..

حكي في واحدة من المرات إنو جاتو بت حنكوشة تقلع ضرسها وكانت متجرسة شديد وخايفة ..

قام هو بقا يهدئ فيها وفي أثناء ذلك قلع ليها الضرس بدون ما تشعر وقال ليها قومي خلاص ..

البت إتفاجأت وما صدقت إنو قلع ليها الضرس ..

الدكتور المرحوم عوض دكام قال ليها:

عليك الله ما عب فنان ؟؟؟؟؟

البت إتحسست وسكتت وما ردت !!

كرر ليها السؤال وقال ليها :

في ذمتك ما عب فنان ؟؟؟؟

تاني البت عملت فيها ما سامعة ..

كرر ليها السؤال قال ليها :

النبي فوقك ما عب فنان ؟؟؟

قامت البت قالت ليهو :

آآآي فنان ...

قال ليها :

يعني عب مش؟

أبوداؤود ومعاهو الكوميدى السمميح ماشين مبسوطين ويغنوا فى شارع النيل
ودا كان زمن مايو ، فقاموا ناس الامن قبضوهم وجابوهم للقاضى ، يامولانا ديل قبضناهم
بنبزوا فى مايو ، فزعل السميح وقال والله نحن كنا بنغنى ، فالقاضى سألو كنت بتغنوا
فى شنو سمعونى ؟
فغنوا مع بعض ( جيتنا وفيك ملامحنا )
القاضى قال وطيب !! دا مانبذ عديــــــل كدا أجلدوهم يلا .

العزيز ناذر والاعزاء
محبي ابو داوود ودكام
رحمة الله عليهم ورضوانه
شكرًا لهذا البوست الجميل

المرحوم الدكتور عوض دكام ايضا ومما يحكى عنه انه فى ذات مره

كان فى عيادته فدخلت عليه امراه عجوز فاستغربت من هيأته

وقالت له (ياهو انت عوض دكام؟) فرد بالايجاب,

فقالت: كنت قايلاك سمين وحلبي.

فاجاب: ولقيتيني ازييييرق وعفين!!!

في واحدة من المرات قابل أبو داوود الفنان زيدان إبراهيم وسألو وقال ليهو :

يا أبو الزيك عارف أغنية الجدادة المفضلة شنو ؟؟؟

زيدان قال ليهو :

لا أبداً ..

أبو داوود قال ليهو :

أغنية في الليلة ديك !!!

شكرا محمد صلاح ..

شكرا أزهري بدوي

شكرا لك اخي نزار

نسال الله ان يتغمدهما بواسع رحمته ..
حقا هما اسياد البلد.

ومن الطرائف التى يحكيها عبد العزيز محمد داؤود عن زوجته
الفاضلة فوزية محمد حسين انها ابان الفترة الاولى من زواجهما..
ظلت تسال عبد العزيز كحال اى عروسة جديده تود ان تعبر عن حرصها على زوجها..
تساله:عبد العزيز ماشى وين ؟؟
يقول: الاذاعة…
هى: وحتجى متين انشاء الله ؟؟؟
هو :بعد ساعتين..
و فى وقت اخر:عبد العزيز ماشى وين؟..
هو عندنا حفلة عرس فى امدرمان...
هى :وبتجى متين انشاء الله ؟؟؟
هو: بعد اربعة ساعات
..وهكذا من يوم لاخر..وفجاة بادرها يوما...تعالى انتى يا فوزية انا مؤجر منك عجلة!!!!!؟؟؟



شكر ا ياناذر ياظريف علي البوست الجميل ... فرصة لكي نرفع أكف الضراعة الي الله تعالي بان يتغمد الفقيدين الجميلين بواسع رحمته بقدر ما أضحكانا وزرعا البهجة في نفوسنا


-----
حكي المرحوم ابو داؤد مرة النكتة دي عن نفسه... في أواسط السبعيات تقريبا كانوا الفدائيين الفلسطينيين إحتلوا السفارة السعودية في الخرطوم وإحتجزوا مجموعة دبلوماسيين كرهائن.. عشان يفكوا ليهم الفدائي أبو داؤد أحد قيادات الفلسطينيين وقتها.. والذي كان معتقلا في الأردن بعد أحداث أيلول الأسود... فقال جي واحد مسطول ماشي جنب السفارة لقي الجيش محاصرا وزحمة ناس بتتفرج فقام سأل عن الحاصل قالوا ليه ديل الفدائيين محتجزين رهائن وما حيفكوهم إلا يدوهم أبو داؤد... قام المسطول قال ليهم .. طيب مالو مايدوهم أبو داؤد والكابلي كمان معاهو بدل الجوطة دي

ناذر إزاى الحال

يحكى ان د. عوض دكام - وكان راجل نضيف وبحب النضافة- كان مشاى مشوار مهم وكان قاشر فل سوت قامت صبت مطرة ساعتين واول ما المطرة وقفت طلع الشارع وعربيتو كانت بعيدة شوية من الباب والراجل خايف على جزمتو من الطين قام فجأة شاف ليهم اتنين خايجين الموية وماشين فى الشارع قام ناداهم (هوى يا شباب دقيقة)
قالو ليهو أيوه قال ليهم انتو جايين من وين ؟ قالو ليهو والله نحن شغالين طُلب قريب من هنا
قال ليهم طيب ياخى انا بس عايزكم تشيلونى من هنا وتركبونى العربية ديك وبدى كل واحد فيكم عشرة ألف
قالو ليهو جدا، المهم شالوه وختوهو فى العربية
قال ليهم: قلتو لى شغالين طُلب بهنا ، وبتاخدو كم فى اليوم ؟ قالو ليهو 15000 فى اليوم
قال ليهم طيب أنا حأدى كل واحد فيكم عشرين بس لو شكشكت تجو جارين. :)

ناذر ..
بوست ممتع للغاية ...

واحدة في حياتها ما شافت
أبو داؤود ... وقامت كده
مشت حفلة وقالوا ليها البيغني
ده أبو داؤود ...

بعد الفاصل مشت ليهو وقالت :

-هي سجمي رسمي يا أبو داؤود ما كنت
قايلاك أسود كده !!!

رد عليها :

-كنت قايلاني بطاطس !!!!!!

ناذر
قريت مرة في واحدة من الصحف عن أبوداود :
قالوا أبو داود كان مشارك في حفل رسمي أيام النميري ، ومعاه عدد من الفنانين ، قام أبو داود قال لأحمد المصطفى كنقيب للفنانين ، يا أخي ما تكلم لينا الرئيس ده يطلّع لينا وردي من السجن . قام أحمد المصطفى قاليهو : أمشي انت اقعد جنبو وشوية شوية كلمو .. قام أبوداود جا قريب من النميري ، والنميري طلب منه أن يجلس علي الكرسي الجنبو وطلب منه أن يحكي له نكتة ، فحكا أبوداود وضحك النميري ، وحكى له أكثر من نكتة وأضحكه . فقال أبو داوود للنميري : ياريس ما تشوف لينا موضوع وردي ده . قام النميري رد بانفعال : وردي مالو؟
فقال أبوداوود : ما تعدموه تريحونا منّو يا ريس .
فضحك النميري ، وأمر بإطلاق سراح وردي ...

ابو داؤد كان فى حفلة مع الفنان احمد المصطفى
وكان جعفر نميرى حضوراً للحفلة وحينها كان الفرعون محمد وردى قيد الاعتقال
نظر ابو داؤد الى نميرى وهو فى غاية الطرب فتذكر محمد وردى وقال يغتنم الفرصة
ويطالب بإطلاق سراح وردى مع فورة الطرب التى كانت تتملك نميرى حينها ،،،
فاقترب منه وقال لنميري يا ريس محمد وردى ؟؟
فجاءة تغيرت ملامح نميرى وسأل ابو داؤد فى حرقة مالووووو وردى !!! ابو داؤد قاليهو أعدمو يا ريس !!!!
بوست جميل بجمال ابو عزة ودهشة دكام
لهما الرحمة والمغفرة هؤلائى الرائعيين

ناذر يا حبيب
والله بوستيك ده مفروض يكون فووووووق
طلعنا من الغم الفيهو ده - تفتح المنبر بوستات كلها تقفلك



يديك العافية يا حبيب.

ياناذر

يحكى يا ازرق ان ابو داؤود طيب الله ثراه مشى الابيض عروس الرمال اها عمل حفلة هناك وسالوهو عن مدينة الابيض قال ليهو والله جميلة بس شارع الزلط معمول بالقلبة ( نسبة للطبقات الرملية التي تغطي الشارع )

ويحكى ان ابو داؤود ذهب لحفلة بها جميع الفنانين اها في فترة عشاء الفنانين مشى الحمام ولاقى ليهو فنان مزنوق قال لي ابو داؤود خلينا نخش قدامك اها صاحبك دخل الحمام وعلى حظو السئ الموية كانت قاطعة

اها قام كورك لي ابو داؤود يا ا بوداؤود جيب ورقة

ابو داؤود اداهو ورقة تاني مرة ابو داؤود جيب ورقة تاني اداهو ورقة

المهم لمن الشغلانة اتكررت كتير ابو داؤود قال ليهو ياخي انت بتقش سطر وتفط سطر ولا شنو كااااك

عوض دكام ودوهو الدفاع الشعبي وعايزين يحقلوا ليهو صلعة رفض تماما قال ليهم ده شعر بطن امي لو حلقتوهو تاني مابيقوم

لهما الرحمة والمغفرة ان شاء الله

تحياتي

زاتوووو

سلام يا نازر، أخبارك يا ظريف؟

أبو داؤد، والكاشف، والفلاتية. عليهم رحمة الله.
حكى أبو داؤد لأبو العزائم الله يرحمو، إنهم
ذهبوا لإحيا حفلة في نيجيريا. قام قال كتبوا
ليهم أغنية نيجيرية بالحروف العربية وغنوها
مع بعض، والنيجيرين إتبسطو شديد جداً.
قام أبوالعزائم سأل أبو داؤد: الأغنية كلماتها
كانت بتتحدث عن شنو؟
أبو داؤد قال ليهو: أظن عن الحصاد.
أبو العزائم قال ليهو: يعني إنتو كُنتو عارفين
معنى كلماتها؟.
أبو داؤد قال ليهو: غايتو أنا والكاشف
ما عارفين، لكن عاشة الفلاتية بتكون كانت
عارفة...

نرحب بكل الذين إنضموا إلينا مؤخرا

والبوست مفتوح للجميع :


هاكم دي :

أبوداؤود مسافر قطر - قابله صاحبه في المطار- قال ليه والله صدفة عجيبة- الحاجة ماشا تولد بتها ولا يهمك ساعدها لداخل الطائرةوأبو النسب بيستقبلك في المطار- دخل معاها والشنط ثقيلة هدت حيله وفي التفتيش طلعت مليئة حطب شي"شاف" وشي ما "شاف" وطلح وصندل وغيرها...وزهج من الحاجة والتعتيل ... وصل المطار خرج المصيبة أبو النسب تأخر عليه ... أصحاب أبو داؤود جو يأخذوه ... سلموا عليه ... وواحد عاين كده لقى الحاجة بجواره ...قال ليه: ده شنو يا أبو داؤود ... رد عليه ... دي .. دي ... دي ما حمالة الحطب !

ابو داؤؤد شغال عن واحد مديح تقيل والزول متلحهو زلابية وشاي سادة الليل كلو .
المهم في الاخر قام طلب منو مدحة اسد الله البضرع ..وطبعا هو زعلان شديد منو . قام رد عليهو يا زول انت ماك نصيح ولا شنو كمان الليلة اسد الله يضرع ليهو فوق زلابية ّ! ....

قالوا يوم كدة جاء واحد صاحب المرحوم أبوداؤؤد لي أبو داؤود في البيت ..
قال ليهو في فنان شاب بيقلدك في الحفلات والليلة هو عندو حفلة وأنا دايرك تمشي معاي
وتديني رايك في الولد دا ..

أبو داؤود وافق ومشى لي بيت الحفلة وقعد ورا عشان ما في زول يعرفو وفي الوكت داك كان
الفنان بيغني كيف الحياة غير ليمك لكن بالطريقة دي ..

كيف الحياة غير نيمك
أبو دا ؤود قدر مايرخي أضانو يسمع الولد بغني غير نيمك (ما ليمك) ..!! لمن الفاصل إنتهى أبو داؤؤد حاول يتأكد نادا الولد وسألوا الغنية بتقول شنو ؟؟!!

الولد أصر قال ليهو كيف الحياة غير نيمك ..
أبو داؤود زعل وقام تمى البيت للولد :
ومن بعدك أصبح حظي زي لون برسيمك

( الطيب سيخه) لما كان وزير قام بزياره لمستشفى الاسنان

دكتور عوض دكام جا الشغل متاخر راح هايج فيهو حتى بانت اسنانه

قام عوض دكام قال ليهو

(والله يا الطيب سيخه شغال دكتور اسنان٣٠ سنه ما شفت لى زول عندو ( فلجه ) تحت

الاخ / ناذر ،،،

الله يديك العافية ... بوست رائع وجميل ... وفعلا يفك الهم... وهو اجمل ما تابعت فى هذا المنبر خلال الفترة الماضية... لدكتور عوض دكام مواقف كومدية مع خالنا عبد الرحمن والسيدة الوالدة فقد كان صديقاعزيزا عليهم... رحمه لله رحمة اسعة وطيب ثراه بقدر ما كان فيه من روح طيبة ودعابة لا تفارقه . واريحيته التى لا حدود لها....

مشكور اخى ناذر ان فرضت علينا الابتسامة فى هذا الجو المفعم بالسياسة الغزرة كما يصفها من يتاعطونها...
ولك فائق الود ،،،

حبيبنا ناذر

وكل المتداخلين

في اوائل التسعينات ايام حروب يوغسلافيا كنت في بيت اقربائي في المعمورة فو موسم الخريف وجاء والدهم عائدا من واجب عزاء وهو يضحك بشدة فسالناهو عن السبب :

قال : عوض دكام جا للفاتحة
ولان مياه المطر في كل شارع اضطر ان يوقف عربيته بعيدا وقطع الشوارع راجلا بين الحفر والطين ومياه المطرة حتى وصل بيت البكا

اها بعد ما شال الفاتحة

وقعد

الناس كلها بتعاين ليهو

قال ليهم :

شابكننا المعمورة المعمورة المعمورة

دي المعمورة واللا غروزني

مرة أبوداؤد عامل حفلة في بيت عزابة في جدة

وطبعا المطوعين مانعين الحفلات والعزابة خائفين

ويكوركو لي بعض سكرو الباب, سكرو الشباك, قام

أبوداؤد قال ليهم سكرو الفنان في الأول

والله بوستك جميل و مصدر سعادة.
لي زمن ما ضحكت مثل اليوم
الله يسعدك يا أبو الشباب

ابوداود استلف قرض من البنك وبعدي شوية خش في تلتلة
مع ناس البنك لقاية ما باع بعض حاجاته للسداد قال: استلفت
قرض من البنك عشان ابقي زي عزيز كافوري بقيت عزيز قوم ذل





وشكرا يا ناذر علي هذه الواحة الوريفة

ودي بالإيميل من أخونا عامر :


حكى مرة مجذوب أُنسى في احد البرامج انه كان مسافراً بالقطار مع أبو داؤود وفي احد المحطات قال لابو داؤود انت مانازل نتمشى شوية ؟؟ أبو داؤود قال ليو والله أنا خايف أنزل تقوم شعبيتي تنزل ..
تحياتي,,,

الله يريحك يانازر
ويديك العافيه

ابوداؤود قال لي علي المك يا علي ياخ انا عايز امشي الحج

علي المك قال ليهو :

حج شنو يا اخينا!!! والله تمشي تتحاوم في الحرم الشريف يفتكروك الحجر الاسود يقوموا يتلموا فيك

الناس ديل يعفصوك وتتكسر حتة حتة.

ناذر خليفة..والله مشتاقين..
يا خي خليتني أضحك لامن دموعي نزلو..
ربنا يرحمهم..ديل كانو ناس حلوين في زمن حلو

متعو يا ناذر متعة
والله يرحمهما الاثنين فقد كانو ظرفاء ومبدعين لايشق لهم غبار..
مرة ابوداود ماشي في السوق العربي ..
المرة اتخلعت لمن شافتو وقال لصحبتها سجمي ده مش ابو داوود..؟؟؟
قام ابوداوود سريع قال ليهم لا ده عشة الفلاتية

ابوداود كان مدعو لاجتماع فني قال الاجتماع وين
قالو ليهو في بيت محمد نجيب(محمد نجيب محمد علي الشاعر العروف )
قال ليهم محمد نجيب دا زول مفلس وما بغدينا كويس احسن الاجتماع اكون عند فلان(زول ميسور الحال)
المهم الاجتماع انعقد في بيت محمد نجيب وفوجئ ابوداود بان الغداء في قمة الروعة والجداد ما ادي الدرب
ولمن قعدو للغداء دورت شكلة في الشارع جوار المنزل والصوت ارتفع الجماعة الفي الغداء قالو
الحاصل شنو ابوداود قال ليهم: ديل اهل الجداد جو


الرحمة والمغفرة لابو داود
والتحية لزميل الدراسة الشاعر المرهف الاحساس والوطني الغيور محمد نجيب محمد علي

سمعت هذه من ابوداؤود في الاذاعة قد يكون سهرة او برنامج صالة العرض لا اذكر :
قال ابوداؤود :

في احد الحفلات خارج الخرطوم لم يستطيع تناول العشاء مع العازفين

المهم حاولت النوم لكن مع الجوع ما قدرت

اها مع الفجرية كده قمت سمعت لي صوت نسوان بي جو البيت

مشيت براحة وعاينت لقيت ليك حريم كبار بيغسلوا في عدة الاكل

اها جيت على واحدة وقفت بي ضهرها كده
وهي ما شايفاني

قلت ليها بالله يا حاجة مافي شي كده يتاكل

قالت لي : هو العب الغنا لينا ده خلا حاجة ما اكلو كلو

ألأخ/ناذر لك خالص الود....متعتنا الله يمتعك .ربنا يرحمهم كانوا ظرفاء...

هذا الثنائى هو فلته زمانه
ناس جميلى الروح واللسان
رحمهما الله رحمة واسعة
وزادهم بالحسنات احسانا
وبالسيئات عفوا وغفرانا
يستحقوا ان توثق طرائفهم فى شكل كتيب
لانهم ارتبطو فى اذهان كل اهل السودان بروح الفكاهة والمرح
ابو داوود لما يطلع المسرح اول شى الناس بطالبوهو يقول نكته قبل ما يغنى
وعوض دكام اى زول يشوفوا بكون منتظر يديهم واحدة من قفشاتو
وهذا ابسط ما يمكن لتخليد اسماءهم
شكرا ناذر على احياء ذكراهم العطرة
وياريت لو يجد اقتراحى النور

ياخي والله بوست منقة بس
تسلم يا ناذر وبجيك راجع بنكتين واحدة ل"أبو داؤود" وواحدة ل"عوض دكام"

قالوا أبو داؤود والبلابل مشوا مصر يشاركوا فى حفلة
المهم، بعد الحفلة مشوا الفندق، وما لقوا فيهو إلا غرفة
واحدة فاضية وفيها سريرين صُغار. أها البلابل التلاتة رقدوا
فى سرير، وعمك أبو داؤود رقد فى سرير، فقام قاليهم:
يا بناتي حقو واحدة منكم تجي ترقد معاي عشان ما تتضايقوا
وأنا زي عمكم مافيها حاجة
قاموا قالوا ليهو: لا شكراً يا عمو نحن كدا مرتاحين
قام أصر تاني إنو لازم واحدة تجي ترقد معاهو عشان الضيق ما كويس
أها لمن لقوهو مُصر على كدا حاولوا يمشوهو وقالوا ليهو: خلاص
يا عمو لو حسينا إنو فى واحدة متضايقة ح نخليها ترقد معاك
قام سكت كدا، وعرفهم عايزين يمشوهو، قام قاليهم:
خلاص ما مشكلة، إنا برضو لو حسيت إني متضايق ح أجيء أرقد معاكم

عوض دكام مرة جوهو ناس الزكاة في مكتبو
قل ليهم اها ان شا الله خير
قالو والله نحن العاملين علي جمع الزكاة
ودايرين نحصل ما عليك من زكاة
قال ليهم كدي اقروا كتب الفقه العندكم شوفو العب عليهو زكاة

الدكتور عوض دكام بحكي وقال:
ناس الحكومة طلبوا من كل الدكاترة يعملوا دفاع شعبي
المهم قاموا ودوهم معسكر جبل أولياء وطلبوا منهم يجكوا
داخل الحلة، قام هو ومعاهو بروفيسر زاغوا فى نص الجكة
ودخلوا الحلة وهم لابسين الميري بتاع الدمورية، وكانوا
عطشانيين شديد، فدقوا باب فى الحلة، وطلع ليهم شافع
قاموا قالوا ليهو: عليك الله أدينا موية
الشافع جاب ليهم الموية وشافهم شينين كدا ولابسين الميري
إفتكرهم مساجين، فقام قال لي د. عوض دكام: ياعمو إنتو عملتوا
شنو عشان ودوكم السجن؟
قام د. عوض دكام ضحك وقال ليهو: سجن؟! حرام عليك يا ولدي
ياخي أنا راجل دكتور، وعمك اللي جمبي دا بروفيسور كبير فى جامعة الخرطوم
قام الشافع فكاها فيهم ضحكة قوية وقال ليهو: والله ياعمو إنت بتقنبلا جنس قنبيلة!

عوض دكام الله يرحمو جاء الحج وبعدين فى الصفاء والمروة
عمل ليهو خمسة اشواط وتعب خالص ونفس وقف من الطواف
اتلفت يمين وشمال الناس جارية مافى زول اشتغل بيهو
قاليها ما بالغتى يا هاجر ؟؟؟؟
نتمنى من كل بوردابى ان يكتب مالدية دعونا ولو للحظات أن نوثق للإبتسامة ...

ابوداود أيام قوانيين سبتمبر... النيل أبوقرون كان طالع في الكفر...
نميري اتلفت لوراء فجاءة لمح ابوداود... قال ليهو ..أبوداود !!رد ليهو أبوداود "لا أبوقرون يا ريس"
.................................
.ايام الاوسمة بتاعت نميري يوزع فيها شمال... لا قي ابوداود ..
نميري : كيفك يا ابوداود...
ابوداود : زعلان منك يا ريس
نميري : ليه...
ابوداود : شغال توزع في الأوسمة يمين و شمال و نسيتنا..
نميري : لكن انت يدوك شنو يا ابوداود...
ابوداود : اي حاجة ان شاء الله عب السودان البار

سلام يا بن العم
وتحياتي

Quote: قالت ليه عارفة بس جيتك تعمل لى فلجة !!

ابو داؤود وخالد ابو الروس
اتلاقو في المجلس القومي للآداب والفنون
ابو الروس صاحب فلجة واسعة
ابوداؤود قال ليه نكتة
ابو الروس يضحك ويضحك
ابوداؤود قال ليه :
عليك الله يا ابو الروس دي فلجة ولا زقاق !

واحد منجض ابو داؤود نجاض
اداه قصيدة قال ليه :
بالله ادي القصيدة لي حسن عطية
كل ما يلاقيه في حفلة يسألوا
اديتو القصيدة ؟
اديتو القصيدة
يوم ابو داؤد لاقى حسن عطية
قال ليه يا بوعلي بالله امسك دي نخنخه لي الزول ده

سلامات يا ناذر
بعض النكات هنا مضحكة و بعضها غير جميل اطلاقا.تحمل الذاكرة الافريقية ذكرى كوميديا
الوجه الاسود التي كان يقوم بها ممثلين بيض يقدمون الاسود كشخصية نمطية مثيرة للسخرية
ثم اقتحم السود انفسهم هذا المجال فيما بعد و سخروا من انفسهم لاضحاك البيض و تسليتهم.
انا حقا لا ادري إن كانت هذه القصص التي تروى عن دكام و ابوداؤود قد حدثت بالفعل ام انها
اساطير الاولين و لكنها تحتوي على قدر كبير من العنصرية و بعضها يحتوي على نقد مبطن
لاحوال المجتمع السوداني الشمالي.

Quote: كوستاوي ..!! إنت قايل البشير دا بابو فاتح علي بابنا ولا شنو ؟!!

Quote: صنفرة : إنت عندك مشكلة مع أبو داوود وعوض دكام ديل ولا شنو ؟!!

عسل و الله يا ناذر .... و الله خليتني اضحك من جووووة
رحمة الله عليهما

أبو داؤد راكب عجلة وفي كلب
جاري جنب كرعيهو وشغال: هو،
هو، هو، هو، هو......
أبو داؤد قال ليهو: ما تمشي
تشوف شغلك. أنا راكب عجلة
والا عضم؟

ودي بالإيميل من أخونا محمد عبد الله ..




عند زيارة ابوداوود للعاصمه صنعاء
سالوه عن رايه في صنعاء قاليهم والله بس ام بده معفرته

سلام سيف النصر ..

Quote: سلامات يا ناذر بعض النكات هنا مضحكة و بعضها غير جميل اطلاقا.تحمل الذاكرة الافريقية ذكرى كوميديا الوجه الاسود التي كان يقوم بها ممثلين بيض يقدمون الاسود كشخصية نمطية مثيرة للسخرية ثم اقتحم السود انفسهم هذا المجال فيما بعد و سخروا من انفسهم لاضحاك البيض و تسليتهم. انا حقا لا ادري إن كانت هذه القصص التي تروى عن دكام و ابوداؤود قد حدثت بالفعل ام انها اساطير الاولين و لكنها تحتوي على قدر كبير من العنصرية و بعضها يحتوي على نقد مبطن لاحوال المجتمع السوداني الشمالي.

عندما أنزلت هذا البوست راسلني صديق عزيز في الماسنجر عن بعض الألفاظ الواردة في النكات ..

ما اريد قوله أن كل من عاصر هذين النجمين يعلم تماما أنهما درجا على إستخدام تلكم الألفاظ والنعوت على شخصيهما وإن كان دافعهما هو المرح والسعادة فقط .. أنظر مثلا للموقف الذي خدث مع عوض دكام حين جاءه موظفو الزكاة .. هل كانت ستكتمل النكتة أو الطرفة لو كان دكام إستخدم مفردة غير تلك التي إستخدمها ؟!!

أتفق معك على النقد المبطن لأحوال المجتمع السوداني الشمالي ...

تسلم ..

هاكم دب جاتني في الإيميل :

مما وردني في أمر أبو داوود أنو كان متعوّد كلو عصرية يطلع كرسيهو بره في الرملة الفارشا قدام بيتو في الدناقلة.. يرش بالخرطوش ليك رشة معتبرة ويطلق البخور وبعد شوية بجيبو ليهو القهوة والشاي.. لكن كان في واحد من البسوقوا عربات الصحة متلحو ليك.. بس ما يقعد كدا إلا يجي يوقف عربيتو بي (خراها) وعفنا ويلم ليك في أبو داوود سلام بالأحضان.. وشي لتيخ وسؤال عن ألأحوال والجديد.. وكدي بالله يا أبو داوود كب لي شاي وناولني البسكويت داك يا لذيذ..
يقفلا ليك معاو..
المهم.. الزول فجأة انقطع.. سنه كدا أبو داوود مرتاح منو.. في المدة جاتو رحلة فنية لي أبو ظبي.. أها بعد ما انتهى من حفلاتو قام نزل السوق يهتش للوليدات ويتبضع لي أم العيال.. كان يلق ليك صاحبو الما بغباو.. حق الله بق الله.. وسلام بالأحضان.. فجأة قام زولك سأل أب داوود قاليهو: ما قلت يا أبو داوود الجابك البلد دي شنو؟
قام أبو داوود بي زعل قاليهو: جيت أخرا هنا!

عوض دكام الله يرحمه متزوج مصرية المهم ولده كان لاعب كورة مع فريق الحلة وغلبوا فريق الحلة الجمبهم وديل من الزعل دايرين يدقوا ولده وجارين وراه وبكوركوا دقو الحلبي ولد الكلب ولده جرا وادسا في البيت قام عوض دكام طلع ليهم وقال ليهم :

حرام عليكم ياخي دا ولدي انا
قام واحد فيهم من الفريق المغلوب قال دقوا الحلبي ولد العب.

ناذر تحية طيبة ...
نكتتك بتاعت - الدجاجة "في الليلة ديك" - ذكرتني واحد عايز يحير أبو داؤود - قال ليه - ما هو اليوم المفضل للغنماية .... بكل سرعة بديهة قال ليهو
"TUESDAY"

عوض دكام اتقدم ود اخوه لبته
قام قال ليهو نحن ننضف في الطريق
و انت جاي توسخ ..

المرحوم أبو داؤود.. جاي هو والعازفين من حفلة بالليل وراكبين حافلة وصلوا جنب نفق بري والوقت داك كانت في حالة طوارئ في البلد ونظام حظر تجول ، في الحافلة العازفين بي كمنجاتم وعدتهم كلها فوق في الحافلة وقفم ليك العسكري.. وعرف ليك أبوداؤود.. يا ابوداؤود كيف الحال واخبارك وماعارف ايه.. وابوداوود سلم عليهو .. بعد السلام العسكري سأل أبوداؤود.. قال ليهو .. اها يا أبو داؤود جايين من وين بالليل ده... قام أبو داؤود قبل وعاين للعازفين وقبل عليهو تاني قال ليهو ..... جايين من فاتـحة!!!!

كالعادة طلب من أبوداؤود أن يحكي نكتة قبل بدء الغناء ..

قال ليهم .. في واحد متعود كل آخر شهر عند استلام الماهية ،
متعود على تقسيم الماهية على الدائنين مثل صاحب الدكان ،
الجزار ، بتاع الخضار ... الخ ، فلا يتبقى منها شئ ليعاود
مسيرة الدين للشهر القادم وهكذا دواليك ...

في شهر ما بعينه وزع صاحبنا الماهية على جميع الدائنين ،
ولدهشته الشدييييدة تبقى له-على غير العادة-مبلغ 15 جنيها
بالتمام و الكمال ..

لم يصدق نفسه وظل يراجع دفتر الدائنين في ذهنه مرات ومرات عديدة
وفي كل مرة تتبقى هذه الخمستاشر العجيبة ... ويبدو أنه اطمئن إلى أن
هذا المبلغ لا دائن له ، ففرح فرحا عظيما و تووووش الى أقرب بار
(طبعا ده كان في زمن الجاهلية !!!))..

قام صاحبنا طلب قزازة بيرة طووووويلة ، لتجلب له بعد لحظات ومعها
كباية الشب الفارغة ... أها قام صاحبنا فتح القزازة وبدأ صب البيرة
بحرفنة محترفين قطرات تلو قطرات ، لتشكل معها زبدا أبيضا كثيفا يسر
الناظرين ...

نظر صاحبنا للزبد المتعالي القوام ، وقام فجأة من كرسيه صارخا :

الليييييلة ... أنا ما نسيت سيد اللبن !!!!!!!!!!!!!!!!!!!!!!!!!!

سلامات ناذر وشكرا على البوست الجميل( رغم مصطلحات العبيد والخدم البقت مدسوسة ) ... ما عارفين نشتغل ولا نضحك


قالوا ابو داؤد له الرحمة عندو جار ملحاح كل ما يسمع ابوداؤد مسافر يجيهو يقول ليهو البلد الفلتكانية الانت ماشيها دى فيها عطور خطيرة بس عليك معاك ريحة .. ولو سمع ماشى السعودية يقول ليهو موية زمزم وطواالى فى الحالة .. مرة سمع ابو داؤد ماشى نيجيريا جاهو قال ليهو عليك بس اخر طلب ... جيب لى معاك جلد نمر على شرط ما يكون مقدود .. ابو داؤد ضحك وقال ليهو النمر انا الا اديهو طلقة فى .......


قالو ابو داؤد سايق عربيتو فى شارع النيل اشرن ليهو تلاتة نسوان وقف وركبن فى نص المشوار ابوداؤد بدأ فى الونسةو قال ليهن معليش ما عرفنا بعض .. الاولى قالت : اسمى دار السلام .. التانية قالت دار النعيم وقبل التالتة ما تقول قال ليها عرفتك.. قالت سجمى عرفتنى كبف قال ليها اكيد دار الرياضة ...

Quote: ان فى فنان اعمى وعامل عملية بواسير قام ابوداود مشى ليه زيارة فى المستشفى وبعد السلامات والتهانى بالسلامة قعد يتونس مع باقى الناس الجايين للزيارة قام فجاة كده ابو داوود سكت مسافة طويلة وباقى الناس بقوا يتونسوا قام الراجل العيان سمع صوت الناس بس وقايل ابوداوود مشى ولا طلع من الاوضة قام قال ليهم انتوا العب ده مشى ولا شنو ابو داوود رد ليه انت علشان حركاتك دى الله قاطع منك موية ونور

يا ناذر سمعتها انو عما وجاو حبس بول ما بواسير

هذا البوست ينضح بالعنصرية وبعض النكات هنا فياه عنصرية بغيضة لا تضحك إلا من لم يتخلص من النزعة العنصرية بعد وهي نكات أعتقد أنها أضيفت إلى رصيد النكات التي اشتهر بها كل من الفنان أبي داود ود. عوض دكام إذ لا يعقل أن يكون هذان الشخصان الرائعان بمثل هذا الشعور بالدونية.عاصرت اصدقاء لابي داود مثل الراحل البروفيسور على المك ولم يسرد لنا قط نكتة من نكات أبي داود يرد فيها مثل هذا الحس العنصري المدسوس.من السهل إضافة نكات للظرفاء ، انظر حكايات أشعب العربي وودنفاش الأم درماني. لابد من غربلة نكات أبي داود الحقيقية ونكات عوض دكام وإبعاد سوء الطوية العنصري هذا عنها حتى لو صدر الامر منهما حقاً وذلك تخليداً لذكراهما العطرة..

الاستاذ بشري الفاضل
تحية واحتراما

Quote: إذ لا يعقل أن يكون هذان الشخصان الرائعان بمثل هذا الشعور بالدونية

لا اعتقد انهما كانا يشعران بالدونية ولا اظن ان المجتمع عاملهما بهذا الشعور ولكن هناك واقع اجتماعي مؤلم في السودان هذان الشخصان الفريدان حملا علي عاتقيهما مسئولية هذا التغيير من القمة وليس من القاع
فليس هناك مطرب يتمتع بحنجرة ابو داود وليس هناك طبيب اسنان يستطيع ان يبذ عوض دكام ولكن لكل شيخ طريقة فاختارا هذه الطريقة للايحاء بان القمة لا يقيدها لون او جنس وقد نجحا في احداث تغيير كبير يجب ان يتواصل وكسبا الاحترام من كافة اطياف المجتمع

ناذر
شكرا لتخفيف الحاجات الكتيرة دى ,,,

ابو داؤود مشى صنعاء وسألوه بعدما رجع ... يا ابو داؤود بيوت صنعاء كيف ؟
قال ليهم ضيقة شديد لو نايم فى السرير وعاوز تتقلب على الصفحة التانية الا تطلع برة وتجى .


ناس البيت ولدهم عريس واتغالطو فى الفنان .. البنات عايزات فنانين محددين والاولاد والام .. فى النهاية زهج مشى جاب ليهم ابو داؤود .. امو جاتو قالت ليو اها يا ولدى جبت لينا منو .. قام اشّر ليها على الفنان وقال ليها جبت ليكم الزول داك .. امو التفتت كدة وشافتو قاعد قالت سجمييي ابو داؤووود !! .. فى اللحظة دى سمعها والتفت عليها وقال ( معليش يا حاجة دى قسمتكم )

Quote: هذا البوست ينضح بالعنصرية وبعض النكات هنا فياه عنصرية بغيضة لا تضحك إلا من لم يتخلص من النزعة العنصرية بعد وهي نكات أعتقد أنها أضيفت إلى رصيد النكات التي اشتهر بها كل من الفنان أبي داود ود. عوض دكام

اتفق معك تماما استاذ بشرى الفاضل хорошо сказано
ارجو ان تنبه اخ نادر انت والمتداخلين لهذا الشييء

Quote: قالوا أبو داؤود والبلابل مشوا مصر يشاركوا فى حفلة المهم، بعد الحفلة مشوا الفندق، وما لقوا فيهو إلا غرفة واحدة فاضية وفيها سريرين صُغار. أها البلابل التلاتة رقدوا فى سرير، وعمك أبو داؤود رقد فى سرير، فقام قاليهم: يا بناتي حقو واحدة منكم تجي ترقد معاي عشان ما تتضايقوا وأنا زي عمكم مافيها حاجة قاموا قالوا ليهو: لا شكراً يا عمو نحن كدا مرتاحين قام أصر تاني إنو لازم واحدة تجي ترقد معاهو عشان الضيق ما كويس أها لمن لقوهو مُصر على كدا حاولوا يمشوهو وقالوا ليهو: خلاص يا عمو لو حسينا إنو فى واحدة متضايقة ح نخليها ترقد معاك قام سكت كدا، وعرفهم عايزين يمشوهو، قام قاليهم: خلاص ما مشكلة، إنا برضو لو حسيت إني متضايق ح أجيء أرقد معاكم

طبعا يستحيل ان يكون ابوداؤود رحمة الله عليه هو القائل فقد سمعنا هذه النكتة زمااااان برواية اخرى

Quote: جيب لى معاك جلد نمر على شرط ما يكون مقدود .. ابو داؤد ضحك وقال ليهو النمر انا الا اديهو طلقة فى .......

الشكر اجزله لكل من مر بهذا البوست ..

طبيعة البوست المتسارعة تمنعني من الرد عليكم فرادا ..

نواصل ..

الدكتور الفاضل بشرى الفاضل والدكتور جمال الباقر
تحية طيبة،

الدكتور عوض دكام، قد سمعته بنفسي فى تلفزيون السودان يحكي هذه النكات، وأحفظ
له الكثير منها، وقد اخترت منها ماهو غير عنصري، ولكن يا د. بشرى يقوم يجيك واحد
زي د. جمال دا، ويقول ليك دي برضو مستحيل يكون قالها أبو داؤود! أها نطير يعني وللا شنو؟!

لا يا نذير ولا تطير ولا شي بس اقرأ الكتبتو انت فوق تاني

Quote: لا يا نذير ولا تطير ولا شي بس اقرأ الكتبتو انت فوق تاني

لوول، والله دي براها نكتة يا د. جمال، طيب طلع لي عنصرية فى النكات اللي جبتها؟!
وبعدين النكتة دي فعلاً منسوبة لإبي داؤود، ولو عندك النسخة الأصلية جيبا لينا

طيب تقبل النسخة الاصلية في المسنجر ؟؟

Quote: طيب تقبل النسخة الاصلية في المسنجر ؟؟

يا زول أبشر ساي، شووووووت طوالي فى المسنجر وأنا قاعد أون لاين

شكرا يا د.بشرى الفاضل

Quote: هذا البوست ينضح بالعنصرية وبعض النكات هنا فياه عنصرية بغيضة لا تضحك إلا من لم يتخلص من النزعة العنصرية بعد وهي نكات أعتقد أنها أضيفت إلى رصيد النكات التي اشتهر بها كل من الفنان أبي داود ود. عوض دكام إذ لا يعقل أن يكون هذان الشخصان الرائعان بمثل هذا الشعور بالدونية.عاصرت اصدقاء لابي داود مثل الراحل البروفيسور على المك ولم يسرد لنا قط نكتة من نكات أبي داود يرد فيها مثل هذا الحس العنصري المدسوس.من السهل إضافة نكات للظرفاء ، انظر حكايات أشعب العربي وودنفاش الأم درماني. لابد من غربلة نكات أبي داود الحقيقية ونكات عوض دكام وإبعاد سوء الطوية العنصري هذا عنها حتى لو صدر الامر منهما حقاً وذلك تخليداً لذكراهما العطرة..

في نكات كثيره سمعنها وغير منسوبه لهؤلاء ونسبت لهم هنا كذبا وعنصرية!!


والاغرب جمع هؤلاء الشخصين في بوست واحد؟؟؟



وكأن المتدخلين نسيوا انهم من مشاهير المجتمع السوداني
ولم يقدموا الا كل الخير و النماء له ولهم اسر وابناء وبنات
يسؤهم ان يقرأوا كل هذا الغثاء.



الرحمه لهم بقدروا ما قدموا لاهلنا و شعبنا
والعار كل العار للعنصرين المستخبأين وراء الفكاهه لابراز عنصريتهم.

تراجي :

إنتي دايرة تقولي شنو بالضبط ؟!!

!!!

Quote: طيب تقبل النسخة الاصلية في المسنجر ؟؟

كدي رسلو لينا الاصلية دي نشوفا معاكم ..!!

Quote: واحدة في حياتها ما شافت أبو داؤود ... وقامت كده مشت حفلة وقالوا ليها البيغني ده أبو داؤود ... بعد الفاصل مشت ليهو وقالت : -هي سجمي رسمي يا أبو داؤود ما كنت قايلاك أسود كده !!! رد عليها : -كنت قايلاني بطاطس !!!!!!

محمد قرض، وحاة الخوا النكتة دا قاطعا من راسك

Quote: والعار كل العار للعنصرين المستخبأين وراء الفكاهه لابراز عنصريتهم

حبيبتنا تراجي، سلامات ومشتاقين يا زعيمة
أها بكري زاتو مشارك فى الموضوع ورفع البوست لوول
تعرفي يا تراجي أغلب هذه النكات حكاها الدكتور عوض دكام بنفسه
فى التلفزيون، وعوض دكام مشهور جداً بهذا الإسلوب

Quote: كدي رسلو لينا الاصلية دي نشوفا معاكم ..!!

يا ناذر سلامات،
لو د. جمال ما رسلها ليك لحد هسا كلمني علشان أرسلها ليك فى المسنجر
لأنو لو كتبناها هنا بكري بطردنا من المنبر

النزير ..

Quote: لو د. جمال ما رسلها ليك لحد هسا كلمني علشان أرسلها ليك فى المسنجر

جمال ما رسلا .. رسلا إنت ..

بس قبل دا دايرك توري القراء هنا :

الرسلا ليك جمال هل هي فعلا الاصلية ولا تقليد تايواني (ري كوندشن) ؟!!

لاني متاكد إنو العندنا هنا هي الأصلية ماركة (أبو حصان) كمان ..!!

Quote: لاني متاكد إنو العندنا هنا هي الأصلية ماركة (أبو حصان) كمان

لووول@ ناذر
والله لحد هسا أنا شاكي فى نكتة د. جمال إنها صينية وبتاعتنا الأصل

ويازول أبشر ساي هسا ح أشوتا ليك فى المسنجر

ماقلت عجبتك يا نذير ... جيت هنا تقول صينية
غايتو جنس غايتو

تعرف يا دكتور ..

نكتتك الرسلتها لي جمال دي تايوانية تجميع تاييه !! عارف لييه ؟!

دي بيتداولوها الأطفال الصغار وإنتشرت وسطهم لانو من البديهي إنو الاطفال ديل ما بيعرفو أبطال النكتة الحقيقية ولا سمعوا بيهم قبال كدا ..!

عندك شخصي الضعيف مثلا ..

التكتة التايوانية دي سمعتها بدري في خامسة إبتدائي تقريبا والوكت داك ما كنت بعرف الابطال الحقيقيين ، أها لمن كبرنا شوية ودخلنا المتوسطة والثانوي طوالي بتاعين النكات صرفوا لينا الاصلية بعد ما فهمنا الحاصل وإتعرفنا على الجماعة ..!!

يعني الشغلة ستيب باي ستيب ..!

وإنت أظنك لي يوم الليلة ما صرفو ليك الاصلية لأي سبب من الاسباب وإنت مفتكر إنو العندك دي هي الاصلية (أبو لستكة) وعاذرنك لأنو الذنب ما ذنبك ...!



إنت قايلني جايي من وين ؟!! أخوك ديامي قديم وسيد الشي زاااتا ..!!

Quote: ماقلت عجبتك يا نذير ... جيت هنا تقول صينية غايتو جنس غايتو

لووول@ د. جمال
والله لحد هسا عاجبني، لكن برضو ما بمنع إنو بتاعتنا هى الأصلية

Quote: الدكتور عوض دكام بحكي وقال: ناس الحكومة طلبوا من كل الدكاترة يعملوا دفاع شعبي المهم قاموا ودوهم معسكر جبل أولياء وطلبوا منهم يجكوا داخل الحلة، قام هو ومعاهو بروفيسر زاغوا فى نص الجكة ودخلوا الحلة وهم لابسين الميري بتاع الدمورية، وكانوا عطشانيين شديد، فدقوا باب فى الحلة، وطلع ليهم شافع قاموا قالوا ليهو: عليك الله أدينا موية الشافع جاب ليهم الموية وشافهم شينين كدا ولابسين الميري إفتكرهم مساجين، فقام قال لي د. عوض دكام: ياعمو إنتو عملتوا شنو عشان ودوكم السجن؟ قام د. عوض دكام ضحك وقال ليهو: سجن؟! حرام عليك يا ولدي ياخي أنا راجل دكتور، وعمك اللي جمبي دا بروفيسور كبير فى جامعة الخرطوم قام الشافع فكاها فيهم ضحكة قوية وقال ليهو: والله ياعمو إنت بتقنبلا جنس قنبيلة!

الأخ النذير

هذه النكتة حقيقية مية في المية

ولكنها حدثت عندما داهم الفيضان اهلنا في الكلاكلة القبة

والقائل هو طفل صغير من حلة توير الجمب البحر

قال ليه: ما تقنبلااااااا يا

وحكاها الراحل أيضا في احد برامج التلفزيون


شكرا لك

والرحمة لأولئك الرائعون

الذين سموا فوق حواجز العنصرية البغيضة

ليعلموننا ان الانسان لا يقاس بلونه

وشكرا للرائع ناذر الخليفة الذي يقتطع من زمنه الغالي

ليهدينا الابتسامة والضحكة في زمن انحسرت فيه الضحكة


شكرا يا ناذر مرة اخري


مودتي

سيف

Quote: محمد قرض، وحاة الخوا النكتة دا قاطعا من راسك

سعد مدني ..
وأنا عندي راس لي قدر ده ؟؟؟!!!!!!

Quote: الأخ النذير هذه النكتة حقيقية مية في المية ولكنها حدثت عندما داهم الفيضان اهلنا في الكلاكلة القبة والقائل هو طفل صغير من حلة توير الجمب البحر قال ليه: ما تقنبلااااااا يا وحكاها الراحل أيضا في احد برامج التلفزيون شكرا لك

شكراً يا سيف للتأكيد، وزي ما قال ناذر نكاتنا دي أصلية وماركة أبو حصان

الديامي ناذر الخليفة
فى واحد فقع البوست بتاعك دا بي ضبانتو
لوووول
حتى الألوان الأحمر والأخضر ما خلاهم لووول
هاك شوف النسخة التايوانية دي:
http://www.nubian-forum.com/vb/showthread.php?t=8665&page=3

قالوا:
أبو داؤود يوم فى حفلة طلع المسرح
والسوستة بتاعت البنطلون فاتحة
وأول ما مسك المايك كدا الجماهير شافوا
السوستة بتاعت البنطلون فاتحة
قاموا كلهم بصوت واحد كوركوا ليهو
السوستة فاتحة يا أستاذ
السوستة فاتحة يا أستاذ
قام قال ليهم: والله ياجماعة الأغنية دي
ما حافظها.

غايتو يا النذير زمراوي الولي دا عملا ظاااهرة .!.!
وهسي ما يجينا الدكتور يطلع بوست أخونا بي هناك أصلي والعندي هنا دا تقليد كاتبو مقلد بن تاييه !!
نسأل الله السلامة ..!!


الظاهر الشاويش الإسفيري أخونا كوستاوي ما شايف شغلو اليومين ديل ..!!

ناذر أبو رزقة القوقلي
و النذير

الإتنين طلعتوا حرامية


طيب أحكوا لينا أبو داود قال شنو عن مدينة واشنطون....و لو ما قلتوها ح أفتح فيكم بوست بتاع سرقة...

بي سرعة

Quote: ناذر أبو رزقة القوقلي و النذير الإتنين طلعتوا حرامية طيب أحكوا لينا أبو داود قال شنو عن مدينة واشنطون....و لو ما قلتوها ح أفتح فيكم بوست بتاع سرقة... بي سرعة

لوووول@ كوستاوي
أفو يا كوستاوي ونحن بنسرق كمان؟!
كدي شوف تأريخ تنزيل البوست دا والمشاركات فيه قبل بوست زمراوي الولي
وبالمناسبة يوسف الولي مستخدم نظام التأريخ الأمريكي وهو الشهر، اليوم، السنة
وشوف نكتتي الآخيرة دي هسا ح يقوم ينزلها فى بوسته، شكلو هسا نايم لوول
وبعدين لو ما أخاف الكضب، اسم زمراوي الولي دا مر علي فى أعضاء سودانيز أون لاين

ويا زمراوي الولي مطلوب حضورك، وح نشتكيك لي بكري لأنك لم تقل نقلاً عن سودانيز أون لاين

Quote: عوض دكام في مرة سايق العربية بتاعتو وقف في اشارة اتلفت يمينو لقى حامد بريمة حارس المريخ السابق سايق لفت باك حمراء جديدة ضرب ليهو العربية بيده وقال ليهو : ياعب لو ما كورتك دي والطب بتاعي ده

عايز اضيف ليك الكلام الفوق دا لقيتك جبتو

رغم انو عندي رواية تانية ، لكن شنو ماعندو رواية تانية.

بوست جميل ومتوقع انك تستوفي شروطه.

البوست دا مفروض يكون نواة ثقافية لضرورات الاعتذار والمصالحة التي ظل

يمارسها المركز علي الهامش وتنبه لها دكام وابوداؤود من زمن قديم..


تشكرات يا ناذر يا فنان

بصراحة يا ناس
ولأول مرة أتفق مع الأخت/تراجي
لكن والله الكلمة دي بذيئة ورديئة حتى لو قيلت في سياق المزح
ولو سلمنا بصدق كل هذه الروايات فكون أن يرويها الشخص نفسه يختلف في أن تروى عنه
كمان ما تنسو كلام تراجي ده

Quote: وكأن المتدخلين نسيوا انهم من مشاهير المجتمع السوداني ولم يقدموا الا كل الخير و النماء له ولهم اسر وابناء وبنات يسؤهم ان يقرأوا كل هذا الغثاء.

هل استأذنتم أسرهم ؟
وهل تتوقعوا أنهم راضون عن هذا؟
أظن أن الإخوة سردوا هذه المواقف من باب المزح وليس العنصرية لكن يجب ان لا تنسو قول المصطفى(ان العبد ليتكلم بالكلمة لا يرى بها بأسا يهوي بها في النار سبعين خريفا)

تشرفت أمس بالتحدث للاستاذ/شوقي بدري وحكى لي الكثير من المواقف المخزية والغريبة التي مر بها بعض مشاهير المجتمع السوداني من ذوي السحنة الأفريقية ، وهؤلاء مشاهير يستطيعون الرد وأخذ حقهم ، فما بالك بعامة الشعب المقهورين
لقد ظللنا طوال العقود الماضية نردد هذه الكلمة فيما بيننا وندمغ بها كل من له سحنة افريقية سراً وعلنا، ًوربما تكون هي من ضمن اسباب أخرى ستؤدي لفصل الجنوب
لذا وجب علينا أن نمسحها من ثقافتنا ومن قاموسنا كلياً
تحياتي

!!!!

Quote: الإتنين طلعتوا حرامية طيب أحكوا لينا أبو داود قال شنو عن مدينة واشنطون....و لو ما قلتوها ح أفتح فيكم بوست بتاع سرقة...

والله إنت زول متلقي حجج ساي وداير تفتح فينا بوست بأي طريقة ..!!

قال مدينة واشنطون قال ..!!

Quote: قال مدينة واشنطون قال

في رحلة فنية لأمريكا
أبو داؤد بعد ما نزل من الطيارة في مطار واشنطون (ريغان حاليا)
لاحظ إنو كل موظفي المطار وبوليس المطار و سائقي التاكسي و البصات كلهم من الأمركان السود و الأفارقة , إلتفت لواحد من مرافقية و قال ليه إنتو الطيارة دي ضلت طريقها? دي واشنطون ولا جوبا?

سلام يا كوستاوي وناذر

دا بروفايل زمراوي الولي فى سودانيز أون لاين، والراجل دا ياكوستاوي
قريب نور الدين منان، يلا حاكمو لينا، وبالمناسبة يا كوستاوي أعمل
حسابك من الراجل دا، لأنو قال بلعب سيجة لووول يعني راجل حريف، وقايل
سرقة البوستات زي لعب السيجة لووول:

Quote: اللقب: Zomrawi Alweli : . عدد البوستات: 1310 تاريخ التسجيل: 04-08-2007 محل الاقامة: : عنوان مكتبتى بسودانيزاونلاين دوت كم : اكلات مفضلة: الميلووووحة الاسم الحقيقى: اذا دعت الضرورة يمكن عبر الايميل التلفون: الجامعة/المعهد: الحالة الاجتماعية: Married العنوان الدائم: ما بلاش من العنوان يا راقل لاحسن انا بخاف من الاسد الفنان المفضل: وردي - وداللمين اللون السياسى: نوبي النوع: Male الهوايات المفضلة: سيجا /ويست /سباحة عكس التيار الوظيفة: تاريخ الميلاد: درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: حسن عدد الاطفال: 5 معلومات اضافية: لا لا لا للسدود لا لا لا للسدود مكان العمل: مكان الميلاد فى السودان: صورتى:

نسأل الله لهما الرحمة والمغفرة

Quote: الأخ/ ناذر محمد الخليفة تحية طيبة لحبي لأبو داؤود الإنسان والفنان حرصت على متابعة بوست: طرائف أبو داؤود وعوض دكام وما أثاره بعض الأخوة عن عنصرية البوست و(دونية) هؤلاء العمالقة لا أراه صحيحاً.. لأن من عرف مكانة وقيمة عبد العزيز عند من حوله لا يمكنه أن يقول ذلك. بخصوص الأصلي والتقليد بحوزتي شريط(كاسيت) عمره أكثر من 30عام لجلسة لأبو داوؤد ومعه العديد من عمالقة الفن السوداني وهي عامرة بكل أنواع نكات أبو داؤود وبغناه الجميل. ولك ولكل الخوة الود والأحترام ابراهيم سلطان

شكرا ابراهيم سلطان ..

Quote: بخصوص الأصلي والتقليد بحوزتي شريط(كاسيت) عمره أكثر من 30عام لجلسة لأبو داوؤد ومعه العديد من عمالقة الفن السوداني وهي عامرة بكل أنواع نكات أبو داؤود وبغناه الجميل.

يا ناذر والله دا كنز مبالغـــــــــــــــــــــــــة ومنتظر شنو؟! خليهو يرسلو ليك طوالــــــــــــــــــــــي
ويا إبراهيم سلطان فى إنتظار ارسالك لنسخة من الشريط لناذر علشان نسمعو كلنا، ولك عميق امتناننا

ويا دكتور جمال أها دا تأكيد أكتر على الأصل، والله يا دكتور إلا تطير