المصلعون والمصلعات في المنبر !!!!

إكتشفت (فجعة كدي) إنو منبرنا دا فيهو كميات غير عادية من (أبان صلعات) ناس كتيرين حايمين بي صلعم في المنبر دا والمنابر المجاورة وخاتين صورم في البروفايل !

وزي ما بيقول المثل (وراء كل رجل عظيم صلعة) !! فأنا افخر بهذه (الصلع) الموجودة بيننا وبكل تاكيد فإن اصحاب الصلع هؤلاء اشخاص ناجحون في حياتهم (الصلعية) ..

طبعا قد تستغربون لكلمة (المصلعات) !! لا لا ما تستغربوا لإنو برضو عندنا (عضوات) كرام في المنبر وبرضو عندهن صلعة وبعد دا خاتات صورن في البروفايل (إتخيلوا) !!

وفي محاولة مني لحصر صلاليع المنبر خرجت بالحصيلة التالية :

أولا ودون شك زعيم صلع وصلعات المنبر والمنابر المجاورة السيد بكري أبو بكر






والذي يمتلك صلعة تقنية هائلة أهلته لإنشاء هذا الموقع الإلكتروني حتى يمرح فيه ويسرح بقية المصلعين والمصلعات !!!!

عريس المنبر الشقيق سيف مساعد ..





بس أناما عارفو عرس لييه بعد ما وشو بقى يبدأ من نص راسو !!

ناصر محمد خليل ..





تعرف يا ناصر .. إنت لحدي هسي شعرك كويس زي ما انا شايف لكن تقعد تحك فيهو بالطريقة دي لإسبوعين تلاتة إلا تلحق بكري ابو بكر !!

بعدين يا خي حتى لو جاتك صلعة ما اظنك حا تكون عبقري ولا عالم .. عشان كدة احسن تنزل يدك من راسك وبالمرة زح التانية دي من خشمك !!!!

معتصم الطاهر ...





شايفك داسيها كويس لكن نصيحتي ليك ألحق نفسك خلال الشهرين الجايات ديل !!
ألحق نفسك أحسن من تلحق أمات طه !!

يا زول هوي......بكري دا صاحبي....دي ما صلعة ..دي باروكة

سنة يا الكنغولي!

ناذر مشتاقين

الطاقية دي وجاهة ولا راقدة فوق رأي




---

مرة كاب و مرة قبعة تخرج والفنانة غنت اريتو اب صلعة طاير!

الاستاذ الفنان عصام عبد الحفيظ




لا شك ان صلعتك المصقولة هذه هي منبع الفن الذي تسكبه لإمتاعنا !!

(دي الصلعة ولا بلاش .. مش زي صلعة ناس قريعتي راحت) !!

Very funny & interesting
however it is not applicable to me

سجيمان ...

Quote: يا زول هوي......بكري دا صاحبي....دي ما صلعة ..دي باروكة

تعرف يا سجيمان .. حظك إنو ما شاء الله شعرك التقول زارعو براك .. حتة صليعة صغنتوتة ما عندك .. طيب وكت بكري دا صحبك ما تديهو معاك مما اعطاك الله

تعرف يا سعد الدين ..

Quote: الطاقية دي وجاهة ولا راقدة فوق رأي

أنا عارفك حايم بي صورة مالكولم اكس والعاجبك فيهو شنو !!

مالكولم اكس بيتميز بي شعر كثيف وغزير !! ما تقول لي خاتيهو عشان هو من دعاة التحرر ولا دعاة البطيخ الحنك دا ما بيمشي فيني !!

طيب ما تخت صورة المهاتما غاندي ما برضو من دعاة التحرر !!!

ولا اقول ليك خلاص خت صورة الحكم الإيطالي كولينا !!

لووووول
المهاتما و كولينا
اكوي راسك ده وتبردوا ليك بقرة لسانا Coldair قول آميين هههه
خليك من X ..انتا زاااتك ما اديتنا معاك فرصة يا ابو النيذ
..صورتي الوحيدة في الجهاز هنا حقت التخرج..اختها عشان يقولو
دا اخو ناذر و يشبكونا جينات و ووراثة و ما ادراك..
وبعدين صورتك اللبستها باروكة من photoshop ديك مشت وين
ما تكون لحقت فيها مايكل جاكسون بس


الله يجازي محنك

كيفك يا فيصل ..

Quote: Very funny & interesting however it is not applicable to me

والله ابلكابل ولا ما أبلكابل دي ما بتحددا إنت !!
على الاقل خت لينا صورتك .. أمكن فيها جلحات كبيرة وانت ما جايب خبر

الأستاذ محمد الامين موسى ..






ورغم هذه الصلعة العلمية القديرة التي تصلح لمختلف المهام الفكرية ، إلا انها لم تسعفه وتسعفنا بإيجاد حل لمشكلة اليخت المغروز في الرمال

ولا زلنا في إنتظار صلعة اخرى لمدنا بالحل

عثمان محمد صالح ..





رغم ان لك من الزوائب الشعرية ما يغطي صلعتك الفسفورية إلا انني اشفق عليك من يوم (تتمعط) فيه هذه الزوائب وتصبح صلعتك في مهب الريح ..

اجمل اغنية تصلح لهذا البوست
هي التي يقول فيها الفنان : بجلحاتنا بصلعاتنا بنضوي الزمان

أحمد الشايقي





الثاني من اليمين ...

يريد بوقوفه بقرب الاصلع الاكبر بكري أبو بكر أن يوصل رسالة لا اعرف فحواها ولكن الفارق بين الصلعتين وإختلاف الحجم ايضا يدل عاى ان الرسالة لم تصل !!

اما بلدي يا حبوب فلم يجد أفضل من صورة هذا الطفل الاصلع المسطول ليضعها في بروفايله !!



ولعله التصالح مع النفس ومع صلعته التي طبعت على رأسه !!

ناذر :




لابد ان نستعير بعض ضحكاتك ... بوست لطيف والله

* طيب انت كدة مالقيت حل ناجع لمشكلة اليخت الوحلان وطلعت فكرة
جميلة من( بنات صلعاتك ) ... نعمل جمعون لكل الصلع في المنبر
ونعمل منها مزلقان لليخت لحدي النيل بدل المزلقان الاسمنتي المكلف ...

انت عارف انا مولود في منطقة غرب شندي اسمها (الصلوعاب ) في محافظة المتمة
و الاسم نسبة الى جدنا(محمود صلوع ) .... يبقى انت و الجماعة المعاك ديل
من اهلنا ... فانتم( صلوعاب سودانيز اون لاين )..

مـــــــــوس :

انت قلت لي اليخت الرئاسي تكلفته كم من (ابو صلعة )

!!!!!!!!!!!!!!

Quote: اجمل اغنية تصلح لهذا البوست هي التي يقول فيها الفنان : بجلحاتنا بصلعاتنا بنضوي الزمان

والله دي بالغت فيها عديل ...

لكن انا رايي أحسن غنية هي (يا أبو شعور رقيقة تسمح لي دقيقة)

الاستاذ شمس الدين السنوسي





ولعل ما في تحت صلعته يحمل لنا حلا لاهلنا في جبال النوبة وإقليم دارفور !

أخونا ناذر سلامات


باخي هسة محمد الامبن موسي وعثمان محمد صالح ديل عندهم صلع

والله انت ما شفت حاجة ساكت .... الحمد لله ما ختينا الصورة .

لكن علي العموم البقاء للاصلع....

صديقنا جمال حسن سعيد أسس اتحاد أسماه اتحاد اصحاب الصلع والجليحات الصغيرة

وبلا فخر انا اتمتع بعضويته.... واي واحد يحب ينتمي للاتحاد دة نحن جازين يكتب طلب

ويجيب تزكية من اتنين مصلعين صلعة واضحة مش مجهجهة .

معتز تروتسكي والبروف معز عمر بخيت ..





أب سن بيضحك على اب سنتين !!

عمر الفاروق وناجي الملك !!





يا ناجي أحسن ليك تحصل عمر الفاروق لإنو لو إتاخرت شوية ما حا يلقوا حتة يمسحوا ليك فيها الضريرة

العميد محمد حامد جمعة





صلعة امنية لا يشق لها غبار أو كتاحة ..

سفيان بشير نابري ..





الطاقية التي اشتهرت بإرتدائها في كل المحافل توحي بأن ما وراء الاكمة ما وراءها !!

ناذر سلام
انا طبعا برلوم صلع لكن انشا الله لما ابقى كبير تكون صلعتى كبرت وانزله براها فى بوست لكن عزاى الوحيد انه صلعت بعد اتزوجت وولدى طلع ما عندو صلعه لكن المشكلة فى الناس العندهم صلع ويادوب عايزين يعرسو ديل والله لو جابو بنات وجبدوهن بالصلع دى مشكلة كبيره

!!!!!!!!!!!!!!!

Quote: * طيب انت كدة مالقيت حل ناجع لمشكلة اليخت الوحلان وطلعت فكرة جميلة من( بنات صلعاتك ) ... نعمل جمعون لكل الصلع في المنبر ونعمل منها مزلقان لليخت لحدي النيل بدل المزلقان الاسمنتي المكلف ... انت عارف انا مولود في منطقة غرب شندي اسمها (الصلوعاب ) في محافظة المتمة و الاسم نسبة الى جدنا(محمود صلوع ) .... يبقى انت و الجماعة المعاك ديل من اهلنا ... فانتم( صلوعاب سودانيز اون لاين )..

والله يا جمال كل ما تتداخل معاي في بوست بتجيب لي القحة والازمة

قلت لي أهلك من الصلوعاب

عاين الصورة دي يا صلعابي انت



شعرك ما شاء الله يروح فيهو الشافع لكن الوقفك جم عادل فضل المولى الداسيها بالطاقية شنو

وبما انو صلعة محمد الامين ما ادتنما حل لليخت المغروز اقترح غنها تكون في مقدمة صلاليع المزلقان الأصلعي

Quote: لله يا جمال كل ما تتداخل معاي في بوست بتجيب لي القحة والازمة

انشاء الله دايما هاش وباش وضاحك ....

والله انا ذاتي الليلة ضحكت حتي( بانت جلـــحاتي ) ...

شايفك نصحت احد الاخوان بانو يلحق نفسو ويعرس قبل مايصلع ... يازول ماعندوا
مشكلة تب ده كان زمان البنات مابيعرسو العندو( صلعة ) لكن الان (وما تطمئن خالص)
بقى العندو صلعة هو المرغوب ....

زمان انا بعرف واحد (كوجاك ) معانا في الحلة يازول صلعتو لمن تضرب فيها الشمس
بتجهرك عديل كده مرة حبيت أهظر معاهو هديت ليهو( خلال ) ....
اها الزول ده شيلته
جاهزة ليها زمن وكان متعقد من صلعتو و الناس بيقولو ليه مافي بت بترضى بيك الا
تكون عندها صلعة زيك عشام كده قام اشترى (باروكة) في الشيلة للاحطياط للعروس
وهو كان بيحب واحدة شعرها طويل خالص وقالت ليهو انا مابعرسك الا صلعتك تقوم
ومن الزمن داك وهو لا خلى كريمات وحايم على زرايب البقر وماخلى بقرة الا ولحست
صلعتو ... وما خلى دكتور ولا عشاب ولا حتى فكي ... و الزمن و السنين ماشة و المشكلة
مافي ليها حل ...لمن البت عرسوها ... وصاحبنا اتصدم في صلعتو وفي النهاية فكر انو
يلبس (الباروكة) بتاعت الشيلة الزمأاااااااان ديك ويحل المشكلة ولمن فتح الشنطة
بتاعت الشيلة وطلع (الباروكه) لقاها(مشيبة) ولونها بقى ابيض

ناذر : عيناك عمدة وزعيم لعموم الصلـــــوعاب

كيفك يا عبد الرحمن ...

Quote: صديقنا جمال حسن سعيد أسس اتحاد أسماه اتحاد اصحاب الصلع والجليحات الصغيرة وبلا فخر انا اتمتع بعضويته.... واي واحد يحب ينتمي للاتحاد دة نحن جازين يكتب طلب ويجيب تزكية من اتنين مصلعين صلعة واضحة مش مجهجهة .

الغريبة انو جمال حسن سعيد عضو معانا في المنبر لكن ما خاتي صورتو ما عارف لييه !!

أما موضوع التزكية فانا فاشل فيهو فشل شديد لكن انا بوريك البيستحق العضوية من الما بيستحقها ..

يا اخوانا سمعتو النكتة بتاعت الزول الزعل من الببغاء بتاعو قام حلق ليهو صلعة وختاهو في راس البيت عشان يقول للضيوف (باب النسوان بي جاي) و (باب الرجال بي جاي) ولا ما سمعتوها

كيفك يا ود العجمي ..

Quote: ناذر سلام انا طبعا برلوم صلع لكن انشا الله لما ابقى كبير تكون صلعتى كبرت وانزله براها فى بوست لكن عزاى الوحيد انه صلعت بعد اتزوجت وولدى طلع ما عندو صلعه لكن المشكلة فى الناس العندهم صلع ويادوب عايزين يعرسو ديل والله لو جابو بنات وجبدوهن بالصلع دى مشكلة كبيره

يعني الواحد ما يتزوج عشان ما تجيهو صلعة ولا شنو !!
يا خي حرام عليك ما تخلع العرسان الجداد بتاعين المنبر

أما موضوع البنات المصلعات دا ..

حا انزل ليك بعد شوية نماذج منهم

لوووووووووووووووووووول


نااااااااااذر


هير قرو مفيد خالص


يا علب السجاير وياالفي الحفلة داير
حبيت اب خنافس إريت اب صلعة طاير


منتصر

ناذر كيفنك
عشان الحركات دي ختينا صورة البنية عشان ما تقولوا لينا انتو مسح الراس اترفع منكم في الوضوء

Quote: زمان انا بعرف واحد (كوجاك ) معانا في الحلة يازول صلعتو لمن تضرب فيها الشمس بتجهرك عديل كده مرة حبيت أهظر معاهو هديت ليهو( خلال ) .... اها الزول ده شيلته جاهزة ليها زمن وكان متعقد من صلعتو و الناس بيقولو ليه مافي بت بترضى بيك الا تكون عندها صلعة زيك عشام كده قام اشترى (باروكة) في الشيلة للاحطياط للعروس وهو كان بيحب واحدة شعرها طويل خالص وقالت ليهو انا مابعرسك الا صلعتك تقوم ومن الزمن داك وهو لا خلى كريمات وحايم على زرايب البقر وماخلى بقرة الا ولحست صلعتو ... وما خلى دكتور ولا عشاب ولا حتى فكي ... و الزمن و السنين ماشة و المشكلة مافي ليها حل ...لمن البت عرسوها ... وصاحبنا اتصدم في صلعتو وفي النهاية فكر انو يلبس (الباروكة) بتاعت الشيلة الزمأاااااااان ديك ويحل المشكلة ولمن فتح الشنطة بتاعت الشيلة وطلع (الباروكه) لقاها(مشيبة) ولونها بقى ابيض

#####

Quote: العميد محمد حامد جمعة صلعة امنية لا يشق لها غبار أو كتاحة ..

انت عارف صاحبك ده ادوه عميد ليه ؟؟؟؟؟ عشان حضر الى معسكر التدريب جاأأأأهز( صلعة
ونور ) ... و الوحيد الماكلف الحكومة حق الموس...
بعدين كان تخت تحت صورته (الله أكبر ) (شعارنا جهاد ..نصر ... شهادة) بدل ال

لانهم زمان منعو الصفقة وقالو اي زول تعجبو حاجة يكبر فقط ؟؟؟

عكـــشة :

سيادة العميد حيتولى القبض على بقية الصلوعاب و الصلوعابيات في المنبر

كيفك يا طارق ..

Quote: عشان الحركات دي ختينا صورة البنية عشان ما تقولوا لينا انتو مسح الراس اترفع منكم في الوضوء

لكن والله ظلمت بنيتك الحلوة دي (بجبادتك) ليها
مسح الراس فس الوضوء مرفوع من اغلبية أعضاء المنبر دا ما براك

جلح بي في البرهة القليلة
صلعني البدورو ما بين يوم وليلة

Quote: صلعم

مالكم؟؟

ا جنا
كيفنك وكيف خباراتك
عليك الله ما تختار الا اليوم الداير اخت فيهو صورتى
عقدتنى يا ناذر
وحرم مانى خاتى صورتى زى الكانك بدور تبورنى ولا كده
الله يقطع محنك ا جنا

خناس

هنا بنديكي عين و امكن (سلعة)
بس صلاحيتا فينيتو.

ما بتكلم رطانة ...قول بالعربى..

Didn't know where you got the quote from, but I can feel that you are disturbed
If it's for the reason that on my mind ..It's being resolved..

لووووووووووووووووووووووووووووووووول

ناذر .. انت كان نصيح سميني كوكو

شكيت محنك

جيت هسي من حفلة وما فهمت النظرية شنو !!!!

يا اخوانا دا بوسطيني ولا بوست (طين) واحد تاني !!!!

صنفرة:

إني أرى رؤوسا قد (أصلعت) وحان قطافها

!!!!!!!!!!!!!!!!!!!

Quote: يا اخوانا سمعتو النكتة بتاعت الزول الزعل من الببغاء بتاعو قام حلق ليهو صلعة وختاهو في راس البيت عشان يقول للضيوف (باب النسوان بي جاي) و (باب الرجال بي جاي) ولا ما سمعتوها

زول واحد رد على دي ما في !!!

صنفرة:

يعني سمعتوها ولا احكيها !!!!!!!!!!!!!

يا ناذر الشاكوش بحت الشعر
أي هل هنالك اثر للشاكوش علي الراس






نكتتك دي انا غايتو ما سمعتها ..

تهجيجة :

الحفلة كيف

ود زبيدة

الليييييييييييييلة

الكتاحة قامت ... أبعد من المصلعات ...

أنزل ليك صورتي .. ?

!!!!!!!!!!!

Quote: يا اخوانا سمعتو النكتة بتاعت الزول الزعل من الببغاء بتاعو قام حلق ليهو صلعة وختاهو في راس البيت عشان يقول للضيوف (باب النسوان بي جاي) و (باب الرجال بي جاي) ولا ما سمعتوها

يعني أحكيها ولا ما احكيها !!!

صنفرة :

ولا تحكوها إنتو عشان نخلص من الشغلانة دي !! عشان في صلع كتار داير اكوسم في البورد دا !!

الحلاوي او الهلاوي ..



صلعة مهذبة تنم عن شخصية مهذبة جدا ...

صنفرة :

بالمناسة يا جماعة .. أنا حا اواصل في هذا البوست (الاصلعي) حتى النهاية فلا يعشمن احدكم في التوقف !

شرفتي البوست يا تماضر ..

Quote: مالكم؟؟

مالنا هسي !!!!!

أنا بحاول احصر كمية الصلع الفي المنبر دا لإنو إكتشفت إنو في زيت شعر دنماركي بينشط بويصلات الشعر في السوق .. وقلت من هسي النشوف الصلع عشان لو في واحد من ديل شعرو قام يكون خالف الملة

صنفرة:

لكن شايفك ما شاء الله !!
ما تكوني قاعدة تستعملي حاجة ممنوعة لنمو بويصلاتك

ناذر
دبايوا

غايتو يا ناذر الشاف اسمك بالاسود ما كضب عليك الله ما تنسى ادينى مفتاح مكتبتك احطياطى كدا
الظروف مامعروفة.
وانت تعديت كل القوانين وموادها شيل شلتك وما تقطع الجوابات و اوع تنزل الكاب .

عماد عبد الله (أب شعرا مسبسب)

كنت نصيح وهسي ما نصيح لكن إنت سميني (بنجوس) !

عبد الغفار (أب علصة)

Quote: عليك الله ما تختار الا اليوم الداير اخت فيهو صورتى عقدتنى يا ناذر وحرم مانى خاتى صورتى زى الكانك بدور تبورنى ولا كده الله يقطع محنك ا جنا

وإنت من زماااان لمن كان شعرك إلا تلموا بي مخلاية ما ختيتو مالك !!!
الواحد فيكم لمن يحصل ليهو زحف صحراوي حتين يقوم يفكر في صورتو !!

صنفرة :

شوف ليك صورة قديمة او صورة بالادوب فوتو شوب وختها وإتوكل على الله !!

أحمد عبد الله ..

Quote: أنزل ليك صورتي .. ?

لا لا ما تنزلا .. ما ناقصين لينا زول مشعر هنا يزيد الوجع على الجماعة

صنفرة :

عندك وصفة للجماعة ديل للحفاظ على ما تبقى من (صلوعم) ولا ما عندك !!

كيفك يا ابو نصرة ..

Quote: الحفلة كيف ود زبيدة

والله الحفلة كانت زي الصلعة ..

ناشفة نشاف ولا في اي جنس لطيف عشان الواحد يتفرج عليو لدرجة اني كنت لمن اغني بقبل على الجهة التانية .. وخليك حريف

هاشم نوريت (الشرق اتى)

Quote: غايتو يا ناذر الشاف اسمك بالاسود ما كضب عليك الله ما تنسى ادينى مفتاح مكتبتك احطياطى كدا الظروف مامعروفة. وانت تعديت كل القوانين وموادها شيل شلتك وما تقطع الجوابات و اوع تنزل الكاب .

يا اخوي بلا اسود بلا بامبي معاك !!
أنا جبت حاجة من عندي !! ما تراها صوركم الحايمين بيها هنا !!

يعدين انا راجعت اللائحة كويس ما لقيت مادة بتقول (يمنع منعا باتا التعرض لـ صلع الاعضاء) أو التعرض لصلعة امين المنبر

red]]صنفرة :

بما انك من الشرق يا نوريت فأكيد شعرك (ما شاء الله) بيكفي كل الصلاليع القدامك دي إيه رايك تعمل لينا قسمة ثروة سريعة كدا عشان اسحب البوست !!

ياحكمه شنوه

محمد الامين ..

Quote: ياحكمه شنوه

طول بالك عامل شعرك العامل زي هبوت المنقد دا !!!

Quote: الثاني من اليمين ... يريد بوقوفه بقرب الاصلع الاكبر بكري أبو بكر أن يوصل رسالة لا اعرف فحواها ولكن الفارق بين الصلعتين وإختلاف الحجم ايضا يدل عاى ان الرسالة لم تصل !!

صديقي ناذر

والله ضحكتني بجــد

بوســت خفيف الظـل وعاجبني

انت كدا بتعمل لي دعاية مجانيـة

بس والله ابشـرك

الرسـائل لبكري ابو بكر كلها وصـلـت,

ومنها رسائل المحبـة , طبعاً,

عـشـان كدا بعد دا أنا (واسـطـة قوية)

ما تستهين بي,


لكن كان مواضيعي خستكت


بجي بأمر حجز على (الأتوز)

لك تحياتي,

ناذر
في صلعتك دي أقصـد ( ذمتك ) هسي في داعي للكلام ده ؟؟
بعديم تعال هنا
إنت عارف أقوى عُملة في العالم ( الدولار ) إسمو أبوصلعة ؟؟
وكل الفئات الدولارية بصلعة


مرة دريـد لحام سألوه من صلعتو رد عليهم :
ربنا سبحانه وتعالى لما خلق البشر
خلق كم راس كده كاملين
واللقاها ناقصة كلها تماها شعر

وصنفرة من الواقع
عليك الله شفت ليك حيوان مافيهو شعر ؟؟

والله ده كلو ماببرّد مغستي ياناذر
و
الصلــعة دي لله

العزيز احمد الشايقي ..

Quote: عـشـان كدا بعد دا أنا (واسـطـة قوية) ما تستهين بي,

يا زول واسطتك عشان تجينا صلعة دي ما عايزنها !!

صنفرة:

وزي ما قال المثل (الصلع على اشكالها تقع)

كيفك يا ثابت ولدنا ود الهند ..

Quote: وصنفرة من الواقع عليك الله شفت ليك حيوان مافيهو شعر ؟؟

عندي أخوي الكبير جاب ليهو ابو القدح عشان يلعب ولدو الصغير بيهو !! أها أنا كنت الكبير (العوقة) القدامك دا بلعب بي أبو القدح اكتر من ود اخوي وفي مرة من المرات قلت إتفحصو وقلبتو (قلبة وعدلة) لكن وحياتك ما لقيت فيهو ولا (شعراية) !!!

صنفرة :

أنا إستغربت من عدم الشعر !! لكن ود اخوي الصغير ما إستغرب !!!!

أبحث عن صور للأتية (صلعهم) :

1/ مولانا خدر !!!
2/ دكتور بلة موسى !!!
3/شاذلي جعفر !!!
4/ دافنشي !!

http://www.20six.co.uk/pub/Tariq/essam.jpg
عصام ع. حفيظ
http://www.20six.co.uk/pub/Tariq/4.JPG4.jpg4.jpg
مولانا خدر

احِم احِم احِم

من قبيل (دافنين دِقِن)

والبروفايل نضيف بدون صلعة أقصد بدون صورة

(تاريك كامِن لىَّ بى شيتاً كُتُر )

أُحييك أخى ناذر ايها الرائع ابداً ..اليانع فى كل المواسم

ولى قدَّام

ياناذر يبدو انو في مشكلة في اللنكـ اعلاه
لكن هاكـ دي صور عشان ماتقولوا نحن بنخاف
نحن والله ما بنخاف لو جابو الديش


مولاكم خدر

عصام ع.حفيظ

انور ع.الرحمن

ومنعمشوف

ناذر
لا ادري لماذا اقحمت صورة الزميلة نور تاور في البوست
حتي وان كانت هذه دعابة اتمني ان تحذفها
فليس معظم الناس علي علم بحجم زمالتكم او معرفتكم
وربما فُهم الامر علي نحو خاطي

انا لم استطع قراءه البوست كله
حسب طلبكـ في المسنجر
انزلت لك الصور و قبل ذهابي لاحظت صورة الزميلة

اعذرني
ونفذ لي رجائي ..

انا براااااااااااه

ناذر !!! فك النفس يااااااخ


الفرق بين الصلعة الظلامية و الصلعة التقدمية شنة؟؟؟


و


الجلحة بت منو؟؟؟





شمار:
انا منتظر صور المصلعات

اناكمان بره

ناذر سلامات

متابعك و الحمد لله ما جاتني صلعة

الرسالة دي وصلتني نصا و طلب نقلها هنا

Quote: خالص التحايا ناذر ورهنت فيكت ملامحى ياناذر ؛وشربت دمع الحزن من عينيك تلوينا لافاق الذهاب الى زمان حاضرك الوثير.. وشى من لاشى كفاية علو فى مسكـ اجد نصاح... اسمح لى ان اشاكس قليلا ..ببسمة صغيره فى وجه النيل ؛ لاتطفئ منابعة ؛ولاتزحزح شلالاته وولا تشتعل فى انفاسة حرارة الفيضان!! بسمة صغيرة غيرت انتهاء المنابع فى احضان المصب !! ارجو ان تعطو المناسبة وقفة تليق بقدسية (صلعهم) وان يشاركونا الاخرون فى حتمية السؤال المستتر كالشعر الذى يزين البعض والذين يتوارون خلف زجاج معتم خوفا على ماتبقى من بُصيلات على حافة الضياع فى حافة الزمن المفترض ؛ فعلاما هذا الرعب من تلكم المساحة الخاليه المتنامية بشُعيرات منتشره على السواعد والمخابئ ؛ الم تكن تلك الصلعه غفلة زمنية او صدفة عابرة فى ان تندفع القشعريره الدافئة اليك وحيث ويضرب الهؤاء العليل من اعالىالفوق تحت .. · اطالبك بصور الاعزاء فتش بتلقها حايمه هنا. (محسن خالد - عوض الفولانى – محمدين -على اسماعيل – محمد سيداحمد- عجب الفيا – حامد حجر – محمد ابو القاسم – صديق رحمه - جمال السنوسى – المهندس – والى الدين – صلاح الباشا- عصام دهب - صلاح غريبه – المسافر - فى 4 بعرفهم مابوريك ليهو لانو انت خاشى مع واحد فيهم فى كلاش بالاضافه الى انو اساسا هم ماختين صورهم).. · يلا كمان ابحث معاك الماشين فى سكة يمدو... او على وشك.. معلومه صغيره: ارجو ناذر ايضا ان تدعم بوستك بالجانب العلمى لكيون متكاملا موضحا الاسباب الرئيسيه لحدوث مرض الصلع من عوامل وراثسه والطفرات الاسريه التى تظهر احيانا من امد بعيد... وايضا التطرق للامراض التى تصيب فروة الراس (مثل مرض الصدفيه + الثعلبة ..الخ) ، ولاننسى عملية نقص اليود فى جسم الانسان تؤدى ايضا الى تساقط الشعر ؛ونلاحظ ذلك فى اهلك الذين فى الغرب (الغرابه) يغلب عليهم الجلحات عشان مافى سمك واليود الطبيعى متوفر فى الاسماك لذا نجد ان مرض الغده يكثره فى تلك المناطق بالاضافه الى مايسمى (جلحات)؛ برضو اتحققو من الملعومه دي !! فبقت عليهم ميته وخراب ديار (يود+ عوامل وراثيه بالاضافه للعوامل الحياتيه) لذا ليهم حق يعملوا حركات تحرير وتقسيم سلطه وثوره اول مطالبهم توصيل النيل لكل بقاع الغرب او الزواج حتى يتم الايتاء بصفات وراثيه جديده (لووول) ؛ اما فى مناطق الشمال المتاخمه للانهار والبحار يغلب على تساقط الشعر (الوراثه).. كذلك لانسى التطرق الى العوامل الحياتيه الاخرى وماطرا على جديد الحياة من منتجات مسبب لهذه التساقط بالاضافه الى متطلبات العمل فى هذه العصر ممن يحملون الاشياء فوق راسهم زمنا طويلا ايضا عموما كنقطه اضافية لم اتوصل الى ان التفكير يؤدى الى تساقط الشعر ارجو ان تبحث فى هذه انت والزملاء هنا فانا احيانا قليله اتابع مايجرى هنا على عجالة .. ايضا ..لماذا يكثر تساقط الشعر عن الرجال اكثر من النساء ؟! هل هذا يرجع الى الجينات السائده والمتنحية؟! اثر الاصباغ والكيماويات – الحمل وو الخ من هذه الاشياء ... الشكل التكوينى للصلع او الشعر المتعارف عليه فى بدا تساقط الشعر من الناحية الاماميه اتلى ان يصل فى شكل اقرب لشكل (الهلال او حدوة الحصان).. * طرق العلاج وشكل تقفل المسامات لبصيلات الشعر وعدم وصول الدم الى جذور ووو الخ (بالجد بوست دسم المعلومه واصل من الناحتين).. ايضا لاظت شى بانو التساقط عند الرجال ببدا تدريجيا لكن عند النساء ببدا بى كميات كبيره (يعنى الواحده بتكون بتسرح بتنزل ليها كمية شعر فى يدها ولا مو هيك يابنات).. بعدين معاكم الدكتور (معز) ياخ يعنى بوستك ده ممكن تمشى فيهو بعيد جدا تتسلى وتكتسب معلومه باعتبار انو دكتورنا ايضا من ذوى الاحتياجات الخاصه..ونحن على الدرب سائرون ابشر (لووووول).. *وياجنقلى حاشا مانسوك اهلك تضافروا هندسوك..(وجه مبتسم).. ملحوظه صغيره : نبهكك ليها خدر ارجو الانتباه او اتمنى ان يكون البوست محصور على الجانب الرجالى فى مايتعلق بالصور او بقدر الامكان ان ينحصر رجاليا (واعتقد انو الجندريات دى واحده من صورهم التى يتناقضون فيها بعدم المساواة عشان لمن قلنا فى فرق بين مساوة وتكامل ) عشان كده بوستات زى دى ماحتشوف فيها جندريات كتير الا !!!!! المهم. ؛ كمان اطالب خدر ايضا ان يسحب او يعدل مداخلتو بخصوص الاسم المذكور بعد ان يقوم ناذر بسحب الصوره حتى يكون اثر رجعى لجريمة ناذر ان صح التعبير.. ويلا لى قدام التحايا النواضر لجميع واخص ودعكر.. معتز تروتسكى

صديقي عمر



صلعة دخلت موسوعة جينيس للارقام القياسية


ليس للصلع و لكن لشيء في نفس يعقوب

كيفك يا خدر ..

Quote: ناذر لا ادري لماذا اقحمت صورة الزميلة نور تاور في البوست حتي وان كانت هذه دعابة اتمني ان تحذفها فليس معظم الناس علي علم بحجم زمالتكم او معرفتكم وربما فُهم الامر علي نحو خاطي

تعرق يا صحبي .. بعيدا عن موضوع صورة نور .. إتخيل كان في جندريات كتار (وجنادر) أكتر منهم عنهم صور في البروفايل أها لمن بديت ألم في صور (العلصات) في جندريات كتار سحبو صورم وكبو الزوغة !! ما شي يحير بالله !!!!

صنفرة :

هسي إنت وأنور وعصام ومنعم شوف كان عملتو فرقة غنائية حا تسموها فرقة شبابية كيف بي صلعكم العاملة زي المايوهات دي !!

ياسر طيفور والله إتأخرتا والنفس فكيتو هسي لي واحد مصلع لكن قال لي ما تقول إسمي

Quote: الفرق بين الصلعة الظلامية و الصلعة التقدمية شنة؟؟؟

دا أوجه سؤال لحدي هسي في البوست دا !!

شوف يا سيدي .. الصلعة الضلامية بيكون في أولا جمب الجبهة علامة سوداااااا زي علامة الصلاة لكن لمن تقرب منها شوية بتلقى العلامة ضربة مقصودة أو زي الحاكينها بي صنفرة عشان تظهر العلامة واضحة ..

أما الصلعة التقدمية فيها نفس العلامة ةفي نفس الحتة بس الفرق إنو العلامة التقدمية جات من اثر الكاب اليلبسوهو الجماعة ويكون مكتوب عليه USA أو دعاية بتاعت حليب نيدو .. أها التقدميين ديل وخوفا من أن تظهر صلعتهم للعيان بيشدوا رباط الكاب شديد عشان الطاقية ما تطير والعلامة البتظهر بتكون من أثر الرباط ..

صنفرة :

عشان تتأكد من كلامي أمشي أرفع طاقية سيف الجامعة وطاقية البروف ............. وزير الداخلية وقارن بين الصلعتين وافرز وخليك حريف !!

تروتو العجيب ..

تعرف يا كوجاك انا كنت متاكد إنك حا تظهر في البوست دا بي شكل أو بي تاني ..
والله إيميلك لذيذ وتعقيباتك مفيدة بس أنا ما مؤهل للكلام عن أسباب الصلع والأمراض البتسبب التصليع لكن أهو ننتظر البروف معز لحدي ما يجي ..

Quote: وايضا التطرق للامراض التى تصيب فروة الراس (مثل مرض الصدفيه + الثعلبة ..الخ)

تعرف يا تروتو مرض الثعلبة والضبعة البتقول عليهم ديل ما أدونا ليهم في المدرسة زمان لكن أنا متذ1كر في مرض إسمو (القوب) بيجي للأطفال الصغار وبيعمل صلعة مؤقتة للشافع .

صنفرة :

عندنا واحد في حلتنا جاهو قوب زمان لمن كنا شفع وسميناهو (أب قوبة) .. والغريبة لحدي هسي دا إسم الشهرة بتاعو مع إنو مرضو كان إسبوعين بس لكن اللقب بتاعو مسك فيهو قريب العشرين سنة !!!

شباب إنتباه بلاي ...

إليكم صورة النقاش العالمي دافنشي





تعرفوا يا شباب دافنشي موعود بي صلعة عظيمة تهزم كل صلع نقاشي العالم ..
خلو بالكم .. أنا ماقصدي الصلع الشعري أنا بتكلم عن الصلع الفكري البيعاني منو دافنشي وفاكيها في نفسو وفينا الأيامات دي !!

الدكتور بلة موسى





وينك يا دكتور طولنا ما شفناك ..!!
غايتو البعاين لي صلعتك دي ما بقول إنتا دكتور
من الملامح العامة للصلعة اكاد اشك انها ماركة مسجلة لفناني الحقيبة !!
ملامحها تشبه ملامح صلعة الكاشف لحد بعيد !!

أول إمرأة تصبح زعيمة لحزب سياسي سوداني
الزعيمة الاصيلة هميمة ..





لا شك ان جميع جندريات المنبر يفخرن بصلعتها التي بما تحمله من عقل وحكمة أهلتها لمنصب الزعامة .. ولا شك ان الطامحات لزعامة أحزابهن من عضوات المنبر يتمنين ان تكون لهن مثل صلعتها التقدمية الفريدة !!

ناذر سلام
الزول ده ما نصيح
فى دكة بعر مقلوبه
اخوى هناك يقلب هوبه
فى نص راسه قامت قوبه
لو الزول صلع بيكون من شنو !!!
وصلعتو ضلامى ولا تقدمى ؟
-------------------
انا بره الموضوع

الشباب والشابات .. المصلعين منكم والمصلعات ..

أقروا النكتة الفي الإيميل دا جاتني من زول متابع المنبر ..

Quote: الاخ ناذر تحية طيبه 00 صراحة كدت ان اموت من الضحك من موضوعك الاخير المصاعون والمصلعات بالمنبر حقيقة موضوع ظريف لكنى لم اسمع نكتة الببغاء هذه لذا ارجو منك ايرادها واكون ليك شاكر هاك النكته هذه عندما كنا ندرس فى الثانويه كان لنا زميل شعره مطاير لفوق وكان النوع المهمل فى التسريح فقام قال له الاستاذ قوم انت يا العامل شعرك ذى بخار البليله كده 00 مع خالص ودى قرندى

صنفرة :

بس تعرف ياظريف كان نفسي احكي نكتة الببغاء دي لكن الظاهر ناس المنبر ما دايرين يشجعوني عليها

بوست جميل يخفي وراءه العديد من الأسرار (الصلع)

رأيك شنو ياناذر في فكرة جميلة للناس دي تجمعهم كلهم

إتحاد أصحاب الصلع والجلحات

التسجيل مفتوح بدون أوراق رسمية وبدون واسطة

لكل الأعمار من الجنسين

شاورهم في الأمر


عامر الأمير

أبو شنب يا ظريف ..

Quote: فى دكة بعر مقلوبه اخوى هناك يقلب هوبه فى نص راسه قامت قوبه

من الواضح فعلا غنك برة الموضوع بتاع العلصات دا والظاهر غنك قدرت توفق في قسمة الثروة بين راسك وبين شنبك العامل زي الساعة تلاتة الا ربع دا

كيفك يا عامر ...

أول حاجة صورتك دي ليها كم سنة ؟؟
داير إتاكد بس عشان ما تكون خاتيلينا صورة ليها خمستاشر سنة وهسي تكون صلعتك عاملة زي حبل التيل التخين الشعر طولو بس من الاضان للاضان

Quote: إتحاد أصحاب الصلع والجلحات

شايف جمال حسن سعيد قالوا عندو اتحاد زي دا .. لكن انا غقترج نعمل واحد تاني بي نفس الإسم في المنبر دا وتكون فيهو عضوية للجندريات برضو

ابحث عن صور للأتية (صلعاتهن) :

(الباحثة عن الزواج )إيمان صالح ..
(التقدمية) منال (بتاعت المانيا ديك) !!
(الضلامية) نهال كرار )
(المناضلةالرافعا يدها لمن ملختها) نفرتيتي !!!!
(القايلانا ماعارفين حقيقتا) رندة منصور !!

صنفرة :

أمبارح كان في صورة جديدة (صلعة) لي واحدة من شاعرات المنبر نزلتا.. لمن جيت اختها هنا لقيتا سبقتني وجرت (فللي) سحبت الصورة بعد ما كشفت للبوست !!
أحسن ما اقول إسما وأخير ليها تجيب الصورة وما تزوغ !!

رايك شنو في الصلعة الإسفيرية دي

يا مان نحن في الإنتظار

واصل باقي الجندر وين ....؟

الاستاذ نازر

Quote: تعرف يا ناصر .. إنت لحدي هسي شعرك كويس زي ما انا شايف لكن تقعد تحك فيهو بالطريقة دي لإسبوعين تلاتة إلا تلحق بكري ابو بكر !!

أنت تعلم ان هذه ليست صورتي ولكني أستعنت بها بعد أن ساعدتني انت في انزال صورتي الاصلية ولكني رأيت ان احذفها من البروفايل لظروف النضال من اجل اهلنا في دارفور وحتى لا نكون عرضة للأجهزة الامنية وشعبة امن القبائل.

على كل حال اتقبل المزحة وبوستك ظريف ودمه خفيف .

أخوك ناصر خليل

ناذر الخليفة سلام

Quote: أمبارح كان في صورة جديدة (صلعة) لي واحدة من شاعرات المنبر نزلتا.. لمن جيت اختها هنا لقيتا سبقتني وجرت (فللي) سحبت الصورة بعد ما كشفت للبوست !! أحسن ما اقول إسما وأخير ليها تجيب الصورة وما تزوغ !!

والله انا زاتى متحيرة صورتى دى الشالها منو .. الحالة انا قايلاك ده انت !!!

اقايتو فى حاجات غريبة بتحصل فى المنبر ده !!


تفتكر مشت وين الصورة دى ياناذر ؟!!!

يا ناذر

واحد صاحبنا فى كندا مصلع، زول شباب و بيحب الجكس زى عيونو... المهم، عمل عملية زراعة بى 6 الف دولار لى مساحة 4 بوصات كده... يا زول ربك رب الخير، الشعر بدا يقوم و صاحبك عمل بارتى، و ديييك يا "القجة"...ان لاحظت انو الشعر الزرعوه قرقدى و بقية الشعر سبيبى...الشى المحيرنى يا ناذر الشعر الزرعوهو دا جابو من وين!!!

جاوب سؤالى ده و احكى نكتة الببغاء و ليك على لو جاتك صلعة، انا بدفع ليك حق الزراعة

صورة ايمان صالح

و الاصلية كمان

مش البطيخية اللي كانت خاتاها لينا في المنبر

أنا مستغرب للعدد الكبير بتاع الزوار والمتداخلين في يومين بس !!

ودا بيدل إننا شعب أصلع أو على الأقل نخشى على أنفسنا من الصلعة ولذلك لا شط عندي إطلاقا أن غالبية مرتادي المنابر الإلكترونية من أصحاب الصلع الفخمة ويبدو ذلك جليا من عدد الزوار الذي قارب الألف وثلاثمائة في يومين فقط !!

ترى هل هناك أي تعداد رسمي لعدد الصلع في السودان ؟!!

لا تتعجبوا للسؤال أو الفائدة التي سنجنيها من هذا إذ أنني إكتشفت أن هنالك علاقة وثيقة بين قادتنا السياسيين الذين يحكموننا وبين وجود الصلعة من عدمها وعلاقتها بالفشل والنجاح في إدارة نظام الحكم في بلادنا والدول المجاورة ..

صنفرة :

بما أننا شعب يعاني أغلبه من الصلع التي تشبه حالة الميتين مليون فدان البور (الصلعاء) الصالحة للزراعة وغير المستفيدين منها فأقترح بأن نطلق على بلادنا :
(السودان صلعة غزاء العالم) !!

كيفك يا ناصر خليل ..

Quote: أنت تعلم ان هذه ليست صورتي

لا بلاي !!! ما عارفة ما صورتك .. عامل كدة زي الطاقيك شلل

بعدين شنو حكاية سحبت صورتي عشان النضال !! دا حنك شنو دا كمان !!
ما هو قدامك بقال مناضل أقدم منك وحايم بي صورتو في أية حتة وبيظهر في التجمعات تاعت البورداب وزول سألو مافي !!

صنفرة :

خلااااص يا جيفارا

روميو البورد وكل بورد ..

Quote: صورة ايمان صالح و الاصلية كمان مش البطيخية اللي كانت خاتاها لينا في المنبر

دي ما الاصلية أنا متاكد الاصلية أكبر من دي وكمان ...
عندها صلعة كبيرة

صنفرة :

إتعلمت فرنسي ولا لسة !!

Quote: إتعلمت فرنسي ولا لسة !!

خليتو ليك انت
اتعلمو من صاحبك

تهريجة:

الصلعة الايمانية دي ( صلعة ايمان ) يعني
بتلقا الرابط بتاعها في بوست العرس حقك علي نجود هناك
عارفو ؟؟

الشاعرة الاوتومسفيرية الشهيرة نادية عثمان





يعني الواحد إلا يهرشك كدة !!
عاملة صلعتك العاملة زي نجفة الصالون دي

Quote: والله انا زاتى متحيرة صورتى دى الشالها منو .. الحالة انا قايلاك ده انت !!!

بطلي الحنك البتسوي فيهو دا !!
أشيلا اعمل بيها شنو!! والله إلا كان داير إستعمل صلعتك دي أوكرة كالون لي باب الهول

صنفرة :

لمن يعينوك مراسلة للتلفزيون شغليني معاك أأأأ شيال كميرا .. سمح !!

ياسر طيفور إنشالله لميت في النفس !!

Quote: ان لاحظت انو الشعر الزرعوه قرقدى و بقية الشعر سبيبى...الشى المحيرنى يا ناذر الشعر الزرعوهو دا جابو من وين!!!

تعرف يا ياسر زكرتني بي البنات بتاعننا البيمشو لي دكاكين (قدر ظروفك) قبل الحفلة .. الوحدة تخش وتتجلبط بي كل انواع الكريمات حتى لو كان كريم شانتيه وتجي الحفلة ناااااير وبيضااءء أها مجرد ما المطرة تصب وتحصل الكبسيبة والخوض في الموية تلقى الكراع لونا بقى زي لون الببسي كولا والوش بقى لونو زي لون الميرندا

صنفرة :

والله أنا بعرف حتة في جسم الإنسان بتكون نوعية الشعر فيهامختلفة عن شعر الراس !! وغايتو ما نسئ الظن بالراجل ساكت !!

ناذر
مساء الخير ونور الله صلعتك

ممكن نساعدك شوية ""




محسن خالد صلعة (تيموليلتية) ( مسحــــــوقة) سودانية وصيادة (الشعيرات )[/B]

سحــــــــقة :
محسن خالد ايام جامعة الجزيرة شعرو كان بيقعد فيهو ماعارف السحق راسه كده شنو؟؟؟

ناذر :

قالو الفي ايدو القلم بيكتب لنفسه (خنفس)

[/IMG][IMG]http://www.arab3.com/upload/images/Feb06/nazir_111111.JPG



ناذر محمد الخليفة صلعة (هندية)فنانة نجيييضة الدستة منها (بخمسة)
اوتار عود ... وممكن نملى ليك منها(صايد كاب) قدر ظروفك ....

صنفرة خشنة :-

انا بعرف واحد عندو صلعة ماشاء الله صايدكاب مابغتيها الى يغطوها (بكاب الجداد)

Quote: الأستاذ محمد الامين موسى .. ورغم هذه الصلعة العلمية القديرة التي تصلح لمختلف المهام الفكرية ، إلا انها لم تسعفه وتسعفنا بإيجاد حل لمشكلة اليخت المغروز في الرمال

إنتا ما شفت الصلعة بعد وحلة اليخت عفوا (اليخس) وصلت وين؟؟!!؟؟ الله لا يوريك ليها.. لقد اكتمل البدر!

برة ....


لكن في بدايات كدة في الجهة اليمين ....

!! شنو شنو !!! قلت شنو يا روميو !!!

أنا عرسوني لي نجود !!

متين الكلام دا !! والماذون كان منو !! أخدتو موافقة ناس البيت ولا لا !!

صنفرة :

بعدين يا خي أنا ما زمان قلت ليك أنا داير أقرا

البقاء للأصلـع


ياخي سيب العمة دي في محلها..

ناااااذر

تحسسك بالأمان يامان

فيها كمية من الإبداع







تخريمة :
عبير قارياني (علي وزن سامعاني )
في الجيش بقولو النشاط بغطي علي الغلط ....!

وسلام يغشاك وين ما كنتي
وربنا يحفظك يا رب

ود زبيدة

ود زبيدة

ناذر

الزول ده ذكرتني ليو الصلع دي

اها حلاقتو دي اسمها

Shake and Go

نااااذر
أنا ماشي احوم في البوستات تاني وبجي

المتواجدون الان بالمنبر العام 410 شخص » (36 )عضو و (374) زائرا

»Amin Elsayed
»AMNA MUKHTAR
»bakri
»bashir adam abdalla
»Biraima M Adam
»Dr.Mohammed Ali Elmusharaf
»EL fahal Abdelatif
»gannat
»Hassan M Saeed
»Mohamed Doudi
»Muna Khugali
»Munir
»NGABY AJOOZ
»Reem
»sari_alail
»Waly Eldin Elfakey
»yasir Abdelgadir
»أنور أدم
»ابنوس
»ابوعسل السيد احمد
»احمد معتصم الطيب
»الطيب بشير
»حسين يوسف احمد
»خدر
»خضر الطيب
»صديق الموج
»عبد الحميد البرنس
»عبدالكريم الامين احمد
»عبدالماجد موسى
»عبدالناصر معتصم
»فضيلي جماع
»فيصل نوبي
»محمد الامين محمد
»محمد حامد جمعه
»نادية عثمان
»ناذر محمد الخليفة
هذه الصفحة يعاد تحديثها كل 120 ثانية.

كفارة وسلامات
ده كلو من الصلع

نـاذر العـزيـز ..
التحـايـا والـود ...

قيـل لأمـرأة مقبلـة علـى الزواج ، مـن واحـد مصلـع :

"تـاخـدي أبصلعـة ،

ولا تـاخـديهـا منـي نصيحـة ؟؟

لـو ربنـا كـان بحبـو ،

كـان جـاب راسـو صليحـة ..!!!"

طبعـا مـا ح أقـول ليـك إختـارت شـنو ، عشـان مـا أحبطـك !!!

كيفكم يا شباب ..

تعرف يا روميو أنا مش قلت ليك زمان إنو في بوستات أنا مرات ما بلم فيها وبتطش مني !!

وحاتك بوست الصلع دا كست ليهو لحدي الصفحة التالتة ما لقيتو في النهاية إبليس وسوس لي قلت أمشي أكوسو في الخور بي ورا بي هناك .. مشيت برضو ما لقيتو ..!! هسي لو ما محرك البحث بتاع بكري دا ما اظن كنت حا ألم فيهو !!

صنفرة :

محمد الأمين موسى
جمال الصادق
ود زبيدة
وكل من مر بهذا البوست ..
يعلم الله طاقاني حمى من أمبارح لمن ما قادر أركز (ما عارف الدعى علي منو من المصلعين ديل) !! عشان كدة أعفوني من الرد عليكم واحد واحد .. الحاجة التانية يا منتصر ويا جمال .. صوركم الجبتوها هنا دي أنا ما ظاهرة عندي .. كدي حاولو دخلوها التحميض تاني وجيبوها عشان نقدر نفهم ونشوف معاكم ..

كفارة وسلامتك
أجر وعافية


انا غايتو برة موضوع العين دا
لأنو ما مصلع.. وما جبت سيرتي

Quote: هسي لو ما محرك البحث بتاع بكري دا ما اظن كنت حا ألم فيهو !!

ما ده الحل القلتو ليك

بعدين الحمي طلعت في راسك ولا شنو

في ملاريا بتحت الشعر اوع يكون نوعها ده عندك

ود عقيد ..

Quote: انا غايتو برة موضوع العين دا لأنو ما مصلع.. وما جبت سيرتي

أحمد الله أنا شفت صورتك القديمة الما فيها صلعة لكن لو كنت ما شفتها كنت حا أقول ليك أرفع عمتك عشان أتأكد


روميو ..

Quote: في ملاريا بتحت الشعر اوع يكون نوعها ده عندك

هي ملاريا ولا حاجة تانية ذكرتني بالامراض الجابا تروتسكي وقال بتحت الشعر الثعلبة والضبعة والبجعة

الرفيق حسين يوسف ..

Quote: تـاخـدي أبصلعـة ، ولا تـاخـديهـا منـي نصيحـة ؟؟ لـو ربنـا كـان بحبـو ، كـان جـاب راسـو صليحـة ..!!!" طبعـا مـا ح أقـول ليـك إختـارت شـنو ، عشـان مـا أحبطـك !!!

والله إنت ما حا تحبطني انا لأني لو كنت مكانا حا أعمل نفس العملتو

يلا عليك الله شوف لينا قصة لي لي واحد إتقدم لي واحدة مصلعة مع بيت الشعر القالو أهلو فيها

صنفرة :

يا حسين متابع محاكمة صدام الأيامات دي !!

برزان التكريتي دا ما تقولوا ليهو اجمد شوية !! شايفو متشنج وداير يخارج روحو بي أي طريقة !!

نـاذر العـزيـز ...
تحيـاتي ..

Quote: يلا عليك الله شوف لينا قصة لي لي واحد إتقدم لي واحدة مصلعة مع بيت الشعر القالو أهلو فيها

راجـع المـاسـنجـر .. يأ وغـد ...

صنفـرة :

قـد يكـون لاسمهـا بين السـنابل ..
مـا يعـادلـه ..
وقـد تتلـو ايتسـامتهـا غيـوم ..
لا تـراهـا - أو تـراهـا - العـيون ..
ولكـن لـن يقـدر للقصـائد ..
أن تغنـي قـامـة إمـرأة ،
بهـذا السحـر ..
لـن تصـف الأغـاني ،
كـوكبـا .. أو إمـرأة..
زهـرة .. أو حجـرا ..
ك(....) وهـي تورق ،
فـي خـريف العمـر ..
لا أحـد .. لا أردد اسمهـا..
إلا لأنسـى مـن جـديـد ..
رغبتـي فـي المـوت ...
كل ضفيرة من شـــعرك امرأة بكاملهـــا
باليــد نفسها تتمشطين
وتغسـلين العـــمر من أوجاعه
وتقلمين أظافرالأزهار
باليد نفسها
تتحولين إلى غـــبار أو إلى امـــرأة
فماذا تفعلين بما تبقى من يــــديك!!؟؟

(...)

الرفيق حسين ..

تحياتي لك راجعت الماسنجر وتفهمت الوضع ..
وستتفهم أنت أيضا الوضع خين أرد على رسالتك ..

صنفرة :

ما عندك صورة قديمة ليك لمن كان عندك صلعة

Quote: قـد يكـون لاسمهـا بين السـنابل .. مـا يعـادلـه .. وقـد تتلـو ايتسـامتهـا غيـوم .. لا تـراهـا - أو تـراهـا - العـيون .. ولكـن لـن يقـدر للقصـائد .. أن تغنـي قـامـة إمـرأة ، بهـذا السحـر .. لـن تصـف الأغـاني ، كـوكبـا .. أو إمـرأة.. زهـرة .. أو حجـرا .. ك(....) وهـي تورق ، فـي خـريف العمـر .. لا أحـد .. لا أردد اسمهـا.. إلا لأنسـى مـن جـديـد .. رغبتـي فـي المـوت ... كل ضفيرة من شـــعرك امرأة بكاملهـــا باليــد نفسها تتمشطين وتغسـلين العـــمر من أوجاعه وتقلمين أظافرالأزهار باليد نفسها تتحولين إلى غـــبار أو إلى امـــرأة فماذا تفعلين بما تبقى من يــــديك!!؟؟

رغم أن هذه القصيدة من أجمل ما قرأت مؤخرا من قصائد الغزل إلا أنني كنت أتمنى أن أد فيها كناية أو جملة تدل على صليعاء شعرها ولكني لم أجد

دي صلعة ولى قوبة يا ناذر

احمد عبدالله

Quote: دي صلعة ولى قوبة يا ناذر

البوست ده من عنوانو كان مكلوج

عشان كده جيت اشوف الحاصل شنو

بي طريقتك دي يوم بتعوق ليك زول

ناذرنا
لو جاك زبون عاوز ليه خمشة "تفة" بكسر التاء، قول لينا عوك
كل انواع الشعور
الشعر القرقدى داك الكلمتك بيهو
والشعر التحت الكتف

+++++++++++++++

صلعقة: من صعلقة

الزول/ة الرافع/ة يدو/ها، منتظرين صلعتوا/تا I mean طلتوا/تا

ناذر

سلامات


ياخي دا بوست رهيب


شكرا على الدعاية مجانيـة

تانيا


القراية ملحوقة يا ناذر


تحياتي

ناذز كيفنك

انا الممعوط انا الصلعي
انا الراسي عدمان الصوفي واضنيني مصنقعي
انا الفروة راسي نضيفة وماخدالا لمعي
يا حلات الطاقية فوق راسي منجدعي

Quote: يا زول هوي......بكري دا صاحبي....دي ما صلعة ..دي باروكة

شفت يا سجيمان العمى ده..ناذر بقى ما بفرق بين الصلعة و الوجنات

قال بكرى مصلع قال!!!!!!

هسع يا سجيمان عشان قلنا النصيحة يقولوا علينا متملقين،،،،،

هيع هع هاع هوع هاهاهاهاها
قرقر قرقر
لوووووووووول وستين لولوية
ده شنو يا ناذر ما بقيت لينا المنبر طبق بيض

أحمد عبد الله ...

Quote: دي صلعة ولى قوبة يا ناذر

شككتني في نفسي والحمد لله قابلت بقال ولقيتا صلعة !!

صنفرة :

لكن قبل ما افرح إكتشفت إنو الصلعة جات بسبب قوبة كانت قبليها

ياسر طيفور (أب عش) ..

Quote: الشعر القرقدى داك الكلمتك بيهو والشعر التحت الكتف

الشعر القرقدي إنت ما كلمتني عنو اي حاجة لإنو للأسف ما عندك شجاعة ادبية وقمت رميتا فيني انا المسكين دا وتميت ليك الكلام الخفت ما تقولو ...

صنفرة :

الشعر التحت الكتف دا ما ادونا ليهو .. يلا اعمل ليك شوية شجاعة كدة وورينا ياتو كتف ويا تو شعر ومحلو يالضبط وين .. قايلني عوير ليك تدقسني مرتين !!

طارق جبريل (أب علصة)

Quote: انا الممعوط انا الصلعي انا الراسي عدمان الصوفي واضنيني مصنقعي انا الفروة راسي نضيفة وماخدالا لمعي يا حلات الطاقية فوق راسي منجدعي

أنا الكوجاك انا الأصلع
أنا اللي مرارة الناس بفقع
صلعتي زي اللدومة ومعاها قرع
صلعة البشوفا من الخلعة قليبو يتقطع ..

صنفرة :

قايل روحك براك بتدوبي في الصلع

كيفك يا ود الموج ..

Quote: شفت يا سجيمان العمى ده..ناذر بقى ما بفرق بين الصلعة و الوجنات قال بكرى مصلع قال!!!!!! هسع يا سجيمان عشان قلنا النصيحة يقولوا علينا متملقين،،،،،

وجنات شنو وبطيخ شنو يا ود الموج العلصة شفتها بي عيوني دي ودخلت فيني خلعة أصلو ما حصلت ..

صنفرة :

بعدين الوجنات الوداها العنقرة شنو !! وجنات هي ولا زيت كركار

أوووووووووووووووووو

شيخ كبسيبة ..

Quote: ده شنو يا ناذر ما بقيت لينا المنبر طبق بيض

الزول الشين اب سنينات داك الكنت خاتي صورتو في بروفايلك عندو صلعة ولا ما عندو !!

صنفرة :

لو ما عندو اوعك تشتري ليهو باروكة ! قالوا البواريك الفي السوق كلها دنماركية الايامات دي

ناذر الخليفة
كيف حالك


طبعا دي فكرة ذكية عشان اصحاب الصلعات الزي زيك يقدروا يواجهوا جمهور البورد بكل قوة عين طلما الريس رئيس حزبنا.

Quote: ولعل ما في تحت صلعته يحمل لنا حلا لاهلنا في جبال النوبة وإقليم دارفور !

التحت الصلعة كجور نوباوي فاعمل حسابك منه وكان ما فهمت القاصدوا انا أسال الحمي الطلعت فى صلعتك.

مع ودي وحبى

Quote: طبعا قد تستغربون لكلمة (المصلعات) !! لا لا ما تستغربوا لإنو برضو عندنا (عضوات) كرام في المنبر وبرضو عندهن صلعة وبعد دا خاتات صورن في البروفايل (إتخيلوا) !!

الحمد لله النزٌلت عين وااااااااااااااااحدة بس....


ما بقدر على شيل الحال ده !!!!

شمس الدين السنوسي ...

Quote: التحت الصلعة كجور نوباوي فاعمل حسابك منه وكان ما فهمت القاصدوا انا أسال الحمي الطلعت فى صلعتك.

هو تراهو دا إنت يا أب علصة !!

الحمى الطلعت لي دي أنا شكيت تكون بسبب كجور ولا عمل من واحدة من المصلعات لكن أصلو ما ختيت في راسي إنو دا واحد من المصلعين !!

لكن أصبر لي بلم فيك في ملف ضيق بوريك الكجور الـ أأأأأ الجعلي عشان تشوفو حار كيفن !!

صنفرة :

كان قمت الصباح ولقيت في صلعة تانية جمب علصتك دي تعرف طوالي دا أنا

كيفك يا ممكونة ..

Quote: الحمد لله النزٌلت عين وااااااااااااااااحدة بس....

للأسف حتى العين النزلتيها فيها صلعة وبدون حواجب !!
ودا معناتو لو رفعنا الصورة على الراس فوق حا نشوف لينا منظر يخلع الشفع وغايتو إلا نرفع الصورة بعد الساعة عشرة بالليل بعد ما ننوم شفعنا عشان ما يجيهم أب كياس

صنفرة :

حسن موسى الظاهر ما شافك .. لو كان شافك كان بيلحقك ناس سجيمان ولؤي

ناذر
علشان الكلام ده قلنا احسن ما نجيب الصورة الواحد فينا مقتنع بأنو عنده جناحات لكن بعد بوستيك ده حرم انفلونزا الصلع عديل بتبقى
تحياتى

ناذر كيفنك

أنا الكوجاك انا الأصلع
أنا اللي مرارة الناس بفقع
صلعتي زي اللدومة ومعاها قرع
صلعة البشوفا من الخلعة قليبو يتقطع ..



انا ابو جلحات
انا الراسي زي دقداق شارع شنبات
انا الخنق ابو تفة ورماهو وفات
انا البيهبشوني بنتف ليهم صوف الشنيبات

واخيرا وليس اخرا قررت المناضلة نفرتيتي إنزال يدها بعد طول (رفاع) !!



[صنفرة :


ولا زلنا في إنتظار إنزالها لغطاء الراس لنشاهد أراضيها ورأسها وأفكارها (البور)!!

Quote: واخيرا وليس اخرا قررت المناضلة نفرتيتي إنزال يدها بعد طول (رفاع) !!

يا ناذر سلامات

انت يا ولد جنيت نفرتيتى شينة كدة!!!!!!!!انت يا أخوى الليلة
مالك المزاج ما اِنعدل - الليلة زعلتنى منك جد جد - نفرتيتى شنو
يا زول انت عاوز دكين ينفتح فيك و لا شنو - انا حسى ما كنت فى البورد
عندى واحدة قريبتى محسية و قامت ضربت لى تلفون زعلانة زعل شديد
كيف واحدة غيرا تكون نفرتيتى و قالت أمشى شوف الزول دة كاتب شنو
بالله غير نفرتيتى دى - بدل نفرتيتى سميها "كيس نايلو و الهوا شايلوا"
يا زول كلو شى و لا الغلط و الصلبطة حسى تقوم تصدق انها نفرتيتى
و تجينا قادلة و متألقة


شوف نفرتيتى الجد جد أهى دى






بالله تانى ما تغلط غلطة جوهرية زى دى
و شكرا

صلعة حجرية ياناذر



بعد إذن اخونا حامد

يا ناذر ممكن تعلن مسابقة أجمل صلعة في البورد وتحدد جائزة مالية لاحسن صلعة وثاني صلعة وثالث صلعة؟

Quote: ابحث عن صور للأتية (صلعاتهن) : (الباحثة عن الزواج )إيمان صالح .. (التقدمية) منال (بتاعت المانيا ديك) !! (الضلامية) نهال كرار ) (المناضلةالرافعا يدها لمن ملختها) نفرتيتي !!!! (القايلانا ماعارفين حقيقتا) رندة منصور !!

أنا متين ختيت صورتي


انت قايل كل الناس زيك

ولا علشان ترفع معنوياتك

كيفك يازول !!!

Quote: انت يا ولد جنيت نفرتيتى شينة كدة!!!!!!!!انت يا أخوى الليلة مالك المزاج ما اِنعدل - الليلة زعلتنى منك جد جد - نفرتيتى شنو يا زول انت عاوز دكين ينفتح فيك و لا شنو - انا حسى ما كنت فى البورد عندى واحدة قريبتى محسية و قامت ضربت لى تلفون زعلانة زعل شديد كيف واحدة غيرا تكون نفرتيتى و قالت أمشى شوف الزول دة كاتب شنو بالله غير نفرتيتى دى - بدل نفرتيتى سميها "كيس نايلو و الهوا شايلوا" يا زول كلو شى و لا الغلط و الصلبطة حسى تقوم تصدق انها نفرتيتى و تجينا قادلة و متألقة

يا اخوي إنت ما بتعرف خاجة إسمها رفع الروح المعنوية ولا شنو
يعني أنا شفتها رافعة يدها فقلت بالمرة ارفع معاها روحا المعنوية لزوم المعاضدة وكدة !

صنفرة :

لكن بيني وبينك الشبه خاصل بين نفرتيتي الإنت جبت صورتا وبين نفرتيتي التايوانية المعانا هنا !!

بالمناسبة نفرتيتي الإنت جبت صورتا عندها صلعة ولا ما عندها

كيفك يا سالمات ..



ضخكتني بي كلمة صلعة حجرية دي

كيفك عثمان ..



يا ناذر ممكن تعلن مسابقة أجمل صلعة في البورد وتحدد جائزة مالية لاحسن صلعة وثاني صلعة وثالث صلعة؟

والله ممكن اعملا لكن لو بكري ابو بكر طلع الطيش حا يرفدنا كلنا ..

أخير نقرض على كدة والعارف صلعتو مستريح

نهال كرار ما تتشنجي بالله !!

Quote: أنا متين ختيت صورتي

ما هو عشان إنتي ما ختيتيها أنا كايس ليها ..
بعدين ما تتعقدي يعني ممكن تختيها وتكوني لابسة أأأأأ نينجا

الاستاذ على اسماعيل ..





إستفدنا منه جدا بكتاباته العميقة عن بادية الحوازمة !!

Quote: يا اخوي إنت ما بتعرف خاجة إسمها رفع الروح المعنوية ولا شنو يعني أنا شفتها رافعة يدها فقلت بالمرة ارفع معاها روحا المعنوية لزوم المعاضدة وكدة !

سلام يا ناذر

يا زول انا ما كنت قايل القصة رفع روح معنوية - انتو يا ربى قصة الرفع الماشى
فينا اليوميين ديل شنو ناس رافعة اِيدا و ناس بترفع روح معنوية و ناس ترفع
بوستات ساكت - و غايتو انا داير حاجة أرفعا عندك أى اِقراحات!!!!!!!!

بعدين نفرتيتى الجد جد دى بالغت فيها - جكس نضيف - سكر بس زى العسل يبقى عندها
صلعة كيف - انت قايلا مناضلة و لا شنو - انا منتظر باقى الصور ولى قدام

اها يا ناذر رأيك شنو في الصلع ديل؟

كيفك يا زول ..

Quote: و غايتو انا داير حاجة أرفعا عندك أى اِقراحات!!!!!!!!

والله عندي إقتراح لكن خايف أقولو ليك واوصفو ليك بطنك تطم ولا يجيك برجم ولا بهق ولا إنفلونزا الحصين

صنفرة :

خليك حريف يا قدد (الفلم هندي أوعك تاكل باستة)

كيفك يا عثمان ..

Quote: اها يا ناذر رأيك شنو في الصلع ديل؟

يا خي والله الصقور المصلعين ديل مبالغة عديل !!

صنفرة :

ما عندهم معانا عضوية في المنبر الجماعة ديل !!
والله دا ياهو الناقص داير تعمل عضوية لي صقور في المنبر !
وكمان عندهم صلع !

الأستاذ محمد عبد القادر سبيل !!

للبوست بقية !!!!

في زول في البورد بيشبه بيتلجوس Beetlejuice وطارح نفسو توم كروز


ليه يا ناذر ما طالبت بصورتي يعني عشان حيزبون وشمطاء
تتجاهلوني كدا

عندى علاج لكل المصلعين يا أبوالنيز
لكن لو بحت بالسر بوستك العجيب دا حايبور
وسوف يصبح بوست المشعرين والمشعرات
ولن تجد صلعة حايمة بالجوار
عشان كدا بنتهز السانحةدى وأكون إنتهازية وأشوف البدفع منو
صاحب البوست لإنقاذالبوست من الغرق
ولا أصحاب الصلع لأنقاذ أنفسهم من البؤره والشنة
أناجاده فى الطرح لكل المصلعين والمصلعات

والله يحى العظام هى رميم فمابالك بالصلع
والله على كل شئ قدير
والله جعل لكل داء دواء




صنفرتك العجيبة( الموضة القايمين فيها ناس البورد)
العلاج لا يكلف سوى قدرتك الشخصية وقوة التحمل وحبه مجهود
وإستمراروطولة بال والخلوةبنفسك عن حبايبك

الأستاذ بناديها !!

الضلامية بيان ...

Quote: ليه يا ناذر ما طالبت بصورتي يعني عشان حيزبون وشمطاء تتجاهلوني كدا

العفو والله ما متجاهلك .. لا حيزبون لا بطيخ !!

بعدين إنتي نسيتي أنحنا إتقابلنا وعرفت الفيها

صنفرة :

أنا داير أشوف صلع الشمط الما قابلتهم !!

وجن !!!

شرفتي دكان الحلاقة والله !!

Quote: العلاج لا يكلف سوى قدرتك الشخصية وقوة التحمل وحبه مجهود وإستمرار وطولة بال والخلوة بنفسك عن حبايبك

يا بت الناس هسي والله خوفتيني !! دا يا هو علاجك الدايرة تهددي بيهو البوست !!
بالمناسبة أديك سر .. إنتي عارفة الأساتذة الفوق ديل جاتم صلع في شان شنو !!

في شان إنهم زمان لمن كان شعرم حدو النخرة كانو بيستعملو نصبحتك دي (ساي لله في لله كدي) !! أها بعد فترة لقوا جاتم صلعة بسبب الوصفة دي !!

نعلك دايرة تدقسيهم يجربو الشغلة دي تاني !!

غايتو لو دقسوا وسمعوا كلامك .. الصلعة زااتا بتتساقط وتحتا حا يظهر الـ أأأأأأ المخيخ الجواني والمشكلة المخيخ الجواني العلماء قالوا فيهو صلعة !!

صنفرة :

بمناسبة زيارتك لينا .. ما تورينا صلـ ... قصدي صورتك !!

Quote: العفو والله ما متجاهلك .. لا حيزبون لا بطيخ !! بعدين إنتي نسيتي أنحنا إتقابلنا وعرفت الفيها

يا يابا تتبارك اها اول ما يرجعو التوقيعات دا حاعملو توقيعي..
لانه بالجد لقيت قصة حيزبون دي ما جايبة تعبها.

قرقرقرقرقرقررر

بالمناسبة يا دكتورة كلمة حيزبون دي جات من شنو !!
زمان لمن كنت قومي عربي سمعت العبارة دي أول مرة في قصيدة حفظتها بتقول ..

بغداد شمسك لن تغيب وقد إمتشقت الأن سيف الكيمياء
فإذا بأسطول الخنا والحيزبون المومياء
والنفط والدولار والحظ الملفق والصليب !!

صنفرة :

الكلمة دي عندها علاقة ببغداد صدام ولا جات في القصيدة دي (باي أكسدنت) !!

الاستاذ ناذر

تفاجات بانك كنت قومي عربي رغم ان ما بك من فن وإبداع لا يشبه القوميين العرب في كثير أو قليل .

على كال حال جئت لأشرح لك معنى كلمة الحيزبون ., ولا ادري لماذا ربطتها بعاصمة العراق بغداد .

الحيزبون هب المراة العجوز الشمطاء والتي لا شغل لها غير القطيعة في باقي نساء الحي بالباطل او بالحق أما اصل هذه الكلمة فأعتقد انها تركية وغير عربية .

مع خالص إحترامي لضيوفك المصلعين والمصلعات !

ناصر محمد خليل ..

شرفت البوست يا رااجل ..

Quote: تفاجات بانك كنت قومي عربي رغم ان ما بك من فن وإبداع لا يشبه القوميين العرب في كثير أو قليل

الكلام دا ما سليم يا مان .. القوميين العرب ناس فنانين وجميلي الدواخل وإنت الظاهر عليك ما بتعرف عنهم كتير ..

أما موضوه شرحك للحيزبزن فما قصرت بس كنت داير أعرف أصل الكلمة ..

صنفرة :

ناصر حا أكرم حضورك بي نكتة قديمة لكن في إستايل أوتومسفيري مواكب التطور الحاصل ..

قال ليك في واحد عندو صلعة (يمين قالو لو قشاها بي ليفة ساكت الليفة بتنزلق) !! أها هو كان متعقد من الصلعة شديد وداير ينتحر .. لقى ليهو واحد صحبو بتاع حنك دقسو وأقنعوا إنو الصلعة دي للعباقرة وربنا ما بديها لي أي زول : قال ليو كدي أخد ليك لفة في السوق العربي دا وأسأل أي زول عندو صلعة حا تلقاهو زول عظيم ..

صاحبنا قال يجرب مشى السوق العربي سأل ليهو أول زول قابلو : الأخ شغال وين ؟ قال ليهو أنا محاضر في جامعة الخرطوم .. صاحبنا إتكيف ومشى لي قدام قابل واحد مصلع تاني قال ليو : الأخ مؤهلاتك شنو : قال ليهو أنا دكتور وعندي مستشفى خاص ..

المهم صاحينا سأل ليهو كم واحد مصلع ولقاهم ناس كبار في المجتمع قام إقتنع وفرح والعقدة راحت .. لمن هو راجع قابل واحد مصلع قام سألو الأخ شغال شنو : داك قال ليهو أنا بكتب في سودانيز أون لاين !! صاحبنا حمبك وعقدوا رجعت ليهو تاني رفع يدو (وصاج) خبت داك في صلعتو وقال ليهو بي زعل : دي هسي شغلة دايرا ليها صلعة !!

Quote: قال ليهو أنا بكتب في سودانيز أون لاين !! صاحبنا حمبك وعقدوا رجعت ليهو تاني رفع يدو (وصاج) خبت داك في صلعتو وقال ليهو بي زعل : دي هسي شغلة دايرا ليها صلعة !!

الاخ ناذر

لك الشكر على طرح هذا الكشكول الفكاهي المعنى والمضمون ..

تصدق وتآمن بالله ..شولة.. كلامك ده كلو تمام بس ياخي انت أجحفت في حق بعض الناس - وأنا ما منهم- بس كلامك دااك معناه تاني..

بعدين تعال..انت ما سمعت بالمثل البقول ((عمرو الشعر (بفتح الشين)ماكان زينة للرجل..))

والمثل التاني (ما عندو علاقة بالموضوع) رجل لا ينبت الشعر في وجهه ( بدون زكر الرأس) ليس أجدر ان تطلق عليه اسم الرجولة. وفي روايه ( في ووجهه ورجليه وأنفه وصدره).. والعهدة على الراوي.....

ولك والود

Quote: شايفك داسيها كويس لكن نصيحتي ليك ألحق نفسك خلال الشهرين الجايات ديل !! ألحق نفسك أحسن من تلحق أمات طه

يا ناذر


لم أدخل هذا البوست لأننى كنت أظنه لا يخصنى !!!
حألقاك اول أبريل شرطاً مع ملاسى لترى الصلعة
ويرى الحقيقة ..
هذه عمايل محمد عبد الرحمن بتحريش من ( خدر) فى حفلته بالدوحة
والموضوع زاوية الكاميرا ..

قلت لى ما فى صقور فى المنبر
أسأل شماشى ؟؟؟

الاخ معتصم الطاهر !!!

شنو جايينا متاخر كدي بعد ما صلعتك قامت

Quote: لم أدخل هذا البوست لأننى كنت أظنه لا يخصنى !!! حألقاك اول أبريل شرطاً مع ملاسى لترى الصلعة ويرى الحقيقة .. هذه عمايل محمد عبد الرحمن بتحريش من ( خدر) فى حفلته بالدوحة والموضوع زاوية الكاميرا .. قلت لى ما فى صقور فى المنبر أسأل شماشى ؟؟؟

معتصم صدق وتامن بالله أنا ما ضحكت في حياتي بقدر ما ضحكت في كلام شماشي لي عمر الفاروق عن الاستاذ الاداهو نمرة كاملة في الانشاء

صنفرة :

لكن اول مرة اعرف إنو الاستاذ دا عضو معانا هنا في المنبر بس ربنا يجيب العواقب سليمة

معانا هنا في المنبر طلبة صغار نفسهم يقفلوا الإنشاء

الاخ حاتم ..

Quote: تصدق وتآمن بالله ..شولة.. كلامك ده كلو تمام بس ياخي انت أجحفت في حق بعض الناس - وأنا ما منهم- بس كلامك دااك معناه تاني..

أقرأ مقدمة هذا البوست حتى تعلم انني لا استهدف السخرية من أحد !!
جميع أعضاء هذا البورد يعرفونني جيدا وأنني أبادلهم كل إحترام وانت ترى ان جميعهم تقبل المزحة في هذا البوست .. هل قرأت أحدا يستهجن ما طرحته هنا ..!! ولعلك تلاحظ أن خدر نفسه وضع صورته وصورة ثلاث أعضاء أخرين دليل على تقبلهم المزحة ودونك بوست كاتبه عضو المنبر أنور أبو قايدة في الصفحة الاولى بإسم عصام عبد الحفيظ .. إذهب إلى هنالك لترى بنفسك أريحية التعامل !!

صنفرة :

أما إن كنت تعني بأنني أجحفت في حق (ست الودع) ذاك .. فهذا شأن اخر !!

صديقي الدكتور المهذب الخلوق والي الدين الفكي !!





وهو أول من عرض لي سمكرة اسناني حينما كنت اعاني من (وجع الضرس)

الأخ ناذر الخليفة والمتداخلون ضمه خنافس ومصلعون
أسعد الله أواقتكم بالخير والمسرات
زي ما في صلع طبيعي أو لا إرادي هناك صلع صناعي أو بالمزاج وإليكم أعزائي رواد المنبر وضيوفه الكرام نماذج من الصلع الصناعي




مصلوع في جبيني غرامك وإنت عارفو

نوع من أنواع الصلع الصناعي

الملا عمر ..

وينك ووين ايامك .!!!

شكرا على رفع المعنويات المنهارة !!

صنفرة :

ما عندك صور لي مصلعين وراضية بطبيعتا إنها تقبل بالشعر الإصطناعي مع النماذج المصورة !!

ولا دي صعبة شوية

أخي ناذر الخليفة
يرفع إلى حين ميسرة ومقدرة وتمكين في الرد وجلب الصور وغيرها من الأدلة المادية لتعضيد هذا الفكر عضت كلبة ناس حسين أركوف عدوك المعاديك في الدنيا إن شاء الله وأركوف هذا ليس روسياً أبيضاً أو أوكراني بل من جبال النوبة.
قالت الحكامة أو الغناية بعد أن شحت كلماتها وقلت أغنياتها وبح صوتها في إحدى التمارين المغلقة على الصالة المغطاة لتعليم العروس فن الرقيص ، أموت أنا في الخنافس وأريت أب صلعه طاير ، فهي لم تكتفي بموتها في تلك الرؤوس أمات قجج بل إغترفت إثماً عظيماً برغبتها في تطيير كل من له صلعة.
هناك نساء صلعاوات غير أنهن عسل برغم الريح ورغم التصحر جمال ما حصل وهاك نموذج لذلك:

الملا عمر ...

Quote: هناك نساء صلعاوات غير أنهن عسل برغم الريح ورغم التصحر جمال ما حصل وهاك نموذج لذلك:

ترى هل (صلعاواتنا) أيا بهذه العسولية التي يمتاذ بها هذا النموذج !!

صنفرة :

مجرد سؤال برئ !!!

والله يا ناذر أخوي الكلام دخل الحوش وحيث أن الدخول والخروج هما حالة توثيق بغض النظر عن الإتجاه يبقى أن أتوكل على الله وأتوكأ على أم أحمد ذات الشامة وأقول بأن صلعاواتنا لم يصلعهن إنس ولا جان بل صلعهن الزمن حتى أصبحن يرددن في سرهن وعلانيتهن الزمن غير ملامحنا ، والتغيير في حالة صلعواتنا هو ومع شديد الأسف للأسوأ.
مشكلة مشاكل الكثير من نساء العالمين هي اللون والشعر لكن كثيرات أيضاً من نساء العالمين لم يفهمن بعد قول الحبوبات والأمثلة العوضية " التسوي كريت في القرض تلقاهو في جلدها " وبالضرورة القرض ربما تعدل فأصبح فير أند لفلي وديانا غير أن جلد كريت يستره بعض الشعر الذي خالطه صلع بين نتيجة للجرب والقرض ، أما جلودهن فإنهن مشكلات أى لهن من الألوان عدد ألوان قوس قزح وإن لم يكن هنا مراعاة للتدرج أو التداخل في الألوان ، وأعتذر وأنا أشبه مثل هذه السنح جمع سنحة بلوحة تشكيلية أرى فيها شخبطة ألوان لا أفهم معناها ليس لعيب في اللوحة أو الفنان حاشا لله ولكن العيب البين في إدراكي وحسي الفن المتبلد بس برضو من غير المعقول تكون لوحة على شاكلة Garcon à la pipe للفنان الشين شديد بابلو بيكاسو قد بيعت بمبلغ 1ر104 مليون دولار أمريكي بتاريخ 4 مايو 2006م لا وإيه قيمتها الحالية قالو وصلت 9ر106 دولار أمريكي يعني لا تقول لي خام برنت لا مزيج النيل لا قطن طويل التيله لا ثروة حيوانية.
سؤال على الماشي:
مسئولين من الخير : ثروة زي دي إذا قدر لنا إمتلاكها حا يقسموها كيف ؟

يبدو أنني بدأت أنعق خارج السرب وآن لي أن توقف حتى لا أفسد أصل الموضوع وأخرج به كما تخرج الشعرة من العجين ما دام الأمر يناقش القشور والتساقط والصلع عند الجنسين