الفنانة عوضية كوجيم تغني لـ تراجي مصطفى !!

صحبي علي كدايس .. زول فردة صاقعة والله من الزمن الجميل ..

عندو حافلة هايس مظللة ومكندشة ما قاعد يستعملا إلا للمشاوير الترطيبة ، أيام الجهل كان بيسوقنا الحفلات والعيزومات واللي منو .. ومؤخراً ولأنو حافلتو رهيبة ومكندشة وجديدة كرت وفيها كل أنواع الترطيبة حارب الجنس الخشن مرة واحدة وبقى خاتيها تحت أمر الفنانات والغنايات وحسب فلسفتو .. لانو ديل بيدفعو بدون نقاش وما بيضربوهو موزة في العداد .

أمبارح كان معاي بالعصر قمت سألتو عن أخر اخبار الفنانات والعازفين والمستهبلين والمستكردين والشلة دي ، فقال لي الايامات دي الفنانة عوضية كوجيم طالعة في الكفر وما أظنها تنزل منو تاني إلا بعد عشرة خمسطاشر سنة كدة !! إندهشت بالجد وقلت ليهو الجديد شنو في عوضية كوجيم ما تراها من زمان يوم كدة ويوم كدة .. شن جد تحت المخدة ؟!

فقال الجد إنو عندها أغنية خطيرة جدا بتغنيها لي تراجي مصطفى .. قلت ليهو طيب ويعني شنو ما هي من زمـ..... دقيقة دقيقة !!

قلت لي منو ؟!! قال لي مالك إنخلعت كدة ؟! قلت ليهو سيبك من خلعتي .. تراجي مصطفى منو دي قصدك ؟! قال لي .. تراجي مصطفى ياخ !! في زول(في الدنيا دي) ما بيعرف تراجي مصطفى !! .. قلت ليو : يا ود الناس انا بعرف تراجي واحدة بس ودي أول مرة أعرف إنها شاعرة !! قال لي شاعرة شنو يا مدروش إنت !! عوضية بتغني ليها ,, يعني بتغني فيها .. يعني غنية ألفتا عوضية لي تراجي فهمت ؟!!

قلت ليهووأنا لسع راسي ضارب : الشي الما فهمتو إنت قصدك تراجي ياتا ؟ أمكن ما ياها القاصدا انا !! قال : أنا قاصد تراجي بتاعت كندا .. قلت ليهو بسسسسسسسسسسسس ياها زاااااتا زولتي !! الحاصل شنو ؟!!

وبدا يحكي وأنا منذهل ومندهش ومتمحلق ومتحولق !! ّّ

Quote: في زول(في الدنيا دي) ما بيعرف تراجي

سامع يا دكين ...




غايتو ياناذر عليك جنس أخبار..

قال إنو قبل فترة كدة عوضية كوجيم سافرت دبي عشان تشحن ليها مواد تشطيب delox لي برجها السكني الجديد وبالصدفة في اثناء تجوالا من اللاب توب بتاعا في you tube شافت اللقاء بتاع جمعية الصداقة داك !! قبلت لي اخوها الصغير الكان نازل معاها في الفندق وسألتو : دي منو دي البتتكلم بي إسم السودانيين دي ؟!! اخوها الصغير زول مفتح وعضو منابر كتيرة (مفصول منها) !! قام فهم أختو النظرية بالكامل ، وهي مستغربة وبين مصدقة و (مكضبة) ! سألت أخوها : طيب وأنحنا المساكين ديل البنغني وننبح عشان نبسط الشعب المغلوب علي أمرو دا .. متين فوضناها عشان تتكلم بي إسمنا !! اخوها قال ليها .. إنتي خليك في صبحياتك وحفلات الطهور وسد المال البتعملي فيها دي وما جايبة ليك حق المعيشة وشوفي الناس الزي تراجي ديل بيلقوها ميتة كيف !! أختو زعلت ونهرتو : قهرتك بي رب العباد !! كلامك دا صاح لكن حار وأنا لازم برضو بي إسم الشعب السوداني أرد على تراجي دي بي غنية هسي بنجرا ليها !!

أخوها إندهش وقال ليها : بي إسم منو يا أختي ؟!! هسي منو الفوضك تردي عليها ولا تغني ليها ! أنحن بقى ما عندنا فهم معاكم في البلد دي ولا شنو ؟!! نهاجر نطلع نسيبا ليكم ؟!! طيب إشتروها وأدونا حقنا عشان نطش ليكم منها = ؟!

أختو نهارة وشكالة تاني أدتو ليك في راسو : يا ود ما تقفل خشمك دا .. هسي اقوم اشحنك مع البوهية كارقو في السفينة ، امال الفوض تراجي دي منو عشان تتكلم بي إسمو ؟!! سيب الكلام الفارغ دا وجيب لي العود ألحن بيهو عشان الكلمات خلاص إختمرت في راسي !!

أخوها بي إندهاش : عود !!! من متين يا كوجيم بتعزفي وتلحني بالعود ؟!!

كوجيم النهارة : قهرتك بي الله ..!! إنت يعني حا تقعد تحاسبني علي كل صغيرة وكبيرة !! قصدي جيب لي (الدلوكة) من جوا عشان الحن بيها .. سريع قبال ما تطير من راسي !!!

أخيرا إستعدلت يا ناذر













_
بعد كده ممكن الواحد يشوت ليكـ الامانة ديكـ النسيتها مرتين

علي كدايس :

أها يا مان صحبتك عوضية شطبت تأليف الغنية بأسرع من تشطيب برجها السكني داك !!

من الدور الخمسين في برج دبي ألفت الكلمات والألحان ، وبي أول طيارة خاصة رجعت السودان وجابت العازف بتاعا داك !!

سألتو : بتاعا داك منو ؟ ما تقول لي ........

بس ياهو زاااااتو !!

اها واصل !!..

المهم صحبتك عملت الغنية ومنها طلعت في الكفر وهسي الشغلة وارة معاها ور شديد ..

طيب والغنية وينا هسي إنشالله عندك عشان نفسي أسمعا بصفتي واحد من الشعب السوداني البتتكلمو وتغنو بي إسمو وهو ما جايب خبر ؟!

قال لي عندك بلوتوث ؟

قلت ليهو لا !!

قال لي خلاص انزل معاي الحافلة تحت لأني زاتي مشتري لي سماعات فيها ضخ زي الليل عشان أسمعك الغنية !!

قلت ليو : سمح .. أرحكاكا !!

وطلعت معاهو .. وقفل الحافلة .. وبخ العطر .. وشغل التكييف .. وشغل الضخ !!

وانا بسمع .!!!!!!!

امنة مختار ..

Quote: سامع يا دكين ... غايتو ياناذر عليك جنس أخبار..

بالله إنتي ودكين زحو غادي كدة ولا كدة

البوست دا ما للحبكانات

روميو ..

عليك جنس هنـ .......

Quote: أخيرا إستعدلت يا ناذر _ بعد كده ممكن الواحد يشوت ليكـ الامانة ديكـ النسيتها مرتين

دا حنكك

هو بالله إنت كنت معترض علي الخط العام ولا شنو ؟!

هات من الاخر ياخ .. ما تقيف كده زي قوات خليل في شارع الاربعين
اها بعد ما صاحبكـ (ضخ) ليكـ الحصل شنو









_
الخط العام كان خربان جداً مركب ليكـ مكنة كارو ما تجرو بيها .. إستعدل و إتصلح معانا

الاخ ناذر....

تحياتي........

انت الالحان دي بتجيبها من وين...

تسلم

Quote: سامع يا دكين ...

ايوه سامع..
باين عوضية كوجيم مستواها نزل خالص ..

المبدع ناذر سلام

Quote: أمبارح كان معاي بالعصر قمت سألتو عن أخر اخبار الفنانات والعازفين والمستهبلين والمستكردين والشلة دي ، فقال لي الايامات دي الفنانة عوضية كوجيم طالعة في الكفر وما أظنها تنزل منو تاني إلا بعد عشرة خمسطاشر سنة كدة !! إندهشت بالجد وقلت ليهو الجديد شنو في عوضية كوجيم ما تراها من زمان يوم كدة ويوم كدة .. شن جد تحت المخدة

امبارح العصر ؟

روميو ..

Quote: الخط العام كان خربان جداً مركب ليكـ مكنة كارو ما تجرو بيها .. إستعدل و إتصلح معانا

البركة في عوضية كوجيم ..

تتصور ما عندها خوة بي تعريفة ..

جات غنت لي في واحدة من ايام عرسي قدمتها لحدي الحافلة بتاعت علي كدايس منتظرا تديني ظرف يعيني في حياتي الزوجية إتصور عملت شنو ؟!

شالت مني ظرف ومعاهو فتيل ريحة رجالي

دكين ..

Quote: باين عوضية كوجيم مستواها نزل خالص ..

المهم هي طالعة في الكفر .. بعد داك ما هاميهاالنزول او التاهيل ..

أما كلمات الاغنية وشرحها وتفسيرها ..

فدا حا اجيهو بعد شوية .. حسب رواية وتفسير وشرح فردتي الصاقعة علي كدايس !!


شدو حيلكم وما في زول يتشنج لحدي ما اجي !!

العوض كيفك ..

Quote: امبارح العصر ؟

ايوة ..

حوالي تسعة ونص صباحاً كدة ً!!

أسمع ..

كويس لميت فيك هنا ..

شايفك فاتح ليك بوست امبارح بتتكلم بي إسم بورداب الخرطوم !!

الفوضك تتكلم بي إسمنا منو يا أبو الشباب !!

غايتو إنت وتراجي وعوضية كوجيم حا تضيعونا معاكم ، إشتروها وادونا حقنا نطش نخليها ليكم !!

أوعك تعمل كدة تاني !!

مبروك للعزيزة ام ضراع













إن شاء الله يكون فيها جلد بالسوط

اخي ناذر سلام

Quote: أسمع .. كويس لميت فيك هنا .. شايفك فاتح ليك بوست امبارح بتتكلم بي إسم بورداب الخرطوم !!

Quote: الفوضك تتكلم بي إسمنا منو يا أبو الشباب !!

الفوضوني كتااااااااااااار
بس انت بتكون امس نمت بدري
بس ماتنسي الغطا

Quote: غايتو إنت وتراجي وعوضية كوجيم حا تضيعونا معاكم ، إشتروها وادونا حقنا نطش نخليها ليكم !!

ناذر انت شاعر وكلك احساس
حرام عليك تجمعني كده
كدي فرز الكيمان وقول كل زول بجازو
ولا انت ملتي بترول ؟

كامل تضامني مع الدكتورة تراجي مصطفى لرد حقوقها كاملة من المطربة عوضية كوجيم:
يا ناذر أنا سامع كلمة (خصيصة) و(القطر فاتك)، الزول دي قاصدة تراجي ولا صاحبتها؟؟



______
ياخ مشتاقين كمية، إن شاء الله بقيتو تلاتة

حيدر حسن ..

Quote: مبروك لام للعزيزة ام ضراع الله يكون فيها جلد بالسوط

الشغلة هنا مفاريك سااااااااكت !!

العوض ....

Quote: الفوضوني كتااااااااااااار بس انت بتكون امس نمت بدري

كنت تلحقني ليها بلوتوس !!!

ياناذر يا ظريف
لكن عوضية كارضقل دي ما بتاعت قعدات ناس كبار وكده








صنفرة: قلت لي بتشطب ليها في برج اريتو حال حسين ملاسي

تقول كلمات الاغنية الكوجيمية التراجيدية :

يا خاينة يا خاينة .. يا الإنسان رخيصة الخيانة ظاهرة وباينة
يا غتيتة .


بتشربو بي جبناتكم بتحلو بي قعداتكم
ياناس مالكم ومالي بي ريدتي بفداكم .


بتشربو بي جبناتكم بتحلو بي قعداتكم
ناس الدنيا عاذراكم يا الفشلتو في حياتكم

يا الكلمتي صحباتك يا الوريتي جاراتك
ما خلاص كدة كفاية كبرتي القطر فاتك


عرست انا عشت حرة لا ضريت لا مضرة
لا ضريت لا مضرة العقد قساوتو مرة..

(وين الصفقة) ؟؟!!!

صلح أنا ما بصالح لو أشرب ملح مالح
لو أشرب ملح مالح الخوة خوة مصالح

ناس العرضة وروها دي الما واعية بي روحا
العباسية وعوها دي الماواعية بي روحا
شحرورة تقيف قصادي لا إتخلقت ولا ولدوها

صنفرة :

وسنأتي للشرح والتفكيك والتفسير بعد قليل تبعاً لرواية علي كدايس والذي كان شاهداً نصيحاً لجميع المراحل التي مرت بها الاغنية، من مخاضا العسير بالدلوكة في البرج داك لحدي ما جات ونزلت وإكتسحت السوق ..!!

قرقرقرقرقررررررر
عوضية كوجيم طلعت بت بلد اصيلة
وعلي ام فسوة رد حقوقها الادبية

__________
ناذر ...
عوضية كوجيم تستحق الدعم
ما تقصروا معاها .. انشاءلله ..بلدي,,

حبيبنا ياسر طيفور ..

والله شرفت البورد والبوست والابراج والبوستات المجاورة ..

إنشالله النفسيات عالية مع الجية دي ؟!!

شركت ليك بي شريط كامل لي سيف الجامعة .. معقول تجي بعديهو .؟!

Quote: كامل تضامني مع الدكتورة تراجي مصطفى لرد حقوقها كاملة من المطربة عوضية كوجيم:

وانا كامل تضامني مع الشعب السوداني لرد حقوقه كاملة من تراجي وكوجيم

Quote: يا ناذر أنا سامع كلمة (خصيصة) و(القطر فاتك)، الزول دي قاصدة تراجي ولا صاحبتها؟؟

دا حا نجي ليهو في اللائحة التفسيرية بتاعت الاغنية الحا انزلا بعد شوية !!

ناذر
شكيتك علي الله يا مقطوع الطاري

نقابي عجوز ..

Quote: لكن عوضية كارضقل دي ما بتاعت قعدات ناس كبار وكده

يعني تراجي هي الشافعة وريالتا سايلة ؟!!

Quote: صنفرة: قلت لي بتشطب ليها في برج اريتو حال حسين ملاسي

هسي بيجيك هنا بيوريك ليو

نجي لي تفسير كلمات الاغنية يا اخوانا ..!

الكوبليه الاول :

Quote: يا خاينة يا خاينة .. يا الإنسان رخيصة الخيانة ظاهرة وباينة يا غتيتة .

رغم إنو عوضية كوجيم الشعب السوداني ما فوضا عشان ترد على تراجي زي ما ما فوض تراجي عشان تتكلم بي إسمو في موضوع الصداقة داك :

لكن كوجيم وبي إنتهازية وتسلقية ولبلابية ليست بمستغرب منها تنتزع التفويض من الشعب السوداني إنتزاعاً (راجل لي راجل كدة) وتعبي التفويض بي كلمات الخيانةوالخساسة والغتاتة وتفكو في تراجي مصطفى القاعدة قدام الشاشة والمكرفون ..

وما أظن محتاجين لي تفسير : ليه كوجيم رمت تراجي بالخسوسية والخيونية و الغتوتية !!

أيي .. موضوع الصداقة زااااااتو ..!!

عوضية كوجيم تقول :

Quote: بتشربو بي جبناتكم بتحلو بي قعداتكم ياناس مالكم ومالي بي ريدتي بفداكم .

وقصدها إنو ناس تراجي بيحكو ويتونسوا في الشعب السوداني الفضل في قعداتم وجبناتم لمن تكون مع الجماعة أصحابا النخرينم طوال ومعوجات ديلاك !!

أما البيت التاني دا :

Quote: ياناس مالكم ومالي بي ريدتي بفداكم .

فدا حنك من كوجيم ساي عشان تكتل قلب الشعب السوداني وما يسألا عشان إتكلمت وردت بي إسمو ..

قالت (قلبي بفداكم قالت) !! علي مييييييييييييييين يا عوضية !!

هلا يا ناذر
وانا مشكلتي ما مع عوضية كوجيم
انا قصتي في البداية حتكون مع (علي كدايس)
كدايس خشمو خفيف ياااخي وبتاع جلكسةعامل حافلتو الشينة العاملة زي محل تركيب عطور كده
عطورو بارن وفتحتو محل اتصالات....
البوديهو يكلمك شنووووووووو ذاااتو كدايس الفاره ده؟؟؟

كامل التضامن مع تراجي ضد اشاعات علي كدايس..

وبي نفس الحنك الفات كررت البيت زاتو بس غيرت في (نهد) البيت :

Quote: بتشربو بي جبناتكم بتحلو بي قعداتكم ناس الدنيا عاذراكم يا الفشلتو في حياتكم

وبترمي ناس تراجي بي انهم فشلو في حياتم عشان كدة دخلو يدينم في خشم بقرة ..
وطبعا قاصدة بقرة اليهود ..!!

أما (عاذراكم) فدا برضو حنك من عوضية ساي عشان يبقى ليها خط رجعة لو زنقوها في يوم من الايام !

على مييييييييييييييين يا كوجيم !!!

!!

Quote: يا الكلمتي صحباتك يا الوريتي جاراتك ما خلاص كدة كفاية كبرتي القطر فاتك

وطبعا المقصود بي هنا الدعوة لإنشاء الجمعية ..

والقصد تراجي دعت للإنضمام ناس أمونة وصحباتا !!

وهنا كوجيم قالت لي تراجي (كفاية الناس اللميتيهم ديل عشان قطرك قرب يصفر) !!

!!!

Quote: عرست انا عشت حرة لا ضريت لا مضرة لا ضريت لا مضرة العقد قساوتو مرة..

وهنا كوجيم بتفاخر بي نفسها .. زي عادة شعراء الجاهلية لمن يفتخروا بي نفسهم وأنسابهم في نص القصايد البينجروها في المناسبات ناس (أنا إبن جلا وطلاع الثنايا متى ما رفعت الكيبورد تعرفوني) !!

ودي عادة الشعراء الجاهليين زاتو خلوها اليومين دي .. بس كوجيم لقتا فرصة تتفلسف فةق راسنا وإنتهزتا بي جدارة !!

اين المحتفى به


ابومصطفى

!!!!

Quote: صلح أنا ما بصالح لو أشرب ملح مالح لو أشرب ملح مالح الخوة خوة مصالح

وكوجيم هنا تسجل موقف لن ينساه لها التاريخ ولن يغفره لها معجبيها في الديوم لانها ما شاورتم !!

لاءات الخرطوم نفسها والتاريخ عادوا في البيت الشعري دا ... كوجيم ترفض الصلح مع اليهود حتى لو إضطرت لتجرع موية الملح !! لأنو في رايا غنو خوة تراجي مع اليهود خوة مصالح بس ..(مصالح من جهة واحدة لي تراجي طبعاً) !!

!!!

Quote: ناس العرضة وروها دي الما واعية بي روحا العباسية وعوها دي الماواعية بي روحا

وتفاخر كوجيم بي ناس العباسية والعرضة ودي الاحياء الإتهرسوا فيها الجماعة الجايين من طرف أصحاب تراجي ديلاك !!

العزيز ناذر



انتا عارف السوق ملاااان قصدى زحمة ولامى ناس كتيرة

وانا ما قادر اتفرج

مافى طريقة نشوف الغنية لاااااايف ؟


هشام

!!!!

Quote: (وين الصفقة) ؟؟!!!

المقصود بها (وا معتصماه) !!
ودي بالشفرة عشان الداقسين ما يفهموها !!

أحمد غبد الله ..

سلامات يا ود البلد ..

Quote: ناذر ... عوضية كوجيم تستحق الدعم

واول دعم ليها إنشاء الله تثنيتا من طرفكم للإنضمام للمنبر ..

طارق جبريل ..

Quote: ناذر شكيتك علي الله يا مقطوع الطاري

عملت شنو أنا هسي

ناذر

إزيك

أها مالك تاني على تراجي؟؟؟؟

"قام تاني جاب سيرة البحر"


كدي دقيقة تخريمة

إنت قصة الموسيقى العجيبة دي شنو؟؟ محل ما أمشي لي حفلة بي غناية أسمع نفس العزف التقول عازف الأورغن واحد...

برضها دي من سمات "المحاكاة" الماشة في السودان و لا شنو؟؟؟

غايتو لكن كوجيم دي ، يكوجمها حرامي إن شاء الله ""دحين صوتها دة ما زي صوت الغناية هدي (بالفتحة في الهاء و الدال)؟؟؟ و لا إسم على إسم؟؟؟

كيكي سلام ..

Quote: وانا مشكلتي ما مع عوضية كوجيم انا قصتي في البداية حتكون مع (علي كدايس) كدايس خشمو خفيف ياااخي وبتاع جلكسةعامل حافلتو الشينة العاملة زي محل تركيب عطور كده عطورو بارن وفتحتو محل اتصالات.... البوديهو يكلمك شنووووووووو ذاااتو كدايس الفاره ده؟؟؟

علي كدايس زولي وانا ما برضى فيهو بللاي !!
ما عندو هم في الدنيا دي غير يغسل حافلتو مرتين في اليوم ويعطرا ويكندشا ويكشبا وكل إسبوع والتاني يغير في السماعات لزوم الضخ !!
يصل الحفلة ما بيسأل زول ولا في زول بيسألو .. عندو نص بيجيبو معاهو من ميري بتاعت المنطقة الصناعية .. تبدا الحفلة بيقعد يرتشف في كاسو بي مزاج وبي مساعدة سجارة برنجية .. جابو ليهو عشا .. حااامد وشاكر ، ما جابوهو ليهو ، بعد ما يوصل الفنانة أو الفنان بيتم بيمشي باشدار لي عوض بتاع الشية .. يضرب طلب شية وطلب كبدة ويتونس مع الشباب لحدي إتنين صباحا ويرجع .!!

أموت ركن يا ..!!

أبو مصطفى ..

Quote: اين المحتفى به ابومصطفى

المحتفى به يدخل في مقولة (وعلى مستمعينا في كندا مراعاة فروق الوقت) ..!

هشام امين ..

Quote: وانا ما قادر اتفرج مافى طريقة نشوف الغنية لاااااايف ؟

للأسف ما في طريقة ..

عشان الموضوع دايرين نلمو في حتة واحدة وكدة

Quote: بتشربو بي جبناتكم بتحلو بي قعداتكم ياناس مالكم ومالي بي ريدتي بفداكم .

الله ينعل شياطينك ياناذر.

السماعات الليله ماعارفن مالن
مخستكات اضطريت ارجع الغنيه 3
مرات عشان اسمع كلمة( قعداتكم)
كويس ،لأني سمعت حاجه تانيه خالص
ووسخه خالص..استغفرتك يامالك
روحي.ده شنو ده ياربي؟

وجع وجع .. ( نازر ) رجع ..

..
..

ارح

//
\\
//
\\
//
\\
//

//\\//\\//\\


..
..

عوضية ما بالغت لكن ..!!

سلام يا نوسة ..

Quote: ناذر إزيك أها مالك تاني على تراجي؟؟؟؟ "قام تاني جاب سيرة البحر"

ناقل الكفر ليس بكافر ..

لو عندك حاجة قوليها لي كوجيم أنا ما ذنبي

تعرفي يا نوسة ..

Quote: كدي دقيقة تخريمة إنت قصة الموسيقى العجيبة دي شنو؟؟ محل ما أمشي لي حفلة بي غناية أسمع نفس العزف التقول عازف الأورغن واحد... برضها دي من سمات "المحاكاة" الماشة في السودان و لا شنو؟؟؟

مبرمجين الأورغنات ..

مشهورين منهم خمسة ولا ستة .. والباقين بيستنسخوا الصولات والغيقاعات منهم ..
عشان كدة الشغلة بقت زي المسسلسل الكوري المدبلج البيجيبوهو في قناة MBC الأيامات دي ..

Quote: غايتو لكن كوجيم دي ، يكوجمها حرامي إن شاء الله ""دحين صوتها دة ما زي صوت الغناية هدي (بالفتحة في الهاء و الدال)؟؟؟ و لا إسم على إسم؟؟؟

يكون إسمها هدى لكن بيدلعوها يقولو ليها عوضية كوجيم

الاستاذ الفنان ناذر الخليفه


تحيه واحترام


هذه هي مداخلتي الاولي لي معك وانا من حديثي التسجيل بالمنبر.

ولكن من المتابعين لكتابتك الجميله والبوستتات الفنيه الجميله والتي تناسبك كفنان محترم .


حقيقتا بغض النظر عن الذي بينك والمعنيه هنا.


هذا البوست لايناسبك كفنان محترم ونحن نتظر منك الاجمل .

انا هنا ليست مدافع عن احد , والشخص المعني بمقدوره ان يدافع عن نفسه .


حبيننا الفنان المحترم كل العالم يحبو لتطبيع علاقته مع هذا البعبع المخيف اسرايئل .

فكل انسان له حرية الراي والتعبير عنها بقليل من الانسانيه ايها الفنان المحترم.

الا غنية قد تكون جميله وتعبر عن نفسها ولا لكن ليست في هذه المناسبه .

عفوا الفنان الحبيب ناذر اذا كنت قد تتطرفت معك قليلا خاصة وهي المداخله الاولي لي معك

ولكن هذا لتقديري لك كفنان وفنان محترم

وعلي امل ان نري منك الجميل ايها المبدع


لك ودي وتقديري

Quote: وتفاخر كوجيم بي ناس العباسية والعرضة ودي الاحياء الإتهرسوا فيها الجماعة الجايين من طرف أصحاب تراجي ديلاك !!

هو لكن مااااا هرس










كيفك يا ناذر تحياتنا ما وصلتك مع ناجي..

Quote: والغيقاعات

يا عمكــ

ركز

إيقاعات
ولا
بتاعات


عشان ما يتلخبت علينا الاختساس

انا اعتقد انو عوضية كوجيم دى مره خوافه وجبانه

هى اكان شجاعه صحى ما كان تقول ليها

ايها العجوز الشمطاء اليكى منى هذة الكلمات نيابة عن الشعب السودانى الجسور

كان حينها تراجى عرفت حاجه ( على حد قول اصحابها)

ممكن ( اضيف ) ..
اقترح انه الاغنية دي تبقى النشيد الرسمي للـ( جلابة ) ..

..
..

و يا خاينة يا خاينة ..
قلبا يمين ..
قلبا شمال ..
قلبا قلبا قلبا قلبا ..

..
..

نازر
حقوق الاغنيه محفوظه لى منو
انت ولا كوجىم ولا كدايس
عبق التحايا

الاخ العزيز ناذر


تطبعوا الكروت
وتدقوا الصيوان
والعشاء
والحفلة
وانا جيت متأخر
بس ماشفت العروس

الاخ ناذر
سلامات .. اتمناك بخير

بالرغم من اختلافى مع معظم ما تكتبه تراجى هنا .. التصرفات الكثيره المزعجه والمضره .. الا اننى لا ارى تلك الصفات التى زكرتها المغنية عوضيه فى غنيوتها .. تراجى بت سودانية عادية جدا .. تحب هذا الوطن الجميل الذى نتشارك فى حبه جميعا ونتمناه افضل .. لنا ان نختلف معها باسلوبها او اسلوب ابشع .. هذا يرجع لمن يريد ان يختلف معها .. لكن ان تصل لدرجة اتهامها بالخيانه اعتقد ان هذا كثير جدا.. لا اظن ان امثال تراجى يمكن ان يخونوا .. وان كانت تراجى خائنه لما كانت عضوء فى سودانيزاونلاين .. عن فكرتها وجمعية الصداقه اياها الخاطئه المبنية على اساس عاطفى .. هى فكره عيانه ..ببساطه شديده جدا من الصعب اقامة اى علاقات مع ظلمه وقتله .. فاذا كانت المطربه عوضيه حقيقه نجرت هذه الاغنية لتراجى تكون فقط ظلمتها ..





شكرا ناذر على تعريفنا بعوضيه
وتحياتى لعلى كدايس ..
الريح كودى ...

الأحمر صلاح ..

Quote: الله ينعل شياطينك ياناذر. السماعات الليله ماعارفن مالن مخستكات اضطريت ارجع الغنيه 3 مرات عشان اسمع كلمة( قعداتكم) كويس ،لأني سمعت حاجه تانيه خالص ووسخه خالص..استغفرتك يامالك روحي.ده شنو ده ياربي؟

أي زول بيسمع حسب نيتو
ما ترمي السبب في السماعات .

حميدة ..

Quote: وجع وجع .. ( نازر ) رجع ..

رجعت من وين ؟ّّ وكنت وين أنا ؟!! ما تراني قااااااااعد !!

صنفرة :

شغلة الماسنجرات دي ما تخلوها شوية وتركزوا معانا الله يهدينا ويهديكم

اسامة خليفة ..

Quote: هذه هي مداخلتي الاولي لي معك وانا من حديثي التسجيل بالمنبر.

والجديد شديد زي ما بيقولو !!

Quote: تحيه واحترام

Quote: والتي تناسبك كفنان محترم .

Quote: هذا البوست لايناسبك كفنان محترم

Quote: حبيننا الفنان المحترم

Quote: من الانسانيه ايها الفنان المحترم

Quote: لك كفنان وفنان محترم

شكرا (للإحترامات) أيها المبجل ..!!

أهدي لك أغنية (أنا في شخصك (بحترم) أشخاص) !!

والتي تغنيها وتكوجمها (المحترمة) عوضية كوجيم ؟!

(WITH MY (RESPECT

THANX A LOT

هضيبي ...

Quote: كيفك يا ناذر تحياتنا ما وصلتك مع ناجي..

ناجي منو فيهم .!!

عندي منهم كتير

محمد الصائم ..

Quote: يا عمكــ ركز إيقاعات ولا بتاعات عشان ما يتلخبت علينا الاختساس

بتاعات الإيقاعات

معتز ..

Quote: هى اكان شجاعه صحى ما كان تقول ليها ايها العجوز الشمطاء اليكى منى هذة الكلمات نيابة عن الشعب السودانى الجسور

هي فنانة وعندها ألياتا وأدواتا يا مان !!
ما عندها زي حزامك اللابسو دا

مجدي الماحي ..

Quote: نازر حقوق الاغنيه محفوظه لى منو انت ولا كوجىم ولا كدايس عبق التحايا

وقفاً على الجمعية الوليدة .!!

عبد العظيم ...

Quote: تطبعوا الكروت وتدقوا الصيوان والعشاء والحفلة وانا جيت متأخر بس ماشفت العروس

تعال بعد شهر العسل

سلام الريح كودي ..

Quote: الا اننى لا ارى تلك الصفات التى زكرتها المغنية عوضيه فى غنيوتها ..

كوجيم دي جائز تكون كترت البهارات شوية في الغنية لزوم إنتزاع التفويض وكدة ..!!

Quote: لنا ان نختلف معها باسلوبها او اسلوب ابشع ..

عوضية كوجيم مشهورة برد الصاع صاعين .. عشان كدة بتفضل اللجوء للأبشع !!

Quote: وان كانت تراجى خائنه لما كانت عضوء فى سودانيزاونلاين

الضحك كتلني يا الريح

سودانيز اون لاين هو مفرخ الخيانة زااااااااااتو !!
ما تشوف كمية أبطال الدجتال والعاملين فيها أبطال (ما دجتال) ديل !!

Quote: فاذا كانت المطربه عوضيه حقيقه نجرت هذه الاغنية لتراجى تكون فقط ظلمتها ..

وأرجو ألا تظلمواأنتم عوضية كوجيم !!

Quote: شكرا ناذر على تعريفنا بعوضيه وتحياتى لعلى كدايس ..

واجبي والله يا الريح ..

تسلم ..

ناذر إزييك ....

الغنية ما عندي بيها قضية ......لأنو تراجي مهما كان أُختنا حتى (لا قدر الله) لو غلطت في حقنا ..... وده كلو بسبب السياسة ... ومصير الناس حا تتلم ...عاجلاً أم آجلاً ...لأنو السودان ممكن يشيل الكل ....


المهم يا ود حلتي ...

أنا الزمن ده كلو كنت مفتكر عوضية دي اسمها عوضية كوجين الليلة بس عرفت إنو بدل النون في ميم ف ...سبحان الله....

وبعدين هنا ده كدي اقيف دقيقة :-

Quote: ميري بتاعت المنطقة الصناعية

أوع تكون دي ميري بتاعتنا بتاعت زماااان ..... غايتو لو هي .... معناتا البلد لسه بي خيرها ....

.... اها سلمت لي على ناصر ولا لسه ول في طريقة ...إيميل ... تلفون ... أي حاجة تخلينا نصلو ...

وسلم لي على الفرزدق ود الجوك .... بالمناسبة : هو موش صاحب علي كدايس ولا أنا غلطان .....

اسامة الباز...

أسامة ..

Quote: أوع تكون دي ميري بتاعتنا بتاعت زماااان ..... غايتو لو هي .... معناتا البلد لسه بي خيرها ....

صدق البلد لسع بي خيرا

Quote: وسلم لي على الفرزدق ود الجوك .... بالمناسبة : هو موش صاحب علي كدايس ولا أنا غلطان .....

اول أمبارح قابلت فرذدق في الحلة ووصلت ليو تحياتك .!! إتخلع قال لي قابلتو وين الزول دا ؟!! قلت ليو أرض الله واااااسعة لكن برضو ضيقة

بيسلم عليك شديد الزول دا ..

على كدايس يا هو صحبو زااااتو بس فارقو لأنو فرذدق ضربو كم موزة في كم حفلة

ناذر إزييك تاني ...

Quote: على كدايس يا هو صحبو زااااتو بس فارقو لأنو فرذدق ضربو كم موزة في كم حفلة

هو لي اسي ما بطّل حركاتو دي .....؟؟؟؟ زمان كان بحنكنا بي حق ( الساوند) ولا حق ( العازف) ويمشي - يتفشخر- بي الباقي ...

و قلتا لي البلد لسه بي خيرا ..... الله يطراك بالخير يا إنجلينا .....

سلامي للخرطوم 3 كلها فرداً فرداً وشارعاً شارعاً ... ولستكاً لستكاً وأبعد من العواميد......

يا حليلك يا بقالة زيتونة ودكان سعدية وعمك النعيم وعمك بحر وعم حسن يني و ........


الله يجازي الكان السبب يا ناذر ....
مودتي

اسامة

أسامة ..

Quote: هو لي اسي ما بطّل حركاتو دي .....؟؟؟؟ زمان كان بحنكنا بي حق ( الساوند) ولا حق ( العازف) ويمشي - يتفشخر- بي الباقي ...

مما فارق مجاهد حامد موضوعو باظ

ناذر سلام

قلبت الهوبة فى البوست دا

Quote: مما فارق مجاهد حامد موضوعو باظ

نتخابث ليك شوية .....


هو البفارق مجاهد ده موضوعو ببوظ ......

ولا يعني عشان مجاهد ده كان فردتي .....

غايتو

قصّة ... ودايرة حصّة.....

ناذر :
عوضية هينة بتجازف تتخارج من ناس الضرائب مادام
الشغلة ورت معاها


لكن بس بالغت :
قول لي في شنو ؟؟؟

أيوا أقول ليك:

هسع ميري دي بتربي ليها في أيتام
أبوهم مات في حرب الجنوب
تجي تجيب ليها الهوا
في محلها
بعد شوية تلقىزول كلمهم
ويقول ليهم :
وحاة الله ميري جابو سيرتها
وسيرة ( شرباتها)
في الانترنت
أها يا ناذر
ياخ
بكدا كمان بتكون عوقت ناس كتار
بعد ما تمغرب يهجو وين
ومن وين يجيبو فزع
طرمبة وانضربت

ضحكت لمان دمعت
بهاء

الفنان المبجل ناذر ود اخوي


ود اخوي دي طبعا لانو انت جدك الخليفه وانا ابوي.


عند فتحي لبوست الفنانه عوضيه هنالك احد الجالسين سمع الاغنيه قبل ان اخفض الصوت فسالني اذا كانت لدي اغنية ست الودع اما لا


سالني بسخريه ما ادري لماذا ؟ فلم اجبه , علي امل ان ترد عليه


اشكرك ايها المحترم لا هدائ اغنية انا في شخصك احترم اشخاص اذا كانت فعلا هذه العوضيه تسيطيع ادائها.


وما زلت اكرر في انتظار الاجمل .




بس المره دي اهدي لينا من وردي وكده

كل الود لك وللفنان محمد وردي

!!!

Quote: شحرورة تقيف قصادي لا إتخلقت ولا ولدوها

وهنا تفاخر كوجيم بقوة حتجرتها ونفوذها وتتحدى ترجي وتقول لم تلد بعد (الشحرورة) التي تتحداني ولم تخلق بعد ، وكلنا في الحديث بإسم الشعب السوداني في الهم غربُ ..

صنفرة :

أهو قدامك إتولدت وإتخلقت يا كوجيم .. شدي حيلك وشدي وأركبي !!

Quote: أهو قدامك إتولدت وإتخلقت يا كوجيم .. شدي حيلك وشدي وأركبي !!

إنت عوضية من جماعة تراجي ديلاكـ ولا ايه









_
نسأل الله السلامة

عبد العظيم ..

Quote: ناذر سلام قلبت الهوبة فى البوست دا

من طرف الدولاب وكدة

بهاء ..

Quote: هسع ميري دي بتربي ليها في أيتام أبوهم مات في حرب الجنوب تجي تجيب ليها الهوا في محلها بعد شوية تلقىزول كلمهم ويقول ليهم : وحاة الله ميري جابو سيرتها وسيرة ( شرباتها) في الانترنت

ميري بتربي في أيتاما من أحنا شفع صغار .. يعني هسي قطع شك يكونو كبرو وهسي هم البيربو فيها

Quote: بكدا كمان بتكون عوقت ناس كتار بعد ما تمغرب يهجو وين ومن وين يجيبو فزع طرمبة وانضربت

أساسا مضروبة من زمان
علا ميري حريفة وما بتديهم فرصة

وبعد المغرب في بدائل كتيرة ..

الشي المحيرني !!!!!!!!!!!!!!!!

لحدي هسي ما في واحد قال داير رابط الحفظ !!!

Quote: الشي المحيرني !!!!!!!!!!!!!!!! لحدي هسي ما في واحد قال داير رابط الحفظ !!!

ناذر

انا من اول يوم نزلت الرابط وحفظت بوسائلنا المتطورة
فى الحفظ والصون
وح نوزع

ياناذورى عليك الله رسل لى رابط الحفظ

نازر.

هل هذا يعني أن من حق الاخت تراجي أن تقوم بتأليف قصة مثل قصتك أعلاه وأن تنقل أغنية بهذا البورد تسئ اليك بأي شكل من الاشكال؟
وهل أنت بنقلك لهذا الاغاني الهابطة في البورد ونشرها هل أنت فعلا بتحارب في الاغاني الهابطة كما أدعيت من قبل؟
ونعيش ونشوف طفل الوهابية البقى يكشف ويجب جب لمثل هذا البوستات. أما بقية المطبلون، الفيكم أتعرفت.

بوست دمو خفيف

رغم حوجته لحذف بعض الكلمات التى لم يناسب تفصيلها تراجى

دينق ..

Quote: هل هذا يعني أن من حق الاخت تراجي أن تقوم بتأليف قصة مثل قصتك أعلاه

يا زول منو القال ليك أنا بألف ؟!!

معاك ناذر خليفة مش جوك بيونغ يانغ !!

ركز يا دينق ..!!

النورس الحزين ..

Quote: رغم حوجته لحذف بعض الكلمات التى لم يناسب تفصيلها تراجى

ملاحظة مهمة ..

ننقلها لعوضية عشان تعمل ليها حساب في الـ نيو فيرشن !!

........

!!!!!!!!

Quote: انا من اول يوم نزلت الرابط وحفظت بوسائلنا المتطورة

إنتو منو يا عبد العظيم

هههههههههههههههههههههههههههههههههههههههههه
بالعربـــــــــــــــــــــــــــــــــــى
hhhhhhhhhhhhhhhhhhhhhhhhhhhhhhhhhhhhhhhhhh
byenglish

والله يا ناذر هسع يجوك الجماعه(اللوبــــــــى)
وبعد داك يحلك الحلا(بله)

Quote: إنتو منو يا عبد العظيم

المعجبين

Quote: الفنانة عوضية كوجيم تغني لـ تراجي مصطفى