Post: #1
Title: جروح قلبي الـ أبت تبرا ..!!
Author: ناذر محمد الخليفة
Date: 10-27-2008, 01:04 PM
|
Post: #2
Title: Re: جروح قلبي الـ أبت تبرا ..!!
Author: عبدالله وداعه الامين
Date: 10-27-2008, 01:07 PM
Parent: #1
حمدلله على السلامة ناذر
العود احمد
وتبرا من الجروح انت ومن تهكير القلب
|
Post: #3
Title: Re: جروح قلبي الـ أبت تبرا ..!!
Author: ابراهيم محمد الحسن
Date: 10-27-2008, 01:11 PM
Parent: #2
عبد الله وداعة الأمين ،،،
إنت الأصلي ..
ولا المهكر ...
|
Post: #8
Title: Re: جروح قلبي الـ أبت تبرا ..!!
Author: عبدالله وداعه الامين
Date: 10-27-2008, 01:23 PM
Parent: #3
Quote: عبد الله وداعة الأمين ،،،
إنت الأصلي ..
ولا المهكر ... |
الحبيب ابراهيم
تحية وسلام
يا اخوي والله دا عبدالله الاصلي وما حصل اتهكرت
بس كنت ضحية بين بكري والهكر ومسحوا لي ستة بوستات وقربتا احرد البورد
الحاجة الوحيدة العمله الهكر فيني انو اضافني في المسنجر بي ستة ايميلات 
|
Post: #23
Title: Re: جروح قلبي الـ أبت تبرا ..!!
Author: ضحيه ابراهيم
Date: 10-27-2008, 02:25 PM
Parent: #8
| Quote: بس كنت ضحية بين بكري والهكر |
يازول هسى حاشرنى هنا مالك ؟
ابو النيز حمدالله ع السلامه ومشتاقييين.
|
Post: #4
Title: Re: جروح قلبي الـ أبت تبرا ..!!
Author: هاشم أحمد خلف الله
Date: 10-27-2008, 01:12 PM
Parent: #1
ياخي مفروض جروحك دي تبرا بعد عودتك سالماً غانماً لارض المنبر
ليك وحشة يا ناذر وربنا ما حرمنا منكم يا حلوين
|
Post: #5
Title: Re: جروح قلبي الـ أبت تبرا ..!!
Author: ناذر محمد الخليفة
Date: 10-27-2008, 01:18 PM
Parent: #1
سلام عبد الله وداعة ..
Quote: حمدلله على السلامة ناذر
العود احمد
وتبرا من الجروح انت ومن تهكير القلب |
غايتو جروح المنبر دا عشان نبرا منها إلا بكري يعمل لينا شاش وقطن وصبغة يود مع كل بوست
|
Post: #6
Title: Re: جروح قلبي الـ أبت تبرا ..!!
Author: ناذر محمد الخليفة
Date: 10-27-2008, 01:21 PM
Parent: #1
إبراهيم ..
Quote: عبد الله وداعة الأمين ،،،
إنت الأصلي ..
ولا المهكر ... |
هو بالله الناس بقى فيهم أصلي وتقليد
كلو بيوصل على قول ناس الليل لمن يجيبوا ليهم بتاعات مغشوشة ..
كلو بيوصل
|
Post: #10
Title: Re: جروح قلبي الـ أبت تبرا ..!!
Author: Yassir Bainwi
Date: 10-27-2008, 01:26 PM
Parent: #6
اب حمد الحبيب زارا وعلهو خلايقو تنجاري
شريك بربر سريع مره وفي عطبرة دقا صفارة
تسلم ياناذر ياخ
|
Post: #7
Title: Re: جروح قلبي الـ أبت تبرا ..!!
Author: ناذر محمد الخليفة
Date: 10-27-2008, 01:22 PM
Parent: #1
هاشم ...
Quote: ياخي مفروض جروحك دي تبرا بعد عودتك سالماً غانماً لارض المنبر
ليك وحشة يا ناذر وربنا ما حرمنا منكم يا حلوين |
تبرى كيف يا هاشم ومكتبتي لقيتا مشلعة ومقرمة ؟!
|
Post: #11
Title: Re: جروح قلبي الـ أبت تبرا ..!!
Author: A.Razek Althalib
Date: 10-27-2008, 01:30 PM
Parent: #7
| Quote: تبرى كيف يا هاشم ومكتبتي لقيتا مشلعة ومقرمة ؟! |
أمس كنت أقف على أطلالها باحثاً عن بوست مهن القبائل..
لقيت ميكيافيلي وعمايلو فيها..
خلاها موقف إستفهمات بس..
؟
؟؟
؟؟؟؟
.؟؟
؟
حسرة..
البركة فيكم يا ناذر..
متي يبلغ البنيان تمامه إذا كنت تبني وغيرك يهدم..
|
Post: #9
Title: Re: جروح قلبي الـ أبت تبرا ..!!
Author: عبدالوهاب علي الحاج
Date: 10-27-2008, 01:25 PM
Parent: #1
واحشنا ياعمك
وسلامة قلبك
|
Post: #12
Title: Re: جروح قلبي الـ أبت تبرا ..!!
Author: ابراهيم محمد الحسن
Date: 10-27-2008, 01:31 PM
Parent: #9
ناذر ،،
| Quote: هو بالله الناس بقى فيهم أصلي وتقليد |
ياخي انتو فاتكم نص عمركم أيام التهكير (الله لا عادها) ...
عبد الله وداعة ده الهكر عمل فيه عملية ..
دخل بإسمه وفتح نار على تراجي مصطفى ..
وقال كلام ما بتقال ..
الكويس انو طلع هكر عندو حبة ضمير ..
لما الناس لاموه على استخدام اسم الغير بالصورة الجارحة دي ..
واعترف انه البيكتب ده ما عبد الله وداعة ..
المهم ..
فتش الخور ...
|
Post: #13
Title: Re: جروح قلبي الـ أبت تبرا ..!!
Author: عبدالله وداعه الامين
Date: 10-27-2008, 01:36 PM
Parent: #12
هوووي يا ابراهيم والله احرش ليك الهكر
ومما بقيت تسال من الاصلي والتقليد عرفتك بتاع مشاكل
|
Post: #14
Title: Re: جروح قلبي الـ أبت تبرا ..!!
Author: ناذر محمد الخليفة
Date: 10-27-2008, 01:38 PM
Parent: #1
سلام ياسر ...
Quote:
اب حمد الحبيب زارا وعلهو خلايقو تنجاري
شريك بربر سريع مره وفي عطبرة دقا صفارة
تسلم ياناذر ياخ |
صديق أحمد دا مش بيغني !! دا بيرسم لوحة متكاملة ويجبرك تكون من ضمن تفاصيلا ..!
|
Post: #15
Title: Re: جروح قلبي الـ أبت تبرا ..!!
Author: ناذر محمد الخليفة
Date: 10-27-2008, 01:40 PM
Parent: #1
سلام أبو رزقة ..
Quote: أمس كنت أقف على أطلالها باحثاً عن بوست مهن القبائل..
لقيت ميكيافيلي وعمايلو فيها..
خلاها موقف إستفهمات بس..
؟
؟؟
؟؟؟؟
.؟؟
؟
حسرة..
البركة فيكم يا ناذر..
متي يبلغ البنيان تمامه إذا كنت تبني وغيرك يهدم.. |
إنشالله بس يكون بكري عندو باك أب تاني جاي ولا جاي !!
بالمناسبة :
بوستي بتاع (عوضية كوجيم تغني لتراجي مصطفى) ..
ما قابلك بي هناك ؟؟!!!
|
Post: #19
Title: Re: جروح قلبي الـ أبت تبرا ..!!
Author: A.Razek Althalib
Date: 10-27-2008, 01:45 PM
Parent: #15
Quote: بوستي بتاع (عوضية كوجيم تغني لتراجي مصطفى) ..
ما قابلك بي هناك ؟؟!!! |
ياتو..
يطرشنا..
|
Post: #16
Title: Re: جروح قلبي الـ أبت تبرا ..!!
Author: ناذر محمد الخليفة
Date: 10-27-2008, 01:41 PM
Parent: #1
عبد الوهاب ..
Quote: واحشنا ياعمك
وسلامة قلبك |
كيفك يا ملك ..
والشوق بحر ..
|
Post: #17
Title: Re: جروح قلبي الـ أبت تبرا ..!!
Author: ناذر محمد الخليفة
Date: 10-27-2008, 01:43 PM
Parent: #1
أبراهيم ..
غايتو دي حكاية غريبة خلاص ..!!
Quote:
المهم ..
فتش الخور ... |
الخور عمنا ميكافيلي أظن شالو معاو ..!!
|
Post: #18
Title: Re: جروح قلبي الـ أبت تبرا ..!!
Author: عبدالله وداعه الامين
Date: 10-27-2008, 01:44 PM
Parent: #17
ياخ هو ميكافيلي براهو الكانو بعتلو وبشيلوا هنا؟
وحاتك كان هنا بي اخوانو
|
Post: #20
Title: Re: جروح قلبي الـ أبت تبرا ..!!
Author: ناذر محمد الخليفة
Date: 10-27-2008, 01:48 PM
Parent: #1
من الايميل :
Quote:
لو بحثت عن خط (عبور مشاة) أو (أمامك مدرسة) أو(منحنى) فى كل (العاصمة) ولم تجده ...تبقى أكيد فى السودان
*****
لو إنت فى بلد فيهو سنه سابعة وسنة تامنه ابتدائى… تبقى أنت أكيد فى السودان
*****
لو طالعت إعلانات لشركات (مسئول) كبير وهو لا زال (فى الخدمة)… تبقى أنت
أكيد فى السودان
*****
لو (لبد) ليك شرطى (مرور) فى نهاية شارع (إتجاه واحد) وخلاك لمن دخلت وجاك بى (دفتر إيصالاتو)… تبقى أنت أكيد في السودان
*****
لو لقيت فى بلد ما فيهو (معينات البحث العلمى) وكل يوم الجامعات تناقش(خمسين) رسالة دكتوراة و(ميتين) رسالة (ماجستير)... تبقى أنت أكيد فى السودان
*****
لو أنت في بلد وزارة الصحة فيهو قالت (الدواء) ده (فاسد) أحظروهو .. وبعد شويه قالت (ما فاسد) خلوهو .. وبعد شويتين قالت (فاسد) أمنعوهو …. تبقى أنت أكيد في السودان
*****
لو لقيت فى بلد (الصحف) بتتقفل بى (مادة) فى القانون (معموله للمطاعم) …تبقى أنت أكيد فى السودان
*****
لما تلاقى الترزي كاتب على باب المحل بتاعو آية بتقول ( وفصلنا كل شئ تفصيلا) صدق الله العظيم … تبقى أنت أكيد في السودان
*****
لما تخلص موضوع فى مكان ما، وتجى تركب عربيتك وتلاقى (المساحات) مرفوعه عشان تعرف على طول انو فى واحد مسحها ليك وح ياخد منك واحد جنيه … تبقى أنت أكيد فى السودان
*****
لو قرأت الصحف فى 1987 أو فى 2016 عن (إنتهاء قطوعات) الكهرباء ولقيت نفس الكلام فى صيف 2030 … تبقى أنت أكيد فى السودان
*****
لو زوجة الوزير مليانة دهب بتتجدع بيه بالعلن في الشارع من غير حساب وأطفالها بيملطشوا اولاد الجيران... تبقى أكيد إنت في السودان
*****
لو أهم (كبرى) فى عاصمة البلد صيانتو عاوزة ليها (سنتين)… تبقى أنت أكيد فى السودان
*****
لو بهدلوك في اي مكان واشتكيت للشرطة قالوا دا مش اختصاصنا امشي اشتكي في الثروة الحيوانية ... تبقى أكيد أنت في السودان
*****
لو لقيت أنو وزارة الداخلية عندها مؤسسات (تعليمية) ووزارة التعليم عندها مؤسسات (صحية) ووزارة الصحة عندها (شركات إنشائية)… تبقى أنت أكيد فى السودان
*****
لو دخلت (الوزارة) وأنت مؤجر في (زقلونا) وطلعت وعندك عمارتين في (قاردن سيتى )..تبقى أنت أكيد في السودان
*****
لو اشتغلت في الخدمة المدنية 30 سنه وأدوك معاش شهرى يساوى 6 كيلو لحمة ...تبقى أنت أكيد فى السودان
*****
لو توقفت (الحركة) إثناء ساعات (الذروة) وإكتشفت أن السبب (كشه)... تبقى أنت أكيد فى السودان
*****
لو عدمت (التعريفة) وكمان دخلت فى (ديون) للإيفاء بنفقات (فراش) قريبك الذى توفى إلى رحمة الله... تبقى أنت أكيد فى السودان
*****
لو وجدت أن (ترخيص عربتك) يساوى (ربع) قيمتها …. تبقى أنت أكيد فى السودان
*****
لو تقدم إبنك (المهندس) لشغل وظيفة وكان (الإنترفيو) عن (صلاة الجنازة)... تبقى أنت أكيد فى السودان
*****
لو (فجأة) إكتشف (المسئولون) أن (الخريف) على الأبواب)... تبقى أنت أكيد فى السودان
*****
لو عندك (الكلية) اليمين متعطلة وعاوزين يشيلوها ليك قامو (إستأصوا) الشمال السليمة لأنو الدكتور كان ماسك الأشعة (بالمقلوب)... تبقى أنت أكيد فى السودان
*****
لو مكث (مرتبك) معك (تلاته ساعات وإطناشر دقيقة) هى الفترة من لحظة إستلامه من الصراف إلى حين عودتك للمنزل... تبقى أنت أكيد فى السودان
*****
لو فاز فريقك الذى تشجعه على الفريق الخصم فى مباراة الذهاب 8/صفر وخسر فى مباراة الإياب 12/صفر…. تبقى أنت أكيد فى السودان
*****
لو لقيت لوري التراب وكومر البلدية من سنة 50 شغال بالاضافة للركشة في نفس الشارع... تبقى اكيد انت فى السودان
*****
لو وجدت أن رؤساء (الأحزاب) هم (رؤساء) مدى الحياة... تبقى أنت أكيد فى السودان
*****
لو وجدت أن نسبة الفقر تزداد بإزدياد (معدل النمو تبع الحكومة) …. تبقى أنت أكيد فى السودان
*****
لو ضربتك عربية حكومة و مشيت القسم و طلعتا انت الغلطان... تبقى اكيد انت في السودان
*****
لو خشيت مؤسسة حكومية ولقيت الموظفين مافي اثناء الدوام.. تبقى اكيد انت في السودان
*****
لو طلعت مستحمي و متريح وماشي عرس و دخلت العرس زي الكأنك كنت بتلعب كورة... تبقى انت اكيد و اكيد في السودان
*****
لو ماشي مشوار 20 كيلو متر و وصلتا في 4 ساعات... تبقى انت اكيد في السودان
*****
لو لقيت مطعم وقدامو دورات مياه... تبقى اكيد انت في السودان
*****
لو مشيت الحوادث و قالو ليك لو (عندك رصيد اضرب للدكتور لانو نايم)... تبقى انت اكيد في السودان
*****
لو شغال في السوق و قالو ليك ادفع ضريبة ميزان ... تبقى اكيد انت في السودان
*****
لو لقيت اجنبي وعواطلىو عندو صلاحية اكتر منك و الناس كلها تحترمو... تبقى انت اكيد في السودان
*****
لو اعلنو عن 3000 وظيفة و مشيت تقدم في اليوم الاول و قالو ليك (تعال بكرة لانو لجنة المعاينة ما اكتملت) و جيت تاني يوم و لقيت التقديم قفل... تبقى انت اكيد في السودان
*****
لو لقيت حي ساكن فيهو مسؤول كبير و الكهرباء فيهو ما بتقطع نهائى... تبقى اكيد انت في السودان
*****
لو محتاج حاجة و لقيت اقرب حتة تجيبا منها على بعد 3 كيلو متر... تبقى اكيد انت في السودان
*****
لوقريت الكلام دا وما علقتا ولا جنيت وكنت بارد شديد ومستسلم... تبقى أكيد أنت من السودان
*****
ولو ما مرت بيك اي حاجة من الفوق دي... تبقى اكيد انت ما من السودان
|
|
Post: #21
Title: Re: جروح قلبي الـ أبت تبرا ..!!
Author: ناذر محمد الخليفة
Date: 10-27-2008, 02:05 PM
Parent: #1
خلاص لقيتو يا أبو رزقة
يا هو دا :
الفنانة عوضية كوجيم تغني لـ تراجي مصطفى !!
البوست القيم دا لو كان راح مع الراحو كان جاتني نفسيات عدييل كدة ..!!
|
Post: #22
Title: Re: جروح قلبي الـ أبت تبرا ..!!
Author: JOK BIONG
Date: 10-27-2008, 02:20 PM
Parent: #21
انت زول عوير ساكت.اضرب لك كباية العرقي والحشيش وريح
نفسك.غير الشريط 
|
Post: #27
Title: Re: جروح قلبي الـ أبت تبرا ..!!
Author: Elawad Eltayeb
Date: 10-27-2008, 02:53 PM
Parent: #21
إنت تبرا من الألم
|
Post: #25
Title: Re: جروح قلبي الـ أبت تبرا ..!!
Author: طارق جبريل
Date: 10-27-2008, 02:33 PM
Parent: #1
يا ناذر اسركن معاي ياخي
انا الطنبور دة بيهضرب بي عدييييييييل
ياخي هسي قدام المغاربة ديل بقيت انقز براي
|
Post: #26
Title: Re: جروح قلبي الـ أبت تبرا ..!!
Author: ناذر محمد الخليفة
Date: 10-27-2008, 02:43 PM
Parent: #25
طارق ..
| Quote: ياخي هسي قدام المغاربة ديل بقيت انقز براي |
مع النقزي خليك جعلي وخلي الجمبك يمحطك صوتين تلاتة
|
Post: #28
Title: Re: جروح قلبي الـ أبت تبرا ..!!
Author: A.Razek Althalib
Date: 10-27-2008, 03:15 PM
Parent: #26
| Quote: بوستك الكايس ليهو لقيتو في الأرشيف بتاع 2008 !! |
بوستيك ده راجع حركة وراء ولا كيفن..
ياخي..
البوست التاني يا ناذر..
بتاع مهن قبائلنا..
وتغول العوض الشال الخيشة (أصحاب الشيء ذاتا) ياخي..
ما لقيتو..
|
Post: #29
Title: Re: جروح قلبي الـ أبت تبرا ..!!
Author: JOK BIONG
Date: 10-27-2008, 04:23 PM
Parent: #28
ناذر الخليفة
ممكن تغير اغنية دا بقت بايخة جيب لنا اغنية حبشية كاربة كدى
علشان تمشي مع جو بتاع الخرطوم انا مسافر جوبا بكره
|
Post: #30
Title: Re: جروح قلبي الـ أبت تبرا ..!!
Author: haroon diyab
Date: 10-27-2008, 04:35 PM
Parent: #1
ناذر ياعمكـ
حمد الله علي السلامة
وعودا حميدا مستطاب
مع انغام الطنبور الحنين
وصديق احمد الجميل
-----
وشوف دي....
طويلة مملة دي السفرة وبورسودان حد الرحلة
يكون ديم سلبونا بره وسلام ياساكن الحارة
معقولة بس.....؟
|
Post: #31
Title: Re: جروح قلبي الـ أبت تبرا ..!!
Author: ناذر محمد الخليفة
Date: 11-16-2008, 08:38 PM
Parent: #1
|
Post: #32
Title: Re: جروح قلبي الـ أبت تبرا ..!!
Author: Abuelgassim Gor
Date: 11-16-2008, 09:34 PM
Parent: #1
يا ناذر
عليك ألله
عينك ما وقعت فى صورتى الراكب فيها التور !
تخيل أنا الزول الوحيد العندو صورة راكب تور
حسى لا التور ولا الصورة
|
Post: #33
Title: Re: جروح قلبي الـ أبت تبرا ..!!
Author: طارق جبريل
Date: 11-16-2008, 09:59 PM
Parent: #1
ابو النز كيفنك
جيت انقز تاني ياخي
|
|