Post: #1 Title: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 01-21-2009, 12:24 PM Parent: #0
Post: #2 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 01-21-2009, 12:26 PM Parent: #1
Post: #61 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Omer Mustafa Date: 01-30-2009, 02:05 AM Parent: #2
يا ناذر يارائع يا جميل مالك علينا كلما أستمع للرائع الموصلي أتزكر تلكم الأيام الجميلة بالجزيرة وو دمدني وبورتبيل فلقد ساهم الموصلي في تلك الفترة في تشكيل المعاني الجميلة في دوأخلنا بالشجن الجميل و الحب وقد شكل فينا حب المعاني و الكلمات الراقية وإحساسنا بوجودنا وبعظمة وروعة هذا الشعب العظيم الذي يفيض إبداعاً والقاً جميلاً وحقيقة أحسسنا معني الروعة فله التحية أينما حل رأجياً من العلي القدير أن يرده لنا سالماً غانماً حتي نرتشف من معينه الذي لا ينضب ...
كسره :
قد كان هذا الشريط الرائع و العمل المتقن أبان فترة الديمقراطية الثالثة في العام 1988م فحقيقة تقال في عهد الديمقراطية تزدهر الفنون وتتفتق الموأهب أرجوا أن تظلنا ديمقراطية جديدة حتي نحس بوجودنا وحتي تسود فينا روح التسامح و الروعة وتتفشي فيًنا روح الإبداع ووهج الحرية وأن يرحل عنا الهم و البلاء ومظاهر عدم القبول بألآخر و الفكر المتعفن و التشرزم الذي بهت الأشياء الجميلة فينا فصارت النظرة للفنون ترتبط بأمزجة المهوسيين وأصحاب القلوب الخربة وشواذ المجتمع من الحرامية و الإنتهازيين وسارقي قوت الشعب السوداني الكريم برضوا تقول لي " دفاعنا الشعبي ياهو ديل " ... مع خالص حبي وتقديري
عمرمصطفي محمد الحاج بورتبيل - الجزيره
Post: #96 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-11-2009, 03:22 AM Parent: #61
Quote: يا ناذر يارائع يا جميل مالك علينا كلما أستمع للرائع الموصلي أتزكر تلكم الأيام الجميلة بالجزيرة وو دمدني وبورتبيل فلقد ساهم الموصلي في تلك الفترة في تشكيل المعاني الجميلة في دوأخلنا بالشجن الجميل و الحب وقد شكل فينا حب المعاني و الكلمات الراقية وإحساسنا بوجودنا وبعظمة وروعة هذا الشعب العظيم الذي يفيض إبداعاً والقاً جميلاً وحقيقة أحسسنا معني الروعة فله التحية أينما حل رأجياً من العلي القدير أن يرده لنا سالماً غانماً حتي نرتشف من معينه الذي لا ينضب ... كسره :
قد كان هذا الشريط الرائع و العمل المتقن أبان فترة الديمقراطية الثالثة في العام 1988م فحقيقة تقال في عهد الديمقراطية تزدهر الفنون وتتفتق الموأهب أرجوا أن تظلنا ديمقراطية جديدة حتي نحس بوجودنا وحتي تسود فينا روح التسامح و الروعة وتتفشي فيًنا روح الإبداع ووهج الحرية وأن يرحل عنا الهم و البلاء ومظاهر عدم القبول بألآخر و الفكر المتعفن و التشرزم الذي بهت الأشياء الجميلة فينا فصارت النظرة للفنون ترتبط بأمزجة المهوسيين وأصحاب القلوب الخربة وشواذ المجتمع من الحرامية و الإنتهازيين وسارقي قوت الشعب السوداني الكريم برضوا تقول لي " دفاعنا الشعبي ياهو ديل " ... مع خالص حبي وتقديري
عمرمصطفي محمد الحاج بورتبيل - الجزيره
العزيز عمر اسف لم انتبه لردك التفصيلي الجميل فلك العتبى حتى ترضى ولكنني فخور بما اسهمت به من مشاعر وذكريات عطرة وبالمناسبة اعلم ان جمهوري في مدني كبير بدليل انهم كانوا يطلبون اصعب اغنياتي في حفلات الافراح (سفر العيون مثالا) لك من الود عميقه وتقبل مرة ثانية عميق اعتذاري
Post: #128 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-22-2009, 04:50 AM Parent: #2
وين ياناذر مالقيت لينا هلاوي
Post: #3 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 01-21-2009, 12:26 PM Parent: #1
Post: #4 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: محمد فرح Date: 01-21-2009, 12:35 PM Parent: #3
أبوالنيز تسلم ياراقي عندي طلب صغيروني كده بعد تصل (10-10) ماتقيف الدرر دي مابتتلقي إلا عندك
لك والموصلي مؤونة عشرة أعوام من الود
Post: #9 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 01-21-2009, 02:39 PM Parent: #4
Quote: أبوالنيز تسلم ياراقي عندي طلب صغيروني كده بعد تصل (10-10) ماتقيف الدرر دي مابتتلقي إلا عندك لك والموصلي مؤونة عشرة أعوام من الود
تشكر يافرح الاديتنا ليهو ده زاد كبير تب مودتي
Post: #15 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 01-22-2009, 03:24 AM Parent: #9
لا ادري بالضبط اين ومتي كان آول تلاقينا شخصي وعبد الوهاب هلاوي ارجح اما في دهاليز الاذاعة آو في الجلسات الصالونية التي كنا نعقدها في عدة اماكن من بينها حلفاية الملوك حيث يقيم شاعرنا هلاوي المهم توثقت علاقتي به وباسرته الكريمة بشكل ممتاز وكم وكم عزمني هذا الكريم الي بيته وكم اعجبني طعام زوجته الحاذقة وقبل هذا كله كم اعجبني اسلوبه في السهل الممتنع من الكتابة ولي عودة
Post: #83 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-07-2009, 05:48 PM Parent: #9
ناتي لقصة اينار وانتاج موسيقي شريط شوق الهوي كموسيقي فقط لاحقا وتاليا
Post: #5 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 01-21-2009, 12:37 PM Parent: #1
Post: #6 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 01-21-2009, 12:39 PM Parent: #1
محمد فرح ..
Quote: أبوالنيز تسلم ياراقي عندي طلب صغيروني كده بعد تصل (10-10) ماتقيف الدرر دي مابتتلقي إلا عندك
لك والموصلي مؤونة عشرة أعوام من الود
ما في وقوف إنشاء الله ..
شكرا لمرابطتك بهذا البوست طوال السلسلة ..
Post: #7 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 01-21-2009, 12:41 PM Parent: #1
Post: #8 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 01-21-2009, 02:12 PM Parent: #1
ناذر حمدا لله علي عودة البوست عشان تحطم الرفم القياسي لاحظ لغة المخاطبة في النص باسلوب واعي يشبه دارجية الثمانينات في الخرطوم شكرا عبد الوهاب هلاوي وبجيك ليهو بعدين نحكي عن التسجيل والتوزيع و والتاليف بالتحليل
Post: #10 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmuez Date: 01-21-2009, 03:07 PM Parent: #1
يا للروعة يا ناذر مع الألبوم الذي لا يفقد نكهته و خصوصيته , شوق الهوى و هو كان بحق خاتمة روائع العهد الديمقراطي الزاهر الزاهي , طعم الثمانينات الزي نكهة لبن الفورموست , و زي الكمنجات الهنا دي و معاها ساكسفون حمودة , و صوت الموصلي الحالم و من خلفه الأصوات الملائكية دي ! كل شئ كان جميل و ممتع .. حتى لسعة الشمس و بساطة الواقع و .. كل الناس المهاجرة الآن كانت هناك , و الليلة اللتي لا ينساها الموصلي في الفندق الكبير لتقديم شوق الهوى بمصاحبة السمندل .. التحية لك و للموصلي , و بالمناسبة يا موصلي هل تفكر في إعادة طباعة هذا الألبوم و إنزاله السوق مجددا ! أتذكر كانت و لا زالت تعجبني مرافقة الكمنجات لصوت المغني و هو يشدو: شفت وين أنا قبلك إنت , دمعة ولا سهر ليالي .. التحية كذلك للشعر البسيط الحميم و شاعره عبد الوهاب هلاوي , و أنا هنا متابع للنهاية ,
Post: #11 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 01-21-2009, 06:38 PM Parent: #10
Quote: يا للروعة يا ناذر مع الألبوم الذي لا يفقد نكهته و خصوصيته , شوق الهوى و هو كان بحق خاتمة روائع العهد الديمقراطي الزاهر الزاهي , طعم الثمانينات الزي نكهة لبن الفورموست , و زي الكمنجات الهنا دي و معاها ساكسفون حمودة , و صوت الموصلي الحالم و من خلفه الأصوات الملائكية دي ! كل شئ كان جميل و ممتع .. حتى لسعة الشمس و بساطة الواقع و .. كل الناس المهاجرة الآن كانت هناك , و الليلة اللتي لا ينساها الموصلي في الفندق الكبير لتقديم شوق الهوى بمصاحبة السمندل .. التحية لك و للموصلي , و بالمناسبة يا موصلي هل تفكر في إعادة طباعة هذا الألبوم و إنزاله السوق مجددا ! أتذكر كانت و لا زالت تعجبني مرافقة الكمنجات لصوت المغني و هو يشدو: شفت وين أنا قبلك إنت , دمعة ولا سهر ليالي .. التحية كذلك للشعر البسيط الحميم و شاعره عبد الوهاب هلاوي , و أنا هنا متابع للنهاية ,
ايوه والله يامعز داير لكن ياخي عندي الجديد الكارب الاشد وعايز اسجلو وأنزلو ونرجع لي ناس شوق الهوى تاني كل الود
Post: #12 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 01-21-2009, 07:12 PM Parent: #1
سلام معز ..
Quote: و للموصلي , و بالمناسبة يا موصلي هل تفكر في إعادة طباعة هذا الألبوم و إنزاله السوق مجددا ! أتذكر كانت و لا زالت تعجبني مرافقة الكمنجات لصوت المغني و هو يشدو: شفت وين أنا قبلك إنت , دمعة ولا سهر ليالي .. التحية كذلك للشعر البسيط الحميم و شاعره عبد الوهاب هلاوي ,
سنة 97 يا معز .. وبالصدفة البحة وجدت ألبوم كاسيت إسمو (إينار .. أصوات وإيقاعات خماسية) ، هذا الألبوم لا زلت محتفظا به حتى الان لأنني لم أشاهده قبل ذلك ولا بعدها !! وجدته في ركن مهمل في إحدى أرفف مكتبة قاعة الصداقة .. هذا الألبوم عبارة عن تفريغ الصوت من ألبوم شوق الهوى وإبداله بصوت ألة الأورغ مع الإحتفاظ بكامل الموسيقى وبعض الأصوات المصاحبة كما هي .. ألبوم قمة في الروعة وفلتة في الموسيقى البحتة لم ينتج مثله في رأيي حتى الان رغم الكثير من التجارب الاخرى المشابهة ..
الاذن السودانية لا تعشق الموسيقى البحتة بدون غناء ، لاحظ رغم النجاح الساحق لألبوم شوق الهوى لم يجد ذات الألبوم حظه من النجاح والإنتشار عندما حذف منه الصوت ..!
وقد كتبت مقالا حول هذا الامر سانقله هنا يعد نشره في الصحف إنشاء الله ..
وأرجو من الموصلي أن يحدثنا أيضا عن تجربى وملابسات ألبوم (إينار .. أصوات وإيقااعات خماسية) ..
Post: #13 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 01-21-2009, 07:14 PM Parent: #1
شكرا أستاذنا الموصلي ..
ومنتظرين الحكي والقصص بينك وبين هلاوي ..
Post: #14 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 01-21-2009, 08:00 PM Parent: #13
حلو حاييكم بكل الحكاوي
Post: #16 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: SHIBKA Date: 01-22-2009, 07:07 AM Parent: #1
الموصلي كعادته دائما رائع
ناذر الواحد العاشر دا اكيد لكفاية العين
Post: #17 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: صلاح أبودية Date: 01-22-2009, 10:57 AM Parent: #16
ناذر ..!!
الله يغفر ليك ..
ياظالم !!
ــــــــ
بشتنتونا !!
Post: #19 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 01-22-2009, 02:11 PM Parent: #17
سليل المبدعين ده رد علي بشتنه السني وابو ديه لنا ناس قراب منك عرفو سر حزني!!! تسلم
Post: #18 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 01-22-2009, 01:29 PM Parent: #16
العزيز شبيكه لك تحيه خاصة لمقيلك هنا معنا تشرفنا كثيرا
Post: #20 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 01-22-2009, 03:21 PM Parent: #1
Post: #21 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmuez Date: 01-22-2009, 04:12 PM Parent: #1
سلام ناذر , شكرا على المعلومة المشوقة و المفاجئة حول ألبوم إينار , شكلك كده حا تكون أول شخص أعمل ليه (مس كول) من مطار الخرطوم يوم مجيئي للسودان في أقرب سانحة [وجه غامز] ! .. بالله إنت و الموصلي أظبطو لينا بوست حول ألبوم إينار مدعوما بالمقال هيلك , ده بوست ممكن يكون ممتع و مفيد جدا و في انتظار الموصلي ليحكي لنا عن "الكلام القالوه عنك" أو { الشمار القالوه عنك} ..[ وجه ضاحك ] ! ,
Post: #22 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 01-22-2009, 06:38 PM Parent: #21
Quote: سلام ناذر , شكرا على المعلومة المشوقة و المفاجئة حول ألبوم إينار , شكلك كده حا تكون أول شخص أعمل ليه (مس كول) من مطار الخرطوم يوم مجيئي للسودان في أقرب سانحة [وجه غامز] ! .. بالله إنت و الموصلي أظبطو لينا بوست حول ألبوم إينار مدعوما بالمقال هيلك , ده بوست ممكن يكون ممتع و مفيد جدا و في انتظار الموصلي ليحكي لنا عن "الكلام القالوه عنك" أو { الشمار القالوه عنك} ..[ وجه ضاحك ] ! ,
صديقي معز دي قصة بطلها صديقي وأخي كمال فضل المسرحي السوداني الله يطراه بالخير بجيكم ليها تسلم
Post: #23 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ياسر اورغ Date: 01-22-2009, 09:16 PM Parent: #22
Post: #24 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 01-22-2009, 11:59 PM Parent: #23
الفنان ياسر تزداد سعادتنا دوما عندما ينضم احد افراد قبيلتنا الموسيقية الي سودانيس اونلاين المدرسة
Post: #25 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 01-23-2009, 08:47 AM Parent: #1
سلام معز ..
Quote: شكرا على المعلومة المشوقة و المفاجئة حول ألبوم إينار , شكلك كده حا تكون أول شخص أعمل ليه (مس كول) من مطار الخرطوم يوم مجيئي للسودان في أقرب سانحة [وجه غامز] ! ..
هسي فتشت غلاف الالبوم عشان أصورو وانزلو ليك هنا لكن ما لقيتو حاليا ..
غلاف الألبوم عبارة عن صينية الجرتق السودانية المعروفة تتوسطها صورة الأستاذ الموصلي ..
بفتش مرة تانية وأجيك ..
Post: #26 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 01-23-2009, 08:50 AM Parent: #1
أبو دية
Quote: ناذر ..!!
الله يغفر ليك ..
ياظالم !!
ــــــــ
بشتنتونا !!
بالعذاب الشفتو منك ..
Post: #29 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ترهاقا Date: 01-23-2009, 09:20 AM Parent: #26
الاستاذ ناذر تحية ، أنا ما عارف أهلك كانوا ناذرين على شنو
تعرف يا يا ناذر من الحاجات اللى خلتني افكر التحق بمعهد الموسيقى واحد فيهم أستاذي العبقري يوسف الموصلي ، اقول ليك كيف ؟ كنت في الوقت داك في عطبرة الثانوية وتلفزيون السودان ابيض واسود ويمكن ماشي على الملون لاننا كنا بنسمع والله ناس فلان دييك خطيب بنتهم رسل ليهم تلفزيون ملون من السعودية ، وبرامج ممتعة على حسب رأئى في الوقت داك ، وفي مرة من المرات لقيت ليك الاستاذ يوسف بيقدم عمل في التلفزيون وبفرقة غير فرقة التلفزيون الموسيقية ، وغني فيها أغنية (إنتي ليا) ، لقيت نفسي بسمع في شيء ما معتاد عليهو كل آلة بتعمل عمل مختلف لكن متوافق ، في اللحظة دييك عرفت إنو في شيء جديد شغل كان فيهو مديلوليشن وحاجات غربية ، في اللحظة دييك عرفت إنو السودان على أعتاب وضع موسيقي جديد ، طيب يا أحمد إنت حسع عازف مع حسن خليفة وعامل ضجيج في المجتمع العطبراوى ، طيب العمل السمعته ده حتتناوله كيف ؟ حاولت اشاهد التلفزيون السوداني عشان اسمع نوع العمل ده ولكن هيهات ، ولكن رسخ في ذهني إنو في شغل مختلف ومهم جدا أتابعه ، وجيت المعهد ، لقيت واحد مخرشم كده قاعد في مسطبة كانت طويلة في الدور الارضي في معهد الموسيقى شارع 59 في العمارات ، قالوا لي ده هو يوسف الموصلي - - ونواصل
Post: #31 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 01-23-2009, 09:28 PM Parent: #29
Quote: فرقة التلفزيون الموسيقية ، وغني فيها أغنية (إنتي ليا) ، لقيت نفسي بسمع في شيء ما معتاد عليهو كل آلة بتعمل عمل مختلف لكن متوافق ، في اللحظة دييك عرفت إنو في شيء جديد
فنانا ترهاقا تحياتي وياخي اكورديونك لعلع في ياذاتي زمان ووينك انتي وعسع ملعلع
منتظرين باقي الحكي
Post: #27 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 01-23-2009, 08:52 AM Parent: #1
يا موصلي ..
Quote: العزيز شبيكه لك تحيه خاصة لمقيلك هنا معنا
ركز ياخ !!!
معاك مؤنث :D
Post: #30 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 01-23-2009, 03:30 PM Parent: #27
واسفاي علي تسرعي
حرصي علي الرد السريع رماني في خطآ الاسم يخيل لي (شبكه (بكسر الش) لكن الياقي من ناحيه عربيه صاح بوضع الكسره علي مقيلك في اللام وعلي لك في الكاف D اها شوفته لمن اقوم للعنكبه كيف ياناذر
تحياتي لها وتمنياتي لها باقمة سعيدة في سودانيس اونلاين ونرفع القبعه احتراما وتقديرا
Post: #28 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 01-23-2009, 08:52 AM Parent: #1
مرحب ياسر ..
Post: #32 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: إبراهيم عبد الحليم Date: 01-23-2009, 10:58 PM Parent: #28
أخى ناذر محمد الخليفة تحية وتهنئة على هذا البوست الرائع لهذا الرائع الموصلى فلقد كنت أتوق منذ زمن للكتابة عن الموصلى لشدة إعجابى به فلقد حرمتنى الغربة وإقامتى الحالية بالمانيا شرف التعرف بالموصلى بالرغم من إننى من أسرة حصاد والأخوان أحمد يوسف وصلاح المبارك أبناء عمتى وفى تلك الفترة سمح القدر أن يلتقى حصاد والموصلى ليخرج فى السودان لأول مرة إنتاج فنى رفيع وتوثيق سليم للأغنية السودانيةوكان الموصلى راقيا ومتجردا وكان التوثيق لمعظم الفنانين ولولا هذه التجربة لضاعت معظم أعمال الراحل مصطفى سيد أحمد. كذلك هذا الرجل ذو ألحان جميلة أنظر الأمانى السندسية وعلى قدر الشوق مديت حتى سهرانة بيك كل النجوم أعتقد من ألحانه إلخ m وأغنية تغنى بهاحيدر بورتسودان كثيرا هى ايضا للموصلى. يأخى حان الوقت أن نضع مبدعيننا موضعهم الصحيح إن ليس من الدولة فعلى الأقل من جيلناالمبدعين الفنانين اليافعين أمثالى فحقا الموصلى ثروة موسيقية قومية أعماله تتحدث عنه. الشكر لك ولأخى بكرى الدفعة وزميل الدراسة على حوش سودانيز اونلاين الذى مكننامن الألتقاء بمن نحب وتفضلوا بزيارة موقعى الألكترونى الفنى.
Post: #33 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 01-23-2009, 11:31 PM Parent: #32
Quote: وأغنية تغنى بهاحيدر بورتسودان كثيرا هى ايضا للموصلى.
العزيز ابراهيم شكرا لك وبيني وبينك اناس طيبون آل يوسف حمد وبيني وبينك الفن اذا فالعلاقنين وثيقتين أغنية حير من الحاني هي (شجر العنب) ياناس ذهبت الى موقعك وزرته وتمتعت به مزيد من التقدم كل الود
Post: #34 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 01-24-2009, 06:25 AM Parent: #33
بمجرد ان التقيت بهلاوي وبعد فترة وجيزة اهداني كلمات الكلام القالو عنك
ووجدت في طريقة صياغة النص عملا مساعدا هاما يقودني الي اغنية ذات قالب متعدد المزاجوولابد ان يقود ملحنه الي فقرات مختلفة فهو بقدر ماكسر الرتابة الا وحدة الموضوع والفكرة التي تحوم حولها التفاصيل بتنوع مميز كانت سمة منسمات ذلك النص ول عودة
Post: #35 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: طارق ميرغني Date: 01-24-2009, 06:39 AM Parent: #1
يا سلام... يا سلام...ياسلام شكرا ناذر ... شكرا ابراهيم ... شكرا موصلي:
Quote: يأخى حان الوقت أن نضع مبدعيننا موضعهم الصحيح إن ليس من الدولة فعلى الأقل من جيلناالمبدعين الفنانين اليافعين أمثالى فحقا الموصلى ثروة موسيقية قومية أعماله تتحدث عنه. الشكر لك ولأخى بكرى الدفعة وزميل الدراسة على حوش سودانيز اونلاين الذى مكننامن الألتقاء بمن نحب
..... وبس ...!!!الفرق بس ...بس نحن ما يافعين ...نحن يانعين ....ولكم كل ودي وتقديري لاستاذنا المبدع دوما يوسف الموصلي ... ربنا يحفظه
Post: #36 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 01-28-2009, 00:49 AM Parent: #35
Quote: ..... وبس ...!!!الفرق بس ...بس نحن ما يافعين ...نحن يانعين ....ولكم كل ودي وتقديري لاستاذنا المبدع دوما يوسف الموصلي ... ربنا يحفظه
الف شكر ياطارقا باب الود المفتوح له على مصراعيه
Post: #37 Title: إختفت جميع مداخلاتي Author: ناذر محمد الخليفة Date: 01-28-2009, 07:47 AM Parent: #1
إختفت جميع مداخلاتي التي كتبتها هنا يوم التهكير ردا على الاساتذة المتداخلين !!
سأعود ..
Post: #40 Title: Re: إختفت جميع مداخلاتي Author: Yassir Bainwi Date: 01-28-2009, 09:47 AM Parent: #37
ناذر سلامات ياخ حقيقة متعتنا والله ورجعتنا لايام جميلة تسلم ويسلم استاذ موصلي ذاتو
خالص الود
Post: #41 Title: Re: إختفت جميع مداخلاتي Author: Elmosley Date: 01-28-2009, 11:54 AM Parent: #40
الشاعر الشاب الرقيق ياسر طلتك فيها من اوان الفرح الوان
الكلام القالو عنك تعتبر شقيقة لشوق الهوى وهما اغنيتين بيتهما اختلاف في الموضوع للنص الشعري وتختلفان من حيث القالب اللحني وتفاصيل مسار اللحن والتوزيع الاوركسترالي
ترهاقا الحلو فايلك ماشغال معاي في كومبيوتر البيت كدي نشوفو الصباح في كومبيوتر العمل ولكن شكرا علي ايتها حال واتوقع سماع اناملك اللطيفة تنتقل بين مفاتيح الكيبورد برشاقة مع افكارك النيرة طبعا
شخصيا لو كنت بهذه الدرجة من الابداع يا موصلي وترهاقا تاني...ما اظن انضم مع زول في الدنيا دي...
ببقي راهب...
دحين يا موصلي وترهاقا من دربكم دا اترهبنوا...
دي موسيقي فاتت حدود والابداع ...بي مراحل... ووصلت حد الدروشة...
Post: #51 Title: Re: vg Author: إبراهيم عبد الحليم Date: 01-29-2009, 08:02 PM Parent: #50
استمعت مرة لأغنية الأمانى السندسية بعزف عالى على العود من الفنان عادل الصديق المغترب الأن بالسعودية فلقد عزفها بتكنيك عالى وعادل مثله مثل عوض أحمودى هم منطلقين من مدرسة محمد الأمين فى العود يبدو إن صديقى عادل الصديق عزف الأغنية تيمننا بأستاذه فى معهد الموسيقى الموصلى لهم الاثنين التحية وهذا والله ليس بتقليل للأخ ترهاقا فلقد امتعنى ايضا فله التحية.
صدق يا ابراهيم الاتنيت ترهاقا وعادل الفنان اصحاب بعض واتا صديق مشترك بالله باغه محبتي ان لقيته تراه ترهاقا معانا ================== ياترهاقا عليك الله رسلها لي ايميل ضروووووووووووووووووووووووووووووووووووووووووووووووووووووووووووري
Post: #55 Title: Re: vg Author: إبراهيم عبد الحليم Date: 01-29-2009, 11:21 PM Parent: #52
أخوى الموصلى الأخ الفنان عادل الصديق فى السعودية وأنا فى المانيا منذ 18 عام. آخر مرة قابلته فى منزل يوسف حمد ولكنى راجع لتوى من السودان حيث قدمت قناة هارمونى سهرة فى عيد الاضحى من السعودية إستضافة فيها بعض الشعراء والفنان عادل الصديق. الذى يؤلمنى حقا بعد رجوعى من السودان هو إزدياد الشقة بين جيل الفنانين الكبار والصغار أقصد هنا العمر لا المكانة فلا يوجد تواصل للأجيال إلا ما ندر أما الصحافة الفنية فشغالة فى تقطيع الشرايين الباقية أما الشباب فنزوح شديد للخارج أصبحوايسمعون الموسيقى إما العربية أو الغربية السودانية تركوها خالص حتى إننى مفكر أفتح نقاش عن مستقبل الأغنية السودانية فى عام 2015 ناهيك عن عام 2050. هل ستنقرض الأغنية السودانية؟ الوضع الراهن هل هو مرضى؟ إبراهيم عبد الحليم
Post: #56 Title: Re: vg Author: ناذر محمد الخليفة Date: 01-30-2009, 00:03 AM Parent: #55
سلام إبراهيم ..
Quote: الذى يؤلمنى حقا بعد رجوعى من السودان هو إزدياد الشقة بين جيل الفنانين الكبار والصغار أقصد هنا العمر لا المكانة فلا يوجد تواصل للأجيال إلا ما ندر أما الصحافة الفنية فشغالة فى تقطيع الشرايين الباقية أما الشباب فنزوح شديد للخارج
والله ما قلت إلا الحق ..
حديثك هذا أصابني في مقتل لانني أحسب نفسي في الإثنين : المائدة الفنية والمائدة الصحفية ، ولقد تحدثت كثيرا في عدد من المنتديات والصحف، حول هذه الجفوة بين الاجيال وضرورة ردمها ومد أوشاج التواصل بين المبدعين الأوائل وممن سيحملون الراية من بعدهم ..
فهل نطمح في ذلك هل ؟!!!
Post: #57 Title: Re: vg Author: ذواليد سليمان مصطفى Date: 01-30-2009, 00:31 AM Parent: #56
هذا جسر تواصلى عبر هذا الاستاذ الرائع بل المبدع يوسف الموصلى اسم على مسمى من ابو الموسيقى اسحق الموصلى ولكن وجودو هنا يدل على السعادة وبل درر من الالحان الموصولية المتواصلة داخل القلب
وهكذا بين اناملكم السحرية يا ناذر والتحية الخاصة للموصولى
Post: #58 Title: Re: vg Author: ذواليد سليمان مصطفى Date: 01-30-2009, 00:37 AM Parent: #57
سبب الغياب
كلمات/ذواليد سليمان مصطفى
ورينى ايه سبب الغياب ** *ولمتين يدوم فينى العذاب
اروينى من نبع الرباب*** * لو حتى يوم تهطل سحاب
بقت النجوم من غير جمال* *بفرقتك صبح الجمال زى الضباب
اه يازمن من جور زمن** **فات الحبيب والعين تساب
حتى الفرح ضل الطريق** **والسكة تاهت بين سراب
سفرك اكيد جواه سر*** *وانا بالفراق كم نجمى غاب
ياساكنه جوه عيونى شوف** **كل الخصال ضامه العتاب
كلمه وداع سالت دموع*** *هزت شعور كل الصحاب
رغم البعاد زاملى المصير** **سيب الغرور زيلى اليباب
Quote: الذى يؤلمنى حقا بعد رجوعى من السودان هو إزدياد الشقة بين جيل الفنانين الكبار والصغار أقصد هنا العمر لا المكانة فلا يوجد تواصل للأجيال إلا ما ندر أما الصحافة الفنية فشغالة فى تقطيع الشرايين الباقية أما الشباب فنزوح شديد للخارج أصبحوايسمعون الموسيقى إما العربية أو الغربية السودانية تركوها خالص حتى إننى مفكر أفتح نقاش عن مستقبل الأغنية السودانية فى عام 2015 ناهيك عن عام 2050. هل ستنقرض الأغنية السودانية؟ الوضع الراهن هل هو مرضى؟ إبراهيم عبد الحليم
والله يا ابراهيم انا مغيوظ من عادل ده جنس غيظة اصلو لا توصف ياخي عادل ده فنان شامل لكن هو ماعارف دي ورحم الله امرئ عرف قدر نفسه اما موضوع الاجيال ده فانت محق فيه ونحت لنا جانب كبير من ذلك التقصير كل الود
Post: #62 Title: Re: vg Author: ناذر محمد الخليفة Date: 01-30-2009, 04:34 PM Parent: #59
Post: #64 Title: Re: vg Author: ذواليد سليمان مصطفى Date: 01-30-2009, 07:31 PM Parent: #62
اكيد
استاذى الجليل
الحزن والحب امران مضدان واحيانا يلتقيان
سوف احكى لكم قصة القصيدة
ونتمنى ان نسمع الحانك الحساسة
Post: #65 Title: Re: vg Author: ناذر محمد الخليفة Date: 01-30-2009, 09:14 PM Parent: #64
!!
Quote: سوف احكى لكم قصة القصيدة
أوع تكون داير تحكيها لينا في البوست دا يا ذو اليد ؟؟!!
( أوع تكون داير تحكيها لينا في البوست دا يا ذو اليد ؟؟!! )
ياخوانا وين الوشوش الضاحكة ?!
الأعزاء ناذر و موصلي , أعود بعد انقطاع للمتابعة هنا .. شايف البوست كترت مواضيعو لغاية ما ناذر بدا يرجف بعدين وين الغلاف يا ناذر ? .. كدي دنقر إمكن وقع تحت الدولاب وللا تحت السرير !
مرحب يامعز نرجع لي هلاوي تاني اذكر ان الاستاذ محمد الامين كان يود تلحين لحن لام بلينه كما فعل مع بعض الفنانين ولكن لم يتم التوافق بين صوت ام بلينه ونوعيته والحان محمد الامين فطلبا مني ان الحن لها اي ام بلينه وهي شخصية غاية في الرقة والطيبة لذا قررت المحاولة فذهبت الي هلاوي وطلبت منه كتابة نص يلتقط الناس كلماته من الوهلة الاولي فابتسم واتاني بعد يومين بنص شجر العنب ونواصل
Post: #70 Title: Re: vg Author: ناذر محمد الخليفة Date: 02-01-2009, 05:42 PM Parent: #69
عدت بلحني من اجل تحفيظه للفنانة الرقيقة ام بلينة السنوسي ولكن يبدو أنها لن تستوعب اللحن أو ربما لم يدخل مزاجها وكان وقتها كل من محمد الامين وحيدر بورتسودان حضورا ونواصل
طلب مني حيدر ان اعطيه الاذن بان يغنيها في الحفلات فوافقت بحضور محمد الامين وام بلينة وعد الي مصر حيث دراستي وبعدها بسنة عدت الي السودان في اجازة لاجد ان حيدر اصبح علم علي راسه نار وان شجر العنب ونصها السهل الممتنع وصلت الي قلوب الجماهير واخذت حيدر وعزفه ومايتغني به الي هناك حيث الشهرة
Post: #81 Title: Re: gg Author: من الله عبد الوهاب Date: 02-06-2009, 03:14 PM Parent: #79
ننتظر جديدك يا موصلى بعد (على قدر الشوق) خاصة وأنك عودتنا على اللحن الجميل والتوزيع المذهل
فكرة تحويل شريط شوق الهوي اتت من صديقنا كمال فضل وكمال رجل لطيف ودرس الاخراج باكاديمة الفنون بالقهرة في وقت متزامن مع دراستي هناك ودراسة محمد السني دفع الله وسعد يوسف وعثمان جمال الدين وعبد الحكيم الطاهر في فرقة الفنون المسرحية ووجود عثمن مصطفي وعثمان ساكس في كونسرفتوار القاهرة ووجود محمد سراج الدين وفيصل سيد امام ومحمد سيف وعباس السباعي في معهد الموسيقي العربية بالاضافة الي عز الدين هلالي في النقد مع محمد فتحي متولي وحاج ابا ادم وغيرهم من مبعوثي معهد الموسيقي والمسرح كما ان هادية وقتها كانت في معهد الفنون الشعبية منتقلة من المجر ونواصل
اما الشخص الذي ساعد في تمويل الشريط فهو اخي العزيز الدبلوماسي محمد الشفيع الذي كان موجودا بالقاهرة وهو يعمل بالسعودية الان محمد رجل كريم فاضل يعشق الفن وهو في رآيي لعب الدور الاساسي في نجاح ذلك الالبوم
بعد نجاح شريط شوق الهوى ابدى لي الاخ كمال فضل رغبته في ان ينتج الشريط مرة اخرى ويطلق على الاغنيات اسماء بناته وبناتي على ان تحل الة الة شعبية مكان الغناء فوافقت لما يتمتع به كمال من مكانة مرموقة في دواخلي
Post: #87 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: mutasim Hameed Date: 02-10-2009, 06:39 AM Parent: #1
يا ناذر يا خوي .. قول ليوسف الموصلي .. ياربي نسى ناس مركز شباب السجانة .. ولا لسع قاعدين جواهو .. التحية ليهو على البعد ..
Post: #88 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Shamael Elnoor Date: 02-10-2009, 07:16 AM Parent: #87
الموصلي المرهف
مافى داعي اقولك انكـ
شكرا ناذر
Post: #92 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-10-2009, 06:50 PM
طبعا مافي داعي اقولك انك شملتينا بحسن مرورك يا Shamael Elnoor كل المودة
Post: #89 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-10-2009, 04:29 PM Parent: #87
انا لو نسيت اي حاجه مابنسى السجانه ومركزها وناسها اللطاف الظراف يامعتصم ودي تجي كل الحب
Post: #90 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناهد بشير الطيب Date: 02-10-2009, 04:40 PM Parent: #89
تسجيلا لظرف زمان ومكان لذلك الابداع ..الذى يسكنك اخونا الموصلى ....فاانت عابر بموسيقاك كل القوانين المسيجة التى ابتكرها البشر ....لكن سيظل الصوت ينبع منك انت ....
يعجبنى اهتمامك برد الجميل الى اصحابه تشكر موصلى
ناذر
كل الجمال لك ... كيف حالك ...
Post: #91 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: إبراهيم عبد الحليم Date: 02-10-2009, 06:03 PM Parent: #90
Quote: نرجع لي هلاوي تاني
الراقى دوما الموصلى تعرف هنالك بعد الشخصيات التى أتمنى من صميم قلبى أن أتعرف عليهم منهم الملحنيين عمر الشاعر والفاتح محمد كسلاوى فهم جيل ملحنين حقيقة نادر أنظر فترة السبعينيات والثمانينيات وإسهام هذين الرائعين ومن ثم أنظر لما قدموه من روائع لزيدان وعبد العزيز المبارك على سبيل المثال. الشخص الأخر هو هذا المميز عبد الوهاب هلاوى. فهلاوى صاحب مفردة هى السهل الممتنع حقيقة تقرؤها فتظن إنك برضو ممكن تكتبها ولكن هيهات أنا لك. فحقيقة هلاوى شعره عميق نابع من أصله أفتكر شرق السودان. كلمنا بالله عليك شوية عن هلاوى ومن ثم عن هذا اللحن المتفرد كيف وضعته؟ إبراهيم عبد الحليم
Post: #94 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-10-2009, 07:30 PM Parent: #91
Quote: الشخص الأخر هو هذا المميز عبد الوهاب هلاوى. فهلاوى صاحب مفردة هى السهل الممتنع حقيقة تقرؤها فتظن إنك برضو ممكن تكتبها ولكن هيهات أنا لك. فحقيقة هلاوى شعره عميق نابع من أصله أفتكر شرق السودان. كلمنا بالله عليك شوية عن هلاوى ومن ثم عن هذا اللحن المتفرد كيف وضعته؟
العزيز ابراهيم عبد الحليم اتفق معك حول هلاوي وساواصل الحديث عنه وعن اللحن تقبل مني كثيف المودة
Post: #93 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-10-2009, 06:54 PM Parent: #90
Quote: تسجيلا لظرف زمان ومكان لذلك الابداع ..الذى يسكنك اخونا الموصلى ....فاانت عابر بموسيقاك كل القوانين المسيجة التى ابتكرها البشر ....لكن سيظل الصوت ينبع منك انت ....
يعجبنى اهتمامك برد الجميل الى اصحابه تشكر موصلى
ناذر
كل الجمال لك ... كيف حالك ...
عند وصول ناهد بشير الطيب يكتمل القمر ويتزامن وصوله مع وصول نسمات الشمال وعبيرها الآسر
Post: #97 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-11-2009, 10:23 AM Parent: #93
فوق لاجل التذوق
Post: #98 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-11-2009, 10:33 AM Parent: #97
وتم تنفيذ ذلك الشريط ونزل للاسواق مرة اخري المهم اود اعطي كلمة حق في الذين اسهموا في هذا الشريط بجهدهم وبمالهم وهم محمد الشفيع كمال فضل حسيب احمد حسيب واسهم مصطفي الجعيلي بتوصير اغنية الحجروك عليا ساتي اليه لاحقا
Post: #99 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: محمد عكاشة Date: 02-11-2009, 10:37 AM Parent: #98
تحية للاخ الفنان ناذر والموسيقار موصلى فى حرم الجمال ايدكم معانا ضد القبح وتدنى مستوى الغناء والفن محبتى
Post: #100 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-11-2009, 10:46 AM Parent: #99
العزيز محمد عكاشه لك جزيل الشكر علي المرور وبنجيك بي غادي
Post: #101 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-11-2009, 10:57 AM Parent: #100
الكلام القالو عنك لم تلحن تلحينا تقليديا ولكن وضع لها قالب موسيقي وبترتب انت تسمعونه واتت فيه نقلة مقامية لكسر اي حاجز للرتابة محتمل
Post: #102 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-11-2009, 09:35 PM Parent: #101
ساقوم بتدوين النوتة الموسيقية للمقدمة ثم الجزء الخاص بالتحول المقامي وانزله هنا لاحقا
Post: #123 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-19-2009, 01:22 PM Parent: #102
في الطريق
Post: #103 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-13-2009, 02:10 PM Parent: #101
ناذر اخوي خبارك؟؟؟ ناس كتار كتبو ليك في بوستك ومارديت وشفتك كذا مره حاييم بر البيت يافنان بطل الحوامه وتعال ارتاح شويه في بيتك ها ها ها
Post: #104 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-15-2009, 06:15 AM Parent: #103
الالة الشعبية المستخدمة في شريط اينار اسمها الة (التيزة)
Post: #105 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: حمد اسماعيل Date: 02-15-2009, 08:56 AM Parent: #104
0 0 ازيكم يا حبايبنا
زكريات حلوه رجعتنا لزمن جميل
Quote: مع الألبوم الذي لا يفقد نكهته و خصوصيته , شوق الهوى و هو كان بحق خاتمة روائع العهد الديمقراطي الزاهر الزاهي , طعم الثمانينات الزي نكهة لبن الفورموست , و زي الكمنجات الهنا دي و معاها ساكسفون حمودة , و صوت الموصلي الحالم و من خلفه الأصوات الملائكية دي ! كل شئ كان جميل و ممتع .. حتى لسعة الشمس و بساطة الواقع و .. كل الناس المهاجرة الآن كانت هناك.
والله يامعز ما ساهل متزكر حاجات جميله, تعرف شريط شوق الهوى دا كان الموصلى حاجز ليه الاستديو الساعه الثانيه صباحا فى استديو عمار الشريعى والمهندس السجل الشريط اسمه امين عاكف وأخوه عازف أورغن مصرى مشهور . وكنا منتظرين الفرقه الجوه الاستديو تطلع, فاذا بها فرقة مصريه كانت تسجل مع الفنان السعودى محمد عبده والذ ما فى الموضوع الاغنية السجله محمد عبده أغنية عذبة انت كالطفولة كالأحلام. حتى مهندس الصوت لما سمعنا الاغنيه باعتبار انهاأغنيه جديده لمحمد عبده, قلنا ليه وقف الشريط وغنيناها ليه استغرب ففهمناه انه النص بتاعه لحنه فنان سودانى وتوفى له عشرات السنيين .
يا الموصلى أيام عمارة النصر كانت كلها فنانيين مما جميعه , وملتقى الأحباب والناس حفظت الغناْ قبل التسجيل نسبة لحضورهم البروفات .
طبعا الموصلى يكون نسى انه العبد لله كان موجود وحاضر التسجيل ومرقنا الصباح ما عارف التسجيل كان كم ساعة المهم ساعات لاتنسى وزمن ما أظنه يجى تانى .
بمناسبة خماسيات اينار أهو غلاف الكاسيت. وبعدين نجى للموسيقى لو رايحة ليكم حاجة ليها اكتر من عشرين قولو لينا انحنا جاهزين .
Post: #106 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: الجندرية Date: 02-15-2009, 10:14 AM Parent: #105
الكبير كبير
مشكور يا ناذر
لكن كدي صلوا على النبي ونزلوا لينا الاماني السندسية الطلبها نزار دي كـــــــــــــــــــــــاملة
Post: #107 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: حمد اسماعيل Date: 02-15-2009, 12:52 PM Parent: #106
0 0 فى مشكلة فى تنزيل الاغانى حاولت اكثر من مره ولكن لم استطع ماعارف المشكلة منى ولا من الكوت كده جربو وادونا خبر ( ولا نجيب كود من بره)
Post: #110 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-15-2009, 02:01 PM Parent: #107
يخيل لي ياحمد انو بكري لازم يعود للكودات القديمةوفهي اسهل ------------ وداير اذكرك بان الفنان الليبي علي حميده كان بسجل في نفس الفترة وهو في حالة اعجاب شديد بمستوي الاوركسترا السودانية وما نسجله الجدير بالذكر ان شريطه نزل بعد داك وضرب السوق المصري والعربي اغنيه غريبة كده طفوليه بس ما قادر اتذكر اسمها كدي لمن اجي راجع تاني
Post: #109 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-15-2009, 01:56 PM Parent: #106
اوعدك ياجندرية وعد خاص بانني سانزل الاماني بتسجيل جدي فور عودتي الي مقر سكني اسجلها وابثها ونفتح نقاش عن الاماني السندسية والاماني العذبة لراحلنا العزيز خليل اسماعيل ودوره في انت تصلني كلمات الاماني السدسية كل الموده اها ياحمد كمان لمن نجي للبوست ده ايدك معانا
Post: #108 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-15-2009, 01:51 PM Parent: #105
حمد الحلو غايتو بالغت في ذكرياتك دي والهه بديت احك في راسي فعلا اتذكرت انا متابعك كتير جدا ولاحظت عندك النزعة التوثيقية الكبيرة دي والحمد لله تتمتع بذاكرة ممتازة وليس (كذاكرتي الدجاجية دي) طبعا انا يادوب خشيت الانترت لانني موجود في فندق في لاس فيغاس في رحلة للاستجمام وبجيك راجع
Post: #111 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-16-2009, 04:43 AM Parent: #108
لغاية ما حمد اسماعيل يبل ايدو في الزيت ويجي
Post: #112 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: حمد اسماعيل Date: 02-16-2009, 06:33 PM Parent: #111
Post: #113 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-17-2009, 11:16 AM Parent: #112
غايتو مشكلة كبرة الكودات هسع انا وصلت وماشي اتي حمد احذرك اوعك تزور لاس فيغاس في امريكا لانك ماحترجع كندا تاني
Post: #114 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 02-17-2009, 03:04 PM Parent: #113
شكرا ليكم يا شباب ...
ظروف خارجة عن الإرادة منعتني من دخول النيت في الفترة الفاتت ..
يا حمد ..
كل أكواد المنبر معطلة ومن الصعوبة حاليا رفع أي ملف صوتي أو غيره ..
بالنسبة لي غلاف الشريط :
دا مش هو الغلاف الكان منظروح في السودان ..
الغلاف الهنا كان فيهو صورة لي صينية الجرتق السودانية بالإضافة لي صورة الموصلي ..
وكان مكتوب فيهو بي خط عريض (إينار .. أصوات وإيقاعات خماسية) ..
للاسف وجدت الشريط في مكتبتي ولكني لم أجد الغلاف ..
سأحضر بصورة ..
Post: #116 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-17-2009, 04:44 PM Parent: #114
يبدو انهم استبدلومي بالاهرامات حمدا لله علي السلامة
Post: #115 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 02-17-2009, 03:20 PM Parent: #113
ولا زال البحث جاريا عن صورة الغلاف ..!
Post: #117 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 02-18-2009, 06:18 AM Parent: #115
مطبوع في الكاسيت أن الشركة المنتجة له هي (صوت الحب) ..!
وين دي يا موصلي ؟!!
Post: #118 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-18-2009, 02:46 PM Parent: #117
يخيل لي في مصر ياناذر
Post: #119 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 02-18-2009, 03:18 PM Parent: #118
إنت سيد الشي زاااتا وما عارف ؟!! :D
Post: #120 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmuez Date: 02-18-2009, 05:22 PM Parent: #119
يا حلاوة ! قلت أغيب و أجي ألقى الحاجات اتخمرت و ما خاب ظني , الحكي إحلو و حمد اسماعيل بيجاي و معاهو المدسوس طبعا حمد ده لو رايحة أسطوانة لي رفاعة رافع الطهطاوي ممكن تتلقي عنده .. موثقاتي عظيم مجهول و ذاكرة ربنا يحفظها .. نتابع و المرة دي ما بطول غيبة
Post: #122 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-18-2009, 09:27 PM Parent: #120
Post: #121 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-18-2009, 05:57 PM Parent: #119
والله ماعارف مره الصديق كمال فضل طلب مني السماح بذلك المرة الاولى فسمحت ولكنني لم اتنازل عن الحقوق وفي المرة الثانية لا ادري عم الامر شيئا عموما عندما تلنقي سنسوي الامر وبيننا ود كبير
Post: #124 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-20-2009, 01:44 AM Parent: #121
حفطك الله ياهلاوي
Post: #125 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 02-20-2009, 05:54 AM Parent: #124
Quote: حفطك الله ياهلاوي
Post: #126 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 02-21-2009, 04:34 AM Parent: #125
Post: #127 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-21-2009, 05:26 PM Parent: #126
ناذر كيف حالك هل بالامكان الاتصل بهلاوي او ايجاد ايميله اناخذ منه بعض الانطباعات؟؟؟
Post: #129 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: حمد اسماعيل Date: 02-22-2009, 05:02 AM Parent: #127
0 0 يا ناذر شوف االفرق بين الشريطين
ياتو فيهم الاصلى يا موصلى
Post: #130 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-22-2009, 05:38 AM Parent: #129
افتكر انو ده الاول وداك التاني كدي اعمل اسكان للجمبه التانيه ياحمد =========== وياريت لو كلمتنا عن صديقك الجميل فيصل سيد امام الذي سجل البيز في هذا العمل ويظهر حسه السوداني الاصيل وتكنيكه اللطيف
Post: #131 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: حمد اسماعيل Date: 02-22-2009, 06:31 AM Parent: #130
0 0 أها دا السايد الأول يا موصلى من الكاسيت الانتاج شركة جواهر دى فى امدرمان و التوزيع شركة الوادى ودى فى ابو ظبى
أما عن صديقى اللدود فيصل ربنا يطراه بالخير كان من أول المشجعين لى فى الوسط الفنى وقد استفدت منه كثيرا انه نعم الاخ والصديق وقد كنت على اتصال دائم معه وهو فى فى ابوظبى الا ان أخباره انقطعت .
وقد كنا نسكن فى شقه واحده فى القاهرة اثناء فترة التسجيل
وعلى ما اذكر بانه قام بالعزف على العود فى شريط شوق الهوى ( مش)
ربنا يديه العافية والكلام عنه كتير .
Post: #132 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 02-22-2009, 07:17 AM Parent: #131
سلام حمد ..
Quote: يا ناذر شوف االفرق بين الشريطين
ياتو فيهم الاصلى يا موصلى
والله وبي صراحة انا شكيت في العندي دا ..
عشان كدة سألت الموصلي من شركة صوت الحب دي ..!!
لكن ما دام بتاعك مكتوب فيه جواهر للانتاج الفني ..
يبقى أكيد دا الأول ..
ويمكن النسخة العندي طلعت بعد داك ..
تسلم .
Post: #133 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-22-2009, 02:56 PM Parent: #132
ناذر عليك الله فتش لي تلفون هلاوي والفت نظرو للبوست ده
Post: #134 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 02-22-2009, 04:29 PM Parent: #133
إنشاء الله بكرة ألم في تلفونو وأديهو خبر ..
تسلم ..
Post: #135 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 02-23-2009, 07:37 PM Parent: #134
Post: #136 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 02-25-2009, 08:32 AM Parent: #135
Post: #137 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-26-2009, 05:06 AM Parent: #136
معقوله ياناذر اخوي مالاقي الشاب هلاوي ده؟
Post: #138 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 02-26-2009, 07:36 AM Parent: #137
والله يا موصلي بس زحمة شغل حبتين .
نحاول الليلة إنشاء الله ..
Post: #139 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 02-26-2009, 04:54 PM Parent: #138
في الانتظار وبلاش بزنس كتير
Post: #140 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: Elmosley Date: 03-01-2009, 03:04 PM Parent: #131
مع محبتي وتحياتي لصديقي حمد
Post: #142 Title: Re: يا سلام عليك يا يوسف الموصلي .. دا الشغل ولا بلاش ..(9-10) ,, Author: ناذر محمد الخليفة Date: 03-06-2009, 06:49 AM Parent: #140
