Post: #1
Title: أمبدة هي البوابة الرئيسية لدخول المخدرات للخرطوم ..
Author: ناذر محمد الخليفة
Date: 04-13-2008, 09:58 AM
شكا رئيس شعبة الأمن بمجلس أمبدة التشريعي نجم الدين خوجلي من تفشي تعاطي المخدرات وسط شرائح صغار الشباب بالمحلية ، وأبدى قلقه جراء توسع نطاق الإدمان والإنحراف وسط المراهقين والصبية ، وقال في مؤتمر صحفي أمس إن أمبدة أصبحت تشكل البوابة الرئيسية لدخول المخدرات الخرطوم ، متهماً جهات لم يسمها قال أنها وراء ما يجري ، مشيراً إلى أن المخدرات تباع بأسعار زهيدة ، وكشف عن إستجابة الشرطة لفتح مكتب متخصص للحد من مخاطر المخدرات يبدأ العمل فيه بنهاية أبريل الجاري ، بجانب فتح مركز أخر للمباحث المركزية ، وعزا إنخفاض نسبة جريمة السرقات لإضاءة بعض الطرق والدوريات منوهاً لظهور ظاهرة منتحلي الشخصية في سوق ليبيا ...
صنفرة :
المصدر : صحيفة الاحداث الصادرة هذا اليوم ..
|
Post: #2
Title: Re: أمبدة هي البوابة الرئيسية لدخول المخدرات للخرطوم ..
Author: Fadl Karrar
Date: 04-13-2008, 11:54 AM
Parent: #1
ربنا يستر يا ناذر
وما يتصنف بوستك دا بي عنصرية
للاسف إنزلقنا في درك سحيق تأويلاً للأمور والأخبار
|
Post: #3
Title: Re: أمبدة هي البوابة الرئيسية لدخول المخدرات للخرطوم ..
Author: Tabaldina
Date: 04-13-2008, 12:54 PM
Parent: #1
..
.
| Quote: مشيراً إلى أن المخدرات تباع بأسعار زهيدة |
تكون مااصلية تكون مخلوطة بتبغ ولا كركدى ولاحاجة
معقولة يا نادر مخدرات وزهيدة؟؟
ومخدرات للفقراء ناس امبدة ؟؟
هم ناس امبدة اعتقد احسن ناس محافظين على ما تبقي
اخلاقيات وتقاليد وعادات وماء وجه؟؟
وناس الهوت لاينز ديل يعنى بشتروا شنو؟ ايسكريم؟؟
_________________
شوف ليك بوابة تانية .. حلايب ولا القلابات ولا سواكن زاتها
|
Post: #4
Title: Re: أمبدة هي البوابة الرئيسية لدخول المخدرات للخرطوم ..
Author: Nasruddin Al Basheer
Date: 04-13-2008, 01:46 PM
Parent: #3
يا ناذر غايتو ربنا يسامحك
لا بتشتري لا بتخلي الناس تشتري
متلحننا في أكل عيشنا مالكم؟
قطع الأعناق ولا قطع الأرزاق..
|
Post: #5
Title: Re: أمبدة هي البوابة الرئيسية لدخول المخدرات للخرطوم ..
Author: ناذر محمد الخليفة
Date: 04-13-2008, 03:29 PM
Parent: #1
سلام يا فضل ...
Quote: ربنا يستر يا ناذر
وما يتصنف بوستك دا بي عنصرية
للاسف إنزلقنا في درك سحيق تأويلاً للأمور والأخبار
|
هذا حديث لرئيس شعبة الامن بالمجلس التشريعي ..
أما وإن كانت أمبدة تسكن أغلبيتها جهة قبلية أو إثنية محددة ..
فلتكن هي العنصرية التي يريدون ..
تسلم يا فضل ,,
|
Post: #6
Title: Re: أمبدة هي البوابة الرئيسية لدخول المخدرات للخرطوم ..
Author: ناذر محمد الخليفة
Date: 04-13-2008, 03:31 PM
Parent: #1
تبلدينا ..
مشتاقين يا خي ..
Quote: هم ناس امبدة اعتقد احسن ناس محافظين على ما تبقي
اخلاقيات وتقاليد وعادات وماء وجه؟؟
|
أمبدة هسي لحم راس وكم وتسعين حارة وحي وإمتداد !!
والكلام الفوق إحصائيات جهة أمنية ..
|
Post: #7
Title: Re: أمبدة هي البوابة الرئيسية لدخول المخدرات للخرطوم ..
Author: ناذر محمد الخليفة
Date: 04-13-2008, 03:33 PM
Parent: #1
نصر الدين كيفك ...
Quote:
يا ناذر غايتو ربنا يسامحك
لا بتشتري لا بتخلي الناس تشتري
متلحننا في أكل عيشنا مالكم؟
قطع الأعناق ولا قطع الأرزاق..
|
لكن إنتو وكت بتدورو تسترزقو ما تصدرو لينا نحن أولاد الديوم المساكين تضيعونا معاكم 
حاولو إسترزقو داخليا (زيتكم في بينكم وكدة) 
|
Post: #8
Title: Re: أمبدة هي البوابة الرئيسية لدخول المخدرات للخرطوم ..
Author: دينا خالد
Date: 04-13-2008, 04:27 PM
Parent: #7
ناذر مساءك نور ..
| Quote: أمبدة هي البوابة الرئيسية لدخول المخدرات للخرطوم |
| Quote: هذا حديث لرئيس شعبة الامن بالمجلس التشريعي |
شوف عينو دى ؟؟
ــــــــــــــــــ
كلام تبلدينا صاح مدخلو خاطىء 
|
Post: #10
Title: Re: أمبدة هي البوابة الرئيسية لدخول المخدرات للخرطوم ..
Author: Tabaldina
Date: 04-13-2008, 08:41 PM
Parent: #8
..
.
| Quote: كلام تبلدينا صاح مدخلو خاطىء |
تصور انا زاتى حسيت كدا ؟؟
مرات يا دينا الكلام بروح وبطفش ..
________________
لو عندك بوابة غير امبدة ما تورينا بطلو غتاتات 
|
Post: #9
Title: Re: أمبدة هي البوابة الرئيسية لدخول المخدرات للخرطوم ..
Author: Hadia Mohamed
Date: 04-13-2008, 04:35 PM
Parent: #1
النصيحة ولا بت عمها كانت امبدة شارع مدنى فى التسعينات هى الباطنية ولا حيى الجيارة
بتاع السودان وسمعنا والله يكفينا شر الاضان بأن بعض تجار المخدرات فى امبدة على تعاون مع المباحث
يعنى تبلغ عن تاجر تقبض المباحث على التاجر وتفتح ليك السوق دة لو ما ادتك شوية من المقبوض
انا برة الموضوع دة قالو قواله بس.
|
Post: #11
Title: Re: أمبدة هي البوابة الرئيسية لدخول المخدرات للخرطوم ..
Author: ناذر محمد الخليفة
Date: 04-13-2008, 08:57 PM
Parent: #1
دينا خالد :
Quote:
ناذر مساءك نور ..
Quote: أمبدة هي البوابة الرئيسية لدخول المخدرات للخرطوم
Quote: هذا حديث لرئيس شعبة الامن بالمجلس التشريعي
شوف عينو دى ؟؟
ــــــــــــــــــ
كلام تبلدينا صاح مدخلو خاطىء |
تبلدينا شن عرفو بي المداخل والبوابات دي
بعدين يا تبلدينا يا خي لمن تجي تغلط زول لازم يكون عندك إحصائيات ، لأنو زي زولنا دا بيكون مالي يدو تمام التمام وما بيتجرأ يقول كلام ساي خوفا من الملاحقة القضائية لو ناس أمبدة قرروا يرفعو عليو قضية وكدة ..
ولا شنو ؟!
|
Post: #12
Title: Re: أمبدة هي البوابة الرئيسية لدخول المخدرات للخرطوم ..
Author: ناذر محمد الخليفة
Date: 04-13-2008, 09:01 PM
Parent: #1
هادية محمد ..
أما لو جئنا عن صغار المروجين في محطة ود البشير فدا كلام تاني ..
والداير يغالط هسي يمشي يوقف عربيتو بالغلط جمب محطة ود البشير وإنت متجه علي أمبدة ، حا يجو عليك كم زول ويسألوك الحاصل شنو ؟!! دايرين يعرفوك لو داير تشتري ولا وقفت بالغلط ..
لو زول جاي تشتري طوالي بيوروك تننظرم وين عشان يجيبو ليك ، ولو حسوا بيك زول ملكلك ووقفت لي غرض تاني طوالي بيتخارجو منك ..!
|
Post: #13
Title: Re: أمبدة هي البوابة الرئيسية لدخول المخدرات للخرطوم ..
Author: دينا خالد
Date: 04-14-2008, 06:53 AM
Parent: #12
ناذر خليفة ؟؟؟
ياخوى اصح انت حلمان ولا شنو ؟؟
| Quote: بعدين يا تبلدينا يا خي لمن تجي تغلط زول لازم يكون عندك إحصائيات ، لأنو زي زولنا دا بيكون مالي يدو تمام التمام وما بيتجرأ يقول كلام ساي خوفا من الملاحقة القضائية لو ناس أمبدة قرروا يرفعو عليو قضية وكدة .. |
انت بتتكلم عن امبدتنا دى ؟؟ ولا امبدة فى بلد تانى
ناذر ؟؟؟؟ كدى قول بسم الله ،،، الاحصائيات دى وين ؟ فى محلية امبدا والله ديل هم فى المحلية
كم ما عارفين عددهم !! خليهم يحصوا اى حاجة تانية ،،
انت ما سمعت قبل كدا بالمحلية كاملة مبنى وشرطة وموظفين فى امبدا دى وجو لقوهم ولا محلية ولا حاجة
ولا شرطة ولا حاجة ؟؟؟ وهى لو فى احصائيات وملاحقة قضائية ذى البتحلم بيها دى كل البتحكى عنو انت دا
بيحصل ؟؟؟ ناس الجرايد كدى خليهم يفضو من ملاحقة السلطات ليهم القضائية ،، ويشيلوا نفسهم عشان
يقدروا يلاحقوا زول ،،،، هى ى ى يا ناذر ،، والله انت لقيت هبانى مافى بديت تحكى عن محلية تكساس !!
ــــــــــــــ
ناذر؟؟ كدى جرب اشترى من حته تانية .. وتعال ورينا الفرق !
|
Post: #14
Title: Re: أمبدة هي البوابة الرئيسية لدخول المخدرات للخرطوم ..
Author: Tabaldina
Date: 04-14-2008, 07:08 AM
Parent: #13
..
.
Quote: يقدروا يلاحقوا زول ،،،، هى ى ى يا ناذر ،،
والله انت لقيت هبانى مافى بديت تحكى عن محلية تكساس !! |
والله لكن خطيرة دا المدخل .. يا دينا
انا من امبارح عايز اقول ليهو كلامكـ دا
انا خايف غندور يفتح فى الصحافة بلاغ تشهير .. واساءات
والله الخرطوم دى الذ من شباب امبدة .. ودافورى الثورة وجكس الصافية مافيها شئ !!
| Quote: ناذر؟؟ كدى جرب اشترى من حته تانية .. وتعال ورينا الفرق ! |
وورررررروك
كدا كويس !!!؟ جبت لينا الكلام
يا دينا ياخى الزول دا مدامو بتقراء المنبر يوماتى
تقوم تفهم زولا دا غلط وتفتكرو بخفى حاجات ..
_______________
ناذر امبدة دى اخطاها
|
Post: #15
Title: Re: أمبدة هي البوابة الرئيسية لدخول المخدرات للخرطوم ..
Author: Mohammed Ibrahim Othman
Date: 04-14-2008, 07:20 AM
Parent: #1
صدقت يا ناذر يا اخوي ...
ونحن صوتنا نبح لان الشباب فقدو المساحات الفاضية التي بيلعبو عليها ...
وانا بالاجازة تحدثت مع رئيس اللجنة الشعبية بالحارة التاسعة ...
عن ظاهرة انصراف شباب الحي للبنقو ..لعدم توفر التنافس الكروي بينهم لاختفاء الميادين الرياضية ..
ام بدة القديمة غير مصممة لتوفير ملاعب داخل الاحياء...
الملعب الوحيد في التاسعة هو ميدان النصر ولا يكفي للحي الحوله ...
بيتخيل لي لازم توفر النوادي الرياضية بام بدة المجانية لاشغال الشباب بالمفيد بدلا عن الانصراف للاشياء الهدامة ...
والواحد في هذا المقام يتذكر المرحوم فقيد الشباب حافظ عبد الله شريف ...
الله يرحمه فنحتاج لمثله لتنشيط الشباب ...
الموضوع كبير بجد ..يحتاج لعلاج ..
تحياتي ..
|
Post: #16
Title: Re: أمبدة هي البوابة الرئيسية لدخول المخدرات للخرطوم ..
Author: ناهد علي
Date: 04-14-2008, 07:35 AM
Parent: #1
ياناذر محمد خليفة
انا ساكنة امبدة من عشرات السنين البتقول فية انت والجرئدة الجايب منها القول دة ماسمعنا بية ولاشفنا ومحطة ود البشير دي من المحطات الانتة مابتعرفها ولايمكن لك ان تتكلم فيها والمابتحصلو جدعو ... وصل رساله عبرك للجرئدة يوصلوها للمتخلف الكبير نجم الدين خوجلي قول لية انت عارف شنو عن أمبده والدور جايك وكمان زيادة قول لية يشكك العود ماتكون عندة شجاعة ويقول الجهات الداعمة وكمان قول لية الانوار المضاءة البتكلم عنها دي جنب بيت المحافظ بس وباقي الاحياء كان مجهود شخص من ابناء الاحياء الصارو متهمين بالمخدرات والفوضة ، احلف ليك قسم بكون نص المخدرات دي تبعه ولما ظهرو منافسين لية اكبر منو سوة سواتو دي ...
تبلدينا امبده ماجيتها وشفتها ووقفته ليك ساعة جنب ود البشير لما وصفو ليك البيت اها بتاعين المخدرات الركبو معاك وجابوك لي البيت ديل كيف عليك الله موش صنف ممتاز ....الحواري البتتكلم عنها دي انت في اول شارع بجيبوك لي اخر بيت وماعندنا زول بروح ..لكن ياناذر مامنك من الهردبيس الملو بيهم المحافظة .
ياخي بركة الخرطوم الانتهت من المخدرات والانحرف والصبيان المراهقين امبده بترحب بيهم احسن من يطفشو ويخلو بلدهم للزبالة الذيهم.
|
Post: #17
Title: Re: أمبدة هي البوابة الرئيسية لدخول المخدرات للخرطوم ..
Author: ناذر محمد الخليفة
Date: 04-14-2008, 07:54 AM
Parent: #1
دينا خالد ..
Quote: انت بتتكلم عن امبدتنا دى ؟؟ ولا امبدة فى بلد تانى
ناذر ؟؟؟؟ كدى قول بسم الله ،،، الاحصائيات دى وين ؟ فى محلية امبدا والله ديل هم فى المحلية
كم ما عارفين عددهم !! خليهم يحصوا اى حاجة تانية ،،
|
والله شوفي يا ستي ..
أنا أمبدة دي قدر ما حمتها ولفيتا وما عرفت أحددا وأحصر مربعاتا وأحياءا .. لكن هي كبيرة جدا وكل يوم في إذدياد ، وبي صراحة شديدة معظم التجار والشغالين أشغال هامشية في سوق ليبيا بيسكنو في أمبدة وأطراف أمبدة عشان رخيصة وقريبة من مكان شغلم ، وإحتمال ما عملوها محلية ولا معتمدية ما عارف إلا عشان الهاجس الأمني ويدوها عناية خاصة ، وبعدين ما ننسى إنو تجارة السلاح مشهورة جدا في سوق ليبيا وكدة ..
غير كدة علمي علمك ..
| Quote: ناذر؟؟ كدى جرب اشترى من حته تانية .. وتعال ورينا الفرق ! |
نسأل الله السلامة !! وأنا والحمد لله سجاير الله والرسول دا ما قاعد أدخنو خليك من أبو نمر دا ..
|
Post: #18
Title: Re: أمبدة هي البوابة الرئيسية لدخول المخدرات للخرطوم ..
Author: ناذر محمد الخليفة
Date: 04-14-2008, 07:55 AM
Parent: #1
تبلدينا ..
| Quote: ناذر امبدة دى اخطاها |
أمبدة بنمسيها لمن نجي قندهار ويكون مشوار واحد
|
Post: #20
Title: Re: أمبدة هي البوابة الرئيسية لدخول المخدرات للخرطوم ..
Author: Abdlaziz Eisa
Date: 04-14-2008, 08:06 AM
Parent: #18
سلام
الأخ ناذر
يعني تصدق كلام الأمنجية الكيزان وتقاريرهم فيها المكايدة..
بالله عليك الحاج يوسف والجريفات دي ما هي الأحياء أو الأطراف الغارقة في فنون التهريب منذ أمد بعيد..
أمبدة يسكنها في الغالب أهل دارفور والهامش..
فهذا هو السبب الرئيسي لبيع هذه التقارير..
الأخ فاضل كرار:
فعلا هذا البوست فيه قصد عنصري وجهوي كمان..
|
Post: #19
Title: Re: أمبدة هي البوابة الرئيسية لدخول المخدرات للخرطوم ..
Author: ناذر محمد الخليفة
Date: 04-14-2008, 07:59 AM
Parent: #1
محمد إبراهيم ..
Quote: صدقت يا ناذر يا اخوي ...
ونحن صوتنا نبح لان الشباب فقدو المساحات الفاضية التي بيلعبو عليها ...
وانا بالاجازة تحدثت مع رئيس اللجنة الشعبية بالحارة التاسعة ...
عن ظاهرة انصراف شباب الحي للبنقو ..لعدم توفر التنافس الكروي بينهم لاختفاء الميادين الرياضية ..
ام بدة القديمة غير مصممة لتوفير ملاعب داخل الاحياء...
الملعب الوحيد في التاسعة هو ميدان النصر ولا يكفي للحي الحوله ...
بيتخيل لي لازم توفر النوادي الرياضية بام بدة المجانية لاشغال الشباب بالمفيد بدلا عن الانصراف للاشياء الهدامة ...
والواحد في هذا المقام يتذكر المرحوم فقيد الشباب حافظ عبد الله شريف ...
الله يرحمه فنحتاج لمثله لتنشيط الشباب ...
الموضوع كبير بجد ..يحتاج لعلاج ..
|
الهجمة علي الميادين العامة المتنفس للشباب هي الأدت للعطالة والحال دا ، وأساسا الشباب ما بيفكرو في حاجات تانية إلا لمن ما يلقوا شي يشغلم من كورة ونوادي ومناشط ثقافية ، وإنتشار العادات السالبة وسط الشباب كلو مردها لفقدان المتنفسات دي ,,
شكرا يا محمد ...
|
Post: #21
Title: Re: أمبدة هي البوابة الرئيسية لدخول المخدرات للخرطوم ..
Author: ناذر محمد الخليفة
Date: 04-14-2008, 08:07 AM
Parent: #1
ناهد علي ...
| Quote: انا ساكنة امبدة من عشرات السنين البتقول فية انت والجرئدة الجايب منها القول دة ماسمعنا بية ولاشفنا ومحطة ود البشير دي من المحطات الانتة مابتعرفها ولايمكن لك ان تتكلم فيها والمابتحصلو جدعو ... |
أول حاجة ما تتشنجي !!
تاني حاجة ما أي حاجة إنتي ما شفتيها أو سمعتي بيها معناها ما موجودة ..!
تالت حاجة (المابتحصلو جدعو) الدخلا في الموضوع شنو ؟!!
Quote: احلف ليك قسم بكون نص المخدرات دي تبعه ولما ظهرو منافسين لية اكبر منو سوة سواتو دي ...
|
ودا إقرار منك يا الساكنة في أمبدة عشرات السنين (أبو القدح إنتي!!) إنو أمبدة فيها مخدرات ودا بيلغي كلامك الاول من أساسو ، مش كدة وبس .. وكمان بتحلفي إنو الزول دا تاجر مخدرات عندو نص البضاعة وكمان عندو منافسين ليو !!
يعني في النهاية لفيتي وجيتي إنو أمبدة مليانة بالمخدرات وكمان المتحكمين فيها أعضاء في أجهزة تشريعية !!
وشكراً لتأكيد المعلومة ..
|
Post: #22
Title: Re: أمبدة هي البوابة الرئيسية لدخول المخدرات للخرطوم ..
Author: ناذر محمد الخليفة
Date: 04-14-2008, 08:11 AM
Parent: #1
عبد العزيز عيسى ..
Quote: يعني تصدق كلام الأمنجية الكيزان وتقاريرهم فيها المكايدة..
بالله عليك الحاج يوسف والجريفات دي ما هي الأحياء أو الأطراف الغارقة في فنون التهريب منذ أمد بعيد..
أمبدة يسكنها في الغالب أهل دارفور والهامش..
فهذا هو السبب الرئيسي لبيع هذه التقارير..
|
عشان كدة أنا جيت المقال هنا للنقاش وللفائدة العامة ..
|
Post: #23
Title: Re: أمبدة هي البوابة الرئيسية لدخول المخدرات للخرطوم ..
Author: Abdlaziz Eisa
Date: 04-14-2008, 08:24 AM
Parent: #22
الأخ ناذر
سلام
Quote:
عبد العزيز عيسى ..
Quote: يعني تصدق كلام الأمنجية الكيزان وتقاريرهم فيها المكايدة..
بالله عليك الحاج يوسف والجريفات دي ما هي الأحياء أو الأطراف الغارقة في فنون التهريب منذ أمد بعيد..
أمبدة يسكنها في الغالب أهل دارفور والهامش..
فهذا هو السبب الرئيسي لبيع هذه التقارير..
عشان كدة أنا جيت المقال هنا للنقاش وللفائدة العامة .. |
قبل سنوات قامت حملات مبيتة النية على سوق ليبيا...
السبب كان لكسر الشوكة الإقتصادية لإثنيات دارفور من تجار هذا السوق..
غيرت مسارات القوافل التجارية من ليبيا لتنزل في دنقلا بدلا عن مليط..
المسلسل التطهيري مستمر..
شكرا لك على البوست
|
Post: #24
Title: Re: أمبدة هي البوابة الرئيسية لدخول المخدرات للخرطوم ..
Author: ناذر محمد الخليفة
Date: 04-14-2008, 11:01 AM
Parent: #1
سلام عبد العزيز ..
Quote: السبب كان لكسر الشوكة الإقتصادية لإثنيات دارفور من تجار هذا السوق..
غيرت مسارات القوافل التجارية من ليبيا لتنزل في دنقلا بدلا عن مليط..
|
نظرية جديرة بالنقاش ..
|
Post: #25
Title: Re: أمبدة هي البوابة الرئيسية لدخول المخدرات للخرطوم ..
Author: ناذر محمد الخليفة
Date: 04-14-2008, 05:10 PM
Parent: #1
!!!!!!!
| Quote: متهماً جهات لم يسمها قال أنها وراء ما يجري |
|
|